14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
رقية : اهلين محاسن كيفك...
محاسن : تماام الحمد لله اخبارك شنو يازوله....
رقية : الحمد لله في نعمة ...
محاسن: طبعا امس بالمساء كنت مقيلة مع ناس نصرة بت عمتي وجيت بالمساء كدة قلتة اسلم عليكم بس م لقيتك ؟
طبعا هنا رقية عرفت ليه أمس مهيد جاط فيها كدة ، اكيد حرشتو ملت ليه راسو واسي عايزة تشمت فيني عشان عارفة اخوها صعب ....
رقية : ااي صاح مهيد كلمني ( خالص ما قالت ليها انو مهيد م كلمها ) كنت مقيلة مع بت خالتي ....
محاسن: ايواا ...
المهم اختصرته في الكلام وقفلت منها، كانت عارفة اتصالها دة مغرزة وحركات منها .......
رقية قالت بينها وبين نفسها المراة دي مالها معاي؛ ليه مصرة تخرب لي بيتي ، ليه حاقدة علي للدرجة دي ، كرهتني حياتي لما كنت عايشة معاهم ، واسي بعد ما رحلتة بيتي براي مصرة تدخل لي في حياتي ياارب صبرني ....
**رقية كانت ساكنة مع نسابتها في بيت واحد بس نجضوها نجاض وروها النجوم عز الضهر ، بالزات محاسن دي مداقراها بصورة مبالغة ، محاسن اكبر من رقية وما متزوجة .... فكانت بتغير شديد من حب اخوها لرقية عشان كدة بتحاول تفتن بينهم وتعمل بيناتهم مشاكل لحدي ما مهيد زهج من اختو ومشى اجر لرقية بيت براها حتى بعدها ارتاح من مشاكلهم .......
♡♡♡♡♡♡♡♡♡♡♡♡♡♡♡♡♡♡♡
*عند رفيف*
بعد ما رامي وميعاد وصلوني البيت ، حسون قالت لي اها ان شاء الله انبسطو، قلتة ليها والله اتونسنا وقضينا وقت حلو ، آسر قال لي بعد كدة الله يعينك ، ميعاد ح تحومك بورتسودان دي كلها ، زولة عاطلة جنها مرقات هههههه ، قلتة ليهو أحلى شي ماف اظبط من المرقات ههههههه ، اتونستة معاهم شوية وخشيت غرفتي كنت نعسانة شديد ، بعد غيرتة ملابسي ورقدتة عشان انوم بقيت بتذكر نظرات رامي لي بالمراية حقت العربية ،
طريقة كلامو وابتسامتو وهدوءو ، من اول انطباع الزول بعرفو انو راقي وبرستيج .....
نمتة وانا حاضنة المخدة في حضني ومبسوطة شديد ......
تاني يوم لما فتحتة الواتساب لقيت ميعاد رافعة صورنا مع بعض وكاتبة كلام حلو خش قلبي ، انا عملتة اسكرين للاستويز ورفعتهم في حالتي ، سهام صحبتي لما شافت الاستوري حقي قالت لي خلاص لقيتي ليك صحبة لمن بترفعك استوري وبتكتب ليك كلام حلو عاد بختك 😏 ضحكتني عرفتها حست بغيرة شوية ، رسلتة ليها ريكورد وانا بطبل ليها وبراضي فيها هههههه عسل والله سهام دي ، غيرة الصحبات صعبة 😹😹😹
****
كان فاتح الاستوري حق ميعاد وشغال يكبر في الصورة ويعاين ليها ، لقى روحو منجذب ليها شديد ، قال بينو وبين نفسو أول مرة تلاقيني انسانة بمواصفاتها ، زولة ناتشورال وعلى طبيعتها ما متصنعة، محترمة وحتى ملامحها فريدة ؛ فيها شي بجذبني ليها زي المغناطيس
.........
عدت الايام والصدف بس بتجمعني برامي لحدي مافي يوم لقيتو مرسل لي مسج في المسنجر ، قال لي رفيف كيفك ، اللحظة الشفتة فيها المسج دي والله قربتة اتدردق من الفرح رديت عليه عادي، وياهو سألني من احوالي والشغل لحدي م شوية شوية بقينا بناخد وبندي في الكلام ، عرفني عليهو أكتر، عرفتة انو درس في تركيا شالوهو منحة ، حكى لي عن الصعوبات الواجهتو هناك ، المهم عرفتة عنو كم حاجة ..... بقينا بنتراسل مع بعض شبه يومي لدرجة اني ماكنت مصدقة انو انا بتراسل مع الكراش شخصيا 🤣🤣 رغم انو كلامو ما كان كتير بس برضو مسج منو بغير لي مودي ، بس بقيت بلوم روحي على العوارة البعمل فيها دي والانبراش الداخلي دة، انا طالعة من علاقة توكسيك وعايزة اتعافى اقوم اجي اتعلق لي بواحد مابعرفو لي غير فترة بسيطة ....
****
والله يافردة دي اول مرة تعجبني بت للدرجة دي واحس اني خلاص عايزها وحأكتفي بيها .....
طيب منتظر شنو امشي أتقدم ليها ....
حاليا لسة شوية ، عايز نتعرف على بعض اكتر ...
اها ماوريتني زولتنا دي منو ، زميلة معاك في الشغل؟
والله حاجة زي كدة ، هي ي داب بتعمل في الامتياز ...
كوييس والله ربنا يسهل ليكم ان شاءالله
اميين ....
صح ماكلمتك ، انا وبعض الزملاء والزميلات قررنا نمش جزيرة سنقنيب ف رايك شنو تنضم لينا ....
ماعندي مشكلة قداام
وعلى فكرة ممكن تكلم زولتك دي برضو اذا بتقدر تنضم لينا ( وغمز ليهو)
والله فكرة حلوة ح أكلمها وأشوف ردها .....
ظااابط يافردة ......
يتبع
من اللحظة الوصلو فيها البيت ومحمد كان مهتم بأمو اهتمام شديد ،كان مشرف على اكلها وشرابها وادويتها، وكل شويتين بجيها خاشي في الغرفة يطمن عليها ، أما بالليل فكان بشيل مخدتو وبرقد جمبها ..... كان خايف عليها شديد بين كل لحظة والتانية بسألها أمي حاسة بشنو ، أمي واجعك شنو ، أمي اجيب ليك شنو ، هند بالرغم من انها كانت عيانة بس مبسوطة بإنو ولدها جمبها وبهتم بيها ، شعورها ماكان بيوصف ...
بعد كم يوم بدت تستعيد صحتها وحتى انها بدت تباشر شغل بيتها بس أولادها ما كانو بخلوها تعمل شي بس بقولو ليها ترتاح .....
......
في الفترة دي أسامة كان عايش ايام سيئة ، مدبرس وزهجان ، ولما يتصل لهند بلقى تلفونها قافل ، قال بينو وبين نفسو يعني كدة خلاص هند ضاعت مني؟ بس انا بحبها ، ومستحيل اقدر أتجاوز محبتي ليها ، اعمل شنو ياربي عشان تبقى لي زوجة ، اااخ استغفر الله .....
.......
محمد قعد بينو وبين نفسو وفكر كتير شديد ولقى انو ما المفروض كان يتصرف بالطريقة دي ، لأنو تصرفو دة اناني ، وامو من حقها تتزوج تاني وتعيش حياتها ؛ لسة شابة والحياة قدامها طويلة وحرام عليهو انو يقيف في طريق سعادتها .....فبعد مناوشات كتيرة مع روحو مشى لأمو وقعد تحت رجولها ومسك ايديها ....
محمد : أمي ...
هند : نعم حبيبي ...
محمد : اعفي لي ...
هند : على شنو يابا ...
محمد : اعفي لي على تصرفي السئ وعلى وقاحتي وكلامي الجارح ، اعفي لي لاني السبب في مرضك وزعلك يمة وقعد يبكي ...
هند قومتو من الأرض وحضنتو عليها ، عافية وراضية منك دنيا وآخرة ياحتة مني ....
محمد : انا موافق يمة ، موافق انو انت وعمي أسامة تتزوجو ، اصلا عمي بحبك ومتأكد انو حيسعدك يمة ...
هند : ياولدي الموضوع دة خلاص انا قفلتو ، وخلاص رفضت انا ما حاتزوج ، حاجة انت ماعايزها انا مابعملها ...
محمد : لا ياأمي المرة دي انا الحأمشي لعمي وأكلمو اني موافق ...
هند : بس ياحبيبي
محمد : مابس ياأمي عليك الله ماتقولي لا عشان خاطري ، انا عايزك تكوني مبسوطة ، عايز اشوف البسمة مرسومة في وشك ، أمي انت تعبتي عشانا كتير فتستاهلي كل حاجة حلوة في الدنيا دي ، وباس راسها ❤️❤️❤️❤️❤️
يتبع .....
# هوى القلب#
(10)
بقلم : غزل وليد
*
شارد وين يافردة ، اليوم مالك قالب وشك كدة ما عهدناك....
جر نفس طوييل وقال ليهو ما قادر انسى ، انا ماقادر انسى العملتو ياحيدر ، انا لسة عايش في عذاب الضمير وقدر ما حاولت انو اعتبر الفات مات وانتهى ماقدرت ..
ياا فردة الموضوع دة ليهو سنيين يخخ المفروض تكون نسيتو زماان ، وماتنسى انك تبت وندمت وحتى انك عملتة عمرة عديل ف ربنا اكيد غفور ورحيم ، حاول انسى وابدأ صفحة جديدة يخخخ...
حاولت ، حاولتة كتيير ياحيدر بس ماقادر وحاسي بالذنب لسة موسخني وملطخني ....
ياأخوى استهدي بالله ، واي انسان في الدنيا دي بغلط ، وخير الخطاؤون التوابون ، ندمك دة براهو يعتبر توبة ....
*
* عند رفيف *
اليومين دي أطباء الامتياز عاملين إضراب قالو ما بشتغلو الا يدوهم حوافزهم ، لأنو ماممكن نكون شغالين كدة وم يدونا ولا جنيه حق المواصلات ما بدونا ليهو ، المهم الإضراب استمر يومين ، تالت يوم فكوهو وادونا حوافزنا ...
في اليومين الفاتو الكنت ما شغالة فيهم ، طلعنا مشينا عروس قضينا فيها يوم ظريف ، وأحلى حاجة الأجواء الرهيبة دي ....كنت بوثق كل اللحظات دي وبصورها ، برسل لاخواتي اول بأول ههههه وسهام صحبتي برضو كنت برسل ليها الصور ، قالت لي كويس ي وسخة انت بهناك غانجة ومبسوطة ، خليتيني براي مابنساها ليك هههههه ، قلت ليها الظروف ي قلبي لو م كدة ما كنت فارقتك ولا خطوة .....
في المستشفى بشير بقى بضايقني بنظراتو ومحاولتو انو عايز يستلطفتي وبحاول يستظرف معاي ، كنت بتجاهلو عسى ولعل يحس ويفهم اني ما عايزاهو وانو حركاتو دي بتضايقني شديد، بس لا حياة لمن تنادي ، قررتة اتكلم معاهو عديل واواجهو ، قلتة ليهو يبطل حركاتو دي واني مرتبطة عشان يحل مني للأبد، قال لي عليك الله انت جادة مرتبطة؟ قلتة ليهو ايوة ، قال لي تسعدي ان الله والحمد لله من يومها بطل يعمل حركاتو ديك .....
.........
اليوم لما رجعتة من الشغل لقيت نسابتها ل حسون قاعدين معاها ، أم راجلها واخت راجلها ميعاد ، دي الكان مشينا خطوبتها ، سلمو على سلام حلوو ، وقعدتة معاهم بملابسي حقت الشغل اتونستة معاهم مساافة ، م شاء الله ظريفين شديد سكر بس ، بالزات ميعاد دي وناسة ونسة رغم انو دي اول مرة نتكلم فيها مع بعض ، بس خشينا شديد في بعض وديك الونسة والضحك ، قلتة ليهم بس اخش اغير ملابسي دي وبرجع ، قالو لي طوالي حبيبة ....
خشيت استحميت وغيرتة ملابسي ، وطلعتة ليهم ، واصلنا ونستنا ، ميعاد عرفتني عليها ، خريجة أشعة وحتى حكت لي قصة حبها مع خطيبها وكيف اتعرفو على بعض ، دة كلو في قعدة وااحدة حسيتها ارتاحت لي شديد ، وحتى انا ارتحتة ليها والله ....
قعدو اتغدو معانا وشربو الشاي لحدى ما آسر جاء سلمو عليهو ومع المغارب كدة قامو عشان يمشو ، آسر قال ليهم يستنوهو شوية عشان يوصلهم البيت ، ميعاد شالت مني رقمي وادتني رقمها ، سيفنا أرقام بعض وقالت لي نتواصل أن شاء الله في الواتس .....
........
بعد مشو قلتة لحسون ، نسابك عسسسل محظوظة عدييل انتي ، قالت لي اي والله طيبين شديد وظريفين ، قالت لي شايفاكم انتي وميعاد اندمجتو شديد في الونسة واتصاحبتو، قلتة ليها بصراحة حبيتها وحسيتها طيبة وعلى نياتها ، قالت لي والله فعلا ميعاد كيوتة شديد وطيبانة .....
.......
بالليل لما فتحتة الواتس لقيت ميعاد مرسله لي ياعسل ، رديت عليها هلا ي قلب ، بقينا بندردش عادي مع بعض ، شوية شوية لحدي م بقينا صحبات شديد ، بترسل لي ع طول بتحكي لي تفاصيل يومها ، وانا برضو بحكي ليها تفاصيل يومي ، قلتة اخيرا لقيت لي صحبة وناسة وعسل .....
.......
الصباح لقيتها مرسلة لي مسج ، قالت لي المساء لو فاضية عازماك في توينز ، قلتة ليها خلاص تمام لبعدين نتلاقى بس لما تكوني طالعة اديني خبر عشان اجهز قالت لي قداام ....
بعد م رجعتة من الشغل ، دوامي بخلص الساعة 2 طبعا
، كلمتة حسون انو ميعاد بعدين عازماني في توينز ، قالت بختككك امشي سااي انبسطي ، توينز بعد المغرب رهييب شديد وحتى عندهم فعاليات ظابطة ، طبعا اتحمست وبقيت بفكر البس شنو للطلعة بعدين ....
اخدتة لي نومة عشان أنعنش شوية ، صحيت حوالي خمسة ونص لقيت مكالمة فايتة من ميعاد قبل عشرة دقايق ؛ رجعتة ليها وقلتة ليها معليش كنت نايمة ، قالت لي نسيتي موعدنا ولا شنو ، قلتة ليها لالا متذكراهو بس كنت منتظرة اتصال منك ، قالت لي اجهزي طيب نتلاقى بعد نص ساعة ، قلتة ليها تماام ، دخلتة الحمام اتشطفتة اصلا استحميت قبيل لما جيت من الشغل وماعندي صلاة عشان كدة عملتة منكير طقم التيشيرت الحألبسو ....
التيشيرت اوفر سايز مع بنطلون جينز واسبورت وشنطة يد صغيرة ، لبست ساعة في أيدي الشمال وخاتم فضة ، اللوك كان سيمبل بس راقي ....
أسامة قعد معاهو وبقى بحاول يتكلم معاهو براحة وبعقلانية بس محمد كان مصر في رأيو وحكاية انو يتزوج امو دي ماموافق عليها ، أسامة قبل م يمشي قال ليهو ياولدي فكر في كلامي القلتو دة براحة وإتريث ، امك تستاهل كل حاجة كويسة ، هي ربتكم وكبرتكم وماقصرت معاكم ، فبرضو من حقها تعيش حياتها ، والا تكون دي انانية منك ...
محمد مارد عليهو ، أسامة طلع وقال ليهو وي ما وريتك فكر في كلامي كويس .....
.......
عدى كذا يوم وأجواء البيت متوترة ، محمد ما بتكلم مع امو ، بطلع مع الصباح بدري وبرجع بعد المغرب ، هند كانت بتبكي بس وقالت لأسامة انا حاجة ولدي ماموافق عليها انا مابعملها واعتبر الموضوع خلص ، أسامة حاول يقنعها انها ماتتسرع بس هند ما اتفاهمت معاهو ..... بعدها كلمت ولدها وقالت ليهو طالما انت ما موافق اعتبر الموضوع خلص ، انا نهيتو وانسى الحصل
محمد مارد عليها خالص .....
التومة جات البيت وحاولت كتير مع هند وحتى انها اتكلمت مع محمد بس الحال في حالو ، بس برضو ما يئست وقالت حتحاول لمن الموضوع دة يتحل.....
هند صحتها اتدهورت والاكل دة حردتو ، عمرها ما اتخيلت انو محمد ولدها يكون صعب كدة ويجافيها، اشتاقت لونستها معاهو ، ولما يجي يطمن عليها ويرقد ليها في رجولها ، ندمت انها ليه من البداية ما حسمت الموضوع دة ورفضت رفض حاسم حكاية الزواج دة ، لأنو خرب ليها علاقتها بولدها وخلتو يبعد عنها ......
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
* عند رفيف*
روتيني كان من الشغل للبيت ومن البيت للشغل ، .... صحبتي سما قالت لي رايك شنو نخطط لطلعة مع البنات نغير جو يخ فترنا من جو المستشفى دة ، قلتة ليها نمشي وين لكن ، قالت نمش السقالة ناكل سمك ونقضي لينا يوم ظريف كدة مع بعض ، قلتة ليها كويس انا ما عندي مشكلة ؛ كلمت البنات وحتى الشباب و حبو الفكرة شديد قررنا نطلع نهاية الأسبوع ....
سما : طبعا بشير قال لي عايز رقمك واديتو ليهو
رفيف : داير شنو برقمي ؟
سما: اجي دي دايرة ليها سؤال ، واضح انو معجب بيك معقولة م انتبهتي لنظراتو ليك ، يخ الناس كلهم لاحظو ما أنا براي ...
رفيف : بري ماف اي حاجة زي دي ، الا كان تهيوءات منكم ساي ...
سما : ياشيخة تهيوءات شنو ..... دة مدشدش عديل فيك والله وحتى انو قال لنوال هو معجب بيك ....
رفيف : سما انا طالعة من علاقة توكسيك وي داب انا بديت اتعافى فصراحة حكاية اني اخش في علاقة جديدة دي استحالة، انا سافرتة جيت من شندي لبورتسودان عشان انسى واتناسى ماعشان ادخل في متاهة تانية ....
......
بالليل كنت ماسكة تلفوني وبتصفح في الميديا ، خشيت الفيس وبقيت بشوف في البوستات ، فجأة ظهرت لي صفحة رامي في اشخاص قد تعرفهم ، انا قمتة عدييل من رقدتي وطوالي خشيت صفحتو عشان استكشفها ههههه بس ماكان بنشر كتير ، آخر بوست كان عامل تحديث صورة الملف الشخصي ورافع صورتو ، حياا بس الشهادة والعمل الصالح، بعد م خلاص حفظتة الصورة حفظ قلتة هيي ي رفيف احسن ليك تختيهو، اسي بكون بحبيبتو وعايش حياتو ، وانا بجاي براقب فيهو ، طوالي طلعتة من صفحتو وطلعتة من الفيس ، خشيت الواتساب رفعتة استوري وبعدها قفلتة الشبكة ، رقدتة عشان انوم بس ماجاني نوم ، اتذكرتة اني جبتة الاسكتش حقي بتاع الرسم ، من ماجيت البورت مارسمتة قلتة خلاص اطلعو وارسم ، قبل م أبدا قلتة امشي اعمل لي شاي ظريف عشان ابدا بمزااج،
مشيت المطبخ ولقيت حسون بتعمل ليها في عصير ....
حسون : روفا اعمل ليك معاي عصير ..
رفيف: لالا عايزة اعمل لي شاي بنعناع..
حسون : طبعا قايمة ي داب من الدخان قلتة اشرب لي عصير...
رفيف : اي كويس عشان تعوضي...
حسون : حاسة انو م مسك فيني م قدرتة اقعد كتير زهجتة ...
رفيف : كان تناديني اونسك...
حسون : والله كنت عايزة اناديك بس قلتة حتكوني فترانة وبكرة عندك شغل لازم ترتاحي...
رفيف: بري والله م فترانة ، حاولتة انوم بس م جاني نوم ، قلتة ارسم شوية لحدي م انعس عشان كدة جيت اظبط لي شاي بمزااج...
حسون: اشاا بتعرفي ترسمي ....
رفيف : نوعا ما هههههه ...
