14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
قاطعت نقاشهم ب:كنا نتحدث انا وسياف الليله الماضية عن بعض معلومات الحوادث التي ملكتنا لها مسز جينيفر،توقفنا قليلاً عند حادثة الجندي الأمريكي الذي اطلق النار على بناته الأربعة..
ما الغريب في هذه الحادثة؟
وجود رقم لوحة السيارة الخاصة به ضمن قائمة ارقام السيارات المرتبطة بالحوادث التي كان يجمعها مستر جو هو الغريب في الأمر
ربما اخطأ السيد روكفلر، الجميع يعلم ان هذه الحادثة حصلت لأن الرجل كان مخموراً بالإضافة لأن وضعه العقلي لم يكن جيداً
سكتنا انا وسياف ونحن بنعاين لبعض
ليز قالت لينا ما الذي تفكران به هلا شاركتمانا الأمر؟
لدينا بعض الملاحظات فيما يخص الجرائم وهي ان جميعها يتم إرتكابها في شهر ديسمبر بإختلاف التواريخ والسنين والأماكن التي أرتكبت فيها
بقو يعاينو لبعض ،لويس قال: و ماذا يعني هذا؟
ان ديسمبر هو موسم الجريمة لهذه المنظومة "كان رد من سياف"
وما علاقة حادثة الجندي الأمريكي بهذا؟
انها كانت في ديسمبر ايضاً ليز
لعل الأمر محض صدفة فحسب
بقيت بضغط على اصابع يدي بضيق
سياف قال ليه انظر لويس اعلم انه احتمال ضئيل ولكن لا اعتقد وجود رقم لوحة سيارته ضمن قائمة بحث مستر جو خطأ وايضاً لا اعتقد الزمان الذي أرتكبت فيه الجريمه مصادفة فحسب،ما فهمته الى الان ان مستر جو دقيق في هذه الأمور لا اظن ان الحادثة تمت كما تم تصديرها للخارج
إذاً؟
إتنهدت وانا بقول ليه اظن ان الأمر اكثر وضوحاً لويس لا اعتقد ان الرجل قد قام بهذه المجزرة في عائلته،هناك من فعل..
وماذا عن تقاريره الطبيه التي تشير الى عدم إتزانه العقلي وحقيقة إدمانه الكحول
من الممكن انه بالفعل كان مخموراً تلك الليله ،لنضع في الإعتبار انها ليلة راس السنة جميع الأمريكان يتناولون الخمور في هذه الليله..
إنه لا يتذكر تفاصيل تلك الليله وما حدث فيها،وهذا يقودنا إلى إحتمالين ،جميع اصدقائه المقربين منه اكدو انه لا يعاني إضطراباً نفسياً كما ادعى محاميه وانه لا يمكن ان يرتكب جرماً كهذا في اعز ما يملك، إذا صحت اقاويل اصدقاءه فإن هذا يعني إما ان الحادثة هي من تسببت في عدم إتزانه النفسي وإدخاله المصح العقلي
ليز قالت لينا او انه؟
بقينا نعاين لبعض انا وسياف
او انه يدعي الجنون تماماً كما يفعل ابي الان
"اكيمي إختصر علينا الطريق ب رده ده"
ما نسبة صحة هذا الإحتمال؟
ليز قالت ليه إذا كان يدعي الجنون حقاً لابد انه لإخفاء او التغطية على امر ما لويس ،علينا وضع هذا الإحتمال في الإعتبار للإستفادة منه،علينا التأكد من الأمر
سياف قال ليهم انظرو يا رفاق نحن مجتمعون على هذه القضية ولسنا مؤهليين او متمرسين او حتى هُواة لحل الغاز كهذه مثل السيد روكفلر وأقرانه، هذه الحقيقة والواقع، كل ما توصلنا إليه هو إجتهاد شخصي منا جميعاً بالإضافه لوقوف الحظ إلى جانبنا احياناً،نمتلك 20%فقط وسائل مساعدة والقليل من المعلومات اما ال 80% من الأمر يعتمد على إستنتاجاتنا،إنه امر معقد اعلم ليس سهلاً كما يبدو،ما زال الكثير بإنتظارنا اذا اردنا المضي قدماً في هذا علينا اخذ اصغر الأشياء في عين الإعتبار والتعامل بجدية مع الأشياء وعلينا التوقف عن التذمر
والان لنعد لمناقشة جميع المعلومات التي تحصلنا عليها ونسلط الضؤ على الشخصيات الأكثر شُبهه في هذه القضية.. شال اللابتوب وفتحه..
ليز قالت ليه لدي بروجكتر استعمله في غرفة التصوير الخاصة بي في الأسفل هل نحتاج لإستخدامه؟
سيكون جيداً إن اتيت به
غابت لدقايق ورجعت وهي شايله الجهاز
هذا البروجكتر رائع ليز
حقاً؟شكراً ظننت انه ليس جيداً بما يكفى
إنه رائع وعملي للغاية،قمنا انا وشهد البارحة بجمع صور للشخصيات الأكثر شُبهه في هذا الأمر واكثر اهمية ،لنبدأ بالسيد روكفلر..
للإيقاع بتايسون وكاثرين وزوجة إبنه تلك نحن بحاجة لمعرفة من هي إبنته التي إستخدمها تايسون في المحكمة،هل هي الإبنة الحقيقية له ام لا؟هل للسيد روكفلر ابناء اخرون ؟
السيد روكفلر كان متحفظاً للغاية عن حياته الشخصية بحكم طبيعة عمله بالإضافه لأنه كان سليط اللسان لذا
فقد كسب عداوات كُثر هذا ما اخبرني به معلمي ادريان
اعلم هذا ليز ولكن ما الذي يُثبت ان تلك الفتاة إبنته؟لندع السيد روكفلر جانباً ونسلط الضؤ على السيد والسيدة تشارلي
اكيمي:ومن هما بحق الجحيم؟
إنهما المديران المسؤولان عن الدار سابقاً،إختفيا بشكل مريب، حتى بعد كل هذه الأحداث لا اثر لهما ولم يظهرا في الوسط
ربما لاذا بالفرار لتورطهما في كل هذا طالما انهما المسؤولان عن الدار بالطبع هما المسؤولان عن كل هذا،ها قد حُل الأمر لما التعقيد؟
قلت ليهو او ربما هما مختطفان اكيمي ، لا اظن انهما متورطان في كل هذا،لطالما عاملاني بلطف ونوايا طيبة لا اظن انهما سيئان كالبقية
اكيمي بسخرية قال لي: اوووه هذا شاعري للغاية
،سياف وهو بغمض عيونو بنفاذ صبر قال: لا اعلم كيف تناسينا امر هاذان الشخصان الرئيسيان في القصة كل هذا الوقت
ما شايفاك مدي الموضوع اهمية مش المفروض تكون موجود هناك وتشرف على الشغل بنفسك؟
المفروض شي والواقع شي تاني بالعكس مهتم
ما فهمتك؟
بنفاذ صبر ونبرة ضيق واضحة قلت ليها يوسف ووائل وعُدي هناك مافي حاجة ضرورية ومُلحة لوجودي،الأوراق القانونية البتخص المشروع كلها تمام وم فيها مشاكل الباقي عليهم هم
بإصرار قالت لي:طيب الإفتتاح متين؟بتاريخ شنو حيكون؟
لسة ما اتحدد التاريخ بالضبط يا شهد
سكتت وهي بتضرب اصابعها في التربيزة بحركة ترتيبيه كانها بتعزف على اله موسيقية ويدها التانيه في خدها وبتعاين لي..
مالك؟
لو كنت بترد على وائل كان عرفت مواعيد الإفتتاح،ما حصل شفت صاحب عمل بيعزموه لمواعيد إفتتاح مشروعه
وائل إتصل عليك؟
حتحكي لي في شنو بالضبط ولا لأ يا سياف؟
ماف شي يتحكي يا شهد
طيب
خلصت باقي كباية الشاي بتاعتها في صمت تام واتحركت من مكانها دخلت غرفتها وقفلتها عليها
غمضت عيوني وانا ضايق صدري وإتنهدت وفتحت تلفوني وانا بعاين لكمية المكالمات الجاياني من وائل..
..................................
كنت متضايقة مني اكتر من ضيقي منه، من ناحية حاسة إنه العلاقة دي بتاخد منه اكتر ما بتديه،ومن ناحية فكرة إنه بدا يبعد عن اصحابه وعشرة عمره عشاني مخيفة بالنسبة لي ونازعة مني طمأنينتي تجاهه
شهد..
ايوا
فتح الباب وانا عملت روحي بلف في شعري
بتردد قال لي الإفتتاح حيكون نص الشهر الجاي إن شاء الله
على اساس انها معلومة جديدة علي ،على العموم كويس إنه اتصلت على وائل، لسة كنت بلف في شعري وهو واقف في الباب، وانا بتكلم معاه بدون إهتمام
دخل وقعد على حافة السرير وبتنهيدة قال :طيب يا شهد!في خلاف بسيط بيني وبين يوسف
وقفت تسريح شعري وسكنت للحظه،توقعاتي ما خابت،كيف ما انتبهت الفترة دي كلها؟
إتلفت عليه وانا بقول:حتى لو في خلاف بينكم عادي الحاجات دي بتحصل بين الشركاء وبتتحل،مشروع النادي بتاعكم دة ما هين عشان..
سكتت لدقايق بعدين بنبرة إستفهام قلت ليه لحظة ،ما فضيتو الشراكة البينكم صح؟
كان ممسك عن الكلام بس تعابير وشه وضحت لي كل شيء
سياف؟؟؟
رجعت بذاكرتي للفترة المضت دي من لما خليت سياف في واشنطن ورجعت كاليفورنيا وموضوع حجزي في المطار وإعتقالي لغاية ظهور سياف فجأة وإنشغالة معي الفترة دي كلها..
وبنبرة تأنيب ضمير قلت ليه المشكلة الحاصلة بينكم بسبب رجعتك كاليفورنيا عشاني صح؟
لأ!البيني وبين يوسف سؤ تفاهم بس ،يوسف اصلاً في بيئة الشغل كدة عنده 1+1=2 ما بتفاهم ولا بجامل ودي حاجة ممكن تخنق احياناً،ف البينا محلول إن شاء الله ما تركزي انتِ بعدين انا هنا ما عندي زول يدير لي الصالة وعندي إلتزامات ما بتمشي بدون ما اكون موجود وبرضو عندي عملاء ما بوافقو كوتش يشرف عليهم في الصالة غيري وحسابات وفواتير كتيرة واقفة علي وانا إتفاقي مع يوسف من البدايه انه وجودي ما حيكون اكتر من اسبوعين تلاته اسابيع بالكتير ومتى ما جاني طارئ حأرجع ،لأنه واقعياً انا عندي إلتزامات ما ينفع تتراكم علي
ورجعت بسببي..
ما عملت إلا الشي ،هو نفسه لو كان مكاني كان عمل كدة واكتر،عموماً انا عملت الشي الصح بالنسبة لي اما يوسف ف انا شايفه متسبب بس م اكتر
بتنهيدة قلت ليه ما تشوف الموضوع من جانبك وتقيس عليه الصح..المهم طمني اكيد الموضوع ما وصل مرحلة إنه..
قبل ما اخلص كلامي قاطعني وقال لي :شهد يوسف دة زي ابوي فاهمة انتِ؟ مهما ساءت بينا الأمور ووصلت لأي حد نحن البينا عامرة ومواضيع الشغل دي بتتحل ما تاخدي في بالك انتِ
حسيت بطمأنينه في كلامه وعاودني تأنيب الضمير في لحظه ف قلت ليه إن شاء الله يتحل،بس..
سكتت وهو بعاين لي ورجعت الف في شعري
سامعك بس شنو!؟
يعني لو م وائل اتصل علي ما كنت حتشوف في ضرورة إنه تحكي لي حتى لو من باب الفضفضة ساي ؟ ما كنت حأتحسس من الموضوع لو سمعت منك
ما جات مناسبة يا شهد ،الفترة المضت دي كلها ما قعدنا قعدة كدة برواق، انشغلنا بالأحداث المضت دي وهلمجرا،ماف شي بجيب حساسية صدقيني لو جات مناسبة كنت حكيت والموضوع ما شاغلني لأني عارفه بتحل بس افضل لي وليه كدة في الوقت الحالي عشان لو إتناقشنا ما حنصل لنتيجة
انت بتعمل كدة في العادة؟
بعمل شنو؟
يعني لو اتناقشت انت وزول عزيز عليك بتبعد منه فترة وما معروف الفترة دي كم بعدين ترجع تتكلم معاه؟
بعيداً عن الدراما يا شهد في اوقات فكرة انه الناس تدي بعض مساحة هو الصح ودة شي انا بلجأ ليه بعد ما اكون جربت اتكلم ولقيت انه الكلام في لحظة المشكلة بعقدها اكتر ،في لحظات الزعل والغضب والإصرار على الشد والجذب بيطلع كلام ممكن ينهي علاقة عمرها سنين في لحظة الشيطان كان فيها شاطر،انتِ شايفة دة غلط؟
مع انه عندي رأي غير كدة بس كلامك فيه منطق برضو !
صححيني لو غلط وريني رأيك يمكن يكون مقنع بالنسبة لي ويغير مفهومي
بقيت اعاين ليه وانا ساكتة
اها سامعك انا؟
عموماً انا ما بحب زول يخليني لأفكاري بس زي م قلت ليك كلامك فيه منطق برضه
لويس قال ما اتسائل عنه هو كيف إستطاعو إفتعال وتنفيذ كل هذه الجرائم وتصويرها كانها حوادث فحسب واخفاء هؤلاء الناس عن الأنظار كل هذه السنين؟كيف نجحو في كل هذا؟
ليز: والسؤال الأهم ولِم؟
اكيمي قال ليها هذه هي النقطة الأهم لِم يتم ابقاءهم احياء؟ من الممكن التخلص منهم بعد إنتهاء الغرض الذي أُختطفو لأجله ،لماذا يتم تفقيدهم الزاكرة ورميهم في ذلك المكان؟وبنبرة مليانه إستياء كمل كلامه ب:اخشى ان يكون ابي يواجه نفس هذا المصير الان
ركزنا نظرنا على إتجاهه ونحن مُقلقين
لويس قال اذا صح ما نفترض ، إذاً...ماذا بعد؟
سيدة جينيفر كانت بتعاين لينا وهي ملتزمة الصمت..
قلت ليه اكيمي بإعتبارك إبناً للسيد ادريان هل يمكنك ان تطالب المصح..
اكيمي وساتشي إبنان غير شرعيان للسيد ادريان شهد
ردت ليز مُقاطعة لكلامي
لويس قال ليها كان هذا جارحاً بعض الشيء ليز
عاينت ل اكيمي وقالت ليه اعتذر لم اقصد شيء اردت فقط توضيح ان ما تفكر به شهد لا يُجدي نفعاً
عاينت بإتجاه الصورة العاكسة من البروجكتر ،كانت صورة ل4 بنات في سن الشباب اكبر واحدة فيهم ما بتتجاوز ال27سنة ..
هل تعرفت على واحدة منهن؟...كان سؤال من السيدة جينيفر
لا ....وانا مركزة نظري على الصورة سألتها من هم؟
والدهم هو إداورد تشارمان جندي امريكي سابق في الإستخبارات العسكرية ،قاتل مع القوات الخاصة الأمريكية في عدد من الدول العربية،في ليلة الكريسماس منذ خمسة اعوام مضت قام بإطلاق النار على بناته الأربعة،كانت حادثة صادمة بعض الشيء للعامة واثارت ضجة لبعض الوقت،عُرف ادوارد بعلاقته الوطيدة مع بناته ومحبته لهم،قيل انه اسرف في الشرب تلك الليلة اي انه كان مخموراً،وايضاً قيل انه لم يكن متزن عقلياً بسبب ظروف الحروب التي عاشها وكان يعاني بعضاً من هوس القتال والكثير من التهيؤات وبعض الذهان هذا ما ادلى به طبيبه الخاص،ظلت الحادثة مبهمة التفاصيل ،تداولتها وسائل الإعلام لبعض الوقت ولاحقتها الأقاويل والكثير من التحليلات واُغلقت القضية بسجن إداورد ومن ثم إحالته لمصح عقلي وتناستها الأفواه،لا افهم ماذا يفعل رقم لوحة السيارة الخاصة به ضمن القائمة التي قمتِ بإرسالها لي هذا هو سبب طلبي مجيئك إلى هنا...
بقيت اعاين لسياف وهي بتعاين لي كانها منتظرة توضيح مني
لا فكرة لدي عن هذا الأمر سيدة جينيفر ،
نحتاج ان ننفرد بالجلوس انا وانت مرة اخرى لمناقشة بعض الإستفهامات ،انتِ تفهمينني اليس كذلك شهد؟
اجل سيدة جينيفر...عاينت لساعتي
ولكن اعتقد ان لديك ما هو بإنتظارك اليوم،وايضاً اعتقد أنكم بحاجة للتحدث إلى بعضكم البعض لذا سينتهي إجتماعنا هنا اليوم،سأقوم بالإتصال بك غداً إتفقنا؟
حسناً ،سأكون بإنتظارك
ساقوم بإرسال جميع هذه الملفات لك يمكنك مراجعتها والتدقيق بها واخبريني إذا إحتجت شيء ما..
شكراً لك سيدة جينيفر على وقتك ومساعدتك لي،انا ممتنة حقاً لكل هذا
لا داعي للشكر،فقط كوني حذرة انتِ ورفاقك شهد،تفهمين ما اعني صحيح؟
اجل،سنفعل
إلى اللقاء
طلعنا ونحن متململين لغاية ما وصلنا الباركن لويس قال لينا :
والان ماذا؟لقد اصبحت عقولنا مثل:مفكرات ليز الخاصة تجمع بها العديد من صفات الطعام بشكل يومي ولكن لا فائدة منها لأنها لا تطهو شيئاً
ليز عاينت ليه بغيظ وقالت لي شهد اظن ان عليك توضيح بعض الأشياء لنا ،من هذه المرأة وما هذا المكان علينا التحدث
قلت ليهم لنفترق الأن لأن لدي كل منا عمله،ولنلتقي مساءً ونتحدث..
ارجو ان يكون لقاؤنا القادم بشكل اكثر جدية دون عبث ...كان رد من لويس بنفاذ صبر
إتفاجأت ب سياف بقول ليه ماذا تعني ب دون عبث لويس؟هل ترانا نضيع الوضع ونعبث فحسب ؟هي تفعل ما بوسعها حتى ينتهي هذا وليست مضطرة لذلك!! تذكر انها عادت لهذا الأمر فقط لمساعدتكم بناءً على طلبكم ذلك، كانت تحاول ان تبقى خارج هذا الأمر،انتم من بحثتم عنها وطلبتم مساعدتها والان انت تسمي ما تقدمه لكم عبث؟إتركوها وشانها إذاً
سياف كانت نبرته حادة ومليانة غضب..
ليز قالت ليهم يا رفاق اعلم اننا جميعاً متوترين لذا لنهدأ قليلاً كما قالت شهد لنذهب ونتحدث غداً،لويس الأمور لا تُحل هكذا تفهمني صحيح؟
سياف قال ليها اخبريه ان يقدم لنا معروفاً ويكُف عن التذمر وطرح الأسئلة الصبيانية،نحن حتى لا نعلم مع من نتعامل وما إن كنا نتحكم في زمام الأمور ام مُتحكم بنا ويتم إستدراجنا من قبل من لا نعرفهم ولا نعرف على اي جحيم سنذهب ،وانت لا تكف عن قول ماذا بعد..
حسناً شهد اذهبا انتما الان،هيا خُذيه وأذهبي
سياف خلينا نمشي...ركبنا العربية وإتحركنا..
ما حاسي إنك كبرت الموضوع يا سياف؟ما كان في ضرورة لردة الفِعل دي كلها..
بإستنكار قال لي انا كبرت الموضوع؟تمام انتِ صح
المهم ساقني و عرفني على ناسو و على صاحبو صاحب العزيمه، طبعاً كلو شبكوهو عرست متين و ليه ما عزمتنا و و و ...الخ كان بقول ليهم كل شي حصل بسرعه!!
المهم و نحنا قاعدين في طاوله من الطاولات و أنا بعاين للناس و ضحكهم و هظارهم قال لي نفسي أعرف الطرحه الفي نص الراس دي معناها شنو؟؟
قلت ليهو معناها ما عارفه تمشي ورا ولا قدام عشان كدا قعدت في النص، زي علاقتي بيك بالضبط!... جرا لي الطرحه و قال لي كدا استقرت و عرفت تمشي وين، قلت ليهو يعني ياداب لاحظت ليها! من البيت طلعت بيها كدا!...رجعت تاني و ختيتها في نص راسي، قال لي اها عايزا تبدي عناد! دائماً لمن أرخي ليك الحبل بتبدي تعملي حركات و تعاندي! قلت ليهو يااااخي انت ما شايف البنات ديل لابسات كيف! ياخ كتار ما لابسين طرح عديل!....قال لي و أنا مالي و مالهم! أنا علي بيك انتِ وبس!
قلت ليهو خلاااص خلااااص أقنعتني!...المهم شويه كدا جوا أصحابو و قعدو معانا، كان معاهم بنات ، الأولاد كانوا بتكلموا مع يونس و البنات عشان بعرفوا بعض بقوا يتونسوا سوا و أنا في نصهم زي الكلمه الشاذه كأني ما قاعده معاهم! صراحة حسيت بالإهانه و البنات حركتهم كانت ظااااهره و واضح انهم بتجاهلوني قاصدين مع انهم لا بعرفوني لا بعرفهم و عرفت السبب يلي هو يونس المجننهم!!
طوالي وقفت على حيلي و مشيت من جنبهم، لقيت لي طاوله بعيده عنهم فـ قعدت فيها و طلعت تلفوني و انشغلت بيهو لحد ما فجأه جاني صوتو و هو بقول لي ليه قاعده براك؟؟.... رفعت راسي عاينت ليهو و قلت ليهو ساي، قعد وقال لي حتى لمن قمتي و مشيتي ما كلمتيني؟؟
قلت ليهو انت بنات الناس ديل كلهم واااعدهم بالزواج ولا شنو؟؟ قال لي نعم؟ قلت ليهو يحمروا لي ساي كأني شلت حاجه بتخصهم! قال لي معناها دا السبب؟قلت ليهو صراحة أنا ما بحب أقعد في مكان ما بحس فيهو بالإنتماء و ما بقعد مع زول بتجاهلني و بعمل نفسو ما شايفني، مستحيل أرضى بإهانه سواء كانت بطريقه مباشره أو غير مباشره، أنا مستحيل أقعد مع زول ما مقيمني.... للسبب دا جيت قعدت هنا، فجأه أصحابو نادوهو، جا سيد الحفله و قال لي معليييش يا مدام حـ نشيل منك الزول دا ولمن نقنع منو حـ نرجعو ليك 😂
جات بت وقالت ليهو يونس على فكره الناس ديل كلها منتظراك فـ ما تخذلهم، قال ليهم يا جماعه انا الغنا دا خليتو زمااان من أيام الجامعه، البت قالت ليهو عليك الله غني لينا مره واااحده بس ، قال ليهم صوتي بقى شين ، قالوا ليهو ماااف اي مشكله لو صوت حمار عايزين نسمعوا.... طبعاً ديك كانت أول مره أعرف فيها إنو هو بغني!!....بعد إصرار و إلحاح شديد منهم هو وافق و قال ليهم تعالوا هنا، شغلوها ليهو و قال ليهو بس عشان عايز تقعد مع مرتك و و و لمن خجلت من كلااامهم 😂
المهم قعد قصادي و شلتو اتلمتو و واحد جيب معاهو جيتار و كلهم متحمسين عشان يسمعوا يونس و هو بغني و أنا ذاتي متحمسه عشان اسمع صوتو!!
