14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
اخدت المترو وانا قريبة من الدار إتصلت على مادلين..
ما ردت علي ،كررت المكالمة برضو ما ردت
رسلت ليها رسالة"صباح النور مادلين،انا في طريقي للدار الان ،هل هناك صحافة او شيء من هذا القبيل؟
عاودي الإتصال بي"
إنتظرتها لدقايق ما رجعت،وصلت الدار ،بوابته الرئيسية وبوابة قسم الموظفين كانت فاضية
ما فاضية من الصحافة بس كانت فاضية من اي شي
باركن العربات الخارجي كان فاضي
م كان في اثر حتى لوجود موظفين الأمن..
للحظة خفت وبقيت بتلفت
البوابات الرئيسية مقفلة
ماف وجود لعربات الخدمات حتى
للحظة حسيت إنه الدم بقى ما جاري في عروقي..
في شنو؟ما كنت فاهمة شي وم قادرة افكر
رجعت إتصلت على مادلين برضو ما ردت
وانا بحاول اتصل على سياف رجعت إتصلت علي..
مرحباً سيدة شهد كيف حالك؟
مادلين اين انتِ؟
ماذا تعنين بأين انتِ؟
مادلين انا امام الدار ولا ارى وجود لأاي عامل،هل انتم في إجازة ام ماذا ؟
اوووه...إنتظري لحظة انتِ بالدار؟
اجل
لا علم لديك بما جرى الأيام الفائته إذاً
لا افهم ما الذي جرى ولا علم لي به؟
لقد تم فصلي انا وعائلتي من ذلك المكان ،على الأرجح تم فصل جميع جميع العاملين هناك ايضاً
ماذا؟ما الذي تقولينه مادلين؟متى ؟ولم لم تقومي بإخباري بهذا الأمر؟
انا اسفة سيدتي ،لقد كنتِ مريضة ولم أرد ان اتسبب في مضايقتك بعد كل ما مررت به الفترة السابقة..
كان عليك إخباري مادلين،من قام بهذا الأمر ولم؟
لا أعلم لِم،ولكن تلك المحامية الشقراء،كانت قد ترأست مجلس إدارة الدار فترة غيابك لا اعلم بأي صفة إستحقته،لم احاول اخبارك بالأمر حتى لا تسؤ حالتك
جوليا؟ بإنفعال قلت ليها: اين المسنين؟
لا فكرة لدي سيدتي ولكن المؤكد انه تم فصل الجميع لا ادري لم
حسناً ،فهمت الأمر
هل ما زلتي هناك؟انا قادمة إليك
لا مادلين لا حاجة لذلك ابقي مكانك
هل انتِ بخير؟
سأكون بخير
متأكدة سيدتي؟
اجل متأكدة
عاينت حوالي الدار هاديء
حتى النوافذ ماف اثر لوجود شباك مفتوح على غير العادة..
إتذكرت النفق او المخرج الباركن بتاع العربات السري بالإتجاه الخلفي للدار ودة اخد مني 5دقايق عشان اصله لأنه كان بالشارع الخلفي للمبنى والطريق طويل،لما وصلت إتفاجأت بإنه المخرج مغلق بسياج حديدي مع شبك
إتصلت في رقم الHR للتوضيح لقيته مغلق
رجعت إتصلت على رقم المدير المالي لما رد بعد ما سلمت عليه سألته :كنت اتسائل لم الدار مغلق والموظفين مفصولين؟
بعد ما حدث مؤخراً طالب مالك المبنى الحقيقي بإخلاءه لذا تم توزيع المسنين على دور إيواء مختلفة وفصل الموظفين وإغلاقه ،لقد تم إرسال رسالة تنبيهية لجميع العاملين في الإيميل الخاص بهم ظننتك تعلمين!
التبرير ما مقنع بالنسبة لي ،معقول بالسرعة دي يتم الإخلاء؟
بنفس عاجزة قعدت في الطريق العام وانا بتكلم مع نفسي
إحساس الفشل دة مميت
فشلت في حماية الناس دي ودة كان هدفي الوحيد من كل المحاولات دي،تعبت من المحاولة والسقطات المتكررة
يمكن دي النهاية فعلاً
يمكن كلام سياف صح وانا بخلق المعاناة لنفسي
م اي حاجة لازم نوصل حدها ،احياناً الإستسلام ممكن يكون حل برضو
الحربية وبقيتو ضابط إنت كنت عايز شنو؟
وم بتتعلم من اخطاءك مسكت اختو ودبستها في اخوك
اختو دي ما كانت إقتراحك؟ما بعضمة لسانك قلتِ لي البت دي احسن إختيار وقعدتي تعددي لي في مزاياها يا كوثر؟
وتاني حسبتها و قلت ليك لأ يا عثمان ،البت دي انا دكتورتها ومحللة شخصيتها وعندي كل تفاصيلها وضحت ليك النقطة دي وجبت ليك إقتراح لكم بت من عندي ووضحت ليك إنهم ما بفرقو عن شهد في شي وحتى إنت بذات نفسك إخترت واحدة لكن بقولو التسوي بإيدك بغلب اجاويدك
هسي الحصل الحصل ما تكتري وترغي فينا كتير
سمح سكتة،اها قلت شنو في موضوع الشركة العقارية ل حسام ما إتناقشت معاه؟
هو لسة مُصر عليها؟
إنت شغال وبتعمل دة كلو عشان منو يا عثمان؟ما عشان اولادك؟مش عشان اولادنا ومستقبلهم؟
ما تبخل عليه وادعمة يعمل العايزو،هو الفكرة عندو والحمدلله مخو نضيف
انا ما ضدو ،لكن انا دايرو يمشي بريطانيا ،صحبي حاج سعيد دة طرح لي فكرة إنه داير يناسبنا وم داير واحد من اولاده يطلع برة مننا ،يعني كان م شال مننا البت يشيل الولد ،وانا شايف حسام احق بنسبه
احسن ليلى هي التمشي بريطانيا لأنها دكتورة ومن هناك تحضر وتتخصص في المجال العايزاه ودي فرصة ولا شنو؟ وحسام دة يفتح شركته العقارية دي و فيما بعد يعمل العايزو..
كدة نشوف البحصل شنو
...................................
USA/ San Francisco
رفيدة صاحية؟
شهد!ايوا صاحية
عايزة أتصل عليك..
إتصلت عليها وانا ببكي..
شهد،كويسة إنتِ؟في شنو مالك بتبكي؟
اخدت وقت وانا ببكي
شهد في شنو فهميني ،في زول حاصلة عليه حاجة؟
عمي عبدالله وعمتو كويسين؟
في شنو يا شهد الله يرضى عليك ما تقطعي قلبي
ماف شي يا رفيدة روقي، بس متضايقة وتعبانة شوية دة كل الموضوع..
إتنهدت وقالت لي جسمي بقى يرجف من الخوف،قلت عمو عبدالله حاصل عليه شي..
،من شنو متضايقة بس احكي لي؟
شهد ؟
من حالنا البقينا عليه دة،امجد في السجن،وابوي وعمتو في تركيا ومع منو؟شهاب ومرته براهم،عارفة عمتو مسالمة شديد وشهاب ومرته م بتأمن ليهم وانا هنا وإنتِ هناك براك وشادي وجوطته البكون عاملها ليكم
نحن عملنا شنو في الدنيا دي عشان نعيش دة كله؟
حالنا دة م بزعل؟م بضايق؟قلبي واجعني
احياناً بقول إنه ممكن نكون ظلمنا زول او اكلنا حق زول وإتحسبن علينا لدرجه إنه حقه رجع فينا بالطريقة دي؟او في شنو بالضبط؟
ليه حياتنا دي كدة؟
الحمدلله بس يا شهد،وحسبي الله ونعم الوكيل،ما تفكري كدة،إبتلاءات واجر صبركم عليها عظيم ،بعدين انا موجودة هنا يا شهد مشيت وين وقصرت في شنو؟
امجد قال لي إتكلم معاك صح؟
ايوا إتكلمت معاه الأيام الفاتت دي
إن شاء الله خير يا شهد،في صحبو ضابط إتكلم معي برضو وقال لي م تخافو عليه في حاجة كدة بتتعمل بتخفف ليه الحكم ما عارفاها شنو غايتو قال لي ممكن يتخفف لسنتين بس وقال لي إنهم م حيقصرو منه
رفيدة هو يتحكم وهو بريء ليه اصلاً؟
امجد ما عمل شي غلط عشان يتحكم
دة بالنسبة لي وليك يا شهد للأسف
إتنهدت وانا ساكتة..
احكي لي المضايقك شنو غير موضوع امجد؟
متضايقة بس ماف شي محدد..
ما تكونو رجعتو إختلفتو مع عمار؟
ما تجيبي لي سيرتو ابداً
معناها فعلاً الموضوع ليه علاقة بعمار ،مالكم في شنو كمان تاني مش كنتو ماشين كويس والحمدلله ربنا هدأ سركم وأموركم ماشة تمام؟
ابداً
شنو شنو شنو؟كيف يعني ابداً؟
سكتت
شهد ما تسكتي احكي لي ما تجننيني بالليل دة،في شنو ؟
حاحكي ليك بس خلي الموضوع دة بينا تمام؟حلفتك بالله
طول عمرنا مواضيعنا بينا ي شهد إلا احلف؟
كنت مترددة احكي ولا لأ
انا منتظراك ؟
إتنهدت وقلت ليها:رفيدة انااااا...انا في حياتي في واحد
الليله،واحد كيف يعني؟
سكتت ما كملت
معليش إنفعلت بس،كملي سامعاك
إتعرفت عليه قبل فترة بحكم ظروف الشغل وكدة،هو وقف جنبي وساعدني وسندني في مواقف لا تحصى ولا تُعد بالذات في البلد المقطوعية دي كنت براي شديد وهو شهم عمري م إحتجته وم لقيته جنبي،وكدة العلاقة بينا إتطورت وهسي ما عارفة روحي انا إتعلقته بيهو وحبيت الطريقة البعاملني بيها ولا حبيتو هو، يا رفيدة إتعلقته بيه شديد شديد وهو كمان ببادلني نفس الشي،بس بسبب مواقف كتيرة بينا انا كنت سبب فيها هو هسي خلاني وقرر إنه م قادر يواصل وهو عنده حق لأنه عمل كل البقدر عليه واكتر وبدل الفرصة ادى نفسه معي اكتر من فرصة وانا دايماً كنت الجانب السيء في القصة لأني ما قادرة اثق في زول رغم إني ما بحس بالطمأنينه والراحة إلا وانا معاه بس حتى انا بتصدم من تصرفاتي معاه بعد م كل شي يكون ماشي تمام ،انا م عارفة اعمل شنو جد تايهه وضايعة،هو م عايز يسمعني،م عايز يديني فرصة قال نوقف وخلاص،قرر يبعد وبس وانا حاسة بنفسي مخنوقة ..
وائل انا عارفك راجل كلس وم بتقصر بس صدقني ماف شي والموضوع إنتهى وكويس إنه جيت لأني كنت زهجان
بالنسبة لموضوعك إنت ويوسف
كدة حتزهجني اكتر يا وائل لو حتفتحه وانا حقيقي يا داب بقول يا هادي بعد ايام صعبة وعصيبة مرت علينا،خصوصاً إنه شهد كانت في المستشفى زي م حكيت ليك،لو قفلتو يكون احسن
طيب حاضر،خلينا نلعب،غير نبرته ممازح لي ب "بقيت ما لعاب زي زمان يا مان مالك العرس غيرك ولياقتك بقت ما عاجباني"
ضحكت وانا بقول ليه طيب خلينا نشوف هههه
عدى الوقت ونحن بنلعب،قريب للفجر دخلنا البيت ودخلته غرفة الضيافة ،ما كان ينفع انوم في الصالة وهو موجود ف دخلت غرفة النوم..
...............
نمت وانا بتذكر تفاصيل المحكمة..
وبتذكر نظرة سياف لعمار وهو بقول ليه "لدينا مقولة تقولة:لا يعاير المرء بإضطراباته النفسية
كان كأنه بخاطبة هو
تفاصيل المحكمة على كلام سياف لي طول الليل كان قاعد في قلبي زي الصخرة
جاتني صحية حسيت بوجوده جنبي،إستغربت وجوده بس بعدين قربت عليه،هو كان مديني ضهره ومخلي مسافة ما بينا ،قربت عليه بتردد وختيت راسي في ضهره ومسكت في فنيلته
"انا مكاني هنا جنبك" قلت الجملة دي بصوت خافض
الصباح صحيت على حركته ف لقيته بلبس
صباح الخير
صباح النور، وائل دة جا امبارح بالليل وحيرجع شوية كدة
ما كلمتني ليه امبارح لما جا؟
لأنه كنتِ نايمة،كان بتكلم معي بدون م يعاين لي
طلعت جهزت ليهم الفطور والشاي وانا طالعة من المطبخ لقيت وائل في غرفة المعيشة..
سلم علي وقال لي سياف قال شوية عيانة و كنتِ في المستشفى و كل م اتصل عليه هو بكون برة كيفك هسي كويسة ؟أجر وعافية إن شاء الله
الحمدلله بخير إنت كيفك وكيف امور الشغل عندكم ماشة؟
الحمدلله فقدتكم بس وجيت اتطمن عليكم
نحن بخير يا وائل والله
قعدنا فطرنا مع بعض،ووائل بطبيعته فيه خفة الدم ،ف القعدة بوجودو كانت لطيفة
قلت ليه عاين دي م حنحسبها زيارة لأنك جيت بالليل وماشي الصباح،دي شنو امور الراجل المرتو هارشاه وبرجع من قعدة اصحابو من المغرب دة؟
الكلام دة مفروض تقوليه لسياف ، اسأليهو نحن زمان كنا نايمين وقايمين مع بعض ومن كتر الفضاوة كنا بنختار نسافر دولة إجازة 24ساعة وبنرجع اليوم التاني لكن هسي هم كبرو وبقو ناس مسؤوليات وبيوت وقطعو راسنا نحن العزابة ديل
الله يعرس ليك البتبقيك زول مسؤوليات
قربت دعواتك بس
سياف ضحك وقال ليه وائل وعرس ومسؤوليات؟ياها احلام العصر البقولوها
ضحك وقال ليه شنو يا حبيب أستر اخوك قدام مرتك ما تشوه صورتي
إنتهت القعدة بتوديع وائل بعد م حسن من نفسيتي شويه بلطافته رغم التوتر البيني وبين سياف بس ما صداني في كلمة ولا إتجنبني او إتجاوزني ولا حتى رمى كلمة كدة ولا كدة ممكن تجرحني بالعكس كان متفاعل مع كل البقوله حتى في ملامح وشه..
......................
ونحن في طريقنا للمطار كان كلامي لوائل كله تحذير
وائل ما اوصيك،لو يوسف ما عرف بالموضوع دة حاول ما تجيب سيرة الموضوع ابداً لزول ول يوسف بالتحديد خليه بينا
من غير ما تطلب ،اصلاً عارفني الفترة الأخيرة بقيت م كتير بتفق مع يوسف عشان اقعد معاه
إنتو لسة؟
ادعي الله ينهي الشغل البينا دة على خير بس
حاول كبر عقلك يوسف شوية..
لا ما شوية،يوسف يا تمشي على رايه وتشوف اي شي بعيونو او يلغيك من حياته،هو دايماً صح، ما بشوف إنه حياته دي ملكه وحياة الناس المحيطة بيه كمان شايفها كدة وتتناقش معاه يقول ليك انا خايف عليك،ما عندو حاجة إسمها إحترام خيارات الأخرين
ياخ اي سودانية إرتبطته بيها في امريكا دي شنفها لي،يقول ليك جيب ليك مرة من السودان ،ياخ انا فاهم إنه علاقته مع الاء عامله ليه مشكله حياتية لكن ياخ انا ما داير مرة من السودان ما حُر؟معقولة نكون عايشين في امريكا ونكون لسة في تطفل بعض السودانين على حياتنا الشخصية وقراراتنا ونحن اصلاً طلعنا من السودان عشان نتخلص من الحاجة دي؟
ما تنسى يوسف زي اخونا الكبير
ما هو الأخو الكبير دة ما دايماً صح لكن يا سياف،الحياة دي ما كتالوج نمشي فيها على كيف اي زول بناءً على تجربته هو ونختها مقياس للطريق الحنمشي فيه
وقفت في كلامه دة ورجعت بذاكرتي كم سنة ورا وسكت لدقايق وهو لسة كان بتكلم بإنفعال وإستياء
وصلنا المطار وقبل ينزل قلت ليه:زي م قلت ليك حاول اهدأ وإتجاوز ،وفي كل الأحوال اعمل الإنت شايفو صح ما تخلي زول يقرر عنك شي ،الإنت شايفو مناسب ومقتنع بيه اعملو والأهم إنك تكون على إستعداد تتحمل نتايجة بدون ندم او جلد ذات
اصلاً دة البعملو دايماً وحأعملو هسي،بالمناسبة انا نسيت اقول ليك إنه اجلنا الإفتتاح شهر،لو قررت تجي أديني خبر
لما توصل طمني عليك
سياف ما تتجاهل كلامي،حأكون مبسوط لو جيت،لو م عشان يوسف على الأقل عشانا انا وعدي،دة اول مشروع كامل نمسكه ونشرف عليه برانا
إن شاء الله، اصلاً واثق إنكم قدرها
بقعد فترة من الزمن عشان اتذكر تفاصيل وشو لأنه كنا بنخاف نعاين ليه..
كان لما يجي داخل علينا البيت كله بتضاير وبسكت
كان مُصعب على نفسه الحياة شديد وعلينا،اخواني حتى بعد ما بقو رجال بي زوجاتهم واولادهم بضربهم
واكتر إنسان عانى من صفة القسوة دي كانت امي..
ما بتلقى إنسان قاسي وم بتلذذ بإهانة الحوالية
ف كان لأمي النصيب الأعظم بإعتبارها الزوجة الكبيرة
كان بتزوج كتير وبطلق اكتر وبحملها هي عبء نتايج زواجاته المتمثلة في الأطفال..ما عنده مرة بترجع بيت اهلها بطفل
كان كل ما يطلق مره يقلع منها الأطفال ويجيبهم لأمي تربيهم..
لقلة حيلتها كانت مجبورة تتعايش مع اي وضع
لأنه ببساطة في كل الأحوال هي بت عمه
واعمامه كلهم عقليتهم بنفس عقلية ابوي دي وهو في الأساس قايم وماخدها منهم زي الحاجة المتوارثة
لو مشت زعلانة او شاكية منه حترجع يدها مكسورة او رجلها..
المرة عندنا هناك زي الواطة دي واحد ،وبيتها دة ياهو قبرها..
وكان إتطلقت ياهو العيب منها
رغم كل شيء النسوان عندنا بتنافسو في تمجيد ازواجهم،ودة الكنت بشوفو في امي ،بعد كل مرة ابوي يجي داخل فيها شايل طفل او طفلين في يده..
بعد كل مرة يضربها فيها بالعكاز او يشوتها بالكانون القاعدة قصاده
بعد كل مرة ينهرها فيها قدام الناس او يجدعها بالمركوب حقه
والمواقف بتطول
الحاجة دي ما كانت واقفة على امي بس لأ
زوجاته الباقين،زوجات اعمامي كان عندهم نصيب فيها،اولاد اعمامي مع زوجاتهم،اخواني مع زوجاتهم..الخ
كل الزوجات في الحلة ديك دي كانت طبيعة تعامل ازواجهم معاهم
عمي دة كان في طبعه وتعاملاته غير سواء مع اخواته او زوجات اخوانه او بناتهم،علاقاته معاهم بيسودها الإحترام مع اللطف واللين،حتى في إختيار مفرداته في طلب اي شيء ولو كباية شاي كان في مقدمتها جملة ممكن؟
ف عمي دة في المجالس كان بتوصف بالمشوه او الني" وم كان محبب كتير بالنسبة ليهم ولا كانت مسموعة ليه كلمة او بتقدم ليه الإحترام حتى من الشباب الصغار ،لأنه الفراسة والرجولة حسب مفاهيمنا ف الحله هو بعمل عكسها
كان محب للحياة الكريمة مع العطاء
وتفسيره للعطاء إنك تكون كريم في عطاءك ما للمال بس لأ للإحترام ،للتقدير،للمحبة...الخ
دخلت المدرسة رغبة وهو كان اول الداعمين لدخولي المدرسة ،وانا الوحيد من بين اخواني دخلت المدرسة وواصلت فيها لأنه ابوي شايف انه التعليم إنك تعرف تقرأ وتكتب بس اول م تعرف الحاجتين ديل إنت هنا خلاص مشوارك الدراسي إنتهى
اما انا اصريت اواصل دراسة والسبب كان فضول مني في إكتشاف الإختلاف بتاع عمي دة هل سببه التعليم؟
كل ما كان يدرسونا الدين ويفسرو لينا معانية كان بختلط علي الأمر
هل الدين النحن بندرسه مختلف عن الدين البيتقري في خلوة جدي والحافظنو ابوي واعمامي؟
جدي كان شيخ ،إشتهر بالخلاوي،وكان عنده مسيد او تكية كما يقال عنها
وكنا ميسورين الحال إلى حدٍ ما.
القرءان بدينا نحفظه من نحن في عمر ال6سنة
رغم يُسر حال جدي الحاجة دي ما كان ليها إنعكاس على منطقتنا،ما كان في تطور او تقدم فيها
ممكن اقل واحد في المنطقة يكون مخزون الحصاد حقة عامل ليه 10مليار وتلقى بيته شراراة واحدة تنتهي ليه منه..
عمي رغم إنه منبوذ كان بسعى في إجازاته البسيطة البجيها في إنه يطور في المكان بداها بإنه يبني فصول مدرسة في الحلة للأطفال لأنه في مرة زارنا كانت لادغاني عقرب في طريق المدرسة وكنت على مشارف الموت لأنه المدرسة بعيدة والطريق في الخريف سيء ..
ف سعى شديد في إنه يطلع تصديق للمدرسة وبالفعل إتوفق..