اثناء ما كنا قاعدين بنتكلم سمعنا صوت آسر وهو بقول أها يامنقة مالك اتأخرتي كدة منتظرك من قبيل ، شكلو ماعارفني قاعدة لأنو لما خش وشافني حسيتو خجل ، وحتى انا خجلت والله ، كان لابس شورت قصير من دون فنيلة ، الجو بقى مكهرب وكيف كيف ، لحظتها حسيت انو المفروض المواعيد دي ما أتحاوم في البيت ساي تفاديا للاحراج الزي دة ...
آسر طلع وحسون قالت ليهو شوية وجاية ، انا كنت ساكتة وبس مركزة مع الكفتيرة الفي النار، حسون كانت عايزة تلطف الجو شوية وبقت تجيب في ونسة من ماف ، بعد م عملتة الشاي قلتة ليها يلا تصبحي على خيير ومشيت غرفتي ...قررتة انو من بعد المغرب تاني م حأطلع من الغرفة عشان أخليهم على راحتهم وما أضايقهم وأتسبب ليهم في احراج زي ما حصل قبل شوية ....
هند : كويسة انا ياولدي ماتخاف ( وختت ايدها في خدو)
محمد : طيب الحاصل شنو ؟
هند اتشجعت وقالت ليهو انو حبوبتو التومة جاتها وقالت ليها انو أسامة عمك عايز يتزوجها.....
محمد أول ما سمع كلامها زح ايد امو من خدها وقام سريع من السرير وملامحو اتغيرت توتليا وقال ليها يتزوج منو ؟ انتي ؟؟؟؟
هند بلعت ريقها وقالت ليهو بتردد أ أ أي..
محمد عيونو دي بقت شرااار وقال ليها عمي أسامة الواااحد دة ؟؟؟؟؟
هند حيلها مات من الخوف وعرفت انو محمد حيتجنن والموضوع بقى ليهو صدمة ...
محمد : ردي على ياأمي ، عمي أسامة الواحد دة ولا غيرو؟؟؟؟؟
هند : أ أ أ ي يامحمد عمك أسامة الواحد دة ....
محمد : ود اللزينة اتاري الفترة دي كلها كان خاتي عينو عليك وانا ماجايب خبر !!!!
هند : ع ع عيب ي محمد تقول كدة لعمك انا م ربيتك كدة...
محمد : عمي ؟؟؟؟ هو احترم كلمة عمي دي؟؟؟؟؟ لا وبكل وقاحة عايز يعرس أمي اللي هي كان معرسها اخوه ، مابخجل على دمو؟؟؟؟...
هند خافت شديد من رد فعل محمد ، وابدا ماكانت متوقعة ردة فعلو يكون كدة ...
هند : خ خ خلاص ياولدي روق لو ما رضيان ماف شي حيحصل ...
محمد : اصلا ماف شي زي دة حيحصل وعمي أسامة دة او العامل فيها عمي دة انا عندي معاهو كلام ....
هند : لالا ياولدي ماتقلل احترامك معاهو ، عمك ماقصر معانا في شي ،انا حأكلمهم انو الموضوع دة اتلغى تمام ....
محمد : وبعدين ياأمي قبل كل شيء ، انت عايزة بالزواج شنو تاني ، اولاد وعندك وعايشة مرتاحة ، اها بس وريني السبب البخليك تتزوجي تاني !
هند سكتت وماعرفت ترد بشنو...
محمد : ردي علي ي أمي أنا بسأل فيك ...
هند مازالت ساكتة ...
محمد : ولا معقولة تكوني بتحبيهو وعايزاهو لنفسك؟
هند انفعلت وقالت ليهو محمددددد وعايزة تضربو كف بس نزلت ايدها ، قالت ليهو احترم نفسك ياولد وماتنسى اني امك ، كانت بترجف من الزعل وطلعت سريع خلت ولدها فاير للتور ......
يتبع ....
توقعاتكم للجاي ❤️
#هوى القلب#
(8)
بقلم : غزل وليد ..
من اليوم الشفتة فيهو رامي وانا ماقادرة اشيلو من بالي ، صورتو وهو ببتسم كل ما اغمض عيوني بتخيلها ...
المهم كنت متحمسة شديد للخطوبة حقت حماة حسون عشان أكيد حأرجع أشوفو طالما هي أختو ، بس رجعت قلت لروحي دي شنو الهبالة دي ، اها ويعني شنو لو شفتيهو حيحبك مثلا ولا حيعرسك ، اصلا واحد بسماحتو دي استحالة يعرس ليه واحدة عادية ، لا دقيقة والبخليني اصلا افكر كدة شنو ، بقيت بحاول اشغل تفكيري عشان ما أفكر فيهو بس للأسف ما قدرت عدييل ....
قبل يوم الخطوبة حسون اتصلت للرسامة تجيها في البيت ؛ رسمت ليها رسمة حلوة شديد ، ورسمت لي في ايديني شدة م عجبتني الرسمة كل ما ارفع يديني بعاين ليهم هههههه....
كنت متحمسة اشوف نسابة حسون لأني ما حصل شفتهم خالص ، بس كنت متأكدة حيكونو ناس رهيبين اصلا واضح من راجلها وحماها ...
المهم يوم الخطوبة لبستة الفستان الادتني ليهو حسون وطقمتو من عندي ، عملتة ميك اب لطيف ولفيت طرحتي بطريقة حلوة ، حسون لما شافتني قالت لي كان تفكي شعرك وتجدعي الطرحة ، والله انا لو عندي زي شعرك دة بمشي موضة هههههه ، ابتسمتة معاها وقلتة ليها الحجاب حلو برضو ي حسون ...
هي كانت لابسة توب بالفضي عجييييب وشعرها فاكاه وخاتة فيه اكسيسري وعاملة ميكب حلو شديد ،ولابسة دهبها، كانت طالعة عسسل .....
أولادها كانو لابسين طقم ، مطقمين مع ابوهم ، كانو طالعين حلوين حلا تبارك الله ،....
وصلنا البيت واستقبلونا استقبال حلوو ، يايمه نسابة الهنا والسرور والخاطر المجبور، رقي واادب وذوق وتحسهم هاديين ورايقين كدة كانهم من عالم تاني ، المعازيم ماكانو كتار شديد ، تقريبا كانو عازمين الناس المقربين فقط ، عيوني كانت بتفتش على رامي بس مالمحتو ، قلتة لحسون صح ما سألتك راجلك عندو كم اخت ، قالت لي نسيت ماعرفتك عليهم، لبعدين بعرفك عليهم ، عندو اختين الكبيرة دي اللابسة توب كوبي اسمها ميادة ودي راجلها في السعودية عندها منو تلاتة بنات ، والصغيرة ميعاد دي ياها الخطوبتها اسي تقريبا في عمرك كدة .. أما اخوانو أربعة اكبرهم زوجي وبعديه رشيد ودة الكان لابس قميص سماوي بعدين بوصفو ليك ودة عاقد بس لسة م تمم عرسو ؛ بعديه رامي ودة دكتور بتكوني لاقيتيه في المستشفى ، قلتة ليها اي كان لاقيناه بالصدفة آسر عرفني عليهو ، عاينت لي وابتسمت قالت لي اها رأيك فيهو شنو بصوت واطي، قلتة ليها من اي ناحية ؟ ضحكت وما ردت علي ، بعدها قالت لي وأصغرهم رحيم ودة تقريبا في روسيا بحضر في الماستر هناك درس هندسة ....
اثناء م كنا بنتكلم دكتور رامي جاء خاشي ومعاهو واحد ، انا قلبي دة التقول يقع حياا بس استغفر الله ، بقيت احاول اعمل روحي مامنتبهة عشان حسون ما تشغلها لي ، طلعتة تلفوني وعملتة فيها مشغولة بيهو ، حسون ضربتني براحة وقالت لي هداك رامي ، عملتة فيها ماشغالة بالموضوع ورفعتة راسي بلامبالاة نظام عادي وكدة في حين انا من جوة ماعايزة اشوف زول غيرو 😭 قلتة ليها اي عرفتو ورجعتة عاينتة في تلفوني .... اولاد حسون اول م شافو عمهم جرو عليه ، رفع حمودي الصغير ومسك التاني بإيدو التانية وجاء علينا ، سلم علينا وقال لحسون شنو اختفيتو كدة طولنا ما شفناكم بجاي ، قالت ليهو والله بس مشغوليات وكدة كل مرة بنخطط نجيكم بس بتحصل حاجة قالت ليها يازوله ماف مشكلة الظروف مع الناس والله ، قالت ليهو فعلا ، طبعا دي بت خالتي رفيف دكتورة نزلت امتياز في الايام الفاتت دي ، قال ليها أيوة اتلاقينا آسر عرفنا ببعض وابتسم معاي ، أنا من التوتر ماقدرتة اعاين ليه في وشو عديل ، قال لي اها كيف مع الشغل أن شاء الله مايكون جدولك ضاغط ، (نبرة صوتو هادية وفي نفس الوقت كلها رجولة ) قلتة ليهو شغالة الاسبوع كلو عدا الجمعة والسبت ، قال لي كويس ، انا طبعا شغال يومين في المستشفى التعليمي قسم الأمراض الجلدية والتناسلية ، أما باقي الايام شغال في مستشفى (....)الخاص قلتة ليهو ايوا م شاء الله ، اثناء م كنا بنتكلم امو جات وقالت يلا ي جماعة اهل الراجل خلاص وصلو ......
كلنا مشينا الصالة حقت الخطوبة ، كانت مزينة بطريقة رهيبة، العريس أو الخطيب واهلو كانو ماشاء الله باين عليهم العز ، فضلوهم وبدينا الضيافة ، انا قمت عشان اساعدهم في الضيافة ، كل حاجة كانت مرتبة بطريقة واو ؛ الخبايز معمولة كذا صنف والحلويات والعصاير ..
بعدها العروس جات شايلة القهوة وضيفت اهل الراجل
كانت حلاتها، لابسة فستان بترولي قصتو كانت تحفةةة
شوية كدة لبسو الخواتم وابتدت الزغاريد قمنا باركنا ليهم وشغلوا اغاني عشان الناس تنطرب شوية ، لحظتها بقيت بتخيل انو لو كان دي خطوبتي انا ورامي احساسي حيكون كيف ، بس فقتة من أحلامي حقت العصر دي وقلتة يارفيف استهدي بالله عليك الله اسي هو يخلي بنات اهلو السمحات والمزز ديل والدكتورات الشغالات معاهو ويعاين ليك انتي؟ هه في أحلامك...
أم ،وتقاسمت معي الشدائد لقد حضرت لهنا اليوم نزولاً عند رغبتها ولكنني ارفض الطلاق ،ارفض التخلي عن زوجتي سيدي القاضي،بالطبع حياتنا ليست مثالية وتتخللها الخلافات ،إن كان هناك اي شيء يمكنني فعله لتحسين حياتنا الزوجية فأنا مستعد للقيام به،إن كان هناك اي مشكلة يمكنني حلها فأنا مستعد لفعل اي شيء لحلها،بالطبع لن يحدث هذا دون رغبتها ،انا اقف هنا و اقول ما يجول في خاطري وفي الوقت ذاته احترم رغبتها التي اتت بنا إلى هنا..
سكت القاضي لأكتر من10دقايق وهو مركز في الورق القدامه بعدين رفع راسه وقال:حسناً انا ارى أن هناك حلول يمكن ان تساعد في حل الخلافات بينكما بشكل ودي ،يمكننا اتباع الوساطة والتفاوض لحل الأمر بينكما كما انني أوصي السيد ماكرون الخبير في العلاقات الزوجية بشكل شخصي بالجلوس معكما لمساعدتكما
ولكن بناءً على ما قدمتماه لي امام الجميع لم اجد اسباباً كافية للطلاق،لذا ينص واجبي ان اطلب منكما الإستمرار في هذا الزواج وارفض دعوى الطلاق هذه
يمكنكما تقديم استئناف الدعوى للمحكمة اذا لم تكونا راضيين عن الحكم وتقديم أسباب كافية لدعم دعواكم والإستمرار في الإجراءات
رفعت الجلسة.
حسيت بروحي قدر السمسمة قدام روحي وم قدرت ارفع راسي حتى عشان اعاين لسياف بعد كل الكلام القاله عني دة،اتبادر لمخيلتي هل الكلام دة حقيقي ولا بقنع بيه القاضي بس؟ولو حقيقي ليه خلانا نصل المحكمة وانا امبارح كنت معاه في بيته؟
لما طلعت من المحكمة سياف كان واقف مع مستر مورفي وجنبه تاكسي ،وقفت على بُعد مسافة منهم ،غفلت لحظة بس لقيته اختفى ومستر مورفي جا علي وقال لي هل نذهب الأن؟يمكنني اخذك في طريقي إذا اردت..
إستغربت سياف كيف مشى كدة بدون م يتكلم معي،طيب والحصل جوة المحكمة دة شنو؟
متى يمكننا إستئناف القضية؟
هل ترغبين في الإستئناف؟
اجل
بقى يعاين لي بإستغراب هل انت متأكدة؟
اجل ،اتنهدت وانا بقول ليه:ولكن لا تقلق،سأدفع جميع تكاليف القضية ،ارجو المعذرة سأتمشى قليلاً،وسأعاود الإتصال بك
إتمشيت في الشارع لفترة وعاينت للزمن لقيته مشى ف مشيت الدوام ،اول م وصلت طلبتني مسز اني في المكتب بتاعها
وصلت المكتب ودخلت عليها :
صباح الخير مسز اني
صباح النور،كيف جرت الأمور في المحكمة؟
لم يتم الأمر،القاضي رفض الدعوى وامر بإستمرار الزواج لأنه لم يجد اسباباً كافية للإنفصال
إبتهجت تقاسيم وشها للحظات وبعدين رجعت لعبوسها وهي بتقول لي:هل انتِ بخير؟
اكون بخير بجانبه ولكن ما فائدة كوني بخير وانا خائفة ،بحوزة عمار فيديو لسياف وهو يُطلق النار على السيد بابل تلك الحادثة عندما قام بخطفي تذكرينها صحيح؟ وصول هذا الفيديو لأيدي الشرطة او لا يتوقف على ما سأُقرره هذا ما رمت إلي به جوليا عند زيارتها لي في مكتب التحقيق الفدرالي لعقد صفقة معي لكي لا اقوم بذكر اي شيء يخص عمار والسيد تايسون وكاثرين والدار..
كان عليك إخباره بزيارة جوليا لك ،دعي الأمر له ،هو من يقرر ما يريده ،بطلبك للطلاق انتِ تحققين لذلك المُختل رغباته
اثناء م هي بتتكلم جاتني مكالمة..
إنفرجت اساريري لما شفت اسم المتصل
وقفت بسرعة وانا بقول ليها:ارجو المعذرة..
طلعت من المكتب ورديت على المكالمة..
شهد وين انت؟
في المكتبة
بتخلصي الساعة كم ؟واذا فاضية الان كلميني
بخلص الساعة6ان شاء الله
تمام،ينفع اجي أخدك نطلع مع بعض لو م عندك إلتزام
سكتت لحظات بعدها قلت ليه:تمام م عندي مشكلة
طيب معناها انا الساعة7 حأكون في سكن المكتبة بس رسلي لي اللوكيشن
طيب حاضر
قفلت الخط وانا بتبسم ومتوترة ،
من الحماس نسيت ارجع لمكتب مسز اني ورجعت مستودع الكُتب وبديت اشتغل على طول
مضت ساعات اليوم بسرعة،طلعت قبل 6من الدوام رجعت السكن،عملت ماسك لوشي ولفيت شعري وفتحت شنطتي بديت اختار حاجة ينفع اللبسها ،
كنت بجهز وانا بتذكر في كلامه لي دايماً:انا باخدك على قدر عقلك ف اغلطي براحتك كدة كدة حأصالحك اسوي شنو يعني؟ ما عندي حل غير كدة
لما جات الساعة 7:00 بالظبط جاتني مكالمة منه رديت عليه:
جاهزة؟
ايوا
تمام انا قريب عليك على بال م اوصل انزلي
اول م قفلت نزلت انتظرته قدام باب السكن عشان م يخلي بتاع التاكسي ينتظر
وانا منتظرة اتفاجأت بعربيته بتقيف قدامي..
بإستنكار بقيت اعاين للعربية،كيف سايق برجله دي؟
نزل من العربيه وقال لي:مساء الخير!!
مساء النور
فتح لي الباب
انت كيف سايق برجلك دي ؟
أنا لو م متأكد إني تمام م حأسوق اكيد
طيب خليني انا اسوق انت خليك
شهد،يلا اركبي
بإستسلام ركبت وإتحرك
ناولني ظرف من الدرج
شلته بإستغراب وقلبته يمين وشمال
فتحته..
كانت فيه مجموعة من الحاجات..
لا بس حأطلع برة البيت شويه ،انت حاول ترتاح عشان المسكن وكدة،كان فاتح اللابتوب قدامه شلته منه وقلت ليه :إرتاح اول
قال لي :ما عندي شغل فيه بس عندي حاجة عايز احفظها واقفله
عاينت للجهاز في الشاشة كانت في صورة لتذكرة سفر،ناولته الجهاز وقلت ليه :لو عايز حاجة تاكلها ممكن اطبخ ليك
لا م عاوز،اكلت قبل م اجي هنا
طيب تمام،انا حاقعد قدام الباب شويه لو احتجت شي ناديني
كان بعاين لي من سكات ،اما انا ف كنت بحاول احافظ على شويه الثبات العندي دة ولو لمدة دقيقتينلغاية م اتحرك من جنبه،
اول م قعدت قدام باب البيت م قدرت امسك دموعي،بكيت وانا بفكر في حاله وحياته اول م اتلاقينا وحاله هسي،بقى واضح شديد في وشه الهم والإرهاق والتعب حتى عادات كتيرة اتغيرت عنده بسببي وحياته بقت على حافة الهاوية..قعدت اكتر من نص ساعة براي وفي لحظة حسيته بقعد جنبي وهو ماسك كبايتين شاي ومادي لي واحدة..
مسحت دموعي بسرعة وقلت :ليه اتحركت وم كلمتني؟كنت جيت عملت ليك عصير بدل القهوة
ناديت عليك بس م سمعتي
سرحت شويه!
شويه بس؟
كنت بتجنب اعاين ليه سكتت لحظات بعدها قلت ليه: ليه بتكذب علي؟إنت مضروب طلقة!!
سكت
سكاته كان إجابة بالنسبة لي ، م قدرت امسك دموعي قدامه للمرة التانية بعد السؤال دة
انا تمام شهد!!الموضوع ما بالسوء دة زي م شايفة..
وقفت على حيلي وإستسلمت لأعصابي المنهارة:حيحصل شنو اسوأ من كدة سياف؟نقعد ننتظر الأسوأ لما يقتلوك يعني ولا شنو؟ بعدين فهمني متين وكيف حصل كدة؟وفتحت بلاغ ولا لأ؟وليه انا م عندي علم بالحاجة دي؟
سكت
بحسرة قلت ليه:طبعاً لو فتحت بلاغ م كنت حألقاك بالمنظر دة في البيت،انت بتحمي في منو بالضبط سياف؟لما تتستر عليه كدة بتحميني منه؟عارف إنه طالما بقى الموضوع كدة م حيوقف؟لما انت تموت كدة حتحميني منه؟
رجعت عاينت لملامحه كانت مرهقة وجسمه دافي ومُعرق،ووشه حزين كأنه عِبر الدنيا دي كلها فيه
حروف بقية الكلام اتضاربت في حلقي وبقت م عايزة تطلع،إتنهدت وبإستسلام مديت ليه يدي:تمام،تعال ندخل البيت عشان ترتاح
إتسند علي ودخلنا البيت طلب منه ارقده في الكنبة ،دخلت غرفته كانت في شنطة في سريرو ،شلت الغطى وعلى بال م اصله واغطيه لقيته نام
قعدت في الكرسي المقابل ليه وانا بفكر كلامي معاه م كان مؤثر ولا حسيت إنه حيأثر فيه،إنه قراري في الإنفصال كان خيار سليم وانا شايفة بعيني حالته الوصل ليها دي..
عديت اغلب ساعات الليل وانا سرحانة وبراقب فيه ، نمت قريب للفجر في مكاني وم صحيت إلا بصوت بعييد كأني بحلم ولما اتكرر إستوعبت انه دة صوت تلفونه رفعت راسي لقيته طالع من المطبخ وجاي بإتجاه التلفون،كان لابس وواضح إنه طالع الشغل
نزلت بسرعة
صباح الخير!
