14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
الان روايه #رسيل للكاتبه رحاب يعقوب حصريا علي 📚قناه رواياتي بالواتس
https://whatsapp.com/channel/0029Vah1XZH7NoZxhwyOzo3Y
✳️حلقات يوميه أن شاء الله #اكرر حلقات يوميه حسب ظروف الكاتبه
بالطبع لا،لقد تم سحبهم جميعاً من هناك لا ندري كيف ولكنهم نجحو في الأمر،وتمت التضحية ببعض الشخصيات مثل السيد والسيدة تشارلي وبعض ممن يلاحقهم القانون ولكنه مجرد اشتباه في نشاط غير قانوني من المؤكد انه سيتم الإفراج عنهم لعدم اثبات اي شيء ضدهم وهذا ليس ما نريده
هل تعلمون عدد المنظمات التي شملها المؤتمر ذاك؟والمجالات التي تعمل بها؟وعدد الصفقات التي أبرمت خلال ذلك الوقت القصير؟
لم تكتفي هذه الجماعات بكونها عصابات تمارس الإبتزاز،الترهيب ،التعنيف،التلاعب بالنشاط الإقتصادي للدولة والإتجار غير المشروع،تمرست هذه المنظمات في الإتجار بالبشر،وصناعة القتلة المتسللين،وتجنيد الأطفال القُسر تحت سن الثامنة عشر واشراكهم في الحروبات ووضعهم في الصفوف الأمامية في ميادين القتال كمكملات للقوات النظامية مقابل بيعهم كرقيق للدول،واستخدام الفتيات والأطفال لتجارة الجنس،وبالإضافة للإستخدامات الأخرى مثل العمل القسري،التسول،الجريمة،والتبني غير القانوني..
ما اعرفه هو ان مستر جورج روكفلر امضى العديد من السنوات من العمل بجد وجهد واستخدم كل خبراته وكفاءاته للوصول لربع م استطعتم انتم ايها الأولاد في التوصل اليه
لذا لا يمكننا التوقف اليوم لأن استمرارنا يعني انقاذ العديد من الفتيات من تجارة الجنس في المقام الأول والعديد من الاطفال من ايدي المنظمات المقاتلة ،لذا اقول ان جميعاً لدينا اسبابنا التي تدفعنا للإستمرار في هذا الأمر لذا نحن لا نريد فقط السيد والسيدة تشارلي بين ايدي القانون،نحن نريد ايقاف هذا الأمر كله وحماية هؤلاء الضحايا في الدول والقارات المختلفة..
ما حدث الليلة الماضية كان جيداً ويصب في صالحنا بكل تأكيد،سيكون لدينا الوقت الكافي لإخراج هؤلاء الجرزان من جحورهم واحداً تلو الأخر والرمي بهم بين ايدي القانون وجمع الأدلة الكافية لكل من تورط في هذه الممارسات اللا اخلاقية بحق الأطفال وفاقدي السند
ولكن مسز اني بعد التفكير جيداً في الأمر انا اظن ان المسنين مجرد ضحايا يتم استخدامهم من قبل مجهولين ك قادة لأفعالهم الغير اخلاقيه بعد اختطافهم لعدة سنين وافتعال حوادث موتهم ومن ثم محو ذواكرهم
ليز قالت ليها: اجل ،جميعاً نتفق مع شهد في هذا الأمر ،ان كان هناك م علينا انقاذه هو ايقاف هذه الجرائم التي تحدث في حق هؤلاء الناس ،هم ايضاً يحتاجون لإنقاذهم من هذه الأيدي ،لقد فعلو الامر ذاته مع معلمي ادريان
قلت ليهم :لا يكف عقلي من التسائل عن سبب تورط السيد روكفلر في امر كهذا والمخاطرة بنفسه الى هذا الحد؟
ربما ليست لدي الإجابة الكاملة عن سؤالك ولكن بحثنا انا والسيد ادريان عن سبب اهتمام السيد روكفلر بهذا الدار ومن فيه،وجدنا ان الأمر شخصي بالنسبة للسيد روكفلر
قلت ليها شخصي مع من؟
سكتت لدقايق وهي بتعاين لي بعدين قالت لي:شخصي مع كاثرين وزوجك السابق السيد عمار
الإجابة شهقتني وبقيت اعاين للحوالي ولسياف،بعدين قلت ليها ماذا يعني هذا اشرحي لي مسز اني
اجزم لك انني لا املك الإجابة الكاملة عن السبب
طال الإجتماع اليوم دة،والنقاش كان مفتوح على غيره من الإجتماعات، بعد م خلصنا طلعنا ونحن في طريقنا للصالة كنت سرحانة ،انا عمري م حاولت امشي في الطريق الأمي كانت ماشة فيه بس الان وفجأة لقيت نفسي في نصه من غير ادنى جهد حتى،القضايا دي هي الكانت متبنياها امي في يوم من الأيام وبتحارب واتحاربت عشانها وكانت بتحاول تصل للفاسدين المسؤولين عن النوع دة من النشاطات اللا اخلاقية
هل الحياة بتديني فرصة اعمل الما عملته امي؟
قلت لسياف ممكن يكون مستر جورج هو سبب استدراجي و وجودي في الدار م السيدة كاثرين ولا حاجة زي م ظاهر؟
يعني هل ممكن نكون نحن لسة مغبيين عن الحقيقة الكاملة وم شايفين الصورة الواضحة من الموضوع دة؟واقعياً كدة شنو ممكن صحفي بمتلك كل الأدلة والمعلومات دي يخليها بين ايادي واحدة زيرو خبرة زي ويملكها كل الحقايق دي؟مش كان اولى الشرطة او الناس البثق فيهم غيري؟
سياف قال لي كل شيء وارد والتساؤلات دي هي مفاتيح لحاجات نحن م ملاحظين ليها
وصلنا الصالة عشان سياف كان لازم يتابع الشغل ماشي كيف،وهو مشغول في مكتبه بتفاصيل الإشتراكات الجديدة وانا قاعدة قصادة ماسكة تلفوني فجأة لقيته خاتي يده في خده و قال لي: تعالي معي الشركة واقعدي قدامي كدة كل يوم واديك مرتب
ضحكت
جد والله،انا بكون مطمن وبالي مرتاح وانتِ قدام عيوني ،تعالي طيب قدمي لوظيفة مسؤول علاقات عامة وانا متأكد بنسبة 100%حيقبلوك
رجعت ضحكت وانا بقول ليه حتتوسط لي يعني
امريكا م فيها وساطة الCv بتاعك كفيل انه يخليهم يقبلوك
لا ،م عاوزة ،موضوع ممل انه نكون في وش بعض 24ساعة لازم نفصل حياتنا من بعض شويه وكل زول يمارس اهتماماته وإلتزاماته في مساحته الخاصة
يعني بتحسي بالملل وانتِ معي قصدك؟
كمل شغلك الله يرضى عليك يا سياف عشان نرجع البيت
لا م لقيت فرصة ،بس بلبس اي حاجة م فرقت
كيف م فرقت؟انت فاكر نفسك حتمشي الصالة ،انت ماشي مكتب محاماة،عاين ادخل استحم انا حأجهز ليك حاجة تلبسها
عايز يتكلم وقاطعته وانا بقول ليه بدون نقاش
انا حأكون في غرفتك التانية لما تخلص حمام تمام؟
دخلت غرفته وفتحت دولابه عديت دقايق وانا بختار في بدله وبحاول اطقمها مع اكتر من قميص..
هو مرتب شديد لدرجة انه حتى الوان الأقمصة والفنايل مخلي كل لون ودرجاته مع بعض..
كنت متوترة عديل وانا بختار من النظام المبالغ فيه دة
دة غير درج المناديل المنفصل ودرج الساعات وغيرها..
اخترت ليه طقم وخليته في السرير ومشيت على درج الجزم وبقيت اختار اي جزمة ممكن تكون مناسبة والشرابات برضو
جا داخل وهو بعاين للطقم مساافة
قلت ليه م حلو؟
شال القميص وهو بقول لي حاعتمد عليك في تجهيز لبسي تاني كل يوم
بعد م خلص لبس كان فاضل ليه بس الجاكيت وقفت وانا بصلح ليه في القميص وبقول ليه:م عندنا رجال بتخلي صدرها فاتح كدة فهمت عييييب،حنقفل الزراير دي للنهاية حنخلي الفوق دي بس عشان م تخنق
ضحك
ربطته ليه الكرفته ولبسته الجاكيت،كنت مستمتعة شديد بالتفاصيل دي واني بعمل فيها وهو مخلي لي نفسه تماماً اعمل العايزاه ،ختيت المنديل وشلت زرارات اليدين وركبتها في اللحظة دي وانا بعاين ليه حسيت اني عايزاه يمشي ابداً
قلت ليه شايف الراجل لما يبقى مطيع ويخلي مرته ترتبه وتجهزه ببقى عسول وحلو كيف
ضحك وهو بقول لي بلاها كلمة عسول وحلو دي ما ممكن راجل طويل عريض يتقال ليه عسول وحلو
ضحكت وبنبرة جادة قلت ليه:طيب يا بيبي حاضر من عيوني م حأقول ليه عسول وحلو
عاين لي بغيظ وشال العطر بخاه على نفسه
وهو بقول لي حاولي تاكلي شي وارجعي نومي ولو عايزة اكل جاهز اطلبه لبك قبل اطلع
شلت شنطته ومديتها ليه،لا م عايزة انا فعلاً حارجع انوم شويه
تمام بس م تنسي تاكلي تمام،حأتصل عليك من المكتب اتطمن خلي تلفونك جنبك وعام
حاضر،انت كمان حتطلع من غير فطور لو عارفة كنت صحيت ابدر
ما مشكلة ،م حتأخر انا اول م الدوام يخلص حأرجع البيت نمشي الصالة سوا بعدها
حاضر
لما وصل جنب باب الشارع قلت ليه:بالتوفيق،يوم سعيد
ان شاء الله
رجعت غرفتي فتحت تلفوني لقيت ماف مكالمة من مسز اني او ليز او اي واحد منهم ،عايزة ارجع اقفل التلفون حبيت اشاغل سياف،رسلت ليه:م حضنتني وانت طالع وجنبها قلب مكسور
قفلت التلفون وطلعت دخلت الحمام غسلت وشي وطلعت دخلت المطبخ وانا بشرب في الموية فتحت التلاجة حسيت بحركة في البيت،خفت للحظة وطلعت بسرعة من المطبخ لقيته هو طالع من غرفتي قلت ليه بسم الله مالك؟نسيت حاجة؟
ايوا، جا علي وضماني عليه
صحكت وانا بقول ليه انا كنت بهظر حبيت اشاغلك بس انت رجعت عشان كدة؟
ما مفروض تذكريني اعمل كدة اصلاً
اول م طلع اتصلت عليه..
شهد في شي؟
لا بس عايزة اتكلم معاك وانت في الطريق بما انه حتكون غايب لساعات..
قعدت اتكلم معاه لغاية م وصل المكتب بتاعهم،
انا وصلت عايزة حاجة قبل م اقفل؟
تعال راجع بسرعة البيت بس بعد تخلص
حاضر
ولو اتصلت عليك الاء بخصوص اي شي عن لين كلمني
حاضر يا شهد
سياف...
ايوا
سكتت لدقايق بعدين قلت ليه مع السلامة،على لساني كانت كلمة غير الجملة دي بس م عايزة استعجل المرة دي،عايزاها تجي منه،هو عمل كل حاجة تخلي عندي الكم دة من المشاعر ليه الا الكلمة المعنية م قالها..
عديت طول اليوم وانا نايمة،صحيت لقيت مكالمة من مسز اني..
رجعت اتصلت عليها..
مرحباً شهد،كيف حالك اليوم ؟
انا بخير مسز اني
هل نستيطع الإلتقاء اليوم مساء؟
حسناً،اي ساعة ؟
عند السادسة جيد؟
حسنا سنكون هناك عند السادسة
قفلت منها وعاينت للساعة لقيتها 3ونص
نزلت دخلت المطبخ جهزت غداء بسرعة على قدر م اقدر وجهزت السُفرة بتاعتنا ونضفت البيت ورتبته رغم انه م محتاج ودخلت سرحت شعري وجهزت لبسي ورسلت لسياف رسالة محتواها"م اشتقت لي؟تعال بسرعة " عشان م يتأخر
م عارفة الجديد شنو في انه اقوم بمهام البيت كلها واقعد مستنياه يرجع البيت بلهفة كدة،
م عدت نص ساعة لقيته في وشي
قرب علي وباسني في راسي وهو بقول لي مساء الخير
مساء النور، كيف كان اول يوم دوام؟
كويس بس اجتماعات وقضايا من اول يوم
ربنا يوفقك ويفتحها عليك يارب
استحم عشان تاكل،مسز اني اتصلت عليك؟
لا
اتصلت علي وقالت نتلاقى الساعة 6مساء
عاين للساعة وهو بقول لي:بعد 45دقيقة يعني
غير ملابسة واتغدينا وطلعنا ،في الطريق اشترى لينا قهوة وطلع تلفونه وقال لي عندي مكالمة مهمة قبل نصل..
شغل المكبر وخت التلفون قدامي..
كانت المكالمة داخلة بس ماف رد ،تاني رجع اتصل..
وانا بشرب سمعت صوت بقول:ابو النسب..
في اللحظة دي اتشرقت وقربت ارمي القهوة من يدي والسرقة بقت لي حارة لمن دموعي جرت وهو بعاين لي وبضحك والصوت في التلفون لسة بتكلم وبقول:هسي نقول ليك ابوك النسب ولا نقول ليك استاذنا؟
العربية اتحركت وهو مستعجل في اتجاه مخرج الباركن كان واقف ابو مادلين وهو بأشر ليه بالمرور لغاية م وصلناه قال مستر بابل طلع راسه بالشباك وهو بقول:هل انت متأكد انكما ستكونا بخير؟
لا تقلق،سنكون بخير حقاً
اوك صديقي،لنلتقي بسانفرانسيسكو
لديك اقل من 3دقايق هل ستطيع فعلها؟
لا فكرة لديك عما استطيع فعله في ثلاثة دقائق
توخ الحذر ،ربما يتم اطلاق النار عليك اذا لم تتوقف،حاول الدخول بطريق الغابات حتى لا تتعقبكم مروحيات الشرطة
في اللحظة دي قال لينا ارجو منكما التمسك جيداً والبقاء في صمت تام حسناً ايتها الفتاتان؟ وساق العربية بإندفاع وهو ماري بممرات المخرج لغاية م طلعنا ،صوت عربات الشرطة كان مالي المكان بس م ظاهرة لأننا طالعين بالجزء الخلفي للمبنى...كان سايق بدون حتى م يعاين وراه او حواليه،وكل مرة يعلي السرعة لدرجة ليز قالت ليه:اشعر اننا سأتقيا هل يمكنك التوقف ؟لا استطيع
م رد عليها حتى واصل وهو مزود السرعة لدرجة انه بقيت حاسه اننا طايرين خصوصاً في جزء من الطرق كلن وعر م طريق مسفلت،،اول م بقينا على بُعد مسافة من المكان دخلنا بطريق غابة اشجارها عالية ومخيفة زاتها،واصل المشى مساااافة اكتر من نص ساعة،بعدين خفض السرعة ،ليز قالت ليه:هل نجونا؟رأيت المروحيات تُحلق من بعيد متجهه نحو ذاك المكان، ولكنني لم استطيع التحدث،هل كان هذاً حدثاً حقيقياً؟لقد رأيته تكرارً في الأفلام،ارجوك توقف هنا قليلاً ،لا استطيع التماسك اكثر،اشعر ان امعاء بطني تقف على حلقي ..
وقف العربية نزلت بسرعة ووقفت على بعد مسافة مننا..