ابوي كان مستند في تربيته لينا على إنه ننسخ البنلقاه قدامنا في عقلنا ونعيش عليه ونتطبع بطباع بعض وطباع البيئة القايمين فيها بإعتبار إنه الإنسان إبن بيئته..
جدي ما كان عنده ولد بتزوج وبطلع برة البيت وابوي قام على كدة برضو
ما كان في حاجة إسمها تشتغل وتمسك قروشك في يدك ،ف كانت الزراعة واحدة ومخازن الحصاد واحدة والمعيشة واحدة في البيت الكبير واليد البتصرف واحدة يا جدي يا ابوي وهم البقررو متين إنت تتزوج وتتزوج منو وحتبني في اي مكان في البيت وحتبني شنو..
في الوقت الكانو هم بحصدو فيه محاصيل زراعاتهم ومنشغلين بتعدد زوجاتهم ..
العمر عدى وانا بقيت في الفصول الكبيرة ف لفت إنتباهم إهتمامي بالدراسة واكيد واجهت صعوبات في فكرة إستمراري فيها
ف كان بفرضو علي امشي السعية،او الزراعة ايام الإمتحانات بالتحديد
امي نوعاً ما كانت مشجعة لفكرة دراستي بس كانت الحاجة دي بين نفسها وبيني بس
وابوي كان مقتنع تماماً بجملة" القرو عملو شنو" وشايف إنه قراية الراجل بتخليه بايظ وكان بضرب المثل بعمي
مع مرور الزمن عمي المنبوذ دة بنى مركز صحي وطلع ليه تصديق
السلام عليكم
و مرحبا بكم 💕
"تُقدّم هذه المجموعة عالماً من الأناقة ،
تشمل مجموعة واسعة من المنتجات المتنوعة ، ملابس وأحذية وحقائب وإكسسوارات نسائية. عبايات استقبال فساتين ماركة شي ان و شنط تركية
و اطقم على مختلفة الخامة و الشكل حيث يتم تحديثها بانتظام
كما تتوفر خدمة التوصيل لجميع ولايات السودان كلّ ذلك متوفّر في هذه المجموعة. استمتعوا بتجربة تسوّقٍ فريدة ومميّزة."
https://chat.whatsapp.com/HdYpRpbCVXv5HgSOy5kRA7
هو صارحك بمشاعره يا شهد؟عشان في فرق بين إنه بس بعاملك كويس وبين إنه يصارحك بمشاعره لفظاً قبل م يكون فعلاً عشان م تكوني متعلقة ومتعشمة فيه بس عشان بعاملك كويس وافعاله لطيفة معاك وامور البنات الكيف كيف دي وتكوني وقعتي في نفس غلط المره الفاتت...اقصد ااااا فهماني صح؟
حتى لو م قالها لي بصريح العبارة يا رفيدو انا متأكدة وبأكتر من مرة وبأكتر من طريقة قالها هو افعاله كلها بتقول كدة،بعاملني كأنه مسؤول مني،عمره م حسسني إني هنا وحيدة
م عارفة اقول ليك شنو يا شهد،من ناحية دي حاجة كويسة ولطيفة،ومن ناحية طيب وعمار وضع علاقتك معاه شنو؟وبالنسبة لموضوع رجوعكم لبعض والموال دة
رفيدة انا بقول ليك في زول تاني في حياتي فاهماني إنتِ؟..
طيب يا شهد واحدة واحدة إنتِ بتقولي م متأكدة من مشاعرك تجاهو يعني احياناً شعور الوِحدة والتعويدة بلخبطونا وم بخلونا نحدد نوع مشاعرنا دي إعجاب وحيتلاشى ولا حب جد ، ،انا م عايزاك تستعجلي وتتعاملي بإندفاع وتتصدمي في النص إنك ما بتحبيه وتبقي في مشكلة اكبر بعد م تعلقي ود الناس بيك ادي نفسك فرصة رتبي افكارك وأهدي ..
وهي بتتكلم حسيت بحركة في باب البيت،بقيت مركزة فيه فجأة الباب فتح ..
سياف جا داخل،مسحت دموعي وقلت ليها رفيدة برجع ليك قفلت الخط ورميت التلفون ونزلت بسرعة وانا بمسح في دموعي..
ما إتوقعت يجي بدري كدة
كان بعاين لي بإستغراب لأني لابسة البلوفر بتاعه..
حاولي ما تطلعي اليوم وبكرة ،اليومين دي عموماً وما تترددي على الدار لأنه تواجد الصحافة هناك مؤكد ،إنتظري الأوضاع تهدأ شوية بعدها ممكن تطلعي ،لو عاوزة حاجة كلميني او رسلي لي رسالة انا بجيبها ليك
وائل سافر؟إتوقعتك حتسافر معاه
انا لما اقرر اسافر بتكلم وبحدد مسافر مع منو!
صدمني رده ونبرته ،بقيت بعاين ليه
قال الكلمتين ديل ورجع طلع من البيت
...............................
"على طاولة إفطار في الصباح الباكر تجمع تايسون وزوجته وإبنه..
"محامي مبتدئ في مواجهة عائلة ادامز..
ما كان هذا؟
خبر تصدر إحدى صفحات الجرائد اليوم
تايلور هل سبق واخبرت زوجتك اننا لا نهتم كثيراً بشأن اخبار الجرائد والهُراء الذي يُكتب فيها؟
لا تنسى انني المحامية على رأس تلك القضية،اظن ان علينا النقاش في هذا الأمر وتوجيه ما ستكتبه الجرائد حولنا،لذا اظن ان إجراء مقابلة صحفية قد يقلل عنا مضايقة الصحافة لنا
الصحافة توجه اقلامها لنا دون الحاجة إلى الظهور لهم
اعلم ولكن الظهور للصحافة يخدم قضيتنا اكثر
تعلمين ما الذي عليك التركيز به اكثر من امر الصحافة أليس كذلك؟
اعلم،واعمل على الأمر
إنها المرة الأولى التي نغادر فيها قاعة محكمة خائبين اتمنى ان لا يتكرر هذا الأمر مرة اخرى
لم يكن خطأي ،كان كل شيء يسير كما تم التخطيط له
اجل،،ربما لم يكن خطأك،ولكن تصحيح ما حدث وإعادته لمساره الذي يخدم مصالحنا مسؤوليتك
سأفعل
اين تذهبين؟
سأجري مكالمة لبضع دقائق..
.....................................
موسكو/Russia
"عمار&كاثرين"..
اردت ان نمضي مزيداً من الوقت معاً بالفندق ولكن علينا الذهاب...تبدو انيقاً اكثر من المرات السابقة عزيزي،دعني أُعيد ترتيبك..احب تواجدك برفقتي هذا،يشعرني بالدفء، ليتنا نستطيع الذهاب في رحلة كما كنا نفعل في السابق..
تعلمين انه يتوجب علي الذهاب لتركيا لذا..
اعلم أن لا وقت لديك...تفضل
لم المسدس؟هل نحن بحاجة له؟
سبق واخبرتك اننا ذاهبان لحضور حفل للمافيا الروسيا،ربما تسؤ الأمور تحت اي لحظة هناك
إلى اي حد يمكن ان تسؤ الأمور؟
ان لا تعود برفقتي او لا اعود برفقتك او لا نعود معاً
"نظرات دهشة "
إحتفظ به لحمايتك،نحن على وشك الوصول لمكان الحفل
اعلم جيداً كيف احمي نفسي
ليس في حفل للمافيا الروسيا صدقني
.......................
عدى اليوم التاني للمحكمة بهدوء والتالت والرابع
مليت السكات والتلفون ومشاهدة التلفزيون والوقفة في البلكونة،كانت ايام مليانة لوم وعتاب لنفسي وجلد ذات ومبادئ إكتئاب حقيقي
حسيت حياتي القديمة ووحدانيتي ديك رجعت لي والحياة اشبه بإنها كئيبة
سياف ساكت طول الوقت واصلاً بشوفو بالصدفة لأنه
بجي زول نوم وبطلع بدري..
اليوم الخامس قرررت امشي الدار واتفقد احوال المسنين
قبل كل شيء إتصلت على سياف
اول ما رد قلت ليه سياف انا طالعة على الدار
طيب اجي اوصلك؟
لا بمشي براي بتصل على مادلين اتأكد منها لو في صحافة او كدة ولا لأ
خير إن شاء الله
إختصر الكلام معي في البداية زعلت وبعدين إتذكرت إنه مفروض اتعود على إسلوبه دة اصلاً ودة شكل علاقتنا لقدام كدة جهزت وطلعت،لبست كمامة عشان م تحصل لي مضايقة في الشارع..
أقنعتني بكدة ،اتمنى تقتنع إنت بكلامي وتقعدو تتناقشو مرة تانيه إنت ويوسف وتصلو لحل،يا سياف المبالغ الإنت بتقول انا خليتها دي م مبالغ هينة دة شقى عمر إنت فاهم؟يعني دة كل ما تملك ودة حلم إنت سعيت وراهو سنين وإشتغلت ولميت كل سنت فيه لما قلبك وقف ودة مشروعك وتعبك إنت،يعني البتعمل فيه دة إسمه حماقة وانا ما اتعودتة عليك احمق ابداً ،ما فاهم شنو الممكن يوصل الأمور بينكم لكدة؟
ياخي إنت وانا عارفين إنت شِقيت قدر شنو في البلد دي،حتبدأ من الصفر؟
وائل يا اخوي اهلنا بقولو الله ما شقالو حنكاً وضيعو،طالما توفيق الله في و الضراع البجيب القرش ماف مخافة من شي تاني!..طريق السلامة يا اخوي،لما توصل اديني خبر.
عديلة،بينا التلفونات
يلا في امان الله
في طريق الرجعة من المطار جاتني مكالمة..استاذ ميرغني كيفك؟
يا إبني عساك بخير؟
الحمدلله تمام التمام إنت كيفك وكيف صحتك؟
الحمدلله بخير ما عندي عوجة تب
إن شاء الله دايماً يا استاذ
ضربت عندي بُشارة كدة قلت اكلمك بيها
بشر الله يبشرك بالجنة يا ابوي
بخصوص موضوع ولدنا امجد دة وكدة،في طريقة كدة تطلعو من السجن لكن درباً ما عديل،انا زاتي هبشت ناسي البعرفهم بجاي وبجاي ودخلت وساطات حتى وصلوني للطريقة دي
كدة وريني الطريقة شنو والله يعدلها
والله يا ولدي نحن نظامنا دة ما كلو فساد في فساد وياهو اي شي بي قرشك بحلل ليك،عرفت من ضابط صغير كدة إنه بتدفع قروش وبتطلع بمقابل وبتقفل ملفك وبتسحب من السجن
فكرنا في الإسترحام دة لكن الإسترحام عشان هم مستقصدنو ومضادنو حتى لو عملناه ما اظن ينفع بي شي..
تهريب يعني من السجن؟
لا ما تهريب،بتطلع بالدرب عديل وبتقفل ملفك وبتسحب
طيب وموضوع القروش دة ضمان وكدة يعني؟في ناس طلعت بالطريقة دي؟
ايوا طبعاً وناس كمية كمان لكن شنو طوالي بعد يطلعو بتخارجو برة البلد بأي طريقة ما بقعدو،والحاجة دي بتتعمل بواسطة رُتب كبيرة كمان حسب ما عرفت، حال البلد دي بقى قرشك بخدمك..
لا حول ولا قوة الا بالله العلي العظيم الله يصلح حال البلد دي ياخ ،طيب كلمت امجد؟رأيو شنو؟
ما اعتقد يوافق ،امجد زول قانون وزول دُغري شديد ما بقبل بطريق اعوج خصوصاً إنه دخل وهو مظلوم
ما انا عارف عشان كدة سألتك ،في طريقة يقتنع؟
ما اظن
طيب عرفت كم المقابل الحيطلبوه؟
لسة ما إتكلمت مع الضابط عشان يوصلني للضابط الكبير ،وعشان الضابط الصغير دة يوصلني للضباط بتاعنه الكبار البعملو الشغلة دي لازم ادفع كمان لك ان تتخيل فساد البلد دي؟
بلد القطط السمان زي ما بقولو،خير إن شاء الله إنت شوف حتوصل لشنو واديني خبر ، وخلينا نتناقش مع امجد في الموضوع ونشوف رأي شنو اول وهو ادرى بالمواضيع دي وتبعاتها اكتر مننا
.....................................
Turkia/Istanbul
الفكرة كانت الإستفادة منها لأنها حتبقى لينا غطى في إدارة المنظمة بما إنها عندها خبرة في المجال وعندها رغبة مُلحة في الشغل من النوع دة،
وسط اخوانها هنا كان صعب طرح فكرة الشغل والسفر خصوصاً إنه التسويق للفكرة نفسه والترغيب وإستقطاب الفئة المطلوبة من النساء كان محتاج لواحدة زيها بالضبط وكمان ضروري تكون ما موجودة في السودان واخوانها طبعاً ضد فكرة سفرها عموماً و وضع ابوها كانت دي عقبة اكبر، ف كانت فكرة طلوعها من البلد امر ضروري و عشان نحن نستفيد منها كان لازم ناخد الزواج ك خطوة مبدئية بعدها شوية شوية حنسحبها للشغل بطريقة غير مباشرة هي حتى م حتكون في الصورة وم عارفة اصل الشغل الحقيقي للمنظمة شنو وهنا كانت بتجي مهمة عمار اخوي ،لأنه بقت تواجهنا مشاكل كتيرة في موضوع التهريب عن طريق بلدكم ف قررنا إنه البنات حنسفرهم بطريقة ما، شبه مباشرة على عكس الرجال..
لا ما تخاف ،حصلت ربكة كدة بس بعدين الأمور رجعت الحمدلله،بتتحسب لينا غلطة بس الأغلاط بتحصل وم بتتكرر إن شاء الله
طبعاً ما وقفنا ولا حنوقف شغل وتعاملنا معاكم اكيد مستمرين نحن
انا حالياً في تركيا لكن راجع السودان قريب،بنرتب لدفعة جديدة وإن شاءالله حاتواصل معاك اول ما نرتب امورها
ابشر ،مع السلامة
بتتكلم مع منو وبتشرح ليه قدر دة؟
ناس تبع الشغل بتاعنا
اهاااااا،والله قربت تجيب اجلكم،بأي طريقة لازم تقدرو تطلعوها برة امريكا يا عثمان قبل ما تاخد الجنسية،اضغطوها بأي صورة كانت البت دي لايوقة فوق ما تتخيل واكعب من امها
عليك الله ما كل م نقعد تجيبي سيرة امها دي،ما تزهجينا،
موضوع طلوعها من امريكا دة شغل عمار،وعمار قال انا بقدر عليها وبقدر اقفل الموضوع دة نهائياً ،خلاص خليناهو ليه، عمار طالما قال انا بقدر معناها بقدر
اخوها خبرو شنو ؟
إتحكم
إنت مشكلتك ما بتسمع كلامي يا عثمان،امجد دة قدر ما قلت ليك الولد دة م ترغبو في شغل الجيش ما بنفعك بنفعوك اولادك ديل بس قعدت تستدرجه وترغب فيه وتتمحلس ليه لغاية م دخلته الكلية الحربية وإتخرج وبقى هو في إتجاه ومساعيك في إتجاه،غير بقى يفتش وراك وبقى ليك شوكة حوت ما عمل شي نفسي افهم إنت لما دخلته الكلية
كان كل ما يغيب يرجع بإضافة جديدة للمنطقة وبإضافة لي،ف كنت بنتظر رجعته بفارغ الصبر
عودني إنه كل ما يجي يجيب لي معاه كتاب او كتابين بالإضافة لكتب المرحلة الأنا بدرس فيها وشوية ادوات بعد ملاحظته إهتمامي بالقراءة عموماً
عمي دة رغم سفاهته البوصفوه بيها
بنى مسجد
بنى حوش للمدرسة المكونة من 8فصول وبنى مكاتب منفصلة للمعلمين وبدل ما كانو الطلبة بدرسو في التراب او في الشوالات جاب ليهم كنب حديد
كنت براقبه بصمت
وبستمع لكلامه وبحب رفقته،وبتسائل كيف شخص زي دة ممكن يكون سفيه ؟كيف ممكن يكون سيء زي ما بوصفوه لينا وبمنعونا من مخالطته عشان م نتأثر بأفكاره ومفاهيمه؟
قد يظن البعض إني بحاول اعكس صورة سيئة عن الريف ومفلس في التعبير
ولكن في الحقيقة انا بحاول اصور الواقع الكنت شايفه في منطقتنا واكيد الحاجه دي ما بتتعكس على بقية المناطق..
زي م كانت في العيوب في المزايا الما بتحصى ولا تُعد
ولكن عن نفسي كنت دايماً في محل مقارنة بين ابوي وشخصيته ومفاهيمة وبين عمي
بالنسبة لطفل زي كان الموضوع اكتر صعوبة وتشويش
مع مرور الزمن ومع العمر البجري ودخولي مرحلة المراهقة الهي تعتبر اصعب الفترات بالنسبة للجنسين بقيت في موضع نضج ورؤية اوضح ،وبقت الأنظار متوجهه علي بحيث إني بقيت راجل ومفروض اتزوج وقتها عمري ما كان إتعدى ال17سنة لسة
بتذكر في جملة واحدة قالها لي عمي في نقاش دار بينا
شوف الشي الصح بالنسبة ليك واعملو بعد ما تدرسه وإتحمل مسؤوليته،ما تخلي زول يقرر شكل حياتك مفروض يكون كيف
حياتك دي تجربتك إنت ومفروض تعيشها بكل تفاصيلها لما تقرر تعيشها ما تعيشها كنسخة من حياة غيرك،دي رحلتك إنت
الكلام القالو دة كان بالنسبة لي كبير شديد اكبر من مستوى فهمي وإستيعابي لأنه نحن ما كان عندنا رفاهية الإختيار البتكلم عنها دي..
اخدت وقفة مع نفسي وقررت إني متى ما اتوفرت في يدي حرية الإختيار حأختار اكون في الجانب بتاع عمي
ما كنت عايز شخصية جدي وابوي واعمامي واخواني واولادهم المستنسخة ومتكررة وصِفاتهم المكتسبة عبر الأجيال تتكرر من خلالي مرة تانيه
كل ما اتذكر القسوة الكانت في شخصية ابوي بحاول اكون مرن في تعاملاتي مع الحوالي
في الجانب العاطفي امي كانت هي الطرف اللي ليها التأثير الأعظم في تعاملاتي مع النساء"..
المكالمة الألف من وائل بنفاذ صبر فتحت الخط..
كتر خيرك رديت يعني
وائل لو عايز تتناقش في موضوع إتقفل من اسبوع وشويه وانا قلت ليكم بالنسبة للأمور المالية انا ما عايز تعويض ولا دولار واحد والبينا عامرة تاني في شنو؟
حبيبنا انا طالع من المطار جاي عليك في البيت قلت اكلمك قبل ما اصل،رحلتي إتأخرت في الوصول عشان كدة واصل متأخر وخُفت القاكم نايمين..
حبابك الف ،بس لو عايز تناقشني..
سياف خليني اصل اول كدة
طيب مستنيك،تحب اجي عليك في المطار؟انا كدة كدة برة البيت
لا انا م بعيد،ذكرني بالعنوان بتاع البيت تاني بس للضمان
طيب حارسل ليك اللوكيشن
بعد م كنت في طريقي لجسر البوابة الذهبية لأني كنت محتاح للقعدة مع نفسي جداً رجعت على البيت عشان انتظر وائل ،وم عدت دقايق لقيته وصل..
ضيفته بنفسي وانا بقول ليه: شهد تعبانه شوية ف كانت نايمة وم كلمتها بجيتك..
كويس إنك م كلمتها تعال اقعد خلينا نتكلم لانو انا اصلاً حاجز في رحلة الصباح ف م عندي طريقة اقعد،ساعات بس وراجع
يا زول ليه؟دي م حنسميها زيارة
م تتهرب،تحب نقعد هنا ونتكلم ولا تجيب الكورة ونطلع نتكلم برة ونحن بنلعب سلة؟
لعب زي الوقت دة؟
من متين نحن عندنا مواعيد للعب؟
طيب يلا
ونحن بنلعب قال لي حتحكي لي ولا اسأل براي؟
احكي ليك شنو بالضبط؟إنت سلفاً عارف كل حاجة!
ما بتكلم عن موضوعك إنت ويوسف لأني سلفاً شايفو غباء وحماقة منكم،بتكلم عن قصة المحكمة والجوطة الحاصلة عليكم انت وشهد
بإندهاش وقفت وانا ماسك الكورة وبعاين ليه..
إنت فاكر إنه نحن م بنقرا جرايد؟م بنتابع صحافة؟
متضايق وزعلان منك لأنه نحن المفروض اخوان وفي غُربة وإنت مما عرفناك بتشيل معانا ،لما يحصل معاك موقف زي دة وم تكلمنا دة معناه شنو؟
خصوصاً إنه الناس الإنت مواجههم ديل ما ناس هينين يعني على حسب ما بتكتب الصحافة
وائل الموضوع وما فيه إنه في الدار الشغالة فيه شهد في مُسن إتوفى ،وهو ماف توجيه إتهام مباشر لشهد لأنه ماف ادلة على إنها جريمة وهي فعلاً وفاته نتيجة لحادثة بس الحصل دة إسمه شربكة امريكان ،ف إتهموها هي لانها مسؤولة وإتهمو المسؤولين السابقين معاها
والحصل شنو؟
ولا شي طلعت اليوم لعدم كفاية الأدلة عليها
وبكدة الموضوع إتقفل ؟
ايوا إتقفل الحمدلله كيد
متأكد يا سياف الموضوع بالبساطة الحكيتها دي؟والتهويل بتاع الصحافة دة شنو؟
يا باشا حأكذب عليك ليه؟لو م كنت صادق معاك شهد م حتكون نايمة جوا البيت هسي ولا شنو؟
زي م وصفته تهويل ما اكتر
لأني قلقت عليك شديد،وكنت بتصل وما بترد وحتى لو رديت حتلف وتدور م حتقول الحقيقة،طيب في حاجة انا ممكن اقدمها؟
#ليله_في_ديسمبر63
انا اسفة،حقيقي اسفة
قلتها بإستحاء ..
