14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
قام على حيله مسكته من يده ودخلته ،اول ما دخلنا قفل الباب وضماني عليه وهو ساكت..
للحظة سكنت مكاني وحسيت إني كنت محتاجاه بعد كل تفاصيل اليوم المريت بيها دي..
بعدها إنتبهت لإنه رجله وارمة،قلت ليه يا استاذ تعال خليني اخدك للسرير واحكي لي كيف وقعت الأثقال دي في رجلك
قال لي قدر بس والله
قلت ليه طيب لما يحصل معاك القدر دة تاني تتصل علي انا اول واحدة مش اكون اخر من يعلم
رغم إصرارو على معرفة تفاصيل يومي كان كيف كنت رافضة احكي ليه إكتفيت بإني انوم جمبه او في حضنه بمعنى اصح وأتظاهر إني نايمة رغم إني في الواقع كنت مغمضة عيوني وفي بالي الف كلمه بتتقال مع نفسي..
فتحت عيني الصباح ولقيت في تلفوني اكتر من مكالمة من مادلين..
خفت وإتوترت شلت تلفوني وطلعت بيه برة الغرفة ورجعت ليها وانا قلبي حيطلع من محله اول ما ردت قلت ليها مادلين..
صباح الخير سيدة شهد
قلت ليها صباح النور
لدي اخبار سيئة للغاية هذا الصباح
اعلم مادلين اخبريني ما هي؟
لقد وجد العامل المسؤول عن غرفة الغسيل
إنها اخبار جيدة ما السيء في هذا؟ اين وُجد؟
وُجد ميتاً في حوض السباحة الخاص بمنزل حبيبته السابقة..
ماذا؟كيف؟متى
اجل ،اعلم انه خبر صادم منذ الصباح ولكن كان علي إخبارك به،الشرطة تحقق في الأمر الأن..
انا قادمة في الحال
حسناً سيدتي
فصلت منها كدة بس جاتني مكالمة من ادريان صاحب مستر جو..
رديت عليه
مرحباً ايتها الفتاة،نبرته ذكرتني مستر جو لما كان بناديني ايتها السمراء..
صباح الخير
سأرسل لك عنوان ،كل ما عليك فقط هو الذهاب إلى هناك عند الواحدة ظهراً
ولكن إلى اين؟
إلى العنوان الذي سأقوم بإرسالة
لم اقصد ذلك، اقصد لمن يعود العنوان؟
ستعلمين حال وصولك إلى هناك
لست واثقة من انني سأذهب ، الأشياء المريبة في تزايد ،لا اعلم ولكنني بدأت في اليأس
اعلم جيداً ما يدور حولك الان ،واعلم ان الأمور قد بدأت تسؤ اكثر من قبل وهذا تماماً ما نريده ردات الفعل هذه دليل على ان هناك تأثير على من بالقاع،لذا اطلب منك الذهاب إلى ذلك المكان،لا اعلم لأجل من انتِ تقاتلين الان ولكن انا افعل ذلك من اجل صديقي،قضينا سنين ونحن نحاول حل لغز هذا المكان اللعين وإنقاذ ما يمكن إنقاذه،لطالما كان يقول لا بديل للمحاولة إلا المحاولة سأقوم بإرسال العنوان،حال اردت الذهاب..
قفل الخط وانا سرحانة ،لقيت سياف طالع من الغرفة وبقول لي صباح الخير..
صباح النور
عاين لي مساافة بعدها قال لي مستنيك تحكي،واضح من ملامح وشك إنه في شي تعالي،
مسكني من يدي ودخلني الغرفة..
حكيت ليه كل الحصل معي من امبارح لغاية صباح اليوم،كان بعاين لي وهو ساكت
كملت كلامي ب كنت مقررة إنه اليوم اقفل تلفوني واقضي معاك اليوم دة بما إنك عيان وكدة بس..
قاطعني وقال لي ومنو القال إني عيان وحأرقد في البيت اصلاً؟
مسك يدي وضغط عليها وهو بقول لي يمكن انا ما عندي حق اطلب منك تخلي كل شي وتطلعي من هنا ولو طلبت حيكون من خوفي عليك وحيكون كلامي مجرد رأي قابل للرفض،بس انا معاك في الشي العايزاه والشايفاه صح ،لو حاسة إنك مضغوطة والبحصل في الدار وكل شي حواليك وفي المدينة دي فوق طاقتك وقدراتك وشايفة فكرة الإنتقال من هنا حتكون خطوة صح انا معاك ما عندي مشكلة،فكري وعلى أقل من مهلتك شوفي نفسك باقية على شنو..
ما اول مرة تكون في بالي فكرة الإنتقال من هنا وإني اخلي كل شي وراي وانسى كل شي وامشي مش انتقل من هنا بس انا عايزة ارجع السودان عديل ، بس انا ما اتعودتة اتخلى عن مهامي تجاه حاجة انا مكلفة بيها،ما حأقدر اتخلى عن الناس دي وانا عارفة إنه بموتوهم بالبطيء ،الموضوع ما موضوع إنتقال بس اخلاقياً كدة ما حأقدر اعمل كدة إنت فاهمني يا سياف..
طيب في حاجة انا بقدر اعملها او اقدمها وممكن تساعدك؟
كان خاتي يدو في خدي وبتكلم معي،قلت ليه ساعدني بإنه خليك في البيت وم تطلع الشغل اليوم امبارح جسمك كان دافي طول الليل على فكرة وانا بس حأمشي وححاول ارجع بدري..
لو قعدت في البيت حأزهج إنتِ وصليني ولما تجي راجعة تعالي علي نرجع مع بعض رأيك شنو؟
طيب إتفقنا
ما كنت جايبة ليه سيرة موضوع العنوان الحيرسله صاحب مستر جو لأنه حيرفض حتة إني امشي لمكان مجهول دي..
جهزنا وعشان كنت كنت مستعجله حتى ما لحقنا نفطر ،وصلتو محل شغله قبل ما ينزل قال لي بخصوص العامل الإتوفى الأكيد إنه من ناحيتكم إنتو في السليم بس لو في اي شي بحتاج تدخل قانوني كلميني طيب؟
حاضر إن شاء الله
قال لي حأستناك المساء ،خليك بالك من نفسك
وإنت كمان
بعد ما نزل عاينت للزمن لقيتها 10:30
قلت لنفسي إتأخرت ،لقيت صاحب مستر جو مرسل لي عنوان بالتفصيل..
إتصلت على مادلين..
اول ما ردت قالت لي قادمة إليك سيدتي..
لا ما دلين لم أتي بعد،سأتأخر قليلاً، هل كل شي على ما يرام؟
حتى الان اجل كل شيء على ما يُرام
وبيني وبينك برضو كان في إتفاق يا سياف،والشغل كان على وشك فاضل شوية ترتيبات والإفتتاح ،وإنت فجأة عملت ليك كلام عرس وعلقتني وبقيت راقد ليك فوق رأي
ما علقتك يا حبيب انا قلت ليك في الوقت الحالي حأجل فكرة النقل دي ،وقلت ليك إفتتح طوالي ما تأجل انا بس ما حأكون في الإدارة بس اي شي بخص الحسابات انا موجود وريني العلي شنو وانا جاهز
طيب خليك من الشغل البينا مكتب المحاماة الكنت متحمس وبتخطط ليه وإشتغلت على نفسك عشانو عملت في موضوعو شنو برضو أجلتو؟
أنا بتكلم معاك يا سياف لأنك زول اخوي و شايفك مُأجل حياتك ومستقبلك قصاد مره،يا اخوي هي شغالة لنفسها ما ليك،النسوان ديل ضُل ضحى والعمر جاري واظنك فاهمني انا صاحب تجربة قدامك وسافي عليها التراب ومن وقتها انا مقتنع مره شغالة دي م بتنفع اسمعها مني،مره ما اخدتها من وليها ومن بيت وليها ما بتنفع،هسي البت دي بتعرف عنها شنو عليك الله يا سياف ؟ما لقيتها لافة ساي في امريكا دي مع تحفظي على باقي الكلام الفي طرف لساني،انا عندي فترة عايزة اتكلم معاك في الموضوع دة بس قلت ما احنضل عليك ايامك إنت زول كبير وصاحب العقل يميزط ..
يا اخوي كلامك على عيني وراسي والله بس كدة عاين اصابع يدك دي واحدة؟
لأ، ظلمتها في كلامك عنها دي نقطة الحاجة التانيه كان جبتها من مكان نفايات عديل دي مرتي ومحسوبة علي وإساءتك ليها دي بتمسني اكتر منها ف خلينا نقفل الموضوع دة ونعمل حساب للعشرة البينا
انا عارف اصابع يدينا ما واحدة ،الكلام دة بشمل اي شي إلا النسوان حتلف وترجع لكلامي دة وبقولو صاحب العقل يميز،المهم يا اخوي إن شاء الله ما بينا زعل والبينا عامر خلينا في المهم نتكلم في موضوع النادي احسن،انا حأحتاجك في الترتيبات لأنك عندك الفكرة اكتر
خير إن شاء الله انا م عندي مشكله جاهز بإذن الله بس خليني ارجع ليك لبعدين
تمام في إنتظارك يلا في امان الله.
.............................................
ركبت عربيتي وطلعت من الدار وإتجهت لبيت السيد تشارلي،كنت ماشة ومقررة إني اواجهه او اواجه زوجته واخد منها إجابات عن كل حاجة مبهمة موجودة في الدار دة،هم الوحيدين القادرين يجاوبو على كل اسئلتي..
طول الطريق كنت بتكلم مع نفسي وحاسة ب راسي مزحوم ومصدعة..