بدا يغني و كان بقول :
فكري مشغول بصبيه
شايله النوم من عينيا
و القمر شاف العليا
نزل يسأل من دي هيا
و الزهر أدى التحيه 🌷
و الفراش حام حوليا
و جناحو صفق
هنا أصحابو شالو معاهو و بقوا يقولوا كدراااويه كدراااويه
طبعاً صوتو كان قصه تاااانيه خالص، فيهو بحه كدا عجيبه، كان بغني و بعاين لي لمن خجلني ، بقى كل ما يغني غنيه يعاين لي ، و حسيت أغانيهو دي كلها موجه لي!!.... أثناء ما كلنا مبسوطين و بنسمع في صوت يونس الحلوووو فجأه بقينا نسمع صوت ضرب رصاص و الصوت كان قريب و عالي فـ كل الناس إتخلعت و الخلعني أكتر فجأه كدا يونس و كل أصحابو المعاهو طلعو مسدساتهم!!
يتبع....
غمضت عيوني مسااافه و لمن فتحتهم عاينت لجيبو، قال لي بما إنو المسدس مخوفك للدرجه دي معناها تاني 24ساعه حأكون ماسكو في يدي، اتنهدت و بتردد مديت ليهو يدي و قلت ليهو أنا غلطت في حقك سامحني و خلينا ننسى الحصل و نبدا من جديد وبوعدك إني ما أكرر العملتو مره تانيه... قول دا ضعف مني، قول دا خوف منك المهم انك تقبل تسامحني، و إذا ما حـ تقبل رجاءً خلينا أمشي من هنا 💔
طبعاً عاين لـ يدي بإستهزاء كدا و قال لي معقوله القطه الشرسه استسلمت بالبساطه دي ! سحبت يدي و قلت ليهو انت لا بعجبك العجب لا الصيام في رجب! لو قويت راسي و عاندتك مشكله و لو لينت قلبي و رخيت الحبل و اتنازلت مشكله تانيه!!
يونس انت بالجد عايز مني شنو ؟؟ عايز توصل علاقتنا لـ وين؟؟ إذا دا كلو عشان نصل لنقطة الطلاق قول لي عادي و طلقني أصلاً ما حـ أنصدم فيك لأنك صدمتني فيك أكتر من مرهـ!!
ما رد علي قام من مكانو و طلع طوالي و قفل باب الهول من برا، بس المساء لمن جا داخل الغرفه لمحتو لمن خت لي تلفوني على الدرج و طلع، قايلني ما شفتو، انبسطت إنو تلفوني رجع لي فـ طوالي مشيت شلتو و دخلت الفيس، لاقاني بوست لـ يونس كاتب فيهو:
في علاقات زي اللعنه، لا بتقدر تتخلص منها لا بتقدر تواصل فيها، حـ تعيشك في جحيمها و تضوقك مرارتها و تدفعك ضريبة على كل ثانيه بتقضيها فيها، و حـ تخليك تسأل نفسك كل يوم أنا الكان عاجبني في العلاقه دي شنو؟!
حـ تفهم وقتها إنو ما كل حاجه بتلمع معناها دهب، و ما أي حاجه بتعجبنا معناها لازم نقرب منها و نمتلكها، لأنو في أشياء أو أشخاص الأفضل إنو ما نقرب منهم خالص ونكتفي بس بإننا نتفرج عليهم من بعيد و نستمتع ببريقهم و لمعانهم لأنو أول ما نشيل نفسنا و نقرب منهم حـ نكتشف انهم زيف أو مجرد سراب!... أحياناً كتيره يصان الود بالإبتعاد!
طبعاً حسيتو قاصدني أنا فـ طوالي نزلت بوست و كتبت فيهو : البحب عمرو ما بيأذي، البحب عمرو ما بتمنى الشر للطرح التاني، البحب بالجد بسامح و بدي فرصه تانيه، المحظوظ هو البلقى زول يحبو من جوه قلبو و يقبلو بكل عيوبو و يغفر و يسامحو لمن يغلط و يجي يعتذر ، البحب ما بقسى، ما بديك ضهرو و يستخدم معاك أسلوب جافي و قاسي! البحب بزعل منك و بعاتبك بس عمرو ما بخليك، لو ما قدرت تسامح الطرف التاني و تقبل اعتذارو على غلط هو وعدك إنو ما حـ يكررو تاني معناها لازم تراجع نفسك و تسألها بجديه إذا كنت بتحب الشخص دا جد جد ولا كان مجرد إعجاب!
طبعاً ما عارفه الكلام دا طلع معاي كيف لكن عجبني لدرجة اني قريتو تلات مرات ، بعد شويه كدا ظهر لي إشعار لمن شفتو لقيت يونس متفاعل مع البوست حقي بـ "❤️" لمن دخلت البوست ما لقيت التفاعل حقو! عرفتو شالو بسرعه بس المهم إنو شاف البوست حقي و أكيد فهم إني قاااصداهو و بما إنو عمل لاااف معناها بتفق معاي في كلامي!!
المهم لمن جا راجع البيت طوالي طلعت من الغرفه و قلت ليهو مساء الخير، ما رد علي، دخلت المطبخ عملت كبايتين شاي و جبت معاهم بسكويت، مشيت قعدت جنبو و شلت الريموت و جبت قناة أفلام، قلت ليهو رأيك شنو نسااااهر اليوم؟ ما رد علي، قلت ليهو السكوت علامة الرضى، إتلفت عاين لي و قال لي قومي فتشيها! قلت ليهو نعم؟؟ افتش شنو؟؟...قال لي الصاموله الإتفكت منك دي أمشي فتشيها و ركبيها، قلت ليهو كدا أنا ياداب رجعت لطبيعتي، و مااا خايفه منك لأنك لو كنت عايز تكتلني كان كتلتني من زمااان بس ما عملت كدا لأنك ما بتقدر يا زوجي يا قرة عيني، عاين لي بإستهزاااء كدا و قال لي دي شنو السخافه البتقولي فيها دي!
قلت ليهو من متين الحب بقى سخافه؟... شلت كباية الشاي و مديتها ليهو لمن ما شالها مني قلت ليهو عايزني أشربك؟... عاين للكبايه و رجع عاين لي، قلت ليهو معقوله خايفه إني أكون خاته ليك فيها حاجه؟... دقيقه طيب، شربت من كبايتو و قلت ليهو كدا بتقدر تشرب مرتاح ، ما اشتغل بي شال الريموت غير القناة و بقى مركز مع الشاشه و بعد شويه شال كباية الشاي و بقى يشرب منها مع البسكويت، لمن قرب يخلص كبايتو قلت ليهو أخيييراً حـ نموت سوا ، طبعاً انشرق و قعد يعاين لي، قلت ليهو بعد شويه السمع حـ يبدا يدي مفعولو، حـ نفارق الدنيا دي الإتنين سوا لا أنا حـ اضوق فراقك ولا انت حـ تضوق فراقي، يا سلاااام في أجمل من كدا ؟😍
خت الكبايه و قال لي لا أكيد انتِ جنيتي! قلت ليهو حبك هو الجنني يا ود الخطاب! قال لي على أساس انك زعلانه و خايفه مني؟ يعني فجأه خوفك و كرهك اتحول لحب؟
قلت ليهو أولاً أنا ما قلت بكرهك و تاني شي فعلاً أنا لحد امبارح كنت خايفه منك بس لمن حسبتها و ضربتها صح اكتشفت انك بالجد بتحبني لحد اللحظه دي، و بما انك بتحبني معناها ما حـ تقدر تأذيني عشان كدا أنا مطمنه، قال لي ايوااا عشان كدا قلتي اعمل لي تمثيله و احاول استعطفو و أكسب ثقتو! قلت ليهو و دا الحيحصل مع الأيام لأنو نحنا الإتنين ما بنقدر من دون بعض و أنا بقولها ليك بكل صراحه لأنها ما حاجه بتخجل! أنا بحبك و انت عارف الحاجه دي! اعترفت ليك بأغلاطي و
#بطل_الحكايه32
مها حولي الزاكي
بعد يومين جا و قال لي ناس عمتي جايننا زياره، قلت ليهو و ها حـ تجيبهم جوه هنا تقفلهم معاي في الغرفه ولا حـ تقفلنا في الهول؟ قال لي في المكان البعجبك، المهم بعد صلاة الضهر ناس عمتو جوه داخلين، جات عمتو و وحده من بناتها و حلا و بتها و أختها علا، طبعاً يونس كان مجهز كل شي من ضيافه لـ غيرو، حلا دخلت معاي المطبخ وشالت الضيافه طلعتها ليهم برا و أنا جبت العصير و عشان ما عايزا أقعد معاهم دخلت المطبخ و بديت أعمل في الشاي و الجبنه، جات حلا لاحقاني و قالت لي أنا حـ أعمل الجبنه و انتِ اعملي الشاي أو العكس، قلت ليها لا لا بعملهم الإتنين انتِ ارتاحي، قالت لي والله بقيت مشتهيه الحركه و شغل البيت لأنو ياسر الكبايه ما بخليني أرفعها بقول لي انتِ حامل، قلت ليها كلااامو صح، بعدها بقينا ناخد و ندي في الكلام، قالت لي انتِ و يونس حليتو الخلاف البيناتكم؟قلت ليها ايوه، قالت لي الحمدلله لأنو الطريقه الطلعت بيها من بيتك بالجد حسيتني إنو الخلاف البينك و بين يونس كبير شديد، لمن اتصلت عليك كنت عايزا افهم منك الحصل، قلت ليها التلفون ذاتو ما معاي، خاتاهو في الدرج و ما شغاله بيهو، قالت لي ايوااا عشان كدا، والله أنا و يامن فكرنا نجي نشوفكم و نقعد معاكم و نعرف مشكلتكم شنو بس ياسر ما خلانا و قال لينا ما تدخلوا، لو ما براهم حكوا ليكم ما تمشوا ليهم و تقعدوا تسألوهم، قلت ليها والله بس اتناقشنا في موضوع و الإتنين زعلنا من بعض فـ قررت أطلع و أخلي ليهو البيت، قالت لي عليك الله مهما يحصل بينك و بينو ما تعملي كدا تاني، نحنا ملاحظين ليكم من يوم كنتوا في المستشفى كان ظاهر إنو في خلاف بيناتكم، في البدايه قلنا يمكن يونس متضايق بسبب البيبي الراح، حتى إنو ياسر و يامن اتكلموا معاهو بخصوص الموضوع دا و قالوا ليهو لا تلومها لا تقسى عليها دي إرادة ربنا، لكن الظاهر إنو دا ما سبب خلافكم، المهم ما عايزا أعرف السبب و ما عايزا اضغط عليك عشان تحكي لي، البهمني إنو انتوا الإتنين تكونوا متفاهمين ، يونس ما ليهو زول غيرك في الدنيا دي زي ما ياسر ما ليهو غيري، ديل تلات أيتام يا مها أمهم ماتت خلتهم صغار و بعد ما كبروا شويه أبوهم اتوفى، عمتهم هي الربتهم رغم اعتراض راجلها على قعادهم هم التلاته في بيتو، صح إنها ما قصرت منهم بس ماف زول بقدر ياخد مكانة الأم و الأب و يملى خانتهم، كبروا و كل واحد بقى مشغول بحياتو و شغلو، ايوه ياسر ما ليهو غير أخوانو و أخوانو ما ليهو غيرو بس اكيد كل واحد مصيرو يعرس و يكون أسره و ينشغل عن أخوانو، مثلاً الفتره السافر فيها يامن عشان يقرا برا السودان و يونس كان مشغول و نادراً ما يجينا ديك أكتر فتره حسيت فيها بوحدة ياسر، حسيتو زي التايه و في حاجه رايحه ليهو، كان بنزل السودان من فتره للتانيه و مرات بسافر و يونس دا بعينو ما بشوفو بسبب انشغالو، نفس إحساس الوحده و الضياع الكنت بشوفو في عيون ياسر شفتو في عيون يونس لمن كان ياسر يسافر، يعني أخوانو الإتنين بعاد عنو، ياسر على الأقل أنا معاهو و مهما اتناقشنا مستحيل أطلع و أخلي ليهو البيت و للحقيقه أصلاً ما قاعده تحصل نقاشات بيناتنا لأنو هو في حالة سفر و لمن يرجع بكون مبسوطه بيهو و عايزا أسعدو بأي طريقه قبل ما يسافر مره تانيه، ما عارفه حـ تقدري تفهميني ولا لا بس الراجل مهما كان قوي و شجاع بحتاج مراه تقيف معاهو و تكون جنبو، ايوه يونس مرات بكون طبعو حاد و كلامو ناشف و يمكن يظهر ليك عدم مبالاتو بس هو عكس كدا، و أنا شايفه إنو هو متمسك بيك شديد، انتِ ما شفتيهو في اليوم داك لمن طلعتي و خليتي البيت، اتصل علينا واحد واحد يسأل إذا جيتي علينا أو اتصلتي بواحد مننا، قلب الدنيا قلب لحد ما لقاك، ساقنا معاهو عشان قال انك زعلانه و ما حـ ترضي تسمعي كلامو و تجي معاهو عشان كدا خلانا أنا و يامن نتكلم معاك، يعني الوحده لو عرفت و اتأكدت إنو راجلها بحبها و بموت فيها، و ما بقدر بلاها و مستعد يعمل أي شي عشانها معقوله ما تستحمل النقاش معاهو؟ ما تستحمل طبعو و هي عارفه إنو بحبها و بحترمها؟! مثلاً أنا ياسر دا لو جا يوم و اتشاكلت معاهو و أصواتنا وصلت نهاية الشارع والله مهما كانت ردة فعلو ما بطلع أخلي البيت، بزعل و بقعد في بيتي لأني عارفه إنو ماف بيت ما بكون فيهو نقاشات و مشاكل و لأني عارفه إنو النقاشات ما معناها نهاية العلاقه أو الطلاق و الأهم إني عارفه إنو هو ما بقدر بدوني ولا أنا بقدر بدونو عشان كدا ما كنت حـ أطلع من البيت و هو ان شاء الله أزعل منو شهر بس ما حـ أزيد الوضع سوء و أطلع من البيت ... في سري قلت ليها انتِ ما عارفه سبب المشكله ولا عارفه الكلام الجارح القالو لي يونس.... قلت ليها كلامك صح، قلت ليها ما تضايقي من كلامي أنا بس عايزا مصلحتكم، قلت ليها ايوه عارفه ...المهم جهزنا الشاي و الجبنه و طلعنا بيهم الهول، أول ما قعدت كدا عمة يونس قالت لي قالوا لينا شردتي من البيت!...
دائماً مشغول وما فاضي لي ومعظم وقتك برا البيت و لو فضيت و قعدنا سوا كلامك كلو بكون عن البلد والسياسية، زمان كنت بتقول لي كلام حلو و معسول بس هسي بطلت و اهتمامك بي بقى ما زي زمان ، عارفه دا ما مبرر و ما سبب يخليني اتونس مع راجل تاني و أنا متزوجه!...أنا اعترفت بأغلاطي و ما نكرتها و اعتذرت منك و أكيد ما كنت حـ أكرر العملتو مره تانيه بس انت قسيت علي وما رضيت تسامحني و كرهتني شديد و حالياً علاقتنا على المحك و زواجنا على وشك الإنهيار ولا هو انهار و انتهى!... انت الإنسان الوحيد الإتمنيتو يدوم لي، الإتمنيت استمر معاك لحد آخر يوم في عمري، كل بحلم و بتمنى يكون عندنا أسره صغيره و أطفال بشبهوك و بيت مليان حب و حنان بس ماف شي من دا حـ يحصل، عارفه انك ما سامع كلامي دا و عارفه إنو نفس الوشي الحلو الجذاب و البرئ الحالياً قدامي دا بكرا حيكون وش تاني و انت حـ تكون شخص تاني، نفس اليدين الحالياً محاوطاني دي بكرا حـ تخت المسدس على راسي، صدق إني خايفه منك و في نفس الوقت حاسه بالآمان و أنا جنبك! أحاسيسي متناقبضه! يعني زعلانه منك و في نفس الوقت راضيه إني أكون قريبه منك للدرجه دي ، غضبانه منك و شاماك شديد و في نفس الوقت شغاله أعبر ليك عن حبي ليك!! عايزا أطلع من بيتك و حياتك و في نفس الوقت بتمنى إنو أكون معاك! و الأكعب إنو رغم خوفي منك و من مسدسك إلا اني حالياً حاسه بالآمان و أنا جنبك!
طبعاً كنت بقول كلامي دا بصوت واطي، مررت يدي على وشو و بعدها نزلتها و قلت ليهو بكرا حـ تتغير علي!....اتنهدت و غمضت عيوني و نمت و أنا بين يديهو.... تاني يوم لمن صحيت لقيتو ما موجود و أصلاً دا الإتوقعتو إستحاله يخليني أشوفو و أعرف إنو هو كان نايم هنا أمبارح، طبعاً المره دي خفف حدتو شويه لمن جا داخل و جاب لي الفطور و أنا برضو المره دي ما عاندتو و طوالي قعدت آكل عن سكات، قال لي الظاهر انك استسلمتي و قررتي تتقبلي الواقع ☺️
ما رديت عليهو لمن كان حـ يطلع قلت ليهو يونس خليني أطلع الهول برا، زهجت من قعاد الغرفه، حاسه نفسي ما قادره اتنفس، قال لي ما تحاولي تتحايلي علي، اليوم الهول و بكرا الحوش و بعد بكرا الشارع صح؟
قلت ليهو لو جيت و قلت ليك خليني أطلع الشارع حـ تخليني؟؟اكيد لا فـ ليه خايف! قال لي ماف ليك طلوع و طوااالي طلع و قفل الباب، بعد حكاية ساعه كدا جا راجع تاني شال الصينيه و لمن وصل الباب قال لي الباب فاتح و خليك عارفه إني حـ أطلع و اقفل باب الهول يعني ما تفرحي و تقولي إنو طلوعك للهول معناها طلوعك للحوش، قلت ليهو طيب بس ما تقفل المطبخ، ما رد علي و طلع طوالي، طبعاً ما صدقت إني أخيراً حـ أطلع من الغرفه دي، مشيت قعدت في الهول لقيت الشاشه شغاله و كان فيها قناة السودان ، شلت الريموت عشان أغير بس فجأه يونس جا طالع من المطبخ و قال لي لا ما تغيري، اتخلعت و رميت الريموت و بقيت أعاين ليهو بنظرات خوف لمن استغرب فيني، قلت ليهو طيب طيب بس ما تطلع لي مسدسك، ما رد علي، أول ما بدت الآخبار جا قعد معاي في نفس الكنبه فـ طوالي أنا قمت و دخلت الغرفه جوه ما طلعت منها إلا لمن هو مشى، مشيت عملت لي سنده و قهوه ظاااابطه كدا و جيت قعدت أحضر فلم ورا فلم، مشيت صليت الضهر و جيت راااجعه و واصلت البعمل فيهو، قريب للمغرب كدا سمعت صوت باب الحوش فـ طواااالي جريت دخلت الغرفه و شلت طرحه و غطستها جوه الجك المويه ، صفيتها و رقدت و ختيتها على راسي و غمضت عيوني لمن سمعت صوت باب الغرفه، كنت حاسه بيهو لمن جا داخل و لمن جا وقف جنب راسي و خت يدو على الطرحه الخاتاها على راسي، لمن حركت عيوني و كنت حـ أفتحهم هو طوالي شال يدو بسرعه، لمن فتحت عيوني طوالي قمت مخلوعه من السرير و قلت ليهو ما عملت حاجه أنا ما عملت حاجه عايز مني شنو!! بتكلم و أنا بعاين للجيب البخت فيهو المسدس، عاين لـ جيبو و فهم إني خايفه من المسدس! قال لي المسدس دا قبل كدا انتِ كنتِ بتشيليهو عادي هسي الجد شنو لمن تخافي منو! قلت ليهو بنبرة خوف و تردد أنا ما خايفه من المسدس أنا خايفه من صاحب المسدس، عارفاك عادي تقتلني من دون ما تتردد، أنا ما بقدر أمنعك بس عليك الله أكتلني بأي حاجه تانيه إلا المسدس، و لمن تقرر في يوم انك تكتلني ما تكلمني، ما عايزا اعرف إني حأموت اكتلني فجأه كدا في غفله مني بس ما تخليني أشوفك و انت بتعمل كدا ... طبعاً ما قال أي شي طلع و خلى لي الغرفه، بعدها بشويه مشيت اتوضيت و صليت المغرب، و بقيت ماشه و جايه في الغرفه، بعد مساااافه ربطت راسي بالطرحه و فتحت الباب وطلعت و لمن لقيتو قاعد في الهول كنت حـ أدخل الغرفه بس هو قال لي أصلاً أنا طالع، طبعاً فهم إني بقيت أخاف منو، فـ طوالي قام من محلو و جا على باب الهول، طبعاً كان بعاين لي و أنا ما بقدر أعاين ليهو طوالي بنزل عيوني، طبعاً باب الهول جنب غرفتنا، أول ما طلع كدا تاني جا راجع و قال لي الصداع ما خفى؟؟ بتردد قلت ليهو خفى، قال لي طيب رابطه راسك ليه؟....
اتذكرت كلامو لمن قال لي خسرتيني و خسرتي ثقتي فيك و لمن قال لي حالياً ما حاسي بأي شعور ناحيتك! كلامو كان كلام زول قنعان و ما متمسك! قلبي وجعني شديد! حسيت إنو جد جد دي نهايتنا و الإنكسر بيني و بين يونس مستحيل يتصلح و الحاجز الإتبنى بيناتنا مستحيل ينهدم!
رقدت على السرير و أنا حاسه الدنيا دي لافه بي و حاسه إنو حياتي خلاص وقفت! يعني فجأه كدا في شعور إكتئاب اتسلل لدواخلي، مسكت بطني و اتكرفست في السرير و بديت اتخيل كان حـ يحصل شنو لو قلت لـ يونس إني حامل ، ما كان حـ يخليني أمشي معاهو و كان حـ يفرح شديد ويهتم بي ويمكن الحمل كان حـ يشفع لي قدامو بعد ما شاف دردشتي مع صاحب الرقم الغريب! غمضت عيوني و قلت مفروض تاني ما أفكر فيهو زي ما قنع مني و رمى طوبتي مفروض أنا كمان أعمل كدا!...غمضت عيوني و بقيت أحنس النوم تحانيس عشان يجيني و يخليني أنوم و أنسى العالم دا كلو و فعلاً نمت و ما صحيت إلا على صوت حركه لمن فتحت عيوني لمحت يونس واقف جنب الدولاب، طوالي عاينت للباب، نزلت براااحه من السرير و بقيت ماشه بهدوء على باب الغرفه، أول ما وصلتو و مسكت المقبض جاني صوتو و هو بقول لي على وين ؟؟ طوالي فتحت الباب و كنت حـ أجري بس لحقني و مسكني من يدي و دخلني و قفل الباب!
