14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
قلت ليهم بما انكم بقيتوا تفهموا كلامي غلط و تضايقوا ماف داعي اقعد معاكم أكتر ، طوالي قمت منهم و طلعت برا و أنا زعلانه ، رسيل جات لاحقاني و قالت لي ديل حقارات ساي ما تشتغلي بيهم ، قلت ليها كلامهم بزعل بالجد ، محسسني إني حاسداهم !....
المهم بليل زي الساعه 9 كدا ، كنا فاتحين التلفزيون بنحضر في فلم ، أو خليني اقول أنا الكنت بحضر لأنو البنات قاعدين في زاويه براهم مع سجى و شغالين يتكلموا عن الحب و الزواج و هي بتتكلم ليهم عن مستقبلها و مخططاتها بعد الزواج ، لمن قمت مشيت و قعدت جنبهم سكتوا ، قلت ليهم انتوا متخلفين ولا شنو !؟ خلااااص عايزين تقاطعوني بسبب موقف قبيل !! كوووويس نشوف الحـ يعمل ليكم حفلات ما قبل الزواج منو ، سجى جرتني عليها و قالت لي غيتو انا ما زعلانه 😂
قلت ليها من قبيل صاره لي وشك و بعد دا كلو ما زعلانه ؟! قالت لي زعلي راح في وقتو ، أصلاً أيامي معاكم بقت معدوده ، البنات قالو ليها حـ نفقدك و نشتاق ليك كتير والله ، قالت ليهم و أنا كمان والله ، طبعاً حسيتهم شويه كدا و حـ يبكوا ، قلت ليهم خلاص بطلو دراما و تراجيديا ، أصلاً دا العايزاهو سجى و دا الكلكم عايزنوا يا بايرات ، لبعوني في ضهري و قالو لي بايره براك ، قلت ليهم رايكم شنو اليوم نساهر ؟؟
اتخيلوا معاي ، ليلة خريفيه بارده و إضاءه خافضه و تلفزيون و شاي لبن و فشار و مكسرات و عصير ، يعني خلونا نصنع لينا ذكريات جميله مع سجى في آخر أيامها معانا ...
قالوا لي ديل كلهم حـ تجيبيهم من وين يا السمحه ؟ قلت ليهم الخريف موجود ، التلفزيون موجود ، حـ نخفض الإضاءة و باقي الحاجات المطبخ موجود ، سناء قالت لي نادين الشومه طبلت المطبخ من قبيل و صدقيني تاني كان ركعنا ليها ما حـ تفتحو لينا !
قلت ليهم خلوها علي
، المهم رتبو المكان دا و فرشو الأرض و جدعو فيها مساند و خليكم جاهزين ، قالو لي يا سلااااام ما عارفين من دونك كنا حـ نعمل شنو ، قلت ليهم عارفه نفسي غاااليه و صانعة أيامكم و سعادتكم ، سماح قالت لي انزلي انزلي من برج الغرور الركبتي فيهو دا بسبب كلامنا 😂
المهم خليتهم و مشيت فوق ، وقفت في الممر و بقيت أتلفت يمين شمال ، فجأه كدا منال المشرفه تبع الأطفال الرُضع جات طالعه من الحضانه ، قلت ليها مس نادين وين ؟؟ في غرفتها ؟؟
قالت لي والله ما عارفه ، بس قبل شويه شفتها حايمه هنا ، بتكون في غرفتها شوفيها ، قلت ليها تمام ، طبعاً كنت عايزا اتأكد هي وين تحديداً عشان أدخل غرفتها ، غيتو في إحتمال كبير تكون في غرفتها ، مشيت وقفت جنب باب الغرفه و لصقت أضاني مع الباب بس ما سمعت حركه ، إتهورت و ضربت الباب و لمن ما جاني رد طوالي فتحت الباب ، لقيت الغرفه فاضيه و لو كان لقيت فيها مس نادين كنت حـ اتصرف ، إبتسمت و قلت حظي حلو و الآن حـ ابدا أفتش المفتاح ، أول ما إتحركت كدا سمعت صوت حركه و بعدها صوت باب الحمام ، إتوترت طبعاً و بإستعجال دخلت تحت السرير ، شايفاها من تحت مشت على الباب وقفت و جات راجعه فتحت الدولاب و الدرج ، وقفت مساااافه بعدها طفت الإضاءة و جات رقدت على السرير ، طبعاً كدا صعبت علي الموضوع ، بس إحساسي قال لي إنو المفاتيح يا في الدرج يا في الدولاب ، بما إنها مشت فتحت الباب و وقفت جنبو مسافه و كذلك جنب الدولاب و الدرج معناها لمن أنا ضربت الباب هي من جوه الحمام سمعت الصوت عشان كدا حبت تتأكد إنو كل شي في مكانو ، اتحركت بهدوء و أنا بحبي على الأرض لحد ما طلعت بالإتجاه التاني للسرير ، قصاد الدولاب و الدرج ، بس كيف أفتحهم من دون ما هي تحس ! في الضلام داك قربت من الدولاب و أنا قاعده على الأرض ، براحه مديت يدي عشان أجر ضلفتو بس ما فتح و الدرج كذلك و زي ما إتوقعت قافلاهم بمفتاح !! ياخ الإنسانه الشومه دي حياتها كلها مفاتيح !!
وقعت في ورطه كبيره ! بقيت أحبي لحد ما وصلت الباب ، قلت لو طلعت قافله باب غرفتها بمفتاح برضو حـ تكون بالغت والله !
وقفت على حيلي و بـ هدوء حركت مقبض الباب و أنا بتلفت ساي مع إنو الدنيا ضلام شديد لأنها قافله الشبابيك و منزله الستاير ، فتحت الباب على الضيق و طلعت براااحه و قفلتو بكل هدوء ، طبعاً كنت خاته يدي على قلبي و ما مصدقه إني طلعت من غرفة البومه دي من دون ما تحس بي !
نزلت تحت للبنات لقيتهم جهزو المكان ، قالوا لي هاااا وين المفتاح ؟؟ ليلى قالت ليهم وه ما قدرت تجيبو ، شيلوا الفكره دي من بالكم و أمشوا نوموا نومكم ، طبعاً البنات حسوا بخيبه بعد ما كانو متحمسين ، قلت ليهم حـ اجيب المفتاح بس أعملو الحـ اقولو ليكم ، قالو لي اها ......
رجعت فوق تاني و وقفت في حته قريبه من غرفة مس نادين ، شويه كدا سناء جات جااااريه و بقت تخبت على باب غرفتها ، بعد مسافه الشومه فتحت الباب و قالت لـ سناء مالك في شنو ضاربه الباب دا كدا ، الزول معاكم أصلو لا ينوم لا يرتاح! قالت ليها يا مس نادين تعالي شوفي منى و فدوى بتشاكلو ، قالت ليها مالهم صغار هم ! قالت ليها الشكله كبيره يا مس نادين و احتمال وحده تقتل التانيه
لاقيت هيثم قاعد في المسطبه قال لي كتكوتك اتعوق أمشي شوفيهو ، قلت ليهو شنووو ؟! مالو الحصل عليهو شنو ؟ قال لي الشلاقه ما بتخليهو ، ركب الشجره زي القرد و جا واقع ، قلت ليهو هسي وين هو ؟؟
قال لي قاعد جوه ، طوالي دخلت المبنى حق الاولاد و رسيل وراي ، أول ما دخلت شفت مصطفى قاعد على الكرسي ببكي و حوليهو كم نفر كدا ، مشيت عليهو و قلت ليهو مصطفى وقعت كيف و هسي رجلك مالا ، واجعاك ؟؟
قال لي آي واجعاني شديد ، فجأه في واحد إتلفت علي و قال لي طبيعي رجلو توجعو لأنو وقع عليها بس إتطمني ما إتكسرت ، طبعاً ياداب انتبهت ليهو ، كان شاب كدا أول مرهـ أشوفو ! ختيت يدي على رجل مصطفى و بقيت اتحسس فيها ، قلت ليهو رجلك دي ورمت ، ان شاء الله ما تكون اتكسرت ، الولد قال لي شكلك ما بتقتنعي بكلام زول 😅
قلت ليهو ما كدا بس ماف زول هنا دكتور ، قال لي أنا ما دكتور بس الرجل دي واضح انها ما مكسوره و دا رضخ و زي ما قلت ليك طبيعي تورم ، شويه كدا جا واحد من الأولاد جاب مويه دافيه و قطعة قماش ، الشاب قال ليهو اتأخرت يا حبيب ، شال منو قطعة القماش و غمسها في المويه الدافيه و بقى يمسح بيها على رجل مصطفى و مصطفى يتوجع ساي ، قلت ليهو براحه ياخ !
عاين لي بس ما رد ، لمن مصطفى تاني إتوجع و قال اخخ ، قلت ليهو ياخ انت ليه بتضغط عليها و.... قاطعني و قال لي تعالي أعمليها ليهو انتِ ، طوالي شلت قطعة القماش و بقيت أمسح بيها على رجل مصطفى بـ رفق و مع ذلك مصطفى كان بتوجع و شغال لي اخخخ و مره يقول لي براحه يااااخ !! الشاب قال لي اقتنعتي إني كنت عامل حساب و بمسح ليهو برفق ولا لسه !؟ سكت سااااي و ما قلت ليهو حاجه ، قال لي زولك دا خواف ساي و ما بتحمل اللمسه ، قلت ليهو عادي عشان هو شافع ! سكت بس و بعدها مشى ، المهم بعد خلصت ، دخلت مصطفى لـ جوه و قلت ليهو نوم بعد دا ، قال لي عايز مويه ، مشت رسيل جاب ليهو مويه و قالت ليهو تاني ما تركب في الشجره ، قلت ليهو خلي شلاقتك دي يا مصطفى !! ما معقوله كل مره حاصله عليك حاجه !! قال لي خلاص عرفت ، قلت ليهو مشكلتك ما بتسمع كلامي يا مصطفى ! هسي لو بقيت زي رسيل دي مالك !؟ قال لي يعني عايزاني أبقى بت !؟ كويس بكرا بلبس طرحه و بجيب لي منكير ، ضحكت و قلت ليهو خلي الإستهبال ، المهم هسي نوم و تاني ما .... قاطعني و قال لي ما تركب في الشجره ، قلت ليهو عارف الغلط و بتعملو ، المهم أنا حـ أمشي و أجيك بعدين ، طلعت مع رسيل ، لقينا الشاب داك برا بتكلم مع أولاد الميتم ، لمن جيت ماره بجنبهم قال لي الولد الهسي دا أخوك ؟
قلت ليهو يعني أمي بعد رمتني هنا ، انتظرت سنوات لحد ما أنا كبرت قامت ولدت تاني و جابت الولد الهسي دا و ختتو جنب الميتم و كتبت عليهو دا اخو البت الجبتها هنا قبل سنوات ؟؟
طبعاً الأولاد قعدوا يضحكو !
حسيت الولد اتغاظ بس كتم غيظو و إبتسم و قال لي ما تكوني إنسانه حاده و سغيله كدا ، قال كدا و مشى ، الأولاد قالو لي أحرجتيهو ، هيثم قال لي تاني حـ يفكر ألف مره قبل ما يسأل بت و يحاول يفتح معاها موضوع 😂
قلت ليهو ما قاصده أحرجو لكن سؤالو بايخ ، نحنا هنا في الميتم كل فرده من بلد ، المهم أنا و رسيل رجعنا الصالون ، بقينا قاعدين براااانا ، طبعاً البنات مشوا يعرضوا نفسهم للعرسان ، شويه كدا جات نجمه أصغر من رسيل بـ سنه ، نادتها و قالت ليها تعالي ألعبي معانا ، رسيل مشت و بقيت قاعده براااي ، دخلت غرفة النوم طلعت ورقي و ألوان و بديت أرسم لحد ما سمعت صوت صريخ جاي من الطابق الفوق ، استعجلت و مشيت الحضانه ، افتكرت الأطفال الرُضع ماف زول معاهم بس لقيت مشرفتهم و المرضعات قاعدين معاهم ، و عرفت منهم إنو في طفل عيان و كان نايم و هسي صحى و بدا يبكي و يصرخ ، قالوا حـ يجيبوا ليهو دكتور و بالمره يكشف عليهم كلهم ، بعدها نزلت تحت لقيت نجلاء في وشي قالت لي انتِ و ليلى و نهال قالو ليكم تعالوا ! قلت ليها منو و لـ شنو ؟؟
قالت لي ما عارفه بس بابا حازم طالب حضوركم ، أصلاً هو من البدايه نادى البنات كلهم و انتوا ما جيتو ، قلت ليها طيب جاين ، دخلت جوه و كلمت ليلى و نهال ، طبعاً نهال ما طلعت لأنها كانت عيانه و ليلى بـ زولها عشان كدا ما شغاله بالموضوع دا ، و أنا كمان ما شغاله بيهو بس بما إنو بابا حازم طالبنا معناها في شي ضروري ، ليلى قالت لي عايزين مني شنو ؟ عرسانكم ديل ما بنفعوا معاي ، قلت ليها اتطمني انتِ ذاتك ما بتنفعي معاهم ، المهم خلونا نطلع ليهم و أصلاً ماف زول بقدر يجبرنا على حاجه ، قالت لي من وين جايبه ثقت إنهم حـ يعاينوا ليك أصلاً و يقولوا عايزنك 😏
قلت ليها كل الثقه بس الموضوع ما هاميني كتير 💅
قالت ليها الليله تبيتوا هنا بس ، منار قالت ليها خلاص خلينا نبدل ملابسنا بس ، ما ردت عليها ، إتلفتت على ليلى و قالت ليها انتِ لسه واقفه ، عايزا تتعاقبي معاهم ولا شنو ؟
ليلى قالت ليها لا لا و طوالي مشت و هي ماسكه نفسها من الضحك....
بعدها كلهم مشو و قفلوا أبوابهم و خلونا أنا و منار في نص الحوش بنرجف من البرد ! ماف مكان نمشي عليهو ، ماف مكان نحتمي بيهو من البرد ، كل الأبواب مقفوله !
طبعاً السماء كانت شايله و الهواء كان ضاااارب و في برد و رطوبه ، منار قالت لي الليله لو المطره دي جات و لقتنا برا حـ نموت بالإلتهاب ، واااي يا مها ياريت لو ما إتهورنا و مشينا ورا ليلى ، هسي هي حـ تنوم جوه مرتاحه و على سريرها و نحنا ح ننوم برا و على الأرض و تحت السماء الممكن تمطر في أي لحظه ، دا لو قدرنا ننوم أصلاً !😭
طبعاً ما اتكلمت معاها تاني ، عقلي كان شاطب و سرقة التلفون كانت واجعاني شديد ، بعد مسااافه طويله النعاس سيطر علينا ، أول ما غمضت عيوني حسيت بحركه ، لمن فتحت عيوني شفت رسيل واقفه قدامي ، كانت شايله معاها بطانيه متوسطة الحجم أو الأصح دفايه ، مدتها لي و قالت لي اتغطو بيها ، جريتها علي و قعدت أبوووس فيها و على حركتنا منار صحت ، قالت ليها رسيييل بتعملي شنو هنا ؟؟ يا بت أمشي قبل ما الشومه ديك تجي و تشوفك ، قلت ليها رسُوووله العسل جابت لينا البطانيه دي عشان نتغطى بيها ، منار ياداب انتبهت للبطانيه ، قالت ليها والله انتِ عسل عسل يا رسيل ، تعالي تعالي خليني أبوسك ...
المهم قلت ليها رسيل أدخلي بعد دا ، البومه ديك لو شافتك مشكله والله ، قالت لي حاضر ، قلت ليها اتغطي كويس ، المهم بعد ما هي مشت منار قالت لي بكرا لو شافو البطانيه دي و سألو الجابها منو ، نقول ليهم شنو ؟؟
قلت ليها اتغطي هسي و الصباح رباح .... قبل ما نغمض عيونا مس نادين زي الشبح ظهرت قدامنا ، منار طوااالي نفضت البطانيه و زحتها منها ، مس نادين قالت لينا بحده الجاب ليكم البطانيه دي منو ؟!... قلت ليها جبتها أنا ... طبعاً اتخيلتها تجوووط و تعمل لينا موضوع طويل عريض و في الآخر تعاقبنا بس إستغربت و إتحيرت لمن قالت لينا قوموا خشوا جوه !! لمن قالت كدا أنا و منار بقينا نعاين لبعض بحيره !!
قالت لينا لو القعاد هنا عاجبكم نوموا ساي ، طوالي وقفنا على حيلنا شلنا البطانيه و دخلنا جوه و هي ورانا ، قفلت الباب و مشت غرفتها فوق في الطابق التاني ، لمن دخلنا غرفة النوم لقينا البنات كلهم نايمين و رسيل كانت راقده على سريري ، صلحت ليها رقدتها و قعدت ، منار قالت لي مس نادين دي الليله ما طبيعيه ! قلت ليها بالجد والله ! أكيد في شي في بالها ! قالت لي خايفاها تجينا داخله هسي و تقول لينا كنت بهظر معاكم قوموا أطلعوا برا !قلت ليها عادي بتعملها الشومه دي ... المهم رقدنا و نمنا طوالي ، تاني يوم التلاتاء ، قلت لـ منار يمكن مس نادين أمبارح ما عاقبتنا عشان ما أمشي أشكيها مره تانيه لـ بابا حازم ! هي ما عايزا الشكاوي ضدها تكتر ، عايزا تحافظ على صورتها المثاليه قدام بابا حازم ! قالت لي فعلاااً ! أنا ذاتي قلت كدا ! المهم لمن إتلاقيت مع ليلى شديتها من يدها و قلت ليها رجعي لي تلفوني سرعه ، قالت لي تلفونك الخرده داك أسوي بيهو شنو أنا ! قلت ليها اسمعي هنا أنا عارفه إنو الأولاد الأمبارح الهددونا و شالوا مني التلفون انتِ الرسلتيهم ، أصلاً مستحيل تسكتي و تخليني نرجع البيت عااادي كدا مع التلفون بعد ما صورتك !! ضحكت بصوت عالي و قالت لي يعني تلفونك اتسرق !! كفاره ياخ ، قلت ليها ليلى احسن تقولي لي وديتي التلفون وين ؟! مش مشكلتك كانت الفيديو الصورتو ؟! معناها أكيد حذفتيهو فـ رجعي لي تلفوني ، قالت لي يا حليلك حالك تحنن والله، ما باقي ليك إلا تبكي و تبوسي رجلي ، طوالي فكيتها و مشيت خليتها لأنها وحده حيوانه و ما حـ تتكلم ، طبعاً لمن جاتنا داخله بقت تضحك و تقول للبنات في ناس أمبارح سرقوا منهم تلفوناتهم! رماح قالت لي صحي يا مها امبارح سمعناكم قلتو لمس نادين تلفونك إنسرق ! يعني الكلام دا صح ؟؟ السرقه حصلت ليكم كيف ؟! قلت ليها سرقه و خلاص ، ليلى قالت لي البتسوي بإيدك بغلبك أجاويدك ، و الحفره الحفرتوها لي وقعتوا فيها انتوا حبايبي أنا ، طلعتوا لفيتوا و سرحتوا و مرحتوا قدرتكم و لمن جيتوا راجعين و مس نادين قبضتكم عملتوها فيني ! قال كنا متابعين ليلى !! قلت ليها عايني عليك الله ما تكذبي أنا و انتِ و منار و حبيبك اب سكاكات داك عارفين الحقيقه ... بس أنا مستغربه فيكم يا بنات ، مع انكم عارفين إنو ليلى ما كانت موجوده بس مع ذلك سكتوا و ما جيتوا قلتوا الحقيقه ! سناء قالت لي مااالنا و مال المشاكل ، هسي انتِ ذاتك مش قاعده تطلعي بالدس و تجي راجعه ! حصل فتناك أو كلمنا ليك مس نادين !؟ قلت ليهم ليلى عشاااان ضامنه و عارفه إنو ماف وحده فيكم حـ تتكلم امبارح جات و كذبت بكل قوة عين ! بصراحه كدا انتوا بتخافوا من مس نادين ولا من ليلى !؟ رماح قالت لي غيتو أنا عن نفسي
#بطل_الحكايه3
مها حولي الزاكي
طبعاً لمن قالت لي حسام إتضايقت و قلت ليها عليك الله ما تذكري لي اسمو تاني ، قالت لي لو حسام خذلك و ما بقى قدر كلامو دا ما معناه إنو كل الناس حتكون زيو ! قلت ليها بيني و بينك كدا بتصدقي إنو في واحد ممكن يحب و يعرس وحده مجهولة الأبوين ! طبعاً إلا يكون زول جاي من طرف بابا حازم بس غير كداا مستحيييل ، للسبب دا ماف داعي نحلم و نعلي سقف أحلامنا بخصوص الموضوع دا ، الحب دا ما للناس الزينا ، فهمتي يا منار !