وصلت البيت وبقيت اضرب في الجرس لفترة ربع ساعة..
بعدها سمعت صوت عربية وقفت إتلفتة لقيت جارتهم نازلة من العربية،ارجو المعذرة..
إتلفتت علي
مرحباً
كانت مره ماسكة طفل في يدها
قالت ليها مرحباً ،كيف يمكنني مساعدتك؟
انا هنا لزيارة السيدة والسيد تشارلي ولكن يبدو ان لا احد في المنزل..
لقد غادرا المنزل منذ ايام قليله
حقاً ولكن اين ذهبا هل لديك فكرة؟
لا ولكن رأيتهما وهم يُحملان الحقائب في السيارة ،اظن انهما ذاهبان في رحلة او شيء من هذا القبيل
حسناً شكراً لك..
رجعت عربيتي وانا بعاين بإتجاه البيت،حاولت في رقم السيد تشارلي مغلق،رقم زوجته كمان مغلق..
جدعت تلفوني بغضب..
اكيد ظهور ميليسا ليه علاقة مباشرة بإختفاءهم المفاجئ دة ،يارب يكونو بخير يارب..
شلت تلفوني وإتصلت على مادلين ،اول ما ردت قلت ليها مادلين ما الذي حدث معك بشأن سائقي الشاحنات..
لقد تحدثت إلى شركة النقل واخبروني ان الشاحنات تلك لم تكن تابعة لهم ،وان شاحنات الطرود الخاصة بالدار قيد التجهيز ولم يتم إدراجها في نظام التوزيع بعد،وانهم سيقومون بالتواصل معنا حال جاهزيتها للتوصيل..
ماذا يعني هذا ؟إذاً لمن تتبع الشحنات ؟الم تكن تحمل الشعار الخاص بالشركة ؟
بالفعل كانت تحمل الشعار الخاص بالشركة،لقد قمت بمراجعة تسجيلات الكاميرات للتأكد من هذا الأمر،سيدتي اظن هناك من يعبث بشؤون هذا المكان،اظن انها كانت وسيلة لإدخال تلك الأدوية إلى هنا فحسب..
هل من اخبار عن المسؤول من غرفة الغسيل؟
لا ،حتى الان لا يوجد شيء
سأعاود الإتصال بك..
قفلت الخط منها وانا بقول معناها هم كل محاولاتهم حالياً إنهم يوصلو الجرعات دي للمسنين،واكيد هم ما حيتوقفو على المحاولة دي بس
إتصلت على الدكتور البساعدني في الفحص الدوري ..
مرحباً سيدة شهد
دكتور كيف حالك
بخير وأنتِ؟
انا بخير
كنت سأتصل بك لإخبارك ان هناك تحسن في الفحوصات الخاصة بالمسنين
حقاً؟الحمدلله إنها اخبار جيدة،كيف حال السيدة إيفا هل من جديد يُذكر؟
لا،ولكن وضعها مستقر الان
اخبرني حال هناك تحسن في وضعها وارجو ان تبقي الأمر سراً لسلامتها
سأفعل ،لا تقلقي بشأن هذا الأمر
دكتور كنت اود إخبارك بأنني وجدت بعض الأدوية بالدار ،لا علم لدي فيما تستخدم ولكنني اشك في امرها،هل يمكن ان اتي بها إليك ؟
انا خارج المستشفى الان ،يمكن ان نلتقي غداً عند العاشرة صباحاً
حسناً إذاً سأقوم بإحضارها لك غداً،شكراً لك دكتور
..........................................
تركيا&السودان ☎️
باب المكتب دق جات داخله السكرتيرة وهي بتقول لي سيدة شهد لديك إجتماع مع احد أهم المتبرعين المهمين لدينا اليوم،إنها الزيارة الأولى له هنا ،وايضاً عليك مقابلة بعض المتطوعين الجدد ومخاطبتهم وايضاً..
قبل ما تكمل باب المكتب فتح دخلت مادلين وهي بتقول لي سيدة شهد..
تفضلي مادلين
بقت تعاين للسكرتيرة وتعاين لي..
فهمت إنها ما عايزة تتكلم قدامها
قلت للسكرتيرة أتركينا قليلاً ،سنتحدث فيما بعد..
حسناً سيدتي
بعد ما طلعت قلت ليها اخبريني ما الأمر مادلين
كنت اتمنى ان اقول صباح الخير كالمعتاد ولكن على ما يبدو لا خير في هذا الصباح
بنفاذ صبر قلت ليها الا يمكنك التحدث بالأمر دون مقدمات مادلين؟..
ليله البارحة وصلت الشحنات الخاصة بنقل طرود الملابس ولكن وجدنا بعض الطرود تحتوي على ادوية، وعند مراجعتنا للشركة الناقله اخبرونا انه من الممكن ان يكون هناك خطأ حدث اثناء تحميل الطرود ليس إلا،وانهم سيقومون بمراجعة نظام الشركة وإرسال عربة لإرجاعها..
ادوية؟ما نوعية هذه الأدوية؟
لا علم لدي ولكن الغريب في الأمر انهم قامو بإيصالها عند الثانية بعد منتصف الليل،وكانو في عجلة من امرهم وايضاً من الملاحظات التي اخبرني بها احد افراد الأمن ان جميع الطرود المحتوية على الملابس كانت في المقدمة اما طرود الأدويه كانت بالأسفل لأنهم قامو بتفتيش جميع الطرود العلوية وكانت جميعها تحتوي على ملابس فقط ولم يقومو بتفتيش البقية،تم التعرف على وجود هذه الأدوية بالشحنة بسقوط احد الطرود بالأرض عند نقلها إلى غرفة الغسيل بعد ان غادر سائقي الشحنات ، قام احد الحراس بالإتصال بي وإستدعائي لأنه وجد مخزن العيادة الداخلية للدار المخصص للأدوية مقفل ..
أين هذه الطرود الان؟
لم ينتهي الأمر بعد سيدتي..
عاينت ليها بإستفهام !
عليك ان تأتي معي
مشيت معاها غرفة الغسيل،مشينا خطوات في الغرفة بإتجاه حاجز معمول في المغسله كانت مساحة فيها سلات ملابس كتيرة وأحجامها كبيرة
جرت مجموعة من السلات المرصوصين جمب بعض وفوق بعض ظهر في مكانهم باب..
فتحت الباب ودخلت وقالت لي إنتهى بنا الأمر هنا..
دخلت وراها الغرفة وبقيت اتلفت..
قالت لي رفوف تحتوي على بعض الحقن والأدوية،ثلاجات بها بعض العقاقير الطبية ،شاشة مراقبة لجميع الغرف بالدار ومكاتب القسم الإداري ،المطبخ ،الطوابق...الخ
جميع تحركات من بالدار تتم معرفتها هنا..
ألهذا الأمر علاقة بالمروحية التي هبطت بالسطح تلك سيدتي؟
كنت بعاين في الغرفة بصدمة
بعد إنتبهت لكلامها قلت ليها سنحصل على إجابات هذا الأمر من المشرف المسؤول عن غرفة الغسيل..
قالت لي إنه مختفي منذ البارحة ،بحثنا عنه طوال الليل ولم نجده ،أعتقد انه كان ينتظر وصول هذه الطرود المحملة بالأدوية لتخزينها هنا،لأننا وجدنا هذا الباب مفتوحاً ، وعند معرفته اننا علمنا بأمر الأدويه ترك كل شيء وذهب ،أظن ان الأمر لم يسير كما خطط له..
هل قمت بمراجعة الكاميرات؟
لا،كنت بإنتظارك لإخبارك اولاً ،لأنني اعتقدت بأنني ارتكب خطأ ما وان هذا هو المخزن المخصص للأدوية..
لا ،إنه ليس المخزن المخصص للأدويه هناك مخزن بالعيادة الداخلية
سأطلب منك شيئاً مادلين ،ابقي هذا الأمر سراً
أي امر سيدة شهد؟
من ردها فهمت إنها فهمتني
إذا لنذهب لمراجعة كاميرات المراقبة..
تلفوني رن،كانت السكرتيرة ،رديت عليها قالت لي سيدتي،بخصوص الإجتماع مع المتبرع ،إنها هنا بإنتظارك..
انا قادمة الان
قفلت الخط وقلت ل مادلين:سأترك لك امر مراجعة الكاميرات،لدي إجتماع الان سأذهب ،تعالي إلي عند الإنتهاء من امر المراجعة سأكون بإنتظارك
إتفقنا
مشيت بإستعجال عشان المفروض انا اكون منتظراه و استقبله،لما وصلت قلت للسكرتيرة أهو بالمكتب ؟
قالت لي لا ولكن..
قلت ليها حسناً سأكون بإنتظاره
دخلت ورتبت المكتب وانا برتب في نفسي باب الغرف دق..
دخلت السكرتيرة وقالت :تفضلي سيدتي ،السيدة شهد بإنتظارك..
وقفت على حيلي وعاينت بإتجاه الباب إتصدمت واخدته وقت وانا واقفة..
مرحبا سيدة شهد
قبل م افتح خشمي قالت لي اعرفك بنفسي انا جوليا ادامز تشرفت بلقاءك..
مدت لي يدها..
قلت ليها ميليسا؟ ماذا تعني ب جوليا؟
قعدت وخلفت رجلها..
كان شكلها مختلف تماماً عن اول مرة شفتها فيها،لبسها،لون شعرها،مكياجها..
كنت بعاين ليها وانا بحاول اصيغ جملتين ورا بعض..