صباح النور
كيف اصبحت اليوم؟انت كويس؟الحمى نزلت؟وماشي وين لابس كدة؟
الحمدلله تمام ،ليه نمتي هنا كان تدخلي غرفتك
ما جاوبتني ماشي وين بحالتك دي؟
سكت
بقيت اعاين لشعره ولحيتو البقو كثيفين وهو كأنه م شايفهم وإهماله البقى واضح شديد لنفسه ،شلت تلفوني وعاينت فيه عشان اتجنب نظراته لي ف لقيت مسج من مستر مورفي مترسلة من امبارح محتواها:
تم تحديد الجلسة الأولى لقضية الطلاق بتاريخ17 من الشهر الجاري عند الساعة العاشرة صباحاً
عاينت لتاريخ اليوم عندي في التلفون لقيته يوم 16،يعني حتكون واقعة بكرة،تلقائياً وشي ملامحه إتغيرت واتلخبطت لحظات معقول؟بالسرعة دي؟
عاينت ليه وقلت في نفسي:اكيد مستر مورفي كلمه زي م كلمني بمواعيد الجلسة وهو بتعامل عادي
وقفت وقلت ليه::انا حأدخل ألم شنطتي وحاجاتي وأمشي السكن حتى ارجع الشغل لأنه الزمن اتأخر والشغل فيه قوانين م ينفع
إتخطيته ودخلت غرفتي،كانت زي م هي لما خليتها،فتحت الدولاب طلعت شنطتي وبديت انزل في حاجاتي المهمة واثناء م انا منشغلة بالترتيب لقيته واقف في باب الغرفة وبعاين لي..
خليني اوصلك بس افطري واشربي الشاي اول
قصدك وصليني ،انت حتسوق كيف برجلك دي؟+انا صايمة اليوم
تقبل الله الصيام،حأوصلك بتاكسي لأنه عربيتي في الورشة
م تتعب روحك ،انت امشي دوامك اكيد مهم طبعاً اهم من اي شيء في الحياة بالنسبة ليك،انا باخد تاكسي ما مشكلة
بقى يعاين لي من سكات!!
خلصت من ترتيب حاجاتي وطلعنا مع بعض،وقف لي تاكسي ووقف لروحه واحد تاني ،دخل لي حاجاتي في التاكسي وقبل م اركب مديت ليه المفتاح وانا بقول ليه:اتفضل ما بتاعي بعد كدة وم عندي حق اخده معي نتلاقى بكرة إن شاء الله في قاعة المحكمة،اكيد مستر مورفي كلمك بموعد جلسة الطلاق الإتحدد صح؟
كلمني ايوا...شال المفتاح وبلا مبالاة قال لي تمام لبكرة إن شاء الله
إن شاء الله
ركبت التاكسي ودموعي م وقفت ،وم مشيت الدوام وصلت السكن وقفلت على نفسي م متذكرة عديت ساعات الإنتظار دي كلها كيف ومليون سيناريو في راسي بسبب ردود فعله الباردة
تمام ،شلت شنطتي واتحركت خطوتين بعدين وقفت
ااااا ممكن امشي البيت اخد شنطة ملابسي ؟لو عندك مشكلة ممكن تلم لي ملابسي وتختها قدام الباب بس انا حاجي اخدها..
فتح الدرج وقدم لي المُفتاح :دة بيتك حتى لو ننفصل حيفضل كدة وعلى فكرة انا حأنتقل لبيت جديد والبيت حيكون فاضي والإيجار بتاعه سنوي، ارجعي عيشي فيه ومتى ما حسيتي إنك محتاجاني في حاجة انا موجود
شكراً بس انا بقدر ادبر لنفسي سكن وارتب اموري خليك في بيتك وركز في حياتك ما اظن احتاجك في شي، وكان لقيتني في النار زيدني حطب
بإستنكار قال لي: ليه الإسلوب العدائي دة؟المفروض إنه دة قرارك وانتِ بادرتي بيه ونحن اكبر من كدة صح والإحترام بينا متبادل ما حينتهي بنهاية العلاقة دي ولا كيف؟
قبل كدة انت قلت م بتحب الرمادية وانا كمان بقيت ما بحب الرمادية وم بحب العلاقات المايعة والمدهننة دي يا اسود يا ابيض كفاية جداً انه البينا حينتهي بكل إحترام وبعد م ينتهي اتمنى ما نتقاطع في حاجة تاني ولا في اي مكان بس كدة
طلعت وانا مخنوقة،عيوني م شايفة قدامي من كتر الدموع المغرقاها،وحاسة الدم م جاري في عروقي اللحظة ديك،م كنت قادرة اتنفس،م عارفة كيف قدرت اصل حديقة المبنى ووقفت وانا بحاول اتنفس وامسك دموعي،كنت بتنفس زي الشخص المقطوع عنه الأوكسجين وبتنهد ،طلعت من الشركة وانا بجري في الطريق،بجري بدون توقف ومسلمة نفسي للهواء ومتخطية كل الناس والعربات والحاجات المتحركة حوالي ،جريت اطول مسافة ممكن الواحد يتخيلها لغاية م وصلت حديقة عامة اترميت في اول مقعد لقيته بحيل متهالك وشنطتي في الأرض وسمحت لدموعي تنزل في اللحظة دي..
...........................................
مرحباً،هذا انا سياف معك،كيف حالك؟
مرحباً،ظننتك تراجعت عن الأمر و لن تعاود الإتصال بي
كل شيء اصبح جاهز،ولكنني احتاج ليوم اخر قبل إرسال الأوراق المطلوبة
بالتأكيد لك ذلك
حسناً ،الى اللقاء
نهيت المكالمة ورجعت إتصلت على بابل..
بابل لدي 24ساعة فقط،احتاج تقارير إضافية عن ذلك الأمر
كما اخبرتك جيني سابقاً سياف ذلك المكان أمن لمن يجهل اين هو،واكثر خُطورة لمن ليس كذلك،والدخول إليه ليس امراً مستحيلاً ولكن اخبرني بما يدور في عقلك؟
أفكر في إدخال شهد الى هناك
هل جننت؟
لا،فكرت جيداً بالأمر واعرف ما اقول
لماذا؟ما اعرفه انك لن تسمح بهذا الأمر
يعمل عمار بجهد بالغ ويهدر الكثير من الوقت ويحصل على الكثير من تمويلات الأموال من مصدار مختلفة منذ بداية العام فقط للوصول لهذه المرحلة من عملياته،ينتهي دوره بوصول البعثات للأراضي الأمريكية ينتقل بعد ذلك للتفرغ لعمله ك طبيب في هذه الفترة ويترك إدارة الأمور بعد ذلك لمن هم مسؤولون عن القيام ببقية الأمور
بما ان ديسمبر قد إقترب اوانه حسبما لدي من معلومات هناك مجموعات جديدة من المبتعثات وصلت حديثاً الى لاس فيغاس،تم استقبال هؤلاء الفتيات في لوس انجلوس كانت هناك حملة إعلانية للترويج عن المنظمة المسؤولة عن البعثة ومدى مصداقيتها لإستقطاب اعداد جديدة عن طريق التسويق بإستخدام هؤلاء الفتيات ك واجهة للترويج للمنظمة،النقطة الأهم هي ان تلك الفتيات القادمات من دول مختلفة يتم خداعهن بإستخدام شخصيات مؤثرة من تلك الدول التي يأتين منها،يؤسفني ان اقول ان واحدة من هذه الشخصيات المستخدمة هي شهد
بابل بنبرة دهشة قال:ماذا؟هل تعي لخطورة ما تقول سياف؟ما علاقة شهد بالأمر؟
اجل،انا ايضاً صُعقت عندما علمت بالأمر مؤخراً؟
كيف ذلك؟
بالرجوع الى ملف شهد قبل قدومها الى امريكا عملت ك متطوعة في الكثير من منظمات المجتمع المدني وتنقلت بين الكثير من مناطق الشِدة والحروبات في السودان هذا الأمر وضعها موضع ابرز الأشخاص الفاعلين في المجتمع لتقديم المساعدات للأطفال والنساء بشكل خاص،إختيار عمار للزواج منها كان مبنياً على هذه الخلفية عنها،اي انه كان يعلم يقيناً مدى الإستفادة التي سيجنيها بزواجه منها، وبالفعل بعد الزواج منه استطاع إقناع شهد بترأس منصب الإدارة في منظمته الخيرية هذه المنظمة الوهمية تستخدم كواجهة لنشاطاته غير الشرعية في افريقيا والشرق الأوسط،كانت الأمور تسير بشكل يسير ولكن سرعان م تغير مجرى الأمور بمعرفة شهد لحقيقته،كانت الخطة هي إعادتها للديار والتخلص منها ولكن حدث مالم يكن في الحسبان وهو تخلف شهد عن الرحلة ويبدو ان الحظ قد حالفه بعدم خروجها من الولايات المُتحدة
يدير عمار وجماعته منظمته الان بإستخدام فديوهات معدلة بواسطة تقنية الذكاء الصناعي لشخصيات مؤثرة وفاعلة في المجتمع من دول وقارات مختلفة ،الإعتماد الكُلي مبني على هذه الشخصيات..
لا تقل لي ان شهد واحدة من هؤلاء الشخصيات التي يتم استخدامها لإستقطاب المجموعات القادمة من السودان ودول الجوار؟
#ليلة_في_ديسمبر84
هل هذه مزحة؟
لا،انا اقول لك باشر عملك مستر مورفي ،إبدأ في إجراءات الطلاق
بعد م قفلت بابل قال لي:
كان علي إخبارك بهذا سابقاً ولكنك كنت بحاجة إلى بعض الراحة،تحدتث الي ميغان ليلة البارحة،اخبرتني ان شهد تبحث عنك وان وضعها لا يوحي بأنها بخير ،ميغان اخبرتها انها تحدثت إليك قبل ساعات قليلة وحاولت التواصل معك للتحدث إليها ولكن هاتفك مغلق ،وهاتفي لم يكن بحوزتي حينها،حاولت ميغان إقناعها بالبقاء معها الى حين عودتنا ولكنها لم تقبل بذلك
فتحت تلفوني كانت في رسايل كتيرة نازلة من بينها رسايل من مسز اني بتقول"زوجتك معي إن كان يُهمك الأمر
قلت للسواق:إذهب بنا إلى هذا العنوان
حسناً،وصلنا البيت وقلت للسواق شكراً لك،بابل يمكنك الذهاب لمنزلك الان..
بابل بإستغراب قال لي:الن تذهب للبحث عن شهد؟
ولِم اذهب للبحث عنها؟ستأتي وحدها إن كانت تريد ذلك ،هيا لنلتقي لاحقاً،كنت متألم من الجرح في رجلي والحاجة الوحيدة المحتاجها مُسكن
هل انت بحاجة مُساعدة؟
لا ،شكراً لك،يمكنني تدبر امري ،هيا اذهب انت لتستريح قليلاً
دخلت البيت وانا بحول عيوني حواليه ،كالعادة كان في قمة سكونه ،قعدت على الكنبة بحيل متهالك وانا بتنهد،شلت تلفوني ورجعت إتصلت على مستر مورفي..
مورفي ،هذا انا سياف،هل يمكن ان تُصبح اوراق الطلاق جاهزة في اقرب وقت؟حسناً هذا جيد،عند الإنتهاء من سير الإجراءات اخبر موكلتك اننا يجب ان نلتقي للتفاوض على الشروط التي ينبغي علينا التفاوض عليها لإستكمال بقية الإجراءات ،إن كانت ترغب في ان يتم الطلاق بأسرع وقت ،اعلمني بعدها عن المكان الذي ترغب في ان نلتقي به..
................................
الحي الصيني/Bookshop
شهد~
دع هذه الكراتين لي ،انا سأتولى امرها..
ولكنها اكثر مما يمكنك تفريغها وترتيبها وحدك
سأفعل،أترك الأمر لي
هل انتِ متأكدة؟
إتجاهلت السؤال وانا بتناول المقص وبفك اللزاق بتاع الكرتونة وبفرغ الكُتب منها بسرعة وبرتبها على جنب وبتجه للكرتونة التانية،في الحقيقة م كان الشغل دة مجرد وسيلة لحوجة مادية بس،انا كنت في حوجة لإني ابذل مجهود اكتر مما يتخيل اي إنسان عشان بس ابطل افكر...
في وقت وجيز انهيت الكراتين الحوالي بدون م احس بالزمن ولا اي إرهاق جسدي،بس كنت حاسة بضربات قلبي متسارعة،طلعت الإستراحة شربت موية وقعدت في الكنبة وانا مغمضة وبحاول استرخى،لحظات سمعت صوت رنين..
فتحت عيوني وانا بعاين حوالي بعدين إستوعبت انه التلفون في جيبي،رجعت إستعملت تلفوني القديم الكنت شغالة بيه قبل م سياف يجيب لي تلفون وياخده عمار وقت حادثة المصح..
طلعت تلفوني بإستعجال..
مساء الخير مستر مورفي،هل من جديد؟
عاد السيد سياف الى المدينة اليوم..
حسناً
انااااا...كان متردد في كلامه
اسمعك
تحدثت مع سياف بخصوص قضية الطلاق
اجل؟
طلب مني تجهيز الأوراق وقبل قليل طلب الإستعجال في الأمر،كما انه طلب مني اخبارك بضرورة الجلوس مع بعضكما للتفاوض على الشروط التي ينبغي عليكما التفاوض عليها..
اخبره انني اتنازل عن جميع حقوقي واوفق على جميع شروطة فقط دع الأمر يحدث مستر مور..رجعت فكرت وسكتت للحظات بعدها قلت ليه،حسناً ،انا اوافق ان نجلس معا ونتحدث
حسناً ،غداً صباحاً لنلتقي بالشركة ونتحدث
حسناً،انا موافقة
قفلت الخط وانا بعاين لتلفوني الشاشته منتهية وبعاين في الفوضى الحوالي وببتسم بسخرية على نفسي وعلى الوضع الأنا فيه،كأنه الحاصل دة م حقيقي،كإني بحلم،معقول للدرجة دي كان منتظر الخطوة دي تبدر مني عشان يتجاوب معاها بالسرعة دي؟
سيدة شهد،مسز اني تطلب حضورك لمكتبها
شعرت بواقعية اللحظة بسماع صوت واحدة من الموظفات ،حسيت بقبضة في قلبي،ليه ممكن تطلبني مسز اني في المكتب؟
ارجو المعذرة،هل هي وحدها في المكتب؟
اجل،انها بإنتظارك..
وقفت على حيلي ورتبت نفسي وإتحركت مشيت عليها ،
لما دخلت المكتب كانت منهمكة بالشغل في اوراق قدامها وشكلها م حست بوجودي..
مسز اني؟!
رفعت راسها ونزلت نظارتها وهي بتقول لي:يمكنك الجلوس..
قعدت وانا مشبكة يدي ببعض
هل تسير الأمور على ما يرام؟
اجل،لقد باشرت بالعمل واوشكت على إنهاء عملي الذي ترتب علي لليوم ،وايضاً يمكنني العمل ليلاً و..
لا اتحدث عن العمل شهد،انا اتحدث عن الأمور بينك وبين زوجك المحامي ،كما علمت انه عاد الى المدينة وانت ما زلت هنا !!
هنا فهمت الإستفهامات البتستفسر عنها..
إتنهدت وانا بقول ليها:ليست جيدة ولكنني احاول ان اكون بخير مسز اني..
لا احب التطفل على حياة الأخرين ولكن حدسي يُخبرني انه رجل جيد،اتمنى ان تُحل الأمور بينكما ،على اي حال تفضلي..
هذا المفتاح يعود لغرفة في قسم السكن الخاص بالعاملين،يمكنك البقاء بها كيفما شئت ،فقط هناك بعض اللوائح والقوانين التي عليك إتباعها
لما خشيت لقيت الطوارئ لقيتها ملانة شديد وجوطة ، شكلو في حادث حصل ، لأنو الطاقم الطبي كان مهرول شديد وفي جرجى رافعنهم بالنقالات، لمحتة وحدة زميلة معانا وسألتها عن الحاصل ، قالت لي حصل حادث سير وحاليا الجرحى كتار ، خلينا نسعفهم ، مشيت معاها وحرفيا المنظر كان بشع بشع جدا ومنظر الدم مرعب عديل ، طوالي بدينا نسعفهم ومعانا كبار الدكاترة ، شوية كدة شفتة دكتور رامي برضو معاهم ....
بعد ساعة ونص كدة حتى الوضع شوية راق واستقر الحمد لله قدرنا نسعف كل المصابين عدا تلاتة حالتهم كانت حرجة جدا وديل اتوفو 💔 لما شفتة منظر أهلهم والبكاء دموعي دي نزلت بالجد حالتهم كانت تحنن.....
لما جاء زمن الاستراحة حقت الفطور بشير قال لينا اها ياجماعة رأيكم شنو الليلة نطلب بوش ظاابط ، قلنا ليهو قداام ، مشى جاب لينا فتة ظاابطة ومعاها الشطة ، قمنا عشان نغسل ايدينا عشان ناكل ، دكتور رامي جاء خاشي علينا وقال السلام عليكم، سلم على الأولاد سلام معرفة ، قالو ليهو الا يقعد يفطر معانا ، قال ليهم ما حأقول لا اصلا بحب البوش ، جوة قلبي قلتة دة المفروض م يأكلوه بوش والله ، حاجة سمحة كدة بتاكل بوش ؟🤣🤣🤣 ..
بدينا ناكل وشغالين ونسة وضحك ، طلع ظريف و وناس كمان وعندو سماحة ضحكة وااي بس الحمد لله ، انا دي الاكل غلبني عديل وبس بقيت منتبهة مع ضحكتو الدشدشتني عديل ولا عيونو السمحات ديل استغفر الله بس ، م أنا براي طبعا كل بنات حواء المعاي مدشدشين🙂 ....
بعد م فطرنا قال لينا شكرا ع العزومة المرة الجاية العزومة علي ان شاءالله .....
بعدها طلع ومشى ، طبعا اول م مشى البنات ديل شغالات انبراش من العيار الثقييل الا انا عاملة فيها تقيلة وما شغالة بالموضوع بس من جوة العكس🤣
بعد الدوام خلص سما قالت لي ارح نمش ناكل ايسكريم في ( ...) انا عازماك، قلتة ليهو طواالي ارح ماف عزومة برفضوها 😹😹 مشينا وطلبنا ايسكريم المقاس الكريم
كان تحفة وطعمو رهييب ، وبقينا بنتونس .....
سما : طبعا يا رفيف دكتور رامي دة كسر فيني ضلعة وااي بس ، واي من سماحتو ومن ضحكتو ومن اناقتو ، اسي دة امو بتكون اتوحمت على شنو لحدي ما ولدت ليها قمر زي دة احيييا بس ....
انا حسيت بنوع من الغيرة هههههه التقول راجلي ، قلتة ليها والله هو حلاتو بس م للدرجة البتقوليها دي ...
سما: نعم ي شيخة ؟؟؟؟
رفيف: طبعا ببقى لبت خالتي حماها ....
سما : انت جاااادة؟؟؟؟؟؟ وبعليااااا يعني اهلكم ؟
رفيف: نسابة بت خالتي بس ماأهلنا....
سما : المهم في النهاية بتكونو قرايب ، يعني بتعرفيهو ؟
رفيف: لالا والله دي اول مرة اشوفو ، الصباح اخوهو الكبير وصلني المستشفى ولاقيناه جمب البوابة وعرفني عليهو....
منن : بختككك عندكم نسابة حلويين كدة ، لو محلك كنت حأربط معاه واعرسو😭
رفيف : اسي برضو عرسيهو المانع شنو ههههه....
منن : بري الزي دة ما بعاين لي ، الزيو دة مفروض يختوه في المتحف ويعاينو ليهو بس 😭
غيتو الله يغفر لينا ، كويس انا كنت منبرشة من جوة وما مظهرة الحاجة دي خااالص هههههههه ...
♡♡♡♡♡♡♡♡♡♡♡♡♡♡♡♡♡♡
هند اتصلت لأختها الكبيرة في الكويت وحكت ليها بالحاصل وهي رأيها شنو في الموضوع دة اختها أيدتها وانها موافقة ، اصلا أسامة راجل بمعنى الكلمة...
* هند والديها متوفين وعندها اخت شقيقة واحدة متزوجة ومقيمة في الكويت ، اخوانها المن اب أربعة بنات و ولدين بس علاقتها بيهم م قوية ونصهم في ولايات تانية *
......
بعد كم يوم حجة التومة جاتها في البيت عديل وسألتها اها ردها شنو ، هند قالت ليها البتشوفيهو انت مناسب انت عارفاني ما بكسر كلمتك ؛ التومة لحظتها حضنتها وبكت بكاء ، وباستها في راسها، قالت ليها الله يرضى عنك دنيا واخر ويبسطك زي ما بسطيني ياحبيبتي ....