المهم و نحنا ماشين بإستعجال فجأه ظهروا لينا ولدين و وقفوا قدامنا ، طبعاً منار مسكتني شديييد من يدي ، همست و قلت ليها ما تشتغلي بيهم ولااا تعايني ليهم ، خلينا نمشي مشينا ، طبعاً الشارع ما كان فاضي بس معظم الناس الفيهو كأنهم ساطلين ، أصلاً الحته دي بتاعة قهاوي و لعب كشتينه و جنبها مطاعم صغيره ، طبعاً الولدين إتحركوا ورانا ! منار قالت لي سجمنا ديل عايزين مننا شنو ! قلت ليها خلينا نجري و أول ما كنا حـ نجري حسيت بزول مسكني من يدي ، إتلفت عليهو و أنا قلبي بضرب من شدة الخوف و منار دي كانت خاته يدها على قلبها و شغاله ليهم عايزين مننا شنو !؟ الولد طلع سكين و قال لينا بصوت واطي و نبرة تهديد ما عايز أسمع حس وحده فيكم ، التاني قال لينا لو حاولتوا تتحركوا أو تصرخوا للأسف وحده منكم أو الإتنين سوا حيكون دا آخر يوم ليكم في الحياة دي ، منار قالت ليهم لاالاا عليكم الله خلونا نمشي ، منو انتوا و عايزين مننا شنو ، الشايل السكين عاين لي و قال لي جيبي الشنطه ، قلت ليهو فاضيه ما فيها شي ، طوالي جراها مني و قال لي إتحركوا قدامي ، رجعت لـ ورا شويه و منار وراي تبكي و أنا بتلفت مره أعاين للناس و مره للسكين القدامي ، فجأه كدا صرخت بصوت عاااالي و قلت حرااااميييي حرااااميييي و طوالي جريت منو الشنطه بس ما فكاها لي ، خطفها و جرى مع صحبو و الناس ياداب إنتبهت لينا و الزمن داك الولدين جروا !! جونا زي 3 رجال كدا واحد سكران و اتنين واعين و بقوا شغالين لينا في شنو في شنو !؟... طبعاً أنا الوقت داك حسيت الدنيا دي كلها لافه بي ، تلفوني إنسرق ! التلفون الإشتغلت و التعبت شديد عشان أشتريهو انسرق مني في لحظات ! قلبي وجعني وجع شديد و قربت أبكي بس مسكت نفسي لأني ما بحب أبكي قدام الناس ، طبعاً منار حكت ليهم الحصل معانا ، فـ قبل ما نمشي واحد منهم أدى منار قروش للمواصلات و قال لينا انتوا ذاتكم بتعملوا شنو هنا و زي المواعيد دي ، المهم اتحركنا و مشينا ، ركبنا مواصلات و أنا ساكته الطريق كلو ، منار قالت لي لو كان خلينا الإسمو يونس داك يوصلنا ما كان دا كلو حصل معانا ، أو لو كان ما جينا من الأساس ، الخلعه الدخلت فينا ممكن تطلع لكن تلفونك الإنسرق ما برجع تاني ، أخدت نفس عميق و قلت ليها منار أسكتي شويه و خليني أفكر ... بعد مسافه قالت لي انتِ حاسه إنو ليلى السبب في الحصل معانا ؟! قلت ليها ما بعيده ، قالت لي لكن دي حاجه ما منطقيه حـ تعرف الأولاد ديل من وين و غير كدا متين لحقت تكلمهم و تخليهم يجوا بالسرعه دي و فجأه يظهروا في وشنا يهددونا بالسكين و يشيلوا الشنطه و يجروا ! لو ليلى السبب كان ممكن عديل يقولوا لينا عايزين التلفون !
قلت ليها ما حـ استغرب لو ليلى طلعت بتعرف الأولاد ديل ، لو هي ما بتعرفهم في أكيد معاذ بعرفهم ، أصلاً أنا كنت حاسه إنو في شي ما طبيعي ، مستحيل ليلى تسكت و تخلينا نرجع بالسهوله دي ! و بعدين أكيد ما حيقولوا لينا عايزين التلفون عشان نفهم إنو ليلى هي الرسلتهم ! قالت لي مع إنو حاجه زي دي ما بعيده عن ليلى بس ما منطقية و إحتمال كبير الحراميه ديل ما عندهم علاقه بـ ليلى ، قلت ليها بزهج فسري لي طيب كيف فجأه كدا هي إختفت و معاذ انسحب! بعد صورناهم سوا مستحيل ليلى تخلينا نرجع و التلفون معانا !... قالت لي خلاص خلاص يا مها ما تزهجي ، عارفه سرقت التلفون واجعاك ، و أنا كمان واجعاني والله بس نعمل شنو !
المهم لمن وصلنا الدار شلت الحبل الكنت خاتاهو على جنب ، أديتو لـ منار وقلت ليها لمن أتلب بالباب و أكون في الإتجاه التاني أجدعي لي الحبل عشان أسحبك بيهو ، قالت لي تمام ... بإستعجال إتسلقت الباب و لمن وصلت فوق مسكت الحبل و نزلت بيهو في الإتجاه التاني ، منار عملت نفس الشي و إتسلقت الحبل ، لمن وصلت قمة الباب بقت تعاين تحت و قالت لي خايفه أقع والله ، قلت ليها أنزلي زي قبيل ، قالت لي صعبه والله ، طبعاً كنا بنتلفت سااااي و خايفين زول يشوفنا ، قلت ليها منار يااااخ !! خُتي رجلك هنا و يدك هناك و الرجل التانيه هنا و أمشي على الوتيره دي لحد ما تنزلي ، عملت القلتو ليها و لمن وصلت نص الباب ما لقت مكان تخت رجلها فيهو ، قلت ليها ممكن تنطي عادي قالت لي مستحيل ، قلت ليها لو كنتِ قريبه مني شويه كان حـ أخليك تنزلي على أكتافي ، نطي ياخ و خلصيناااا !! طبعاً بنتكلم بصوت واطي و الدنيا ليل و ماف أي صوت غير صوت الكلاب ، قلت ليها منار بتكلم معاك أنا ! ما تلصقي لي كدا في الباب زي الضب
ليلى قالت لي ما يخصك و سرعـه أفتحي الزفت دا ، ما رديت عليها ، الولد قال لي عايني يا بت الناس أنا ما عايز معاك كلام كتير ، أفتحي التلفون دا و أحذفي الصورتيهو و ياريت ما تدخلي في حاجه ما بتخصك ، قلت ليهو هي معروف ليه عايزاني أحذف الفيديو بس انت المخوفك شنو يا راااجل ؟؟ قرب مني و قال لي بحده : أنا البخوفني لسه ما إنولد و ما فارق معاي إذا صورتينا فيديو أو صوره بس الموضوع بهم ليلى و بما انها عايزا كدا معناها حـ يحصل العايزاهو ، طبعاً في اللحظات ديك ليلى قعدت تتبسم ، فجأه كدا فكيت نفسي منها و خطفت التلفون من الإسمو معاذ و جريت و هو بقى جاري وراي ، لمن قرب يحصلني أنا إتوترت و بقيت مره أعاين ورا و مره قدااام لحد ما فجأه كدا و أنا جاريه اصطدمت بزول ، لمن رفعت راسي اتفاجأت ! ... كان هو ذاتو ، نفس الزول ! أول ما شفتو اتذكرتو و اتذكرت اسمو ، يونس !... لمن إتلفت وراي لقيت معاذ اب سكاكات واقف ، مد يدو و قال لي جيبي التلفون و خلينا نتفاهم ، قلت ليهو ما حـ أديك ليهو ، أول ما جا علي ، يونس وقف بيناتنا و قال ليهو خير يا زول في شنو ؟؟ معاذ قال ليهو ما حاجه بتخصك عندي موضوع مع البت دي ، يونس إتلفت علي و قال لي عندك معاهو موضوع عايزين تتناقشوا فيهو ؟؟ قلت ليهو لا ، معاذ قال لي جيبي التلفون دا ، قلت ليهو دا تلفوني و ما حـ أديك ليهو ، يونس قال ليهو انت حرامي ولا شنو ! عايز شنو بتلفونها ! معاذ قال ليهو انت ما تدخل و انتِ جيبي التلفون دا قلت ليك عشان ما أندمك على اليوم الإنولدتي فيهو ، يونس طوالي شال مني التلفون و قال ليهو يلاااا اشوفك كيف حـ تشيلو مني و كيف حـ تندمها على اليوم الإنولدت فيهو ! معاذ قال ليهو اسمعني يا بني آدم البت دي من دون إذن أخدت لي صوره أنا و زولتي عشان تبتزنا بيها و.... فجأه كدا جا واحد و سحب معاذ من يدو ، طبعاً معاذ كان مستغرب و طوالي إتفكى من الولد و قال ليهو ما شايفني بعمل في شنو يا إبراهيم ! الولد قال ليهو تعال عايزك ضروري و ما أداهو فرصه عشان يتكلم طواالي ساقو من يدو و مشى بيهو بعيد و بعدها الإتنين إختفوا ! طبعاً استغربت و ما قدرت أفسر الحصل دا و بعدين ليلى مشت وين ! و ليه فجأه ظهر الولد دا و ساق معاذ غصب عنو ! ... منار جات وقفت جنبي و قالت لي كويسه انتِ ؟؟ قلت ليها ايوه ، يونس مد لي تلفوني و قال لي انتِ على طول بتحبي تعملي مشاكل ؟! قلت ليهو اعمل شنو يعني إذا المشاكل بتحبني ! قال لي مصوراهو مع حبيبتو لشنو ، ما يكون دا حبيبك ، قلت ليهو تف من خشمك ، أنا احب كلب و ما أحب واحد زي اب سكاكات دا ، ضحك و قال لي بالمناسبه انتِ الغلطانه ، قلت ليهو الموضوع ما زي ما انت متخيل ، ايوه أنا صورتهم بس عندي أسبابي ، منار قالت ليهو أصلاً البت الكانت معاهو دي .... طوالي أنا هنا لكزتها فـ فهمتني و سكتت ، قلت ليهو البت الكانت معاهو نحنا بنعرفها و عندنا مشكله معاها ، قال لي اهاااا و عشان كدا عايزا تنتقمي ! قلت ليهو ايوه كنت حـ اهددها بيهم ، قال لي سبحان الله ما ظاهر عليك انك كدا ! يعني البشوفك ما بتخيل إنو انتِ ممكن تعملي حاجه زي دي ! يعني مهما كانت مشكلتك معاها ما تستخدمي أسلوب الإبتزاز بالصور و الفيديوهات لـبت !!
طبعاً لمن قال لي كدا أداني إحساس إنو هو كان شايفني بطريقه تانيه و إني خيبت ظنو فينب ! ايوه ما بنعرف بعض بس هو مديني احساس اننا بنعرف بعض!
طبعاً منار بقت تعاين لينا بإستغراب قالت لي انتوا بتعرفوا بعض ؟ قلت ليها لا بس إتلاقينا أكتر من مره ، متذكره لمن كنا في شارع النيل و اتشاكلنا مع واحد كدا و في واحد جا حجزنا ؟! بس دا يونس الجا و حجزو مننا ، قصدي حجزنا من الولد ، منار قالت لي ايوااا عشان كدا أنا أول ما شفتك حسيت نفسي شايفاك قبل كدا و كنت بحاول اتذكر ، قال لينا المهم انتوا ماشين على وين ؟ قلت ليهو اتطمن المره دي طريقنا ما واحد ، قال لي ما معروف يمكن يكون واحد ! هااا فرن البركه ؟؟
منار قالت ليهو ايـ.... قاطعتها بسرعه و قلت ليهو لا ، قال لي بس صحبتك شكلها كانت عايزا تقول ايوه ! قلت ليهو لأنها قايله اننا حـ نرجع طوالي ، قال لي عموماً حبيت أوصلكم معاي من باب الذوق ، قلت ليهو مشكور ، أول ما هو مشى منار قالت لي ليييه ما حصل جبتي لي سيرتو و قلتي انكم إتلاقيتو أكتر من مره ! قلت ليها دي الصدفه البتجمعنا و بعدين اقول ليه يعني و دي ما حاجه مهمه !! قالت لي طيب ليه لكزتيني و كنتِ بتحاولي تسكتيني ! قلت ليها ماااف داعي يعرف اننا من الميتم ! ما ضروري أي زول نقابلوا نحكي ليهو قصة حياتنا و نقول ليهو اننا مجهولين الأبوين و عايشين في دار رعايه ... سكتت مساااافه بعدها قالت لي مها انتِ حبيتيهو ولا شنو ؟!!
المهم بعد يومين من الكلام دا ، ناديت منار و قلت ليها بعد تجسس و مراقبه لصيقه عرفت إنو الليله ليلى حـ تمشي تقابل حبيبها داك ، قالت لي البت دي ما هينه ، معقوله تطلع بعد العشاء ! بالنهار ممكن لكن هسي حـ تطلع كيف! ماف زول حـ يخليها ، قلت ليها أنا ذاااتي عايزا أعرف البت دي بتدخل و بتطلع بـ وين و ليه مااااف زول بلاحظ ليها ! في نفسي قلت الليله حـ اتأكد من شكوكي ، منار قالت لي بتفكري في شنو ؟ قلت ليها منار صراحة أنا شاكه إنو في شي بين بكري و ليلى عشان كدا هو بخليها تطلع ! قالت لي شنووو مستحيل !! لا لا مستحيل ليلى تعاين لبكري ، البت دي مفتريه و روحها عاجباها ، قلت ليها ايوه ما بتعاين لبكري و الزيو بس عشان مصلحتها حـ تعاين ليهو !! قالت لي وااااي بتعملها الكلبه ، يعني هسي حتكون غاشاهو عامله نفسها بتحبو !! قلت ليها إحتمال كبيير الليله حـ نتأكد منو ، أخيراً جاتنا الفرصه عشان نكشفها ، لازم نتبعها و نصورها ، قالت لي شنووو!! عايزانا نطلع زي الوقت دا ! لا لااا مس نادين لو عرفت حـ تعملنا شاورما ، قلت ليها نفسي يوم واااحد بس تخلي خوفك دا ، ليلى دي العملتو فينا شويه ؟؟ ناسيه عدد المرات الفتنتك فيهم مع مس نادين و كذبت فيك !! قولي لي بت واااحده في الميتم دا ليلى ما غلطت في حقها ! إذا هم جبانات و ما بعرفوا ياخدوا حقهم انتِ ليه تبقي زيهم و أنا معاك ؟؟؛ متذكره آخر مره قلتي شنو؟؟ مش زعلتي و قلتي ما حـ تخلي ليها حقك ! هسي لمن جاتك الفرصه عايزا تتخاذلي ؟! قالت لي بس أنا... قلت ليها خلاص على راحتك ، أنا معاك أو بدونك الليله حـ أمشي مكان ليلى ماشه ، قالت لي خلاص أنا ذاتي حـ أمشي معاك ، المهم طلعنا برا و مشينا وقفنا ورا شجره و بقينا منتظرين ليلى تجي طالعه من المبنى ، انتظرنا و انتظرنا بس ما طلعت ، قلت لـ منار أدخلي جوه شوفيها بتعمل في شنو ، مشت و جات قالت لي سريرها فاضي !... قلت ليها كيف يعني ! طيب خليك واقفه هنا و فتحي عيونك كويس ، هسي برجع ، دخلت جوه و بقيت أفتش على ليلى و سألت منها البنات قالوا ما عارفنها مشت وين ! ... رجعت لمنار و قلت ليها الكلبه طلعت من دون ما نشوفها ! قالت لي البت دي ما هينه ! المهم خلينا ندخل جوه ، ماشه أحضر ، قلت ليها أنا عارفه المكان الهي حـ تقابل فيهو حبيبها ! قالت لي يعني مُصره نمشي الليله ! قلت ليها غيتو أنا ماشه !... سكت للحظات بعدها قالت لي أرح طيب .... المهم مشينا و وقفنا قصاد البوابه ، بقيت أتلفت يمين شمال بعدها ابتسمت ، منار قالت لي ولاااا تفكري ، السور فيهو أسلاك شائكة و حتكون بلاده و مخاطره مننا إذا حاولنا نتسلقو ! عايني هو ضروري نمشي الليله دي و نتبعها ؟؟ خليها ترجع و نأدبها هنا ، ما ضروري نحاول نمشي وراها و في الآخر نتعاقب بسببها !!
قربت من الباب و بقيت أعاين فيهو ، كان عريض و عالي ، منار قالت لي لا لا أرجوووك ، قلت ليها غيتو أنا متعوده و أكتر من مـره نطيت بالباب دا ! قالت لي و أكتر من مرهـ رجلك إتلوت ، وااي يا مها أنا خايفه و حاسه اننا حراميه أو جواسيس ، نادين الشومه دي لو شافتنا حـ تعملنا شاورما ، أصلاً هي قاعدهـ لينا على الهبشه ، السماء شايل و في مطره جايه و الجو من هسي بقى بارد خلينا نرجع لـ سرايرنا الدافيه و ننعم بنومه هنيه ، طبعاً كنا بنتكلم بصوت واطي ، إتلفت عليها و قلت ليها خلاص أرجعي ، بمشي براي ، قالت لي لا نرجع جوه سوا ، قلت ليها أنا ما راجعه ، قالت لي واااي انا منك يا مها ليه انتِ عنيده كدا !؟😭😭
قلت ليها منار أرجعي ، قالت لي أمري لله ، لو وقعت أو حصلت لي أي حاجه بحملك المسؤوليه كاااامله ، قالت كدا و جات وقفت قصاد الباب و قالت لي هسي الشي دا بركبو فيهو كيف !!؟
قلت ليها ثواني ، إنسحبت براحـه و جيتها بعد ثواني و لقيتها بتتلفت ساي و بترجف ، ما عارفه بسبب الخوف ولا البرد 😂
المهم جبت معاي حبل ، قلت ليها عشان انتِ ما حـ تقدري تتسلقي الباب ، أنا حـ انط أول بعدها حـ اجدع ليك الحبل و أمسكو من الجانب التاني و انتِ من هنا أمسكي الحبل و إتسلقي الباب ، قالت لي واااي مبالغه ، بعدين حـ انزل كيف ، حاسه نفسي بحضر في فلم مغامره ، قلت ليها خلاص ارجعي يا زوله ، أصلاً لو اتقبضنا حيكون بسببك انتِ ، طبعاً الباب كان فيهو نتوءات و حتات بارزه و حتات داخله لـ جوه و دا الساعدني في تسلقو ، أول ما وصلت قمة الباب و بقيت فوق ، منار خافت و قالت لي بصوت واطي الليله لو شافونا حـ ينتفونا ، عاينت ليها تحت و جدعت ليها جزو من الحبل و قلت ليها أمسكيهو قوي لأني حـ انزل بيهو ، فعلاً هي شدتو عليها و أنا قدرت أنزل بيهو للجانب التاني ، بعدها شديت الحبل عشان هي تفهم إنو جا دورها و لازم تتسلق الباب ، طبعاً هي ما طلعت و الحبل لسه كان مرخي !!
#بطل_الحكايه2
مها حولي الزاكي
واصل كلامو و قال لي بس هي ليه تعمل كدا !؟ حـ تستفيد شنو لمن تخليك واقفه برا الدار تحت المطره !؟ قلت ليهو حـ تستفيد راحه نفسيه ، هي بترتاح و تنبسط شديد لمن تعاقبنا ، قال لي و انتِ عملتي شنو عشان تعاقبك عقاب كعب زي دا ؟! قلت ليهو صدقني من دون سبب هي بتحب تعاقبنا !...سكت ما قال شي ، قلت ليهو والله العظيم هي شافتني لمن كنت واقفه جنب الباب ، عاين لي و قال لي طيب أمشي نادي لي نادين و بكري أشوفهم عملوا تصرف غلط زي دا ليه ... طبعاً قربت أطير من الفرح ، قلت ليهو حاضر و طوالي طلعت و مشيت المبنى حقنا ، طبعاً جيتهم داخله و أنا مبسوطه ، البنات قالوا لي خير في شنو ، جابوا ليك شغل ولا شنو ؟! قلت ليهم ياريت بس لا لا ، في حاجه حـ تحصل بعد شويه ، جهزوا نفسكم لأعظم حدث في تاريخ الميتم ، جهزوا جرادلكم عشان تغنوا و ترقصوا ، جهزوا نفسكم عشان قريباً جداً حـ تشرق شمس الحريه على هذا الدار ، في وحده اسمها ليلى غياااظه و أنا و هي ما بنتفق خالص ، قالت لي مؤتمر خرجين نحنا ؟! كلامك دا إسماعيل الأزهري ما قالوا لمن جا يرفع علم السودان ، تعالينا من الآخر و قولي لينا في شنو ؟! قلت ليها غريبه طلعتي بتعرفي اسماعيل الأزهري و انتِ كنتِ بتتغيبي عن المدرسه! المهم ما علينا ، مس نادين جات داخله هنا يا بنات ؟؟ قالوا لي ايوه في غرفتها ، منار قالت لي في شنو يا مها ؟ قلت ليها ثواااني بس ، طوالي إتحركت على السلم ، طلعت و وصلت غرفة مس نادين في الطابق التاني ، طبعاً و أنا ماشه على غرفتها كنت حاسه نفسي زي المبعوث الأممي ، وقفت جنب الباب و بقيت أضرب فيهو ، جاني صوتها القبيح من جوه غرفتها و هي بتقول بزهج : في شنو كمان ما تكرهوني حياتي و تملوني فقر ، أصلو ما بتخلوا الواحد يرتاح ... طبعاً بتتكلم و هي جايه على الباب ، لمن فتحتو و شافتني قالت لي سبحان الله من طريقة ضرب الباب العشوائيه دي حسيت إنو مستحيل يكون دا بني آدم البضرب فيهو دا ، قلت ليها الشياطين بتحس ببعض ، رفعت لي أصبعها و قالت قلة أدبك دي ما بتنفع معاي ، حيوانه انتِ ولا شنو ؟! قلت ليها الحيوانه دي بابا حازم مرسلها ليك .... ضيقت لي عيونها ، قلت ليها أمشي ليهو و سوقي معاك بكري لأنو طالبكم انتوا الإتنين ، قلت ليها كدااا و طوالي إتحركت من جنبها و أنا مبسوطه ...
