14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
ومرسلة لي صور لناس البيت كلهم ..
رجعت إتصلت عليها على طول..
اول ما فتحت الخط..
يا بت ضِعفتي كدة متين؟
احيييي يا شهد ضعفتي دي تالت احلى كلمة بعد هاك قروش وبحبك مفاجأة مش ؟
ضحكت ،لا جد ضعفتي كدة متين ومالك إن شاء الله عافية بس؟
يا بت الشحم دايرة بيه شنو فترته ها،عملت لروحي نظام تخسيس قاسي بس بقيت حلوة صح؟يا بت إتفسحت في الملابس دي والقشرات دي بقت ما تديك الدرب الناس كلها فاكراني عملت تكميم معدة،ما عارفين إنه انا فايتة الشحاد بدرجه
إنتِ اصلاً حلوة في كل الأحوال يا رفو
اي بس حاسة روحي بقيت حلوة شديد وخفيفة كدة ،المشكلة تاني ما بقدر اجلد ليكم رونق كان قلت ادبها زي زمان
ضحكت وانا بقول ليها الله لا جاب الدق والمشاكل
خلينا في المهم راجعة متين يا بت انا إحتمال أعرس،إستعجلي انزلي و إتحبسي
ودة منو الأمو داعية ليه ود المحظوظة دة؟
دة الكراش ،انا معرساه في عقلي دة سلفاً باقي بس اعرسو في الواقع الله يهديه ويلمحني بعد كدة ويتم لينا على خير،طبعاً هو ما داري عني اصلاً بس عادي ممكن امشي اتقدم ليه لو عمل عميان اكتر من كدة..
كلامها الأخير خلاني اخد وقفة مع نفسي وسرحت وانا بتذكر لما عرضته على سياف فكرة إنه يتزوجني..
بقينا ناخد وندي في الكلام رغم إنه الوقت متأخر عندهم شديد...
وانا بتكلم معاها سياف دخل علي مكالمة فيديو..
رفضتها بسرعة..
تاني إتصل رجعت رفضتها وإستنيت دقايق وإتصلت عليه مكالمة عاديه..
مشغولة؟
ايوا كنت بخلص في شغل مهم بس
طيب خلصتي ولا لأ ؟لو ما خلصتي ممكن افصل وارجع ليك فيما بعد انا حبيت اتطمن عليك لأني تلفوني كان ضايع في المطار ..
لا ياخي ،ولقيته كيف ؟
الحمدلله لقيته بس،المهم طمنيني كيفك؟
اخدتي الأدوية؟
ايوا الحمدلله اخدتها
براك في البيت ؟
ما فهمتك؟
اقصد مادلين ما جاتك كنتِ تجيبيها تبيت معاك
سياف مادلين حتشتغل شغلها ولا حتحرسني؟
طيب اقفلي الأبواب عليك كويس ولو حسيتي بأي حركة غريبة في البيت يا شهد رقم الطوارئ911 ما تنسي سجليه عندك
بتنهيدة قلت ليه حاضر
بالمناسبة شكراً على مكنة الإسبريسو ،فرحتيني بيها شديد حالياً بعمل في قهوة بيها..
العفو ،ما عرفت ممكن اجيب ليك شنو ممكن تحبه او ممكن تفتقده هناك ،إتذكرت إنك بتحب القهوة..
شكراً حقيقي رغم إنه الشقة النازل فيها لقيت فيها واحدة لكن حأستخدم بتاعتك
دقيقة إنت ما نازل مع ابو لين في بيتهم يعني؟
لا،لو كانت زيارة خفيفة ممكن لكن دي شهرين ما ينفع اقيد الناس بقعادي معاهم او اتقيد عشان كدة أجرت بيت قبل ما اصل ،وبعدين في حال إنه بعد إسبوعين قررتي إنك تجي عندي حنكون مرتاحين اكتر
قلت ليه صح وسكتت للحظة سرحت مع نفسي
حتنومي؟
سمعت صوت الباب بدق..
سياف،انا طالبة اكل ثواني وارجع ليك طيب
طيب
قفلت الخط ومشيت على الباب ،فتحته لقيته عمار..
لسة لما اشوفو شعور الخوفة والرجعة لورا بهلع ملازمني
ننزل نتغدأ؟
انا ما عايزة غداء
ما عايزة دي يعني شنو وإنتِ ما اكلتي اساساً في الطيارة ملاحظة؟اللبسي خلينا ننزل نتغدأ برة مستنيك انا وم حأكل من غيرك
طيب ممكن نطلب أكل هنا
ناكل في غرفتك قصدك؟تمام خلينا نطلب
طيب دقايق نازلة ،اجهز بس..
قفلت الباب بسرعة ودخلت لبست وجيت طالعة تلفوني ضرب..
كان سياف،وعمار واقف قصادي..
إتلخبطت في اللحظة دي وهو بعاين لي..
قلت ليه إنت إتقدم لاحقاك بس حأتكلم المكالمة دي
الشريحة ما رميتيها؟مش إتفقنا على إنه تخلي كل حاجة وراك يا شهد،اي حاجة ممكن تخلي الناس دي تقدر توصل ليك بما فيهم خطوط تلفونك عشان ممكن تكوني متراقبة بيهم ؟
دة رقمي الخاص ما عنده علاقة برقم الشغل بتاعي خالص وماف زول عنده علم بيه غير أهلي..
بقى يعاين لي
وبعدين م تستخدم معي اساليب التحقيق دي
غمض عيونو وقال لي حاضر طيب انا اسف بس دة من خوفي عليك،حأنزل استناك تحت
رجعت لسياف كان متصل كم مكالمة.
اول ما فتح الخط :إنتِ كويسة؟في شنو؟
في شنو مالك؟
انا البسألك مالك ما بتردي ؟قلقتيني
ماف شي،كنت في الحمام بس وعندي غسيل في الغسالة عشان كدة بس
طيب
انا طالعة اجيب شوية حاجات للبيت لما ارجع بتصل عليك تمام؟
هسي طالعة؟
ايوا بس ما بتأخر في شوية حاجات عايزاها ناقصة في البيت عايزة اجيبها
طيب ،انا مخلي ليك البطاقة في الشنطة بتاعتك
إتوقعتك تعمل كدة رغم إنه ما بحتاج
خلي بالك من نفسك واول ما ترجعي إتصلي علي حأكون منتظرك
حاضر يلا مع السلامة
اول م قفل الخط بتنهيدة قلت لنفسي:حياة الكذابين دي طلعت صعبة،اصعب مما كنت أتخيل..
نزلت ولما وصلت كان بتكلم في التلفون ومدخل يده في جيبو وماشي وجاي ،اول ما شافني نهى المكالمة..
بقيت اعاين ليه بنظرة عدم إطمئنان كدة..
مد لي التلفون وهو فاتح وقال لي مكالمة مع زميلي دكتور بستشيرني في حالة مريض عنده إتأكدي لو حابة..
إتقدمت قدامه وخليته هو لسة واقف مكانه..
شهد بطلي إستهتار وانا معاك في سان فرانسيسكو دي بكون مقلق عليك
ونحن نازلين من العربية طلعت ليه هدية مغلفة
قال لي دي شنو؟
هدية
لي انا؟
حتحتاجها
ما محتاج غيرك معي عارفة كدة إنتِ
سكتت بخجل ورجعت قلت ليه دي حتحتاجها صدقني
دخلت معاه المطار وإستنيت لغاية ما مواعيد طيارتو جات ومفروض يمشي
ضماني عليه وقال لي في اي لحظة حسيتي إنك ما كويسة او عايزة تجي او عايزاني انا اجي إتصلي طيب؟
حاضر يلا عشان تعمل إجراءاتك
اخد وقت وهو ضاميني بعدها قال لي حأتصل عليك اول ما اصل
حاضر ،حأنتظرك
...........
طول عمري وانا شايف الرماديه سلوك سيء بتتم ممارسته تجاه الطرف الاخر،الان حاسي نفسي عايشها ،بعد ليله امبارح مفروض نقعد ونتكلم بوضوح اكتر بس ما حصل
شعوري تجاها موازي لشعور الشخص القالو ليه:
- أتحبها ؟
فأجاب
= لا أدري ..
ولكن غيابها يجعل وجوه الناس شاحبة ..
ورائحة الهواء مُغبره ..
-إذاً فأنت تحبها !
=دعك من تضخيم الأمر ..
فقط غيبتها تبدو كثقب أسود يبتلع ألوان الكون حين يطل عليّ ، ثم يعيد ما اختلسه من البهجه حين تعود !
-بالتأكيد أنت تحبها !
=دعنا لا نتسرع في الحكم ، رجاءاً ..
كل ما في الأمر أن غيابُها .. غربتي !!
اول ما وصلت الطيارة واخدتة مقعدي فتحت تلفوني ورسلت رسالة:
"انا على متن الطائرة الان،سأغيب عن المدينة لبعض الوقت اعلم جيداً انك تستطيع حمايتها وتعلم ايضاً ان شرط موافقتي السابقة تلك هي لأجل حمايتها..
............
كنت في المطار بعاين حوالي وبحاول امسك دموعي فجأة حسيت بزول بقول لي أرجو المعذرة..
إتلفت عليه كان طفل صغير في العمر مد لي مناديل وقال لي هل تحتاجين هذه؟
اجل شكراً لك عزيزي
اداني ليهم وجرا على امه
طلعت من المطار مشيت على العربية ،قبل ما افتح الباب جاتني مكالمة..
بقيت اعاين للتلفون مسااافة
فتحت الخط وقلت ليه سامعاك
صباح الخير، وصلتي؟
ايوا وصلت،مرسلة ليك مسج في الواتساب شفتها؟
قفلت الخط ورجعت دخلت المطار ما وقفت إلا وانا بعمل في إجراءاتي مع الموظفين خلصت وركبت الطيارة
اخدتة المقعد بتاعي إتنهدت واخدته نفس مسافة ،كنت شايلة معي كتاب ماسكاه في يدي وسرحانه بشباك الطيارة وقلبي حيطلع من مكانه
بعد دقايق سمعت صوت بقول لي :السماح بالرحيل؟دة اكتر إختيار موفق في قراءة الكتب
بإستياء إتلفته لقيته عمار، قعد جمبي
كيفك؟
سكت وم رديت
قال لي :عارف إنه قرار صعب بس مصلحة وسلامة نفسنا احياناً بتتغلب على رغباتنا..
إتلفته على الشباك وانا ساكتة
طيب في سبب معين لإختيارك الولاية دي؟يعني إشمعنى فلوريدا ؟
بنفاذ صبر قلت ليه مش إنت قلت لي إختاري الولاية والمدينة الحتعيشي فيها وحتبدي فيها من اول وجديد وعندك مطلق الحرية في الإختيار؟
؟وانا إخترت فلوريدا،عندك مشكلة؟
بدون ما تتشنجي انا معاك في العايزاه
اتمنى تتعامل معاها على إنها فرصة حقيقية و تكون قدر كلمتك المره دي يا عمار ...
والداي ماهران بالطبخ ولكنني أشرفت على عمل تلك الوجبات بنفسي لتذكيرهم ان السيدة شهد مسلمة لذا انا ايضاً استحق الشكر والقليل من تلك الوجبات
ضحكنا مع بعض ،اخدو وقت ما طويل معي بعدها إستأذنوني إنهم حيمشو لأنه ما بقدرو يغيبو عن الدار اكتر من كدة امها وهي طالعة قالت لي نحن نفعل كل ما بوسعنا ليكون كل شيء على ما يرام هناك لذا لا تقلقي ابداً
على ثقة تامة بكم ، تحياتي للسيد مايك
بعد ما طلعو سياف قال لي سامعة صح ؟ما تقلقي هم عاملين العليهم وزيادة..
سياف عارف إنه انا البقلقني شنو؟إنه الحاصل في الدار دة كلو انا عرفته بالصدفه؟وأي زول ما بركز حيشوف كل شي عادي و طبيعي
حلو الورد دة
عشان يسكتني ويغير الموضوع قاطعني بالجمله دي
بس ما احلى من البتجيبهم لي في المستشفى
طلع الأدوية بتاعتي ختاها جمبي وقال لي اشوف في شنو اكل واجيب ليك ولا اعمل ليك بنفسي؟
ولا واحد من الإتنين،تعال بس إنت كمان أخد راحتك بعد كدة.
صباح اليوم التاني صحيت بدري ودخلت المطبخ جهزت الفطور والشاي وختيت الورد الجايبنو لي ناس مادلين في نص السُفرة وإنتظرته
لما صحى لقاني بشاهد في التلفزيون قال لي صحيتي متين؟
إسمها صباح الخير
أخدتي الأدوية بتاعتك؟
الفطور جاهز مستنياك تصحى،وين الكلاب يا سياف؟
الكلاب في بيت اهل مادلين هي اخدتهم عشان يهتمو بيهم
نفطر ونطلع نتمشى ؟انا زهجانة من القفلة دي
طيب أجهز ونطلع
نهاية اليوم سامعاه بتكلم بالتلفون وبقول لا جادي المره دي جاي عليك ،اديني يومين بالكتير كدة بس إن شاء الله ،اسمع عايز ارسل ليك بيانات زول وصورته لو بتعرفو وريني عليك الله تمام؟
بعد ما خلص مكالمة جيت قعدت جمبه في الكنبه قلت ليه بعد بكره إن شاء الله انا حأنزل الشغل وإنت حتسافر صح؟
قال لي لسة ما جهزت نفسي
مش الشنطة انا حأساعدك في تجهيزها
ضحك وقال لي كأنك زهجانة مني وطارداني؟
لأ بس انا ما عايزاك توقف أمور حياتك اكتر من كدة عشاني بطل تسويف
بقى يعاين لي وهو ساكت بعدين رجع وبقى يحاول يقنعني بإني اجي معاه واخد إجازة مرضيه اخدتدنا وقت ونحن بنتناقش ، في الأخير إتفقنا على إنه يسافر حيعدي 15يوم بعدها يا انا مشيت ليه يا هو جا علي..
اليوم التاني كنت بجهز ليه في شنطتو وهو قاعد بعاين لي ولابس سماعاتو كل شويه اخد رايو في حاجة إذا بتنفع معاه ولا لأ ردوده كلها مختصره ومن من نوع إنتِ وذوقك ،إنتِ شايفة شنو،صح
حوالي الساعة 4مساء كدة لقيتو فاتح دولابي وبختار في ملابس
وقفت بإستغراب بعاين ليه
أجهزي طالعين
وين؟
مشوار
ماخدني مشوار يعني؟
ايوا
طيب وحألبس على ذوقك يعني؟
عندك مشكلة مع ذوقي؟
ضحكت وقلت ليه ابداً،بس هي حاجة ليها لبس خاص ولا شنو؟
هو عامل روحه متضايق مني عشان رافضة اسافر معاه بعد ما إستخدم كل الحيل والحلول معي
جهزت ولبست اللبسة الإختارها من سكات وطلعنا ،كان في كاميرا في العربية
دي بتاعتك؟
ايوا
حلوة شديد
شكراً
لما نرجع خلينا ناخد بيها كم صورة ممكن اجربها هسي؟
بدون ما تستأذني جربيها على طول
اغلب الوقت كنت انا بتكلم وهو ساكت،
اخد وقت طويل وهو ماشي،وقف العربية في مكان كدة او ساحل على ما يبدو
نزل وفتح لي الباب وقال لي تعالي بس غمضي عيونك متفقين؟
ضحكت وقلت ليه طيب حاضر
غمضت عيوني ونزلت بتردد للحظه خفت
خت يده في عيوني وقال لي تعالي،
مشينا مسااافه بعدها قال: كل شيء جاهز؟
اجل سيدي
شكراً لك
على الرحب والسعة سيدي
لو إنتِ قدام بحر بتتمني شنو في اللحظة دي او بتتخيلي نفسك بتعملي شنو ؟
قلت ليه ادخل اللعب بالموية؟
وتاني؟
ارسم في الرملة واكتب حاجات بحبها
وتاني؟
اتصور
ضحك قال لي تاني اخر حاجة قبل كدة قلتيها لي على فكرة
ااااا ما بتذكر هي شنو؟
نزل يدو من عيوني ،فتحت صرخت
خت يدو في خشمي بسرعة وهو بضحك ،كان على بعد مسااافة ما بعيدة مننا في ناس
الحصان دة عشاني؟
ايوا
والجلسة دي والخيمة دي برضو؟
هو انا ما طلبت خيمة لأننا اكيد ما حننوم هنا بس شكلها هدية من المنظمين
جريت على الحصان وقفت وقلت ليه ما بعضي صح؟
ضحك قال لي لا مسالم تعالي اساعدك تركبي واظن ماف مانع من إنه تركبي
قلع جزمته وكف بنطلونو وجا علي
قلت ليها اهااااا عشان كدة إخترت لي اللبس بنطلون
كان شايل الكاميرا في كتفه
ساعدني أركب ومشى بالحصان على طرف الموج مسااافة قلت ليه ما حأخاف لو خفت حأقع في الموية
شاطره خليك ماسكة كويس بس وانا معاك
الشعور في حد ذاته كان حلو شديييد ويصعب شرحه،إحساس إنه واحدة من احلام وامنيات المراهقة الإنتِ ما خاتة إحتمال 1% تتحقق بعد العمر دة يجي شخص فجأة ويقول ليها كوني وبطريقة ما كنتِ بتتخيليها،وحترجعي تعلمي عليها في دفتر اليوميات بتاعتك بعلامة صح بمعنى إنها إتحققت وحتحكي تفاصيلها..
صباح النور
إنت ما نمت؟الساعة كم؟
إنتِ كويسة؟
انا تمام بس بسألك؟
الساعة 10 صباحاً
حاسة ب شي؟
حاسة إني أحسن ،بتصلي الصبح الساعة 10؟
لأ دي الضحى
إنتبهت ل إنه في وروود عباد الشمس في مزهرية قزاز كدة خاتيها جمبي..
لما شافني بعاين فيها ومبتسمة قال لي إستغليت فرصة إنك نايمة ونزلت اتمشى وقفت محتار في مكان الورود ما عرفت اختار شنو من بين الخيارات الموجودة،فجأة لقيتك ما بينهم ...
إبتسمت وانا بعاين ليه قلت ليه قصدك إنها شبهي؟
كدة باقي 39من اشباهك الأربعين ،لو رجعنا مكان الورد او البستان حنلقاهم اكيد..
ما كان في لساني غير جملة حقيقي يا سياف شكراً لأنك هنا
أنا هناً دايماً بدون شكراً
وعلى فكرة الدكتور قال حتجي معالجة فيزيائية اليوم تفحصك بس شوية كدة،خليني اساعدك تدخلي الحمام
كان جايب كرسي متحرك،نزلني فيه ،وسبحان الله يا دوب هو بياخد لي في حاجاتي جات ممرضة داخلة قالت لينا صباح الخير..
قلت ليها صباح النور
قلت ليها انا بحاجة للدخول إلى الحمام ،يمكنك مساعدتي صحيح؟
قالت لي بالطبع سيدتي
قلت ل سياف خلاص خليني هي حتساعدني
بعد ما طلعت من الحمام ساعدني و ربط لي شعري بالطرحة،
تلفوني وين؟
اول حاجة فكرت فيها،إتخيل لي فجأة عمار يجي داخل وم اعرف اعمل شنو وقتها
سياف قال لي تلفونك في شنطتك دقيقة،
فتح الخزنة طلع شنطتي وناولني ليه
فتحته بإستعجال لقيت مكالمات ورسايل كتيرة كلها نازلة مع بعض،للحظة خفت وإتوترت،طبعا اغلبها كان من عمار..
رسلت ليه رسالة بسرعة إنه انا بخير وضعي أحسن بس عندي عندك طلبين ،يا ريت ماف زول من اهلي يعرف بوضعي الصحي او تجيب ليهم سيرة بالحاصل معي ،الشي التاني م تحاول تجي تزورني في المستشفى رجاءً اديني فرصة اتعافى واطلع من هنا وأرتب أفكاري وأرد عليك،وم تتصل علي برضو انا اغلب الوقت تلفوني م معي
قفلت التلفون لقيت سياف بعاين لي
قلت ليه لقيت رسايل من اهلي وكنت بطمنهم علي بس شكلهم قلقو شديد ،كنت برد عليهم
قال لي طمنيهم عليك عشان حناخد الموبايل ونرجعه مكانه،ماف حاجة إسمها أتابع الشغل إلا بعد ما وضعك يتحسن وتطلعي من هنا
حاضر طيب
رديت على الرسايل الواصلاني من رفيدة برضو ووضحت ليها إني مضغوطة شويه في الشغل عشان كدة قافلة التلفون وإني حأتصل عليها
عديت اكتر من إسبوع في المستشفى،وبديت شويه شويه اتعافى وأقدر اتحرك ،طول الفترة دي لا سياف ولا مادلين ما خلوني وفي يوم كمان زارتني ام صحبه لسياف وبتها الكنا زرناهم مره..
الفترة دي في المستشفى اكتر فترة شدتني لسياف وزادتني تعلق بيه،دايماً كان شعوري تجاهه متناقض ما بين الشك والطمأنينة ،في لحظاتي الثمينة معاه كانت دايماً الحيرة هي الحاجز ما بيني وبينه، إلا الفترة دي شعوري كان مختلف،نظرتي ليه إختلفت،ما بقدر أقول إنه قدر يشيل شعور عدم الطمأنينه تجاهه من على قلبي
هو إنتزعه نزع بأفعاله ،جسارته،صبره وقوة تحمله وقدرته على العطاء..
على قدر الكان بينا هو ما بمل من تذكيري بإنه قلبي طيب،وإني مُتزنة ولو كان البظهر على شخصيتي طاغي وبعكس غير كدة إلا إني بقدر ابقى فراشة في المواقف البتطلب فيها اكون فراشة وبقدر ابقى صلبه في الوقت البيتطلب فيه كدة..
ما وقف إنه يدعمني ويساعدني،كان بيمشي الدار كل يوم ويتفقد كل شيء مع مادلين عشان انا ما أقلق
وكان بساعدني في الشغل المفروض اقوم بيه في المستشفى باللابتوب
في الطريق انا وهو راجعين المستشفى بعد ما حقق لي طلبي بإنه يطلعني نتمشى لأني قلت ليه إني عايزة اطلع أتنفس
بكره اخر يوم في المستشفى..