هند : بس ياخالتي عندي شرط ..
التومة : قولي يابتي ...
هند : حاليا الموضوع دة يكون بيناتنا وما يعرف بيهو اي زول لحدي ما أولادي يمتحنو ؛ و محمد يمتحن الشهادة حتى بعدها نفتح ليهم الموضوع بالأول...
التومة : ماعندك ااي مشكلة يابتي .....
.....
أسامة كان مقلق شديد ، وأول ما أمو جات خاشة البيت مشى قعد جمبها وقال ليها اها يمة هند وافقت ولا لا ؟
التومة حبت تلعب بأعصابو شوية وسكتت ماردت ، أسامة قال ليها بحزن انا كنت حاسي انها حترفض ، وقام عشان يمشي ، أمو مسكتو وقالت ليهو هند بتي ما بتكسر كلمتي و وافقت على الزواج ، أسامة من الفرح قرب يرفع امو عديل هههههههه ، ماكان قادر يصدق انو هند وافقت بيهو ...
امو قالت ليهو بالشرط حق هند وقال ليها ماعندو اي مشكلة ومستعد ينتظرها مدى العمر ......
بالمساء شال تلفونو وكان متردد مابين يتصل ليها او لا ، مع انو خالص ما قاعد يتصل ليها إلا للضرورة القصوى او حاصل شي مهم شديد ...
حجة التومة قالت لهند عليك الله يابتي فكري فكري وماتستعجلي عشان خاطري عندك ، هند غلبها التقولو ليها تاني ، بعدها التومة اتصلت على ولدها عشان يجي يرجعها البيت ، لما وصل محمد فتح ليه الباب وقعد اتونس معاه شوية حتى بعدها حجة التومة طلعت عشان تمشي معاه ، هند أول ما سمعت صوت أسامة اتوترت عدييل ولو عليها ما تطلع زاتو عشان ما عايزة تقابلو بس كانت مضطرة تطلع توصلهم لحدي الباب ، أسامة لما شافها حس انها ما على بعضها وعينها من الواطة ما رفعتها ، عرف انو أمو خلاص حكت معاها في الموضوع داك ، كان حاسي انها رفضت الحكاية وشعر بخوف كدة ....
كان سايق وساكت ماسأل امو شي ، وحتى أمو مافتحت خشمها ، بس الموضوع غلبو وماقدر يصبر فقال ليها اها الحصل شنو ياأمي ، التومة قالت ليهو والله الصراحة هند ماعجبها الموضوع وحتى انها ما خاتة فكرة انها تتزوج تاني ، وحكت ليهو كل الكلام القالتو هند ، أسامة حس بخيبة أمل وإحباط ، أمو حست بيهو وقالت ليهو ماتخاف ياولدي انا قلتة ليها ماتستعجل انها تاخد اي قرار الا تفكر بالأول وبعد اسبوع بتصل ليها وبشوف البحصل شنو ، أسامة قال ليها خير ان شاءالله ياأمي وسكت على كدة ....
..... هند الليل كلو ماقدرت تنوم وبتفكر بس ، من ناحية هي شايفة حكاية انها تتزوج تاني دي ما بتجي ولا حتى هي ما حصل فكرت انها تتزوج من بعد وفاه راجلها ، ومن ناحية كانت بتفكر هل وقفة أسامة معاهم السنين دي كلها معقولة كانت بهدف انو عشان يتزوجها
صدعت عديل من كترة التفكير لحدي ما الصبح اذن ، قامت صلت ودعت كتيير وبعدها قامت صحت اولادها عشان يصلو ويذاكرو دروسهم....
الساعة ستة لما جات قامت عملت الشاي ، ودت لمحمد كباية الشاي في غرفتو ، وقبل م تطلع محمد مسكها من ايدها وقال ليها أمي انت كويسة ، هند قالت ليهو كويسة ياولدي ، قال ليها بس عيونك مالها واقعة ماتكوني عيانة وخت ايدو في وشها عشان يشوفها اذا محمومة اولا بس حرارتها كانت عادية ؛ هند قالت ليهو ماتخاف حبيبي امك كويسة بس عشان صحيت من النوم قبل شوية ، محمد ما اقتنع خالص من كلام أمو بس سكت ماقال شي ، بعرفها كويس لما تكون شايلة هم لشي او يكون في موضوع شاغل بالها .....
بعد كم يوم كدة رقية جاتها في البيت عشان تسلم عليها و شربت معاها القهوة ..
رقية : طبعا ياهند لقيت واحدة بتبيع حلاة ملايات قلتة الا اكلمك تشتري منها برضو ...
هند : سبحان الله انت عارفة قريبات دي كنت بفكر اشتري ملايات للمظلة الكبيرة ، وصفي لي محلها اشيل لي جوزين ...
رقية : خلاص يازوله انا بديك رقمها تتواصلي معاها وعندها توصيل برضو للبيت ...
هند : كويس شديد والله ، بركة الوريتيني ....
رقية : انت كويسة ياهندوية؟ ليه حاسة بيك غريبة غريبة الليلة ، الحاصل شنو ....
هند :( سكتت شوية وقررت انها تحكي لرقية بالحاصل ، اصلا هما قريبات من بعض شديد ) والله يارقية في موضوع عايزة احكيهو ليك ومحتاجة رأيك ....
رقية عدلت قعدتها وقالت ليهو احكي ي أختى سامعاك ، هند حكت ليها الكلام كلوو من البداية للنهاية ....
هند : اها اسي انا اسوي شنو؟
رقية: توافقي طبعا في رأيي....
ياهندوية ياأختى أسامة دة والله ماف زيو ، راجل ود رجال محترم وفاهم وعاقل ، وحتى انكم مناسبين لبعض شديد ، وبحب أولادك زي اولادو والحاجة دي كل الناس عارفاها، منها يبقى ليهم ابو وسند ويبقى ليك زوج و ونيس ، وتجيبي ليك بيبي او اتنين يونسوك ...
هند : رقية انا في شنو وانت في شنو ...
رقية : مالك م صحي كلامي الاتنين لساكم شباااب ..
هند : م عارفة اقول ليك شنو غلبني التفكير والله...
رقية : وافقي ياهند والله ، صدقيني أسامة ماف زيو ، وبعدين انت عمرك دة نصو قضيتيهو مآسي ، زوجك عمل حادث وانت في عز شابك ، حاولي عوضي الفاتك وعيشي حياة جديد ، ليه حارمة روحك من انك ترجعي تعيشي تفاصيل جديدة وحلوة مع انسان بحبك وشاريك ، وصدقيني لو رفضتي حتكوني ظلمتي روحك..
هند جرت نفس وقالت ليها فالنفرض اني وافقت هل أولادي حيتقبلو الحكاية دي بالزات محمد هل حيقبل اني اتزوج تاني ...
رقية : ماتخافي أولادك حينبسطو ، هما اصلا بحبو عمهم ...
هند : مااعتقد....
رقية : انت ماتشيلي هم استخيري واتكلمي مع أولادك...
هند : حاليا ما حأفتح سيرة الموضوع دة إلا بعد محمد يمتحن الشهادة حتى بعدها نشوف البحصل شنو...
رقية : كويس برضو ، بتتسهل ان شاء الله حبيبتي ...
......
يتبع .....
إيمان : والله ان شاء الله، مع اني كنت عايزاهو يتزوج ميعاد بت نفيسة ...
التومة : بري ميعاد شنو اليتزوجها البت ام لسانا طويل دي ....
إيمان: م قدر دة كمان ي أمي البت فريعة وحلوة ...
التومة : على اساس اخوك فريع ماياهو خلاص كبر عمرو قرب يحصل ال45 فعايز ليه وحدة تكون مناسبة ليه ، يعني تكون م كبيرة وم صغيرة وانسب زولة ليهو هند لسة شابة وعاقلة وفاهمة ....
إيمان : بري يمة اسامة لسة شاااب حلاة الدنيا عليهو سماحة و وجاهة واخلاق بس غايتو الله يجعل الفي نصيب ...
التومة :ههههههههه ان شاء الله يارب ....
......
أسامة اتجهز وقال لأمو خلاص عشان يطلعو ، وقبل م يصلو بيت هند ،في طريقو نزل في سوبرماركت خم كمية من المؤن ودخلهم العربية ...
لما وصلو التومة سلمت على هند بلهفة وحب ، أما أسامة فسلم عليها من بعيد عشان مابتصافح زي ماعارفين ، قعد معاهم شوية وبعدها استأذن عشان يمشي ، هند قالت ليهو يقعد يشرب قهوة حتى يمشي ،قال ليها جداا
بعدها مشت المطبخ ظبطت ليهم القهوة ومعاها فشار وفنكوش وفواكه وختت البخور بالجمبة ... أسامة كان مركز مع كل حركة بتتحركها وماقادر يشيل عيونو منها ، بعد شرب القهوة قام مشى خلاهم وقال لأمو لما تكون راجعة تتصل عليه يجي يسوقها ...
التومة اتونست كتييير مع هند وحكت ليها عن ذكرياتها زمان مع ام هند وقدر شنو كانت طيبة شديد الله يرحمها.....بعدها قالت ليها الصراحة يابتي في موضوع عايزاك فيهو ...
هند : قولي ياخالتي ، والله من اليوم القلتي لي كدة شايلة هم بفكر هل الموضوع خطير ولا الحاصل شنو
التومة : معليش يابتي شيلتك هم ، بس كلو خيير ...صح انت اتزوجتي صغيرة بس ماشاء الله انجزتي وربيتي أولادك احسن تربية الله يحفظهم ليك ، وحتى انك كنت مثال للمرأة الصابرة والوفية لزوجها ، سبعة ولا تمنية سنة وانت لا كليتي لا مليتي ؛ اعتنيتي بزوجك احسن عناية والناس كلها تشهد بالحاجة دي ، صعب شديد الزمن دة راجل يلقى ليهو مرة بالصبر دة ، كتار الهربو وبخلو أزواجهم بسبب عدم قدرتهم على تحمل المسؤولية والعبء الجسدي والنفسي ، بس انت م شاء الله اثبتي لينا انك مرأة ماف منك يابتي ، وحتى بعد وفاة زوجك لسة صابرة ومتحمله كل مسؤولية أولادك على أكمل وجه ف والله أولادك محظوظين جداا انو عندهم ام زيك ...
هند عيونها دمعت وقالت ليها شكرا كتير ياخالتي دة الواجب والله ماعملت شي انا ...
التومة مسحت ليها دموعها وقالت ليها انت عزيزة شديد على قلبي والله يابتي وبحبك زي أولادي واااحد فعايزة اطلب منك طلب واااحد وبتمنى ما ترديني فيهو
هند : معقولة ياخالتي ، انت طلباتك أوامر بالنسبة لي ، آمريني بس وانا بنفذ ....
التومة سكتت شوية حتى بعدها قالت ليها عايزاك لولدي أسامة يابتي ، ولدي بحبك وشاريك وحتى انو بحب أولادك شديد وبعتبرهم زي اولادو يشهد الله ...
هند اول م سمعت كلام حجة التومة بقت زي الكشحو فيها موية باردة ومخلوعة خلعة السنين لدرجة غلبها الكلام ، ابدا ما كانت متوقعة يكون أسامة بكن ليها مشاعر لأنها كانت خاتاه في مثابه اخوها ...
التومة :ردي علي يابتي ماتسكتي عليك الله
هند لسانها بقى تقيل وقالت ليها ياخالتي أسامة دة زي اخوي كيف اتزوجو، عمري مافكرت فيه بطريقة تانية غير إنو اخ بالنسبة لي ....
التومة : صح يابتي هو زي اخوك بس كمان ماف حاجة بتمنع انو تتزوجو...
هند : خالتي التومة يشهد الله انا بحترمك شديد وخاتاك في مقام أمي وبحترم أسامة شديد والله ، هو أكتر زول وقف معانا من بعد وفاة اخوهو الله يرحمو وخالص ماقصر معانا ومستحيل في يوم من الايام انسى وقفتو دي معانا ، بس بالرغم من دة كلو مابقدر اتزوجو اعفي لي ،انا خلاص كبرتة على الزواج ياأمي وحتى أولادي كبرو ، ف ابدا ما خاتة فكرة زواج في راسي والله ، اعفي لي ياخالتي ....
التومة : يابتي كدي قولي بسم الله وماتستعجلي في الرد اخدي راحتك فكري شوية ...
هند : الموضوع مامحتاج تفكير ياخالتي بعتذر شديد...
التومة : عشااان غلاوتي عندك فكري في الموضوع ؛ أسامة بحبك من كل قلبو وشاريك ، عايز يكمل باقي حياتو معاك لانو متأكد و واثق انو انت الانسانة الوحيدة الحتقدري تسعديه، تصدقي من اليوم الانفصل فيها عن زوجتو السابقة اللي هو قبل سبعة سنة ماحصل جاب لي سيرة انو عايزة يتزوج ابدا وكل مانفتح ليهو سيرة زواج بتهرب مننا لحدي ماياهو جاء واعترف لي انو عايزك ، يابتي انا دي امنيتي قبل ما أموت اشوف ولدي دة مستقر في بيتو ومبسوط فما تخذليني ارجوك ( ودموعها نزلت )
هند بقت في موقف لا يحسد عليه وماعارفة تتصرف كيف وتقنع التومة ب أي طريقة .....
يتبع ......
أسامة بعد وصل البيت كان مبسوط بصورة خيالية وصورة هند ماعايزة تروح من خيالو ، قال في سرو المرأة فيها حاجة جذابة لاني كل م أعاين لعيونها بنسى اي شي وكأنو عيونها فيها سحر ؛ كل يوم بتحلو زيادة ، البشوفها مع أولادها بقول اختهم مستحيل يصدق انها أمهم ، ياارب تجعلها من نصيبي، بحبها وبحب ضحكتها وحنييتها وكل حاجة فيها حلوة ..
أما هند بعد ما وصلت بيتها استحمت ومشت غرفتها عشان تنوم كانت فترانة ونعسانه، محمد ولدها جاء خاشي في غرفتها وشايل معاه كباية عصير في ايدو وقعد جمبها في السرير قال ليها ياأمي قومي اشربي العصير حاسي بيك تعبانة ، قالت ليهو شكرا حبيبي ومسكت ايدو باستها، قالت ليهو طالع حنين زي خالتك هبة ، قال لي ليها ماف أحن منك ياأمي وباس راسها ،
وبقى بدلك ليها في رجولها وبتونس معاها ....
محمد علاقتو بأمو حلوووة جدا ، البشوفهم بقول أخوان وأصحاب مابس أم و ولدها ، وحتى سبحان الله البشوف هند مع محمد مستحيل يقول دي أمو لإنها جمبو صغيرة وشاابة ، محمد طوييل وحجمو كبير م شاء الله ، فلما يقول للناس إنو دي أمو بقولو ليهو كضااب إلا بحلف ليهم حتى يصدقوه هههههه ...
حنين شديد مع أمو ، بحترمها جدا وخالص مابزعلها ، ولا حتى بكسر كلمتها ، ومستعد يتحمل أي شي في الدنيا دي عدا اي حاجة بتمس امو او تزعلها مستحيل يتحملها ، عشان كدة هند بتحب ولدها وبالنسبة ليها المفضل من بين باقي أولادها.......
يتبع ....
والله ياعايدة انا ماعارفة المرأة دي عملت لأخوي شنو من اتزوجتو وأخوي دة اتغير كليا التقول عملت ليهو عمل ، اي حاجة عايزاها بعملها ليها وكل طلباتها أوامر، تحلفي تقولي دة م مهيد اخوي الصعب الكلنا بنخاف منو
مباالغة طلعت قادرة ، مع انو ظاهريا كدة تحسيها مسكينة وضعيفة، خالص م كنت متوقعة تقدر تعيش معاهو وتتحمل صعوبيتو دي ....
انا متأكدة انها كاتباه السجمانة ....
♡♡♡♡♡♡♡
مهيد ، مهيد حبيبي قوم العشاء جاهز عشان م يبرد ، وكانت خاتة ايدها من جبهتو ...
جسمك ساخن ماتكون عيان ...
لالا كويس مافيني شي ...
طيب الحمى دي من شنو ؟ أنا متأكدة انك عيان خلينا نمش المركز بعد المغرب أمكن تكون ملاريا...
انا كوييس يا رقية خلينا نقوم نتغدى
قام غسل ايديهو وقعدوا في الصينية ، رقية كانت ماسكة بتها الصغيرة بترضع فيها وفي نفس الوقت كانت بتاكل ....
بعد م خلصو اكل ،مهيد رفع الصفرة وداها المطبخ ورقية رقدت بتها بعد نامت وقامت مشت ع المطبخ غسلت عدة العشاء وعملت كبايتين شاي ...
رقية : مهيد
مهيد : نعم
رقية : عرس صفية بت خالتي يوم الجمعة وبكرة عايزة امشي ارسم ...
مهيد : خلي الرسامة تجيك في البيت انت م تمشي ...
رقية : بس يامهيد صعب انها تجيني الا انا امشي ليها ..
مهيد : لالا ياتجيك في البيت ياتخلي الرسم ....
رقية سكتت لحظتها وما حبت تناقشو ، قامت عجنت حنتها اتحننت واخدت ليها بوخة في حفرة الدخان ...
بالليل لبست ليها فستان نوم حلوو ، وطبعا دة م بتلبسو الا لما تكون عايزة تقنع مهيد في موضوع معين ، هي مسمياهو فستان الحنك 🤣 المهم لبستو واتعطرت وجات قعدت في السرير ، مهيد كان ماسك ليهو كتاب بقرا فيهو ، رقية كانت بتعاين لحنتها الفي اصابعها ، بعدها فكت شعرها وعملت فيها عايزة تصلحو ، مهيد خت الكتاب وقرب منها ...
رقية : حبيبي انت ليه ماعايزني اتجيه زي النسوان ( قالتها بدلع وعاملة فيها زعلانة )
مهيد : كيف يا قلبي ...
رقية : اسي يرضيك يوم العرس النسوان كلهن يكونن راسمات الا انا(قالتها بطريقة بريئة وكلها دلع )
مهيد لحظتها رقد رز وقال ليها بس انا م رفضت ليك ، انا بس ما عايزك تمشي بيت الرسامة خليها هي تجيك ..
رقية : وفيها شنو اذا انا مشيت حبيبي ( وكتلت عيونها)
مهيد: حبيبتي انا بكون خايف عليك لما تمشي مكان انا ما بعرف ناسو ...
رقية : م تخاف علي الرسامة دي بنعرفها من زمان ؛ أمي طوالي كانت بتمشي ليها ...
مهيد : أأ طيب طالما انت عايزة تمشي فخلاص امشي ماعندي مشكلة بس اول م تخلصي ترجعي البيت طواالي...
رقية حضنتو وقالت ليهو حااضر ...
مهيد : اسي خلينا في المهم ...
رقية : امممم اللي هو ؟( عاينت ليه جوة عيونو وعضت شفايفها )
مهيد : اي اعملي كدة اصلا ح أقطعهم ليك ...
♡♡♡♡♡♡♡
يتبع .....
#هوى القلب#
(11)
بقلم : غزل وليد
محمد مشى لعمو أسامة سلم عليهو وأعتذر منو عن الحصل الأيام الفاتت ، ويعفي ليهو عن الوقاحة البدرت منو ، بس عمو أسامة قال ليهو انو هو ابدا ما زعلان منو
ويعتبر انو ماحصل شي ، بعدها محمد قال ليهو انو ماعندو مشكلة إنو يتزوجو هو وأمو ، لأنو من حقهم يعيشو حياتهم ، أسامة حس روحو كأنو بحلم وماقادر يصدق انو فعلا محمد خلاص وافق ، قال ليهو ياولدي أنا عاجز عن الكلام بس صدقني انا بحبكم أكتر من نفسي ومابتمنى ليكم الا كل الخير ... محمد حضن عمو وقال ليهو الله يخليك لينا ياعمي ، فضايلك معانا عمرنا ما حننساها ، كنت لينا السند بعد وفاة ابوي الله يرحمو ، ربنا مايحرمنا منك أن شاءالله.......
............
بعد الأمور راقت و وضحت ، الاهل قررو يعقدو لهند وأسامة وحتى المواعيد اتحددت .... حيعملو ليهم عقد بسيط وهادي بعد شهر ان شاءالله.....
رقية مشت لهند في بيتها عشان تشوف تجهيزاتها شنو
وتقيف معاها بما انها بت خالتها المقربة ليها ....
رقية : اها ي عروس تجهيزاتك ماشة كيف ، وليه م نزلتي دخان ، على فكرة عقدك بعد شهر بس لو ناسية ..
