Hikoyalar (G&M)

30 January 2023 06:10

Динимизда мушукка алоҳида эътибор берилади. Пайғамбаримиз Муҳаммад соллаллоҳу алайҳи васаллам “Расулуллоҳ соллаллоҳу алайҳи васаллам:  “Албатта, у (мушук) нажас эмас, у сизларнинг атрофингизда айланиб юрувчилардандир”, деганлар (“Сунан” эгалари ривоят қилганлар).

Динимизда масжидга киришига рухсат этилган ягона ҳайвон мушук ҳисобланади. Шунингдек, Муҳаммад (с.а.в.) ҳам кийимларида мушук ухлаб қолганида, унинг уйқусини бузмаслик учун кийимларининг ўша қисмини кесиб, кейин ўринларидан турганлари ҳақида ҳадислар бор. Бундан ташқари, саҳобалардан бири Абу Ҳурайра (“Мушуклар отаси”) ҳам мушукларга меҳр қўйгани билан машҳур.

ИЛТИМОС, МУШУКЛАРНИ ҚИЙНОҚҚА СОЛМАНГ!

Hikoyalar (G&M)

29 January 2023 14:48

Ривоятларда келадики, бир куни шайх Абдулқодир Жийлоний шогирдлари билан Боғдоднинг қадимги кўчаларидан ўтиб кетаётган эди. Йўл четидаги ариқда кийимлари абгор ҳолда бир маст одамнинг ётганини кўрдилар. Маст уларни тўхтатиб шайхга қараб "Эй Абдулқодир! Аллоҳ қодирми ёки қодир эмасми?" деди. Шайх табассум қилиб "Албатта, Аллоҳ қодир" деди. У иккинчи марта "Эй Абдулқодир! Аллоҳ қодирми ёки қодир эмасми?" деди. Шайх яна табассум қилиб "Албатта, Аллоҳ қодир" деди. У учинчи марта "Эй Абдулқодир! Аллоҳ қодирми ёки қодир эмасми?" деди. Шунда шайх Абдулқодир йиғлаб саждага бош урди. "Албатта, Аллоҳ қодир... Аллоҳ қодир... Аллоҳ қодир..." деди. Сўнг шогирдларига уни олиб бориб ювиб-тараб ҳурмат кўрсатишни буюрди. Шогирдлар шайхнинг ушбу ишидан таажжубга тушдилар ва маст кишининг сўзидаги маъноларни сўрадилар. Шайх " У биринчи саволида "Аллоҳ мени тавбамни қабул қилишга қодирми" деб сўради. Мен албатта, деб жавоб бердим. У иккинчи саволида "Аллоҳ мени сенинг мақомингга кўтаришга қодирми?" деб сўради. Мен албатта, деб жавоб бердим. У учинчи саволида "Аллоҳ таоло сени менинг ўрнимга тушириб юборишга қодирми?" деб сўради. Мен қалбимда қўрқинч пайдо бўлиб йиғладим ва албатта, албатта, албатта.., деб жавоб бердим. Сўнг Аллоҳга ўзининг макри (синови)дан хотиржам қилиб қўймаслигини сўраб дуо қилдим ва саждага йиқилдим" деди.

Ибрат..

Эй инсон! Мартабанг, амалинг, ибодатинг, илминг, соғлигинг, мол-давлатинг, болаларинг, насабинг ва кучингга мағрурланиб қолма!

Ўзгартирадиган, лекин ўзгармайдиган Зот ҳар қандай нуқсондан пок зотдир.

"Аллоҳнинг "макри"дан хотиржам бўлдиларми? Аллоҳнинг "макри"дан фақат зиён кўрувчи қавмларгина хотиржам бўлурлар."
(Аъроф сураси 99-оят)

Куфр ва гуноҳга тушиб қолишдан қўрқиб яшанг. Ўзингизга ишониб қолманг. Чунки сиздаги барча яхшиликлар Аллоҳнинг тавфиқидан. Ўзингизга ташлаб қўйиши бу унинг "макри" дир.

Hikoyalar (G&M)

29 January 2023 03:17

✒️ Катта хато.

Ғазаб билан хотинини чақирди. Отасининг бақир-чақиридан чўчиб уйғонган икки бола уйқули кўзларини ишқалаганча ётоқдан бирин-кетин чиқиб келди. Жаҳлдан гезариб кетган отасини кўриб қўрқувдан овоз чиқармай бир курсига икковлашиб ўтириб олдилар.
Болаларидан ташвишланаётган хотинининг хавотирига парво қилмай бақирди:
- Сенга бугун йиғилиш бўлишини, мовий кўйлагимни дазмоллаб қўйишингни айтмадимми, айтдим! Сенга гапиряпман, тағин менга “Қаҳваранг кўйлагингизни кийиб кетаверинг” деб ақл ўргатасан. Ахир бугун лойиҳамнинг тақдимот маросими-ку! Қаҳваранг кийим кишига тушкун кайфият беради. Нутқимни тинглаганлар “ўзига ишонмаяпти, лойиҳаси ҳали пухта ишланмаган экан, чоғи” деб ўйласинми? Айт, сен шуни истаяпсанми?!
Шоша-пиша эрининг мовий кўйлагига дазмол босган аёл:
- Бўлди, хожам, мана, тайёр бўлди кўйлагингиз, - деди.
Эркак кўйлагини қаҳр билан ола туриб:
- Ҳа, тайёр бўлди, лекин мен кечикканимдан сўнг тайёр бўлди. Сенга шу керак эди, кўнглинг жойига тушгандир, ҳойнаҳой? - деди. Ҳамон ғазабда эди.
Хотини қўрқувдан титраб турган болаларининг юзига бир қур кўз ташлаб:
- Кеча ҳозиргидан ҳам кеч чиққандингиз. Қайғурманг, вақт бор, етиб оласиз, - деди.
- Ууфф, қандай тушунмаган одамсан-а?! - Эркакнинг ғазаби тошди яна.
– Тақдимот маросимини мен бошқараман, деяпман. Ҳаммадан аввал бориб, хос меҳмонларни қарши олишим, “Хуш келдинг, хуш кўрдик” қилишим керак. Э, сенга гап тушунтиргунимча...
Эркак яна нималарнидир ғудрана-ғудрана ташқарига чиқди. Жаҳл билан машинасига ўтриб, уйдан узоқлашди.
Рулга жаҳл билан ўтирган эрининг авзоидан хавотирланган аёлнинг кўнглидан “Ишқилиб, бирор кор-ҳол бўлмасин-да. Соғ-саломат эшикдан кириб келсин” деган ўй кечди. Эри кўздан узоқлашгунча унинг ортидан термулиб турди-да, сўнг уйга кириб болаларини бағрига босиб, эркалади:
- Модомики эрта уйғонибсиз, ҳозир сизлар учун шоҳона нонушта тайёрлайман.
Айвонга ўтиб, хаёлидаги беҳаловатликни қувиш учун радиоприёмникни ёқиб, мурватни қувноқ мусиқа таралаётган каналга бурди. Газ плитасини ёқиб қайнатишга тухум қўйди, сут қайнатди. Дастурхонга зайтун меваси, пишлоқ ва мураббо қўйишни ҳам унутмади.
Нонушта ҳозирлаб болаларини чақирди:
- Болалар, қани дастурхонга!
Болалар нонуштага ўтираркан, бирдан радиодаги мусиқа тинди. Сухандон сўнгги хабарларни ўқиб эълон қилишини эшиттирганди аёл радио овозини баландлатди. Сухандон бир нечта автомобиллар тўқнашуви сабабли юз берган автоҳалокат хабарини берди. “Ҳозирча ҳалокат тафсилотлари номаълум. Янгиликларнинг кейинги дастурларида ҳалокат хусусида батафсил хабардор қиламиз” дея сухандон навбатни яна мусиқага берди. Ҳалокат юз берган жойни эшитиб аёл ерга ўтириб қолди.
Хабарда кўрсатилган жой- ҳар куни эри қатнайдиган чорраҳа кесишмаси эди. Эрининг чорраҳадаги тирбандликдан шикоят қилиши, ҳар эрталаб машиналар тирбандлиги асаббузарликларга сабаб бўлишини айтиб нолигани эсига тушиб ваҳимага тушди:
- Кеч қолдим, деб жаҳл қилганди... Наҳотки, эрим...
Хаёлига келган ўй бадтар ичини ёқди. Дарҳол ўрнидан туриб, болаларига тайинлади:
- Болалар, газга яқин борманглар. Нонуштангизни қилиб, айвонга ўтинг. Ўйнаб ўтиринг, эшикни ҳеч кимга оча кўрманг, хўпми?
Болалари эс-ҳушли, гапга кирадиган бўлса-да ҳатто бир озга уларни ёлғиз қолдиришга тўғри келганида ҳам қайта-қайта тинч ўтиришларини тайинларди.
Эшикка йўналаркан, эрининг автоҳалокатга учраб вафот этганини тахмин қилиб, қўрқиб кетди ва юраги бесаранжом бўлиб, йиғлаб юборди. Болалари кўз ёшларини кўриб қолишидан чўчиб, ошхона эшигини секин бекитди.
Эрининг вафот этганини тахмин қилгани сари, отаси болалар олдида бақирганини ўйлаб эзилди. Балки бугун сўнги куни бўлгани учун ҳам шунчалик ўзини билмас даражада қаҳр-ғазаб қилдимикан? Бўлмаса ҳеч қачон бунчалик жаҳл чиқмаган, болаларнинг олдида хотинига танбеҳ бермаган одам айнан бугун ҳеч қилмаган дағдағаларини бир неча баробарига чиқарадими? “Агар эрим вафот этса, болаларим оталарини сўнгги бор кўрганларидек хотирлайдиларми? Оталари ўғилларимнинг тасаввурида дилозор, жаҳлдор одам сифатида қоладими?” дея ўйлади.Эшикдан чиқаётиб яна бир бор болаларига овоз берди, бироқ бу гал юзларини