ايوا اخيراً حنرتاح من حاجة إسمها طلعوني من هنا عشان انا زهجت
ضحكت وعضيته في يده
كدة انا إتطمنت إنك كويسة
وصلنا المستشفى ، عاينت على يميني في الدرج لقيت مجموع الكتب القراهم وكان بشاركني قراية جزء منهم ،
سياف
ايوا
جد يا سياف زي ما إتفقنا اول ما نطلع من المستشفى
حتسافر واشنطن صح؟
وعدتني بكدة إنت
يا مره إنتِ الواحد ما يشاركك افكاره ومشاريعه وخططه لو عارف إنك حتبقي نقاقة كدة
ضحكت وقلت ليه حلوه يا مره دي
لا جادة انا حتسافر وحتقعد مع ابو لين وتبدو شغلكم مع بعض صح زي ما وعدتني ؟
إن شاء الله
لا ما تقول لي إن شاء الله إنت وعدتني
شهد إن شاء الله دي لازم اقولها لأنه ماف شي ببقى من غير مشيئة الله ولا شنو؟
ونعمة بالله بس حتمشي أكيد ؟
كدة نطلع من المستشفى وتبلغي الصحة اول
بكره طالعين،وانا بقيت فلة شمعة منورة الحمدلله ما فيني شي لولا إصرارك المبالغ فيه على إني اقعد في المستشفى كل المدة دي عشان تطمئن إنه ما علي عوجة
ما هو ما منطق يا سياف توقف مشروع كامل وتخرب علاقتك مع اهم اصحابك عشان سبب ما منطقي وم عندك تبرير ليه
النائب العام وقتها قام بإستدعاء عثمان اخوي وبعض المتورطين الكانت اسماءهم مذكورة في الملفات دي لمواجهتهم بس كان الإستدعاء سري شديد ما عارف بعدها الحصل شنو
لسة من قريب لما واجهت عثمان وضغطته عليه قال لي إنه كل الطلب من المجموعة الدخلهم بيتكم يومها بس يتحصلو على الملفات وم كانت الخطة قتل او تصفيه زي ما حصلت بالضبط والحصل دة كان غلطة نتيجة مقاومة والدتك ووالدك للأسف..
قلت ليه ببساطة كدة صح؟قصة قصيرة
بقى يعاين لي
رجعت قلت ليه والملفات ؟
مع كوثر زوجة اخوي عثمان،يؤسفني اقول ليك إنه العصابة نفسها الدخلها عثمان البيت وإرتكبت الجريمة دي ما قدرت تتحصل عليها،لكن كوثر قدرت تتحصل عليها فترة الوفاة ،إستغلت وضعكم وإنشغالكم بالفاجعة والوضع الكنتو فيه دة في التفتيش لغاية ما قدرت تصل ليها،وبدون مبالغة يا شهد؟انا عرفت الان إنه لغاية الأن عثمان اخوي ما شافها بعينه حتى الملفات دي،هي ماخداهم ك وسيلة ضغط عليه او علينا كلنا،
عرفت إنه مقترح إني أتزوجك دة هي الرسمتو ل ليلى في راسها اول وهي السبب في إنه ليلى تقترحك علي وكانت بتضغط عليها عشان تضغط علينا انا وابوها وتقنعنا ،وحتى عرسنا دة تم بتخطيط مسبق منها وكانت بتدعي رفضها للعرس بس في الواقع هي كانت ساعية لإنه الحاجة دي تحصل
بيني وبين نفسي بقول خالتو كوثر؟معقول خالتو كوثر ؟
وهي مصلحتها شنو إنها تعمل دة كله؟إنت إشتغلت مع الناس دي هنا بإرادتك ولا لأ؟حتخت الحق عليها برضو؟
ما مكان مناسب احكي ليك بتفاصيل قصة شغلي الان ،بس انا إستمراري في الشغل دة كان نتيجة لضغط عثمان اخوي علي ،انا اكتر شي بهمني وكسبتو في الحياة دي سمعتي وإسمي ومكانتي في المجتمع ودي اكتر حاجة عثمان اخوي كان مستغلها ضدي لانه عارف إنه دي نقطة ضعفي
بطلي عناد يا شهد،انا كمان في صالحي إنه أطلع من المستنقع دة،خلينا نطلع من هنا، لو سمعتي كلامي وقبلتي مساعدتي حنعرف نوصل للإنتِ عايزاه،انا كمان بكن لعثمان اخوي ومرته البغض،وانا كمان في مصلحتي إنه اتحرر من قصة التهديد باغلاط الماضي منهم دي،نحن هسي على نفس الطريق ياشهد
امي كانت مقدمة لجؤ ودة سبب إنها كل فترة وفترة كانت بتسافر وترجع وتم قبولها بالفعل بس كانت متكتمة عليه هي وأبوي لسبب نحن كنا بنجهلة، لو كنتو صبرتو عليها كانت طالعة مخلية البلد وما فيها
شهد هسي الكلام دة ما حيرجع الزمن ويغير الواقع،خلينا نمشي خطوة لقدام ،خليني اساعدك ،انا في كل الأحوال مقرر إني اساعدك وم بخليك نهائي مهما كان،ومستعد اعمل كل البطلع بيدي عشان نقدر نتحصل على الملفات دي ،وانا بالفعل حالياً شغال على الحاجة دي واول ما تنتقلي من هنا حأقدم ليك طرف خيط يأكد ليك صحة كلامي البقول فيه دة
غمضته عيوني ودموعي جارية وقلت ليه اطلع من هنا يا عمار عشان مواعيد دكتوري الحقيقي جات ولو لقاك هنا مشكلة
شهد انا ما حاخليك هنا براك إنتِ فاهمة؟
عمار اطلع من هنا
خت يديهو الإتنين في السرير وهو بعاين لي قال لي سامعاني بقول في شنو؟انا ما حاخليك براك
انا هنا ما براي،معي اصحابي وهسي حيجو،ومعي واحدة من الأمن الخاص بالدار
كيف حتأمني لنفسك معاهم؟
انا موظفاهم
يا دوب إستوعبت سياف لو جا ممكن يحصل شنو
اطلع من هنا،انا حأكون بخير،
كان ساكت
حأتصل عليك
لسة كان بعاين لي
انا حاتصل عليك قلت ليك ،عاينت حوالي،قلت ليه تلفوني في الشحن لو إتصلت حأرد عليك اطلع من هنا ، عايزة اكون مع نفسي شوية انا مضغوطة حالياً ووضعي ما بتحمل اي ضغط إضافي بوجودك ممكن تطلع ؟
طيب
عايزاك تطلع من المستشفى نهائي م من الغرفة دي بس
تمام يا شهد بس لو إتصلت وما رديتي
حأرد عليك
قبل ما يطلع مادلين جات داخلة و قالت :لقد إنتهيت،دكتور هل كل شيء بخير؟
اجل إنها بخير تحتاج فقط لقليل من الراحة ،سأخرج الان ارجو المعذرة
اول ما طلع قالت لي إنه رجل وسيم ويبدو عليه انه سيد محترم ،اعتقد انني ساعجب به،لطالما حلمت بالإرتباط بطبيب يا إلهي يبدو أن أحلامي ستتحقق
كنت لسة بحاول ارتب انفاسي واتحكم في دموعي،وهي لسة كانت بتتكلم
..............
ماسك تلفوني وفاتح المحادثة بتاعة أمجد..
كان مرسل لي بيانات فيها إسم و عنوان ورقم تلفون
ما كنت مركز في البيانات دي لأني جايط وفي حيرة من امري..
اكلمه بوضع شهد الهي فيه دة واحكي ليه ؟ولا شهد حتضايق إذا إتكلمت؟
يمكن لو كلمته يقدر يتكلم معاها ويقنعها بإنه تبعد نفسها من هنا بس الحاجة دي ممكن تأثر على علاقتي بيها..
إتوكلت وبديت ارسل ليه جاتني مكالمة من ابو لين..
ما كنت في حال بخليني ارد عليه حقيقي
قفلت تلفوني وختيته على جنب وإبتديت اخد لشهد في إحتياجاتها.
............
عمار ما برد علي يا رونق
كيف يعني ما برد عليك ،حاول تاني يمكن عنده سبب كم يوم ما رد ؟
3يوم
الدكاترة ديل احياناً بدخلو عمليات بتاخد منهم وقت طويل يمكن عشان السبب دة،ولا غير رايو؟
في الوقت دة في ممرضة ماسكة حقنة عايزة تجي علي قال ليها لأ خليها انا معاها خلاص،حتهدأ
ما كنت فاهمة انا وين والساعة كم ونحن في اي يوم ولا في اي تاريخ..
مسك وشي بيديه وقال لي تعبتي شويه وجينا المستشفى وأول ما الدكتور يأكد لينا إنك بخير حنطلع تمام؟
كنت لسة خايفة وبرجف وبعاين حوالي رجع ضماني عليه وهو بقول لي ماف شي اهدي
بعد مسااااافة لقيت نفسي بقول ليه الدار؟حصل فيه شنو؟
المسنين ،عملو فيهم شنو انا عايزة امشي بقيت بحاول انزل..
مسكني وهو بقول لي كل شي فيه ماشي تمام ما تخافي متواصل مع مادلين اول بأول،هي واهلها واقفين فيه برجل واحدة حتى انا بذات نفسي مشيت هناك وشفت بعيني،حاولي تهدي وترتاحي عشان تقدري ترجعي بشكل احسن..
وهو بتكلم معي جا الدكتور داخل..
مرحباً
سياف قال ليه مرحباً
هل يمكنني اخذ السيدة من بين ذراعيك لبعض الوقت لفحصها؟
اجل تفضل دكتور
.................................
كانت متوترة ونظرات الخوف حوالين عيونها وهي بتعاين لي وبتعاين للدكتور،ضغطته على يدها وانا بقول ليها بصوت خافض ما تخافي فحص عادي عشان يورينا إذا كويسة وممكن نطلع من هنا ولا لأ
قالت لي طيب
قلت ليه إتفضل دكتور
وقف جمبها وبدا يفحص فيها وبقول ليها ارفعي عينيك للأعلى والان قومي بتحريك احد اصابعك..الخ
كنت واقف وبتفحصها بعيوني اكتر من الدكتور نفسه،
خليتها مع الدكتور وطلعت لدقايق برة الغرفة بعدين رجعت
الدكتور بعد ما خلص قال لينا سأترككم قليلاً الان،سيد سياف هل يمكنك ان تأتي إلى مكتبي بعد قليل؟
حسناً دكتور
كانت بتعاين لي وبتحاول تقعد ،بإستعجال مشيت عليها وساعدتها..
كالعادة تاعباك معي صح؟
شديد
سكتت مسافة بعدين ضحكت وقالت لي:الدكتور قال لي إنك كنت حريص كل الحرص على إنه تلبسني الإسكارف دة حبيت شكلو بس دة ما بتاعي..
لأ حقك،انا جبتهم ليك وطالما حبيتيه اول ما نطلع من هنا حأجيب ليك منه عشره،عشرين ،تلتين؟..
ضحكت وهي بتقول لي حبيت شكله لدرجه إني عايزة المصنع كله..
......................................
مسسك يدي وباسها مساااافة بعدين قال لي ومالو؟نجيب المصنع كله طالما إنتِ عايزاه..
بنبره ساخره قلت ليه ثري عربي يتحدث
قرب علي وصلح لي الإسكارف وبعاين لي بنظرات زول عنده حاجه ضايعة ولقاها وهو فرحان ،ضماني عليه وهو ساكت..
دقايق معدودة وباب الغرف دق ،إتحرك من جمبي مشى على الباب وفتحه
جات مادلين داخلة بسرعة وهي بتقول لي سيدة شهد،قعدت جمبي و ضمتني ،هل أنتِ بخير؟
انا بخير انتِ اخبريني كيف تسير الأمور هل الجميع بخير؟
اجل لا تقلقي لأمر الدار ومن به انا اتولى جميع الأمور ،كل شيء بخير والجميع بخير يريدون الإطمئنان عليك فحسب
اخدنا وقت وانا وهي بنتكلم ،سياف شكلو مشى للدكتور ،لما رجع مادلين إستأذنت بإنها حترجع عشان لازم تقيف على الشغل..
قريب للمغرب مادلين جات راجعة سياف قال لي انا إتصلت عليها عشان اخليها معاك حأمشي البيت ساعة كدة وارجع..
قلت ليه طيب وبالمره حاول ترتاح
لأ حأمشي اجيب ليك ملابس وشويه حاجات وارجع
بضيق قلت ليه :ليه انا مطولة هنا ولا شنو؟
لأ بس لازم تبقي كويسة الأول حتى نرجع ،انا ما عندي مشكلة ارجعك البيت واخلي بالي منك بس الدكتور شايف إنه لازم تكوني تحت المراقبة الطبية
طيب تمام
مشى يده في خدي وهو بقول لي ما تخافي مادلين حتكون موجودة معاك لغاية ما ارجع وانا م حتأخر
حاضر
باسني في راسي وقال لي يلا انا طالع،مادلين كما اخبرتك..
لا تقلق سيد سياف سأعتني بها جيداً..
بعد ما طلع بفترة من الزمن جات ممرضة ركبت لي درب كنت ما بين صاحيه ونايمة،صحصحت على صوت الباب وهو بدق ،شويه كدة سمعت مادلين بتقول تفضل دكتور...
فتحت عيني وشهقت وانا بعاين للشخص الداخل علي دة
مادلين قالت ليه يمكنك فحصها دكتور، سأكون بالخارج،سيدة شهد سأجري محادثة مع من بالدار ،سأعود بعد قليل..
كنت بعاين حوالي وبحاول استوعب هل انا بحلم ولا دة حقيقة فعلاً ،كان واقف قدامي عمار وبلبس الدكاترة "الإسكرب واللابكوت والسماعة" ...
"أحب في نفسي صلابتي، أنا امرأة صلبة، واسعة الحيلة على أقدارها، ربما أبقى لساعات مع نفسي أراقب ما يتداعى مني، أبكي، أندب حظي، ولكني ألملم كل هذا الذي حدث في أرض الخفاء، وأخرج كأني لم أحصل يومًا إلا على النصر. "♥️
لما الإسعاف وصل شهد حتى التنفس بتاعها كان شبه متوقف..
كنت متصلب في مكاني وانا بعاين للمسعفين وهم برفعوها في النقالة وبشيلوها للعربية..
كنت وراهم لما كانو بركبو ليها في الأوكسجين ،وهي ما كان بتحرك ليها ساكن..
واحد من المسعفين كان بسألني عن إسمها وعمرها و...الخ
كنت بسأل فيه مالها حاصل ليها شنو؟الصباح كانت كويسة،هي وصلت هنا برجولها..
كان كل ما هو يسأل انا برد بسؤال..
وصلنا المستشفى المسعف كان بتكلم مع الدكتور بسرعة..
شهد عبدالله
32عام
...الخ
الجمله الوحيدة الركزت فيها حاولنا إعادة التنفس للوضع طبيعي ولكن وضعهها حرج للغاية..
دخلوها غرفة الإسعافات بسرعة ونزلوها على السرير وبسرعة كانت في حركة مريبة حولها..
اللحظة دي مألوفة عندي وكأنها بتعيد نفسها مع إختلاف الشخصيات..
عيني وقت على جهاز الصدمات..
والباب إتقفل ،وقفت ورا الباب وانا بعاين ليها وهي بنعشو فيها بجهاز الصدمات ..
الموضوع كان اشبه بالخيال..
لسة صوتها وهي بتقول عايزة قهوة مصدعة شديد يتردد في مسامعي..
واقف جمب غرفة الإسعافات وبتخيل الحاصل دة كأنه حلم ما واقع..
طلعوها من غرفة الإسعافات ،كنت ماشي وراهم وبسأل مالها حصل ليها شنو؟
كان رد الممرضة إنه الدكتور حيشرح ليك الوضع
دخلوها غرفة الإنعاش..
عدت اكتر من نص ساعة حتى طلع الدكتور..
دكتور ما بها ؟هل هي بخير؟
لقد تعرضت زوجتك لأحد الغازات السامة ،توقف قلبها عن العمل وعاد من جديد ، والان بدأ التنفس يعود تدريجياً بعد عملية الإنعاش،نقوم بفعل كل ما بوسعنا لإنقاذها لا يمكنني القول غير ذلك لأن الغاز الذي تعرضت له من الغازات السامة والخطرة للغاية وهو ما تسبب في توقف عمليه التنفس تماماً ،ارجو المعذرة علي الذهاب..
لغاية قبل كلامي مع الدكتور كنت فاكر حالتها دي سببها القولون العصبي ما اكتر،وإنه من غرفة الإسعافات بس حنطلع على البيت..
عدت ساعة وإتنين وتلاتة ولسة ما كان في جديد في حالتها..
إتصلت علي مادلين..
مرحبا سيد سياف
مرحبا مادلين
أعتذر على الإزعاج ولكن هاتفت السيدة شهد كثيراً وهي لا تجيب، وكانت قد اخبرتني منذ 4 ساعات انها قادمة في الطريق هل بخير؟
ألم تكن شهد بالدار اليوم؟
لا لم تأتي اليوم
متأكدة مادلين؟
اجل مادلين لماذا؟ماذا حدث؟
إتفاجأت بقولها إنه شهد ما مشت الدار،طيب كانت وين؟
سيد سياف هل أنت معي؟
اجل اسمعك،إنها بالمستشفى
مستشفى؟اي مستشفى ولماذا؟
اديتها عنوان المستشفى وما قدرت اشرح ليها مالها إلا بعد وصولها للمستشفى..
عندما اخبرتني بأن السيدة شهد بالمستشفى ظننت انها تعرضت لحادث سير او شيء من هذا القبيل ،لم أتخيل قط انها قد تكون بهذه الحالة ،محاطة بالأجهزة وتحارب للعيش،بالأمس اخبرني مديري أنني وفريقي سنكمل العمل بالدار لأن السيدة شهد رفضت تبديل الشركة لنا بفريق اخر ،واخبرني ايضاً بأنها قامت بتقييمنا بأننا الأفضل،إنها سيدة جيدة للغاية...
لم تخبرك شهد أين كانت او إلى اين هي ذاهبة عندما قامت بالإتصال بك؟
لا ،اخبرتني فقط انها في الطريق قادمة إلى الدار.
سكتت للحظات وسالتني..
متى تعرضت لهذا الغاز السام وأين؟
هل قمتم بإستخدام مبيد للزرع او للحشرات بالمنزل وتسبب لها بالتسمم ام ماذا؟
لا نستخدم اي نوع من المبيدات بالمنزل، خرجنا معاً كانت بخير ،هي من قامت بإيصالي للعمل،عندما احضرتها إلى هنا اخبرني الدكتور انها تعرضت له منذ مدة لا تتجاوز الساعتين او اقل..
هذا يعني انها قامت بإيصالك للعمل وذهبت لمكان اخر ربما لمزرعة او لحديقة الحيوانات وتعرضت لإستنشاقه هناك..
كنت ساكت لأني عارف شهد بتواجه شنو في المكان داك،والمشهد دة شبيه بمشهد وفاة مستر جو ،المشهدين متقاطعين في نفس السبب..
مادلين وقفت على حيلها وهي ماشة بعدين رجعت وقالت لي :ام ان السيدة شهد تعرضت لمحاولة إغتيال؟
سكتت مسافة وهي بتفكر قعدت جمبي وهي بتقول
يا إلهي لما لم افكر في هذا؟
رفعت عيني عاينت ليها وانا ساكت..
قالت لي اجل ،إنها بالفعل كذلك،ولكن اين؟..
قلا ليها لا استطيع التفكير في شيء الأن ،كل ما يهمني هو سلامة شهد والإطمئنان عليها،اخبرني الدكتور ان وضعها غير مستقر لذا ستكون بالإنعاش وتحت المراقبة ل72ساعة،حتى انني ممنوع من رؤيتها ..
ستكون بخير ،انا واثقة من ذلك سيدي
قعدنا انا وهي لساعات في نفس المكان،بعدين قلت ليها:وجودك بالدار اهم من هنا،اسدي لشهد معروفاً بالوقوف على أمر الدار إلى حين عودتها..
لا تقلق لأمر الدار،انا وعائلتي وفريقي جميعاً سنقف جنباً إلى جنب لحماية هؤلاء المسنين كما كانت تفعل السيدة شهد..
وايضاً لا تخبري احداً عن حادثة التسمم هذه،اخبريهم انها مريضة وتعرضت لوعكة صحية فحسب
حسناً سيد سياف ،سأفعل
مرت 72ساعة وانا ما عارفها هي مرت كيف،ما كان بكون في جديد عن وضعها،بعد ال72ساعة دي اصريت شديد على إنه يسمحو لي اشوفها..
كان رد الدكتور إنه الغاز الهي إتعرضت ليه بيفضل عالق بالجلد لفترة طويلة،يعني إنت كمان معرض للتسمم معاها..
ساتشي قالت :ماذا يعني هذا؟
طلعنا من الملف دة..
لاحظت لوجود فيديوهات،دخلت فيهم ،فتحت اول فيديو..
كانت في لحظة صمت ونحن بنحضر في الفيديو..
افكاري كانت متضاربة،تقريباً دي الفلاشات نفسها الإتسرقت من مستر جو ،بس كيف وصلت لتايسون؟وليه إتغابى عن معرفتو بيها؟
الفيديو كان لمجموعة مهاجرين بحسبو فيهم وهم بركبو في سفينة وبقولو في اسماءهم واحد ورا التاني،رجال،نساء،اطفال..
اشكالهم كانت بتوحي بالعجز والخوف ممزوج بالحماس والشجاعة في نفس ذات الوقت..
عجز وخوف بفسرو قله حيلتهم الوصلتهم للطريق دة عشا ينجو بنفسهم من واقع الحياة السيء في وطنهم رغم إحتمالية نجاتهم الضئيله..
وحماس وشجاعة مرسومة على ملامحهم للأحلام الحتتحقق في حال عبورهم المياه الدولية ونجاتهم من خفر السواحل ووصولهم لبلاد العم سام..
وفي الحقيقة هم شجعان بالفعل
في فيديو تاني كانت متعالية اصواتهم لحظة تصوير الفيديو
واحد منهم قال جاهزون للمخاطرة من اجل عيش حياة كريمة لنا ولأبناءنا ،افريقيا لديها كل شيء لتعيش في نعيم ولكن مواطن افريقيا يفتقر لكل شيء حتى العيش في سلام،لطالما كنا نردد ان الهجرة مجرد خدعة للهرب من فشلنا ،وان الوطن اولى بنا ،ولكن الوطن لم يقدم لنا حتى ابسط المقومات للحياة فيه،احلام الشباب تتساقط ،لا يوجد اي ضؤ في اخر النفق كما يقول البعض،جميع الذين يتحدثون عن حب الوطن تجدهم بالفعل بالخارج ،لأنهم يدركون أن العيش به مضيعة للعمر فحسب..
إنتقلت الكاميرا لواحد تاني قال :أؤمن بمقولة ان من سار على الدرب وصل،وها انا ذا على الدرب الأن...
رد ليه واحد تاني وهو بقول ليه سمعنا بأن العشب في الجانب الأخر اكثر إخضراراً وها نحن ذا ذاهبين لرؤيته..
الفيديو دة كان لناس نبرات صوتهم بتخلي مشاعرك مختلطة،ما بين هم على حق وما بين إختيارهم للطريق ورهانهم عليه خطأ
إتخطينا الفيديو دة بفيديو غيرو وهنا كانت الصدمة..
كان فيديو بوثق لجريمة قتل..
بعد مرور دقيقة قفلته وإنتقلت لفيديو تاني كان توثيق لجريمة قتل برضو ابشع..
والتالت برضو نفس الشي وطريقته كانت ابشع من الإتنين القبلها..
الرابط المشترك بينهم كانت الفيديوهات كلها لنفس الشخص
قفلتو بسرعة وانا برجف،وانا اصلاً كنت حاسة برجولي ما شايلني ف قعدته بسرعة على الكرسي..