عاين لي وهو بقول :هل انتِ بخير؟
بقيت اعاين ليه بدهشة وانفاسي م منتظمة وكاني مخلوعة لسة، بعدين قلت ليه هل كان من الممكن ان يتم اعتقالنا؟
مداهمة الشرطة للمكان تعنى ان الحفل مجرد فخ للتضحية بشخصيات غير مرغوب بها في ذلك الوسط ومطلوبة من قبل القانون بالإضافة لشخصيات يتم الإشتباه بالنشاط التي تمارسه والهاربين من القانون والمتورطين ببعض الجرائم،حتى وان تم القبض علينا سيتم اطلاق سراحنا م عداك انت،تعلمين ارتبط اسمك بالعديد من الأحداث لذا إلقاء القبض عليك في ذلك المكان يثبت عليك التورط في العديد من التُهم
ختيت يدي في وشي وانا بقول ليه :هل سنقضي الليله هنا؟اقصد في هذه المدينة؟
لا ،نحن في طريقنا للمطار الان
واغراضنا في الفندق؟
لا تقلقي،سنجدها بالمطار،لنتخلص من هذا الزي وهذه السيارة اولاً هنا قبل وصولنا للطريق الرئيسي حتى لا نقع في المتاعب مرة اخرى
عدينا الطريق لغاية مخرج الطريق الرئيسي وقفنا العربية وقلعنا ملابس عمال النظافة اللابسنها وواصلنا الباقي مشي بالرجول لغاية م لقينا عربية وقفت ليناؤ صلنا المطار وانا م قادرة احدد شعوري شنو،فتحت تلفوني ولقيت كمية من المكالمات والرسايل الصوتية نازلة من سياف،م كنت قادرة ارد ولا على واحدة فيهم عشان اطمنه علي ،اتعملت اجراءاتنا واخدنا الرحلة لغاية م وصلنا مطار سانفرانسيسكو م كنت حاسة بأي شي لغاية م شفت سياف في وشي،انا لغاية م اخدني في حضنه م كنت مستوعبة او فاهمة شي ويا داب بقيت حاسة ب اثر الصدمة،وهو كان بسأل اسئلة متكررة حصل شنو؟انتِ كويسة؟
وهو ملهوف كان بتفحصني بعيونه ويديه في وشي وماسك يدي التانيه بس انا م كنت قادرة اتفاعل معاه،كل القدرت اقولو ليه:انا بخير ،كانو منتظرننا هو ولويس واكيمي وساتشي ومسز اني..
مسز اني كانت بتتكلم مع مستر بابل وانا مركزة سمعي معاهم وهي بتقول ليه:هل اريد من هذا الأمر الإيقاع بالفتاة؟
كان كل شيء يسير جيداً لا اعلم هل كان فخ للإيقاع ببعض الشخصيات في المؤتمر ام انه تم كشف امرنا واريد الإيقاع بالفتاة
هل وصلتك اخبار عما جرى هناك؟
ليس بعد
حسناً لنتحدث لاحقاً في الأمر،لقد ابليت بلاءً حسناً بحمايتك للفتاتان رغم غضبي الشديد منك فيما يخص هذه المخاطرة
اتلفتت علينا وهي بتقول: انا مسرورة لرؤيتكم بخير جميعاً،لقد اصابنا الفزع حقاً،ليذهب الجميع الى منازلهم لأخذ قسطاً من الراحة اليوم ونلتقي غداً صباحاً
سياف كان لسة ماسك يدي ،فتح لي باب العربية وركبني وقبل م يتحرك عاين في وشي ومسك يدي تاني وهو بقول لي انتِ كويسة؟
جسمك دافي ،حاسة بشي اوديك المستشفى يا شهد؟
لأ،وديني البيت بس
طيب
اتحرك وهو ماسك يدي وكل شوية يعاين لي وانا ساندة نفسي في باب العربية وسرحانة لغاية م وصلنا البيت،نزلت قبليه وعلى طول دخلت الحمام وقفلته علي وفتحت الموية على نفسي وقعدت تحتها لدقايق كعادتي لما امر بموقف صدمة او اكون في حالة ضغط بعمل كدة،فضلت لدقايق لغاية م لقيت سياف بدق علي الباب وهو بقول :شهد انتِ كويسة؟في شنو حاصل م حتفهميني؟حصل شنو ؟شوفتي شنو هناك ؟
#ليلة_في_ديسمبر74
مرحباً مسز اني!! سياف يتحدث،كنت احاول التحدث مع شهد ولكن هاتفها مغلق،وموظفة الفندق تقول انها ليست بالغرفة،وهاتف ليز مغلق ايضاً،ما الذي يجري؟
نحن ايضاً نحاول الوصول الى مستر بابل منذ اكثر من ساعة بلا جدوى
لا افهم،ما علاقة السيد بابل بالأمر؟
لحظة صمت
مسز اني ؟
ااا رافق مستر بابل الفتاتان لأسباب تتعلق بحمايتهما
ولماذا لم اكن انا على علم بهذا الأمر؟حمايتهما من ماذا؟الم يكن الأمر بسيطاً وهو الذهاب الى منزل العجوز ومن ثم الخروج منه بعد اجراء المقابلة معها وقد تم الأمر بالفعل وعادت الفتاتان الى الفندق ام هناك امر ما اجهله؟
سيد سياف عليك ان تهدأ قليلاً وتتحلى بالصبر،سيكون كل شيء على ما يرام
اخبريني ما الذي يحدث هناك مسز اني،كيف يمكنني ان ابقى هادئ وانا لا استطيع الوصول الى زوجتي ؟اما ان تخبريني او انني سأتضطر للحاق بها
تأكد تماماً اذا اتضطر الأمر جميعاً سوف نلحق بهم
هذا يعني ان الأمر شديد الخطورة بالفعل صحيح؟
لتأتي الى المكتبة ونتناقش في الأمر ،سأكون في انتظارك
طلعت وانا في عجلة من امري ،في الطريق حجزت تذكرتي ل فلوريدا مسبقاً،لحظات ولقيت نفسي قدام المكتبة..
لما دخلت اثار إستغرابي وجود لويس واكيمي وملامحهم متخللها القلق حتى مسز اني على غير عادتها كانت متوترة وجنبها جهاز مقياس الضغط
مرحباً!!ما الذي يحدث؟
لتجلس ونتحدث مستر سياف
قعدت وانا بقول ليها: انا اسمعك
الخطة الرئيسية للذهاب لفلوريدا كانت من اجل اجراء المقابلة مع السيدة العجوز وقد تم الأمر بالفعل،ااااااا كانت هناك خطة اخرى ولكن تقديرات النجاح فيها كانت اقل من 50% لأننا لم نكن نملك المعلومات الكافية عن الأمر لذا لم نضع في حساباتنا انها ستنفذ ولم نخبر الفتاتان عن امرها
ايا خطة؟
الخطة كانت ذهاب لحضور حفل خيري،الدعوة في الظاهر ل حفل خيري ولكن الحقيقة انه مؤتمر لإحدى المنظمات المقاتلة المختصة بالإتجار بالبشر،بالطبع ليس غريباً ان يكون اخي تايسون متورط بالأمر ولكننا نجهل المشاركين في الحفل والقائمين عليه،هذا المؤتمر يعتبر بوابة من بوابات الأعمال والصفقات التي تدار وتعقد في عالم الجريمة في نهاية كل العام
لويس قال ليها:اذاً هل تم تنفيذ الخطة رغم عدم كفاية المعلومات؟
اين يقام هذا الحفل؟
لا معلومات لدي عن مكان اقامة المؤتمر او اي معلومات اخرى
مسز اني توقفي عن التكتم ارجوك،المرأة التي هناك زوجتي، دائماً م يدور الخطر حولها ،لذا ان كان هناك ما يجب علي معرفته لأعرفه لا يمكنني الجلوس هنا وانا اجهل ما يحدث مع زوجتي هناك
وحبيبتي ايضاً رفقتها لذا اخبرينا مسز اني
اخبرتكما م اعرفه،لنجلس وننتظر لبعض الوقت ،لن يأخذ الأمر اكثر من ساعة،حال استمر انقطاع تواصلهم بنا لأكثر من ساعة سنبحث عن حلولاً اخرى للوصول لهم
ولم لا نبحث عن هذه الحلول الان؟لا يمكننا الجلوس هنا والإنتظار لساعة من الزمن،انا سأحلق بهم
تعلم كم من الوقت ستستغرق الرحلة الى فلوريدا؟
مسؤولية حماية الفتاتان تقع على عاتق السيد بابل،تأكد تماماً انهما ليست وحيدتان، انا واثقة انهما ستعودان سالمتان ،لذا لنجلس وونتظر حتى يقوم السيد بابل بالتواصل معنا ،اغلاق هواتفهم لدواعي امنية ليس لأنهم بخطر،لتسترخي قليلاً مستر سياف..
................
Florida
شهد انتِ هنا؟ هل تسمعينني؟
ان كنت تسمعينني لا داعي للتحدث فقط انظري إلي!! انا اقف امامك مباشرة..
رفعت عيني وعاينت ليه..
حياة العديد من الأشخاص هنا على المحك حال تم اكتشاف امرنا بخطأ صغير من اي احد منا،تماسكي قليلاً فحسب،نصف ساعة من الان وسنكون بالخارج،مهمة اخراجك من هنا سالمة تقع على عاتقي ،لا تقلقي وساعديني في الأمر اتفقنا؟
مستر بابل كان على بُعد مسااااافة مني وبتكلم بالهمس ،بعد قال لي الكلام دة بالسماعة الفي اذني اتحرك من مكانه
ليز قالت لي:هل انتِ بخير؟
ناولتني منديل وهي بتقول لي:انتِ متعرقة كثيراً لتجففي وجهك بهذا..
وخذي هذا ،منديل به بعض الكحول استنشقي رائحته وافركي يديك به فحسب ستكوني بخير ،سنكون جميعاً بخير،كنت لسة بعاين بإتجاه المسنين..
لا تفعلي،لا تنظري الى هناك،لنخرج من هنا اولاً ومن ثم ننظر في امر هؤلاء العجزة المعتوهين...تفادي اي شيء يثير دهشتك هنا ...وهي بتتكلم معي سمعت صوت م غريب علي بتكلم،عاينت بإتجاهه كانت السيدة إيفا..السيدة ايفا نفسها كانت واحدة من المُسنات في الدار وحصلت حادثة اتسببت في دخولها غيبوبة او في الحقيقة انها كانت تدعي دخولها في غيبوبة ،وانا دخلت بيت طليقها في فلوريدا في زيارتي الأولى للمدينة لما جيت مع عمار المرة الفاتت...بس دهشتي بيها م فاقت دهشتي بالسيد والسيدة تشارلي والمسنين لأني سلفاً كنت عارفة انها جزء لا يتجزأ من الناس دي..في اللحظة دي اتذكرت الغرفة في القبو النزلت فيها اليوم داك والبت الكانت متمددة في سرير وحواليها اجهزة والوشم المرسوم في يدها كان مطابق للوشم في يد الموظفة ذات ال17سنة في بيت مسز ميلتون
الان روايه #الامواج_الفيروزيه حصريا علي 📚رواياتي الوسام 3
/channel/+QWl6saM-SrXQyJV0
حلقات يوميه #اكرر حلقات يوميه
الان روايه #الامواج_الفيروزيه حصريا علي 📚رواياتي الوسام 3
/channel/+QWl6saM-SrXQyJV0
حلقات يوميه #اكرر حلقات يوميه
في اللحظة دي فرد الأمن رجع ليه البطاقة الناولها ليه وقال ليه :من هنا سيدي..
واصلنا مشى مسساااافة حتى وصلنا الباركن
كان المبنى شكله مصمم بشكل غريب..
ليز قالت ليه:وااااو انه مذهل
كانت في في كمية من العربات واقفة ..وقبل م ننزل قال لينا:تفضلا خذا هذه البطاقات ضعاها على كتفيكما
وإرتديا هذه..
ادانا كمامات بنفس لون الزي اللابسنه ،تصرفا على طبيعتكما،انتما موظفتان هنا حسناً؟
ماذا؟وم الذي سنفعله هنا؟
ستكونان ضمن طاقم العمل الذي يقوم بتقديم الخدمات هنا اليوم
اخبرنا ما هي الخطة؟
سنكون على تواصل بهذه،ناولنا سماعات أذن ،كونا حذرتان لا تعلمان مدى المخاطرة و المجهود المبذول للنجاح في تواجدكما هنا اليوم..
هل تمزح معنا؟
بلا مبالاة قال:مرحباً ،اجل نحن هنا في الباركنج
حسناً،لا تقلق ستكونا حذرتان وستتحركان وفقاً لتوجيهاتك كما اتفقنا..
ليز رجعت قالت ليه :مستر بابل؟؟
قال ليها:بداخل هذا المبنى يقام مؤتمر او حفل يقال انه خيري لدور الإيواء، تتراسة شخصيات لا نعلم عنها سوى ان اسمها إرتبط ببعض العمليات غير القانونية في بعض المدن اي انها موضع اشتباه ظلت الأجهزة الامنيه تلاحقها دون جدوى،وشخصيات اخرى نجهلها،نحن فقط نحاول من هؤلاء الناس وسنخرج حال انتهى الأمر،انا اعتبر جزء من المشاركين في الحفل ك متبرع ،وانتما عاملتان،لنرى ماذا ما الذي يدور داخل هذا المؤتمر
هل هذا كل شيء؟
الى حد ما اجل!!!!
في اللحظة دي قال:ها انت ذا ،ونزل من العربية كانه شاف زول ومشى عليه، بعد مساااافة فتح لينا الباب وهو بقول :هيا..
ليز نزلت وانا وراها بعد م لبسنا الكمامات واول م وقفت اتسمرت في مكاني،العم مايك؟
بعمل شنو هنا العم مايك؟
العم مايك=والد مادلين
كان لابس لبس الطباخين مع الطاقية بتاعتهم
بطريقة رسمية قال لينا: تفضلا من هنا ايتها الفتاتان،سندخل من الجزء الخلفي للمبنى
حسيت راسي جايط وانا بعاين ليه لسة وهو م عاين لي حتى معقول م عرفني؟او عرفني وبتغابى؟مستحيل يكون م انتبه لشكلي
وهو ماشي قال لينا: هيا اسرعا في التحرك،استعجلنا ونحن وراه لغاية م دخلنا وكان في نظام لفتح الابواب قال لينا عليكما استعمال البطاقات هذه،ناول كل واحدة فينا بطاقة وهو بقول لينا:ربما ستحتاجانها حال حدث اي طارئ..
كان في بتحرك بإستعجال ،وهو بتكلم معانا على الضوابط والقوانين المفروض نلتزم بيها.
ممنوع استخدام الهاتف،ممنوع التحرك دون تعليمات،ستكونان حيثما طلبت تواجدكما...الخ فتح الباب ببطاقته ومررنا وفضلنا ماشين لغاية م دخلنا المطبخ واتفاجأت بوجود ام مادلين برضه هنا،في اللحظة دي وقفت في حالة صدمة رغم محاولتي التماسك ،الا ان الالام القولون الماكان دة وقتها ولا مكانها قامت علي...ها قد وصلت الفتاتان التي اخبرتك عنهما..
.
حسناً تولى امر ادخالهما ،سأنوب عنك انا و العاملين الى ان تعود
بقيت اعاين لأم مادلين عشان لو شافتني يمكن تعرفني بس هي م رفعت راسها حتى وشغالة بكل حواسها،وفي لحظة ما جاتني خوفة م قدرت اتكلم عشان انا م فاهمة دة شنو وانا وين..
قال لينا :سننزل لقاعة المؤتمر خلال 10دقائق كونا جاهزتان،قوما بإغلاق هواتفكما الخلوية وتحسين مظهركما..
ليز قالت ليه :حسناً
كان بتصرف معانا وبوجهنا بطريقة حادة ورسمية ،عدت ال10دقايق واتقدم وهو بقول لينا:اتبعاني،
اتحركنا وراه لغاية م ركبنا صانصير ، انا نفسي كان ضايق لدرجة انه الكمامة خانقاني ..