جيت نازله و أنا برقص في السلم لحد ما وصلت الطابق الأرضي ، رماح قالت لي سرررعه تعالي فهمينا في شنو ، مشيت قعدت معاهم على الفرشه و قبل ما أقول حاجه مس نادين جات نازله و كانت بتحمر لي لحد ما وصلت الباب و طلعت ، مُنى قالت لي ليه بتعاين ليك كدا ؟ عملتي ليها شنووو يا مصيبه !...ضحكت و قلت ليها انتظروا و شوفوا ، ليلى قالت لي أكيد مشيتي و كذبتي على بابا حازم أو قلتي الحقيقه كـ محاوله منك لإنك تطفشي مس نادين من هنا بس اطمنك زي كل مره ما حـ يحصل العايزاه فما تفرحي ساي ، رماح قالت ليها انتِ يا ليلى المراه دي ماسكه عليك ذله ولا شنو دائماً بتدافعي عنها ! يعني ما معقوله تقيفي مع المستعمر ضد شعب بلدك ! قلت ليها ما تستغربي يا رماح دائماً بكون في خونه و مندسين مستعدين يبيعوا الوطن و يخونوا الشعب عشان مصلحتهم الشخصيه ، سماح قالت بس في النهايه حـ تنتصر إرادة الشعب و مهما طال الليل إلا ما يجي النهار ، ليلى قالت لينا تحبوا الدراما زي عيونكم ، أديتوني إحساس انكم عايزين تحرروا السودان ! كل وحده متغمصه لي دور إسماعيل الأزهري و محمد أحمد محجوب و فلانه دي (وصفت علي ) عامله نفسها علي عبد اللطيف ! قلت ليها معناها انتِ غردون باشا !...منار قالت ليها مالك انتِ من قبيل شابكانا اسماعيل الأزهري !؟ قلت ليها دا الإسم الوحيد البتعرفو ، كتر خير التلفزيون راجع ليها تاريخ مرحلة الأساس و خلاها تعرف شوية معلومات عشااان كدا جايه تتفلسف فينا ! قالت لي انتوا ناس ما عندكم موضوع بس ، قالت كدا و شالت الريموت و غيرت القناة ، فجأه مصطفى جا و قال لي مها بابا حازم بناديك ، طوالي انتفضت و طلعت بإستعجال و لمن وصلت المكتب مسحت الإبتسامه العلى وشي ، ضربت الباب ضربه خفيفه و دخلت لمن بابا حازم قال لي اتفضلي ، لمن دخلت أشر لي على الكرسي ، قعدت و بقيت مقاصده مس نادين و بكري ، بابا حازم قال لي زي ما قلت ليك كان في سوء تفاهم و هم أكدوا لي انهم ما شافوك لمن كنتِ واقفه جنب الباب ، قلت ليهو بابا حازم والله العظيم هم شافوني و بكري سمعني لمن ناديتو !! مس نادين قالت لي يا بتي نحنا لو سمعناك ليه نخليك واقفه برا ؟ أنا مشرفة الميتم دا و مسؤوله عن كل بت و ولد هنا و لو حصل لأي واحد فيكم حاجه أنا البنسئل عنكم و بعدين أنا ليه اخليك واقفه برا الميتم و تحت المطره و أنا المسؤوله عنك !؟ قلت ليها انتِ عااارفه ليه فما تعملي نفسك ما عارفه حاجه ☺️
المهم بعد شويه سمعت صوت بابا حازم و هو بقول خير مالا يا بنات و صوت مس نادين و هي بتقول ليهو والله هسي كانت كويسه ، شالوني و رفعوني في الكنبه و بابا حازم قال ليهم جيبوا مويه ، بعدها حسيت برشه على وشي ، فتحت عيوني و بقيت أعاين ليهم كلهم بخلعه !! بابا حازم قال لي بسم الله يا بتي مالك ؟؟
نزلت رجليني من الكنبه و قلت ليهو ماف شي و وقفت على حيلي بس تاني جيت واقعه في الكنبه ، ختيت يديني على راسي و غمضت عيوني ، بابا حازم قال لي في حاجه واجعاك ؟في شنو مالا يا جماعه؟
البنات قالو ليهو والله جات داخله هسي ، و ما عارفين الحصل ليها شنو فجأه كدا !! مس نادين ختت يدها على جبيني و قالت حرارتها عاديه ، بابا حازم قال لي يا بتي لو في شي حاصل معاك أو عيانه اتكلمي ما تسكتي بالمرض !! فتحت عيوني و عاينت لـ مس نادين و رجعت عاينت ليهو و قلت ليهو أنا كويسه بس دا كلو بسبب إني كنت واقفه تحت المـ .... طوالي هنا سكت و عاينت لـ مس نادين بخوف ، بابا حازم قال لي تحت شنو ؟؟ تمي كلامك !
فجأه جا واحد من الحرس و قال لبابا حازم مستر عبد الرحمن و باقي الضيوف قالوا ليك تعال ليهم هم مستعجل و هسي منتظرنك في المكتب ، قال ليهو جاي ، إتلفت علي و قال لي موضوعنا ما إنتهى و طوالي قام و مشى ، طبعاً الحصل دا كلو كان تمثيليه مني 😈😌 من دون ما أتكلم خليت بابا حازم يحس إنو في شي حصل معاي و لمن عاينت لـ مس نادين بخوف هو شك إنو الحصل لي بسببها هي ، و متأكده إنو حـ يجي بعد شويه عشان يسألني عن الحاصل ، طبعاً البنات لسه كانوا خايفين علي ، يشيلوا و يشربوني في المويه ، و كل مرهـ يسألوني الواجعك شنو ، قلت ليهم الواحد ما بشوف حبكم دا إلا لمن يقرب يموت ، قعدوا يضحكوا و قالو لي عشان حـ نفقد جنك و الفعاليات البتعمليها لينا ، قلت ليهم كويس انكم اعترفتوا إني مزينه حياتكم و مرفهاكم ، طبعاً منار واقفه بعيد و بتعاين لي و هي محتاره و منططه عيونها و مره مره بتكون عايزا تضحك لكن الضحك غالبها ! أنا ذاتي كنت حـ أضحك أو على الأقل ابتسم بس نظرات الشك تبع مس نادين ما خلتني ، طبعاً هي أكيد فاهمه إنو دا كلو تمثيل بس اليوم ماف شي بحلها مني ....
بعد شويه كدا جاني واحد من الشفع و قال لي تعالي شوفي مصطفى ببكي ، لمن مشيت ليهو لقيت عيونو حُمر من شدة البكى ، قعدت ليهو تحت و قلت ليهو مصطفى في شنو ؟ مالك بتبكي الدقاك منو ؟؟
قال لي هيثم شاكلني و دقاني ، قلت ليهو حيييا أنا منو هيثم دا ، مسكت مصطفى من يدو و مشيت بيهو على حوش الأولاد و مبناهم ، شُله منهم كانوا قاعدين في مسطبه و الشفع بلعبوا بلي ، طبعاً أول ما شافوني قالو المشااااكل جات ، واحد منهم إسمو سيد قال لي اها المره دي جايه تشاكلي منو ؟؟ مزمل قال ليهو أكيد جايه لـ هيثم لأنو شافعها دا مشى شكى ليها ، قلت ليهم الخايب دا مشى وين ؟ جاني صوتو و هو بقول لي أنا هنا ! إتلفت عليهو و قلت ليهو تعاااال لي هنا سرعه ، قال لي العايزني يجيني لحد عندي ، قلت ليهو تجيك الرافعه ضنبها يا هيثم ، مالك مع مصطفى قدرك هو عشان تدقو ؟؟ طبعاً الأولاد قعدوا يضحكوا ، قلت ليهو انت عمرك 17 و هو 8 سنوات و جاي تتقاوى عليهو ؟ قال لي أنا ذاتي ما قدرك ، انت 20 أو 21 و أنا 17 ، و جايه تتقاوي علي ؟؟!
قلت ليهو دا كلام زول خايف ، انت وقت شايف نفسك صغير و ما بتقدر على الناس الأكبر منك ليه بتقل أدبك ؟؟ فلاحتك دي بتعملها للشفع ليه ما تشوف القدرك !
قال لي أنا دقيتو و شاكلتو عشان مصلحتو ، قلت ليهو يا سلاااام عليك يا مربي الأجيال ! انت قايل نفسك ولي أمرو ولا شنو ؟؟! كان ممكن تتكلم معاهو عادي من دون ما تمد يدك عليهو !!
مصطفى قال لي و كمان قال لي يا ود الحـ*رام ، قلت ليهو انت متخلف ولا شنو يا هيثم ، قايل نفسك ود حلال يعني ، ما كلنا نفس الطينه و العجينه ، قال لي لو عرفتي شاكلتو ليه حـ تبوسي يدي الضربتو بيها دي ، ربعت يديني و قلت ليهو اتفضل قول لي شاكلتو ليه ؟؟
قال لي كان بشرب سجاره 😊 اليوم سجاره و بكرا ما معروف ياخد شنو ، يمكن يتعاطى مخدرات !
طبعاً إنصدمت !!
عاينت لـ مصطفى و قلت ليهو الكلام دا حقيقه ؟؟ قال لي السجاره دي حقتو هو ، قلت ليهو سألتك جاوبني ، شربت سجاره ولا لا ؟؟
سيد قال لي شربها والله و كلنا كنا شهود ، الولد دا ما تشوفيهو كدا بقى مسلط ، عاينت لـ هيثم و قلت ليهو و انت سجارتك دي جادعها وين عشان الشفع يشيلوها ! بعدين من متين انت بتشرب سجاير يا هيثم ! أحسن تخلي البتعمل فيهو دا ، قال لي دي حاجه ما بتخصك ، عليك بالكتكوت حقك دا و بس ، سكت خليتو و جريت مصطفى من يدو و مشيت بيهو بعيد و شاكلتو و في الآخر هديت نفسي و اتكلمت معاهو براحه و قلت ليهو تاني إياك تقرب من حاجات زي دي ، و الأولاد الأكبر منك ديل خليك بعيد عنهم ، الجابك ليهم شنو ؟! أمشي ألعب مع القدرك ما ألقاك تاني معاهم ، مفهوم ولا لا ؟؟
قلت ليهو طيب انت ساكن هنا ؟
قال لي لا بس جاي عندي شغل ، هزيت ليهو راسي بس و قلت ليهو يلا مع السلامه ، أول ما إتحركت حسيت إنو هو كمان اتحرك وراي ، لمن إتلفت قال لي حاسي إنو طريقنا واحد لأنو أنا كمان ماشي بالشارع دا و داخل الحله جوه ! قلت ليهو أنا ماشه لحد فرن اسمو فرن البركه ، قال لي مش قلت ليك حاسي طريقنا واحد ؟ أنا كمان ماشي هناك ، طبعاً للحظات إرتبكت ، في نفسي قلت ما مشكله أكيد ما حـ يمشي معاي محل أنا ساكنه ... عاين فوق و قال لي خلينا نستعجل ، المطره دي شكلها جايه تاني و لو جات يمكن تجي غزيره ، طبعاً الشوارع كانت ملياااانه مويه ، كنا بنمشي مع الحيط عشان ما ندخل في الطين ، الشارع البعدو من بدااايتو لنهايتو كان غرقان في المويه ، قلت ليهو حـ نضطر نخوج في المويه ، غيتو أنا متعوده بس انت ... قلت ليهو كدا و طوالي نزلت تحت عشان أقلع جزمتي ، قال لي لا دقيقه ، لمن عاينت ليهو لقيتو اتحرك من جنبي ، مشى لقط ليهو حُجار كبااار بقى يشيل و يمشي يرصها في المويه ، يركب في حجر عشان يخت الحجر البعدو ، لمن خلص بقى هو في الإتجاه التاني للمويه و أنا في الإتجاه الأول ، قال لي حـ تقدري تنطي و تجيني ولا أجي أساعدك ؟؟
قلت ليهو بقدر بقدر ، ختيت رجلي على أول حجر و طوالي مشيييت بإستعجال و بقيت اتحرك بخفه من حجر لـ حجر زي الفراشه و هو شغال لي براااحه براحه ما تقعي يا بت الناس ، لمن وصلت آخر حجر فجأه كدا إنزلقت و قربت أقع في المويه بس هو إتلقاني ، ضحك و قال لي لو كان وقعتي في المويه انت بشارع و أنا بشارع تاني لأنو مستحيل أمشي معاك في شارع واحد ... قلت ليهو بالنسبه لي حتكون حاجه عاديه ، قبل كدا وقعت كتييير و قمت زي الما حصل حاجه و مشيت المـ....البيت بمنظري داك 😂
قال لي يعني متعوده ! قلت ليهو أنا بخوج في المويه عدييل ، شفت الشارع دا !؟لو ما انت معاي و رصيت الحجاره دي كنت كفكفت بنطلوني و قلعت جزمتي و خُجت في المويه لحد ما أوصل البيت ، قال لي على فكره كدا ما صح ، المويه دي وسخانه و دا غير الحفر و القزاز أو الحاجات الحاده الممكن تكون غارقه فيها ، لو جرحتك حاجه كل الجراثيم الفي المويه دي حـ تدخل ليك في الجرح و تلوثو !قلت ليهو والله ما قاعده افكر كدا ... قال لي أعملي حسابك ، إذا في حلول تانيه في ليه الواحد يكون إتجاهو واحد و يفضل إنو يخوج في المويه ؟؟
قلت ليهو انت ساكن الخرطوم جوه ؟ قال لي ايوه!! قلت ليهو بس يااااها حركاتكم و ياها طريقة كلامكم الفلسفيه ، ضحك و قال لي هسي كلامي دا علاقتو شنو بالمنطقه الأنا ساكن فيها ؟ قلت ليهو طبعاً ليهو علاقه ، الناس الساكنه في المناطق الهاي كلاس ما بحبو الوساخه و أكيد ما بحبوا يخوجوا زينا في موية المطره أو المويه الوسخانه !
قال لي طيب ليه الواحد يخوج في مويه وسخانه ؟؟ يعني هي فلاحه ولا رجاله ؟؟
قلت ليهو لا ، نحنا ما بهمنا حـ نصل كيف ، المهم نصل ، بس انتوا بهمكم حـ تصلوا كيف ، بتحبوا تسلكوا الطرق الآمنه و الواحد لمن يجي ياخد قرار بدرسو و بفكر فيهو مية مره ، قال لي و دا الصح !!
قلت ليهو نحنا بنمشي سااااي كدا و الواحد بعد يصحى من النوم حتى يفكر هو مفروض يعمل شنو خلال يومو ، قال لي دا ما ليهو علاقه بـ الموقع الجغرافي أو البيئه الجاي منها الواحد ، دا اسمو إهمال و كسل و عدم ترتيب و تنظيم للوقت ... فجأه كدا المطره إشتدت بدل ما كانت بتنقط ، قال لي خلينا نمشي و اتحرك قدامي ، أما أنا كنت ماشه على راااحتي و مبسوطه بالمطر ، إتلفت عاين لي و قال لي يا بت الناس إستعجلي !! قلت ليهو انت أمشي أنا عايزا استمتع بالمطر ! قال لي المطره دي شكلها جايه غزيره ! قلت ليهو ياريت والله ، بحب أمشي تحت المطر ، انت أمشي و شكراً ليك ... طبعاً ما عرفتو مالو ، وقف عاين لي كدا بعدها قال لي تمام حـ أمشي بعد دا و انتِ ياريت تعملي حسابك ، انتبهي على نفسك ... طبعاً استغربت فيهو ! أداني إحساس انو نحنا بنعرف بعض مع إنو نحنا إتلاقينا مرتين فقط !!
أول ما اتحرك عليت صوتي و قلت ليهو : ما قلت لي إسمك منو انت ؟؟
إتلفت علي و هو ماشي و قال لي : يونس ... يونس الخطاب
بقيت أعاين ليهو و أنا مبتسمه لحد ما مشى و إختفى من قدامي ...♡
اتمشيت تحت المطره النزلت بغزاره و خلت ملابسي كلها تنقط مويه ، بس برضو كنت مبسوووطه و فرحانه بيها ، طبعاً ألواني دخلتهم جوه الشنطه و الورق خاتاهو في فايل بلاستيك ، المهم لمن وصلت وقفت عاينت للباب و لـ اللافته الموجوده فوق ليهو و المكتوب عليها "دار إيمان لرعاية و كفالة الأطفال " قربت من الباب و بقيت أضرب فيهو ، طبعاً الباب عالي و عريض و كذلك السور مرتفع و فيهو أسلاك شائكة ، ما ضربت الباب كتير لأني عارفه مع المطره دي و صوتها ماف زول حـ يجيب لي خبر ، اها بقيت واقفه بتلفت و المطره لسه صابه و ماف ولاااا زول في حوش الميتم عشان أناديهو يجي يفتح لي ، فكرت أتسلق السور بس ما لقيت طريقه ، متعوده اتسلقو بحبل بس بدون حبل الموضوع صعب خاصة مع المطره دي ! طلعت
#بطل_الحكايه1
مها حولي الزاكي
أحياناً بنحس إنو الحياة حـ تفتح لينا أبوابها على مصرعيها ، فـ بنبدا نحلم ، نتأمل و نعشم لحد ما نصطدم بالواقع المرير ، لحد ما نلقى إنو ولا باب من الأبواب الكنا منتظرنها تفتح إتفتحت لينا ، ساعتها حـ يصيبنا اليأس و الإحباط ، حـنكون واقفين في النص بين الخيبه و الخيبه ، و جوانا صراع الإستمرار و التراجع ، رِجل ورا و رِجل قدام ..
و أحياناً كتيره نحنا ما بنكون عايزين شي من الحياة دي غير لحظات هدوء من كل ضجيج جوانا ، و راحة بال و سكينه من كل حاجه أثقلتنا ، مهما تعبنا و جرينا في الحياة و ضقنا اللذه و المشقه حـ نفضل نناشد و نطلب شعور الرضى ، لأنو طول ما انت راضي عن نفسك كل شي حـ يهون بإذن الله....
الحكايه بدت في يوم من أيام خريف شهر أغسطس ، بتذكر اليوم داك السماء كانت شاااايله و الجو غمام و النسيم عليل ، طلعت اليوم داك و مشيت سوق أمدرمان ، تحديداً لمكتبه من المكتبات عشان أشتري ألوان و شوية أوراق ، لي فتره طويله بجمع في القروش دي عشان أشتري بيهم نوعية الألوان دي ، المهم إشتريت إحتياجاتي و لفيت شويه في السوق بعدها طلعت منو ، مشيت المواصلات و ركبت طوالي ، و بعد دقيقتين كدا العربيه شبه إتملت ، فتحت الكيس و طلعت الألوان الإشتريتهم و بديت أشوف فيهم ، فجأة جاني صوت بقول : لو سمحتي الألوان دي اسمها شنو ؟؟
لمن إتلفت عليهو لقيت شااااب كدا وجيه و كان قاعد في الكرسي الجنبي بس أنا ما كنت منتبها ليهو لمن جا و قعد ، لمن دققت فيهو حسيت إني شفتو قبل كدا ، هو ذاتو عاين لي بنفس النظرات لمن إتلفت عليهو ، سبقني في الكلام و قال لي أنا حاسي إني شفتك قبل كدا ، قلت ليهو و أنا كمان ... الإتنين سكتنا للحظات و بعدها و في نفس اللحظه قلنا : "شارع النيل " قلت ليهو لمن نحنا اتشاكلنا مع ولد و انت إتدخلت و حجزتو مننا ! قال لي ايوه ايوه اتذكرت تفاصيل اليوم داك ، ضحك و قال لي على فكره أنا كنت خايف على الولد منك انتِ و صحبتك ، ظاهر عليكن الشده و القوه ، ضحكت و قلت ليهو ما قصرت والله ، كويس انك مسكتو عشان لو ما كدا كنا حـ نشوه ليهو خلقتو ، المهم ديل ألوان إكريلك و ديل باستال ، قال لي ممكن تفتحيهم لي أشوفهم عاملات كيف ! طوالي فتحت ليهو الألوان ، الأكريلك ألوان على شكل معجون مرصوصه في مستطيل طويل ، و باستال ألوان بتشبه الطباشير ، قال لي شكلهم حلو شديد صراحة أنا برسم بالرصاص فقط ، ما بحب أو بخاف أدخل الألوان على لوحاتي!
طبعاً أنا بعشق حاااجه إسمها رسم و بالتالي بحب كل رسام و كل زول بحب الفن ، إنبسطت و قلت ليهو بالجد انت بترسم !
طلّع تلفونو فتحو و وراني رسمات كتيره ليهو ، قال لي لو لاحظتي كلهم بالرصاص و كلهم خاليات من الألوان ، بحس إنو الألوان بتخرب الرسمه !
قلت ليهو بالعكس الألوان بتزيد الرسمه جمال بس محتاجه زول متمكن و بعرف يستخدمها إستخدام صحيح ، قال لي و للأسف أنا ما بعرف ، قلت ليهو ادخل اليوتيوب و شوف فيديوهات لناس بتلوين ، قال لي إلا كدا والله .... طبعاً الوقت داك العربيه كانت متحركه ، بعد شويه كدا تاني إتكلم معاي و قال لي الرسم عندك موهبة ولا حاجه إكتسبتيها ؟؟
قلت ليهو موهبه بحاول أنميها ، قال لي كويس شديد والله ! معناها أنا حالياً قاعد جنب واحده من أشهر الرسامين في السودان !