إنه تصحى على واقع إنك بقيت الشخص السيء في رواية احدهم دة شعور تقيل
تقيل شديد إحساس إنك قهرت زول،ما سهل ابداً شعور إنك بقيت الظالم ما ظلوم
ما رد علي ،دخل الغرفة ما عدت 10دقايق غير ملابسه و طلع من البيت
......................
في قرارات بناخدها لما بتنتهي حلولنا في المحاولة على قدر ما كنت بشوف إنه الفرص المفتوحة اسلم الحلول على قدر ما إقتنعت إنه الإنفصال في بعض الأحيان ممكن يكون قرار صحي للطرفين..
بنسمع بمقولة فاقد الشيء لا يعطيه بس في الحقيقة حتكبر والحياة بتمتحنك في المقولة دي
حأختلي بنفسي وأرجع بذاكرتي كم سنه ورا واحكي بعض من تفاصيل حياتي..
"ما بقول إنه تربيتي مختلفة او البيئة الإتربيت فيها مختلفة لأنه انا إتربيت في بيت حاله حال كتير من الأسر السودانية بطباعها وعاداتها وتقاليدها البسيطة وحال بيوت الريف السوداني الحوش الكبير البتعيش متداخلة فيه الأسرة كلها في بيت واحد الابو واولاده واحفاده...الخ
الحاجة دي على قدر ما هي فيها مزايا فيها العيوب
يعني انا لما اقول إتربيت في بيت "كثرت فيه الألسن" الحاجة دي ليها إنعكاس وتأثير على شخصيتي او شخصية الأطفال عموماً،لأنه إنت ما متربي على يد ام واب بس لا تربيتك داخل فيها الأب والأم والجد والأعمام و...الخ
وكل واحد وليه إسلوبه وطريقته ف بتكون متلقي للتربية بأكتر من طريقة مع إختلاف الشخصية
يمكن تطابق المفاهيم عندنا في الريف ليه اثر في إنه ما يكون في ضغوطات على الطفل او تشتت في افكاره
لأنه إنت بتقوم بتلقى عقل جدك ياهو عقل ابوك ياهو عقل عمك ،ياهو عقل باقي ناس الحلة،بس إنت بتختار الطريقة الأنسب معاك..
انا حصتي من التربية كانت مختلفة شوية عن اخواني
لأني قمت في فترة لقيت فيها عمي " وصفته قبل كدة بإنه الوحيد الطلع برة الأسرة"
عمي دة كانو بنادوه مصطفى سيد احمد كناية عن إختلافه وسط ناس الحلة سواء في طريقة اللبس او شكل الشعر او غيره..
بالإضافه لإنه من دون الناس كانت نظرته للحياة وفلسفته ليها مختلفة على عكس ابوي واعمامي الباقين الهم نسخ من بعض في العقلية والمفاهيم
ف هو كان منبوذ وسطهم جداً،حتى نحن كانو بشددو على اخواني الكبار إنه يكونو بعيدين منه بوصفهم ليه إنه زول ما كويس او بمعنى اصح "شماسي" وحيخربهم
كان غيابو كتير بحكم إنه كان مُحب للدراسة وبسافر ،وفترات وجودو معانا قليلة
اما ابوي وبقية اعمامي كانو حالهم حال جدي واجداده الباقين محور حياتهم "الزراعة والسعية،والخلاوي"
والسائد في الريف السوداني إنه التعليم مهمل
اما نحن ف بقول في منطقتنا ما كان في تعليم اساساً وقتها
والعايز يقرأ كان لازم يهاجر لمنطقة بعيدة للمدرسة والتعليم م بكون على قدر كافٍ برضو ولكن احسن من لا شيء
بالإضافة للعايز يتعالج برضو،ما كان في اي مركز صحي حوالينا وفي العادة عندنا البسافرو بيه وبودوه المستشفى للعلاج دة بكون منتهي وفي مراحله الأخيرة
اهم مقومات الحياة "التعليم+والصحة"مهملات تماماً عندنا او معدومات..
ف الطلوع من هناك محتاج سعي ومكابرة وإجتهاد وتحديات حقيقية
نصيبي من التربية "اخدتة من ابوي وعمي" وديل شخصين مختلفين تماماً عن بعض ..
عمي فلسفته للحياة اخدها من رغبته في التغير للحياة القام فيها دي ف كان دايماً يردد جملة "شق الديار عِلم"
اما ابوي ف كان يقول لينا "داراً ما داري انا مالي بيه"
عمي كان مُلحد بإرث الأجداد وعاداتهم وتقاليدهم والإطراء المبالغ فيه لحياة الريف وبساطته لأنه الحياة دي رغم جمالها بتتخللها المعاناة
اما ابوي ف كان مُمجد للحاجة دي وشايف إنه الإنسان إتولد عشان يعيش على خطى ابهاته واجداده وم شرط يتطور بالعكس كان بوصف التطور بكل اشكاله بإنه "سفاهه" ودة حاله وحال اعمامي الباقين بإستثناء عمي دة ف كان شايف إنه الإنسان يملك قرار نفسة والمفروض يعيش الحياة على خطاه هو ما على خطى غيره..
للسبب دة كانو ببعدونا منه او بمعنى اصح ببعدو اخواني الفي طور الشباب منه اما انا ف كنت في عمر صغير ف كنت بجالسة في كتير من الأوقات وبسمع ليه ولأفكاره..
وخدعه إنه الطفل الصغير ما واعي للبتقال حواليه دي فيها شي من الجهل ،لأنو في الواقع الطفل متلقي ممتاز اكتر من الناس الكبار
مع تكرار مرافقتي ليه مرة بعد مرة بقى عندي شغف مجالسته
هو على عكس ابوي واعمامي ما بصرخ ما بضرب ما بنهر..
نسيت اذكر إنه ابوي كان قاسي وحاد الطباع
مع زوجاته ،اولاده ،اخوانه...الخ
كلمة واحدة ما بكررها-عين واحدة ما بزيدك بعدها حرف
عندنا مكان كدة لو ناداك فيه معناها اليوم يوم "حوبتك"
من قساوتو انا م بتذكر مرة عيني جات في عينو
هو صارحك بمشاعره يا شهد؟عشان في فرق بين إنه بس بعاملك كويس وبين إنه يصارحك بمشاعره لفظاً قبل م يكون فعلاً عشان م تكوني متعلقة ومتعشمة فيه بس عشان بعاملك كويس وافعاله لطيفة معاك وامور البنات الكيف كيف دي وتكوني وقعتي في نفس غلط المره الفاتت...اقصد ااااا فهماني صح؟
حتى لو م قالها لي بصريح العبارة يا رفيدو انا متأكدة وبأكتر من مرة وبأكتر من طريقة قالها هو افعاله كلها بتقول كدة،بعاملني كأنه مسؤول مني،عمره م حسسني إني هنا وحيدة
م عارفة اقول ليك شنو يا شهد،من ناحية دي حاجة كويسة ولطيفة،ومن ناحية طيب وعمار وضع علاقتك معاه شنو؟وبالنسبة لموضوع رجوعكم لبعض والموال دة
رفيدة انا بقول ليك في زول تاني في حياتي فاهماني إنتِ؟..
طيب يا شهد واحدة واحدة إنتِ بتقولي م متأكدة من مشاعرك تجاهو يعني احياناً شعور الوِحدة والتعويدة بلخبطونا وم بخلونا نحدد نوع مشاعرنا دي إعجاب وحيتلاشى ولا حب جد ، ،انا م عايزاك تستعجلي وتتعاملي بإندفاع وتتصدمي في النص إنك ما بتحبيه وتبقي في مشكلة اكبر بعد م تعلقي ود الناس بيك ادي نفسك فرصة رتبي افكارك وأهدي ..
وهي بتتكلم حسيت بحركة في باب البيت،بقيت مركزة فيه فجأة الباب فتح ..
سياف جا داخل،مسحت دموعي وقلت ليها رفيدة برجع ليك قفلت الخط ورميت التلفون ونزلت بسرعة وانا بمسح في دموعي..
ما إتوقعت يجي بدري كدة
كان بعاين لي بإستغراب لأني لابسة البلوفر بتاعه..
حاولي ما تطلعي اليوم وبكرة ،اليومين دي عموماً وما تترددي على الدار لأنه تواجد الصحافة هناك مؤكد ،إنتظري الأوضاع تهدأ شوية بعدها ممكن تطلعي ،لو عاوزة حاجة كلميني او رسلي لي رسالة انا بجيبها ليك
وائل سافر؟إتوقعتك حتسافر معاه
انا لما اقرر اسافر بتكلم وبحدد مسافر مع منو!
صدمني رده ونبرته ،بقيت بعاين ليه
قال الكلمتين ديل ورجع طلع من البيت
...............................
"على طاولة إفطار في الصباح الباكر تجمع تايسون وزوجته وإبنه..
"محامي مبتدئ في مواجهة عائلة ادامز..
ما كان هذا؟
خبر تصدر إحدى صفحات الجرائد اليوم
تايلور هل سبق واخبرت زوجتك اننا لا نهتم كثيراً بشأن اخبار الجرائد والهُراء الذي يُكتب فيها؟
لا تنسى انني المحامية على رأس تلك القضية،اظن ان علينا النقاش في هذا الأمر وتوجيه ما ستكتبه الجرائد حولنا،لذا اظن ان إجراء مقابلة صحفية قد يقلل عنا مضايقة الصحافة لنا
الصحافة توجه اقلامها لنا دون الحاجة إلى الظهور لهم
اعلم ولكن الظهور للصحافة يخدم قضيتنا اكثر
تعلمين ما الذي عليك التركيز به اكثر من امر الصحافة أليس كذلك؟
اعلم،واعمل على الأمر
إنها المرة الأولى التي نغادر فيها قاعة محكمة خائبين اتمنى ان لا يتكرر هذا الأمر مرة اخرى
لم يكن خطأي ،كان كل شيء يسير كما تم التخطيط له
اجل،،ربما لم يكن خطأك،ولكن تصحيح ما حدث وإعادته لمساره الذي يخدم مصالحنا مسؤوليتك
سأفعل
اين تذهبين؟
سأجري مكالمة لبضع دقائق..
.....................................
موسكو/Russia
"عمار&كاثرين"..
اردت ان نمضي مزيداً من الوقت معاً بالفندق ولكن علينا الذهاب...تبدو انيقاً اكثر من المرات السابقة عزيزي،دعني أُعيد ترتيبك..احب تواجدك برفقتي هذا،يشعرني بالدفء، ليتنا نستطيع الذهاب في رحلة كما كنا نفعل في السابق..
تعلمين انه يتوجب علي الذهاب لتركيا لذا..
اعلم أن لا وقت لديك...تفضل
لم المسدس؟هل نحن بحاجة له؟
سبق واخبرتك اننا ذاهبان لحضور حفل للمافيا الروسيا،ربما تسؤ الأمور تحت اي لحظة هناك
إلى اي حد يمكن ان تسؤ الأمور؟
ان لا تعود برفقتي او لا اعود برفقتك او لا نعود معاً
"نظرات دهشة "
إحتفظ به لحمايتك،نحن على وشك الوصول لمكان الحفل
اعلم جيداً كيف احمي نفسي
ليس في حفل للمافيا الروسيا صدقني
.......................
عدى اليوم التاني للمحكمة بهدوء والتالت والرابع
مليت السكات والتلفون ومشاهدة التلفزيون والوقفة في البلكونة،كانت ايام مليانة لوم وعتاب لنفسي وجلد ذات ومبادئ إكتئاب حقيقي
حسيت حياتي القديمة ووحدانيتي ديك رجعت لي والحياة اشبه بإنها كئيبة
سياف ساكت طول الوقت واصلاً بشوفو بالصدفة لأنه
بجي زول نوم وبطلع بدري..
اليوم الخامس قرررت امشي الدار واتفقد احوال المسنين
قبل كل شيء إتصلت على سياف
اول ما رد قلت ليه سياف انا طالعة على الدار
طيب اجي اوصلك؟
لا بمشي براي بتصل على مادلين اتأكد منها لو في صحافة او كدة ولا لأ
خير إن شاء الله
إختصر الكلام معي في البداية زعلت وبعدين إتذكرت إنه مفروض اتعود على إسلوبه دة اصلاً ودة شكل علاقتنا لقدام كدة جهزت وطلعت،لبست كمامة عشان م تحصل لي مضايقة في الشارع..
أقنعتني بكدة ،اتمنى تقتنع إنت بكلامي وتقعدو تتناقشو مرة تانيه إنت ويوسف وتصلو لحل،يا سياف المبالغ الإنت بتقول انا خليتها دي م مبالغ هينة دة شقى عمر إنت فاهم؟يعني دة كل ما تملك ودة حلم إنت سعيت وراهو سنين وإشتغلت ولميت كل سنت فيه لما قلبك وقف ودة مشروعك وتعبك إنت،يعني البتعمل فيه دة إسمه حماقة وانا ما اتعودتة عليك احمق ابداً ،ما فاهم شنو الممكن يوصل الأمور بينكم لكدة؟
ياخي إنت وانا عارفين إنت شِقيت قدر شنو في البلد دي،حتبدأ من الصفر؟
وائل يا اخوي اهلنا بقولو الله ما شقالو حنكاً وضيعو،طالما توفيق الله في و الضراع البجيب القرش ماف مخافة من شي تاني!..طريق السلامة يا اخوي،لما توصل اديني خبر.
عديلة،بينا التلفونات
يلا في امان الله
في طريق الرجعة من المطار جاتني مكالمة..استاذ ميرغني كيفك؟
يا إبني عساك بخير؟
الحمدلله تمام التمام إنت كيفك وكيف صحتك؟
الحمدلله بخير ما عندي عوجة تب
إن شاء الله دايماً يا استاذ
ضربت عندي بُشارة كدة قلت اكلمك بيها
بشر الله يبشرك بالجنة يا ابوي
بخصوص موضوع ولدنا امجد دة وكدة،في طريقة كدة تطلعو من السجن لكن درباً ما عديل،انا زاتي هبشت ناسي البعرفهم بجاي وبجاي ودخلت وساطات حتى وصلوني للطريقة دي
كدة وريني الطريقة شنو والله يعدلها
والله يا ولدي نحن نظامنا دة ما كلو فساد في فساد وياهو اي شي بي قرشك بحلل ليك،عرفت من ضابط صغير كدة إنه بتدفع قروش وبتطلع بمقابل وبتقفل ملفك وبتسحب من السجن
فكرنا في الإسترحام دة لكن الإسترحام عشان هم مستقصدنو ومضادنو حتى لو عملناه ما اظن ينفع بي شي..
تهريب يعني من السجن؟
لا ما تهريب،بتطلع بالدرب عديل وبتقفل ملفك وبتسحب
طيب وموضوع القروش دة ضمان وكدة يعني؟في ناس طلعت بالطريقة دي؟
ايوا طبعاً وناس كمية كمان لكن شنو طوالي بعد يطلعو بتخارجو برة البلد بأي طريقة ما بقعدو،والحاجة دي بتتعمل بواسطة رُتب كبيرة كمان حسب ما عرفت، حال البلد دي بقى قرشك بخدمك..
لا حول ولا قوة الا بالله العلي العظيم الله يصلح حال البلد دي ياخ ،طيب كلمت امجد؟رأيو شنو؟
ما اعتقد يوافق ،امجد زول قانون وزول دُغري شديد ما بقبل بطريق اعوج خصوصاً إنه دخل وهو مظلوم
ما انا عارف عشان كدة سألتك ،في طريقة يقتنع؟
ما اظن
طيب عرفت كم المقابل الحيطلبوه؟
لسة ما إتكلمت مع الضابط عشان يوصلني للضابط الكبير ،وعشان الضابط الصغير دة يوصلني للضباط بتاعنه الكبار البعملو الشغلة دي لازم ادفع كمان لك ان تتخيل فساد البلد دي؟
بلد القطط السمان زي ما بقولو،خير إن شاء الله إنت شوف حتوصل لشنو واديني خبر ، وخلينا نتناقش مع امجد في الموضوع ونشوف رأي شنو اول وهو ادرى بالمواضيع دي وتبعاتها اكتر مننا
.....................................
Turkia/Istanbul
الفكرة كانت الإستفادة منها لأنها حتبقى لينا غطى في إدارة المنظمة بما إنها عندها خبرة في المجال وعندها رغبة مُلحة في الشغل من النوع دة،
وسط اخوانها هنا كان صعب طرح فكرة الشغل والسفر خصوصاً إنه التسويق للفكرة نفسه والترغيب وإستقطاب الفئة المطلوبة من النساء كان محتاج لواحدة زيها بالضبط وكمان ضروري تكون ما موجودة في السودان واخوانها طبعاً ضد فكرة سفرها عموماً و وضع ابوها كانت دي عقبة اكبر، ف كانت فكرة طلوعها من البلد امر ضروري و عشان نحن نستفيد منها كان لازم ناخد الزواج ك خطوة مبدئية بعدها شوية شوية حنسحبها للشغل بطريقة غير مباشرة هي حتى م حتكون في الصورة وم عارفة اصل الشغل الحقيقي للمنظمة شنو وهنا كانت بتجي مهمة عمار اخوي ،لأنه بقت تواجهنا مشاكل كتيرة في موضوع التهريب عن طريق بلدكم ف قررنا إنه البنات حنسفرهم بطريقة ما، شبه مباشرة على عكس الرجال..
لا ما تخاف ،حصلت ربكة كدة بس بعدين الأمور رجعت الحمدلله،بتتحسب لينا غلطة بس الأغلاط بتحصل وم بتتكرر إن شاء الله
طبعاً ما وقفنا ولا حنوقف شغل وتعاملنا معاكم اكيد مستمرين نحن
انا حالياً في تركيا لكن راجع السودان قريب،بنرتب لدفعة جديدة وإن شاءالله حاتواصل معاك اول ما نرتب امورها
ابشر ،مع السلامة
بتتكلم مع منو وبتشرح ليه قدر دة؟
ناس تبع الشغل بتاعنا
اهاااااا،والله قربت تجيب اجلكم،بأي طريقة لازم تقدرو تطلعوها برة امريكا يا عثمان قبل ما تاخد الجنسية،اضغطوها بأي صورة كانت البت دي لايوقة فوق ما تتخيل واكعب من امها
عليك الله ما كل م نقعد تجيبي سيرة امها دي،ما تزهجينا،
موضوع طلوعها من امريكا دة شغل عمار،وعمار قال انا بقدر عليها وبقدر اقفل الموضوع دة نهائياً ،خلاص خليناهو ليه، عمار طالما قال انا بقدر معناها بقدر
اخوها خبرو شنو ؟
إتحكم
إنت مشكلتك ما بتسمع كلامي يا عثمان،امجد دة قدر ما قلت ليك الولد دة م ترغبو في شغل الجيش ما بنفعك بنفعوك اولادك ديل بس قعدت تستدرجه وترغب فيه وتتمحلس ليه لغاية م دخلته الكلية الحربية وإتخرج وبقى هو في إتجاه ومساعيك في إتجاه،غير بقى يفتش وراك وبقى ليك شوكة حوت ما عمل شي نفسي افهم إنت لما دخلته الكلية
كان كل ما يغيب يرجع بإضافة جديدة للمنطقة وبإضافة لي،ف كنت بنتظر رجعته بفارغ الصبر
عودني إنه كل ما يجي يجيب لي معاه كتاب او كتابين بالإضافة لكتب المرحلة الأنا بدرس فيها وشوية ادوات بعد ملاحظته إهتمامي بالقراءة عموماً
عمي دة رغم سفاهته البوصفوه بيها
بنى مسجد
بنى حوش للمدرسة المكونة من 8فصول وبنى مكاتب منفصلة للمعلمين وبدل ما كانو الطلبة بدرسو في التراب او في الشوالات جاب ليهم كنب حديد
كنت براقبه بصمت
وبستمع لكلامه وبحب رفقته،وبتسائل كيف شخص زي دة ممكن يكون سفيه ؟كيف ممكن يكون سيء زي ما بوصفوه لينا وبمنعونا من مخالطته عشان م نتأثر بأفكاره ومفاهيمه؟
قد يظن البعض إني بحاول اعكس صورة سيئة عن الريف ومفلس في التعبير
ولكن في الحقيقة انا بحاول اصور الواقع الكنت شايفه في منطقتنا واكيد الحاجه دي ما بتتعكس على بقية المناطق..
زي م كانت في العيوب في المزايا الما بتحصى ولا تُعد
ولكن عن نفسي كنت دايماً في محل مقارنة بين ابوي وشخصيته ومفاهيمة وبين عمي
بالنسبة لطفل زي كان الموضوع اكتر صعوبة وتشويش
مع مرور الزمن ومع العمر البجري ودخولي مرحلة المراهقة الهي تعتبر اصعب الفترات بالنسبة للجنسين بقيت في موضع نضج ورؤية اوضح ،وبقت الأنظار متوجهه علي بحيث إني بقيت راجل ومفروض اتزوج وقتها عمري ما كان إتعدى ال17سنة لسة
بتذكر في جملة واحدة قالها لي عمي في نقاش دار بينا
شوف الشي الصح بالنسبة ليك واعملو بعد ما تدرسه وإتحمل مسؤوليته،ما تخلي زول يقرر شكل حياتك مفروض يكون كيف
حياتك دي تجربتك إنت ومفروض تعيشها بكل تفاصيلها لما تقرر تعيشها ما تعيشها كنسخة من حياة غيرك،دي رحلتك إنت
الكلام القالو دة كان بالنسبة لي كبير شديد اكبر من مستوى فهمي وإستيعابي لأنه نحن ما كان عندنا رفاهية الإختيار البتكلم عنها دي..