قبل ما افتح خشمي قالت لي:
كيف وجدتِ العمل معنا؟وكيف حال إدارة هذا المكان معك؟
العمل معكم؟عن أي عمل تتحدثين؟من أنتم ؟
هذه اسئلة ليست للإجابة عزيزتي،لقد سأل الكثير قبلك هذا السؤال ولم يجدو إجابه،وقد بحث الكثير وكلفهم هذا البحث أرواحهم..
دعيني أفهم ،هل تعني أنك قمت بإستدراجي وإدخالي لهذا المكان ؟حاولت الإتصال بك مراراً لم أستطيع التوصل إليك والأن أنتِ..
#ليله_في_ديسمبر51
كل الطلع مني لحظتها كانت تنهيدة ..
كنت زي الزول البحاول يشتت نظراته عشان ماينهار لأني متأكدة في اللحظة دي لو رفع راسي من مكانه وعاين لي ،حأبكى..
لدقايق معدودة كنت ساكنة ومحاولة اتناسى كل شي
قلت ليه عارف يا ريت حياتي تكون بالسكون الحاسة بيهو في اللحظة دي..
تتوقع البحصل معي دة لأني بستحقه؟
لا ،أياً كان البحصل معاك في البلد دي اخدي منه جانب إنه ربنا بخت حكمته في اضعف خلقه..
يعني كل شي حيكون بخير؟
أثر السعادة والإطمئنان والأمان البترسم على وشوش الناس دي وفي نفوسهم نتيجة محاربتك عشانهم وحتى هم م عندهم خلفيه عنه ولا عن إنتِ بتواجهي في شنو عشانهم يستحيل بعد ده كل شي ما يكون بخير يا شهد ،دة الخير كله صدقيني،انا واثق إنه ربنا م ختاك في طريق الناس دي ساي
شديت قبضة يدي بقميصه ودفنت راسي في صدره وانا بقول في نفسي يا سياف يا ريت لو نظرتي للأمور تكوون بنفس الزاوية الإنت بتشوفها بيها..
واحد من الجوانب العرفتها وانا مع سياف إنه في الحقيقة حتى لو كنت قوية ومسؤولة محتاجة لشخص يربت على كتفي ويقول لي بسم الله عليك حتى من نسمة الهواء...
ندخل البيت؟
دة كان سؤال من سياف خلاني احس على روحي..
رفعت راسي وانا شعوري مختلط بين التوتر والخجل..
مسك يدي وقال لي يلا
دخلنا البيت ونحن جمب باب الغرفة قال لي جعانة؟
هزيت ليه راسي ب لا!
متأكدة ؟
قلت ليه ايوة متأكدة
قال لي طيب انا حأمشي المطبخ واجي إنتِ إرتاحي..
دخلت غيرت ملابسي ومن تعبي شلت المصلاية بس وبديت اصلي حسيت بحركته وهو داخل، صليت اكتر من فرض مع بعض ومسكت المصحف بديت اقرا وهو قاعد مستنيني، عديت تقريباً ساعة وانا في مكاني وهو قاعد في مكانه،في لحظة لقيته شال مني المصحف وقفله وختاه على جنب،وقومني وقال لي تعالي..
اداني كباية موية شربت،شال كباية عصير اداني ليها قلت ليه لأ ما نفسي لو حسيت إني عايزة شويه كدة حأخده
تعالي طيب حاولي نومي وإرتاحي
شال الطرحة من راسي ،وفك زرارات العباية وشالها هي والطرحة ختاهم على جنب وقال لي يلا حاولي تنومي وما تفكري في شي نومي بس صباح الله بخيرو..
وهو زاتو م خلاني ومشى ، لقيته راقد جمبي..
بقيت اعاين ليه مسافة،قلت ليه عارف صليت بس حسيت إني م عاوزة اوقف صلاة ابداً، صليت الأوقات كلها لأني ما لحقت اصلي ولا وقت اليوم،..
قال لي المهم حسيتي بنفسك مرتاحة وإنتِ بتصلي صح؟
هزيت ليه راسي بمعنى ايوا
قال لي وربنا ما برد عبد من عباده لجأ ليه،خت يده في خدي وقال لي خفت عليك شديد اليوم، الحمدلله إني شايفك قدامي في اللحظة دي وبخير..
قلت ليه يارب اكون بخير ،يارب
تعالي ضماني عليه وقال : بسم الله الذي لا يضر مع إسمه شيءفي الأرض ولا في السماء وهو السميع العليم،بسم الله ،اعوذُ بكلمات الله التامات من شر ما خلق..
قرأ في راسي الفاتحة والمعوزتين والإخلاص واية الكرسي..
الحاجة الوحيدة الكنت حاسة بوجودها حوالي في الغرفة هي ريحة عطره وصوته،حتى بعد ما نمت كنت حاسة بإني سامعة صوت تلاوتة طول فترة نومتي لدرجة إني صحيت مخلوعة بعدها إستوعبت إني بحلم وهو نايم جمبي..
زمان كان كل مرة زول يلجأ لي وهو برجف بكون ممتنة بداخلي، كل شيء فيني بيكون ممتن إنه ربنا سخرني للشخص دة،صح كانت علاقاتي اغلبها سطحية وم عندي إحتكاك بالناس شديد بس كنت بحب أكون ملاذ أمن للناس من سؤ العالم دة، وبدعي ربنا دايمًا اني أكون قدر المكانة المديني ليها الزول البلجأ لي دة وقدر عشمه،أحيانًا كنت بحس قلبي ما بكفي يحتويهم كلهم.
كنت بفكر في الكلام دة وبعاين لسياف ،وحقيقي إقتنعت إنه الواحد ما حيخاف من إنه البعمله يرجع ليه طالما واثق من افعاله، ولا حيخاف من إنه الأيام تدور لأنه ربنا حيسخر ليه الحيهون عليه مشقة الطريق..
قربت يدي ومشيتها في طرف لحيته بعدين إتراجعت وإتحركت من جمبه ونزلت..
فكرت إني اعتذر ليه
فتحت الدولاب بتاعه طلعت ليه ملابس
ختيتها في طرف السرير وجبت العطر والساعة ..
كنت بتحرك كتير في الغرفة متعمدة عشان يصحى،في الأخير جبت مكنسة الكهرباء شغلتها وبقيت حايمة بيها في الغرفة..
فتح عيونو وقعد في السرير وبقى يعاين لي
قلت ليه صباح الخير ما يكون صحاك صوت المكنسة؟
قال لي بغيظ لالا ابداً صحيت بالمنبه
عاين لملابسة الفي طرف السرير مسااافة وعاين لي
وانا عاملة روحي لسة بنضف..
نزل دخل الحمام لما جا طالع لقاني حولت الملابس من طرف السرير وختيتهم في إتجاه هو برقد بطريقة مرتبة..
بقى يعاين لي بإستغراب بس بدون تعليق مشى شالهم وانا شلت المكنسة وطلعت من الغرفة..
لما جيت راجعة لقيته لبسهم وكان بس بلبس في الساعة
لما شافني داخلة قال لي تمام كدة ؟
قلت ليه هو شنو التمام؟
أشر لي على ملابسه
وقفت قصاده ومسكت يده صلحت ليه كفة القميص بتاعه وقلت ليه مظبوط كدة
مع إني ما فاهم شي بس خيار موفق
تفضلي معي
رجعنا مكان كنت قاعدة
كان جايب لابتوب وجايب جمبة زي دفتر كدة كبيير وقديم شديد شكله ومغبر
شال الدفتر ومداه لي وقال لي تفضلي،المنزل مغلق منذ فترة طويلة لذا هو متسخ قليلاً
فتحته كان عبارة عن ألبوم صور
بقيت أقلب فيه وانا اثار الدهشة بتحيط بملامح وشي..
بعد ما خلصت وقفلته..
قال لي إنهما ليسا مجرد شخصان عاديين ،إنهم صديقا الطفولة،لقد ترعرنا سوياً إلى ان تخرجنا من الثانوية وبعد ذلك كل منا سلك طريقة
اصبح جو صحفياً إسقصائياً
وادريان إنتقل إلى شيكاغو
اما انا ف اصبحت سياسياً
وإجتمعنا مرة اخرى على قضايا المجتمع،وقربتنا قضية إختفاء إبنتي،وتسببت في تفريقنا ايضاً،لقد تسببت في موت احدهما وإدخال الاخر بمصح عقلي
فتح اللابتوب
وشغل لي تسجيل صوتي محتواه :ابي انا بخير..
هذا اخر تسجيل صوتي لإبنتي تم إرساله لي في اول يوم تم إختطافها فيه ،امضيت كل هذه السنين استمع إليه لخلق شعور وهمي بالإطمئنان ثم اعود للواقع..
عجز محققين العمل الخاص والكثير من الجهات دون ذكر اسماء عن كشف ما يدور حول ذلك المكان،جُل ما يمكنني قوله لك ان القاع لا طريق للعودة منه،جميع من حاولو القفز به لم يعودو
إستمعي لهذا
هذا كان اخر تسجيل لصديقي جو قبل وفاته بيوم وهو يخبرني فيه انه على وشك الخروج من ذلك المكان ولكن لديه ما يبحث عنه
علمت حديثاً من ادريان انه تمت سرقة بعض الأشياء منه وضمن المسروقات كان جهاز الحاسب الخاص به و إحدى الفلاشات المهمة التي عمل كثيراً على تجميع ما بها وفقد كل شيء قام بجمعه
هذه كانت اخر صورة قمت بإلتقاطها له ذات مكالمة لنا مع بعضنا البعض،وعندما اخبرته بملاحظتي عن ذلك الشيء الذي خلفه قال لي ممازحاً إن مت سترثه عني في جميع الأحوال إنه اغلى ما املك وذا اهمية بالنسبة لك مثل ما هو مهم بالنسبة لي الان لم تمضي ايام قليله وقام بإهدائي واحد مثله واخبرني ان شكلها والتأمل بها يقلل الإجهاد ويكافح الإكتئاب ويقلل الألم ويخفض ضغط الدم المرتفع وتحث على السلام والإتزان في حياتك،أضمن لك انها ستحقق لك السلام والإتزان في حياتك ذات يوم..