دقيقة واحدة وسنكون عند باب قاعة الحفل،لا تتحدثا مالم يتم توجيه السؤال لكما، انا ساهتم بالامر اتفقنا؟
ليز قالت ليه :حسناً
وصلنا المكان المفروض هو قاعة الحفل ،وقف قصاد الامن وهو بقول ليهم:الفتاتان تتبعان لطاقم العمل،كانتا متأخرتان بعض الشيء في تجهيز انفسهم لذا اتيت لإدخالهم بنفسي..
قالو لينا تفضلو بالدخول
القاعة كانت كبيرة ومستديرة ، الإضاءة فيها كانت خافته والحضور قاعدين على الكراسي وملامحهم م ظاهرة وشبه الصالة هادئة.
قال لينا:إستمرا في التحرك خلفي دون الإلتفات او اصدار اي حركة جانبية
بقينا ماشين وراه لغاية م وصلنا زاوية كدة وقفنا وقال لينا:ستقفان هنا ،بجانب الجزء المخصص للمشروبات رفقة بعض،لا تتحركا دون امر توجيه مني
ساعود خلال دقائق معدودة،الحفل على وشك البدء..
ليز قالت ليه:حسناً سيدي
كان في موظفين كتار لابسين نفس لبسنا حتى الكمامات،وواقفين في اماكن مختلفة بطريقة منظمة..
ونظام ترتيب قاعة الحفل كان بشكل دائري
بعد مرور 15دقيقة من وقفتنا سمعنا صوت بقول:
سيداتي ساداتي، نحن سعيدون بحضوركم وحرصكم على تواجدكم بيننا اليوم للإحتفال بمرور 70عاماً على تأسيس منظمتنا القتالية،وللإحتفال بوصول جنودنا من النحل الصغير ل300الف جندي بعد التدريب بمعسكراتنا وسط الغابات،وبزيادة عضويتنا هذا العام 200عضواً جديداً لشخصيات بارزة في مختلف المجالات،ولتتويج الشخصيات الأكثر فعالية خلال السنوات الماضية،اذ يمكننا القول
وماذا عن المطبخ ؟لقد سالتني انه غريباً بعض الشيء ان يكون هذا المطبخ لمنزل به عدد قليل من الأفراد ،هل يحتاج الطهي لشخص واحد كل هذا الكم من الادوات ذات الأحجام الكبيرة؟
شعرت بغرابة الأمر بعض الشيء ولكنني افسر كل شيء على انها مصابة بالزهايمر وربما تقوم ببعض الأعمال الخيرية واطعام المحتاجين ولكنها لا تذكر شيئاً عن الأمر
حسناً ربما انت محقة،ولكن اليس غريباً ان يتطابق خط الشخص الذي كتب هذه الورقة وعلقها على ثلاجة المطبخ الخاص بالسيدة ميلتون ،وخط الشخص الذي كان مسؤولاً عن إدارة مطبخ دار الرعاية الذي تم اخلاؤه بكاليفورنيا؟
في اللحظة دي كانت ماسكة كباية القهوة بتاعتها نزلتها وهي بتعاين لي بنظرات إستفهام،شالت الورقة وهي بتقول لي ماذا يعني هذا؟
اشرحي لي شهد لا تلتزمي الصمت
رفعت ليها التلفون وانا بقول ليها الخط على الفاتورة التي بهاتفي يعود للعم مايك والد صديقتي مادلين،ارسل لي هذه قائمةمستلزمات المطبخ هذه بخط يده في احد الأيام عندما كان يعمل معي
والورقة هذه وجدتها معلقة على احدى ثلاجات المطبخ الخاص بالسيدة ميلتون ضمن العديد من الأوراق المدون عليها وجبات مفصلة لعدة اشخاص،ليس لعدة اشخاص فقط بل الكثير من الأشخاص...
يا إلهي اذاً؟هل...
وقفت على حيلي قبل م تكمل كلامها وشلت تلفوني وانا متحركة يمين وشمال في الغرفة بتوتر وفتحت قائمة الإتصال..
مرحباً سيدة شهد كيف حالك هل انت بخير؟
ردت مادلين بإندفاع كعادتها: انا بخير وانتِ مادلين؟
اشتقت اليك حقاً ،اين انت؟
انا ايضاً اشتقت اليك مادلين،كيف العم والعمة مايك هل هما بخير؟
اجل انهما بخير
كنت ارغب في دعوة بعض الأصدقاء لتناول وجبة العشاء بالمنزل ولكن لا خبرة لدي في وصفات الطعام الأمريكية وهما بارعان في ذلك، هل هما متفرغان لمساعدتي في اعداد الطعام؟
لسؤ الحظ انهما خارج سان فرانسيسكو شهد،انتقلا الى فلوريدا منذ مدة، يعملان في احد الفنادق الخاصة هناك ويتقاضيان اجراً زهيداً ،حتى اننا لا نتحدث كثيراً بسبب ضغط العمل ولكن سأحاول الاتصال بهما واخذ بعض الوصفات وارسالها لك
اتنهدت وانا ساكتة
شهد،هل انت هنا؟
اجل مادلين،حسناً ،انا،انا،انا..سأعاود الإتصال بك لاحقاً اتمنى لك يوم جيد
قفلت الخط وبحيل متهالك قعدت على الكرسي..
ليز قالت لي ما الامر؟
انها مادلين
ومن هي مادلين؟
إبنة الطاهيان المسؤولان عن مطبخ دار الرعاية الذان قمت بتعينهما قبل إخلاؤه بمدة قصيرة،تقول ان والداها إنتقلا الى مدينة فلوريدا ،يعملان في احد الفنادق ،اي انهما هنا بالفعل..
دعيني أخمن،هل من الممكن ان يكون المسنين ما زالو على قيد الحياة ؟وانه تم ترحيلهم الى هنا في هذه المنطقة المعزولة وسط هذه الحقول ويتم استخدام ذلك المنزل كبديل لدار الرعاية؟، هل تقوم السيدة ميلتون مقام ابنتها وتحتجز المسنين داخل ذلك المنزل؟
لنذهب للحديث عن العمل اذاً
قامت من مكانها متسندة على عصايتها المطقماها مع لبستها واتحركت ،كان في درج طالع للأعلى ف هي مشت عليه..
ليز قالت ليها هل تحتاجين مساعدة؟
لا انا بخير ،لنذهب للتحدث بالأعلى
وهي ماشة كانت بتتكلم،حفيدتي كانت ترفض حركتي كثيراً،لطالما كنت اتشاجر معها بهذا الشأن ،كانت فتاة مرحة ومحبة للحياة،لم تكن جميلة ك والدتها ولكنها كانت فتاة مطيعة..
السلم كان مستدير وطويل وكانت هي مواصلة في المشى بدون توقف او تعب ولسة بتحكي عن حفيدتها وبتها لغاية م وقفت فجأة وهي بتقول لينا:من هنا..
فتحت باب كدة وقالت لينا تفضلا بالدخول..
دخلنا..
الغرفة كانت شديدة الضلمة وفجأة بقى في اضاءة..
كان مكتب مليان رسومات بطريقة مهولة،واوراق كمية مرمية على الأرض وادوات رسم في حالة فوضوية ومليانه اتربة وغبار وريحة غريبة
إنه مكتب إبنتي،تمارس فيه هوايتها بالرسم واعمالها الخاصة،امتهنت ابنتي الهندسة المعمارية ،لم يدخل مكتبها ضؤ منذ اختفاءها عن الأنظار العام المنصرم
ليز قالت ليها امرٍ محزن،الم تبحث الشرطة عنها؟
لقد فعلت ،لكنها لم تجد لها اثراً بعد
اتجهت على الباب وهي طالعة ونحن كنا واقفين بنعاين حوالينا
هيا اتبعاني
طلعنا وراها وهي بتفتح باب جنب المكتب وبتقول لينا وهذه غرفة حفيدتي،كانت تعشق الموسيقى والعزف على الجيتار لذا كان والداها واصدقاءها كل عام يقومون بتقديم اشكال مختلفة من الجيتارات والات العزف المختلفة لها..
بقينا نعاين حوالينا الغرفة مليانة صور معلقة على الحائط وجيتارات والات موسيقية
انا حسيت بالخوف شويه بس ليز كانت متماسكة ومتماشية معاها في الكلام ف قالت ليها: حفيدتك محظوظة بأصدقائها وعائلتها الصغيرة،هذا لطيف جداً
اجل ،انها كذلك بالفعل..
لنذهب الى اكثر مكان احبه،انا اريكما الاماكن التي احبها لأنني اعاني من الزهايمر،اذا كنتما ستعملان ك مساعدتان لي يجب عليكما معرفة الأماكن التي تشعرني بالراحة والحياة ويمكن ان اتواجد بها
طلعنا عن طريق باب خلفي للبيت كان فيه حديقة خلفية و فيها حظيرة كبيييييرة شديد ومستودع..
واصلت سردها:كانت حفيدتي تحب الخيول،لذا كنت اقوم بشراء الخيول الأصيلة لها سنوياً..
فتحت باب الحظيرة ودخلنا الإسطبل وعدينا بكم حصان
وهي مواصلة مشيها ونحن وراها بتردد لأنه المكان مظلم نوعاً ما،وريحته نفاذة...
نقوم بتعقيم المكان بالمبيدات للتخلص من بقايا روث الأحصنه..
بقية الإسطبلات كانت فاضية وبعيدة وبناها غريب وشبه متاهه وانا بحاول اتماسك بس حاسة بنفسي حأهبط من الخوف والريحة النفاذة..
لغاية م ولعت النور فجأة..بقينا واقفين مندهشين
عمل زوجي جزاراً في السابق،علمني كيف اقوم بذبح الحيوانات وتعليقها وحفظها داخل الثلاجات..
ليز بصوت متقطع قالت ليها:هل ما زال زوجك جزاراً؟
هناك العديد من الثلاجات وعلاقات اللحوم هنا
لا ،لقد توفى زوجي منذ عدة اعوام،ولكنني امارس عمله ك هواية فحسب بدلاً من شراء اللحوم بكميات قد لا تكفي لعدد الأشخاص هنا
بقيت اعاين بإستغراب قصدها شنو بعدد الأشخاص هنا ؟
هذه الثلاجات اقوم بحفظ المتبقي من الذبائح خاصتنا بها..
مسز ميلتون
كان صوت جاي من برة الإسطبل
مسز ميلتون هل انت هنا؟!
اجل،اسمعك
لقد اتت عربة الخضار والعاملين بإنتظارنا
حسناً انا قادمة
كل الأفكار السيئة اتكونت في راسي جوة الإسطبل بعد طلعنا حتى قدرت ارتب انفاسي وانا بضحك على نفسي بسخرية من كتر م اتعودت على السيناريوهات الصادمة..
واصلنا مشي لغاية م دخلنا البيت وهي استأذنتنا بإنها حترجع بعد دقايق معدودة وقالت لينا:خذا وقتكما في التجول بالمنزل ريثما اعود..
طلعت ونحن واقفين بنعاين حوالينا..
ليز قالت: اتسائل م الذي يدفع امرأة وحيدة وطاعنة في السن على العيش بمنزل بهذا الحجم،اليس غريباً بعض الشيء هذا الأمر؟
كنت واقفة على جنب حائط زجاجي مُطل على الحديقة الرئيسية للبيت،عربية الخضار كانت واقفة وكانو بنزلو فيه..
وقفت لدقايق اعاين ليها وهي بتتكلم معاهم..
اتحركت من مكاني بسرعة
ليز قالت لي:يسير كل شيء بشكل طبيعي الى الان،انطباعي عنها الى الان انها لطيفة ولكن مفطور قلبها على فراق ابنتها وحفيدتها ما رأيك؟
اجل،ربما
ونحن واقفين سمعنا صوت كركبة جاي من تحت،كانها اصوات حاجات بتقع ورا بعض
هل سمعتِ هذا؟
اجل..بقينا نعين لبعض مسااافة بعدها قلت ليها :لنرى ماذا هناك..
مشينا على الإتجاه الجاي منه الصوت،كان في درج نازل لتحت ،نزلنا بحذر وكان برضو السلم طويل نوعاً ما،واصلنا نزول لغاية م وصلنا طابق ارضي ودخلنا مباشرة في مطبخ كبيير شديد..
وقفنا مندهشين لدقايق،كانت في حلل كبيرة واقعة في الارض وفي كديسة سوداء كبييرة لما شافتنا نطت بجنبنا وطلعت من المطبخ، واضح انه هي الوقعتهم..
المطبخ كان شبه بتاع المطاعم من حيث الشكل والأدوات وعدد التلاجات الفيه...الخ
الأيام الاولى من ولادتي لما كان يناديها شهد ويحضنها او يشيلها بحس بسوداوية والدنيا بتضلم في وشي،مع الوقت اتعودت رغم اني اوقات كتيرة بسأل نفسي هو بحبها لأنها بته ولا لأنه اسمها شهد؟
في كل الأحوال انا متعايشة وم عندي مشكلة قادرة اتجاوز النقطة دي زي قدرتي على تجاوز حاجات كتيرة وعندي استعداد اتجاوز اكتر لأني حابة بتي تعيش في جو أسري انا اتحرمت منه ف م عايزة احرمها منه وطارق قادر يحقق لي
....................................................
San Fran sic
شهد&ليز
احببت قصة الشعر خاصتك شهد ،يليق بك الشعر القصير كثيراً
حقاً؟شكراً لك،وانت ايضاً صبغة الشعر جعلتك اكثر جمالاً
هل لديك ما سترتديه ام نذهب للتسوق؟
لا ،لدي م سأرتديه
حسناً اذاً ،لنلتقي بعد ساعة من الان
رجعت البيت لقيت سياف طالع..
وقف العربية ونزل وهو بقول لي:اتصلت عليك م رديتي
م شفت المكالمة
دخلت وفكيت طرحتي وهو وقف دقايق بعاين لي..
شعري طال وانا م كنت مهتمة بيه ف ناس الصالون ظبطوه لي وقصو لي اطرافه
بتهكم قال لي:م حتلبسي طرحة هناك يعني ولا شنو؟
لا حألبس طبعاً
السفرة دي قلبي ماكلني منها وما مرتاح ليها يا شهد قبل كدة سافرتي وشوفتي الحالة الرجعتي بيها
سياف كلها 24ساعة وحنرجع
طيب م انا امشي معاكم طالما هي24ساعة بس
لو حيحتاج م كانو خلونا نسافر برانا،نحن حندخل نعمل مقابلة العمل حنشوف في شنو في البيت داك وحنطلع بس ببساطة، بعدين انت مش عندك شغل وعندك تدريبات برضو؟ومش مفروض تجهز عشان تنزل المكتب؟م تراكم الشغل والمواضيع عليك
انا بفكر اسافر واشنطن في ال24ساعة الجاية دي،لازم امشي اشوف الاء دي واقعد معاها،انا متاكد داسة مني شي بخصوص موضوع لين دة والتلفون م حيحل مشكلة حأسافر واخليها تلقاني في وشها بس بدون علم اي زول وبرجع في نفس اليوم
حتطلع معانايعني؟ نحن خلال ساعة مفروض نكون في المطار ومفروض اجهز
انا لسة م قررت امشي ولا لأ،بعد اتكلم معاها حتى اقرر،بس حأوصلك المطار اكيد
طيب
جهزت وطلعت لقيته لسة مقلق وسرحان في غرفة المعيشة..
انا جهزت
خلاص؟!
اي
طيب يلا
ليز اتصلت علي وقالت حنتلاقى في المطار
اول م ركبنا العربية بقى يوصي فيني ،ومركز شديد على موضوع اخلي التلفون جنبي وفاتح ولو حسيت بأشي شيء م طبيعي ارسل او امسكل ليه،ولازم اول م اصل ارسل ليه الموقع..