قلت ليهو لا لاااا والله لا مشهوره لا من أشهر الرسامين ، أنا برسم لنفسي و رسوماتي دي ما بشوفوها إلا الناس القريبين مني ، قال لي معناها حظي كعب عشان ما حـ اقدر اشوف رسوماتك لأني ما من الناس القريبين منك !
سكت للحظات بعدها قلت ليهو ثواني ، طلعت تلفوني الخُرده و فتحت ليهو صورة واحده من رسوماتي ، قال لي ما شاء الله رساااامه والله مااااف أي كلام ، مستغرب كيف وحده بترسم بالمستوى دا ماف زول عارف بيها !
قلت ليهو ما قاعده اشارك رسوماتي مع الناس ، برسم عشان أفرغ غضبي مثلاً ، أو عشان اتخلص من الملل و الزهج ، قال لي فعلاً الرسم قادر يخلي الواحد ينسى كل همومو و ينشغل بالحاجه البرسم فيها ، الرسم قادر يخلق ليك عالم خاص بعيداً عن الناس ، قلت ليهو و انت الرسم عندك موهبه ولا حاجه مكتسبه ؟؟
قال لي والله من وعيت على الدنيا دي لقيت نفسي برسم و مع الزمن بقيت أحاول أطور رسمي ، قلت ليهو و ما شاء الله قدرت تطور نفسك في الرسم و اللوحات الوريتني ليها دي خير دليل ، إبتسم و قال لي مع إني حاسس إني لسه ما وصلت للمستوى المطلوب ، قلت ليهو رسمك خطيير والله و دي ما مجامله ، انت قاعد تعرض لوحاتك ؟؟
قال لي ايوه و بتباعوا كمان ... قلت ليهو بحماااس : معناها أنا قاعده جنب واحد من أشهر الرسامين في السودان!! ضحك و قال لي كمان ما للدرجه دي ، قلت ليهو بما انك عارض لوحاتك و بتتباع معناها انت رسام مشهور !!
طيب أنا أخليكِ تقري ولبعدين بتصل عليك نتونس شوية ...
خلاص تمام ـ وانت كمان ارتاح شوية ...
حااضر ي السمحة ♥♥♥.....
قفلت المكالمة وكانت مبسوطة شديد ـ اصلا كل م تحكي معاه بتكون مبسوطة وطاايرة من الفرحة ـ صوتو بالنسبة ليها زي المسكن ♥♥♥.....
...... بسمة يابتي تعالي الغداء عشاء م يبرد ....
حاااضر يمة جااية .....♥
*** المحادثة الفوق دي بين بسمة وكمال ..♥
أيوة كمال ود عم مؤمن ....خطب بسمة أخت بنان قبل سنة وعرسهم حيكون بعد ولادة اخواتها الإتنين بدور وبنان .....
بسمة خشت الجامعة وحاليا في المستوي التاني بتدرس إدارة أعمال ......
.......
أثناء ما كمال كان بقضي الإمتياز في بيت عمو عبد الغفار ـ بسمة صادفتو زي تلاتة مرات لما كانت بتجي لأختها بنان عشان تسلم عليها ـ كمال عجبتو شديد وكلم اختها بنان طوالي إنو عايزها لقدام وكدة ....
بنان قالت ليهو والله ياكمال احنا اكيد ما حنألقى راجل بأخلاقك دي لأختي ـ بس حاليا بسمة صغيرة شوية انتظرها لحدي م تخش الجامعة وبعدها كلمها وكلم ناس البيت ـ كمال قال ليها جدا ماف مشكلة وعندي استعداد انتظرها مهما كان الزمن اصلو مامستعجل ...
وفعلا عدت الايام وبسكة خشت الجامعة ـ كمال اتواصل معاها وكلمها بالحاصل كلو وانو عايزها لقدام ـ ولقى قَبول تجاها وبعدها كلم أهلها وخطبها رسمي وعرسهم قرب بعد كم شهر بس ....
....... أما اخوهم الفي ليبيا جاء السودان وعرس وحدة من بنات اهلو وسكن مع أمو وأبوه في بيت واحد ....
أما بالنسبة لوضعهم المادي والمعيشي اتحسن شديد وبقى ممتاز ـ لأنو بنان اشتغلت مترجمة في شركة من الشركات الكبيرة ـ مؤمن اتوسط ليها وشغلوها .... وكل قروشها البتصرفها بتديهم لأهلها ـ طبعا مؤمن فتش ليها الشغل دة عشان عارفها ما بتشيل منو قروش ولابترضى يديها قروش عشان تساعد بيه اهلها عشان عارف كرامتها ما بتسمح ليها كده ـ ف فكر انها تشتغل وتصرف عليهم عشان تكون مرتاحة ومتطمنة وما تحس بأي حرج ♥♥♥
ابوها اشترى ليه دكان سلع غذائية كبير ـ أما أمها فسابت الشغل الزمان بناء على طلب بنان وقالت ليها ترتاح بس وما تتعب خالص كفاها تعبت كتير عشانهم بعد كدة جاء الزمن الترتاح فيهو من شقاء الدنيا ـ اما اخوها فتح ليهو دكان جملة بتاع ملبوسات وأمورو وضحت شديد ....
........
نون : أها تجهيزاتك كيف للولادة ...
بنان : الحمد لله جهزنا كل حاجة م باقي شي ...
نون : ربنا يحلك بالسلامة حبيبتي ...
بنان : آمييين ي قلبي إنتِ....شكرا يانون ♥
نون: على شنو!
عارفة إنو شكرا ما حتكفي ولا حتوفي على كل حاجة عملتيها لي في حياتي .... والحياة العايشاها اسي دي بعد فضل الله تعالى الفضل برجع ليك انتِ كمان ....
بسبب الشغل الجبتيهو لي ربنا فتح لي أبواب رحمتو الحمد لله رب العالمين ....
نون : أنا ماعملتة اي شي حبيبتي ـ انا بس كنت مجرد وسيط ربنا سخرني ليك عشان يفتحها عليك ♥ إنتِ اطيب وأحن وألطف صديقة وأخت بالنسبة لي وتستاهلي كل خير ♥♥♥♥
بعدها بقو بتذكرو ذكرياتهم الزمان وآخر ونسة وضحك......
........
جود وجواد كل م يكبرو حبهم وتعلقهم ببنان بزيد وحاليا منتطرين البيبي الجاي على أحر من الجمر ♥
أما سوسن فكانت مثال طيب جدا للنسيبة الفاهمة والواعية والراقية ـ ماحصل شافت بنان على إنها مرت ولدها ـ كانت شايفاها زي بتها ميمنة وااحد♥♥♥.
............
عدت الايااام وبدور ولدت جابت ولد سمتو مُبشر♥
بعدها بنان ولد وجابت بنووتة سمتها يقين♥ تيقناً بقدرة الله وعظمتة ♥♥♥♥♥
...........
النهااية
تحياتي غزل بت وليد♥♥♥
*الحاجة الأكيدة في الدنيا دي؛ إنّ الله على كل شيء قدير.. يعني لو وقف الكون كله واستحالت المُسبّبات ربنا قادر يغير كل حاجة عشان دعائك وما سكنَ قلبك وتمنّيته ولم تبُح به♥
تخيل أن الرحمن لن يُخيب أملك مادمت تحسن الظن به!
احلم واتمنى وبالغ في طلبك فأنت تطلب من أكرم الأكرمين وأرحم الراحمين♥♥♥♥♥...
.........
بتمني الرواية تكون نالت إعجابكم وإستحسانكم ♥♥♥
وبهمني رأيكم جدا فيها ♥
✳️قناه رواياتي بالتلغرام✳️
.......
غزل بتحبكم نفر تفر ♥♥♥♥
#أنيس الروح #
(22) والأخيرة ♥
بقلم : غزل وليد♥
ي أولادي عليكم الله كفاكم لعب ـ شيلو كتبكم دي أقرو شوية ـ والله أشوفكم تاني بتهظرو اشيل الخرطوش اضربكم ـ يلا أي واحد يقعد ليه في سرير ويشوف قرايتو وين.....
بُنة حبيبتي إنتِ تعالي أقعدي جمبي ـ خلي أخوانك يقرو كويس ....
بنان : حاضر ماما ...
بدور : يحضر ليك الخير حبيبتي ... اااخ ي الله ... وختت ايدها في بطنها ...
بنان : ماما مالك واجعك شنو ...
بدور: كويسة أنا حبيبتي ـ بس دة البيبي بتحرك جوة ...
بُنة(بنان) ختت إيدها في بطن أمها وبتحاول تحس بحركة الجنين في بطن أمها ...
بنان : حيطلع متين ياماما عايزين نشوفو ...
بدور : قريب ان شاء الله حيطلع هههههه ....
.........
بنان بتكون بتها ل بدور سمتها على خالتها وبتناديها بُنّة (لقبها) عمرها الآن 4 سنة ..... وبدور حاليا حامل تقيلة في الشهر التاسع ......
* فلاش باك*
*قبل اربعة سنة من الآن ـ يعني اثناء ما بدور كانت حامل ب بنان *
..... بدور لما كانت حامل بيها أول زول كلمتو بحملها كانت أختها بنان .... بعد خشت الشهر الرابع أيمن زوجها عرف بالصدفة لما شاف نتيجة التحليل بالغلط في المطبخ .....
أيمن : بدور ممكن تفتحي لي باب الغرفة عايز أحكي معاك في موضوع مهم ....
بدور : وانا ماعايزة اسمعك ولا أسمع مواضيعك المهمة دي ـ أمشي احكيها ل مرتك التانية....
أيمن : بدور الله يرضى عليكِ افتحي الباب م تخليني اكسرو ...
بدور : لو بتقدر أكسرو ـ لكن أنا مستحيل افتح ليك الباب ....
أيمن ولا هظر كان ناوي يكسر الباب جد جد ـ إلا بدور وقفتو ومشت فتحت ليهو الباب ....
بدور : اها ي أستاذ عايز شنو? بالجد انا متحيرة ليه بتحب تزعجني وتخليني اشوف وشك دة ....
أيمن : للدرجة دي بقيتي بتكرهي. شوفتي ?
بدور : بصورة م بتتخيلها كمان ...
أيمن مد ليها ورقة التحاليل حقت الحمل ...
بدور : د د دة شنو ـ ولقيتها وين ...
أيمن : بخصوص لقيتها وين ـ لقيتها في المطبخ مطوية جمب الكرتونة حقت الرز ـ أما بخصوص دة شنو ف إنت عارفة دة شنو ـ صح?
بدور : أيمن أطلع برة ـ م عايزة احكي معاك ....
أيمن قرب منها وختة إيدو في بطنها ...
إيمن : ليه م وريتيني إنك حامل ـ ليه خبيتي عني خبر حلو زي دة ...... ودمعتو نزلت ...
بدور : كفاك تمثيل عليك الله ـ والطفل دة أصلا جاء بالغلط ـ جاء بسبب اليوم المشؤوم القربتة فيهو مني وأنا م عايزاك ـ يوم واحد بس خلاني أحمل منك ....
أيمن حضنها عليهو وبقى ببكي زي الشافع ـ بدور بقت مستغربة شديد ـ أول مرة تشوفو ببكي بالطريقة دي .. ومن دون م تحس حنت عليهو ـ بس رجعت إتذكرت إنو عرس ..
بدور : أيمن زح مني ـ وأمشي إبكي في حضنها م تبكي في حضني ـ حتعرف تواسيك وتخليك تهدى ....
أيمن : أرجوكِ م تجيبي لي سيرتها ـ أصلا البينا انتهى من قبل تلاتة شهور ....
بدور : لا حرام عليك هي زوجتك م صح تقول كدة ...ومستحيل الحب البينكم ينتهي ... قالتها بإستهتار
أيمن : زوجتي واحدة فقط وهي إنتِ .... أنا طلقتها ي بدور .....
بدور : كيف يعني طلقتها يخسي عليك ـ معقولة تطلق الزولة البتحبها ....
أيمن : أنا ما حبييت غيرك يابدور ....
بدور: اشششششش اياك تقول إنك حبيتني ـ انت ابدا ما حبيتني ـ خالص ما حبيتني ياأيمن ....
أيمن : بدور انا عارف اني جرحتك شديد وكسرتة قلبك بس والله العظيم الحصل كلو كان وسوسة شيطان م أكتر ـ الشيطان خلاني أشوف غيرك واتزوجها ـ بس والله حتي بعد م اتزوجتها م حبيتها زي ما حبيتك انتِ
إنا زيك مستحيل ألقى لو لفيت الكون دة كلووو ـ أرجوكِ سامحيني وخلينا نرجع زي زمان ـ خلينا ننسى المضى ونفتح صفحة جديدة ـ وبوعدك ح أختك في عيوني ـ وعيني م حتشوف غيرك تاني لآخر يوم في عمري ..... كان بتكلم معاها ودموعو نازلة زي المطر
كان واضح انو مكسور وندمان شديد ....
بدور : هههههههه فاكر اني حأصدق وعودك دي تاني?
فاكرني حأصدق كلامك الحلو دة تاني?
فاكر إنو مكانتك في قلبي حتكون زي زمان?
فاكر إنو المضى حأقدر أنساهو?
أبدا أبدا يا أيمن ـ بدور بعد ما كسرتها ـ اتغيرت ـ بقت بدور تانية ......
أيمن : في كل حالاتك أنا عايزك ـ انا بحبك وحأحبك لآخر يوم في حياتي ـ عارفة ليه? لأنك #أنيس الروح # بالنسبة لي ♥ وأبدا ما حألقى ونيس غيرك في حياتي ....
عدت الأيام وبدور ولدت جابت أحلى بنونة سمتها بنان على أختها بنان ..... أول ماشافت وش بتها بكت وقالت ليها بعتذر منك ي بتي لأني كنت كارهاكِ من قبل م تجي ع الدنيا ـ بس وعد مني إني حأحبك أكتر من كل أولادي ـ لأني ظلمتك من قبل م تجي ع الدنيا بسبب غلط م غلطك ـ أعفي لي يابتي ـ حضنتها عليها وبكت ...... وفعلا بدور م بترضى في بتها بنان أبدا ـ ولو واحد من اخوانها ضربها بالغلط بتزعل شديد وبتهيج ـ وسبحان الله بنان بتها طلعت حنونة شديد على خالتها ـ وأي كلمة أمها بتقولها ليها بترد ب حاضر ماما ـ حتى ابوها عندو محبة خااصة تجاه بتو بنان ♥ ....
أيمن : يخخخ كرهتيني حياتي بنكدك الكتير دة وطلباتك الما بتنتهي دي ـ ما ممكن يخخخ ـ شايفاني صراف آلي بالنسبة ليك ـ كل شويتين عايزة دة جيب لي دة اشتري لي دة ـ شنو هو يخخخ ....
لنا : ماتجوط فيني احسن ليك ـ وبعدين من حقي اطلب مش زوجتك ...
ايمن : اسي انا مقصر معاك في شي ... يخ انتِ ليه جاحدة كدة ـ كرهتيني كل حاجة ـ بس متمني يوم أجيك وما تمليني فقر ونكد ـ انا فترتة فترتة والله ...
لنا : اسي الجوطة دي كلها عشان قلتة ليك عايزة لي حلق دهب عاجبني ...
ايمن : بدور انا عندي بيتين ـ فالقروش دي مابصرفها عليك براك ـ عندي اولاد كمان و (قبل م يتم كلامو قاطعتو)
لنا : اول حاجة اسمي لنا مابدور تمام!! ! تاني حاجة انا ماطلبتة منك حاجة تعجيزية ـ تالت حاجة لو خلاص زهجتة من علاقتنا دي طلقني ـ احسن لي ارجع بيت أهلي ـ كنت عايشة مرتاحة معززة مكرمة ـ بس من بعد اتزوجتك هِنتني ومرمطة بي الواطة ـ علاقة سامة غير شالت مني وهلكتني ما أدتني اي شي ....
أيمن : والله! !!! إنتِ جادة في كلامك دة ...
لنا : ايوووة جادة ـ وطلقني زاتو ارتاح مني وريحني منك ....
أيمن : جدا ي لنا طلباتك أوامر ...
وانتِ طالق طالق طالق بالتلاتة .....
.......
عدت الأيام وعلاقتي مع مؤمن كل يوم بتقوى ـ كل يوم بكتشف فيهو جانب حلو كان مخبيهو عني ـ أول مرة في حياتي احسن إني بالراحة النفسية دي ـ ربنا تدريجيا فتح لي كل ابواب رحمتو بعد ما كانت كلها مقفولة ـ يقيني الكامل بيهو كلو صدق .... ماكنت متخيلة في يوم اني اتزوج بالطريقة دي ـ ما كنت متخيلة في يوم أحب زول غير جهاد ـ ما كنت متخيلة في يوم إني اعيش حياة طيبة زي دي ..... ربنا عوضني بحاجات كتيرة لا تعد ولا تحصى والحمد لله رب العالمين ....
.......
قبل يومين جو ضيوف من أهل أمو لمؤمن ـ بتبقى لسوسن بت خالتها اسمها سوزان ومعاها بناتها اتنين و ولدهاـ ميرال ومي ومحمد ـ كانو مسافرين الإمارات ومرو بالولاية الإحنا قاعدين فيها فقالو يجو يسلمو على سوسن ويقعدو اسبوع كدة وبعدها يسافرو ....
بتها ميرال الكبيرة في عمري ـ والتانية اصغر مننا بشوية و ولدها محمد عمر 17 سنة تقريبا .... في البداية انبسطتة وقلتة طالما شابات زيي اكيد حننبسط ونقضي وقت حلو ـ كنت بحاول اتونس معاهم واقرب منهم بس حسيتهم زي الماطايقني وبمسكو تلفوناتهم نظام م عايزين معاي كلام وكدة ـ طواالي خليتهم في ستين ـ عنهم لو م عايزين يتكلمو معاي زاتي م فاضية ليهم .... بس الغايظني شديد لما مؤمن وكمال يكونو قاعدين بتراشقو رشاقة كدة عجيبة ـ الكبيرة بتستلم مؤمن والتانية بتستلم كمال ـ
شي دلع وحركات غياظة شديد ـ والكلام دة بلحونوت لحن احيااا بس التقول اشيل سوط امعطهم بيه ـ طبعا بقوم طوالي بخليهم ساي يجيني مصران عصبي من حركاتهم دي ...
والعجب لما تقول مؤميييين يا مؤمييين ( بتجرها زي السخلة يجروها من رقبتها بركة الله) .....
..... يوم الجمعة عمو عبد الغفار ضبح خروف وقال نعمل مشويات في الحديقة ونعمل لمة مع بعضنا تكون ظريفة ....
كنا شغالين انا وخالتو سوسن واختها سوزان ـ ومونا بتساعدنا برضو ـ اما البرينسيسات بعاينو لينا من بعييد وماسكين تلفوناتهم ... انا كنت بعمل في شية الجمر وخالتو سوسن بتعمل في الشية العادية ـ اما خالتو سوزان بتظبط في أم فت فت وسلطة جزر بالروب ...
مؤمن جاء وبقى بساعدني وبنتونس ـ شوية كدة ميرال جات وقالت لينا محتاجين مساعدة ـ قلتة ليها لا شكرا ـ اصلا قربنا نخلص مؤمن حبيبي م قصر جاء ساعدني والله ـ وابتسمتة معاهو ـ بقى بعاين لي وحسيتو كاتم الضحكة ـ ميرال حمرت لي وقامت مشت ....
بنان : كأنك عايز تضحك!
مؤمن : ابدا ابدا ...
بنان : البضحك شنو وريني ( وحمرت ليهو)
مؤمن : ع فكرة انتِ عسل شديد .... وضحك معاها ...
بنان : عارفة 😒
مؤمن : كدة بخاف م تصري لي 😂
بنان : حااضر يا مؤميييين ...
طبعا فكاها ضحكة لمن اتشرق والناس كلهم عاينو لينا ..
قالو لينا ضحكونا معاكم ههههههه ...
مؤمن عرفني بحاكي في ميرال ـ وبقيت كل م اشوفو بقول ليهو مؤمييين ـ وهو بضحك لمن عيونو بتدمع ههه
بالليل لما رقدنا عشان ننوم قال لي ميرال طلبت منو بكرة يوديها السوق عايزة تشتري موبايل جديد ....
بنان : اهاا طيب تمام ... يلا تصبح ع خير ..
مؤمن : بدري كدة!
وحضنها عليهو من ورا ...
بنان : انا مرهقة شديد عايزة انوم ...
مؤمن : طيب إتلفتي علي ...
بنان م ردت عليهو وعملت فيها نايمة ...
مؤمن زح ليها شعرها بالجمبة وباسها في رقبتها بطريقة خلتها ترجف ـ اصلا عارف الحتة دي نقطة ضعفها ...
بنان : م م مؤمن خليني انوم ...
تاني رجع باسها في رقبتها وحرك ايدو في بطنها ـ رجفت وقبلت عليهو ...
أيمن : هههههه وبعدين! حيسجننوني? او حيضربوني? ولا حيطردوني من بيتي? ولا حيمنعوني اقرب من زوجتي? وريني حيعملو شنو من ديل! !!!!
بدور م باقي ليها إلا تبكي ...
بدور : طيب اسي انت عايز مني شنو ـ ياهو اتزوجتة وعايش حياتك تاني في شنو ... والعايزو كلو حتلقاه عندها ...
ايمن : اشتقتة ليك ي حبيبتي...
بدور : حاسب كلامك ـ لأنو انا م حبيبتك ـ حبيبتك م هنا للاسف ...