هند : تجهيزات شنو ي رقية ودخان شنو ...
رقية : اجي يخواني ؛ قصدك حتقعدي كدة وما حتعملي اي شي؟ جنيني انتي؟
هند : كبرتة ع الأمور دي يارقية شايفة ماف داعي ليها ..
رقية : سجم خشمك يامرة ، وليه محسساني انك إمرأة ستينية، يابت انت لسة شاابة مفرهدة، في نسوان قدرك ي داب فكرو يعرسو خلي قال كبرتة، وبعدين م تشوفي انو عشان أولادك كبرو انك خلاص برضو كبرتي ، حبيبتي انت عرستي صغيرة شديد ؛ والبشوفك انت مع أولادك بقول انك اختهم ما أمهم .....
هند : بس يارقية ما بقدر اعمل كدة قدام أولادي، بحس انها وقاحة مني اقعد اتدخن قدامهم والامور دي ....
رقية : الموضوع عادي ياهند ما تعقدي الموضوع ....حاولي عيشي ايامك وانبسطي ، اتجيهي للراجل دة وعزيهو وعزي روحك ، كفاية صابرة عشرة سنة ، اهو من زوجك إتشل وعايشين زي الاخوان ، معليش يعني على كلامي دة بس دي الحقيقة .....
هند سكتت وم قالت شي لأنو فعلا كلام رقية صااح...
رقية: عشان كدة ارح قومي اسي دة نمش السوق نجيب طلح وشوية مرطبات لجسمك....
رقية شجعت هند وساقتها مشو السوق اتسوقو وجو راجعين البيت .... رقية نضفت ليها حفرة الدخان وجهزتها ليها وقعدتها فيها .... قعدت معاها لحدي قريب للمغرب ، مهيد راجلها اتصل عليها عشان اتأخرت وقال ليها ترجع البيت عشان خلاص المغرب م باقي ليهو شي ، رقية قالت ليهو اي خلاص طالعة في طريقي للبيت ......
هند : معليش حبيبتي اخرتك شديد وتعبتك معاي ..
رقية : انت عويرة ، انا زي اختك واحد فلو ما وقفتة معاك انا حيقيف معاك منو ... ماتكسلي كويس ، رطبي كتير واتدخني صباح ومساء ، بعد كم يوم بجي بشوفك ماشة كيف ، ما ألقاك كسلتي ...
هند : حاضر بحاول ان شاءالله....
رقية ودعتها ومشت بيتها ، أول ما جات خاشة لقت مهيد راقد في الحوش ، قالت السلام عليكم، قام صنقر ورد ليها السلام بلا نفس ، بعدها قال ليها للوقت دة بتعملي شنو برة البيت؟
رقية: كيف يعني ي مهيد بعمل شنو ، عارفني كنت مع هند بت خالتي ....
مهيد : بلا بت خالتي بلا زفت ، مش كلمتك مية مرة إنو المغرب دة لما يأذن رجلك دي تكون جوة البيت؟
رقية : مهيد قول بسم الله ، من متين انا قاعدة اتاخر برة البيت ، اليوم بس الزمن جر لأنو كان عندنا شوية مواضيع وزي ما عارف بت خالتي عرسها قرب وانا أقرب زولة ليها فلازم اقيف معاها .....
مهيد : يازوله ما شغلتي ، قوانيني دي واااحدة وثابته ماتقعدي تلفي وتدوري واضح ؟ دة آخر إنذار ليك
وقام طلع خلاها مشى الجامع .....
رقية زعلت شديد لمن دمعتها نزلت ، مشت نومت بتها واخدت ليها حمام وصلت المغرب ،بعد مهيد رجع من الجامع قامت سخنت ليهو الاكل ختتو ليهو في سكات ومشت قعدت في المظلة برة ، قال ليها ما عايزة تاكلي ؟ قالت ليهو ماكلة الحمد لله وطلعت ....
بعد خلص عملت ليهو الشاي وغسلت العدة بعد خلصت صلت العشاء وطوالي رقدت نامت خشمها مافتحتو معاهو ، مهيد عرفها زعلانة منو بس كمان مافتح خشمو ولا حتى سألها .....
تاني يوم الصباح عملت الشاي وختتو ليهو في سكات برضو ، طلع شغلو من دون م يقول اي شي .... رقية قعدت تبكي اصلا من امس كانت كاتمة بكيتها عشان ماعايزة تبكي قدامو ، قالت مهيد دة غلبني افهمو مرات بكون كويس شديد معاي ومرات بتقلب ١٨٠ درجة ليه هو بعاملني كدة ....
زمن الفطور كانت في المطبخ بتقطع في البصل ، تلفونها اتصل ، لما شافت اسم المتصل قالت خير ان شاء الله محاسن دايرة مني شنو كمان ( محاسن دي اخت مهيد زولة بتاعة سواطة وقوالة وفتن ومن زمان شايلاها مع رقية وبأي طريقة عايزة تخرب بينها وبين مهيد )
حسون وآسر كانو قاعدين في الصالة ، قلتة ليهم يلا انا طالعة ، حسون قالت لي خلي آسر يوصلك ، قلتة ليها لالا بركب مواصلات ، آسر قال لي ماشة وين ، حسون قالت ليهو اختك ميعاد عازماها في توينز ، قال لي يخس عليكم كان تعزمونا معاكم شنو الشغل الكتامي دة هههههه ، ضحكتة وقلتة ليهو طوالي معزومين ، قام وقال لي ارح اوصلك طيب ، قلتة ليهو لالا والله مافي داعي للتعب المواصلات راقدة ، قال لحسون قولي لبت خالتك دي تبطل عوارة ، حسون قالت لي زي ما قالو ليك بطلي عوارة وخلي يوصلوك ، اصلا توينز مابعيدة من هنا ، بعد اصرارهم اضطريت اسمع كلامهم وركبت مع آسر عشان يوصلني ....
آسر : ما شاءالله انتو وميعاد شايفكم بقيتو فرد ههههه...
رفيف : اي والله ، اختك عسل ولطيفة شديد ...
آسر : ياشيخة ههههه ، ميعاد لو سمعتك راسك بكبر هههههههه
رفيف: دي الحقيقة والله ...
آسر : الصراحة ميعاد زولة طيبانة فعلا بس ما مع كل الناس هههههه ، عندها ناس معينين بتحبهم ، بختك بقيتي وحدة منهم .....
رفيف : بختي شديد والله ....
المهم بقينا بناخد وبندي في الحديث لحدي ما وصلنا توينز ، اتصلتة ليها وقلتة ليها انا حاليا وصلت انت وين ، قالت لي جاية عليك قربتة اصل ، قلتة لآسر شكرا على التوصيلة ونزلتة من العربية قال لي ماف شكر بينا ، انا زاتي حأستنى ميعاد اسلم عليها ، فطلع من العربية برضو وخشينا لجوة قعدنا ، شوية كدة ميعاد جات علينا سلمت علي بالاحضان ، وقالت لآسر اوو يابوص الخبر شنو يخ مشتاقين ، قال ليها الشوق بحرر ، شنو يعني عشان خطبوك بقيتي لا بتتصلي لاخوك تسلمي عليهو ولا بتسألني عنو ، قالت ليهو معقولة ياقلبي انت تاج راسي والله ، قال ليها خلاص كفاك طلس ههههه يلا انا بعد كدة بستأذنكم انبسطوا في قعدتكم، قلنا ليهو يقعد يشرب ليه كباية شاي لبن ، قال لينا مرة تانية ان شاء الله ومشى خلانا .....
انا وميعاد طلبنا شاي لبن ولقيمات توينز الرهيبة ديك ، قبل م نبدأ ناكل ميعاد صورت الطلب واحنا برضو اتصورنا كذا صورة وبقينا بنرغي سااي ، والله البشوفنا بقول بنعرف بعض لينا كم سنة عديل ههههههه ...
اتونسنا كتير لمن الزمن مشى بينا لما عاينت للساعة لقيتها تسعة الا ، قلتة ليها يابت اتاخرنا بعد كدة المفروض نمشي، الونسة حلوة شديد بس ما بتنتهي، قالت لي مبالغة والله ، ماحسيت بالزمن ،طلعت تلفونها واتصلت ، سمعتها بتقول اذا فاضي ممكن تجي ترجعني البيت وبعدها قفلت ...قالت لي دة رامي اخوي اتصلتة ليهو اذا في طريقة يجي يوصلني وقال لي خلاص جاي علينا ، لما قالت رامي انا قلبي بقى يعمل دق دق دق ...
قلتة ليها خلاص انا بمشي حبيبتي يلا مع السلامة ، قالت لي ي بت تمشي وين براك بالليل دة انتظري رامي يوصلك معانا ، قلتة لالا يابت ، بركب لي ركشة توصلني للبيت ، ياها الركشات راقدة جمب البوابة ، ميعاد أصرت علي بس انا رفضت، قالت لي خلاص يازوله ارح اوصلك ، قلتة ليها طيب ، طلعتنا كدة من توينز اخوها وصل ، قالت لي شكلو كان قريب مننا ، طلع من عربيتو وجاء سلم علينا ، انا يديني كانو تلج بس لما سلمتة عليهو ماعارفة ليه بتوتر كلما اشوفو 😭 قلتة ليهم يلا مع السلامة تصبحو على خير ، رامي قال لي على ويين ، قلتة ليهو ع البيت ، قال لي اذن اركبي نوصلك في طريقنا ، قلتة ليهو ماف داعي للتعب بركب لي ركشة ، قال لي لالا يازوله ماف اي تعب اركبي اركبي ومشى فتح لي باب العربية، ماعرفتة اقول شنو زاتو ، في النهاية ركبتة معاهم ....ميعاد ركبت قدام ...
رامي سألني عن الشغل ماشي كيف ، قلتة ليهو والله تمام ، قال لي لسة في الطوارئ، قلتة ليهو اي بس الأسبوع الجاي حيودونا الأطفال، قال لي كويس ..
كان لما يتكلم معاي بعاين لي بمراية العربية ، وانا نفس الشي برد عليه وبعاين ليه بالمراية ، المهم فتحو مواضيع تانية وانا كنت مستمعة أكتر مما أتكلم ، كنت بحاول استرق النظر ليهو في مراية العربية من فوق بس بقبضني😭 تاني خفت وبقيت خالص م برفع عيني لفوق 😭 لحدي م وصلوني البيت شكرتهم ونزلت ......
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
محمد لاحظ انو أمو صحتها نزلت وباين عليها مهمومة شديد ، حن عليها وزعل من نفسو شديد ، بس في نفس الوقت كان لسة زعلان من أمو وما كان بتكلم معاها ....
.......
هند كانت واقفة في المطبخ بتعمل في الغداء بس فجأة حست بدوار وررب جات واقعة في الأرض؛ دعاء بتها سمعت صوت الوقعة وجات جارية تشوف الحاصل شنو ، لما خشت المطبخ لقت امها واقعة وطوالي بقت بتكورك لمحمد وداليا ، محمد جاء جاري ، لما شاف أمو واقعة في الأرض، دمو دة نشف من الخوف ، رفعها سريع واقرب ركشة ودوها المستشفى ، عملو ليها فحوصات وطلع عندها هبوط بسبب عدم الاكل والدم ناقص وتايفويد والتهاب في الدم ، ركبو ليها تلاتة دربات بعد خلصتهم ركبو ليها كانيولا وصرفو ليها مجموعة الأدوية، والدكتور وصاها بالراحة التامة بعدها خرجوهم من المستشفى....
المهم بديت ارسم بمزااج ، حوالي ساعتين عديل وانا مندمجة وماشاعرة بالزمن لحدي م حسيت روحي نعست ، لما عاينت للتلفون لقيت الزمن فات ، طفيت النور ونمت طوالي .....
تاني يوم صحيت متأخرة قمتة مخلوعة ، استحميت سريع واتجهزتة وطلعتة ، حسون قالت لي الليلة اتاخرتي ، قلتة ليها اي والله بس ساهرتة عشان كدة....
لما كنت في المواصلات فتحتة تلفوني وخشيت الفيسبوك لقيت اشعار انو تم قبول طلب الصداقة من رامي كمال ، وبعلي هو انا متين رسلتة ليهو طلب صداقة 😭 اكيد امس لما كنت في صفحتو دستة بالغلط على طلب الصداقة ، وااي يخ ما كنت عايزة يحصل كدة ...
يتبع .....
#هوي القلب#
(9)
بقلم : غزل وليد ...
هند كانت في حالة مايعلم بيها إلا الله ، الزعل الحست بيهو لما محمد ولدها رفع صوتو عليها و قال جملتو ديك مابتوصف(ولا انتي عايزاهو لنفسك ) بقت بتردد في اضانها ، معقولة ولدها العمرو مارفع صوتو عليها او ناقشها في شي ، اليوم يتكلم معاها بالنبرة دي ويقول ليها كلام قاسي و وقح كدة ، ماكانت قادرة تتجاوز خالص ..
خشت غرفتها قفلتها عليها وكانت بتبكي بحرقة ، بكت لمن صدعت ....
بناتها جو دقو ليها الباب وبقو بنادو فيها بس قالت ليهم حاليا ما رايقة عايزة تقعد براها ، داليا ودعاء .... كانو خايفين على امهم وماعارفين الحاصل شنو ، بس كانو سامعين جوطة محمد لما كان بتكلم مع امو ، دعاء قالت لأختها ارح لمحمد نسألو أمي مالها ... مشو لمحمد في غرفتو ولقوهو ماف ، خافو وقالو احتمال اخوهم هرب ...
داليا مشت لأمها و دقت الباب تاني وقالت ليها ياأمي محمد ماف في غرفتو ، هند قامت سريع من سريرها وفتحت الباب ، قالت ليها مشى وين في الزمن دة ؟ قالت ليها ماعارفة بس مشو ولقوهو ماف ، هند شالت تلفونها واتصلت لولدها كذا مرة بس بفصل الخط في وشها واخر حاجة حظرها عديل، خافت عليهو شديد وبدت تبكي ، بناتها بدو يبكو معاها وقالو ليها ماما مالك في شنو ، ليه محمد قبيل كانت بتكلم بصوت عالي ؛ هند قررت تحكي ليهم وترتاح مرة واحدة ، كلمتهم انو عمهم أسامة أتقدم ليها و عايز يتزوجها ، سبحان الله ردة فعلهم كانت حلوة انبسطوا شديد وقالو ليها جد ياماما ؟؟ قالت ليهم اي بس لو ما موافقين انا حأرفض طبعا ، داليا قالت ليها بالعكس ياماما دة خبر حلو ليه نرفض ، اصلا انا بحب عمو أسامة دة شديد وحتى مرة انا ودعاء قلنا لو ماما عرست عمو اسامة حتكون حاجة حلوة ، هند حضنت بناتها وبس قعدت تبكي ، دعاء سألت امها وقالت ليها محمد ما موافق عشان كدة كان بجوط صح؟ هند هزت راسها بمعنى اي ، داليا قالت ليها نحنا بنتكلم معاهو ياماما وحيوافق انا متأكدة ؛ هند قالت ليهم لا ياحبيباتي انا بتكلم معاهو انتو ماتجيبو ليهم سيرة كويس ، قالو ليها تمام ...
هند تاني رجعت اتصلت لمحمد بس تلفونو مغلق ، خوفها بقى زايد طوالي اتصلت لأسامة وهي تبكي ، قالت ليهو محمد طلع وما عارفاهو مشى وين ، أسامة قال ليها روقي ماتبكي عليك الله ، الحصل شنو ، كلمتو بالحاصل ورفض محمد لزواجها منو ، أسامة قال ليها ماتخافي ياهند محمد انسان عاقل وفاهم ، فما تفكري انو ممكن يطلع يخلي البيت أو يأذي نفسو ، بكون مع الزعل طلع عشان يصفى ذهنو ، انا بتصل عليهو وبجي عليكم..
أسامة بعد ماقفل من هند اتصل لمحمد ، المرة الأولى مارد والمرة التانية مارد ، المكالمة التالتة حتى رد عليهو ...
محمد : الحبيبة وصلت ليك الحاصل مش ؟
أسامة اتخلع من رد محمد بس ما ختاهو في الاعتبار ، لأنو عارفو زعلان شديد ، والمعروف انو اي ولد بكون غيور شديد على أمو بالزات فيةعمرو دة وصعب يقدر يتقبل انو أمو تتزوج من راجل بعد ابوهو ، عشان كدة مقدر زعلو ...
أسامة : محمد ياولدي قول بسم الله واطرد الشيطان ، خلينا نتلاقى ونتكلم راجل لراجل ....
محمد : انت كيف ختيت عينك على أمي ياعمي ؟ يعني الفترة دي كلها انا كنت زي الأهبل وفاكر جيتك لينا عشان خاطرنا بس طلع عشان انت عايز أمي؟
أسامة : ياولدي عيب تقول الكلام دة ، يشهد الله انا بحبكم زي أولادي وغلاوتكم عندي بالدنيا ....
محمد : انا ما طفل عشان تغشني بالكلام ...
أسامة : ياولدي كدي وريني انت وين وانا بجي عليك عشان نتفاهم وجها لوجه...
محمد : في شنو اصلا نتفاهم فيهو ، وإذا بالنسبة لموضوعك مع امي ف أنا ما موافق يعني موافق وقفل الخط في وشو ....
أسامة بقى متحير وقال دي كمان مشكلة تانية ربنا يهون بس ، قام ومشى عليهم في البيت ، لما دق الباب هند افتكرتو محمد بس لما فتحتو لقتو أسامة، لما شافها عيونها كانت مورمة من البكاء وبناتها كانو واقفين معاها ، أسامة قعد معاهم وكلهم كانو ساكتين بعدها قال ليهم ماتخافو محمد بجي راجع وفضل يتونس مع البنات عادي وبحاول يخفف عليهم ، شوية كدة وفعلا محمد جاء خاشي البيت ، امو قامت ومشت عليهو سألتو كنت وين ؟ وليه مابترد على مكالماتي؟، مارد عليها وعايز يخش غرفتو ، مسكتو من ايدو وقالت ليهو بتكلم معاك انا رد علي وسيب حركاتك دي اقلاها احترمني ، محمد وقف وعاين ليها مسافة بعدها قال ليها طلعت اشم هوا ولا برضو ممنوع ؟ هند قالت ليهو وليه لما كنت بتصل عليك بتفصل الخط في وشي ، قال ليها ياأمي رجاء خليني في حالي وأمشي اهتمي بالناس البتهمك وهنا كان قاصد أسامة عمو ، لحظتها أسامة قام وقال ليها هند ممكن تخلينا نحكي لوحدنا كحديث بين اب و ولدو، محمد قال ليهو انا ابوي واااحد بس عبد الغفار الله يرحمو ، أسامة عمل لهند حركة نظام انا بتكلم معاهو انتي أمشي ، ساقت بناتها ومشو خلوهم لوحدهم....
كنت بقول كدة في سري ، المهم بعد الخطوبة خلصت ورجعنا البيت الساعة كانت حوالي عشرة ونص ولا حداشر عديل مساء ، الشفع نامو حسون شالت حمودي وآسر ننوش .... ودوهم غرفتهم ، وانا مشيت غرفتي غيرتة ملابسي واستحميت عشان انوم مرتاحة ، اتوضيت صليت العشاء وعملتة ال skin care حقي ورقدتة عشان انوم ، بس قبليها فتحتة التلفون وبقيت بشوف في صور الخطوبة ، في صورة كدة عجبتني شديد صورتها ليهم بالصدفة ، بعدها لاقتني صورة ظاهر فيها رامي مع اني ماكنت قاصدة اصورو والله بس شكلها جات عفوا ، بقيت بس بعاين ليهو وماقادرة اشبع منو ، حرفيا بقيت زي الزول البدأ يدمن على حاجة هو عارف إنها ما حتكون ليهو في يوم من الايام ، جريت نفس وقلتة لروحي الله يرضى عليك بطلي البتعملي فيهو دة ، اصلا دة مجرد إعجاب وحيزول مع الايام .......