Hikoyalar (G&M)

28 January 2023 15:08

https://kun.uz/47411600

Hikoyalar (G&M)

28 January 2023 07:55

✍Ўқитувчи мудир хонасини эшигини жаҳл билан очиб, ўқувчини мудир томон итариб юборди. Ўқитувчи тинмай ўқувчини ҳақоратлар эди.

Мудирга Марҳамат, кўриб қўйинг, кийиниш услубига назар солинг, - дея ўқувчининг кўйлагини енгидан кўтарди.

Ўқувчи оқиб тушаётган кўз ёшларини яширди. Мудир эса ҳайратдан турган жойида тикилиб турарди. Ўқитувчи (назарида) «қурбонлик»ни «жаллод» га топшириб чиқиб кетди.
Мудир қаршисидаги болани синчиклаб кўздан кечирди. Одамни эътиборини тортадиган кийиниш услубига разм солди.
Кийими ўзига катта, осилиб ётар, енглари шимарилган эди. Мудир:
-Ўтир, ўғлим, - деди.

Ўқувчи мудирнинг муомаласидан ажабланганча ўтирди. Ўртага сукунат чўкди.

Ўқувчининг ёши кичиклиги ва ўқитувчининг қўйган айблови мудирни ажаблантирарди. Ўқувчи эса, ғазабнок муаллимининг гиж-гижлашига қарамай мудирнинг ҳотиржам ўтиришидан ҳайратда эди.

Ўқувчи мудирнинг савол беришини кутиб ўтирарди.
Мудир:
- Нима бўлди? - деди.
Ўқувчи:
Дафтаримни олиб келмадим. -деди.
Мудир:
Нимага? - деди.
Ўқувчи:
- Янги дафтар олиш эсимдан чиқибди.
Мудир:
-Эски дафтарингчи?

Ўқувчи уялиб жавоб бермади. Мудир янада мулойимлик билан саволини қайтарди. Ўқувчи жавоб беришга мажбур бўлди:

Кечки ўқишда ўқийдиган акам олди.

Мудир болакайга меҳрибон оталарча боқиб:
Ўғлим нима учун катталарга тақлид қиласан? Узун кўйлак кийиб, енгларингни шимариб олдинг? -деб
сўради.
Жавоб тариқасида айтилган сўзлар, болакайнинг қалбиданда оташин эди.

Мудирни бутунлай ҳайрон қолдирди. Жавоб чақмоқдек мудирнинг қулоқлари остида жаранглади:

Кўйлак меники эмас, акамники. Мен кундузи кияман. Акам эса мактабдан қайтганимдан сўнг, кечки мактабига кийиб кетади.
Мудир ўзини зўрға тутиб турарди, кўзларидан ёш қуйилиб келаётганди.

Болакайни мураббийлар хонасига чиқишини айтди. Ўқувчи чиққач, хонасини қулфлади. Боланинг кийишга кийими, ёзишга ўзининг дафтари йўқлигидан раҳми келиб йиғлаб юборди. Бу жамиятнинг аламли нуқтаси.
Фарзандларимиз қанчадан - қанча дафтар сотиб оладилар...

Шкафларида хилма-хил кийимлари қалашиб ётибди...

Баъзиларнинг эса...
Қўлимиздаги беҳисоб неъматларга шукр қилайлик!

Атрофимиздаги яқинларимизга эътиборли бўлайлик!

Hikoyalar (G&M)

27 January 2023 15:52

УМРА дарсликлар тўплами

Устозимиз Ҳасанхон Яҳё Абдулмажид томонларидан тайёрланган, УМРА сафарига боришни ният қилган ҳар бир инсон кўриб чиқиши тавсия қилинувчи дарсликлар тўпламини сиз учун жамладик. 😊

Ҳавола (кўк ёзув)га босиш орқали, Умра зиёратига оид бўлган турли мавзуларда керакли илмларга эга бўлишингиз мумкин.

1. Умра сафарига бораётганлар учун маслаҳатлар

2. Эҳромга кириш ва умрага ният қилиш

3. Сафо ва Марва

4. Масжидул-ҳаромдаги жоиз ва ножоиз ҳамда тавоф ва тавофдан кейинги амаллар

5. Эҳромда кийим кийиш

6. Тавофи ифоза

7. Тавофда дуо қилиш

8. Тавоф қилинганда ўнг елкани очиш

9. Тавоф намози

10. Тавофга оид масала

11. Изтибо қачонгача қилинади?

12. Рамл ҳақида

13. Аллоҳ томон қилган сафарда манзилга етмай тўхтаб қолма

14. Умра ва ҳаждан уйига келаётганлар лаббайкани айтиб келиши

🕋 Яқин кунларда УМРА сафарига боришни режа қилиб юрган танишларингиз билан бўлишишингизни сўраб қоламиз.

«Dorus Salam» — УМРА зиёратини осон амалга оширинг!

📞 +998 55 508 44 33

👉 Оператор билан боғланиш

Telegram | Instagram

Hikoyalar (G&M)

26 January 2023 10:30

​​40 ФАРЗНИ БИЛАСИЗМИ?

Исломда 5 фарз бор.
Иймонда 7 фарз бор.
Намозда 12 фарз бор.
Таҳоратда 4 фарз бор.
Таяммумда 4 фарз бор.
Ғуслда 3 фарз бор.
Амру маъруфда 1 фарз бор.
Наҳий мункарда 1 фарз бор.
Ҳайзда 1 фарз бор.
Нифосда 1 фарз бор.
Илм излашда 1 фарз бор.

Исломдаги 5 фарз:
1.Иймон;
2.Намоз;
3.Рўза;
4.Закот;
5.Ҳаж.

Иймондаги 7 фарз:
1.Аллоҳ Таолога иймон келтириш;
2.Фаришталарга иймон келтириш;
3.Аллоҳнинг китобларига иймон келтириш;
4.Пайғамбарларига иймон келтириш;
5.Қиёмат кунига иймон келтириш;
6.Яхшилик ва ёмонлик ҳам Аллоҳдан эканлигига иймон келтириш;
7.Ўлгандан сўнг қайта тирилишга иймон келтириш.

Намоздаги 12 фарз.
Намоздан ташқаридаги 6 фарз:
1.Намоз ўқувчининг бадани катта ва кичик бетаҳоратликдан пок бўлиши;
2.Жойи пок бўлиши;
3.Кийими пок бўлиши ва авратларининг берк бўлиши;
4.Қиблани топиши;
5.Ният;
6.Ўз вақтида ўқиш.

