🎭 رواياتي 📚 الوسام 2️⃣ 🎭

03 September 2024 09:43

لأ ما ندم ابداً،سكت لحظات بعدين قال لي انا وامجد كل فترة وفترة بنتواصل بشكل مستمر بالذات الفترة الأخيرة دي،عارفة انه بقى شايفني صاحب وأكتر من اخو وبقى يوصيني عليك من قلقه وخوفه عليك يا شهد؟
يا شهد مضايقني جداً موضوع انه انا ما صادق معاه ده يمكن لأنه الكذب ما من العادات المحموده عندي ولا بقدر اشوفه عادي،
عارفه انه انا بقيت مستحرمك على نفسي بسبب الموضوع دة؟الراجل خاتي فيني الثقة وبقول لي يا اخوي البت دي ما اوصيك عليها،انا بحاول ابقى بعيد واخت حواجز وحدود ما لأني ما عايزك ولا ساهل علي اشوفك قدامي وم اقدر اقرب بس حتى لو قربت ما مرتاح وبحس بنفسي جبان الجُبن الواحد دة،ماف راجل طبيعي بشوف مرته حلاله قدامه وم بكون عنده رغبه فيها،ف انتِ لو م في محلي م حتقدري تحسي بالموقف الأنا فيه حقيقي

عارفة يا سياف وفاهمة والله حتى انا كمان متضايقة اني بكذب على اهلي بخصوص الموضوع دة بالذات،بس اوعدك الموضوع دة حينتهي وانا خلال الإسبوع دة لو اتكلمت معاه حاحكي ليه كل شيء

انتِ عارفة انا اقصى طموحاتي انه نعيش في وضع مستقر وهادي يا شهد؟والله اكتر من كدة م عايز ابداً وإن شاءالله دة يحصل قريب

إن شاء الله يا رب

حتنومي؟

ليه حتطلع؟

لأ بس بما إننا اتصالحنا حأقدر انوم أكيد لأنه م نايم من امبارح

بس بجد يا سياف ليه حولت كل المبلغ دة لأهلي؟

طيب يا شهد جديتنا في العلاقة دي بتظهر متين؟ لما نشيل الحواجز والحدود الخاتنها نحن في العلاقة دي،يعني كيف عايزاني احس انه علاقتنا زيها زي علاقة اي إتنين متزوجين وانتِ لغاية اليوم م بتطلبي مني ولا سنت لنفسك ولإحتياجاتك الشخصيه وم بتستخدمي البطاقة الأنا مخليها معاك وم تقولي لي عرفت كيف ،وشايفة إنه مفروض نتشارك في إحتياجات البيت ونتشارك في الإيجار،وبتقولي اهلك واهلي...انا بحاول اشيل الحواجز وانتِ بتبنيها وبتعليها كمان بدل م تساعديني في إني اشيلها،يعني مثلاً شنو يعني رسلت مصاريف لأهلك؟
انا عارف إنه لو معاك م حتتوقفي واهلك اولويات عندك بس كدة محتاج اوضح اكتر من كدة؟
بعدين ضحك وهو بقول لي :يا بت انتِ مرتي اها الليله ابقى ليك سوداني واصيل بجملته المشهورة 😂😂

إبتسمت وانا بقول ليه سياف بكرة تعال سريع طيب؟

حتطبخي لي؟

لا اتقفلت منك من امبارح مش م اكلت اكلي الأنا طابخاه ليك وخليته في مكانه شوف ليك زول يطبخ ليك تاني

ما مشكلة يا ستي على فكرة انا كمان بقيت لما احب اعتذر لزول ماخد في خاطرو مني بحب اطبخ ليه،وبرضو بقيت لما بحب زول بحب اطبخ ليه

والمعنى ما فهمت؟

اول م اجي انا حأطبخ ليك النفسك فيه بس انتِ جهزي نفسك وجهزي كل عبارات الشكر والمديح والتطبيل

ضحكت

بقى يعاين لي وهو ساكت

مالك؟

لا ماف شي،كان كل همي اني اقدر اتناسى كل الجوطة المارين بيها دي واخليها على جنب وأحل الزعل البينا دة عشان الموضوع ما يتطور لأني شوفت لما اخليك لأفكارك بيحصل شنو، وبما إنه إتحل حاولي تنومي بعد كدة الزمن اتأخر

طيب تصبح على خير

وانتِ من اهله

قفلت المكالمة م عدت دقايق رجعت اتصلت عليه
رد علي وهو شبه نايم..

سياف عايزة احكي ليك تفاصيل اليوم حصل فيه شنو بما إنك م إهتميت وسألتني..

ضحك بصوت ناعس وقال لي تمام انا حاخلي المكالمة فاتحة لو نمت امري لله

كل م اسمعه،او يدور بينا حديث،او حتى اشوفه بمر في مخيلتي إقتباس قريته بقول"على الحياة ان تعطى فرصة للحيارى والتائهين ان يصلو،وان تبتسم لهم"

انا اوقات كتيره بستكتره على نفسي،واوقات بحس إنه هو فعلاً فرصة ادتني ليها الحياة،وانه لما الحياة حاولت تبتسم لي ختته في طريقي

صحيت وانا شخص تاني غير الكنت عليه امبارح،مرتاحة ومطمئنة ،نظفت البيت ورتبته وانا بلم في النفايات عشان اطلعها قدام الباب لقيت كرت الدعوة الرسلو لي عمار مع المحامي
شلته على جنب وطلعت النفايات برة ورجعت مسكت الكرت وقعدت اعاين فيه لدقايق م كان في موقع او اي دلالة لمكان معين..
نص ساعة وانا بعاين في الكرا بعدين لاحظت للملصق الخارجي للكرت البتقفل بيه مكتوبة عليه كلمة ومرسومة جنبها زهرة بالشكل دة 🥀May
دخلتها في متحرك بحث قوقل م ظهر لي شي
قعدت اكتر من نص ساعة وانا بحاول افهم بعدين خليتها ودخلت المطبخ عشان اجهز لنفسي فطور واطلع
إتصلت على سياف م كان برد
عديت اليوم في النادي وانا بتدرب،وانا طالعة لقيت منه مكالمات كتيرة ،رجعت ليه رقمه م داخل..
رجعت البيت وانا مقلقة عليه،وانا في المطبخ حسيت بحركة في البيت طلعت من المطبخ لقيت سياف طالع من غرفتي..
خوفتي؟
يعني شوية الحركة خوفتني،حمدلله على السلامة

الله يسلمك

اتأخرت مالك؟

الرحلة شويه إتأخرت في المطار عشان كدة بس

طيب غير حاجهز ليك الأكل

وانا في المطبخ بعد دقايق حسيته وراي اتلفته عليه

🎭 رواياتي 📚 الوسام 2️⃣ 🎭

03 September 2024 09:43

جيد،نبلي بلاءً حسناً مع بعض الضغوطات
ألم يأتي سياف اليوم؟
كان معنا ولكنه ذهب،قال ان لديه سفره قصيرة ليوم واحد ،سيعود غداً..
سفرة؟الى اين؟
ليز قالت لي:لا نعلم،هذا م اخبرنا به،هل كل شيء على ما يرام بينكما؟

هنا سيد بابل قال لينا:هيا، ليكف الجميع عن الثرثرة،لا وقت لدينا..

مستر بابل انا اسفة ولكن هل يمكنني اجراء مكالمة هاتفية؟
عاين لساعته وقال لي:حسناً ،لديك 5دقائق
اتحركت من جنبه وطلعت تلفوني لقيت مكالمة منه بالفعل،بعدها لقيت رسالة:انا مسافر نيويورك اليوم حأرجع بكرة ان شاء الله
رجعت إتصلت عليه،اول م رنيت فتح الخط..

وين انت وشنو مناسبة السفرة؟
انا طالع على الطيارة الأن،مسافر للعرض القدمته لي ميغان بخصوص شركة المحاماة متذكراه؟،كلمتها بموافقتي على عرض الشركة والان نحن ماشين عشان اجتمع بيهم الأول..

ماشين؟إنت وميغان يعني؟

ايوا ،هي لازم تكون معي عشان هي قايمة بالإجتماع وهي الحتعرفني بيهم وكدة

وانت م لقيت انه في ضرورة تكلمني خالص صح؟

إتصلت عشان اكلمك ورسلت رسالة ،هي سفرة ليوم واحد بكرة حأرجع ان شاء الله ،حاولي م تنومي براك كلمي ليز خليها تجي تبيت معاك او امشي بيتي معاها انتِ،انا اتصلت على مادلين بس هي قالت شغالة مناوبة لو طلعت بدري حتجي عليك اتصلي اتاكدي منها اذا حتجي او شوفي ليز المهم م تكوني في البيت براك فهمتي يا شهد

ما يهمك ،بالتوفيق
قفلت الخط في وشه وقفلت التلفون ودخلته في الشنطة ورجعت مكاني في التدريب..

اخر اليوم رجعت البيت لقيته مالي التلاجة وجايب كل الحاجات الممكن احتاج ليهم ومخليهم في المطبخ
دخلت غرفتي لقيته خاتي لي مفتاح العربية بتاعته في السرير ومعاها 100دولار

حاولت اشغل نفسي بأكتر من طريقة م قدرت ،كل تفكيري كان معاه بس م بقدر اتصل عليه..
فتحت التلفون اتصلت على رفيدة..اول م فتحت الخط قالت لي:
عاش من سمع صوتك ياخي

مشتاقة ليك والله يا رفيدة،مشتاقة ليك شديد

واضح انك مشتاقة لي بدليل انه بتردي على الرسايل في السنة مرة دة غير المكالمات مبالغة انا بقيت مسمياك شهد دقيقة برجع ليك يارفيدة

هههههه والله بكون مشغولة ومضغوطة بس،طمنيني كيفك انتِ واولاد شهاب،وابوي وعمتو وشهاب وشادي واولاده كلهم بخير؟
بخير الحمدلله م علينا عوجة ،عمي عبدالله شهاب قال لسة ما قررو ليه عملية ، قال يا داب هسي متابعين مع الدكتور

جد؟انتِ عارفة طبعاً انا باخد اخبارهم منك لأني متشاكله مع شهاب وكدة ،عمتو كيفها طمنيني؟الحاجة الوحيدة المطمناني على ابوي هو وجود عمتو جنبه والله

هم بخير الحمدلله م تشيلي همهم والله في احسن حال طوالي بتكلم معاهم فيديو،بتسأل منك طوالي وشايلة همك بس انا بطمنهم وبقول ليهم اننا متواصلين ،حتى قبل كم يوم لما اتواصل معي الراجل داك وحول لي المبلغ الحولتيه لينا حولته ليهم منه2الف وال2الف خليتهم معي حتى م صرفنا منهم لسة قلت اخليهم على جنب لو احتاجو احول ليهم زيادة واخلي الباقي مصاريف م حولت ليهم اكتر عشان شهاب ومرته عارفاهم تماسيح..

مبلغ شنو م فهمت؟

ال4الف دولار الحولتيها لينا مع الزول الإسمه سياف داك ياخي،اتخلعت عديل في البداية طبعاً قلت ليه انت متأكد شهد محولة لينا 4الف دولار؟

قال لي ايوا

انا؟سكتت لدقايق هي فعلاً الدنيا بداية شهر وانا كان مفروض احول ليهم بس م كانت معي ومتصلة على رفيدة عشان اوريها اني حتأخر في التحويل الشهر دة
ف اخدت واديت معاها في الكلام بعدين قفلت منها ورجعت ليه...كأنه السبب البفتش ليه عشان اتكلم معاه جاني في مكاني

اول م فتح الخط قلت ليه سياف انت حولت قروش لرفيدة بإسمي؟

منو القال كدة؟

عرفت من رفيدة،ليه عملت كدة؟

حأتصل عليك فيديو..
إتصل علي فصلت
رسل لي :انا بجهز عشان طالع الإجتماع ،ردي علي
فتحت المكالمة:لقيته بوريني في البدلة وهي في الشماعة وبقول لي:محتار البسها بأي قميص من ديل وبكرفتة ولا بدون؟

ميغان م فاضية عشان تختار معاك ولا شنو؟

وريني انتِ ذوقك احلى يلا عشان مستعجل ،وإعتبري شكلتنا وزعلتنا من بعض في محلها عشان م تلخبطي الكيمان ساي

طالما بتقول شكلتنا في محلها معناها عارف إني م طايقاك صح؟

عارف،وانا كمان ما... سكت ورجع قال لي:يعني الإحساس متبادل،يلا انجزي

صدمني جوابه قربت افصل واضحك في وشه،طيب اللبسها مع القميص الأبيض طبعاً م محتاجة سؤال،ومع الكرفتة...هو الإجتماع بتاعكم عشاء عمل يعني؟

نوعاً ما

طيب نرجع لموضوعنا ليه عملت كدة؟

قبل شوية كنت بتكلم مع الاء،ما عارف بس حاسي إنه لين اتواصلت معاها ،او في حاجة داساها مني

السبب شنو الخلاك تقول كدة؟

قالت لي ما تشيل هم هي ان شاء الله حتكون بخير وم تخاف عليها ،ونبرتها هادية ومطمئنة ،وهي امبارح اخر لحظة اتكلمت معاها فيها كانت متجرسة وعايزة تمشي تفتح بلاغ

غريبة!!!جد ممكن تكون اتواصلت معاها؟

انا متأكد انه لين اتواصلت معاها ،انا حاولت اضغط عليها بس م قالت شي وم شكلها حتقول

🎭 رواياتي 📚 الوسام 2️⃣ 🎭

03 September 2024 09:43

حتطلع كدة؟من غير م تاكل حاجة من الصباح م اكلت شي،بعدين ماشي وين نحن يا داب دخلنا البيت مُلاحظ؟

حأطلع اتمشى شوية يا شهد، انا م جعان

طيب م نطلع سوا،سوقني معاك وشاركني بتفكر في شنو بالضبط

بتنهيدة قال لي م قاعد افكر في شي لأني م قادر افكر ،انا عايز اطلع اقعد مع نفسي شوية معليش احسن كدة يا شهد

سكتت ،بعد م طلع دخلت المطبخ طبخت اكل وجهزته في التربيزة..
بعدين شلت تلفوني فتشت رقم عمار اتصلت فيه مقفول،رسلت ليه رساله صوتيه...
م حسيتها كفاية ممكن تكون في طريقة تانيه اقدر اصل ليها بيه اتصلت على رقم المستشفى الهو شغال فيها..
الموظفة قالت لي :دكتور عمار في إجازة علاجية لبعض الوقت
اعلم ذلك ولكن قدمي لي خدمة دعيني اتحدث مع مدير المستشفى ،اخبريه انني زوجة عمار السابقة ،علمت بأمر الحادثة التي مر بها مؤخراً واريد الإطمئنان عليه فحسب

انا اسفة سيدتي لا استطيع، وفصلت الخط

قعدت طول الوقت وانا بفكر ممكن اعمل شنو يوصلني لعمار؟احاول اشوف طريقة تواصل مع ليلى؟هي اقرب زول لعمار ممكن يكون متواصل معاها،ولا دي خطة عمار بستدرجني بيها ؟
لو خطة مستحيل كاثرين تشاركه فيها..
عديت ساعات وانا قاعدة مع نفسي وبفكر م حسيت بمرور الوقت حتى ، لغاية م انتبهت بحركة في الباب
سياف جا داخل عاينت للساعة لقيتها واحدة ونص صباحاً..
انتِ لسة صاحية؟
كنت منتظراك للأكل
أكلي م كنتي تنتظريني
انتظرتك وانتهى !!
طيب انا م عايز ،اكلي انتِ
وهو ماشي على غرفته وقفت على حيلي وانا بقول ليه: على فكرة على قدر م الحاجة دي صعبة عليك كمان صعبة علي اضعاف،وانا كمان ضميري تاعبني وعايشة في نار ،انا عارفة إنك م طايقني ومحملني مسؤولية الحاصل دة كله وحتحمل مسؤولية اي شي يحصل لي لين، وبتعاملني بجفاف عشان كدة بس زي م قلت ليك انا ممكن اعمل اي شيء في الدنيا دي عشان البت دي ترجع لأهلها بخير، بس انا م عندي دخل في الموضوع دة ولا عندي فكرة عن إنه عمار ممكن يصل للمرحلة دي من الدناوة..

غمض عيونه وهو بقول لي حاولي تشغلي نفسك بأي حاجة وم تفكري يا شهد ،عشان دي بتكون النتيجة لما تقعدي مع نفسك براك وتفكري

بإستغراب قلت ليه دة م تفكيري دة تعاملك انت من امبارح ،انا قادرة افهمك واعذرك بس كمان انت م براك في الدوامة دي انا كمان جزء منها ف لما تلومني بتعاملك الجاف ونبرة صوتك دي انت كدة بتزيدها علي ودة ما حل،انا م اتعودتة عليك وانت جاف معي كدة،ولا اتعودتة عليك بتكلمني بنبرة عالية..

النحن فيه دة مفروض يجبرك تتعودي على اي شيء يا شهد، وتتوقعي اي شيء!!حتى مفروض تبدي تتعودي على حياتك من دون م اكون انا جزء منها ، تحسباً لأي شيء لقدام ،جد يا شهد حاولي تعملي الحاجة دي،لأنه ما معروف لقدام يحصل معانا شنو

الجملة دي شعوري بعد سماعها م اقدر اوصفه،كل الأحاسيس السيئة حسيتعا بعد سماعي ليها...

اخدت وقت وانا بحاول استوعبها وهو قالها ودخل غرفته عادي وطفى النور ودي م عادته..
قعدت لغاية الفجر في مكاني بفكر،لما طلع يصلي الفجر انا كنت قاعدة ،جهزت ودخلت ركن الصلاة بتاعنا وراه
بعد م خلصت صلاة لقيته طلع غرفته مشيت وراه فتحت النور وقعدت جنبه في السرير ومسكت يده وإتنهدت وسكتت مسافة بعدين قلت ليه :انا بس عايزة اعرف انا غلطتة في شنو لما انت فجأة بقيت بتتعامل معي كدة؟
وريني قول لي يا شهد انتِ غلطتي في كدة وكدة
مش لأخر لحظة انا كان عندي استعداد اسيب كل حاجة ونمشي من هنا؟قبل انانيا دي تجي تقول لينا موضوع لين دة انا كنت بقول ليك شنو؟
تتوقع انا عايزة امشي واخلي كل حاجة عشاني؟مخافة على نفسي؟انا كنت عايزة امشي من خوفي عليك،ولأني م عايزة افقدك ولا عايزة اخسرك،ما فهمت معناها شنو اتعود على حياتي بدون م تكون انت جزء منها؟
سكتت لدقايق بعدين لما ما شفت اي رد فعل او تجاوب منه فكيت يده وانا بقول ليه انت بتفكر تسيبني؟

لو دي الفكرة ورا الجملة دي انا حأحترم قرارك دة وابعد اليوم قبل بكرة،ووالله حيكون يوم السعد لو انت بقيت بعيد من الكلام دة كله وحأعتبره قرار شجاع منك ،انت اكتر زول عارف اني م كنت عايزة اخليك جزء من الدوامة دي وحاولت على قدر م اقدر انه اخليك بعيد لأني عارفه الطريق دة شكله كيف،بس الجملة بتاعتك خوفتني وم قدرت افسرها،لو دة تفسيرها ف اطمن والله دي اكتر خطوة حتريحني انك تبقى بعيد،يكفيني جداً اني اكون مطمئنة عليك...

كان خاتي يده في وشه نزلها وقام قعد على حيله وهو بقول لي :طيب انا عندي سؤال ،لو بقت الناس دي قادرة على مساعدتك وحمايتك هل حتكون في ضرورة لوجودي في حياتك تاني يا شهد؟

بقيت اعاين ليه بإستغراب ووقفت على حيلي وانا بقول ليه :سياف انت شايف إني مُستغلاك وماخداك حارس شخصي؟

شهد م تفهمي غلط

لا م شهد لا جد انت شايفني كدة؟
ضحكت على نفسي بسخرية ودموعي جات جارية،اذا بعد العشناه مع بعض دة كله انت شايف دة شكل العلاقة م بينا انا م عندي شي اقولو ،شكراً لخدماتك دي وانت معفي من اي شي بخصني تاني...

🎭 رواياتي 📚 الوسام 2️⃣ 🎭

28 August 2024 14:20

الان روايه #رسيل للكاتبه رحاب يعقوب حصريا علي 📚قناه رواياتي بالواتس

https://whatsapp.com/channel/0029Vah1XZH7NoZxhwyOzo3Y


✳️حلقات يوميه أن شاء الله #اكرر  حلقات يوميه حسب ظروف الكاتبه

🎭 رواياتي 📚 الوسام 2️⃣ 🎭

26 August 2024 22:02

،انا م شفتها بعيوني وهي عايشة لكن انا الساعة 11:45دقيقة كنت راجع من الكورة،دخلت البيت لقيت ابوي،كنت شايل جزمتي في يدي قال لي عايزك تمشي الصيدلية في دواء عايزك تستلمو وتدخله الصيدلية،قلت ليه طيب استحم واغير قال لا تمشي هسي،طيب اغير ملابسي قال لا الزول منتظر مستعجل ما بنتظر، وكانت لهجتو شديدة واداني مفتاح العربية وعاين لتلفونه وقال لي الساعة 12الزمن فات وهاك دي نعالي اللبسها يلا اسرع عشان الزول م يمشي..
وفي نفس الوقت خالتي كانت جوة بتنادي على بصوتها ونبرتها المعتادة والتلفزيون شغال وبالفعل انا ب لساني دة قلت ناديت امي قلت ليها يا امي ،خالتي قالت لي بتصلي وقلت ل خالتي العشاء شنو طيب،ما ردت ،قلت ليها وانت طالعة جهزي لي العشاء م تنسي
قالت لي كويس لغاية هنا كل شيء طبيعي

وانا طالع لاقتني خالتو كوثر وهي داخلة البيت ،قالت لي امك صاحية يا شادي؟
ابوي قال ليها صاحية بتصلي، اتفضلي يا كوثر وانا طلعت..