طبعاً فترت من البكى و الصراخ، قلت ليهو ما عايزا اتناقش معاك تاني في نفس الموضوع، قال لي ولا أنا لأنو الكلام القلتو ليك واضح ما محتاج تكرار، قلت ليهو معناها إلا تخلي شغلك و تقعد تحرسني لأني صدقني بأي طريقه حـ أطلع من هنا لمن انت تكون ما موجود ، قال لي مخلي ليك ملعقه في الغرفه عشان تحفري بيها نفق و تطلعي من هنا، قلت ليهو حـ تخليني أكرهك زياده! قال لي ما بهمني، كراهيتك حـ تعمل لي شنو مثلاً؟!
قلت ليهو ما اتخيلتك كدا! صدق إني مصدومه فيك!بس كان مفروض افهم الحاجه دي من يوم كنت بتتواصل مع ليلى و غاشيني بحجة انك بتساير فيها و متواصل معاها لسبب، كنت شايف نفسك ما غلطان و لمن أنا جيت عملت نفس الشي طلعتني خاينه! و انت طيب ؟
قال لي ياريتني خنتك عشان نكون متعادلين بس أنا بطبعي ما بحب الخيانه، ما بستغفل زول، لو عملت حاجه بعملها قدام الناس،انا ما بخون أنا بعرس قدام كل الناس و هسي لو عايز بعرسهن 3ورا بعض... طبعاً لمن قال كدا صدمني فيهو زياده! قلت ليهو أمشي عرسهم قشه ما تعتر ليك، قال لي أصلاً دا الحـ يحصل ☺️
بعدها سكتنا الإتنين، عاين لساعة يدو و قال لي شايفه الصينيه ديك 👈أمشي و أجي ألقاك خلصتيها، طبعاً لمن انتبهت لقيت في صينية فطور و كمان في جك مويه و عصير! و سيرمس! قلت ليهو ليه بتناقض نفسك؟ جايب لي دا كلو؟؟ بهمك شنو لو أكلت أو لا؟!..قال لي أكيد بهمني، يعني لو قعدتي بدون أكل و بعدها موتي أنا حـ استفيد شنو! ما حأكون قدرت اعذبك و أعاقبك!!
طبعاً بقيت أعاين ليهو كأني ما بعرفو، طلع و قبلها قال لي زي ما قلت ليك أمشي و أجي ألقى للصحنين ديل فاضيين!.... طبعاً مشى و جا بعد مسافه لقى الصينيه زي ما هي حتى المويه ما شربتها!
قال لي عامله فيها عنيده و ما بتسمعي الكلام صح! تمام حـ تشوفي، جا علي و مسكني من يدي و قومني من السرير بالغصب، قعدني و قعد على الكنبه و قال لي يلا زي الشاطره سمي و أبدي أكلي ☺️
ما رديت عليهو، قال لي لو استخدمت معاك أسلوب تاني حـ تندمي على العناد دا، برضو ما رديت عليهو، فجأه كداا دخل يدو جوه جيبو و طلع مسدسو و ختاهو على راسي ! ما أكذب إنخلعت و خفت و طوالي اتذكرت لمن هو ضرب الراجل في راسو و جا واقع ميت! سبحان الله المسدس دا منظرو ساي بخوف، و هو خاتيهو على راسي أطرافي كانت بترتعش و اتخيلت إنوطلعت منو رصاصه و اخترقت عقلي، سألت نفسي حـ أحس بألم ولا حـ أموت طوالي، يعني حتى لو يونس عايز يخوفني لو بالغلط ضغط عليهو حـ أروح فيها، فتحت عيوني و حاولت أظهر ليهو إني مصندده و ما خايفه، قلت ليهو ما حـ آكل و أكتلني لو عايز، قال لي فيهو 3 رصاصات واحده بس حـ تكفيك و فيهو كاتم صوت لا زول شاف لا زول سمع، قلت ليهو معناها ما تتردد، قال لي تمام و طوالي حرك أصبعو و أنا قلبي بقى يعمل دق دق و فجأه سمعت صوت المسدس ، قلبي دا حسيتو إنقسم نصين و فجأه كدا بقيت بصرخ و أنا مغمضه عيوني و قايلاهو ضربني، بعد مسافه حتى استوعبت إني حاسه بنفسي و بكل أطرافي و حواسي و ما حاسه بأي ألم أو دم نازل، فتحت عيوني لقيتو بعاين لي ساي، قال لي مش قلتي ما خايفه؟لحسن حظك إنو المسدس فاضي، طبعاً بقيت أعاين ليهو بخلعه و أنا عيوني مليانه دموع! المره دي ما قدرت أمسك دموعي فـ بقيت أبكي و أقول ليهو أنا ما اتخيلتك كدا، كل يوم بتكون اسوأ من اليوم القبليهو و كل يوم بكتشف فيك صفه سيئه، ياريتني ما عرفتك، ياريتك ما دخلت حياتي، قال لي لو خلصتي أبدي افطري، حالياً المسدس فاضي لكن أقسم بالله، تعاند أقوم أملاهو رصاص و أنا حلفت، قال كدا و طلع، بالجد خفت منو و حسيت زول تاني خالص! الصابو شنو بقى عامل زي المجنون! بتعامل معاي كأني سجينه عندو!....بعد مسافه جا داخل لقاني فطرت
الشنطه و طلعت تلفوني و اتصلت عليهو كتييير بس ما كان يرد علي،رسلت ليهو رساله كتبت ليهو فيها : والله ما تفتح لي الباب اتصل في رقم الشرطه و أفتح فيك بلاغ....فجأه تلفوني رن و المتصله كانت حلا!! طبعاً ما رديت عليها، اتصلت مرتين و تاني ما كررتهم، و أنا قاعده زهجانه و متضاااايقه و غضبانه فجأه باب الغرفه انفتح، لمن رفعت راسي لقيتو يونس داخل و هو شايل صينيه فيها كباية شاي و بسكويت، طوالي وقفت على حيلي و مشيت عليهو بإندفاع و أول ما وصلتو هو طوال قفل الباب و اتكل عليهو عشان أنا ما أحاول افتحو، قلت ليهو جبتني هنا ليه؟؟مالك و مااالي ياخ ما تكرهني حياتي! أفتح الباب و خليني اتخارج من هنا، ما عايزا أقعد في البيت دا دقيقه واحده ، مد لي الصينيه و قال لي أشربي الشاي، مسكت الصينيه و ضربت بيها الأرض الشاي جزو منو طار في رجلي و كان سخن شديد و رغم إني اتوجعت بس ما عملت ردة فعل، يونس عاين لـ رجلي و رجع عاين لي تاني، دخل يدينو جوه جيوبو و قال لي عايزا تصلي لشنو؟؟
قلت ليهو انت العايز تصل لشنو ، أنا عايزا اصل لباب الشارع،عايزا اتخارج من هنا انت عايز مني شنو و جايبني هنا لييييه؟
قال لي عايزا تطلعي من هنا عشان تنومي في الشارع؟قلت ليهو ما عندك بي شغله، أنوم في شارع أنوم تحت شجره في مسجد حاجه ما بتخصك!
قال لي شوفي المواضيع ما بتتحل بالأساليب دي، قلت ليهو بتتحل بأسلوبك و بمعايرتك صح؟ و على فكره أنا ما عايزا أي موضوع يتحل خليها تجوط و تتشربك كدا عشان كل واحد يمشي على اتجاهـ ،ما عارفه انت الجابرك شنو تخلي وحده خاينه و بت ميتم تقعد في بيتك! طلقني و ريحني و ريح نفسك!ليييه ساكت للحظه دي؟؟....ما رد علي، قلت ليهو ماف مشكله حياتي ما حـ تقيف على طلاقك، أول ما أطلع من هنا ما عايزا أشوف خلقتك دي مره تانيه، قال لي طوالي عايزا تقلبي الطاوله!... أنا ما غلطت في حقك إلا في نقطه واحده بس و هي معايرتي ليك بحاجه انتِ ما ليك ذنب فيها و ماف أي زول من حقو يعايرك بالحاجه دي ، أما الباقي انتِ الغلطانه و ماف أي مبرر لعمايلك دي☺️
قلت ليهو تمام، أنا دسيت منك الحمل،و كنت بتونس مع واحد تاني يعني خنتك و ما معروف يمكن أصلاً الحمل ما تبعك و دي الحاجه الكنت انت بتلمح ليها... بعد دا كلو عايز مني شنو؟لييييه مخليني في بيتك و أنا خنتك؟؟
قال لي في أي نص و في أي سطر أنا شككت في حملك و اتهمتك انك حامل من زول تاني؟؟لو بالغلط طلعت و مشيتي قابلتي أي زول أنا بكون عندي خبر، ما تفتكري كلامي دا محاولة اعتذار منك أو مراضاة ليك، انتِ غلطانه و خاينه و حـ تفضلي كدا و على فكره انتِ من زمان سقطتي من نظري، قلت ليهو و انت أصلاً ما كنت في نظري عشان اقول ليك و انت كمان سقطت من نظري، انت اكيد ما عايز تكمل مع وحده خاينه و أنا ما عايز اكمل مع واحد كذاب و منافق و.... كاتل!
طبعاً لمن قلت ليهو كدا قعد يعاين لي سااااي، واصلت كلامي و قلت ليهو بما إنو ماف واحد عندو حاجه للتاني زح لي من الباب و خليني أمشي من هنا، قال لي ليه ما اتصلت علي لمن جهاز الأمن جا ساقك من هنا؟؟ قلت ليهو دي شنو السخافه الإنت فيها دي! اتصل عليك لشنو و بصفتك منو؟ انت قايلني شافعه ولا واحده ما عندها كرامه!؟شفت لو كانوا سايقني للقبر كنت حأمشي معاهم بدون تردد، لو ما فتحت تلفوني ما كنت حـ تقدر تلقاني، ياريتني ما فتحتو، قال لي صدقيني لو كنتِ حفرتي ليك حفره و دخلتي تحت الأرض كنت حـ ألقاك، قلت ليهو تلقاني لشنو و عشاااان شنو مش أنا خنتك؟؟بترضى تعيش مع وحده خانتك و تااااني و تاااالت حـ تخونك؟عشان شنو؟...اااصح نسيت انك متعلق فيني و عشان ما بتقدر تعيش من دوني رجعتني بيتك تاني مع إني خنتك!... طبعاً قلت ليهو كدا عشان أستفزو و أخليهو يفتح لي الباب و فعلاً كلامي أثر عليهو، فتح خشمو و قال لي أنا ما متعود أخلي الغلطان بدون عقاب، و دا ما أي غلط دي خيانه و ما خيانة أي زول، مفتكره إني حـ أعدي الموضوع عادي و أخليك تمشي بكل بساطه و تعيشي حياتك زي ما عايزا؟ بتحلمي، و العملتيهو دا أنا ما حـ أعديهو ليك بسلام و من اليوم حـ تعيشي ورا الأربع حيطان دي حتى تلفون ماف ليك! قلت ليهو ما على كيفك! ما رد علي بس كان بعاين لي بغضب، للحظات خفت منو و حسيت نفسي ما بعرفو، كأنو دا يونس واحد تاني،قلت ليهو دا كلو عشان بس كنت منتظره الوقت المناسب عشان أكلمك بالحمل الأنت أصلاً من البدايه ما أديتني فرصه عشان أكلمك بيهو و عشان بس لقيت دردشة بيني و بين واحد أنا بالجد ما كنت عارفه هو منو؟؟ قال لي شفتي استهبالك دا بصدع بي، بعد دا كلو جايه تقولي لي عشان بس ما كلمتك بالحمل وعشان لقيت دردشه بيني و بين واحد تاني؟؟ شايفه دي حاجه عاديه مفروض اسكت و انبسط إنو مرتي مصاحبه ليها واحد و بتدردش معاهو!....
اليد و طلعت تلفوني، لمن فتحتو لقيت مكالمات كتييييره من رقمين غريبين ومن يامن و حلا و مكالمتين من منار ،حسيت إنو المكالمات الكتيره تبع الأرقام الغريبه دي من يونس لأني حظرتو بالرقم داك ، تاني قلت و يمكن دا ما هو ، أصلاً هو بقى ما بطيقني ، قلت حتى لو دا هو ما مهم و ما مفروض يهمني، فجأه كدا اتذكرت إنو ممكن يونس يعرف موقعي من تلفوني!! طوالي قفلت التلفون و بقيت صاحيه و بتلفت في المكان، بعد شويه فتحت باب المظله و طلعت فـ لمحت بتاع المسجد واقف جنب الباب مع بتو ، عاينوا لي كدا و دخلوا، فهمت انهم عايزين يتفقدوني ، رجعت دخلت جوه و أنا بدعي إنو الليله دي تمر على خير ، نعسانه و ما قادره أنوم و ما قادره آخد راحتي ، بعد أكتر من نص ساعه حسيت نفسي نعسانه و رغم الفيني من وجع و خوف و غيرو غمضت عيوني و فجأه سمعت صوت ضرب على الباب قمت مخلوعه و أنا خاته يدي على قلبي، مشيت وقفت جنب الباب و حاولت اسمع صوت أقدر احدد بيهو هوية البضرب في الباب دا! طبعاً سكته ساااي و ما نطقت ولا حرف و الباب لسه بضرب و أنا قلبي بضرب معاهو، فجأه جاني صوت حلا و هي بتقول لي مها انتِ هنا؟؟لو سامعاني افتحي الباب عليك الله! طبعاً اتفاجأت! بعدها طوالي جاني صوت يامن و هو بقول يا مها افتحي الباب ، طبعاً إضاءة المظله كانت فاتحه.... بقوا يضربوا لي في الباب و أنا ما عارفه اعمل شنو! ما استغربت شديد من سؤال هم عرفوا مكاني وين ، أكيد بسبب إني فتحت تلفوني ، بتردد مسكت ترباس الباب و فتحتو و أنا خايفه أشوف يونس قدامي، بس كنت بقول في نفسي ما حـ أرجع معاهو لو أبيت في الشارع .....
لو أَنكَ تدري كم تسوء الأمور مِن ناحيتي، كمّ أصلح شيئاً فتفسدُ آلاف الأشياء و كم أحاول و كم أركض في كُل إتجاه و لا أصِل
كَ حظِّ شخصٍ يحترقُ في غابةٍ نائية
يحترق
ويحترق
ولا قدرةَ له على الصراخ
وينظر للسماء عاجزاً متأملاً أن تهطل حبّاتٌ من المطر ،
فيرى شمساً و قوسَ قزحٍ بينَ غيمتين
كأنّ العالم يقول له بجفاء :
احترق
لقد انتهى المطر
لكاتبه
يتبع....
هو المكان الوحيد الممكن الواحد يبيت فيهو من دون ما يدفع قروش ، المكان الوحيد الممكن الواحد يحس فيهو بالأمان ، طبعاً ما مشيت المسجد إلا لمن الرجال مشوا صلوا و طلعوا منو ، خفت أمشي و أظهر قدامهم و يقوم واحد من الشماسه أو النفوسهم وسخانه يشوفني و يعرف إني مقطوعه و عايزا أبيت فـ الجامع فـ يجي و يضايقني ، لمن المسجد بقى فاضي طوالي مشيت و دخلت الحوش ، كانوا عاملين مظله ، جنب مبنى المسجد ، الباب كان فاتح لمن دخلت جوه لمحت راجلين ، واحد ماسك مصحف و بقرا و التاني برتب في المصاحف ، حسيت بالإطمئنان من ناحيتهم ، دقيت الباب و لمن إتلفتوا علي بقيت أعاين ليهم بس ، جاني الكان برتب في المصاحف ، راجل كبير في الصحن و على جبينو علامة صلاة ، قال لي خير يا بتي؟ قلت ليهو عايزا لي مكان أبيت فيهو ان شاء الله الليله دي بس، عاين للشنطه و قال لي انتِ جايه من وين و ماشه وين؟ قلت ليهو جايه من سفر لبيت معين و رحت، ما عرفت البيت وين، قال لي جايه لناس منو ؟ كدي قولي لي اسم زول منهم يمكن اعرفهم ، ألفت ليهو اسامي من راسي ، قال لي الإسم دا أنا زي السمعتو لكن كدي دقيقه ، نادى الراجل التاني و لمن جا قال ليهو بتعرف ناس فلان ، الراجل قال ليهو ما متأكد لكن كأنو في زول بالإسم دا ، في شنو ضيعتي البيت ولا شنو؟ قلت ليهو ايوه، قال لي طيب ما عندك رقم منهم؟ قلت ليهو ما عندي، قال لي كنتِ تاخدي منهم رقم قبل ما تسافري و تجيهم!قلت ليهو تلفوني انسرق عشان كدا! قال لي طيب ماف مشكله هسي حـ أذيعك، لمن يسمعوا اسمك و اساميهم حـ يجوا ، طبعاً كنت عايزا أقول ليهو لا لا ماف داعي بس سكت و قلت أصلاً الأسامي القلتها ليهو دي مزيفه و ماف زول حـ يجي و حتى لو في زول بالإسم دا هم أكيد ما حـ يعرفوني لمن يسمعوا اسمي لأني لا بعرفهم لا بعرفوني ، طوالي هو مشى و شال المايك الموصول بـ مايكرفونات المسجد و بقى يذيع فيني ، قال معانا بت هنا في المسجد جايه من سفر و ضايعه بتفتش على ناس فلان الفلاني ، اسمها فلانه ، البعرفها أو بعرف الناس ديل يجي عشان يسوقها ، طبعاً بعدها بقيت قاعده معاهم و هم منتظرين زول يجي من أهلي المزيفين ، لمن صلاة العشاء قربت فتحوا لي المظله يلي هي مصلى النسوان ، كان فيهو فرشات و مصاحف و مكيف فـ شغلوهو لي، لمن دخلت أول شي عملتو مشيت اتوضيت و صليت الصلوات الفاتتني و بعدها صليت العشاء ، و بقيت أدعي إنو ربنا يحفظني و يستر علي و يوفقني و يسدد خطاي ، بعدها مسكت مصحف و بقيت اقرا منو لحد ما سمعت صوت زول ضرب الباب على الخفيف كدا ، ختيت المصحف و لمن طلعت لقيتو نفس الراجل العندو علامة صلاة ، قال لي في واحد من أهلك جا عشان يسوقك، طبعاً أنا استغربت ، فجأه ظهر راجل قدامي و سلم علي، قال لي من قبيل بنتصل في رقمك بس بدينا مغلق! والله حتى أهلك في البلد اتصلنا عليهم عشان نتأكد انك اتحركتي و هسي هم ذاتهم خايفين و مقلقين عليك ، فجأه تلفونو رن ، قال لي دقايق و اتحرك من جنبنا و بقى يتكلم بالتلفون و يقول ايوه وصلت، لا خلاص لقيناها، طبعاً بقيت منططه عيوني و أنا مستغربه في البحصل دا! الراجل خلص مكالمه و قال لي اتفضلي معاي للبيت، قلت ليهو دقيقه انت منو؟؟
قال لي أنا مبارك عبد الرحيم ، يعني ولد عمك عبد الرحيم ، الراجل المعانا قال لي الناس ديل انتِ ما بتعرفيهم ولا شنو؟ الولد القال اسمو مبارك قال ليهو والله لا هي حصل شافتنا لا نحنا حصل شفناها ، أبوها ولد عم أبوي لكن نحنا ما حصل شفنا بعض، اها من كم يوم قالوا لينا انها حـ تجي الخرطوم عشان تقرا الجامعه و اليوم اتحركت على الخرطوم و نحنا كنا متواصلين معاها بالتلفون بس بعدها بقينا لمن نتصل بنلقى التلفون مغلق! الراجل قال ليهو حمدلله على سلامتها ، بركه الوصلت سالمه ، الإسمو مبارك قال لي خلينا نمشي بعد دا، فجأه جا صوت مره و هي بتقول لقيتها يا مبارك! إتلفت و قال ليها ايوه يا عمتي لقيتها، فجأه ظهرت مره قدامنا مسكتني و سلمت علي بالأحضان و بقت تقول لي مشيتي وين انتِ و تلفونك مالو مغلق و و و... و الإسمو مبارك دخل شال شنطتي و بقى جاريها معاهو و أنا هنا المراه ما مدياني نفس و شغاله تنضم لي! مشيت لحقت الولد و شلت منو شنطتي و قلت ليهم انتوا شكلكم فاهمين غلط! أنا ما البت الإنتوا قاصدنها! بتاع المسجد قال لي يا بتي انتِ مش قلتي بتفتشي على بيت ناس فلان الفلاني ؟؟ ... طبعاً ما قدرت أقول لا و ما قدرت أقول ايوه! المراه قالت لي انتِ مش منى بت نوح جعفر حمدان و جايه من البلد عشان الجامعه ؟!
قلت ليها لا لا أنا ما اسمي منى انتوا سمعتوا غلط، في تشابه في الأسماء و أنا ما كنت قاصداكم انتوا لأني ما بعرفكم.... طبعاً ما اتخليت إنو الأسماء الألفتها من عندي ممكن كلها تصادف و تطلع أسامي أسره! الولد قال لي كيف يعني دي ما انتِ و..... فجأه تلفونو رن ، رد و بقى يقول طيب دي منو؟؟...لا لا نحنا شكلنا فهمنا غلط .. البت طلعت ما هي و أصلاً اسمها ما منى ... آي سمعنا غلط ...