ليز قالت لي هل أنتِ بخير؟
ناولتني البوتل بتاعة الموية حقتها..
لويس قال لينا ما كان هذا؟
كلنا كنا ساكتين
ساتشي قالت لينا هل من تفسير لهذه الفيديوهات؟هل هي مشاهد من فيلم رعب ام ماذا؟
ليز مسكت اللابتوب بتاعها وقالت:يا إلهي أنظرو يوجد العشرات منها..
اكيمي قال :ما الدافع لكل هذا؟
قلت ليهم يمكنني التوضيح..
كلهم بقو يعاينو لي
قلت ليهم إنها مافيا الإتجار بالبشر والهجرة غير الشرعية ،وهذه الفيديوهات في الأرجح تعود لأحد المهاجرين، هؤلاء المهاجرين يتم إستغلالهم لمثل هذه الجرائم،ولأغراض اخرى مقابل العيش هنا..
ليز قالت لي قتلة مأجورين؟
قلت ليها شيء من هذا القبيل،ولكن بالطيع هذه الفيديوهات تؤكد انهم يرتكبون تلك الجرائم تحت الضغط والتهديد ومن ثم التحول تدريجياً لجزء لا يتجزأ من المافيا وهكذا تتشكل كتلة المافيا وقتلتها المتسللين وتتوسع دائرتها شيئاً ف شيئاً،وهذه الفلاشات تعود للسيد جو ،تمت سرقتها منه في ايامه الأخيره قبل وفاته ما تسبب في تأخير خروجه من ذلك المكان
اكيمي شال العلبة الوصفتها قبل من الشنطة وفتحها طلع ورقة لونها مايل للبيج وم كانت كاملة واضح إنها مقسومة نصين..
رفعها وقال لينا ما هذه؟
بإستغراب ليز قالت ليه هل هذا المخطط الذي خاطرنا لأجله؟
لويس قال ليها لأ ارى سوى ورقة بيضاء
ساتشي بحيل متهالك إتنهدت وسندت راسها في الكرسي يبدو ان السيد تايسون قد نصب لنا فخاً
اكيمي رماها من يده بنفاذ صبر وغضب
شلتها وبقيت اعاين ليها مسافة بعدها قلت ليهم هلا تريثتم وهدأتهم؟دعونا نحتفظ بها الان..
لويس قال لا احد منكم علق على ان هذه الفلاشات تحوي اهم شيء يمكن ان يقوم بإيصالنا لمن نبحث عنهم،او بالمعنى الأصح هم من سيبحوثون عنا بعد الان..
ليز قالت ليه في البدايه يمكننا البحث عن احد هؤلاء القتلة ومعرفة من هو وكيف يعيش حياته هنا ومن ثم التفكير في الخطوة القادمة..
سكتت مسافة وقلت ليها فكرة جيدة
اكيمي قال ليهم لنفكر في الأمر جيداً قبل اي خطوة،ويجب علينا التشاور وإطلاع بعضنا البعض عن اي خطوة قبل القدوم عليها حتى لا يقع احدنا في كارثة،
انا كنت تعبانة للحد المخليني اسمع اصواتهم بعيدة وهم بتناقشو بس كنت بقاوم على قدر ما اقدر،لما حسيت إني ما قادرة اتجاوب او اركز معاهم
قلت ليهم هل يمكننا الإجتماع غداً ؟لست بخير الان
قال لي حسناً ،ليز قالت لي انا ايضاً لدي ما علي فعله،لويس هل يمكنك صيانة دراجتي الان؟
#ليله_في_ديسمبر54
كنت ماسكة التلفون و بعيد في قراية الرسايل لغاية ما لقيت ليز بتقول لي انا هنا..
ختيت التلفون على جنب وقلت ليها اسفة ما لم أنتبه لوجودك
ما المشكلة هل انتِ خائفة؟
لا لست خائفة،انا بخير
هل اتاك خبر سيء او شيء من هذا القبيل؟وجهك شاحب..
لا..سكت مسافه وانا مغمضة عيني بعدها قلت ليها إنه فقط موسم عودة الإكسات كما يقال عنه..
ضحكت وهي بتقول لي يبدو انك لم تتخطي الأمر بعد؟
بنظرة ساخرة قلت ليها لقد تزوجت..
فخورة بك عزيزتي تهانينا " مربيتي قالت لي ذات مرة الرجال نوعان ،لا داعي لكثرة الشكوى منهم والشقاء لأجلهم فالرجل :غيريه او غيريه"...🤹♀️
ضحكت وقلت ليها إمرأة حكيمة
تفضلي هذه إنها" سماعة اذن" سنكون على تواصل بالجميع بها
ادتني ليها ركبتها في اضاني بعدها قالت اكيمي اخبرني نحن على الطريق الان
قال ليها سأكون بالداخل خلال دقائق
ونحن ايضاً
اول ما وصلنا قلت ليها ها نحن ذا بالمكتبة
فجأة جانا صوت صاحب مستر جو وقال لينا ستكونا بالسيارة حتى يخبركم أكيمي بأن كل شيء جاهز،
ساتشي هل تسمعينني؟
اجل ابي اسمعك،لا شيء يدعو للقلق هنا
لويس ماذا حدث معك؟
انا بالداخل بالفعل واقوم بعملي بإنتظار دخول الفتاتان
رجع قال لي شهد تذكري جيداً أن..
قلت ليه إذا لم ينجح الأمر علي الخروج من هناك في الحال
أكيمي قال لينا انا اتحكم الان بنظام كاميرات المراقبة الخارجية للمبنى ،هيا ادخلا بسرعة..
نزلنا بسرعة عايزة ادخل المكتبة الكنت دخلتها قبل كدة ليز مسكتني بسرعة وقالت لي من هنا..
قلت ليها هل من تغير في اخطة؟
لا إنه الفرع الرئيسي للمكتبة ، مشينا على إتجاه مبنى تاني وكان ضخم كدة ،دخلنا على الإستقبال ليز طلعت كرت او بطاقه مدتها لي وكان في واحدة في يدها قبل ما نصل الإستقبال
قلت ليها ما هذا ؟
بطاقة الإشتراك الخاصة بالمكتبة يجب ان تكون بحوزتك لتعبري إلى الداخل
لما وصلنا قالت للفي الإستقبال مرحباً سبدتي،أحمر شفاه جميل احببته
ردت ليها ب:شكراً لك عزيزتي
كان في زي حاجز كدة في المكتبة ما بفتح إلا بتمرير البطاقة ،مررتها عليه فتح وقفل اول ما دخلت هي
قالت لي هيا
دخلت وراها بعد ما مررت البطاقة وقلت ليها من أين حصلت عليه؟
كل هذه مكتبة؟يا للهول إنها ضخمة للغاية
إنها الغلاف الإعلامي لتايسون والغطاء لأفعاله في الوقت ذاته
كفا عن الثرثرة ارجوكما "كان صوت ساتشي"
ليز قالت :أكيمي نحن على المصعد،أي طابق يفترض ان نكون به؟
الطابق الرابع ،أجلسا عليه لبعض الوقت
نزلنا الطابق الرابع..
كانت صالة ضخمة شديد ومبهرة في شكلها وتصميمها وفيها عدد قليل من الناس..
قبل ما نقعد ليز شالت كتاب من واحد من الرفوف وانا وراها شلت..
قعدنا وبقينا نقلب في الكتب لدقايق معدودة بعدها لويس قال لينا ها تسمعانني؟
قلت ليه اجل لويس تحدث
انا جاهز لقد تحصلت اخيراً على مفتاح جهاز الإنذار ..
ليز قالت :اكيمي..
قال ليها لقد عطلت نظام المراقبة بالكامل الان عدا الطابق الذي ستصعدان سيكون من الصعب تعطيل جميع الكاميرات لأنها تجميعية كاميرات ذات شركات و انظمة مختلفة
قلت ليه إذا هل سنلغي الأمر؟
لا سأفعل ما يلزم للتغطية سيكون كل شيء على ما يرام ،اذهبا بالمدرجات حتى لا يلاحظ أحد
ابوه قال ليه امتأكد ان كل شيء سيكون على ما يرام؟
أجل ابي ثق بي
ليز قالت لي هيا لنذهب إذاً،لويس نحن ذاهبتان سأخبرك عند الوصول..
حسناً انا بإنتظاركم
طلعنا بالسلالم وانا خلاص بديت اتوتر،قلت ليها حال كُشف امرنا او قُبض علينا ما هي..
قبل ما اتم كلامي اكيمي قال سنكون جميعاً تحت رحمة تايسون ادامز..
لويس قال لينا هل وصلتما؟
أكيمي قال ليه تقصد هلا تعجلتما؟
وصلنا الطابق،
ليز قالت ليه اكيمي هل نحن بأمان ؟
قال ليها اجل
وصلنا المكتب ليز قالت ل لويس هل تسمعني قم بتعطيل جهاز الإنذار الان
أجل ،تم الأمر هيا لديكم 20دقيقة..
ليز طلعت بطاقة وبتفتح الباب..
قلت ليها لديك نسخة لهذا الباب ايضاً؟من اين حصلتي عليه؟
يا إلهي ! كفي عن الأسئلة عزيزتي هيا،سأكون بإنتظارك في الأسفل لأن اكيمي قال انه لم يستطيع إختراق نظام تحكم جميع كاميرات المراقبة لذا سيكون من الصعب إنتظارك هنا
دخلت بتردد وليز ادتني البطاقة وقالت لي عند الإنتهاء إستخدمي هذه للخروج من هنا،قفلت الباب وراي ،بقيت اتلفت في الغرفة..
ساتشي قالت لي لديك 19دقيقة..
كنت بتلفت وانا ما شايفة خزنة في اي زاوية في الغرفة..
لويس قال لي هل وجدتِ الخزنة؟
لا،لا اراها
صاحب مستر جو قال لي ابحثي جيداً إنها بالغرفة
لسة كنت بعاين وانا متوترة..
ليز قالت لي شهد،متبقي من الوقت 15 دقيقة..
صاحب مستر جو بصوت حاد قال ليهم توقفو عن تشتيت إنتباهها بذكر الوقت..
لويس ،اكيمي هل الخطة B جاهزة؟
اجل ابي جاهزة ولكن ايضاً لن يكون لدينا متسع من الوقت سوى 5دقائق اخرى
لا بأس ،اعتقد إنها كافيه للخروج
ليز قالت ليه حسناً انا سأبدأ..
شالت اللابتوب حقها وكان موصل بشاشة كبيرة من بين الشاشات الموجودة في الغرفة..
قالت لينا لقد توصلت لهذا..
ظهرت في الشاشة صورتين لبصمات إصبع
ساتشي قالت ليها هل تمازحيننا؟
ليز قالت ليها لا وقت لدي للمزاح،دعيني أُكمل..
وفقاً للتقرير الذي حصلت عليه ان السيدة كاثرين كانت تعاني من إكتئاب حاد ف حسب ،يبدو ان الدكتور قد قام بالتلاعب بالتقرير لدواعي امنية حتى لا يتم تسريبه ف بالتالي التقرير غير مفيد حال إستخدمته شهد لإحالتها لمركز تأهيل نفسي او مصح عقلي..
لويس قال ليها وما علاقة هذه البصمات بهذا الأمر؟
قالت ليه واحدة من البصمات تخص السيدة كاثرين،اشرت على واحدة من البصمات وقالت لينا هذه هي بصمة السيدة كاثرين ولكن طبياً شكل البصمة يوحي بأنها مصابة ب إتضطراب الهوية التفارقي او إتضطراب تعدد الشخصيات..
لويس قال ليها ما زلت لا افهم ما علاقة هذا ب ذاك؟
رجعت وأشرت ليه على شكل البصمة الأولى وهي بتقول ليه انظر لشكل البصمة هذه هي لشخص طبيعي ،اما بصمة السيدة كاثرين يلاحظ ان شكل البصمة وما بها من تعرجات يؤكد انها واحدة من بين المصابين بإتضطراب الهوية التفارقي ،يمتلك هؤلاء الأشخاص بصمات مميزة على غيرها من البصمات ،ومن شكل البصمة يمكن التنبؤ بإصابة الشخص مستقبلياً بهذا المرض إذا كان غير مُصاب به في الوقت الحالي..
وعند البحث وجدت ايضاً ان هناك بعض الحالات الغريبة التي كانت تصيب الطلاب من فترة لأخرى في فترة تولي السيدة كاثرين رئاسة الجامعة التي كانت تعمل بها، وقعت العديد من حالات الإختفاء لبعض الطلاب وعودتهم بحالة غريبة وإنتحارهم بعد مرور فترة من الوقت اكثرها عامين..
قلت ليها بهذه البصمات هل يمكننا إثبات ان السيدة كاثرين مصابة بهذا المرض ؟
المشكله هي انه من الصعب مواجهه مجرم مصاب بهذا المرض لأنه يصعب توقع السلوك الإجرامي له ،ولأنه بسبب تعدد الشخصيات يكون سلوك مختلف في كل جريمة حسب الشخصية المستحوذة عليه وهذا هو الأخطر من إثبات صحة إصابتها به..
لويس قال لينا هل من معلومات عن وجود اي بصمات على جثة العامل ؟
قلت ليه لا أعتقد،الشرطة ما زالت تحقق في الأمر ولكن الان اصبح يراودني الشك بأن السيدة كاثرين هي من قامت بهذا الأمر..
ليز قالت لي لماذا ؟
قلت ليها سأخبركم لاحقاً ،ساتشي اكيمي هل هناك ما تودان إخبارنا به؟
ساتشي قالت لينا حسناً فيما يخص السيد ادامز ومصطلح البيتزا جيت..
قبل ما تتم كلامها أكيمي قال مرحباً ابي ،جميعاً هنا نسمعك..
كان فاتح المكبر..
قال لينا لديكم 60دقيقة للخروج من هنا
بقينا نعاين لبعض..
قال لي شهد،ليز ،لويس ستذهبون إلى الحي الصيني حيث مكتبة شقيقة تايسون ..
قلت ليه الان؟ لماذا؟
قال لي لقد سالتني كيف سنحصل على المخطط الذي بحوزة تايسون؟
اجل
إنه بخزنة المكتب الخاص بشقيقته اعلى المكتبة
هل أنت جاد؟
لويس وليز في نفس الوقت"عن اي مخطط تتحدثون؟"..
ضاحب مستر جو قال لأولاده أكيمي ساتشي اخبرانا عن الأمر
اكيمي فتح لابتوبه وبعدها على طول ظهرت لينا في الشاشة المكتبة وقال لينا هنا تماماً يقع المكتب بهذا الطابق..
ولكن السيد ادامز ليس بالسهل ظننت انها خزنة عادية ولكن يبدو أن الأمر اكبر من ذلك..
شهد ،ليز ستدخلان المكتبة ك مشتركات ،سيقوم لويس بتعطيل جهاز الإنذار لمدة لا تتجاوز ال20دقيقة ،في هذا الوقت ستكون السيدة ادامز بالمنزل قد تناولت ادويتها وخلدت للنوم لساعة فقط من الزمن ومن ثم العودة للمكتبة لمواصلة العمل ،مع العلم ان السيدة ادامز فقط هي من تقوم بالدخول لهذا الطابق لا أحد غيرها ولكنها تراقبه طوال الوقت من الهاتف..
ستقوم شهد وليز بالذهاب للمكتب،لقد حصلنا على ما يلزم من بصمات السيدة ادامز لإستخدامه لفتح الباب..
ليز ستقومين بحراسة طابق المكتب والتغطية على شهد وتنبيهها حال شعرت بحركة غريبة او شيء من هذا القبيل..
قلت ليه انااا؟ولِم انا ليس احداً اخر؟
صاحب مستر جو قال لي لأنهم مؤهلون لتدارك الأخطاء والقيام ما يلزم حال حدث اي شيء ليست هناك خطة محكمة ما نقوم به هي خطوة إرتجالية ،وإقتحام مكتبة السيدة ادامز ليس بالأمر السهل كما تظنين لذا سيتعاون الجميع هنا لينجح الأمر وحمايتك
كمل كلامو ب ساتشي ستقوم بمراقبة المكتبة من هنا والتحدث إليكم طوال الوقت وتوجيهكم إلى مخرج بديل حال وقعتم في مشكلة..
أكيمي قال ليهو اما انا سأكون هناك للتلاعب بنظام كاميرات المراقبة الخاصة بالطابق حتى تظن السيدة ان كل شيء على ما يرام كما تراه
وسأقوم بتعطيل بقية الكاميرات لدقائق معدودة حتى لا تراكم السيدة ويتم التعرف عليكم فيما بعد..
كل هذا الأمر يجب ان يبدأ عند الساعة الحادية عشر وينتهي عند الساعة الثانية عشر ظهراً،عند وجود السيدة ادامز لا يمكننا التواجد هناك..
قلت ليه حسناً ولكن كيف علمتم بوجود المخطط هناك؟حتى لا نفعل شيئاً بحماقة يعرضنا للأذى..
كيف يمكن معرفتها إذاً ؟او ما الذي علي فعله في هذه الحالة؟
ما يمكنني قوله وتنبيهك به هو ان هذه الأدوية مؤثرة على الحالة النفسية ككل منها المهلوسة ومنها المنومة ومنها المنبهه وتأثيرها يعادل 800مره من تأثير بقية الأدوية المخدرة..
ايضاً حال تعرض متعاطيها لمضاعفات لن يتمكن الأطباء من التعامل مع حالته لعدم قدرتهم على تحديد تلك المواد في جسمه..
الوقاية خير من العلاج لا يمكنني القول غير ذلك،لا يوجد ما يمكن قوله في هذه الحاله سوى التشدد في المراقبة لمنع دخولها إلى المسنين ومن ثم اللجؤ للقانون ورفع التقارير الطبية لمعرفة اهداف من يفعل ذلك ومعاقبة من يرتكبون هذا الجُرم بحق المسنين..
ساعية لحل هذا الأمر ،سأفعل كل ما يلزم..
وانا جاهز لتقديم المساعدة اللازمة طبياً وقانونياً حال تطلب الأمر ذلك
شكراً لك دكتور سأعاود الإتصال بك مرة اخرى
بعد ما قفلت الخط إتنهدت،مادلين قالت لي حسناً اعتقد انتِ من تحملين الأخبار السيئة اليوم
نزلت في تلفوني رسايل ،عاينت ليها لقيتها من عمار ومحتواها..
شهد،طمنيني إنتِ بخير؟
انا لسة مستني ردك
فكرتي؟
قفلت التلفون وبعدين قلت لمادلين:دعينا نتحدث لاحقاً
بعد ما طلعت فتحت الرسايل هو كان اونلاين بديت اكتب بعدين إتراجعت..
إتصلت على صاحب مستر جو..
اول ما رد قال لي اصبحتي تفتقدينني كثيراً هذه الأيام..
قلت ليه وجدت مكالمتك ليله البارحة ،هل من جديد؟
اجل ،لقد قمت بمهاتفتك لأنني اردت سؤالك عن الأشياء التي اخبرك بها تايسون عند زيارتك ،اقصد الأشياء التي قام بذكرها لك او الأشياء التي قام صديقي جو بإخباره بها او اركها له
حسناً اتذكر انه اخبرني ان السيد جو قد قام بإرسال رسالة صوتيه له و...الخ
بعد ما ذكرت ليه كل البتذكره عن لقائي مع تايسون قال لي،إذا هو لم يقم بذكر شيء عن أي مُخطط بحوزته..
لا افهمك
قام صديقي جو برسم مخطط للمبنى الخاص بالدار وتوضيح ما توصل له فيه ،كان قد ذكر لي أن المخطط الذي بحوزته ليس مجرد مخطط للدار فحسب وإنما هو لما لا يعلم به احد عن الدار والذي يدور بداخله،وذكر لي ايضاً ان عالم الجريمة هنا بالداخل لا في الخارج وان هذا المكان هو مسرح عالم الجريمه نفسه، وكان قد اخبرني ايضاً انه اعد كل ما يلزم لنشر كل ما يدور داخل الدار والشخصيات المرتبطة بعالم الجريمة فيه ،وانه إستعان ببعض الفدراليين لمساعدته سراً وان الذي سيقدمه سيكون نقله في عالم الصحافة الإستقصائية لمحاربة الجريمة،الأيام التي قُتل فيها كانت اخر ايام له بالدار..
بحوزة من ذلك المخطط الان؟
صديقي جو لا يثق إلا بنفسه ولكن تايسون معتوه وماكر كالثعلب،دائماً ما كان يستخدم قضية إبنته وإختفاءها للتأثير على جو،اعتقد انه لا يخفى عليه أمر المخطط والتقرير الذي أعده جو وكل ما توصل له عن ذلك المكان،واعتقد انه بحوزته بالفعل ولكن هناك ما لا أفهمه حيال إلتزامه الصمت حتى الان،اعلم تماماً ان تايسون تهمه شخصيته السياسية اكثر من اي شيء ومثل هذه القضية هي بمثابة ضربة حظ له وكسب سياسي يُلفت حوله الأنظار،وستحدث نقله لوضعه المجتمعي،
هذه القضية ليست كمثلها من القضايا كثيرون من سعو لحلها ،وهناك الكثير من السعي لجعلها أسطورة لا واقع لها...
هذا يعني ان السيد جو قد توصل لحل لغز هذه القضية بالفعل ولكن تم الغدر به قبل ان يخرج من هذا المكان،ولكن إذا كان المخطط بحوزة تايسون بالفعل ما العمل الان ؟هل نحن بمنطقة الصفر الان؟
الصفر لمن يجهل أصل القضية،نحن على بعد نانو مترات من الحل ولكن يلزمنا بعض الجهد
لا افهم ماذا تعني؟سيأخذ منا البحث عن هذه القضية اضعاف ما اخذته من السيد جو بخبرته ومقدراته،عن اي نانومترات تتحدث؟
لم سنبحث ونحن بحوزتنا ما هو جاهز ؟!
تقصد بحوزة صديقك تايسون
سنحصل عليه بطريقة ما !!
كيف ؟
سنتحدث بهذا الأمر غداً،حتى لا أنسى سيكون عليك التواجد في ذلك المكان عند التاسعة صباحاً
بعد ما فصل رميت التلفون من يدي في الدرج،وبنظرة تشاؤمية رجعت شلته وفتحت رسايل عمار وبقيت اعاين ليها وانا بفكر بيني وبين نفسي في إنه هو ممكن يكون صادق في موضوع حمايتي ومساعدتي دة ولا دي حيلة جديدة عشان يتلاعب بيها علي؟انا لو وافقت على كلامه دة مقابله حيكون خسارتي لحياتي الحالية دي بما فيها،حتى سياف..
بعد ما رجعنا البيت كنت في المطبخ جهزت الأكل وبعدين بديت اغسل العدة وغرقانة في افكاري ،في حال عمار اثبت صفاء نيته ومصداقيته في مساعدتي كيف انا ممكن اخطى خطوة إني اسيب كل شي وكيف ممكن اواجه سياف وأخليه في الصورة او الصح إني أختفي وينتهي الموضوع؟..