المسافة بين طلعتي من البيت ووصولي للصيدلية وقعدتي كلها ما تمت 55دقيقة لما اتصلو قالو لي تعال البيت في حرامية دخلو بيتكم وضربو امك وابوك

انا عايز افهم منك الان شنو تفسير الحاجة دي؟انت ك قانوني فهمني ؟
خالتي انا اتكلمت معاها بنفسي هي جوا الهول بتاعنا وانا برا وابوي واقف في الباب ،يبقى كيف انها كانت نايمة في بيتها فوق من الساعة 9ما نزلت، وإنه امي هي الكانت قاعدة معاها فوق عشان الرطوبة قايمة عليها؟وبعد نزلت منها ب نص ساعة بس حتى سمعت الصراخ؟

شادي نحن الموضوع دة حنقفلو،وانت حتمشي الدكتور تمام؟

اول مرة يكون هادي في رد فعله وبنبرة استياء وإستسلام قال لي يعني قصدك انا مجنون؟

مسحت وشي بيدي وانا بقول ليه م قلت انك مجنون،بس انت لازم تتعافى من اثر الصدمة بتاعة اليوم دة عشانك وعشانك زوجتك واولادك وحياتك،بالنسبة لتفسيري للإنت دايماً بتحكيهو لي ف انا شايف انه انت م عندك تقدير صحيح للزمن بس م اكتر،التقرير بأكد انه الوفاة حصلت الساعة 12 ،ابوي ساعته اغلب الوقت بتكون م مظبوطة لأنه تلفونو بقع وبرجع بفتحه وم بهتم بضبط الساعة ف بتكون متقدمة او متاخرة وكلنا عارفين الحاجة دي في البيت صح؟
يعني انت لما رجعت البيت الساعة كانت 11شوكة وابوي قال ليك 12لأنه ساعتو متقدمة ببساطة كدة يا شادي

وبالنسبة لموقف لخالتي؟عندك ليهو تفسير؟هل انا كنت بتخيل؟

حصلت لحظة صمت م بينا نحن الإتنين

تمام ،انت عايزني اقفل الموضوع على كدة صح؟
اعتبرني قفلته يا اخوي،رفيدة منتظرة برة حأمشي عليها عشان تدخل هي

.....................................................
Us/sanfrans

وصلنا المكتبة واول م دخلنا كنا بنتلفت لأنه عبور حاجز المكتبة الداخلي الا ببطاقة،فجاة لقينا واحدة بتقول لينا شهد،سياف،ليز،لويس،اكيمي وساتشي صحيح؟

ليز قالت ليها اجل

قالت لينا تفضلو ،رفعت لينا الحاجز وعبرنا،وصلتنا لغاية الطابق المقصود وهو مكتب السيدة انانيا الدخلناه قبل كدة..
قعدنا ملتفين حول الطاولة وبقينا منتظرين وبنعاين لبعض..
باب المكتب فتح وفجأة جات داخلة السيدة انانيا وكانت الصدمة انه معاها السيدة جينيفر ،ومعاهم راجل تالت طويل اصلع لابس حلق وبدلة..
بقيت اعاين للسيدة جينيفر بإستفهام وسياف نفس الشي،لويس قال لي اليست هذه المراة تلك؟اقصد..

السيدة جينيفر قالت لي:اعلم انك مندهشة لرؤيتي هنا،ورفاقك ايضاً ولكن كل م يمكنني قوله الان انه عليَّ ان اكون هنا لتقديم م يمكنني تقديمه من مساعدة

لا افهم،ماذا يعني هذا؟ما هي علاقتك بالسيدة انانيا ؟هل تعرفان بعضكما البعض؟

اخبرني السيد ادريان بانك والسيدة تعرفان بعضكما البعض شهد وطلب مني سابقاً إجراء بعض التحريات عنها بشكل مُفصل لحمايتك فحسب لا لشيء،وعند البحث عرفت من هي، وبما اننا الان نعمل ك مجموعة نحتاج الى الإستفادة من كل من لديه المقدرة على مساعدتنا بطريقة او بأخرى،وايضاً اقدم لكم السيد بابل..

مرحباً يا شباب هل الجميع بخير؟

السيد بابل سيكون مسؤولاً عن قيادتكم وتوجيههكم بشكل شخصي لأننا كما تريان انا امراة مُسنة واعاني من الضغط والروماتيزم وقلة اللياقة البدنية والسيدة جينيفر وضعها الصحى لا يسمح لها بالحركة...والان بما انني اجبت على بعض تساؤلاتكم دعونا نتحدث بما هو اهم لأن عامل الزمن ليس في صالحنا..

هناك حفل بحري سيقام على متن احدى السُفن والتي تم تصنيعها خصيصاً للجهه القائمة على الحفل ،ستُبحر السفينة على سطح احد المحيطات ...ومن ثم سينتقل الركاب الى احد الجزر الخاصة بالجهه المنظمة

يتخلل الرحلة الكثير من الامور غير القانونية والصفقات المشبوهه والنشاطات الغريبة بعض الشيء وهذا م عرف عن رحلات الجهه المنظمة ولكن نسبة لأنه الجهه المنظمة تتبع لبعض الجهات ذات النفوذ والعلاقات السياسية لا تستطيع الجهات القانونية التدخل في الأمر،او دعونا نقول انها مدعومة بالكامل

🎭 رواياتي 📚 الوسام 2️⃣ 🎭

26 August 2024 22:02

هذا يعني انه لا فرصة لنا بمعرفة اين هي وحمايتها؟

سياف هنا غطى وشو بيديه وإتنهد تنهيدة بتوحي بإنه فقد الأمل في انها تقدم لينا شي مُفيد،وانا كمان مليت، كل الكلام دة م طالعين منه بنتيجة واحدة ممكن تفيدنا..

وقفت على حيلي وانا بقول ليها شكراً سيدة انانيا على وقتك ولكن علينا الذهاب...يلا يا سياف
وانا مدياها ظهري قالت لي ربما زيارة منزل احد افراد طاقم الطائرة الخاص بها يكون ذا فائدة بعض الشيء

وقفت واتلفت عليها...ومن غير م اسأل قالت لينا:هيا الحقو بي..
طلعنا من البيت وركبت عربيتها وهي بتقول لينا هيا،ركبنا العربية بإستسلام عشان نشوف نهايتها..
في الطريق حكت لينا انه زوجة واحد من طاقم الطائرة عند كاثرين بت صديقة مشتركة بينهم...وقفت قدام متجر كدة نزلت خلتنا ونحن بنعاين ليها وساكتين وسياف متشائم شديد ،قلت ليه نشوف العجوز دي نهايتها شنو ..
جات طالعة شايلة اللعاب اطفال،اتحركنا وفضلت ماشة لغاية م وقفت العربية قدام بيت كدة ونزلت،عاينت للساعة وقالت لينا الوقت متأخر ولكن لا بأس ،ابقيا في السيارة الى حين عودتي..
بعد نزلت قلت ليه ولما هي اصلاً م عاوزانا ننزل جايبانا معاها لشنو؟المرة دي..

شهد ممكن تبطلي شفقة؟بالله عليك ممكن تبطلي الشفقة الإنتِ فيها دي لأنه الوضع ما بسمح؟!لا حول ولا قوة إلا بالله ياخي

من لحظتها وانا ساكتة لغاية م فجأة شفناها قاعدة في حديقة المنزل الخارجية معاها اطفال اتنين بت وولد شايلين الألعاب وهي بتتكلم مع البت ومقعداها جنبها وواضح انها كانت بتشاهد معاها في التلفون والولد مشغول باللعبة الجابتها ليه..
عدت 10دقايق جات واحدة طالعة من البيت قدمت ليها مشروب وقعدت معاها،بعد دقايق معدودة وقفت وطلعو معاها لغاية الباب ،حضنت الأطفال والأم وجات ركبت العربية..

كنت متلهفة اسأل بس اتذكرت اني مهروشة من سياف،لما شافت اننا ساكتين قالت لينا لا رغبة لديكما في معرفة ماذا حدث؟

سياف قال ليها ان كنت توصلت لشيء كنت قد اخبرتنا به صحيح؟

صحيح ،المرأة لم تذكر اي تفاصيل عن زوجها او مكان تواجده الات سوى انه مسافر في رحلة

غمضتة عيوني..

ولكن الفتاة ثرثرت ببعض الكلمات

بدون م احس قلت ليها :مثل ماذا؟

ان والدها اخبرها بانه ذاهب في رحلة غطس هذه المرة هو وبعض الأصدقاء وانه لن يحلق في السماء،واخبرها ان لا تخبر والدتها بهذا الأمر الى حين عودته

اذاً؟هذا كل شيء؟

الرجل اخبر ابنته انه لن يحلق خارج البلاد ،انظري لهذه...
كانت صورة لطفلة مع راجل وهو حاضنها...
التقطتها الفتاة رفقة والدها داخل غرفتها قبل مغادرته المنزل
ربما تبدو لقطة صورة عادية ولكنه لا يرتدي الزي الرسمي له وهذا غريب بعض الشيء،ولكن ما هو اهم هي حقيبة الظهر التي يحملها،انها حقيبة مخصصة لأغراض السباحة فحسب...

لما لاحظت لسكاتنا قالت لينا حسناً ،سنعود ادراجنا الان،ونتحدث غداً صباحاً
وصلتنا بيتها اخدنا عربيتنا واتحركنا،ما بتذكر اننا نمنا،وكان في صمت مخيم بينا،انا قضيت الليل جلد ذات بس م عندي فكرة سياف كان بفكر في شنو كل العارفاه انه كان قاعد برة قدام البيت ، لما جات الساعة 5صباحاً مشيت ليه في غرفته لقيته صاحي..
لسة ما نمت؟
قعدت جنبه في السرير وانا ساكتة،لأنه ماف شيء يتقال،بنبرة مليانة هم قال لي: الاء اتصلت كتير وقالت انها م قادرة تصل ل لين وم عرفت اوضح ليها شيء حاولت افهمها انه ماف شيء وخلاص..

ختيت يدي في يده وانا بقول ليه اذا اتطلب الأمر نفتح بلاغ في الشرطة عشان نقدر نصل ليها ممكن نعمل كدة؟

انا ممكن اعمل اي شيء مقابل انه البت دي ترجع سالمة يا شهد،اي شيء

وانا كمان حتى لو اتضطريت اتكلم مع كاثرين بشكل مباشر،تفتكر إنها ما عندها علم فعلاً ولا بتدعي؟

ما هو دة السؤال الحيجنني يا شهد،هل المره دي م عارفة حقيقة علاقة لين ب الراجل دة عارفة و مستدرجاها وعاملاها ك طُعم ؟ما اعتقد انها م تكون عندها معلومات كافية ودقيقة عن افراد الطاقم الطبي الخاص الهي ماخداه معاها

فضلنا قاعدين مكانا ونتبادل الأفكار لغاية م الشمس شرقت،مشيت غرفتي لقيت مكالمات كتيرة من رقم غريب،كان مخلي لي رسالة صوتيه،لما فتحتها لقيتها السيدة انانيا وهي بتقول لي:مرحبا شهد،انا انانيا،عاودي الإتصال بي فور تلقيك الرسالة..

رجعت ليها اول م فتحت الخط قالت لي:ستأتيان لحضور مراسم جنازة ادريان اليوم عند التاسعة صباحاً صحيح؟

اجل،اظن اننا سنأتي..

حسناً لنلتقي هناك ونتحدث بعد مراسم الدفن

ختيت التلفون على جنب وطلعت مشيت لسياف..

في المراسم كانو متواجدين ليز ولويس ووالده وتايسون واسرته واكيمي وساتشي،ديل القدرت اتعرف عليهم،الرجال كلهم كانو لابسين بدلات رسمية سوداء والنسوان لابسين اسود برضو،بعد انتهاء مراسم الدفن تايسون واسرته كانو حيمشو بعد م الناس كلها مشت

انانيا قالت لتايسون سأبقى قليلاً في القبر ،اريد ان ابقى وحدي معه
فضلت ليز قاعدة على حافة القبر و بتبكي وواقفين جنبها ساتشي واكيمي، ولويس مربع يديه وواقف بعيد جنب ابوه

🎭 رواياتي 📚 الوسام 2️⃣ 🎭

26 August 2024 22:02

#ليلة_في_ديسمبر70

السيد سياف الشيخ..

يوسف كيفك وكيف ناس البيت والبنات كلهم بخير؟

بخير الحمدلله بسألو منك دايماً

الحمدلله سلم عليهم،انت لين وين يا يوسف؟

موجودة مع امها خير ان شاء الله
متأكد؟
ايوا متأك...ليه في شنو مالك؟
ااااااااااا لا ،لاماف شي يا الحبيب بس فقدتها عشان كدة

لا هي بخير ما عليها عوجة،بس انتقلت مننا مشت لأمها

طيب انا بتصل وبرسل ليها م بترد شكلها بعيدة من التلفون او زعلانة مني عموماً كدة خليني ارجع اتصل عليها تاني وارجع ليك
بعد قفل منه قال لي:
ما عنده فكرة يا شهد،ما عنده فكرة لين وينها،حتتحل كيف دي ،حنصل ليها كيف؟ لا حول ولا قوة الا بالله العلي العظيم

خلينا نرجع نتصل على الاء امها تاني

حتكون زيها زي زي يوسف ما عندها فكرة انا متأكد

اتصل يا سياف الله يخليك اتصل م تخليك متشائم ، انا عارفة انه وضعك صعب بس اتصل

وقف على حيله وهو ماسك تلفونه...
ما ردت؟
لا
ارجع اتصل وحاول خليك طبيعي في سؤالك عشان نفهم منها اول

تمام...عمل لي حركة بوشه بتوحي انها ردت

يا الاء كيفك
ابو السيوف كيفك ان شاء الله بخير؟
بخير الحمدلله انتو كيفكم؟
تمام نحن،حمدلله على السلامة،اتصلت عليك كتير بس م رديت ورسلت ليك رسايل بعد م عرفت الحاصل عليك من يوسف،فاقدنك والله ياخي وزعلنا جداً

الله يسلمك يارب،ما تفقدي غالي يارب،والله م شفت المكالمات والرسايل يا الاء ومن نزلت مضغوط،البت دي وينها مختفية؟

لين؟! موجودة والله بس بقت مركزة في الدراسة اكتر وكدة وانا بقيت ضاغطاها نوعاً ما بعد م انتقلت للسُكنة معي

دي حاجة كويسة طالما مركزة في دراستها ،هي حالياً جنبك؟

اااااااا لا والله ما جنبي طلعت

غمض عيونو وهو بقول ليها الزمن اتأخر على رجعتها للبيت صح؟

فعلاً بس هي اليومين دي مع واحدة صحبتها في بيتها ،عندهم دراسة وكمان عندهم مخيم عاملنه مع بعض عشان كدة

طيب صحبتها دي انتِ بتعرفيها؟عندك رقمها؟

لأ،عارف لين وعقلها م بتحب تتعامل زي الطفلة

بهدؤ قال ليها الاء انتِ عارفة انه لين بتهمني زي م بتهمك انتِ ويوسف صح؟

واكتر كمان يا سياف بس شنو مناسبة الكلام دة؟

انا عارف انه علاقتك انتِ ولين اكتر من علاقة ام وبتها وانتِ اقرب زول للين وصحبتها شديد

بعدك انت اكيد!!

المهم في امور شخصية وحكاوي بتكون بينكم وانتِ عارفاها وهسي انا مُجبر اسألك عنها واتمنى تكوني واضحة يا الاء عشان لين بس

في شنو يا سياف م تقلق بي؟!

جاوبيني يا الاء لين دي مؤخراً حكت ليك انها مرتبطة بشخص او حكت ليك بإنه في زول دخل حياتها؟.

بقيت اعمل ليه حركات بوشي عشان م يوريها

سياف انا بديت اتوتر في شنو؟

شلت منه التلفون وقلت ليها الو يا الاء كيفك شهد معاك!!!

شهد كيفك واخبارك ان شاء الله انتِ بخير وحمدلله على سلامة سياف ياخي

الله يسلمك يارب ،نحن بخير الحمدلله م علينا عوجة

الحاصل شنو يا شهد سياف فجأة بقى يسألني عن لين اسئلة غريبة وترتني

مافي شي والله يا الاء انتِ عارفة انا سياف مما عرفته وهو بعتبر لين بته واكتر

ايوا عارفه كدة

ف سؤالو عنها لسبب واحد انه هو خايف عليها وشايفها الفترة دي بقت بعيدة منه وهو مهمل في حقها شويتين بقى بسبب المشغوليات والكلام دة وعارف انها شويه طايشة والفترة الهي فيها حساسة

بالجد بقيت بسأله هو في شنو؟في زول حكى ليك حاجة؟لين حكت ليك

لين انا م قادر اصل ليها اصلاً لأنه رقمها مقفول،بس احكي لي يا الاء لين حكت ليك بتفاصيل زول في حياتها مؤخراً ولا لأ؟انا عايز اسمع منك

انا متأكدة في حاجة غلط لأنه الإصرار دة ما عادتك يا سياف،طيب هو في زول اتعرفت عليه من فترة م طويلة شديد بس هو كويس م زي الشباب الطايشين بتاعين اليومين ديل،دكتور حتى انا قابلته اكتر من مرة بس هم حسب كلامها إنهم just friends م اكتر
حتى انها لما حكت لي عنه كنت معترضة على العلاقة اياً كان نوعها نسبة للفارق الكبير بتاع العمر بينهم واتناقشنا كتير وزعلت منها ، ولما لقيتها بتأكد لي إنه علاقتهم م اتخطت حدود الصُحبة وعشان تقنعني خلتني اقعد معاه اكتر من مرة واطمأنيت انه اخلاقه كويسة ومحترم وكدة خليتها...بس حتفهمني في شنو ولا لأ يا انا بقيت قاعدة على اعصابي

في اللحظة دي رجولي بقت م شايلاني ،قعدت في الكنبة وانا ماسكة التلفون

سياف شال التلفون وقال ليها طيب يا الاء تحت اي لحظة لين اتواصلت معاك بأي طريقة اتصلي علي تمام؟

سياف م حتفهمني في شنو؟

حأفهمك بس ما هسي،حاولي اصلي لي لين ،رسلي ليها واول م ترد ارجعي لي تمام؟

حاضر
الموضوع دة م يصل يوسف فهمتي يا الاء؟

بقيت خاتة يدي الإتنين في وشي لدقايق وسياف واقف واظن بفكر هو مفروض يعمل شنو؟

وقفت على حيلي وانا بقول ليه خلينا نمشي للسيدة انانيا في بيتها

بقى يعاين لي

طالما هي عارفة الحاجات دي كلها هي الوحيدة القادرة تساعدنا،بأي طريقة لازم نقنعها تساعدنا

حنجيب عنوانها من وين؟

🎭 رواياتي 📚 الوسام 2️⃣ 🎭

22 August 2024 22:20

الان روايه #رسيل للكاتبه رحاب يعقوب حصريا علي 📚قناه رواياتي بالواتس

https://whatsapp.com/channel/0029Vah1XZH7NoZxhwyOzo3Y


✳️حلقات يوميه أن شاء الله #اكرر  حلقات يوميه حسب ظروف الكاتبه

🎭 رواياتي 📚 الوسام 2️⃣ 🎭

22 August 2024 21:20

بالطبع انت من قتلته من غيرك يقوم بهذا الفعل الخبيث،والا كيف عرفت بأمر وفاته قبل الجميع؟دعني اخبرك امراً،قم بحجز ثلاجتك هنا من الان لأنني ساحرص على تواجدك هنا انت ايضاً..

جوليا قالت ليها حسناً عزيزتي اقدر حزنك ولكن هذا يعتبر تهديداً سيقاضيك

تايسون قال ليها لقد علمنا بالأمر للتو واتينا للتعرف على الجثة ،قامت المصح إدارة بالتواصل مع اختي انانيا واخبارها بالأمر،اتفهم ما تشعرين به الان،ارجو ان ترقد روحه بسلام..

لويس لن اصدق انه ميتاً مالم اراه بعيني،لن يشنق معلمي نفسه لن يفعل هذا بنفسه انا اعرفه جيداً وانت تعرفه ايضاً صحيح؟

تايسون قال ليها:ليز عزيزتي..

اكيمي بإنفعال قال ليه:توقف عن الإدعاء ايها المعتوه فقط توقف عن الإدعاء بأنك صديقه جميعاً نعلم من انت ،منعت عنه الزيارة وحبسته في ذلك المكان،وتسببت في فقده للزاكرة موته،سنقاضيك على هذا ،نعدك ،لن تفلح هذه المرة في النجاة

وقفنا لدقايق وانا بعاين للفوضى الحوالي دي بهدؤ تام مني وغارقة في افكاري،م قادرة اجمع ابداً..
عدت ساعة لغاية م تايسون واخته وجوليا جو طالعين من غرفة الثلاجات وجوليا ساندة السيدة انانيا وهي منهارة...بعدها دخلو ليز ولويس واكيمي مع بعض..

ونحن واقفين اتقدمت علينا جوليا،مرحباً ايها الزوجان ،لم اراكما في قاعة المحكمة الجلسة الماضية،الم تملكا ادلة اخرى بعد؟ترى هل تراجعتما خطوة للوراء؟!