تاني يوم كان السبت الحمد لله كان عطلة لأنو كنت فتراانة وصحيت متأخرة الصبح فاتني ، قمتة اتسوكتة وصليت الصبح وبالإسدال حقي طلعتة بيهو لقيتهم بشربو في الشاي ، حسون قالت لي صباح النور ماحبيت اصحيك قلتة اكيد حتكوني فترانة ، قلتة ليها فعلا كنت مرهقة شوية عشان كدة صحيت متأخرة ، كبت لي الشاي وبديت اشربوا، آسر قال لينا اها اليوم الفطور شنو عشان لو في شي ناقص اجيبو ليكم ... حسون قالت ليهو نعمل مكرونة بس باللحمة ، آسر قال ليها لالا يخ اعملي غيرها مصارينا دي لو فتحوها بلقوها عبارة رز ومكرونة، انا قلتة ليهم رأيكم شنو اعمل ليكم اكل بلدي
عصيدة بروب او تقلية ، آسر قال لي اي عليك الله طولنا ما أكلنا بلدي ،حسون قالت اي والله نفسي في ملاح روب حاامض بعصيدة ساخنة ، آسر قال ليها قال نفسي قال اي حاجة بس عايزاها جاهزة 😒 حسون ضربتو بالجداعة وضحكت ، قالت ليهو آسر احسن ليك ، آسر عاين ليها 😒 وقال ليها خلاص بمش البقالة بجيب روب وبجي 😒 ....
انا مشيت المطبخ قطعتة البصلة ونضفتة التوم ، قلتة اجهزهم مسافة يجيبو الروب ....
آسر جاب لي الروب في المطبخ وقبل م يطلع قال لي بت خالتك دي عليك الله علميها الاكل البلدي دة بالزات لأني بحبو شديد ، ضحكتة وقلتة ليهو كويس ، قال لي انا جاادي معاك والله قلتة ليهو ماف مشكلة ههههه....
ظبطتة ليهم عصيدة بروب ، اكلوها لمن اتمطقو ، والعقيدة كملوها كلها رغم اني عملتها كبيرة م اتوقعت انها تخلص ، آسر قال لي الفترة دي عليك الله كل جمعة او سبت اعملي لينا اكل بلدي وعلمي لي المدام دي بالله ، حسون سمعتو و قالت ليهو ابيييت ، قال ليها لو انت ابيتي انا بتعلمها وبعملها لروحي بس يدك دي ما بخليك تدخليها 😒 ضحكوني ضحك ، بالجد طبيعة علاقتهم عاجباني شديد والله ......
♡♡♡♡♡♡♡♡♡♡♡♡♡♡♡♡♡♡♡♡♡♡
هند بناتها خلصو امتحانات ومحمد امتحاناتو حقت الشهادة قربت ، أمو كانت أول الداعمين ليهو ، مشجعاهو معنويا وحتى انها مرات بتساهر معاهو وبتشرح ليهو الحاجات الواقفة ليهو ، هو اصلا ذكي ماشاء الله .....
قبل امتحاناتو بيومين عمو أسامة جاهم في البيت مع العصريات سلم عليهم وسألو اها استعداتو كيف للامتحانات ، وأداهو جرعات وعي وتشجيع عشان يرفع ليهو معنوياتو ، قال ليهو إذا جبتة من 90 لفوق حيكون عندك هدية مميزة مني بس انت اجتهد وارفع راسنا ياولدي اصلا واثقين منك ، قال ليهو بإذن الله ياعمي بس كترو الدعوات ....
قبل مايمشي هند نادت محمد عشان يجي يشيل الغداء
، أسامة قعد اتغدى مع محمد ، وقبل م يمشى مشى على ناس هند عشان يودعهم ، لقاها قاعدة برة والبنيات جوة الغرف ، هند كانت خجلانة منو وراسها في الأرض
قال ليها يلا ياأختي ودعتكم الله وشكرا على الاكلة الجميلة العملتيها يسلمو اياديك هند قالت ليهو بالعافية ان شاءالله، أسامة كان متمني يكون واقف كدة بس ويعاين ليها ..
بعدها استأذن ومشى ......
عدت الايام ومحمد خلص امتحاناتو الحمد لله ، وقال اشتغل كويس بس يكترو ليهو الدعوات...
حجة التومة جات لهند في البيت وقالت ليها بعد كدة المفروض الموضوع داك يتم ... هند قالت ليها بس ادوني فرصة اكلم أولادي بالأول وبعدها نشوف البحصل ، التومة قالت ليها خير ماف مشكلة لما تكلميهم اديني خبر عشان نشوف الخطوة الجاية شنو ، هند قالت ليها خلاص تمام ....
هند بقت خايفة وشايلة هم كيف تفتح الموضوع دة لاولادها وردة فعلهم حتكون شنو ،ف قررت انها تكلم محمد بالأول وتشوف رأيو شنو ....
بعد المغرب محمد جاء راجع البيت وكان راايق ، خشا غرفتو وكان شغال بتلفونو، أمو جات خاشة وقعدت جمبو قالتةليهو ياولدي عايزاك في موضوع ، محمد خت التلفون من ايدو وقال ليها أحكي ياأمي سامعك ، هند بقت مترددة وما عارفة تبدأ الموضوع كيف ومن وين .....
محمد : أمي انت كويسة خوفتيني عليك ...
جواز سفر عليه صورتي وإسم مستعار،بطاقة شخصية،تذكرة سفر،بطاقة توظيف..
ركزت نظري على تذكرة السفر،كانت الى:لاس فيغاس
بقيت اعاين ليه بإستغراب
في اكتر من2000مبتعثة وصلو الولايات المتحدة مؤخراً،وفي مرحلة البيع الان،كل المطلوب تواجدك وسطهم زي م كنتِ موجودة وسط المُسنين من قبل،حتاخدي كل المعلومات بالتفصيل لما توصلي لاس فيغاس،الجواز المزور بتاريخ قديم تجنباً لأي شكوك ممكن تنتابهم تجاهك..
وبالمناسبة مورفي كلمني بقرارك بخصوص إستئناف قضية الطلاق،انا موافق،وللأمانة حتى الكلام القلتو اليوم قدام القاضي انا نفسي م مقتنع بيه بس كان لازم اقوله واقنع بيه القاضي م تمسك مني بالعلاقة على قدر م هو تمسك بالقضية دي،ف الإنفصال م حيخدمك اذا كانت عندك رغبة في إنه تكوني ناجية من القضية دي،اما علاقتنا فهي دائماً كانت على مُفترق طرق وانا بقيت شايف والأفضل لينا نحن الإتنين إنه العلاقة ترجع لمربعها الأول وقالبها الكانت قايمة عليه من البداية،والنقطة البتجمعنا تكون القضية دي بس
في حاجات كتيرة حالياً مبهمة وصعب اوضحها ليك لأنه الزمن م بسعفني،الرحلة الساعة8:30
مدة إقامتك هناك م حتكون يوم او اتنين او ثلاثة،حتكون مفتوحة،حتاخدي تعليمات من جهة حتتعرفي عليها اول م تصلي هناك في حال وافقتي
=موافقة..
إكتفيت بالكلمة دي وإديت وشي للقزاز..
رجعت سألته:وحاجاتي؟
حنرجع السكن ناخدها..
إلتزم الصمت لغاية م وصلني السكن اخدت شنطتي ورجعت عنده
طيب واديت وشي القزاز طول الطريق وانا ساكتة
اول م وصلنا المطار نزل شال لي شنطتي وهو ماشي بجنبي قال لي:حتستقبلك في المطار واحدة إسمها جيني حتكون مسؤولة مسؤولية تامة عن حمايتك هناك،حتاخد منك اوراقك الأصلية م تمانعي
كنا واصلين في وقت الرحلة بالظبط،على طول اتجهنا لصالة المُغادرة ،عملت الإجراءات اول م خلصت قال لي:،اول م توصلي جيني حتتصل عليك،حتكون منتظراك قدام المطار
طيب
يلا في امان الله
......
سياف~
وقفت الى ان إختفى اثرها في ممر المغادرين،طلعت تلفوني وانا خارج من المطار حبست انفاسي واجريت مكالمة سريعة..
إنها خارج البلدة الان في طريقها الى لاس فيغاس ،كيف سارت الأمور ؟
تسسللنا الى منزل الرجل وتحصلنا على العينة الذي ظل الرجل محتفظاً بها داخل خزنته كل هذا الوقت دون ان يقدمها للقانون، قمنا بإعادة تحليل DNA خلايا الظفر الذي وجده الرجل في المكان الذي قتلت به بناته الأربعة وزوجته ،للأسف النتائج ليست مُبشرة سياف،الرجل لا يكذب بخصوص نتائج التحليل التي قدمها ل بابل،تحليل الDNA لخلايا الظفر الذي وجدناه بالخزنة تؤكد ان هوية الشخص هي شهد..
عودة الندلة ادعو إنه القروب م يرجع يتقيد🤡
ما متذكرة تفاصيل الليله الطويلة دي عدت كيف لغاية م طلع الصبح وحاولت اكون في افضل حالاتي من ناحية اللبس والترتيب والتنسيق ،في المحكمة كان موجود مستر مورفي منتظرني قدام قاعة المحكمة..
هل انتِ بخير؟
سألني مستر مورفي اول م شافني،رغم إجتهادي في إني اظهر بحال افضل!!!
اجل،انا بخير،كنت بعاين حوالي
لم يأتي احد بعد!!
مستر مورفي قاطع إستفهامات ملامحه بإجابته دي تفضلي، اعتقد انك على علم بطبيعة الأسئلة التي سيطرحها عليك القاضي صحيح؟ولكن سيدة شهد هل انت واثقة من هذه الخطوة؟
اجل،حتى انني واثقة اكثر من اي وقتٍ مضى،دع الأمر يحدث فحسب إنها المرة الأولى التي نكون فيها انا وهو متفقان على امرٍ ما
كنا انا ومستر مورفي اول الحاضرين في قاعة المحكمة وفي عدد من الأشخاص دخلو بعدنا انا جاهلة لهوياتهم ، قعدت وانا متوترة ومتعبة لأني ما نايمة ،بعد مرور 15دقيقة حسيت بحركة رجول في القاعة اتلفت لقيته سياف لابس بدلة رسمية وفي كامل اناقته هذب ابتداءً من شعر راسه لجزمته ومعاه شخص مرافق ليه،لما جا على اتجاهنا إتململت من التوتر..
وقف على بعد خطوة مننا وقال:صباح الخير
مورفي قال ليه صباح النور
رماني بنظرات متقطعة وانا بحاول اتجنبها
مورفي قال ليه:ما زال لديكما الوقت للتراجع عن هذا الجنون الذي تفعلانه
لا حاجة لنا بالوقت مستر مورفي ،هذا الأمر سيحدث عاجلاً ام اجلاً
عاينت ليه بثبات المرة دي
دخل القاضي القاعة وقعد كل واحد مننا في المكان المخصص ليه
القاضي قال :مرحباً بالحضور،هل الجميع بخير؟
الموجودين في القاعة بصوت واحد قالو:اجل
انا القاضي وليام وسأترأس هذه الجلسة لذا هل يمكنكم التعريف بأنفسكم ،من يمثل الزوجة؟
وقف مورفي وقال ليه:انا المحامي.... امثل موكلتي السيدة شهد عبدالله
القاضي قال :ومن يمثل الزوج؟
وقف الشخص المرافق لسياف وقال :انا المحامي ديفيكتو امثل موكلي السيد سياف سراج الشيخ
حسناً هل لديكم جميع الوثائق اللازمة؟
رد عليه مورفي:اجل لدينا وثيقة الزواج ووثيقة الطلاق
القاضي قال ليه:حسناً سيقوم السكرتير بتسجيل الوثائق
لنبدأ في النقاش عن اسباب الطلاق؟
مورفي قال :موكلتي تطلب الطلاق لعدم مقدرتها على الإستمرار في هذه العلاقة وهما متفقان على الطلاق
وقف محامي سياف وقال :ليس هناك اتفاق بينهما على هذا الأمر سيدي
القاضي قال ليه:اي ان موكلك لا يرغب في الطلاق؟
بقيت اعاين لسياف بنظرات إستفهام؟!
اجل سيدي،لا رغبة لموكلي في الطلاق لإنعدام الأسباب
القاضي قال ليه:سيتحدد هذا الإمر بالإستماع لكلاهما،سأستمع للزوجة اولاً،تفضلي سيدة شهد اشرحي لنا اسباب الطلاق؟
وقفت في المكان المخصص لي وانا ساكتة للحظات ومتوترة،عاينت لسياف لقيته بعاين لي بتركيز شديد كانه بياكلني بنظراته وبسألني هل في اسباب مقنعة عشان نكون هنا؟
سيدة شهد ؟
اجل سيدي،انا فقط وجدت ان علاقتي معه كالرسم على الماء لا معنى لها، لست قادرة على تقديم شيء لهذا الزواج ،ولستُ قادرة على الإستمرار به،سيكون ظلماً له ان استمر معه وانا على يقين بأنني غير قادرة على تقديم الحياة التي يريدها ويسعى إليها ،هذا كل شيء
هل هناك خلافات مستمرة بينكما؟اي نوع من التعدي او الإبتزاز او التعنيف او التقصير؟
لا سيدي،لا توجد خلافات بيننا ولاكون مُنصفة لا يمكن ان تخرج منه هذه الأفعال إنه رجل حقيقي ،قدم لي الكثير من الإحترام والحُب والإهتمام والحياة الرغدة التي تتمناها اي إمرأة مع من تُحب ،انا فقط لست قادرة على الإستمرار هل تفهمني سيدي
هل هناك اطفال بينكما؟
لا سيدي،لا يوجد اطفال
لم تستطيعا الحصول على الأطفال لسبب ما او مشاكل صحية لدي احدكما ام انكما لم ترغبا في الأمر؟
عاينت لسياف لحظات وبتردد وصوت خافت قلت للقاضي:لا توجد مشاكل صحية،لم نرغب نحن الإثنان في الإنجاب،الأمر إتفاق بيننا
حسناً شكراً لك
حسيت سياف مصدوم من كلامي وإكتفى بإنه يرميني بنظرة كلها خيبة ظن
القاضي اتحول لسياف وسأله :وما هو موقفك سيد سياف؟
اتقدم سياف ووقف في المكان المخصص ليه وعاين لي لحظات وقال:انا ارفض الطلاق سيدي القاضي واجهل السبب الذي تقدمت لأجله زوجتي بدعوة الطلاق هذه، ربما اخفقت في امرٍ ما،انا اعترف بأخطائي وتقصيري ولكنني احب زوجتي بالنسخة القادرة على تقديم شيء لهذه العلاقة والنسخة الغير قادرة على تقديم شيء لا مشكلة لدي مع جميع النُسخ التي هي عليها، لا استطيع تقبل فكرة الإنفصال عن المرأة التي اضافت معنىً لحياتي،لطالما كانت زوجة جيدة وصديقة جيدة وشريكة حياة جيدةوإمرأة قوية، بالطبع الأمر الذي قادها الى اللجؤ لطلب الطلاق ليس امراً سهلاً لا استطيع التقليل من اسبابها او الإستخفاف بها، إنها تقول انها غير قادرة على تقديم شيء لهذا الزواج ولكنني لا اطلب سوى وجودها بجانبي، لطالما كان القليل منها كثير بالنسبة لي،لقد قدمت لي الكثير من الأشياء المعنوية التي لطالما إفتقدتها في حياتي سابقاً،ودعمتني في الكثير من الأمور ،يكفي انها احتوتني ك زوجة وك
اجل،والأسوأ ان جميع الفديوهات كانت حقيقية تم تصويرها عندما كانت شهد تترأس العمل في المنظمة وتدير الإجتماعات وتخاطب الفئات المستهدفة وتروج للمنظمة والكارثة هي ان هناك فيديوهات لها برفقة الممولين و هؤلاء الأشخاص هم اعضاء حقيقيين في لائحة مافيا الجريمة المنظمة والإرهاب، ممولين فعلييين للمنظمة التي كانت شهد تروج لها
اي ان شهد متورطة بالكامل في هذا الأمر منذ ثلاثة عقود مضت صحيح؟
لم ينتهي الأمر عند تلك الثلاثة سنوات فحسب،الان يتم إستخدام هذه الفيديوهات و تعديلها للغرض الذي يُفترض ان تؤديه في غيابها،لذا انا ارى ان اللجؤ للشرطة لن يخدم شهد كثيراً بل سيثبت عليها الجرم بترأسها قديماً لإدارة المنظمة التي تستند على هوية وجهها الجديد بعد عملية التجميل،نسبة اثبات ان الفديوهات معدلة بالذكاء الصناعي ضعيف ،قمت بتجربة اختبار للفيديوهات وكانت النتيجة ان الفيديوهات بنسبة 90%حقيقية وغير معدلة
نظر لي بنظرات مليانة دهشة وهو بقول لي:هذا امر كارثي سياف،سيؤدي بشهد الى الجحيم مع الفدرالية ومنظمات حقوق الإنسان
اعلم،وعمار ايضاً يعلم ذلك مسبقاً لذا إثبات الجُرم عليه وجمع الأدلة امر يحتاج إلى بذل مجهود مُضاعف
قبل الإنخراط في هذا الأمر سأسألك سؤالاً سياف،هل تعرف شهد حقاً؟لا اتحدث عنها ك زوجتك التي تعرفها او تلك التي نعرفها نحن،انا اتحدث عن هذا الجانب الذي تحدثني به عنها الان، هل هي حقاً ضحية لهذا الرجل؟انا اقدر طبيعة العلاقة والمشاعر بينكما ولكن قبل كل شيء انا مواطن امريكي امضيت الكثير من عمري في خدمة وحماية المدنيين انت تتحدث عن العمل بكامل إرادتها في هذه المنظمة وقوفنا بجانبها ومناصرتنا لها يستدعي التحقق من هذا الأمر جيداً
بابل علينا ترتيب امر إرسال شهد إلى لاس فيغاس اولاً، ربما ارسالها الى هناك سيجيب على العديد من تساؤلاتك
سكت لحظات وهو بفكر بدون اي جواب
حسناً ساشرح لك الأمر إذاً أسمعني جيداً.
.............
8:00pm
بعد نهار طويل داخل مستودعات المكتبة جسمي كان مُنهك من تفريغ ونظافة وترتيب الكُتب في الرفوف انتهى دوامي ف طلعت قاصدة البيت اجمع شنطتي وحاجاتي لأنه م كان عندي اي حاجة اللبسها في سكن المكتبة واناةفي اشد الحوجة لملابسي وحاجاتي التانيه لأني م كان في شنطتي غير كم دولار بس م عارفة حيكفو لي إحتياجاتي من الأكل حتى ، كنت بدعي إنه سياف م يكون في البيت لأنه المواعيد المتوقع يرجع فيها البيت،وفي نفس الوقت م بقدر انتظر لبكرة قررت امشي حتى لو هو موجود م حيفرق حأدخل ألم حاجاتي واطلع بدون م اتلفت حتى والموضوع م حياخد مني اكتر من5دقايق..
لما وصلت البيت م كان في اثر لعربيته قدام الباب،حمدت ربنا إنه ما موجود بس ممكن يرجع تحت اي لحظة ف ما عندي وقت لازم اجمع حاجاتي واطلع ،إستعجلت طلعت المفتاح فتحت الباب ودخلت بسرعة اول م وصلت غرفة المعيشة وقفت في دهشة
سياف مالك دة شنو؟بتعمل في شنو انت؟
بدون م احس لقيتني قاعدة جنبه وانا مُشتته وبعاين للحاجات الملانة دم قدامه وبعاين ليه
انت مجروح،في شنو مالك؟منو العمل فيك كدة ومتين؟ دقيقة
طلعت تلفوني بسرعة..
مسك التلفون وهو بقول لي انا تمام يا شهد،جرح عادي في رجلي وانا بنضف فيه،شال الشاش وبقى يلفه حوالين رجله بسرعة
بإنفعال قلت ليه:جرح عادي كيف يعني؟قول لي حاصل عليك شنو؟ وليه انت هنا م في المستشفى؟دموعي كانت على حافة عيني..
مسكت يده فكيت الشاش وانا بعاين للجرح بخوف وقشعريرة ودموعي جارية..
شال يدي وهو بقول لي انا خلصت نضافة م فضل شي،مد يده شال المُعقم..
مسكته منه ،فتحت المعقم وشلت قطنه..