ايمن : بدور والله اشتقتة ليك شديد ـ انتِ ليه بتعملي فيني كدة ـ ليه بقيتي قاسية بالصورة دي ـ معقولة م اشتقتي لي!
بدور : ايمن ارجوك انا ما حابة اتناقش معاك خالص
عليك اطلع ـ ماعايزة اشوف وشك رجااء ... يطني طمت منك ...
ايمن : ماطالع ـ ماطالع عديل كدة ...
بدور: طيب مامشكلة انا بطلع ...
اتجاوزتو وعايزة تمشي ـ أيمن مسكها من ايدها ـ وجراها عليهو .... انحنى عليها و وشو بقى مع وشها ..
بدور : الله يخليك ماتعمل كدة ـ عشان خاطري عندك يا أيمن .... (دموعها نزلت) ...
أيمن : آسف بس م حأقدر أبعد ـ لي فترة طويلة محروم منك واشتقتة ليك ... وباسها طوالي م اداها فرصة تتكلم تاني ـ حاولت تقاومو عشان م يلمسها بس م قدرت وحصل الحصل ....
بعد م خلصو بدور كانت شادة الغطاء عليها وبتبكي بحررقة شديدة ـ كانت كارهة روحها وكارهة اي شي
أيمن حاول يحكي معاها بس من دون اي فايدة ـ في النهاية لبس ملابسو وطلع خلاها ...
جاء في بالها تنتحر وترتاح من العذاب العايشاهو دة بس رجعت استغفرت ـ استحمت واغتسلت وصلت ركعتين وبعدها دعت كتييير ....
عدت الأيام وبدور حالتها النفسية نوعا ما بدت تتحسن وايمن من بعد الحصل م شافها ـ فكرت تبدا تعمل ليها بزنس خاص بيها ـ منها تستفيد وتكسر الملل والروتين العايشاهو دة ـ شالت خاتمها حق الدهب الكان جايبو ليها ايمن هدية زواجهم ـ الخاتم فيهو 10 جرام ـ ومشت باعتو ـ جابت ليها بضاعة وبقت بتوزعها في الحلة ـ شغلها كان ماشي معاها كويس نوعا ما بس محتاجة زمن عشان تعمل زباين كتار .....
في يوم كانت قاعدة بتطبخ وفجاة حست بضيق من ريحة الاكل وبطنها طمت ـ جرت طلعت برة واستفرغت
الحاجة دي اتكررت مرتين ـ وبقت بتحس بفتور شديد وعلي طول تعبانة ونعسانة .... بقت بتفكر وقالت معقول أكون حامل! لالالالا مستحيل ـ يارب يارب ما يكون حمل ـ كانت خايفة شديد تطلع حامل ـ وعشان تقطع الشك مشت الصيدلية جاب شريط فحص الحمل ـ جربتو وظهر ليها خطين ـ قعدت في الارض وانهارت بالبكاء ـ وبتضرب في بطنها بتقول لالا ماعايزة ماعايزة ـ ان شاء الله يموت ماعايزة الطفل دة ـ كانت ماواعية بتقول في شنو ... مشت المستشفى عديل وعملت فحص تأكيدي ونتيجة الفحض كانت بوزيتف ـ لما وصلت البيت غمضت عيونها ورقدت نامت عشان ما عايزة تفكر في موضوع انها حامل ـ المفروض انها تفرح بالحاجة دي ـ بس بعد المشاكل الحصلت بينها وبين ايمن كانت مقررة انها ماتنجب منو اي طفل تاني ـ بس إرادة ربنا فوق كل شي .....
يتبع ....
#أنيس الروح#
(20)
بقلم : غزل وليد♥
بنان لما أغمي عليها مؤمن حاول يوعيها بكل الطرق بس م فتحت عيونها ـ في النهاية كلم أمو عشان يوديها المستشفى ـ سوسن نادت كمال عشان يشوفها بالأول لأنو دكتور ـ كمال مشى وشافها ـ قاس ليها النبض بسماعتو الطبية ـ لقى النبض طبيعي ـ وحرارتها طبيعية ـ كتب ليها درب جلكوز ورسل مؤمن يجيبو من الصيدلية ـ لما جابوهو ركبو ليها ـ شوية كدة فتحت عيونها ورجعت لوعيها ـ مؤمن كان ميت من خوفو عليها ـ ولام روحو إنو هو السبب في حالتها دي ـ صراحة البيت كلو كان خايف عليها شديد ـ كمال طمنهم وقال ليهم. حصل ليها هبوط وما اعتقد في حاجة خطيرة ـ عبد الغفار قال ليهو والسبب شنو ـ كمال قال ليهو الهبوط اسبابو كتيرة بس غالبا بكون نقص الجلكوز في الدم ـ التوتر ـ الاجهاد ـ واحيانا بكون عرض لمرض معين ـ وعشان تطمنو عليها أكتر بكرة تمشي المستشفى ويتعمل ليها فحص دم كامل .... سوسن قالت طيب ي ولدي ....
كمال : اسي كيفك بنان ـ وحاسة بشنو ـ في حتة واجعاك في جسمك ـ او حاسة بأعراض متعباك ـ صداع مثلا او طمام?
بنان : اسي كويسة انا وم شاعرة بشي ...بس شوية دوخة ...
كمال : طيب بعد الدرب يخلص ارتاحي واكلي كويس تمام ...
بنان : تمام ...
كمال : يلا ي جماعة خلوها ترتاح شوية ....
بعدها كلهم طلعو ـ مؤمن جاء قعد جمبها ومسكها من إيدها ـ بنان دارت وشها ع الجهة التانية ....
مؤمن : انا آسف حبيبتي ـ الحصل ليك بسببي انا ...
خجلان من روحي وماف اي مبرر للعملتو معاك ـ دي الغيرة خلتني اعمل كدة والله ـ بعتذر منك والله ـ وباس ايدها .... اسي ارتاحي ما حازعجك ي روحي ....
سوسن جابت ليها اكل ومعاه عصير وبقت بتأكل فيها زي بتها .....
..... تاني يوم مؤمن ساقها المستشفى وعملو ليها فحوصات شاملة وطلعت كلها نضيفة م عندها شي ـ الدكتور قال ليهم غالبا حيكون توتر وارهاق خلوها ترتاح وتبعد عن اي استريس وبعدها طلعو ...
بعد م ركبو العربية عشان يرجعو البيت ـ بنان كانت ساكتة ومقبلة على شباك العربية سرحانة ...
مؤمن كان بحاول يتكلم معاها بس بنان ساكتة وخشمها عندها ـ بعد مسافة انتبهت انو العربية ماشة في طريق تاني غير طريق البيت ـ بعدها العربية وقفت قدام حتة كدة فخمة مكتوب عليها (سينما .....) ـ فتح الباب نزل ـ وجاء فتح لي الباب ومد لي ايدو عشان انزل ـ عاينتة ليه ونزلتة براي من دون م امسك ايدو ـ قفل الباب ومسك ايدي عشان نخش جوا ـ عايزة افك منو ايدي بس رفض يفكها خالص ....
قطع تذاكر وخشينا صالة عرض كبيرة وفيها شاشة ضخمة ـ جابو لينا بوشار وإسناكس وعرضو لينا فيلم ـ
الفلم كان تركي رهيب شديد ـ كوميدي رومانسي ـ اندمجتة معاهو شديد وكل م يجيبو مقطع كوميدي بضحك ..... لما يجيبو مواقف رومانسية بين البطل والبطلة مؤمن بعاين لي وبمسك إيدي ـ انا كنت بعمل رايحة وخالص م بعاين ليهو .... صراحة انبسطتة شديد لحدي م خلص الفلم ....
مؤمن : رأيك شنو في الفلم ...
بنان : حلو, حبيتو ...
مؤمن : فعلا ظريف ...
بعدها مشينا حتة هادية وظريفة قعدنا فيها ....مؤمن كان بحاول بفتح معاي مواضيع بس انا كنت بختصرو ..
مؤمن : إنا عارفك لسة زعلانة مني .... بس والله ي بنان ردة فعلي امس كانت من غيرتي عليك ـ ولما شفتة كمال ماسكك من ايدك بقيت م شايف من الزعل ـ بنان انتِ عارفة انا مابحب راجل يكون قريب منك غيري ...
بنان: مؤمن انت فهمتة الموضوع كلو غلط ـ وحتى المسكة دي كانت سهوا ـ وما كان قاصد يمسكني اصلا ... كل الحكاية لقاني متنشنة ــ وسألني في شنو ـ ولما رديت عليه بإنو ماف شي ماصدقني و وقفني قال لي اعتبرو زي اخوي واذا محتاجة اي مساعدة اكلمو ـ دة كل الحصل امس والله العظيم ـ واذا ما مصدقني أو م بتثق فيني عادي أسألو ....
مؤمن : حبيبتي انا ابدا ماقصدي أشكك في صدقك وإخلاصك لي ـ انا بثق فيك أكتر من نفسي ـ بس والله الحصل غصبا عن إرادتي ـ الغيرة كانت عامياني ... أرجوك اعفي لي وبوعدك م يتكرر الحصل ...خت ايدو في إيدها ـ وعاين ليها بنظرات خلاها تحن عليهو وتسامحو .... باس ايدها وقال ليها بحبك ♥ بنان ابتسمت وقالت ليهو انا كمان بحبك♥ ....
مؤمن : ايوة ايوة عايزين نشوف الإبتسامة السمحة دي..
بدور فجأة اتذكرت اختها بدور وملامح وشها اتبدلت...
مؤمن : إنتِ كويسة! ... وع فكرة ما وريتيني أمس كنت منتشنة من شنو ي روحي ... مش اتفقنا تحكي لي اي حاجة مزعلاك او متنشنة بيك ...
بنان : ممكن سؤال?
مؤمن : اكيد عمري انتِ...
بنان : شنو الاسباب البتخلي الراجل يتزوج في مرتو رغم انها بتكون بتحبو ومهتمة بيه وما مقصرة تجاه واجباتها من كل النواحي ...
مؤمن استغرب شوية من سؤالها وليه فجأة سألت السؤال دة بالزات ...
نهال قالت واي أنا مصدعه قلت ليها إذا تعبانه شديد ما تمشي و أنا بكلم بابا حازم انك عيانه ، قالت لي لا أرح ، المهم طلعنا و مشينا ليهم نحنا التلاته ، كانو قاعدين في الحوش ، راصين سراير و كراسي ، البنات جزو قاعدين على السراير و جزو واقف و الضيوف قاعدين في الكراسي ، طبعاً كلهم قعدوا يعاينوا لينا لحد ما وصلناهم ، طبعاً أنا استغربت هم بعاينوا لينا كدا ليه !!
فجأه جاني صوت بقول أيوه دي ....
لمن إتلفت شفت الشاب اللقيتو قبيل و كان مؤشر علي ، قلت معناها شكاني لـ بابا حازم ، جا قريب و قال ياها ذاتا ، عاينت لـ بابا حازم و قلت ليهو ما عارفه هو قال ليك شنو ، بس الحصل ما بستحق إنو يجي و يشكيني ليك ، احتمال كبير إنو الكلام القالو كلو كذب و تأليف من عندو ، طبعاً الولد قعد يضحك ، قال لي ليه انتِ دائماً مستعجله كدا !؟ و بعدين نحنا شفع عشان أجي أشكيك ؟!!
قلت ليهو طيب ليه أشرت علي ؟
عاين لـ بابا حازم و قال ليهو أنا عايز البت دي ، طبعاً حصلت صنه غريبه كدا و كل الأنظار إتوجهت علي!! ، قلت ليهو و أنا ما عايزاك ، طبعاً ولا اشتغل بي ، كان بعاين لـ بابا حازم كأنو أنا رأيي ما مهم ، بابا حازم قال ليهو زي ما سمعت يا خالد البت قالت ما موافقه ، و كلكم عارفين إني ما قاعد أجبر وحده من البنات ديل على حاجه ، خالد قال ليهو لكن .... بابا حازم قال ليهو الموضوع دا منتهي بالنسبه لي ، طبعاً انبسطت شديد من بابا حازم ، دائماً واقف معانا و داعمنا ، بعدها قال لينا بتقدرو تمشوا بعد دا إلا سجى خليك قاعده ، المهم كلنا مشينا دخلنا جوه و جزو كبير من البنات كانو زعلانين ، رماح قالت بعد التعب دا كلو اختاروا سجى و.....عاينت لي و سكتت ، و بعدها قالت شكلنا حـ نبور و نعفنا في المكان دا ، وقفت على حيلي و قلت ليهم يا بناااات يا بنااااات اسمعوني ، ماف حاجه بتزعل ! كلكم عارفين انهم حـ يختاروا اتنين بس صح ولا غلط ؟!
هـنا كـلنا أخوات و بنتمنى الـخير لبعض ، يعني لـمن يـختارو صحبتك يـلي هي زي أخـتك كأنو اختاروك انتِ ، لازم نـفرح لبعض و نحـب لغيرنا البنحبو لـ نفسنا ، اليـوم اختاروا سجى و بكرا أكيد حـ يختاروا غيرهـا لحد ما تكملن كلكن فـ إرتاحـن و إتطـمنن ما حـ تبورن يا السمحات😂
رماح قالت لي ما عارفه اضحك ولا أبكي بسبب كلامك دا ، قلت ليها الإتنين ، سماح قالت لي خليك من دا انتِ خالد دا بتعرفيهو من وين لمن قال عايزك ؟؟
سناء قالت ليها ما تعبت في نفسها ولا ظبطتها زينا و مع ذلك الولد قال عايزها !! لقاك وين ؟
قلت ليهم و انتوا لمن يقولوا عايزنكم معناها بعرفوكم قبل كدا ؟؟فدوى قالت لي جا و قال إنو إختار ليهو بت من هنا بس ما عارف اسمها ، بابا حازم قال ليهو ياهم كل البنات قدامك ياتا فيهم ، قال ولا وحده لأنك ما كنتِ معانا عشان كدا بابا حازم قال لو لسه في بنات جوا نادوهم ، المهم من بين كل الناس قال عايزك انتِ و هو لقاك وين أصلاً ؟ سماح قالت لي يعني لو كنتِ واقفه معانا و اختارك ماف مشكله بس انتِ ما كنتِ موجوده فكيف واحد يقول عايز وحده ما شافها ؟؟
قلت ليهم أهدوو و حكيت ليهم هو عرفني كيف ، قلت ليهم الزعلانات بسببو دا رفضتو ليكم و أصلاً موضوع العرس دا ما هاميني ، و الولد دا ذاتو كريه من شفتو ما ركب في راسي ، فدوى قالت لي يخسي عليك هسي عيبيهو لي في سطر ! ما شاء الله ظاهر عليهو محترم و راقي و لبق في الكلام ، ياريتو أختارني أنا ، قلت ليها الجايات أكتر من الرايحات ، فجأه كدا سجى جات داخله و هي عايزا تطير من الفرح ، كل البنات مشوا اتلمو فيها باركوا ليها و بقوا شغالين ليها بختك والله ، قالت ليهم واااي يا بنات ما مصدقه عقبالكم كلكم ، قالوا ليها تعالي أقعدي و أحكي لينا الحصل شنو بعد ما نحنا مشينا ، قالت ليهم بابا حازم خلانا برانا و قال لينا اتعرفوا على بعض أكتر ... المهم سجى بدت تحكي لينا عن الولد الإتقدم ليها و الحكى ليها عن نفسو و حياتو ، لمن خلصت البنات قالوا ليها حظظظك والله و ربنا يتم ليك على خير ، قلت ليها هو ما قال ليك ليه خلى البنات البرا ديلك كلهم و جا الميتم عشان يعرس ؟؟
طبعاً في اللحظه ديك كل البنات عاينو الي و صروا لي وشوشهم ، سجى قالت لي لو انتِ حاسه بعقده أو نقص و إنو وجودك في الميتم معناها انتِ أقل من غيرك و ما بتستاهلي السمح فـ معليش أنا عكسك و ما حاسه بالدناءه و الإنحطاط الإنتِ حاسه بيهم !
طبعاً استغربت فيها ! سجى دي ما كانت بتتكلم كتير أساساً ! معظم الوقت بتكون ساكته !! قلت ليها ما قصدي كدا بس.... قاطعتني و قالت لي عليك الله يا مها ما تعكري لينا مزاجنا ، رماح قالت لي لمن لقيتي شغل و مشيتي اشتغلتي في وحده فينا أحبطتك و قالت ليك كيف يقبلوا يشغلوا وحده زيك مجهولة الأبوين !؟ في وحده قالت لي انتِ بت ميتم فكيف تقولي عايزا تتوظفي و تجيبي قروش و بيت ؟! ليه انتِ بتشوفي إنو من حقك تعملي العايزاهو و تعيشي زي الناس و نحنا لا ! ليه بتستكتري علينا أي حاجه سواء كانت بسيطه أو كتيره ؟؟
مستحيل أفتن بت مع مس نادين أو أمشي اشهد ضدها ، انتِ و ليلى بطريقتكم و مشاكلكم حلوها براكم ما تدخلونا فيها ، البنات قالوا ليها كلاااامك صاااح يا رماح ... طبعاً ليلى كانت بتعاين لي بشمااااته كدا ، قالت لي عشان حسااادتك و غيرتك دي تلفونك إنسرق !
قلت ليها ماف أي مشكله بجيب غيرو ، ضحكت و قالت لي ايوه صح لأنو عندك خزنة قروش !...ما رديت عليها تاني بس بيني و بين نفسي كنت متأكده إني حـ ألقى شغل تاني و اشتري تلفون ، أصلاً الإنسرق مني دا اشتريتو مستعمل و بقى خُرده بس كنت ممشيه بيهو حالي ... إيماني بفكرة إني حـ اشتغل و اقبض قروش و أشتري العايزاه هون و خفف علي حرقة سرقة التلفون ، طبعاً اليوم داك كان يوم ثلاثاء و بابا حازم حـ يجي عشان كدا البنات بدوا يظبطوا في نفسهم ، رسيل جات و قال لي مها سرحيني ، قلت ليها طيب ، جبت المشط و بديت أسرح ليها و اتونس مع البنات ، كل وحده كانت بتحكي عن الحاجه البتتمناها ، قلت ليهم أنا ما عايزا شي غير اشتغل و أكون نفسي ، و حاسه إنو الحاجه دي حـ تحصل ان شاء الله ، بكرا حيكون عندي قروش كتيييره و أجيب أي حاجه نفسي فيها و أعيش أحسن عيشه و ما تخافوا ما حـ أفتري عليكم و حـ اشغلكم معاي ، سماح قالت لي الله على الكرم و الشهامه ، قلت ليها عفواً قصدي حـ اشغلكم عندي 😌
لبعوني في ضهري و قالو لي أصلك كلبه ، قعدت اضحك و قلت ليهم متخيله نفسي في بيتي المستقبلي الحـ أشتريهو بقروشي ، ممدده على السرير ، رماح و نهال بعصروا لي رجليني و سماح بتسرح لي شعري و سناء بتطبخ لي و نور تغسل لي و رؤى تكوي لي و ... و ....و الخ و منار عشان صحبتي حتكون مساعدتي ، طبعاً قعدوا يضحكوا و قالوا لي بالجد انتِ حـ تعمليها ما عليك ضمان ، منار قالت لي بعد تعبي معاك دا كلو عايزا تبقيني مساعدتك ! كتر خيرك يا زوله ما بتقصري 😂
رسيل قالت لي و أنا عايزا تشغليني شنو ؟؟
قلت ليها انتِ ما بشغولك يا رسوووله العسل ، انتِ و مصطفى حتكونوا أصحاب البيت و حـ أدخلكم مدارس خاصه و حـ أخليكم تبقوا ناس ناجحين ، قالت لي نحنا ما عايزين نبقى ناس ناجحين عايزين نبقى ناس عندنا قروش ، طبعاً قعدنا نضحك عليها ، قلت ليها النجاح بجيب القروش ، قالت لي تاني حـ تعملي لينا شنو أنا و مصطفى ؟؟
رمـاح قالت ليها يا بت يا رسيل ، مها دي سايقه بالخلا ، بتونس فينا ساي و كلامـها نـحنا ماخدنوا على أساس إنو ونسه ما حقيقه و انتِ كمان اتونسي و أحـلامي معاها زي ما عايزا و بعدها أنسي و أمشي تمي لعبك 😂
قلت ليها ما تشتغلي بكلام رماح البائسه دي ، الما عندها لا أحلام لا طموح ، رماح قالت لي أحلامي عندها حدود ما بتتخطى سور الميتم دا ، سناء قالت ليها أنا متمنيه حاجه واحده بس ، أعرس و أطلع برا للحياه دي ، خلاص الكفاله دي قطرها فات ، قلت ليها معقوله ما عايزا شي من الحياه دي غير العرس !؟
قالت لي العرس دا ذاتو كتير على بنات زينا ، ياخ بابا حازم و الناس المعاهو كتر خيرهم فكروا فينا ، الواحد عمل خير لما قبل يعرس وحده مجهولة الأبوين ، قلت ليها بتقبلي تعرسي راجل أكبر منك بـ 15 أو 20 سنه ؟؟
قالت لي اييوه بقبل ، لو عمرو 100 المهم أطلع من هنا و يكون اسمي مربوط بإسم شريك حياتي الحـ يكون مسؤول عني ، العرس حـ يفتح لي أبواب كتيره ، وحده اسمها سجى قالت لي ما معروف ! يمكن ما يجيها راجل كبير ! و لو جا حـ ترفضو عادي الموضوع ما خطير ، بنات كتار من الميتم عرسو رجال زي الورد و ساقوهم من هنا و هسي أكيد عايشين عيشه هنيه ، قلت ليها ماف حاجه بتضمن أو بتأكد ليك إنو العرس هو منقذك الوحيد ، البنات الطلعوا من هنا نحنا ما عارفين شكل حياتهم عامل كيف ، مبسوطين ولا لا ، خاصة إنهم مجهولات الأبوين ، فأكيد حـ يعانوا ، يعني إذا الراجل قبلها هل أهلو و المجتمع حـ يقبلوها !؟ متأكده لو ما عانوا من رجالهم حـ يعانوا من نسابتهم و باقي المجتمع ، منار قالت لي برضو ما مشكله ، مشاكل النسابه دي ما حاجه جديده ، و الناس بتتكلم و تسكت ، المهم انهم طلعوا من هنا و بقى عندهم رجال و أكيد حالياً بقوا أمهات و نجحوا في إنهم يكونوا أسر ، سناء قالت والله نفسي أجرب الإحساس دا ، نفسي أعرس و يكون عندي أطفال ، أحميهم و ألبسهم و أطبخ ليهم و لـ أبوهم ، اخخخخ بس ، جات مس نادين داخله و قالت لينا كل وحده تقوم تجهز نفسها ، منار قالت ليها الفي بالي مش !!😍
قالت لينا اتنين منكم حـ يتخارجوا من هنا ، دا طبعاً لو عجبتوهم ، عاينت لينا من فوق لـ تحت بغيظ و مشت ، طبعاً البنات اتكبكبوا و فرحتهم ملت المكان ، كل وحده جرت على إتجاه و بقوا يجهزو في نفسهم ، غيرو لبسهم و سرحوا و عملوا ميك اب ، غيتو اجتهدوا و طلعو زي النجفه ، طبعاً أنا من مكاني ما إتحركت ، رسيل كانت قاعده معاي و بنعاين ليهم ساي ، لمن خلصت تسريحها قلت ليها أرح نشوف مصطفى ، قالت لي آي أرح ، المهم سقت رسيل و مشينا نشوف مصطفى في حوش الأولاد ....