سياف قال ليها :ارى انك افتقدتنا! شكراً لك زميلتي في المهنة هذا لطف منك ،لا تقلقي سنلتقي كثيراً بقاعات المحاكم

كانت بتعاين لي وانا بعاين ليها لكن م قادرة ابدي اي رد فعل وساكتة
سياف قال لي يلا نطلع يا شهد،وصلني العربية واتحرك بدون م ندي الشباب خبر،اول م وصلنا البيت دخلت غرفتي ونزلت الشنطة من الدولاب وبديت انزل ملابسي بدون وعي،بدون ترتيب او نظام بس كنت بشيلهم وبرميهم في الشنطة ،انتبهت لقيت سياف واقف في الباب بعاين لي،قلت ليه ما جهزت شنطتك لسة انت؟
شهد؟!
اتخطيته ودخلت غرفته فتحت دولابه طلعت شنطة فتحتها وبقيت انزل ليه في ملابسه وانا ساكتة

شهد انا بتكلم معاك

مافي كلام ،م حأتناقش ،نحن لازم نطلع من المدينة دي بأسرع فرصة،اليوم قبل بكرة،عايزني انتظر شنو؟
اشوفك ميت قدامي؟
ما عايزة انا،م عايزة اي شيء ،عايزاك انت،عايزة اعيش معاك في بيت واحد هادي وبعيد من المشاكل وبعيد من الناس دي بس كدة،الحاجة دي كتيرة؟
كنت بتكلم وانا برتب الملابس في الشنطة ،خلينا نمشي واشنطن،انت اشتغل شغلك بتاع الرياضة دة هناك مع اصحابك،وانا حأفتش شغل،اي شغل حأشتغلة ما عندي مشكله.
عشان خاطري يا سياف خلينا نطلع من هنا، ما عايزة اي شيء،ما عايزة اعرف اي شيء ،ولا عايزة اقيف قدام زول في المحكمة...
مسكني وقال لي شهد،عايني لي هنا،مسك يدي ،حضنته
واتفقعت بكى في اللحظة دي..
يا شهد ؟
انا ما قادرة اتحمل فكرة إنه تحصل ليك حاجة بسببي انت كمان والله بموت...
طيب حاضر،العايزاه انتِ يكون ،عايزانا ننتقل من هنا حننتقل حاضر ،بس انتِ اهدي وم تبكي،عايزاني اطلعك من هنا بس كدة؟تمام نحجز باقي اليوم دة التذاكر وبكرة الصباح يلقانا في المطار،قبل كدة وريتك انه انا معاك في اي شي إنتِ عايزاه صح؟

في اللحظة دي جرس الباب رن

قال لي يمكن ديل ليز ولويس
طلعت معاه وانا ماسكة يده من خوفي عليه ،فتح الباب..

كانت السيدة انانيا اخت تايسون..

بعد نظرات استنكار لمدة م اتعدت القيقة قلت ليها: ما الذي اتى بك الى باب منزلنا ؟؟

قالت لي:ربما لن يسعدك سماع هذا الأمر ولكن كاثرين هي من قامت بإحراق منزلك وانت بداخله في نيويورك تلك الليله وسببت لك تلك التشوهات التي ادت الى تغير وجهك بالكامل ،وهي سبب تلك الندبات التي داخل انحاء جسدك المتفرغة ولكن ليس بسبب الحريق الذي نشب في المنزل لا لقد كانت تقوم بطفي الدخان الخاص بها على انحاء جسدك وانت غائبة عن الوعي لتفريغ غضبها ومعاقبتك،ولكن هذا ليس سبب مجيئي الى هنا في هذه الليله الحزينة على قلبي ،لقد اتيت لإخبارك بأمر ربما يكون اكثر اهمية بالنسبة لكما الاثنان !!! زوجك السابق اعني السيد "عمار" منذ فترة وهو يتودد الى مراهقة تخص صديق زوجك الحالي ،تدعى "لين" نجح في ايقاع المُراهقة في فخه كما يفعل مع الكثيرات من الفئات العمرية المختلفة،إنهما على علاقة وكثيراً ما كانا يلتقيا ليس هنا ولكن في مدن ودول مختلفة،اي انهما يسافران معاً ويلتقيا بالطائرة،واحياناً يقوم هو بحجز التذاكر لها وتولي تكاليف السفر واللحاق بها وغيرها من التفاصيل، هذا ليس مهماً الان ،ما يهم هو ان الفتاة الان على مُتن طائرة كاثرين الخاصة ضمن طاقم طبي خاص بها منتحلة شخصية ممرضة،لا علم لدي الى اين تتجه الطائرة ولكن الفتاة ترافقه في رحلة علاجية اثر حادثة اطلاق نار حدثت له مؤخراً، هما الإثنان رفقة كاثرين،كاثرين لا تعلم بأمر علاقتهما ببعضهما ولكن حال معرفتها بالأمر ربما ستواجه الفتاة نفس المصير التي مررت به انت وربما اسوأ بكثير،هذا ما وجب عليَّ اخبارك به

🎭 رواياتي 📚 الوسام 2️⃣ 🎭

22 August 2024 21:20

اجل ولكن اتساءل ماذا تعني بالوظائف المختلفة؟
حسناً سأعطيك تفسيراً قصيراً،عند قولي ذات الجهات المختلفة اي انها تكون من دول مختلفة سواء كانو مواطنين رسمييين او مهاجرين نساعد في اجلاءهم من دولهم الفقيرة ومنعدمة الخدمات وإحضارهم الى هنا،وعند قولي ذوي الهوايات المختلفة لا اعتقد انها بحاجة للشرح ولكن نحن نفضل كثيراً ذوي الفنون بمختلف اشكالها سواء رسم،او رقص،او فنون قتالية،لقد رصدت مراقبتنا ان هؤلاء الأشخاص هم الأكثر فناً في تنفيذ العمليات التي توكل إليهم بالإضافة الى ذوي الوظايف المختلفة ونفضل هنا الأطباء ، وهم الأكثر دقة في عالم الجريمة،لدينا مجموعات مختلفة من الأطباء والمتخصصين في هذا العالم،وهم الان في القمة بفضلنا نحن لا بإجتهادهم الشخصي،وايضاً هناك السياسين من اصحاب القوى والنفوذ،وهناك القضاة،والمحامين والمفكرين،وافراد الشرطة داخل الأقسام،واجهزة الإعلام التي نمتلك 90%منها وتوجيهها،نحن داخل الدولة ومؤسساتها،وفي كل مكان،يمكنك القول من كل شجرة نقوم بقطف الثمار ذات الصفات الجيدة ولكنها لم تتهيأ لها الظروف المساعدة بما يكفى ونقوم بتهيئتها لها نحن

انا مندهش حقاً كنت اظن ان الأمر ابسط من هذا بكثير،اي انني كنت اظنكم جماعة صغيرة فحسب

اخبرتك من قبل اننا الدولة اخرى للدولة واليد اليمنى للدولة والأفراد اصحاب المال والنفوذ،اتطلع لموافقتك على الحضور لعشاء شِواء الخنازير الذي سيقام في سبتمر القادم والتعرف على العالم الأخر عن كثب والوجه الأخر لمن ندعوهم ب نجوم مجتمع والسياسيين واصحاب النفوذ ،اعلم انك لا ترغب في ان يتعرف عليك احد،يمكنك ارتداء قناع وحضور اعظم المراسم بدماء الخنزير العظيم!!!

اخبرني هل سبائك الذهب الخاصة بي تم شحنها؟

ههههه،اعلم انك خائف من طقوس الشيطان خاصتنا والتي يتخللها التلذذ بدماء البشر ،وايضاً اعلم ان هذا ما يخيفك لذا لن أكون لحوحاًعليك ،لا تقلق سائك الذهب خاصتك في الطريق كما اتفقنا، ولكن للمزيد منها نحتاجك في خدمة اخرى

عملية قتل مرة اخرى؟

لا،هذه المرة العملية مختلفة قليلاً،اريد احد اخطر واذكى المرضى لديك في ذلك المكان

لماذا؟هذه مسؤولية تعلم ذلك

سأخبرك بالتفاصيل لاحقاً،كل ما عليك فعله هو بضعة خطوات فحسب،سأتركك الأن للقيام بإعلان انتحار مريضك والقيام بالإجراءات اللازمة لنقله

..............................................
Sudan
امجد& أ.ميرغني "الصحفي"
استاذي بشرني..
والله اتمنيت ابشرك يا ولدي والله واقول ليك العكس توقعاتك بس انتِ رجل قانون ورجل القانون تكهناته م بتخيب

المعنى؟

قدرنا نخترق الإيميل الأديتني ليه، شكوكك كلها صح للأسف،كان متورط بشكل كبير في عمليات الفساد المختلفة الكانت شغالة عليها الوالدة، انا مندهش حقيقي يا ابني!والله بقول ليك الكلام دة وانا مصدوم رغم إنه دة جزء بس من الحقيقة

انت متأكد يا استاذ؟لأنه دة موضوع كبير شديد ومصيري بالنسبة لأطراف كتيرة ،انت فاهم الحاجة دي؟

فاهم وعارف انه الموضوع دة على عاتقك تقيل شديد ،عشان كدة وجهه نظري و نصيحتي ليك الموضوع دة حاول تموت بيه وتدفنو في مكانه زي م ماتت بيه الوالدة، عشان التفتيش وراه حيجر لشيء يمكن م تقدرو تتعافو منه كلكم فيما بعد وخلينا نخت اسوأ الفروض للخطوة الجاية اذا قررنا نخطيها

لحظة صمت ونظرات متخللاها مشاعر مختلطة بين الخوف والرهبة والإنكسار..

ما تستعجل في قرار الخطوة الجاية اخد راحتك وانت بتفكر فيه وفكر فيه برواق واحسبها كويس يا ولدي،انا في كل الأحوال موجود،اتصل علي متى حبيت واكد لي انت باقي على شنو

ان شاء الله، شكراً ليك يا استاذ

..................................................
San Francisco:
سياف&
ميغان ،مرحباً،كنت ارغب في التحدث بخصوص عرض شركة المحاماة تلك،عاودي الإتصال بي عند سماع رسالتي الصوتية هذه،سأكون بإنتظارك

وانا بسمع في التسجيل الصوتي لشهد سرحت مع نفسي لدقايق..

بطريقة ما كان لازم اساعد شهد،ما عشان انا عايز اللعب دور المنقذ ليها لا هي في الأساس لازم تتعلم كيف تنقذ نفسها حتى لو م بمزاجها حتتعلم بالطريقة الصعبة زي م دروس كتيرة بتعلمنا ليها الحياة.
لكن انا كل م بعاين لشهد بشوف الخوف في عيونها بمختلف لحظاتنا السعيدة والحزينة ،هي دايماً خايفة والإنسان الخايف هو انسان معدوم الحياة،ومعروف التعافي من اي حاجة ببدأ لما نعالج سبب الوجع بطريقة او بأخرى او نستأصله زي الكانسر.
استغلالنا لمخاوفنا في شي مفيد بيصنع منها هدف،شهد للأسف م شجاعة كفاية عشان تتغلب على مخاوفها وتحدد اتجاها،وعشان تكون شجاعة لازم تكون في خطوة تحفزها...الخطوة دي انا بس حأختها في نصها ومتأكد بعدها حتكون عندها القدرة الكافية لإنها تكمل..
قطع تفكيري إضاءة التلفون...الوقت كان متأخر والرقم غريب ،فتحت الخط..
مرحباً سيد سياف انا لويس
مرحباً لويس كيف حالك هل كل شيء بخير؟
انا بخير،حاولت ليز الإتصال بشهد ولكنها يبدو ان الهاتف بعيد عنها بعض الشيء

🎭 رواياتي 📚 الوسام 2️⃣ 🎭

22 August 2024 21:20

#ليلة_في_ديسمبر69

طبقت الرسالة ورجعتها ليه..
شكراً لك سيدي المحامي،ينتهي عملك هنا صحيح؟
الأوراق التي تخص التوكي..
إلى اللقاء
رجع خطوتين من عتبة الباب وهو بقول لي سيدة شهد
قفلت الباب وانا بعاين لسياف وخايفة من رد فعلو اكتر من اي شي..

سياف..دة واحد مريض...ما،ما،ما
مسك يدي وهي بترجف وقال لي عارف يا شهد إنه مريض...بس اهدي ان شاءالله ماف شي تمام؟سامعاني يا شهد؟

ايوا
تعالي نقعد شوية
حاضر بس خليني أجيب موية من المطبخ واجي..

م كنت متزنة في اللحظة دي روحي كلها بترجف م قادرة اقيف على رجولي حاسة نفسي مهبططة كنت..
وصلت المطبخ شلت الكباية وانا برجف بالعافية فتحت الماسورة شلت موية شربت عايزة اتحرك خطوة بس الكباية وقعت من ايدي ،بقيت باخد نفس بصعوبة سياف جا جاري داخل وهو بقول لي شهد في شنو؟

بقيت بتمتم بكلمات م مفهومة وانا بعاين في الارض وبعاين لسياف
شهد تعالي،ماف شي،كباية ووقعت في الأرض بس بسيطة ما تخافي، مسكني من يدي وهو بقول لي ماف شي والله كباية بس واتكسرت لزيته وانا بقول ليه ياخي شنو ماف شي كيف ماف شي؟انت جايب برود الأعصاب دة من وين؟انت م بتعرفهم انا بعرفهم،م بتعرف عمار انا بعرفه،انا شفته وهو بقتل واحدة،شفتها وهي بتتحلل قدامي،بطل تقول لي ماف شي وتهديني انا م عايزة ابقى هادية انا عايزة ارتاح،عايزة ارتاح من خوفي عليك دة ،خوفي عليك حيجنني،هو م حيأذيني في نفسي يا ريته لو حيعمل كدة،ما حيقتلني،م حيخدش حتة من جسمي حتى لأنه عارف روحو اذاني بما فيه الكفاية بس انت الطريقة الوحيدة البقدر يوجعني بيه هو بقى عارف كدة،عارف انه بقت في حاجة فارقة معي ومستخدمك ك وسيلة يلوي بيها يدي بعد كان م فارق معي شي
انا عارفة انه الغلط غلطي وفكرة الزواج دة فكرتي،واني سمحت لمشاعري بإنها تنجرف كدة بدون م اوعى لإنة انا بعمل في شنو بالضبط وشكل حياتي ماشي كيف اصلاً
قول انا م واعية انت م واعي؟مُصر انه تساعدني وتدعمني وتقيف جنبي حتى ولو على حساب نفسك لشنو؟شنو الطعم الأنا ضايفاه لحياتك سيبني اكل ناري براي وبطل البتعمل فيه واحسبها ورقة وقلم...قعدت في الأرض وربعت يديني حولين رجولي وانا ساكتة وببكي وبقول حسبي الله ونعم الوكيل فيك يا عمار كان زعزعت سلامي النفسي،حسبي الله ونعم الوكيل فيك انت واخوك لو فجعتوتي في نفسي وفي اهلي وجننتوني وحنضلتو علي الحياة وم خليتوني اتهنى بيها، ربنا ياخد حقي منكم اخذ عزيز مقتدر...نتلاقى امام الله يوم الوقف العظيم..

تعالي يلا..مد لي يدو...م كان في اي تجاوب مني...كنت بعاين للأرض وانا بتكلم لسة وببكي..
فجأة لقيتو شايلني لغاية م وصلني الكنبة ،قعدني ومشى جاب لي موية شربني ليها وجاب عطر بخاه في يدي ومسحه على رقبتي وقعد جنبي وبقى يفرك في يدي مسافة بعدها اخدني في حضنه وهو ساكت..

م حيخلينا،م حيخلونا ،انا مفروض اكون متوقعة تحت اي لحظة تحصل ليك حاجة بسببي..

ما حيحصل يا شهد

انا ما عارفة مفروض نعمل شنو ؟دة مريض

شهد،حالياً كل العايزو منك تهدي ،حاولي غمضي عيونك وارتاحي م تفكري بسسلبية ولا ب إيجابية حتى حاولي تريحي نفسك وراسك دة شوية وكل عُقدة وليها حل..
رقدني في رجولو وبقى يمشي يده في شعري وكتفي لغاية م نمت لما صحيت لقيته مفرش جنبي في الأرض وحواليه اوراق وجهاز الابتوب بتاعه وقاعد شغال...

اول م شافني خت حاجاته على جنب وقال لي ،كيفك هسي حاسة نفسك احسن؟

ايوا احسن
يلا تعالي ندخل نستحمى ونغير عشان نصحصح تمام؟
دي ملابسك انا مخليها جاهزة جنبك
بإستنكار قلت ليه نستحمى؟
إبتسم وقال لي طوالي فاهمة غلط،قصدي انتِ بس ما انا وانتِ،انا مستحمي يا زولة عيب البتقوليه دي ،لكن لو عايزة حنسيني يمكن اوافق

ابتسمت بخجل بعدين شلت الملابس المخلياها جنبي

عاين لي مساافة وهو ساكت بعدين قال لي :يلا سريع عشان انا جعان..
بعد ما استحميت وطلعت لقيته عامل سندوتشات وعصير وجنبهم سناك..
كنت تخليني انا بجهزهم انت مش شغال؟
تعاالي،مد لي يدو وقعدني جنبه...رغم اني م عندي نفس اكل الا انه م قدرت اقول ليه لأ بعد كل العمله دة..
بعد م خلصنا ولمينا المكان مع بعض..

قعد في الكنبة وخت قدامة اللابتوب والورق بتاعه وقال لي تعالي يا شهد..
قعدت جنبه
حاسة نفسك احسن اكيد؟يعني عندك القدرة نتناقش؟
هزيت ليه راسي ب ايوة
طيب يا شهد نحن لو قعدنا فكرنا في كل الجوطة الفي حياتك دي الشخصية المحورية الوحيدة البتدور حولها الأحداث هو الشخصية دي..
رفع لي ورقة وكاتب عليها اسم عمار وعامل عليه دائرة كبيرة ختاها قدامي
صح؟
حركت رأسي بإيجاب
متين بدت المعاناة دي لغاية م وصلنا لهنا دي تفاصيل كتيرة شديد بس
بس السؤال الموضوعي هنا ليه الشخصية دي رفع لي الورقة العليها إسمه تاني...ليه بتتمادى في اذيتك سواء بصورة مباشرة او لا ولييه بتتعرض ليك دائماً دة برجع للمقولة البتقول من" امن العِقاب اساء الأدب"اليوم لو جا زول قال ليك انا عندي صور ليك وحانشرها وبلا بلا بلا...لما يلقاك بتحنسيه انه ما يعمل كدة ويحس بخوفك رد

🎭 رواياتي 📚 الوسام 2️⃣ 🎭

20 August 2024 07:49

اليوم دا مر عادي و تعامل يونس معاي كان رسمي شديد كأنو حذر مني! بعد تلات أيام من الكلام دا قلت ليهو يونس انت وقت فقدت ثقتك فيني وبتعاملني بحذر ليه وافقت انو نكمل مع بعض؟؟لو عشان البيبي ما....قاطعني وقال لي عشانك انتِ! عايز أديك مساحتك وحريتك و راحتك عشان ما تضطري تهربي تاني، مشيت وقفت قصادو وقلت ليهو خلاص فهمت إنو ما كان لازم اعمل كدا و صدقني لو ما عرفت غلطي ما كان جيت راجعه و انت عارف الحاجه دي كويس، و بعدين انت حتى لمن كنت عارفني بمثل عليك كنت بتتعامل معاي عادي شديد وهسي لمن تعاملي معاك حقيقي عايز تبني حاجز بيناتنا؟؟قال لي كنت بتعامل معاك عادي لأني ظنيت إنو تعاملي معاك و تفاصيلنا الحلوه ممكن تخليك تتراجعي وتشيلي فكرة الهروب دي من بالك!.... قلت ليهو كلامك جرحني شديد و هروبي كان رد إعتبار لي، لو ما طلعت وخليت ليك البيت كنت حـ تظن اني وحده بتقبل الذل و الإهانه! قال لي لكن الحل ما بالهروب! ايوه أنا عارف أسلوبو داك كان قاسي معاك بس لو كنت اتعاملت معاك بلين و حاولت اتساير معاك كنت حـ تظني إني بعد كل هروب منك حـ استقبلك بكل صدر رحب و اصفق ليك! و كلامي الجرحك داك لمن ما قدرتي تتجاوزيهو كنتِ تجي و تواجهيني!!
قلت ليهو خلاص عرفت غلطي!قال لي وأنا كمان فـ بالجد أنا آسف و شديد كمان، قلت ليهو وأنا آسفه، قال لي صافيه؟؟قلت ليهو صاااافيه ♡
بعدها بقينا نمشي مقابلات الدكتوره سوا و حياتنا بدت تتحسن و بقينا نفهم بعض أكتر، وبعدها بشهر يامن فاجأنا بخبر إنو عايز ندى بت عمتو، طبعاً عمتو فرحت شديد وقالت الولد ولدنا و البت بتنا و قالت ليهو بديك ليها طوااالي وطبعاً أصلاً يامن وندى متواصلين من زمان، يونس قال لي رايك شنو نعمل عرسنا معاهم؟؟ قلت ليهو بالله!! أنا على وشك ولاده عرس شنو عليك الله! قال لي المشكله وين! قلت ليهو لا لا ما عايزا، اتخيلني لابسه الزفاف بالمنظر دا! قعد يضحك وقال لي عادي مالو يعني، قلت ليهو لا لا شيل الفكره دي من راسك، قال لي أنا مُصر لكن خلاص ما هسي بعد ما تولدي،قلت ليهو ياخ ما ضروري! قال لي لا ضروري، لازم ينعمل ليك عرس زيك و زي أي بت،قلت ليهو خلااااص بعد الولاده، طبعاً بعدها بدينا ترتيبات زواج يامن و أنا بقيت معظم وقتي قاعده معاهم بهناك ، يا في بيت حلا يا في بيت عمة يونس، يوم و أنا في بيت عمتو و بتكلم معاهو بالتلفون جات ام حسام داخله، طبعاً عينها طوالي وقعت علي وبقت تعاين لي سااااي، لمن وصلتني مدت لي يدها و قال لي ازيك، مديتها ليها يدي الراااااسمه فيها و محنناها و أنا مبتسمه وطوااالي اتذكرت لمن زمااان قالت لي انتِ قايله في زول حـ يعرسك و عايرتني بإني بت مجهولة الأبوين و هسي نفس البت دي معرسه واحد أحسن من ولدها بمية مره!.... المهم يوم كنا أنا و يونس بنتونس بنحكي عن تفاصيل كل الحاجات المرت بينا، وطبعاً قبل كدا كلمتو إنو بابا حازم بعرف أبوهو، قال لي ما حـ استغرب ابوي كان معروف، و على فكره أبوي كان شغال في المباحث و و و ....فـ بقينا نحكي و نقص الحكايه كلها، حتى ناس إيلاف جبنا سيرتهم،قلت ليهو أنا نفسي أعرف انت كيف نفسك سمحت ليك تخليني أعيش في بيت براااي وجنب ناس ما يعرفهم!؟يعني حتى لو الهروب دا كان قراري أنا؟😅
قال لي كنت مراقبك وعارف تفاصيلك، في الأيام الأولى كنت بجي و بطمن عليك بنفسي و على فكره كنت لافي في المنطقه ديك 24ساعه و لمن حصل معاي الحادث كنت موصي صديق عليك فـ بقى بجي جنب البيت القاعده فيهو على طول بالذات بليل، و لو ما مشى بنفسو برسل زول غيرو، يراقب للصباح، قلت ليهو شنووو!! بالجد !! و الزول دا ما بتعب و ما بنعس؟قال لي دااافعين ليهو قروش وغير كدا دا شغلو والتغلب على الناس ما حاجه صعبه بالنسبه لينا، قلت ليهو طيب لو أنا قعدت في البيت داك سنه مثلاً، حـ يكون في زول حارسني السنه دي كلها؟؟ قال لي مستحيل تقعدي سنه، كنت عارف و متأكد انك في النهايه حـ تعرفي غلطك وترجعي، قلت ليهو بصراحه رغم إني ما كنت عارفه نفسي حـ أمشي على وين بس ما اتخيلت إني استسلم و أجي راجعه!قال لي في الحب ماف استسلام! و ما مفروض يكون في كبرياء و بعدين نحنا متزوجين، لو واحد شد الحبل التاني يرخيهو و العكس!
بعدها غيرنا الموضوع وبقيت أقرا في نصوصو، فجأه قلت ليهو اتذكرت! قال لي عليك الله ما تقولي لي ليلى أو منار!خلينا حلوين و مبسوطين كدا! ضحكت وقلت ليهو لالا، متذكر لمن اتلاقينا في المواصلات وأنا قريت نصوصك من تلفونك وقلت ليك شكلك عاشق ولهان؟ قال لي لا ما متذكر، ضربتو على صدرو و قلت ليهو ياااامستهبل عشان عارف سؤالي حيكون شنو! سوووورعه قول لي دي منو دي البت البتكتب فيها النصوص دي؟وياريت ما تكذب علي!