، ما عارفه انت عايز تصل لشنو و ليه حاسي إنو مفروض يكون في سبب عشان يونس يعرسني! ما عارفه انت عايز تسمع مني أي جواب! اتنين اتعرفوا على بعض و عرسوا ، مفروض يكون في سبب ورا زواجهم يعني ولا عشان أنا بت ميتم ؟؟ يعني شنو لو كنت مجهولة أبوين؟ يعني شنو لو اتربيت في ميتم؟ يعني شنو لو ما عندي أصل و فصل هل دي حاجه بتنقص حقوقي ولا بتخليني أقل إنسانيه؟هل دي حاجات بتحرمني أكون زي باقي الناس أعرس و اشتغل! قول لي طيب شنو هي الحاجات البتناسب مجهولين الأبوين؟ قول لي شنو هي البيئه أو مواصفات المجتمع المفروض نحنا نعيش فيهو؟؟
طبعاً للحظات حسيت كأني بقول الكلام دا لـ يونس، قال لي وين تم الزواج و منو كانوا الشهود؟ قلت ليهو برأيك مجهولين الأبوين ديل حـ يمشوا يعرسوا وين؟بالنسبه للشهود ما بعرفهم، أنا بت ميتم و ما بعرف إلا ناس الميتم المعاي☺️
طبعاً بعدها اسئلتو كلها بقت عن يونس بطلع متين و برجع الساعه كم و بمشي وين و شكل حياتو عامل كيف، منو أصحابو و منو القاعد يجيهو في البيت ... قلت ليهو الأفضل تجيب يونس ذاتو و تسألو عن أصحابو، قلت ليك أنا ما بعرف أي زول غير ناس الميتم تبعي و ما محتكه بالناس لأني بت ميتم ، قال لي خلاص فهمنا انك بت ميتم و الأفضل تجاوبي بكل صراحه على سؤالي، استحاله ما تكوني عارفه ولا زول من معارف راجلك! قلت ليهو مش انت محقق؟ عرفت اسمي و وين كنت عايشه و متزوجه منو معقوله يغلبك تعرف معارف يونس و أصحابو!!؟؟طبعاً هنا غضب، وقف على حيلو و ضرب لي التربيزه و قال لي أنا البطرح الأسئلة هنا ما انتِ، طبعاً بقى يجوط فيني و أنا بعاين ليهو بإستخفاف و ما كسرت نظرتي ليهو مع إنو شغال لي اكسري نظرك ، طبعاً كان بجوط بصوت عالي، فجأه سمعنا صوت طرق على الباب و بعدها جا واحد كدا داخل، نادى المحقق لمن طلع ليهو سمعتو قال ليهو صوتك واصل الشارع، ما تنسى إنو دي زوجة يونس و هو زول زميل و ليهو هيبه و مكانه في شغلو فـ احسن معاملتها!... ما قال ليهو شي جاني راجع و استمر في تحقيقو معاي، لمن اقتنع إني بالجد ما عارفه حاجه أو خلفيه عن شغل يونس وين بمشي و بقابل منو خلاني، المهم لمن طلعت من غرفة التحقيق بقيت أفتش عليهو عشان يرجع لي حاجاتي الشالوهم مني، لمحتو داخل مكتب من المكاتب فـ وقفتو و قلت ليهو عايزا الشنطه حقتي، طبعاً شاميني شمه! كأنو كان عايزين أقول ليهو كلام معين و ما قلتو ليهو! نادى ضابط كدا بزهج و قال ليهو شوفها عايزا شنو و طوالي مشى! المهم الضابط دا جاب لي الشنطه حقتي ، طبعاً لاحظت انها مفتوحه بالجنبه، لمن فتحتها لقيت الملابس مبشتنه و في جزو منهم ماف فـ عرفتهم فتشوها! ما سألت زول! جريت شنطتي بس و طلعت، أول ما طلعت من المبنى إتلاقيت مع صديق صاحب يونس جنب الباب! طبعاً استغرب لمن شافني ، سلم علي و قال لي بتعملي شنو هنا يونس معاك؟ قلت ليهو لا و حكيت ليهو الحصل بإختصار! قال لي يعني يونس ما عارف!؟ ليه ما اتصلتي عليهو؟! قلت ليهو لأنهم بس عايزين يحققوا معاي يعني ماف شي خطير ، عاين للشنطه و قال لي الشنطه دي هم شالوها من البيت ولا شنو؟ قلت ليهو ايوه... طبعاً ما صدقني و هو أصلاً كان على بالو يقول لي ماشه وين بالشنطه دي بس سألني بطريقه تانيه!لمن طلع تلفونو حسيتو حـ يتصل على يونس ، قلت ليهو عن إذنك حـ أمشي بعد دا ، قال لي ثواني خليني اتصل على الزول دا ، قلت ليهو خليهو حـ أكلمو أنا ، المهم حـ أمشي يلا مع السلامه ، طبعاً طوالي إتحركت من جنبو بإستعجال أول ركشه لقيتها في طريقي ركبتها عشان حسيت إنو يمكن صديق يجي لاحقني ، ما عايزا أشوف يونس دا تاني و ما عايزا أكون معاهو في نفس المكان ....
______
_يا بت والله ما عارفه دا الحصل ، اتصلت علي و بدون أي مقدمات قالت لي تعالي سوقي مصطفى قال عايزك ، طبعاً مشيت ليها عشان حسيت إنو في شي و زي ما اتوقعت طلع في شي ، ما شفتي عيونها كانت واقعه كيف من شدة البكى، كلام ما قدرت تتكلم معاي ، مصطفى قال إنو يونس شاكلها
= طيب مصطفى ما قال ليك اتشاكلو بسبب شنو ؟و الما قادره افهمو ليه طلبت منك تجي تسوقي مصطفى؟
_معقوله يكون مصطفى هو سبب المشكله البينها و بين يونس؟ يمكن يونس زهج من قعدتو معاهم و خيرها بينو هو و مصطفى!
=لا لا يونس ما كدا ، مستحيل يتضايق من قعاد مصطفى أو غيرو و حتى لو اتضايق ما بظهر الحاجه دي ، يونس مستحيل يحرج زول أو يجرحو، أكيد في شي تاني ، أكيد في مشكله كبيره حصلت بيناتهم
_اتصلت عليها عشان أعرف الحصل شنو بس تلفونها مغلق!
=دي شنو السخافه دي انتِ قايلاها حـ ترد عليك و تحكي ليك الحاصل معاها بعد الحصل داك كلو؟ قايله انكم لسه صحبات زي زمان؟
_ما بعرف بس اكيد كنت بأي طريقه حـ أحاول أواسيها و أعتذر منها و أجرجرها عشان تحكي لي! في حالتها ديك أكيد بتحتاج زول تحكي ليهو!
=و الزول دا أكيد ما انتِ ، تحكي ليك كيف و هي طردتك من بيتها بحجة انك خاته عينك على يونس و بتحاولي تلفتي نظرو...
في تلفوني القديم و إتصلت على منار ، لمن ردت علي بدون مقدمات قلت ليها مصطفى عايزك تعالي سوقيهو، قلت كدا و طواالي قفلت الخط و مشيت طلعت شنطه و لميت فيها حاجات مصطفى كلها و خليتو يدخل يستحمى و يبدل ملابسو ، بعد مساااافه طويله منار جات ، طبعاً بدون اي مقدمات قلت لـ مصطفى ياها جاتك أمشي معاها، طبعاً منار كانت بتعاين لي ساااي و من ملامحي أكيد حست إنو في شي ، مصطفى قال لي حـ تجينا ؟؟ ما رديت عليهو، منار قالت لي في شنو ؟؟ مالك عامله كدا ؟؟ مصطفى قال ليها عمو يونس شاكلها عشان كدا هي كانت بتبكي ، طبعاً ما قلت ليهم اي شي دخلت أقرب غرفه و قفلت الباب، بعد ما اتأكدت انهم مشوا ، طلعت شنطتي و شلت حاجاتي بس الجيت بيهم من الميتم و أي حاجه جابها لي يونس ما شلتها ، حتى الشرايح الجابها لي جدعتها ليهو في السرير ، شلت شريحتي بس و تلفوني القديم و القروش دي لو ما كنت محتاجه ليهم ما كنت حـ أمد يدي عليهم بس حالفه أرجعهم ليهو ، لو أشحد في الشارع قروشو الشلتها دي حـ ترجع ليهو ، أصلاً أنا شنو الدخلني في الدوامه دي كلها ، كنت في ميتم لكن مبسوطه و مرتاحه ، ياريتيني ما شفت يونس ولا عرفتو ، بس حـ أرجع زي ما كنت ، ما محتاجه لأي زول ، من اليوم أنا براي و حأكون براي و ما حـ أحوج نفسي لزول تاني ....
رغم أنّنا افترقنا منذ زمن..
لا أنكر أنّني أنساك بين حينٍ وحين
مصاعب الحياة -أحياناً- تشغلني عن تذكّر ملامحك حين تضحك
ولكن يا عزيز،
لا أنكر -أيضاً- أنّني إن أتيت بسيرتك في حديث
تؤرقني ذكرياتك في نهاية اليوم..
أتساءل عن كونِ الحبّ هو السّحر
الذي يجعل كلَّ رجلٍ يسقط
أمام مقارنته بك
لكاتبه....
يتبع......
ما شايف شكل حياتنا بقى كيف ! لا انت بتتكلم معاي لا أنا بتكلم معاك و نادراً ما نشوف بعض و نحنا في نفس البيت ! لمتين حـ نستمر كدا ؟؟ عاجبك الوضع دا يعني ؟؟
زح يديني منو و وقف على حيلو و قال لي جد كل يوم بحس نفسي ما بعرفك ! ما شاء الله عليك ممثله شاطره و مدعيه للبراءه ! ياخ ما بتخجلي تكذبي الكذب دا كلو حتى لو كان بينك و بين نفسك !! انتِ عارفه نفسك عامله شنو و بكل وقاحه و قوة عين جايه تسألي أنا عملت شنو! ياخ وقت الزواج دا خانقك و حاسه نفسك ما مرتاحه كنتِ تجي و تقولي لي بدل ما تمشي تتافهي مع الحيوان داك ولا انتِ كنتِ مفكره تلعبي على حبلين ، واحد في البيت و التاني برا البيت ، واحد يونسك بالنهار و واحد بليل !!
طبعاً كلامو خلعني و وجعني في نفس الوقت ! قلت ليهو بتقول في شنو انت !... قال لي تلفونك وين ؟؟...قلت ليهو مـ نهرني و قال لي وين تلفونك ؟؟
قلت ليهو بكرا في الهول ! طلع مشى جابو و جا داخل و هو بشوف فيهو بعدها رفع لي التلفون و قال لي الكان برسل الرسائل دي انتِ ولا زول غيرك !
طبعاً كان فاتح محادثتي مع صاحب الرقم الغريب داك ! ايوه كان في محادثه طويله بيني و بينو و أنا محسساهو إني عارفاهو بس كنت عايزا أعرف دا منو بالجد لأنو هو محسسني إنو بعرفني شديد !!
بقيت منططه عيوني و بعاين للمحادثه ، سبحان الله نهاي ما خطر على بالي إنو يونس ممكن يشوف أو يكون شاف المحادثه دي و قرا الرسائل !!
لساني إتربط و بقيت ما قادره أقول حاجه ، قال لي ساكته ليه يلا كذبي و قولي دي ما انتِ!!
بلعت ريقي و قلت ليهو والله ما بعرفو ، رسل لي قبل كم شهر كدا و هو بعرفني بس انا لا عشان كدا اتسايرت معاهو في الرسائل و حسستو إني عرفتو عشان حـ أعرف هو منو ، قال لي متين تبطلي كذب و سخافه ! شايفاني أهبل قدامك ولا شافع !
على فكره انتِ وحده طماعه و عينك حتى التراب ما اظنو يملاها، أنا مقصر منك في شنو؟؟ قولي لي حاجه وحده بس طلبتيها مني و ما عملتها ليك ، ياخ حتى لو ما طلبتي لو حسيت ساي انك عايزا حاجه بجيبها ليك! ياخ المركز التجاري الشغاله فيهو دا لو قلتي لي عايزاهو اقسم بالله بدون تردد كنت كتبت اتنازلت ليك عن حقي وكتبتو بإسمك ! يعني أنا ما قادر افهم و أعرف عايزا شنو انتِ !؟ناقصك شنو !... فعلاً الشبع وجع ، انتِ ما ناقصك أي شي ، بس عايزا تتسلي و تتونسي ، عشان بقول ليك مشغول و معظم وقتي برا البيت مشيتي فتشتي البديل و قعدتي تتونسي معاهو !
طبعاً دموعي جات ناوله لأني اتختيت في موقف زباله شديد و ما حسبت حساب إنو ممكن يجي يوم زي دا!! بالنسبه لي كنت شايفه التلفون تلفوني و الواتس حقي و رسائلي و دردشاتي بشوفها براي و دي خصوصيتي الما بقدر زول غيري يشوفها عشان كدا كنت برد لي لصاحب الرقم الغريب عادي عشان أشوف نهايتو و مطمنه لأنو ماف زول شايف الرسائل دي و أنا أصلاً ما اتجاوزت حدودي معاهو ولا هو كمان بس ما بعرف رساله ورا رساله و الموضوع جرى ! ما عارفه كيف أشرح و ابرر لـ يونس أنا نفسي ما قادره استوعب كيف بقى في كمية رسائل بيني و بين صاحب الرقم الغريب دا!.... كلام يونس و نظراتو لي خلوني أنقهر و المشكله إني ما كنت عارفه أقول ليهو شنو تاني ، ختيت يديني على وشي و بقيت أبكي ، قال لي دموعك حقت التماسيح دي ما حـ تشفع ليك قدامي ، لو بكيتي دم ما حـ أصدقك ، انتِ خسرتيني و خسرتي ثقتي فيك و أنا بدي الثقه مره واحده فقط و ما بثق في زول مرتين ، قلت ليهو هو الرسل لي في البدايه ، قال لي ايوه و عشان انتِ طفله أو مختله عقلياً بقيتي تتواصلي معاهو! ايوه هو الرسل ليك ، كان ممكن توقفيهو من البدايه و تحظريهو و تنهي المهزله دي كلها بس عشان كلامو كان عاجبك استمريتي في ونستك معاهو ، قلت ليهو والله قاعده اقول ليهو ما ترسل لي تاني بس هو.... سكت و اتخلعت لمن يونس ضرب بـ تلفوني الحيطه و قال لي اقسم بالله تاني حرف واحد كذب ما يحصل خير ، كمان لسه مُصره تكذبي و تستهبلي علي!.... ياخ انتِ كل رد منك كأنك بتقولي ليهو رسل لي تاني و خليك متواصل معاي! لو عايزا توقفيهو كان حظرتيهو من أول رساله ، بتستهبلي علي و عليهو و عامله نفسك ما عارفه هو منو ، قلت ليهو والله العظيم أنا ما بـ.... قاطعني بنهره و قال لي اووعك تحلفي ، كذبي و قولي أي شي بس ما تقسمي كذب! كنتِ عارفه إنو دا صاحب المطعم حبيبك السابق بعد حسام طبعاً، أو يمكن في حبايب كتار غيرهم ، كل فتره تتونسي مع واحد!
قلت ليهو صاحب المطعم؟؟...يونس أنا والله ما عارفه صاحب الرقم دا منو و لمن استخدمت تطبيق عشان اعرف الإسم لقيتو مسجل بـ نور الدين و أنا والله ما بعرف زول بالإسم دا، صاحب المطعم منو القاصدو انت 😭
طبعاً بعد الموقف دا الإتنين بقينا متجاهلين بعض ، لمن قررت أرجع لشغلي ما كلمتو لأنو أصلاً هو دائماً برا البيت و لمن يجي راجع بليل بنوم في غرفه تانيه أو في الهول ، لو إتلاقينا بنتلاقى صدفه و ماف واحد بتكلم مع التاني ، المهم طلعت من الصباح و مشيت شغلي ، اليوم داك يامن ذاتو ما جا و كذلك في اليوم البعدو ، بقيت أمشي بالمواصلات ، في اليوم التالت يامن جا و جا سلم علي في المحل و عرف مني إني نزلت شغل قبل يومين ، بعد أسبوع من الكلام دا ، يوم طلعت من المركز التجاري و مشيت وقفت في الظلط و بقيت منتظره المواصلات ، في الأثناء ديك يامن كان ياداب جاي المركز ، فـ جا ماري بجنبي و لمن شافني وقف العربيه و قال لي على وين ؟؟ قلت ليهو ماشه البيت ، قال لي انتِ مش عم حسن قاعد يوديك و يجيبك !؟كذبت عليهو و قلت ليهو ايوه بس اليوم ما جاني ، قال لي ليه مالو ، طيب يونس عارف ؟؟ قلت ليهو ما عارفه ، طبعاً ناس العربات الوراهو بدوا يضربوا ليهو بوري ، مشى بالعربيه لقدام شويه بعدها نزل من الظلط ، وقف العربيه و ناداني بالشباك ، قال لي أرح أوصلك ، مشيت ليهو و قلت ليهو لا حـ أمشي بالمواصلات و أصلاً المسافه ما بعيده ، انتِ ادخل ما تتأخر على شغلك ، قال لي عشااان المسافه قريبه خليني أوصلك البيت ، قلت ليهو يا يامن والله العظيم ماف داعي ! قال لي عايزا يونس يشاكلني بعدين مش! طبعاً لمن جاب لي سيرتو اتضايقت ، فتحت باب العربيه و ركبت و قلت ليهو عشان عارفاك ما حـ تقتنع بكلامي ، قال لي اها كيف عاملين لينا فتره كدا وقفنا من بعض ، لا انتوا جيتوا مارين علينا لا نحنا جيناكم ، قلت ليهو تمااام والله ماف أي عوجه ، المهم بقينا نتونس مع بعض و موضوع جاب موضوع لحد ما هو جاب لي سيرة البيت القديم و قال لي انتوا البيت دا عندكم ليهو مستأجرين معينين حاجزنوا؟؟طبعاً أنا استغربت لأني ما عارفه شي ، قلت ليهو ليه يونس قال ليك عايز يأجرو ، قال لي ايوه قال كدا من بدري انتِ ما عارفه ولا شنو ؟المهم أنا عندي أهل صحبي بفتشوا ليهم عن بيت يكون كويس كدا ، فـ كلمت يونس إنو البيت دا لو محجوز يأجرو ليهم فـ قال لي تمام و تاني ما أداني خبر و صحبي كل مره يتصل و يسألني عن البيت ، أمبارح كلمت يونس و قلت ليهو الناس ديل بكرا جاين يشوفوا البيت فـ مشاني و قال لي تمام و شكلو نسى لأنو قبل شويه لمن قلت ليهو الناس ديل ماشين على البيت اتفاجأ و قال لي ليه ما كلمتني و و و و ذكرتو إني كلمتو و قلت ليهو لو مشغول بمشي ليهم أنا و بفتح ليهم البيت بعد أمشي بيتك و اشيل المفاتيح ، فـ قال بمشي يلاقيهم هم و هسي بكون ماشي على البيت ، قلت ليهو ايوااا ، حسيتو كان عايز يسأل بس سكت ، المهم وصلني البيت و مشى شغلو ، دخلت جوه و أنا زعلاااانه شديد من يونس، قعدت مع نفسي و بديت أفكر ، قلت فعلاً أنا غلطانه و يونس ليهو حق يزعل بس ما عارفه ليه قال لي خاينه و ليه حاسه إنو في سبب تاني مزعلو مني ! أنا ما عندي مانع اعتذر منو ان شاء الله ألف مره المهم إنو في الآخر يقبل إعتذاري ، كنت مقرره إني تاني ما حـ اتكلم معاهو و اعاملو بنفس الطريقه البعاملني بيها بس لمتين حـ نكون كدا ؟؟ إذا الإتنين شادين الحبل و ماف واحد فينا راضي يلين و يتنازل علاقتنا حـ تبوظ ، يونس عمل حاجات كتيره عشاني ، اتقبلني زي ما أنا و ما هماهو إذا كنت بت ميتم أو لا ، ساعدني كتيير و وقف معاي ، لو اليوم أنا شغاله و ماشه في طريق تحقيق أحلامي فـ دا بسببو هو ، أنا ما عايزا أخسرو ، ما عايزا نصل لمرحله نكون فيها ما قادرين نعاين لبعض ، أنا نفسياً متأزمه و مقهوره بسبب التوتر و الزعل الحاصل بيني و بينو ، المهم في الآخر طلعت تلفوني من الشنطه و إتصلت عليهو ، كنت عايز أقول ليهو تعال أنا عايزاك ضروري و لمن يجي ما حـ أخليهو يمشي إلا يقبل يسامحني و يرجع يتعامل معاي زي زمان ، و كمان عايزا أعرف الحصل شنو في اليوم داك ، بعد وقعت و فقدت الوعي ما عارفه كيف و متين وصلت المستشفى، إتصلت عليهو كتييير بس ما كان يرد علي ، في الآخر قررت أمشي ليهو في البيت ، كان ممكن انتظرو لحد ما يجي بس والله ما قدرت أصبر ، عايزا اتصالح معاهو اليوم قبل بكرا ، طبعاً مصطفى في البلايستيشن ، أولاد الحله عاملين ليهم مكان صغير كدا زي دكان بلعبوا فيهو بلايستيشن فـ هو على طول بكون هناك لأنو بزهج من قعاد البيت و مرات بقول ماشي لمنار ، طبعاً هو الفتره دي مأجز ، المهم عشان عارفاهو ما حـ يرجع البيت هسي شلت شنطتي و طلعت ، ركبت المواصلات و مشيت جبره ، لمن وصلت شارع البيت لمحت يونس مع بعيد معاهو راجلين و مراه طالعين من البيت ، عرفتهم ديل المستأجرين ، لمن قربت منهم كلهم دخلوا بيت ناس إيلاف ! ما عارفه في شنو ، لمن وصلت باب البيت الراجلين و المراه جوا طالعين من بيت ناس إيلاف بس يونس ما طلع معاهم ، لمن شافوني قالوا لي السلام عليكم ، رديت ليهم السلام و هم مشوا و أنا دخلت جوه ، طبعاً البيت شكلو اتغير شديد ، دخلت جوه و كان فااااضي ما فيهو ولا شي زي ما
Читать полностью…
طيب بمناسبة إنه ما بتحبي زول يخليك لأفكارك عندي سؤال بخصوص المره القبيل دي..
مسز جينيفر؟
ايوا
مالها؟
واثقة فيها انتِ؟
ما ارتحت ليها؟عندك فيها رأي يعني؟
واجبي ك محاميك اكون عندي راي في اي زول حولك ، ارجع وانبهك انه تاخدي حذرك، لسة القضية ما اتقفلت ونهاية الشهر عندنا جلسة ممكن يستخدمو اتفه شي ضدنا وم بنقدر نثق في زول من الناس الحواليك ديل كلهم،يعني إذا إفترضنا انها اهل للثقة اكيد عندها سبب او غرض معين بتساعدك عشانه
فاهمة بس انا لغاية اللحظة ما ملكتها شيء يذكر المعلومات الذكرتها دي كلها وإن كانت غايبة عننا ف هي معلومات حوادث عامة ومعلومة للكل
بالنسبة للناس هي حوادث انا وانتِ عارفين انها ما حوادث يا شهد بل جرايم مُفتعلة..
طيب انا بدايه معرفتي بيها كانت في العيادة النفسية، في الجلسات الجماعية الكان مسجل فيها مستر جو ولاقيتني فيها،من خلال تعريفها عن نفسها عرفت هي شغالة شنو وكدة،ف لجأت ليها من باب إنه تساعدني وحكيت ليها عن عمار وشغله بس دي كانت محدودية مشكلتي ودي كانت بدايات قبولي في الدار وما كنت عارفة إنه الموضوع بالحجم دة كله وإنه انا الفريسة وتم إستدراجي للمستنقع دة وجيت ليه برجولي تخيل وعملت كل البطلع بيدي عشان بس اتثبت في الدار واتحول من متطوع لموظف رغم إن مستر تشارلي كان رافض قبولي
ضحكت بسخريه على نفسي وسذاجتي..