Намознинг ичидаги 6 фарз:
1.Такбири таҳрима (Дунё ишларини ҳаром қилиб,  охират ишларини ҳалол қилувчи такбир. "Аллоҳу Акбар"  деб намозга кирилади);
2.Қиёмда туриш;
3.Қироат қилиш;
4.Руку;
5.Сажда;
6.Қаъдаи охир (Аттаҳиёти миқдорида ўтириш)

Тахоратдаги 4 фарз:
1.Юзнинг соч чиққан жойидан иякнинг остигача ва икки қулоқнинг юмшоқларининг ораларини бир марта ювиш;
2.Икки қўлнинг чиғаноқлари билан бир марта ювиш;
3.Бошнинг тўртдан бирига масҳ тортиш;
4.Икки оёқнинг тўпиқлари билан бир борадан ювиш.

Таяммумнинг 4 фарзи:
1.Намоз ўқишни ният қилиб таяммум қилиш;
2.Тоза тупроқни қасд қилиши (Ер жинсидан бўлган, тупроқ, тош, қум кабилар);
3.Икки қўлини тупроққа уриб юзига масҳ тортиш;
4.Икки қўлини яна уриб иккала қўлининг чиғаноқларини қўшиб масҳ тортиш.

Ғуслдаги 3 фарз:
1.Оғизга сув олиб ювиш;
2.Бурунга сув олиб ювиш;
3.Бутун баданга сув етказиб ювиш.

Амру маъруфда 1 фарз бор.
Яхши амалларни ўзи бажариб, бошқаларга ҳам буюриш.

Наҳий мункарда 1 фарз бор.
Ёмон амаллардан аввал ўзи сақланиб,  бошқаларни ҳам қайтариш.

Ҳайзда 1 фарз бор.
Ҳайз хукмларини билиш. Ҳайз кунларининг ози уч кун,  кўпи ўн кун. Ҳайздан пок юришнинг энг ози ўн беш кун, кўпининг чегараси йўқ. (Бир умр ҳайз кўрмаса, намоз ўқийверади).
Ҳайз кунларида намоз ўқилмайди, рўза тутмайди, жинсий алоқа қилмайди. Ҳайз тўхташи билан ғусл қилиб покланиб намозини давом эттиради, рўзасини тутади. Ҳайзли кунларининг намозларини қайта ўқимайди. Рўзанинг қазоларини тутади. Ҳайзли аёл Қуръон тиловат қилмайди,  Мусҳафни ушламайди ва Каъбани тавоф қилмайди.

Илм излашда 1 фарз бор.
Илм излаш, ўқиш фарз.


Биз билан бирга бўлинг:

Hikoyalar (G&M)

25 January 2023 16:35

Yana tun pardasi hilpirab yuragimga muhabbatim sog'inchini olib kiryapti. Naqadar yoqimli havo. Naqadar yoqimli hislar. Shu dam yuragim oynasidan muhabbat qasriga boqaman. Sevgi saltanatining sohibjamol malikasi yuragimni urishini ham izmingizga bo'ysundiribsiz. Endi u sizning ihtiyoringizda. Yana har tun yuragimni o'yib qo'ygan siyratingiz chizgilari sog'inchimni yanada oshiradi. Sizni yuragimga mahkam berkitib olganman. Gar siz meni tark etmoqchi bo'lsangiz ham yuragimdagi suratingiz chizgilarini o'chira olmaysiz. Lekin hozir shukurki taqdir izmi bilan sizni ruxsoringiz taftini olishdan benasib emasman. Sizni sog'indim, behad sog'indim. Sado bering azizam.

Bilasizmi? Maysa yaprog'idagi shudringning to'kilishi uchun tong chog'i erkalangan subx sabosining ojiz epkini kifoya. Nazarimda yuragimni azobga solgan og'riq dardi ham o'sha maysa bargidagi tomchidek omonat va hadikli. Sog'inchga dosh berishning imkoni bormi? Yo'q! Nimalar deyapman. Sog'inchga bardosh berish imkoni bo'lsa shuncha oshiqning yuragi chok chokidan so'kilarmidi. Ey yaratganim yuragimga buncha ishqni o'zing berding. Yana qiyin sog'inchga solib bunchalar qiynamasang.

Birgina o'tinchim qo'lingizda tutib turgan yuragimni mahkamroq tuting. Uni avaylamasangiz yoki qo'lingizdan behos tushib ketsa yuraksiz jismimla yoningizga borolmayman. Bu yurak uchun sizning birgina nigohingizga to'ymoq kifoya. Shuni ham qizg'onmang. Asli ishqdan hasta yuragimga yana hastalikni yubormang. Sog'inchimgaku bardosh berishning o'zi mushkullik qilyapti. Yana sizga zor yuragimdan bir laxzalik nigohni ayasangiz ishqning qurboni bo'lamanku. Lekin men roziman. Siz uchun jon bermoqqa.

Ruxsoring tarifin qanday bayon etay. O'ylanib qolaman. Nogohon tirilsa Farhod, ko'zgudan yuzingiz ko'rsa-yu, kechib Shirin vaslidan yana yuz yil darbadar bo'larmidi. Ko'zingiz kulganda uning jarangidan yulduzlarning qayg'usin his etaman. Yuzingizga bir umr boqsam to'yarmikin ko'zlarim, qonarmikin dillarim. Dilimda o't yonar har vaqt. Bilaman o't umrim qadar bo'lgay. Sizsiz menga kom yo'q. Asal ichsam zahar bo'lar tanamga. Siz bilan esa shirin so'zim, zahar yutsam ham asal bo'lganday. Shuning uchunmi sizni sog'inaveraman.

Meni sizni sog'imdim. Sog'inchimla tun sabosiga hamohang ruxsoringiz tomon oshiqaman. Oyna ortida asta boqaman. Voajab, shu dam tun sukunatini birgina ovoz qamrab oladi. U ham bo'lsa yuragimning urushi. Tunni sukunatini nihoyalagan yuragimning urishi beparvo qalbingizga afsuski ta'sir etolmaydi. Noz uyqudagi gul yorim, nahot shunday azoblanayotgan shunday yurak nolasidan bexabarsiz. Asta ortimga qaytaman. Endi menga ko'kdagi yoritgichlar kerak emas. Siz borsizku. Birgina uyqudagi ruxsoringizni o'zi butun olamni yoritayotganday. Shu yorug'likni qadam ostiga olishni istamayman. Chunki, bunda sizni yuzingizni nuri borku. Qiynalsamda g'arib koshonamga sudralib boraman. Yana sizni sog'ina boshlayapman.

@hikoyalar

Hikoyalar (G&M)

24 January 2023 11:55

ИЛК УМРАМНИ СОТМОҚЧИМАН

Бурса шаҳридан бир опанинг ҳикояси

Ифторга бир соатча вақт бор эди эшик таққиллади. Қўлида стакан ушлаган бир бола турарди эшикда. Опа деди, ойим мастава қилмоқчи эди, дея гуруч сўради. Хўп, деб гуручни бердим, кейин қизиқиб сўрадим, сен кимни қизисан? Кўчанинг бошида 3–уйдаги қўшнининг қизи эмиш, бир оила яқинда ижарада тура бошлаган эди у ерда. Гуручни олар олмас уялиб учиб пастга тушди.

Эртаси куни айни соатда ўша қиз яна келди, қўлида ҳам ўша стакан, кечагидек бир стакан гуруч сўради. Пул сўраса ёки бир тоғора гуруч сўраса тиланчи деб ўйлаган бўлардим, мени лаққиллатяпти, деб. Аммо стакан ҳам ўша-ўша, сўраган миқдори ҳам. Бердим-да, мен ҳам сен билан бирга бораман дедим. Кўчага чиқиш тақиқланган эмасми, бир амаллаб уйингга кирволамиз, дедим.

Рухсат сўраб уйига кирдим. Ерга бир дастурхон солинганди, атрофида иккита бола кулиб ўтирибди. Дастурхонда тўртта қошиқ ва озгина тузланган бодринг бор. Болалар қўрқа-қўрқа қараб қўйди менга. Онаси чиқиб келди ошхонадан, уй ҳам бир хонали, тор бир уй экан.