🎭 رواياتي 📚 الوسام 2️⃣ 🎭

20 August 2024 07:49

حرفياً كل شي كان ضد يونس وما ظنينا إنو ممكن يحصل شي و يغير مجرى الأحداث إلا لمن وقف المحامي تبعنا قبل ما القاضي يتكلم و ينطق بالحكم، في اللحظه ديك كل أنظارنا اتجهت على المحامي، كان ماسك تلفونو و بعاين فيهو، فجأه مشى للقاضي وناولو التلفون، القاضي بقى يشوف في تلفون المحامي، كان في شابين قاعدين قدام كمبيوترات، نادى واحد منهم وقال ليهو اتأكد لي من إنو الصور و الفيديوهات دي حقيقيه، فجأه المحامي اتكلم و قال الصور و الفيديوهات تظهر وتثبت تعاون عدد من ضباط الإستخبارات مع اسوأ قادة الإجرام في السودان، على رأسهم نادر محمود عبد العزيز الملقب بالزعيم! و في أحد الفيديوهات اعتراف صريح من الضابط سعيد متوكل حسين، القال بعضمة لسانو:"يونس الخطاب مفروض يودع الدنيا بعد دا ""حـ نورطوا في جرائم و خيانات ما حصل سمع بيها قبل كدا"اعترافات و ونسات كتيره إنقالت في الفيديوهات دي و اتمنى العداله تاخد مجراها.... المحامي قال كدا وقعد و عاين لينا وهو مبتسم! طبعاً كل واحد فينا بقى خاتي يدو على قلبو، بعد مسااااافه شباب الكمبيوترات قالوا للقاضي الصور والفيديوهات دي حقيقيه ما مزيفه!....ياخ اللحظه ديك حسيت بكمية راحه ما عاديه!طوالي عاينت لـ يونس و عشان هو بعيد وجنبو عساكر ملامح وشو ما كانت ظاهره، المهم بعد مشاورات و مناقشات القاضي قرر تأجيل الجلسه، ياداب قدرنا نتنفس و حسينا ببصيص أمل، لمن اجتمعنا مع المحامي قال لينا إنو الصور و الفيديوهات دي وصلتو من رقم غريب، عاين لي و قال لي طوالي عرفتو دا زولكم القال حـ يساعدكم، رغم إنو بوظ اعصابنا بس أن تأتي متأخر خيراً من ألا تأتي، طبعاً لقيت الراجل مرسل لي رسالةSMS و كاتب لي فيها "تم ✔️"بعدها حظرني! طبعاً المحامي بشرنا وقال لينا الليله حتنوموا مرتاحين، الأدله دي كافيه و زياده لأنها حقيقيه وفيها إعترافات كتيره صور بتجمع ضباط كبار مع زعماء الإجرام في السودان!.... طبعاً داك كان أول يوم كلنا ننوم فيهو نوم شبه مريح، قلنا خف شويه وبقينا منتظرين الجلسه الجايه، طبعاً في الجلسه البعدها طلعوا يونس وخليهو يتكلم و يقول العندو و جابوا كل الضباط الخونه و كان معاهم سعيد صاحب يونس، ما عرفت إنو هو صاحبو إلا لمن ياسر و يامن قالوا كدا، طبعاً كل جلسات المحاكمة دي كانت مغلقه، يعني ناس معينين بس البحضروها! المهم بعد أكتر من جلستين يونس طلع براءه و ديلك بدت محاكمتهم، طبعاً اليوم داك الأعمى شايل المكسر، كمية خلق كانت ما عاديه جنب المعتقل، و نحنا كمان كنا واقفين ومنتظرين يونس يجي طالع، طبعاً لمن فتحوا الباب وهو جا طالع الناس بدت تصرف و تصرخ و كان في سلاح موسيقى!! عمتو أولى وحده إتلقتو و سلمت عليهو وضمتو عليها وبقت تبكي و بعدها الناس بدت تدافر و أخوان يونس أهلو إستلموهو يفكو دا و يمسكوا دا و أنا ما لقيت فرصه عشان اقرب منو، هو حتى ما شافني،أخوانو و أولاد أهلو ساقوهو طوالي على العربيه و الإعلاميين و الصحافه و الجماهير بصوروا ساي وبتدافروا، طبعاً أهل يونس كانوا كتاااار و أي زول جاي بعربيتو، فأول عربيه ركب فيها يونس إتحركت طوالي و نحنا لحقناهو للبيت، برضو كان زحمه و ناس الحي أصلاً كانوا منتظرننا في البيت، طبعاً البيت إتقلب بيت بكى و أنا لحد ما بعد صلاة العشاء ما لقيت طريقه اسلم بيها عليهو! آخر مره سألت عنو قالوا لي إنو في الحمام و بعد طلع ما قدرت أمشي ليهو وسط الناس، زعلت بس تاني قلت المهم إنو هو كويس و رجع لينا سالم ، لحد الساعه 11البيت لسه مليان والناس داخله و طالعه و أنا بالجد تعبت، مشيت دخلت غرفتي وصليت ركعتين شكر و أنا ما مصدقه إنو يونس حالياً معانا! مشتاااقه ليهو شوق شديد بس ما قادره أصل ليهو و هو ما سأل عني خالص!! طبعاً حتى صديق طلع من السجن لأنو كان متهم بإنو ساعد خاين و يونس طلع براءه واثبت إنو ما خاين فـ بالتالي صديق كمان ما خاين، حتى الدكاتره طلعوا بس أكيد ما حـ يرجعوا لـ شغلهم بسهوله بعد ما نقابة الأطباء سحبت منهم الرخصه، المهم بليل نهاية الساعه 12 كدا سمعت صوت باب الغرفه، طبعاً كنت صاحيه و ما جاييني نوم، افتكرت إنو دي حلا اتذكرتني وجايه تسألني أخدت الأدويه ولا لا، ولعت الإضاءه وأول ما مشيت فتحت الباب شفت يونس في وشي! قلبي عمل شححح و كان حـ يطير من الفرح!
دخل وقفل الباب و قال لي حتى حمدلله على السلامه ما عايزا تقوليها لي؟؟
قلت ليهو الجمله دي اتقالت ليك أكتر من ألف مره، قال لي ايوه بس انتِ ما قلتيها لي!... طبعاً طوااالي دموعي جات نازله، ضميتو و بقيت أبكي فيهو بحرقه وانا شغاله ليهو ما مصدقه أنك واقف قدامي، كنت خايفه شديد، خايفه إنو ما أشوفك تاني، طبعاً بقى يحاول يهدي فيني و يقول لي خلاص كفايه بكى أنا معاك ما تخافي....

🎭 رواياتي 📚 الوسام 2️⃣ 🎭

20 August 2024 07:49

انتِ أصلاً بقيتي ملكهم بعد ما دفعوا قروشك، للسبب دا وافقت على ود الخطاب طوالي لأنو هو الزول الوحيد البقدر يحميك منهم.... طبعاً بقيت أعاين ليهو بإستغراب و أنا جواي استفهام كبير، قال لي ود الخطاب زول خلوق و شهم رغم إني بكرهو و طبعاً الشهامه و الأخلاق العاليه ما حاجه جديده عليهو، ابوهو ذاااتو كان كدا.... طبعاً هنا فتحت ليهو خشمي!ضحك و قال لي ما تستغربي، أنا بعرف عمر الخطاب، ما تخافي ما كان صحبي أو زميلي بس بعرفو و أسرة الخطاب أسره عريقه و معروفه!....قلت ليهو طيب ليلى!كنت بتعرف هي بتعمل في شنو!؟قال لي ايوه! في نفس الوقت الكانت قاعده فيهو في الميتم كانت بطريقه غير مباشره بتقوم بمهمتها الهي أصلاً ما جايبه ليها خبر و قايله روحها مفتحه و بتصطاد لنفسها! قلت ليهو أنا وليلى كنا في نفس اللعبه! قال لي ايوه!...قلت ليهو معقوله ما ندمان؟؟معقوله ضميرك ما بأنبك؟؟ما بتحس بالذنب؟لمن تجي تنوم بتنوم مرتاح و انت عارف البحصل شنو مع البنات و الأولاد ديل ؟؟ طبعاً بتكلم معاهو و أنا ببكي، قال لي أبداً، صدقيني بنوم مرتاااح و ما ندمان خالص و انتِ أحمدي ربك انكِ بتشبهي بتي و إلا مصيرك كان حيكون نفس مصيرهم ☺️
مسحت دموعي وقلت ليهو طيب أديني الرقم لو سمحت لأنو الزمن ربع ساعه بس و حيكون قرب يخلص، طوالي قال لي الرقم وقال لي أحكي ليهو مشكلتك وهو حـ يساعدك، أنا طوااالي قمت من مكاني و كنت حـ أطلع بس وقفت و إتلفت وقلت ليهو ...اتذكرت! انت لمن كنت خاطفني مش قلت لي في زول عايز احميك منو و أول ما يدخل السجن انتِ حـ تطلعي من هنا؟؟منو الزول دا؟ قال لي حـ تستفيدي شنو من معرفة هو منو! المهم دا نفس الزول العرف انكِ بتشبهي بتي وعشان بيني وبينو عداوه قديمه كان حـ يتخلص منك زي ما اتخلص من بيان بتي!...قلت ليهو برضو قول لي! منو هو!؟ أخد نفس و قال لي لقبو الزعيم وحالياً في السجن بس ما معروف يمكن يهرب! فـ بس خلي راجلك العامل فيها بطل يخارجك من البلد دي، أنا ما بقدر أظهر كل مره و أحميك منهم!... طبعاً بقيت أعاين ليهو وأنا جواي كميه من الأحاسيس السمحه بس لمن اتذكر عمايلو و العملو في ناس الميتم قلبي بوجعني و للحظات بحس نفسي بكرهو! المهم كرر لي الرقم تاني و كلمة FSE5، قلت ليهو الكلمه دي شنو؟؟قال لي انتِ بس قوليها ليهو، أول ما طلعت وشلت شنطتي طوالي سجلت الرقم في التلفون و طبعاً يامن ما فاهم شي، أول ما طلعنا طوالي اتصلت في الرقم، ما رد علي إلا بعد مساااافه، أول ما قال آلو، قلت ليهو FSE5 قال لي حددي الوقت و المكان، قلت ليهو شنو؟؟قال لي مش انتِ عايزا تقابليني!؟حددي الوقت و المكان! طوالي حددت ليهو المكان وقلت ليهو حـ اتحرك هسي عليك الله ما تتأخر، بعد قفلت يامن قال لي في شنو فهميني؟؟ طوالي حكيت ليهو الحصل كلو، قال لي وانتِ طوالي وثقتي فيهو عشان كان بقول انك زي بتو! قلت ليهو يامن نحنا ما قدامنا خيارات تانيه ولا عندنا زمن، أي طريق أو حاجه ممكن تخلص يونس من حبل المشنقه نحنا حـ نعملها!
المهم مشينا للمكان الأنا حددتو للراجل، قاعدين قريب للربع ساعه وهو ما جا و أنا أشيل واتصل عليهو بس ما كان يرد و أنا خلااااص أعصابي تلفت! في آخر اتصال رد وقال لي أنا وصلت وين انتِ؟وصفت ليهو قاعده وين و بقينا منتظرنوا،فجأه كدا جانا صوت بقول :"FSE5" أول ما إتلفتنا لمحنا راجل واقف جنبنا عمرو تقريباً كم و أربعين، كان لابس نظاره شمسيه و طاقيه و عندو شنب ولحيه! من دون مقدمات قعد طوالي و قال لي بإيجاز المطلوب ؟؟قلت ليهو بابا حـ....قصدي سراج طه هو الأداني رقمك و...قاطعني وقال لي عارف أدخلي لي في الموضوع طوالي! قلت ليهو طيب الحاصل إنو.....الخ و نحنا هسي ما عارفين نطلعوا من الورطه دي كيف و سراج طه أداني رقمك عشان تساعدني، طبعاً طلع سيجاره وبقى يشرب فيها وما قال لي أي شي، فجأه جا الويتر وقال ليهو لو سمحت ممنوع السجاير هنا، الراجل وقف على حيلو وقال لي موضوعكم محلول، يامن قال ليهو كيف؟؟ما رد علينا واتحرك طوالي، يامن قال ليهو دقيقه فهمنا حاجه!الراجل لا رد لا إتلفت علينا و طلع طوالي، لمن مشينا وراهو وطلعنا برا المطعم ما لقيناهو! يعني كأنو طار أو انشقت الأرض و بلعتو! يامن قال لي دا شنو دا هسي ما فهمنا شي و FSE5 دي معناها شنو ياخ!! طبعاً طوالي اتصلت على الراجل بس أداني إنو التلفون مغلق!! لحد ما رجعنا البيت أنا و يامن بنحاول في الرقم بس مغلق!
طبعاً حكينا للمحامي الحصل، المهم بعدها بدت جلسات محاكمة لـ يونس و صديق، صديق دا من تاني جلسه حكموا عليهو بالسجن 7 سنوات مع الأعمال الشاقه و الدكاتره الإتعاونوا معاهو 3 سنوات و سحبوا منهم رخصة مزاولة المهنة ،طبعاً أنا خفت شديد على يونس، يعني إذا صديق عشان بس ساعدو زور التقارير اتحكم 7 سنوات يونس مصيرو حيكون شنو!! طبعاً كلنا اتجرسنا شديد، أسامه قال لينا ما تخافوا على صديق حتى لو اتحكم 7 سنوات، نحنا معاهو و حـ نعمل طعن و نستأنف الحكم من جديد، أهم شي حالياً يونس و موضوع صديق بيعتمد على موضوع

🎭 رواياتي 📚 الوسام 2️⃣ 🎭

20 August 2024 07:49

#بطل_الحكايه37
الآخيره
مها حولي الزاكي

بقيت أصرخ بصوت عااالي وأنا ما قادره أقوم و أمشي ألحق يونس وفجأه كدا بقيت اسمع صوت حلا وهي بتنادي علي، فجأه فتحت عيوني ولقيت حلا قاعده جنبي في السرير، قمت مخلوعه وأنا خاته يدي على قلبي وبتنفس بسرعه، قالت لي بسم الله شفتي كابوس ولا شنو؟...هزيت ليها راسي بس طبعاً دموعي في الحقيقه كانوا نازلين! حمدت الله إنو كان حلم ما حقيقه!
تاني يوم طوالي خليت يامن يتصل لي على أسامه صاحب يونس عشان يلاقينا، حددنا المكان ومشينا قابلناهو هناك و لحد اللحظه ديك يامن ما كان عارف أنا عايزا شنو من أسامه،المهم لمن أسامه جانا قلت ليهو حسب البعرفو إنو بابا حازم، قصدي سراج طه انقبض و حالياً في السجن صح؟؟قال لي ايوه لسه ما تمت محاكمتو،قلت ليهو أنا عايزا أشوفو،عليك الله ألقى لي طريقه أشوفو بيها، يامن قال لي دا منو دا؟؟أسامه قال ليهو دا الكان مسؤول عن دار إيمان الكل الناس سمعت بالكان بحصل فيها!قال ليهو ايوه سمعت بيها!قلت ليهو ما متأكده بس حاسه إنو حازم هو الوحيد البقدر يساعدنا، أسامه قال لي يساعدنا كيف و الأهم شنو البخليهو يساعدنا أساساً؟!
قلت ليهو أنا بعرفو بس ما متأكده يمكن يساعدنا!خلينا نجرب ما خسرانين شي!.... أسامه قال لي بتعرفيهو من وين؟قلت ليهو اكيد سمعت إنو صحبك عرس من ميتم،الدار الكان مسؤول عنها بابا حازم هي المكان الأنا جيت منو!.... طبعاً ما كانوا مقتنعين بفكرتي وشايفنها تضيع وقت بس أنا كنت مُصره شديد إنو أقابل بابا حازم وقعدت انق وأحنس في أسامه لحد ما في الآخر قال لي تمام حـ ألقى ليك طريقه.... طبعاً دا كان حلي الوحيد، بعد الكابوس الشفتو بقيت أحس الوقت ضيق وكل ساعه بتمر من دون ما نعمل شي بتخليني اتوتر!
المهم بعد يومين أسامه اتصل على يامن وكلمو إنو أخد لينا إذن بصعوبه، حـ نقدر نمشي ونقابل بابا حازم، طبعاً ما صدقت طوااالي لبست عبايتي وطلعت مع يامن، في الطريق هو قال لي أنا لسه ما فاهم، المجرم دا حـ يفيدنا بشنو؟ وشايفاها حاجه منطقيه كونو يساعد فرد من أفراد جهاز مكافحة الإرهاب؟؟
قلت ليهو ما عارفه يا يامن لكن خلينا نجرب ما خسرانين شي،المهم لمن وصلنا المعتقل أول شي قابلنا ضابط حقق معانا وسألنا كم سؤال كدا زي علاقتنا شنو بـ سراج طه و سبب الزياره و و و .... طبعاً كان مسموح يدخل نفر واااحد فقط وما يطول جوه، المهم أنا دخلت و يامن بقى منتظرني برا، بقيت قاعده و منتظره يجيبوا بابا حازم، شويه كدا الباب إنفتح و جا عسكري داخل وهو سايق معاهو بابا حازم، كانوا مقيدين ليهو يدينو، طبعاً اتفاجأ لمن شافني!!....جا علي بإستغراب ولمن وصلني قال لي بتعملي شنو هنا؟؟
قلت ليهو جايه اشوفك، عايزاك في موضوع ضروري، قعد وقال لي خير!؟
قلت ليهو بالمختصر يونس حالياً في المعتقل وقريباً حـ تبدا محاكمتو وهو متهم بإتهامات كبيره وخطيره عقوبتها ممكن تصل للشنق وهو ما عمل شي يستاهل الإعتقال أو الشنق، في ضباط من جهاز الإستخبارات هم الوقعوهو في الفخ دا والمشكله إنو ماف دليل يثبت إنو يونس برئ و إنو هم السبب في دا كلو لأنو سجلاتهم نضيفه!!....ما عارفه ليه أو كيف بس أنا حاسه إنو الوحيد الحـ تقدر تساعدنا، ضحك وقال لي اساعدكم بشنو ولييييه أساساً!؟
طبعاً سكت ساااي وما عرفت أقول ليهو شنو! قال لي أنا و المعاي في السجن بسبب يونس بتاعك وفوق دا عايزاني أساعدو! لو بقدر اساعد معناها نفسي أحق بالمساعده، قلت ليهو انت هنا في السجن ما بسبب يونس، انت هنا بسبب عمايلك يا ...سراج طه، قال لي اووو شكلو يونس عينك مساعده ليهو أو شغلك معاهو في جهاز مكافحة الإرهاب!.... أخدت نفس عميق وقبل ما اتكلم دموعي جات نازله، قلت ليهو انت مش كنت بتعتبرني زي بتك؟؟ مش كنت بتشوف بتك بيان فيني!؟.... طبعاً لمن قلت ليهو كدا اتخلع وقال لي شنو؟!! قلت ليهو عرفت إنو عندك بت اسمها بيان وكانت بتشبهني واتوفت من زمان! بقى يعاين لي بإستغراب ولأول مره في حياتي أشوف حزن في عيونو واشوف دمعه في طرف عينو....حول نظرو عني وقال لي بتقولي في شنو انتِ، أنا ما عندي بت بالإسم دا...طوالي واجهتو بالحقيقه وحكيت ليهو أنا عرفت كيف!
ما قال شي بس كان سارح بعيد! قلت ليهو فهمت ليه انت كنت بتعاملني معامله خاصه! ليه كنت بشوف الحب والحنيه والعطف في عيونك! انت كنت بتحس نفسك بتتعامل مع بتك بيان لأني بشبها صح؟ مع إنو الشبه ما شديد بس ملامحنا وقوامنا زي بعض!... طبعاً بقيت اتكلم معاهو كتير عشان استعطفو وأخليهو يحس بي ويعرف قدر شنو يونس بهمني وانو هو لازم يساعدنا!....فجأه اتكلم وقال : كانت بتي الوحيده والمفضله عندي، أكتر وحده قريبه من قلبي،كانت سبب سعادتي في الدنيا دي، كانت بريئه وطموحه، كانت بتقول لي انها لمن تكبر عايزا تبقى دكتوره، وفعلاً نجحت وجابت نسبه عاليه ودخلت كلية الطب الكانت بتحلم بيها، كانت شاطره شديد ودائماً بتجي أولى دفعتها،كانت زي الفراشه، خفيفه و رقيقه وكل الناس بتحبها، كنت بحس برضى وسعاده في كل مره أشوفها تضحك فيها وتجي