وصلنا المطار قبل م ننزل اتصلت على ليز قالت لي: نحن في الطريق،نواجه ازمة سير،لن نتأخر..
رغم انه م فهمت صيغة الجمع الإتكلمت بيها بس قلت ليها تمام
قالت في الطريق بس في زحمة
طيب خلينا في العربية لما يصلو وبرضو رجع يذكرني بالمفروض اعمله ومفروض لأ..
بقيت اعاين ليه وانا شايفاه قدر شنو متضايق ومهموم
سياف كلها 24ساعة زي ال24ساعة السافرتها ولاحظ انت سافرت مع ميغان كمان م براك
م تقارني يا شهد ،سفرتي وسفرتك م واحد،انا م عارفك ماشة وين وحتلاقي منو اساساً
مافي شي يخوف ان شاء الله
عايز يتكلم بعدها بنفاذ صبر اتنهد وقال لي م حتكلم لأنك م بتتناقشي، دايماً عندك جواب لكل شيء
ضحكت بعدين مديت يدي وقلت ليه لبست الخاتم بتاع الطقم والدبلة مع بعض شوفهم حلوين صح؟
دقيقة اتذكرت...فتحت شنطتي وطلعت السلسل وقلت ليه حاولت البسه بس م قدرت هاك لبسني ليه
والطرحة؟
م مشكلة حأفك الطرحة،فكيتها وانا بقول ليه لبسني...يلااااا لبسني مالك؟
قرب علي ولبسني ليه وسكت مسافة وهو بعاين لي بنفس القُرب بعدين قال لي:ريحة شعرك حلوة..
جد؟
وحلوة التسريحة برضو
ضحكت وانا بقول ليه م اتعودتة تشوف شعري مرتب ومحترم كدة صح؟
ابتسم وقال لي م فرقت،مرر يده في وشي وهو بقول لي حلوة في كل الأحوال،سكتت لحظات بعدين قال لي:ما حتسافري وانتِ زعلانة مني صح؟قصدي عشان النقاش القبيل داك
ما زعلانة بس انا اتكلمت كدة لأني كنت متضايقة من امجد والمكالمة كانت فيها استفهامات كتيرة م عارفة حاسة امجد ما ياهو امجد بس خاته ليه عذر الظروف المحيطة بيه الفترة دي وكدة
قرب علي اكتر ويده في خدي وهو بقول لي :مش قلتِ انه العلاقة دي بعد كدة مسؤوليتي انا؟
حركت راسي بإيجاب
طيب خليه علي انا بتفاهم معاه،ما تزعلي منه في النهاية اخوك
عارفه ،بس امجد اخوي صعب شديد لما يقوم واتجاهو واحد
ما غريب علي الموضوع دة،شكلها الأسرة كلها كدة
قصدك شنو انت؟
ضحك وهو بقول لي: ولا شيء وبقى يعاين لي للحظات بعدها قال لي تعالي،ضماني عليه كانت لحظة حميمية،ساكنة ودافية استمرت لدقايق وانتهت بصوت تلفوني بتصل..
قلت ليه دي ليز شكلها وصلت،فتحت الخط وقلت ليها:اجل ليز
اين انت شهد؟نحن داخل المطار
حسناً،انا في الخارج قادمة
بعد قفلت بتأفف وضيق قال لي :خلاص وصلو؟
طيب،في الأخير نحن م بننسى انه قبل النسب دة كانو جيران وكنا شبه اهل ،ف كونه بقت ماف قسمة دي م حاجة تخلينا نعادي بعض،ايوا نعم انا اخدتة موقف منه ولسة ماخد ولو لقيته قدامي بكسر وشو لأنه خايب بس انتِ خليك بعيدة من اي مهاترات او اي شي بخص الزول دة فاهماني يا شهد؟
سكت
سامعاني؟!
حاضر ،اصلاً انا اتصلت عليك بخصوص موضوع كدة عايزة احكيه ليك
في شنو قولي
انت عارف انا من زمان م قاعدة ادس منك حاجة صح؟
قولي م تقلقي بي
ماف شي انت اسمعني للنهاية بس
طيب احكي
البيني وبين عمار قسمة وانتهت فعلاً وانا الزول دة خلاص قفلت بابه نهائي
الحمدلله
امممممممم
كملي سامعك
امجد انا في الفترة الفاتت ظهر في حياتي واحد،زول متدين و خلوق ومؤدب ومحترم شديد وحقيقي وقف جنبي في مواقف كتيرة وساعدني شديد في البلد المقطوعية دي ،حتى احياناً كنت بمرض مافي زول وقف جنبي غيره،حالياً الزول دة طرح لي فكرة الزواج وهو جادي شديد..
وبعدين؟
سكتت دقايق بعدين قلت ليه ولا شيء بس كدة هو قال استخيري وكلمي اهلك،وانا شايفاه زول كويس
شهد انتِ لسة طالعة من تجربة جديدة وانا عارف انها ممكن تكون تجربة صعبة خصوصاً انه انتِ في غربة وواجهتيها براك وم سمعت منك تفاصيل كل السمعته كان من طرف الخايب داك بس التجارب دي نحن بنتعلم منها حتى لو بالطريقة الصعبة ،ف حاولي ادي نفسك فرصة وم تستعجلي في قرار زي دة على الأقل في الوقت الحالي بعدين على فكرة عمار كان زول كويس بالنسبة ليك وانا قبل الزواج دة م يتم رفضت وعاندتي وقلتِ الا دة بس،سألتك مرة واتنين وعشرة واتكلمت معاك عن فارق العمر بينكم وعن جهلنا بالزول دة واخلاقه هناك وانه كوننا بنعرف اهله دة م كفاية
عارفة يا امجد دة كله بس زي م قلت الحياة تجارب ،والزول دة هو كويس والله انا شفته واتعاملت معاه وكمان قريب لي في العمر
كونك شوفتيه واتعاملتي معاه دة م كفاية بالنسبة لي لأنك ممكن تكوني بتتعاملي بعاطفتك م اكتر،الزول الكويس دة بنعرفه نحن لما نشوف محيطة ،لما نسأل من اهله،لما نقعد معاه ونشوف اخلاقه
م انت لازم تديه فرصة عشان تشوف وتعرف دة كله ص
شهد الفترة دي صعبة علينا كلنا،وممكن قراراتنا كلنا يكون فيها تخبط،،انا اخوك وما عندي اي استعداد تاني ارميك لمغترب ،كفاية التجربة المضت دي،وانا لما دعمتك في موضوع قعدتك هناك لأني شوفت انه دي البيئة الامي قبل كدة كانت ساعية تختك فيها تنجحي وتطوري نفسك وغيرها من الحاجات الكنتي نفسك تحققيها زي السفر وغيره ونحن كنا بنرفضها ومانعنك منها،يعني انا اديتك حريتك تحققي النفسك فيه بس موضوع الزواج دة اكبر من إنه يتم كدة ف م تندميني
امجد انا فاهماك وفاهمة خوفك علي وكل شي بس انت بذات نفسك كنت بتقول لي العمر ماشي صح؟
فعلاً العمر ماشي،وابسط شي بعد التلتينات الواحدة تستقر ويكون عندها طفل
انتِ فاهماني؟انا م رافض دة كله،لكن يعني عشان انتِ في التلتينات عايزة تتزوجي وتجيبي اولاد بس بغض النظر عن ابوهم دة شنو؟ اذا دي الفكرة كدة انا عندي زملاء وناس بعرفهم واخلاقهم اكتر من كويسة وقبل اليوم اتقدمو ليك بدل الواحد عشرة وانتِ كنتي بترفضي وانا كنت بحترم قرارك دايماً، لكن مدام زواج لزواج افضل تعرسي الفي دائرة حياتنا وبنعرفه نحن وبنعرف اخلاقه وبنقدر نأمنك عليه ولا شنو؟اليوم يا شهد لو اصلاً دي فكرتك عن الزواج انا اعقد ليك بس على زول انا بعرفه م انتِ بتعرفيه والمغترب بقى بالنسبة لي مرفوض تماماً الا اذا انتِ ماخدة قرارك سلفاً وم عايزة تتناقشي فيه انا هنا اعتبريني برة الموضوع وشوفي شادي ولا شهاب يتمموه ليك وتتحملي نتيجة اختيارك وقرارك بعدين
كانت نبرته حادة ومنفعل شديد للحد الخوفني منه ،وانا دموعي بقت في طرف عيني..قلت ليه طيب يا امجد اقفل الموضوع هسي،انا لما كلمني اديته رقمك وقلت ليه دة اخوي والولي بتاعي
خير..
مكالمتي معاه المرة دي ولأول مرة تكون عبارة عن استفهامات،م عدت ثانيه على المكالمة الا وانا بحاول افهم دة بالجد امجد اخوي البتكلم معي دة؟يمكن القعدة في السجن شوية مؤثرة على نفسيته، وللسبب دة م حاولت اتجادل معاه اكتر لأنه حسيت الموضوع حيكبر..
شهد..
اتلفته عليه وانا بقول ليه:نعم
عاين لي مسافة وانا مرتبكة كنت فعلاً وم قادرة امسك دموعي وصوتي رايح
مالك؟
ماف شي..
عاين للتلفون في يدي وهو بقول لي كنتِ بتتكلمي مع منو ؟
مع امجد
سكتت وهو بعاين لي
تعبانة شوية حأدخل انوم ،تصبح على خير
عايزة اطلع من المطبخ وقفت ورجعت وقفت قصاده،سياف
نعم
فتحت موضوعنا مع امجد،قال لأ،وقال انه لو في فرصة بتاعة زواج او شريك جديد في حياتي حيكون من خياره هو،وقال م عايز مغترب،وحتى لو عرست عايزني ارجع اسكن في بيتنا الكبير ماف حاجة إسمها اسكن برة بيتنا ،دة كلامه بإختصار
سكت لحظات بعدين قال لي:اكيد من خوفو عليك قال كدة،يعني عنده حق إنه يرفض رفض مبدئي بسبب الصورة الإتكونت ليه عن المغتربين
👆الما قري الروايه دي نص عمرو ضائع
Читать полностью…
الان روايه #الامواج_الفيروزيه حصريا علي 📚رواياتي الوسام 3
/channel/+QWl6saM-SrXQyJV0
حلقات يوميه #اكرر حلقات يوميه
مسز اني شالت منه التلفون وركزت في الصورة وهي بتقول لينا ومن هذه المراة ..
بقينا نعاين لبعض ونحن ساكتين
هل هناك ما لايجب ان اعرفه؟سأغض الطرف عنه لا بأس
لويس قال ليها إنها المراة المسؤولة عن تصميم الكهف الذي بداخل دار الإيواء ذاك،اعني الذي كانت شهد موظفة به
بإهتمام قالت ليه هل من معلومات عن المرأة؟
لويس بقى يشرح ليها اسمها وموطنها و...الخ
شالت تلفونها وقالت لينا سأغيب لبعض الوقت،لا احد يتحرك..
طلعت وعدت فترة من الوقت ونحن منتظرين،رجعت تقريباً بعد ساعة واكتر..بعدين شغلت البروجتكر وفتحت جهاز اللابتوب بتاعها وهي بتقول لينا :الفاتنة بجانب زوجها الروسي الأصل،حركت الصورة لليمين الفاتنة بجانب إبنتها الفقيدة منذ عام،الفاتنة بجانب والدتها،الفاتنة في صورة تجميعية رفقة ممتلكاتها من المنازل والأشياء الثمينة التي تمتلكها..
كانت والدتها تقيم في دولتها الأصل اعني بانسوفيليا ولكنها منذ عام وهي تقيم هنا ،واعني هنا بهذا،عرضت علينا صورة بيت فخم شديد وفي نفس الوقت بسيط في تصميمه وكبير من حيث المساحة..
يقع المنزل في فلوريدا وهذا يقودنا الى ان الميناء الذي نحن بصدد البحث عنه هو ميناء ميامي..
لا توجد معلومات اكيدة عن تواجدها برفقة والدتها هنا لأنها منذ عام كامل لم تظهر للعامة بعد اذمة ابنتها تلك ولكننا سنحاول الدخول للمنزل للتاكد، لأن تواجدها في فلوريدا هو إجابة للكثير من الأسئلة التي نحن بحاجة لها عن السفينة،المرأة نفسها هي إجابة للكثير من الإستفهامات لذا الوصول اليها يعني ضربة حظ
والدتها تعاني من الزهايمر،يوجد بالمنزل عدد من العاملين دون مرافق من احد الاقارب،اي ان المراة المسنة وحيدة بالمنزل رفقة العاملين فحسب وهذا امر مثير للريبة، يتم تغيير العاملين بشكل دوري لأسباب غير معروفة ولكنها تصب في صالحنا ،حركة المنزل هادئة بعض الشيء ،شهد ،ليز ستتولان مهمة دخول المنزل ك موظفتان جديدتان لمدة لا تتجاوز ال24ساعة لا اعتقد ان الأمر جديد عليكما اثق في قدرتكما على فعل هذا الأمر...
في اللحظة دي تلفوني رن،ونزلت عندي رسالة صوتيه من رقم عمار،كانو اكتر من رسالة،وبعدها تاني جات مكالمة منه،كنت بعاين لسياف وبعاين للتلفون..
فصلت المكالمة تاني رجع اتصل..
قلت ليه سياف انت الاء م اتصلت عليك تاني؟
لا م اتصلت،بس حأرجع اتصل عليها اول م اخلص
طيب،وقفت على حيلي وانا بقول ليه:حأطلع برة
ليه مالك؟
لا ماف شي،انت كمل شغلك سريع بس
تمام
شلت تلفوني وطلعت برة وقبل م افتح الريكوردات رجع اتصل فتحت الخط..
حبيبتي
انتِ ليه مُصر تثبت انك مهووس وتافه كدة يا عمار؟ انت م مكفيك العامله فيني ،ولا العاملنه اهلك في اهلي،كمان ملاحق ليك مراهقة م عندها ذنب في قرفك البتعمل فيه دة؟
انتِ عارفة اني مستحيل اعاين لمراهقة باي شكل من الأشكال
طيب البتعمل فيه دة اسمه شنو؟خلي البت ترجع بيتها يا عمار ،المهووسة كاثرين بتاعتك دي لو عرفت بطبيعة العلاقة بينك وبين البت دي انت عارف حيحصل شنو؟
ارجع واقول ليك ماف علاقة بيني وبين البت يا شهد،والله هي في مقام بتي ك اكتر،وانا نفسي اتفاجات بوجودها ضمن الطاقم الطبي،وأأكد ليك انه حمايتها مسؤوليتي وحتكون بخير لغاية م انتِ تجي وتاخديها بنفسك
انا اجي ؟اجي وين م فهمت؟
عايز اشوفك
نعم؟
متذكرة المنظمة الكنا بنساعد بيها مجموعة من الطلاب المبتعثين؟
قصدك البتغطي بيها على افعالك القذرة وبتستقطب بيها المساكين وبتسوق بيها لنفسك؟
في فعالية دولية معمولة ومفروض المنظمة بتاعتنا جزء من الحضور للفعالية وانا ك عضو في المنظمة مدعو ك واحد من ضيوف الشرف هناك،نحن حتى لو منفصلين الحاجة دي م مفروض تأثر على علاقتنا العامة ببعض،عايزك تظهري معي وتكوني في الفعالية لحظة إلقاء الكلمة بتاعتي بس كدة
ضحكت وانا بقول ليه انت يا مجنون يا عايز تجنني ،عمار انا مره متزوجة،مره في حبل راجل ،شنو الحيخليني اظهر مع طليقي السابق في اوساطه وبصفتي شنو اظهر معاك؟
متزوجة دي العارفها منو غيري انا وانت والإسمو راجلك داك؟كلنا عارفين دوافعك من الزواج دة كان شنو وخلينا م نتناقش في القصة دي هسي ،فكري ووريني اذا موافقة وانا اضمن ليك رجعة لين معاك سالمة من ايادي كاثرين ومن اي اذى ممكن يطولها
عمار انت بتساومني؟م اكتفيت لما ساومتني بابوي وهسي بتساومني للمرة التانيه عارف قدر شنو انت قاعد تكون تافه في نظري كل مرة بأفعالك؟انت عايز تثبت شنو لنفسك ولا للناس عايزة افهم؟
انتِ مستكترة علي ظهورك معي في فعالية م حتاخد ساعة من وقتك؟انتِ الرسلتي وطلبتي مساعدتي على فكرة وانتِ ادرى الان ،انا م طالب منك المستحيل ،تعالي معي نحضر المؤتمر دة وارجعي و البت في يدك،سميه زي م عايزة تسميه ...