بالنسبة لموضوع قائمة لوحات العربات ما كان في طريقة نقدر نعرف بيها هويات الناس دي غير بطلب مساعدتها لأنها عندها معارف خاصة بتخدمها وامتيازات بتخدمها ،وبالمناسبة دي عايزة اقول ليك حاجة قبيل اتحفظت اقولها قدامها، هم حاجتين بس الأولى مهمة،لاحظت انه كل الجرايم الإتذكرت اليوم في التقرير بإختلاف تواريخها السنوية واماكنها بترتكب في شهر ديسمبر
كيف؟
دقيقة..اتحركت من مكاني ومشيت فتحت شنطتي طلعت منها الورقة الكنت بكتب فيها ومديتها ليه..
لاحظ..
سكتت مسافة وملامح وشه علاها الإستغراب بعدين قال: دة برجعنا لمفكرة البت اللقيناها في الكهف ،حسب المكتوب انه التاريخ كان شهر ديسمبر برضو
ودة بيعني انه إختطاف الطائرة بتاعتهم وقتلهم برضو كان في ديسمبر
سكتنا دقايق ونحن بنعاين لبعض بعدين قال لي بكدة ممكن نقول إنه ديسمبر هو موسم الجريمة للناس دي؟
والأكيد إنه بتخطط للحاجة دي من بدري وبدقة متناهية!
بحيث انها تظهر ك حادث ما شي مُدبر،بس على اي اساس بختاروهم م فاهم؟
الحاجة التانيه الوقفت عندها هي قصة الجندي الأمريكي القتل بناته الأربعة...
ما فهمت؟
حاحكي ليك واحدة واحدة
طال نقاشنا لأخر الليل ،راجعنا الفلاشات وكل الحاجات المعانا والملفات الرسلتها لي مسز جينيفر ،
بصوت متسائب قلت ليه ما عارفه بس حاسة انه نحن في جوطة وماف شي مرتب
انا كمان شايف كدة بس خلي الموضوع دة علي
حتعمل شنو؟
راقبيني بس
انتهى بي المطاف بإنه انوم بدون ما احس على روحي وهو ماسك اللابتوب والورق ،جاتني صحية فتحت عيوني لقيت سياف نايم جنبي واللابتوب والورق والفلاشات كلها جنبه والسرير في حالة فوضى..
نزلت لميتهم وفتحت الخزانة ،صحى مخلوع على حركتي وهو بعاين حواليه،انا نفسي إتخلعت من خلعته
بسم الله يا سياف، دي انا..
الساعة كم؟نمت ما حسيت بالوقت
لسة يا داب 1صباحاً
نزل من السرير ومشى على الباب..
بإستغراب قلت ليه حتمشي غرفتك يعني؟
ايوا يلا تصبحي على خير طلع وقفل الباب وراه
بدون سبب واضح بقيت احس بالمسافة بينا،كأنه بتعمد يعمل كدة
تاني يوم ونحن مجتمعين في بيت ليز حكيت ليهم عن مسز جينيفر وكيف إتعرفت عليها وطبيعة شغلها...الخ
هل تقصدين انها عميل في الFbi؟"ليز سألتني بإعجاب وحماس"
حسب ما اخبرتني به أنها محققة جنائية،وهي الان في وضع التقاعد ولكن هي من عرفتني بذلك الفتى،اقصد عميل الFbi
لويس قال: لا اريد إفساد اللحظة ولا رغبة لدي في ان ابدو متشائماً ولكنني لا اثق كثيراً في المحققين عامةً والفدرالين خاصة إنهم متلاعبين ،كما ان ملامحها دميمة وتقاسيم وجهها لا توحي بالراحة ،لماذا سترغب في مساعدتك وهي متقاعدة؟
اكيمي قال ليه تقول لك انها ذهبت للمرأة واخبرتها ان زوجها يتبع لعصابة الإتجار بالبشر واخبرتها بكل التفاصيل التي ذكرتها وملكتها العديد من المعلومات إذا كنت مكان المرأة بالطبع سأهتم بقضيه كهذه، انا لا اثق في الأمريكان عامةً لطالما كنت ابغض الإحتكاك بكم وها انا ذا اتوسطكم لان مصلحتي تكمن في التواجد بينكم ،ارجو ان تكون إجابتي كافية لسؤالك
بشان العميل في الfbi اتسائل إذا كان عميلاً بالفعل لِم لَم يقدم يد العون لها ومساعدتها؟
من الممكن انه لم يصدق الرواية التي اخبرتها به شهد فحسب ولم تُثر القضية اي إهتمام في جوفه، لذا تعامل معها بإهمال لويس
اتفق مع اكيمي في رايه هذا،من الممكن انه نظر للأمر على انه خلاف شخصي بين طليقين وان شهد ترغب في الإيقاع بطليقها ذو السمعة والصيت الجيد والمكانة الإجتماعية والإنتقام منه فحسب
اول مرة اشوف سياف كدة بنبرة الصوت الحادة وبالملامح الغضبانة دي، كان واضح عليه التوتر والضيق للحد الما بسمح لي اتناقش معاه وحقيقي حسيته ادى الموضوع اكبر من حجمه بس لما اعاين لرد فعله بأكتر من زاوية بلقى انه عنده حق يتوتر،مؤخراً سياف مر بضغوطات كتيرة وكلها سببها امور متعلقة بي،حتى انه ما حصل قعدنا مع بعض واتكلمنا في امور بتخص حياته او شغله،كل حياتنا محورها انا ومشاكلي،حتى ولو كان بحاول يقيف جنبي وم يتخلى عني طبيعي صبره ينفد ويحس بالتعاسة،فجأة لقى حياته اتغيرت180درجه، إنطويت على جنبه الباب وانا ساكتة وبعاين ليه..
شهد
هاا..اقصد نعم
وصلنا
طيب حأنزل ،مع السلامة
في امان الله قالها وهو بعاين بالجهه التانيه من غير م يعاين لي
مديت يدي عشان افتح الباب رجعت عاينت ليه وقلت ليه سياف!!
نعم
قربت عليه وحضنته، للحظات كنت دافنة راسي في المنطقة بين كتفه وراسه بدون اي تعليق،بس حسيت إني عايزة اعمل كدة..
انتهت اللحظة الساكنة دي بصوت بوري عربيه بضرب،كانت العربيه القدامنا لأنه واقف غلط وقافل القدامه
حأنزل طيب،حاول تكون بخير لغاية م نتلاقى بعدين،ما تمشي تخليني تعال سوقني بعدين طيب؟سامعني يا سياف؟
كان بعاين لي وانا خاته يدي في كتفه لسه...
حاضر
مع السلامة
.............................................
Sudan/koper prisoners:
امجد&شادي
امجد انت عارف انا ليه بشرب السنين دي كلها؟عارف ولا لأ يا امجد؟انا ما قادر اعمل اي شي واولادي ماشين على كُبر ،يكبرو يلقو ابوهم سكاري؟
يا شادي انا عارف ،بس كل العاوزو منك انه تتحمل ،والله باقي القليل
اتحمل؟ يعني اشرب اكتر؟!
شادي ما إلا تشرب اشغل نفسك..
امجد انا لو م شربت بلحق امي او لحقتهم ليها ،انا لو م الشراب دة كنت حأكون بلقط ورق في الشارع هسي ،عايزني اتعايش مع الموضوع دة عادي
شادي دة الشي الإنت بتقنع بيه نفسك ،حاول..
امجد انت الوحيد الأنا وريتك وحكيت ليك اي حاجة وخليتني اسكت وم اتكلم انا لو اتكلمت الدنيا دي حتخرب إنت الوحيد العارف كدة،إنت الوحيد الأنا حكيت ليك في اليوم داك حصل شنو بالتفصيل وإنت م عملت شيء إخترت تسكت وتسكتني معاك،عايز تسكت لمتين؟مصلحتك في إنه تسكت؟
شادي انا لو مقدم مصلحتي مقابل سُكاتك م كنت حأكون محبوس هنا بين اربعة حيطان،بس إنت عارف حيحصل شنو لشهد لو إتكلمنا؟
امجد نحن لو م ختيناها امام الأمر الواقع برضو حتكون عايشة عمرها كله في وهم،ووهم كبير كمان نحن شُركاء فيه
شهد الان شبه بدت تعرف الحقيقة بنفسها يا شادي انا عارف كدة رغم محاولتي اخليها بعيدة منها
امجد انت بتكذب على نفسك؟انت عارف وانا عارف إنه اياً كان الشي العرفته شهد هناك وحتعرفه لسة دي ما ياها الحقيقة ابداً ولا عمرها حتكون الحقيقة العارفنها انا وانت بس،وانا عشان زول سكران ساي لو قلتها حيعتبروني مجنون،الصح والأصح إنها تعرف عشان تتأقلم وتتعايش مع الحقيقة لأنه كل م اتأخرنا كل م الصدمة حتبقى اقوى
.................................
وانا بجهز للطلعة من الشغل جاتني رسالة من شهد "تعال البيت على طول انا رجعت"..
لما وصلت ريحة الأكل كانت فايحة في البيت، وانا ماشي على غرفتي لمحتها في البلكونة، مشيت عليها كانت ماسكة اوراق في يدها
بخطوات خفيفة وقفت جنبها وحركت الكرسي
بسم الله جيت متين انت؟
شلت الأوراق من يدها وقعدت في الكرسي الجنبها وهي بتعاين لي..
لقيت الفورمة دي مع البريد الواصل اليوم لما رجعت،الأجهزة الرسمية في شؤون المواطنين طالبة مننا نختار إذا في ساعة الموت حابين نتبرع باعضاءنا ولا لأ،ونحدد اي اعضاء عايزين نتبرع بيها
وانا مركز نظري في الورقة قلت ليها دي فورمات تذكيرية كل فترة وفترة بتترسل للتذكير ما اكتر
بتردد قالت لي فكرت املاها،يعني لولا قدر الله..
عاينت ليها سكتت..
طبقت الورقة وختيتها على جنب وانا بقول ليها حناكل شنو ريحة الطبيخ مالية البيت وانا جعان شديد
وقبل ما ترد قلت ليها: ولا اقول ليك خلينا نطلع نتعشى برة اليوم عندنا زمن ما طلعنا صح؟
حركت راسها بإيجاب بعدين بإعتراض قالت لي :بس انا وقفت اكتر من ساعة في المطبخ بعمل في الأكل
ما مشكلة نتعشى في البيت ونطلع ،يلا تعالي لأنه انا جعان
انت خليك ادخل الحمام إستحم وغير ملابسك انا حأجهزه
تمام
إتعشينا في هدوء تام منها وبعض التعليقات الجانبية مني على الأكل ،بعد ما خلصنا قالت لي ما ممكن نأجل الطلعة لبكرة ؟لأنه انا حاسة بالإرهاق اليوم
طيب ممكن
بعدين غمضت عيونها وقالت لي بس انت لو حابي تطلع اطلع ما تتقيد بي ولا انت شايف شنو؟
انا شايف إنه تساعديني اعمل شاي
إبتسمت وهي بتقول لي الشاي كمان بساعدو فيه؟
عملنا كبايتين شاي بمساعدتها ورجعنا قعدنا في البلكونة مكان م لقيتها بعد م لميت الورق الكانت ماسكاه
سياف ممكن سؤال؟ حصل شنو في موضوع النادي في واشنطن؟
لسة الإفتتاح عليه شوية
#ليلة_في_ديسمبر67
بنظرات تعلوها الدهشة ونبرة مختلطة بعدم الإستيعاب والهدؤ في نفس الوقت قالت لي عزيزتي شهد إسترخي قليلاً وانظري جيداً،من الممكن ان يكون قد إختلط عليك الشبه..
سيدة جينيفر لقد عملت فترة في ذلك المكان دون إنقطاع، تعلمين انني عملت ك متطوعة هناك، كانت علاقتي وطيدة جداً مع جميع من في ذلك المكان،لقد جالستهم جميعاً لا يمكن ان تفوتني اشكالهم..
حالة صمت سيطرت على المكان وسط نظرات مليانة تساؤلات،إلتقطت انفاسي وانا بقول ليها هل كانو اصدقاء؟
اجل!
لم ارهم يوماً ِرفقة بعض
كيف يعقل هذا؟
سياف بنبرة سريعة قال لي: اعتقد ان هذا يثبت لنا حقيقة شكوكنا حول تواجد تلك الأجهزة في ذلك المكان،هؤلاء الأشخاص بالفعل فاقدين للذاكرة..
سيدة جينيفر قالت ليه لم افهم ماذا تقصد سيد سياف؟
ليز ،لويس تذكران تلك الأجهزة داخل ذلك المكان؟
بعد التدقيق في الأمر والبحث قليلاً اتضح لنا انها اجهزة صدمات كهربائية للرأس تُستخدم عادة لعلاج حالات الإكتئاب المتقدمة وبعض الأمراض النفسية
ليز قالت ليه اجل اذكرها جيداً ولكن لا افهم سبب وجودها في ذلك المكان؟
بحثنا انا وشهد قليلاً عن تلك الأجهزة..سكت وهو بعاين لي..
ليز قالت ليه وماذا بعد؟
لا يوجد لدينا دليل قطعي ولكننا وجدنا التفسير الوحيد لتواجدها في ذلك المكان هو إستخدامها في محو ذاكرة هؤلاء الأشخاص ومن ثم إحتجازهم في ذلك المكان لفترة من الوقت حتى يتم التاكد بأنهم بلا عقل،لا ندري ما الذي يحدث هناك ،لكن من المؤكد انهم يخرجون فاقدي الذاكرة ليتم وضعهم في الدار كمسنين عاديين
ليز بتلعثم قالت ليه حسناً كنت افكر في الأمر ولكن لم يخيل لي ان الأمر بهذا السؤ لقد إفترضتُ حسن النية
لويس بتنهيدة قال:والان هذا منحدر مخيف بعض الشيء،مع من نتعامل نحن؟هل هذا يؤكد لنا انه سجن بالفعل؟
ليز قالت ليه سجن في الأعلى ومقبرة بالأسفل
هل سيشرح لي احد ما الذي يحدث وعن ماذا تتحدثون؟
كان سؤال من السيدة جينيفر
بقينا نعاين لبعض وهي بتمرر نظرها علينا ونحن ملتزمين الصمت بعدها قالت لي:شهد اعتقد ان هناك ما علي معرفته صحيح؟!
سيدة جينفر لا يمكننا الإفصاح عن هذا الأمر الان انا اسفة،إنه معقد كثيراً ولا يصدق، نحن ايضاً نحاول فهم الأمر..
كانت لسة بتعاين لي وانا متوترة
الأمر يتعلق... لا اعرف ما هو المصطلح المناسب لوصفه ولا ادرى من هم ولكن..
لنكمل إذاً..
بنبرة لا مبالية دة كان ردها..ورجعت ركزت نظرها في جهاز الحاسوب بتاعها..
مورتن ستاثام،المدعي العام السابق لولاية تكساس،توفى في حادثة حطام طائرة اثناء عودته من زيارة له في البيت الأبيض..
بقيت اعاين بدهشة،وهي سكتت للحظة ومركزه نظرها معي كانها بتاخد إجابة من تعابير وشي، بعدين كملت كلامها ب :إرتبط اسمه بمكافحة الهجرة غير الشرعية في الحدود بين تكساس والمكسيك الأمر الذي ادى إلى محاربته من عدة اطراف ابرزهم مافيا الإتجار بالبشر
مضت على وفاته ثمانيه اعوام
بقيت اعاين لسياف بقلق وخوف، مسك يدي وضغط عليها
ريتشي ارجوف،صحفي إستقصائي ومستشار وباحث في القضايا الأمنيه،إختفى في ظروف غامضة فحسب ولم يعثر عليه منذ 15عام
راندي زيولافسكي ،السيناتور عن ولاية تكساس توفى بعد ثلاثة اعوام من تقاعده بعد وفاة صديقه مورتن ستاثام،قيل انه كان دائم الحث على العمل على منع الهجرة غير الشرعية ،وايضاً إقترن إسمه بالتحرش الجنسي بالأطفال،وجد منتحراً داخل منزله
إزابيلا ،محامية إيطالية الجنس ،إشتهرت بترأسها حملات قضايا حقوق المرأة والطفل،عملت في منظمة للنساء المعنفات لبعض الوقت، وقادت حمله ضد احد المستشفيات الشهيرة،وايضاً كانت قد سلطت الضؤ على قضية كثرة حالات إختفاء او إختطاف الأطفال في الدول العربية وإستخدامهم في الحروبات ،استمرت في ملاحقتها لهذة القضية ومحاولتها توجيه الراي العام لهذا الأمر ووجهت اصابع الإتهام لبعض الجهات والمنظمات الدول الداعمة ليس بشكل مباشر ولكن اشارت لهم بشكل مُبهم،ومن ثم اختفت بعد عام من هذه القضية وعادت للوسط مدمنة للكحول،قيل انها فقدت عقلها بعد ان فقدت كل شيء تملكة وعاشت مُشردة في الشارع لبعض الوقت ،حاول اصدقاءها مساعدتها ووضعها في احد مراكز التاهيل ولكن استطاعت الهرب ومن ثم اختفت عن الأنظار مرة اخرى
كانت مواصلة في ذكر ما تبقى من الأسماء وتفاصيل اختفاءهم وانا شبه إتسمرت مكاني للحظات بعدين طلعت ورقة وقلم
نيكول،ابراهام،...الخ
كانو من جنسيات مختلفة واغلبهم اصحاب نفوذ ومناصب إجتماعية وشخصيات بارزة..
شهد؟شهد هل انت هنا؟
اااااا اجل سيدة جينيفر،
نازلتني كباية موية وهي بتقول لي انتِ تتعرقين هل انت بخير؟
اجل،اجل انا بخير،فقط سرحت قليلاً
اريني ما كتبت..
ناولتها الورقة عاينت فيها مسافة وسألتني
هؤلاء الأشخاص الذين استطعت التعرف عليهم؟
اجل
كنت عاملة مخطط للأسماء وتواريخ إختفاءهم
اكيمي قال اتساءل اين هم عائلات هؤلاء الأشخاص؟هل هم شُركاء في هذا؟
وعدتك إني ما أكررها في شنو تاني! ... ما رد علي ، أول ما وقف على حيلو مسكتو من يدو و قلت ليهو يووونس ما حـ تسامحني؟ معقوله قلبك ما يحن علي؟
فك يدي و دخل نام في غرفه تانيه و طبعاً قافل باب الهول و شايل معاهو المفاتيح ... المهم بقيت اتعامل معاهو بالأسلوب دا و اتعابط معاهو و الصباح قبل ما يطلع بعمل ليهو الشاي و بقدمو لحد باب الهول و بصلح ليهو لبسو و هو ولاااا شغال بي شغله بس لاحظت إنو حدتو معاي اختفت و راق شويه ، مروا زي 9 أيام و أنا بعاملو بالأسلوب الراااقي و اللطيف دا و طبعاً حدي باب الهول، في اليوم العاشر هو طلع و خلاني قاعده في الهول، كان في هواء فـ أثناء ما أنا بحضر سمعت صوت كركبه لمن عاينت لقيتو باب الهول!! مشيت عليهو عشان اتأكد و زي ما إتوقعت طلع فاتح!! فتحتو و طلعت برا الحوش عاينت فيهو و شفت الشمس السماء الما كان بشوفها إلا بالشباك، لفيت شويه في الحوش و رجعت دخلت جوه و بعد يومين برضو اتكررت نفس الحركه و لاحظت إنو يونس بقى يخلي لي الباب فاتح !!
طبعاً لمن يجي راجع ما قاعده اسألو و أقول ليهو ليه بتخلي لي الباب فاتح، بعمل نفسي رايحه، المهم لمن جا راجع المساء أنا كنت جوه الغرفه، جيتو طااالعه و قلت ليهو نورت البيت يا عشا البايتات، قال لي الحاله إني بس كنت قافلك جوه الغرفه! ما قادر اتخيل كان حـ يحصل ليك شنو لو قفلتك جوه الحمام! قلت ليهو الله يسامحك يا سيد الرجال، بس لاحظ إني بعد دا كلو مسحمله مساااختك و بياختك عارف ليه؟؟ قال لي ما عارف و ما عايز أعرف، قلت ليهو لأنو ضرب الحبيب زي أكل الزبيب، قال لي الحبايب ذاااتهم خشم بيوت و في ضرب حبيب مش زي أكل الدبيب ☺️
ضحكت و قلت ليهو دمك خفيف ، شكلي عاديتك!... قال لي المهم ليك أسبوعين متغمصه لي دور الزوجه المثاليه! قلت ليهو يخسسي عليك يا قاسي قايلني بمثل عليك!... قال لي المهم بكرا واحد من أصحابي عامل لمه في بيتو و عازم الشله كلها بـ بما انك حابه دور الزوجه المثاليه الطالبه السماح من زوجها قرة عينها معناها كملي تمثيلك للنهايه و أمشي معاي .... ملامح وشي اتغيرت، سكت و بقيت أعاين ليهو ساي، قال لي خيير ما مصدقه انك حـ تطلعي من هنا ولا ما بتقدري تواصلي في الدور لساعات طويله؟؟
قلت ليهو يونس لحد هنا و كفايه هزل و سخافه، انت بالجد قايلني بمثل عليك!! ياااخ أنا حاولت أمشي بالعلاقه دي لقدام، لي اسبوعين متناسيه الحصل كلو و بحاول اتودد ليك و أخليك تتكلم معاي و نرجع زي زمان و رغم صدك لي إلا اني ما يئست و لسه مواصله! و على فكره أنا لو كنت بمثل عليك كنت هربت من هنا من أول فرصه جاتني، على فكره انت مرتين نسيت الباب فاتح و كان ممكن اطلع و عادي أنط بالحيطه و اتخارج بس ما عملت كدا عشان أنا بالجد يا يونس حابه نرجع زي ما كنا، ما عايزا أخسر اهم انسان في حياتي كلها، أنا لو خسرتك معناها خسرت الدنيا كلها.... بما انك شايف إنو دا كلو كذب و تمثيل معناها ماااف داعي لمحاولاتي الفاشله دي ، أصلاً انت واحد عديم إحساس و قلبك حجر ... قلت ليهو كدا و أنا دموعي عشره عشره.... كنت حـ أمشي و أدخل الغرفه بس لحقني و مسكني من يدي و لفتني عليهو، قال لي بكل صراحه أنا لسه ما قادر اتعامل معاك زي زمان، يمكن المسأله مسألة وقت بس أنا حالياً ما قادر ارجع لـ يونس الزمان، قلت ليهو و أنا ما قادره انسى القلتو لي و العملتو فيني بس مع ذلك ختيت كل شي على جنب و قررت اتنازل عشان علاقتنا دي تمشي لقدام، مسح لي دموعي و من دون مقدمات ضماني عليهو و قال لي تمام أنا آسف ... قلت ليهو نحنا يمكن ما نقدر نتعامل مع بعض زي زمان بس حـ نحاول صح؟ قال لي أكيد .... المهم تاني يوم بعد صلاة العشاء بديت أجهز نفسي عشان أمشي مع يونس لـ اللمه العاملها صاحب يونس، لبست فستان سااااده أسود و طرحه زيتونيه و هيلز أسود و الشنطه لاااامعه بلون زيتوني، شعري شقيتو بالجنبه و مسكت جزو بالمشبك ورا و جزو خليتو نازل و خاته الطرحه في النص و ميك اب ليلي مناسب و روجي وردي، لمن طلعت الهول لـ يونس بقى واقف بعاااين لي، قلت ليهو عاااارفه نفسي حلوه يلاااا خلينا نمشي، ما قال لي شي ، قفلنا البيت و طلعنا، في الطريق أخدنا كم صوره كدا مع بعض، لمن وصلنا بيت صحبو لقينا نااااس كتيييره و كانوا خاتين طاولات في الحوش! أنا افتكرتها لمه صغيره جوه البيت بس ديل عاملين وليمه عديل!! أصحاب يونس أول ما شافوهو جوا سلموا عليهو، معظمهم كان معاهم نسوانهم و فيهم الجايبين شفعهم، طبعاً كنت ماسكه يونس من ذراااع يدو بيديني الإتنين، همس لي و قال لي فكيني ما طاير أنا، قلت ليهو انت ما حـ تطير بس الفراشات ديل حـ يطيرو و يجوا يتلموا فيك، قال لي ليييه شتلة زهور أنا! قلت ليهو ايييوه و أنا الشوك الحـ يطعنهم، طبعاً في بنات كانوا زميلاتو في الجامعه جوا يسلموا و يتراشقوا و طبعاً في السلام ببدوا بيهو هو مع انهم أول شي بجوا مارين بجنبي أنا!!