🎭 رواياتي 📚 الوسام 2️⃣ 🎭

03 September 2024 09:43

الحمدلله،الحمدلله يارب دي حاجة كويسة إنها بخير بغض النظر عن كل شيء،طيب وحنعمل شنو مثلاً ؟اتكلم معاها انا واختها في الصورة عشان تكون عارفة الوضع وكدة؟

لا م تتكلمي معاها م حتقول انا متأكد،في حل واحد ماف غيره الزولة الوحيدة الحتساعدنا فيه مسز اني...بس خليني ارجع بكره اول

طيب على الأقل قدرنا نطمئن ولو شوية عليها

ايوا الحمدلله

طيب انا حأقفل مع السلامة

لا م تقفلي خليك عايز اتكلم معاك شوية

لا انت اجهز الزمن ،انا عايزة انوم

طيب لما ارجع بتصل عليك عايز اتكلم معاك بجد ،ما تنومي مالم ارجع تمام؟

سكتت

إتفقنا؟م حتأخر

طيب

اتمني لي التوفيق،وشكلتنا وزعلننا من بعض في محله زي م قلت ليك م تلخبطي الكيمان

طيب بالتوفيق يارب

قفلت منه وانا بحسب في الثواني ثانيه ثانيه،قدر م حاولت اشغل نفسي م قدرت ،بقيت حاضنة التلفون وبغالب النعاس وانا مستنياه...
عدى الزمن ساعة ،ساعة ونص ساعتين وفي لحظة كدة اتصل لما م صدقت،حاولت اتقل شويتين م قدرت فتحت الخط..
رجعت؟
ايوا الحمدلله
حصل شنو؟ان شاء الله اتوفقت في الإجتماع معاهم؟

الإجتماع كان ممتاز جداً،اتفقنا بشكل مبدئي والعقد ياهو معي حأدرسه كويس وبكرة ان شاء الله حنمشي الشركة نوقع وان شاء الله ربنا يكتب لي الخير معاهم

الحمدلله،يارب دايماً متوفق كدة،رجعتو الفندق يعني ؟

رجعت الفندق *ميغان م نازلة معي في نفس الفندق نازلة مع واحدة صحبتها حنتلاقى بكرة في الشاركة وحنطلع المطار مع بعض

فجأة حسيت بملامحي إبتهجت وانا بقول ليه:اهااااااااااااا طيب كويس

اها انا رجعت ونحن شكلتنا في محلها فاضية نتناقش؟

عدلت قعدتي وانا بقول ليه:نتناقش في شنو؟مش المفروض خِلص الكلام م بينا ،بعد كلامك بتاع امبارح دة تاني م اعتقد في كلام ممكن يتقال انت قلت كل حاجة في نفسك

لا م خلص،وعمره الكلام م بينا ما بخلص يا شهد،انا عارف إنه نحن الإتنين مضغوطين ومتوترين والحاجة دي يمكن مخلية اسلوبنا مع بعض جاف و م جميل ومخليانا سلبيين انتِ م قادرة تفهميني ،بس الأكيد انا عمري م فكرت في يوم اسيبك ولا بقدر ولا بتهوني على نفسي، تفتكري اني ممكن اعمل كدة واخد قرار زي دة؟

انت قلت م انا لاحظ!!!،انت البتلمح بكدة،وانا والله لو انت اخدت قرار زي دة م حأعتب عليك لأني حأكون مطمئنة انك بعيد

بعد كل العشناه دة الشيء الوحيد البقيت بفكر فيه هو اسوأ الفروض واقل الخساير الممكن نطلع بيها من الموضوع دة ونحن مع بعض ركزي في جملة مع بعض دي كويس،البتصارع مع الخنزير بتوسخ بطينه يا شهد صح؟ونحن بنتصارع مع خنازير فعلياً وشي طبيعي إنه افكر بسوداوية واحس بضيق ويأس وإحباط احياناً
انا صح غلطت وانتِ كمان غلطتي في حقي لأنك شايفاني جبان وممكن اسيبك في نص الطريق كدة..

م تفكر اذاً،اذا التفكير بخلي نظرتك تبقى سوداوية كدة

نحن امبارح م كان ينفع نتناقش لأني حقيقي ما كنت تمام ،واليوم انتِ م كنتِ طايقة تشوفي وشي اصلاً بدليل انك طلعتي من البيت بدري،بس كمان م عايز نقاش عادي بينا يخلينا متخاصمين يومين او تلاتة يوم ورا بعض وزي م قلتِ انتِ الفترة دي صعبة علينا نحن الإتنين ف الأفضل نهونها على نفسنا بدل م نحمل على بعض...

انت صح فعلاً

طيب كدة ممكن نعتبر الموضوع بينا اتحل؟

لأ..

ليه؟

معلشني !!!

م فهمتك؟

معلشني،يعني قول لي معليش،انا اسف يا شهد،حقك علي ،كلمات من النوع دة

ضحك وهو بقول:ربنا على الظالم والمفتري

مالك بتضحك؟قصدك شنو؟مش انت الزعلتني؟وانا الكنت براضي فيك؟وسافرت وم كلمتني ومع منو مع ميغان كمان؟!

شهد ميغان مجرد زولة وسيطة جمعت بيني وبين الشركة لا اكتر ولا اقل ،عموماً حقك علي،انا فعلاً م كان قصدي ازعلك او اوضح ليك اني متضايق او اضغط عليك بس الحصل حصل وعلى فكرة انا جد كان نفسي تكوني معي،بالجد لو كانت الأمور م بينا طيبة م كنت حأخليك وراي ابداً

فعلاً الحصل حصل...سكتنا للحظات

اعترف ليك بحاجة؟والله يا شهد انا اكبر مخاوفي انتِ،اكبر مخاوفي خسارتك، بخاف عليك جد وبتضايقني جداً فكرة إنه م تكوني جزء من تفاصيل يومي او حياتي ككل

سكتت مسافة وانا حاسة بعبرة في صوتي،بعدها قلت ليه:وانا هسي اكبر مخاوفي إنه تواصلنا مع بعض في يوم ممكن يكون كدة ،مشيت صوابعي في الجزء المقاصد وشه من الشاشه،يعني نكون بعيدين عن بعض وم اقدر اتكلم معاك الا كدة،قدر م اتخيل انه ممكن تكون في مسافة بينا وم نكون قادرين على التواصل بحس بالفزع..

م حيحصل الكلام دة

ممكن اسأل سؤال؟
اسألي
سكتت وانا بحرك صوابعي
سامعك انا
لو الزمن رجع بيك ورا كم شهر كدة،وانت في عيادة الدكتور جيت ماري بواحدة قاعدة بتبكي كنت حتقدم ليها كباية قهوة وحتحاول تاخد وتدي معاها في الكلام؟

بإستغراب قال لي شنو مناسبة السؤال؟

ولا شيء،بس كدة

م كنت حأتردد او اتراجع من الخطوة دي ولا ثانيه، بس في حاجة صح كنت حأعملها إني م اوافق إنه العلاقة تتخت في القالب الختيناها فيه دة

قلبي قبضني في اللحظة دي...سألته :دة ندم؟

🎭 رواياتي 📚 الوسام 2️⃣ 🎭

03 September 2024 09:43

طلعت ومشيت غرفتي وقفلت الباب علي،بقيت مرة اضحك على نفسي ومرة ابكي...يعني هو شايفني كدة؟شايف علاقتي بيه قايمة على المصلحة؟شايفني إستغلالية؟هو شايف اني متى م انعدمت اسباب تمسكي بيه حأسيبه وامشي!!

لما الشمس شرقت لبست وطلعت ،اتصلت على السيدة انانيا اول م فتحت الخط قالت لي:
يبدو انني نسيت إخبارك انني لا اكون في مواج جيد عند الصباح الباكر ،هل رأيتني في احلامك ليلة البارحة؟

هل يمكننا ان نلتقي؟

انا ايضاً كنت افكر في ذلك،سأكون بإنتظارك في المكتب لتناول كوب قهوة

...................................................

Sudan/u.s

سياف& أ.ميرغني

امجد رأيو شنو ؟

لسة م اخد قرار بس انا رأي كان من رأيك إنه ينسى الموضوع دة ويبطل يفتش وراه

والله يا أستاذ انا كل الملفات الرسلها لي امجد وكل التفاصيل الشاركتني بيها انت وقبل م تفكر تخترق الإيميل دة انا كانت القضية دي بوقائعها وتصوراتها قدامي بس كنت متردد اشاركك او اشارك امجد بيها،مش لأنه القضية معقدة نحن لو جينا ناخدها بالأدلة والبراهين الموجودة القضية دي بس الأطراف المخلياها معقدة،وحتجر اكتر من شخص م بس الأطراف الظاهرة للعيان ،يعني بعد مرور اكتر من 10سنين عليها امجد الأفضل ليه إنه هو بس يكتفي بإنه يعرف الحقيقة ويقفلها...بس م بنقدر نحدد ليه هو مفروض يعمل شنو وم من حقنا،انا معاه في كل الأحوال اذا حابب يوقف او عايز يستمر للنهاية اكيد

هو عنده اخوه الأكبر تقريباً هو الضاغط عليه اكتر

يقعد مع اخوه ويخته في الصورة إذاً ،دة الصح

شهد أخته حاصل عليها شنو في قصتها مع طليقها ؟انقطع التواصل م بينا من فترة

والله يا استاذ ميرغني م عارف اقول ليك شنو،في امور كتيرة حاصلة،بس حالياً نحن في خطوة مهمة لازم نخطيها وعشان نخطيها لازم نكون مسنودين بجهة قوية في البلد دي،اتمنى لي التوفيق لو نجحت فيها واتوفقت ان شاء الله حاجات كتيرة حتنتهي بإذن آلله تعالى
................................................

Bookshop//

اذاً سيدة اني ما هي الخطة؟انظري انا حقاً احتاج معرفة كيف يمكنني الوصول للفتاة وحمايتها..

انتِ دائماً في عجلة من امرك شهد،هذه الأمور لا تحدث هكذا

ختيت يدي في عيوني للحظات..
انظري سيدة اني،انا لا اريد ان يتورط زوجي في هذا كله،وايضاً الفتاة،اريدهما ان يبقيا خارج الأمر ،وانا على استعداد لفعل اي شيء وهذا هو شرطي الوحيد،لذا ارجوك اخبريني ما الذي يحدث وم الفكرة من مساعدتك لي ،انا اعلم انك لديك فكرة عن مجريات الأمور، نحن وحيدين هنا،اين هي كاثرين وما الذي تريده؟!

اخبرتك سابقاً انها لا تعلم بطبيعة العلاقة بينها وبين زوجك السابق

انتِ ايضاً اخبرتني ان كاثرين شخص غير متوقع،ما الذي يجعلك متأكدة الى هذا الحد انها لا تعلم بطبيعة العلاقة بينها وبينه؟

سكتت

اريد ان اكون داخل تلك السفية سيدة اني،لا يهم كيف انا اعرف انك تستطيعين إيجاد طريقة ما..

نحن بصدد البحث عن السفينة التي تخص الرحلة لم نتحصل على اي معلومات عنها بعد،ولكن هل تعلمين حجم المخاطرة التي تتحدثين عنها؟

اجل،لذا اخبريني هل تستيطعين فعل هذا؟اعني ادخالي الى السفينة بطريقة او بأخرى؟

ربما هناك طريقة ولكن كنت اود ان يكون اللجؤ إليها خياراً صفرياً ،لأنها تبدو وكأنك ترمين بنفسك الى الجحيم وإحتمالية عودتك من هناك يعد امراً مستحيلاً،لذا اقول لك ان الأمر ليس سهلاً كما تعتقدين

اعلم هذا،لا مشكلة لدي

حسناً ،لنجد السفينة اولاً ومن ثم نتحدث في هذا الأمر في وقت لاحق

اريد ان يبقى الأمر سراً بيننا ارجوك

كما تشائين

وقبل م اطلع م مكتب السيدة اني جا مستر بابل..

سألته هل كل شيء يسير على ما يرام؟
اجل ،انهم يبلون بلاءً حسناً

جيد
بعدها قال لي:شهد بما انك هنا سنذهب سوياً لنادي الفنون القتالية،سأخذك في طريقي للبدء في اداء التمرينات التي تخص اللياقة والقتال هل انت على استعداد للأمر؟

اجل

دع الفنون القتالية جانباً، ليكن التركيز على إطلاق النار وحمل السلاح ،هذا م ستحتاجة إن دعت الضرورة القصوى لذلك..

بقيت اعاين ليهم بتوتر وتردد

سأتولى مسؤوليه تعليمها اطلاق النار بنفسي

حقاً؟اهنئك شهد انتِ الأكثر حظاً بالتأكيد لأن بابل سيتولى امر تعليمك بنفسه ،هذه تعتبر أمنيه لدي الكثيرين

شكراً لك على الإطراء اني،علينا الذهاب

اتمنى لكما يوم جيد

وانتِ ايضاً

اخدني النادي،اول م وصلنا قال لي:اشعر انك متوترة بعض الشيء،فقط إسترخي سيكون الأمر سهلاً..

هل سيأتي البقية الى هنا؟

اجل،اتفقنا ان نلتقي عند الساعة الواحدة ظهراً
هل نبدأ ؟
اجل
تفضلي ضعي هذه على راسك ،وهذه على عينيك ،سأشرح لك الخطوات..

عدت الساعات ما بين مرة يشرح لي اساسيات ومرة يشرح لي عملي..
لغاية م جاته مكالمة قال فيها :حسناً ،انا قادم..

لحظات وجو داخلين ليز ولويس واكيمي وساتشي،كنت بعاين ليهم ومنتظرة سياف يجي داخل وراهم بس م كان في اثر ليه

سلمت عليهم وانا بقول كيف يسير الأمر هناك ؟

🎭 رواياتي 📚 الوسام 2️⃣ 🎭

03 September 2024 09:43

#ليلة_في_ديسمبر71

طلعنا ورا الراجل الإسمه بابل دة وكل ناس بعربية وسط حالة من الجمود والصمت التام وبدون اي تعليقات جانبيه حتى بيني وبين سياف...لما وصلنا المكان المقصود كان معمل طبي ،قال لينا :يا رفاق نحن هنا لإجراء بعض الفحوصات العامة للتاكد من السلامة الجسدية للجميع،سيقوم اطباء المختبر بعمل اللازم لن يستغرق الأمر وقتاً طويلاً اتفقنا؟

لويس قال ليه:حسناً

جيد ،سأكون بالجوار
وهو ماري بجنبي قال لي ااااا شهد
اجل مستر بابل!
انا حقاً مهتم لمعرفة المزيد عنك وسماع قصتك في هذه البلدة لأن كل ما سمعته عنك مثير للإهتمام،ما مررت به لم يكن سهلاً انتِ امرأة قوية حقاً،اتمنى ان نجلس معاً ونتبادل الاحاديث...وايضاً ناديني ب بابل فقط اتفقنا؟

إبتسمت نصف إبتسامة وانا بقول بيه:شكراً لك...حسناً اتفقنا

اتعملت لينا كلنا فحوصات مختلفة بعدها طلعنا

ونحن متجمعين مع بعض لاحظت لسياف بتكلم مع بابل لفترة من الوقت وهم على بُعد مسافة قريبة مننا
بعد م وصلونا سيد بابل قال لينا:حسناً يا رفاق ساخذكم في رحلة قصيرة الى موقع خاص بالمغامرات الهوائية لأخذ خلفية عن التدريبات التي ستخضعون لها..

ونحن في الطريق كنت ملاحظة لسياف وهو متوتر ،بشكل عام لما يكون متضايق او متوتر بضرب اصابع يده في الدركسون بشكل متكرر...

قلت ليه الاء اتصلت عليك تاني؟

لا م اتصلت بس حتى لو إتصلت وسالتني حأقول ليها شنو؟

حسيته قفلني،سكتت للحظات بعدين قلت ليه :انا لو قدرت اصل لعمار..
عاين لي بطرف عينه نظرة حادة..

يعني عشان لين قصدي م عشان شي تاني،عشان نخلص بس ما هو لا بد من إنه تكون في طريقة

والنحن ماشين عليها حالياً دي طريقة يا شهد

طريقة لكن مجهولة يا سياف ،يعني النحن بنعمل فيه دة كنا بنشوفه في الافلام والمسلسلات و ..

قبل م اتم كلامي فتح قزاز العربية من ناحيته بطريقة بتوحي انه م عايز يتناقش

سكتت وسندت راسي على القزاز لأنه كان واضح إنه النقاش م حيجيب نتيجة

لما وصلنا مستر بابل عمل لينا اجراءات الدخول، كان الموقع عبارة ساحة خضراء واسعة وكان في مظلات او منطاط محلق في السماء ، وفي عدد من طيارات الهيلوكوبتر،وقفت للحظات وانا مندهشة من المنظر،ما بين الإعجاب والرهبة والخوف..

سيد بابل مشى على مجموعة واقفين مع بعض جنب طيارة هيليكوبتر،إتكلم معاهم فترة ونحن واقفين بنعاين ليهم،بعد ثواني جو علينا...
سيد بابل قال:سيد كريس اعرفك هذه هي المجموعة لويس،ليز،اكيمي ساتشي،وسياف،وهذه السيدة شهد ولكنها لن تكون جزءاً من تدريبات الإنزال المظلي نظراً لوضعها الصحي..
بقيت اعاين ليهو واعاين لسياف بإستغراب

مرحباً يا شباب كيف حالكم؟
اكيمي قال ليه بخير
قال لينا :في العادة تستغرق مدة تنفيذ التدريب النظري والعملي والمحاكاة في القفز المظلي على مستويين بإجمالي 6اسابيع بحيث يكون تدريب القفز المظلي الأساسي من اسبوعين والقفز المظلي المتقدم من 4 اسابيع ولكن تنفيذاً لتعليمات السيد بابل والسيدة اني نجد انفسنا امام مأزق كبير ومخاطرة اكبر،لذا كل م نريده منكم بعض التعاون والتركيز سنبذل قصارى جهدنا لتدريبكم بشكل جيد في وقت قصير ،هل انتم جاهزون ؟

بقو ساكتين وبعاينو لبعض

سيد بابل قال ليه بالطبع لذلك نحن هنا الان

حسناً اسمحو لي باخذكم في جولة قصيرة فيما يخص التدريب النظري..

وقفت بعيد وهم اتحركو وانا بعاين ليهم وسرحانة للحظات..
كان علي إخبارك بأنك لن تكوني جزء من تدريبات الإنزال الجوي، اعتذر عن هذا ولكن ربما يكون حضور التدريبات في هذا المكان والنظر الى السماء الصافية جيداً بعض الشيء..كان سيد بابل واقف على يميني

قلت ليه لم افهم ماذا يوجد بالتقرير الطبي الخاص بى ادى الى منعي في المشاركة معهم؟!

اخبرني السيد سياف بوضعك الصحي وعدم قدرتك على تحمل اي نوع من التوتر والضغط،واكدت الفحوصات ما قاله،وضعك الصحي ليس سيء للغاية ولكن القولون العصبي يعامل معاملة امراض القلب تماماً هنا، ولكن بالتأكيد ستكونين جزءً من تدريبات فنون القتال واللياقة البدنية

يمكن كانت حاجة عادية بس عيوني طلعت قلوب وفراشات لما عرفت إنه سياف حكى ليه بوضعي الصحي، وطول الطريق ونحن راجعين وانا حاسة بالإحساس دة،لما وصلنا البيت كان بضغط في راسه بيده كأنه متألم
انت كويس؟
ايوا كويس حادخل الحمام

دخل الحمام مشيت وقفت جنب الحمام واتلصقت فيه طلع لقاني واقفة بإستغراب قال لي مالك؟

ماف شيء،حسيتك م كويس بس

انا كويس،اليوم كان مُجهد شوية بس،طلع تلفونه وقال لي حأتصل على الاء..
مشيت وراه لغاية م دخل الغرفة اتلفت عاين لي بإستغراب تاني وهو ساكت..
يا الاء مساء الخير،بشريني في جديد،يعني م اتصلت خالص ولا رسلت وكدة؟
طيب ،تمام ،أديني خبر بس لو في اي جديد
لا م حأكلم يوسف إن شاء الله
تمام
قفل الخط ورمى التلفون في السرير ومشى على الدولاب،م كنت محتاجة اسأل لأنه واضح إنه م كان في جديد..
قعدت في السرير بعاين ليه وهو بغير ملابسه بعدين قال لي انا حأطلع عايزة حاجة؟

🎭 رواياتي 📚 الوسام 2️⃣ 🎭

26 August 2024 22:02

ما هو اهم ليس ما يجري على متن السفينة فحسب ف هو للتمويه ، ولكن هناك نشاطات اخر تجري داخل تلك الجزيرة وهو سبب اهتمامنا بالأمر...

لا سيما ان للأمر علاقة بكاثرين وقائم تحت إدارتها هذا م وجدناه بعد التحقيق في الأمر بشكل مُفصل عن الشركة المنظمة للرحلة رغم اختفاؤها عن الوسط والأنظار وعدم امكاننا التوصل اليها بأي شكل كان الا انها ستكون حريصة على التواجد هناك بطريقة او بأخرى لأنها جزء من الصفقات التي تُدار داخل ذلك الحفل،يُقام الحفل بشكل دوري مرتين في العام في منتصف العام واخره،ونحن الان بمنتصف العام ،بخصوص هذا الأمر نحن نجهل امور عدة ولكن لدينا بعض الثوابت التي لا تتغير بالرحلة..