اخدت وقفة مع نفسي وقررت إني متى ما اتوفرت في يدي حرية الإختيار حأختار اكون في الجانب بتاع عمي
ما كنت عايز شخصية جدي وابوي واعمامي واخواني واولادهم المستنسخة ومتكررة وصِفاتهم المكتسبة عبر الأجيال تتكرر من خلالي مرة تانيه
كل ما اتذكر القسوة الكانت في شخصية ابوي بحاول اكون مرن في تعاملاتي مع الحوالي
في الجانب العاطفي امي كانت هي الطرف اللي ليها التأثير الأعظم في تعاملاتي مع النساء"..
المكالمة الألف من وائل بنفاذ صبر فتحت الخط..
كتر خيرك رديت يعني
وائل لو عايز تتناقش في موضوع إتقفل من اسبوع وشويه وانا قلت ليكم بالنسبة للأمور المالية انا ما عايز تعويض ولا دولار واحد والبينا عامرة تاني في شنو؟
حبيبنا انا طالع من المطار جاي عليك في البيت قلت اكلمك قبل ما اصل،رحلتي إتأخرت في الوصول عشان كدة واصل متأخر وخُفت القاكم نايمين..
حبابك الف ،بس لو عايز تناقشني..
سياف خليني اصل اول كدة
طيب مستنيك،تحب اجي عليك في المطار؟انا كدة كدة برة البيت
لا انا م بعيد،ذكرني بالعنوان بتاع البيت تاني بس للضمان
طيب حارسل ليك اللوكيشن
بعد م كنت في طريقي لجسر البوابة الذهبية لأني كنت محتاح للقعدة مع نفسي جداً رجعت على البيت عشان انتظر وائل ،وم عدت دقايق لقيته وصل..
ضيفته بنفسي وانا بقول ليه: شهد تعبانه شوية ف كانت نايمة وم كلمتها بجيتك..
كويس إنك م كلمتها تعال اقعد خلينا نتكلم لانو انا اصلاً حاجز في رحلة الصباح ف م عندي طريقة اقعد،ساعات بس وراجع
يا زول ليه؟دي م حنسميها زيارة
م تتهرب،تحب نقعد هنا ونتكلم ولا تجيب الكورة ونطلع نتكلم برة ونحن بنلعب سلة؟
لعب زي الوقت دة؟
من متين نحن عندنا مواعيد للعب؟
طيب يلا
ونحن بنلعب قال لي حتحكي لي ولا اسأل براي؟
احكي ليك شنو بالضبط؟إنت سلفاً عارف كل حاجة!
ما بتكلم عن موضوعك إنت ويوسف لأني سلفاً شايفو غباء وحماقة منكم،بتكلم عن قصة المحكمة والجوطة الحاصلة عليكم انت وشهد
بإندهاش وقفت وانا ماسك الكورة وبعاين ليه..
إنت فاكر إنه نحن م بنقرا جرايد؟م بنتابع صحافة؟
متضايق وزعلان منك لأنه نحن المفروض اخوان وفي غُربة وإنت مما عرفناك بتشيل معانا ،لما يحصل معاك موقف زي دة وم تكلمنا دة معناه شنو؟
خصوصاً إنه الناس الإنت مواجههم ديل ما ناس هينين يعني على حسب ما بتكتب الصحافة
وائل الموضوع وما فيه إنه في الدار الشغالة فيه شهد في مُسن إتوفى ،وهو ماف توجيه إتهام مباشر لشهد لأنه ماف ادلة على إنها جريمة وهي فعلاً وفاته نتيجة لحادثة بس الحصل دة إسمه شربكة امريكان ،ف إتهموها هي لانها مسؤولة وإتهمو المسؤولين السابقين معاها
والحصل شنو؟
ولا شي طلعت اليوم لعدم كفاية الأدلة عليها
وبكدة الموضوع إتقفل ؟
ايوا إتقفل الحمدلله كيد
متأكد يا سياف الموضوع بالبساطة الحكيتها دي؟والتهويل بتاع الصحافة دة شنو؟
يا باشا حأكذب عليك ليه؟لو م كنت صادق معاك شهد م حتكون نايمة جوا البيت هسي ولا شنو؟
زي م وصفته تهويل ما اكتر
لأني قلقت عليك شديد،وكنت بتصل وما بترد وحتى لو رديت حتلف وتدور م حتقول الحقيقة،طيب في حاجة انا ممكن اقدمها؟
#ليله_في_ديسمبر63
انا اسفة،حقيقي اسفة
قلتها بإستحاء ..
إنه تصحى على واقع إنك بقيت الشخص السيء في رواية احدهم دة شعور تقيل
تقيل شديد إحساس إنك قهرت زول،ما سهل ابداً شعور إنك بقيت الظالم ما ظلوم
ما رد علي ،دخل الغرفة ما عدت 10دقايق غير ملابسه و طلع من البيت
......................
في قرارات بناخدها لما بتنتهي حلولنا في المحاولة على قدر ما كنت بشوف إنه الفرص المفتوحة اسلم الحلول على قدر ما إقتنعت إنه الإنفصال في بعض الأحيان ممكن يكون قرار صحي للطرفين..
بنسمع بمقولة فاقد الشيء لا يعطيه بس في الحقيقة حتكبر والحياة بتمتحنك في المقولة دي
حأختلي بنفسي وأرجع بذاكرتي كم سنه ورا واحكي بعض من تفاصيل حياتي..
"ما بقول إنه تربيتي مختلفة او البيئة الإتربيت فيها مختلفة لأنه انا إتربيت في بيت حاله حال كتير من الأسر السودانية بطباعها وعاداتها وتقاليدها البسيطة وحال بيوت الريف السوداني الحوش الكبير البتعيش متداخلة فيه الأسرة كلها في بيت واحد الابو واولاده واحفاده...الخ
الحاجة دي على قدر ما هي فيها مزايا فيها العيوب
يعني انا لما اقول إتربيت في بيت "كثرت فيه الألسن" الحاجة دي ليها إنعكاس وتأثير على شخصيتي او شخصية الأطفال عموماً،لأنه إنت ما متربي على يد ام واب بس لا تربيتك داخل فيها الأب والأم والجد والأعمام و...الخ
وكل واحد وليه إسلوبه وطريقته ف بتكون متلقي للتربية بأكتر من طريقة مع إختلاف الشخصية
يمكن تطابق المفاهيم عندنا في الريف ليه اثر في إنه ما يكون في ضغوطات على الطفل او تشتت في افكاره
لأنه إنت بتقوم بتلقى عقل جدك ياهو عقل ابوك ياهو عقل عمك ،ياهو عقل باقي ناس الحلة،بس إنت بتختار الطريقة الأنسب معاك..
انا حصتي من التربية كانت مختلفة شوية عن اخواني
لأني قمت في فترة لقيت فيها عمي " وصفته قبل كدة بإنه الوحيد الطلع برة الأسرة"
عمي دة كانو بنادوه مصطفى سيد احمد كناية عن إختلافه وسط ناس الحلة سواء في طريقة اللبس او شكل الشعر او غيره..
بالإضافه لإنه من دون الناس كانت نظرته للحياة وفلسفته ليها مختلفة على عكس ابوي واعمامي الباقين الهم نسخ من بعض في العقلية والمفاهيم
ف هو كان منبوذ وسطهم جداً،حتى نحن كانو بشددو على اخواني الكبار إنه يكونو بعيدين منه بوصفهم ليه إنه زول ما كويس او بمعنى اصح "شماسي" وحيخربهم
كان غيابو كتير بحكم إنه كان مُحب للدراسة وبسافر ،وفترات وجودو معانا قليلة
اما ابوي وبقية اعمامي كانو حالهم حال جدي واجداده الباقين محور حياتهم "الزراعة والسعية،والخلاوي"
والسائد في الريف السوداني إنه التعليم مهمل
اما نحن ف بقول في منطقتنا ما كان في تعليم اساساً وقتها
والعايز يقرأ كان لازم يهاجر لمنطقة بعيدة للمدرسة والتعليم م بكون على قدر كافٍ برضو ولكن احسن من لا شيء
بالإضافة للعايز يتعالج برضو،ما كان في اي مركز صحي حوالينا وفي العادة عندنا البسافرو بيه وبودوه المستشفى للعلاج دة بكون منتهي وفي مراحله الأخيرة
اهم مقومات الحياة "التعليم+والصحة"مهملات تماماً عندنا او معدومات..
ف الطلوع من هناك محتاج سعي ومكابرة وإجتهاد وتحديات حقيقية
نصيبي من التربية "اخدتة من ابوي وعمي" وديل شخصين مختلفين تماماً عن بعض ..
عمي فلسفته للحياة اخدها من رغبته في التغير للحياة القام فيها دي ف كان دايماً يردد جملة "شق الديار عِلم"
اما ابوي ف كان يقول لينا "داراً ما داري انا مالي بيه"
عمي كان مُلحد بإرث الأجداد وعاداتهم وتقاليدهم والإطراء المبالغ فيه لحياة الريف وبساطته لأنه الحياة دي رغم جمالها بتتخللها المعاناة
اما ابوي ف كان مُمجد للحاجة دي وشايف إنه الإنسان إتولد عشان يعيش على خطى ابهاته واجداده وم شرط يتطور بالعكس كان بوصف التطور بكل اشكاله بإنه "سفاهه" ودة حاله وحال اعمامي الباقين بإستثناء عمي دة ف كان شايف إنه الإنسان يملك قرار نفسة والمفروض يعيش الحياة على خطاه هو ما على خطى غيره..
للسبب دة كانو ببعدونا منه او بمعنى اصح ببعدو اخواني الفي طور الشباب منه اما انا ف كنت في عمر صغير ف كنت بجالسة في كتير من الأوقات وبسمع ليه ولأفكاره..
وخدعه إنه الطفل الصغير ما واعي للبتقال حواليه دي فيها شي من الجهل ،لأنو في الواقع الطفل متلقي ممتاز اكتر من الناس الكبار
مع تكرار مرافقتي ليه مرة بعد مرة بقى عندي شغف مجالسته
هو على عكس ابوي واعمامي ما بصرخ ما بضرب ما بنهر..
نسيت اذكر إنه ابوي كان قاسي وحاد الطباع
مع زوجاته ،اولاده ،اخوانه...الخ
كلمة واحدة ما بكررها-عين واحدة ما بزيدك بعدها حرف
عندنا مكان كدة لو ناداك فيه معناها اليوم يوم "حوبتك"
من قساوتو انا م بتذكر مرة عيني جات في عينو
بدل ما نستنزف بعض اكتر من كدة ونكون اشخاص سامين في حياة بعض احسن نسيب
كل شي من طرف واحد بولد عدم الرغبة في الإستمرارية يا شهد
لو حصل وإستمرينا كدة حتتراكم علينا المواقف وحنصرف الكمية دي من العربي كل فترة والتانيه عندك حل غير إنه نوقف؟
لأني صراحة إنتهت الحلول عندي مش لأني ما عاوز احارب،لأني بقيت ما شايف نفسي في علاقة تستحق احارب عشانها
ومن ناحيتي ما حأجيب سيرة طلاق..
المحكمة حأواصل فيها لأخر جلسة وحأعمل البقدر عليه متى ما تطلب الأمرة بس حدود علاقتنا حتكون علاقة محامي وموكلته،وعموماً من جلسة اليوم أنتِ في السليم نوعاً ما
اكتر شي عايش عليه في حياتي دي الوضوح ما بحب التعقيد واللف والدوران وللأمانة ما بحب اعيش في جو العلاقات الغير صحية دة رغم إني حاولت اخليها صحية على قدر م اقدر بإني اتخطى واتجاوز وأتمسك،حاولت يا شهد بس لمتين ححاول؟ما هو يا ابيض يا اسود،العلاقات الرمادية دي للمراهقين يا شهد والإستمرار فيها قرار مؤذي، ف افضل نوقف
طيب،إنت صح،الشايفو إنت مناسب انا معاك فيه..
.....
Airport:12:30:20pm
على متن طائرة خاصة..
تفضل سيدي
شكراً لك
عزيزي،شكراً لحضورك
أخبرتك ان تبقي بعيداً عنها كاثرين
لنشرب كأساً ،هناك بعض الأمور المهمة التي علينا مناقشتها،تفوح منك الرائحة التي أحب، كم إشتقت إليك
محاولة في التقرب وصد
تُكمل حديثهاب "سنذهب لحضور حفل للمافيا الروسيا والإ جتماع ببعض الأشخاص ،إنهم أشخاص مهمين لذا اردت الا يفوتك الأمر بما انك اكتسبت سمعة جيدة واصبحت مرغوباً في الوسط اردت ان تتوسع دائرة معارفك في عالمنا
لن أكرر ما قلت كاثرين
ابقى هادئاً،ساخبرك ما نحن بصدد السفر لأجله
كاثرين؟!"نبرة حادة"
حسناً سأفعل،لدينا خطة سنقوم بتنفيذها وإنهاء أمر الدار هذا ولكن..
ما هي الخطة؟
بعد وفاة جورج روكفلر اصبح التلاعب بهويات المتواجدين بالدار لا يجدي نفعاً،جمع الرجل فترة تواجده بالدار العديد من المعلومات حول هويات الموجودين ،كان التخلص منه سهلاً ولكنه كان ذكياً بما يكفي ترك ما جمعه في بعض الأيدي الخاطئة،كشف الهويات الحقيقية لهؤلاء الأشخاص تعني وقوعنا في المتاعب
إذاً ما الخطة؟
نقل هؤلاء الأشخاص وإخفاءهم عن الأنظار وترك المبنى مهجوراً
لم الحاجة لإخفاءهم؟لم لا يتم توزيعهم على دور المسنين المختلفة؟
ليسو مسنين عاديين كما يظن ويرى الجميع،تُدفع لنا مقابل عقد صفقة التحفظ عليهم الالاف الدولارات!؛
امضيت اعواماً في إدارة ذلك المكان ،و كنت جزءً من بناء منظومته دون حاجة اللجؤ لخطة اخرى، نحن نفعل ذلك الأن بفضل فتاتك ، تعرف ماذا يعني هذا؟
تغيير ملامح وجهها قد لا يكون كافياً هذه المرة لإثبات مهنيتك عزيزي.
وقبل ما تعدي ربع ساعة زيادة وصل
قبل ما ينزل من عربيته وقفت على حيلي..
جا نازل من العربية شايل حاجات في يده..
مشيت عليه وانا بعاين ليه وساكتة،ما عارفة ابدأ من وين؟
اعاتبه والومه على تأخيره وغيابه دة؟
ملامح وشه م بتقول إنه ينفع اعمل كدة
كنت وين دة كله؟إنت كويس؟تلفونك قافل مالو؟
كان عندي باقي إجراءات في النيابة خلصتها وطلعت
كل دة في النيابة بس؟
اداني شنطتي و قال لي كانو متحفظين عليها فيها تلفونك وجوازك وبقية الحاجات البتخصك..
دخل البيت وخلاني واقفة مع نفسي لدقايق،دخلت وراه وانا بقول ليه سياف ينفع نتكلم؟أنا لازم اشرح ليك وإنت لازم تسمعني..
قعد في الكرسي وإتنهد وفتح جزء من زراير قميصه وبدا يكفكف اياديه وبإستياء قال لي حتبدي من وين سامعك؟
سياف انا مقدرة موقفك وعارفة إنك إتختيت في موقف سيء وسخيف شديد وانا اسفة لأني ما حكيت،ما كل الإتقال دة حقيقة ،عمار دة كذاب ومريض ،هو كأنه بقول لي عليَّ وعلى اعدائي، مفروض تفهم إني ما حكيت لأني خفت،خفت على مشاعرك وإنه م تصدقني او يمكن خجلت،خفت اخسرك
كل الحكاية كانت إنه انا لما كنت في المستشفى قبل م سفرتك لواشنطن هو جا المستشفى وكان لابس لبس الدكاترة و...الخ
بس دة كل الحصل حتى بعد سافرنا هناك انا كنت قاعدة في شقة براي و..
شهد ،انا بعرف اغربل الحقيقة من الكذب واكيد ما حتفوتني نقطة إنه طليقك دة كان صادق وين وكان بكذب وين..
بس الأنا مستغربة يعني إنتِ بعد كل الأذى الحصل ليك من الراجل دة وبالطريقة الحكيتيها لي وكل الشر الشوفتيه منه ببساطة اقنعك بالسفر وقررتي تسافري معاه عشان تستغفليه ويملكك معلومات ؟
مصابة بمتلازمة ستوكهولم إنتِ؟
ما ختيتي نسبة 1%إنه هو المستدرجك ما إنتِ ؟
طيب في نص دة كلو ما لاحظتي لإنه إنتِ في الحقيقة كنتِ بتستغفليني انا؟
طليقك بزورك في المستشفى وبتواصل معاك و
بقترح عليك تسافري وتنتقلي من هنا وبتسافري معاه لولاية تانيه وانا ما مهم اعرف لأنه اساساً علاقتنا راس مالها ورقة وبتتشرط وبتترمي
انا كنت مُصر عليك إنه تسافري معي وإتحججتي بمليون حجة متذكرة؟عشان إنتِ اصلاً كنتِ مقررة السفر معاه؟
عارفة اسوأ حاجة في الدنيا دي بعد إنه الإنسان يكون كذاب شنو؟إنه تخلي الزول يكون اهبل قدام نفسه
انا م حأشكك في اخلاقياتك لأني واثق إنك ما كدة حتى وانا مغمض مستحيل أفكر فيك بسؤ
بس يا شهد كذبك علي،وإستغباءك لي وسفرك معاه ديل مشكلتي وطبعاً انا ما من حقي اوصفها غير إنها مشكلة لأنه في الأساس علاقتنا ما قايمة على الثقة..
في العلاقة دي كنت دايماً شخص متفهم وغير متطلب
طول الوقت ،وحاولت اكون الجانب المريح في حياتك لأني مقدر ظروفك وضغوطات الحياة الإنتِ مارة بيها بس كل مرة إنتِ بتصعبي الحياة علي وعليك اكتر يا شهد والسبب في دة عدم صدقك ووضوحك،بتقولي للزول انا واقعة في بير بس ما بتمدي يدك عشان يسحبك منها كانك حابة وجودك في القاع الإنتِ فيه دة
امبارح كنتِ بتقولي لي انا بثق فيك والصباح بتدسي مني الرسالة الجاياك في بوكية الورد الوصلك من مجهول
وبصل المحكمة بتفاجئ بإنه ما كنتِ صريحة معي للأخر ولسة م معروف كمان في شنو ما عارفه
كنت بعاين ليه مخلوعة..
ايوا البوكية الوصلك انا شوفته،ادتني ليه الممرضة وكانت فيه رسالة وانا طلبت منها توصلو ليك لأني كنت مشغول بمكالمة..
سياف البوكية كان من تايس
ما مهم اعرف كان من منو هسي،واصلاً م كان حيكون مهم هو من منو او فيه شنو بس الفكرة في ليه دسيتي علي الحاجة دي؟
لأنو عامل الثقة ما متوفر بينا يا شهد،
على قدر وضوحي وصدقي انا باخد منك المقابل الشكك ضِعفين،دايماً الشعور البوصلني منك إني ما اهل للثقة..
سياف انا فاهمة بس..
بس إنتِ دايماً صح،إنتِ دايماً عندك مبرر لكل حاجة بتعمليها حتى لو هي غلط بتصححيها وعايزة الواحد يتقبلها وم يعارضك او يناقشك فيها لأنك صح
انا ما كنت جبان في العلاقة دي ولا بأي شكل كان ،لما إقترحتي علي فكرة إنه نتزوج م وضحتي لي نقطة إنك عايزة "دُلقان" تشيليه وقت ما عايزة وترمية وقت ما عايزة
سياف ليه إنت شايف الموضوع من الجانب دة بس ياخي ليه إنت ما عايز تسمعني
انا دايماً كنت سامعك طيب وريني مفروض اشوفو من اي جانب ؟
سعيك ورا الإنتِ عايزة تصلي ليه مخليك ما بتعايني للمواضيع إلا من الجانب البتكمن فيه مصلحتك واقول ليك شي من ناحية دي حاجة كويسة لأنه تاني دي حتكون حدود تعاملاتنا
الأفضل لي وليك نوقف لغاية هنا
بينا الإحترام ودي حاجة إنتِ فرضتيها من اول يوم نحن عرفنا فيهو بعض وعمره إحترامي ليك ما قل ولا حيقل في يوم
بس نحن إنجرفنا في علاقة ما عندها اي اعمدة او ساس قايمة عليه وماف شي فيها واضح ،او بمعنى اصح انا إنجرفت إنتِ سلفاً بتتعاملي على إنها علاقة بدون إلتزامات
هو صارحك بمشاعره يا شهد؟عشان في فرق بين إنه بس بعاملك كويس وبين إنه يصارحك بمشاعره لفظاً قبل م يكون فعلاً عشان م تكوني متعلقة ومتعشمة فيه بس عشان بعاملك كويس وافعاله لطيفة معاك وامور البنات الكيف كيف دي وتكوني وقعتي في نفس غلط المره الفاتت...اقصد ااااا فهماني صح؟
حتى لو م قالها لي بصريح العبارة يا رفيدو انا متأكدة وبأكتر من مرة وبأكتر من طريقة قالها هو افعاله كلها بتقول كدة،بعاملني كأنه مسؤول مني،عمره م حسسني إني هنا وحيدة
م عارفة اقول ليك شنو يا شهد،من ناحية دي حاجة كويسة ولطيفة،ومن ناحية طيب وعمار وضع علاقتك معاه شنو؟وبالنسبة لموضوع رجوعكم لبعض والموال دة
رفيدة انا بقول ليك في زول تاني في حياتي فاهماني إنتِ؟..
طيب يا شهد واحدة واحدة إنتِ بتقولي م متأكدة من مشاعرك تجاهو يعني احياناً شعور الوِحدة والتعويدة بلخبطونا وم بخلونا نحدد نوع مشاعرنا دي إعجاب وحيتلاشى ولا حب جد ، ،انا م عايزاك تستعجلي وتتعاملي بإندفاع وتتصدمي في النص إنك ما بتحبيه وتبقي في مشكلة اكبر بعد م تعلقي ود الناس بيك ادي نفسك فرصة رتبي افكارك وأهدي ..