لقد سخرت من حديثه ذلك اليوم وندمت على سخريتي منه لم يبقى منه سوى هذا الشيء وها هو الان في هذا الحائط كما ترين..
كانت مانديلا او حاجة اشبه بالمانديلا فيها حاجات كتيرة زي سلاسل نازلة منها ،شكلها حلو شديد مشغولة بالخيط والخرز..
شال الألبوم واللابتوب وإستأذني ورجع..
وانا واقفة بعاين للحاجة الشبه المانديلا المعلقة في الحائط جمب صور بته دي جات مادلين قالت لي سيدتي هل إنتهت مقابلتك؟
قلت ليها ليس بعد هل حدث شيء ما بالدار؟
لا ،ليس هناك شيء
وقفت جمبي وبقت تهاين
قالت لي منزله جميل للغايه،
اظن انني رأيت مثل هذا الشيء بمكان ما
قلت ليها تسمى مانديلا تتم خياطتها يدوياً كما ترين..
لا أعلم ولكن ليس بغريب علي شكلها،رأيت مثلها تماماً ولكن اين؟..
إنتهى كلامنا برجعة الراجل..
قال لي ينبغي ان يطول حديثنا اطول من ذلك ولكن يجب ان اذهب الأن..
قلت ليه ولكن سيدي أهم ما اردت الحديث به هو..
اعلم ما الذي ترغبين في قوله ،لا اعلم تماماً من هي لأنها لم تترك وراءها ما يمكن معرفته حتى الان ، ولكن ساخبرك امرين الأول إنها فقاعة في ذلك البئر،الثاني سنتحدث به في لقاءنا القادم لا مزيد من الوقت لدي ارجو المعذرة..
حسناً سيدي ،رقم هاتفي معك ،اتمنى ان نلتقي مرة اخرى قريباً
طلعت وانا راسي عايز يطق،كيف ممكن يكون عندو خلفية عن واحدة ممكن تكون متورطة بإختطاف بته ويخليها تعرس ولده عادي؟
،ركبت العربية وطول الطريق وانا ساكتة ولاحظت لمادلين كمان ساكتة..
قلت ليها مادلين سأقوم بإيصالك للدار ومن ثم سأذهب للمنزل لأنني متعبة قليلاً
حسناً سيدتي
فضلت طول الطريق سرحانة وبفكر في مقابلتي للراجل كلامه ونبرته وتحركاته وردود فعله..
وصلتها الدار نزلت وقلت ليها إلى اللقاء
قالت لي الى الى اللقاء سيدتي
وانا ي دوب متحركة لقيتها بتنادي علي وجاريه وراي وقفت العربية ونزلت القزاز بإستغراب قلت ليها ماذا ؟ما الأمر مادلين؟
لقد تذكرت ،تذكرت ذلك الشيء ذو الشكل الغريب الذي كان بحائط منزل ذلك الرجل..
قلت ليها بنفاذ صبر ظننت ان شيء ما حدث ،او ان هناك شيء مهم يا إلهي لقد اخفتني ، انت غير معقولة مادلين..
لا سيدتي، اردت فقط ان اقول يوجد اخر مماثل له تماماً معلق ب باب الغرفة التي قمنا بالدخول إليها ليلة البارحة..
ضغطته على عيوني بأطراف صوابعي وقلت ليها إلى اللقاء مادلين
إتحركت بالعربية مسافة قريبة إستوعبت هي قالت شنو وقفت العربية ورجعت بسرعة هي كانت لسة م دخلت اصلاً..
ندهت عليها مادلين ونزلت بسرعة..
عيدي ما قلتِ قبل قليل اين رأيتي ذلك الشيء؟
قفلت الخط وانا حاسة إنه الأدرينالين بقى يجري في دمي بعد ساعات طويلة من التفكير المتواصل،كلامه الأخير ده هو الكنت محتاجة اسمعه،م عارفة جايب الثقة دي كلها من وين لكن العارفاه إني كنت محتاجة اسمع الكلام دة
خلصت موضوع التحويل في الصرافة ومشيت الدار..
وانا داخله لاحظت ل مادلين قاعدة في الحديقة وسرحانة ويبدو عليه الحزن واليأس على غير عادتها..
مشيت عليها وقلت ليها مادلين
إنتبهت وقالت لي سيدة شهد،مرحباً
أأنتِ بخير؟
نوعاً ما بخير
ما الأمر اخبريني اهناك شيء علي معرفته؟
لا،الأمر يتعلق بالشركة التب نعمل بها،منحتنا الشركة انا وفريقي فرصة 6أشهر فقط لإثبات جدارتنا وإستحقاقنا لإستمرار العمل معها وإلا سيقومون بفصلنا،تخليت عن اشياء كثيرة وغيرت الكثير من العادات السيئة من اجل هذا العمل،الان لا اعلم ما الذي علي فعله حال تم فصلي انا واصدقائي..
ما هو النظام المتبع لدي الشركة وكيف يتم تقيم الفريق على أنه يستحق مواصلة العمل بشركة التأمين ام لا،هل يتم فصل الفريق بأكمله؟
نعم يتم فصل الفريق بأكمله ،إنه بند من بنود العقد
ولكن مادلين هذا ليس عدلاً..
أعلم وهناك الكثير من البنود التعجيزيه ولكننا نخضع لها لأننا بحاجة للعمل ،لا أريد ان ينتهي الأمر بي بالعمل في المطبخ،ليس لدي شغف به لذا..
حسناً اخبريني ما الذي يمكنني ان أقدمه لمساعدتكم حتى لا يتم فصلكم؟
يجب ان نتحصل على تقرير شهري وتقيم من الجهه التي سنعمل بها ،المشكله انه سيتم تبديلنا الشهر المقبل من هنا بفريق اخر ،ويتم نقلنا لمؤسسة أخرى وهكذا سيتم نقلنا كل شهر لمؤسسة جديدة وهناك نقاط إذا لم نتحصل عليها من جميع المؤسساات في التقيم لا يمكن ان..
ما كملت كلامها وهي بتعاين لي..
لم يكن لدي علم بهذا كله،لا اعلم م الذي علي قوله الان دعيني ارى ما يمكنني فعله سأفعل ما بوسعي لتقديم المساعدة..
شكراً لك
أهناك جديد بشان ما حدث الليله السابقة؟
لا ولكن هناك امر ما ،سأخبرك به لاحقاً ليس الان..
حسناً ساكون بإنتظارك.
....
السعودية//السودان☎️
وبعد تطلقها وترجعها السودان حيحصل شنو؟او الحيتغير شنو يا طارق يا ولدي؟
ماف شي حيتغير يا خالتي بس انا كدة حأكون مرتاح من حتة إني م ظالمها معي وحابسها بين اربعة حيطان
إنت كدة ظلمتها وم راعيت حتى لجناك الجاي في الطريق وم عنده ذنب دة
انا لو خليتها معي في البيت يا خالتي حاكون ظلمتها وظلمت الولد دة ،انا م قادر اقدم ليها شي من ناحيتي
ياخي اصبر،نزلها السودان فترة ارتاح وهي ترتاح م إلا طوالي تتطلق منها ،البت شافعة الله بسألك منها يا طارق يا ولدي
خالتي،في حاجات كتيرة انا حكيتها ليك قبل كدة ،انا جد قدر م حاولت اتجاوزها لقيت نفسي م قادر اتجاوزها إنتِ ياخالتي الوحيدة الأنا حاكي ليك يمكن وقادرة تفهميني..
طارق قرار زواجك منها دة كان قرارك في الاول والأخير ،وانا سألتك لما جيت تتم العرس حتمسكها مسكة رجال؟
قلت لي اي يا خالتي
انا قادرة افهمك لكن إنت م تنسى إنه إنت إتجاوزتة نقطة إنه امجد كان عايز البت دي من بدري شديد وكان بجهز في نفسو ومنتظرها تكبر وتدخل الجامعة حتى بعداك يتقدم ليها ،رغم إني كلمتك إنه البت دي امجد عايزها وم موري زول غيري حتى شهد اخته م مكلمها عشان سندس م تعرف وتتعلق بيهو ساي وتنشغل من قرايتها وهو شايفها صغيرة وم معروف البحصل لقدام شنو حسب طبيعة شغلو وإنت عملت شنو رغم معرفتك بالموضوع دة؟
يا طارق الإنت بتعملو مردود ليك هسي بسببك لا إنت عرست شهد،ولا إتهنيت بي عرسك من سندس ولا خليتها ل امجد يتهنى بيها،الشربكة دي كلها سببها إنت يا طارق وبدفعو تمنها كلهم ف عشان كدة اصلاً م تتكلم عن إحساسك لأنك م راعيت لأحاسيس غيرك وإنت بتتغابى وبتتحامي وم سمعت لزول عشان تتريس،اليوم كل الناس دي في حفرة اليأس دة بسببك إنت ما غيرك ف م اقول لي انا ما قادرة تفهميني لأنه الإنسان الأناني يستحيل يتفهم ..
..............
سانفرانس /Us🇺🇲
الساعة 3ونص جات ودي كانت مواعيد الطلعة بتاعتي،كنت طول اليوم بعاين للتلفون على امل إنه سياف حيتصل او يرسل رسالة حتى م حصل كدة رغم معرفته بإني اليوم عندي شنو ،
ركبت العربية وقبل م اتحرك للحظة قلت اتصل عليه او ارسل ليه رسالة اقول ليه فيه إنه طالعة خلاص ماشة اقابل الراجل ،بعدين إتذكرت النبرة القلت ليه بيها:
اصلاً حأعمل المناسب معي من غير ما تقول..