1-يتم حجز تذاكر الرحلة قبل عام منها ،اي من منتصف العام الماضي
2-لا يتم الإعلان عن الحفل وبيع التذاكر كما هو معتاد لدينا في القنوات الرسمية للجهه المنظمة او القنوات الرسمية ،وبعد التدقيق في الأمر وجدنا انه يتم الإعلان عنها في المواقع المظلمة اعني الدارك ويب والديب ويب وهذا يؤكد لنا ان نشاط الحفل ليس قانونيا

3-الصعود على متن السفينة بطريقة غير رسمية ك فرد من افراد الحفل يبدو مستحيلاً والإنضمام لطاقم العمل بالسفينة يمكن وصفه انه من سابع المستحيلات نسبة للإجراءات الأمنية المشددة من قبل الجهه المنظمة ،الإبحار بجانب السفينة ممنوع،تمتلك الجهه المنظمة الجزيرة والمناطق المحيط بها وتمنع منعاً باتاً التواجد حولها

تمتلك الولايات المتحدة اكثر من 300 ميناء تديرها الولايات والمقاطعات والبلديات والشركات الخاصة،وعلى هذه الموانيء عشرات السُفن التجارية والخاصة ،نحن نجهل السفينة المقصودة وإسمها ،والميناء الذي ستُبحر منه السفينة،والمحيط التي ستُبحر اليه ،ونجهل الجزيرة التي سترسى عليها السفينة،لأنه سنوياً تقوم الجهه المنظمة بتغير اسم السفينة وشكلها،وتغير الجزيرة بأخرى،وتغير الجهه التي ستُبحر اليها...الأمر اشبه بالبحث عن ابره وسط كومة من القش

لويس قال ليها اذاً نحن لا نمتلك اي معلومات عن الرحلة حتى الان؟

ساتشي قالت ليه حتى وإن امتلكنا المعلومات يبدو مستحيلاً بعض الشيء التواجد داخل السفينة وسط كل هذا الكم من التشديد الأمني لا اظن اننا...

إن تطلب الأمر الإختيار بين الأمرين نحن لن نحرص على التواجد جميعاً داخل السفينة بقدر حرصنا على وصولنا للجزيرة

ان كان تواجدنا داخل السفينة امراً مستحيلاً كيف سنصل الى الجزيرة؟

تأتي مهمتي هنا ،سنعمل على اسقاطكم جواً بواسطة المروحيات ليس بداخل الجزيرة تماماً ولكن على بُعد مسافة بعض الكيلومترات منها ومن ثم التسلل اليها،تقتضي مهمتي الان على تدريبكم على النزول الحُر الى ان يحين موعد العملية ،نحن نجهل تفاصيل كل شيء الان لذا سنقوم بتجهيزكم فحسب
"دة كان رد من السيد بابل"

هل تقصد اننا سُنحلق وحدنا في السماء بالمظلات؟هذا مستحيل،ماذا ان سقطنا فوق الأشجار؟او على صخور صلبة

لديكم 72ساعة للتدريب،عليكم التواجد في موقع التدريب خلال نصف ساعة من الان، سيهتم السيد بابل بكل شيء، وانا والسيدة جينيفر سننفرد بالجلوس هنا لمناقشة بعض الأمور..

ولكن سيدة انانيا نحن..


اخبرتك ما أستطعت معرفته من الطفلة شهد،بالفعل لم تغادر كاثرين الولايات المتحدة حتى الان ولا اثر لوجودها في الأماكن المتوقع تواجدها بها،انها لا تقيم في احد المنازل التي تمتلها،وليست نزيلة في احد الفنادق العامة او الخاصة،ولأنني اعلم كيف تفكر كاثرين اظن انها الان تحتجز الطاقم بأكمله على متن السفينة المجهولة لدينا،اؤكد لك انها بداخلها بالفعل حتى لا يتوقع احد مكان تواجدها لأنه دائماً م يتم محاولة اغتيالها قبل موعد هذه الرحلة لذا هي تتواجد الان حيث لا يتوقع احد تواجدها بها،، اوضحت لك سابقاً ان معرفة عقلية عدوك تجعلك سابقة له بخطوة، كان عليَّ مساعدتك في اخراج الفتاة من بين انياب كاثرين وإعادتها لذويها وها انا افعل الان ولكن ليس لإنقاذ الفتاة وحدها،لإنقاذ الكثيرين...

وبقيت اعاين ليها..

إذاً هل انتم جاهزون للذهاب لموقع التدريب؟سأضع في الإعتبار ان لكلٍ منكم عمله ووقته الخاص

لويس قال ليها إلتزام الجميع بالصمت يعني موافقتهم جميعاً

حسناً، وايضاً ليضع الجميع في الإعتبار ان التدريب لن يكون مقصوراً على التدريب على السقوط الحر فحسب،ستتخلله بعض تمارين اللياقة والفنون القتالية لا لشيء لحماية انفسكم فحسب، عادتاً ما يحتاج الأشخاص عدة اشهر للتعلم ولكننا الان نرتجل كل شيء لن يتوقف الامر على هذا التدريب فحسب،لذا عليكم الإنتباه والتركيز جيداً سيمتلك كل واحداً منكم سلاحه الخاص خلال 72ساعة من الان،اتمنى لكم وقتاً جيداً رغم انني لن اضمنه لكم رفقة بابل ،انتهى وقتنا الان اراكم لاحقاً..

الشبكة مشيولة مننا ليها 48ساعة ،حنثبت الإتنين يا شباب لأنه الأحد عوارضه كتيرة،كنسل الأحد 🙂

🎭 رواياتي 📚 الوسام 2️⃣ 🎭

26 August 2024 22:02

بعد 15دقيقة اتجمعنا مع بعض وانا بقيت ماسكة ليز وبهدي فيها،جانا صوت السيدة انانيا من ورانا وهي بتقول :ربما الوقت ليس مناسباً بعض الشيء ولكن علينا كبت هذا الحزن لوقت اخر،والعمل على الإيقاع ب أخي تايسون وكاثرين ان كانا مذنبين حقاً في قتل السيد روكفلر وادريان وأجرما في حقهما،اظن انه حان الوقت لوجودهم في مكان اقل اتساعاً من الأرض..

اتلفتنا عليها وبقينا نعاين لبعض

شهد/سياف انا لدي م اقدمه لكم ولكن ليس قبل ان نجد الفتاة خاصتكم..

لويس قال عن اي فتاة تتحدثون ؟ما الذي يجري؟

سيروي لكم صديقيكم القصة لاحقاً ما احتاجه الان هو جاهزيتكم لما هو قادم ،انا سأتولى مهمة حمايتكم،وتوجيههكم وتوفير اللازم لكم،بالطبع سيتساءل كل واحد منكم لماذا سترغب هذه العجوز الشمطاء في المخاطرة بما تبقى من عمرها و مساعدتنا في الإيقاع باخيها وصديقتها الحميمة صحيح؟

لويس قال ليها:اجل

لدي اسبابي الخاصة لست مهتمة بإخباركم وإقناعكم بها،انا اخذ الان مكان عزيزي ادريان لا وقت لدي للحزن عليه من يريد ان يفعل ما كان يفعله ادريان فالياتي على يميني ومن لا يريد فاليذهب من حيث ذهب الجميع..

كنا ملتزمين الصمت ومتبادلين النظرات..

ليز بدون تردد مشت وقفت على يمينها وهي بتقول :لقد افقدو معلمي ذاكرته،اقل ما سأقدمه له هو منحه شرف ان محاولاته في اثبات حقيقة ما يحدث داخل المصحات العقلية لم يكن كذبة واوهاماً كما اتهمة البعض سابقاً

لويس اتقدم خطوتين جنبها وهو بقول لم يكن السيد روكفلر صديق والدي فحسب بل كان معلمي ايضاً،عمل سنين عدة لإثبات حقيقة ان هناك إستخدامات اخرى لدور الإيواء التي تخص المسنين والاطفال فاقدي السند وان هناك جمعات لها مكاسب عدة منها ،وان بعضاً من عالم الجريمة يُدار من داخل هذه الاماكن سواء بإستخدام الدور او بإستخدام من بداخلها ،كلفني بالقيام بعدة مهام سيسرني ان اكون جزءً من الوصول لهدفه

حصلت لحظة صمت لمدة م اتعدت الدقيقة اتقدم اكيمي ووراه ساتشي وهي بتقول حسناً اظن ان السبب الوحيد لإنضمامنا لكم هو ان ادريان والدنا البيولوجي..

بقيت بعاين لسياف لفترة،اتقدمنا ونحن ساكتين،السيدة انانيا قالت لينا لا داعي لذكر سبب انضمامكما لهم

اذاً جميعكم الان تحت إمرتي،وستتحركون وفقاً لتعليماتي،لن اضمن لكم ان رحلتكم معي ستكون ممتعة ولكن اعدكم بالوصول للغاية،سندع ما مررتم به سابقاً وما فعلتموه وما توصلتم له جانباً لأنكم فعلتم ذلك دون خبرة ،دون قيادة ،دون توجيه..
ولكن قبل البدء دعوني اذكركم بأنكم وافقتم على مرافقتي وفقاً لإرادتكم الشخصية اذا احس شخصاً ما بالتراجع فاليفعل الان ،وايضاً دعوني اُخبركم بأنني لدي حساسية من الغدر والخيانة بكافة اساليبهما لذا ابغض كثيراً المتلاعبين ذوي الوجوه المتعددة ، حتى لا يجرؤ احدكم على فعل هذا الأمر مستقبلاً..

لزيس قال ليها حسناً هل نذهب الان؟

بالفعل انتم ذاهبون،ولكن ليس لمنازلكم،لمكان اخر

اين؟
اووون نسيت إخباركم بأنني اكره طرح الأسئلة،سألتقي بكم عندي مكتبتي في الحي الصيني،
شهد ،ليز لا داعي لإخباركم اين اظنكما تعرفان طريقكما جيداً داخل المكتبة!!!
.....................................
.....................................
Sudan.....

كان في مشروع طلاق قايم بينهم،كانو ماشين في الإجراءات ولكن بشكل سري وانتو كنتو بعيدين منه لغاية م يتم،كانت اولويات الاتفاق انه اختك تسافر معاها ...بس هي كانت عايزة الحاجة دي تتم بشكل قانوني ورسمي وتضمن طلعتها من البلد اول حتى وكانت بتعمل في اجراءات سفرها في نفس الوقت..

امجد،امجد،امجد،اصحى يا امجد..

نعم،منو؟

قوم عندك زيارة

زيارة...انا....من منو؟

مالك يا سعادة انت مخلوع ومتعرق كدة بتحلم الصباح ولا شنو؟احلام الصباح دي كلها شواطين ساي،اي عندك زيارة قول بسم الله

طيب ،دقايق اجهز بس واجي..

اي غسل وشك دة وتعال

وانا م مستوعب واقعية اللحظة طلعت ولقيت الزائر شادي بخمول قعدت قصاده و قبل م افتح خشمي معاه لقيتو بقول لي..

امجد انا جايك اليوم وانا واعي م شارب ولا قطرة شراب من اسبوع وبأكد ليك انه امي الساعة12كانت عايشة ما ميتة زي م بقول تقرير الوفاة بتاعها

وانا بعاين ليهو قال لي:اي نعم ممكن تشوفني لافي في حلقة مغلقة والموضوع عدى عليه 17سنة لكن انا مستحيل انسى تفاصيل يوم وفاتها ،يمكن لو لقيت تفسير منطقي واحد بس مقنع اقدر اتجاوز شكوكي في قدراتي العقلية واقدر اتجاوز اليوم دة نفسه،خليني احكي ليك الموضوع للمرة المليون بتفاصيل ادق انت عارف اني م بقدر احكي لغيرك وم بقدر اللجأ لغيرك انا اليوم ماشي على الأربعين سنة وم قادر اتجاوز اليوم دة واكون اسرة مستقرة واعيش حياتي بشكل طبيعي انت فاهمني؟انا بحكي ليك حتى لو انت م فاهمني حأحكي

🎭 رواياتي 📚 الوسام 2️⃣ 🎭

26 August 2024 22:02

شلت تلفوني اتصلت على ليز اول م فتحت الخط قلت ليها ليز انا اسفة ربما الوقت ليس مناسب بعض الشيء ولكن هل يمكنك ارسال عنوان السيدة انانيا ؟؟

ماذا حدث؟

سأخبرك لاحقاً

طلعنا من البيت ،سياف طول الطريق ساكت،وانا حاسة
إنه اي كلمة مني م كانت حتكون في محلها،ما كان مفروض اتكلم،مفروض افكر كيف ممكن الموضوع دة يتحل مقابل اي شي ممكن يكلفني ليه،وصلنا العنوان وانا اتقدمت ضربت الجرس..

الباب فتح اتوقعت اللقاها موظفة الا انه كانت هي نفسها ف وقفت بتعاين لينا وهي ساكتة ونحن كمان كمان..

بعدين قلت ليها:سيدة انانيا ،اظن ان علينا التحدث..

اتحركت من الباب على جنب بحركة بتوحي بإنه ندخل..

دخلنا ولاقتنا المساعدة بتاعتها وهي واقفة على جنب

،قالت ليها :لست بالمنزل مفهوم؟

حسناً سيدتي

من هنا،أشرت لينا على مدرج طلعناه لغاية م وقفت جنب غرفة كدة ودخلت وقالت لينا تفضلا..

دخلنا وقفلت الباب علينا

كان مكتب..

قعدنا وهي بتعاين لينا وساكتة ونحن ساكتين وبنعاين لبعض،بعدها قالت لي هل انتما هنا لتبادل النظرات؟

سياف قال ليها انظري سيدة انانيا كل ما في الأمر هو انه لا دخل لإبنة صديقي بهذا كله..

وانت ايضاً لا دخل لك بهذا،وعاينت لي وهي بتقول:وهي ايضاً،الكثير من الأشخاص ،الكثير من الأطفال،والكثير من الفتيات المراهقات والكثير من الضحايا لا دخل لهم بهذا كله..

قلت ليها:عليك مساعدتنا سيدة انانيا،لا اعلم كيف ولكن نحن بحاجة للمساعدة للوصول للفتاة وحمايتها انها تبلغ من العمر فقط 17 عاماً ،لا استطيع تخيل انها بين انياب كاثرين،نحتاج معرفة اين هي كاثرين الان

اخبرتك انني لا اعرف اين هي الان

بإنفعال قلت ليها :من يعرف اذاً؟ولماذا اتيت الى باب منزلنا لإخبارنا بالأمر ان كنت لا تعرفين ولا ترغبين في مساعدتنا

بقت تعاين لي وهي ساكتة،وسياف مخلوع،بعدين قال ليها: إنها متوترة قليلاً لا اكثر

لا عليك سيد سياف،اعلم انها انفعالية ومتهورة بعض الشيء ،اخبرني عزيزي ادريان بهذا

عاينت ليها بإستفهام؟!

لنتحدث بما هو أهم، كاثرين كانت صديقتي الحميمة ولكن ليس بعد الان بالطبع،انا اعرفها جيداً،اعرف كيف هي تفاصيل شخصيتها وطريقة تفكيرها ،اعرف الجانب الخفي من شخصيتها المؤذية واعلم ان هناك عالم خفي تنتمي له، ولأنني اعرف كل هذا اؤكد لك انها لا تحب هذا الرجل،اعنى زوجك السابق، هي فقط تحاول ارضاء غرورها به لأنه الرجل الوحيد الذي قام بإستغلالها،الرجل الوحيد الذي قام بتركها عِدة مرات وبعدة طرق،الرجل الوحيد الذي قام بخيانتها مع كثير من العشيقات ومقارنتها بالأخريات وتعنيفها في بعض الأحيان ولم يكتفي بذلك بل قام برفضها من بين جميع الرجال الذين قامت بمواعدتهم لأنها كانت جميلة للغاية ومرغوبة من الجميع،الجميع فُتن بجمالها من اصحاب النفوذ والمال والسلطة حتى انها كانت على علاقة ب احد أُمراء مملكة بريطانيا وكانا على وشك اعلان علاقتهما وعرض عليها الزواج الا انها قامت برفضه وتركه رغم محاولته إرضاءها بعدة طرق
وبعد ان فعل كل هذا بها قرر بناء حياة اخرى بعيداً عنها بزواجه منك...
فقط تخيلي ان امرأة تمتلك الجمال ،والمال،والحياة المثالية في المجتمع والنفوذ قرر رجل ما فعل كل هذا بها...
لذا انا اقول انها لا تحب ذلك الرجل،هي فقط تُحاربه لأنه كسر شوكة انوثتها بهذه الأفعال، اظن انها تحاربه ولكن بطريقتها ولكنني ايضاً اظن انه ليس السبب الوحيد لتمسكها بهذا الرجل فحسب،هناك سبب خفي لا يعلمه احد سوى كاثرين نفسها..

انا لا اكترث لكل هذا سيدة انانيا ،ما يهمني الان فقط الفتاة لا اكثر..

لأنك لا تكترثين انتِ دائماً تركضين في الإتجاه الخاطىء وتتخبطين هنا وهناك دون الوصول الى اي نتائج او حلول مُرضية لما تركضين خلفه رغم امتلاكك كم هائل من الشفرات والحلول المختلفة..

ماذا تعنين؟

اعني ان عليك ان تكترثي عزيزتي،للفوز في اي معركة ما عليك معرفة كيف يفكر الطرف الأخر ومن هو عدوك الخفي لا المعلوم

بنفاذ صبر قلت ليها ايضاً لا اظن ان معرفة هذا كله سيساعدنا سيدة انانيا

كاثرين شخصية غير متوقعة،انا اعلم انها كانت على مُتن طائرتها الخاصة وانها ستحلق في سماء احد البلدان ولكن ربما كان إعلان هذا الامر للتموية فحسب لا اكثر

هل هذا يعني انها لم تغادر الولايات المتحدة؟

تتولى كاثرين الكثير من الأعمال الظاهرة للعلن والخفية،لن تستطيع الغياب خارج الولايات المتحدة لأكثر من 24ساعة ،بالطبع لن تؤجل عملها ثانية واحدة من اجل ذلك الرجل،ووجود طاقم طبي خاص يؤكد انها لا تكترث لأمر الرجل وانها ستدع امر رعايته للطاقم

حسب ما اخبرتنا به ان الفتاة ضمن الطاقم الطبي المرافق لهم، لا نعلم كيف استطاعت فعل هذا ولم نستطع التواصل معها لأن هاتفها مغلق ووالديها لا فكرة لديهم اين هي بالفعل

هذا يرجع للإجراء الأمني المشدد من قِبل كاثرين،بالطبع ستقوم بمصادرة جميع هواتف الموظفين ومنعهم من التواصل مع اياً كان الى حين مغادرتهم المكان الذي يتواجدون به

🎭 رواياتي 📚 الوسام 2️⃣ 🎭

25 August 2024 13:51

طيب عشان الطاشين بقو كتااااار و البوستات كترت

موجز الشخصيااااااااات:

عمار:راجل شهد الإكتشفت بعد تلاته سنين زواج انه م طبيب بس بل هو شغال في الإتجار بالبشر بمساعدة اخوه عثمان وقاتل متسلسل..

عثمان:اخو عمار وجار اهلها لشهد ورتبة في الجيش

"امجد،شهاب،شادي"اخوان شهد

رفيدة:بت خالتها لشهد

سندس:بت خال شهد امها اتوفت صغيرة وشهد ربتها

طارق:ود خالتها لشهد ولو ما هو م كانت في النِقة دي كلها

ميرغني:الصحفي البساعد امجد اخو شهد

جوليا:هي البت اللحقت شهد في غرفة الفندق بعد م شهد اتراجعت عن قرار السفر لما كان عمار عايز يرجعها السودان بعد م طلعها من مركز اعادة التأهيل وحكت ليها قصة حزينة كدة عن حقيقة عمار واستدرجتها لغاية م دخلتها في الدار والدوامة دي كلها

مستر جو:هو المسن الشهد كانت مرافقة ليه في الدار ومسؤولة منه وفي النهاية طلع صحفي استقصائي وعنده قضية معينه مخلياه متواجد داخل الدار

السيد والسيدة تشارلي:المدرين الرئيسين للدار كانو قبل م يتخارجو ويلبسو شهد الليله"

هتن:صحبة شهد في مركز اعادة التأهيل الكان حابسها فيه عمار ومؤخراً اكتشفت انها كانت طالبة طب نفسي وكانت عندها بحث و بتدرس حالة شهد

تايسون:عضو سابق في الكونغرس وصاحب مستر جو وادريان

ادريان:صاحب مستر جو وهو بحاول يعرف اسباب وفاة موت صحبه انجغم هو كمان
اكيمي وساتشي:اولاد ادريان
ليز:بت مربيها ادريان
لويس:ولد صاحب مستر جو العنده مكب سيارات ومستر جو كان بستخدم القبو حقهم الأرضي في دراسة معلوماته البتوصل ليها

كاثرين:هي زوجة عمار الأولى واستاذة جامعية كانت موجودة في الدار على انها مُسنة تدعي المرض في الدار وفي الحقيقة هي كانت بتدير الجريمة المنظمة جواه

سيدة جينيفر :هي المحققة الإستنجدت بيها شهد ومرة تساعدها ومرة تختفي وتنقطع منها

ميغان:الصحفية بتحاول تساعد شهد وشهد بتغير منها لشيء في نفسها

يوسف،وائل،حسام":اصحاب سياف في واشنطن

لين:بت يوسف صاحب سياف وكان سياف هو البصرف عليها هي وامها

الاء:زوجة يوسف السابقة وام لين

اختصرت ليكم التفاصيل المرتبطة بالأسماء الممكن تكون محورية الخربشة عشان بس تعرفو موقعهم شنو من الإعراب

+

جماعة انا عااااااااارفة انه في ناس عرست وحملت وولدت وعيالها تمو السنة واكتر وفطموهم زاته وبقو يفكرو يجيبو التاني والشغلة دي لسة جاااااارة لكن كل الظروف المُحيطة والإنقطاعات المتكررة هي سبب إنه م نخلص وياهو مرة نحاول ومرة نوقف..

الناس الشايفنها طولت شديت اخدو الصدمة انا بديتها نهاية شهر 12/2022/ كنت بكتب وقت الفراغ لأني ملتزمة بشغل اي نعم ما شغالة في وكالة ناسا عشان اكون م فاضية وم عندي زمن بس برضو الدنيا كانت داقاني الدق الصااااح،جا شهر 4 الحرب قامت ،وكانت بتتكب كل اسبوعين مرة وكل شهر مرة ما كان في إلتزام بسبب الظروف المحيطة بالواحد وبعدها انقطعت 5شهور تقريباً والقروب دة في ال5شهور دي كان شبه مؤرشف تماماً
يا داب الفترة دي رجعت بديت اكتب بعد ما طلعت من الخرطوم، وياهو مرة Try ومرة cry وماشين بالدفرة حقيقي ف شنو ما كل م تلقيني في وشك تشبكيني انتِ لسة بتكتبي انا فعلت وانا سويت ورجعت وانتِ لسة م خلصتيها ونينينيني ،اي م خلصت عزيزتي شنو المشكلة م فاهمة ؟اعتقد فترة الحرب دي اغلب الناس جمدت نشاطاتها الجانبية الماخداها ك هواية بس م اكتر لأنه اغلب الناس مضغوطة نفسياً وحياتهم ماشة للهاوية وللمجهول وفاقدة الشغف ببساطة كدة حتى انه النقطة دي م محتاجة توضيح 😬🙅‍♀️❤

🍁شهد عبد الله

🎭 رواياتي 📚 الوسام 2️⃣ 🎭

22 August 2024 21:20

الان لمحاولة فعل ما يجب عليكم فعله لحمايتها وضمان سلامتها حتى لا تواجه الفتاة مصير السيد روكفلر وعزيزي ادريان...