وهي بتتكلم حسيت بحركة في باب البيت،بقيت مركزة فيه فجأة الباب فتح ..
سياف جا داخل،مسحت دموعي وقلت ليها رفيدة برجع ليك قفلت الخط ورميت التلفون ونزلت بسرعة وانا بمسح في دموعي..
ما إتوقعت يجي بدري كدة
كان بعاين لي بإستغراب لأني لابسة البلوفر بتاعه..
حاولي ما تطلعي اليوم وبكرة ،اليومين دي عموماً وما تترددي على الدار لأنه تواجد الصحافة هناك مؤكد ،إنتظري الأوضاع تهدأ شوية بعدها ممكن تطلعي ،لو عاوزة حاجة كلميني او رسلي لي رسالة انا بجيبها ليك
وائل سافر؟إتوقعتك حتسافر معاه
انا لما اقرر اسافر بتكلم وبحدد مسافر مع منو!
صدمني رده ونبرته ،بقيت بعاين ليه
قال الكلمتين ديل ورجع طلع من البيت
...............................
"على طاولة إفطار في الصباح الباكر تجمع تايسون وزوجته وإبنه..
"محامي مبتدئ في مواجهة عائلة ادامز..
ما كان هذا؟
خبر تصدر إحدى صفحات الجرائد اليوم
تايلور هل سبق واخبرت زوجتك اننا لا نهتم كثيراً بشأن اخبار الجرائد والهُراء الذي يُكتب فيها؟
لا تنسى انني المحامية على رأس تلك القضية،اظن ان علينا النقاش في هذا الأمر وتوجيه ما ستكتبه الجرائد حولنا،لذا اظن ان إجراء مقابلة صحفية قد يقلل عنا مضايقة الصحافة لنا
الصحافة توجه اقلامها لنا دون الحاجة إلى الظهور لهم
اعلم ولكن الظهور للصحافة يخدم قضيتنا اكثر
تعلمين ما الذي عليك التركيز به اكثر من امر الصحافة أليس كذلك؟
اعلم،واعمل على الأمر
إنها المرة الأولى التي نغادر فيها قاعة محكمة خائبين اتمنى ان لا يتكرر هذا الأمر مرة اخرى
لم يكن خطأي ،كان كل شيء يسير كما تم التخطيط له
اجل،،ربما لم يكن خطأك،ولكن تصحيح ما حدث وإعادته لمساره الذي يخدم مصالحنا مسؤوليتك
سأفعل
اين تذهبين؟
سأجري مكالمة لبضع دقائق..
.....................................
موسكو/Russia
"عمار&كاثرين"..
اردت ان نمضي مزيداً من الوقت معاً بالفندق ولكن علينا الذهاب...تبدو انيقاً اكثر من المرات السابقة عزيزي،دعني أُعيد ترتيبك..احب تواجدك برفقتي هذا،يشعرني بالدفء، ليتنا نستطيع الذهاب في رحلة كما كنا نفعل في السابق..
تعلمين انه يتوجب علي الذهاب لتركيا لذا..
اعلم أن لا وقت لديك...تفضل
لم المسدس؟هل نحن بحاجة له؟
سبق واخبرتك اننا ذاهبان لحضور حفل للمافيا الروسيا،ربما تسؤ الأمور تحت اي لحظة هناك
إلى اي حد يمكن ان تسؤ الأمور؟
ان لا تعود برفقتي او لا اعود برفقتك او لا نعود معاً
"نظرات دهشة "
إحتفظ به لحمايتك،نحن على وشك الوصول لمكان الحفل
اعلم جيداً كيف احمي نفسي
ليس في حفل للمافيا الروسيا صدقني
.......................
عدى اليوم التاني للمحكمة بهدوء والتالت والرابع
مليت السكات والتلفون ومشاهدة التلفزيون والوقفة في البلكونة،كانت ايام مليانة لوم وعتاب لنفسي وجلد ذات ومبادئ إكتئاب حقيقي
حسيت حياتي القديمة ووحدانيتي ديك رجعت لي والحياة اشبه بإنها كئيبة
سياف ساكت طول الوقت واصلاً بشوفو بالصدفة لأنه
بجي زول نوم وبطلع بدري..
اليوم الخامس قرررت امشي الدار واتفقد احوال المسنين
قبل كل شيء إتصلت على سياف
اول ما رد قلت ليه سياف انا طالعة على الدار
طيب اجي اوصلك؟
لا بمشي براي بتصل على مادلين اتأكد منها لو في صحافة او كدة ولا لأ
خير إن شاء الله
إختصر الكلام معي في البداية زعلت وبعدين إتذكرت إنه مفروض اتعود على إسلوبه دة اصلاً ودة شكل علاقتنا لقدام كدة جهزت وطلعت،لبست كمامة عشان م تحصل لي مضايقة في الشارع..
أقنعتني بكدة ،اتمنى تقتنع إنت بكلامي وتقعدو تتناقشو مرة تانيه إنت ويوسف وتصلو لحل،يا سياف المبالغ الإنت بتقول انا خليتها دي م مبالغ هينة دة شقى عمر إنت فاهم؟يعني دة كل ما تملك ودة حلم إنت سعيت وراهو سنين وإشتغلت ولميت كل سنت فيه لما قلبك وقف ودة مشروعك وتعبك إنت،يعني البتعمل فيه دة إسمه حماقة وانا ما اتعودتة عليك احمق ابداً ،ما فاهم شنو الممكن يوصل الأمور بينكم لكدة؟
ياخي إنت وانا عارفين إنت شِقيت قدر شنو في البلد دي،حتبدأ من الصفر؟
وائل يا اخوي اهلنا بقولو الله ما شقالو حنكاً وضيعو،طالما توفيق الله في و الضراع البجيب القرش ماف مخافة من شي تاني!..طريق السلامة يا اخوي،لما توصل اديني خبر.
عديلة،بينا التلفونات
يلا في امان الله
في طريق الرجعة من المطار جاتني مكالمة..استاذ ميرغني كيفك؟
يا إبني عساك بخير؟
الحمدلله تمام التمام إنت كيفك وكيف صحتك؟
الحمدلله بخير ما عندي عوجة تب
إن شاء الله دايماً يا استاذ
ضربت عندي بُشارة كدة قلت اكلمك بيها
بشر الله يبشرك بالجنة يا ابوي
بخصوص موضوع ولدنا امجد دة وكدة،في طريقة كدة تطلعو من السجن لكن درباً ما عديل،انا زاتي هبشت ناسي البعرفهم بجاي وبجاي ودخلت وساطات حتى وصلوني للطريقة دي
كدة وريني الطريقة شنو والله يعدلها
والله يا ولدي نحن نظامنا دة ما كلو فساد في فساد وياهو اي شي بي قرشك بحلل ليك،عرفت من ضابط صغير كدة إنه بتدفع قروش وبتطلع بمقابل وبتقفل ملفك وبتسحب من السجن
فكرنا في الإسترحام دة لكن الإسترحام عشان هم مستقصدنو ومضادنو حتى لو عملناه ما اظن ينفع بي شي..
تهريب يعني من السجن؟
لا ما تهريب،بتطلع بالدرب عديل وبتقفل ملفك وبتسحب
طيب وموضوع القروش دة ضمان وكدة يعني؟في ناس طلعت بالطريقة دي؟
ايوا طبعاً وناس كمية كمان لكن شنو طوالي بعد يطلعو بتخارجو برة البلد بأي طريقة ما بقعدو،والحاجة دي بتتعمل بواسطة رُتب كبيرة كمان حسب ما عرفت، حال البلد دي بقى قرشك بخدمك..
لا حول ولا قوة الا بالله العلي العظيم الله يصلح حال البلد دي ياخ ،طيب كلمت امجد؟رأيو شنو؟
ما اعتقد يوافق ،امجد زول قانون وزول دُغري شديد ما بقبل بطريق اعوج خصوصاً إنه دخل وهو مظلوم
ما انا عارف عشان كدة سألتك ،في طريقة يقتنع؟
ما اظن
طيب عرفت كم المقابل الحيطلبوه؟
لسة ما إتكلمت مع الضابط عشان يوصلني للضابط الكبير ،وعشان الضابط الصغير دة يوصلني للضباط بتاعنه الكبار البعملو الشغلة دي لازم ادفع كمان لك ان تتخيل فساد البلد دي؟
بلد القطط السمان زي ما بقولو،خير إن شاء الله إنت شوف حتوصل لشنو واديني خبر ، وخلينا نتناقش مع امجد في الموضوع ونشوف رأي شنو اول وهو ادرى بالمواضيع دي وتبعاتها اكتر مننا
.....................................
Turkia/Istanbul
الفكرة كانت الإستفادة منها لأنها حتبقى لينا غطى في إدارة المنظمة بما إنها عندها خبرة في المجال وعندها رغبة مُلحة في الشغل من النوع دة،
وسط اخوانها هنا كان صعب طرح فكرة الشغل والسفر خصوصاً إنه التسويق للفكرة نفسه والترغيب وإستقطاب الفئة المطلوبة من النساء كان محتاج لواحدة زيها بالضبط وكمان ضروري تكون ما موجودة في السودان واخوانها طبعاً ضد فكرة سفرها عموماً و وضع ابوها كانت دي عقبة اكبر، ف كانت فكرة طلوعها من البلد امر ضروري و عشان نحن نستفيد منها كان لازم ناخد الزواج ك خطوة مبدئية بعدها شوية شوية حنسحبها للشغل بطريقة غير مباشرة هي حتى م حتكون في الصورة وم عارفة اصل الشغل الحقيقي للمنظمة شنو وهنا كانت بتجي مهمة عمار اخوي ،لأنه بقت تواجهنا مشاكل كتيرة في موضوع التهريب عن طريق بلدكم ف قررنا إنه البنات حنسفرهم بطريقة ما، شبه مباشرة على عكس الرجال..
لا ما تخاف ،حصلت ربكة كدة بس بعدين الأمور رجعت الحمدلله،بتتحسب لينا غلطة بس الأغلاط بتحصل وم بتتكرر إن شاء الله
طبعاً ما وقفنا ولا حنوقف شغل وتعاملنا معاكم اكيد مستمرين نحن
انا حالياً في تركيا لكن راجع السودان قريب،بنرتب لدفعة جديدة وإن شاءالله حاتواصل معاك اول ما نرتب امورها
ابشر ،مع السلامة
بتتكلم مع منو وبتشرح ليه قدر دة؟
ناس تبع الشغل بتاعنا
اهاااااا،والله قربت تجيب اجلكم،بأي طريقة لازم تقدرو تطلعوها برة امريكا يا عثمان قبل ما تاخد الجنسية،اضغطوها بأي صورة كانت البت دي لايوقة فوق ما تتخيل واكعب من امها
عليك الله ما كل م نقعد تجيبي سيرة امها دي،ما تزهجينا،
موضوع طلوعها من امريكا دة شغل عمار،وعمار قال انا بقدر عليها وبقدر اقفل الموضوع دة نهائياً ،خلاص خليناهو ليه، عمار طالما قال انا بقدر معناها بقدر
اخوها خبرو شنو ؟
إتحكم
إنت مشكلتك ما بتسمع كلامي يا عثمان،امجد دة قدر ما قلت ليك الولد دة م ترغبو في شغل الجيش ما بنفعك بنفعوك اولادك ديل بس قعدت تستدرجه وترغب فيه وتتمحلس ليه لغاية م دخلته الكلية الحربية وإتخرج وبقى هو في إتجاه ومساعيك في إتجاه،غير بقى يفتش وراك وبقى ليك شوكة حوت ما عمل شي نفسي افهم إنت لما دخلته الكلية
كان كل ما يغيب يرجع بإضافة جديدة للمنطقة وبإضافة لي،ف كنت بنتظر رجعته بفارغ الصبر
عودني إنه كل ما يجي يجيب لي معاه كتاب او كتابين بالإضافة لكتب المرحلة الأنا بدرس فيها وشوية ادوات بعد ملاحظته إهتمامي بالقراءة عموماً
عمي دة رغم سفاهته البوصفوه بيها
بنى مسجد
بنى حوش للمدرسة المكونة من 8فصول وبنى مكاتب منفصلة للمعلمين وبدل ما كانو الطلبة بدرسو في التراب او في الشوالات جاب ليهم كنب حديد
كنت براقبه بصمت
وبستمع لكلامه وبحب رفقته،وبتسائل كيف شخص زي دة ممكن يكون سفيه ؟كيف ممكن يكون سيء زي ما بوصفوه لينا وبمنعونا من مخالطته عشان م نتأثر بأفكاره ومفاهيمه؟
قد يظن البعض إني بحاول اعكس صورة سيئة عن الريف ومفلس في التعبير
ولكن في الحقيقة انا بحاول اصور الواقع الكنت شايفه في منطقتنا واكيد الحاجه دي ما بتتعكس على بقية المناطق..
زي م كانت في العيوب في المزايا الما بتحصى ولا تُعد
ولكن عن نفسي كنت دايماً في محل مقارنة بين ابوي وشخصيته ومفاهيمة وبين عمي
بالنسبة لطفل زي كان الموضوع اكتر صعوبة وتشويش
مع مرور الزمن ومع العمر البجري ودخولي مرحلة المراهقة الهي تعتبر اصعب الفترات بالنسبة للجنسين بقيت في موضع نضج ورؤية اوضح ،وبقت الأنظار متوجهه علي بحيث إني بقيت راجل ومفروض اتزوج وقتها عمري ما كان إتعدى ال17سنة لسة
بتذكر في جملة واحدة قالها لي عمي في نقاش دار بينا
شوف الشي الصح بالنسبة ليك واعملو بعد ما تدرسه وإتحمل مسؤوليته،ما تخلي زول يقرر شكل حياتك مفروض يكون كيف
حياتك دي تجربتك إنت ومفروض تعيشها بكل تفاصيلها لما تقرر تعيشها ما تعيشها كنسخة من حياة غيرك،دي رحلتك إنت
الكلام القالو دة كان بالنسبة لي كبير شديد اكبر من مستوى فهمي وإستيعابي لأنه نحن ما كان عندنا رفاهية الإختيار البتكلم عنها دي..
اخدت وقفة مع نفسي وقررت إني متى ما اتوفرت في يدي حرية الإختيار حأختار اكون في الجانب بتاع عمي
ما كنت عايز شخصية جدي وابوي واعمامي واخواني واولادهم المستنسخة ومتكررة وصِفاتهم المكتسبة عبر الأجيال تتكرر من خلالي مرة تانيه
كل ما اتذكر القسوة الكانت في شخصية ابوي بحاول اكون مرن في تعاملاتي مع الحوالي
في الجانب العاطفي امي كانت هي الطرف اللي ليها التأثير الأعظم في تعاملاتي مع النساء"..
المكالمة الألف من وائل بنفاذ صبر فتحت الخط..
كتر خيرك رديت يعني
وائل لو عايز تتناقش في موضوع إتقفل من اسبوع وشويه وانا قلت ليكم بالنسبة للأمور المالية انا ما عايز تعويض ولا دولار واحد والبينا عامرة تاني في شنو؟
حبيبنا انا طالع من المطار جاي عليك في البيت قلت اكلمك قبل ما اصل،رحلتي إتأخرت في الوصول عشان كدة واصل متأخر وخُفت القاكم نايمين..
حبابك الف ،بس لو عايز تناقشني..
سياف خليني اصل اول كدة
طيب مستنيك،تحب اجي عليك في المطار؟انا كدة كدة برة البيت
لا انا م بعيد،ذكرني بالعنوان بتاع البيت تاني بس للضمان
طيب حارسل ليك اللوكيشن
بعد م كنت في طريقي لجسر البوابة الذهبية لأني كنت محتاح للقعدة مع نفسي جداً رجعت على البيت عشان انتظر وائل ،وم عدت دقايق لقيته وصل..
ضيفته بنفسي وانا بقول ليه: شهد تعبانه شوية ف كانت نايمة وم كلمتها بجيتك..
كويس إنك م كلمتها تعال اقعد خلينا نتكلم لانو انا اصلاً حاجز في رحلة الصباح ف م عندي طريقة اقعد،ساعات بس وراجع
يا زول ليه؟دي م حنسميها زيارة
م تتهرب،تحب نقعد هنا ونتكلم ولا تجيب الكورة ونطلع نتكلم برة ونحن بنلعب سلة؟
لعب زي الوقت دة؟
من متين نحن عندنا مواعيد للعب؟
طيب يلا
ونحن بنلعب قال لي حتحكي لي ولا اسأل براي؟
احكي ليك شنو بالضبط؟إنت سلفاً عارف كل حاجة!
ما بتكلم عن موضوعك إنت ويوسف لأني سلفاً شايفو غباء وحماقة منكم،بتكلم عن قصة المحكمة والجوطة الحاصلة عليكم انت وشهد
بإندهاش وقفت وانا ماسك الكورة وبعاين ليه..
إنت فاكر إنه نحن م بنقرا جرايد؟م بنتابع صحافة؟
متضايق وزعلان منك لأنه نحن المفروض اخوان وفي غُربة وإنت مما عرفناك بتشيل معانا ،لما يحصل معاك موقف زي دة وم تكلمنا دة معناه شنو؟
خصوصاً إنه الناس الإنت مواجههم ديل ما ناس هينين يعني على حسب ما بتكتب الصحافة
وائل الموضوع وما فيه إنه في الدار الشغالة فيه شهد في مُسن إتوفى ،وهو ماف توجيه إتهام مباشر لشهد لأنه ماف ادلة على إنها جريمة وهي فعلاً وفاته نتيجة لحادثة بس الحصل دة إسمه شربكة امريكان ،ف إتهموها هي لانها مسؤولة وإتهمو المسؤولين السابقين معاها
والحصل شنو؟
ولا شي طلعت اليوم لعدم كفاية الأدلة عليها
وبكدة الموضوع إتقفل ؟
ايوا إتقفل الحمدلله كيد
متأكد يا سياف الموضوع بالبساطة الحكيتها دي؟والتهويل بتاع الصحافة دة شنو؟
يا باشا حأكذب عليك ليه؟لو م كنت صادق معاك شهد م حتكون نايمة جوا البيت هسي ولا شنو؟
زي م وصفته تهويل ما اكتر
لأني قلقت عليك شديد،وكنت بتصل وما بترد وحتى لو رديت حتلف وتدور م حتقول الحقيقة،طيب في حاجة انا ممكن اقدمها؟
#ليله_في_ديسمبر63
انا اسفة،حقيقي اسفة
قلتها بإستحاء ..
إنه تصحى على واقع إنك بقيت الشخص السيء في رواية احدهم دة شعور تقيل
تقيل شديد إحساس إنك قهرت زول،ما سهل ابداً شعور إنك بقيت الظالم ما ظلوم
ما رد علي ،دخل الغرفة ما عدت 10دقايق غير ملابسه و طلع من البيت
......................
في قرارات بناخدها لما بتنتهي حلولنا في المحاولة على قدر ما كنت بشوف إنه الفرص المفتوحة اسلم الحلول على قدر ما إقتنعت إنه الإنفصال في بعض الأحيان ممكن يكون قرار صحي للطرفين..
بنسمع بمقولة فاقد الشيء لا يعطيه بس في الحقيقة حتكبر والحياة بتمتحنك في المقولة دي
حأختلي بنفسي وأرجع بذاكرتي كم سنه ورا واحكي بعض من تفاصيل حياتي..
"ما بقول إنه تربيتي مختلفة او البيئة الإتربيت فيها مختلفة لأنه انا إتربيت في بيت حاله حال كتير من الأسر السودانية بطباعها وعاداتها وتقاليدها البسيطة وحال بيوت الريف السوداني الحوش الكبير البتعيش متداخلة فيه الأسرة كلها في بيت واحد الابو واولاده واحفاده...الخ
الحاجة دي على قدر ما هي فيها مزايا فيها العيوب
يعني انا لما اقول إتربيت في بيت "كثرت فيه الألسن" الحاجة دي ليها إنعكاس وتأثير على شخصيتي او شخصية الأطفال عموماً،لأنه إنت ما متربي على يد ام واب بس لا تربيتك داخل فيها الأب والأم والجد والأعمام و...الخ
وكل واحد وليه إسلوبه وطريقته ف بتكون متلقي للتربية بأكتر من طريقة مع إختلاف الشخصية
يمكن تطابق المفاهيم عندنا في الريف ليه اثر في إنه ما يكون في ضغوطات على الطفل او تشتت في افكاره
لأنه إنت بتقوم بتلقى عقل جدك ياهو عقل ابوك ياهو عقل عمك ،ياهو عقل باقي ناس الحلة،بس إنت بتختار الطريقة الأنسب معاك..
انا حصتي من التربية كانت مختلفة شوية عن اخواني
لأني قمت في فترة لقيت فيها عمي " وصفته قبل كدة بإنه الوحيد الطلع برة الأسرة"
عمي دة كانو بنادوه مصطفى سيد احمد كناية عن إختلافه وسط ناس الحلة سواء في طريقة اللبس او شكل الشعر او غيره..
بالإضافه لإنه من دون الناس كانت نظرته للحياة وفلسفته ليها مختلفة على عكس ابوي واعمامي الباقين الهم نسخ من بعض في العقلية والمفاهيم
ف هو كان منبوذ وسطهم جداً،حتى نحن كانو بشددو على اخواني الكبار إنه يكونو بعيدين منه بوصفهم ليه إنه زول ما كويس او بمعنى اصح "شماسي" وحيخربهم
كان غيابو كتير بحكم إنه كان مُحب للدراسة وبسافر ،وفترات وجودو معانا قليلة
اما ابوي وبقية اعمامي كانو حالهم حال جدي واجداده الباقين محور حياتهم "الزراعة والسعية،والخلاوي"
والسائد في الريف السوداني إنه التعليم مهمل
اما نحن ف بقول في منطقتنا ما كان في تعليم اساساً وقتها
والعايز يقرأ كان لازم يهاجر لمنطقة بعيدة للمدرسة والتعليم م بكون على قدر كافٍ برضو ولكن احسن من لا شيء
بالإضافة للعايز يتعالج برضو،ما كان في اي مركز صحي حوالينا وفي العادة عندنا البسافرو بيه وبودوه المستشفى للعلاج دة بكون منتهي وفي مراحله الأخيرة
اهم مقومات الحياة "التعليم+والصحة"مهملات تماماً عندنا او معدومات..