«Хуш келдингиз опа, гуруч учун раҳмат», — деди. Оналарини ташқарига чақирдим, «Тинчликми, опа?» — дедим. Қизингиз икки кун келди фақатгина бир стакан гуруч сўрайди, кейин югуриб кетиб қоляпти. Опа дедики: «Билсангиз керак биз ўтган ойда кўчиб келдик бу ерга, хўжайиним ўлганидан кейин турган жойимиздан чиқишга мажбур бўлдик. Мен ҳам арзонроқ деб бу уйни ижарага олдим. Бу вирус воқеалари чиққач, ошхонада ишлаётгандим, уйга ўтиришга мажбур бўлдик. Шунақа қилиб бу ҳолга тушиб қолдик. Илк оқшом уч тўрт қўшнидан бир стакан гуруч сўрадик, ҳатто ёлвордик. Йўқ дейишди. Бор бўлса беришарди, йўқдирда. Кейин сизга жўнатгандим, бердингиз мастава қилдим. Душанба кунига уй тозалиги учун бир иш топдим, аммо бу оқшомга яна ҳеч нарсамиз йўқ эди, ўшанга яна сизга жўнатган эдим. Илтимос, жаҳл қилманг, душанба куни албатта, қайтараман икки стакан гуручни...»

Уйга келдим. Музлатгични очдим, нима бўлса ҳаммасини чиқардим, кўчага нонвой ҳам келиб қолди, нон ҳам олдим. Азонга беш дақиқа қолганда уйига ташлаб чиқдим. Уч бола жуда хурсанд эди.

Турмуш ўртоғим билан ифтор қилдик. Унга тушунтирдим бўлган воқеани. Яхши қилибсан, душанба уларга яна бозор қиламиз, Аллоҳ қабул қилсин деди. Саҳарликка ўзимизга бирор нарса қолдими деб сўради. Макаронимиз бор, ун бор, сиз истасангиз пирог ҳам пишираман саҳарликка дедим. Хурсанд эдик иккимиз ҳам, чунки нонимизни бўлишгандик. Хўжайиним эртаси куни у аёлнинг ижара уйини эгасини кўрибди, маҳалла раисига борибди. Ҳақиқатдан бу оила фақир экан.

Оқшом ифтор қилаётгандик, хўжайиним, онаси умра қиламиз дея пул йиғган эдик, бу йил умралар тақиқланди, умра қилдик деб гумон қилиб қўймаймизми, умрамизни Аллоҳга сотамизми деб қолди. Тушундим нима демоқчи бўлганини, қўлига ёпишдим, Аллоҳ сиздан рози бўлсин дедим. Ичкарига кириб конвертдаги пулни олиб чиқдим. Ҳаммасини у опага бериб келдим. Ичим ёнаётганди, аммо кўзларимда севинч ёшлари... Умра учун йиллардир пул йиғаётган эдик, осон эмас, албатта.

Уйга келганимда хўжайиним намоз ўқиётган экан, тугатганидан кейин сўрадим, пешин намозини ўқигандингиз, бу қанақа намоз дея.

Умра намозини ўқидим, сен ҳам ўқиб ол, деди. Аллоҳга ёлвор, Умра намозимизни қабул қилсин деди.

Telegram | Instagram

Hikoyalar (G&M)

23 January 2023 15:46

#Саодат_маскани

Эр ва хотин орасининг бузилишига асосий ҳаётий сабаб уларнинг оиласига ташқаридан аралишишдир. Ташқаридагиларга ҳеч нарса айтманг, уларнинг йўлини кесинг. Эр-хотин орасидаги нарсаларни Аллоҳдан ўзга ҳеч ким билмаслиги керак. Бирон кўнгилсиз хабар ташқарига - ўз оиласи ёки дўстларининг қулоғига етиб борар экан, қуйидаги оқибатларга олиб келиши муқаррар:
- Сизлар ҳақингизда ичларида "Уларнинг оиласи пароканда бўлибди", дейишади;
- Бошқаларга гўзал ўрнак бўла олмайсиз;
- Уларнинг кўзига кичик кўриниб қоласиз;
- Низонгиз одамлар орасида тарқаб кетади ва сизга ғалати кўз билан қарай бошлашади...
Сиз оилада келишиб олганингиз тақдирда ҳам одамларнинг зеҳнидан эски тушунчаларини чиқариб юбора олмайсиз. Шунинг учун насиҳатим оилавий муаммолар уйнинг ичида қолиб, шу ерга кўмилиши зарур. Энг асосийси фарзандларнинг кўз ва қулоқларини бундан асраш керак. Чунки улар сиздан ўрнак олади. Уларга гўзал намуна бўлинг. Бунда қалб эгалари учун ибрат бор!

Шайх Юсуф Хаттор Муҳаммад
«Оила — бахт-саодат маскани»

Hikoyalar (G&M)

23 January 2023 12:14

#машҳурлар
МУҲАММАД АЛИ.

1965 йил февраль ойида америкалик машҳур боксчи Кассиус Клей мусулмон бўлган эди.
Шундан сўнг исмини Муҳаммад Али деб ўзгартирди.У аср спортчиси,инсоният тарихидаги энг кучли ва энг тез мушт соҳиби,кучи 1000 кг.га тенг эди.
Кўпчилик унинг кучли спортчи эканини билади.
Аммо қалб кучини ҳамма ҳам билмайди.Муҳаммад Али Вьетнам урушига боришдан бош тортди.Матбуот анжуманида:
«Вьетнам урушига бормайман.Биз мусулмонлар фақат Аллоҳ учун жанг қиламиз.Нима учун танимаган кишиларим билан уришишим керак?Нима учун мени бирор марта ҳам “қора танли” деб айбламаган одамларга қарши жангга киришим керак?!»,-деди.
Ундан мукофотлари тортиб олинди.Уч йил бокс тушиш ман қилинди.
1970 йилда жаҳон чемпиони бўлди.Қўлида миллиондан ортиқ америкалик имон келтирди.Қуръон чоп қилиш, диний-маърифий китоблар нашр этиш учун икки юз миллион доллар ажратди.Уйини масжид ва Қуръон ўргатиладиган мадрасага айлантирди.Чикагода ўз ҳисобидан катта масжид қурди.
1990 йили Оқ уйда СССР президенти Михаил Горбачёвга Мусҳаф совға қилиб,уни Америка президенти катта Жорж Буш олдида Исломга чақирди.
Голливудда машҳурлар исми ердаги мармарга туширилган.Лекин Муҳаммад Али ўз исмини ерга ёзишларига қарши чиқиб:
“Пайғамбар исми оёқ остига ёзилмайди!”,- деди.Ўзининг талабига кўра биргина Муҳаммад Али исми ерга эмас,йўлак деворига ёзилди.Бугун фақат Голливудда унинг исмини қадамлар топтамайди.
Муҳаммад Алини Аллоҳ раҳматига олсин!

"Қалблардан сўранг" китобидан.

Hikoyalar (G&M)

22 January 2023 13:34

РЎЗҒОРИМДА БАРАКА, ҚАЛБИМДА ҲАЛОВАТ ЙЎҚ...