🎭 رواياتي 📚 الوسام 2️⃣ 🎭

22 August 2024 21:20

اخبرني من الأمر؟
طلب اي حضورنا الى مراب السيارات بعد نصف ساعة

لماذا؟هل كل شيء بخير؟
لا فكرة لدي،لما يشرح الكثير فقد اخبرني بإخباركم بهذا الأمر...اظن ان الأمر يتعلق بالمعلم ادريان هل ستأتيان؟

لأرى شهد اولاً ان كانت ترغب في هذا سنأتي ،هي اليوم ليست بخير بعض الشيء

حسناً،اخبرني بقراركما

اتحركت من مكاني وطلعت،كانت قاعدة في الكنبة وبتشاهد في التلفزيون..
شهد..
ها..نعم
اتصل لويس ،قال انه ابوه عايزنا نمشي مكب العربات بتاعهم دة عايزنا في حاجة خلال نص ساعة

ليه في شنو ؟

بيقول انه الموضوع بخص الراجل الإسمو ادريان دة

الحمدلله اتلقى؟

ما عندي فكرة

كالعادة م بتقدر تتخلى عن اهتمامها بالموضوع دة وبدون سابق تفكير قامت شالت تلفونها واتصلت على ليز واتكلمت معاها وبعد دقايق كانت بتعاين لي،حتى لو م قالت لمعة عيونها بتقول انها عايزة تمشي..

اجهزي خلينا نطلع من غير م تفكري..

ليز قالت والد لويس قال م حيقول شي مالم نتجمع كلنا..
طيب اجهزي
وهي بتعاين لي لسة
يلا يا شهد النص ساعة عدت
جهزت واتحركنا بالفعل،وصلنا ولقينا ليز ولويس ووالد لويس وكان الإنتظار موتر الكل ف سلمنا وقعدنا..
لويس قال لأبوه اذاً هل نبدأ الان؟
ليس قبل ان يأتي اكيمي
ليز قالت ليه تأكل لحمي بالإنتظار لا احب الإنتظار لا أُحبه،اخبرني عمي هل كل شيء بخير؟هل معلمي على ما يرام؟
سأحضر بعضاً من القهوة هل يرغب احدكم بمشاركتي؟
ليز بغيظ غمضت عيونها وقامت من مكانها..
بعد لحظات اكيمي جا داخل،ليز قالت ليه انتم الصينيون لا ادب توقيت لديكم..
اكيمي قال ليها: نحن لا ننشغل بالتوقيت لأننا ننشغل بتصنيع ادوات الزمن ليقرأ بها الأمريكان..

لويس قال ليهم كُفا عن الجدال رجاءً،ابي هيا اخبرنا ما علينا معرفته..
اولاً قبل كل شيء هناك م عليكم معرفته وهو انني لا علم لدي بأي شيء،لقد وصلني ظرف يحتوي على رسالة وجهاز صغير من طرف صديقي ادريان،طلب مني عدم مشاهدته الا برفقتكم جميعاً وانا فعلت ما املاه علي صديقي...فحسب

قعدنا كلنا قصاد الشاشة ،لويس شغلها وبدأ الفيديو..
"مرحباً يا اولاد كيف حالكم ارجو ان يكون الجميع بخير
إلى الان انا بأفضل حال لست متأكداً بعد ساعة من الان ما سأكون عليه،هذا الفيديو لأخبركم به انني ليس لدي اي افكاراً إنتحارية ولكن قد يأتيني الموت بشكل لطيف كما يوزعونه على الجميع من حولي ،انا جيد واكون في افضل حالاتي من وقت لأخر
سكت دقايق وهو ضاغط على راسه مسافة وهو بقول:ااااااا،احاول تذكر امراً ما وددت إخباركم به،ااا،وكان بضغط على راسه لسة وبقول لا استطيع التذكر،لماذا لا استطيع تذكر ذلك الأمر هل نجحو في الأمر..
ليز بقت تقول معلمي وتبكي ،معلمي ارجوك لا..
اجل تذكرت،انا لا املك افكاراً إنتحارية وايضاً.."بقى يردد في جملة انا لا املك افكاراً إنتحارية..
فجأة الفيديو قطع
لماذا توقف الفيديو؟
هيا اعد تشغيله..
لويس رجع شغله مرة وإتنين وتلاتة
بعدها اكيمي قال ماذا يعني هذا؟لم افهم شيئاً ،ماذا يعني ابي بهذا الفيديو؟

ليز قالت ليه اراد معلمي ادريان إيصال رسالة معينة لنا
ولكن ما هي،هل يريد القول ان هناك من يحاول قتله؟
اجل،يرغب في اخبارنا بهذا ،يردون قتله ،علينا الذهاب للمصح الان...انا ذاهبة..
توقفي سنرافقك لويس وانت؟
بالطبع سأذهب معكم
طلعو وانا وسياف بنعاين لبعض لسة..
قال لي يلا تعالي نمشي معاهم
وصلنا المستشفى،ليز اول م نزلت من العربية قالت للأمن لدينا مريض بالداخل نرغب في رؤيته الان لا يمكنكم منعنا هذه المرة لأننا سنلجأ للقانون لمعرفة وضع مريضنا،إستدعي لي المشرف او اي مسؤول لأننا لن نذهب

ما إسم المريض وما هي صلة قرابتك به؟
اكيمي اتدخل وقال ليه انه والدي ،اسمه ادريان..
بتاع الأمن دخل وطلب مننا ننتظر برة لدقايق،جا راجع ومرافقاه واحدة...قالت لينا
مرحباً انا المشرفة هنا اخبروني كيف يمكنني مساعدتكم
لويس رد مرحباً
اليوم ممنوع الزيارة لأسباب تتعلق بالمصح ولكن اخبرني الأمن بانكم ترغبون في رؤية مريض بإسم ادريان ،ارجو إعطائي الإسم كاملاً؟
ادريان بوارو..هل يمكنني رؤيته والإطمئنان عليه ارجوك؟
في لحظة ملامح وشها اتغيرت..
ما الأمر ؟ هل هناك خطبُُ ما؟
لقد انتحر مساء امس ،وُجد مُعلقاً نفسه بالمروحة بعد نجاته اكثر من مرة من محاولة إنتحار بطرق مختلفة، والجثة الان بالشرحة

مسكت في سياف وانا شبه مهبطة

ليز قالت ليها: انت تكذبين ،ليس صحيحاً،معلمي لن يموت بهذه الطريقة،لن يشنق نفسه ،لقد قتلتموه،

لويس قبل م ليز تنهار اكتر قال ليها علينا الذهاب الان ليز، اكيمي تسمعني؟هيا تعال لنذهب الان

الى اي مشرحة تم نقل الجثة ايتها المشرفة؟
الى...
اتحركنا وراهم ولويس كان سايق بسرعة متخطي اشارات المرور كلها لغاية م وصلنا..

اتفاجأنا في المشرحة بإننا اخر من يعلم بأمر الوفاة،في المشرحة كان موجود تايسون وولدده وجوليا واخته السيدة انانيا وزوجته..

اول م وصلنا وشفناهم ليز مشت وقفت قدامه عايزة تتكلم لويس مسكها وقال ليها :ليس الان ليز ،ارجوك

🎭 رواياتي 📚 الوسام 2️⃣ 🎭

22 August 2024 21:20

فعله بختلف من لما يلقاك بتقولي ليه اعلى مافي خيلك اركبه يا زول صح؟

صح

الفهمتو إنه هو متقوي عليك لأنه ضامن انك لأسباب كتيرة م حتقدري تلجأي للقانون او تثبتي عليه شي من الحتدعيه لأنه دارس خطواته تمام ومسبقاً قدر يخليك تبقى مدمنة ودخلك مركز اعادة تأهيل ونسب عليك حاجات م حاصلة وغيرها من الحاجات الاتسبب ليك فيها

يا شهد هنا القانون لا يحمي المغفلين ،وامريكا رغم انها بلد الجريمة الأولى الا انها بلد القانون بالذات لما الموضوع يخص المرأة وتعنيفها ،هو متأكد انه انتِ م عندك شيء تقدميه للمحكمة يقدر يدينه ودة الشيء المخليك الى الان م قادرة تواجهيه قانونياً صح؟

حركت راسي بإيجاب..

بس دي فكرة زرعتيها في راسك وانتِ اقنعتي بيها نفسك،كتار بدخلو المحاكم م عندهم ادلة بس ثقة في القانون ودعمه ليهم،نحن لو فتشنا حنلقى الف دليل ممكن يدينه امام القضاء ويثبت انك كنتِ ضحية عنف جسدي ادت الى اضرار نفسية وتشوهات بالجسم على اثرها اتغير شكلك من الى... دة غي انه تسبب في انه يخليك مدمنة بس الحاجة دي محتاجة منك إرادة وثقة في نفسك وتجنب لمخاوفك

بقيت اعاين ليه بقلق وانا ساكتة..

انا عارف وفاهم البتفكري فيه شنو،الزول دة هو منو وبعمل شنو وقادر يعمل فينا شنو دي كلها حاجات انا م فايتة علي الا انه دخوله المحكمة امام القضاة ومواجهتك ليه دي تعتبر حصانة بالنسبة لينا وبداية النهاية بتاعته الحتجره لبقية القضايا،يمكن تكوني انتِ السبب في ظهور الالاف الضحايا،قبل كدة انا فاتحتك في الموضوع دة متذكرة..

بس برضو نحن م في يدنا دليل ندينه بيه يا سياف والخطوة دي ممكن يكون اثرها عككسي علينا ويستغلها هو ويرفع علينا قضية تشهير

لو م قدرت اثبت عليه التهمة اوعدك انه اتحمل نتيجة اي رد فعل منه امام القضاء ،البخاف البلل ما بصيد السمك يا شهد خلينا نتجنب الخوف دة اول شيء..

لما شافني ساكتة وم رديت على كلامه قال لي فكري واخدي وقتك في التفكير انا م مستعجلك على فكرة ولا طارح ليك الموضوع دة عشان اضغط عليك

انا في الحقيقة كنت بفكر في عواقب الخطوة دي الا انه من اكتر من ناحية كلام سياف كان منطقي،عمار مستقوي علي وعامل كل العامله لأنه عارف اني م بقدر ادينه قانونياً وم بقدر اثبت عليه شيء،ممكن كلام سياف دة والخطوة دي تكون رد على رسالته الملانة تهديد بصورة واضحة؟
هو عنده قناعة اني م بقدر اسوي شي،ومهما عملت بكون حايصة في حلقة واحدة م بقدر اطلع منها

سياف غير الموضوع وفي فيلم قعدنا حضرناه مع بعض
،وتاني حضرنا فيلم،على بال م نص الليل يجي شاهدنا فيلمين وقررنا نشاهد مسلسل مع بعض وبعد اكتر من رأي مني ومنه قررنا نشاهد Emily in Paris ..

تاني يوم الصباح اول م جينا نجهز الفطور مع بعض ،وانا بقطع في بصل قلت ليه انا قررت خلاص

نعم؟
موافقة
كنت بتكلم وانا بقطع...حأرفع عليه دعوى عنف جسدي واضرار نفسية وتشوهات وكمان تسبب في الإدمان،ما حأخلي شيء الا وادينو بيه

ممتاز يا شهد ،دة اصح قرار ممكن تاخديه ،خلينا نخلص الفطور ونقعد نتناقش تمام؟

طيب
بعد خلصنا هو كان مفروض يطلع الشغل كنسل الطلعة،قال لي حنعمل حاجة واحدة،عايزك تحكي لي تفاصيل حياتك معاه قبل اكتشافك لحقيقته

بقيت اعاين ليه..

الحاجة دي بقدر ما هي صعبة عليك صعبة علي انا لأنه رغم اني حتعامل مع الموضوع كإنه بين موكل وموكلته الا إنه في الحقيقة انتِ زوجتي والتفاصيل دي م هينة علي اسمعها
جاب جهاز تسجيل صغير وختاه جنبي وقال لي احكي والتسجيل دة عشان اسمعه اكتر من مرة واقدر اطلع منه الثغرات الممكن تكون غايبة علينا وم اركز فيها من اول مرة

.................................................

Mental hospital:"مستشفى الأمراض العقلية"

☎️Dr. Neil & 👹

مرحباً،يسرني إخبارك ان الأمر إنتهى به منتحراً،لم يكلفنا جهداً بالغاً كما كنا نتوقع

عظيم،رأيت البث المباشر لانتحاره في الغرفة الحمراء،انا فخور بك لقيامك بهذا العمل داخل المصح،لقد حققت مالم يستطيع احد تحقيقه،اظن ان شبكتنا تتوسع بشكل افضل بإنضمامك لها الان،لا تنسى يقع على عاتقك إستقطاب مدراء اخرين مثل نيويورك ،واشنطن،شيكاغوو،والولايات والمدن الأخرى ،استقطاب اكثر يعني سبائك ذهب اكثر،نحتاج الى ربط جميع الأطراف مع بعضها البعض لتشكيل شبكة لأكبر قدر من جيوشنا ذات الجهات والهوايات الوظائف المختلفة داخل وخارج الدولة ،وتوفير الإمكانيات والعناصر اللازمة لتدريبهم ،نحن نسميهم جيوش لا قَتلة لأنه في الأساس الدولة والأحزاب ومكوناتها المختلفة هي الداعم الأول لنا بعد كنيسة الخنزير، وبالمقابل نقوم بالكثير من العمليات لصالحهم تفهم ذلك صحيح؟

🎭 رواياتي 📚 الوسام 2️⃣ 🎭

20 August 2024 07:49

قال لي تمام، صراحه كانت وحده زميله في الجامعه، فتره كدا حبينا بعض وكنا مقررين اننا لقدام نتزوج بس ما اتوفقنا وحصلت بيناتنا مشاكل وخلافات كتيره فـ انفصلنا وكل واحد مشى على طريق و هي سافرت، قلت ليهو وللآن بتكتب عنها! قال لي صدقيني من بقيت أحس إنو انتِ اهم شخص في حياتي ما كتبت ولا حرف عنها!.…قلت ليهو أصدقك كييييف!قال لي يعني حـ نرجع تااااني لسبب المشكله!!
ضحكت و قلت ليهو بهظظر والله!....انت عارف هسي وانا بتذكر في التفاصيل دي كلها اتذكرت حاجه مهمه شديد! قال لي شنو؟! قلت ليهو متذكر في قصة الجواسيس وما ادراك ما الجواسيس انت مش كان قلت انو هم عايزين منك حاجه معينه عشان كدا ما بقدروا يكتلوك عشان ماف زول غيرك عارف الحاجه دي؟؟و بالمناسبه الجاسوسه طلعت منو؟؟
قال لي بتحبي الأسئله زي عيونك!قلت ليهو ما حأكون مرتاحه لو ما عرفت الإجابات، قال لي أهم شي راااحتك، ماف أي جاسوسه اخترعوا الكذبه دي عشان يحهجهوني بيها و يخلوني اشك في كل الناس الحوليني و يمكن جد كانوا عايزين يرسلوا جاسوسه بس بما إني كشفت المحاوله الأولى فـ مستحيل يعملوا نفس الخطه مرتين ورا بعض، أما الحاجه الهي بتخصهم و كانت عندي فهي ولد الزعيم و هو كان واحد من التلات أنفار ديلك و على فكره هو أخطر من أبوهو و عندو سجلاااات بتاعت جرائم! قلت ليهو إذا كدا يتساهل الموت، الحمدلله خلصت الناس منو! قال لي مفتكره إني ممكن اأذي أو اكتل مواطن عادي؟؟ قلت ليهو أبداً والله أنا واثقه فيك، باس يديني و قال لي وثقتك دي هي الطلعتني من الكنت فيهو فـ بالجد شكراً ليك و لوقفتك معاي العمري ما حـ أنساها ليك ♡
المهم بعدها مرت الأيام و حياتنا زي السمنه على العسل ويونس رغم إنو رجعوها لشغلو بس أخد إجازه طويله كـ فترة نقاهه، بعدها كان عرس يامن وندى بت عمو، طبعاً حتى منار وليلى جو رغم إنو لا أنا ولا يونس مدنهم وش، يامن بحكم معرفتو بمنار و إنو عندو رقمها عزمها فـ ليلى جات معاها ومصطفى كمان، إنبسطت لمن شفتو، طبعاً ليلى ما طولت رجعت طوالي، منار قالت لي قبل شويه يونس أحرجها و شاكلها، رغم إنو دي ما أول مره يشاكلها فيها ويحرجها بس هي لصقه طبعاً مشت و هي بتبكي!!
طبعاً لمن قالت لي كدااا اتغظت و اتحرقت بس عجبني ليها و طبعاً ما فتحت الموضوع دا مع يونس و قررت إنو تاني ما أجيب ليهو سيرة أي بت.... المهم عرس يامن وندى تم على خير و طوالي سافروا ... طبعاً هيثم و المعاهو يونس طلعهم من السجن و شغلهم معاهو عشان يمشوا في الطريق العديل، و رسيل الحمدلله عايشه مع أسره كويسه برا السودان ، يونس خلاني اتواصل معاهم و اتكلم معاها و اتطمن عليها ، أما ليلى سافرت، ما عارفنها مشت وين بس فجأه كدا اختفت، و منار بدت تشتغل و تساعد نفسها ومصطفى جبتو يقعد معاي في البيت، طبعاً الأطفال الكانوا في دار إيمان نقلوهم لمكان تاني حتى الأطفال الكانوا مع ليلى في البيت يونس وداهم هناك و الدار داك كان تحت إشراف جهات أمنيه و دار إيمان اتقفل للأبد، و طبعاً الأسره الكانوا ليلى و المعاها منتحلين شخصياتهم لقوا عضامهم مدفونه جنب البحر وطبعاً بعد تحاليل جنائيه قدروا انهم يتعرفوا عليهم، أما أهل بابا حازم ديلك ما رجعت ليهم تاني و حاجاتي الفي بيتهم يونس رجعهم لي، و بعد شهووور معدوده بقى عندنا قمر في البيت و زهره في حديقتنا، بقى عندنا بنوته زي ما اتمنى يونس و سماها الإسم الهو بحبو شديد "أريج " أريج يونس عمر الخطاب♡
و بعدها بفترهـ يونس رجع تاني لـ شغلو و طبعاً حلا و أطفالها الإتنين سافروا مع ياسر و قالوا تاني حـ يجوا معاهو بس لمن ياخد إجازه، و طبعاً يامن و ندى لمن جوا راجعين سكنوا معانا في نفس المكان وبكدا قلنا بقينا قريبين من بعض و الأحلى إنو عمة يونس بقت تحبني و تعاملني كأني بتها♡