اسوأ صفة ما محمودة فيني وبتخليني احس بالسؤ تجاه نفسي دايماً هي جاهزيتي للتخلي دايماً ،كنت بتخلى لما يتطلب الأمر كدة ،والأن حاسة بنفسي إني ممكن أتخلى لما مصلحتي تطلب كدة،شعور ما لطيف بحس بيه تجاه نفسي ولكن هل دة بيعني إني سيئة؟
في نص سرحتي دي فجأة لقيت سياف جمبي بيقفل الماسورة وبقول لي على فكرة في غسالة عدة ما إلا تغسليها في الحوض
ياخي يا سياف ما تتغاب..
سكتت مسافة واخدته وقت حتى إستوعبت هو قاصد شنو وهو كان بعاين لي
بقيت اعاين للكباية وانا ساكتة
ما اديتيني رايك في الشاي
إبتسمت وقلت ليه ريحته حلوة شكراً..
بعد لحظة صمت قلت ليه سياف وسكتت بحيرة وبتنهيدة قلت ليه رغم كل شيء صعب هنا وماف حتى بصيص امل واحد للوصول لنتيجة مرضية بعد كل التعب والمعافرة والجري دة بس بحس إنه لولا وجودي هنا كنت لسة حأكون عايشة في وهم ،المعالجة النفسية بتاعتي كانت بتاخدني في حضنها وبتربت على كتفي حتى لو حست إنه ملامح وشي متغيره ساي ،كنت بشاركها كل مشاكلي وافكاري وطموحاتي واهدافي بالتفصيل ،حتى قراراتي لو م اخدته رأيها وأثنت عليها هي ما بقتنع بيها، كانت بتناديني بتي من وانا عمري 17سنه معاها ولولاها ما كنت إتخطيت مشكلة فقدي لأمي ،
كنت بتكلم وانا سرحانه في الكباية..
بعدين جيت هنا و إكتشفت إنه اساساً راجلها ليه يد في موت امي مع العلم إنه راجلها دة صاحب ابوي لزم،ضحكت بإستنكار وحزن وقلت ليه عارف شعور إنه تم إستغفالك و إتلعب بيك سياسة لا سنه ولا سنتين ولا تلاته؟ومن منو؟من الناس الكانت في المقاعد الأمامية في كل مراحل حياتك؟
في تخريجي من الجامعة ما بتذكر إنه عندي صور لي مع واحد من اخواني بس هي وراجلها كانو اول الموجودين وهم الطلعو معي منصة التخريج وإستلمو معي الشهادات،عدت علي فترة هنا كل م افكر في الموضوع بطعن جسمي بدبوس عشان استوعب إني ما بحلم وإنه دة واقع فعلاً ما كابوس...
خت الكبايه من يده على جنب ومسك يدي وكان ساكت مساااافة..
انا محترم مشكلة الثقة العندك حتى من غير ما اعرف تفاصيل وعارف قدر شنو الحاجة دي صعبة على النفس ف ما محتاج منك تبرير او توضيح ابداً ولا تحسي بنفسك ملزمة توضحي لي وصدقيني انا بحب اسمعك وحأكون دايماً عايز اسمعك لما تكوني عايزة تحكي وحتكوني مرتاحة وإنتِ بتحكي ،مش لما تكوني مجبرة عشان تبرري موقف انا كمان بيوصلني شعور سيء شديد لما اشوفك بالحالة دي وبتضايق اكتر من نفسي..
اسألك سؤال يا سياف وتجاوبني بصراحة؟
أسألي
بيقولو ماف زول بمسكوه القلم بكتب على نفسه شقي ليه مختار تتشاقى معي انا ومشاكلي رغم إنه إنت ما مجبور وعلاقتنا وضعها معروف شكلو كيف..
انا حأختارك دايماً ،ولو دة الشقى معاك يا زولة حبابو وحباب كتابتو حتى لو ما بينا شي ما شرط يا شهد وانا م معنى إني معاك معناها منتظر مقابل لا ابداً ما تنسي نحن هنا اولاد بلد واحدة وانا مستحيل اتخلى عنك وما ناسي وضع علاقتنا وشكلها بدون ما تذكريني حتى ولو بالنسبة لينا دي فترة وحيجي يوم وتنتهي انا مبسوط بالفترة دي..
كنت ساكتة وبسمعه بكل حواسي حتى السادسة كانت حضور في اللحظة دي..
كمل كلامو ب إلا إذا إنتِ عندك رأي غير كدة..
وقف على حيلو وهو ماسك يدي وقال لي المهم أنسي كل شي و تعالي أعلمك تلعبي "سلة"
سجلي عندي إشتراك تدريب شهر وأدفعي بالتقسيط م مشكله انا رغم إني مدرب رهيب وعالمي إلا إني متعاون مع متدربيني..
ضحكت وانا بقول ليه مدرب رهيب وعالمي ومتعاون متأكد إنك عايز تعلمني "كرة السلة"ما النرجسية ..
قال لي طالما ضحكتي كدة ممكن نقول شمس بكره شرقت من هسي
السعودية/الرياض
عارف يا طارق انا ما عاوزة ارجع السودان ما عشان إنت معيشني في نعيم لأنه بالعكس أنا طلعت من نعيم كنت عايشة فيه عشان اجي واعيش معاك في الجحيم دة وبين الأربعة حيطان دي،لكن السبب الأساسي إنه لو رجعت وانا مطلقة "وعزباء" زي ما بقولو عندنا في جحيم تاني مستنيني واسوأ من الأنا فيه دة،انا اساساً عرستك وجيت هنا لأني كنت بتعرض لمضايقات من شهاب ،طول الوقت كنت خايفة نايمة او صاحية انا خايفة معي ناس او بدونهم خايفة على نفسي منه ولما جيت قلت ليك عرسني وأستر علي منه حكيت ليك جزء قليل من افعاله..
بعيداً عن إني بحبك بس الله بعلم إني كنت مستعدة اعمل اي شي يحميني منو ويوقفه في حده،وماف زول لجأته ليه و عمل كدة ووقف معي غيرك،ما حسيت إني براي لما لقيتك نازل السودان عشاني ومتكلم معاه ومواجهو وموقفه في حده،ما حسيت بأمان من فترة طويلة إلا بعد ما شفتك قدامي يومها..
انا بكل الرضى هسي بقول ليك من وقتها وإنت كبير في عيني والموقف دة بيمحي عندي كل الأفعال السيئة البتجي منك..
وانا قاعدة مع نفسي إتذكرت وحسيت إني عايزة اقول ليك الكلام دة ♥️
تعالي ما تمشي..
مسكها من يدها وقعدها جمبه في طرف السرير وقال ليها خلينا نحاول..
نحاول؟
ايوا خلينا نحاول نتجاوز كل شي فات ونمشى لقدام،مش دة العايزاه إنتِ؟
بدهشة وإستنكار سندس كانت بتعاين ليه..
بس بشرط مشاكلنا تكون في حدود علاقتنا بدون ما يكون سببها اي اطراف تانيه إنتِ فاهماني اكيد
إنتِ يوم م قلتِ لي يا طارق انا حاصل معي لقيتيني معاك صح؟
صح
#ليله_في_ديسمبر53
شهد..
شهد سامعاني إنتِ؟
في اللحظة دي إنتبهت لصوته وهو بتكلم معي وانا سرحانه ،وإستوعبت حجم الغلطة الكنت حأعملها لو قلت ليه بموضوع زواجي دة..
انا تمام ،في مكان ما لقيتني فيه ،ما حأطلع ولا حأنتقل لمكان تاني اياً كان السبب ،الخدمة الوحيدة الحتقدر تقدمها لي إنه ما تحاول تتصل علي مرة تانيه..
شهد انا بتكلم عشانك ولسلامتك الله يرضى عليك
انا بخير وسلامة ،طول ما أنا بعيدة عنك ما جايني شي خليني في حالي يا إنسان وم تتعرض لي بأي شكل كان ممكن؟
شهد إنتِ عارفة روحك شغالة وين ومع منو حالياً؟عارفة دخلتي نفسك في اي مكان؟
عايزة تصلي لشنو إنتِ؟
شوفي طول ما إنتِ هناك ما حتقدري تثبتي شي ولا حتقدري تتحصلي على شي،إنتِ هناك بتودي نفسك للهلاك صدقيني يا شهد الإنتِ بتعملي فيه دة حيصل حد روحك بس إنتِ ما حتقدري تصلي حده،حتقضي نص عمرك وإنتِ بتحاولي تصلي حد الدوامة دي والنص التاني وإنتِ بتحاولي تطلعي منها وكلامي دة لأني عشت الحاجة دي ..
والدتك ماتت في السودان،اختك ماتت في السودان،اي شي مس اسرتك بسؤ في يوم حصل ليهم في السودان لو عايزه تثبتيه حتلقي أدلته في السودان ،إنتِ هناك متبنية قضية ما قضيتك ،وصولك لجذورها ما فيه اي مكسب ليك ،دي قضية أمن الدولة نفسه بكل مقوماته والياته البمتلكها وقوة إستخباراته عاجز عن حلها وكل البصلو ليه بيكون نقطه في بحر وفي الأخير بينتهي المطاف بالإستخباراتين منتحرين او فاقدين لعقلهم لأنه في الحقيقة دي دولة عميقة داخل دولة..
انا ما عارفة إنت بتتكلم عن شنو بس البتتكلم عنهم ديل ما اعتقد يكونو اسوأ منك واسوأ من العيشتني ليه ،انا اليوم بسببك ما بقدر اتكلم مع اهلي فيديو ساي عشان ما جاهزة اوريهم وشي ،ما جاهزة اشوف الحيرة والدهشة في نظراتهم لي،انا لسة بحاول اتعالج منك إنت نفسك ،إنت حتخاف علي من شنو؟
خايف عليك مني،خايف حقدك تجاهي عاميك و يهلكك،إنتِ بتضري في نفسك الأن إنتِ مستوعبة ؟
إنت خايف على نفسك يا عمار و..
قاطعني وقال لي طيب يا شهد الأن النقاش دة ما مُجدي،إتكلمنا قبل كدة كتير وم وصلنا لشي،عارفة المشكلة شنو؟
إتجاهك الواحد دة،يعني لو في يوم عرفتي إنه ابوك زاته كان جزء من وفاة امك دة حيكون موقفك منه؟
إنت بتقول في شنو؟ابوي علاقته شنو ؟
شايفة بتاخدي اي حرف على محمل الجد ،انا قايل ليك الكلام دة ك ضرب مثل..
اخد نفس وإتنهد وهو بقول لي بصوت خافض شهد اديني فرصة اساعدك وانا ربنا يشهد على كلامي واغلى من الله ماف شي ما عندي اي نوايا غير إني اساعدك واحميك
حتحميني من منو؟لو عايز تساعدني بالجد وريني حتحميني من منو وليه حتحميني منه؟
لو عايز تساعدني حتوريني عارف شنو عن وفاة أمي؟
ومنو المسؤول عن موتها..
مش دة العايزة تصلي ليه؟تمام يا شهد مستعد اساعدك وأخطي معاك خطوة بخطوة لغاية ما تصلي للعايزاه بس اديني فرصة..
قصدك مقابل إنك تساعدني لازم اديك فرصة ؟إنت بتساومني؟
ليه إعتبرتيها مساومة؟
شهد انا وشاهد الله على كلامي أعظم إبتلاء إبتلاني بيه ربنا هو إنه كشف ليك الجانب السيء مني وبالطريقة دي بس والله انا من يوم ما إتزوجنا وانا بجاهد في نفسي عشان أبعدها عن الحرام عشانك وكنت بصرف عليك وعلى بيتنا من راتبي حق المستشفى ومن شغلي وتعبي وسهري وحلالي لأني وبعيداً عن كل السؤ الفيني بس انا شفت فيك الزولة اللي ما ينفع أعيشها بالحرام ،وبغض النظر عن الطريقة العرفتي بيها بس كل مرة بيزيد يقيني وتعلقي بيك كل م اتذكر إنك كنتِ سبب في إني اليوم ببعد عن الحرام ،زمان كان م عندي سبب امنع بيهو نفسي عن الغلط وإنتِ بقيتي سبب كافي..
أنا كنت مستني منك تقولي عني أي شي كعب كنت حأكون راضي اسمعه واقبله واتحمله بس إنتِ إتعاملتي معي كأن البني أدم معصوم من الخطأ زيه زي الملائكة،شهد المرتد عن دينه زاتو الدين بيكفل ليه التعزيز قبل الرجم،ربنا سبحانه وتعالى بذات نفسه ابواب التوبة والمغفرة عنده فاتحة لعباده في اي وقت،..
إنتِ شفتي غلطي،بس ما شفتي محاولاتي في تقويم نفسي عشانك وخليأرتكب خطأ اكبر كمان من خوفي من رد فعلك انا الما حصل خوفني شي..
كنت ساكتة وانا بسمع ليه وهو لسة بتكلم،للحظة إستوقفتني نبرته وهو بتكلم قبل ما افهم هو بقول في شنو..
في اخر المكالمة قال لي حتى ولو م عايزة تستعجلي في إتخاذ اي قرار أديني وأدي نفسك فرصة في إنه تخليني اساعدك واقدم ليك البقدر عليه ،جربي تصدقيني المرة دي وم شرط تثقي فيني..
كنت لسة مستمعة بصمت..
قال لي حأستنى ردك،وحأفضل اتصل وارسل واتطمن عليك كل يوم حتى لو م حتردي حأفضل أتصل ولو إتضطرني الأمر اخلي كل شي في يدي والغي كل شي وارجع هناك عشانك..
المكالمة إنتهت شكلياً بس م إنتهت في مسامعي وجوا راسي لسة كنت سامعة صوت عمار وهو بتكلم معي،وعديت طول اليوم بفكر في كلامه..
ضحكت وقلت ليه لا تبقي دي فضاوة منو بعد كدة ،بعدين ما عشان إنت عيان عشان إنت زهجان لاحظ،فكرت في إنه اعزمك مشوار بأخر قروش عندي بما إنه الدنيا اخر شهر ونقضي وقت بعدين إتذكرت إنه رجلك ما حتخليك تمشي ف جاتني فكرة إنه أعزمك على فيلم في بيتك مجرد محاولة للتخفيف بغض النظر عن السبب الإنت ما عايز تشاركني ليه..
حلوة اعزمك على فيلم في بيتك دي
مسك يدي وقعدني جمبه وقال لي وتسوى شنو الزهجة قدام محاولتك دي؟ لو ما فكت زاته دة يبقى جحود مني..
قلت ليه اها إخترت الفيلم؟انا مُرشحة ليك واحدات على فكرة..
ايوا إخترت Divergent
حلو يعني؟قصته شنو ؟
خلينا نشوفه
كنت كل ما اللقى فرصه بعاين ليه بدون ما يلاحظ..
فرحت بإنه اداني إحساس إنه مبتهج ومبسوط
قلت ليه البطل حلو شكله حبيتو ،معناها الفيلم حلو
عاين لي مساافة بعدها قال :تخيل تحضر فيلم مدته ساعتين وشويه بس عشان شكل البطل عجبك؟
الحمدلله إنه جينا اولاد وإلا كانت دي حتكون معايير إختياراتنا في الحياة..
رفعت من جمبه قالب الفشار بغيظ وانا ساكتة
ضحك وكمل مشاهدة..
طول فترة الفيلم وهو ماسك يدي وانا ساندة راسي في كتفه..
بدون ما أحس شالتني نومه لأني كنت مرهقة سلفاً وطول اليوم جاريه،جاتني صحيه وانا بقول ليه الفيلم إنتهى؟
كان واقف بضحك علي..
قلت ليه في شنو؟
قال لي فيلم شنو يا شهد انا صحيت صليت الفجر،بما إنك صحيتي يلا قومي صلي إنتِ كمان وبالمره خلينا نتلي شويه قرءان مع بعض..
لما الصباح اصبح كنت مقرره إنه اخده مشوار ونفطر برة، لأنه متعود يطلع يجري كل يوم الصباح ودي اهم حاجه ببدأ بيها يومه ،اخدته وطلعنا حضرنا الشروق في مكان كدة وداني ليه هو ،قلت ليه يعني كل يوم بتجي لغاية هنا؟
قال لي مريح للأعصاب صح؟
عندك حق تجي كل يوم يستاهل صحيني اجي معاك تاني طيب
فطرنا مع بعض،طول الطريق ونحن ماشين كان بضحك علي وبذكرني ب أمبارح وإنه انا بتكلم وانا نايمة ..
ونحن بنتونس طلعت من شنطتي روج ومسكت اصبعه الإبهام ورسمت فيه بالقلم بعدين عملت فيه الروج وطلعت دفتري من الشنطة وطبعته فيه ،كان بعاين لي وبضحك وهو عمل نفس الحركة وطبعها جمب اصبعه في الدفتر..
كتبت التاريخ جمبها وقلت ليه شايف كدة بقى يوم مميز بأقل التكاليف..
وصلتو مكان شغله وقلت ليه إتفضل يا سي السيد
قبل ما ينزل قال لي بعيداً عن إنك بتصحي بالليل تتكلمي شكراً يا شهد..
قلت ليهو على شنو؟لاحظ إنه اليوم بداية شهر جديد و ما ينفع الواحد يستقبل بداية الشهر وهو زهجان ومنفسن،يمكن تستغرب من كلامي بس انا بحب اتفائل ببدايات الشهور وبكتب خططي للشهر الجديد في دفتري دة وبكتب مثلاً امنياتي البتمناها تتحقق فيه برضو ..
قال لي إنتِ حتى نهاية الشهر الما بتنطاق دي خليتيها تبقى مميزة، الساعة معاك بتسوى عمر بحالو يا شهد..♥️
وهو نازل قلت ليه ما تنسى تكتب أمنيتك للشهر دة ،عارفاها يمكن تكون خرافات بس جرب ليه لأ..
قال لي حأكتبها..
من وانا صغيرة بعرف معزة الشخص عندي من حَجم زعلي على زعله ..
لمَا أحس إنه بمر بمزاج سيء أو بمر بظرف مُزعج تلقائيًا بتضايق انا كمان وبحاول أخلق من العدم سبب يخليني ألمح ضحكته من باب: ( إني بحب يتذكرني بكدة وبحب أخفف عنه أيامه )..
ما بنسى إني كنت مارة بفترة كَان فيها كل شيء مَتساوي،وكان التشتت محاوطني، وزعلي أفقدني طَعم كل المسرات الممكن تنقذني بأوقاتي الطبيعية !
بديت أعديّها خطوة خطوة م بس لأني قوية،وقادرة اتحمل لأ،لأنه محاولات سياف في كل مرة شاف ملامح وشي الباهته كانت بتنتشلني وم بخلي الحزن يستدرجني ويجرفني في طريقه، رغم إني في كل صباح بصحى وانا مهيأة نفسي لشعور إنه اليوم حيخيب ظني فيه إلا إنه نهاية كل يوم مجرد ما اشوفه او يلمسني بخلي كل ما فيني من تناقض على قناعة إنه " حنية الإنسان على الإنسان حاجة وليسَت رفاهية " ولأنه دايماً مديني إحساس إنه متقبل خوفي وبعرف كيف يخليني اتطمئن بكلمه،كل العارفاه عنه إنه شكله وملامحه ونبره صوتو بقى مرتبط بمفهومي للأمان...
اول ما وصلت الدار طلعت تلفوني لقيت من سياف رسالة محتواها "إنتِ"...♥️
اخدته وقت وانا بحاول افهم هو قاصد شنو؟
عايزة ارجع ليه جاتني مكالمة من رقم غريب قبلها بكم يوم لقيت منه مكالمة برضو..
فتحت الخط..
السلام عليكم شهد
وعليكم السلام ،
كيفك شهد؟طمنيني عليك إنتِ بخير؟
بقيت ساكتة،الصوت ما غريب على مسامعي..
قال لي معاك عمار ،متصل اتطمن عليك،شهد إنتِ وين ؟ومع منو؟ في شنو حاصل معاك احكي لي ؟انا حالياً برة الولايات المتحدة،جيت شغل في تركيا هنا و صعب علي ارجع في الوقت الحالي بس كل العايزو منك تطلعي من سانفرانسيسكو ومن كاليفورنيا كلها حالاً يا شهد الله يرضى عليك ،اسمعي مني المرة دي بس، عارف إنك ما طايقاني ودة حقك انا معاك فيه وحنحلو فيما بعد، بس حالياً خلي كل شي على جنب وارجعي السودان ،او خليني انا بدبر ليك بيت في مدينة تانيه خلال يوم بكرة بالكتير إنتقلي فيها لغاية ما انا ارجع،ولو مشكلتك شغل حأدبرو ليك وم
#ليله_في_ديسمبر52
يا داب إنتبهت وعاينت بجهه الصوت الكان بتكلم..
انا اكيمي وسكت مساافه بعاين للبت وهي ساكته قال لي وهذه ساتشي..
كانو قدامي إتنين صينين ولا يابانين ما قادرة احدد ..
البت كانت قاعدة وخالفة رجلها
لسة كانت معالم الدهشة وعدم التركيز في وشي
الولد قال لي تفضلي بالجلوس
قعدت وانا بضغط على صوابعي من باب إني اخفف التوتر
شويه كدة حسينا بحركة زول نازل..
بقينا كلنا مركزين نظرنا بإتجاه السلم
اقل من دقيقتين وجات نازلة بت،كانت سمورية كدة ولابسة فريم..
قالت ليها مرحباً يا اصدقاء،انا ليز..
وراها كان في حركة زول نازل برضو،اول م وصل لقانا كلنا بنعاين ليه،كان الولد المكنيكي بس منضف نفسه ومغير لبسه..
قال لينا ها نحن ذا إذاً
قلت ليهم هل من احد يود الشرح؟
فجأة جانا صوت من فوق بقول :هل كل شيء على ما يرام؟
الولد رد ليه ب اجل ابي
بعدها الولد قال لينا مرحباً شباب ،انا لويس..
البت السمورية قالت ليه وانا ليز
الولد الصيني قال ليهم وانا اكيمي وهذه اختي التوأم ساتشي
عاينو لي كلهم..
قلت ليهم اووووه،وانا شهد
ليز قالت لي ماذا يعني شهد؟
قلت ليها في لغتنا العربية يعني العسل..
لويس قال لينا لقد إتخذ العم جو هذا المكان مخبأً سرياً له ولجميع اسراره وخبايا قضاياه،كان يأتي إلى إنه ويظل لساعات بالداخل،إهتم بتجهيز هذا المكان بنفسه لا علم لأحد به سوانا أنا وابي والعم ادريان..
البت الصينية ضحكت وقالت ليه هل يوجد معنى اخر لجمله لا احد؟
إنه ابي..
اكيمي قال كدة وهو بعاين لتلفونه بعدها قال مرحباً ابي
نعم جميعنا هنا..
فتح المكبر وخت التلفون في نص التربيزة
من التلفون جانا صوت:هل الجميع جالس؟
كلنا عاينا لبعض وقعدنا..
الصوت كان ما غريب علي،دة صوت صاحب مستر جو ،
اكيمي قال ليه اجل ابي..