— Ассалому алайкум...
— Ва алайкум ассалом.
— Кўпдан бери ўзи ўзимни ўйлантираётган бир саволга сиздан жавоб истагандим. Рўзғоримдан файз-барака аригандай. Эр-хотин иккимиз тинимсиз ишлаймиз, лекин ҳеч биримиз икки бўлмайди. Бу ойдан бу ойга аранг етказамиз. Баъзида қарзга ботиб қоламиз. Ҳафталаб гўштли овқат қилинмайди. Болаларимизга қараб эзилиб кетаман. Нега бунақа экан? Нима қилсам рўзғоримда барака, қалбимда хотиржамлик бўлади?
— Аввало барака ва хотиржамлик Аллоҳдан бандасига иноят қилинади. Қолаверса, феъл тақдир. Демак, барака ва хотиржамлик истаган инсон аввало феълини ислоҳ қилиши керак. Бандаси қалбини ислоҳ этса, Робби унинг аҳволини шубҳасиз ислоҳ этади. Бу асосийси. Барака билан боғлиқ ҳолатлар кўп. Муҳими ҳалоллик, вафодорлик, омонатдорлик, қавм-қариндош ва қўни-қўшнилар ўзаро муносабатларни яхшилаш. Ота-она ва жигарларга меҳрибон бўлиш, силаи раҳмни узмаслик, садақа ва хайр-эҳсонни канда қилмаслик, қарздорликдан сақланиш. Энди ўзингиз мулоҳаза қилинг, юқорида саналган ва уларга риоя қилганга кенг ризқ, баракотли умр ваъда этилган хусусиятларнинг барига амал қиляпсизми? Ота-онангиз, жигарларингизнинг аҳволидан ҳар доим бохабармисиз? Ҳафтада иккита нон билан бўлса ҳам ота-онангизни йўқлайсизми? Ака-ука, опа-сингилларингизнинг қувончу ташвишидан ҳар доим хабардормисиз? Қўни-қўшнингиз сиздан озор кўрмаяптими? Касбу корингизни чин дилдан, ихлос ва меҳр билан бажарасизми? Одамлар сиздан норози эмасми? Қарздор эмасмисиз? Қарзингизни узишдан қочиб юрмаяпсизми? Имкониятингизга яраша хайр-эҳсон қилиб турасизми? Унутманг, инсоннинг ўзи ва яқинлари, фарзандларига қилган муруввати ҳам садақа ҳисобига ўтишини таъкидлаганлар салафларимиз. Хато қилганингизда, кўнглингиз ғашланганида истиғфор айтиб, Аллоҳга тавба қиласизми? Мана шу саволларга ижобий жавоб беролсангиз ва шукрни кўпайтирсангиз, ин ша Аллоҳ рўзғорингиздан барака, кўнглингиздан хотиржамлик аримайди.
— Мулоҳазага қўйдингиз мени. Нега буларни аввалроқ ўйламаган эканман?
— Баъзан ўзимиз билган нарсаларни ҳам англаш учун қандайдир туртки керак бўлади...
— Гапингиз тўғри. Бугуноқ айтганларингизга амал қиламан.
— Аллоҳ сизу бизни яхшиликда ибрат қилсин, саломат бўлинг!

@Hikoyalar ни яқинларингизга ҳам юборинг!
Rasmiy diniy kanal @zaydibnsobit01

📜📚📖 @Hikoyalar каналига қўшилиш учун 👇
https://t.me/joinchat/AAAAADuknkYHGVbghYjS1A
👆 ни босинг ва OK.

Hikoyalar (G&M)

21 January 2023 00:21

Atirgul isli Paygʻambarimga!

Bugun otam Sizning isingiz bir necha koʻcha naridan kelin turushini aytdi. Bogʻimizdagi gullarningw hidi esa uzoqdan xecham sezilmaydi, atayin yoniga borib hidlashimga toʻgʻri keladi. Bizning koʻchadan ham oʻtmaysizmi?. Oʻtsangiz, hamma yoq ajoyib hidga toʻlib ketardi-da!.
Oʻtgan kuni maktabning yonidagi doʻkonda qizil sochli qoʻgʻirchoqni koʻrib qoldim, lekin otam maosh olmaguncha uni sotib ololmas ekanmiz, onam shunday dedi. Oʻsha qoʻgʻirchoqni siz olsangiz boʻlmaydimi, yo Rasululloh? Sizni koʻrishni juda-juda istayapman, yoqimli isingizga juda qiziqib ketyapman. Iltimos, bizning koʻchaga ham keling, Rasululloh!.."

Qizaloq tushmagur Paygʻambarimiz alayhissalomdan qoʻgʻirchoq olib berishlarini, U zotning islaridan toʻyib toʻyib nafas olishni hohlayotgan ekan!.. Bu qanday sofdillik, bu qandayin ishonch?..Qiziq. Paygʻambarimiz alayhissalomga yetib borishi uchun bu maktubni kimga bermoqchi boʻldiykin?.. Bolalik qanchalar goʻzal, qanchalar mas'um! Yozgan maktubni Paygʻambarimiz alayhissalomning qoʻllariga emas, mendek gunohga botgan kimsaning qoʻliga tushganini bilsa, nima qilarkin?.. Oh qizaloq! Maktubingni hatto qoʻlimda ushlab turishdan ham uyalyapman! Qogʻoziga teginganim uchun, satrlari aro koʻz yugurtirganim uchun oʻzimdan uyalib ketyapman...


Onur Qoplon "Alfido"

Hikoyalar (G&M)

18 January 2023 03:56

Мени кечир, жон болам!

5-синфда ўқийдиган кичик қизимни синфдошлари, икки ўғил бола хафа қилибди. Аясига йиғлаб телефон қилди, ёнида эдим. Тушундимки, биринчи марта эмас, олдин ҳам шунақа холатлар бўлган. Қизим тинчлантирилган, ўқитувчисидан илтимос қилинган, ота-оналарга тушунтирилган...

Албатта, ҳеч ким ўз боласини ёмон демайди. Лекин қизим жуда одобли ва бировга озори тегмайдиган, ўзим биламан буни. Ўғил болалар шўхлик қилиши ҳам табиий, ўзимиз улғайгунча қизларимизни неча марта хафа қилиб йиғлатганмиз.

Лекин барибир отаман, қизимнинг кўз ёшлари қаттиқ таъсир қилди, онасининг қаршилигига қарамай мактабга бордим. Икки болани чақирдим. Шўхлиги қайнаб турган беғубор полвонлар...
Ўзларига гапирсам бошқача қабул қилинади, шу боис сўроққа тутдим:
– Дадангнинг номерини бер, гаплашаман!
Кўзлари катта-катта боланинг кўзлари янаям катта-катта бўлиб кетди. Секин ерга қараб деди:
– Билмайман номерларини...
Гап отасига етмаслиги учун алдаяпти деб ўйлаб янаям қаттиқроқ сўрадим:
– Бер дедим, барибир топаман!

Боланинг кўзлари ёшга тўлди. Негадир тескари қараб кўксини муштлаб-муштлаб йиғлай бошлади. Уни кўриб шериги ҳам йиғлади ва ўртоғини овутди:
– Йиғлама...
Устозининг олдига олиб чиқиб ҳар иккисини койидим, огоҳлантирган бўлдим.

Пастга тушсам аёлим кутиб турган экан. Дарҳол олдимга келди:
– Қаттиқ гапирмадингизми? Телефон қилсам олмадингиз. Мен ҳам ҳозир билдим, у боланинг отаси йўқ экан...
Тор дунё кўзларим олдида икки карра торайди. Боланинг кўксини муштлаб-муштлаб йиғлаши кўз ўнгимдан ўтди. Қайтиб тўртинчи қаватга югурдим. Устозининг қаршилигига қарамай болакайни яна чақириб олдим. Қучоқладим, кўзларим тўлди:
– Мени кечир, жон болам... Билмагандим. Нега айтмадинг?! Кечир мени!
Бола олдингидан икки карра кўпроқ ёш олди кўзига.
– Айтолмадим...

Қандай бедодлик қилдим. Отасиз бола олдига қизимнинг ҳимоячиси – ОТА бўлиб келиб, кўнглини бир ўкситдим. Кейин отасини дўқлаб суриштириб, бу дардни икки қилдим.
– Энди сенга бегона эмасман. Дўст бўлинглар. Агар бирор муаммонг бўлса менга айт, қўлимдан келса ёрдам бераман. Фақат мени кечир...

Бир олам юк билан пастга тушдим. Бунгача онаси аёлимга телефон қилган экан. Менга ҳам боғланиб хафа бўлди табиийки. Узримни сўрадим яна бир бор.

Ҳалигача кўз ўнгимда ўша болакай...

@Hikoyalar

Hikoyalar (G&M)

17 January 2023 15:40

ДАРД
Университетлардан бирида дарс берадиган устозлардан бири доимо аёллар соатини тақар эди. Талабалар турли мажлисларда ўзаро уни ҳар-хил илмоқли сўзлар билан масхара қилишар эди. Охири улардан бири сўрашга журъат қилди:
- Устоз! Нега аёллар соатини тақасиз?
Устоз деди:
- Бу соат вафот этган қизимнинг соати!