ناولني مناديل وهو بضحك وانا بتكلم معاه بالإشارة عشان يأكد علي دة امجد بجد؟
الووو؟
يا سعادتك،معليش متصل عليك في وقت متأخر يمكن اعفي لي ،لا انا عايز اسمع منك ابو النسب دي استاذنا دي تقيلة ورسمية شوية
الأخبار شنو ان شاء الله بخير؟
الحمدلله ما علينا عوجة تب
والبت دي كيف؟اتصلت عليها تلفونها كان مغلق وهي اظنها زعلانة وماخدة موقف مني م رجعت اتكلمت معي تاني
على حد معرفتي بيها شهد تزعل من الدنيا كلها وم تزعل منك يا سعادتك ،هي زاتها معي الان انا م حكيت ليها انه انا اتكلمت معاك وكدة حبيت اللاقيها واخليها تتكلم معاك اول،هاك اتكلم معاها...
صوتي كان رايح عديل وهو بقول لي اتكلمي،وامجد صعب وم بحب امور الطلعة والنزلة الساي دي انا متأكدة حيهرشني اول
قفلت الإسبيكر تحسباً للحأسمعه وشلت التلفون وانا بقول ليه:
احم الووو؟
انتِ يا زولة بدل الجرجرة واللف والدوران م كان تقولي لي عايزني فلان بالإسم من البداية
بقيت اعاين لسياف وقلت ليه انت م اديتني فرصة كنت رافض الفكرة ككل
انا رافض الفكرة ايوا بس لو قلتي لي فلان كنت حافكر في الموضوع اكيد
عموماً انا اتكلمت معاه واتكلمت مع عمه وحنسأل من اهله في منطقتهم وهو م عنده مشكلة ادانا كل التفاصيل ،اديته موافقة اولية لغاية م نعرفه تمام رغم انه نحن بنعرفه وبنعرف اخلاقة وقدر شنو هو راجل ووالله اني بحبه في الله بس الموضوع فيه نسب وولاية وامانة،ف اكيد م حنغلط نفس الغلطة الفاتت ونرميك ساي تاني،هو كان مستعجل انه الموضوع يتم وكدة بس انا قلت ليه ادينا وقتنا ، نسأل منه ونعرف اخلاقه شنو واهله منو والناس دي كيف زاتها بعداك الفيه الخير ربنا يقدمه ان شاء الله
ان شاء الله يارب
انتِ كويسة صوتك رايح ولا خجلانه ولا مالك؟
لا ،انا كويسة الحمدلله صوتي م فيه شي
اعملي حسابك وخلي بالك من نفسك م محتاجة اوصيك وم محتاجة اقول ليك البقولو ليك دايماً بس حأقوله لغاية م نتأكد منه ومن اخلاقه ونديه موافقة نهائية على الموضوع ويحصل عقد رسمي بقسيمة بلاها الطلعة والنزلة والأمور دي تمام؟كونه اتقدم واديناه موافقة دة م معناه انه تاخدي راحتك والأمور بتاعة البنات البعملوها دي خصوصاً انه انتِ هناك براك
عاينت لسياف وانا متوترة،امجد بكره الكذب واللف والدوران شديد، قلت ليه :حاضر
رجعت لسياف التلفون وختيت يدي في وشي واتنهدت،يا داب حسيت بجدية العلاقة دي والخوف من تبعات كذبنا دة،امجد لو عرف اني عاملة كدة ومكذبة عليه عمره م حيسامحني والله حتى لو حكيت ليه بدل المبرر مليون
سياف كان بقول ليه حاضر يا سعادتك ،م عندك مشكلة البتقوله انت يمشي علي قبل م يمشي عليها
بعد م قفل سياف قال لي وهو بضحك اخدنا التعليمات 😂😆
قلت ليه الموضوع بخوف اكتر مما هو بضحك بجد،انت فاهم المشكلة م من خوفي انه يعرف طبيعة علاقتنا واصلة لوين المشكلة في نظرته لي تاني،امجد اكتر زول بقيف معي وبدعمني وبثق فيني اكتر من ثقته في نفسه رغم انه صعب وابجيقة شديد بس برضو دة من خوفه علي وانا دايماً متفهمة منه اي سلوك يبدر منه
انتِ بس بطلي خوف،انا لو علي وعشان م تكوني في الموقف دة وعشان انا ذاتي عايز الموضوع يكون رسمي مع وليانك واهلك كنت مستعجل وعايز اعقد اليوم قبل بكرة،بس اخوك قال لا ادينا وقتنا وانا احترمت الحاجة دي،خليه ياخد راحته ويسال عني وعن اهله ودة حقه وان شاء الله م حيلقى الا السمعة الطيبة بإذن الله تعالى
كنت لسة متمحنة وساكتة
مسك يدي وباسها وهو بقول لي الله يرضى عليك يا بت الحلال ريحي نفسك وعقلك شوية من السلبية،ان شاء الله م يحصل الا كل خير ،مش هو الموضوع دة بالنوايا؟ونحن ناويين خير ان شاء الله ربنا حيسوقه لينا،وعلى فكرة في موضوع تاني مهم شديد نناقشة لكن حيكون في الشركة بكرة حاخدك معي ونتناقش فيه
اي موضوع وليه الا في الشركة؟
عشان م انا الطرف الوحيد الحأتكلم فيه
وصلنا مكتبة مسز اني،وكانو كلهم مجتمعين نحن الوحيدين المتأخرين..
قلت ليهم لقد علقنا في زحمة سير ،نعتذر على التأخير
لا بأس تفضلا بالجلوس...اذاً اين كنا؟
لويس قال ليها:فخ الإعتقال في فلوريدا
اجل،هذا الحدث ان كان متعمداً او لا سوف يغير العديد من الخطط ومجريات الأمور،واولها الحفل البحري الذي سيقام هذا الشهر بالتأكيد سيتم إلغاءه
هل لي ان اعرف تفاصيل ما حدث هناك؟وماذا عن الطباخين اعني الرجل وزوجته هل هما بخير؟
مستر بابل قال لي:اجل انهما بخير،وهما في طريقهما لكاليفورنيا الان
اااااا وماذا عن الاخرين؟
شهد اخبرتني ليز ان مسنين الدار الذي كنت تعملين به كانو جزءً من المؤتمر ،انا اسفة لما شعرت به اعرف هذا الشعور تماماً ولكن هذا هو عالم الجريمة
هل تم اعتقالهم ؟
ايوا كويسة،بس خليني شوية
بعد حسيت اني احسن لبست وطلعت لقيته واقف منتظرني جنب الحمام..
قلت ليه انا كويسة بس حسيت اني عايزة اقعد تحت الموية شوية
طيب تعالي خليني اجهز ليك حاجة تاكليها
لا م عايزة
اكلتي يعني؟
م جعانة بس،حأنوم وارتاح شوية
خليته واقف ودخلت غرفتي ورقدت في سريري ودخلت تحت الغطى وانا بحاول ترتيب المشهد من اوله قدامي..
بعد مرور اقل من ربع ساعة حسيت الباب بفتح وحركة خطاويهو لغاية م وصل جنب السرير،لحظات وحسيت بيهو جنبي وهو بحاوطني بيديه..
دقايق وانا بستوعب واقعية اللحظة وانه دي يديه المحاوطاني دي واني م بتوهم ،لغاية م سمعته بقول لي:طالما انتِ م كويسة انا كمان م كويس واكيد م حأخليك براك لا اليوم ولا بكرة ولا بعده،اخدي وقتك واعملي روحك نايمة وقولي انا كويسة، قرب علي اكتر ومسك يدي وكمل كلامه:انا كدة كدة معاك وم حأخليك
م كنت قادرة انوم،عديت ساعة وانا صاحية وسرحانة وهو كان مكانه ضاميني عليه وكل شويه يضغط على صوابع يدي م قدرت م اتلفت عليه ودموعي في طرف عيني وانا بعاين ليه لدقايق بعدين قلت ليه : لو قلت ليك انا اسفة م حقدر اكمل لأني حتى لو انت كنت صادق ومشاعرك حقيقية تجاهي يمكن أظلمك ،يمكن م أقدر اتعالج من اثار كل البحصل معي دة في يوم وافضل دايماً في حالة شكك وعدم ثقة؟واصلاً كدة كدة امجد رافض،ويمكن م اقدر اقدم ليك الحياة الإنت عايزها والأهم من كدة الحياة الإنت بتستاهلها ،شنو الحيخليك صابر على علاقة زي دي؟
مرر يده في خدي وهو بقول لي:قولي العايزاه م حأخده على محمل الجد، كل البينا دة حنحله،
لو في علاج فعلاً حنتعالجه انا وانتِ ياخد م ياخد من الوقت م عندي مشكلة،بالي طويل انا وحيجي يوم وحنعيش حياة طبيعية زينا زي اي اتنين متزوجين،سكت دقايق وقربني عليه وباسني في راسي لدقايق،انا عايزك يا شهد كل يوم بصحى ورغبتي الوحيدة في الحياة دي بقت هي اني عايز البت دي وبس،اوعدك إني اشيلك على كفوف الراحة وحننسى اي شي كعب مر علينا ومن ناحيتي م ححاول اضغط عليك ابداً مدي نفسي معاك كل الفرص،قبل قلتها ليك وتاني حأقولها انا معاك في الإنتِ عايزاه وم حأبطل محاولة ابداً في اني اخدك من الظروف البتحاول تبعدك عني
ضماني على صدره سرحت لدقايق وفي اللحظة دي حسيت اني عايزة احكي ليه،قلت ليه:
في المكان المشيناه اليوم،شفت المسنين هناك،رفعت راسي لقيته بعاين لي بدهشة..
انا كمان اتصدمت لما شفتهم زيك كدة بالضبط،كانو جزء من المؤتمر وجزء من الجماعة دي من الناس وشفت السيد والسيدة تشارلي هناك برضو،صدمتي فيهم كانت اقوى من اي شي ،كلهم كانو هناك اتخيل يا سياف،لغاية اللحظة بحاول استوعب،طيب انا كنت جارية ورا شنو وبحاول احمي منو ؟ومفروض هسي اعمل شنو؟اسيب كل حاجة وامشي ؟طيب منو من الحوالي حقيقي ومنو لا ،ومستر جو كان عايز مني شنو لما رماني في نص المعمعة دي كلها ،انا من وانا هناك بفكر،حتى اني..
كملي....
حتى اني م كنت عايزة ارجع هنا،جاتني رغبة حقيقية في اني اطفش،امشي اي مكان م يلاقيني فيه اي زول من الهنا ديل،بعدين جيت انت في بالي..
ختيت يدي في وشه وبتردد قلت ليه:سياف انا كمان م عايزة اظلم نفسي، من كل قلبي متمنية انو انت تكون الحقيقة الوحيدة وسط دة كلو،خلينا نرجع لين ونبعد من هنا..
بمناسبة لين حصل شنو طمني؟الاء قالت ليك شنو تاني؟
كنت على وشك اني اسافر واشنطن ،في اخر مكالمة لي مع الاء ضغطت عليها ،طلعت لين فعلاً متواصلة معاها وهي عارفة كل شي وممارضتها للراجل دة ك صديق م اكتر بس م عندها خلفية عن الجانب التاني النحن عارفنه او هو منو وكدة ،بعد م ضغطت عليها ووضحت ليها اني حاخت يوسف في الصورة والموضوع حيكبر وحتدخل فيه الشرطة حتى اعترفت لي بكل الكلام دة خوفاً من يوسف ورد فعله طبعاً بس حسب كلامها انها م كانت عارفة من البداية وانه فعلاً لين مفهماها انها حتقضي اجازة اسبوع مع صحبتها وم جايبة ليها سيرة التفاصيل دي كلها
طيب حلو شديد م قالت هي وين؟م اخدت منها الرقم او اي حاجة فهمني!
قالت لي حأتصل عليك بعد اتواصل معاها تاني ولو في جديد حاكلمك
اتنهدت وانا بقول:يارب خير يارب
رجع ضماني لصدره وهو بقول لي:في موضوع اهم بس ارتاحي شوية ونتكلم فيه
اللي هو شنو؟
حاولي نومي ولما تصحي حأحكي ليك ان شاء الله
انا فعلاً كنت مرهقة وحاسة بالأرق في نفس الوقت لغاية م لقيتني غالبني النعاس وم بس يديه المحاوطاني ريحة عطره وانفاسه كمان،هو قادر يخلي الدنيا اهدأ في عقلي ويرتب كل الجوطة حوالي بكلمه منه بس،م عارفة نمت لكم ساعة بس صحيت على صوت المنبه،لما صحيت حاسة بفتور م طبيعي..
رفعت راسي لقيته نازل من السرير..
صباح الخير
صباح النور، حاولي نومي وارتاحي امبارح الليل كله كنتِ بتتخلعي،انا مفروض اليوم اول يوم لي في المكتب بس حأخد اجازة..
لا،ابداً م تاخد اجازة من اول يوم،ليه م كلمتني انه اول يوم ليك اليوم؟
نزلت بإستعجال وانا بلف شعري،جهزت حاجة تلبسها؟
،ومطابق للوشم في ايادي البنات اللقيناهم في ثلاجات الموتى داخل الكهف داك
في اللحظة دي سمعت السيدة تشارلي بتقول:اليوم يسرنا الإعلان عن كفالتنا ل50000دور ايواء للنحل الصغير في مختلف القارات بالتعاون مع منظمات الدول المختلفة،بالتزامن مع الشروع في توسيع نطاق اعمال منظمتنا في افريقيا والشرق الأوسط
ليز قالت لي ماذا تعني جملة النحل الصغير؟لقد سمعت السيد بابل ينطق بها عند المدخل مع الأمن
في اللحظة دي كانت في حركة مريبة،وهو انه الإضاءة اتشالت من على اتجاه المسنين وفي نوع من الصمت والهدؤ عم القاعة
وصوت بقول:ليز شهد هل تسمعانني؟
ليز قالت بصوت خافض اجل مستر بابل !!