قال لينا هل الجميع بخير؟
هنا بقيت اعاين للولد واخته معقول ديل اولاده؟
لويس قال ليه اجل
قال لينا لدي نصف ساعة فقط للتحدث معكم،
ساتشي اخبريني ما لديك..
كانت ساكتة ما ردت..
قال ليها بنبرة حادة ساتشي..
اخوها شال منها السماعات وأشر ليها على التلفون
قالت ليه اجل ابي..
اخبرينا ماذا لديك..
طلعت لابتوبها من الشنطة وفتحته،وقالت ليه لم استطع التوصل إلى معلومات عن تلك الشقراء حتى الان، ولكن لدي ما قد يصدمك،اعتقد ان تايسون إتخذ طريقاً اخر للوصول إلى خاطفي إبنته..
ماذا تعنين بطريقاً اخر؟
إنه يقوم بإستغلال فكرة المشاركة ودعم دور الإيواء الخاصة بالأطفال للمتاجرة بهم بطرق غير مباشرة ،اظن ان لصديقك يد في الجرائم ضد الأطفال ايضاً
لويس قال ليه يا إلهي ،هذا يعني ان شكوكنا فيما يخص "بيتزا جيت " صحيحة..
بيتزا جيت؟حسيت إنه اللفظ دة ما غريب علي..
قلت ليهم لحظة،ماذا تعني "بيتزا جيت"
صاحب مستر جو قال لي سنتحدث بهذا الأمر لاحقاً ،ساتشي لا نريد إعتقاداً تفهمين ما اقول أليس كذلك؟
اجل ابي
قال ليها كوني حذرة،
لويس..
اسمعك سيدي
هل هناك ما يجب علينا التحدث بشأنه؟
اجل ،لقد غادرت جوليا ادامز إلى نيويورك هي وزوجها إلى المطار عند السابعة صباحاً
هل إستطعت الدخول إلى الغرفة خاصتهم؟
اجل فعلت ولكنني لم استطع التوصل إلى هاتفها ،لم يكن لدي الوقت الكافي لذلك ولكن بحوزتنا بصماتها
أكيمي : ابي يؤسفني القول انه لا يمكننا إثبات ان لجوليا علاقة بمقتل ذلك العامل، لأنها امضت الليله السابقة في أحد الفنادق برفقة زوجها وبعض اصدقاءها مع العلم أن الشرطة قامت بإعتقال حبيبته السابقة بالفعل
لويس قال ليه: إنها بارعة في التنكر
ساتشي ردت ب :بالنظر إلى حسابها الشخصي إنها الأفضل في التنكر
قومي بإختراقه ،الجمله دي كانت بصيغة الأمر من ابوها"صاحب مستر جو"..
قالت ليه سأفعل
ليز أين أنت؟
اجل سيدي انا هنا..
أخبريني..
تواصلت مع الطبيب النفسي الخاص بالسيدة كاثرين مباشرة بعد ان ارسلت لي معلوماته،رفض الإستجابة والإستماع إلي لأن الأمر له علاقة بأخلاقيات المهنة،كل ما علمته انها كانت تعاني امراضاً نفسية ولم تتعافى بعد،تم إحتجازها لمدة 6أشهر في امستردام في مصح عقلي خاص تحت إشراف وإدارة هذا الدكتور وبسرية تامة،طوال هذه الاشهر لم تعود السيدة كاثرين إلى الولايات المتحدة...
قال ليها إذا لا شيء غير ذلك؟
قلت ليها :نحتاج نسخة من التقرير الطبي الخاص بها ،حال إستطعنا الحصول عليه يمكنني إستخدامه
لويس قال لي ماذا تعني بإستخدامه ؟
سأقوم بتقديم الملف لمجلس الإدارة ومن ثم مناقشة امر ترحيلها إلى مركز إعادة تأهيل بدلاً عن وجودها داخل الدار
صاحب مستر جو قال لي تعلمين خطورة هذه الخطوة عليك ؟
قلت ليه أجل اعلم، لذأ سأقوم بها..
أكيمي قال لي :لماذا؟
قلت ليه سننتظر هذه الإجابة معاً
صاحب مستر جو قال ليها :ليز
اجل سيدي
كم من الوقت تحتاجين للحصول على الملف
#ليله_في_ديسمبر56 بقلم شهد عبدالله
رغم كل هذهِ الخُدوش التي سببتها لك ،مازلت تبتسم لي، تُواسي، تسأل،تهتم، تصنع الكثير والكثير لأجلي، مراعيًا لمشاعري، حذِرًا طيلة الوقت بأن لا أنتبه لحقيقة ما يجري بداخلك
هل مازلت تظن بأنّك مُجرد إنسان عابر بالنسبة لي؟
أعتذر..
لا أعرف على ما الإعتذار ،ولكني أعتذر..
منذ ايام مرت كالعقود إنها المرة الأولى التي تمنيت ان الطرقات التي أسلكها تكون برفقة احد ما ،يقيناً مني بأنها ستكون امنة ولكن كما يقال ليس كل ما يتمناه المرء يدركه..
ليتني استطيع ان ابوح لك بكل ما في خاطري،ليتني لا اكون النقطة السوداء في حياتك،ليتني أمر بمخيلتك ك قِصة لا غُصة..
وانا مغمضة عيوني للحظة حسيت بحركة يد ماسكة يدي وضاغطة عليها فتحت عيوني وجريتها بخلعة..
إتذكرت إنك بتخافي لحظة الإقلاع
أنا بطلت اخاف ووجودي معاك حالياً اكبر دليل على كدة..
متذكرة يا شهد اول رحلة لينا مع بعض؟
لا
"فتحت الكتاب بتاعي وإلتزمت الصمت وهو لسة بعاين لي"و على شفايفه مرسومة إبتسامه ما قدرت احدد هي خبث ولا مكر منه ولا إحساس بالنصر
طول الرحلة كنت منطوية على جنبة واحدة بإتجاه شباك الطيارة لغاية ما وصلنا مطار تالاهاسي اللي هي تعتبر مدينة ولاية فلوريدا..
ونحن طالعين من المطار عمار قال لي حابة على طول نشوف مكاتب العقار عشان نشوف خيارات البيوت والمناطق الحتتناسب معاك ولا ننزل في فندق اليوم وبكره نبدأ نفتش؟
حننزل في فندق من إختياري ،ومكتب العقار برضو حيكون من إختياري
وانا معاك وتحت أمرك في العايزاه
اخدنا تاكسي ،السايق سألنا :اين تريدان الذهاب؟
قلت ليه نريد الذهاب لأقرب فندق هنا..
هل لديكم اي مواصفات للفندق الذي ترغبان في النزول به؟
لا ،يكفي ان يكون جيد
امرك سيدتي
اخدنا للفندق....
ونحن في الإستقبال عمار قال للموظفة نرغب في حجز غرف..
قبل ما يتم كلامه قلت ليها غرفتين
الموظفة وهو عاينو لي بنفس النظرة..
عمار قال ليها نرغب في حجز غرفتين ل ليله واحدة
كنت واقفة وانا بعاين ليه لغاية ما خلص إجراءات الحجز واخد مفاتيح الغرف ،قال لي مشينا؟
كنت لسة واقفة وبعاين ل يده..
اخد تنهيدة وقال لي فهمت إتفضلي دة المفتاح بتاع غرفتك مشينا؟
اخدته منه المفتاح في عامل شال لي الشنطة بتاعتي ومشى معانا عشان يوصلنا الغرف..
اول ما دخلت غرفتي قفلتها علي بسرعة ،كنت حاسة بنفسي مشوشة وقلبي حيطلع من مكانة ، فتحت الستارة كان في مخرج لبلكونة عليها جلسة، الحمدلله كانت ملاذ بالنسبة لي طلعت وقفت عندها ،إطلالة الفندق كانت طبيعية مريحة نوعاً ما،وقفت وغمضت عيوني..
وقفت لدقايق بعدها دخلت الحمام..
على قدر ما كنت بتجنب الوقوف في المراية ،وبتجنب اشوف وشي فيها حتى لو بالصدفة ساي،مؤخراً بقيت عايشة في حالة تقبل وبديت أقتنع إنه قيمة الإنسان ما في شكله إنما بداخله..
كنت ما لمحت وشي كنت بسأل نفسي كيف حأقيف من جديد؟كيف حأتقبل نفسي..
والشي الوحيد الكان بخفف علي ثِقل الأسئلة دي إني مظلومة ما ظالمة،ما خدعت وكذبت،ما خزلت،ما نافقت ما كنت سبب في معاناة وشقى زول او سببت ليه اي نوع من الأذى..
الأن وانا واقفة قدام المرايا و بعاين لنفسي ،حاسة إني مثقلة بالذنب وتأنيب الضمير وإني ما نفس الشخصية الكنت عليها قبل كم سنة او قبل كم شهر،بقيت ممكن أدوس على غيري عشان مصلحتي..
في لحظة غضب من نفسي ضربت يدي في الحوض بكل قوتي..
غطست في البانيو وانا برجع بذاكرتي لأيام وجودي في المستشفى..
رسايل ومكالمات عمار المتكررة،زياراته في الأوقات المختلفة ،وإلحاحه وضغطه علي، والحيل الإستخدمها في إقناعي..
الدرس الوحيد الإتعلمته من عمار إنه ماف زول حيرميك إلا إذا كان واثق إنه إنت مُتكل عليه ،والمره دي وانا بخطي الخطوة دي معاه إتعلمت مهاراتو هو..
عمتي سميرهه عندها مثل بتقوله دايماً "جِنن بتعرفه ولا جِنن ما بتعرفه"..
انا صح مرتاحه مع سياف بس ما قادرة اطلع من راسي الأفكار السوداوية البتدور فيه ولا قادرة اوقف عقلي من تخيلها،عشت إحساس منطقة الراحة دة قبل كدة مع طارق وفي الأخير كان هو سبب في معاناتي الحالية دي كلها..
اما عمار مع تكرار المواقف بينا انا بقيت اعرفه،بعرف عقله،طريقة تفكيره،وعلى الأقل عارفه هو شنو ف ما حيفاجأني اي تصرف صادم يبدر منه..
حاولت ادي نفسي فرصة بس لقيت الفرصة دي محتاجة إني اتعافى تماماً من تجربتي السابقة عشان ما اكون سبب في معاناة شخص ما عنده ذنب في الأنا فيه دة كله
للأمانة بعترف بإني حاسة نفسي متناقضة..
سمعت صوت تلفوني بضرب رفعت راسي من المويه بخلعة..
لبست وطلعت من الحمام،لقيت رفيدة متصلة علي مكالمة..
عاينت حوالي ،غروب الشمس والشهب الحمراء المغطية اطراف السماء ،حصان ابيض وبحر وجلسة لطيفة وهدؤ وسكينة ووجود زول مهتم لأمري ،غمضتة عيوني للحظة لولا نسمات الهواء الباردة البتضرب في وشي وريحة البحر واصوات الأمواج من حولي ما اتخيلت إنها حقيقة للحظة
سياف قال لي يلا مع مغيب الشمس دة لازم ناخد كم صورة صح؟
قلت ليه دي أهم زول لو سمحت صور صور حلوة يا سيد فوتوغرافر
قال لي وهو بضحك حاضر يا سيدة شهد يلا
ساعدني اخد كم صورة مرة وانا على الحصان مرة وانا جمبه ومره ماسكاه وماشه بيه..
من اول ثانيه ختيت فيها رجلي في امريكا دة اول يوم إتمنيت فيه إنه اليوم دة ما يخلص،لحظات كانت مليانة تفاصيل وسكينة وطمأنينة وكأني إمتلكت الحياة دي بما فيها،ماف شيء يُضاهي العلاقة المبنية على الأمَان، الحرص، الإهتمام والتدليل،اول مرة يكون جواي شعور قوي بإنهَا بتناسبني بعد كل محطاتي المُرهقه،حاسة إنها الأخيرة ياريت لو عندي الشجاعة البقدر اقول بيها إنه ربنا عوضني بشخص تجتمع فيه كل أشكال الراحة شخص لا يتوقف عن كونه مصدر أمَان لي ( بيحتويني ، بيسمع لي ، بقدر أوضاعي وما بجرحني حتى في عزّ اخطائي )لدرجه إني بحس حتى الضحكة مَعاه غير
ودة أعلى شعور من الإرتياح والمَحبَّة..♥️
ونحن في الطريق كان عندي كلام كتير ما كنت عارفة اصيغو كيف ف كنت ساكتة وسرحانة وبعاين برة الشباك،على عكسه هو كان بتكلم معي
لغاية ما وصلنا وبدلنا ملابسنا هو طلع يصلى وانا كنت في الغرفة بخلص في ترتيب شنطته ،بعد ما إنتهيت وقفت قدام المرايا أرتب في نفسي عاينت للعطور مساافة وبتردد شلت واحد ورشيته على نفسي ..
لما حسيت بحركة سياف ختيته بسرعة ووقفت جمب الشباك
جا داخل قال لي خلاص رتبتيها على ذوقك؟
ليه ذوقي ما عاجبك ولا شنو؟
ضحك
وقف جمبي وكنا ساكتين الإتنين وبنعاين بره
قلت ليه يا سياف ينفع اقول شكراً؟
على شنو؟
على كل شيء ،قربت عليه ومديت يدي مسكت بيها يده وسكتت وبتردد قلت ليه..
انا حقيقي الراحة لقيتها في وجودك وصوتك وقربك الدايم مني،قربت عليه اكتر
بكل التناقضات البينا بحس إنه اي لحظة معاك هي عمر تاني إتكتب لي...
انا سلفاً كنت متوترة
تعالي..
اخدني في حضنه
وانا في المكان دة سألت نفسي مرات ومرات أنا جاهزة لأنه البينا يتجاوز وجودي في محيط صدره ؟
لقيت إني على غيرها من اللحظات مستسلمة لفكرة قُربه الشديد مني ، ولفكرة إنه اي تصرف يبدر منه اللحظة دي ما حأعتبره تجاوزات زي ما كنت بحسبها زمان،وإني حابة اشيل الحواجز والحدود الخاتاها في علاقاتنا بعد كدة ونكون زينا زي أي إتنين متزوجين ،هو كان حريص على إنه يبعد في اي لحظة حس فيها إني ما راغبة في إنه الحاجة دي تحصل بينا وانا كنت حريصة على إنه ما يصله اي شعور بالرفض مني..
وللأمانة لا شيء يُقارن بسحر اللحظة الحميمية مع شخص تحب حيث يكون اللمس غالبًا مصحوبًا بسلسلة من الإشارات الحسية الأخرى مثل الرائحة والصوت وحرارة الجسد. اللمس أدنى وأقرب حتى وإن كان مؤقتًا، بمعنى «نحن قريبون من بعضنا ونحن هنا الآن معًا...♥️
لما صحيت كنت ماسكة السلسل بتاعي وبعاين للخاتم الفيه وسياف محاوطني بيديه على غير العادة،الغريبة شعور الندم وجلد الذات الكنت خايفة احسه بعد ما اصحى من النوم واتذكر تفاصيل الليله دي ما كان ليه اي وجود،بالعكس كنت ساكنه وهادئة إلى حد ما..
صباح الخير
إتلفته عليه وقلت ليه صباح النور
مشى يديه في خدي وهو كانه بتفقد كل ملامح وشو بعيونه عشان يعرف انا بفكر في شنو
بعدين عاين للسلسل في يدي شالو مني ولبسني ليه وباسني في رقبتي وراسي ورجع يعاين لي
ينفع نلغي السفر اليوم؟
ضحكت وانا بقول ليه لأ طبعاً ويلا عشان تجهز على بال ما اجهز ليك الفطور
شلت التلفون عاينت فيه مسااافة
في شي حاصل؟
قلت ليه الساعة 8ونص،وإنت طيارتك 10صح؟يلا يا سياف
نزلت بإستعجال وجريت منه الغطى وقلت ليه ما ترجع تنوم الزمن وطلعت على المطبخ
وانا في المطبخ جا داخل وهو لابس وجاهز..
الفطور شبه جاهز يلا اقعد
وإنتِ؟
انا حأجهز بس واجي عليك
مسكني وقال لي لأ ما حافطر براي يلا تعالي ويعني شنو إتأخرت و الطيارة فاتتني؟حاشوف الرحلة البعدها بس لاحق شنو انا؟
إستسلمت وقعدت اخدنا وقت ونحن بنفطر كان اللطف بتاعه غالب إحساس الخجل والتوتر الحاساه
خلصت فطور ومشيت جهزت بإستعجال وطلعنا،
طول الطريق وهو ماسك يدي بس في حالة من الصمت ما بينا.
لما وصلنا المطار بدأ يوصي فيني على نفسي وكل شويه يذكرني إني لازم اخلي التلفون جمبي كل الوقت،وإني لازم اخته في العام ما اخليه صامت ..
ضحكت وانا بقول ليه سياف على فكرة إنت ما ماشي الواق الواق إنت ماشي هنا واشنطن
إنتِ سبب منطقي بالنسبة لي
بقيت اعاين ليه وانا ساكتة
قعد جمبي في السرير ومسك يدي ،طيب تعالي معي مش أفضل؟إعتبري الشهرين ديل فترة نقاهه طالما رافضة تبعدي من هنا ،اخدي إجازة شهرين،امشي معي وشاركيني زي ما شركتيني هنا خططي ،صدقيني لو جيتي معي ودعمتيني حأكون مبسوط شديد بوجودك جمبي
يا سياف ،إنت عارف إنه دي اكتر حاجة ممكن تبسطني ،بس انا بديت حاجة ما بقدر اتخلى عنها،ما بقدر اتخلى عن الدار والناس الفيه واسيبهم للمجهول هنا،إنت أكتر بني أدم فاهمني بدون ما اشرح صح؟
لو الموضوع ما بقى متعلق بأرواح ناس وسلامتهم ما حأعافر المعافره دي كلها للأن،بس الأن دي حاجة بقت على عاتقي ما بقدر اسيبهم واديهم ضهري وامشي والله
المشكلة إني فاهمك عشان كدة ما بقدر اناقشك في الحتة دي بالذات
ما تخاف علي انا حأكون بخير،وصدقيني سبب دخولي المستشفى ما ليه علاقة بالناس ديل ولا من بعيد ولا قريب،انا بس مشيت غرفة العامل الإتوفى وكان مسؤول عن غرفة الغسيل عندنا وأظنه كانو راشين فيها مبيد ومعقمنها وانا قعدت اطول وقت فيها لأني كنت بفتش فيها لأنو وفاتو كانت مرتبطة بأحداث قبلها عرفناها انا ومادلين بالصدفة
ومادلين قالت انا ما جيت الدار انا جيت بس هي ما شافتني لأني دخلت غرفة الغسيل على طول،صدقني هم ما حيأذوني زي ما طول الفترة الفاتت دي ما أذوني ف ما تخاف
عدم الخوف يا شهد ما شي بيتطلب انا لو إتصلت عليك ساي وما رديتي بقلق
عارفة بس والله حأكون بخير وأوعدك إنه كل الوقت حأشاركك تفاصيل يومي من لحظة ما تصبح لغاية ما تمسي حأعمل ليك وجع وش
تعالي،ضماني عليه وهو بقول لي إنتِ تعملي العايزاه عارفة كدة صح ؟
عارفة ايوا ،انا معي ربنا ما تنسى مش بتقول لي دايماً الحافظ الله ،وبعدين كلها شهرين وحترجع ولا ناوي تعيش هناك بالمره؟
أعيش هناك وأفوتك؟حتى ححاول على قدر ما أقدر إنه تكون اقل من شهرين بس أظبط الموضوع دة عشان نخلص
وهو جمبي في السرير مسك واحد من الكتب بتاعته وقال لي خلينا نشوف وصلنا لوين ختيت راسه في كتفه حاوطني بيده وقربني لصدره اكتر وبقينا نقرأ في الكتاب مع بعض..
سياف بالمناسبة ممكن سؤال؟
أسألي يا شهد
لو انا شكيت في إنه المرتب بتاعي الباخده من الدار دة مصدره حرام مفروض ما اخده؟
مع العلم إني ما عندي مصدر دخل غيره
ليه وانا مشيت وين؟
يا سياف خليك جادي دة سؤال جادي على فكرة
غالباً جميع دور الإيواء موظفينها بتصرف عليهم وزارة الرعاية الإجتماعية،إذا تأكدتي بإنه مرتباتكم فيها مصادر تانيه مشبهوه بتتقي الشبهات طبعاً ي شهد زي م ورد في حديث النعمان بن بشير"فمن إتقى الشبهات فقد إستبرأ لدينه وعرضه ومن وقع في الشبهات وقع في الحرام..."
بس ارجع واقول ليك جميع دور الإيواء مرتباتهم بتجي من الوزارة يعني جهه حكومية يعني مال عام او مال الدولة،إتحري الدقة
صباح اليوم التاني طلع وجا راجع قال لي جايب ليك معاي حاجة
غير الورد دة؟
قعد جمبي وطلع علبة فيها سلسل
قلت ليه دة عشاني؟
لأ،عشان نحفظ فيه الخاتم بتاعنا البتنسيه في اي مكان دة لغاية ما تتعودي تختيه حوالين صباعك
غمضته عيوني بخجل وقلت ليه حقيقي انا بكون مستعجلة وبنسى الخاتم ما تعمد مني
قرب علي ولبسني السلسل وهو بقول لي وبكدة نكون حلينا المشكلة.
المساء إتعملت لي فحوصات عامة وعملو لي خروج ما كنت مصدقة من الفرحة قلت للدكتور احلف إني خلاص ما حأقعد هنا ولا ثانية؟
كنت فرحانة كأني طفلة
طول الطريق كنت منزلة القزاز ومطلعة يدي برة العربيه لما وصلنا البيت قبل ما ننزل من العربية مادلين طلعت من البيت وكانت وراها امها..
مادلين قالت لينا اخيراً
سياف قال ليها واجهتنا زحمة بالطريق العام
لا داعي للتوضيح إنها سان فرانسيسكو
ام مادلين قالت لي عزيزتي،من الجيد رؤيتك بخير
شكراً لك سيدتي،انا ايضاً سررت برؤيتك هنا
مادلين شكراً لك ايضاً ،قدمتي لي الكثير خلال هذه الفترة..
سيد سياف أظن ان تأثير الأدوية ما زال بجسد السيدة شهد إنها تتحدث اكثر مما قبل هيا لدخلها إلى المنزل لتأخذ قسطاً من الراحة
سياف ضحك وقال لي يلا ي شهد ندخل ،قال لي مادلين طلبت مني تجي ترتب البيت قبل وصولنا عشان كدة هم هنا
وصلني الغرفة وقفت في الشباك مادلين كانت واقفة في نص الشارع وبتتلفت يمين وشمال لفترة
سياف قال لي يلا تعالي
ما تقول لي ارقد في السرير
نحن ما طلعنا إلا بعد ما اكدتي للدكتور إنك حتدي جسمك كفايتو من الراحة خلاص حتغيري كلامك؟
مشيت على السرير وانا بعاين ليه طلعت وإتغطيت
قال لي ممتازة
باب الغرفة دق جات ام مادلين داخلة وهي شايلة ورود وهي بتقول لي هذه لك..