Ҳар-биримизнинг оғриғимиз бор. Агар уни инсонларга ошкор қилганимизда улар йиғлаган бўлишар эди. Аммо биз ичимизга ютамиз, сабр қиламиз. Чунки инсонларнинг сизга шафқат нигоҳи билан боқишлари ундан ҳам оғриқли.
Бу ҳаёт шафқатсиз курашдан иборатдир. Ҳар қанақанги табассумли юз ортида у инсонлардан яшириб юрадиган катта ғусса бўлади.
Кўпгина кулгилар ортида кўз ёшлари бўлади. Агар унинг кўзёшларини кўрганингда: "Кўз ёшлари қуриб қолар даражада йиғлаган бу инсон қандай қилиб кулиб юрган экан-а", деб ҳайратда қолган бўлар эдинг.
Инсонлар тоққа ўхшашади. Салобатда эмас, кўпгина қисми яширинлигида. Айтишларича, тоғларнинг тўртдан уч қисми ер остида бўлар экан. Биз инсонларнинг ҳам ошкор қилганимиздан яширганларимиз кўпроқ. Касалликлар биз ейдиган нарса эмас, бизни ейдиган нарсадир!
Қанчалик инкор қилмасин, ҳар-бир инсонда оғриқ бор. Қанчалар яширмасин, ҳар-бир қалбда ғам-ғусса бор. Ташқи кўринишлар сени алдамасин.
Кишиларнинг сокин ва мувозанатда турганини кўриб ҳасадинг келмасин. Гоҳида улар қалбида фақатгина Аллоҳ биладиган олов бўлади.
Тутун чиқмагани унинг ёнмаётганини англатмайди. Осий инсон гуноҳидан мазза қилаётгани йўқ. Итоаткор инсон осонликча собит тургани йўқ.
Суюкли инсонини йўқотишдан қўрқиб уни тишлари билан қаттиқ тишлаб олган киши роҳатда эмас. Яқинини йўқотиб қўйиб қалбида ёриқ пайдо бўлган киши роҳатда эмас.

Кунлардан бир кун шифокорнинг ҳузурига бир киши кирди. У жисмидаги оғриқ аа руҳидаги ўчиқликдан шикоят қилди. Узоқ текширувдан сўнг аён бўлдики, унинг танасида ҳеч қандай дард йўқ экан. Дард унинг руҳида экан. Шифокор унга деди:
- Сизнинг муаммойингиз руҳийдир. Сиз кўпроқ дам олинг. Китоб ўқинг, сафар қилинг, янги дўстлар орттиринг. Сизга бир маслаҳатим бор. Шаҳримизда бир масхарабоз бор. Исми Карлина. У инсонларни кулдиравериб дардларини унуттириб юборади. Унинг томошаларига боришни тавсия қиламан сизга!
Шунда бемор йиғлаб туриб деди:
- Доктор! Ўша масхарабоз Карлина менман!

©Abdulqodir_Polvonov

Hikoyalar (G&M)

29 January 2023 15:34

Hikoyalar kanalida talab taklif va hikoyalar borasida muhokama uchun alohida gurux tashkil qilingan .
Sizda takliflar bo’lsa gurux linkini qoldiramiz.
Guruxga kirish uchun 👇

/channel/+VrNFegkFzcx-iACp

Hikoyalar (G&M)

29 January 2023 03:17

юваётган ​​кўз ёшларини яширадиган аҳволда эмасди. Эшикни очиб, ташқарига чиқар экан, қаршисида турган эрини кўриб жойида туриб қолди.
Эри хотинининг нам ёноқларига қараб:- Янгиликларни эшитдингми? - дея сўради.
Аёлнинг гапиришга ҳоли йўқ эди. Эркак хотинини бағрига босиб, ёноқларидаги кўз ёшларни артди.
Аёл қайғурли оҳангда сўради:- Муҳим тадбирга кеч қолаётгандингиз, нега ортга қайтдингиз?
- Автоҳалокат кўз олдимда, шундоқ ёнгинамда содир бўлди. Ўша пайтда тадбирдан-да муҳим бир нарсани унутганимни хотирладим. Агар ўша ҳалокатда вафот этсайдим...
Шу пайт болалар ҳам ота-оналарининг ёнига келишди ва отасини яна жаҳли чиққан деган ўйдами, оналарининг ортига паналаб туришарди. Эркак астойдил жилмайиб болаларини ёнига чақирди. Ҳар иккаласини-да кўтариб, юз-кўзларидан ўпди, эркалаб, суйди.
- Мен бугун жуда катта хатога йўл қўйдим; уйдан чиқиб кетаётганимда сизларни қанчалик яхши кўришимни айтишни унутдим. Шундай муҳим иш ҳам унутиладими?
Ортга қайтишимга сабаб бўлмайдими бу хатоим?.

Hikoyalar (G&M)

28 January 2023 15:08

👆
Кинога кўчган ҳаёт. Нашаванд йигитнинг оддий мушук туфайли дунёга машҳур бўлгани ҳақида ҳаётий ҳикоя.


Mativatsion hayotiy hikoya

@Hikoyalar

Hikoyalar (G&M)

28 January 2023 11:31

Bo'ydoq va uylanganlarni turmush tarzidagi farqi...
Bo'ydoqlar uylaningizlar! Qo'rqmanglar😁
@Hikoyalar

Hikoyalar (G&M)

28 January 2023 03:43

КЕЧИКМАНГ
Ибн Саъд роҳимаҳуллоҳ ўзининг "Табақот"ида келтиради:
"Санобуҳий айтади:
"Ямандан Набий саллоллоҳу алайҳи ва салламни кўриш учун йўлга чиқдик. Мадина тепаларига етиб келганимизда бир отлиқ пешвоз чиқиб бизга деди:
"Расулуллоҳ саллоллоҳу алайҳи ва салламни дафн қилганимизга беш кун бўлди!".

Бироз тўхтанг! Уларнинг аҳволини тасаввур қилинг...

Санобуҳий ва унинг ҳамроҳлари Расулуллоҳ саллоллоҳу алайҳи ва салламнинг юзларини кўриб саҳоба бўлиш бахтидан беш кунгина кеч қолишди!
Улар тобеъинлар рўйхатидан жой олишди!

Чиқарган баъзи қарорларингизнинг тўловини бир умр ҳам тўлай олмайсиз.
Темирни қизиғида уринг. Совугандан кейин вақт ўтган бўлади.
Қанча-қанча қизларимиз муносиб инсонлари қолиб бошқаларга турмушга чиқиб кетишаяпти. Сабаби, муносиб йигитлар совчи юборишга журъатлари етмаяпти!

Қанча-қанча беморларни кўргани бормоқчи бўлганман. Аммо ғафлатда юраверганман. Беморлар вафот этганидан сўнг афсусланиб қолганман!
Қанча- қанча олимларни зиёрат қилмоқчи бўлганман. Аммо арзимас сабаблар билан эшиклари олдидан қайтганман, кўра олмаганман. Бу армонларимнинг тўловини ҳалигача тўламоқдаман!
Армонларим ичида Наманганлик Шамсиддинхон қори домла, Фаттиҳон махдум домла, Марғилонлик Ҳаким қори домлалар бор...!

Иккиланманг!
Тўғри, ҳамма нарса қазо ва қадар билан. Аммо кечикишингиз туфайли бир нарсадан маҳрум бўлишнинг алами аччиқ бўлади!

Абдулқодир Самарқандий ҳафизаҳуллоҳ.

Hikoyalar (G&M)

27 January 2023 12:37

Ҳ̶у̶р̶м̶а̶т̶л̶и̶ Ўртоқ кашандалар, бугун аччиқ бўлса ҳам, яқинларингиз юзингизга айтмайдиган ҳақиқатни айтаман.

Сиз бадбўйсиз.

Ҳаммангиздан бир ҳил сассиқ, куйган тамаки ҳиди келади. Тамаки ҳиди баданингизга, соч-соқолингизга, кийимларингизга сингиб кетган.

Сизлар билан лифтга кириш азоб. Машинангизда ўтириш азоб. Уйида, хонасида чекадиганларнинг уйига кириб бўлмайди. Ачиб кетган. Ҳаммасидан расвоси эса хожатхона, подъезд, лифт ва бошқа ёпиқ жамоат жойларда чекадиганлар. Бундай бефаросатларни оёғидан осса ҳам хафа бўлмайман.

Узоқ йил кашанда бўлган дўстим чекишни ташлаганидан кейин ҳамма кийимларини ташлаб юборган эди. Сассиғига чидай олмаябман деб.

Чет элда эгаси кашанда бўлган мошиналар ва уйлар арзонга сотилади. Сабаби бу ҳид узоқ йилларгача кетмайди.

Ҳаммасидан ҳам аёлингиз бечорага қийин, оғзингиздан кулдонни ҳиди келаяпти деб айтолмайди. Чекишини яширадиган одамларни кўрсам кулгим келади, 50 метр наридан келаётган сассиқ ҳид фош қилиб қўйганини билмайди. Кийимингизни химчистка қилса ҳам сассиғи кетмайди.