!! غمضت عيونها و جات ناطه ، وقعت بس ما جاتها حاجه ، لو ما سرقت التلفون واجعاني كنت ضحكت على وقعتها لأنها كانت بتضحك ، قلت ليها يلا يلا قومي سرعه خلينا ندخل ، أول ما قامت كدا ، جانا صوت بقول والله ما شاء الله !!
إتلفتنا مخلوعين !!
لقيناها نادين المشرفه و معاها اتنين من الحرس و ورا هنااااك البنات واقفات يتشمروا و فيهم الفاتحات الشبابيك بعاينوا بيها ، أنا و منار بقينا نعاين لبعض ، جاتنا قرييب و قالت لينا بنهره عاااليه كنتو وين زي الزمن دا ؟؟ و كمان ناطين بالباب ! بحركتكم دي ما خليتوا حاجه للحراميه !
منار بقت تتمتم ليها في الكلام ، قالت ليها ما تقعدي تتمتمي لي كدا إتكلمي عديل كنتوا وين يا تافهات ! بعد مسافه قلت ليها طلعنا نشم هوا ، قالت لي تشموا الفطيس ان شاء الله ، طبعاً البنات قعدوا يضحكوا ، لمن هي إتلفتت عليهم طوالي دخلوا جوه ، قالت لينا ليلتكم دي حـ تقضوها هنا ، ماف وحده تدخل جوه ، الليله الأرض حتكون لحافكم و السما غطاكم ، طبعاً الهواؤ كان ضاااارب و في بروده في الجو ، منار قالت ليها ما حـ نعيدها تاني ، عليك الله خلينا ندخل جوه البرد شديد والله ، خلينا ندخل 😭😭
قالت ليها شموا هوا كويس ، منار قعدت تحنس فيها و نادين الكريها تشيل و تضحك فيها ، ما عارفه نادين قالت شنو للحارس بس بعدها مشى طوالي و هي استمرت في تحقيقاتها معانا مشينا وين و عملنا شنو ، منار قالت ليها كنا متابعين ليلى ، لأنها طلعت و مشت تقابل واحد في مطعم ، قالت ليها كمااان جابت ليها كذب و تلفيق !! قالت ليها اقسم بالله دي الحقيقه ، ليلى مشت قابلت واحد و نحنا صورناها لكن تلفون مها إنسرق منها و نحنا راجعين ، نادين حمرت ليها كويس و قالت ليها ياريتك قعدتي و فكرتي شويه عشان تظبطي ليك سيناريو قابل للتصديق ، منار قالت ليها أقسم بالله يا مس نادين كنا متابعين ليلى و لمن صورناها هي و حبيبها و كنا راجعين ...... نادين نهرتها و قالت ليها بطلي كذب ! قلت ليها دي الحقيقه ، ربعت يدينها و قالت لي ليلى وين حالياً ؟؟
قلت ليها ما عارفه لأنو الحصل.... برضو قاطعتني بنهره و قالت لي كمان لسه مصرين تكذبوا !
الحارس جا و هو شايل ليهو جردل مويه ، قالت ليهو أمشي نادي لي ليلى ، بعد مسافه ليلى جات طالعه مع الحارس و هي تتمغى و تتثائب و عامله نفسها ياداب صاحيه من النوم !!
جات و قالت ليها ايوه يا مس نادين !! قالو طالباني !؟
مس نادين عاينت لينا أنا و منار بحده و إتلفتت على ليلى و قالت ليها انتِ حافره ليك نفق تحت الأرض ؟؟
قالت ليها كيييف !؟ ما فهمتك ! نفق شنو ؟
قالت ليها لو طلعتي من هنا بتجي راجعه كيف ؟؟ قالت ليها أكيد بالباب و أصلاً أنا ما قاعده أطلع من دون إذنك ! نادين إتلفتت علينا و ربعت يدينها و قالت لينا تمام أنا صدقتكم ، أشرحوا لي طلعت و دخلت كيف و مشت جوه و رقدت من دون ما يشعر بيها زول ؟؟ ولا نطت بالباب زيكم ؟؟
منار قالت ليها ما عارفين كيف بس هي كانت برا الدار ، و لو عايزا ممكن نمشي المطعم كلنا و اسأليهم إذا شافوها هناك ولا لا ، ليلى قالت لينا دقيقه دقيقه ، بتقولو في شنو انتو ؟؟ أنا كنت برا الميتم !؟ مجانين انتو ولا شنو ؟
عاينت لـ مس نادين و قالت ليها لو عايزا ممكن تسألي باقي البنات إذا أنا طلعت من الغرفه ولا لا ! اسأليهم و حـ يأكدوا ليك إني كنت نايمه من قبيل !!
طبعاً بعد كلامها دا انا ما قدرت أقول حاجه و ما قدرت أجادل أكتر و ما قدرت أقول إنو في شي بين بكري و ليلى لأنو ما عندي دليل و لأني عارفه ليلى دي كويس ! وحده مستهبله و ممثله من الدرجه الأولى و لأن الفيني مكفيني ، لسه عقلي شاطب بسبب السرقه الحصلت لي!
مس نادين قالت لينا ما تتحركوا شبر من هنا ، شالت الجردل الجابو ليها الحارس و مشت بيهو ، بقينا نحمر لـ ليلى و هي تحمر لينا سااااي و مره مره تدينا إبتسامه مستفزه ، طبعاً عشان الحراس واقفين معانا ما قدرت اهددها و أقول ليها أصبري لي ، منار قالت ليها كل مره بتثبتي لينا انك وحده كذااابه و محتاله و ممثله محترفه ، ليلى قالت ليها أنا ما فاهمه ليه انتو مصرين تكذبوا فيني !! عملت ليكم شنو أنا ؟!
طبعاً فورت دمي قلت ليها انتِ..... قبل ما أتم كلامي أحس ليك بمويه بارده على وشي !!
طبعاً جسمي كلو إرتعش! الجو أصلاً بارد و فوق دا المويه كانت متلجه عديل !! ما أنا بس حتى منار ! مس نادين مشت بدلت المويه العاديه بمويه باااارده و كشحتها فينا أنا و منار و خلتنا زي الطير الداقاهو مطره !!
ليلى كانت خاته يدها على خشمها عشان ما تضحك بصوت عالي ، مس نادين قالت لينا ممكن اقول إنو عقابكم بدا الآن ، طبعاً منار ترجف من فوق لـ تحت ، حتى أسنانها كانت بتضرب في بعض ، قالت ليها واااي المويه بارده شديد و هسي ملابسنا كلها بقت لينه و الجو بارد ، عليك الله خلينا ندخل جوه 😭😭
نططت ليها عيوني و قلت ليها يحبك برص ان شاء الله يا منار ! متخلفه انتِ ولا شنو ، معرفة من متين دي عشان أحبو و هو الحب دا ماشي سااااي كدا!!
قالت لي أنا حسيت كدا ، لأنك كنتِ خايفه من فكرة إنو هو يعرف اننا من الميتم ، بتحاولي تخفي منو حقيقتك ليه إذا ما حبيتيهو ؟!
قلت ليها حقيقتي دي حاجه بتخصني و أنا ما مجبوره أظهرها للناس و بعدين عليك الله ، عليك الله يا منار بطلي تحضري أفلام و مسلسلات عبيطه و رومانسيه عشان ما تأثر عليك و تخليك تتوهمي ساي و تألفي قصص من عندك ، قالت لي البمنع شنو إنو انتِ تحبيهو !؟ قلت ليها و انتِ المانعك شنو ؟ ليه بتحاولي تلصقي الكلام دا فيني !؟ قالت لي ماف شي بمنعني بس حسيت إنو هو مركز معاك ! قلت ليها ما تألفي ساي ، قالت لي ما لاحظتي لـ نظراتو ! قلت ليها منار خلينا نمشي بسرعه قبل ما معاذ يطلع لينا تاني ، اتحركنا بإستعجال و مشينا المواصلات ، لمن ركبنا منار قعدت تعاين بالشباك و تبتسم ، قلت ليها خييير جنيتي ولا شنو ؟؟
قالت لي بالجد نظرات ولد الناس ليك عجبتني ، حسيت فيهم كميه من الحب ، غمضت عيوني و فتحتهم و قلت ليها يا لطييييف !! منار هو بعرفني من وين عشان يحبني و بالسرعه دي ! قالت لي ما ضروري يكون بعرفك قبل كدا ، دا حب من النظره الأولى ! ... ما رديت عليها ، قالت لي والله لو أنا مكانك كنت حـ اطير من الفرح ، هو نحنا لاقين زول يحبنا و كمان ما أي زول ، شفتي الولد دا نضيف و وجيه و مرتب و سمح كيف ! بيني و بينك كدا معقوله ما عجبك ؟!
قلت ليها منار ما تنسي نحنا شنو و عايشين وين ، لو نحنا اتقبلنا حقيقتنا و رضينا بالواقع غيرنا ما حـ يعمل نفس الشي ، و الأولاد الزي يونس ديل ما جديدين علي ، الواحد يجري و يلف حولينك و أول ما يعرف انك بت ميتم يعني مجهولة الأبوين طواالي بنسحب و طبعاً ليهو حق ، و لو هو وافق أهلو ما حـ يوافقو ، قالت لي ليه حاساك بتتكلمي عن ...حسام! يعني لسه ما نسيتيهو ؟!
يتبع.....
دي نفس الروايه بس مع تعديلات زي الحذف و الإضافه ، بحاول اختصر الأجزاء الكتيره الكانت في القصه الأولى و أسرع الأحداث بس دي نفس القصه و نفس الأسماء ...
قلت عنها حـ أمشي براي و كنت حـ أسحب الحبل بس فجأه اتشد ، إبتسمت و قلت أخيراً قوت قلبها ، مسكت الحبل بـ يديني الإتنين و بقيت شاداهو علي و هي ما بعرفها أكلت شنو لمن وزنها زاد كدا !! غلبني أجر الحبل ، حسيت نفسي جاره نفرين بدل نفر واحد ، الحبل قرب يتفك مني شدة ما الوزن تقيل !! استخدمت كل طاقتي عشان أرفعها و يديني حسيتهم حـ يتقطعو عديل بسبب الحبل ، بجر و أنا بعاين فوق الباب على أمل إني أشوفها طالعه ، بعد تعب شفت راسها ، قلت ليها بصوت واطي شويه : شدي حيلك ياخي و ما تطوطحي لي في الحبل ، قايله نفسك خفيفه ؟ قالت لي تستاهلي يا كلبه .. غيتو بعد سلة روح وصلت قمة الباب و لمن جا زمن النزول تعبت تعب عشان أنزلها ، لمن نزلت مديت ليها باطن يديني و قلت ليها شوفي لونهم بقى أحمر كيف انتِ بدل توزعي وزنك و تجري الحبل و تتسلقي الباب ، جريتي الحبل و اتوطحتي لي فيهو و خليتيني أرفع الوزن دا كلو !! قالت لي ياخي محسساني إني دُبه !! ما كلها 60 كيلو بس !! قلت ليها اسكتي اسكتي و خلينا نمشي ، لفيت الحبل و ختيتو تحت الشجيرات المزروعه جنب البوابه و مشينا ، طبعاً ركبنا مواصلات وحده و قعدنا في كرسي واااحد عشان قروشنا شويه ....
المهم مشينا و وقفنا مكان كدا بتاع مشاوي ، أصلاً الحته كلها كانت عباره عن قهاوي و مطعام بس مكشوفه يعني الطاولات و الكراسي مرصوصه برا و طبعاً ريحة الشيه و الكوارع طااااقه فوق ، لمن شفنا ليلى و حبيبها ، منار قالت لي نصورها ولا نعمل شنو ؟؟
قلت ليها مفروض بس هسي لو طلعنا التلفون و بدينا نصور من هنا الناس حـ تنتبه لينا ! قالت لي طيب نعمل شنو ؟؟
قلت ليها أول شي غطي وشك كويس بالطرحه عشان ما تشوفك ، المهم نزلنا طرحنا على وشوشنا و بقينا ماشين بين الجلسات ، كنا عايزين نقعد في أقرب طاوله لـ ليلى و حبيبها بس للأسف كلهم كانوا قاعدين فيهم ناس ، قعدنا على مسافه منهم ، منار قالت لي حـ نصورها كيف و هي مديانا ضهرها كدا ؟؟
جا الويتر و قال لينا طلبكم شنو !؟ قلنا ليهو لسه فـ مشى طوالي ، منار قالت لي بصوت واطي شوفي الولد الهسي دا و بتاع الكاشير دام بعاينوا لينا كيف ! كأنهم عارفننا ما جاين ناكل أو نشرب ! شالت المنيو و قالت لي رايك شنو نطلب حاجه عشان نشيل بيها انظارهم دي عننا ؟ والله أول ما شميت ريحة الشيه حسيت بالجوع ، قلت ليها ناسيه إنو ما معانا قروش ؟!!
جا نفس الويتر و قال لينا إخترتو ولا لسه ؟؟ غيتو التقول كاشفنا ، قلت ليهو لسه ، خلينا على راحتنا ليه مستعجل ولا هنا ما مسموح إنو الواحد يقعد أكتر من دقيقتين ؟؟ قال لي لا لا أخدو راحتكم و طوالي مشى مننا ، منار قالت لي خلينا نتخارج ياخ !... كنت مدخله القميص داخل البنطلون ، بالدارجي كدا شاكاهو ، المهم بديت الفيديو و دخلت جزو من التلفون في البنطلون ، يعني بين القميص و البنطلون ، خليت الجزو الفوق من التلفون يكون ظاهر عشان فيهو الكاميرا ، غطيت جزو من وشي و قفت على حيلي و جيت ماره جنب ليلى و حبيبها ، طبعاً كانوا بتغزلوا في بعض و هو قال ليها قريباً حـ أعرسك ، مشيت قدام و جيت راجعه تاني بـ نفس الممر و اتعمدت امشي براحه عشان وش ليلى يكون واضح في الفيديو ، طبعاً ليلى مرهـ مرهـ كانت بتعاين لي لمن وترتني بس كنت مغطيه جزو من وشي بالطرحه ، أول ما اتخطيتهم كدا إبتسمت و حسيت بالنصر ، بس فجأه جاني صوتها و هي بتقول مها !!؟؟
نططت عيوني و خالص ما إتلفت عليها بس حسيت بيها لمن وقفت و أول ما قالت مُعاذ أمسكها أنا طوااالي قمت جاريه و منار عشان بتراقب من بعيد جرت قبليني ، طبعاً ليلى بقت تصرخ و تقول حراااميه ، حرااااميه سرقت تلفوني أمسكوها يا نااااس ، طبعاً الناس بقت بتتلفت و أنا بتجارى بين الطاولات ، في واحد كان عايز يمسكني بعد ما ليلى قالت إني حراميه بس لزيتو و طوالي جريييت و الناس دي كلها بقت تعاين لينا ، منار من بعيد نادتني و قالت لي أسرعي أسرعي ، طبعاً كنت بلقط أنفاسي بصعوبه ، لمن عاينت وراي لقيت ليلى و حبيبها جارين وراي و هو عامل زي النعامه رجلينو طوال و جراي زي النبله ، لمن خلااااص قربت من منار الولد لحقني و جراني من طرحتي ، طوالي مسكت التلفون و صرخت لـ منار و قلت ليها أمسكيهو و أجري ، جدعت ليها التلفون بس هي الغبيه ما قدرت تمسكو ، وقع في الأرض و حبيب ليلى جرا ليهو و شالو و منار الهبله واقفه زي الصنم !! ليلى جات وقفت قصادي و شدتني من يدي بكل قوه و قالت لي كنتِ مراقباني مش !؟
مُعاذ جا شايل التلفون و قال لي أفتحيهو ، قلت ليهو ما حـ أفتحو ، ليلى قالت ليهو أكيد الحيوانه دي صورتنا سوا ، قلت ليهم مالكم خايفين ؟؟ يعني شنو لو صورتكم سوا ؟ عاينت للولد و قلت ليهو مش عايز تعرسها ولا بتقضي بيها زمن ساي ؟ 😂🤣
قالت لي لا والله ما عارفه اتفضلي قولي لي ! طبعاً غاظتني و إستفزتني!! قلت ليها لأني ما بسمع كلامك و ما بنفذ أوامرك عشان كدا شايلاها معاي و بتتكيفي لمن تعاقبيني !... قالت لي كلامك صح ايوه انتِ ما بتسمعي الكلام و ما بتنفذي البقولو ليك ، و بتتلائمي و مع إنو ما مرت علي بت زيك بس مع ذلك أنا مستحيل أختك في راسي و أصغر عقلي و اتصرف تصرف رخيص زي دا ... إتلفتت على بابا حازم و قالت ليهو والله المفروض ما نعمل ليك وجع راس بالمشاكل و النقاشات البسيطه البتحصل هنا بس بناتك ديل انت مديهم وش أكتر من اللازم ، و ياريت ما تضايق من كلامي ، هم بالنسبه لي زي بناتي و أنا مسؤوله عنهم و مدركه لحقيقة إنو في كتار منهم ما بحبوني ، لأنهم حاسين إني مقيداهم و متحكمه فيهم و ما قادرين يفهموا إنو سلامتهم و تربيتهم و تحسين سلوكياتهم من واجباتي و أولوياتي ... طبعاً بقيت أعاين ليها و أنا منططه عيوني ! المراه دي كل مره بتفاجئني فيها ! كل مره بتثبتي لي إنو مستحيل يمر علي شخص خسيس و منافق و كذاب زيها !! بكري قال : والله يا استاذ حازم مس نادين ما مقصره من البنات ديل ، ايوه بتعاقبهم و بتنهرهم بس دا لمن يغلطوا و بما إنو هي في مقام أمهم معناها ليها حق تشاكلهم و تعاقبهم لمن يغلطوا و توريهم الصح من الغلط .... طبعاً أنا عاينت ليهو عشره عشره ، كنت حـ اتكلم بس لاحظت إنو بابا حازم مصدق كلامهم و متفهم مس نادين ، و دا معناه إنو كلامي ما حـ يفيد بشي ، حـ نلف و ندور في نفس النقطه ، بابا حازم أخد نفس عميق و قال لي أنا شايف إنو انتوا و بالذات انتِ يا مها تقعدوا مع مس نادين دي و تشوفوا مشكلتكم معاها شنو و ليه انتوا حاسين انها عايزا تتحكم فيكم و بتحب تعاقبكم ، صدقيني حاجات زي دي بتحصل حتى بين الأم و بناتها ، هزيت ليهو راسي بس و أنا متغايظه شديييد من مس نادين و بكري ، بعدها هم طلعوا و أنا قبل ما أطلع بابا حازم قال لي ما تكوني زعلتي ! قلت ليهو لا ما زعلت ، قال لي نادين بتعتبركم بناتها لو انتوا شلتوا فكرة إنو هي مشرفتكم و استبدلتوها بفكرة إنو هي أمكم صدقيني ما حـ تجي تشكي منها تاني ، قلت ليهو طيب و طوالي طلعت و أنا بقول في نفسي مااف مشكله إلا ما يجي يوم و بابا حازم يكتشف فيهو حقيقتها ، المهم مشيت المبنى حقنا ، أول ما دخلت كدا جاني صوت ضحكه عاليه و طوووييله زي ضحكة الرقصات ! طبعاً عرفتها من صوتها ، ليلى منو غيرها !... جات و قالت لي اها يا إسماااعيل الأزهري ، رفعت العلم ولا لسه ما لقيتو ؟ولا شالوهو منك ؟ولا ما لقيت ليك سارية علم !؟... طبعاً قالت كدااا و قعدت تضحك و شويه شويه جزو من البنات قعدوا يضحكوا معاها لأنها بتتساخف ، قلت ليها ماف أي مشكله ، الجايات أكتر من الرايحات ، قالت لي ما شفتي منظرك كان بضحك كيف لمن كنتِ في مكتب بابا حازم و نادين و بكري مُطلعنك كذابه و مُبالغه و شكايه قدامو ... لمن ضيقت ليها عيوني ، قالت لي ماف داعي تشغلي مخك ، كنت واقفه جنب الشباك شفت و سمعت كل الحصل .... طبعاً ليلى على طول جات و شمّرت للبنات ، رغم انها بتشم مس نادين و ما بتتفق معاها إلا انها بتحب تشمت فيني ! قلت ليها و للبنات الضحكوا معاها : على الأقل أنا حاولت و بحاول اكشف حقيقة مس نادين لبابا حازم ، ما زيكم خوافين و جبانين فالحين بس للضحك و الشماته! رغم إنو كلكم بتكرهوها و ما بتطيقوها بس مااف ولا وحده بتقدر تخت عينها في عين مس نادين خليكم من انها تمشي و تشتكيها لبابا حازم !... ليلى قالت لي واااو ! مفتكره نفسك بطلة و منقذة الميتم دا ! على فكره أنا لو كنت خاته مس نادين دي في بالي صدقيني في ظرف يومين بس حـ أخليها تنطرد من الميتم ، قلت ليها ايوااا يعني فرعنتها دي عاجباك ! قالت لي مس نادين حاجه وجودها و عدمها واااحد بالنسبه لي ، أنا بشغل عقلي و بقدر اتساير معاها و اتحايل عليها و اعمل الفي بالي ما زيك بتصرف بحماقه و إندفاع و كل دقيقتين أمشي و اتشكى لبابا حازم ، حركات الشفع دي خليها عليك الله ، قلت ليها أنا ما بعمل كدا عشان نفسي ، قالت لي و بتعملي كدا عشان منو ؟؟ إذا الهنا ديل كلهم ماف زول هاميهو الموضوع و ماف زول عايز يدخّل نفسو في نقاشات و مشاكل مع مس نادين انتِ متعبه نفسك و حاشراها ليه يا الفتاة الخارقه !؟
قلت ليها طبيعي تقولي كداا ما انتِ جاسوسة مس نادين هنا ، و طفلتها المدلله ، قالت لي عشان انتِ طفلة بابا حازم المدلله مفتكره إنو الناس كلها أطفال مدللين زيك ! أنا لا مدلله لا مفضله عند مس نادين أنا بس بعرف اتعامل معاها بسياسه معينه ، فهمتي يا الفتاة الخارقه ! رماح قالت أما نحنا لينا الله و قعاد المظله ، وحده مفضله عند المشرفه و التانيه مفضله عند مدير الميتم! و نحنا زول شغال بينا ماف ! ليلى قالت ليها اعمل ليكم شنو إذا انتوا ما بتعرفوا تشغلوا أمخاخكم دي !!