شكراً لك سيدتي هذا لطف منك
ختتها جمبي في الدرج مادلين جات داخلة،امها قالت لي لقد قمنا انا والسيد مايك بإعداد بعض الطعام والحلويات لأجلك،اتمنى ان تنال إعجابك
بالتأكيد ستعجبني سيدتي لا أعلم كيف اشكرك أنت والسيد مايك حقاً
والله ما عارف
إنت كلمته زول من اهلك؟اوعى تكون كلمت زول ؟اصلاً ماف عوارض في حياتنا دي غيرهم
ما كلمت زول حاكون كلمت منو يعني؟
طيب حتى لو خلا الموضوع ،إنت الجزء من البيت دة مش حقك؟خلينا نبيعو ونمشي من هنا احسن لينا يا شهاب ،كلم ابوك بس يديك توكيل ،البلد دي طاردة وم فيها مستقبل نقعد فيها كدة نتشاقى لمتين؟عندنا عيال راجيهم مستقبل هنا دة ما بنقدر نعمل اي شي،احسن شي تعملو نبيع الجزءدة من البيت ونسافر تركيا نشتري لينا شقة بسعر مناسب هناك وباقي قروشنا نشغلها رأيك شنو؟
.....................
وانا قاعدة مع مادلين وهي بترغي وسرحانة باب الغرفة دق..
يبدو انه السيد سياف..
جا الدكتور داخل ومعاه ممرضة لما شفتهم في البداية إتوترت..
كيف حالك الان سيدة شهد؟
قلت ليه بخير دكتور
سنجري بعض الفحوصات الأن
مادلين قالت ليه ولكن قبل قليل اتى دكتور إلى هنا وقام بفحصها..
الدكتور قال ليها لم افهم؟
قبل ما تفتح خشمها قلت ليه لا عليك دكتور هيا قم بعملك
وهو بعمل لي في الفحوصات سياف جا داخل ،اخد وقت طويل حتى جا،مادلين قالت ليه من الجيد عودتك سيدي
وقف جمبي وهو بعاين لي،
الدكتور قال لي كل شيء جيد
قلت ليه ولكن لا استطيح تحريك جسدي إلا بالمساعدة هل من مشكلة؟هل سيطول تواجدي هنا؟
ما زال تأثير الغاز السام موجود على الجسم نسبة لإستنشاقك قدر كبير منه وتأخرك في طلب المساعدة جعل حالتك تسؤ ما تسبب في التأثير على الأعصاب لذا تصعب عليك الحركة الان،ستبداين في التحرك تدريجياً لا تقلقي
حسناً دكتور شكراً لك
سياف قال ليه غير ذلك هي بخير لا مخاوف او مخاطر على صحتها الان اليس كذلك دكتور؟
سنجري بعد الفحوصات مرة أخرى للتأكد من عدم وجود شيء يدعو للخوف ولكن الأن هي بخير بكل تأكيد
شكراً لك دكتور
ستقوم الممرضة بإعطاءها الجرعة الان
مادلين بعد ما الممرضة خلصت من تركيب الدرب قالت لي انا علي الذهاب للعمل الان سيدة شهد، كوني بخير ..
قلت ليها شكراً مادلين ،اتعبتك معك كثيراً
سأتغاضى عن سماعي لهذا الكلام،هيا ليلة سعيدة
بعد ما طلعت سياف قعد جمبي في السرير وهو بعاين لي وساكت
قلت ليه حتنوم هنا؟
كنت ترتاح في البيت شوية ،لين وينها؟
لين مع اهلها
رجعت يعني؟متين؟المشكلة بينها وبين ابوها إتحلت؟
كان ساكت
قلت ليه سياف؟؟؟
سامعك،بس ما مصدق إنه إنتِ قدامي هسي وبتتكلمي معي،ايوا رجعت يا ستي،خلينا في المهم كيف حاسة بنفسك احسن؟
ايوا الحمدلله
مد يده ومسك إيدي وقال لي محتاجة حاجة؟أكلتي طيب؟
لا م محتاجة حاجة،ايوا أكلتني مادلين
طلع لي الطرحة من راسي وختاها جمبي يلا حاولي نومي
وإنت؟
انا موجود هنا حأصلي العشاء وعندي الكتاب دة عايز اساهر فيه
وإنت أكلت؟
ايوا الحمدلله، بس حأطلع اجيب لي قهوة واجي
للحظة حسيت بخوفه ..
ممكن تخليك هنا ،وتطلع تجيبها شويه كدة؟
مالك حاسة بي شي اشوف الدكتور؟
لأ بس على بال ما انوم وكدة ما عايزة اكون براي في الغرفة
أنا اكيد ما حأخليك براك
قعد جمبي في الكرسي ومسك كتابه، كنت سرحانه فيه وهو مركز في الكتاب..
كنت بسأل نفسي وبرد عليها في نفس الوقت،مستحيل اكون تجربة سيئة وقاسية في حياته بعد كل البعملو عشاني دة...
رفع راسه وعاين لي قال لي شهد لو عايزة حاجة او حاسة بحاجة كلميني،انا فاشل شديد في رفقة المستشفى على فكرة
لا ماف شي بس كنت بفكر
بتفكري؟
او بمعنى اصح بخطط
في شنو؟احكي لي
حابي تسمع افكاري؟
خت الكتاب على جنب وقال لي ومافي اهم منها كمان يلا سمعيني
كنت بفكر في إني افتح محل بتاع ملابس رجالي ابقى مصممةو كدة واجيبك إنت موديل للماركة بتاعتي،حتبقى واجهه إعلامية رهيييبة
كان بعاين لي بغيظ بعدين ضحك ورجع شال كتابه وهو بهز في راسه وقال لي عارفة يا شهد الغلط غلطي
غلطانه عشان بمدح فيك وبقول عليك حلو؟
عموماً ماف راجل بقبل يتقال عليه كلمة حلو دي ،كلمة بنوتيه كدة وما ليها اي تلتين لازمة في مجتمعنا
طيب بس فكرة المشروع ظابطة صح؟نبقى عليها ؟
ضحك قال لي يا شهد مشكلتك تحت تأثير الدواء انا عارف..
وانا فعلاً كنت نعسانة وبغالب النوم في عيوني .
........
أنا خايفه..
واناداخل على الغرفة بعد ما مشيت اخدته قهوة وجيت ،سمعت شهد بتردد الكلمتين ديل
وكانت في بعض الكلمات الما واضحة ،كنت بحاول اصحي فيها شويه كدة حالتها ساءت وبقت تتشنج بطريقة سيئة جداً..
طلبت الدكتور بسرعة في لحظة جو داخل هو والممرضين المعاه وبسألوني مالها وبعدوني عنها وبقو ملتفين حواليها..
من فترة طويلة أول مرة احس إني خايف على حياة زول وخايف افقده كدة..
أدوها مهدئات ،وبعد فترة من الزمن حتى هدأت وحالتها رجعت شبه مستقرة
الدكتور بعدها طمني عليها وأكد لي إنها حتكون بخير وطلع.
حسيت بتأنيب الضمير لأنه اكيد هي صحت ولقتني ماف وهي سلفاً طلبت إني ما اخليها براها
.............
فتحت عيني لقيت كرسي سياف فاضي،عاينت حوالي كان بصلي..
اول ما خلص صلاة وشافني قال لي صباح الخير
#ليله_في_ديسمبر55 بقلم شهد عبدالله
إنت الجابك هنا شنو؟
بتعمل هنا شنو؟
فكيت إبرة الدرب من يدي وبقيت احاول انزل ما كنت حاسة برجولي ولا قادرة اتحرك..
بقيت اقول بصدمة ما قادرة اتحرك
انا ما قادرة اتحرك
إنت صح؟
عملت فيني شنو إنت؟
بقيت انادي مادلين..
مادلين..
عملت فيني شنو يا عمار ؟
شهد..
ابعد مني ،وانا بتلفت حواليني
قرب علي وقال لي ممكن تهدي؟ تتوقعي انا ممكن اقطع مسافة مدتها الزمنية ما من 19ساعة عشان أأذيك؟وفي مستشفى حكومي وسط المدينة؟
شال كرسي وقعد جمبي وقال لي انا هنا عشان اتطمئن عليك، تلفونك قافل،ما كنت قادر أصل ليك ولا بأي طريقة كانت،الحل الوحيد كان إني اجي هنا لما وصلت عرفت إنك في المستشفى ما مهم عرفت كيف المهم عرفت
توقعاتي ما خابت يا شهد،ابداً ما خابت ،انا ما بس كنت حاسي انا شايف ازيتهم ليك بعيوني صدقتيني كدة؟ ،وريني حصل شنو؟عملو فيك شنو؟
واللبس دة ؟
عشان اقدر ادخل واصل ليك لازم اللبس كدة،حاولت بدون اللبس دة اعرف وضعك وفي اي غرفة إنتِ رفضو يدوني اي معلومات،إنتظرت المناوبة الصباحية تخلص وادخل باللبس دة مع مواعيد مناوبين المساء..
بقيت اعاين ليه وانا ساكتة،شكلو متغير شديد عن عمار الأنا بعرفو زمان ،نحيف في وزنو،الشيب بدأ يسرح في لحيته وشعر راسه..
خت يده في يدي وقال لي ممكن تسمعي مني المرة دي يا شهد؟
جريت يدي من مكانها
انا ما حأخليك وراي المره دي عارفة كدة صح ؟
ليه إنت منو يا عمار ؟بصفتك شنو؟
ما مهم انا منو ،المهم سلامتك إنتِ،هسي يا شهد اهلك عارفين الوضع الإنتِ فيه؟اكيد لأ
ولو عرفو تتوقعي حيخلوك ثانيه واحدة هنا؟برضو لأ
حتعملي شنو؟حتقطعي علاقتك بيهم؟
إنت بتهددني بأهلي؟
لأ ما بهددك بس لما تكوني عايشة وحيدة في بلد زي امريكا دي وتدخلي نفسك في حتة زي الدخلتي فيها نفسك دي وتخلي حياتك على المحك يبقى لازم اهلك يكونو على علم بأي شي إنتِ بتعملي فيه
وضع ابوك ما بستحمل ولا اخوانك يا شهد فيهم المكفيهم وزيادة صدقيني
بطلي عناد وخلينا نطلع من المكان دة ومن المدينة دي كلها
ما عايزة تطلعي من امريكا تمام دة خيارك خليني اخدك لمكان امن وجديد،شغل جديد،إختاري الولاية والمدينة الإنتِ عايزة تعيشي فيها وخليني هسي في قعدتنا دي افتح الموقع ونشوف عروض البيوت فيها ،حتى العربية حأشتريها ليك،او خلينا نمشي نيويورك عندي شقة اخدتها هناك في داون تاون ماف زول عندو بيها علم ممكن نمشي ليها..
عاينت ليه بإستفهام..
اقصد اوديك ليها،او اديك مفتاحها وانا ما حأتعرض ليك ابداً وحأديك الفترة الإنتِ عايزاها وحأعمل كل البقدر عليه عشان اقدر ارجع ليك ثقتك فيني ولوقتها حيكون عندك مطلق الحرية في عيشتك هناك ،كفاية علي جداً اكون مطمئن عليك..
عمار إنت عارف إنو البتقول فيه دة كله ما بهمني؟
عارف ايوا،بس برضو عارف إنه بهمك جداً تعرفي السبب الإتقتلت بيه والدتك والإنتِ بتفتشي فيه وحالياً عايشة في الدوامة دي كلها بسببه،بس الفرق إنه والدتك كانت بتحارب فينا..
غمض عيونو مسافة ورجع عدل كلامه ب :اقصد بتحارب في مجموعة معينة عثمان اخوي جزء كان منها، انا ما بنكر ليك الحاجة دي، لكن الفرق بينك وبينها يا شهد امك كانت عندها خلفية عن الناس البتحارب فيهم ، إنتِ بتحاربي في مجهول وما مجهول ساي مجهول اكبر من مستوى تصوراتك ليه يا شهد
امي ما كانت بتقاتل في شخصيات ،امي كانت عندها قضية..
كانت عندها قضية بس إتعاملت بنفس سذاجتك دي
هي لو كانت ساذجة فعلاً ما كانت وصلتكم لمرحلة إنكم تقتلوها وبالطريقة دي،إنتو ما قتلتوها إلا بعد ما خوفتو منها
مد يدو عايز يمسكني جريتها منو،قال لي شهد انا ما قتلت امك،ما عندي يد في وفاتها ولا حتى كان عندي علم مسبق واخر مرحلة إتوقعت عثمان اخوي ممكن يصل ليها إنه يعمل كدة..
يعني كلامك دة بأكد إنه عثمان أخوك هو المسؤول عن موت امي؟
بقى يعاين لي وهو ساكت
عارف يا عمار أكتر صفة بتخليك إنك ما اهل للثقة شنو؟
إنك جبان،جبان يا عمار
وقف على حيلو ومشى كم خطوة حوالين الغرفة وهو بحاول يتمالك اعصابه،للحظة خفت إتلفلت علي وقال لي انا لو جبان يا شهد تأكدي تماماً إني في اللحظة دي ما كنت حأكون هنا ابداً ،انا بقول ليك مخلي كل شي وراي وجاي هنا بس عشانك وإنتِ بتقولي انا جبان
ملامح وشو فجأة إتغيرت..
شهد النحن فيه ووصلنا ليه هسي دة كلو بسبب عنادك وركوب الراس الإنتِ فيه دة،انا بحاول بكل الطرق احميك وإنتِ ما شايفة غير نفسك الصح
والان بحاول اقدم ليك اكتر من البقدر عليه وحريص تماماً على إني اطلعك من هنا،عايزة حق امك واختك من عثمان اخوي؟
الأنا عارفو إنه امك كانت بين يديها ملفات وادلة كتيرة بتدين فيها عثمان ومجموعة من السياسين ورجال اعمال وغيرهم من الناس النافذيين متورطين في جرايم مختلفة وأعمال غير قانونية،اكبر غلطة عملتها هي وإتسببت في إنه عثمان يتصرف التصرف دة إنها إتواصلت مع النائب العام وقدمت ليه جزء من نُسخ الملفات العندها
النائب العام؟
اصريت على دخولي ليها وإستجاب الدكتور بشرط إنه يلبسوني ملابس الوقاية لضمان سلامتي،ووضح لي إني اصلاً ما حأشوفها مباشرة حيكون في حاجز زجاجي بيني وبينها..
دخلت وم اخدت اكتر من 5دقايق في الغرفة،غرفة ما فيها صوت غير صوت واحد من الأجهزة الحواليها
جسمها كله انابيب وتوصيلات،إتعودتة اشوف شهد وهي بتتحرك حتى في اسوأ حالاتها ما بتكون بالسكون دة
اول ما طلعت أخدوني لغرفة الفحص والتعقيم على طول..
وانا باخد في اغراضي الإحتفظو بيها قبل ما يدخلوني الغرفة لشهد الموظفة قالت لي سيد سياف ،هذا الرجل بإنتظارك منذ 10دقائق..
شكراً لك
إتحركت مشيت عليه
كان راجل لابس لبس كلاسيكي،وطاقية وكمامة..
مرحباً
اول ما شافني وقف على حيلو وقال لي مرحباً كيف حالك؟
بخير
نزل الكمامة من وشو..
أنت؟
اعلم انك متفاجأ برؤيتي هنا ولكن يهمني امرها تماماً كما يهمك،إنها فتاة جيدة،كيف حالها الان؟
"كان الراجل الزرناه انا وشهد بالمصح"..
ستكون بخير حال إبتعادها عن هذا المكان ،كيف علمت انها هنا؟
اعلم كل شيء ،واعلم ايضاً ما الذي تسبب في حالتها هذه..
بما انك تعلم ما الذي تسبب في حالتها هذه إذاً تعلم من المسؤول عن هذا أليس كذلك؟
ليس تماماً ولكن نعمل على ذلك، اتيت هنا لتحدث معك بشأن هذا الأمر..
..........................................
لا اثر لوجود الحقيبة لا بسيارة شهد ولا بصالة الرياضة والمكتب الخاص بزوجها ولا بالمنزل..
لحظة لويس هل قمتم بالتسلل لمنزل شهد ومكتب زوجها وفتح سيارتها؟
العمل هو العمل ليز كان علي فعل ذلك
أنت لا تُصدق هل تعلم الحالة التي عليها هي بسببنا الان ؟كيف امكنك فعل شيء لا اخلاقياً هكذا؟
لم نكن نعلم ان المعتوه تايسون يضع غازاً ساماً على الخزنة
ليز لويس هلا توقفتما عن الشجار؟بالنظر إلى الجانب الجيد من هذه الحادثة نجد الطريقة التي تسممت بها شهد مشابهه تماماً لطريقة وفاة العم جو ،اليس لديكم تعليق على هذا الأمر؟
ليز:كنت افكر في الأمر البارحة
اكيمي:وما الذي توصلتي له؟
اعلم انه من الممكن ان تكون السياسة قذره ومن الممكن تكون قد رمت بالعم تايسون في قذارتها ،لكن..
لويس:لكن؟
ساتشي:يستحيل شباب كيف امكنكم التفكير في هذا الأمر حتى؟العم تايسون هو سيء بالفعل ولكن ليس للحد الذي يجعله يقتل صديق عمره..
بلى يمكنه ذلك..
في لحظة واحدة إتلفتو كلهم مع بعض..
ساتشي:ابي؟كيف اتيت إلى هنا ؟
لويس اخبرتني ان إبن تايسون يمتلك شركة ضخمة تعمل في مجال الإستثمارات المتعددة صحيح ؟
اجل سيدي
هل تعلمون ماذا تضم هذه الشركة ؟مجموعة من المصانع من بينها مصنع خاص بالأدوية الطبية..
ومصنع لصناعة المبيدات الحشرية
مؤخراً اصبحت زوجته جوليا شريكة له بالشركة علمت حديثاً بهذا الأمر..
ليز:إذاً الغاز السام الذي تم به قتل العم جو هو نفسه الذي إستخدمه تايسون كوسيلة حمايه لخزنته ؟
والأدويه التي يتم إدخالها للمسنين قادمة من المصنع الخاص بإبن السيد جو؟
ساتشي:ابي ما الخطوة القادمة ؟حال إستطعنا إثبات ان العم تايسون هو المسؤول عن وفاة العم جو وعن التلاعب بصحة المسنين؟
بدانا العمل بالفعل على مقاضاته قانونياً،سنثبت صحه تورطه في الأمر ،اعلم ان الأمر صعب وسأضع العذر لمن يود عدم المشاركة في مساعدتي منكم،لطالما كنتم فريق جيد وكفؤ ،اخبرتكم سابقاً انها اخر قضية سنعمل على حلها والأن الخيار بين يديكم..
لويس: لطالما كنت بجانبك ولكن من المحامي الذي سيخاطر بحياته المهنية للوقوف امام عائلة ادامز ؟نعلم جميعاً وزن عائلة ادامز وصداها السياسي واهتمامها لصورتها العامة وكسف تحارب كل من يحاول مجرد محاولة تشويه إسمها وطريقة كسبها للقضايا التي ترفع ضدها والتعويضات التي تطالب بها خصومها بعد كسب قضاياها ،اصبح لدي فضول ان عرف من هو هذا الشخص الذي إختار مصيبته بنفسه...
..................................................
سيد سياف،زوجتك إستعادت وعيها،وتم نقلها لغرفتها،يمكنك الذهاب لرؤيتها رقم الغرفة 234..
كنت واقف وبستوعب هي بتقول في شنو؟
جريت في إتجاه معاكس إلى ان قالت لي الغرفة من هنا سيدي..
رجعت بسرعة وانا شبه جاري وبعاين للغرف لغاية ما وصلت الغرفة ودخلت بإندفاع كان صوت شهد عالي وفي ممرضتين في الغرفة،وهي بتتكلم معاهم بنبرة حادة ومليانة خوف وبتطلب منهم يطلعو من الغرفة مع محاولتهم تهديتها..
..............................
فتحت عيني وانا بردد إسم الدار..
كنت في حالة هلع لأني لقيت قدامي ممرضة،لحظتها بس ميه سيناريو إتكتب في راسي،بطريقة هستيرية بقيت اصرخ وانا بقول للقدامي إنتِ منو؟
ابعدي مني...الخ
وكل ما واحدة تقرب مني كنت بتقاوى معاها بإحساس إني بقاوم،إلى ان فجأة جا داخل سياف بسرعة وهو بقول ليهم خلوها
شهد،انا هنا،اهدي ،مسك يدي وقعد جمبي وهو بقول عايني لي انا هنا ماف شي ما تخافي وضماني عليه..
قال ليها يمكنني ذلك في الحال
مشيت على جهاز ليز وشلت منه الفلاشات وشلت العلبة الملفوفة فيها الورقة دخلتهم الشنطة وقفلتها..
ساتشي قالت لي ستتركينها هنا صحيح؟
قلت ليها لأ ،سأحتفظ بها ولكن ليس هنا هل لديك مانع؟
سكتت
وأنتم يا شباب هل لدي احد منكم مانع؟
ليز قالت لي بالطبع لا
اكيمي قال لي وانا لا مانع لدي،
لويس قال لينا وانا ايضاً..
إستأذنتهم وطلعت ،للحظة كنت حأقول ل ليز وصليني بعربيتي بس لاحظت لإنشغالها مع لويس بعد ما طلعنا،إتوكلت ركبت العربية وبلعت حبوب مسكن ووقفت مسافة حسيت إني إستعدتة تركيزي بعدها إتحركت..
.........................................
سافر تجد عوضاً عن من تفارقه...♥️
"الامام الشافعي"
اخدته وقت طويل عشان تتشكل قدامي رؤية المقولة دي بصورة واقعيه اكتر من الكنت متخيلها..
حاجات كتيرة عشتها بعد وصولي للولايات المتحدة وإتملكتها بعد تعب ومعافرة ومعاناة وكنت بعدها بردد المقولة دي وبقول دة العوض المعني فيها سواء شغل،بيت،حياة افضل بكتير من الكنت راسمها في مخيلتي في يوم..
من جات شهد وانا ما حاسي بشيء غير إنه حضورها لغى كل الحاجات الفوق دي..
عادي اقول صباح الخير مرة تانيه صح؟..
اهلين إتفضلي لين
إتأخرت عليك؟عارفة نفسي إتأخرت من غير ما تقول
لالا ما مشكلة إتفضلي،تشربي شنو؟
ولا شي،انا جايه وانا متوترة منك خير اللهم اجعل خير طالما طلبتني بالطريقة دي وملامح وشك م بتتفسر خالص معناها في مصيبة..