هناك حركة مريبة بالقاعة،يتم الان سحب المسنين والشخصيات المهمة في المؤتمر،ربما هناك شيء ما سوف يحدث
ليز بإنهيار قالت ليه:ماذا يعني هذا
اسمعاني جيداً لتقم كل واحدة منكما بحمل عدد من الكاسات بيديها والتحرك نحو باب القاعة،تحركا بتأني،اخبرا الأمن انه تم طلبكما من قبل المطبخ ،لا تنسيا الحفاظ على هدؤكما ونبرة صوتكما،شهد تسمعينني؟دعي امر التحدث لليز،لا تفعلي انت،هيا اذهبا الان
اخدنا الكاسات واتحركنا مروراً بوسط القاعة لغاية م وصلنا باب المخرج،واحد من الأمن بصوت حاد قال لينا:ممنوع الخروج من القاعة الان ايتها العاملتان
ليز قالت ليه:ارجو المعذرة سيدي تم طلبنا من قبل المطبخ لأمر هام،علينا الذهاب
قال لينا :انتظرا لحظة
مرحباً،هل تم طلب الموظفتان برقم البطاقة 55,67 للمطبخ؟
حسناً
عاين لينا وهو بدينا إذن المرور
بعد مشينا واتخطينا المكان واخدنا الأصانصير ليز اتنهدت وهي بتقول مستر بابل هل انت هنا؟
اذهبا للمطبخ الان لا وقت للأسئلة لدينا فقط 5دقائق للخروج
ماذا؟
وصلنا المطبخ واول م دخلنا ام مادلين لقيناها بتقول لينا:لقد تأخرتما في الوصول ،خذا هذه،ستسبدلا لبسكما بلبس عمال النظافة خلال دقيقة واحدة،لا وقت للتأخير هيا الان،كانت بتتكلم وصوتها عالي وهي متوترة،دخلنا الإستراحة في مدة م تمت الدقيقة لبسنا لبس عمال النظافة بفوق للبس الموظفين اللابسنه ولبسنا معاه الكاب وطلعنا
اول م رجعنا قالت لينا:ستجران سلة القمامة هذه الى مراب السيارات الخلفي للمبنى،ستتحركان دون توقف،عليكما الوصول في ظرف دقيقتان من الان،ستجدان عربة نفايات تحمل الرقم 545678 ستصعدان بداخلها
ليز قالت ليها ماذا؟داخل عربة النفايات؟
ان كانت لديك رغبة في الخروج من هنا حقاً لتفعلي هذا او اخبريني ان كانت لديك حلول اخرى
اخدنا السلة كانت عليها عجلات واتحركنا من سكات
وهي بتقول لينا اتبعاني ،سارشدكما على مخرج امن
طلعت ونحن ماشين وراها والمكان عبارة عن ممرات طويلة ومتداخلة وهي زي زوجها في المشي رغم حجمها..
ونحن على بُعد مسافة من واحد من المصاعد قالت:ماذا؟
هذه الكارثة،اجل انا اخذهما للمخرج الان،اوك ،سأفعل
بعدها اتلفتت وهي بتقول لينا:سيارات الشرطة على بُعد خطوات من المكان،ستحاصر الشرطة المكان ارضاً وجواً بالمروحيات وسيتم اعتقال كل من فيه،خروجكما من هنا اصبح امراً مستحيلاً،لديكما 5دقائق فقط
بقينا نعاين لبعض بخوف ليز قالت ليها هل ال5دقائق كافية لخروجنا من هنا؟
وصلنا المصعد ضغطت على الأزرار وهي بتقول :تباً،تباً لقد تم تعطيل المصعد،
بقبنا نعاين ليها بدهشة
ليس هناك حلاً اخر سوى الركض،ستركضان بعربة النفايات هذه حتى الوصول للمخرج الخلفي، ،كل هذا سيتم في ظرف 5دقائق فقط،الطريق الذي يؤدي للمخرج الخلفي من هنا،واصلا التحرك في الممرات والزول بالمدرجات السُفلية حتى المخرج الخلفي للمبنى حيث تقف عربات النفايات داخل الباركن اتفقنا؟
حسناً
كان اطول ممر واطول مسافة احسها وامشيها ومن الخوف والرهبة م كنت حاسة برجولي ولا انفاسي ولا سامعة شي كل الفي بالي كان اني اطلع من هنا ،كانت ممرات خالية من اي اثر واي حركة لمن تخوف،ونحن م عارفين فاضل لينا كم ونحن جارين مستر بابل قال :شهد ليز هل تسمعانني؟اين انتما؟بدأت سيارات الشرطة تحاصر المكان من الجهه الأمامية للمبنى ،علينا الخروج الان..
سمعت الكلام دة وبقيت شبه طايرة م جارية ،اخر ممر كانت في نهايته في مدرج وصلنا المدرج نزلنا في باركنج فعلاً كانت فيه عربات نقل كبيرة كمية وعربات نفايات ،لقينا مستر بابل واقف في مدخل المدرج وهو كمان لابس لبس عمال النفايات وبقول اسرعا في التحرك شال السلة ورمى نفاياتها في العربية الكانت مليانة اصلاً
ركبنا العربية وهو بقول:اخبرني م الوضع في الخارج؟
نحن على وشك الخروج...ماذا؟هل سنعبر ؟
حسناً فهمت،سأحاول في الأمر..
اتحرك بالعربية وهو بقول لينا ربما تلاحقنا سيارات الشرطة او تتعقبنا المروحيات،حال حدث هذا الأمر سنتوقف،كل م عليكما فعله هو التجاوب مع الأمر دون اي حركة او مقاومة، ورفع ايديكما للأعلى كما تطلب الشرطة اتفقنا؟
ليز بنبرة ملانة خوف قالت ليه هل نحن في مأزق؟
قال ليها:ارجو ان يقف الحظ بجانبنا
الان روايه #الامواج_الفيروزيه حصريا علي 📚رواياتي الوسام 3
/channel/+QWl6saM-SrXQyJV0
حلقات يوميه #اكرر حلقات يوميه
الان روايه #رسيل للكاتبه رحاب يعقوب حصريا علي 📚قناه رواياتي بالواتس
https://whatsapp.com/channel/0029Vah1XZH7NoZxhwyOzo3Y
✳️حلقات يوميه أن شاء الله #اكرر حلقات يوميه حسب ظروف الكاتبه
اليوم اننا حققنا ما سعينا وسعى ما قبلنا من اجله وسيسعى القادمون ايضاً لخلود منظمتنا العريقة،لم يكن الأمر سهلاً،بذلنا الكثير من الجهود،واجهتنا الكثير من العقبات والتحديات ولكننا ما زلنا نعمل بثبات تام
اسمحو لي اليوم بالترحيب بأعضاؤنا الجدد الذين اصبحو مؤهلين للإنضمام إلينا بعد إنهاء عملية التدريب وإثبات كفاءتهم ..
الإضاءة اتوجهت لحتة معينة من الصالة،والأنظار كلها كانت متوجهه عليها وارتفاع اصوات التصفيق
في اللحظة دي مسكت في ليز بكل قوتي وانا منهارة..
ما الامر شهد هل انتِ بخير؟
كيف يعقل هذا؟
ما الامر ماذا هناك؟
هؤلاء الناس،انا اعرف هؤلاء..
بعدها الإضاءة عمت انحاء القاعة،بقيت اعاين حوالي،واندهشت اكتر لما وجهت نظري للشخصية الكانت بتلقي الخطاب...بصوت مسموع قلت مستر تشارلي وجنبه كانت مرته؟
ليز عاينت ليه بدهشة وهي بتقول:مستر تشارلي؟ هل هذا السيد تشارلي حقاً؟
شديت قبضة يدي بيها،شهد هل انتِ بخير؟عليك التماسك قليلاً لا يجب ان يراك احد هكذا ارجوك..
ما كنت سامعة بس كنت مركزة نظري للأعضاء الإتقال عليهم جدد اللي هم المُسنين
مُسنين الدار نفسهم وهم لابسين ازياء رسمية موحدة من الجنسيين وقاعدين جنب بعض في كامل هيبتهم ولياقتهم ووعيهم ...
كيف دة؟هم هنا بعملو في شنو؟
هم كمان جزء من المنظومة دي؟
طيب وانا الفترة دي كلها بقاتل عشان منو؟
وبحمي في منو ومن منو؟
طيب المدينة دي الصادق فيها منو؟
كل البتذكره اني سمعت ليز لحظتها وهي بتقول:مستر بابل هل انت هنا؟هل تسمعني..
قصير يا بنات اقبلوه مني م بقدر اركز في التلفون كتير حاولت والله ❤
#ليلة_في_ديسمبر73
اللحظة النحن بنحاول نرتب فيها افكارنا ونتبادلها ليز جاتها مكالمة..
مستر بابل يتصل،لحظة..
مستر بابل اين انت؟
عاينت لي بإستغراب وهي بتقول ليه:ما الأمر؟
حسناً ،ساقوم بفتح المكبر..
فتحت الإسبيكر وقربت علي وهي بتقول ليه نسمعك..
انا بإنتظاركما في الخارج،اريدكما خارج الغرفة في مدة لا تتجاوز الدقيقتان الان..
ماذا هناك؟هل كل شيء على ما يرام؟
لا وقت للشرح هيا..
بطريقة اشبه بالهرولة وكأننا بنتسابق انا وليز طلعنا من الغرفة وبإستعجال نزلنا لقيناه واقف في كامل اناقته وهو لابس بدلة كأنه حيحضر حدث مهم...
ليز بحيل متهاكلك قالت ليه:ما الأمر؟كاد قلبي يتوقف
سأخبركما في الطريق،جات عربية من الطراز Bmw وقفت قدامنا وموظف الفندق فتح لينا الباب،ركبنا واتحرك وهو بقول لينا:كيف كان يومكما هل مضى جيداً؟
ليز قالت ليه:كان جيداً الى ان عدنا الى غرفة الفندق واكتشفنا ما اكتشفناه،لا اعلم ان كنت تمتلك تفاصيل عن الدار الذي كانت تعمل شهد برعاية المسنين به ام لا ولكن نحن نظن ان السيدة التي قمنا بزيارة منزلها اليوم تحتجز المسنين داخل منزلها..
حسناً؟
بضيق صدر قلت ليه :هل سمعت م تقول مستر بابل؟اليست هذه جريمة تستوجب الإبلاغ عنها؟لا اعلم كيف ولكن لقد اتت الينا فرصة انقاذ هؤلاء الناس من مخالب كاثرين والجهه التي تتبع لها والزج بها الى السجن ولا يمكن ان نضيعها
التريس يكون جيداً في بعض الأحيان،لنعود مما نحن ذاهبون لأجله اولاً ومن ثم لنتحدث في الأمر اذا كان حقاً م تخبراني به صحيحاً سنفعل اللازم لإنقاذهم
ليز قالت ليه: اخبرنا اذاً م الأمر الذي جعلتنا نهرول اليك من اجله هكذا؟
نحن ذاهبون لحضور مؤتمر
في هذا الوقت المتأخر من الليل؟اي نوع من المؤتمرات هو؟
مؤتمر لدور الإيواء،،لا اعتقد ان القائمين على المؤتمر ستكون لديهم مشكلة في مقابلة متبرع سيقدم مبلغ مليون دولار
ليز بإندفاع قالت ليه:هل ستقدم مبلغ مليون دولار حقاً؟
انا مجرد وسيط
وقف العربية في محطة وقود وهو بقول لينا:نحن على بعد مسافة 4كيلومترات من الموقع،توجد حقيبة صغيرة بجانبكما بها بعض الملابس،اذهبا الى الإستراحة الخاصة بالمحطة وقوما بتبديل ملابسكما بالتي في الحقيبة
ليز قالت ليه:هل ستشرح لنا م الذي يجري ؟
الى الان لست مؤهلة للشرح هيا كفي عن طرح الأسئلة ليز،انا هنا المسؤول عن امركما
بإستسلام قالت ليه:انا اشعر بالعطش ،هل ترغبين في تناول شيئ ما شهد ؟
اريد بعض الماء فقط
هيا اذاً لنفعل م قاله وندخل الى المتجر لشراء ما نأكله
شلنا الشنطة ونزلنا وبالفعل دخلنا الإستراحة وغيرنا ملابسنا
ليز وهي بتلبس قالت لي:اهو يونيفورم؟هذا الرجل الغامض،لقد بدأت ابغضه ،انه مريب وغريب اطوار بعض الشيء هل توافقيني الرأي؟
اشعر بهذا احياناً ولكن لنفعل ما يقوله حتى نعود الى منازلنا،مع كلمة منازلنا دي اتزكرت سياف اتنهدت وانا بقول بلهجتنا:ياريتك لو معي فقدتك شديد
طلعت تلفوني اتصلت عليه م رد رسلت ليه رسالة
ورتبت نفسي بعد م غيرت ملابسي وحسيت بألالام في بطني بس على خفيف قلت ليها:ساذهب للسيارة ،انا متعبة قليلاً
هل انتِ بخير؟
اجل ،ساكون بخير لأسترخي قليلاً فحسب
رجعت العربية فتحت شنطتي طلعت الحبوب بتاعتي اخدتها و وغمضته عيوني وانا بفكر..
معقول ابو مادلين وامها برضو متعاونين؟
انا عارفة انه هم مارين بمشاكل مادية وعليهم ديون ومادلين قالت انه بدوهم اجر كويس،بس السؤال هو هل مادلين برضو عارفة وبتتغابى؟
لالا ما اعتقد عارفه
والبضمنك شنو انها م عارفة يا شهد ،م مفروض تضمني زول غير روحك تاني
اتنهدت وانا بضغط جوانب راسي بيدي بحركة دائرية كأني بعمل مساج لراسي
رجع مستر بابل وليز من الماركت مع بعض واتحركت العربية ،عدينا نص ساعة ونحن ماشين وانا خلاص قلبي بدأ يتقبض..
اليس بعيداً بعض الشيء عن المدينة؟
بصيغة ادق اليس غريباً ان يبعد كل هذه المسافة عن المدينة؟
كان سؤال من مستر بابل
مرينا بمكان شبه غابة كدة واتخطيناه والدنيا ظلام والليل على اخره
ليز قالت ليه مستر بابل هل انت متأكداً اننا على الطريق الصحيح؟
تماماً،انظري الى هناك..
كان في اضاءة على بُعد مسافة مننا ..
قال ليها ها هي وجهتنا التي نريد...
الطريق كان غريب،وبرضو المنطقة شبه مخفية بسبب الأشجار العالية المحيطة بيها
ونحن قريبين من المكان مستر بابل طفى اضاءة العربية
وحوالينا بقى ضلام مخيف والعربية ماشة لسة..
ليز قالت ليه:هل هناك عطل بالسيارة؟
لا ،انا اتعمد فعل ذلك
لماذا؟
نحن نقترب من المكان،لتحافظا على هدؤكما..
اتقدم لغاية م وصلنا قدام مبنى عالي بوابته فيها عدد من افراد الأمن
م عدت دقيقة جو اتنين من افراد الأمن وقفو..
مستر بابل نزل القزاز على جانبه وهو بمد ليهم حاجة اتناولها من الدرج وهو بقول ليهم :كيف تجري الأمور في المناحل خاصتنا؟هل النحل الصغير بخير؟
ليز قالت لي اليس هذا غريباً يعض الشيء ؟
بقينا نعاين حوالينا لدقايق كل واحدة فينا بإتجاه بعدها
قلت ليها: لنذهب من هنا قبل ان ياتي احد،لنعد ادراجنا
طلعنا ورجعنا مكان م خلتنا واقفين لغاية م جات راجعة
لنجلس ونتحدث قليلاً ببعض الامور التي تخص العمل الى ان يتم تحضير وجبة الغداء لنا..
قعدنا ونحن بناخد وبندي معاها لغاية م جات الموظفة قالت ليها:
سيدتي الغداء جاهز..
هيا تفضلو يا فتيات لنكمل حديثنا على السفرة
قعدنا ونحن بنعاين لبعض
ليز قالت ليها:هل من احد اخر سيأتي لتناول الطعام معنا؟
لا،لا احد سواي
كنت مترددة اكل
انا نباتية لذا دائماً ما اطلب زيادة الأصناف النباتية
بقيت بأكل الأصناف النباتية القدامي خوفاً من انه يكون بقية الأكل من لحوم الخنزير
ونحن بناكل اتكلمت معانا عن الدراسة،ومعدلاتنا،والوظايف الإشتغلناها،والسياسية و...الخ
بعدها قالت لينا هل لدي اي واحدة منكم سؤال تود طرحه؟
ليز قالت ليها كنت اخبر صديقتي ان الإنطباع الأول الذي اخذته عنك هو انك امرأة جميلة ولطيفة،ولكن..