"Мен ундай эмасман" деб ўзингизни алдаманг, шунақасиз. Янги бошлаган бўлсангиз яқинда етиб оласиз. Бу гап ҳар хил замонавий вейп, шиша, электрон сигарет чекадиганларга ҳам тегишли.

Kashandalarga jo’natib qoyinglar

Hikoyalar (G&M)

25 January 2023 16:35

Davomi 👇👇👇👇👇

Ishoning siz tufayli dunyoga ne maqsadda kelganimni va borliq lazzatini yurakdan anglab boryapman. Siz tufayli pok muhabbatim ilohiy tuyg'u ekanligini hayolimdan o'tkazyapman. Mayli, men sog'inchdan qiynalay, azob chekay, bir og'iz dur so'zingizga zor bolay. Lekin men sizni loaqal bir nafas ko'z ochib yumgunchalik muddatgada og'rinishingizni also istamayman. Sizni shu nigohim ila avaylashga, yomon ko'zlardan asrashga hozirman.

Nega oshiqlar tushimda ham "yuragimda sen borsan" deydilar. Nahotki yuragidagi otashin ishq orom olishga imkon bersa. Men siz ila tushlarim emas, bedor tunalarimda hayolan suhbat qurishni istayman. Shu sog'inchimga andak taskin beradi. Siz haqingizdagi o'ylar orom olishimga qo'yarmidi. Siz hayolimni ham yuragimni ham band etdingiz. O'ylarim siz bilan boshlangan. Hamon davom etadi. Muhabbatim esa yuragimga siz bilan kirib kelgan. Siz bilan yashaydi endi u.
@hikoyalar

Hikoyalar (G&M)

24 January 2023 15:55

ЎҚИНГ,ЙИҒЛАНГ...😥😥😥

Онасининг вафотидан кейин "Биз эр-хотин ишлаймиз, сизга қарай олмаймиз" деган важ билан саксон ёшли отасини "Қариялар уйи"га жойлаштирган ўғил, гоҳида уни кўргани келиб турарди.

Ўғли туғилганида ота қирқ ёшда эди. Аввалги болалари яшаб қолмаган, шу ўғлини қурбонликлар сўйиб, устида жони титраб ўстирганди. Якка-ёлғиз фарзанд бўлгани учун уни асраб-авайлаб катта қилгандилар.

Бир куни ўғилга "Қариялар уйи"дан қўнғироқ бўлди.
— Отанг оғир хаста. Умрининг сўнгги кунларини яшаяпти. Сени кўрмоқчи,- дедилар. Ўғил отасининг кўргани борганида, ота оғир-оғир нафас оларди. Отасининг қўлидан ушлаб:
— Сиз учун бирор нима қила оламанми? Кўнглингиз нима тусаяпти?- дея сўради.

Ота сўник нигоҳлари билан ўғлининг кўзларига қараб, инқиллаган товушда:
— Энди жуда кеч бўлди. Лекин хоҳласанг жуда кўп нарса қилишинг мумкин эди...- Кечалари овқат етмагани учун оч ётдим,- дея давом этди бемор ота.- Ҳаво совутгични ёқмадилар, иссиқда беҳол бўлдим. Музлатгичим йўқ эди, бир пиёла совуқ сув ичолмадим. Сиқилганимда тоза ҳавода сайр қилдирадиган кишим йўқ эди. Тагимни ҳўл қилиб қўйганимда тарсаки туширдилар. Бир ойда бир марта чўмилтирдилар. Кирдан баданимда яралар тошиб кетди. Менга қилинган бу қўполликларни орқасида кишиси борларга қилишмади. Уларга қарайдиган, ғамхўрлик қиладиган одамлари бор эди. Менинг ҳеч кимим йўқ эди.

Биласанми, нима?

Ҳаммасидан ҳам меҳрга зорлик оғринтирди. Сен тарк қилинганлик нималигини биласанми, ўғлим? Тарк қилиниш ўлмасдан туриб қабрга қўйилишдир. Буни ҳеч қачон унутма.

Хуллас, энди ҳаммаси учун жуда кеч ва мен учун бирор нима қилишга имконинг қолмади. Мен ҳамма нарсага кўникдим, лекин сенинг соғинчинга кўниколмадим. - Ота шундай деди ва сўник кўзларидан икки томчи ёш думалаб юзига тушди...

Ўғил тошдай қотиб қолганди.
— Нега буларни энди айтяпсиз? Нега аввал айтмадингиз?- деди.
— Қандай айтаман?- деди ота.- Сен мени ҳайҳотдай уйингнинг бир бурчагига сиғдирмай, бу ерга лойиқ кўрдинг. Сени безовта қилишни хоҳламадим, ўғлим. Мен учун энди жуда кеч бўлди. Аслида мен сендан хавотирдаман, сен учун қайғудаман. Қариганингда болаларинг сени бу ерга ташлаб кетса, мен чидаган нарсаларга сенинг тоқатинг етмайди. Унутма, ўғлим, нима берсанг шуни оласан.

Ота шуларни айтиб кўзларини мангуга юмди. Аён эдики, бу суҳбат ота бояқишнинг сўнгги мадорини ҳам қуритганди. Бир соатдан кейин ўғлининг қўлларидан маҳкам тутган қўллари жонсиз сирғалиб тушди. Ота юрак-бағри ўртаниб бу дунёни тарк этди.

Аллоҳ ҳар биримизга хайрли, солиҳ ва вафодор фарзандлар насиб этсин!

Hikoyalar (G&M)

24 January 2023 06:55

💥Бугунги "Халқаро Қизлар куни" барча қизларга ва қиз фарзанди борларга муборак бўлсин!

Сизга бахт, соғлиқ, севги, оилавий бахт ва чексиз самимий ниятлар тилаб қоламиз!

Севимли аёлингизни, опа-сингилларингизни, қиз фарзандларингизни ва атрофингиздаги барча аёлларни табриклашни унутманг.

Hikoyalar (G&M)

23 January 2023 13:27

#МЕН_НОМАРДМАН😔

Ёшлари 90 га яқинлашган отахонни зиёрат қилгани кирдик.

Отахон анча қувватдан қолиб ётиб қолибдилар, кўзлари ҳам кўрмай қолибди, бизни ҳам овозимиздан танидилар.

- ассалому алайкум отахон, яхшимисиз, бир кўриб зиёрат қилгани келдик.

- ваалейкум ассалому, келинглар, сиз фалончисиз а ?, отангиз ҳам вафот этибдилар деб эшитдим, Аллоҳ раҳматига олган бўлсин, яхши киши эдилар, росса дуоларини олдингиз, иншааллох кам бўлмайсиз.

Отахон билан бир оз сухбатлашдик ва:

- ўғлингиз ҳам яхшиларми, келиб турибдиларми деб сўрадим.

Отахон бир зумда махзун бўлиб бошларини хам қилиб пастга қаратиб жим қолдилар.

- акам 7 ойдан бери хабар олмадилар, Аллоҳ инсоф берсин.

Отанинг ўрниларига қизлари жавоб бериб унсиз йиғлаб юборди.

- нега шунча пайт келмади, ўзи тузукми, сўрадим ажабланиб.

- ҳа, ўғлим кўчада кўрибди, яхши, соғ эканлар, майли, бир кун келиб қоларлар, ишлари кўпдирда.

- эҳ номард болаа, уйи яқин бўлса, келиб дуоларини олмайдими а ?, дедим жаҳл билан.

- қўяверинг болам, аслида ўғлим номард эмас, мен номардман болам, мен номардман.

Отахон шундай дея елкаларини силкитиб унсиз йиғлаб юбордилар.

- ундай деманг отахон, мен уни топиб насихат қилиб қўяман, иншааллох ўғлингиз олдингизга келади, дедим отани елкаларини аста силаб.

- сиз билмайсиздаа, мен ёшлигимда болам чақам деб отамларга бепарво бўлганман, йиллаб олдиларига бормасдим, аксинча анча қариб қолганларида ҳам мендан хабар олгани укамни жўнатардилар.