طبعاً ما قلت ليها حاجه، حلا قالت ليها طلعت في لحظة زعل بس يا عمتي، قالت ليها لو قالوا أي وحده تزعل تطلع و تخلي بيتها ما كان في مراه هسي قاعده مع راجلها! هسي في وحده نصيحه بتعمل تصرف زي دا!! تشيلي شنطتك و تمشي تلفي في الشوارع!... طبعاً انتبهت في اللحظه دي إنو حلا عاينت لـ علا بغيظ كدا و كانت بتحمر ليها فـ فهمت إنو علا هي الكلمت عمة يونس بالحصل و علا أكيد عرفت من حلا لأنها أختها!!... طبعاً لساني حسيتو كان مربوط و ما قدرت أرد على عمة يونس، واصلت كلامها و قالت لي هسي لو كان عندك أهل كنتِ حـ تتصرفي تصرف زي دا؟؟... طبعاً اللحظه ديك أنا بالجد زعلت و كنت حـ أرد عليها بس يونس سبقني و قال ليها تصرفها دا لو صح أو غلط ما ليهو علاقه بإذا كان عندها أهل أو لا، هي زعلت و اتضايقت مني و طلعت من البيت و أنا مشيت جبتها و راضيتها و الموضوع انتهى! مشكله و حليناها!.... طبعاً في سري قلت ليهو يا كذاااب يا منافق!
عمتو قالت ليهو بري منك بقيت ما بتستحمل أي كلام و قاعد على الهبشه خاااصة لو الكلام موجه لـ دي 👈...هسي كلامي دا فيهو شنو؟؟ عيب يعني إذا اتكلمت معاها و غلطتها و نصحتها؟؟
قال ليها ما عيب يا عمتي لكن دا في حال إنو أنا أو هي جينا شكينا ليكم، لكن الموضوع كان بيناتنا و حليناهو و انتهينا! قالت ليهو لو كان بيناتكم انتوا الإتنين بس ما كان وصلنا، لو كان حدو سور بيتكم ما كان دخل بيوتنا و بعدين الغلط دا غلط، أنا من الله خلقني ما سمعت لي بمراه اتشاكلت مع راجلها فـ شالت شنطتها و مشت حامت في الشوارع و في الآخر مشت ليها مسجد عشان تنوم فيهو!! ... هنا رديت عليها و قلت ليها طبيعي أحوم في الشوارع و أقعد في المساجد لأنو ما عندي أهل! انتوا ناسين إني بت ميتم؟!!
بت عمة يونس قالت لي لا لا ما ناسين عشاااان كدا ما استغربنا من تصرفك، يونس قال ليهم انتوا جايين تزورونا و تسلموا علينا ولا جاين تعاتبوها؟؟
هنا طواالي عمتو وقفت على حيلها و قالت ليهو أنا ذاتي ما عندي موضوع الجابني ليك شنو و انت ما بتسمع كلامي! معليش والله عشان اتدخلت في حياتك.... قومن يا بنات و خلننا نتخارج من هنا ، علا اتكلمت و قالت لي يونس حرام عليك دي عمتك! وين المشكله لو جات نصحتكم و اتكلمت معاكم؟ انت بينك و بين نفسك عارف إنو العملتو مرتك غلط و حاجه مبااالغه فيها و عمتك ليها الحق تزعل و تجي تعاتبكم؟لاحظ إنو نحنا ما اتكلمنا في الموضوع دا لأنو ما بخصنا لكن عمتك بخصها و بما انها في مقام أمك فـ ليها الحق تتكلم، عمتو قالت ليها اسكتي منو، دا بقى ضيل مرتو.... قالت كدا و طوالي طلعت و بتها وراها، علا مدت يدها لـ حلا و قومتها، حلا قبل ما تمشي قالت لـ يونس ما تضايق من كلامها، هز ليها راسو بس، طبعاً عمتو حلفت ما تقعد دقيقه واحده و أصرت تمشي بالمواصلات، طبعاً ياسر مكلمهم إنو لمن يكونوا راجعين يتصلوا عليهو عشان يجيهم و عمتهم قالت ما بتنتظروا فلمن أصروا عليها قالت خلاص بتنتظرو لكن برا الشارع ما جوه البيت، بعد ما مشوا يونس جا داخل لقاني قاعده في الهول، قعد و الإتنين بقينا ساكتين، كسرت الصمت و قلت ليهو ما كنت تتكلم بالطريقه دي مع عمتك! لو أنا الرديت معليش لأنها ما بتقربني، بس انت دي عمتك الربتك و الليها أفضال كتيره عليك فـ ما كان تتكلم معاها كدا عشان وحده بت ميتم و انت مخليها معاك في البيت عشان بتكرها و عايز تعذبها، قال لي ما رديت عشانك، كل القصه إني ما عايز زول يتدخل، قلت ليهو ما عايزهم يشمتوا فيك و يقولوا ليك دي البت الميتم الإخترتها و شاكلتنا عشانها!...قال لي ايواااا كويس انك فهمتي علي ☺️
سكت مسااافه بعدها قمت من مكاني و مشيت قعدت جنبو، مسكت يدو و قلت ليهو لمن كنا في المطبخ حلا اتكلمت معاي في الموضوع، و عرفت غلطي و إنو ما كان لازم أطلع و أخلي البيت بس عشان كلامك جرحني أنا طلعت! للحظه دي أنا لسه زعلانه و تصرفاتك البتعملها ليها دي بقت تخوفني منك، و هي السبب الخلاني اقتنع إنو أنا و انت ما لقينا مستقبل مع بعض ، انت عايز تعاقبني صح ؟؟طيب عقابك لي دا حـ يخلص متين؟؟ قال لي إلى الأبد، قلت ليهو قدامك خيارين، يا تجيب مسدسك و ترصصني هسي و ترتاح مني يا تخليني أمشي من هنا و تاني لا تشوفني لا أشوفك، قال لي عايزاني أخليك تمشي بالبساطه دي؟؟
قلت ليهو بساطه؟؟ يونس انت قافلني في الغرفه و بتعاملني بقساوه و بتهددني بمسدس و معيشني في حالة رعب لدرجة إني ما بقدر أنوم براحه و دا غير الألم النفسي السببو لي كلامك و صدمتي و خيبتي فيك وتجي بعد دا كلو تقول لي ببساطه؟؟
سكت ما رد علي ...يونس أنا بالجد حبيتك و كوني أخسرك دا أكبر عقاب لي ... طبعاً في اللحظه دي هو عاين لي، واصلت كلامي و قلت ليهو انت كنت نفسي الطالع و النازل، حبيتك أكتر من أي حاجه في الدنيا دي بس للأسف خيبت ظني فيك و أبداً ما اتخيلتك تطلع بالوحشيه دي....
قلت ليهو صداع خفيف، قال لي إياك تفتكري سؤالي دا حباً فيك ، خليك دائماً متذكره انك ولاااا شي بالنسبه لي ، حالياً انتِ زيك و زي ليلى و منار، هم ولا شي بالنسبه لي بس بساعدهم من باب الشفقه و الذوق، و للصراحه انتِ أنا ما شفقان عليك خالص ☺️
قال كدا و طلع طوالي و هو ما عارف أنا بفكر في شنو ...
"وتدرك متأخرا جدا، أن الأمر كان لا يستحق ولو إلتفاتة واحدة، و أن بصيرتك العميقة أعمتك عن سطحية الأمر بأكمله، وأن مسألة الرجوع في كل مرة سببها أنك تركت تفاصيل كثيرة مبهمة في ذات المكان، في المرة الأخرى والأخيرة، حين تغادر، غادر كاملا حتى لا تتمزق أكثر بين الذهاب والعودة.
لكاتبه...
يتبع.....
و شربت مويه و كبيت لي شاي لبن من السيرمس و بقيت أشرب فيهو، قال لي ايييوه خليك كدا شاطره و بتسمعي الكلام ، و اتغذي كويس عشان تقدري تتحملي العقاب و الراجيك.... طبعاً كلامو خوفني ، باقي اليوم كلو عداهو لي داخل و طالع و يشيل و يهدد فيني و حايم لي بمسدسو لمن كون جواي خوف ناحيتو و اقنعني إنو هو يونس واحد تاني و ممكن يعمل فيني أي شي حتى الكتل ممكن يكتلني بدم بارد!
بليل ما قدرت أنوم، كل دقيقتين أعاين للباب و لمن أغمض عيوني بتخيل إنو هو جا داخل بمسدسو فـ طوالي بفتح عيوني، حتى الإضاءه ما طفيتها.... بعد يومين من الكلام دا بديت أفكر في حاجه تطلعني من هنا، و خطرت في بالي فكره، كنت بأي طريقه عايزا أطلع من هنا، 3أيام ما شفت الشمس ولا عارفه برا في شنو، بنفس الطريقه الكنت محبوسه فيها في المكان المكان الوداني ليهو بابا حازم لمن خطفني، طبعاً الشباك ما بطلعني، فيهو حدايد ما بتتكسر، في نفس اليوم دا بليل فتحت الدرج و بقيت افتش على بندول لأني مصدعه شديد و لي يومين بتجيني حمى بليل، ما لقيت شي في الدرج و برضو الدولاب ، دخلت الحمام استحميت و غسلت شعري عشان الحراره الحاسه بيها في راسي تنزلي، طلعت من الحمام و طوالي رقدت على السرير، اتكرفست و اتغطيت و أنا لسه حاسه نفسي محمومه و بردانه!
يمكن الزمن داك الساعه كانت 7أو 8 ما متأكده لأنو ما معاي تلفون، و أنا بين صاحيه و مغمضه حسيت بيد بتتخت على راسي، ما كنت قادره افتح عيوني، جاني صوتو و هو بنادي بإسمي بعد مسااافه فتحت عيوني، لمن شفتو قدامي طوالي قمت و قعدت، قال لي حرارتك مرتفعه! ما رديت عليهو، قال لي مصدعه؟هزيت ليهو راسي، طلع و جاني بعد مسافه و هو معاهو مسكن، شلتو منو و أخدتو و هو لسه كان واقف يعاين لي، قلت ليهو ما تخاف ما حـ أموت هسي عشان تقدر تعذبني، ما رد علي، رجعت اتغطيت كلي و أنا من تحت البطانيه بدعي إنو يطلع من الغرفه، لمن سمعت صوت باب الغرفه ياداب ارتحت و زحيت الغطى عن نفسي، بقيت أتقلب كدا لحد ما شالني النوم، طبعاً المسكن فادني شديد و الصداع راح و الحمى خفت، نمت نومه عميقه ، صحيت نص الليل لمن حسيت بزول ضاميني عليهو و كنت شامه ريحة عطر مميزه، طبعاً عرفتو يونس، فتحت عيوني و بقيت أعاين ليهو و هو قريب مني و ضاميني عليهو و محاوطني بيدينو، طبعاً الشبابيك فاتحه و الغرفه مضويه بسبب نور القمر و النجوم ، بقيت أعاين ليهو ساي، قربت منو أكتر و بوستو على خدو و قلت ليهو أنا عيانه بسببك، صدمتني و خذلتني فيك، انت الإنسان الوحيد الأنا كنت مطمنه من ناحيتو و ما إتخيلت إنو يجي يوم و تعاملني بالطريقه دي، حالياً انت نايم و مرتاح و مبسوط من فكرة انك حابسني هنا و قاهرني و حارمني من الحياة، أنا ما بتعذب ولا بنقهر بسبب انك قافلني هنا، أنا بتعذب و بنقهر بسبب تصرفاتك دي لأني ما متعوده عليك كدا، يونس انت حبيبي الأول و الآخر، ما حبيت ولا حـ أحب زول غيرك، لمن طلعت من هنا انت ما عارف أنا قلبي وجعني قدر شنو لأني حـ أمشي و أفارقك بس كلامك جرحني شديد و خلاني افهم انك قنعت مني و ما حـ تقدر تثق فيني تاني و أنا ما حـ أقدر أنسى الكلام القلتو لي عشان كدا قررت إني أمشي بس انت لحقتني و جبتني راجعه و ياريتك ما جبتني عشان ما أشوف الجانب القاسي فيك!....عارف أنا نهاي ما محظوظه، ماف زول بدوم لي ، أول شي حسام الحلمنا سوا بحاجات كتيره بس في الآخر افترقنا، بعدها رسيل الكانت زي أختي الصغيره و الحالياً هي في مكان و أنا في مكان، و برضو مصطفى الحالياً مع منار و بفضل القعاد معاها، منار الكانت صحبتي و أقرب زوله لي، و البسبب غيرتها و زعلها مني اتفقت مع ليلى و باقي بنات الميتم علي و لـ يوم الليله هي حاقده علي مع إني ما عملت ليها شي! بعدها بابا حازم الكنت خاتاهو في مقام الأب ، بحبو و بحترمو شديد، كان دائماً بحسسني إني مميزه و إني طفله مدلله بالنسبه ليهو، ما كنت شايفه فيهو ولا غلطه و في الآخر طلع زيف و عكس البظهرو للناس و صدمني فيهو!.... اتجاوزت ديل كلهم و خليتهم على جنب لأني كنت ماليه يدي بيك، ما عندي زول غيرك في الدنيا دي، انت كنت ملاذي و آمني و ركن راحتي، معاك بحس بالأمان و كنت كل ما أعاين ليك بقول إني محظوظه و بخاف أحسد نفسي، لمن عرفت إني حامل كنت فرحانه أكتر منك و اتخيلت شكل حياتنا حيكون كيف لمن يكون عندنا طفل في البيت ما مهم بت ولا ولد! ايوه غلطت لمن ما كلمتك بس ما استاهل منك العقاب دا، انت حتى لمن أنا كنت في المستشفى بالغلط ما دخلت عشان تشوفني، في أصعب لحظات حياتي انت كنت بعيد عني، في اليوم داك لمن عرفت من الدكتوره إني أجهضت اتمنيت بس إني أخت راسي على كتفك و أبكي أو تضمني عليك و نتشارك الحزن سوا بس ما حصل! لمت نفسي و قلت معاهو حق يزعل و يعاملني كدا لأنو أنا الغلطانه و بالنسبه لمجتبى ما كنت بعرفو إنو دا هو و صراحة ما مهم إذا كنت بعرف أو لا لأنو في النهايه أنا غلطانه،انجرفت ورا إحساسي و حبيت المدح الكان بقولو لي كأني ناقصه إنو يجي زول ويمدحني،انت
طبعاً لمن قال مرتي للحظات فصلت بس تاني رجعت و قلت ليهو كنت بس عايزا أعرف هو منو! قال لي يااااخ معرفتو حـ تفيدك بشنو؟؟ لو للدرجه دي الفضول كان كاتلك كنتِ تجي و تكلميني عشان أعرف ليك هو منو مش تقعدي تتونسي معاه بحجة انك عايزا تكشفيهو! ...قلت ليهو أنا...قاطعني و قال لي كفايه كذب، على الأقل كوني صريحه بينك و بين نفسك و اسأليها إذا دي حجه ليك و سبب مقنع يخليك تتواصلي معاهو، ياخ هو جاك لحد مكان شغلك عشان يتونس معاك و تقولي ما عارفاهو منو!!
طبعاً ما أكذب أنا بيني و بين نفسي عارفه إنو دا ما مبرر و ما سبب يخليني اتواصل معاهو، ما عارفه كيف بس كلامو عجبني،كان بمدحني و بقول لي من شفتك لفتي نظري و و و ... كنت بعمل نفسي بشاكل فيهو و بقول ليهو إحترم نفسك بس والله كلامو كان بدخل جوه قلبي و بحس نفسي مميزه لمن هو يتكلم معاي!... ايوه أنا انصدمت لمن عرفت من يونس إنو مجتبى لأنو مجتبى زول محترم و لبق فـ كيف يرسل لي و يقعد يقول لي عايز اطمن عليك و أنا معجب بيك و و و.... قلت في نفسي ناسيه نفسك؟ما انتِ كمان كنتِ متواصله و بتتونسي معاهو حتى و انتِ متزوجه! عشان كدا أنا موقفي ضعيف و ما بقدر أجادل يونس و أكذب أكتر بس الحقيقه إني بالجد ما كنت عارفه دي منو و مجتبى دا نهاي ما خطر على بالي!!
قطع تفكيري مع نفسي الكان في ثواني فقط صوت يونس و هو بقول لي سألتي نفسك؟هااا ان شاء الله ما كذبت عليك؟
قلت ليهو لا و أنا ما كذبت عليك بالجد ما كنت عارفه إنو دا هو و ما حـ أكذب واصلت في الدردشه معاهو لأنو كلامو كان بعجبني، عارفه مهما حاولت أشرح و ابرر ليك ما حـ تفهم إحساسي و حأكون خاينه في نظرك عشان كدا أنا بقول ليك خليني أمشي من هنا، أنا غلطت و عقابي حيكون إني اطلع من بيتك و حياتك، قال لي دا ما عقاب، لو طلعتي من هنا معناها أخدتي حريتك و ما حـ تتعاقبي على العملتيهو و ياريت ما تفتكري إني حـ اقعدك هنا حباً فيك، انتِ ما بس استغفلتيني انتِ اتسببتي في إجهاضك و حرمتيني من نعمه أنا من زمان منتظرها و بحلم بيها!
قلت ليهو محسسني كأني وقعت عن قصد!...قال لي ما كلمتيني لأنك خايفه إني أمنعك و فعلاً كنت حـ أمنعك لسلامة و صحة البيبي بس انتِ ليييه ما خفتي عليهو؟؟ليه ما عملتي حسابك و حافظتي على الحمل؟؟ولا ما كنتِ عايزا تعيشي حياتك زي ما عايزا و تقعدي تتواصلي مع الشباب و تاخدي راحتك... طبعاً كلامو وجعني جنس وجع رفعت أصبعي في وشو و قلت ليهو احترم نفسك! قال لي رجاءً ما تتكلمي عن الإحترام، المهم اتمنى ليك إقامه جبريه سعيده ورا الأربع حيطان دي ... قال كدا و كان حـ يطلع بس جريتو من يدو و لفتو علي و قلت ليهو مستهبل سااااي انت مخليني هنا عشان ما بتقدري بلاي، متأكده إني لمن طلعت و قفلت تلفوني قربت تجن لمن ما قدرت توصل لي، بينك و بين نفسك انت مقتنع بالكلام القلتو؟مقتنع انك مخليني هنا عشان تعاقبني؟لو بالجد كنت بتكرهني و ما عندك حاجه لي كنت طلقتني و طلعتني من بيتك بس انت ما بتقدر تعمل فيني كدا! أقصى حاجه ممكن تعملها و تأذيني بيها هي انك تقول لي كلام قاسي غير كدا ما بتقدر تضرني بشي.... شال يدي عن يدو و قال لي أنا حالياً ما عندي ليك شي ولا حاسه بشعور ناحيتك لا بكرهك لا بحبك، انتِ ما عندي ليك أي شعور أو احساس خسرتيني وخسرتي ثقتي فيك، و إذا انتِ شايفه إنو قعادك هنا ورا أربع حيطان حب ما عقاب فـ دي مشكلتك والله! ... ماف مشكله خليك قاعده هنا و أوهمي نفسك إنو دا حب ما عقاب ، يمكن يجي يوم و. اتناسى استغفالك و خيانتك بس عمري ما حـ أنسى الجنين الضيعتيهو،دي الحاجه الوحيده المستحيل اسامحك عليها حتى لو طلبتي مني السماح و أنا على فراش الموت، طبعاً صدى كلامو بقى يتردد جواي! قلت ليهو معناها كنت غاشي نفسك و غاشيني، البيبي بهمك أكتر مني، بمعنى إنو انت لو كنت عرفت إني حامل ما كنت حـ تخليني أمشي حفاظاً و خوفاً على الجنين ما خوف علي أنا، خليتني أمشي عشان ما كنت حامل، ايوه قلت لي ما تمشي بس ما منعتني و في الآخر انت ذاتك مشيت معاي!يعني الخطر دا ما بجيني إلا لمن أكون حامل؟ ...ما قال لي شي مسكني من يدي و مشى بي على السرير، طبعاً كنت مستغربه فيهو و بحاول أفك يدي منو، شال تلفوني و طوالي فك يدي ومشى على الباب ،فهمت إنو مسك يدي و ساقني معاهو عشان ما أطلع من الغرفه في المسافه الهو حـ يمشي يشيل فيها التلفون!! أول ما فتح الباب قلت ليهو و أنا مستحيل اسامحك على الكلام القلتو لي، حتى و أنا على فراش الموت يا يونس ما حـ أنسى و ما حـ اسامحك على كلامك و ما عافيه ليك، ما إتلفت علي طلع و قفل الباب من برا!