ف الطلوع من هناك محتاج سعي ومكابرة وإجتهاد وتحديات حقيقية
نصيبي من التربية "اخدتة من ابوي وعمي" وديل شخصين مختلفين تماماً عن بعض ..
عمي فلسفته للحياة اخدها من رغبته في التغير للحياة القام فيها دي ف كان دايماً يردد جملة "شق الديار عِلم"
اما ابوي ف كان يقول لينا "داراً ما داري انا مالي بيه"
عمي كان مُلحد بإرث الأجداد وعاداتهم وتقاليدهم والإطراء المبالغ فيه لحياة الريف وبساطته لأنه الحياة دي رغم جمالها بتتخللها المعاناة
اما ابوي ف كان مُمجد للحاجة دي وشايف إنه الإنسان إتولد عشان يعيش على خطى ابهاته واجداده وم شرط يتطور بالعكس كان بوصف التطور بكل اشكاله بإنه "سفاهه" ودة حاله وحال اعمامي الباقين بإستثناء عمي دة ف كان شايف إنه الإنسان يملك قرار نفسة والمفروض يعيش الحياة على خطاه هو ما على خطى غيره..
للسبب دة كانو ببعدونا منه او بمعنى اصح ببعدو اخواني الفي طور الشباب منه اما انا ف كنت في عمر صغير ف كنت بجالسة في كتير من الأوقات وبسمع ليه ولأفكاره..
وخدعه إنه الطفل الصغير ما واعي للبتقال حواليه دي فيها شي من الجهل ،لأنو في الواقع الطفل متلقي ممتاز اكتر من الناس الكبار
مع تكرار مرافقتي ليه مرة بعد مرة بقى عندي شغف مجالسته
هو على عكس ابوي واعمامي ما بصرخ ما بضرب ما بنهر..
نسيت اذكر إنه ابوي كان قاسي وحاد الطباع
مع زوجاته ،اولاده ،اخوانه...الخ
كلمة واحدة ما بكررها-عين واحدة ما بزيدك بعدها حرف
عندنا مكان كدة لو ناداك فيه معناها اليوم يوم "حوبتك"
من قساوتو انا م بتذكر مرة عيني جات في عينو
اخدت المترو وانا قريبة من الدار إتصلت على مادلين..
ما ردت علي ،كررت المكالمة برضو ما ردت
رسلت ليها رسالة"صباح النور مادلين،انا في طريقي للدار الان ،هل هناك صحافة او شيء من هذا القبيل؟
عاودي الإتصال بي"
إنتظرتها لدقايق ما رجعت،وصلت الدار ،بوابته الرئيسية وبوابة قسم الموظفين كانت فاضية
ما فاضية من الصحافة بس كانت فاضية من اي شي
باركن العربات الخارجي كان فاضي
م كان في اثر حتى لوجود موظفين الأمن..
للحظة خفت وبقيت بتلفت
البوابات الرئيسية مقفلة
ماف وجود لعربات الخدمات حتى
للحظة حسيت إنه الدم بقى ما جاري في عروقي..
في شنو؟ما كنت فاهمة شي وم قادرة افكر
رجعت إتصلت على مادلين برضو ما ردت
وانا بحاول اتصل على سياف رجعت إتصلت علي..
مرحباً سيدة شهد كيف حالك؟
مادلين اين انتِ؟
ماذا تعنين بأين انتِ؟
مادلين انا امام الدار ولا ارى وجود لأاي عامل،هل انتم في إجازة ام ماذا ؟
اوووه...إنتظري لحظة انتِ بالدار؟
اجل
لا علم لديك بما جرى الأيام الفائته إذاً
لا افهم ما الذي جرى ولا علم لي به؟
لقد تم فصلي انا وعائلتي من ذلك المكان ،على الأرجح تم فصل جميع جميع العاملين هناك ايضاً
ماذا؟ما الذي تقولينه مادلين؟متى ؟ولم لم تقومي بإخباري بهذا الأمر؟
انا اسفة سيدتي ،لقد كنتِ مريضة ولم أرد ان اتسبب في مضايقتك بعد كل ما مررت به الفترة السابقة..
كان عليك إخباري مادلين،من قام بهذا الأمر ولم؟
لا أعلم لِم،ولكن تلك المحامية الشقراء،كانت قد ترأست مجلس إدارة الدار فترة غيابك لا اعلم بأي صفة إستحقته،لم احاول اخبارك بالأمر حتى لا تسؤ حالتك
جوليا؟ بإنفعال قلت ليها: اين المسنين؟
لا فكرة لدي سيدتي ولكن المؤكد انه تم فصل الجميع لا ادري لم
حسناً ،فهمت الأمر
هل ما زلتي هناك؟انا قادمة إليك
لا مادلين لا حاجة لذلك ابقي مكانك
هل انتِ بخير؟
سأكون بخير
متأكدة سيدتي؟
اجل متأكدة
عاينت حوالي الدار هاديء
حتى النوافذ ماف اثر لوجود شباك مفتوح على غير العادة..
إتذكرت النفق او المخرج الباركن بتاع العربات السري بالإتجاه الخلفي للدار ودة اخد مني 5دقايق عشان اصله لأنه كان بالشارع الخلفي للمبنى والطريق طويل،لما وصلت إتفاجأت بإنه المخرج مغلق بسياج حديدي مع شبك
إتصلت في رقم الHR للتوضيح لقيته مغلق
رجعت إتصلت على رقم المدير المالي لما رد بعد ما سلمت عليه سألته :كنت اتسائل لم الدار مغلق والموظفين مفصولين؟
بعد ما حدث مؤخراً طالب مالك المبنى الحقيقي بإخلاءه لذا تم توزيع المسنين على دور إيواء مختلفة وفصل الموظفين وإغلاقه ،لقد تم إرسال رسالة تنبيهية لجميع العاملين في الإيميل الخاص بهم ظننتك تعلمين!
التبرير ما مقنع بالنسبة لي ،معقول بالسرعة دي يتم الإخلاء؟
بنفس عاجزة قعدت في الطريق العام وانا بتكلم مع نفسي
إحساس الفشل دة مميت
فشلت في حماية الناس دي ودة كان هدفي الوحيد من كل المحاولات دي،تعبت من المحاولة والسقطات المتكررة
يمكن دي النهاية فعلاً
يمكن كلام سياف صح وانا بخلق المعاناة لنفسي
م اي حاجة لازم نوصل حدها ،احياناً الإستسلام ممكن يكون حل برضو
الحربية وبقيتو ضابط إنت كنت عايز شنو؟
وم بتتعلم من اخطاءك مسكت اختو ودبستها في اخوك
اختو دي ما كانت إقتراحك؟ما بعضمة لسانك قلتِ لي البت دي احسن إختيار وقعدتي تعددي لي في مزاياها يا كوثر؟
وتاني حسبتها و قلت ليك لأ يا عثمان ،البت دي انا دكتورتها ومحللة شخصيتها وعندي كل تفاصيلها وضحت ليك النقطة دي وجبت ليك إقتراح لكم بت من عندي ووضحت ليك إنهم ما بفرقو عن شهد في شي وحتى إنت بذات نفسك إخترت واحدة لكن بقولو التسوي بإيدك بغلب اجاويدك
هسي الحصل الحصل ما تكتري وترغي فينا كتير
سمح سكتة،اها قلت شنو في موضوع الشركة العقارية ل حسام ما إتناقشت معاه؟
هو لسة مُصر عليها؟
إنت شغال وبتعمل دة كلو عشان منو يا عثمان؟ما عشان اولادك؟مش عشان اولادنا ومستقبلهم؟
ما تبخل عليه وادعمة يعمل العايزو،هو الفكرة عندو والحمدلله مخو نضيف
انا ما ضدو ،لكن انا دايرو يمشي بريطانيا ،صحبي حاج سعيد دة طرح لي فكرة إنه داير يناسبنا وم داير واحد من اولاده يطلع برة مننا ،يعني كان م شال مننا البت يشيل الولد ،وانا شايف حسام احق بنسبه
احسن ليلى هي التمشي بريطانيا لأنها دكتورة ومن هناك تحضر وتتخصص في المجال العايزاه ودي فرصة ولا شنو؟ وحسام دة يفتح شركته العقارية دي و فيما بعد يعمل العايزو..
كدة نشوف البحصل شنو
...................................
USA/ San Francisco
رفيدة صاحية؟
شهد!ايوا صاحية
عايزة أتصل عليك..
إتصلت عليها وانا ببكي..
شهد،كويسة إنتِ؟في شنو مالك بتبكي؟
اخدت وقت وانا ببكي
شهد في شنو فهميني ،في زول حاصلة عليه حاجة؟
عمي عبدالله وعمتو كويسين؟
في شنو يا شهد الله يرضى عليك ما تقطعي قلبي
ماف شي يا رفيدة روقي، بس متضايقة وتعبانة شوية دة كل الموضوع..
إتنهدت وقالت لي جسمي بقى يرجف من الخوف،قلت عمو عبدالله حاصل عليه شي..
،من شنو متضايقة بس احكي لي؟
شهد ؟
من حالنا البقينا عليه دة،امجد في السجن،وابوي وعمتو في تركيا ومع منو؟شهاب ومرته براهم،عارفة عمتو مسالمة شديد وشهاب ومرته م بتأمن ليهم وانا هنا وإنتِ هناك براك وشادي وجوطته البكون عاملها ليكم
نحن عملنا شنو في الدنيا دي عشان نعيش دة كله؟
حالنا دة م بزعل؟م بضايق؟قلبي واجعني
احياناً بقول إنه ممكن نكون ظلمنا زول او اكلنا حق زول وإتحسبن علينا لدرجه إنه حقه رجع فينا بالطريقة دي؟او في شنو بالضبط؟
ليه حياتنا دي كدة؟
الحمدلله بس يا شهد،وحسبي الله ونعم الوكيل،ما تفكري كدة،إبتلاءات واجر صبركم عليها عظيم ،بعدين انا موجودة هنا يا شهد مشيت وين وقصرت في شنو؟
امجد قال لي إتكلم معاك صح؟
ايوا إتكلمت معاه الأيام الفاتت دي
إن شاء الله خير يا شهد،في صحبو ضابط إتكلم معي برضو وقال لي م تخافو عليه في حاجة كدة بتتعمل بتخفف ليه الحكم ما عارفاها شنو غايتو قال لي ممكن يتخفف لسنتين بس وقال لي إنهم م حيقصرو منه
رفيدة هو يتحكم وهو بريء ليه اصلاً؟
امجد ما عمل شي غلط عشان يتحكم
دة بالنسبة لي وليك يا شهد للأسف
إتنهدت وانا ساكتة..
احكي لي المضايقك شنو غير موضوع امجد؟
متضايقة بس ماف شي محدد..
ما تكونو رجعتو إختلفتو مع عمار؟
ما تجيبي لي سيرتو ابداً
معناها فعلاً الموضوع ليه علاقة بعمار ،مالكم في شنو كمان تاني مش كنتو ماشين كويس والحمدلله ربنا هدأ سركم وأموركم ماشة تمام؟
ابداً
شنو شنو شنو؟كيف يعني ابداً؟
سكتت
شهد ما تسكتي احكي لي ما تجننيني بالليل دة،في شنو ؟
حاحكي ليك بس خلي الموضوع دة بينا تمام؟حلفتك بالله
طول عمرنا مواضيعنا بينا ي شهد إلا احلف؟
كنت مترددة احكي ولا لأ
انا منتظراك ؟
إتنهدت وقلت ليها:رفيدة انااااا...انا في حياتي في واحد
الليله،واحد كيف يعني؟
سكتت ما كملت
معليش إنفعلت بس،كملي سامعاك
إتعرفت عليه قبل فترة بحكم ظروف الشغل وكدة،هو وقف جنبي وساعدني وسندني في مواقف لا تحصى ولا تُعد بالذات في البلد المقطوعية دي كنت براي شديد وهو شهم عمري م إحتجته وم لقيته جنبي،وكدة العلاقة بينا إتطورت وهسي ما عارفة روحي انا إتعلقته بيهو وحبيت الطريقة البعاملني بيها ولا حبيتو هو، يا رفيدة إتعلقته بيه شديد شديد وهو كمان ببادلني نفس الشي،بس بسبب مواقف كتيرة بينا انا كنت سبب فيها هو هسي خلاني وقرر إنه م قادر يواصل وهو عنده حق لأنه عمل كل البقدر عليه واكتر وبدل الفرصة ادى نفسه معي اكتر من فرصة وانا دايماً كنت الجانب السيء في القصة لأني ما قادرة اثق في زول رغم إني ما بحس بالطمأنينه والراحة إلا وانا معاه بس حتى انا بتصدم من تصرفاتي معاه بعد م كل شي يكون ماشي تمام ،انا م عارفة اعمل شنو جد تايهه وضايعة،هو م عايز يسمعني،م عايز يديني فرصة قال نوقف وخلاص،قرر يبعد وبس وانا حاسة بنفسي مخنوقة ..
وائل انا عارفك راجل كلس وم بتقصر بس صدقني ماف شي والموضوع إنتهى وكويس إنه جيت لأني كنت زهجان
بالنسبة لموضوعك إنت ويوسف
كدة حتزهجني اكتر يا وائل لو حتفتحه وانا حقيقي يا داب بقول يا هادي بعد ايام صعبة وعصيبة مرت علينا،خصوصاً إنه شهد كانت في المستشفى زي م حكيت ليك،لو قفلتو يكون احسن
طيب حاضر،خلينا نلعب،غير نبرته ممازح لي ب "بقيت ما لعاب زي زمان يا مان مالك العرس غيرك ولياقتك بقت ما عاجباني"
ضحكت وانا بقول ليه طيب خلينا نشوف هههه
عدى الوقت ونحن بنلعب،قريب للفجر دخلنا البيت ودخلته غرفة الضيافة ،ما كان ينفع انوم في الصالة وهو موجود ف دخلت غرفة النوم..
...............
نمت وانا بتذكر تفاصيل المحكمة..
وبتذكر نظرة سياف لعمار وهو بقول ليه "لدينا مقولة تقولة:لا يعاير المرء بإضطراباته النفسية
كان كأنه بخاطبة هو
تفاصيل المحكمة على كلام سياف لي طول الليل كان قاعد في قلبي زي الصخرة
جاتني صحية حسيت بوجوده جنبي،إستغربت وجوده بس بعدين قربت عليه،هو كان مديني ضهره ومخلي مسافة ما بينا ،قربت عليه بتردد وختيت راسي في ضهره ومسكت في فنيلته
"انا مكاني هنا جنبك" قلت الجملة دي بصوت خافض
الصباح صحيت على حركته ف لقيته بلبس
صباح الخير
صباح النور، وائل دة جا امبارح بالليل وحيرجع شوية كدة
ما كلمتني ليه امبارح لما جا؟
لأنه كنتِ نايمة،كان بتكلم معي بدون م يعاين لي
طلعت جهزت ليهم الفطور والشاي وانا طالعة من المطبخ لقيت وائل في غرفة المعيشة..
سلم علي وقال لي سياف قال شوية عيانة و كنتِ في المستشفى و كل م اتصل عليه هو بكون برة كيفك هسي كويسة ؟أجر وعافية إن شاء الله
الحمدلله بخير إنت كيفك وكيف امور الشغل عندكم ماشة؟
الحمدلله فقدتكم بس وجيت اتطمن عليكم
نحن بخير يا وائل والله
قعدنا فطرنا مع بعض،ووائل بطبيعته فيه خفة الدم ،ف القعدة بوجودو كانت لطيفة
قلت ليه عاين دي م حنحسبها زيارة لأنك جيت بالليل وماشي الصباح،دي شنو امور الراجل المرتو هارشاه وبرجع من قعدة اصحابو من المغرب دة؟
الكلام دة مفروض تقوليه لسياف ، اسأليهو نحن زمان كنا نايمين وقايمين مع بعض ومن كتر الفضاوة كنا بنختار نسافر دولة إجازة 24ساعة وبنرجع اليوم التاني لكن هسي هم كبرو وبقو ناس مسؤوليات وبيوت وقطعو راسنا نحن العزابة ديل
الله يعرس ليك البتبقيك زول مسؤوليات
قربت دعواتك بس
سياف ضحك وقال ليه وائل وعرس ومسؤوليات؟ياها احلام العصر البقولوها
ضحك وقال ليه شنو يا حبيب أستر اخوك قدام مرتك ما تشوه صورتي
إنتهت القعدة بتوديع وائل بعد م حسن من نفسيتي شويه بلطافته رغم التوتر البيني وبين سياف بس ما صداني في كلمة ولا إتجنبني او إتجاوزني ولا حتى رمى كلمة كدة ولا كدة ممكن تجرحني بالعكس كان متفاعل مع كل البقوله حتى في ملامح وشه..
......................
ونحن في طريقنا للمطار كان كلامي لوائل كله تحذير
وائل ما اوصيك،لو يوسف ما عرف بالموضوع دة حاول ما تجيب سيرة الموضوع ابداً لزول ول يوسف بالتحديد خليه بينا
من غير ما تطلب ،اصلاً عارفني الفترة الأخيرة بقيت م كتير بتفق مع يوسف عشان اقعد معاه
إنتو لسة؟
ادعي الله ينهي الشغل البينا دة على خير بس
حاول كبر عقلك يوسف شوية..
لا ما شوية،يوسف يا تمشي على رايه وتشوف اي شي بعيونو او يلغيك من حياته،هو دايماً صح، ما بشوف إنه حياته دي ملكه وحياة الناس المحيطة بيه كمان شايفها كدة وتتناقش معاه يقول ليك انا خايف عليك،ما عندو حاجة إسمها إحترام خيارات الأخرين
ياخ اي سودانية إرتبطته بيها في امريكا دي شنفها لي،يقول ليك جيب ليك مرة من السودان ،ياخ انا فاهم إنه علاقته مع الاء عامله ليه مشكله حياتية لكن ياخ انا ما داير مرة من السودان ما حُر؟معقولة نكون عايشين في امريكا ونكون لسة في تطفل بعض السودانين على حياتنا الشخصية وقراراتنا ونحن اصلاً طلعنا من السودان عشان نتخلص من الحاجة دي؟
ما تنسى يوسف زي اخونا الكبير
ما هو الأخو الكبير دة ما دايماً صح لكن يا سياف،الحياة دي ما كتالوج نمشي فيها على كيف اي زول بناءً على تجربته هو ونختها مقياس للطريق الحنمشي فيه
وقفت في كلامه دة ورجعت بذاكرتي كم سنة ورا وسكت لدقايق وهو لسة كان بتكلم بإنفعال وإستياء
وصلنا المطار وقبل ينزل قلت ليه:زي م قلت ليك حاول اهدأ وإتجاوز ،وفي كل الأحوال اعمل الإنت شايفو صح ما تخلي زول يقرر عنك شي ،الإنت شايفو مناسب ومقتنع بيه اعملو والأهم إنك تكون على إستعداد تتحمل نتايجة بدون ندم او جلد ذات
اصلاً دة البعملو دايماً وحأعملو هسي،بالمناسبة انا نسيت اقول ليك إنه اجلنا الإفتتاح شهر،لو قررت تجي أديني خبر
لما توصل طمني عليك
سياف ما تتجاهل كلامي،حأكون مبسوط لو جيت،لو م عشان يوسف على الأقل عشانا انا وعدي،دة اول مشروع كامل نمسكه ونشرف عليه برانا
إن شاء الله، اصلاً واثق إنكم قدرها
بقعد فترة من الزمن عشان اتذكر تفاصيل وشو لأنه كنا بنخاف نعاين ليه..
كان لما يجي داخل علينا البيت كله بتضاير وبسكت
كان مُصعب على نفسه الحياة شديد وعلينا،اخواني حتى بعد ما بقو رجال بي زوجاتهم واولادهم بضربهم
واكتر إنسان عانى من صفة القسوة دي كانت امي..
ما بتلقى إنسان قاسي وم بتلذذ بإهانة الحوالية
ف كان لأمي النصيب الأعظم بإعتبارها الزوجة الكبيرة
كان بتزوج كتير وبطلق اكتر وبحملها هي عبء نتايج زواجاته المتمثلة في الأطفال..ما عنده مرة بترجع بيت اهلها بطفل
كان كل ما يطلق مره يقلع منها الأطفال ويجيبهم لأمي تربيهم..
لقلة حيلتها كانت مجبورة تتعايش مع اي وضع
لأنه ببساطة في كل الأحوال هي بت عمه
واعمامه كلهم عقليتهم بنفس عقلية ابوي دي وهو في الأساس قايم وماخدها منهم زي الحاجة المتوارثة
لو مشت زعلانة او شاكية منه حترجع يدها مكسورة او رجلها..
المرة عندنا هناك زي الواطة دي واحد ،وبيتها دة ياهو قبرها..
وكان إتطلقت ياهو العيب منها
رغم كل شيء النسوان عندنا بتنافسو في تمجيد ازواجهم،ودة الكنت بشوفو في امي ،بعد كل مرة ابوي يجي داخل فيها شايل طفل او طفلين في يده..