Мен эса топган бойлигимгаю, ўтирган мансабимга ғурурланиб юраверган эканман, бемор бўлдилар бормадим, вафот этганларида уч кунгина ота уйимда меҳмон кузатиш учун бориб тургандим холос.

Бу қайтар дунё экан болам, энди англаб етдим, аммо кеч англадим.

Боламни дуо қилаяпман, илоё шу боламни болаларидан бундай бемеҳрлик қайтмасин дейман.

Болам номард эмас, мен номардман, мен номардман, мен номардман.

Отахонни олдиларидан жудаям махзун бўлиб чиқдик.

Қулоғим остида эса отахоннинг ўксиб ўксиб "мен номардман, мен номардман дея йиғлаётганлари ўрнашиб қолган эди.

Аллоҳ таоло “Исро” сурасида қуйидагича марҳамат қилган:

وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا۝

23. Роббинг фақат Унинг Ўзигагина ибодат қилишингни ва ота-онага яхшилик қилишни амр этди. Агар ҳузурингда уларнинг бирлари ёки икковлари ҳам кексаликка етсалар, бас, уларга «Уфф», дема, уларга зажр қилма ва уларга карамли сўз айт!

وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا۝

24. Икковларига меҳрибонлик ила хокисорлик қанотингни пастлат ва: «Роббим, алар мени кичикликда тарбия қилганларидек, уларга раҳм қилгин», – деб айт.


#Facebookdan

Hikoyalar (G&M)

22 January 2023 14:48

Yaxshi kayfiyat uchun 😁
Qadrdonlargayam yuborib qo’yinglar )

Hikoyalar (G&M)

21 January 2023 17:48

Бу воқеага анча бўлди... Одноклассникидаги профилимга бир статус қўйгандим, “Аллоҳим таҳажжудга уйғотадиган жуфти ҳалол бергин“, - деб. Дадам ҳам Одноклассникидан фойдаланар эканлар, билмаган эканман.

Хуллас, дадам статусимга изоҳ қолдириб кетибдилар, “Таҳажжудга уйғотадиган жуфти ҳалолни таҳажжудда сўраш керак. Бу ерда эмас“, - деб...

©Абдулвосит Абдуллаев

Hikoyalar (G&M)

18 January 2023 10:51

Ҳар сафар "Ўткан кунлар"ни ўқиганимда Кумушга ўхшаган оқила қизларни келин қилишни худодан сўраганман.

Эрталаб Нозимахон қизим "Ойижон, нима егингиз келяпти?" -йўқлаб бормоқчиман деб қолдилар, кўнглим тусаганини айтдим. Ишдан келсам, неварам Ҳожарбегимни етаклаб кириб келдилар...

—Ойижон, яхши туш кўрдим,
—Хайрли бўлсин, болам, муборак бўлсин, —дедим.
— Бу тушни кўрган одам муборак зиёратга борар экан.

—Илоҳим, ўғлим билан Маккага боринглар, Аллоҳим байтига чақирсин!—деб дуо қилсам, ихлос билан нозик қўлларини юзига босдилар.
Кейин жилмайиб
—Мана, келдим—ку муқаддас зиёратга, Маккайи мукаррамамни олдида турибман, дея менга ишора қилдилар...

Ўзимнинг Кумушбибим.

Кетаётиб ҳар доимгидек, қўлларимни ўпиб, маҳкам бағрига босиб "Ойижон, сизни чиндан жудаям яхши кўраман",—деб хайрлашдилар...

Ким айтади яхши келинлар йўқ деб? Фақат ниятни яхши қилинг, Аллоҳим, албатта, ижобат қилади...Иншааллоҳ

Феруза Салходжаева

Hikoyalar (G&M)

17 January 2023 16:58

- София бинту Абдулмуталлиб фарзанди Зубайр отдан йиқилганида йиғлаб, ваҳима қилмаган.

- Арабларда янги туғилган болаларни эмизиш учун яйлов аҳолисига бериларди. Оналар болаларини ойда бир кўришарди. Аммо бу уларни саросимага солмаган.

- Болакай саҳрода бир ўзи чорвани боқиб юриши - унинг онаси учун дахшатли манзара эмасди.

- Ҳамза (розияллоҳу анҳу) ёшлигида дўстлари билан шер овлашга борганида онасининг юраги қўрқувдан ёрилиб қолмас эди.

*

Араб ерларида болалар ёшликдан чайир ва жасур улғайишар эди.

Ислом дини келгач, Ислом мафкураси ва улардаги жасорат бирлашди.

Натижада тарих Зубайр ибн Аввом, Ҳамза, Али ибн абу Толиб, Салоҳиддин Айюбийдек қаҳрамонларни юзага чиқарди.

Асри саодат вакиллари ҳаётига назар ташлайдиган бўлсак, уларнинг қўрқмас ва дадил бўлганларини кўрамиз.

*

Ҳозирда уммат боласи сал йиқилса югуриб кўтарадиган онага эмас,
"Қаддингни тик тутиб, жанг қил!" дейдиган умму Зубайр (фарзандини Хажжожга таслим бўлишдан қайтарган)га муҳтож!

Ҳозирда уммат боласи ҳарҳаша қилса истаганини қиладиган онага эмас, болалари вақф қилинган ҳурмодан еганида оғзидан уни олиб ташлаган умму Дардоларга муҳтож!

Ҳозирда уммат боласи йўталса оғзига дори тиқадиган онага эмас, фарзандини Расуллоҳ соллаллоҳу алайҳи васалламни ҳимоя қилиб, жон беришга буюрган Нусайбия бинти Каъабдек оналарга муҳтож!

Ҳозирда уммат боласига "CoCoMelon", "LooLoo Kids" қўйиб берадиган онага эмас, фарзандларига саҳобаларнинг жасорати ва қаҳрамонлиги ҳақида сўзлаб берувчи София Султон (Султон Меҳмеднинг онаси)га муҳтож!

@eslatdim

Hikoyalar (G&M)

16 January 2023 17:35

Ҳал қилувчи палла: қайси йўлни танлаймиз?

Куни кеча Gazeta.uz бир нечта манбаларга таяниб, Россия ўз газини Ўзбекистонга Қозоғистон орқали, “Марказий Осиё – Марказ” қувурлар тармоғида етказиб беришни таклиф қилганлигини ёзди.

Бунинг учун Россия Ўзбекистоннинг газ-транспорт тизимини бозор нархида “Газпром” эгалигига ўтказишни талаб қилмоқда.

Худди шундай талаб “Қозоқгаз” компаниясига нисбатан ҳам қўйилган, лекин компания буни рад этган.

Шунингдек, Россиянинг яна бир шарти Хитойга газ экспорти ҳуқуқини топшириш бўлган. Яъни “Газпром” келишувда Ўзбекистоннинг “UzGasTrade” компанияси ўрнини эгаллашни таклиф қилмоқда.

☝️Агар бу талабларга рози бўлинса том маънода Ўзбекистон энергия соҳасида Россияга қарам бўлади, дейиш мумкин.

Бу асло йўқ қўйиб бўлмайдиган ҳолат!

Камига Туркманистондан газ олиш бўйича келишувлар ҳам босим остида қолиб кетмоқда. Катта эҳтимол билан бунга ҳам Россия аралашган.

Афсуски бугунги совуқ кунлардаги энергия таъминотидаги муаммолар сабаб одамларда бўлаётган норозилик кайфияти Россия фойдасига ўйнамоқда.

Бу кетишда Ўзбекистон раҳбарияти одамлардаги эътирозлар сабаб Россиянинг шартларни қабул қилиш эвазига тезкор газ олишни ягона йўл сифатида кўраётган бўлиши мумкин.

Совуқдан қийналаётган одамларимиздаги кайфият айни ўринда Россиянинг ўз талабларини Ўзбекистонга ўтказиш учун қўл келади.

Бу вазиятда олдимизда иккита йўл қолмоқда: ё Россиянинг барча шартларига кўниб, энергия қарамлигига тушамиз ёки сабр матонат билан совуқни енгиб ўтиб, энергия мустақиллигига эришамиз.

Танловнинг қандай бўлиши одамларимизнинг вазият бўйича позицияларига боғлиқ бўлади.

Лекин шахсан мен бу масалада Россияга қарам бўлмаслик тарафдориман ва келажагимиз учун қанча синов, қийинчилик бўлса чидашга тайёрман.

Расул Кушербаев

👉 @deputat_kusherbayev