طردتة فكرة إني اتصل او ارسل من راسي وشلت تلفوني وإتصلت تلفون..
مادلين اين انتِ الان
نعم سيدة شهد ،انا بالطابق الثالث
انتظرك امام البوابة ،هيا تعالي
ماذا حدث،أهناك مشكلة؟
لا فقط تعالي،انا في إنتظارك..
في اقل من 5دقايق جات قالت لي سيدتي..
هيا اصعدي..
ركبت وقالت لي إلى اين سنذهب ؟
لدي مقابلة مع شخص ما ،لا مشكلة لديك بمرافقتي أليس كذلك؟
لا سيدتي من دواعي سروري
لبست حزام الأمان وقالت لي فقط سأتصل بمن معي من مشرفين لتولي امر العمل إلى حين عودتي..
ضحكت وانا بقول ليه مع إنه ما فهمت بس شكلو كلام حلو
رجعت سالته كلام حلو صح ؟
ضحك قال لي يلا ي شهد انزلي وادخلي البيت نومي😂💔
...
السودان/
مافي طلعة من البيت يا رفيدة رجعي الملابس دي الدولاب
ما اول مرة يطردني يا امجد انا لو م عمي عبدالله وعمتي سميرة ماف سبب بقعدني في البيت دة الوقت دة كلو اصلاً،وانا كم مرة بقول ماشة بتقولو لي لأ وبتضربو لأمي وأبوي بتتكلمو معاهم وبقعد ، الله م كتر إلا الداخليات في الخرطوم دي..
وهسي عشان عمك عبدالله وعمتك سميرة حتقعدي ،في بيتنا دة معروف شهاب اخوي دة اروش وطالع زكاة ساي ما تشتغلي بيه،بس برضو يا رفيدة إنتِ غلطانة،انا عارف إنك معتبرانا اخوانك وم بترضي فينا قول بس برضو الدم بلغي اي غلط من الطرف التاني،انا سامع هي كانت بتقول في شنو وكان تفت في وشي عديل ما برفع يدي عليها لأنه امي الله يرحمها زمان كانت بتقول لينا البضرب ليه مره بكره بجي البضرب اخواته وبناته ويهينهم ليه ،تاني شي لأنو راجلها قدامها م إحترمتو تفتكري الضرب حيخليها تحترمني انا؟
م إلا يخليها تحترمك يكفي جداً إنه تبلعها لسانها عشان كل م تتذكر تفتحه تتذكر لسانها دة عمل فيها شنو
عموماً يا رفيدة هسي الموضوع دة إتقفل وم عايزو يطلع من بيناتنا لا خالتي تعرف ولا شهد،والشنطة دي زي م قلت ليك مكانها الدولاب إنتِ وشهد واحد و..
اثناء ما هو بتكلم جاتو مكالمه..
ألو..
ألو السلام عليكم
يا امجد كيفك
الحمدلله بخير
معاك سندس يا امجد
يا سندس كيفك تمام وكيف اخبارك وخالتي وطارق كويسين؟
الحمدلله كويسين
لحظة صمت وصوت بكاء
سندس ؟؟
لكن انا ما كويسة يا امجد،ما كويسة نهائي
خير إن شاء الله مالك يا سندس؟
ما عارفة،م قادرة افهم الحاصل شنو،طارق فجأة جا قعد معي وقال إنه اول م ألد حيطلقني ،واصلاً عنده فترة معيشني في ضغط نفسي ومشاكل وجوطة من يوم عرسنا م شفته معاه يوم عديل ،م مرتاحة انا نهائي ،وعمتي من ناحية ضاغطة علي ،وخيلاني بقولو لي م عندنا مرة بطلقوها تقعدي بس،إتصلت على امي وريتها قالت لي ماف زول بمسك ليهو عذبة ،سمح انا اسوي شنو ؟اقول يا منو ؟امشي وين ،تعبانة والله يا امجد وم عارفة اقبل على وين،وصلت الحد والله حاساهو حاقر بي وبذلني عشان عارف ما عندي البقيف فيني
تقبلي على وين كيف يا سندس؟ما عندك البقيف فيك كيف؟نحن م اخوانك؟بيتنا دة م إتربيتي فيه زيك زينا ؟حصل فرزناك من شهد؟
طارق خليني انا بتكلم معاه وافهم منه الحاصل شنو وم تخافي انا طول عمري كنت اخوك مشيت وين ؟ اصلك م تتلفتي وم اسمعك تقولي الكلام دة تاني فاهمة ولا لأ؟
طيب حاضر
انا بتكلم مع طارق وبرجع ليك إن شاء الله ،م تشتغلي بيه ركزي مع نفسك وصحتك بس الفترة دي على قدر ما تقدري
عليك آلله يا امجد إتكلم معاه انا م عايزة اطلق منه والله ،والله عندي إستعداد أعمل العايزو بس يوريني هو مشكلتو شنو وليه بتعامل معي كدة ،تعبت والله من معاملتو معي دي ابداً م اتوقعت في يوم يكون دة شكل العلاقة بيناتنا
سندس تعملي العايزو يعني شنو؟
طيب يا سندس إن شاء الله انا بتكلم معاه
امجد
ايوا يا عمتي
في زول في الباب
طيب دقايق
امجد اول ما فتح الباب
السلام عليكم ورحمة الله وبركاته يا إبني
اووو يا استاذي وعليكم السلآم مرحب مرحب
مرحب بيك يا ولدي عاش من شافك
والله يا استاذ يومي بقول عايز امشي عليك م بلقى وقت بقول بكره وبرضو بكره اليوم بمشي إتفضل
والله يا إبني عاذرك اليوم بقى ثواني وينتهي
إتفضل يا استاذ دقايق بس وأجي عليك
اخدته الأستاذ للصالون وطلعت منه وانا بنادي يا رفيدة،رفيدة..
ردت علي عمتي:اي ي امجد
يا عمتي عليك الله جيبي مويه وعصير برتقال خالي سكر تمام؟
منو الجا؟
استاذ محمود الصحفي متذكراه؟
ياخي حبابو والله،خلاص كويس هسي بجهزو واجيبو ليكم،اسوي ليكم شاي؟
ممكن برضو
رجعت الصالون وجددت ترحيبي بالأستاذ..
لازم كان اجيك هنا لأنه المكتب انا م بضمن النفوس الفيه صراحة، والملف الإنت طالبو مني دة تفتيشه م كان ساهل ابداً أرهقت حد اليأس حتى قدرت اجمعه من هنا وهناك..
لكن خليني احذرك الموضوع دة حيفتح عليك ابواب كتيرة شديد إنت يمكن..
يا أستاذي عارف انا ،وعارف هسي في الوقت الحالي بفتشو وراي وبحاولو يعرفو انا بعمل في شنو عشان كدة طلبت منك إنت الحاجة دي وم حاولت اعملها بنفسي..
انا حادرس كل الملفات والقضايا الكانت مُضلله مجتمعياً دي م حتوقف على قضية وفاة امي بس ويا جبت اخرهم يا جابو اخري..
انا معاك في كل الأحوال يا ولدي لو إحتجت حاجة بس إتصل علي بالرقم الأديتك ليه وم تتصل برقمك ،وكمان نسيت اهم حاجة جيتك عشانها ،في معلومات بتأكد إنه العامل الكان متهم بقضية قتل اختك والوالدة الله يرحمها عفت عنه وأسقطت عنه التهمة هو في امريكا الأن ،غالباً بعد ما طلع من السجن قدرو يسفروه بطريقة غير شرعية وياها شغلتهم في كل الأحوال ما صعبة عليهم ومقابل مغري جداً مقابل سكوت الولد عليها..
كنت بفتش عليه وبحاول اصل ليه ظناً مني إنه حألقاه هنا..
#ليله_في_ديسمبر50
أرمي حمولك علي وم عليك بالباقي
بتردد قلت ليه اصلاً في وجودك انا م حاسة بأي حمول
بقى يعاين لي ويعاين للورد بدون م يسأل بس واضح إنه في طرف لسانه في كلام عايز يقوله
قلت ليه تايسون ادامز
مالو؟
الورد دة منه ،كنت متوقعة إنه حأصبح ويدي مكبلات بالأصفاد ف حالياً بحاول استوعب إنه مرسل لي ورد
مديت ليه الكرت
قال لي م مكتوب إسمه متأكدة إنه منه؟
ركز في نهاية الكرت،هو م كاتب إسمه بس كاتب لي رقم لوحة العربية زي م انا عملت لما كتبت ليه رقمي في الورقة تحت كتبت ليه رقم لوحة العربية
وهو كيف عرف عنوانك طيب؟
بقيت اعاين ليه بتوتر قلت ليه م عارفة
وحيحصل شنو هسي؟
حأمشي اقابله في عنوانه المكتوب هنا في نوب هيل.
حتمشي؟
ايوا طبعاً لكن بكرة لأنه كاتب التاريخ مرفق مع العنوان وحتى محدد الزمن لو لاحظت..