ما مصيبة ولا شي ،حنتكلم بس
طيب قول لي
لين ،انا عمري ما قللت منك قدام زول لأي سبب كان ودة لأني بتعامل معاك معاملة الزولة الكبيرة وعاقلة ودارسة تصرفاتها
حصل وماف زول غيرك بعاملني كدة علشان كدة بقول إنه إنت افضل حاجة حصلت في حياتي وتعلقي بيك دة ما جاي من فراغ ابداً
الحاجة دي من ناحية كويسة ومن ناحية بتخلي عندك تصرفات بالنسبة لي ما مقبولة حتى ولو كانت عفوية وم مقصودة
لين سبق نحن إتناقشنا في موضوع امك الفتحتيه معي قبل كدة وانا موقفي وقتها كان واضح والأن انا برضو ما اظن انا محتاج أعيد ليك نفس الكلام لكن حأعيدو ،لا يمكن انا وامك في يوم يحصل بينا الإنتِ عايزاه،انا رفضي لوالدتك نفسها ما مفروض اوضح ليك ليه واعدد ليك الأسباب إنتِ بعد كدة ما شافعة وبتفهمي صح يا لين؟
شهد زولة في حالها للأخر و متحفظة شديد وكتومة م بترد حتى على الكلام البضايقها وما ندر تاخد موقف بصورة واضحة دة لإنشغالها الدايم وعدم تركيزها الشديد بس دة ما بخليني اتجاوز كل تصرفاتك الما مسؤولة تجاها بالتحديد ،انا بحترم شهد جداً وبحترم مشاعرها وبعمل ليها الف حساب طبيعة العلاقة بيني وبينها قايمة على الإحترام قبل كل شيء ومتأكد اي واحدة مكانها حتضايق من طريقة كلامك المتعمدة سواء اليوم او غيره من الأيام ،إحترامك ليها دي طبيعة العلاقة المفروض بينكم يعني ما شي انا مفروض اطلب منك تقدميه ليها
انا بهظر يا سياف هي لحقت تشكي ليك؟
هي ما إتكلمت بس الموضوع ضايقني اكتر منها وطالما ضايقني معناها سبب كافي يخليني اتكلم معاك وحتى لو جات شكت دة حقها ودة ما الموضوع الأنا جايبك عشانه،انا النقطة المهمة بالنسبة لي هي..
فهمت يا سياف ،ولعلمك انا كنت بهظر بس ما اكتر كبرت الموضوع شديد واخدته لمنحنى تاني،وبالنسبة لموضوع امي دة باب وإتقفل من بدري شديد إلا إذا إنت شايف غير كدة..
انا شايف إنه طالما إتقفل يبقى ماف سبب يخليه يتفتح الصباح على سفرة الفطور وبالطريقة دي،ولا يتفتح اساساً ،في حاجات ما ينفع فيها الهظار ،إنتِ عارفة يا لين انا اهم حاجة في حياتي ماشي عليها هي الوضوح والحدود الما قابلة للتجاوز ابداً
تمام يا سياف انا اسفة إذا ضايقتك وحأعتذر لشهد برض،عن إذنك لازم ارجع المعهد
كنت متضايق جداً لأني إتجبرت اتكلم معاها بالإسلوب دة وم كان عندي خيار غيره،وسط الجوطة الأنا فيها دي وصلتني رسايل من امجد اخوها لشهد..
قبل ما افتحها شهد جات داخلة علي المكتب..
دخلت بإندفاع حتى إني إستغربت..
كانت ملامحها غريبة ،وم متزنة في وقفتها متمايلة..
قلت ليها شهد؟
وهي عيونها مغمضة كإنه زول بغالب النعاس وبصوت خافض قالت لي سياف..
وقفت على حيلي ومشيت عليها
إنتِ كويسة؟
عايزة قهوة او شاي ممكن تطلبهم لي؟مصدعة شديد،وراسي تقيل ،وكمان اطرافي ما حاسة بيها،اخدتة حبوب مسكن بس عملت لي شي..
من متين حاسة بكدة ؟ليه ما إتصلتي علي؟
وانا ماسكها في اللحظة دي إترمت بكل مافيها علي فاقدة للوعي تماماً وم متحرك ليها ساكن حتى..
حالتها دي خلتني فاقد التركيز للحد الخلاني إستنجدت بصديقي الدكتور بدلاً عن طلب الإسعاف..
فقدت قدرتي على عمل الإسعافات الأولية رغم إني ماخد اكتر من كورس و شهادة فيها بحكم شغلي في المخيمات
انا فعلاً كنت مشتتة وم كان في اثر لوجود خزنة في الغرفة ولا بأي شكل كان ،وكنت مركزة مع الزمن اكتر ،وللحظة حسيت من التوتر ألم القولون قايم علي وجاتني الالام في بطني..
وكانت في حالة من الصمت بينهم كلهم
عاينت للزمن لقيت متبقي 10دقائق..
اكيمي قال لي شهد تسمعينني؟
لاحظت ل لوحة كبيرة معلقة في الحائط ،الرسمة العلى اللوحة نفس شكل المندولة السيد جو اهداها ل تايسون وحكى لي عنها وكان في واحدة منها في باب حمام السيدة إيفا..
وقفت عندها للحظات وانا بعاين ليها،ما كانت شكل مشابه كانت هي نفسها في شكل رسمة،شلت كرسي المكتب بسرعة ومشيت عليها حركت اللوحة فعلاً كانت الخزنة وراها..
لويس قال لي شهد الوقت ينفذ هيا سيكون عليك الخروج بعد دقائق اخبرينا ما الذي يحدث معك
ليز قال لي 9دقائق هيا شهد لنذهب،هل تسمعينني؟
اللوحة كانت كبيرة شديد وتقيله في وزنها كنت على وشك إني اقع..
نزلتها على جنب..
ساتشي قالت لي لا اريد ان اكون تحت رحمة العم تايسون بسبب عنادك،عليك الخروج الأن
قلت ليهم هل الوقت نفذ؟ لا
أتركوني إذاً ،توقفو عن تذكيري بأن الوقت ينفذ
الخزنة كان حجمها كبير بحجم اللوحة،وزي ما إتوقع اكيمي هي فعلاً بتفتح بالبصمة..
بقيت بفتش في الأصبع المصنع عليه بصمة تايسون الأداني ليه اكيمي..
صاحب مستر جو قال لي شهد تتذكرين جيداً ان عليك الخروج عند نفاذ الوقت صحيح؟
ليز قالت لي تبقت 5دقائق بدا العد التنازلي ،
إفتحي الباب دعيني اساعدك
لويس قال لي عند نفاذ الوقت ساقوم بقطع التيار الكهربائي من المبنى لمدة لا تتجاوز ال5دقائق وهي المدة التي سيستغرقها العاملون في الوصول لغرفة التحكم لمعرفة المشكله وحلها،لا خطة بديله..
لقيت البصمه لبسته وختيت صباعي في زر البصمة الخزنة فتحت،اول ما فتحت بقى في زي بخار متصاعد من جوانب او اطراف الخزنة ،ريحته نفاذة وغريبة بس من شدة توتري ما ركزت معاه
بقيت بعاين في الخزنة كانت فيها فايلات كتيرة ،بقيت اقلب في الفايلات واقرا فيها واحد ورا التاني
ليز قالت لي شهد انا قادمة إليك هيا افتحي الباب..
لويس قال لي الان سأقوم بقطع التيار الكهربائي،ليز عليك مساعدتها في الخروج خلال 5دقائق وإلا كُشف امرنا..
فجأة لاحظت لشنطة شنطة حجمها صغير تحت الفايلات طلعتها من تحتهم بسرعة وشكلها مقفولة برمز،بقيت احاول افتح الشنطة م قادرة افتحها والبخار متزايد وقالب على لون غريب كدة بقيت اكح ،وحاسة ،للحظة حسيت إنه اطرافي ماشة تبقى تقيله وشبه جاتني دوخة،وانا لسة مُصرة افتحها..
فجأة الكهرباء قطعت..
اكيمي قال ماذا يحدث؟
ليز قالت ليه انا في طريقي للمكتب
كانو كلهم في حالة توتر وكلهم بتكلمو في نفس الوقت وبرددو عليكم الخروج الان،
شهد..
وانا جايطة وكنت حاساهم كلهم بتكلمو في راسي
كنت برجع في الفايلات بسرعة وانا حاسة بنفسي ما قادرة ارفع شي،وبعاين للساعة في نفس الوقت..
بعد دقايق معدودة،كانت في حالة من الصمت حاصلة..
ماذا حدث؟هل تم القبض عليهم؟
هل نحن في ورطة مع تايسون؟
ليز؟
ليز هل تسمعيني؟
اكيمي قال ليهم لقد قمت بتعطيل نظام المراقبة بالكامل ونجحت بتعطيل الطاقم الذي هم به، لا علم لدي عما يجري هناك الان ..
كان خطأً فادحاً قرار التسلل بهذه الطريقة دون خطة محكمة،اجل إنها مكتبه فحسب ولكن نحن نعلم تماماً من هو تايسون وما الذي يمكنه فعله..
قلت ليه لا يمكنه فعل شيء لويس لأننا بالخارج بالفعل وفي طريقنا لورشة السيارات..
كلهم حسيتهم إتنهدو بصوت واحد وصاحب مستر جو قال لينا ماذا حدث معكما ؟
قلت ليه لا شيء ،سنتحدث عند الوصول إلى هناك..
ليز كانت سايقة العربية لأنو انا طلبت منها كدة،اول ما وصلنا ونزلنا مكانا المعتاد اكيمي ولويس كانو واصلين قبلنا
ساتشي اول ما شافتنا قالت ليهم ها قد اتت بقيه الجرزان..
لويس قال ليها هلا تكلمتي بقليل من اللباقة؟
قالت ليه نحن جرزان بالفعل وإلا كنا بمكان افضل من هذه الحفره..
اكيمي قال لينا هل انتما بخير؟اين كنتما قلقنا عليكما كثيراً..
ليز قالت ليه كنت اقود السيارة لأن شهد كانت متعبة قليلاً..
كنت شايلة الشنطة في يدي وكلهم كانت نظراتهم متوجهه ليها..
لويس قال لينا هل وجدتما شيئاً؟
ليز قالت ليه اجل،اعتقد انا شهد لديها ما سترينا إياه..
فتحت الشنطة
كانت واحدة من محتوياتها فلاشين،وفي زي علبة مستطيلة كدة شكلها زي شكل علبة طلبة هندسة البشيلو فيها الورق وفيها مجموعة من الملفات..
قلت لي ليز هل يمكنني إستعارة جهاز الحاسب الخاص بك لدقائق؟
قالت لي بالتأكيد وناولتني الجهازها قلت ليهم سنعلم الان ما بداخل هذه الفلاشات اولاً...
دخلت الفلاش الأول ودخلت على الملفات الموجودة فيه..
كان في ملف مكتوب فيه ضحايا..
فتحنا الملف كانت فيه تجميعية صور كتيره شديد لناس اغلبهم افارقة في شكلهم،طبعاً في منهم جنسيات تانيه بس الغالبيه العظمى منهم افارقة،تجميعية الصور دي متشكلة في شكل سفينة في نص البحر ..
صاحب مستر جو قال لي شوهد تايسون وهو يخرج من منزلة ويذهب إلى المكتبة عند الساعة الرابعة صباحاً من فجر اليوم قبل سفره إلى نيويورك، وانا اعلم جيداً ان تايسون ليس من الأشخاص الذين يهتمون بقراءة الكتب والتواجد بالمكتبات ،إنه يصعب عليه قراءة مقال عليه إسمه في وضح النهار حتى ، وإن لم يكن المخطط ف هو لديه ما يخفيه ويخص القضية بهذه الخزنة لأن علاقته بشقيقته امام العامة ووسط الإعلام ليست بالجيدة لذا لا أحد سيلاحظ او يفكر بأنه من الممكن ان تكون لديه خزنة خاصة في المكتبة الخاصة بشقيقته ..
اكيمي قال لي شهد،ليز سأعيد ما قلته لكم،لويس يستيطع تعطيل جهاز الإنذار ل 20دقيقة فقط لأن جهاز الإنذار الخاص بها في حال تعطله بعد 20دقيقة هناك اخر يبدأ في العمل اوتامتيكياً ونحن لم نستطع معرفة أين هو لتعطيلة ،اكرر لا يمكن تعطيله لأكثر من 20دقيقة
قلت ليه حسناً فهمت سأحاول جاهدة ان اقوم بالأمر في 20دقيقة
صاحب مستر جو قال لي حال إنتهت ال20دقيقة ولم ينجح الأمر أتركي كل شيء واخرجي من المكتب هل فهمت؟لا يجب ان يكشف تايسون اننا نشك به ونبحث خلفه،ولا يجب ان تعلم شقيقته بتواجدكم داخل المكتبة..
اجل فهمت ولكن كيف يمكننا فتح الخزنة؟
بهذا
أكيمي طلع لي حاجة في شكل اصبع جلد كدة في كيس،قال لي إنها البصمة الخاصة بالسيدة ادامز
الخزنة تفتح ببصمة العين او اليد،بحوزتنا بصمة الإصبع هذه سنجرب بها الأمر،لا علم لدينا عن نظام الأمن الخاص بالخزنة،قد تحتوي على جهاز إنذار هي ايضاً حال حدث ذلك سيكون هناك خطة B سأخبركم بها لاحقاً ولكن الأهم من ذلك كما قال ابي في حال لم ينجح الأمر يجب أن تخرجو في الحال والذهاب إلى قسم القراءة والجلوس لبعض الوقت هناك حتى اقوم بالتحدث إليكم
صاحب مستر جو قال ليها ليز عليك فعل كل ما يلزم لحماية شهد والتركيز على كل ما هو حولكم وتوخي الحذر
ليز قالت ليه حسناً فهمت سأفعل لنذهب إذاً إنها العاشرة والنصف الان
أكيمي يجب ان تكون هناك لتعطيل نظام الكاميرات قبل وصولنا
سأكون هناك خلال 10دقائق
بعد ما طلعنا وانا في العربية مستنيه ليز ،فتحت تلفوني لاحظت لإشعارات رسايل نازلة
مفتقدك
ما سعيت لشي وإتمنيت احصل عليه غيرك
العرس إستقرار وانا ما حسيت بالإستقرار إلا وانا معاك
بكتب ليك الكلام دة وانا على يميني سندس نايمة ومتطمئنة
انا ما إبتديت افكر في المستقبل إلا وانا معاك،إنتِ ما بس كنت شريكة أحلامي كنتِ بطلة قصتي
محتاجك توجهيني كيف اتناسى كل دة وأقضي حياتي وانا متأقلم؟..
كنت بعاين ليه وانا ساكتة،كان ماسك كتاب في يده..
بادرني بسؤال كل شيء تمام؟
ايوا بس إنشغلت شويتين،عاينت للكتاب وقلت ليه بتقرا في شنو؟
كتاب إسمه "إبدأ والنهاية بمخيلتك"..
بيحكي عن شنو؟
يا داب حأقراه،اهدتني ليه صديقة ومعاه مجموعة من الكتب قبل فترة..
بنبرة غريبة تلقائياً لقيت نفسي بقول ليه صديقة؟
بإستعجال قال لي اقصد زميلة دراسة سابقة كانت.
حسيت إني عايزة اضحك على الجدية القالها بيها ،قلت ليه انا إستغربت حبتين بس،إنت بتصاحب بنات؟
يمكن ما تصدقي بس عمري ما إقتنعت بموال إني اصاحب بت دة،لكن في تعامل،في علاقات ما هي صحبة بس مجرد معرفة وسطحية وفي حدود ودة المجتمع والبيئة العايشين فيها بفرضو علينا النوع دة من الإختلاط و..
فتحت الحلة شلت ملعقة مكرونة وقربت عليه ووديتها على خشمه ،بعدها قلت ليه رأيك شنو فيها حلوة؟
شال الملعقة ختاها على جنب ومسك يدي باسها وقال لي عاملاها إنتِ لو م طلعت حلوة يبقى المشكلة يا في مصنع المكرونة يا في مصانع مكوناتها العملتيها بيها الأكيد المشكله م منك
إبتسمت لكلامه وإتوترت من طريقه قربو مني ومسكتو لي يدي..
حتفضل تطبل لي كدة لما طبعي يخرب وابقى نرجسية زيادة عن اللزوم
ضحك وقال لي بكبر ليك راسك عشان تستعجلي تختي الأكل انا جعان..
إجتمعنا انا وهو ولين في سفرة العشاء ،لين كانت قالبة وشها وملامحها ما طبيعية وفي حالة صمت ما بينا نحن ال3
حسيت إني عايزة اللطف الجو ،قلت ليهم ما نفسكم تدوني رايكم في المكرونة بتاعتي لاحظو انا واقفة في المطبخ مما رجعت من الشغل
سياف قال لي والله رأينا قبيل إتقال عليه تطبيل ،نخلي الرأي ل لين حتنصفنا نحن الإتنين..
لين قالت لي حلوة حبيتها وحبين المقبلات العاملاهم معاها،عاينت لسياف وقالت ليه بس طبعاً ما احلى من حقت ماما البتعملها لأنه ماما ماف زول بفوتها في الطبيخ،لو عرست ماما كنت زي الزمن دة حتكون اخ دلعر وفرفشة مافي الأكل بس في كل ش ضيعت حاجة عظيمة من يدك..
في اللحظة دي انا بقيت اعاين ليها بصدمة كدة..
غيرت نبرة الجدية في صوتها لنبرة ساخرة وكملت كلامها ب :بس هسي ما فات شي العرض ما زال قائم ربنا قال مثنى وثلاث وربنا وشهودة زولة محجبة وبتاعة ربنا أكيد ما حتعترض على شرع ربنا واهو ماما حتبقى لينا أخت الإتنين..
لما لاحظت لملامحنا نحن الإتنين ضحكت وقالت لينا امزح امزح مالكم يا جماعة وشوشكم دي بقت كدة؟
وكملت أكل..
ما كنت فاهمة هي بتقول في شنو؟بس مقتنعة تماماً إنه اصدق كلام هو البترمي وسط الهظار دة
كيف امها تعرس سياف وهي مرت صحبو؟وكلامها و نبرة الجدية حقتها بتأكد حاجة انا ما عارفاها بس سياف عارفها..
كنت بعاين لسياف عشان اشوف رد فعله ،الغريب إنه كان ساكت وكل ما ارفع عيني اللقاه بعاين ليه..
حاولت على قدر ما اقدر ما افكر في الموضوع وم اطرح اي سؤال واتعامل بتغابي لغاية ما هو يجي يفتحه معي يمكن يكون عنده تفسير او توضيح للكلام الإتقال قدامي دة،وفي الحقيقة لغاية ما شرقت شمس اليوم التاني وكل واحد فينا مشى دوامه وهو في حالة تغابي و تجنب تام للموقف..
وصلت للورشة او مكب العربات بتاع المرة الفاتت ،ونزلت تحت في نفس المكان الإجتمعنا فيه..
وضعه المرة دي كان مختلف شويه عن قبل،او يمكن المرة الفاتت ما كان في فرصة نشوف المكان كويس..
لما وصلت لقيت ليز هي الوحيدة الكانت موجودة..
قالت لي ظننت انني تأخرت..
قلت ليها لست الوحيدة من ظننتِ ذلك كيف حالك؟
بخير ،يا إلهي هل ترين ؟
لطالما كنت احلمُ بالعمل في مكان يشبه وكالة والإستخبارت ومكاتب التحقيقات الفدرالية غرف خاصة ممتلئة بالشاشات واجهزة الحاسوب وكاميرات المراقبة،لم اكن اعلم ان حلمي سيتحقق ولكن ليس بمبنى ضخم كما تخيلت إنما اسفل مكب خاص بمخلفات السيارات..
ضحكت وانا بقول ليها :إذاً الطريق إلى مبنى وكالة الإستخبارات ومكاتب الفدرالية يبدأ من هنا،تخيلي نفسك متدربة هنا الأن..
اتمنى ذلك..
حسينا بصوت إتجاه السلم إتلفتنا كانو اكيمي وساتشي ومعاهم لويس..
بعد ما نزلو كلهم لويس قال لينا مرحباً هل الجميع على ما يرام؟
قلت ليه اجل نحن على ما يرام ولكن هناك من تأخر عن الموعد بأكثر من 5دقائق
ساتشي قالت لي المعذرة ف والدنا العزيز يجعلنا نقود دراجات للوصول إلى هنا بدلاً عن مارسيدس" كانت متنرفزة"
لويس قال ليهم هيا لنرى ما لدينا لا وقت لدينا..
قلت ليهم في حادثة وفاة العامل بالدار وجدت جثته ملقاة بحوض السباحة بالفعل ولكن قيل ان حبيبتة كانت ب منهاتن منذ عطلة الأسبوع الماضي لحضور زفاف شقيقتها،ويقال ايضاً انه كان ثملاً تلك
ليز قالت لي هذا يعني ان من إرتكب الجريمة كان يظن ان حبيبته متواجدة بالمنزل
لويس قال لينا من المرجح انه قد تم إستدراجه إلى هناك
اكيمي قال لينا هلا تحدثنا بما هو اهم لكسب الوقت؟
طيب انا اهلي بالنسبة لي بدل خط واحد احمر الف خط ،والناس ديل انا قمت وربيت وسطهم وجزءما بتجزأ من حياتي ف انا ما بتردد اساعد واقيف مع اي زول من اهلي ديل لمجرد إني حسيت إنه ماري بظرف ومحتاج لوقفتي معاه،ما ببدلهم ده انا كدة وما بتغير وصدقيني حأعمل ليك الف حساب لما اللقاك محترمه طبعي دة،في حاجات انا لا مؤاخذ عليها وم في يدي اتحكم فيها بس حتشوفيني وانا بجاهد نفسي عشان اخلي المُركب تمشي وأكون متأقلم..
إترمت في حضنه وهي بتقول لين وانا علي محاولاتك عشاني دي يا طارق ♥️
النساء نوعان..
هناك من تكتفي بقلة العطاء لشدة بؤسها وقِلة تقديرها لذاتها..
وهناك من يُكتفى بها
الخرطوم/سانفرانسيسكو ☎️📞
السلام عليكم عليكم أستاذ سياف معاك امجد..
وعليكم السلام يا سعادتك كيفك ياخي إن شاء الله بخير؟
الحمدلله والله بخير ،بعتذر جداً ضارب ليك في وقت يمكن يكون متأخر نسبة لفروقات الوقت وكدة
العفو يا حبيب ياخي حبابك في اي وقت ،انا لقيت رسايلك بس لأني كنت بعيد رديت عليك متأخر ،كيفك وكيف البلد واهلها كلهم بخير إن شاء الله؟
لالا عادي ولا يهمك يا استاذ ،الحمدلله في اتم الصحة والعافية،ادخل ليك في الموضوع طوالي عشان ما امسك بيك زمن،انا عندي زول هناك في امريكا عايز اصل ليهو بأي طريقة كانت وعشان الموضوع بالنسبة لي حساس شويه ما عايز اكلف زول بعرفو بيه او قريب مني بالحاجة دي ،ف الزول الوحيد الفكرت فيه وقلت اللجأ ليه إنت إترددت كتير لأني عارف نظام الشغل والحياة هناك عندكم كيف ويمكن صعب تلقى وقت لكن لو حصل وإتوفقت او صادف إنه عندك زول في المنطقة الهو فيها وبقدر يصلو تكون خدمتني شديد..