بعد كل مرة يضربها فيها بالعكاز او يشوتها بالكانون القاعدة قصاده
بعد كل مرة ينهرها فيها قدام الناس او يجدعها بالمركوب حقه
والمواقف بتطول
الحاجة دي ما كانت واقفة على امي بس لأ
زوجاته الباقين،زوجات اعمامي كان عندهم نصيب فيها،اولاد اعمامي مع زوجاتهم،اخواني مع زوجاتهم..الخ
كل الزوجات في الحلة ديك دي كانت طبيعة تعامل ازواجهم معاهم
عمي دة كان في طبعه وتعاملاته غير سواء مع اخواته او زوجات اخوانه او بناتهم،علاقاته معاهم بيسودها الإحترام مع اللطف واللين،حتى في إختيار مفرداته في طلب اي شيء ولو كباية شاي كان في مقدمتها جملة ممكن؟
ف عمي دة في المجالس كان بتوصف بالمشوه او الني" وم كان محبب كتير بالنسبة ليهم ولا كانت مسموعة ليه كلمة او بتقدم ليه الإحترام حتى من الشباب الصغار ،لأنه الفراسة والرجولة حسب مفاهيمنا ف الحله هو بعمل عكسها
كان محب للحياة الكريمة مع العطاء
وتفسيره للعطاء إنك تكون كريم في عطاءك ما للمال بس لأ للإحترام ،للتقدير،للمحبة...الخ
دخلت المدرسة رغبة وهو كان اول الداعمين لدخولي المدرسة ،وانا الوحيد من بين اخواني دخلت المدرسة وواصلت فيها لأنه ابوي شايف انه التعليم إنك تعرف تقرأ وتكتب بس اول م تعرف الحاجتين ديل إنت هنا خلاص مشوارك الدراسي إنتهى
اما انا اصريت اواصل دراسة والسبب كان فضول مني في إكتشاف الإختلاف بتاع عمي دة هل سببه التعليم؟
كل ما كان يدرسونا الدين ويفسرو لينا معانية كان بختلط علي الأمر
هل الدين النحن بندرسه مختلف عن الدين البيتقري في خلوة جدي والحافظنو ابوي واعمامي؟
جدي كان شيخ ،إشتهر بالخلاوي،وكان عنده مسيد او تكية كما يقال عنها
وكنا ميسورين الحال إلى حدٍ ما.
القرءان بدينا نحفظه من نحن في عمر ال6سنة
رغم يُسر حال جدي الحاجة دي ما كان ليها إنعكاس على منطقتنا،ما كان في تطور او تقدم فيها
ممكن اقل واحد في المنطقة يكون مخزون الحصاد حقة عامل ليه 10مليار وتلقى بيته شراراة واحدة تنتهي ليه منه..
عمي رغم إنه منبوذ كان بسعى في إجازاته البسيطة البجيها في إنه يطور في المكان بداها بإنه يبني فصول مدرسة في الحلة للأطفال لأنه في مرة زارنا كانت لادغاني عقرب في طريق المدرسة وكنت على مشارف الموت لأنه المدرسة بعيدة والطريق في الخريف سيء ..
ف سعى شديد في إنه يطلع تصديق للمدرسة وبالفعل إتوفق..
ابوي كان مستند في تربيته لينا على إنه ننسخ البنلقاه قدامنا في عقلنا ونعيش عليه ونتطبع بطباع بعض وطباع البيئة القايمين فيها بإعتبار إنه الإنسان إبن بيئته..
جدي ما كان عنده ولد بتزوج وبطلع برة البيت وابوي قام على كدة برضو
ما كان في حاجة إسمها تشتغل وتمسك قروشك في يدك ،ف كانت الزراعة واحدة ومخازن الحصاد واحدة والمعيشة واحدة في البيت الكبير واليد البتصرف واحدة يا جدي يا ابوي وهم البقررو متين إنت تتزوج وتتزوج منو وحتبني في اي مكان في البيت وحتبني شنو..
في الوقت الكانو هم بحصدو فيه محاصيل زراعاتهم ومنشغلين بتعدد زوجاتهم ..
العمر عدى وانا بقيت في الفصول الكبيرة ف لفت إنتباهم إهتمامي بالدراسة واكيد واجهت صعوبات في فكرة إستمراري فيها
ف كان بفرضو علي امشي السعية،او الزراعة ايام الإمتحانات بالتحديد
امي نوعاً ما كانت مشجعة لفكرة دراستي بس كانت الحاجة دي بين نفسها وبيني بس
وابوي كان مقتنع تماماً بجملة" القرو عملو شنو" وشايف إنه قراية الراجل بتخليه بايظ وكان بضرب المثل بعمي
مع مرور الزمن عمي المنبوذ دة بنى مركز صحي وطلع ليه تصديق
اخدت المترو وانا قريبة من الدار إتصلت على مادلين..
ما ردت علي ،كررت المكالمة برضو ما ردت
رسلت ليها رسالة"صباح النور مادلين،انا في طريقي للدار الان ،هل هناك صحافة او شيء من هذا القبيل؟
عاودي الإتصال بي"
إنتظرتها لدقايق ما رجعت،وصلت الدار ،بوابته الرئيسية وبوابة قسم الموظفين كانت فاضية
ما فاضية من الصحافة بس كانت فاضية من اي شي
باركن العربات الخارجي كان فاضي
م كان في اثر حتى لوجود موظفين الأمن..
للحظة خفت وبقيت بتلفت
البوابات الرئيسية مقفلة
ماف وجود لعربات الخدمات حتى
للحظة حسيت إنه الدم بقى ما جاري في عروقي..
في شنو؟ما كنت فاهمة شي وم قادرة افكر
رجعت إتصلت على مادلين برضو ما ردت
وانا بحاول اتصل على سياف رجعت إتصلت علي..
مرحباً سيدة شهد كيف حالك؟
مادلين اين انتِ؟
ماذا تعنين بأين انتِ؟
مادلين انا امام الدار ولا ارى وجود لأاي عامل،هل انتم في إجازة ام ماذا ؟
اوووه...إنتظري لحظة انتِ بالدار؟
اجل
لا علم لديك بما جرى الأيام الفائته إذاً
لا افهم ما الذي جرى ولا علم لي به؟
لقد تم فصلي انا وعائلتي من ذلك المكان ،على الأرجح تم فصل جميع جميع العاملين هناك ايضاً
ماذا؟ما الذي تقولينه مادلين؟متى ؟ولم لم تقومي بإخباري بهذا الأمر؟
انا اسفة سيدتي ،لقد كنتِ مريضة ولم أرد ان اتسبب في مضايقتك بعد كل ما مررت به الفترة السابقة..
كان عليك إخباري مادلين،من قام بهذا الأمر ولم؟
لا أعلم لِم،ولكن تلك المحامية الشقراء،كانت قد ترأست مجلس إدارة الدار فترة غيابك لا اعلم بأي صفة إستحقته،لم احاول اخبارك بالأمر حتى لا تسؤ حالتك
جوليا؟ بإنفعال قلت ليها: اين المسنين؟
لا فكرة لدي سيدتي ولكن المؤكد انه تم فصل الجميع لا ادري لم
حسناً ،فهمت الأمر
هل ما زلتي هناك؟انا قادمة إليك
لا مادلين لا حاجة لذلك ابقي مكانك
هل انتِ بخير؟
سأكون بخير
متأكدة سيدتي؟
اجل متأكدة
عاينت حوالي الدار هاديء
حتى النوافذ ماف اثر لوجود شباك مفتوح على غير العادة..
إتذكرت النفق او المخرج الباركن بتاع العربات السري بالإتجاه الخلفي للدار ودة اخد مني 5دقايق عشان اصله لأنه كان بالشارع الخلفي للمبنى والطريق طويل،لما وصلت إتفاجأت بإنه المخرج مغلق بسياج حديدي مع شبك
إتصلت في رقم الHR للتوضيح لقيته مغلق
رجعت إتصلت على رقم المدير المالي لما رد بعد ما سلمت عليه سألته :كنت اتسائل لم الدار مغلق والموظفين مفصولين؟
بعد ما حدث مؤخراً طالب مالك المبنى الحقيقي بإخلاءه لذا تم توزيع المسنين على دور إيواء مختلفة وفصل الموظفين وإغلاقه ،لقد تم إرسال رسالة تنبيهية لجميع العاملين في الإيميل الخاص بهم ظننتك تعلمين!
التبرير ما مقنع بالنسبة لي ،معقول بالسرعة دي يتم الإخلاء؟
بنفس عاجزة قعدت في الطريق العام وانا بتكلم مع نفسي
إحساس الفشل دة مميت
فشلت في حماية الناس دي ودة كان هدفي الوحيد من كل المحاولات دي،تعبت من المحاولة والسقطات المتكررة
يمكن دي النهاية فعلاً
يمكن كلام سياف صح وانا بخلق المعاناة لنفسي
م اي حاجة لازم نوصل حدها ،احياناً الإستسلام ممكن يكون حل برضو
الحربية وبقيتو ضابط إنت كنت عايز شنو؟
وم بتتعلم من اخطاءك مسكت اختو ودبستها في اخوك
اختو دي ما كانت إقتراحك؟ما بعضمة لسانك قلتِ لي البت دي احسن إختيار وقعدتي تعددي لي في مزاياها يا كوثر؟
وتاني حسبتها و قلت ليك لأ يا عثمان ،البت دي انا دكتورتها ومحللة شخصيتها وعندي كل تفاصيلها وضحت ليك النقطة دي وجبت ليك إقتراح لكم بت من عندي ووضحت ليك إنهم ما بفرقو عن شهد في شي وحتى إنت بذات نفسك إخترت واحدة لكن بقولو التسوي بإيدك بغلب اجاويدك
هسي الحصل الحصل ما تكتري وترغي فينا كتير
سمح سكتة،اها قلت شنو في موضوع الشركة العقارية ل حسام ما إتناقشت معاه؟
هو لسة مُصر عليها؟
إنت شغال وبتعمل دة كلو عشان منو يا عثمان؟ما عشان اولادك؟مش عشان اولادنا ومستقبلهم؟
ما تبخل عليه وادعمة يعمل العايزو،هو الفكرة عندو والحمدلله مخو نضيف
انا ما ضدو ،لكن انا دايرو يمشي بريطانيا ،صحبي حاج سعيد دة طرح لي فكرة إنه داير يناسبنا وم داير واحد من اولاده يطلع برة مننا ،يعني كان م شال مننا البت يشيل الولد ،وانا شايف حسام احق بنسبه
احسن ليلى هي التمشي بريطانيا لأنها دكتورة ومن هناك تحضر وتتخصص في المجال العايزاه ودي فرصة ولا شنو؟ وحسام دة يفتح شركته العقارية دي و فيما بعد يعمل العايزو..
كدة نشوف البحصل شنو
...................................
USA/ San Francisco
رفيدة صاحية؟
شهد!ايوا صاحية
عايزة أتصل عليك..
إتصلت عليها وانا ببكي..
شهد،كويسة إنتِ؟في شنو مالك بتبكي؟
اخدت وقت وانا ببكي
شهد في شنو فهميني ،في زول حاصلة عليه حاجة؟
عمي عبدالله وعمتو كويسين؟
في شنو يا شهد الله يرضى عليك ما تقطعي قلبي
ماف شي يا رفيدة روقي، بس متضايقة وتعبانة شوية دة كل الموضوع..
إتنهدت وقالت لي جسمي بقى يرجف من الخوف،قلت عمو عبدالله حاصل عليه شي..
،من شنو متضايقة بس احكي لي؟
شهد ؟
من حالنا البقينا عليه دة،امجد في السجن،وابوي وعمتو في تركيا ومع منو؟شهاب ومرته براهم،عارفة عمتو مسالمة شديد وشهاب ومرته م بتأمن ليهم وانا هنا وإنتِ هناك براك وشادي وجوطته البكون عاملها ليكم
نحن عملنا شنو في الدنيا دي عشان نعيش دة كله؟
حالنا دة م بزعل؟م بضايق؟قلبي واجعني
احياناً بقول إنه ممكن نكون ظلمنا زول او اكلنا حق زول وإتحسبن علينا لدرجه إنه حقه رجع فينا بالطريقة دي؟او في شنو بالضبط؟
ليه حياتنا دي كدة؟
الحمدلله بس يا شهد،وحسبي الله ونعم الوكيل،ما تفكري كدة،إبتلاءات واجر صبركم عليها عظيم ،بعدين انا موجودة هنا يا شهد مشيت وين وقصرت في شنو؟
امجد قال لي إتكلم معاك صح؟
ايوا إتكلمت معاه الأيام الفاتت دي
إن شاء الله خير يا شهد،في صحبو ضابط إتكلم معي برضو وقال لي م تخافو عليه في حاجة كدة بتتعمل بتخفف ليه الحكم ما عارفاها شنو غايتو قال لي ممكن يتخفف لسنتين بس وقال لي إنهم م حيقصرو منه
رفيدة هو يتحكم وهو بريء ليه اصلاً؟
امجد ما عمل شي غلط عشان يتحكم
دة بالنسبة لي وليك يا شهد للأسف
إتنهدت وانا ساكتة..
احكي لي المضايقك شنو غير موضوع امجد؟
متضايقة بس ماف شي محدد..
ما تكونو رجعتو إختلفتو مع عمار؟
ما تجيبي لي سيرتو ابداً
معناها فعلاً الموضوع ليه علاقة بعمار ،مالكم في شنو كمان تاني مش كنتو ماشين كويس والحمدلله ربنا هدأ سركم وأموركم ماشة تمام؟
ابداً
شنو شنو شنو؟كيف يعني ابداً؟
سكتت
شهد ما تسكتي احكي لي ما تجننيني بالليل دة،في شنو ؟
حاحكي ليك بس خلي الموضوع دة بينا تمام؟حلفتك بالله
طول عمرنا مواضيعنا بينا ي شهد إلا احلف؟
كنت مترددة احكي ولا لأ
انا منتظراك ؟
إتنهدت وقلت ليها:رفيدة انااااا...انا في حياتي في واحد
الليله،واحد كيف يعني؟
سكتت ما كملت
معليش إنفعلت بس،كملي سامعاك
إتعرفت عليه قبل فترة بحكم ظروف الشغل وكدة،هو وقف جنبي وساعدني وسندني في مواقف لا تحصى ولا تُعد بالذات في البلد المقطوعية دي كنت براي شديد وهو شهم عمري م إحتجته وم لقيته جنبي،وكدة العلاقة بينا إتطورت وهسي ما عارفة روحي انا إتعلقته بيهو وحبيت الطريقة البعاملني بيها ولا حبيتو هو، يا رفيدة إتعلقته بيه شديد شديد وهو كمان ببادلني نفس الشي،بس بسبب مواقف كتيرة بينا انا كنت سبب فيها هو هسي خلاني وقرر إنه م قادر يواصل وهو عنده حق لأنه عمل كل البقدر عليه واكتر وبدل الفرصة ادى نفسه معي اكتر من فرصة وانا دايماً كنت الجانب السيء في القصة لأني ما قادرة اثق في زول رغم إني ما بحس بالطمأنينه والراحة إلا وانا معاه بس حتى انا بتصدم من تصرفاتي معاه بعد م كل شي يكون ماشي تمام ،انا م عارفة اعمل شنو جد تايهه وضايعة،هو م عايز يسمعني،م عايز يديني فرصة قال نوقف وخلاص،قرر يبعد وبس وانا حاسة بنفسي مخنوقة ..
وائل انا عارفك راجل كلس وم بتقصر بس صدقني ماف شي والموضوع إنتهى وكويس إنه جيت لأني كنت زهجان
بالنسبة لموضوعك إنت ويوسف
كدة حتزهجني اكتر يا وائل لو حتفتحه وانا حقيقي يا داب بقول يا هادي بعد ايام صعبة وعصيبة مرت علينا،خصوصاً إنه شهد كانت في المستشفى زي م حكيت ليك،لو قفلتو يكون احسن
طيب حاضر،خلينا نلعب،غير نبرته ممازح لي ب "بقيت ما لعاب زي زمان يا مان مالك العرس غيرك ولياقتك بقت ما عاجباني"
ضحكت وانا بقول ليه طيب خلينا نشوف هههه
عدى الوقت ونحن بنلعب،قريب للفجر دخلنا البيت ودخلته غرفة الضيافة ،ما كان ينفع انوم في الصالة وهو موجود ف دخلت غرفة النوم..
...............
نمت وانا بتذكر تفاصيل المحكمة..
وبتذكر نظرة سياف لعمار وهو بقول ليه "لدينا مقولة تقولة:لا يعاير المرء بإضطراباته النفسية
كان كأنه بخاطبة هو
تفاصيل المحكمة على كلام سياف لي طول الليل كان قاعد في قلبي زي الصخرة
جاتني صحية حسيت بوجوده جنبي،إستغربت وجوده بس بعدين قربت عليه،هو كان مديني ضهره ومخلي مسافة ما بينا ،قربت عليه بتردد وختيت راسي في ضهره ومسكت في فنيلته
"انا مكاني هنا جنبك" قلت الجملة دي بصوت خافض
الصباح صحيت على حركته ف لقيته بلبس
صباح الخير
صباح النور، وائل دة جا امبارح بالليل وحيرجع شوية كدة
ما كلمتني ليه امبارح لما جا؟
لأنه كنتِ نايمة،كان بتكلم معي بدون م يعاين لي
طلعت جهزت ليهم الفطور والشاي وانا طالعة من المطبخ لقيت وائل في غرفة المعيشة..
سلم علي وقال لي سياف قال شوية عيانة و كنتِ في المستشفى و كل م اتصل عليه هو بكون برة كيفك هسي كويسة ؟أجر وعافية إن شاء الله
الحمدلله بخير إنت كيفك وكيف امور الشغل عندكم ماشة؟
الحمدلله فقدتكم بس وجيت اتطمن عليكم
نحن بخير يا وائل والله
قعدنا فطرنا مع بعض،ووائل بطبيعته فيه خفة الدم ،ف القعدة بوجودو كانت لطيفة
قلت ليه عاين دي م حنحسبها زيارة لأنك جيت بالليل وماشي الصباح،دي شنو امور الراجل المرتو هارشاه وبرجع من قعدة اصحابو من المغرب دة؟
الكلام دة مفروض تقوليه لسياف ، اسأليهو نحن زمان كنا نايمين وقايمين مع بعض ومن كتر الفضاوة كنا بنختار نسافر دولة إجازة 24ساعة وبنرجع اليوم التاني لكن هسي هم كبرو وبقو ناس مسؤوليات وبيوت وقطعو راسنا نحن العزابة ديل
الله يعرس ليك البتبقيك زول مسؤوليات
قربت دعواتك بس
سياف ضحك وقال ليه وائل وعرس ومسؤوليات؟ياها احلام العصر البقولوها
ضحك وقال ليه شنو يا حبيب أستر اخوك قدام مرتك ما تشوه صورتي
إنتهت القعدة بتوديع وائل بعد م حسن من نفسيتي شويه بلطافته رغم التوتر البيني وبين سياف بس ما صداني في كلمة ولا إتجنبني او إتجاوزني ولا حتى رمى كلمة كدة ولا كدة ممكن تجرحني بالعكس كان متفاعل مع كل البقوله حتى في ملامح وشه..
......................
ونحن في طريقنا للمطار كان كلامي لوائل كله تحذير
وائل ما اوصيك،لو يوسف ما عرف بالموضوع دة حاول ما تجيب سيرة الموضوع ابداً لزول ول يوسف بالتحديد خليه بينا
من غير ما تطلب ،اصلاً عارفني الفترة الأخيرة بقيت م كتير بتفق مع يوسف عشان اقعد معاه
إنتو لسة؟
ادعي الله ينهي الشغل البينا دة على خير بس
حاول كبر عقلك يوسف شوية..
لا ما شوية،يوسف يا تمشي على رايه وتشوف اي شي بعيونو او يلغيك من حياته،هو دايماً صح، ما بشوف إنه حياته دي ملكه وحياة الناس المحيطة بيه كمان شايفها كدة وتتناقش معاه يقول ليك انا خايف عليك،ما عندو حاجة إسمها إحترام خيارات الأخرين
ياخ اي سودانية إرتبطته بيها في امريكا دي شنفها لي،يقول ليك جيب ليك مرة من السودان ،ياخ انا فاهم إنه علاقته مع الاء عامله ليه مشكله حياتية لكن ياخ انا ما داير مرة من السودان ما حُر؟معقولة نكون عايشين في امريكا ونكون لسة في تطفل بعض السودانين على حياتنا الشخصية وقراراتنا ونحن اصلاً طلعنا من السودان عشان نتخلص من الحاجة دي؟
ما تنسى يوسف زي اخونا الكبير
ما هو الأخو الكبير دة ما دايماً صح لكن يا سياف،الحياة دي ما كتالوج نمشي فيها على كيف اي زول بناءً على تجربته هو ونختها مقياس للطريق الحنمشي فيه
وقفت في كلامه دة ورجعت بذاكرتي كم سنة ورا وسكت لدقايق وهو لسة كان بتكلم بإنفعال وإستياء
وصلنا المطار وقبل ينزل قلت ليه:زي م قلت ليك حاول اهدأ وإتجاوز ،وفي كل الأحوال اعمل الإنت شايفو صح ما تخلي زول يقرر عنك شي ،الإنت شايفو مناسب ومقتنع بيه اعملو والأهم إنك تكون على إستعداد تتحمل نتايجة بدون ندم او جلد ذات
اصلاً دة البعملو دايماً وحأعملو هسي،بالمناسبة انا نسيت اقول ليك إنه اجلنا الإفتتاح شهر،لو قررت تجي أديني خبر
لما توصل طمني عليك
سياف ما تتجاهل كلامي،حأكون مبسوط لو جيت،لو م عشان يوسف على الأقل عشانا انا وعدي،دة اول مشروع كامل نمسكه ونشرف عليه برانا
إن شاء الله، اصلاً واثق إنكم قدرها
بقعد فترة من الزمن عشان اتذكر تفاصيل وشو لأنه كنا بنخاف نعاين ليه..
كان لما يجي داخل علينا البيت كله بتضاير وبسكت
كان مُصعب على نفسه الحياة شديد وعلينا،اخواني حتى بعد ما بقو رجال بي زوجاتهم واولادهم بضربهم
واكتر إنسان عانى من صفة القسوة دي كانت امي..
ما بتلقى إنسان قاسي وم بتلذذ بإهانة الحوالية
ف كان لأمي النصيب الأعظم بإعتبارها الزوجة الكبيرة
كان بتزوج كتير وبطلق اكتر وبحملها هي عبء نتايج زواجاته المتمثلة في الأطفال..ما عنده مرة بترجع بيت اهلها بطفل
كان كل ما يطلق مره يقلع منها الأطفال ويجيبهم لأمي تربيهم..