لاحظت ، وانا م قصدي متين قصدي متأكدة من قرار مشيتك ومقابلته دة؟ليه هو م يجي يقابلك ؟
وهو بتكلم باب المكتب دق ،مادلين جات داخلة قالت لي سيدة شهد عليك رؤية هذا،إنتبهت لوجود سياف قالت ليه صباح الخير سيدي
صباح النور مادلين
قلت ليها أخبريني ماذا هناك ؟
قالت لي :هناك ما يجب عليك رؤيته ،تعالي معي إلى غرفة المراقبة
طلعت معاها وصلنا الغرفة
قالت للولد المسؤول أيها الفتى هيا قم بتشغيل ذلك الفيديو
وقالت لي أنظري لهذا تم تعطيل الكهرباء بهذا الطابق عند الساعة الساعة ال11:30دقيقة في الوقت الذي كان فيه الحراس المناوبون بالطابق السفلي..
تم قطع التيار الكهرباء لمدة لا تتجاوز ال4دقائق فقط
وانظري لهذا الطابق المؤدي إلى السطح تم قطع التيار منه عند الساعة 11:35دقيقة
وعودة التيار عند الساعة 11:40دقيقة
وبعد 10دقائق تم قطع التيار الكهربائي مجدداً من الطابق المؤدي إلى مخرج السطح ،ومن ثم الطابق الثالث
طلبت من الولد يعيد المقطع
عاده لي للمرة التانيه
قلت ليه ممكن مقاطع كل الطوابق في الزمن دة بالتحديد
قال لي حسناً.
راجع معي مقاطع كل الطوابق وم كان فيهم حركة غير حركة بتاعين الأمن المسؤولين منها
طلعت من الغرفة وجات مادلين لاحقاني
قالت لي قطع للتيار الكهربائي بشكل جزئي وغريب من المبنى ،واثار لهبوط مروحية على السطح واثار اقدام ماذا يعني هذا؟
يعني ان هناك شخص بهذا الطابق يمارس معنا لُعبة التخفي
ولكن سيدتي بحسب ما لدي من معلومات انه تم إخلاء غرف الطابق الخامس لأعمال تتعلق بصيانته وتم توزيع المسنين إلى طوابق أخرى
اعلم ذلك ولكن لم تبدأ به اعمال الصيانة بعد
للحظة سكتته و إتذكرت ،الطابق الخامس؟
غرفة السيدة إيفا في الطابق الخامس ،ممكن يكون الموضوع ليه علاقة بيها؟
مشيت بإتجاه المصعد كان لسة ي داب طالع وحياخد وقت على بال ما ينزل،مشيت على المدرجات ومادلين وراي بتسألني سيدتي اهناك مشكلة
قلت ليها سنكتشف هذا الان
كنت بإستعجال طالعة السلالم وهي وراي بتاخد نفسها بالعافية وبتلهث من السرعة الأنا ماشة بيها وبتحاول تصلني ،قالت لي سأخبرك سراً ،أشعر أنك تفعلين بي مالم تستطع صالات الرياضة والدايت والصيام المتقطع فعله ،أشعر أنني افقد دهوني كلما قررت مرافقتك لأمر ما،اخشى ان استيقظ يوماً على رؤية جسدي مثلك تماماً
عاينت ليها بإستفهام
وقفت وهي بتقول لي اقصد رشيق سيدتي
واصلنا مشي لغاية م وصلنا الطابق الخامس وصلت غرفة السيدة إيفا إتلفتة وراي وانا عايزة اقول ليها المفتاح لقيتها على بعد مسافة مني واقفة وبتاخد نفس
سألتها :مادلين هل تم تسليمك النسخ الإحتياطية الخاصة بمفاتيح الغرف؟
اجل سيدتي إنها بحوزتي،جات بإستعجال ومدت لي المفاتيح وقالت لي هذه هي النسخ الخاصة بالطابق الخامس
بقيت افتش بين المفاتيح على المفتاح العليه رقم الغرفة لغاية م لقيته
فتحت الباب ودخلت وبقيت أتلفت حواليني
الغرفة كانت شبه مرتبة زي م كانت
لما وصلت النص لاحظت لقزاز واقع الأرض وشي مكشوح
نزلت وبقيت اعاين للمكشوح في الأرض كان رمل
شلت جزء من القزاز في يدي
مادلين قالت لي ما هذا؟
قلت ليها تبدو ك ساعة رملية
أهذا يعني انه حقاً ليله البارحة كان لدينا زائر؟
عاينت بجهه الخزانات بتاعتها كانت شبه فاتحة..
قلت ليها زائر لديه ما يبحث عنه، شيء مهم للحد الذى جعله يأتي بمروحيه لأخذه
مشيت على الدرج وفتحته فعلاً كان مُقلب
فتحت الأدراج التحته كلهم كانو بنفس الشكل..
مشيت فتحت الدولاب بتاعها كان في حالة فوضوية،بقيت اعاين فيه هي ممكن تكون مخليه شنو مهم في الغرفة للدرجة دي؟
مادلين فتحت الحمام
بعد مسافة جات طالعة وهي بتقول لي لا شيء هنا
قلت ليها وهنا ايضاً لا اثر لشيء يذكر سوى هذه..
تلفوني ضرب لقيته سياف
اول ما رديت: شهد وين إنتِ؟
جايه عليك
قفلنا الغرفة ورجعنا المكتب لقيت سياف طالع
اول ما شافني قال لي خير في شنو؟
ماف شي غير إنه الطريق بتزيد تعرجاته وعوجاته وخنادقه وغموضه المخيف كل شويه..
طيب في شي انا بقدر اعمله ؟
لأ ،انسى ،حتمشي؟كنت بتقول في شنو قبل ما اطلع؟
مشيت عليه وانا مترردة وبتلفت،شلت البوكيه لقيت عليه كرت مكتوب فيه"البدايات الخاطئة تعطي نتائج خاطئة"..
لنلتقي مجدداً
و تحتها عنوان محتواه:
نوب هيل/p235/..
وتحت مكان التوقيع مكتوب ارقام
اول م قريتهم قلت: تايسون ادامز؟
باب المكتب بتاعي دق في لحظة
لميت الكرت سياف جا داخل ولسة كان الورد في الدرج بتاعي..
إستغربت من جيته لأنه وصلني هو بنفسه ومشى..
قلت ليه اهلين
قال لي في حاجة كنت عايز اقولها ليك من امبارح ومتردد بس رجعت عشان اقولها إعتبريه إقتراح قابل للرفض طبعاً ،لو عايزة تكوني موكلتي وكل شؤونك القانونية انا أكون متكفل بيها انا م عندي مشكلة من اللحظة دي انا جاهز
بقيت اعاين ليه وانا ساكتة..
قال لي إنتِ بس أرمي حمولك علي وم عليك بالباقي..
أحب أن لنا لغتنا الخاصة
أنها لا تتطلب كلمات؛
نظرة واحدة وتعرف ما أفكر فيه كله.
أكره… وأحب أني ليس بمقدوري الاختباء منك.
.
سامانثا كينج - ترجمتي
#مليحيظة
السلام عليكم يا بنات
يا جماعه الناس البتسأل حتنتهي متين وحلقاتها كم
ما عندي فكره *
الناس البتقول حتخلص سنة كم ؟
م عندي فكرة برضو السنة الإنتهت فيها حتلقي مكتوب تحت "الأخيرة" بالخط العريض إن شاء الله لو ربنا ادانا في العمر باقي وأحيانا من الموت
في جزء بحاول أخلصه هسي وأوقف عليه وجزء تاني حأكتبه فيما بعد وبحاول لما انزله يكون جاهز كله إن شاء الله *
صراحة م فاهمة الناس متضايقة ليه ،لو في زول مضغوط في الكتابة من نواحي كتيرة وبالذات في الظروف دي بالذات ف هو انا ف كونك بتقراها جاهزة متضرر ومتضايق منها في شنو؟قول اخدت سنة متضرر منها في شنو؟لو بتقراها ممكن توقف قرايتها لغاية م تخلص وتشوف الخيارات المكتملة ومريحة بالنسبة ليك ومتى م عرفتها خلصت ارجع اقراها عشان م تضايق وتحرق اعصابك ساي،ولو مضايقك نزولها في وشك في التايم لاين اعمل ميوت للقروب م حتظهر ليك،
وبرضو يا جماعة عايزة اقول انا م بغير احداث وتفاصيل الخربشة البكتب فيها عشان زول عايز يحدد لي انا مفروض اكتب شنو او مفروض يحصل شنو إنت اكتب رأيك وعلى عيني ورأسي والله بس ما تمليه علي لأني تسلسل الأحداث ما طاشي مني اكيد حتى لو الأحداث بطيئة والتفاصيل كتيره
ونقطة توضيحية تانيه للناس البتقول لي بتتأخري في الكتابة وبنزهج وبننسى وبنرجع نقرا الفات حتى نفهم و...الخ يمكن في جزء عارف مشكلتي وجزء لأ يا جماعة انا عندي مشكلة في العصب بتاع يدي اليمين م بقدر اكتب بيه فترة طويلة ومتقاربة وممنوعة اصلاً من الحاجة دي وعندي فترة عايشة على ادوية معينة يدي بتخف فترة وأول م ارجع اكتب واضغط عليها بترجع مشكلة العصب من اول وجديد وبوقف لغاية ما احس بتحسن وبرجع اكتب تاني لأني ما عندي طريقة أكتب كل يوم اكتر من 3الف كلمة وبكسل اراجع الفقرات واعدل فيها اصلاً ،وبس دة توضيح للناس الشايفة إنه دي قلة ذوق مني ومفروض اعتذر
برجع وبقول انا م مستعجلة عليها والله في كل الأحوال
وشكراً بالنون مع كامل الإحترام للما متضايقين ولطيفين وللمتضايقين طبعاً🤷♀️♥️
زكروني اغير ليكم إسمها ل سنة في ديسمبر فيما بعد زي م بتكتبو طيب 🤷♀️😂💔
ابقو عافيه♥️
قال لي فكرة كويسة شديد وين المشكلة هنا ؟
قلت ليه اليوم قبل ما اطلع اجي عليك إتصل علي وقال لي إنه مفروض اطلع عشان اقابل الراجل لأنه هنا في كاليفورنيا ،إتحمست وطلعت مستعجله لأنه برضو إستعجلني قال لي لازم توصلي بعد نص ساعة ورسل لي تفاصيل العنوان..