هز لي راسو ، قلت ليهو أوعك تعيدها تاني عشان ما أزعل منك يا مصطفى ، قال لي كويس....
المهم خليتو يمشي يلعب مع الشفع ، و مشيت بس لسه كنت بفكر في الموضوع ! كيف يعني مصطفى الصغير دا يشرب سجاره !! تاني إلا أراقبو و أخلي بالي منو ، قبل ما أدخل المبنى حقنا كأنو في شي قال لي إتلفتي ، لمن إتلفت من بعيد لمحت ليلى واقفه مع بكري الحارس ، ما عارفه كانوا بقولوا في شنو بس كانوا بتلفتوا و حريصين إنو ماف زول يشوفهم ، طبعاً لي فتره بقيت أشك فيهم ، يعني ليلى دي كيف بتطلع و تدخل من دون ما زول يعرف ! يمكن بكري عارف و يمكن هو البفتح ليها الباب ! معناها في شي بينهم ! المهم رجعت و قعدت مع البنات الكانوا بتكلموا عن الضيوف الجوا مع بابا حازم و متحمسين يعرفوا العروس الجايه حتكون منو فيهم ، سماح قالت ليهم ما اظن المره دي جاب معاهو زول بخصوص العرس و إلا كان من قبيل بابا حازم نادانا كلنا ، رماح قالت ليها أرح نكشف و نجي ، منار قالت ليهم أنا ذاتي ماشه معاكم ، مشوا و جوا بعد مسافه و هم بتأفأفوا عشان عرفوا إنو المره دي ماف أي عريس ....
المهم بعد حكاية ساعه كدا رسلوا لي و قالوا إنو بابا حازم طالبني في مكتبو ، منار قالت لي واااي منك طلعتي ما هينه يا خطييره !
طبعاً قعدت اتبسم كدا لمن وصلت مكتبو ، طوالي عملت نفسي مسكينه و مظلومه و دخلت ليهو و أنا منزله راسي ، قال لي اتفضلي اقعدي يا مها ، لمن قعدت قال لي خير مالك ؟؟
سكت سااااي ، قال لي انتِ عارفه اني بعتبركم زي بناتي و ما بفرز بيناتكم عشان كدا راحتكم بتهمني و لو في شي مضايقكم أنا كمان بتضايق ، ما تنسي إنو المكان دا بيتكم و البيت بكون مريح و آمن فلو في أي شي هنا ما مريحكم قولوا لي عادي !!
بتردد قلت ليهو ما عارفه أقولها ليك كيف بس مس نادين خلتني اقيف برا في المطره الشديده ديك لحد ما مسكني إلتهاب ، أصلاً كنت عيانه و المطره و البرد زادوا العلي ، أنا استأذنت منك و منها قبل ما أطلع و أمشي السوق ، هي عارفه إني برا الميتم و لمن جيت راجعه الباب كان مقفول ، اتصلت على عمو زكريا بس ما رد علي ، وقفت مسافه منتظره يجي زول و يفتح لي ، بعدها لمحت مس نادين و بكري ناديتهم فـ شافوني و اتخيل انهم واصلوا مشي عادي و ما جوا فتحوا لي الباب!! خلوني اقيف مده طويله تحت المطره الشديده ديك ! طبعاً في سري كنت بقول دي نهايتك يا مس نادين ، دائماً كنتِ بتتصرفي و تطلعي نفسك من كل قصه زي الشعره من العجينه ، أشوفك المره دي حـ تتصرفي كيف يا بومه ، مشيت بخيالي بعيد و بقيت اتخيل في الحفله الحـ نعملها لمن مس نادين تنطرد من هنا ، اتخيلت شكل الميتم من دونها حيكون مريح و حلو كيف ، حـ نعمل العايزنوا و حـ نطلع و ندخل في أي وقت و الأهم ما حيكون في أي عقوبات و تحقيقات ، يا سلاااام ياخ ، خيال ساي فرحني قدر دا فلمن يبقى حقيقه حـ أفرح قدر شنو !؟...
عاينت لـ بابا حازم و قلت ليهو والله انا ما قاعده أكذب عليك أنا ما..... قاطعني و قال لي على فكره أنا مصدق كلامك دا !
هنا جد جد حسيت إنو اليوم الحـ تنطرد فيهو نادين جا خلاص و ساعات بس بتفصلنا عن أجمل حدث و لحظه في تاريخ الميتم 😍
قال لي بس....
طبعاً بس دي شطبت خيالي كلو !! و بقيت مترقبه للكلام الحـ يقولو بعد دا !!
يتبع.....
تلفوني و ضاريتو بيدي من المطر و اتصلت على عمو زكريا البواب بس ما جاني رد ، فجأه كدا لمحت ليك مس نادين المشرفه و معاها بكري الحارس ماشين من مبنى البنات لـ مبنى الأولاد ، ناديت بكري بصوت عااالي و الإتنين إتلفتوا علي و شافوني بس مشوا و ما اشتغلوا بي ، طبعاً ما استغربت فيهم ، الإتنين كريهين و حسودين ، مس نادين دي معذبانا و مكرهانا حياتنا ، حشريه و بتحب تتفرعن فينا و تحرمنا من أبسط حقوقنا ، طبعاً أنا كل يوم بتجادل و بتشاكل معاها ، بس باقي بنات الميتم أو الدار عكسي تماماً بخافوا منها و ما بحبوا يتجادلو معاها ، عشان كدا هي فااارضه سيطرتها عليهم ، ما وقفت كتير مشيت دخلت مطعم أو مكان شبه مطعم قريب من الميتم ، قعدت في أقرب طاوله جنب الباب و بقيت أعاين للمطره و انا مبتهجه ، طبعاً المطعم كان شبه فاضي ، بعد أكتر من نص ساعه المطره وقفت ، ما مشيت الميتم فضلت إني اتأخر شويه عشاااان بابا حازم المسؤول عن الميتم يجي و يلقاني ماف و يعرف إني ما قدرت ادخل الميتم بسبب مس نادين الشومه و بكري الكريه ، طبعاً بابا حازم راجل لطيف و محترم بحبنا و بعاملني زي معاملة الأب لأولادو ، مس نادين قدامو بتعمل نفسها موسى و هي من وراهو فرعون ! دائماً لمن أشكيها لـ بابا حازم بتطلع نفسها زي الشعره من العجينه ، لحد الآن بابا حازم ما عارف حقيقتها و ما عارف هي في غيابو بتتعامل كيف مع بنات و أولاد الميتم ، اها و أنا قاعده كدا جا الويتر و قال لي طلبك شنو ؟؟... طبعاً أنا مفلسه عيني طالعه و القروش الكنت لاماهم اشتريت بيهم الألوان الكان لي زمن بحاول أشتريهم ، براااحه وقفت على حيلي و شلت حاجاتي و قلت ليهو ما عايزا شي و طلعت طوالي ، طبعاً حيكون شماني شديد ، قاعده من قبيل و ما طلبت شي ، المهم لمن وصلت الميتم لقيت الباب فاتح و لمن شفت العربيه اتأكدت إنو بابا حازم جا ، من دخلت لقيت الحوش مليان و كل الشفع طلعوا عشان يلعبوا في موية المطره ، أسيل و مصطفى من شافوني جوني جارييين ، أسيل عمرها 9 سنوات و مصطفى عمرو 8 ، ديل أقرب طفلين لي ، بحسهم أخواني الصغار ، بحبهم شديد و بحس نفسي مسؤوله عنهم ، لمن وصلوني قالوا لي جبتي لينا شنووو معاك ، فتحت شنطتي و طلعت لكل واحد حلاوه ، فجأه بكري الحارس جا و قال لي كنتِ وين ؟؟ قلت ليهو لمن أمشي لبابا حازم حتعرف أنا كنت وين ، قال لي خلي اللئامه و اتكلمي كنتِ وين و طلعتي متين ؟؟ قلت ليهو بالله!! نظام ما عارف إني مشيت وين و ما عارف إني لمن جيت راجعه انت سمعتني و شفتني بس ما فتحت لي الباب... عموماً كلامي ما حيكون معاك ، و لو عندك اي تبرير أو تعليق قولو لـ بابا حازم لمن يناديك ، قلت ليهو كدااا و طوالي سُقت اسيل و مصطفى و دخلت بيهم جوه ، طبعاً لقيت ليك البنات يتكبكبن سااااي و شغالات بابا حازم جا ! بابا حازم جا فـ فهمت إنو جا قبل شويه ... طبعاً في سبب ورا فرحتهم الكبيره دي و هي إنو بابا حازم لمن يجي بجيب معاهو فرص عمل و عرسان ، اي والله عرسان !! أنا ذاتي مستغربه كيف واحد عاااقل كدا يخلي بنات الناس ديلك كلهم و يختار يعرس وحده مجهولة أبوين !!بس غالباً يمكن العرسان معرسين أو واحد ما عندو أهل عشان كدا بعرس على كيفو و من أي مكان ... غيتو دا تفسيري و جايز يكون غلط و جايز العرسان ديل يكونوا أولاد أسر و أهلهم موافقين ، لأن بابا حازم ما بجيب أي عريس و السلام ، المهم ناديت منار على جنب و قلت ليها لو بابا حازم سأل عني قولي ليهو إني عيانه ، قالت لي عايزا تدخليني في مشكله تاااني مع نادين مش ؟ و بعدين انتِ اتأخرتي وين ؟؟ قلت ليها الكلاب ديل ما خلوني أدخل ، المهم كل العايزاهو منك يا منار انك تقولي لبابا حازم مها عيانه ، قالت لي بتخططي لـ شنو انتِ ؟ فجأه جاني صوت رسيل و هي بتقول لي أنا حـ أقول ليهو ، لكن انتِ صحي عيانه ؟؟
قلت ليها لا لا ما تقولي ليهو شي يا رسيل ، أنا كويسه .... طبعاً ما بحب ادخل رسيل في خططي و أفكاري عشان ما تتعاقب معاي ، قلت ليها أمشي سلمي عليهو ، بعد مشت منار قالت لي بتخافي رسيل تتعاقب بسببك أما أنا ما بهمك !!
قلت ليها لا لا والله يا منار ! والله بخاف عليك زي رسيل ، خلاص أسكتي و ما تقولي حاجه ، أصلاً هو براهو حـ يسأل عني ، بس حـ اتصرف ، طبعاً قبل ما البنات يطلعوا و يسلموا عليهو ، مشيت وقفت في النص و إتحركت لقدام و بعدها جيت واقعه ، طبعاً كلهم إنخلعوا ، جوا إتلموا فيني و بقوا يحاولوا يصحوني و أنا بالشده ماسكه الضحك ، بقرب أضحك في كل مره اسمع فيها صوت رماح و هي بتصرخ لأنو صوتها عامل زي صوت السخيل الرايح 😂🤣🤣
غيتو لو ما رماح شالت رجلينها و طلعت برا و هي بتصرخ عشان تناديهم ، كنت زماااان ضحكت و فضحت نفسي ....
قال لي لو الشهره كدا فـ خلاص يا ستي ، مشهور مشهور !.... المهم بعدها بدينا نتكلم في شتى المواضيع ، أو خليني أقول إنو هو البتكلم في مواضيع كتيره و أنا بسمعو بإستمتاع لأنو بتكلم بإيجاز بس بوصل ليك المعلومه و ما بقول كلام ما منو فايده ، من خلال كلامو عرفت إنو انسان مثقف و فاهم و واعي و عقلو مليان و كلامو موزون و أحلى حاجه عرفتها إنو كاتب بالإضافه لإنو رسام ! طبعاً طلبت منو يسمح لي اقرا نصوصو و فعلاً خلاني أقراهم من تلفونو ، كان عاملهم في ملفpdf بعنوان : رسائل لن ترسل♡
طبعاً النصوص خلتني أنبهر ! كل حرف و كل كلمه هو كاتبها دخلت جوه قلبي ! عندو أسلوب جذاب و حلو كدا بخلي الواحد يحب أصغر كلمه هو كاتبها!
و من أكتر نصوصو اللامست قلبي :
إليك عزيزتي :
"تستهويني الأجواء الخريفية كثيراً ، الشوارع ، قطرات المطر ، النسيم العليل ، رائحة الأرض ، البرد ، ضجيج الماره ، كوب قهوة ، صوت الأشجار ، قطرات الندى على الأزهار ، فـ جميعها مرتبطة بك ، لا أعلم كم مضى من الوقت على فراقنا ، لازلت عالق في تلك اللحظة التي غادرتني فيها ، أود اخبارك فقط انك مذ غادرتِ لم تغادري "♡
قلت ليهو ما شاء الله ولاااا كلمه ! ما قادره أعبر والله ، النصوص دي رهييبه رهيييبه شديد و الحاله إني ما خلصتهم كلهم ! قال لي تسلمي والله و شكراً على المجامله ، قلت ليهو مجاااامله !! مجااااملة شنو انت ما شايف الإبداع الإنت كاتبو دا ! قال لي والله ؟!😅
قلت ليهو والله جد ليه انت شايف كل حاجه بتعملها سواء كانت رسم أو كتابه شويه أو قليله ؟! انت يا إما ما واثق من نفسك يا متواضع أكتر من اللازم !
قال لي لا ما كدا بس الناس أذواق ، البعجبني يمكن ما يعجب غيري و البعجب غيري يمكن ما يعجبني ، قلت ليهو لالالا الإبداع دا إبداع و لو في زول قرا نصوصك دي و ما عجبتو معناها دا زول متخلف و عوير و غبي و ما بفهم و ما عندو ذوق و أصلاً ما مفروض ينسئل عن رأيو !!
ضحك و قال لي لو لا إختلاف الآراء لبارت السلع ، قلت ليهو حاجه زي دي ما مفروض الناس تختلف عليها ، غيتو أنا لو لي علاقه بالكتابه زي مثلاً لو عندي دار نشر كنت حـ أطبع نصوصك دي كلها و انشرها و أخلي كل السودان و العالم يقراها و أخلي كل السودان يعرف إنو انت أفضل كاتب في السودان كلو ، ضحك و قال لي رفعتي لي معنوياتي بس أفضل كاتب في السودان دي بالغتي فيها شديد ، يا ستي عندنا كتُاب كتار في السودان و عندهم كُتب و مطبوعات كتيره تستحق انها تقرأ و هم بستحقوا لقب أفضل كُتّاب في السودان ، أنا منو عشان أجي آخد لقب ما لقبي و انافس كُتّاب كبار كُتبهم وصلت العالميه.... قلت ليهو غيتو أنا ما حصل قريت كُتب أو نصوص قبل كدا ولا بعرف أي كاتب لا سوداني لا غيرو و انت أول زول أنا أقرا ليهو و حبيييت كتابتك شديد ... تاني ضحك و قال لي عشان كدا طوااالي أديتيني لقب أفضل كاتب في السودان.... لو قريتي لـ كُتاب تانيين ما كنتِ حـ تديني اللقب دا ، قلت ليهو والله كنت حـ اقول ليك نفس الكلام ، قال لي معناها حتكون دي مجامله منك !!
قلت ليهو ما مجامله والله بالجد نصوصك رهيبه و أكيد حـ توصلك للعالميه ان شاء الله ...ممكن سؤال ؟؟
قال لي طوالي ، قلت ليهو بتكتب كيف ؟؟ قصدي بتجيب الكلام دا من وين ؟؟
قال لي الكتابه إحساس و مشاعر بتترجم على شكل كلمات ، قلت ليهو بحسها حاجه صعبه !
قال لي بتعتمد على قوة إحساس و قدرة الكاتب على إيصال إحساسو للقارئ ، في النهايه الكتابه نوع من أنواع التعبير ، زي ما في ناس بتعبر بالرسم و ناس بتعبر بالرقيص و ناس بتعبر بالغناء كمان في ناس بتعبر بالكتابه ، قلت ليهو يعني بتكون حاسي بكل كلمه و جمله انت بتكتبها ؟؟
قال لي ايوه ، قلت ليهو معناها الرسائل دي حقيقيه !..قصدي انك كاتبها لـ زول معين !.... لـ بت معينه !.....شكلك عاشق ولهان !
سكت ما رد علي ، فـ حسيت إني قلت كلام ما لازم أقولو فـ إعتذرت منو ، قال لي ماف أي مشكله ... بعدها الإتنين سكتنا و هو حسيتو سرح بعيد ، قلت في نفسي شكلي فتحت ليهو جرح و ذكّرتو بحبيبتو الكتب عنها النصوص دي و عشان ما حـ تصلها الرسائل دي كتب عليها :"رسائل لن ترسل " بس ليه لن ترسل ؟؟!
شويه كدا المطره صبت ، كانت نازله بغزاره شديده ، حاولت أقفل الشباك بس ما قدرت فـ هو طوالي مد يدو و قفل الشباك ، قلت ليهو شكراً فـ ابتسم لي بس ... بعدها الإتنين سكتنا و بعد مسافه ما طويله أنا طقطقت عشان أنزل و السواق ما سمعني فـ طوالي الشاب القاعد جنبي وقفّو لي و نزل لي عشان أنا أقدر انزل بعديهو ، طبعاً المطره خفت و كانت بس بتنقط ، نزلت و قلت ليهو شكراً مره تانيه ، الوقت داك هو كان مدخل يدو في جيبو ، لمن أنا جيت بالشباك عشان أدفع لصاحب العربيه هو من وراي مد يدو و قال للسواق اتنين و قال لي ما تدفعي ، إتلفت عليهو و العربيه طوالي إتحركت ، قلت ليهو ليييه دفعت لي ! ما كان في داعي والله ! قال لي عادي ما فيها شي !
بنان كانت وش الخير عليهم قربت أمها وأبوها من بعض وخلتهم يرجعو لبعض ـ صح بدور مانست العملو أيمن ومستحيل تنسى أبدا بس حاولت تتعايش معاهو عشان في النهاية بكون أبو أولادها وعايشين في نفس البيت ... بس الاختلاف كان في اللهفة والونسة والعفوية الكانت زمان حاليا كلها اختفت وانطفت ـ زمان كانت ليهو كل حاجة الزوجة والصديقة والحبيبة ـ بس حاليا هي مؤدية دور الزوجة وأم أولادو م أكتر من كدة .... بدور بقت مطفية بسبب كسر الخاطر الجاها من أقرب زول لقلبها ...
حاليا بدور حامل في أواخر الشهر التاسع ......
............
كانت قاعدة في غرفتها وماسكة مجلة بتقرا فيها ـ سمعت زول دق الباب ـ قالت ليه اتفضل ....
ماما يا ياماما ما وريتك ولدك عمل شنو ...
في شنو يابتي جواد عمل شنو ....
ما حأقدر اوريكِ ـ إنتِ بس تعالي شوفيهو عمل شنو ...