طبعاً المره دي ما بكيت لأنو دموعي جفت و لأني فترت من البكى! ما عارفه اعمل شنو تاني! معقوله يونس يقفلني هنا و ما يخليني أطلع تاني!!؟
#بطل_الحكايه31
مها حولي الزاكي
أول ما فتحت الباب لقيت يامن و حلا في وشي! ما كان معاهم زول، هم الإتنين بس، قالت لي يا بت مشيتي وين انتِ و ليه قافله تلفونك! يامن قال لي الحاصل شنو يا زوله! ليه طالعه و مخليه بيتك! بتعملي شنو هنا؟من قبيل نفتش عليك و يونس دا ما خلى مكان ما فتشك فيهو و في الآخر عرفنا انك هنا! قلت ليهم أنا كويسه، بتقدروا تمشوا بعد دا، حلا قالت لي مالك في شنو يا مها؟؟يعني انتِ متناقشه مع يونس؟ يامن قال ليها حتى لو متناقشه معاهو دا ما سبب يخليها تطلع و تخلي البيت و تجي تقعد في الشارع! قلت ليهو حالياً أنا ما قاعده في الشارع، المهم ما تشيلوا هم براي بعرف كيف اتصرف، يامن قال لي عايني خلينا نرجع البيت و بعدها نشوف مشكلتك مع يونس شنو! قلت ليهو لو كنت عايزا أقعد في بيت أخوك ما كان طلعت منو يا يامن! حـ أبيت هنا و بكرا حـ أشوف لي مكان تاني اسكن فيهو فما تشيلو هم!... حلا قالت لي ما عارفه الحصل شنو بينك و بين يونس لكن لو زعلك منو وصل لدرجة انك ما تقدري تقعدي معاهو في البيت كان تجي بيتي! تصرفك دا غلط! يعني كيف تشيلي شنطتك و تطلعي الشارع!ما خفتي على نفسك؟ ما فكرتي حـ تقعدي وين و تنومي وين؟
يامن قال لي خلينا نمشي البيت و بعدها نشوف مشكلتمن دي!قلت ليهو قلت ليكم ما راجعه، البيت داك مستحيل أخت رجلي فيهو تاني، قال لي عليك الله ما تعقدي الموضوع! حلا قالت لي خلاص في شنو أحكي لينا عشان نعرف الصح منو و الغلط منو! يامن قال ما حـ نتكلم هنا، الأحسن نمشي البيت، رجاءً يا مها ما تقوي راسك و ما تعقدي الموضوع زياده ، خلينا نمشي البيت و كل مشكله ليها حل، قلت ليهو أنا العندي قلتو ليكم، ما راجعه يعني ما راجعه، فجأه جاني صوت بقول :ولا على كيفك، لمن إتلفت و شفتو حسيت دمي بغلي، كنت حـ أدخل المظله و اقفل الباب بس يامن ثبتو، يونس جا داخل و طوالي شال شنطتي و طلع بيها برا المسجد و أنا شغاله ليهو شبر ما حـ اتحركو من هنا، حلا قالت لي هو من قبيل منتظرك برا عشان تمشوا البيت، فـ عليك الله أمشي معاهو يا مها و اقعدوا سوا و حلوا مشكلتكم، بقيت ألز في الباب و أحاول أقفلو بس يامن مثبتو، طوالي يونس جا و جراني من يدي بالغصب و ما قال لي أي شي، طلعني معاهو الشارع و ورانا حلا و يامن، طبعاً بتاع الجامع جا طالع و معاهو مرتو و بناتو و في كم نفر كدا من الجيران و الرجال القاعدين جنب الدكان جوا و بقوا يقولوا في شنو يا جماعه! يونس ما رد على أي زول، ركبني بالغصب و ركب و طوالي دور العربيه، خلينا حلا و يامن ورانا، يامن كان معاهو عربيه، بقيت أجوط فيهو و اضربو و أقول ليهو نزلني ما ماشه معاك أي مكان ، كان مأمن أبواب العربيه ، كنت بضربو بكل قوتي و هو كأنو حيطه، لا عاين لي لا اتكلم معاي بس كان معصب و سايق بأقصى سرعه،لمن صراخي و ضربي ليهو ما جاب نتيجه و هلكني قعدت أبكي!...كنت حاسه بحرقه في قلبي و أول مره أجرب احساس إني مضطهده! هاني و ذلاني و سمعني كلام زي السم و هسي جاي يسوقني غصب عني لبيتو و أنا ما قادره اعمل ليهو حاجه! ما قادره أمنعو، ما قادره أوقفو، حسيت نفسي ضعيفه و بقيت إنسانه هشه، طول عمري كنت صاحبة قراري و ماف زول بفرض كلمتو علي حتى مس نادين ما كنت بسمع كلامها و ما بنفذ أوامرها، ما كنت بخلي زول يغصبني على حاجه و بعمل الفي بالي و هسي دا بعد كل العملو و القالو لي جاي يرجعني لبيتو غصب عني!!
بقيت أبكي كدا لحد ما وصلنا البيت و هو علي ما إتلفت، نزل فتح باب البيت و جا ركب و دخل العربيه جو، نزل تاني قفل باب الشارع وجا فتح لي الباب و جراني من يدي و قفل باب عربيتو بكل قوه، كان غضبان كأنو هو الهرب و أنا جبتو بالغصب، بقى جاريني لـ جوا و أنا بضربو في يدو و بقول ليهو فكني ياخ ما داخله معاك وهو ولااا شغال بي ، دخلنا الهول و منها فتح غرفتنا دخلني جوه و قفل الباب من برا!... بقيت أضرب في الباب بكل قوتي و اقول ليهو طلعني من هنا، عايز مني شنو تاني ، شنو البخليك تقعد مع وحده خاينه و طماعه و ما بت ناس، افتح لي الباب دا و خليني اطير محل طايره ما عندك شغله بي ... طبعاً صرخت كدا من حسي راح ، تعبت و قعدت على الأرض و بقيت أبكي و أمسح دموعي، بقيت كل مره أمشي أضرب الباب و ارجع تاني اقعد مكاني لحد ما نعست و نمت على الأرض من دون ما أحس....
تاني يوم لمن صحيت لقيت نفسي نايمه على السرير!في البدايه استغربت لأني بتذكر إني كنت نايمه على الأرض بس بعدها عرفت إنو دا يونس! معقوله ما حسيت بيهو لمن جا داخل و رفعني فوق في السرير!!
طواالي نزلت من السرير و جريت على الباب و مسكت المقبض و حاولت أفتحو بس ما فتح! طبعاً عرفتو قافل الباب من برا، بقيت اصرخ ليهو و اضرب في الباب و اهدد فيهو! صرخت كدا لمن فترت ...بعد مسافه ما طويله دخلت الحمام اتسوقت و اتوضيت و طلعت صليت ، طبعاً ياداب انتبهت إنو شنطتي حقت اليد كانت معاي في السرير، بتذكر أمبارح هو شال شنطتي حقت الملابس بس و ختاها في العربيه و ساقني،دي شكلها جابوها ناس حلا، فتحت
لقيتوها وين؟؟...متأكد إنو دي هي ذاتا؟؟....خلاص يا زول سوقها و جيبها البيت ، بعد قفل الخط قال لي فعلاً في سوء فهم حصل و نحنا لقينا بتنا ، بتاع الجامع قال ليهو سبحان الله أساميكم نفس اسامي الناس الهي بتفتش عليهم، قال ليهو ايوه صح و هي ذاتا اسم أبوها نفس اسم أبو بت عمنا الجايه دي ، نحنا سمعنا اسم الأب و جينا جارين عشان عندنا بت ضايعه ، طبعاً المراه قعدت تعاين لي ساي ، لمن حيرتني! لمن حست بي استغربت من نظراتها دي قالت لي معليش بس عشان بتشبهي بت أختي ، سبحان الله الشبه مبالغ ، البشوفك من بعيد بقول دي هي ذاتا! الولد قال ليها فعلاً بتشبه بت عمتي ناديه شديد!
المهم بعدها هم مشوا و بتاع المسجد بقى واقف معاي محتار و ما عارف يعمل شنو ! قال لي حـ تبيتي هنا؟ قلت ليهو إلا كدا ، قال لي كدي قولي بسم الله و حاولي تتذكري البيت كان وين و جنبو شنو! قلت ليهو أنا ما حصل جيتهم، دي أول مره ، قال لي أول مره وجايه براك؟ على الأقل كنتِ تعملي حسابك و تكتبي ليك كم رقم كدا في ورقه! قلت ليهو الحاجه دي ما خطرت على بالي و ما اتوقعت إنو تلفوني ينسرق ، قال لي والله دي مشكله دي! هسي هم حيكونوا قالبين عليك الدنيا قلب و أهلك هناك حالتهم حتكون حاله عشان كدا الواحده الأفضل ما تسافر براها و تسوق معاها مرافق ، شويه كدا المراه جات راجعه تااااني مع الولد ، قالوا لي لسه أهلك ما جوك؟ هزيت ليهم راسي بمعنى لا، قالت لي خلاص أرح معانا البيت ، عندنا معارف كتار حـ نتواصل معاهم عشان يوصلوك لأهلك ، قلت ليهم لا لا ببيت هنا ما عندي مشكله، قالت لي عارفاك ما حـ تقدري تمشي معانا البيت و حـ تخافي على نفسك بس والله يا بتي نحنا ناس كويسين و البعرفونا عارفين نحنا شنو ، قلت ليهو لا لا والله ،شكراً ليكم لكن حـ أقعد هنا ما معروف يمكن في باقي الليل دا أهلي يظهروا ، بتاع الجامع قال لي والله ما عارف أقول ليك شنو ! لكن ما تبيتي هنا! حـ تقدري تقعد براي في مكان واسع زي دا و اسوارو قصيره؟ قلت ليهو أهلي لو ما جوا حـ أقفل علي باب المظله من جوه ، الولد الإسمو مبارك قال لي في قسم شرطه قريب من هنا خلينا نوديك ليهم ، حـ يقدروا يصلوا لأهلك ، بتاع الجامع قال ليهو فكره سليمه ، أمشي معاهم يا بتي ولا اقول ليكم أرح أنا ذاتي حـ أمشي معاكم ، طبعاً أنا هنا خلااااص طاقتي خلصت و زهجت من الكذب و التأليف و من فكرة انهم هم ما حـ يخلوني في حالي! سبحان الله البشر ديل الزول لمن يكون محتاج مساعدتهم جد جد ما بساعدوك و لمن تكون ما محتاج ليهم و عايز تخلص منهم بكونوا مصرين يساعدوك!
قلت ليهم بزهج ياخ ما ماشه ، خلوني في حالي عليكم الله ، لا بفتش عن زول لا في زول بفتش عني ، شكراً ليكم بس ياريت تخلوني في حالي ... طبعاً بعد كلامي دا سكتوا ساي و المراه و الولد طوالي مشوا ، بتاع المسجد قال لي ما عارف الحاصل معاك شنو و انتِ جايه من وين أو ماشه وين و أتمنى انك ما تكوني هربانه من أهلك ، ماف مكان زي البيت و مهما لفيتي ما حـ تلقي الأمان إلا في بيتك، انتِ عايزا يخلوك في حالك بس أنا والله عشان شايفك زي بتي و عندي بنات قدرك ما عاجباني فكرة إنو اقفل المسجد و أمشي أخليك تبيتي هنا ، شايفه البيت الفاتح في الجامع دا ؟ اللونو اخضر ، دا بيتي ، تعالي بيتي فيهو و الصباح رباح، طبعاً ما قدرت اتزهج فيهو تاني و أرفع صوتي عليهو لأنو أكبر مني و أصلاً أنا ما بحب أرفع صوتي على زول كبير ، قلت ليهو شكراً ليك بس عليك الله خليني أبيت هنا، طبعاً تاني ما قدر يقول شي ، مشى قفل المسجد و طلع ، شفتو لمن دخل بيتو لأنو قريب شديد من الجامع ، شويه كدا و في وقفتي ديك جا هو و معاهو بنتين ، وحده شايله معاهو سرير بلحافو و غطى و التانيه شايله عمود و جردل مويه! طبعاً ما عرفت أقول ليهم شنو تاني! دخلو السرير جوه المظله و البنات سلموا علي ،قال لي إنو ديل بناتو ، و وحده منهم قالت لي أرح ادخلي معانا جوه ، قلت ليها حـ أبيت هنا ... طبعاً ما كترت كلامها معاي ، شكلو أبوهم مكلمهم، المهم ما قعدوا كتير مشوا طوالي لأني ما اديتهم وش ، مقدره العملوهو لي بس تاني ما عايزا اتعرف على أي زول و ما عايزا أثق في زول ، أبو البنات قبل ما يمشي تااااني اتكلم معاي و حاول يقنعني بس رفضت فـ مشى في الآخر ، دخلت جوه المظله و قفلت الباب علي و ما أكذب كنت خايفه و ما عارفه كيف حـ أقضي الليله دي هنا براي، قلت برا حـ أمشي أفتش لي مكان صغير أأجرو و أقعد فيهو، بقدر ادفع إيجار الشهور الأولى و للوقت داك حألقى لي شغل و ان شاء الله وضعي حـ يتحسن ، قعدت على السرير و لميت ضميت رجليني و أنا خايفه و متوتره من فكرة إني قاعده في مكان غريب و براي ، يعني أمبارح كنت نايمه وين و اليوم حـ أنوم وين ، فجأه بقيت اتذكر في الحصل و في كلام يونس و قساوتو و منظرو و هو رافع مسدسو و كتل بيهو زول ، المسدس كان كاتم صوت بس انا سمعت صوتو جوه راسي و المنظر ما راضي يفارق عقلي ، بقيت أبكي بحرقه و ما قدرت أسكت نفسي، بعد مسافه فتحت شنطتي حقت
_بالمناسبه انتِ ما قلتي لي بداية معرفتك بـ يونس ، لقيتيهو وين و كيف اتعرفتوا؟
=ياخ أنا مش حكيت ليك قبل كدا! لمن قررت أخلي الميتم مشيت اشتغلت مع وحده يلي هم أم الأولاد ديل، كان عندها كوفير فـ اشتغلت معاها و كانت مؤجره لي غرفه في بيتها بس بتعاملني كأني بتها، المهم لاقيت يونس بالصدفه و بعدها اتكررت الصدف و بقينا نعرف بعض ، لمن شغل المراه وقف بسبب إنو كوافيرها اتحرق فلسنا و ما بقى عندنا شي ، المهم هو يوم بالصدفه جا حينا و جا دق لينا الباب ، كان بسأل عن ناس معينين ، طبعاً أنا الفتحت ليهو الباب و اتفاجأ لمن شافني
بس بعدها عرف إني ساكنه هنا و من هناك بدت معرفتنا و صداقتنا ، ساعدنا في محنتنا و كان كل مره بجي يشوفنا و يدينا مساعدات و لحد اليوم هو ما مقصر مننا خاصة بعد ما خالتو انتصار اتوفت و خلت لي أولادها ديل
_والله لسه ما قادره أصدق إنو ليلى ماسكه ليها 3أولاد و متحمله مسؤوليتهم! سبحان الله!
= الغريب شنو قايلاني ما عندي قلب يعني ؟!أمهم ما قصرت مني و عاملتني أحسن معامله عشان كدا أنا ما حـ أقصر من أولادها و انتِ قولي العايزا تقوليهو ما بهمني ، أنا عارفه نفسي شنو ☺️
_...امممم و انتِ أكيد ما حاولتي تقربي من يونس و تستغليهو!
=استغلو لشنو؟؟ يونس بدون استغلال ما مقصر مني و أصلاً هو ما مغفل عشان استغلو و أنا و هو مجرد أصحاب حتى لو هو كان بجي لحد البيت عشاني
_هه! أصحاب و كل يوم كان بحصل نقاش بينو و بين مها بسببك انتِ؟
=والله دي ما مشكلتي لو هي وحده هبله و شكاكه، لو في شي بيني و بين يونس كان عرستو من زماااان بس أنا معتبراهو صديق و بس و بعدين تعاااالي هنا خليني اسألك السؤال الدائماً بخطر على بالي لمن انتِ تجيبي سيرة يونس ... مها ظلمتك لمن قالت انك خاته عينك على راجلها ولا انتِ أصلاً جد جد خاته عينك عليهو؟ معليش يعني بس كلامك تبع انها شكت فيك و انتِ بريئه ما دخل راسي
_و ليه ما يدخل راسك؟زي ما انتِ معتبره يونس صديقك أنا كمان معتبراهو صديقي و هو نفس الشي و قعادي معاهم في البيت كان بسببو هو لأنو ما خلاني أمشي و أصر أقعد معاهم في البيت
=كان شفقان عليك بسبب انو راجلك شرد خلاك ☺️
_شفقان علي يقعدني معاهم في البيت؟ كان ممكن يشوف لي مكان تاني و يقعدني فيهو
=هسي هو عمل كدا!!
_لأنو مها نقت ليهو في راسو وإلا هو مستحيل يطلعني من بيتو ، يونس ما كدا و دي ما أخلاقو و على فكره طبيعي يتضايق و يزهج لأنو مها كذبت و قالت ليهو إني خاته عيني عليهو و بحاول ألفت نظرو
=يختي انتِ لامن متحننه !
_والحنه دي علاقتها شنو بـ يونس؟ لو الحنه بتلفت نظر و بتمسك راجل خليها تتحن و تمسك راجلها!
=عموماً هي أساساً يونس ما شغال بيها و كنت مستغربه كيف هو يعرس وحده زيها بس بعد ما انتِ حكيتي لي عن مصايب الميتم و بابا حازم و عن طبيعة شغل يونس عرفت السبب و عشان يونس زول شهم و أخلاقو عاليه نفسو ما سمحت ليهو يطلقها و تعاملو معاها كان شفقه منو!
_ئهه شفقه و هي كانت حامل منو!
= لكل شي ضريبه و عشان بيناتهم شي إسمو زواج دي كانت النتيجه و على فكره دا ما سبب يخلي يونس يكون مربوط بيها هو لو عايز هسي دي بعرس ست ستها و يجيب ليهو واحده أحسن منها بمية مره بس هو ما بفكر في الزواج حالياً...
_و دا قالو ليك هو ؟
=ما ضروري يقول لي، نحنا أصحاب و بنفهم على بعض
________
طبعاً بتاع الركشه بقى لافي بي ساي ، لمن زهج قال لي انتِ يا بت الناس ماشه وين؟قلت ليهو طيب نزلني هنا، نزلت و حاسبتو، بقيت جاره شنطتي ولافه بيها و ما عارفه أمشي وين و أقبل على وين! فجأه تلفوني رن ، لمن طلعتو من الشنطه و قريت الإسم لقيتو يونس ، طوالي حظرتو و قفلت التلفون بالمره، مشيت ركبت المواصلات و مشيت أمدرمان ، تحديداً المنطقه الفيها الميتم ، جيت ماره بجنبو و قعدت أعاين ليهو ، كان واقفين جنبو عناصر شرطه ، حالياً الإستخبارات هي الماسكاهو ، عاينت ليهو مساااافه بعدها مشيت من جنبو ، أكيد ما حـ أرجع ليهو ، بقى ما عندي شي جوه ، ماف زول هناك بخصني تاني و أساساً أنا من اليوم ما عايزا أبني أي علاقه مع زول، ما عايز زول يكون قريب مني و ما عايزا أكون قريبه من زول ، بقيت لافه ساي في الشوارع و طبعاً الناس يعاينوا لي ساي و أولاد يشاغلوا! شغالين لي ماشه على وين سوقينا معاك! حتى في إتنين كانوا ماشين وراي و عشان أتخلص منها مشيت وقفت جنب بيت و عملت نفسي بضرب في الباب عشان أدخل ، أوهمتهم إنو دا بيتنا فـ مروا بجنبي و مشوا ، يعني إذا حتى قبل ما الشمس تغيب بتواجهني مشاغلات و إعتراضات معناها لمن يجي الضلام حـ يحصل شنو و حـ أبيت وين!....إتحركت من جنب البيت و أنا جعانه ، مشيت بقاله اشتريت منها كيك و عصير ماذا و قعدت جنب البقاله مسافه طويله ، الشمس غابت و الضلام بدا يجي شويه شويه ، قلت الليله حـ أمشي وين و حـ أنوم وين ! فجأه سمعت صوت أذان المغرب ! عاينت شمالي لمحت المسجد ، قلت في نفسي ليه الحاجه دي ما خطرت على بالي، المسجد
#بطل_الحكايه30
مها حولي الزاكي
شلت شنطتي حقت اليد و جريت الشنطه التانيه حقت الملابس و بقيت ماره ، أول ما فتحت الباب اتفاجأت بـ واحد واقف قدامي و كان رافع يدو عايز يضغط على الجرس و وراهو عربيه بوكسي فيها أربع ملثمين شايلين أسلحه! قال لي السلام عليكم انتِ مها صح ؟؟ قلت ليهو بإستغراب ايوه! طلع لي بطاقتو الوضحة لي إنو محقق ، و كان جايب معاهو أمر قبض، قال لي حـ تضطري تجي معانا للتحقيق،قلت ليهو ليه في شنو عملت شنو أنا ؟؟
قال لي ماف شي ، تحقيق بسيط ، حـ نسألك كم سؤال كدا و ياريت تكوني متعاونه معانا! بقيت أعاين ليهم بخوف و ما عرفت أتصرف كيف ! عاين لشنطة و قال لي كنتِ ماشه وين ؟؟ سكت ما رديت عليهو قال لي ياريت تتفضلي معانا بدون أي جرجره ، قلت ليهو ما فاهمه عايزين مني شنو انتوا! قال لي يا أستاذه زي ما قلت ليك تحقيق بسيط و لو حابه اتصلي على زوجك كلميهو أو أي زول تاني، طبعاً من قال لي لو حابه اتصلي على زوجك طوالي قلت ليهو ماف داعي حـ أمشي معاكم ، فتح لي الباب القدام و قال لي اتفضلي ، عاينت لـ شنطة و قلت ليهو خليني أشيل شنطتي معاي ، ما قال لي شي بس شال الشنطه و ختاها ورا في صندوق العربيه ، ركبت معاهم و طوالي العربيه إتحركت ، عقلي بقى يودي و يجيب و كنت خايفه شديد و محتاجه زول يقيف معاي بس ما اتصلت على أي زول ولا حـ اتصل في يوم، الطمني شويه انو هم فعلاً عناصر أمن و المعاهم دا ضابط محقق، بس ما كنت عارفه هم عايزين مني شنو ، عايزين يسألوني عن شنو ، قلت يمكن عرفوا إني من ميتم إيمان و عايزين يسألوني عن الميتم! قلت إحتمال يونس عارف انهم حـ يحققوا معاي!بس لو عارف الضابط ما كان حـ يقول لي اتصلي على زوجك! ياربي هم بعرفوا يونس؟ المهم ساقوني و العربيه وقفت جنب مبنى كبير كدا بـ اللون الأزرق ، المهم نزلوني و دخلوني جوه ، شايفه ناس داخله و طالعه و في واحد برضو جوا سايقنوا بعربيه ، المهم المحقق دخلني غرفه فاضيه ، فيها تربيزه و كرسيين مقابلات بعض ، قال لي اتفضلي اقعدي ، قعدت و أنا متردده ، في كباية مويه كان مختوته على التربيزه ، قال لي اشربي ليك مويه و حاولي تتخلصي من توترك دا ، أنا عايز احقق معاك ما عايز أسجنك فـ ماف داعي للخوف دا ، قلت ليهو طيب التحقيق دا حـ يخلصص متين و بخصوص شنو ؟؟قال لي مدة التحقيق بتعتمد على تعاونك معاي و ردك على كل سؤال ، أما التحقيق بخصوص شنو هسي حـ تعرفي ، شلت كباية المويه شلت منها بقه و رجعتها محلها ، قال لي مها نوح ، بت مجهولة الأبوين ، من دار إيمان لرعاية و كفالة الأطفال ، متزوج من يونس عمر الخطاب، معلوماتي دي صح ولا غلط؟
هويت ليهو راسي بمعنى ايوه و أصلاً هو أكيد ما معتمد على جوابي للسؤال دا لأنو عارف الإجابه، قال لي بتعرفي يونس من وين؟قلت ليهو ما بعرفوا جمعتنا الصدف ، قال لي و بعدها حبيتو بعض و عرستو!! عايني نحنا ما في مسلسل عشان تقولي كلامك دا ، قلت ليهو والله دي الحقيقه و انت هسي براك قلت لي متزوجه من يونس ! قال لي ايوه و عايز أعرف هو عرسك ليه ؟؟
قلت ليهو معناها كان مفروض تحقق معاهو هو ما معاي هنا! قال لي شايف خوفك اتبخر و بقيتي تردي طوالي! يمكن منظري يوحي ليك إني انسان هادي و متفهم بس صدقيني أنا عكس كدا تماماً، قلت ليهو لو انت هادي أو لا دي الحقيقه و كلامي ما بعتمد على صفاتك الشخصيه!