حلو شديد يا شهد دي بشارة خير طيب إن شاء الله مقابلتك معاه كانت مثمرة؟
هزيت ليه راسي ب لا
بقى يعاين لي
قلت ليه لما وصلت لقيت إنه ما دبر معاه موعد هو خطفه..
وبقيت احكي ليه
رغم إنه ملامح وشه شويه إتغيرت بس برواق قال لي اي نعم هو الموضوع مخيف من ناحية بس من ناحية تانيه ركزي المكتبة حقت اخته والمره كانت اخته،ما اعتقد يتخذ ضدك إجراء قانوني ولو حصل ما حيقدر يثبت عليك شي لأنك م خطفتيه ،إنتِ مشيتي لقيتيه قاعد في مكتبة اخته ..
قلت ليه وبالنسبة لوجودي في المكتبة
قال لي م دخلتي المكتبة ساي ،هي مكتبة قراءة صح ؟يبقى وجودك ووجود غيرك فيها طبيعي واكيد إنتِ ما الوحيدة الجيتي المكتبة اليوم دة طالما كانت فاتحة هل كل الناس الدخلت المكتبة دي حيكونو متهمين؟
قلت ليه حاسة قلبي حيطلع من مكانه ،متوترة شديد وراسي بودي وبجيب وبفكر في اسوأ الفروض ممكن يحصل شنو
انا تحت رقم تلفوني كتبت ليه رقم عربيه بته الإتخطفت فيها ك نوع من التنبيه على الموضوع الأنا عايزة اتكلم معاه فيه ،لو م إتصل ممكن يستخدم الحاجة دي ضدي
ما تفكري في اسوأ الفروض ،اقداركم تؤخذ من افواهكم،فكري فيها مناصفة يعني لو 50% كدة و 50%
بس في كل الأحوال ما تخافي
مسك يدي وقال لي م محتاج ارجع واقول ليك م حأخليك صح؟
بعدين الراجل دة مجنون رسمي
قلت ليه المصح الهو دة قليل عليه ،م عارفة بس حاسة إنه الحياة دي معقداها معي شديد
قال لي الدنيا معروفة دار كبد بس في زول بستسلم وبقول دة شكل حياتي كدة وخلاص برفع الرايه البيضاء
وفي تاني بسعى لإنه يخليها افضل
وربنا سبحانه وتعالى قال وإن للإنسان إلا ما سعى
انا م عارف تفاصيل الحاصل معاك شنو موصلك لهنا ويمكن الحاجات الحاصلة معاك دي اكبر عليك بس انا شايف قدامي زولة ساعية وبتحاول ف م تيأسي كل م زادت تعقيدتها بتتحل وكل عقدة هي سبب في معرفة طريق جديد
.................................................
السودان/الخرطوم
شهاب حتودي ابوي وين؟
امجد انا حأعيد ليك الموضوع دة كم مرة؟ابوك براك؟
لأ
مسفرو ،كانت عندي شغلة ك.ة جاتني منها قروش كويسة شديد وانا سلفاً كنت مقرر إذا ظبطت قروشها دي اسفر بيها ابوي اعالجو بيها والحمدلله ربنا اكرمني،إتواصلت مع شركة طلبو مني ارسل ملف ابوي الطبي وهم رتبو لي كل شي من باب المطار لغاية م اصل هناك
شهاب وليه م كلمتنا قبل،ياخ إنت امبارح كنت جايط مع بتاع الترحيل بتاع ولدك عشان م جا ساق الولد وإنت م دافع ليه القروش حتودي تعالجه؟
ودة شغل شنو ؟
سمسرة بتاعة اراضي
إنت عارف تكاليف العلاج ممكن تكلف كم ولا بتتكلم ساي ؟
عشان كدة قلت ليكم نبيع البيوت القاعدة ساي والأراضي حقت البلد دي قلتو لا م بنبيع ،
الدكاكين قلتو لأ
شهاب إنت عايز تورث ابوي بالحيا؟
بعدين بيوت شنو ؟بيت واحد هو وم فاضي إنت عارف براك
نفضيه،كفاية لغاية هنا م قصرنا واختك الإتبرعتهم ليهم بالبيت هديك ليها مشت امريكا وخربت بيتها ولافة ساي ومخليانا نحن هنا ناكل في لحم وم سائلة في زول
امجد عاين لي هنا دة ،انا الكبير وم بتوريني اعمل شنو لأني بعرف اعمل شنو
ابوي سايقو وموديه العلاج ،ابوي انا زي م هو ابوكم إنتو وم بتخافو عليه اكتر مني
انا يا شهاب لو م عارفك م كنت سألتك لكن إنت اخوي وانا بعرفك تماماً إنت شنو زي جوع بطني
انا ممنوع من الطلعة من السودان لكن ابوي م بمشي معاك إنت ومرتك براكم كان كسرتة رقبتك ،وكلامي دة واضح م محتاج اشكلو ليك عشان تفهمه
مرتك بتجي في السنة مرة عشان تشوفو عايش ولا ميت، ابوي شنو البخليه معاها هي ؟إنت زاتك بتعرف شنو عن وضع ابوي وإنت بتعدي إسبوعين في بيتك الأساسا هو بيته وبينك وبينه حيطة حتى تجي تشوفو إنت بتقدر تمارضو؟
طلعة من السودان لأبوي معاك إنت ومرتك مافي كان قطعت التذاكر عديل تلغيها شوف حتعمل شنو ووريني عشان م نختلف تمام؟
نمارق:دقيقة إنت شايف روحك شنو اصلاً؟وينو عمارك مع الرجال لمن بتتكلم مع اخوك الكبير كدة ؟رافع مناخرك فينا فوق كم ؟
الحمدلله شهاب لا سرق لا نهب ،لا مد يدو على حق زول ولا إشتغل في الحرام وتاجر بالبشر إلا جابوه من جيب من اقصى الحدود
كان على النفع كلكم م نافعين ابوكم دة راقد من الليله ولا من امبارح؟
عملتو ليه شنو؟
شهاب:نمارق قفلي
أسكت إنت كمان خليني اصلو ما تسكتني الليله
اخته تحرشه ويجي يمسح بيك إنت البلاط كأنك ود حرام،اختك هي كان نافعة وقلبها على ابوها جد كان لما طلقوها ورموها زي الكلبة من اول 3سنين كان تجي تكسب اخرتها وتمسك ابوها كان بت رجال وعندها وليان صاح
قالت لي هيا
بقيت اعاين ليها بإستغراب
فجأة إتفتح
كان باب سري على شكل مكتبة
كنت متردد المكان دة يا مقبرتي،يا نور لطريقي..
بقى يتخيل في راسي سيناريوهات كتيرة..
قالت لي إذا كنتِ خائفة لم انت هنا الان؟
قلت ليها لا انا لست خائفة ،هيا دخلت وبقيت إتلفت ،المكان مضلم كان
قلت ليها هل نحتاج لإضاءة نور الهاتف؟
قالت لي لا عزيزتي
فجأة الغرفة بقت مُضاءة
إتلفتة لقيت نفسي في غرفة او مكتب واسع شبه او ممكن اقول عليها غرفة إجتماعات
في طاولة طويلة وفيها مجموعة من الكراسي،لاحظت في إنه في زول قاعد ومغطين ليه عيونه وشكله مربطين ليه يديه برضو
فجأة قال من هنا،هل تسمعني ؟من أنت ؟
اخدته دقايق وانا بعاين ليه وبعاين للمره عشان استوعب الموضوع
قالت لي لديكِ ساعة من الأن لإنهاء حديثك معه والخروج من هنا
قلت ليها هل ،هل ،هلم قمتم بإختطافه؟
ولكن انا كنت ارغب بمقابلته فحسب ،لِم قمتم بإختطافه؟
المره كل العملتو ختت مؤقت في الطاولة ومشت ختت لصقة في خشم الراجل وقالت لي لديكِ 60دقيقة من الأن
تايسون ادامز قال :هل يمكن لأحدكم الحديث معي وشرح ما يدور هنا؟
المره طلعت وقفلت الحائط الرفوف المتحركة
إتصلت في رقم صاحب مستر جو
اول م فتح الخط قال لي ظننت انكِ بالإجتماع الأن
قلت ليه ما هذا الذي فعلته؟
لقد طلبت منك تدبير طريقة للتواصل معه
قال لي ودبرت لكِ الأمر بالفعل
قلت ليه لم أطلب منك إختطافه
ما هذا الجنون؟لقد إختطفت الرجل هل تعلم حجم الكارثة التي اوقعتني بها؟هل انت مختل؟
قال لي من الغباء نعت شخص بالمختل وهو ياحادثك من منتصف المصح ،طلبت منهم تدبير الأمر بطريقة جيدة ولكنهم اخبروني أنهم حاولو جاهدين تدبير الأمر بطريقة جيدة ولكن افراد مكتبه والعاملين لديه وضعو لهم العراقيل و لم يتركو لنا خيار اخر لذا ها هو الأن كما ترين امامك،لم يكن أمر نقله من نيويورك ل سانفرانسيسكو سهلاً لذا كفاك تضيعاً للوقت
قلت ليه عايزة انفعل فيه غمضته عيوني وانا بقول ليه هل تعي حجم الشئ الذي فعلته؟بعد خروج الرجل من هذا المكان هل تعلم ما الذي سيحدث؟
قال لي إذا لم يكن لديك الشيء الكافي لإقناعه بما ترغبين بقوله لم طلبتِ مقابلته؟
ما حدث قد حدث، ما سيحدث بعد خروج هذا الرجل من خلف جدران ذلك المكان يتوقف على ما لديك لقوله له..