ايوا نعم حاجة بسيطة بس م كنت قادرة اعملها ومتوترة شديد وقلبي حيطلع من مكانه رغم اني عملت كورسات تمريض واسعافات اولية وم جديد علي حكاية نضافة الجروح وتعقيمها دي وعادي كنت بعقم لأبوي جروحه وشفت مناظر اسوأ من كدة ،يمكن لو كان زول غيرسياف كان الوضع اختلف وم حسيت بكدة ،كنت حاساه من شدة ما موجوع لمن ملامحه متغيره وظاهر شديد الألم في وشه
عقمت الجرح ولفيت الشاش حوالين رجله
في مُسكن ومعاه مضاد حيوي هنا في العلبة دي ممكن تديني ليه؟
ناولته المُسكن ودخلت المطبخ جبت ليه مويه وانا حيلي م شايلني بجد بسرعة لميت علبة الإسعافات والقطن والشاش شلتهم من قدامه ودخلت بيهم المطبخ اول م رميتهم في السلة وجيت اغسل يدي في حوض الغسيل دموعي م وقفت تاني،بكيت بفتور وغضب وقلة حيلة وخوف وحب وكمية من المشاعر المتناقضة في نفس الوقت كلها تجاهه،وقفت للحظات بعدها مسحت دموعي وطلعت
كان متابعني بنظراته لغاية م قعدت قصادهقال لي:
إتضربت بالغلط في الصالة يا شهد دي كل الحكاية الموضوع ما كبير ما تخافي
ما كبير؟ليه انا م عندي علم؟ليه م كلمتني؟
عاينت ليه كان جسمه مُعرق وواضح عليه التعب م م قدرت اكمل كلامي ف قلت ليه: طيب،حترتاح شويه؟
انتِ حتمشي؟
عيوني لمعت لحظتها لأني كنت شغالة وم عارفة بعد الدوام يخلص حأمشي على وين،م عندي مكان امشي ليه،وم بقدر امشي لهُتن لأنه لما مشيت اليوم كان معاها صديقها في البيت، كنت حأنوم في الشارع لو اتضطر الأمر،حسناً،شكراً لك مسز اني،انا حقاً ممتنة لهذا
طلعت من المكتب وانا عايزة اطير من الفرح،قدر شنو ربنا دة رحيم بعباده..
اول م خلصت دوامي مشيت قسم سكن العاملين ووصلت الغرفة بمساعدة واحد من المسؤولين في السكن ،الغرفة كانت مُجهزة بشكل لطيف ومُطلة على حديقة المكتبةفتحت الشباك وانا بتنفس وإترميت في السرير بحيل مُتهالك وانا بعاين للسقف وسرحت
عاينت ليدي وبقيت ماسكة في طرف البلوفر اللابساه، قمت بسرعة قلعته عايزة ارميه م قدرت ،بقيت اعاين فيه لغاية م استسلمت حضنته ودفنت وشي فيه وانا ببكي
....................................
8:00Am:
اراك مُبكراً اليوم في المكتب
صباح الخير سيد مورفي ،كنت بإنتظارك ،اجلس لنتحدث
موكلتي لم تأتي بعد،إنها في الطريق!!
سكتت لحظات بعدها قلت ليه :قهوة؟
اجل
رفعت التلفون وقلت للسكرتيرة احضري كوب قهوة للسيد مورفي..
قعد مستر مورفي وفتح شنطته طلع الأوراق ومررها لي في سطح المكتب وهو بقول لي ها هي اوراق الطلاق،اخبرتني السيدة شهد انها تريد التنازل عن جميع حقوقها مقابل ان يتم الأمر في اسرع وقت
مسكت الأوراق وعقدت حاجبي وانا بعاين فيها..
ما الذي يدور بعقلك سياف؟اخبرني وم الذي قاله لك ذلك الطبيب الذي اتى من نيويورك ذلك اليوم؟
دخلت السكرتيرة وهي شايلة كباية القهوة،وفي نفس اللحظة جات مكالمة لمورفي،ف قال..
اجل انا اتٍ إليك،قفل وهو بعاين لي للحظات
قلت ليه:ما الأمر؟
إنها هنا!!
عدلت قعدتي في الكرسي وقلت ليه دعها تأتي اذاً!!
طلع من المكتب لحظات ورجع ،كنت بعاين للباب لغاية م لمحتها داخلة وراه
مستر مورفي قال ليها:تفضلي بالجلوس سيدة شهد
لا حاجة لي بالجلوس مستر مورفي انا في عجلة من امري، لقد اتيت لأقول انني اتنازل عن جميع حقوقي للسيد سياف ،وانني لا ارغب في اخذ شيء منه سوى حقيبة ملابسي التي دخلت بها إلى منزله،بالإضافه الى انه لديه الحق في طلب ما يريد من اموال قام بإنفاقها علي،سأتعهد امام المحكمة بسدادها جميعاً مع إمهالي بعض الوقت لسدادها،هذا كل شيء لدي،ان كان هناك شيء اخر اخبرني به قبل ذهابي
انا اعتقد ان قرار الطلاق هذا جنوني منكما،وانا هنا لا اتحدث بصفتي محامي خاص بك ،عليكما التفكير في الأمر مجدداً والتحدث الى بعضكما البعض
فتحت شنطتها طلعت قلم وبلا مبالاة وبنبرة عناد قاطع قالت ليه:هل اوراق الطلاق جاهزة لأقوم بالتوقيع عليها الان قبل خروجي من هنا؟
مورفى بقى يعاين لي بإستياء..قلت ليه هل يمكنك تركنا قليلاً؟
وقف على حيله وهو بقول لي:بالتأكيد ،سأعود بعد قليل
بعد م طلعورفعت ليها الفايل وانا بقول ليها :الأوراق معي، حتطلعي من هنا وانت موقعة عليها بس اقعدي خلينا نتكلم شوية
عاينت لي للحظات وقعدت،رغم اجتهادها في انها تخفي ملامح بشرتها المجهدة وتقاسيم وشها الشاحب الا إنه عيونها الواقعة وجفونها الداكنة فضحتها..
إلتزمت الصمت للحظات بعدين كسرت صمتي بكلمتين..
.........................................
انا حأتزوج..
وقع الجملة دي على نفسي كان بشبه الوقوع من قمة عالية،استوعبتها بعد لحظات وانا بعاين ليه،بعاين لحالة الثبات الهو فيه بعد م قالها،ونظراته الما فيها اي تفسير ،كيف؟كدة عادي؟بالسرعة دي؟
كلها إستفهامات كانت بتتردد جواي بس م كان ينفع ابدي اي رد فعل خلاف الكنت عليه ،كان لازم اتماسك لغاية م اتخطى عتبة باب مكتبة وم يلمح مني اي شعور بالتأثر ...
خلفت رجلي وصلحت الجاكيت بتاعي وبنبرة ثبات قلت ليه:وبتستأذني يعني ولا شنو؟
لا ابداً،بس من باب حق العُشرة البينا حبيت اكلمك إنه انا حأخطي الخطوة دي اول م يتم الطلاق بينا،لأنه العمر جاري الواحد مننا في طريقه لل40سنة،إتأخرنا في إنه نكون أسرة ،او خليني اتكلم عن نفسي واقول إتأخرت وحاولت اكونها معاك واغير مسمى العلاقة العبثية الدخلنا فيها دي بس م بحصل غير الكاتبهُ ربنا زي م شايفة وصلنا لهنا ويبدو انه ماف قسمة بينا ، ف الحياة بتستمر وم بتقيف..
ما حسيت بنفسي وانا بأيد كلامه..صح!عندك حق الحياة ما بتقيف ،اتمنى تتحقق الحاجة دي وتكون الأسرة النفسك فيها..
انا وقعت سلفاً إتفضلي وقعي إنتِ ونتمنى الموضوع يخلص من اول جلسة إن شاء الله
مرر لي الورقة ومعاها القلم ،عاينت لأصبع يده،م كان فيه الدبلة بتاعته اللي دايماً بكون حريص إنه يلبسها،بإستعجال شلت القلم وفتحت الورقة ويدي بترجف وقعت في المكان المفروض اوقع فيه عاينت للجهة التانية لقيته موقع فعلاً م كنت عايزة ارفع عيني من الورقة واسمح لدموعي تملى عيني قدامه
بنبرة ثبات قلت ليه :في شي تاني ؟
لا ابداً ،انا حأسلم مستر مورفي الورق،لما تتحدد جلسة المحكمة هو حيديك خبر ان شاء الله
المهم بعد تردد اتصل عليها ، هند لما شافت اسمو في الشاشة اتوترت شديد وبقت ماعارفة ترد ولا لا ، الجرس التالت فتحت الخط ردت عليهو ....
هند : الو
أسامة: السلام عليكم هند ...
هند : وعليكم السلام أسامة..
أسامة: كيف حالك ..
هند : بخير الحمدلله..
اسامة: الاولاد كيفهم ..
هند : كويسين الحمدلله...
شوية كدة ساد الصمت بينهم، بعدها أسامة قال ليها هند انا انا مبسوط انك وافقتي ، وأن شاءالله بوعدك اني اسعدك انت واولادك او بالاصح أولادنا، وربنا يتمم لينا على خير ان شاءالله....
هند خجلت شديد وقالت ليهو ان شاء الله ....
المكالمة كانت مختصرة م طويلة ...
أسامة كان طاير من الفرحة بس هند كانت مهمومة وحاسة انو البتعمل فيه دة غلط .....
.......يتبع .....
#هوى القلب#
(7)
بقلم : غزل وليد
عدى شهر وبقيت مابين الشغل والبيت ، اليوم البكون شغالة فيهو برجع هلكانه بخش غرفتي طوالي بنوم ، بصحوني للأكل بنتونس شوية وبرجع تاني انوم ، عدا اليومين البكون م شغالة فيهم بقضي معاهم اليوم ومرات مع العصريات بنطلع نشم هوا وبنرجع....
حسون : طبعا خطوبة اختو لآسر بعد بكرة ان شاء الله ، ولسة م اتحننتة ولا رسمتة وعايزة اشيل وشي ، وموضوع غايتو ....
رفيف : منتظرة شنو طيب قومي ابدي من اسي راقدة ليها شنو ...
حسون : كسلانة والله ...
رفيف : يامرة هوي بطلي كسل واتظبطي ، دايرة نسابتك يشيلو حالك ويقول مرة ولدهم بقت مبشتنة ...
حسون : هههههه خلاص يازوله قايمة اعجن حنتي بتحنن بالليل بنوم بيها ....
رفيف : اسي جيبي موس انضف ليك بيهو وشك دة ..
حسناء قامت جابت موس نضفتة ليها وشها و حواجبها ، وهي برضو نضفت لي وشي ، سألتني حتلبسي شنو قلتة ليها والله ماعارفة ، قالت لي عندها فستان حلوو شديد وبجي معاك ح أديك ليهو تلبسيه ، قلتة ليها خلاص تمام ، نادتني غرفتها عشان اجربو واشوفو هل حيجي قدري ولا لا .....
مشيت جربتوا وطلع فيني حلو ، عجبني شديد وحتى لونو هادي وبسيط ، لونو بيبي بلو الفستان ....
حسون : م شاء الله تبارك الله، والله الفستان درررعة فيك ، اصلا مع طولك وقوامك دة اي حاجة يتجي فيك حلوة ، اثناء م كنت واقفة في المراية حقت التسريحة وبعاين في الفستان راجلها جاء داخل ، انا اتخلعتة وبقيت بفتش في طرحتي عشان شعري كان كاشف ، هو طوالي طلع م خشى لجوة ...والله لحظتها حسيت بإحراج شديد اصلا دي مواعيدو البرجع فيها البيت ...
قلتة لحسون بعد كدة انا حأمش غرفتي وشكرا ع الفستان ، قالت لي ماف شكر بينا حبيبتي ، و آسر زي اخوكي الكبير ما تتحسسي من الحصل ، قلتة ليها لالا ماف مشكلة والله المفروض اصلا اجرب الفستان في غرفتي وهو ما عارف اني قاعدة هنا ....
مشيت غرفتي سريع طلعتة الفستان وطبقتو ورقدتة عشان انوم شوية ، بس قلتة اتصل لأمي اتكلم معاها شوية ، اتصلتة ليها واتونستة معاها حبة وقمتة اجهز ملابسي الحأمش بيها بكرة المستشفى عشان الصباح ما أتأخر واقعد اقضيها في عزيل الملابس.....
تاني يوم الصباح قبل م اطلع مليت البوتل حقتي موية ودخلتها شنطتي ، آسر برضو كان طالع على شغلو فعرض علي يوصلني المستشفى في طريقو ، ركبتة طوالي اصلا اتأخرت اليوم المفروض اطلع ابدر من كدة بس شالتني نومة ....
آسر : اها لاقيتي دكتور رامي ...
رفيف : اممم منو دكتور رامي ...
آسر : دة اخوي الكان كلمتك عنو ؛ حكيت ليهو انو بت خالة زوجتي نزلت امتياز في المستشفى التعليمي..
رفيف : ايواا ... م اتلاقيت معاهو والله ، او احتمال اتطاقشنا بس عشان م بنعرف بعض ما انتبهنا...
آسر : اهاا.... اصلا هو شغال يومين بس في المستشفى التعليمي تقريبا الاتنين والخميس ( يعني اليوم شغال لانو الخميس ) ...
رفيف: شغال في ياتو قسم ...
آسر : والله ما متأكد ...
رفيف : ما اعتقد يكون في الإميرجنسي( الطوارئ) لانو لو شغال فيها احتمال اكون بعرفو....
آسر : ايوااا...
لما وصلت المستشفى وعايزة انزل ، آسر قال لي العربية القدام دي حقت اخوي معناها جاء ...
نزلتي كدة العربية ، في زول نزل من نفس العربية القال لي اسر انها حقت اخوهو ، آسر طوالي نزل وناداهو يارامي يارامي ، اتلفت علينا طوالي ....
اللحظة الاتفلت علينا والله ي جماعة حسيت وقتها كأنو عقارب الساعة وقفت ، بس بقيت واقفة مكاني وماقدرتة اتحرك بس بقيت بعاين في الإنسان الواقف قدامنا دة ، ومن دون مبالغة مش سمعتو ب الجمال البخليك تفقد المنطق يلا بس ياهو انا فقدتة المنطق، معقولة الزول دة سوداني زينا كدة وعايش معانا في البلد دي ،
لا دقيقة هو مالو سمح كدة ، ي ربي ثيو جيمس ببقى ليهو شنو ( بنزل ليكم صورة ثيو جيمس للمابعرفوهو🤣، احكي ليكم ليكم عن طولو ولا عن قوامو ولا عن استايلو ولا عن شنو ماعارفة ....المهم عقلي كان شغال انبراش شديد 🤣 لكن الكائن القدامي دة يستاهل أكتر من كدة ، دي اول مرة يعجبني زول يخليني انبهر كدة ، المهم في عز سرحاني سمعتة آسر بناديني وقال لي دة اخوي دكتور رامي ، ويارامي دي دكتورة رفيف طالبة امتياز ي داب ليها شهر في المستشفى بت خالة حسناء زوجتي الحكيت ليك عنها أنها شغالة هنا ....
دكتور رامي مد لي ايدو وسلم علي ببشاشة والله قلبي دة عمل شححح قرب يقع عدييل😭 قال لي اهلا بيك يادكتورة رفيف اتشرفنا ، انا بقيت ببتسم زي العويرة 😭 قلتة ليهو شرف الله قدرك يادكتور ...
بعدها بقى بتكلم مع اخوهو ، وانا استأذنتة منهم وخشيت المستشفى وضربات قلبي دي شغالة دق دق دق ، لمن استغربت وقلتة يارفيف اسي انت مالك ، جريت نفس وحاولتة اشتت انتباهي بأي حاجة ، بس ماقادرة اتجاوز سماحتو يخ 😭...
# هوى القلب #
(6)
بقلم : غزل وليد
طبعا يارفيف أمس آسر لما شاف أصناف الاكل قال لي مستحيل تكوني دي إنتي طبختي ، احرجني العواليق هههههه ، قلتة ليهو رغم انو كلامك غياظ بس صح للأسف ، ست الطبخ دي رفيف ، ولما ضاق الأكل قرب يأكل صوابعو ي بت ، تخيلي قال لي عليك الله خليها تعلمك ههههه..
أنا ضحكت وقلتة ليها ياحسون ماعندك اي مانع طوالي تتعلمي ، اصلا الطبخ ساهل والله ، قالت لي بري ولا ساهل ولاشي واصلا ماعندي ليهو اخلاق والله ، قلتة ليها انا بحب الطبخ عشان من لما كنت صغيرة كنت بخش مع امي المطبخ وياهو اتعلمتة منها كل حاجة ....
قالت لي طيب يازوله نتعلم منك هههههه .....
بعد يومين مشيت المجلس عملتة التمهيدي واستلمتة الشهادة في نفس اليوم الحمد لله، بعدها طوالي بديت اعمل إجراءات الامتياز والحمد لله خلصتة الورق ، واخترت اني اعملها في المستشفى التعليمي. بالنسبة للأيام الحأشتغل فيها حيكون الاسبوع كلو عدا الجمعة والسبت ، بصراحة كنت متحمسة نوعا ما للأمتياز وفي نفس الوقت خايفة عشان ماف زول بعرفو ، بإعتبارها بيئة عمل جديدة وحيكون في ناس جديدة ف الموضوع شوية موترني لاني بصراحة ما إجتماعية شديد ....
أول تلاتة شهور وزعوني في الحوادث الكبيرة ، اليوم الأول لما نزلت المستشفى الوضع كان غريب بالنسبة لي لاني ما بعرف ولا زول ، لحدي م اتعرفت على بنوتة ظريفة ولطيفة إسمها سما خريجة جامعة البحر الأحمر وبرضو ي داب نزلت امتياز ، المهم بقينا بناخد وبندي في الكلام لحدي ما شلنا أرقام بعض وعرفتني على زميلاتها وزملاها البتعرفهم ، كانو بتين وتلاتة اولاد ، منن وعبير وخالد ومروان وبشير ....
الاسبوع الاول عدى كويس ، شوية شوية بديت ادخل في الناس ، وحتى الشغل كان ماشي معاي كويس ، بمشي الدوام ٨ صباحا وبخلص الساعة اتنين ضهر ....
لما جات الجمعة حسناء قالت لي رايك شنو نطلع نمش الكورنيش مع الجو الظابط دة ، انت من جيتي م اتفسحتي ياهو طوالي بديتي الجري في موضوع الامتياز دة ؛ قلتة ليها طوالي ماعندي مشكلة اصلا متحمسة اشوف بلدكم دي ههههه..
المهم اتجهزنا ولبسنا ولبست اولادها ....، انا لبستة لي فستان كبدي سادة مع طرحة اوف وايت وشبط طقم الطرحة ...
بعد اتجهزنا كلنا اتصلت لراجلها وقالت ليهو في طريقة يجي يودينا الكورنيش اذا قريب من البيت ، قال ليها اصلا هو الطريق قرب ع البيت خليكم جاهزين بس ، قالت ليهو نحنا جاهزين بس منتظرنك...
خمسة دقايق كدة جاء البيت وركبنا ، انا كنت قاعدة جمب الشباك وبكشف ساي في الشارع ، وصراحة عجبتني شوارعهم نضيفة كدة ومنظمة ، المهم وصلنا الكورنيش وشفتة البحر الأحمر، والله ي جماعة حسيت بشعور حلووو وانا بشوف في البحر ، الدنيا كانت عصريات والجو كان باارد والناس دي خاتة كراسيها جمب البحر بتتونس ، حرفيا المنظر حلووو ، والاحساس دة بكون مر بيهو اي زول زار بورتسودان لأول مرة ، قلتة لحسون انتو محظوطين شديد كل م تزهجو تجو البحر تغيرو جو ، قالت لي يابت انت لسسة م شفتي حاجة في حتات ارهب من كدة بكتيير ، طبعا حمستني شديد ..... شلنا كراسي وقعدنا طرف البحر ورجلينا جوة الموية ، انا انفصلت عن الواقع لمدة عشرة دقايق كنت بتأمل بس المنظر القدامي ، والشفع بلعبو ساي بالموية أما حسون وزوجها شغالين ونسة ساي ،
بعدها قالت لي يابت مالك ساكتة شاردة وين قدر دة ، قلتة ليها كنت بتأمل بس قي المنظر الحلو دة ...
آسر مشى جاب لينا شيبس وبارد وبسكويت وتسالي عشان نقسقس بيهم ، بقينا بنتونس لحدي المغرب اذن ، والغروب كان حلووو ، بس الجو ماشي يبرد شديد وقلنا نرجع البيت عشان الاولاد م يجيهم التهاب ، عن نفسي ماكنت عايزة امشي والله لو علي أبيت عدييل😭
قبل م نصل البيت آسر نزل في مطعم شال معاه أكل دليفري ومشينا البيت ....
اول م وصلنا خشيت استحميت وصليت المغرب والعشاء ورقدتة ، فتحتة تلفوني وبقيت بشوف في الصور الاتصورناها كانو عاجبني شديد ، رسلتهم لاخواتي وبقينا بنتونس ريكوردات ، شوية كدة حسون جات وقالت لي قومي تعالي منتظرنك للعشاء، قلتة ليها ماجعانة والله ، بس م خلتني واصرت اني اجي اكل ان شاءالله لقمتين بس ، اكلتة شوية وقمتة ، قالو لي ماأكلتي يابت اقعدي اكلي زي الناس ، قلتة ليهم والله شبعانة ، اكل الغداء لسة م اتهضم والله بالإضافة للقسقسة القسقسناها في الكورنيش .....