عاين لي كدااا بعدها قال لي للمره التانيه يونس اتزوجك ليه؟اتفقتوا على شنو؟ قلت ليهو يعني العرس إلا بإتفاق؟ضروري يكون في شي من وراهو؟ قال لي في حالتكم ايوه في ، قلت ليهو خلاص قول لي الشي دا شنو ؟؟
خلى الموضوع دا و مسك لي في موضوع الميتم و بقى يسألني عن المسؤولين منو، و كيف بتتم كفالة الأطفال و الناس البكبروا و ما بتتم كفالتهم بحصل ليهم شنو و و و .... يعني اسئلتو كانت اسئلة زول عارف البحصل شنو في الميتم! كل التفاصيل دي أنا قلتها قبل كدا لـ يونس لمن سألني الأسئله دي و المحقق دا واضح إنو عارف كل شي طيب تاني عايز مني شنو ! طبعاً ما قلت ليهو إنو بابا حازم ببيع البنات و بستغل الأولاد و الكلام داك كلو لأنو حـ يسأل أنا عرفت من وين و جرجرني ساي و أصلاً هو عارف و أنا حالياً بإعتباري مواطنه مدنيه عاديه قاعدين يحققو معاها ،جاوبت على اسئلتو كلها و قلت ليهو البعرفو و طبعاً ما غالطني في أي معلومه لأنو سلفاً عارفها و متأكد منها، بعدها تااااني رجع لموضوعي أنا و يونس و قال لي ما قادر استوعب إنو في زول بمشي يعرس من ميتم! يونس كيف قدر يمشي و يعرسك و ليه خلى بنات الناس ديل كلهم و مشى يعرسك انتِ؟؟العرس دا تم كيف و منو هم الشهود!
طبعاً كلامو دا ذكرني بالكلام الجارح القالو لي يونس ، طبعاً أصلاً عيوني كانت مليانه دموع فـ لمن معنى كلام المحقق كان مطابق لـ معنى الكلام القالو يونس دموعي جات نازله،قال لي الحاله إني بتكلم معاك بكل هدوء؟ لو كان اتعاملت معاك بأسلوب تاني كنتِ حـ تعملي شنو طيب؟مسحتها و قلت ليهو انت عايز مني شنو؟ جاوبتك على اسئلتك كلها و ما كذبت في أي سؤال
طبعاً هنا هو غضب غضب لدرجة إنو عروق يدينو بقو بارزين و قبض كفة يدينو فـ حسيتو حـ يضربني بنيه، قال لي بتعرفي كم صاحب مطعم انتِ؟ معليش على السؤال الغبي دا ، أكيد ما بتعرفي واحد أو اتنين ، لكن أنا قاصد ليك آخر واحد الكان معاك في المحل، الإتنين اقذر من بعض، هو حيوان و ما راجل لأنو متواصل مع وحده معرسه و لا كمان بجي عشان يشوفها و انتِ اتفهه و أقذر منو لأنك أديتيهو الضوء الأخضر و لمن كان برسل ليك كنتِ عامله نفسك ما عارفه هو منو و انتِ عارفاهو حق المعرفه بس عشان الموضوع عجبك واصلتي فيهو بحجة انك عايزا تعرفي دا منو ! ياخ أنا أكتر حاجه مستفزاني هو استخفافك بي ! يعني حتى لمن قلت ليك أديني تلفونك عايز أحول منو أديتيني ليهو و انتِ متطمنه و أكيد قلتي في نفسك دا مغفل ساي و ما حـ يعرف شي و فعلاً لو ما كان جواي شك ما كنت حـ أعرف شي ، ياخ حتى و انتِ معاي بتتواصلي معاهو!! المحادثه دي كلها بديتيها انتِ ، و انتِ المهدتي ليهو .... طبعاً هو بتكلم و أنا ببكي ، قلت ليهو لو ما كسرت التلفون كنت خليتك تقرا الرسائل من البدايه عشان تفهم ، قال لي ياخ انتِ متخلفه ولا مغفله! لو هو البدا فـ انتِ التميتي البداهو و واصلتي معاهو، و هو لو ما حس إنو عاجبك الموضوع دا ما كان قعد يرسل ليك! هو راجل و مع ذلك كان عندو ذرة خجل شويه من نفسو عشان كدا ما قدر يتواصل معاك برقمو الحقيقي و يقول ليك إنو مجتبى صاحب المطعم فـ حين انك عااارفه إنو دا هو بس بتستهبلي عليهو! ... طبعاً أنا بقيت انصدم و اتفاجأ في كل مره هو يقول فيها حاجه !كيف يعني صاحب الرقم الغريب هو مجتبى !!... واصل كلامو و قال لي في اليوم داك ، لو ما انتِ نسيتي إنو في كاميرا مركبه في عبايتك ما كنت حـ أشوف المحادثه و أشك فيك ... انتِ عارفه حتى لمن كنت براجع في اللقطات الكاميرا تبع إجتماع داك و لمحت محادثك معاهو ما استعجلت ، حاولت اكذب نفسي و أمنعها من الشك فيك ، صدقي إني حتى مواجهه ما كنت قادر أواجهك و خجلان أجي اسألك سؤال زي دا و يطلع في سوء تفاهم و أكون اسأت الظن فيك ساي بس لمن شلت منك تلفونك و دخلت الواتس و قريت المحادثه للأسف شكي كان في محلو !!
طبعاً أنا الكلام غلبني و بقيت أحاول افهم هو قاصد كاميرات شنو و لقطات شنو لحد ما اتذكرت اليوم الكان داك الكان فيهو لمه أو اجتماع مع ناس ست الدار و يونس كان مركب لي كاميرا ومايكرفون ، الكاميرا كانت في مكان زراير العبايه ، بتذكر لمن طلعت من اللمه و ركبت معاهو في العربيه و دخلت الواتس لقيت رسائل من صاحب الرقم الغريب و اليوم داك أنا كتبت ليهو :" ما ناوي تقول لي انت منو ؟؟... ماف مشكله أنا عرفتك ، طمني عنك انت كيفك ؟؟" و من هنا بدت الرسائل و هو كان متأكد إني ما عرفتو و فاهم إنو رسائلي دي محاوله مني عشان اعرف هو منو، ... قال لي انتِ عارفه كل مره كنت براجع لقطات الكاميرا دي بس ما حصل شفتها للنهايه عشان عارف إنو ماف حدث مهم بعد ما طلعتي من اللمه و اليوم الفكرت فيهو اقص اللقطات دي اشيل المهم و احذف الباقي عرفت حقيقتك و التافهه البتعملي فيها!... ما عارف ليه أنا بصرف معاك عربي كتير! يعني وحده زيك حـ أتوقع منها شنو! على الأقل لو كنتِ بت ناس و عايشه في اسره كنت فهمتي يعني شنو زواج و عرفتي كيف الوحده بتحافظ على بيتها و تصون نفسها و تقيم علاقاتها ، أخيراً فهمت و عرفت الفرق شنو بين بت الناس و بت ساي ، بين البت الإتربت في بيت و بين الإتربت في ميتم ☺️
طبعاً كلامو دا حسيتو زي السكاكين الإتغزت جوه قلبي !هو الوحيد الما اتخيلت إنو يجي يوم و يعايرني بالحاجه دي ! حسيت نفسي زي الكأني انضربت كف و ياريتو ضربني كف و شبعني كفوف بدل ما يقول لي كلام زي دا ! حسيت الدنيا لافه بي ، حتى دموعي وقفت و عقلي ذاتو وقف عن التفكير!!.... قال القالو و طلع خلاني واقفه و أنا ما عارفه اعمل شنو و ألوم منو!!
ما قادره أنكر اني غلطانه و في نفس الوقت ما قادره أقول إني استاهل الكلام القالو لي دا ، ليهو حق يزعل و ليهو حق يعصب و يتجاهلني، كنت حـ أقبل منو اي ردة فعل و أي كلام إلا إنو يعايرني بحاجه زي دي ، لو كان قال لي أي شي غير كلامو دا كنت حـ أستحمل لأنو أنا غلطانه و أغلاطي بقت كتيره ، بس عمري ما حـ أرضى اتعاير بحاجه زي دي ، لو زول غيرو معليش بس هو بالذات كلامو جرحني و مستحيل بعد الإنقال دا الوضع يرجع احسن ، هو من ناحيتو كرهني و ما حـ يقدر يثق فيني تاني و أنا ما ناحيتي ما عندي حاجه تانيه أقولها ليهو خاصة بعد القالو، طوالي اتذكرت لمن كان حكى لي قصة صحبو و قال إنو مرتو بتخونو و هو كان قاصدني أنا!!
قعد في الغرفه حكايه بتاعة ساعه كدا بعدها طلعت الهول و أنا عيوني حمر من شدة البكى ، مصطفى قال لي مالك؟ قلت ليهو مصدعه بس، قال لي عمو يونس شاكلك؟ ما رديت عليهو،قلت ليهو انت مش قلت عايز تمشي لـ منار ؟؟قال لي آيي قلت ليهو حـ اكلمها تجي تسوقك، طبعاً من الغرفه و طلع على طول، المهم رجعت الغرفه و طلعت شرايحي من تلفوني الكسرو يونس ، دخلتهم
خليناهو ،بقيت أدخل من غرفه لـ غرفه لحد ما وصلت الغرفه الرابعه ، حاولت أفتحها بس ما فتحت شكلها مقفوله بمفتاح ! خليتها و مشيت دخلت المطبخ و بقيت أشوف فيهو و اتذكر الشهور القضيناها في البيت دا ، بعد شويه سمعت صوت حركه ، عرفت إنو دا يونس ... طلعت من المطبخ و اتوقعت ألقاهو في الهول بس لمن جيت طالعه لمحتو دخل الغرفه المقفوله و قفل الباب!!....لمن وصلت باب الغرفه بقيت سامعه أصوات غريبه و همهمات! صراحة استغربت و بقيت اسأل نفسي في شنو هنا !!... حركة مقبض الباب و أنا قلبي شغال دق دق و أول ما فتحتو عيني وقعت على واحد مربوط و واقع على الأرض و دمو مالي الأرض و واحد تاني برضو مربوط و قاعد على الأرض ، حتى خشومهم مربوطه ! برضو مربوط و واقف على حيلو و يونس ماسكو بيد و موجه عليهو سلاح باليد التانيه! طبعاً قلعت عيوني و بقيت حاسه نفسي بحلم و فجأه الزول التالت جا واقع على الأرض و الدم بقى يطلع من راسو ، ما قدرت استوعب الحصل و ما قدرت أكتم صرختي فأول ما صرخت و وقعت شنطتي و تلفوني يونس إتلفت علي ! بقيت أعاين بصدمه مره ليهو هو و مره للإتنين الواقعين قدامي و هم ميتين !! يونس هو الكتلهم ، بقيت خاته يدي على قلبي و اليد التانيه على خشمي و أنا بقول دا شنوو !! دا شنو دا و طبعاً قلبي حسيتو حـ يجي طالع ، طوالي طلعت و بقيت جاريه على باب الشارع و أول ما وصلتو و كنت حـ أفتحو يونس لحقني و لز الباب بـ يدو و قال لي بنهره الجابك هنا شنو !
طبعاً ما قدرت أنطق حرف ، لأني كنت مصدومه و لأني كنت خايفه منو و صورتو و هو بكتل الراجل ما فارقت مخيلتي ، بقيت أعاين ليهو بخوف ، مره ليهو هو و مره للمسدس الفي يدو ، دخل المسدس ، و مد لي شنطتي و قال لي حـ أوصلك البيت و أنسي الشفتيهو و ما تجيبي سيره لأي زول ، كان بعاين لي بنظرات مليانه غضب ! حسيت نفسي ما بعرفو ! و للحظات حسيت إنو حـ يوجه سلاحو علي و يكتلني زي ما كتل الإتنين الجوا لو ما سمعت كلامو ، شلت منو الشنطه و أنا يدي بترجف من الخوف ، فتح الباب و طلع قدامي و فتح لي باب العربيه ، ركبت عن سكات و أنا عيني على المسدس الفي جيبو ، قال لي إياك تتحركي من هنا ، رجع دخل جوه و جا طالع بعد مسافه ، قفل باب الشارع و ركب و دور العربيه ، قال لي بزهج الجابك هنا شنو ؟؟
ما رديت عليهو ، قال لي بنهره بتكلم معاك بتعملي شنو هنا ؟بقيت اتمتم ليهو في الكلام ، قلت ليهو جيت اتكلم معاك ، قال لي تتكلمي معاي شنو ! طاير أنا مش حـ أجي راجع البيت !... طبعاً طوااالي بقيت أبكي و هو بعدها سكت ، لحد ما وصلني البيت أنا لسه ببكي و هو ما حاول إنو يواسيني ، لمن وقف العربيه جنب الباب ، قبل ما أنزل قال لي بعدين لمن أرجع حـ نتكلم في الموضوع ، ما قلت ليهو حاجه ، نزلت و دخلت جوه و قفلت الباب ، بقيت اتذكر في الشفتو و أنا ببكي ، ايوه عارفه إنو طبيعة شغلو كدا و استحاله ما يكون كتل زول قبل كدا بس نهاي ما حصل الحاجه دي خطرت على بالي و ما اتوقعت يوم اشوفو رافع مسدسو و بكتل زول!!
طبعاً بقيت متوتره و الشفتو ما ناوي يفارق مخيلتي ، مصطفى لمن جا قال لي أنا عايز أمشي لمنار ،كنت سامعاهو بس ما قادره اركز معاهو ، قال لي وديني ليها ، داير أمشي أقعد معاها ، لمن بقى ينق لي كتير أديتو تلفوني و قلت ليهو اتصل عليها و فعلاً اتصل عليها و بقى يتكلم معاها ، المساء صليت العشاء و جيت قعدت مع مصطفى قدام الشاشه ، شويه كدا سمعنا صوت الجرس ، جرى مصطفى و فتح الباب لـ يونس و كان بتكلم و بهظر مع بونس لحد ما جوا داخلين ، أنا أول ما شفتو اتذكرت الحصل قبيل ، يونس جا قعد معانا في الهول و شايفاهو بطرف عيني بعاين لي ، بعد شويه وقف على حيلو و مشى على غرفتنا ، لمن وصل بابها قال لي تعالي عايز اتكلم معاك ، لمن مشيت ليهو قال لي عارفك خايفه بسبب الشفتيهو قبيل ، انتِ أصلاً ما كان تجي من دون ما تكلميني ! المهم ما علينا الحصل كان لازم يحصل و انتِ حاولي تنسي الشفتيهو و ياريت ما تجيبي سيره لزول ☺️
طبعاً كان بتكلم معاي كأنو ما بعرفني و جملة ما تجيبي سيره لزول دي كررها لي مرتين كأني قاعده اونس زول بشغلو أو احكي للناس عن تفاصيل حياتنا !!... اتوقعتو حـ يعتذر و الحصل دا يخليهو يلين و يحن علي شويه بس كان قاسي شديد و أنا بالجد زهجت و قرفت ، قلت ليهو يونس عملت شنو أنا ؟؟
قال لي نعم ؟؟
قلت ليهو ليه بتتعامل معاي بالقساوه دي ! لسه محسسني إني عملت شي تاني خلاك تضايق مني .. قربت منو و مسكت يدينو الإتنين و قلت ليهو ما عندي مانع كل يوم اعتذر منك و أحاول أراضيك لحد ما زعلك يروح و تسامحني بس انت كمان قولي لي غلطت في شنو أنا ؟؟ عملت ليك شنو ؟؟ حاساك متضايق مني في شي تاني غير موضوع الحمل ، يونس الله يرضى عليك لو في شي قول لي بدل ما تعاملني بالأسلوب دا و أنا ما فاهمه شي !! كل يوم بسأل نفسي و بحاول اتذكر أنا عملت شنو ، غلطت في شنو !!...
دقيقه واحده بس ! دا أي شغل الما بخليهو يطلعها من المستشفى و يرجعها البيت ! ياخ ما معقوله معاهو عدم الإحساس دا!!
قالت ليهو النصيحه هنا يونس غلطان ، و بعدين دي إرادة ربنا و الحمدلله هي كويسه و ما جاتها عوجه و بكرا يملوا البيت أطفال ! صراحة ما اتوقعت تصرف طفولي زي دا من يونس ! الحاله إنو أعقل واحد!
المهم حلا قعدت معاي لحد ما بعد المغرب ، يونس جا داخل الساعه 7 !! طبعاً سامعه حلا اتكلمت معاهو و قالت ليهو كدا ما صح منك و لو في أي خلاف بيناتكم أو انت زعلان منها في شي هسي دا ما وقت زعل ، راعي للحاله الهي فيها ، بعد تبقى كويسه لو لسه في أي زعل ممكن تقعد معاها و تتناقشوا ، بعدها هو مشى وصلها بيتها ، لمن جا راجع لقاني في الهول ، ما قال لي أي شي حتى سلام ما سلم علي ان شاء الله بخشمو ! اتوقعت إنو بعد نقاش أخوهو معاهو و كلام حلا القالتو ليهو قبل ما يمشي يوصلها حـ يأثر فيهو و يخليهو يتعامل معاي بس لا حياة لمن تنادي!!
دخل الغرفه جوه فـ طوالي مشيت لحقتو ، كان واقف جنب الدولاب ، قلت ليهو يونس ، ما إتلفت علي ، مشيت وقفت جنبو و أنا بعاين ليهو و هو بفتش على حاجه أو كان بمثل إنو بفتش على حاجه ، أو ما إتلفت علي عشان يطلع من الغرفه مسكتو من يدو و ختيت راسي على صدرو و قلت ليهو اقسم بالله كنت حـ أقول ليك يا يونس بس قلت انتظر شويه بعد ما نخلص من موضوع نمارق ، لأنك لو كان عرفت بموضوع الحمل ما كنت حـ تخليني أكمل البديتو ، طبعاً بتكلم معاهو و أنا ببكي ، زحاني منو و قال لي ياريتك قلتي ليك سبب تاني منطقي أكتر ، ياريتك سكتي و ما بررتي أصلاً ! دي شنو السخافه و البياخه الإنتِ فيها دي ! كيف يعني ما تكلميني بحاجه زي دي لسبب ما منطقي و حاجه انتِ ماليك علاقه فيها ! ياخ مالك و مال نمارق و مال شغلي! حاشره نفسك ليه في حاجه ما بتخصك ! ...عارفه الغلط غلطي أنا لأني اتسايرت معاك و خليتك تعملي الفي راسك ، كان مفروض احسمك من البدايه عشان تبطلي الفارغه و السخافه البتعملي فيها دي ، عذرك أقبح من ذنبك!! قال منتظره نخلص من موضوع نمارق و بعدين تكلميني! هسي بينك و بين نفسك مقتنعه بالمبرر القلتيهو لي دا؟ دا سبب عليك الله؟
ياخ ياريتك سكتي و ما قلتي شي ،لمن تكوني ما قادره تقولي السبب الحقيقي ياريت ما تألفي اسباب بايخه من عندك !... رجعت تاني مسكتو من يدو و قلت ليهو يونس والله العظيم أنا كنت حـ اكلمك ، أول ما عرفت اتصلت عليك بس انت قلت لي مشغول ، انتظرتك لحد ما جيت البيت و جيت ليك عشان أكلمك بس برضو قلت لي مشغول و ما أديتني فرصه اتكلم معاك ، فـ قلت أخليك بعد تخلص شغلي و أكلمك ، قال لي بنهره بطلي كذب! ياخ حـ أجي معاك و اعمل نفسي مصدقك ، إذا ما كلمتيني عشان أنا مشغول و ما فاضي اسمعك ليه ما منعتي نفسك تمشي هناك ؟؟ ليه و انتِ عارفه نفسك حامل مشيتي البيت داك ! مش أن كل مره بقول ليك ما معروف البحصل شنو و الواحد لازم يعمل حسابو ! انتِ عارفه نفسك حامل و عارفه إنو ممكن تحصل أي حاجه تحت أي لحظه فـ ليه مشيتي؟؟
قلت ليهو عشان دا كان آخر إجتماع ، قال لي بنبره عاليه و انتِ دخلك شنو أول أو آخر اجتماع ديل ما أهم من صحة الجنين !قلت ليهو يونس طيب أنا آسفه والله ما قصدي ... قال لي آسفه ؟؟ ما أي حاجه بتتصلح بإعتذار و كلمة آسفه ، قلت ليهو طيب اعمل شنو ، أنا غلطت و عرفت غلطي ، لو عايز اصرخ علي ، و فش كل زعلك و غضبك و غبينتك فيني و لو عايز أضربني عشان قلبك يرتاح ، قال لي ياريت لو بقدر أرفع يدي عليك بس صدقيني لو ضربتك كف حـ تكون إهانه لي أنا ما ليك انتِ و صدقيني شدة ما قرفان منك ما قادر أعاين ليك و حاسي نفسي مخنوق و أنا واقف جنبك!
لمن قال لي كدا فكيت يدو و بقيت أعاين ليهو بإستغراب كدا! طوالي اتحرك من جنبي ، لمن وصل الباب قلت ليهو انت أصلاً عايز ليك سبله ، آخر فتره بقيت تتبايخ معاي و متجاهلني و اليوم ما صدقت لقيت ليك فرصه !...إتلفت علي و قال لي ما معقوله معاك ! بعد دا كلو و ما شايفه نفسك غلطانه ؟ قلت ليهو غلطانه ، كان مفروض أكلمك ، ما كان مفروض أشوف الموضوع من وجهة نظري و أكون انانيه و اسكت و ما اجيب ليك سيرة بحجة موضوع نمارق ، لو كنت عارفه إنو النتيجه حتكون كدا صدقني من البيت ما كنت حـ أطلع ، أنا غلطانه يا يونس و جيت اعتذرت منك ، شوف نفسك بتقول في شنو! جاني قريب و قال لي ما عندي أخلاق للدراما دي كلها ، حركاتك دي أنا كاشفها ، و على فكره أنا عارف ليه انتِ ما كلمتيني ، عارف ليه فضلتي السكوت يا خاينه ☺️
قال لي كدا و طلع خلاني و أنا عقلي يضرب أخماس في أسداس! كلمة خاينه دي دخلت لي جوه قلبي ! ليه قال عني كدا ؟؟ ليه كلامو كان تلميح ! زي الزول القاصد حاجه معينه بس ما قادر يقولها ! عملت شنو أنا تاني!!