عزيزتي هذا لطف منك حقاً،اكملي لكن ماذا؟
كنت اتسائل هل تعيشين بهذا المنزل الضخم كله وحدك؟
انتقلت الى هنا بعد فقدي لحفيدتي ومن ثم ابنتي،المنزل في منطقة ريفية ومعزول لكنه مريح بعيداً عن صخب المدن وتطفل الإعلام ،حاولت توظيف الكثير من العاملين ك مساعديين شخصيين لي ولكن لم ينجح الأمر مع اي احدٍ منهم لأن المنزل معزول وبعيد عن المدينة ولا توجد الكثير من الخدمات هنا ،حتى ان شركات التوظيف التي اقوم بتقديم طلب مساعدين شخصيين لي عن طريقها اصبحو لا يستجيبون لطلبي حتى انني لم اصدق انه تمت الإستجابة لطلبي الأخير من قبل فتاتان في مقتبل العمر حتى رايتكما امام ناظري..
ربما تعيشين وحيدة بالمنزل ولكن بالطبع تقومين ببعض الأعمال الخيرية مثل تقديم الطعام للفقراء وفاقدي السند بالمنطقة هل هذا صحيح؟
لا،لا اقوم بفعل هذا لأن هذا الأمر يحتاج جهداً بالغاً وانا ل استطيع الوقوف على مثل هذه الأشياء،لأنني اعاني من العديد من الأمراض
قلت ليها :كل شيء بالمنزل عظيم وانت سيدة جيدة ولكن لدي سؤال فيما يخص العمل،نحن حتى الان لم نتحدث بشكل مفصل عن المهام التى ستوكل الينا حال قمتِ بإختيارنا للعمل معك
سكتت دقايق وهي بتقول:مهام؟صحيح ما هي المهام التي سأوكلها لكما؟!
مضى الوقت وصبرنا نفذ ونحن متوترين ووقتنا خلص معاها وقررنا نطلع..
حسناً مسز ميلتون،نحن حقاً ممتنتان لمشاركتك لنا هذا اليوم داخل منزلك انت لطيفة جداً،سعيدة بمعرفتك واتمنى ان تعود ابنتاك قريباً
عزيزتي شكراً لك
وانا ايضاً سعيدة بلقاءك مسز ميلتون
شاكرة لكما حضوركما وإمضاء بعض الوقت معي،امضيت وقتاً ممتعاً معكما،سأتواصل مع الشركة بشأن التوظيف
بعد م طلعنا من محيط البيت ووصلنا نهاية الطريق الرئيسي حتى قدرت اخد نفس واحس انه نحن بخير فعلاً..
ليز قالت لي :هل قطعنا كل هذه المسافة لأجل لا شيء؟لم اجد شيئاً واحداً بالمنزل كل شيء يسير بشكل طبيعي الى حد ما،المراة ملكومة احزنتني وحدتها
قلت ليها:المريب هو ان كل شيء طبيعي بالفعل
ماذا تعنين؟
لنذهب الى الفندق ونتحدث
ساتصل بالسيد بابل لإخباره اننا خارج المنزل
طلعت تلفوني لقيت كمية من المكالمات من سياف ورسايل بحاول يتطمن فيها علي رجعت اتصلت عليه اول م رد بنبرة هميمة قال لي وين انتِ؟انتِ كويسة؟
انا كويسة بس يا داب طلعنا
حصلنا شنو؟ان شاء الله م تكون في مشكلة
اصل الفندق واحكي ليك يا سياف
انتو بخير متأكدة؟
نحن بخير والله ماف شي بس في الطريق
اول م تصلي كلميني
حاضر
وصلنا الفندق،غيرت ملابسي وقعدنا وانا ماسكة تلفوني بقلب فيه بيد واليد التانية ماسكة بيها ورقة وقلم وجنبي ورقة ملونه
ليز قالت لي السيد بابل في طريقه الينا،ما الذي تفكرين به،ما هذه الورقة؟
كنت مركزة في تلفوني وانا سرحانة
شهد هل تسمعينني؟
انظري لهذه الورقة ،ناولتهت ليها،وهذا الخط على القائمة هذه التي على هاتفي هل هما متشابهان؟ناولتها تلفوني
متشابهان؟انهما متطابقان بالفعل،الخط على الورقة هو نفسه خط صورة قائمة الطعام التي على هاتفك ولكن ماذا يعني هذا لم افهم؟
سأشرح لك ولكن دعيني اتحدث معك في هذه الأشياء اولاً ،هذه بعض النقاط التي وضعت عليها بعض الإستفهامات
مسز ميلتون وحيدة بالمنزل صحيح؟ على الطاولة اخبرتنا انها نباتية لا تأكل اللحوم ولكنها مخصصة مكان داخل الإسطبل للذبح وثلاجات لحفظ اللحوم،وداخل الإسطبل كانت تتحدث بصيغة الجمع مثل جملة:ان اللحوم قد لا تكفي لعدد الأشخاص هنا"
وايضاً عربة الخضار التي اتت الى المنزل ،رأيت العمال يقومون بتحميل الكثير من سلات الخضار لداخل المنزل
انها مُصابة بالزهايمر شهد،ربما تنسى ما تقوم بفعله،ويستغل العاملون هذا الشيء لأغراضهم الشخصية مثل اخذ اللحوم والخضار لعائلاتهم وتوفير الأموال
ايوا
طيب تعالي حانزل معاك
طيب خليني الف طرحتي وأرتب نفسي
نزل وشال لي شنطتي ومسكني من يدي لغاية م دخلنا صالة المغادرة م كنت شايفة ليز اتصلت عليها وهي بتوجهني هي بأي اتجاه رفعت لي يدها ،شفتها ومشيت عليها..
سياف قال ليها مرحباً ليز
مرحباً سيد سياف
كنت لسة بعاين لسياف وهو ماسك يدي وشايل شنطتي
مرحباً يا شباب..
اتلفتنا كان لويس شايل علب مشروبات ساخنة
ضرب سياف بكتفه وهو بقول ليه: هل انت بخير؟لم ارك اليوم في التدريبات
سياف قال ليه انشغلت ببعض الأمور
شهد كيف يومك؟
انا بخير لويس،وانت؟
لما جات مواعيد طيارتنا كان لسة بوصي فيني على نفسي وبقى واقف لغاية م عملت الإجراءات وطلعت على الطيارة..
بعد دقايق من قعادنا في الطيارة جاتنا مضيفة قالت لينا:مرحباً ايتها السيدتان ،اود إخباركما ان هناك بعض التغيرات بحجزكما تفضلا معي رجاءً
انا وليز بقينا نعاين لبعض
قلت ليها هل كل شيء بخير ؟
اجل سيدتي ،تفضلي معي من هنا
شلنا حاجاتنا ومشينا وراها،وصلنا درجة الVip اتفاجأنا بوجود السيد بابل وهو بقول لينا:كيف حالكم يا فتيات؟
ليز اتنهدت وهي بتقول :شكراً للرب ان هناك من سيرافقنا
قال ليها:بالطبع لن ندعكم وحيدتان دون توجيه،تقتضي مهمتي في توفيق اوضاعكما مع شركة التوظيف التي ستكونان انتما طرفاً منها وحمايتكما خلال تواجدكما مدة ال24ساعة في تلك المدينة..
لما وصلنا اخدنا لأقرب فندق ،طبعاً المدينة م جديدة علي وفي بعض التفاصيل قد تكون مشابهه لكن انا المرة دي بالذات م حاولت افكر بسلبية او تشنج..
بعد مرور ساعة من تواجدنا في غرفة الفندق باب الغرفة دق،كان صوت سيد بابل وهو بقول لينا:هذا انا افتحا الباب..
ليز فتحت الباب بعد م غطيت شعري
قال لينا:سيكون عليكم الذهاب خلال ربع ساعة..
هذه هي الملابس التي سترديانها ،وضعنا في الحسبان انك محجبة شهد يمكنك ارتداء الوشاح مع البدلة
ليز خذي هذه ،قومي بوضعها على تسريحة شعرك ولكن كوني حريصة عليها
حسناً سيد بابل
شهد ضعي هذا البرش على لفة الوشاح الخاص بك
وهذه السماعة صغيره الحجم لتكن بداخل اذنيكما لأنه ربما يتم تشويش الإتصال بهواتفكما الخلويه،سنكون على اتصال بهذه معكما ،لا تحتاجان للتحدث،نحن نرى كل شيء سنعطيكما تعليمات فقط عن الحاجة ،حاولا ان تبقيا هادئتان اتفقنا؟
ستكونا بخير لا تقلقا،ستخبركم المرافقة من طرف الشركة ما الذي يتوجب عليكما قوله عند المقابلة
يا داب حسيت بتوتر
هيا ،ستكون السيارة بإنتظاركما بالأسفل
عملنا القال لينا عليه ونزلنا،اول م وصلنا باب الفندق الموظف قال لينا سيدة شهد وليز؟
نعم
تفضلا من هنا،جات عربية وقفت فتح لينا الباب و ركبنا
كانت في واحدة جواها فعلاً اتعرفت علينا وبدت تشرح لينا،م كنت مركزة هي بتقول في شنو ،طلعت تلفوني عايزة ارسل لسياف بعدين اترددت انه يقلق علي وانا اتكلمت معاه لما كنا في الفندق سلفاً،رجعت دخلت تلفوني وبقيت اعاين ليها
الطريق كان طويل شديد،نحن ماشين اكتر من ساعة ،البيت كان خارج المدينة في منطقة ريفية ومحاط بحقول زراعية
لما وصلنا قدام البيت الأمن وقفنا قبل م يسمح بدخول العربية للبيت..
عدينا دقايق ونحن واقفين،رغم انه المنطقة ريفية بس م كان بيت عادي بيت فخم ،بُناه من الطراز الإنجليزي القديم ، بعد دقايق فتح الباب وسمح بدخول العربية..
نزلنا وكان كل شيء طبيعي مساحة الحديقة اكبر من البيت نفسه،ورغم كبره الا إنه هادئ وما فيه اثر حركه او وجود لحياة فيه،استقبلتنا موظفة واحدة بس كانت صغيرة في السن ،يعني عمرها ما بتعدى ال17سنة،لابسة يونيفورم رسمي..
ولغتها الإنجليزية كانت غريبة بعض الشيء..
دخلنا محيط البيت وعديناه لغاية م دخلنا المبنى البيت كان تصميمه غريب ومنقوش بطريقه مبدعة ومليان رسومات ولوحات وتماثيل غريبة،الموظفة طلبت مننا نقعد لغاية م ترجع،قعدنا على طاولة مستديرة جنب بعض انا وليز..
عدت دقايق جات الموظفة ومرافقاها مره ممكن تكون في نهاية السبعين من عمرها تقاسيم وشها هادئة ومريحة وسُحنتها جميلة،مسنودة على عكاز شعرها ابيض مهتمة بمظهرها الخارجي لبسها انيق
مرحباً ايتها الفتاتان
مرحباً سيدتي
قبل م نعرفها على نفسنا بالت لينا:
انا احتسي الشاي هل تشاركاني ؟
ليز قالت ليها :بالطبع
حتى هي م عرفتنا على نفسها على طول قالت لينا:تبدواتان رائعتان،احب الإختلاف بينكما ،لا تشبهان بعضكما لا بالشكل الخارجي او اللون ،او الديانات ،هل انتما صديقتان ام جمعتكما الوظيفة فحسب؟
ليز قالت ليها جمعتنا الوظيفة فحسب سيدتي
عظيم،امريكا بلد جيد،انها بلد تعدد الجنسيات والثقافات وتقبل الإختلافات،إنه لأمر عظيم ان تكون امريكياً
الموظفة جابت الشاي وضيفتنا ليه،كان مسيخ لكن م ابدينا اي رد فعل
سألتنا هل السكر جيد؟
افتكرت انا بس الجاني سكره ماسخ وم حبيت اعلق بعد ما ليز قالت ليها :اجل انه مذهل
بإستنكار قلت ليه من خوفو علي قال كدة؟يعني قصدك هو صح؟
الواحد منكم يتصرف بتسلط ويدي نفسه الحق انه ياخد قرارات مصيرية عن غيره وبعدين تقولو من خوفنا عليك هو العقل دة ربنا نزله عليكم بس؟
طيب يا سيدي هو حالياً رفض بشكل قطعي بمجرد طرح الفكرة بس قال لأ،حتقدر تتصل عليه وتقول ليه انا اتزوجت اختك وانا هي ساكنين تحت سقف واحد وفي اوقات بنوم في غرفة واحدة ونحن الفترة دي كلها بنستغفلك وبنستغباك؟
اذا حتقدر رقمه عندك واذا لا انت قرر مفروض يحصل شنو في العلاقة دي وننتهي من الموضوع دة، بعد كدة قرار إستمرارها او لا عندك تمام؟
طلعت من المطبخ وخليته واقف مكانه ودخلت غرفتي وقفلتها علي...يمكن رد فعلي حاد نوعاً ما ،بس دة نتيجة إنه ظني خاب،انا كمان م اتوقعت امجد يكون دة رد فعله،كنت متعشمة انه يناقشني زي كل مرة ويخلي لي الخيارات مفتوحة عشان دي حياتي زي م معودني يقول..
وانا بحاول اهدي في روحي اتصلت علي ليز..
شهد انا في الطريق للذهاب الى صالون التجميل ،اين انتِ؟
ساكون هناك خلال ربع ساعة
حسناً سأكون بإنتظارك
كان لازم نمشي صالون التجميل عشان ست البيت الحنمشي ليها وحتعمل معانا انترفيو اهتمامها الوحيد هو المظهر الخارجي للموظفين وبتختارهم بناءً عليه حسب المعلومات الأخدناها..
.......................................
Bookshop/الحي الصيني
مسز جينيفر&مسز اني
اعتقد ان ذهاب الفتاتان الى ذلك البيت خطوة متهورة بعض الشيء مسز اني،الأمر يبدو ك رميهما داخل الجحيم
اعلم ذلك
اذاً؟
ستخرجان من هناك ،انها مجرد مقابلة عمل لن تستغرق وقتاً طويلاً..
تعلمين انهما تجهلان ما يمكن ان تواجهانه هناك
عزيزتي جينفر ،فقط ابقي هادئة لن يحدث شيء على الإطلاق
................................
Saudia Arabia/Already:
طارق&سندس
بتجهزو ماشين وين؟
طالع مع شهد مشوار،عازمها عشاء خاص اليوم
م حتاخدوني معاكم؟
لا عايزين نتمشى برانا انا وبتي الحلوة دي ونتونس مع بعض
امممممممم طيب بس اعمل حسابك يا طارق م تختها قدامك وانت سايق خليها في الكرسي جنبك
حاضر م بتوصيني على ست البنات دي انتِ صح يا بابا؟
كنت عايزة اتكلم معاك في موضوع
قولي سامعك
انا حابة انزل الجامعة يا طارق،حأشوف خيارات الجامعات والمجالات المتوفرة هنا شنو للسودانين وحأقدم بس حأخلي شهد تتم 4شهور او 5 كدة ،انا سلفاً بديت افتش ولقيت كم خيار
ممتاز جداً ،دي خطوة كويسة يا سندس
بفكر في التمريض،حاساه مجال كويس كان لقيته
تمام ما عندي مشكله انت عارفة دة إقتراحي ليك من قبل وانا معاك من الألف للياء
يلا نحن حنطلع
انتظر دقيقة..
صلحت ليه لياقة قميصه ولبست شهد التوربان بتاع شعرها وانا بقول ليه وكمان مطقم معاها،حلق الدهب والإسورة لزومهم شنو؟ اعمل حسابك م ترميهم لأنها بتجر الحلق بيدها
فداها الدهب واي شي،يضيع نجيب ليها عشرة،باقي عمري كله فداها بت ابوها دي م الدهب بس
يلا يا شهد قولي لماما باي
يلا خلو بالكم من نفسكم
فترة الحمل رغم صعوبتها وإضطراب هرموناتي فيها الا انها كانت فترة إدراك لحاجات كتيرة كانت غايبة عني
مرينا فيها انا وطارق بمشاكل كتيرة وصلت حد انه يقول لي انا م جاهز ابقى ابو لزول ولا قادر اتقبل طفل في حياتي ،كان عايزني انزل السودان واولد واعيش هناك وهو يتكفل بمعيشتي كأنه بتصدق علي
في لحظات ضُعف وافقت،ولحظات تانيه لقيت انه لو العلاقة دي اساسها غلط م غلطي براي عشان اتحمله براي
بالتجربة الصعبة فهمت انه ما ممكن يجي يوم ويحبني بالطريقة العايزاها بغض النظر عن شكلي ،لوني،تفاصيل جسمي دي بديهيات هو م عايزها،فهمت انه الحاجة دي شبه مستحيلة واتعايشت معاها ،طارق يمكن م كان زوج كويس معي،لكن هو اب هو كويس وكويس شديد دي الحاجة البتشفع ليهو عندي وانا بساعده في كدة
واحدة من الحاجات العدلت مسار حياتنا وهدات الصراعات الفيها هي شهد..