لما رجعتة غرفتي لقيت سهام متصلة لي مكالمتين ، رجعتة ليها واتونسنا مسااافة قرابة الساعة ، بعد م قفلتة منها حسيت بعطش عدييل ، قلتة امشي اشرب لي موية ، الكولر حق المويه قاعد في الصالة ، فلما جيت مارة بيهو لقيت حسون وراجلها قاعدين بحضرو في التلفزيون وحسون كانت جمبو وراقدة ليه في كتفو وبتونسو، منظرهم كان حلوو شديد يشهوك العرس والله ، انا خجلتة وما حبيت أزعجهم ، رجعتة الغرفة ونمتة بعطشي داك للصباح ههههههه .......
♡♡♡♡♡♡♡♡♡♡♡♡♡♡♡♡♡♡♡♡♡♡
# هوى القلب #
(5)
بقلم : غزل وليد
عديت فترة خمسة يوم في البيت مسافة تعب السفر يطلع جسمي ، بعدها قلتة لحسناء إني حمشي مكتب المهن الطبية وأظبط ورقي للامتياز عشان عايزة ابدأ طوالي ما أضيع الزمن ، وبما إني جديدة في البلد قلتة ليها بس توصف لي أركب من وين وأمشي وين ، قالت لي خلي آسر يوديك بعربيتو الفترة الأولى دي عشان تحفظي الطرق وتعرفي الأماكن بالأول حتى بعدين تمشي براك ، أنا رفضتة وقلتة ليها لالا ماعايزة أعطلو من شغلو انتي بس وصفي لي وح أعرف ، بس أصرت إنو زوجها يوديني ، الموضوع بقى لي تقيل والله لأني ماعايزة أكلف زول معاي بس بسبب إصرارها وافقت ..
اليوم البعديه صحيت بدري اتجهزت وطلعنا ، أول م ركبت معاه العربية إعتذرت منو إذا عطلتو عن شغلو ، قال لي ابدا ماف أي مشكلة اصلا مكان شغلي قريب من المهن الطبية ، المهم سألني قريتي جامعة شنو واتخرجتي متين والاسئلة الاعتيادية دي ، بعدها قال لي انو عندو اخوهو أصغر منو برضو طبيب ، وامتحن التخصص قريب ، شغال في مستشفى (..)الخاص وبرضو شغال في المستشفى التعليمي ف حتلاقيه برضو ان شاء الله، قلتة ليهو م شاء الله والله عقبالي اخلص الامتياز واتخصص، قال بالتوفيق ليك ...
بعد وصلنا وصف لي مكان مجلس المهن الطبية اللي هو جوة المستشفى جمب قسم الاشعة وقال لي بعد تخلصي اتصلي علي عشان اجي ارجعك ، هاك أكتبي رقمي ، قلتة ليهو لالا ماف داعي والله حرجع بالمواصلات بس ، ، قال لي طيب تمام ماف مشكلة بس للضمان سجلي رقمي عندك لو حصل اي شي اتصلي علي ، قلتة ليهو طيب ؛ قبل م يتحرك وصف لي اركب المواصلات من وين وبعدها مشى ...
المجلس كان زحمة وكمية هايلة من الطلبة كانو متواجدين ، في العايز يسجل للتمهيدي وفي العايز يمتحن مزاولة المهنة وفي العايز يجدد البطاقة حقت المزاولة المهم مواضيع كتيرة ، الحمد لله ورقي كلو كان مكتمل وخشيت ليهم لما جاء دوري وحددوا لينا زمن المحاضرة حقت التمهيدي حتكون بعد تلاتة يوم وموعد استلام الشهادات حيكون في نفس اليوم ما حيأخرونا ....
بعد ساعتين كدة خلصتة عشان الزحمة وبعدها ركبتة المواصلات رجعتة البيت ، حفظتة وصف البيت الحمد لله ....
حسناء : عرفتي البيت م شاء الله افتكرتك حتروحي🤣
رفيف : ويين يازوله انا شفتة 🤣
حسناء : لالا خلاص قربتي تبقي بت البلد ههههههه
رفيف : اديني اسبوع بس قدام وحأبقى مواطنة عدييل ههههههه
حسناء: خطييرة لقيتك 🤣 اها قالو ليك شنو ...
المهم حكيت ليها بالحاصل وانو بعد يومين ح أمشي اعمل اجراءات الامتياز..
حسناء : على فكرة آسر عندو اخوهو برضو دكتور ...
رفيف : اي صح كلمني قبيل والله ...
حسناء : م شاءالله دكتور شاطر شديد على مستوى بورتسودان وحتى عندو معارف كتار ، لو عندك اي مشكلة كلميني بوريه يظبط ليك امورك..
رفيف : والله كوييس شديد، خلاص يازوله تمام ...
حسناء : شغال في مستشفى خاص بس برضو بشتغل يومين في المستشفى التعليمي فغالبا احتمال تلاقيه ...
المهم اتونسنا شوية وبعدها خشيت استحميت ونمتة شوية ، لما صحيت مشيت ع المطبخ وقلتة ليها اليوم انا بطبخ ليك انت ارتاحي بس وريني اطبخ ليكم شنو ، قالت لي انت بس خشي المطبخ وفي التلاجة في لحمة وخضار وزبادي وجبنة ،وحتلقي رز ومكرونة في سلة البقوليات الجمب التلاجة ، اتفنني على كيفك وشوفي عايزة تطبخي شنو ؛ قلتة ليها حلووو ، بقيت بفكر اعمل شنوو لحدي م قررت اعمل ليهم مكرونة بالبشاميل وفطاير والتحلية عملتة مهلبية ...
لما رصيت الاكل وبدينا ناكل قالت لي ماشاء الله تبارك الله ايدك طااعمة واكلك رهييييب ، الليلة آسر حيقول لي اتعلم منك هههههه ، طبعا انا دي بليدة عديييل في الطبخ وبس شغالة ليهم كبسات ومكرونة وسندويتشات خالص م قاعدة اتفنن ليهم في الأكل... قلتة ليها يازوله ماتشيلي هم حعلمك اي طبخة عايزة تعرفيها معاك الشيف رفيف شخصيا احم احم ، ضحكت وقالت لي بختي بختي اتعلم منك ههههههه .....
* حسناء شابة جميلة في بداية التلاتينات درست تقنية معلومات وكانت شغالة بس بعد أنجبت خلت الشغل عشان قالت ما حتقدر على شغل البيت والعيال بالإضافة لشغل خارجي مع بعض عشان كدة خلت الشغل وقعدت في البيت كربة منزل إلى حين أولادها يكبرو شوية ، أما زوجها آسر رجل في نهاية التلاتينات و م شاء الله أنيق ومهندم جدا ، دة غير إنو وجية شديد وعندو كارزما **
♡♡♡♡♡♡♡♡♡♡♡♡♡♡♡♡♡♡
التومة : أسامة ياولدي قوم وديني بيت هند ، عايزة افتح معاها الموضوع داك ...
أسامة :( ابتسم ) وقال ليها حاضر يمة بس اخد لي حمام سريع وبجي بوصلك ....
إيمان : ياأمي في رأيك هل هند حتوافق؟
التومة : ان شاءالله حتوافق انا متفاءلة ...
# هوى القلب#
(4)
بقلم : غزل وليد
ياولدي كدي تعال انا عندي كلام عايزة أسألك منو ...
قولي يمة سامعك
بس تجاوبني بصراحة من دون لف ودوران..
حااضر يمة أسألي ...
هند بت الشكري الله يرحمو ، عاجباك صح ؟
سكت مسافة ماقال شي...
يلا سكاتك دة معناه كلامي صح ، اصلا كنت حااسة انو عندك ليها حاجة ...
والله يمة الصراحة هند دي عاجباني شديد ، انسانة طيبة ومحترمة وخلوقة ، لي فترة عايز اطرح ليها الموضوع دة بس كنت متردد ...
لية ماكلمتني طيب ياولدي كان توريني ، الوقت دة كان زمان تميت ليك الموضوع ....
يمة الموضوع بالسهولة دي ، انا خايف انها ترفضني ، انا في نظرها زي اخوها وعم أولادها فما عارف هل ح تتقبل حكاية اني عايزها + هل أولادها حيتقبلو انو امهم تتزوج تاني ...
ياولدي مالك معقد الموضوع كدة ، ماتشيل هم خلي الموضوع دة علي بظبطو ليك ، هند زي بتي وبتسمع كلامي ....
يارييت يمة تكوني ماقصرتي ، حاسي انو في حمل كبير في كتفي انزاح شوية ....
ابشر حبيبي بتتسهل ان شاء الله....
♡♡♡♡♡♡♡♡♡♡
حسون جوكم رهيييب والله ...
اي ي روفا الجو الايام دي فظيع ولسة حيبقى ارهب من كدة دي ي داب البداية ...
وبعلي جاادة ، عاد بورتسودان تمام وماف كلام ههههه..
لسسة م شفتي حاجة ي بت ح أفسك ، انت بس ارتاحي شوية ونبدأ نطلع ...
متحمسة اشوف البحر قبل كل شي ....
انت اصبري بس بوديك الكورنيش والكيلو والسقالة وعروس وحتات تانية ظابطة....
وااي حمستيني يخخ ههههه ، م تخليني انسى اني جاية اعمل امتياز هههههه واقضيها طلعات....
يازوله اهم شي تتفسحي وتغيري النفسية وبعدها تبدي الامتياز بمزاااج....
اثناء م كنا بنتونس راجلها جاء خاشي وقال السلام عليكم ، حمدل لي السلامة وسألني من ناس البيت وبعدها مشى ....
زوجها دة أول مرة أقابلو لأنو عرسها ما حضرتو بس كان شفناه في الصور ، هو ما من أهلنا ، صاحب اخوها الكبير شافها وعجبتو وطوالي اتزوجها ورحلها بورتسودان ، ....
روفا انا حامشي ارص الاكل ل آسر وبعدها نجي نتم ونستنا كويس...
خلاص كويس حبيبتي ..
بالمسافة دي قلتة اتصل ل سهام اتكلم معاها شوية ، واقول ليها اني وصلتة بخير ..
رفيف : الو ي حب مشتاقيين والله...
سهام : كضاابة ولا مشتاقة لي ولاشي ، شايفاك خلاص بديتي تنسيني ☹️
رفيف: بري وحاتك ي قلبي ، هو متين انا جيت ههههه....
سهام : اها امورك شنو وبورتسودان ان شاء الله عجبتك
رفيف : مبدئيا حلوة والله بس برضو لسسة م طلعتة مكان ، بعد اطلع بتصور وبرسل ليك الصور ...
سهام : خلاص حلو ...
المهم اتونسنا مسافة وبعدها قفلنا، حسون جات وجابت معاها كبايتين شاي وبسكويت، رغينا مساافة لحدي م حسيت الزمن فات شديد ، قلتة ليها هي ي زولة بعد كدة قومي شوفي راجلك ، قالت لي نعستي ولا شنو ، قلتة ليها الصراحة نعستة والله لسة تعب السفر م طلع مني ، قالت لي خلاص نتم باقي الونسة بكرة ان شاءالله تصبحي على خيير ...
بعد م طلعت طواالي اتخمدتة نمتة....
♡♡♡♡♡♡♡♡♡♡♡♡
دعوية بتي الغداء طبختو ليكم جاهز في التلاجة بعدين سخنيهو بس وأكلو مع اخوكم ، انا احتمال اتأخر في بيت المناسبة ...
كويس ي أمي ...
راجعي لداليا شوية شايفاها قالت عندها دروس في الرياضيات م فاهماها ....
ياأمي داليا بقت كبيرة تراجع براها ، وامتحاناتي زاتها قربت ...
طيب انا بجي براجع ليها بعد ارجع...
هند لبست ليها عباية راقية واتكحلت بس وطلعت ، وصلت بيت المناسبة وكان ملااان ، الاهل كلهم كانو متجمعين ، رقية شافت هند مشت وسلمت عليها بحراارة ، هند ورقية بنات خالات وصحبات شديد ...
رقية : مشتاقين والله ياهند وينك ماظاهرة طولتي ما ظهرتي علينا ...
هند : والله يا رقية مع مشغوليات البيت والأولاد، ومحمد ولدي ممتحن عشان كدة مالاقية طريقة اطلع بيها ....
رقية : معذورة ياأختي اصلا شغل البيت والعيال صعب والله..
هند : غيتو بس الحمد لله، البابوية كيفها م شاء كبرت
ورفعتها بقت بتلعب فيها وبتشاغلها ...
رقية : اسكتي بس بكاية بكاية طلعت عينا انا وابوها..
اثناء م كانو بتونسو حجة التومة جات عشان تسلم عليهم ، هند قامت وسلمت عليها بشوق وسألتها من صحتها وناس البيت ...
بعد المناسبة خلصت وعايزين يرجعو البيت التومة قالت لهند انها حتجيها بعد يومين ان شاءالله عايزاها في موضوع ، هند قالت ليها ان شاءالله خير ياخالتي ، التومة ابتسمت وقالت ليها خير يابتي ....(وهنا عرفنا انو أسامة بحبها ل هند )
المهم التومة قالت ليها تركب معاهم في عربية أسامة عشان يوصلها بيتها ، هند رفضت بس حلفوها الا تركب ، بعد اصرارهم معاها ركبت العربية ...
أسامة كان مبسوط شديد وكل شوية بعاين ليها بمراية العربية من فوق بس هند م انتبهت خالص ومندمجة في الونسة مع اخت أسامة ، حجة التومة ساكتة ساي وبتوزع في البسمات ...
وصلو هند بيتها بالأول شكرتهم وقالت ليهم يتفضلو لجوة بس اعتذروا منها عشان الزمن اتأخر ....
# هوى القلب#
(3)
بقلم : غزل وليد ❤️
يابتي بورتسودان شنو تمشي ليها براك ...
أمي أنا ماعايزة اقضي الامتياز هنا ، كلها سنة واحدة او تسعة شهور بس وبجي راجعة ...
بري ماف ليك مشية انا موافقة ...
أمي عليك الله ماتبقي صعبة ، نفسيتي براها كعبة وانت عارفة الحاجة دي ف لو سافرتة أمكن اتحسن شوية وانسى الحصل معاي ..
يابتي كدي اسي انسي الكلام دة وتعالي ساعديني ، هاك قطعي لي اللحمة دي ...
أمي م اشتغلت بكلامي ولا ختتو في الاعتبار بس انا كنت جادة في حكاية السفر دي ، ومتأكدة ابوي م حيرفض لي اني اسافر ، اتصلتة لحسناء وكلمتها انو أمي رفضت لي حكاية السفر ، قالت لي خالتي دي خليها علي انا بقنعها م تشيلي هم ، قفلت مني واتصلت لأمي اتكلمت معاها مسافة ، بعدها أمي جات وقالت لي خلاص مامشكلة سافري ، قلتة ليها أمي الغير رأيك شنو قبيل كنت رافضة لي اسافر ، قالت لي ماياهو مشيتي شكيتيني لبت اختي وعارفاني م بقدر أرفض ليها طلب ، قلتة ليها يعني انا عادي ترفضي لي وتسمعي كلامها ياأمي صح وعملتة فيها زعلانة ، قالت لي هوي هوي سيبي العوارة اسي دة بغير رأيي وبحرمك السفرة دي ، طبعا لما قالت كدة سكتة سااي وغيرتة الموضوع ههههه ........
كلمتة سهام صحبتي اني حسافر وما حأقدر اقضي الخدمة هنا ،زعلت مني شديد وقالت لي بعد ما اتفقنا انو نقضيها سوا تقولي لي ماشة تقضيها في بورتسودان ، قدر ما حاولتة اشرح ليها وضعي والسبب المخليني اسافر ماقدرت تقتنع ، مشيت ليها في بيتهم وحاولتة اعتذر منها ؛ بعد تعب حتى اقتنعت رغم اني حاسة انها لسة زعلانة وبس بتحاول تمشيني ....
......
* رفيف خريجة طب بشري ، عمرها 24 سنة ، بنوتة جميلة ومحترمة جدا ، سمورية سمار صاافي ، ذات ملاح حاادة وجذابة ، عندها طول وقوام خياالي
بتحب الرسم من هي صغيرة ، والبشوف رسوماتها بعرف قدر شنو هي مبدعة جدا ......
****
بديت ارتب في أموري عشان أسافر ، أخواتي كانو داقين جرس وزعلانات ماعايزني أفارقهم يحليلهم ..
مشيت السوق اشتريت لي شوية ملابس جديدة
ظبطتة اموري كلها وحتى ابوي قطع لي تذكرة السفر ،
أمي واخواتي ديل ببكو بس التقول تاني م حيشوفوني
وانا زاتي والله كنت زعلانة اني حأفارقهم فترة ٩ شهور بس ضغطت على قلبي ودعتهم وخلاص سافرت ...
ودي أول مرة أسافر براي ، بالنسبة لي حسيتها زي المغامرة ، الطريق كان طويل بس انبسطت بالرحلة ، اتعرفت على البت الجمبي في الباص وكانت زولة لطيفة جدا ،
والحمد لله وصلت بالسلامة ، حسناء بت خالتي جات استقبلتني في المحطة وساقتني البيت ، اشتقتة ليها شدييد لينا أكتر من سبعة سنة م اتلاقينا وجها لوجه ...
حسناء : والله مشتاقين عديييل ي رفيف سنيين م اتلاقينا...
رفيف : والله الشوق بحرر ي حسوون، فعلا طولنا شديد م اتلاقينا ، لكن سبحان الله ما اتغيرتي غير انك زدتي حلاوة ....
حسناء : عيونك الحلوة حبيبتي ، عكس انتي اتغيرتي شديد والله بقيتي حلوة شديييد وكبرتي م شاء الله ؛ آخر مرة شفتك فيها كنت صغنوونة ....
رفيف : الزمن جااري م بقعد والله ، و ويين أولادك ..
حسناء: امين دة ناايم والله شوية وبصحى وأحمد دة عيان راقد جوة ...
رفيف : سلاامتو حبيبي وينو اشوفو ...
حسناء : اتفضلي خشي جوة حبيبتي ...
خشيت لقيتو راقد ومحموم ؛ رفعتو حضنتو وبقيت بشاغل فيهو واتنونس معاه ....
حسناء: روفا قومي حبيبتي خشي استحمي وغيري هدومك وتعالي عشان تاكلي ليك حاجة ...
حسناء دخلت لي شنطتي جوة وقالت لي دي غرفتك اخدي فيها راحتك ولو احتجتي اي شي كلميني انا زي اختك الكبيرة م تخجلي مني وطلعت خلتني اغير ملابسي ....
الغرفة كانت حلوة شديد فيها سريرين وتسريحة وشاشة صغيرة وفيها حمام داخلي ، صراحة حبيتها شديد وحسيتها مريحة وريحتها حلووة ...
خشيت استحميت ولبسته لي بجامة وتوب هزاز
صليت الصلوات الفاتتتي ورقدتة شوية قلتة ارتاح لاني حرفيا كنت منهكةة وجسمي مكسرر...
شوية كدة حسون جات خاشة وشايلة معاها صينية فيها اكل ومعاه جك موية ، قلتة ليها إلا تاكل معاي عشان م بعرف اكل براي ، بقينا بناكل وبنتونس ....
حسون بت خالتي دي عسل عسل بنقط زولة وناسة وظريفة وبتاعة دراما ، والله بتضحكني ونستها ضحك ، مع انو فرق العمر بناتنا تمنية سنة بس بحسها قدري...
♡♡♡♡♡♡♡♡♡♡♡♡♥︎♡♡♡♡♡♡♡♡♡♡♡
هند : ياولدي أها الامتحان جاء كيف ان شاء اشتغلت
محمد : والله يا أمي جاء حلو
هند: اها بكرة نازلين شنو
محمد : بكرة قاب ، نازلين بعد بكرة كيمياء ...
هند : ايوا ، اقرا كويس وركز حبيبي الكيمياء صعبة ..
محمد : ان شاءالله ياأمي دعواتك بس ...
هند : دعواتي دايما معاك وملازماك ياولدي ...ربي يوفقك وتبقى لي دكتور كبيير ...
محمد : امييين ياأمي...
بقيت قاعدة مع نفسي ، قلتة سبحان الله الزمن دة جااري شديد ، محمد ولدي القبل كم سنة كان صغير وبلعب بالتراب اسي بقى راجل كبير وخلاص قرب يخش الجامعة سبحان الله ...
♡♡♡♡♡♡♡♡