عيب عليك الكلام دة يا سعادتك والله،إعتبرها مقضية بس رسل لي بيانات الزول تلفونه وعنوانه وبصلو ليك إن شاء الله حتى لو في ولاية تانيه ابشر
انا تلفونو الأدوني ليه لقيته مقفول دة سبب إني م قادر اوصل ليه ،لكن بحاول اصل لتفاصيل عنوانه وين بالظبط وارجع ليك وافهمك كل حاجة فيما بعد وزي ما قلت ليك إنت ما تكلف نفسك بس لو لقيت زول من معارفك في الولايه الهو فيها يكون ما قصر
إعتبر الموضوع منتهي إن شاءالله حأكون في إنتظارك
تسلم يا استاذ شكراً ليك شديد ياخ بارك الله فيك يلا في امان آلله
من لحظة ما وصلتني رسالة من امجد وانا التوتر مسيطر علي بالكامل وحاسس بضغط في الأعصاب،بالنسبة لي كانت مكالمة مليانة قلق وبعد إنتهت زاد خوفي وتوتري اكتر..
معقول يكون عنده علم بزواج شهد من وراهم وجاهل شخصية الزول الهي إتزوجته وعايزني انا اساعده؟
بس حسب علمي شهد داسة الموضوع دة تماما من اهلها
و يمكن حكت لقريبتها او اختها،
لو حاولت افتح الموضوع واسأل شهد بطريقة مباشرة او غير مباشرة يمكن تضايق ما بقدر اتوقع رد فعلها
ويمكن اكون انا غلطان وفاهم غلط؟
كنت بتكلم مع نفسي إلى أن حسيت نفسي مصطدم مع زول وهو بقول لي:هل أنت بخير؟
انا بخير ،اعتذر
لا عليك توخ الحذر فحسب
بطريقة ما محتاج اعرف من شهد إذا في زول من اهلها عنده علم ولا لأ..
US🇱🇷
سيدة شهد سررنا بتعاونك، شكراً لك على وقتك..
على الرحب والسعة..
كنت في المكتب وإتفاجأت بزيارة افراد من الشرطة للدار بخصوص وفاة العامل وكان تحقيق روتيني في الواقع بس كنت فيه متوترة شديد ومخنوقة لأني حاسة بنفسي بضلل في الحقيقة،وفي طرف بريء حيكون متضرر بسبب سكوتي دة لو حاولو يضغطو علي شويتين كنت حكيت ليهم الأنا عارفاه،حتى لو ما ضغطو علي انا ضميري ما حيريحني..
وانا غرقانة في التفكير مع باب الغرفة دق ومادلين جات داخلة
قالت لي لدي اخبار جيدة اعلم انك تحتاجين سماعها..
كنت ساكتة وبعاين ليها لسة
رجعت قالت لي بنبرة توكيديه :لدي اخبار جيدة بالفعل لست امزح
إتفضلي مادلين
حبيبة العامل لم تكن بالمنزل عند وقوع حادثة الوفاة ،اثبتت التحقيقات أنها بمنزل اهلها في لاس فيغاس لحضور زفاف شقيقتها منذ عطلة الأسبوع الماضي..
وانا بسمع كلامها حسيت إنه إتردت فيني الروح،لقيت نفسي تلقائياً باخد نفس وبقول الحمدلله ،الحمدلله يا رب
كملت مادلين كلامها ب:يبدو انها حادثة إنتحار
ماذا تقول الشرطة؟
يقال انه كان ثملاً ،من الممكن انه قام بإغراق نفسه
أو ان احداً ما قد قام بإغراقه ظناً منه ان حبيبته السابقة متواجدة بالمنزل،لا أعتقد ان موته بهذه الطريقة صدفة تزامناً مع ما حدث هنا وإكتشاف امره..
تلفوني فجأة رن..
إنه الدكتور..
فتحت الخط وقلت ليه مرحبا دكتور كيف حالك؟كنت سأتصل بك
انا بخير،لا اعتقد ان ما سأقوله سيعجبك ولكن هذه الأدوية ستجعلك تواجهين الكثير من المشاكل لأن المواد التي تدخل في تركيبها يصعب ظهورها في الدم عند الفحص ويصعب تحديد تأثيرها المخدر في الدم ،وايضاً لا يوجد قانون يُجرمها او يحاسب من إستخدمها لأنها في الأصل ادوية ولكن تم تخليقها لإستخدامات بعيدة التأثيرات الدوائية
كان في مراسم تأبين بخصوص العامل الإتوفى في الدار لازم تتعمل من باب إنه من الثوابت البتتعمل في الدار على أي زول إتوفى وكان جزء منه سواء عامل او مُسن،كل العمال وجزء كبير من المسنين البتربطهم بيه علاقة كانو في الحديقة تحت..
وانا كنت في الشباك واقفة بعاين ليهم وفي قمة سرحاني،حسيت بحركة وراي وإتلفته مخلوعة لما شهقت ف لقيت سياف في وشي
قلت ليه بسم الله جيت متين؟
رفع لي التلفون قال لي جادعة تلفونك وين؟إتصلت ما رديتي خفت وجيت لقيت الناس ديل متجمعين برة خفت عليك اكتر حتى ما حسيت برجلي دي وانا طالع السلم عشان اصل مكتبك دة..
تلفوني في الدرج بس ودي مراسم تأبين للعامل الإتوفى..
بقى يعاين لي في عيوني وبتفحص ملامح وشي كعادته وهو ساكت..
قلت ليه مالك؟
ماف شي كدة بس
سرحت فيه مساااافه بعدها قلت ليه رجلك كيفها اليوم احسن؟
أحسن ايوا الحمدلله ،خلصتي نطلع ولا عليك شويه؟
إنتبهت لصوته وهو بقول :شهد
بتوتر قلت ليه ايوا
مالك إنتِ؟
ماف شي انا ،انا كويسة بس راسي جايط شويه،قلت شنو إنت؟
الجوطة بتترتب إن شاء الله، قلت ليك نطلع ؟
مشيت على مكتبي وقلبت الحاجات الفيه وقلت ليه عندي شويه شغل لازم اراجعه اول حتى امشي البيت،إنت ممكن تتقدم وانا بلحقك بس اخلص..
لأ،رجلي على رجلك ،خلصي شغل وخلينا نطلع مع بعض..
انا ممكن اتأخر حتقعد تعمل شنو ؟يمكن تزهج..
انا معاك م بزهج..
سكتت وانا بعاين ليه ،رجع قال لي إلا إذا إنتِ زهجانة مني طبعاً دة شي تاني..
أشرت ليه على المقعد وقلت ليه قهوة ولا شاي؟
اي واحد فيهم بس خالي سكر
اخدته وقت وانا شغالة في اللابتوب قلم وملفات في يدي..
كل ما ارفع عيني بلاقيه بعاين لي،اخر مرة ضحكت..
مالك؟
ماف شي ،إنت المالك بتعاين لي كدة؟
لأني فخور بيك
فخور بي؟
ايوا ،ك زول اغلب المجتمع الحوالي ما بعترف بحاجة إسمها تعليم او قرايه للمره بحس بالدهشة لما اشوف اي مره بتدير او على رأس اي وظيفة..
قصدك جماعة المره كان وصلت القانون مكانها الكانون؟ ما يكونو اهلك منهم بس ؟
ضحك وهو بقول لي المشكله المثل نفسه مدي للمره حقها م عارف هم بقولوه من باب إنه يضايقوكم او يقللو منكم ليه؟ انا شايفه بيثبت قدرة المره على تولي وإدارة اي شي طالما قادرة تقيف في المطبخ لأكتر من كم ساعة ورا بعض عشان تطلع اكتر من تلاتة وجبات في اليوم ومكفية ومرضية لكل افراد البيت والضيوف كمان دة غير باقي شغل البيت ومسؤولياته الهي متولية إدارتها
قلت ليه واحياناً البتلقاه بقول المثل دة اساساً بتكون مربياه مره ..
او تلقيه مغترب ومخلي مرته واولاده وراه والمره المخليها دي هي القايمة بكل مسؤولية البيت وتربية العيال ،كلنا الطرف الأساسي في تربيتنا هي المكانها الكانون دي ،هو لو م كانونها دة زاتو كنا ربينا ولا كبرنا؟
عارف لولا إني عندي ترست إيشوز من الناس العقليتها زيك كدة وكلامها حلو وافعالها ومواقفها حلوة كنت حأبدأ احبك واقفل عليك بس انا عارفة إنه دة فخخخ والحاجات دي كلها بالنسبة لي "رد فلاق"🚩
للحظة حسيت إني إتصدمت من القلتو وهو كمان ف بقينا نعاين لبعض
حاولت اعدل كلامي قلت ليه قصدي إنه انا م أتأزيت ووصلت لهنا إلا من الناس الكدة يعني ف بقت عندي مشكلة م قصدي إنه إنت سيء فهمتني؟
لاحظ لإجتهادي في الكلام وانا بحاول ابرر واشرح قال لي شهد كملي شغلك عشان الزمن
هو مسك تلفونو وانا كملت شغلي ،كنت بعاين ليه من وقت للتاني وحاسة بشعور متناقض وانا بعاين ليه..
في طريق الرجعة طول الطريق كنت ساكتة وافكاري مشتتة وبسأل نفسي هو عمار ممكن يكون صادق في كلامه؟
سياف قال لي يا ريت لو رجلي كويسة كنت قلت ليك خلينا نتمشى في الجو الحلو دة ونرجع البيت بالمترو ..
قلت ليه يا ريت وسكتت
لما وصلنا نزلت وفتحت ليه الباب ضحك و قال لي العادي إنه الحركة دي الراجل يعملها صح..
في اللحظة دي رجعت بذاكرتي لعمار ،عُمره ما خلاني انزل من العربية بدون م يكون هو فاتح لي الباب..
وهو نازل إتسند علي قفل الباب ومسك يدي،
لما دخلنا البيت سلمنا على لين كانت شغالة في المطبخ،غيرنا ملابسنا جيت طالعة من الغرفة سياف كان مع لين في المطبخ كنت سامعة اصواتهم وهم بتونسو
طلعت على طول برة البيت وقعدت في عتبة الباب لسة تفكيري كان مع عمار وكلامه ،اخدتة اكتر من نص ساعة وانا قاعدة سرحانة وم حاسة بأي شي،
فجأة إنتبهت لقيت سياف قاعد جمبي وماسك كبايتين في يده
قلت ليه إنت هنا من متين؟
من لما كنتِ بتعايني لضفورك..
ضحكت
مد لي الكباية وقعدنا ونحن ساكتين و بنعاين حوالينا ،
قلت ليه بالمناسبة قبيل لقيت منك رسالة م فهمتها كنت عايزة ارجع ليك وإتلخمت،كنت قاصد بيها شنو؟
شنو هي؟
حتكون شنو يعني الرسالة قاصد بيها شنو؟
مش إنتِ قلتي لي ما تنسى تكتب امنيتك للشهر دة وإتفائل خير؟
ايوا قلت ليك اكتبها علاقتها شنو الأمنيه بالرسالة؟
وانا كتبتها..
تخافي ما حأتعرض ليك ولا بأي شكل كان ولا حتشوفي وشي حتى طول ما إنتِ ما عايزة،وم ححاول اسبب ليك اي نوع من انواع المضايقات..
كنت ساكت لسة وانا بسمع فيه..
قال لي يا شهد اسمعي مني وم تكابري
كان بتكلم بنبرة فيها خوف وهلع كدة وبسرعة ،ودي عادته اصلاً لما يكون متوتر..
قلت ليه انا م بكابر انا فعلاً ما مهتمة للإنت بتقول فيها دة..
شهد صلاتك على النبي
عمار إنت حتى لو عايز ما حتقدر تسبب لي اي نوع من انواع المضايقات بعد كدة،المكان البتطلب مني انتقل منه خلال يوم بكره بالكتير دة فيه شغلي حالياُ وامور كتيرة بتخصني بقت مرتبطة بيه، والأهم من كدة شغل زوجي مربوط بالمكان دة ف م إنت البتقرر انا المفروض اكون وين واعمل شنو،إنت فقدته الحق دة من بدري..
هو كان ساكت وانا برضو سكتت مسافة وكملت ب: ايوا انا إتزوجته ، اما سؤالك عن إنه انا بخير ولا لأ ف انا بخير وبخير جداً كمان،شكراً على إهتمامك ،المضايقات الوحيدة الممكن تسببها لي حيكون سببها مكالماتك دي ...
أقول لنفسي
كل ساعة، هي ساعة سعيدة
طالما أني فوق الأرض لا تحتها.
وربما يكون هذا سببًا جيدًا بما يكفي
للابتسام ومغادرة السرير.
.
رودي فرانسيسكو - ترجمتي
قبل ما الشبكة تطش نزلتها ليكم عشان م تعنفوني لفظياً ،تاني نتلاقى لما سوداني ترجع 😁😆😂😂😂💔
سيتطلب الأمر الذهاب إلى هولندا قد يستغرق ل 73ساعة على الأقل..
قال ليها سأترك لكِ هذا الأمر إذاً
تعلمون جميعاً ان لا احد يعلم بأمر هذا المكان ولن يعلم به احد غيركم،الان لا نملك الوقت الكافي جميعاً للتحدث بشكل جيد،اردت فقط حضوركم جميعاً والتعرف على بعضكم البعض حتى نفكر ونعمل معاً،..
سأتحدث إليكم لاحقاً لقد لقد إنتهى وقت إستراحتي الان ،إلى اللقاء...
بعد ما قفل ليز قالت لينا ماذا بعد؟
ساتشي قالت ليها سنصعد الى الأعلى واحداً تلو الأخر من مخبأ الفئران هذا ويذهب كل منا في طريقه والقيام بعمله ماذا غير ذلك؟
خلصت كلامها وطلعت السلم ،بعدها اكيمي اخوها طلع وراها
لويس قال لي ليز هل تحتاجين مساعدة ؟
قالت ليه لا شكراً
طلع هو وهي وانا كنت لسة بعاين في المكان دة ،لما إنتبهت ل ليز طلعت وراها..
لما طلعنا لقينا الراجل الكبير قاعد في كرسي وقدامه مكتب ،قال لينا عملاً موفقاً..
لغاية ما طلعت وركبت عربيتي كنت لسة بعاين في المكان،ولسة بحاول استوعب انا كنت وين وديل كانو منو هم اصلاً ،شلت تلفوني وإتصلت في رقم صاحب مستر جو كان مغلق..
رسلت ليه رسالة محتواها"عاود الإتصال بي،أحتاج لتفسير"..
وصلت الدار وإتصلت على مادلين..
اول ما شافتني قالت لي اظن انها عمليه إعتقال هل توافقيني الرأي؟ما العمل؟
قلت ليها لنرى عمل الشرطة اولاً
طول اليوم كنت متوترة،وانا براجع في كل الحاجات الحصلت معي حسيت إني لو مسكت زول وحكيت ليه حيحس بعدم الواقعيه في كلامي..
انا كنت زمان بحضر افلام ،ف حياتي بقت افلام بس افلام كلها رعب ومتاهات ما ليها اول ولا اخر..
في نص دة كله إتذكرت سياف،على طول شلت تلفوني وإتصلت عليه..
اول ما رد قال لي هسي كنتِ في بالي
قلت ليه كيفك وكيف رجلك احسن؟
الحمدلله احسن من امبارح شويه
صوتك متغير
لا انا بس مرهق شوية وزهجان
من شنو زهجان الصباح كنت كويس؟
ماف سبب محدد يمكن عشان رجلي دي بس ما اكتر
طيب اجي عليك ؟
لأ كملي شغلك وتعالي بعدين
طيب لما اطلع بكلمك ،ما حتأخر انا شويه كدة حأطلع اجي عليك تمام؟
طيب منتظرك..
هو دايماً بحاول عشاني،وفي كل ظروفي البمر بيها وبكل حالاتي دايماً بخففها عني حتى لو بكلمة طيبة،ف بقيت بفكر شنو الممكن اعمله عشانه،خصوصاً إنه اول مره يوريني بإنه زهجان..
طلعت ابدر من الوقت المفروض اطلع فيه،دخلت اقرب محل تجاري اخدته إحتياجات البيت ورجعت البيت نضفت البيت كله ورتبته وعملت كل العايزة اعمله، لما شلت التلفون لقيته متصل علي اكتر من 5مكالمات..
رجعت ليه قال لي نسيتيني ولا شنو؟لو نسيتيني قولي عادي
ضحكت لأنه قالها بنبرة ضيق وزهج قلت ليه لالا جايه عليك في الطريق
طيب إستعجلي
لما وصلت لقيته اخلاقو في طرف مناخرو،اول ما ركب قال لي شويه وكنت حأطلب تاكسي..
الحمدلله إنها وقفت على إنك تطلب تاكسي بس،معليش اعفي لي..
كيف يومك؟حصل شنو معاك طمنيني؟
ماف شي يذكر
يوم هادي يعني؟
ماف يوم بعدي علي هادي بس بقيت انا البقرر إنه يبقى هادي رغماً عن كل تفاصيله..
ضحك وقال لي دي مرحلة التأقلم
لا دي مرحلة التطبيع مع الأحداث
بقية الطريق كان ساكت ومن ملامح وشه كان ما طايق نفسه، واصلني إحساس إنه حاصل معاه شي بس م عايز يقول..
وصلنا البيت لقينا لين خاتة قدامها اكل جاهز وبتاكل..
قالت لينا حسبت حسابكم معي تعالو ناكل مع بعض
خفت ارفض وتتحسس ف وافقت اكل معاها،سياف قال لينا انا تعبان داخل استحم وأصلي المغرب بس وانوم،اكلنا انا ولين واخدنا وادينا مع بعض بعدها دخلت المطبخ عملت فشار وجهزت صينيه فيها مكسارات والفشار وشاي لبن وشلتها ودخلت بيها الغرفة،سياف كان في غرفة الصلاة، ختيت الصينية في نص السرير وطفيت الإضاءة وشغلت الشاشة وربطتها بالتلفون..
وطلعت بإستعجال من الغرفة لقيته هو جاي ،وقفت في الباب وبقيت اعاين ليه..
كان بعاين لي بإستغراب،بعدها قال لي في شنو يا شهد؟
وقفت جمبه وغطيت عيونه بي يدي وقلت ليه دقيقة..
قال لي شنو ؟
قلت ليه تتوقع شنو؟
قال لي جايبة لي حزام ضاغط؟
ضحكت
طيب مسكنات؟
قلت ليه هي رجلك دي مألماك للدرجة دي؟
طيب جايبة لي عطر؟في ريحة عطر حلوة وغريبة في الغرفة مختلفة عن ريحة عطرك البعرفها..
قلت ليها لا دي فواحتي الجديدة فكر لسة
بحراق روح قال لي يااااااشهد
نزلت يدي
عاين مساااافة وهو ساكت
قلت ليه مش قبل كدة وعدتك إني عازماك فيلم على ذوقك؟
ضحك قال لي الفيلم على ذوقي متأكدة؟
قلت ليه ايوا حتختاره إنت بس لو م حلو الغرفة دي ما حتشيلنا..
مديت ليه كباية الشاي قال لي هو العيان اصلاً بتتعمل ليه الحاجات دي ؟ وإن شاء الله تكون يومي؟
قلت ليه يعني تقريباً كدة على حسب
حتى لو اخد اسبوعين تلاته شهر شهرين؟
اخبريني إذا حدث شيء ،وايضاً مادلين اسديني معروفاً اخر تلك الأدوية سأحتاج منك اخذ جزء منها وإرسالها إلى الدكتور المكلف بالفحص الطبي الخاص بنا ،سأرسل لك العنوان،كوني حذرة لا يجب ان يعلم احد بأمر هذه الأدوية ..
سأحل هذا الأمر ،لا تقلقي
مشيت على الموقع في الخاريطة لغاية ما وقفت في حتة كدة كانت غريبة،حسيت إنه في غلط،راجعت الموقع في التلفون لقيته هو نفسه..
كنت واقفة لي قدام محل بتاع عربات كتيرة او مكب ضخم بتاع عربات قديمة اشكال والوان..
نزلت من العربية وانا بتلفت وقفت مسااافة بعدها رجعت إتصلت على صاحب مستر جو..
اول ما رد قلت ليه: هل تمازحني ؟
انا مختل امازح الجميع اخبريني عن اي مزحة تتحدثين؟
ما الجدوى من جعلي أتي إلى هذا المكان ؟
أنتِ هناك إذاً؟يدهشني ثباتك على المبدأ عزيزتي،قفِ مكانك،سأعاود الإتصال بك..
بقيت واقفة فجأة طلع لي من المكان دة راجل كبير في العمر ماسك كلب مربوط بسلسلة في خشمه سجاره..
قلت ليه مرحباً
قال لي تفضلي بالدخول
بقيت أتلفت حوالي ،حسيت بالخوف للحظة
دخلت ،الحتة كلها عبارة عن عربات والمساحة واسعة وكبيرة شديد ومافي وجود لحركة إنسان غيري انا والراجل دة والكلب بتاعه،فجأة شفت كلاب كتيرة في المكان بقت تنبح
قال لي لا داعي للخوف،إهنا مسالمة ووفيه اكثر من الإنسان،امضيت عمري بجانب هؤلاء الكلاب ،إنهم أبنائي..
دخلنا حتة كدة مقفولة زي ورشة تصليح عربات،قال لي إنه مكان عملي،فجأة ظهر ولد لابس ملابس المكنيكيين..
قال لي إنه إبني وسأله هل تفقدته كل شيء؟
رد ب :اجل
في المكان دة وانا ماشة ورا الراجل وقفنا جمب عربية كدة واقفة في ركن
فتح لي باب العربية
بقيت اعاين ليه واعاين للولد بخوف..
الراجل قال لي اصعدي إلى السيارة ليس هناك ما يدعو للخوف
ما كان قدامي حل غير إني اركب
العربية كانت مفتوحة من تحت مافي اي شي وفي مكانها في زي فتحة كدة فيها سلم بنزل لتحت..
الراجل قال لي الان قومي بالنزول للأسفل
قلت ليه ولكن.اعني..
لقيت نفسي ما قادرة اقول شي بإستسلام تام قلت ليه حسناً، نزلت وانا ماسكة تلفوني في يدي ،وضربات قلبي ماشة تزيد وحتى ما قادرة اتنفس بسهولة ،راسي بقى جايط عايزة اتصل ل سياف..
السلم كان متوسط الطول والمسافة ما بعيدة شديد بس الإضاءة خافضة شديد مع الخوف والتوتر ما كنت حاسة نفسي شايفة شي..
لما نزلت مسكت تلفوني اول ما فتحته وانا بتصل على سياف سمعت صوت بقول لي
هل أنتِ بخير؟
فجأة بقت في إضاءة في المكان،
بقيت اتلفت واعاين..
بحاول استوعب انا وين..
لا وقت للدهشة عزيزتي ،أنتِ متأخرة 5دقائق عن الموعد...
............
"لا شيء يحل محل شيء، كل من يمضي يأخذ مكانه معه، و كل من يأتي يبني مكانه بنفسه"...🍂🍃🦋
كيفكم يا بنات عساكم كلكم بخير وعافيه،انا اسفة والله بس من يوم شالو الشبكة السوداني وانا راسي مقطوع وم حاولت ادخل نت تاني 🤦♀️💔