الإسم كان من اختياري،انا عارفة مدى صعوبة الحاجة دي على نفسيتي ،وانا باخد قرار الإسم دة كنت فاكرة اني بعد اسميها مستحيل يجي يوم واحبها واتعلق بيها زي زي اي ام مع طفلها عادي،الا انه وجودها كان سحر على حياتنا
طارق هو اكتر تعلق بيها،مخصص ليها وقت من يومه،ووقت من اجازته،اتغير 180درجة حتى اني مصدومة في الشخص الطالبني بالإجهاض اكتر من مرة وطلب بإنه يرجعني السودان اكتر من مرة هو نفسه المتعلق بالطفله دي كدة،انا م ماخدة حصتي ك زوجة في حياته زي م ماخداها بتي
ما بنوم لو م نامت ممكن يساهر معاها للصباح رغم صعوبة شغله وضغطه ،اول حاجة يعملها لما يفتح عينه من النوم انه يشوفها ويحضنها ،لازم يحميها ويغير ليها ويلبسها ويجهز ليها لبنها حتى لو حيتأخر من الدوام قصاد وقته معاها م عنده مشكله
#ليلة_في_ديسمبر72
يا مكتب
صوت ضحك متقطع...دة شنو يا زولة كلام الأولاد دة
متربية وسط اولاد كيف م يكون كلامي كله كدة
اخر عهدي بيك م كان كدة ،طمنيني عليك انتِ كويسة يا شهد؟
انا كويسة بس اشتقت ليك يا امجد وإشتقت لبيتنا وريحته ولمتنا وتشغيلاتنا وكل تفاصيله،اشتقت لقصصنا وتشغيلاتك وزعلي منك ومراضاتك لي،بقعد مع نفسي كتير وبسأل نفسي حنتلاقى تاني يا امجد؟حنتلم؟
نحن ليه فجأة بقينا بُعاد كدة؟حاسة بعدنا م سببه المسافة بس انت بعيد مني دايماً بعد م كنت الأقرب،وشهاب اصلاً م حصل يوم كان قريب لي،شادي كان بتفقدني من فترة لفترة هسي لأ،بس انا فاقدة بيتنا زاته وفاقدة رقدتي في رجول ابوي وقعدتي معاه وقرايتي للجرايد ليه والحكاوي البحكيها ليه في السياسة والحاصل في البلد وكل شيء كنت بعمله هناك انا فاقداه،اوقات اقول متين تتحل مشكلة جوازي دي عشان ارجع والله لو بيدي ارجع اليوم قبل بكرة يا امجد
ما ترجعي يا شهد،ما تفكري في الرجعة ابداً للبلد دي على الأقل لبعد م تاخدي الجواز
سكتت للحظات وانا مستغربة في كلامه،امجد اكتر بني ادم عنده إصرار شديد لرجعتي السودان ،الإتغير شنو؟
بصوت مبحوح قلت ليه :ليه في شنو؟
هههههههههههههه ماف شي بس ما منطقي الزول يغترب لي امريكا ويرجع بدون جواز عشان مفتقد بيتهم وتفاصيله،ممكن تحسي بالحنين فعلاً بس السودان دة بحتاج منك تفكر بعقلك م بعاطفتك ولا كلامي غلط؟
شويه بالي هدأ وقلت ليه صح بس برضو انا اخدت القرين كارد يعني عندي الصلاحية اطلع وارجع
وانا اخوك وبقول ليك يا شهد م ترجعي مالم تاخدي الجواز ودة عشان مصلحتك
حسيت بغصة من كلامه ،م حاسة البتكلم معي دة امجد اخوي الملهوف علي داك ،م فاهمة هو اتغير فجأة كدة،قلت ليه طيب ممكن لو اتحلت المشكلة الفترة دي حتى لو م رجعت السودان امشي لبابا وعمتو في تركيا
بلهجة حادة قال لي: ولا حتى تركيا م تمشي يا شهد ،عايزة تمشي تركيا عشان تعملي شنو؟
كيف عشان اعمل شنو يا امجد؟عشان اتطمن على ابوي وعمتو واشوف ابوي محتاج شنو والدكاترة بقولوشنو اصلاً انت عارف شهاب قدر شنو انسان م مسؤول واصلاً سافر مع ابوي عشان مصلحته بس م اكتر وجد صغرني شديد لما وافق على السفرة دي وهو عارف انها من طرف عمار وانها
سكتت دقايق بعدين اتنهدت وانا بقول ليه م محتاج اشرح ليك اكتر
العايزة تعرفيه يا شهد حتقدري تعرفيه عنهم بالتلفون،خليك متواصلة مع عمتي واطمني عليهم،انا م ضد سفرتك بس انا عارف اخلاق شهاب شنو حيعمل معاك مشاكل وجوطة من ماف بالإضافة لإنه صدقيني ابوي كويس،ودي اكتر فترة هو فيها كويس وم محتاج نقلق عليه انا متأكد شديد من الحاجة دي
يعني في إستجابة للعلاج وكدة؟رفيدة م جابت لي سيرة
شهد اطمني الحاج بخير جداً،خطوة السفر دي حتى لو جوازك مشكلته اتحلت حاولي تلغيها،ولو عايزة تساعديهم شديد ممكن تحولي ليهم الفيها النصيب تمام؟
رغم استغرابي الشديد في موقفه دة الا اني بإستسلام قلت ليه حاضر طيب فكرة برضو
المهم طمنيني بعيداً عن البيت وقصصه ومواضيع البيت انتِ انتِ كويسة؟
انا كويسة الحمدلله ،مافي جديد بخصوص موضوع طلعتك من المكان دة؟
ادعي لي انتِ بس وان شاء الله خير
امجد لو في شي بتعمل خلينا نعمله
صدقيني يا شهد كل الحوالي م مقصرين،في مساعي للطلعة ان شاء الله م تسمعي عني الا كل خير قريب
يا حبيبي ،ربنا يطمني عليك يارب ،ولو محتاج حاجة م تتردد تكلمني انا موجودة ،انا موصية عليك رفيدة م تقصر تجيب ليك كل احتياجاتك كل اسبوع ،السجن ملان امراض وحاجات كعبة حاول تعمل حسابك شديد
رفيدة م مقصرة وانا كمان عملت لي شغل صغير جوا السجن الأمور طيبة م تخافي علي
جد؟شغل شنو جوة السجن؟
بحول رصيد
ضحكت
والله جد م هظار
ماف شي بصعب عليك والله يا امجد م اتفاجأت بس بخلوك تشيل تلفون كيف في السجن؟، 😂
يا زولة والله للعساكر زاتهم لما يقطعو بجو يحولو مني والإنترنت شغال بيه عادي وبفتح للناس واي فاي ،الدنيا دي م دقتنا كتير نحن، ما مهم القرش البتشال منك ولا الرتبة الانت فيها المهم كيف انت تقدر تطلع قروش وتبني علاقات وتقيم مقامك في الدنيا دي حاجة م اي زول شاطر فيها
حبيبي الله يفرحني بيك ويسعدك يارب وم اشوف فيك الا كل خير
طمنيني الخايب دة م قاعد يتعرض ليك او يضايقك صح؟
ابداً وما عارفة هو حي ولا ميت اساساً ولا قاعدة اشوفو
حاولي على قدر م تقدري يا شهد تكوني بعيدة عن الزول دة واي شيء بخصه هو واهله تمام
ليه؟
م لأي سبب كدة بس انا عايز كدة لسلامتك،م تعاندي،ولا تركبي راس ولا تفتشي وراه ولا اي شيء ،البينكم قسمة وانتهت وبس فهمتيني؟
سكت
فاهماني يا شهد؟اوعى تكوني عاملة معاه مشاكل وامور زي دي؟
لا ابداً يا امجد م عندي معاه مشاكل والله م شفته من كم فترة هو كان بتعرض لي وختيته في حده بس ومنها واختفى
اختفى؟؟
ايوا اختفى
الان روايه #الامواج_الفيروزيه حصريا علي 📚رواياتي الوسام 3
/channel/+QWl6saM-SrXQyJV0
حلقات يوميه #اكرر حلقات يوميه
الان روايه #رسيل للكاتبه رحاب يعقوب حصريا علي 📚قناه رواياتي بالواتس
https://whatsapp.com/channel/0029Vah1XZH7NoZxhwyOzo3Y
✳️حلقات يوميه أن شاء الله #اكرر حلقات يوميه حسب ظروف الكاتبه
قال لي مش المفروض انا اطبخ ليك اليوم؟
ضحكت وانا بقول ليه انت معفي اليوم ،بكرة ممكن
خلصت تجهيز الأكل والسفرة وقعدنا اكلنا واخدنا وادينا مع بعض في الكلام اكتر من ساعة ساعدني في ترتيب المطبخ وطلعنا،اول م دخلت غرفتي لقيت اكياس في السرير بتاعي وبوكيه الورد البحبو" أُقحوان"..
فتحت الكيس لقيته طقم دهب كان رفيع بس حلوووو شديد،والكيس الجنبه كان تلفون جديد ومعاهو 1000دولار شلتهم وطلعت بيهم من الغرفة لقيته في غرفة المعيشة قاعد في الكنبة وانا بقول ليه دة شنو دة كله؟
بالنسبة لشنو؟
بالنسبة للحاجات دي م تتغابى يا سياف
تعالي،قربني عليه وقعدني جنبه وهو بشيل علبة الطقم من يدي وبفك السلسل وبلبسني وهو بقول لي: شيخي في المسجد دايماً بقول إنه إنفاق الرجل على اهل بيته من اسباب السعة في الرزق ،وهنا انتِ اهل بيتي ،انتِ بس م غيرك،لبسني الحلق والإسورة والخاتم..وهو مواصل في الكلام..
مع توقيع العقد نزل نص الراتب في حسابي والنص التاني بنزل بعد الشهر يتم ودة كان نصيبك منها،انا م حصل هديتك هدايا المتزوجين دي ودة برجع لأسباب كتيرة بس اول م لقيت فرصة إني اقدر اجيب ليك بيها دهب م حبيت افوتها وال1000دولار دي لأنه مما اتزوجنا م حصل نزلتي اشتريتي ملابس او طلبتي مني اي مبلغ لإحتياجاتك الشخصية،وانا م عندي ذوق في حاجات النسوان ف شوفي نفسك محتاجة شنو وانزلي إشتريه،والتلفون عشان شاشتك اتكسرت وانتِ عامله رايحة منها والورد غير إنك بتحبيه اعتبريه إعتذار وعربون محبة...وبالله عليك يا شهد حاولي تشيلي الحواجز المادية دي م بينا عشان احس نفسي مرتاح في العلاقة دي،انا بكون مرتاح وانا بصرف على بيتي واهل بيتي واي حاجة موجودة فيه ودة الطبيعي الما طبيعي البتعملي فيه دة
م كنت مركزة مع كلامه والله ،كنت عايزة اقرب منه اكتر واحضنه بس إتذكرت إنه قال لي انا مستحرمك على نفسي..
كمل كلامه ب:المفروض من بكرة انزل الدوام بشكل رسمي في فرع الشركة هنا،بس م شكلي حأنزل لأني مرهق جداً وهو بتكلم رفع كرت الدعوة الأنا كنت ناسياه في الكنبه وبقى يقلب فيه..
بتوتر قلت ليه لقيته وانا بنضف في البيت ،نسيته في الكنبة..
بقى يقلب فيه بشكل غريب وهو ساكت وانا اتوترت
رفعه لفوق وهو بقول لي شكل تصميمه غريب صح؟يشبه المُركب او السفينة..
في اللحظة دي ختيت كل شيء من يدي وعدلت قعدتي ،حتى هو انتبه وسرح للحظة..
قلت ليه دة معناه إنه العرس حيكون في السفينة نفسها صح؟
طيب عاين للكلمة في ملصق الكرت مكتوب عليها شنو
حاولت ابحث عن الأحداث المرتبطة ب شهر مايو بس بتظهر لي تفاصيل م منها فايدة..
قعد ساكت لدقايق وهو بعاين للملصق العليه الكلمة قال لي لاحظي في رقم تسلسلي تحت الملصق 1620..
قلت ليه: غالباً تكون دي دعوة رقم 1620 وكدة
سكت لدقايق بعدين قال لي انتِ م مفروض تبحثي عن الأحداث بتاعة شهر مايو،مفروض تبحثي عن السُفن الأحداثها مرتبطة بشهر مايو،هو اكيد دة طرف خيط..
شال تلفوني وفتح قوقل وبقى يبحث لدقايق..بعد دقايق من الصمت إبتسم وقال لي اعتقد عرفنا اسم السفينة..
بلهفة قلت ليه:اسمها شنو؟
رفع لي التلفون وهو بقول لي اسمها Mayflower او زهرة مايو ،او زهرة ايار، والوردة المرسوم جنب كلمة May هنا في الكرت للتمويه والتضليل بس م اكتر يعني لو زول م عنده فكره عن السفن او مهتم م حيركز...اسم السفينة مرتبط بحدث معين وهي السفينة الإنجليزية النقلت مجموعة من الرواد الاوائل الى امريكا الشمالية والرقم التسلسلي ما رقم عادي او رقم الدعوة زي م انتِ قلتِ ،لا هو التاريخ الزمني الحصل فيه الحدث دة ،يعني عام 1620
إبتسمت وانا بقول ليه ياخي ياخي زي م بتقول ماما...خايفة امدح اديك عين
تاني يوم ونحن في إجتماع مع مسز اني في المكتبة كلنا مع بعض انا وسياف حكينا ليها عن موضوع الكرت والإتوصلنا ليه من خلاله
قالت لينا هذا عظيم ،مجهود مقدر منكما، اذاً هذا يؤكد لنا صحة شكوكنا بتواجد كاثرين داخل السفينة،بما اننا الان على علم بإسم السفينة ،نحن بحاجة الى معرفة مكان تواجد السفينة والمحيط التي ستُبحر اليه ،كما قلت سابقاً يوجد بالولايات المتحدة 300ميناء بحري في مختلف المدن والولايات لا يمكننا البحث عن كل السفن في تلك المواني..
انا اسف لمقاطعتي لكم ولكن اظن ان لدي ما يمكن ان يكون ذا فائدة
كانت مقاطة من اكيمي..
رفع لينا تلفونو وهو بقول لينا عليكم رؤية هذه!!
مسز اني قالت ليه وما هذه؟
كانت رسمة لسفينة بتفاصيل دقيقة
شهد ،سياف تذكران تلك الفاتنة ،اعني تلك المراة التي طلبتما مني البحث في حسابها الشخصي ذلك اليوم في منزل ليز ومن ثم حدثت حادث السيد سياف،
عند البحث والتدقيق في حسابها الشخصي وجدت هذه الرسمة بها،وبعد إجتماعنا مع السيدة انانيا المرة السابقة وحديثها عن السفن دققت البحث في الصورة لم اتوصل لشيء بعد ولكني وجدت انه من الممكن ان يكون اسمها مرتبطاً بهذا الحدث ايضاً..
قلت ليه ربما هي المسؤولة عن تصميم السفن الخاصة بهؤلاء الأشخاص ايضاً؟!