The End

آسفه على التأخير و شكراً على صبركم و تفهمكم♡♡

🎭 رواياتي 📚 الوسام 2️⃣ 🎭

20 August 2024 07:49

يمكن ساعه كامله و نحنا لسه بنتكلم و انا كل دقيقتين ابكي، قال لي خلاص كفايه و مسح لي دموعي و قال لي نومي بعد دا، ساقني و رقدني على السرير و غطاني و قال لي تصبحي على خير، قلت ليهو ماشي وين؟؟ما حـ تنوم هنا؟؟ قال لي الرجال نايمين في الديوان حـ أمشي أنوم معاهم، قال كدا و طوالي مشى طفى اللمبه و طلع و قفل الباب!!
تاني يوم طوااالي جابوا تورين و عملوا ليهو كرامه و لحد اليوم الرابع البيت مليان، وفي اليوم الخامس جوا ضباط استخبارت حمدلو لـ يونس السلامه و قالوا ليهو كنا واثقين فيك بس ما قدرنا نعمل حاجه و بعدها مشوا، في سري قلت ليهم مستهبلين سااااي، طبعاً صور و فيديوهات يونس وهو طالع من المعتقل انتشرت شديد و كل الناس بقت تحكي عنو، المهم في اليوم السادس يونس جا وقال لي أنا حـ أرجع البيت بعد دا و انتِ اختاري المكان العايزا تقعدي فيهو!!... طبعاً استغربت فيهو! أنا قايله اننا خلاص خلينا كل مشاكلنا و خلافاتنا على جنب و طوينا كل الصفحات المضت! طبعاً بقيت أعاين ليهو بس! جا قعد جنبي وقال لي أنا ما عايز اغصبك على أي شي، ولا عايز أخنقك و احسسك إني سجينه عندي، عشان كدا اختاري أي بيت أو أي مكان عايزا تقعدي فيهو و أنا بقوم بالواجب، و ما تخافي ما حـ أقصر من بتنا أو ولدنا الجاينا ان شاء الله و البينا حـ تكون عامره للأبد، ما رديت عليهو، طوالي طلعت برا و أنا غضبانه شديد، فجأه لقيت عمتو في وشي، قالت لي خير مالك؟؟ فجأه كدا دموعي جات نازله و بقيت أشيل وامسح في دموعي وهي شغاله لي بسم الله يا بت مالك!حلا ذاتا جات و بقت شغاله لي في شنو يا مها مالك و أنا أشيل و أبكي!!فجأه يونس جا طالع فـ عمتو طوااالي قالت ليهو تعال هنا انت البت دي شاكلتها ولا شنو؟؟ قال ليها أبداً والله! قالت ليهو هوووي ما أكذب علي، قال ليها والله يا عمتي ما شاكلتها بس أديتها خيارات فـ تختار البريحها، طبعاً كلامو بكاني زياده، عمتو قالت ليهو بلا خيارات بلا جزرات انتوا قليلين أدب ولا شنو! البت بعد بكاها دا كلو و مرمطتها والضاقتو و العاشتو في الفتره الفاتت بسبب خوفها وقلقها عليك جاي تخيرها كمان! قال ليها يا عمتي هسي انتِ عرفتي أنا خيرتها قلت ليها شنو!! قالت ليهو من دموعها دي واضح القلتو ليها! قال ليها ما قلت ليها شي غلط، أنا ما عايز أغصبها و أجبرها علي! قالت ليهو هي قالت ليك انها مجبوره عليك؟؟قال ليها لا لكن....قاطعتو و قالت ليهو ماف حاجه اسمها لكن، طوالي تسوق مرتك و تمشوا بيتكم وانتِ تاني ما اسمع انك هربتي أو طلعتي و خليتي بيتك، جناكم الجاي دا الحـ يربي ليكم منو و يتحمل ليكم مسؤوليتو إذا انتوا من هسي عايزين تتهربوا! قال ليها ما هربوا يا عمتي لكن.... حلا قاطعتو وقالت ليهو دقيقه يا يونس عشان نقطع الشك باليقين، مسكتني وقالت لي عايزا ترجعي معاهو البيت ولا لا؟؟ طبعاً لحد اللحظه ديك كنت ببكي، كررت لي السؤال تاني و قالت لي ماف زول حـ يغصبك على حاجه، انتِ عايزا ترجعي معاهو؟؟ردي عشان ننتهي من الموضوع دا! هزيت ليها راسي بس بمعنى ايوه، عمتو قالت ليهو يلاااا شوف ليك حجه تانيه، في نفس اليوم دا عمتو لملمت لي حاجات و جات قعدت توصيني و تقول لي تاني ما تطلعي تخلي بيتك و إنو أي بيت بكون فيهو مشاكل و و و ...الخ طبعاً نهاي ما خطر على بالي إنو هي ممكن يجي يوم و تدافع عني و تنصحني وتصلح بيني و بين يونس! في نهاية كلامها قالت لي شوفتي بعد بكاك عليهو داك وبعد العملتيهو دا كلو عشانو ما تخليهو تاني و حافظي على بيتك... طبعاً كلهم عرفوا إنو بسببي الفيديوهات والصور ديك وصلت للمحامي، طبعاً يونس ذاتو عرف و من تاني يوم جا و سألني عن باقي التفاصيل، المهم شلت شنطتي و طلعت مع يونس بعد ما ودعنا ناس حلا، عمتو ذاتا طلعت معانا وقالت لينا وصلوني معاكم بيتي، طبعاً بيتها ما بعيد شديد من بيت ناس حلا، في الطريق كانت بتوصي في يونس علي لحد ما وصلناها بيتها، نزلت وقالت لي تاني لو هربتي وخليتي بيتك طواااالي بجي و بسوق ولدي دا، طبعاً يونس ضحك وقال ليها ما أظنها تهرب تاني، بعدها اتحركنا وطول الطريق كنا ساكتين لحد ما وصلنا البيت، طبعاً كلنا ساكنين في الرياض ، المهم لمن فتحنا الباب و دخلنا جوه حسيت براحه و آمان ما عاديه! أخيراً انتهى الكابوس، آخيراً حـ نرجع لحياتنا الشبه طبيعيه، طبعاً البيت كان مغبر، يونس طوالي بدا ينضف فيهو، لمن جيت عشان أساعدو قال لي لا لا انتِ ارتاحي! قلت ليهو ما حـ تقدر تنضفو براك، قال لي منو القال ليك ما بقدر؟!...مشى نضف غرفتنا أول شي بعدها طلع مشى البقاله و جا و هو معاهو كذا حاجه كدا، عمل لي اكله خفيفه و عصير و دخلني غرفتنا وقال لي أخلص نضافه و أجي ألقاك خلصتي الصحن دا تمام؟؟قلت ليهو وانت؟قال لي ما جعان، لمن وصل الباب قال لي ما تجي طالعه عشان الغبار و طوالي قفل الباب!!

🎭 رواياتي 📚 الوسام 2️⃣ 🎭

20 August 2024 07:49

يونس لو اتحل دا داك تلقائياً حـ يتحل!!....المهم بقينا كلنا من البيت للمحكمه و من المحكمه للبيت و الراجل داك لحد جلسة النطق بالحكم تلفونو كان مغلق! أنا خلاص فقدت الأمل و حالتي بقت صعبه شديد و ماف زول قادر يواسيني أصلاً كلهم فاقدين الأمل و حالتهم حاله، منار و ليلى كانوا متابعين معانا ومنار دي جاتني أكتر من مره، حسيتها عايزا ترجع علاقتنا زي ما كانت بس الوقت داك أنا ما كنت مركزه مع زول أو مع شي غير يونس، الفتره ديك بالذات حسيت كل هموم الدنيا دي اتشاكلت و اتختت على قلبي! يوم جاتني إيلاف ، طبعاً جاتني في بيت حلا لأني قاعده هناك، جات وقالت لي عارفه نفسي جيت متأخره و ما عارفه كلامي دا حـ يفيد ولا لا بس يونس بالجد مظلوم، وفعلاً كان ماسك قضايا براهو، و شفت الحاجه دي بعيوني،لمن عاينت ليها، قالت لي يزيد اخوي من زمان بحب ألعاب النت زي بوبجي و غيرها بس في الفتره الآخيره بقى مدمنها إدمان و الحاجه النحنا ما لاحظنا ليها إنو بقى في تغير في سلوكياتو، بقى في حالة غضب على طول و بشاكل طوب الأرض و أنا لو لقاني واقفه جنب باب الشارع ساي بقع فيني شكل وضرب! ويوم كنا في بيت ناس الاء و طلعنا منهم براك شفتيهو اتعامل معاي كيف، المهم في الآخر عرفنا إنو هو بتعاطى مخدرات، اتعرف على واحد عن طريق لعبه و كان مصاحبو فتره لحد ما خلاهو يتعاطى، ولو ما يونس يمكن ما كنا حـ نقدر نلحقوا في الوقت المناسب، يزيد حالياً في مركز تأهيل وبحاولوا يخلصوهو من كمية الممنوعات الدخلت جسمو....قلت ليها وأنا متفاجأه من متين الكلام دا؟ قالت لي قبل فتره ما طويله، على فكره قبل ما ترحلوا يزيد بدا يدمن الألعاب دي،و أمي لمن شافتو عاطل وماسك التلفون24ساعه طلبت من يونس يشغلو معاهو في مركزو التجاري وفعلاً يونس شغلو بس يزيد ما كان جادي وما بمشي يشتغل، بعد رحلتو مره من المرات حصلت شكله كبيره في البيت بسبب يزيد لدرجة إنو الجيران جونا داخلين، يونس ذاتو جانا داخل و كان معاهو الناس الحالياً مأجرين بيتكم، بعد اليوم داك يونس مره لمن جا بيتكم ولاقى أمي علق على سلوكيات يزيد، و سأل أمي كم سؤال كدا زي يزيد مصاحب منو و إذا بتونس معانا في البيت ولا 24ساعه ماسك تلفونو، أظن يونس شك فيهو من يومها و بقى مراقبو، لمن ناس أمي سافروا و نحنا مشينا امدرمان وقعدنا مع عمي يوم جانا يوم و اتكلم مع عمي ولمن يزيد جا برضو ساقو و اتكلم معاهو ومنها عرفنا إنو يزيد بتعاطى رغم إنو نكر و اتشاكل مع يونس، نحنا لحد اللحظات ديك ما كنا عارفين إنو يونس تابع لجهاز مكافحة الإرهاب أو غيرو، هو قال لينا عندي صحبي شغال في المباحث و قبل كم يوم مسكوا تجار مخدرات و من تلفوناتهم عرفوا كل أسامي الناس الإشترت منهم عشان تتعاطى أو تروج و مسكوهم، قال لينا عشان دا ولد جيران قلت لصحبي خليهو علي أنا بتكلم معاهو و ما حـ يكررها تاني ... طبعاً كلامها فاجأني زياده! يعني لمن أنا مشيت اجرت البيت الفي امدرمان داك يونس جا لحد بيت ناس عم إيلاف بس ما جا شافني، المهم إيلاف في نهاية كلامها قالت لي ما عارفه إذا شهادتي دي حـ تفيد يونس ولا لا بس جيت أريح ضميري وأقول العندي، طبعاً كلامها دا ما حـ يفيد يونس بشي بس هي حست إنو لازم تقولو و قالتو، المهم يوم الجلسه النهائيه، يلي هي جلسة النطق بالحكم كمية من الناس و الصحافه اتجمهرت قدام المحكمه! طبعاً شوفتهم زرعت الرعب جواي لأنو دي كل تفاصيل الكابوس الشفتو! نفس السيناريو بتحقق، طبعاً لحد اللحظات ديك نحنا يونس ما شفناهو بعيونا، الإتنين بس الشافوهو أكتر من مره هم يامن و ياسر، كل مره واحد منهم بمشي مع المحامي، المهم جينا داخلين المحكمه و ورانا جماهير بتهتف و بتطالب بحرية يونس ومعظمهم ناس بعرفوهو معرفه شخصيه، أول ما دخلنا قاعة المحكمه أنا حيلي مات و حسيت نفسي مهبطه و فجأه دموعي بدت تنزل لمن شفت يونس من بعيد ورا القضبان، مع إنو كل جلسة محاكمه بشوفو في الحاله دي بس المره دي إحساسي كان غير، جنبي كانت قاعده عمة يونس فجأه ختت يدها على يدي و أنا من دون مقدمات لقيت نفسي حاضناها وببكي فيها، سبحان الله هي دائماً كانت بتبكي وكل جلسات المحاكمه هي قضتها بكى إلا اليوم داك دمعه واحده منها ما نزلت، أظنها كانت يائسه لدرجة انها ما قادره تبكي، بقيت ماسكه فيها و أنا أبكي و فجأه حلا و بنات عمة يونس بقوا يبكوا معاي و الباقين بحاولوا انهم يتماسكوا بس دموعهم مرات كتيره كانت بتغلبهم، أول ما بدت المحاكمه و المحاميين بدوا بسرد الحقائق و الأدله الضد يونس أنا كنت ماسكه شديد في عمتو وهي بس ماسكه في لا إله إلا أنت سبحانك إني كنت من الظالمين، و برضو لا حول ولا قوة إلا بالله....

🎭 رواياتي 📚 الوسام 2️⃣ 🎭

20 August 2024 07:49

تحكي لي يومها الجامعي كان كيف، كانت منتظره متين يجي اليوم الحـ تتخرج فيهو و أنا كمان كنت منتظر اليوم الحـ أشوفها فيهو خريجه ودكتوره كبيره بس ما حصل!...في لحظات بس اتبخرت كل سعادتي، و في دقايق محدوده إختفت بتي القطعه من قلبي وفارقت الدنيا! اليدين الشالوها وهي صغيره ومسكوها وهي راجعه من المدرسه أو الروضه نفسهم اليدين الدفنوها! اليوم الإتوفت فيهو الدنيا ضلمت في وشي، كنت ماشي وانا ما واعي، الناس بتعزي فيني وأنا مستنكر وفاتها! يعني قبل شويه كانت بتقول لي انها طالعه مشوار مع صحباتها عايزا توريهم العربيه الجديده الإشتريتها ليها وقبل ما تصل ليهم عملت حادث و اتوفت في ساعتها!...بس الحصل ما كان حادث، أنا الوحيد العارف الحاجه دي، أعدائي انتقموا مني في بتي! لو كان كتلوني أنا أهون علي من انهم يمسوا شعره منها! كان هدفهم يحطموني و يحرقوا قلبي وفعلاً نجحوا في الحاجه دي، عرفوا نقطة ضعفي و جوهرتي الكنت داسيها من الناس ودمروها!....سبحان الله يعني فجأه كدا ملامح وشو اتغيرت و بقى يحكي لي عن بتو! و أنا خايفه زمن الزياره يخلص وما استفيد شي ،في الآخر قال لي وجه الشبه بينك وبينها هي تصرفاتك وطريقة كلامك و شويه من ملامحك، لمن اتوفت كانت في عمرك الحالي دا، كنت موظف بسيط و عضو في منظمة ايمان و عرض علي أكتر من مره إني ابيع ضميري واشتغل شغل ما تمام بخصوص دار إيمان بس كنت برفض فـ بقوا يهددوني بـ بتي لحد ما نفذوا تهديدهم! لو بس وافقت على الشغل دا من زمان بيان كانت حتكون موجوده و محققه كل أحلامها!...قلت ليهو وهسي في بيان تانيه حـ تفقد حياتها، بابا حازم زي ما انت كنت شايف فيني بتك، أنا كمان كنت شايفه فيك الأب العمري ما شفتو ولا عرفتو، انت برغم العملتو و برغم السوء الفيك إلا انك لسه ما سقطت من نظري... طبعاً قلت ليهو كدا عشان أخليهو يحن علي، واصلت كلامي وقلت ليهو من بين كل الناس أنا لجأت ليك انت زي ما بعمل كل مره، انت الإنسان الوحيد الدائماً كنت تستقبلني بصدر رحب و تحل لي مشاكلي و....قاطعني وقال لي بطلي استهبال و ماف داعي للدراما و الإستعطاف دا كلو ☺️🙃
طبعاً اتفاجأت فيهو وما قدرت أقول حاجه، قال لي بتحاولي تأثري علي عشان راجلك؟!!....قلت ليهو للصراحه ايوه، ما قدامي خيار تاني، يونس موقفو ضعيف ومحاكمتو قربت، الله يخليك يا بابا حازم ساعدو، انت بتقدر أنا متأكده من الحاجه دي، لو ما عشاني طيب عشان تخفف من ذنوبك وتعمل ليك حاااجه واااحده بس صاح في الحياة دي و.... قاطعني وقال لي FSE5 قلت ليهو نعم؟؟....قال لي لمن تتصلي عليهو قولي ليهو كدا،قلت ليهو منو هو؟؟قال لي الراجل الحـ يساعدكم!... طبعاً لمن قال لي كدا حسيت نفسي حـ اطير من الفرح،قلت ليهو بحماس منو هو و ألقاهو وين؟؟....قال لي معاك تلفون؟؟قلت ليهو ايوه بس في الشنطه و ما خلوني أدخل بيها، قال لي بتقدري تحفظي رقمو؟؟
قلت ليهو قولو لي و حـ احفظو و أول ما أطلع من هنا حـ اسجلو،قال لي تمام، بس قبل ما أقول ليك الرقم، عايز اقول ليك خلي بالك من نفسك و من الفي بطنك، بالمناسبه في الشهر الكم؟؟قلت ليهو بسرعه الرابع و أنا عايزا متين يديني الرقم و اتخارج، قال لي ما معروف يمكن ما نتقابل تاني... طبعاً لمن قال كدا رفعت راسي و عاينت ليهو،ضحك و قال لي اتطمني،ما قصدي إني حـ انشنق أو اتحكم مؤبد، أنا حـ اطلع من هنا قريباً وتاني الجن الأحمر ما حـ يلقاني، قلت ليهو بتمنى انك تخلي عمايلك دي، السويتو في أطفال الميتم ما شويه، عارف إنو في بنات وأولاد كتار ماتوا بسببك؟قال لي عادي مالو ما أنا كمان بتي ماتت!هم ما أغلى منها ولا هي بتتساوى بيهم، قلت ليهو صدمتي فيك كانت كبيره!الإكتشفتو عنك أنا للآن ما قادره أنساهو...قال لي انتِ بالذات مفروض ما تتكلمي خالص، لأنو ما حصل ليك نص ربع من الكان بحصل مع أطفال الميتم! يمكن لو ما كنت شايف بتي فيك كان زمااان اتصرفت فيك، أنا عملت ليك أكبر معروفين مفروض ما تنسيهم لي، الأول إني ما خليت مصيرك يكون نفس مصير زميلاتك و التاني انك زوجتك من يونس الخطاب.... طبعاً لمن قال كدا بقيت أعاين ليهو بإستغراب، قلت ليهو كذاب انت خليتهم يدخلوني في قصه وموضوع كبير وكنت عارف إنو يونس مفتكرني جاسوسه! قال لي شوفي أنا جد ما كنت عايز زول يأذيك، حتى في تعاملي معاك كنت بحاول قدر الإمكان ما اخلي زول يحس انك المفضله عندي، ما كنت عايزك تكوني نقطه ضعف لي أو باب ممكن يجيني الأذى من خلالو، بس للأسف في زول عرف إني شايف بتي فيك و انك المفضله عندي، لمن اختاروك بالإسم وقالوا عايزنك كان كـ اختبار لي، عشان يشوفوني حـ أرضى فيك أو لا وأنا وافقت طوالي وأخدت القروش لأني ومن مصادر خاصه عرفت انهم بس عايزين يوهموا بيك زول، و لمن شفتك مع ود الخطاب وهو فاتحني في موضوع الزواج خمنت وفهمت إنو دا هو الزول العايزين يوهموك بيهو و كنت عااارف إنو هو عارف إنو انتِ جايبنك للتمويه بس عايز يواصل في التمثيليه دي، و كمان كنت عارف إنو أول ما تخلص مهمتك حـ يدخلوك في عالمهم و

🎭 رواياتي 📚 الوسام 2️⃣ 🎭

19 August 2024 22:36

كيف بس دة؟
قبل م اصل مدخل الصالة سياف جا طالع وكانت مرافقاه ميغان..
والمحققين الإتنين..
سياف انت كويس شربته القهوة؟
قال لي تعالى ومسكني من يدي،انا كويس م تخافي
شربت القهوة ولا لأ؟
لأ م شربتها يا شهد
ميغان قاالت ليه تعلم الان ان ما اخبرتك به سابقاً صحيح سيد دانيال ،رأيت بعينك كيف تُحاك الأمور هنا للإيقاع بالفتاة..
علينا الجلوس والتحدث بهذا الشأن مرة اخرى ميغان

سأفعل

سيد سياف إن كنت انت وزوجتك تتعرضون للمضايقة من احد الأفراد في هذه المدينة الشرطة موجودة لتقديم المساعدة في اي وقت تعلم ذلك صحيح؟

اجل حضرة المحقق

لضمان سلامتكم عليكم اللجؤ للقانون لحل الأمور ان كان هناك م علينا معرفته

سكتنا لحظات بدون م نرد

قال لينا حسناً ،علينا الذهاب الان
شكراً لك حضرة المحقق
ميغان سأكون بإنتظارك
اتفقنا.
بعد ما مشى ميغان قالت لي مرحباً شهد انا سعيدة لرؤيتك بخير..
وانا ايضاً ميغان ولكن هل سيشرح لي احدكم تفاصيل ما حدث قبل قليل؟
السيد سياف سيتكفل بهذا عليَّ الذهاب الان لتخليص بعض الأمور
شكراً ميغان مقدر لك وقتك وجهدك،انا حقاً ممتن لكل ما قدمتيه لنا ،مدينين لك بالكثير

فعلت ما تحتم عليَّ فعله،ابقو حذريين فحسب إلى اللقاء

كنت بعاين لسياف ومية سؤال في راسي،قلت ليه حتفهمني ؟
تعالي ندخل ،قال للموظفين كل شيء بخير ليباشر كل منكم عمله...ودخل على المشتركين في القسم بتاعهم واعتذر ليهم على الفوضى الحصلت دي،دخل المكتب بتاعة شال اوراق بعدها طلعنا
قلت ليه سياف حتفهمني الحصل شنو بالضبط؟
حأفهمك يا شهد بس على الأقل ما اليوم لأني حاليا ما حاسي نفسي كويس،اهدأ واروق شوية بس
طيب حنرجع البيت؟افضل نمشي الدكتور
لا م يحتاج دكتور في البيت حأكون تمام،عندي شغل حسابات وسداد فواتير ومراجعات افضل لو قضيتها في البيت اليوم..عندك شغل ولا حاجة؟
لأ ،طالما حترجع البيت حأرجع معاك
وصلنا البيت قفل الباب وقال لي شهد..
نعم
تعالي.. ضماني عليه
انا عارف انه الفترة الفاتت دي كانت صعبة علينا كلنا والحمدلله انها انتهت على خير،الحمدلله انها جات على كدة بس وما مستك بسؤ...سكت للحظة بعدها قال لي:
إشتقته ليك شهد،اشتقت ليك شديد..

قبل ما استوعب واقعية اللحظة واتكلم جرس الباب ضرب..
خليك انت انا حأفتحه
فتح الباب كان راجل لابس بدلة رسمية وشايل شنطة في يده..
مرحباً صباح الخير
مرحباً
هل هذا منزل السيدة شهد؟
عاينت لسياف وانا بقول:اجل انا شهد تفضل
مرحبا سيدة شهد ،انا المحامي الباتشينو
سياف قال ليه تفضل ما الأمر ايها السيد
انا محامي السيد عمار الزوج السابق للسيدة
لن اخذ الكثير من الوقت انا هنا فقط لإعلام السيدة شهد ان السيد عمار قد قام بعمل توكيل لها بنصف ممتلكاته وامواله،ولها حق التصرف بهم كيفما تشاء...
ماذا؟بقيت في حالة دهشة مسااافة وانا بعااين لسياف
وايضاً ارسل لك هذه الدعوة و هذه الرسالة لك...مداها لي
اترددت اشيلها وانا بعاين ليه ،تفضلي سيدة شهد انا فقط اقوم بعملي الموكل إلي،بتردد مديت يدي..
عاينت للدعوة كانت لحضور حفل زفاف ما صدمني إسمه على قدر ما صدمني إسم كاثرين..بدون ما احس قلت كاثرين؟وقعت مني الدعوة لما رجفت
عاينت للرسالة وفتحتها..
"قبل ثلاثة اعوام كنتِ تحاربين الحياة وانتِ تعيسة ومطلقة فحسب، في المرة القادمة قد ينجح الأمر وتصبحي تعيسة ومطلقة وارملة ،دعي القتال جانباً عزيزتي واستمتعي بالحياة،سنلتقي ارملين عما قريب دون بذل ايا مجهود منك، اعلم تماماً انك فهمت ما اعني"
مع خالص محبتي الى ان نلتقي"

من امبارح شايلين مننا الشبكة م عارفاها جات متين وزاتها مما جات عاملة E شايفين حتى الدولة ضد إننا نبقى ملتزمين زي الخواجات😑😂😂💔