ياساتر يارب ـ بس م يكون اذى نفسو بحاجة ....
مشت مع جود وإيدها اليمين في قلبها من الخوف....
أول م طلعو من الغرفة حقتها اضاءة البيت كلها طفت ـ والحتة بقت ضلاام ....
بنان : ي ساتر الكهرباء قطعت ولا دة عطل ....
جود كانت ماسكة أمها بنان بحذر عشان م تقع ....
جود : شكلو كدة ـ ارح انت اقعدي في الصالة وانا بمشي بجيب تلفوني اضوي بيهو ....
بنان : كدي وريني بالأول اخوك مالو ـ وهو وين اسي...
أول م وصلو الصالة فجأة الإضاءة اشتغلت ـ بنان شافت الزينة والبوالين ولقت ناس البيت كلهم حوالينا وبغنو ليها ..
Happy birthday to you
Happy birthday to you
سنة حلوة ي جميل ـ سنة حلوة ي جميل ـ سنة حلوة ي جميييييل ـ وبقو بصفقوو
بنان كانت خاتة ايدها في خشمها وبتبكي ....
مؤمن : اششش ي روحي ـ عليك الله م تبكي ـ سنة سعيدة عليك والعمر كلووو ي رب ـ وان شاء الله كل سنينك جمبي ومعاي ي احلى زوجة وأم وحبيبة ـ بحبك ♥♥♥ ...
بعدها جود وجواد جو حضنوها وعايدوها ـ وقطعت القاتوه ـ سوسن وعبد الغفار ومونا برضو عايدوها ـ قدمو ليها الهدايا ـ واي هدية كانت أحلى من التانية ....بنان كانت م قادرة توقف بكاء ....
مؤمن ساقها مشى بيها غرفتهم وقعدها في الكرسي قال ليها عشان خاطري وقفي بكاء ـ ماتنسي انك حامل كمان والبكاء حيأثر ع البيبي كمان ....
بنان : ما قادرة ابطل بكاء حبيبي ـ انا محظوظة بيكم شديد ـ انتو احلى حاجة في حياتي كلها ....
مؤمن : إنتِ الحليتي حياتنا بوجودك والله ـ ماعارف كيف كنت عايش قبل م تكوني في حياتي ـ إنت لونتيها لي بعد ما كانت باهتة ومسيخة ـ إنت ضفتي لبيتنا الروح والحياة ـ بقيتي لينا كل حاجة ♥ .....
ربنا يقومك لينا بالسلامة وتجيبي لينا البيبي المنتظر♥
بنان : آميين ياارب ♥ بعد ما فقدتة الأمل وقلتة خلاص ما حأنجب في حياتي بعد كلام الدكتورة القالتو لينا ـ بس سبحان الله #إرادة ربنا فوق كل شي# ♥
مؤمن : اصلا في الدنيا ماف شي مستحيل طالما الله موجود♥ ...
بنان رقدت في كتفو وغمضت عيونها ♥
........
*flash back*
بعد عدى سنةونص على زواج مؤمن وبنان وما حصل حمل ـ مشو قابلو دكتور ـ وطلع عندها مشاكل في الهرمونات وتكيس في المبايض ودي مسببة ليها مشكلة في الإنجاب ـ الدكتور اداها ادوية تستمر فيهم مدة ستة شهور وتجي تقابلو ـ وفعلا اخدتهم ومشت عشان تقابلو بس لقت الدكتور سافر ألمانيا ـ بعدها مشو لدكتورة ودي كمان قالت ليها نسبة انك تنجبي ضئيلة جدا ـ والله اعلم تحملي ... بعد الكلام دة بنان حست بإحباط شديد ـ مؤمن قال ليها اصلو ماتشيلي هم حنسافر برا ونقابل أمهر الدكاترة وبإذن الله حنلقى علاج .... وفعلا سافرو الأردن وقابلو أشطر دكتور نساء وتوليد اداهم علاجات كتيرة ـ وكل فترة والتانية يجو مقابلة.... استمرو ع النهج دة سنتين ونص وبرضو م حصل حمل ـ بنان يأست وقالت احتمال ربنا كاتب ليها كدة ـ وأصلو م زعلانة على إرادتو .... بقت بتزن لمؤمن يتزوج تاني عشان من حقو يكون عندو أولاد ـ مؤمن بزعل منها شديد كلما تفتح ليهو السيرة دي ـ وبقول ليها احنا عندنا جود وجواد ناسية الحاجة دي? ولو تاني فتحتي لي السيرة دي حأزعل منك شديد ....
في يوم عمل ليها مفاجئة وقطع تذاكر للعمرة عشان حيمشو يعمرو مع بعض ـ بنان قربت تطير من الفرحة عشان أمنية حياتها تمشي مكة .... مشو عملو عمرة ودعو فيها كتييير ليهم ولكل البحبوهم ـ وقبل م يرجعو السودان سافرو تركيا قضو فيها فترة شهر ..... بنان غيرت جو ورجعت بنفسية كويسة شديد .....
بعد ما رجعو من السفر بفترة بسيطة ظهر ليها حمل ودي كانت أكبر فرحة بالنسبة ليهم ♥ ....
دعواتهم أستجيبت الحمد لله بعد مافقدت الامل تماما ...
...........
ي السمحة كيفك ...
كويسة انا انت كيفك ...
انا كويس الحمد لله ـ بس مرهق شوية ...
شغل المستشفى دة متعبك شديد أخد ليك اجازة ارتاح فيها ...
ي ريت والله ...اها إنتِ كيف مع الجامعة ...
نازلين امتحانات الأسبوع الجاي وخايفة شديد ...
م تخافي ي السمحة انتِ قدها وأنا جمبك ـ وان شاء الله الامتحانات حتجي حلوة زيك ♥
ان شاء الله ي قلبي ♥ ...
بنان : يعني م ناوي تخليني أنوم ( قالتها بدلع) ...
مؤمن : مشتاق ليك ...
بنان : مؤمييين ...
لحظتها ختة المخدة في خشمو عشان يكتم ضحكتو ...
مؤمن : بنان حتقتليني بالضحك حرام عليك ...
بنان : شكلك متكيف من طريقة مناداتها ليك ...
مؤمن : الله يسامحك ـ اصلا لو ما حاكيتيها ما كنت مركز اصلا ....
بنان : انننننن ...
مؤمن : والله جاني وجع كلية من الضحك الكتير ...
بنان : يلا نوم بعد كدة...
مؤمن : يازولة ماف نوم الليلة سهرة للصباح ...
المهم م علينا تاني راجل ومرتو 🤣....
..... تاني يوم مؤمن قال ليها تمشي معاهم عشان يشتري ليها تلفون جديد برضو ـ طبعا عمل كدة عشان م عايز يمشي مع ميرال لوحدهم ـ بنان طوالي ولا كضبت مشت معاهم وركبت قداام .... ميرال كانت شامة الوضع ولو عليها تكفتها ل بنان .....
لما وصلو مكان الموبايلات ميرال غيرت رايها وقالت خلتو حتشتري لما تمشي الامارات ـ بنان قالت ليها طيب طالما عايزة تشتري من الامارات ليه تعبتي روحك وجيتي ـ تحت تحت قالت وتعبتينا معاك ـ ميرال قالت ليها الموبايل العايزاه م لقيتو😒
مؤمن كان كاتم الضحكة وعامل رايح ....
لما رجعو البيت بنان قالت ليهو شكلها كانت عايزاك تطلع معاها لوحدكم ف اتحججت بموضوع انها عايزة موبايل جديد😒😒 وإنا بقيت ليها شوكة حوت ....مؤمن قال ليها حبيبتي م تشغلي بالك بيها
ـ قالت ليهو ومنو القال ليك شاغلة بالي بيها اصلا آخر همي 😒😒😒
طيب ي عمري 😂
مؤمن م كأنو ضحكك بقى كتير 😒
أهو وقفتة ضحك والله😶....
........
بعد اسبوع سافرو ـ بنان كانت طايرة من الفرح ـ قالت اخيرا م حأشوف وش البتين العبيطات ديل .....
اكتشفت انها بتغار جدا على مؤمن ـ وي داب حست بشعور الغيرة ـ وقالت بينها وبين روحها مؤمن معاه حق لما ردت فعلو كانت قاسية لما شاف كمال واقف معاها ومسكها من ايدها بالغلط ـ هي لو كانت مكانو كانت حتعمل اكتر من كدة.......
........
يتبع ....
بكرة إن شاء الله آخر حلقة♥
#أنيس الروح #
(21)
بقلم غزل وليد♥
أمي اتصلت سلمت علي واتونستة معاها شوية ـ بعدها قالت لي ي بتي عايزة أسألك بخصوص اختك بدور ـ حاساها متغيرة ليها فترة ـ صوتها دة ماعاجبني حاساها ما كويسة وكأنو حاصل معاها شي ـ بقيت ببلع في ريقي وطبعا ما حأقدر اكلمها بالحاصل معاها لإني وعدتة بدور ما أكلم زول زي ماهي طلبت مني وأولهم أمي م لازم تعرف ... قلتة ليها مالها ي أمي قبل كذا يوم كنت بتكلم معاها واتونسنا كتير وما حكت لي شي ـ او حسيتها ما كويسة ـ امي قالت لي ماعارفة بس قلبي حاسي انها ما كويسة ـ الله يحفظها ان شااء الله ..... سبحان الله قلب الأم دة ماف زيو وأبدا إحساسو م بخيب ....
بعد م قفلتة من أمي اتصلتة على بدور اختي والحمد لله ردت على طوالي ...
بنان: حبيبتي كيفك ...
بدور : كويسة وانت ...
بنان : صوتك ليه واطي كدة زي العيانة ـ كويسة انتي?
بدور : بنان ليه بحصل معاي كدة ـ كل مرة بتظهر لي مصيبة جديدة ـ انا عملتة شنو في حياتي عشان اتعاقب كدة ....
بنان : إستهدي بالله ي روحي ـ وربنا اذا احب عبد ابتلاه ماتقولي كدة تاني ... واسي احكي لي الحصل معاك شنو تاني ....
بدور : طلعتة حامل ...
بنان : جاااادة ـ الف الف مبروووك حبيبتي ـ دة شنو الخبر الحلو دةةة ـ ح أبقى خاالتو من جديد♥
بدور : بنان انا م عايزة الطفل دة م عااايزاه ـ وبقت بتبكي ....
بنان : كيف يعني م عايزاه?
بدور : عديل كدة ـ انا م عايزة طفل تاني من أيمن ـ كلو منو ـ انا بكرهو بكرهوووو ـ قدر م حاولتة اخليه بعيد عني وم يلمسني ـ ماقدرت ـ جاء بالصدفة وحصل الحصل ـ وياهو حصل حمل من جديد ... ماعافية ليهو ابداا ...(ومازالت مواصلة بكاء)
بنان : روقي شوية الله يرضى عليك ـ البكاء والإستريس حيأثر على الجنين ـ الله يخليك ِ اهتمي بروحك ... وخبر زي دي حلو شديد ـ اتفاءلي خير وأكيد الطفل دة حيجي بخيرو♥
بدور : ااخخ يا أختي ـ بس الحمد لله على كل حال ...
بنان : ايوة خليكِ كدة داايما حامدة وشاكرة ...
بدور : نفسي أكون هادية وصبورة زيك ـ مهما يحصل معاك بتكوني متماسكة وصابرة حبيبتي ـ ربنا يخليكِ لي ـ م عارفة من دونك كنت ح أعمل شنو...
بنان : انا اختك وداايما جمبك لآخر يوم في عمري ♥
صح أمي اتصلت علي وقالت لي حاسة انو انتِ م كويسة ومخبية عنها ....
بدور : ان شااء الله م تكوني حكيتي ليها ....
بنان : لا ما كلمتها ـ م خليتها تركز في الموضوع ...
بدور : اي عليك الله م تخليها تعرف بأي طريقة .......
بنان : طيب حبيبتي ـ اها أيمن وريتيهو بحملك?
بدور : لا وم حأوريهو ...وعليك الله م تجيبو لي سيرتو حأستفرغ ...
بنان : طيب طيب سكتة ....
....... بعد ما خلصنا وقفلتة منها ـ فكرتة أرسل ليها حاجة بسيطة كدة ـ مع انها قالت لي أيمن م مقصر من الناحية المادية بس برضو جاء على بالي ارسل ليها ....
بالمساء بعد ما مؤمن رجع من شغلو قلتة اطلب منو قروش ـ كنت ملاوزة شوية ـ صراحة بكون متحسسة من حكاية اقول ليه اديني قروش ـ في حين إنو الموضوع عادي وهو زوجي بس م عارفة ليه بحس بخجل لما أكون عايزة اطلب منو قروش ....
بنان : مؤمن ...
مؤمن : عيونو ....
كان شغال في ورق وملفات كدة كتيرة ...قلتة احسن اخليهو بعد يخلص حتى بعدين اكلمو ....
بنان : لا خلاص بالأول كمل شغلك وبعد تفضى نحكي ...
قام خلى شغلو وجاء قعد جمبي ...
مؤمن : انا فاضي ليك في أي وقت ♥ يلا احكي ي حلوة ....
بنان : خلص شغلك حبيبي ونحكي بعدين ـ م مستعجلة انا ...
مؤمن : لا احكي ...(وخت ايديو في خدها)
بنان : بصراحة محتاجة قروش ... في حدود (...)
مؤمن : انتِ كدة حتزعليني منك على فكرة ....
مش كلمتك لو احتجتي شي ـ ديك الخزنة افتحيها وشيلي المبلغ العايزاه ايا كان من دون ماتكلميني ـ وبعدين انا بشتغل وبطلع قروش عشان منو ـ مش عشانكم ! طيب ليه بتخجلي ....
بنان : بصراحة انا بحب إستأذن منك بالأول عشان تكون عارف ...
مؤمن : تستأذني ليه?
وأعرف ليه?
عليك الله تاني لو احتجتي اي قروش من دون م تترددي وتكلميني امشي الخزنة شيلي المبلغ المحتاجاه الموضوع بسيط شديد ....(دة الراجل الدايرنو بنات حواء ـ الله يكتر من أمثالو 😂😂😂😂)
بنان : اممم طيب تمام ...
مؤمن : تاني لو كلمتيني ح ازعل جد جد والله ...
ابتسمت وقالت ليهو تمام بحبك ♥
مؤمن : اي محتاج اسمع كلمات حلوة زي دي ههههه ـ كتري لي منها عليك الله ـ وعلى فكرة انا بحبك شديد شديد شديد ♥ وباسها ع شفايفها♥
.......
* سؤال كدة عرَضي ـ ليه بعد الزواج كلمة بحبك بتختفي بين الازواج ـ يعني قبل الزواج بكون ماعطك بيها وكل شويتين بحبك بحبك بس أول ما تتزوجو ببطل الكلمة دة ـ حتى الزوجة زاتها ليه بتبطلها. ـ في رأيكم السبب شنو?! .....***
........
بعد يومين اتصلتة ليها وحولتة ليها شوية قروش ـ كانت رافضة تشيلهم مني إلا حلفتها حتى قبلت تشيلها
......
مؤمن : بصراحة ماف سبب مقنع يخليهو يعرس فيها طالما هي ما مقصرة تجاه واجباتها في شي ....
بنان : امممم ـ طيب واذا عرس فيها رغم دة كلو في رايك السبب حيكون شنو!
مؤمن : بصراحة ماعارف بس امكن يكون مجرد رغبة في التعدد ...
بنان : اهاا ...
مؤمن : معليش بس ليه السؤال دة كأنو غريب شوية ....
جرت نفس وقالت لي بصراحة راجل اختي الكبيرة عرس فيها وحاليا هي محطمة شديد ـ كانت بتحبو أكتر من روحها وهو كمان بحبها ...
بس للاسف مشى وعرس فيها رغم انها ما مقصرة تجاهو خالص ولامقصرة تجاه اطفالها وبيتها ـ وبالصدفة اكتشفت انو معرس من وراها وحتى من دون يكلمها ـ والحاجة دي دمرتها كليا ـ وخاشة في حالة م يعلم بيها إلا الله ـ أنا بس عايزة اعرف ليه جرح اختي كدة ـ بدور رقيقة شديدة وحساسة وصعب انها تقدر تتحمل الحصل دة ـ ودموعها نزلت ...
مؤمن قشة ليها دموعها وقال ليها ماتبكي عليك الله ـ انا عارف الحصل ليها صعب شديد ـ المرأة لما تحب شريك حياتها بصدق وفجأة تكتشف انو متزوج فيها ـ ما حتقدر تتحمل الحاجة دي ـ وأقرب مثال امي ـ كانت بتحب ابوي جدا بصورة مابتتخيليها ـ حبهم كان مضرب المثل والله ـ بس لما عرس فيها انجرحت شديد ـ كل اللهفة والحب الكانت بتكنها ليهو اختفت ـ وبقو عايزين زي اي زوجين كئيبين واعتقد انك لاحظتي الحاجة دي
.....
بنان : حارة شديد الحاجة دي ي مؤمن ...
يعني مثلا لو أنا حصل معاي كدة صدقني ح أكرهك والله اكرهك وحأمشي اخليك ليها ....
كانت بتبكي بحرقة وكأنو الحصل دة ليها هي ....
مؤمن م عرف يزعل ولا يضحك ـ اتكيف جدا من غيرتها عليهو ـ شداها في حضنو وقال ليها ابدا ما حتهوني علي في يوم عشان أعمل فيك كدة ـ اصلا إنتِ كل حياتي وأم اولادي ....
بنان : كلكم في البداية بتقولو كدة ـ بس بعد تعدي السنين حتزهج مني وحتشوف غيري ...
مؤمن : بنان انتِ ماعارفة محبتك جواي قدر شنو ـ بس ما حأقول اي شي حاليا ـ و حأخلي الزمن يثبت ليك كل شي ♥ ... وباسها في راسها ....
في اتنين جو مارين جمبنا لما شافوني في حضنو بقو بصفرو ومشاغلات ـ ي داب انتبهتة انو احنا في مكان عام ما في البيت ـ زحيت من حضنو سريع ...قلتة ليهو بعد كدة نرجع البيت ـ قال لي خلاص تمام ـ لما ركبنا العربية كان ماسك ايدي بيد واحدة ويدو التانية سايق بيها ـ وبدندن مع انغام الأغنية الكان مشغلها ـ منظرو كان حلو شديد وهو بدندن ـ شلتة تلفوني وبقيت بصور فيهو فيديو وبضحك معاي كان كيوت وعسسل ههههه ....
........
بدور تقريبا نست أيمن كليا وطولت شديد م شافت وشو بس بتسمع صوتو لما يكون مع أولادو .....
من اليوم العرفت بزواجو فيها شوفتو بقت بتطمم بطنها .... أما ايمن فكان مشتاق ليها جدا ـ وتقريبا ندم على زواجو التاني بعد م خلاص بدور بقت م شغالة بيهو وما كان متوقع ردة فعلها تكون بالطريقة دي ـ اشتاق لونستها وهظارها ـ اشتاق لتفاصيلهم الحلوة الكانت فيما بينهم ـ اشتاق يشوف وشها الحلو ـ اشتاق لحضنها وحاجات كتيرة اشتاق ليهم معاها ....
كذا مرة حاول عشان يحكي معاها بس هي بتكون قافلة عليها باب غرفتها من جوة ....
في يوم. أولادها كانو بلعبو قدام باب الشارع مع شفع جيرانهم وهي كانت قاعدة في غرفتها بتنظم في دولابها وبترتب حاجاتها ـ فجأة حست بحركة وراها افتكرت ديل اولادها رجعو ـ لما اتلفتت لقتو دة ايمن واقف وراها ـ اتخلعت لمن رمت الحاجة الماساكاها في ايدها .... مستغربة ايمن الجابو الوقت دة شنو مفروض يكون في شغلو + المدخلو غرفتها شنو هو حدو الصالون ومحرم عليه يخش في الغرفة دي ....
بدور : الجابك شنو الغرفة دي ـ وعايز شنو!
أيمن كان بعاين ليها بس من دون م يتكلم ـ وكأنو ليهو سنين ما شافها ....
بدور : هيي بتكلم معاك ـ ممكن تطلع برة لانو م مسموح ليك تدخل الغرفة دي ...
ايمن بقى جاي عليها ـ هي بقت راجعة لورا ...
بدور : ايمن انا م بهظر معاك ـ لو سمحت اطلع برة ـ انا م عايزة اشوف وشك + انت غريب بالنسبة لي.... زح لي ألبس توبي ....
ايمن : انا م غريب عنك ـ انا زوجك شرعا وقانونا ....
بدور : لا زوجي لا بعرفك ـ انت غريب ـ غريييب عني تمام ـ ف من دون مطرود اطلع برة الغرفة دي ....
ايمن : واذا ما طلعت ....
بدور : لا حتطلع ـ وغصبا عنك ...
ايمن : قولي والله ....
وما زال ماشي عليها وهي راجعة لورا لحدي م بقت لاصقة في الحيطة ...
بدور : ايمن يااخي انا م بتنفع معاي الحركات دي ـ اطلع برة وخلصني ...
ايمن : طيب ـ شكلي نسيت حاجة م عملتها ـ ومشى على تجاه الباب ـ بدور فاكراه عايز يطلع خلاص ـ بس الصدمة لما قفل الباب عليهم ومشى عليها لحدي ما قرب منها شديد ...
بدور : ياراجل انت ما فاهم كلامي? شايفني برطن ـ وبعدين ليه قافل الباب ـ والله اصرخ ألم فيك الحلة كلها