لقلة حيلتها كانت مجبورة تتعايش مع اي وضع
لأنه ببساطة في كل الأحوال هي بت عمه
واعمامه كلهم عقليتهم بنفس عقلية ابوي دي وهو في الأساس قايم وماخدها منهم زي الحاجة المتوارثة
لو مشت زعلانة او شاكية منه حترجع يدها مكسورة او رجلها..
المرة عندنا هناك زي الواطة دي واحد ،وبيتها دة ياهو قبرها..
وكان إتطلقت ياهو العيب منها
رغم كل شيء النسوان عندنا بتنافسو في تمجيد ازواجهم،ودة الكنت بشوفو في امي ،بعد كل مرة ابوي يجي داخل فيها شايل طفل او طفلين في يده..
بعد كل مرة يضربها فيها بالعكاز او يشوتها بالكانون القاعدة قصاده
بعد كل مرة ينهرها فيها قدام الناس او يجدعها بالمركوب حقه
والمواقف بتطول
الحاجة دي ما كانت واقفة على امي بس لأ
زوجاته الباقين،زوجات اعمامي كان عندهم نصيب فيها،اولاد اعمامي مع زوجاتهم،اخواني مع زوجاتهم..الخ
كل الزوجات في الحلة ديك دي كانت طبيعة تعامل ازواجهم معاهم
عمي دة كان في طبعه وتعاملاته غير سواء مع اخواته او زوجات اخوانه او بناتهم،علاقاته معاهم بيسودها الإحترام مع اللطف واللين،حتى في إختيار مفرداته في طلب اي شيء ولو كباية شاي كان في مقدمتها جملة ممكن؟
ف عمي دة في المجالس كان بتوصف بالمشوه او الني" وم كان محبب كتير بالنسبة ليهم ولا كانت مسموعة ليه كلمة او بتقدم ليه الإحترام حتى من الشباب الصغار ،لأنه الفراسة والرجولة حسب مفاهيمنا ف الحله هو بعمل عكسها
كان محب للحياة الكريمة مع العطاء
وتفسيره للعطاء إنك تكون كريم في عطاءك ما للمال بس لأ للإحترام ،للتقدير،للمحبة...الخ
دخلت المدرسة رغبة وهو كان اول الداعمين لدخولي المدرسة ،وانا الوحيد من بين اخواني دخلت المدرسة وواصلت فيها لأنه ابوي شايف انه التعليم إنك تعرف تقرأ وتكتب بس اول م تعرف الحاجتين ديل إنت هنا خلاص مشوارك الدراسي إنتهى
اما انا اصريت اواصل دراسة والسبب كان فضول مني في إكتشاف الإختلاف بتاع عمي دة هل سببه التعليم؟
كل ما كان يدرسونا الدين ويفسرو لينا معانية كان بختلط علي الأمر
هل الدين النحن بندرسه مختلف عن الدين البيتقري في خلوة جدي والحافظنو ابوي واعمامي؟
جدي كان شيخ ،إشتهر بالخلاوي،وكان عنده مسيد او تكية كما يقال عنها
وكنا ميسورين الحال إلى حدٍ ما.
القرءان بدينا نحفظه من نحن في عمر ال6سنة
رغم يُسر حال جدي الحاجة دي ما كان ليها إنعكاس على منطقتنا،ما كان في تطور او تقدم فيها
ممكن اقل واحد في المنطقة يكون مخزون الحصاد حقة عامل ليه 10مليار وتلقى بيته شراراة واحدة تنتهي ليه منه..
عمي رغم إنه منبوذ كان بسعى في إجازاته البسيطة البجيها في إنه يطور في المكان بداها بإنه يبني فصول مدرسة في الحلة للأطفال لأنه في مرة زارنا كانت لادغاني عقرب في طريق المدرسة وكنت على مشارف الموت لأنه المدرسة بعيدة والطريق في الخريف سيء ..
ف سعى شديد في إنه يطلع تصديق للمدرسة وبالفعل إتوفق..
ابوي كان مستند في تربيته لينا على إنه ننسخ البنلقاه قدامنا في عقلنا ونعيش عليه ونتطبع بطباع بعض وطباع البيئة القايمين فيها بإعتبار إنه الإنسان إبن بيئته..
جدي ما كان عنده ولد بتزوج وبطلع برة البيت وابوي قام على كدة برضو
ما كان في حاجة إسمها تشتغل وتمسك قروشك في يدك ،ف كانت الزراعة واحدة ومخازن الحصاد واحدة والمعيشة واحدة في البيت الكبير واليد البتصرف واحدة يا جدي يا ابوي وهم البقررو متين إنت تتزوج وتتزوج منو وحتبني في اي مكان في البيت وحتبني شنو..
في الوقت الكانو هم بحصدو فيه محاصيل زراعاتهم ومنشغلين بتعدد زوجاتهم ..
العمر عدى وانا بقيت في الفصول الكبيرة ف لفت إنتباهم إهتمامي بالدراسة واكيد واجهت صعوبات في فكرة إستمراري فيها
ف كان بفرضو علي امشي السعية،او الزراعة ايام الإمتحانات بالتحديد
امي نوعاً ما كانت مشجعة لفكرة دراستي بس كانت الحاجة دي بين نفسها وبيني بس
وابوي كان مقتنع تماماً بجملة" القرو عملو شنو" وشايف إنه قراية الراجل بتخليه بايظ وكان بضرب المثل بعمي
مع مرور الزمن عمي المنبوذ دة بنى مركز صحي وطلع ليه تصديق
وقبل ما تعدي ربع ساعة زيادة وصل
قبل ما ينزل من عربيته وقفت على حيلي..
جا نازل من العربية شايل حاجات في يده..
مشيت عليه وانا بعاين ليه وساكتة،ما عارفة ابدأ من وين؟
اعاتبه والومه على تأخيره وغيابه دة؟
ملامح وشه م بتقول إنه ينفع اعمل كدة
كنت وين دة كله؟إنت كويس؟تلفونك قافل مالو؟
كان عندي باقي إجراءات في النيابة خلصتها وطلعت
كل دة في النيابة بس؟
اداني شنطتي و قال لي كانو متحفظين عليها فيها تلفونك وجوازك وبقية الحاجات البتخصك..
دخل البيت وخلاني واقفة مع نفسي لدقايق،دخلت وراه وانا بقول ليه سياف ينفع نتكلم؟أنا لازم اشرح ليك وإنت لازم تسمعني..
قعد في الكرسي وإتنهد وفتح جزء من زراير قميصه وبدا يكفكف اياديه وبإستياء قال لي حتبدي من وين سامعك؟
سياف انا مقدرة موقفك وعارفة إنك إتختيت في موقف سيء وسخيف شديد وانا اسفة لأني ما حكيت،ما كل الإتقال دة حقيقة ،عمار دة كذاب ومريض ،هو كأنه بقول لي عليَّ وعلى اعدائي، مفروض تفهم إني ما حكيت لأني خفت،خفت على مشاعرك وإنه م تصدقني او يمكن خجلت،خفت اخسرك
كل الحكاية كانت إنه انا لما كنت في المستشفى قبل م سفرتك لواشنطن هو جا المستشفى وكان لابس لبس الدكاترة و...الخ
بس دة كل الحصل حتى بعد سافرنا هناك انا كنت قاعدة في شقة براي و..
شهد ،انا بعرف اغربل الحقيقة من الكذب واكيد ما حتفوتني نقطة إنه طليقك دة كان صادق وين وكان بكذب وين..
بس الأنا مستغربة يعني إنتِ بعد كل الأذى الحصل ليك من الراجل دة وبالطريقة الحكيتيها لي وكل الشر الشوفتيه منه ببساطة اقنعك بالسفر وقررتي تسافري معاه عشان تستغفليه ويملكك معلومات ؟
مصابة بمتلازمة ستوكهولم إنتِ؟
ما ختيتي نسبة 1%إنه هو المستدرجك ما إنتِ ؟
طيب في نص دة كلو ما لاحظتي لإنه إنتِ في الحقيقة كنتِ بتستغفليني انا؟
طليقك بزورك في المستشفى وبتواصل معاك و
بقترح عليك تسافري وتنتقلي من هنا وبتسافري معاه لولاية تانيه وانا ما مهم اعرف لأنه اساساً علاقتنا راس مالها ورقة وبتتشرط وبتترمي
انا كنت مُصر عليك إنه تسافري معي وإتحججتي بمليون حجة متذكرة؟عشان إنتِ اصلاً كنتِ مقررة السفر معاه؟
عارفة اسوأ حاجة في الدنيا دي بعد إنه الإنسان يكون كذاب شنو؟إنه تخلي الزول يكون اهبل قدام نفسه
انا م حأشكك في اخلاقياتك لأني واثق إنك ما كدة حتى وانا مغمض مستحيل أفكر فيك بسؤ
بس يا شهد كذبك علي،وإستغباءك لي وسفرك معاه ديل مشكلتي وطبعاً انا ما من حقي اوصفها غير إنها مشكلة لأنه في الأساس علاقتنا ما قايمة على الثقة..
في العلاقة دي كنت دايماً شخص متفهم وغير متطلب
طول الوقت ،وحاولت اكون الجانب المريح في حياتك لأني مقدر ظروفك وضغوطات الحياة الإنتِ مارة بيها بس كل مرة إنتِ بتصعبي الحياة علي وعليك اكتر يا شهد والسبب في دة عدم صدقك ووضوحك،بتقولي للزول انا واقعة في بير بس ما بتمدي يدك عشان يسحبك منها كانك حابة وجودك في القاع الإنتِ فيه دة
امبارح كنتِ بتقولي لي انا بثق فيك والصباح بتدسي مني الرسالة الجاياك في بوكية الورد الوصلك من مجهول
وبصل المحكمة بتفاجئ بإنه ما كنتِ صريحة معي للأخر ولسة م معروف كمان في شنو ما عارفه
كنت بعاين ليه مخلوعة..
ايوا البوكية الوصلك انا شوفته،ادتني ليه الممرضة وكانت فيه رسالة وانا طلبت منها توصلو ليك لأني كنت مشغول بمكالمة..
سياف البوكية كان من تايس
ما مهم اعرف كان من منو هسي،واصلاً م كان حيكون مهم هو من منو او فيه شنو بس الفكرة في ليه دسيتي علي الحاجة دي؟
لأنو عامل الثقة ما متوفر بينا يا شهد،
على قدر وضوحي وصدقي انا باخد منك المقابل الشكك ضِعفين،دايماً الشعور البوصلني منك إني ما اهل للثقة..
سياف انا فاهمة بس..
بس إنتِ دايماً صح،إنتِ دايماً عندك مبرر لكل حاجة بتعمليها حتى لو هي غلط بتصححيها وعايزة الواحد يتقبلها وم يعارضك او يناقشك فيها لأنك صح
انا ما كنت جبان في العلاقة دي ولا بأي شكل كان ،لما إقترحتي علي فكرة إنه نتزوج م وضحتي لي نقطة إنك عايزة "دُلقان" تشيليه وقت ما عايزة وترمية وقت ما عايزة
سياف ليه إنت شايف الموضوع من الجانب دة بس ياخي ليه إنت ما عايز تسمعني
انا دايماً كنت سامعك طيب وريني مفروض اشوفو من اي جانب ؟
سعيك ورا الإنتِ عايزة تصلي ليه مخليك ما بتعايني للمواضيع إلا من الجانب البتكمن فيه مصلحتك واقول ليك شي من ناحية دي حاجة كويسة لأنه تاني دي حتكون حدود تعاملاتنا
الأفضل لي وليك نوقف لغاية هنا
بينا الإحترام ودي حاجة إنتِ فرضتيها من اول يوم نحن عرفنا فيهو بعض وعمره إحترامي ليك ما قل ولا حيقل في يوم
بس نحن إنجرفنا في علاقة ما عندها اي اعمدة او ساس قايمة عليه وماف شي فيها واضح ،او بمعنى اصح انا إنجرفت إنتِ سلفاً بتتعاملي على إنها علاقة بدون إلتزامات
بدل ما نستنزف بعض اكتر من كدة ونكون اشخاص سامين في حياة بعض احسن نسيب
كل شي من طرف واحد بولد عدم الرغبة في الإستمرارية يا شهد
لو حصل وإستمرينا كدة حتتراكم علينا المواقف وحنصرف الكمية دي من العربي كل فترة والتانيه عندك حل غير إنه نوقف؟
لأني صراحة إنتهت الحلول عندي مش لأني ما عاوز احارب،لأني بقيت ما شايف نفسي في علاقة تستحق احارب عشانها
ومن ناحيتي ما حأجيب سيرة طلاق..
المحكمة حأواصل فيها لأخر جلسة وحأعمل البقدر عليه متى ما تطلب الأمرة بس حدود علاقتنا حتكون علاقة محامي وموكلته،وعموماً من جلسة اليوم أنتِ في السليم نوعاً ما
اكتر شي عايش عليه في حياتي دي الوضوح ما بحب التعقيد واللف والدوران وللأمانة ما بحب اعيش في جو العلاقات الغير صحية دة رغم إني حاولت اخليها صحية على قدر م اقدر بإني اتخطى واتجاوز وأتمسك،حاولت يا شهد بس لمتين ححاول؟ما هو يا ابيض يا اسود،العلاقات الرمادية دي للمراهقين يا شهد والإستمرار فيها قرار مؤذي، ف افضل نوقف
طيب،إنت صح،الشايفو إنت مناسب انا معاك فيه..
.....
Airport:12:30:20pm
على متن طائرة خاصة..
تفضل سيدي
شكراً لك
عزيزي،شكراً لحضورك
أخبرتك ان تبقي بعيداً عنها كاثرين
لنشرب كأساً ،هناك بعض الأمور المهمة التي علينا مناقشتها،تفوح منك الرائحة التي أحب، كم إشتقت إليك
محاولة في التقرب وصد
تُكمل حديثهاب "سنذهب لحضور حفل للمافيا الروسيا والإ جتماع ببعض الأشخاص ،إنهم أشخاص مهمين لذا اردت الا يفوتك الأمر بما انك اكتسبت سمعة جيدة واصبحت مرغوباً في الوسط اردت ان تتوسع دائرة معارفك في عالمنا
لن أكرر ما قلت كاثرين
ابقى هادئاً،ساخبرك ما نحن بصدد السفر لأجله
كاثرين؟!"نبرة حادة"
حسناً سأفعل،لدينا خطة سنقوم بتنفيذها وإنهاء أمر الدار هذا ولكن..
ما هي الخطة؟
بعد وفاة جورج روكفلر اصبح التلاعب بهويات المتواجدين بالدار لا يجدي نفعاً،جمع الرجل فترة تواجده بالدار العديد من المعلومات حول هويات الموجودين ،كان التخلص منه سهلاً ولكنه كان ذكياً بما يكفي ترك ما جمعه في بعض الأيدي الخاطئة،كشف الهويات الحقيقية لهؤلاء الأشخاص تعني وقوعنا في المتاعب
إذاً ما الخطة؟
نقل هؤلاء الأشخاص وإخفاءهم عن الأنظار وترك المبنى مهجوراً
لم الحاجة لإخفاءهم؟لم لا يتم توزيعهم على دور المسنين المختلفة؟
ليسو مسنين عاديين كما يظن ويرى الجميع،تُدفع لنا مقابل عقد صفقة التحفظ عليهم الالاف الدولارات!؛
امضيت اعواماً في إدارة ذلك المكان ،و كنت جزءً من بناء منظومته دون حاجة اللجؤ لخطة اخرى، نحن نفعل ذلك الأن بفضل فتاتك ، تعرف ماذا يعني هذا؟
تغيير ملامح وجهها قد لا يكون كافياً هذه المرة لإثبات مهنيتك عزيزي.
لا أريد البقاء في المستشفى بعد الأن،دعينا فقط نجمع ما لدينا من أغراض ونذهب إلى المنزل..
ولكن الطبيب..
سأتحدث إلى الطبيب،سئمت البقاء بين تلك الجدران..
حسناً سيدتي
وصلنا المستشفى..الحمدلله ما كان في وجود صحفي
وصلنا الغرفة لميت الحاجات بتاعة سياف كان من ضمنها في اللابتوب بتاعه..
عاينت ليه مسافة وقلت ليها مادلين هل يمكنني التحدث إلى سياف من هاتفك؟
بالطبع..
ناولتني التلفون إتصلت عليه رقمه مقفول..قلقت،سياف ما حصل في يوم تلفونه كان مغلق
ناولتها تلفونا وقلت ليها:إنه مغلق،متأكدة انه اخبرك بأنه ذاهب لقضاء بعض المهام فحسب؟
اجل،هل من مشكله؟
لا،هيا لنذهب
اخدته حاجاته وطلعت،طلبت من الدكتور إنه يسمح لي اطلع بالباب الخلفي وشرحته ليه الوضع،اماإذا كانو محتاجين لصورة من الحُكم الصدر ممكن اقعد..
الدكتور وافق على خروجي وطلب من الأمن إنه يساعدنا نطلع بالباب الخلفي
بعد م وصلنا الشارع مادلين قالت لي لنأخذ سيارة أجرة
اخدنا تاكسي وإتحركنا على البيت،طول الطريق راسي يودي ويجيب،ما قادرة اتوقع شي..
وصلنا البيت وكنت بتلفت حواليني..ماف اثر لعربية سياف
مادلين بادرتني ب:لا تقلقي ،لن تلاحقك الصحافة إلى هنا وإن حصل سنقوم بإبلاغ الشرطة وتدوين بلاغ إزعاج ..
اول م دخلنا قالت لي :سأذهب لإحضار بعض الماء ،حاولي الإسترخاء..
مشت على المطبخ
حسيت بالدفى،والسكينة شوية في البيت كأنه ردت فيني الروح..
عدت دقايق مادلين ندهت علي وقالت لي: نسيت ان اسألك لم تخبريني ان ذلك الدكتور الذي جاء لمقابلتك في المستشفى قبل سفرتك الأخيرة كان زوجك السابق؟
جات طالعة وهي شايلة كبايتين ،لقد اعددت لنا بعض الشاي ،رجعت جابت صحن بسكويت وهي لسة بتتكلم..
لقد كان وجوده غريباً،هل شهادته كانت لصالح تلك الشقراء البغيضة ام لصالحك لم افهم ؟
بدت تشرب والبسكويته في خشمها سكت مساااافة وقالت لي بخلعة:يا إلهي..
نزلت الكباية من يدها والبسكويت لسة في خشمها..
لحظة،دعيني افهم..
ذالك الرجل هو زوجك السابق،ما الذي كان يقوله في المحكمة؟ أنتما اخذتما طريق العودة لبعضكما؟
كنتما معاً؟
يا إلهي،هل انا غبية ام ماذا؟حقاً كان يقول هذا كيف لم استوعب ما قاله
وقفت على حيلها ماذا يعني هذا؟هل ستجتمعان؟وماذا عن السيد سياف
بالطبع لن افعل شيئاً كهذا ،الأمر معقد كثيراً مادلين هل يمكنك ان تتوقفي عن التحدث فيه ارجوك لأنني متعبة؟
اريد التحدث إلى سياف ولا اعرف كيف سأجده..
لنحاول الإتصال به مرة اخرى..
ناولتني التلفون رجعت حاولت في رقمه برضو مغلق..
ف قررت اخلي ليه رسالة صوتية..
سياف وين إنت انا شهد،قلقلتني عليك ،نحن طلعنا من المستشفى جينا البيت معي مادلين اول ما تفتح تلفونك ارجع لي
وانا ماسكة التلفون مادلين جاتها مكالمة من امها..
ناولتها التلفون..
اجل امي..إنتظري ما الأمر لماذا تبكين؟
مشت مسااافة مني لغاية ما طلعت الشارع،شوية كدة جات راجعة وقالت لي سيدتي انا اسفة ولكن علي الذهاب للمنزل
هل من مشكلة؟
لا ،فقط امي تريد التحدث إلي في امر ما..
كانت ملامحها متغيرة
شالت شنطتها بإستعجال وقالت لي كنت اتمنى ان ابقى ولكن حقاً علي الذهاب،سأقوم بمحادثة السيد سياف مرة اخرى حتى لا تبقي وحدك
حسناً لا مشكلة مادلين
إلى اللقاء
طلعت وملامح وشها كانت م بتتفسر،مشيت على الباب قفلته بالمفتاح وبقيت اعاين ليها بالشباك لغاية م إختفت..
عدت ساعة وإتنين وتلاتة وم كان في اثر لسياف لسة وانا قلقي زاد اكتر،بطمن روحي بإنه حيجي شوية كدة ف بتعدي الدقايق والساعة ..في الأخير قررت إني اطلع امشي صالة الرياضة بتاعته اشوفه،لأنه بكل المقاييس غيابه ما طبيعي وانا م عندي تلفون في يدي..
غيرت ملابسي وطلعت..
وصلت الصالة،كانت في موظفة جديدة في الإستقبال سألتها ،مرحباً هل السيد سياف موجود؟
سيد سياف؟
قبل ما تجاوبني جات الموظفة القديمة..
اوووه مرحباً سيدتي..
مرحباً كيف حالك؟
بخير
هل السيد سياف موجود؟
لا لم يأتي منذ ايام إلى هنا
حسناً شكراً لك..
مشيت خطوة وجيت راجعة قلت ليها هل يمكنني الإتصال به من هاتفك لأنني لا احمل هاتفي معي..
بالطبع سيدتي...فتحت تلفونها وقالت لي تفضلي..
حاولت فيه برضو كان مقفول ،إتنهدت واديته ليها..
شكراً لك..
اليوم على وشك إنه ينتهي،حومت في الشوارع لوقت طويل لما رجعت البيت وقتها كانت الساعة قريب 7مساء
دخلت المطبخ اشرب موية وقررت لحظتها اعمل كيك وشاي على بال ما هو يجي،المهم حاجة اشغل بيها نفسي
خلصت وختيتهم في تربيزة غرفة المعيشة وفضلت منتظرة،في الأخير طلعت قعدت قدام باب الشارع..
الزمن عدى لغاية م جات الساعة 12ونص،قلت لو إتأخر كمان نص ساعة حأمشي قسم الشرطة ابلغ