قال لي سأعاود الإتصال بك وقفل الخط ،رجعت ليه رقمه مقفول
من التوتر كنت برجف وقلبي حاساه حيطلع من مكانه وم عارفة اعمل شنو قلت لنفسي اتصل لسياف..
بقيت اتصل في رقمه ،عاينت للزمن لقيت الساعة 5إتذكرت إنه دي مواعيد مباراته..
عاينت للمؤقت لقيت باقي 29دقيقة
دة شنو البحصل معي دة،كل شي قدرت أخلي عقلي يتقبله ويتعايش معاه بواقعية بس م قادرة
ماف حل غير إنه أترجل واتكلم معاه
مشيت على إتجاهه وانا مترددة..
فكيت القيود بتاعة يديه اول شي
بعدين شلت اللصقة الفي خشمه والربطة من عيونه
اول م شافني قال لي من أنتِم؟أين انا؟وبقى يتلفت
هل انتم إرهابيون؟أنتم إرهابيون أليس كذلك ؟
كنت متوترة م عارفة اقول شنو في اللحظة دي عشان اخليه يهدأ ويفهمني
قلت ليه لا ،انا مسلمة ولست إرهابية..
انا انا كنت أحاول مقابلتك سيدي،قمت بمراسلتك بحسابك الشخصي وحاولت الحصول على رقم هاتفك وكذلك حاولت تدبير مقابله معك ولكن لم ينجح الأمر
وهل هذه الطريقة الصحيحة لمقابلة شخص ما؟
قلت ليه لقد طلبت مساعدة احد الأشخاص بالتوسط لي لمقابلتك وهو من قام بهذا الفعل لست انا ،انا اسفة للغاية ،اعلم تماماً أن خطأ فادح قد حدث وانها ليست الطريقة الصحيحة ،حتى انني..
قال لي هيا فكي قيدي ودعيني أذهب الان
أخرجيني من هنا الان هل تسمعينني الان
بقى يتنهد ويتنفس بصعوبة حتى ملامح وشه كانت مخيفة
بخوف ضغطته على الزر الطلبت مني المره اضغطه لما اخلص
وقلت ليه حسناً سأفعل ،اهدأ فحسب
فكيت ليه يديه ورجولو
كان لابس شورت وفنيله بتاعة رياضة..
جات المره داخله..
قال ليها أنتِ؟واخد نفس مساافة
قالت ليه عذراً عزيزي ولكن العمل هو العمل وأمر إختطافك امر سهل للغاية لا تخف انت تحت حمايتي او تحت رحمتي كما يحلو لك القول
لم فعلتِ هذا؟ولصالح من؟ لقد فقدتِ عقلك بالفعل ومللت من تصرفاتك الغير متوقعة هذه ،سأقوم بوضعك في مصح عقلي بعد الأن
كان واضح من نبرة كلامه معاها انه في معرفة بينهم
إتجاهلت كلامه وسألتني هل أنهيت حديثك؟
قلت ليها لا
بنبرة حادة قالت لي ولم قمتِ بالضغط على زر الإنذار إذاً ؟
ظننت ان حالته قد ساءت ويحتاج للمساعدة
فك الزراير بتاعة فنيلته وهو بحاول يتنفس
ان سأهتم بالأمر لا عليك
طلعت تلفون وإتصلت على زول وقالت ليه احضر علبة الإسعافات
قالت ليه هل تشعر بنوبة ضيق تنفس حقيقية ام انها مراوغة منك لترويع الفتاة ومسكت يده وبقت تضغط عليها ..
وقف جمبي وقال لي بالمناسبة الكنافة كانت حلوة شديد..
م رديت عليه حسيت بقربو الشديد مني وحسيت بنفسي متوترة وقال لي والتسريحة دي حلوة شديد فيك ،انا ما بركز شديد وقليل م انتبه وحتى لو إنتبهت م بعرف اقول شنو في المواقف دي بتلقيني بليد شوية
إتلفته عليه
كمل كلامه ب:لكن في زول قال لي إنه الشتاء فصل مناسب لإنه الزول يشارك فيه أي إحساس او اي كلام لطيف حاسي بيه
قلت ليه اهاااا،و الزول القال الكلام دة رأيك شنو فيه؟افكاره حلوة شديد صح ؟
لي افكاره بس هي الحلوة؟
قرب علي اكتر ونزل باسني في رقبتي وخدي
والمشي معاه مسافات طويلة لأي مكان في اي وقت حتى لو الساعة 2صباحاً حلو،كان بتكلم معي والمسافة بينا تكاد تكون معدومة
قلت ليه بصوت مبحوح واضح إنه عندك مشاكل مع السهر
اقول ليك سر وم تضحكي؟
قلت ليه اها
انا اصلاً كنت سنقل لأني كائن م بنفع للسهر والموالات دي وم بحب الإلتزامات بتاعة اصحى الصباح اكتب مورنينق تكست والمساء يكون مفروض علي اساهر للساعة 12بالليل في شات مع زول او مكالمة، انا لما اساهر للساعة 12معناها عيان ومسهرني الشديد القوي،عموماً الفكرة كانت بالنسبة لي امور مراهقين وتقيد وفرضيات م اكتر، لغاية م جيتي إنتِ
بدل م كانت الساعة 12بالنسبة لي اقصى مراحل السهر بقيت اقعد للساعة 3صباحاً صاحي بدون م احس بالوقت اصلاً
متضايق شديد شكلك
شديد فوق ما تتخيلي، وقرب علي وباسني المرة دي من شفايفي..
قبل ما تنتهي اللحظة دي سمعنا صوت :
الله أكبر،الله أكبر
التلفون وقع من يدي مع صوت الأذان
إتوترت ونزلت شلت التلفون بسرعة ووقفت قلت ليه اذن الصبح ،شكلها الإذانة الأولى لسة الصلاة
الأذان كان شغال في تلفون سياف وم وقف
مشيت رقدتة في السرير وإتغطيت
سياف صمت التلفون وحسيت بيه جمبي
حسيت بمسكة يده
إتلفته عليه
لقيته ماسك صباعي الصغير بصباعه نفس الحركة العملتها ليه قبيل
إبتسمت وخليت وشي مقاصد وشه
عدل رقدته وهو مقرب علي ،رفع يده ومشاها على جبهتي وبقى ممررها في في وشي وبعاين لي بتركيز
ليه مالك
قال لي مالي؟
كدة،بتعاين لي زي الرايحة منك حاجة وحتلقاها في وشي ههه
قال لي دايماً عندي قناعة إنه شكل من اشكال مكاسب الحياة صباح هادئ..
قلت ليه وبعدين؟
قال لي حأضيف ليه :وإنتِ ♥️
حاسة نفسي بتنهد تنهيدات مراهقة ب عمر ال18سنة مبسوطة بنظرات إعجاب عابر ليها..
عارف يا سياف..
قال لي اها
حاسة إنه الحياة دي بدت ترضيني من خلالك..
قلت الكلام دة بيني وبين نفسي وهو لسة بعاين لي ومنتظر الحأقوله..
قول لي ما تنومي عشان نصلي الفجر حاضر
قال لي وهو بضحك طيب ما تنومي عشان نصلي الفجر حاضر
بالفعل صلينا الفجر وانا م بتذكر إني نمت،شعوري كان مختلف ما بين اللذة والحماس وم بين الخوف
م خوف منه هو بس
خوف من كل شي
بعد كل شي مريت بيه من بدايه علاقتي مع سياف لغايه م وصلت لهنا حاسة إني بعيش البدايات ويمكن دة جمال البدايات البتقال عليه بس بكل الزوايا حاسة إنه حياتي حيتفرض عليها إنه تاخد منحنى تاني ،والمشكلة إنه منحنى حقيقي
لما صحينا من النوم
صحيت بحركة في الغرفة ،فتحت عيوني لقيتها لولو بقيت اعاين للسقف وانا بتذكر في تفاصيل الحصل ليله امبارح او قبل ساعات وبفكر مفروض يحصل شنو؟ شلت تلفوني عاينت للساعة كانت 12ونص ظهر
قلت لنفسي معقول؟
نزلت بسرعة حسيت نفسي عندي صداع
دخلت الحمام إستحميت وطلعت اخدتة حبة مسكن وطلعت م كان في اثر لا لسياف ولا لين..
دخلت المطبخ م لقيت اثر لتجهيز اكل
قليت لي بطاطس واكلت الكلام وطلعت
وانا في الطريق إتصلت على سياف مكالمتين
المكالمة التالتة حتى رد علي ب رسالة وقال لي شهد برجع ليك تمام؟
حسيت بنبرة صوته غريبة
وصلت الدار وم حاولت أرجع أفكر في الحصل أمبارح ولا أفكر في نقطة عدم رده على المكالمات عشان انا عارفة لما أفكر حأبوظ الدنيا ف شغلت نفسي على قدر م اقدر في الشغل لغاية م اليوم إنتهى
بكرة هو عنده مباراة
يمكن مشى النادي وبتمرن
وعموماً هو لما الموضوع يكون بخص أي إلتزام م بتفاهم دة حسب م فهمته من شخصيته
إتصل علي قبل نهاية الدوام قال لي خلصتي؟
قلت ليه ايوا ليه؟
قال لي جاي سايقك معي مشوار
قلت ليه طيب حأستناك
لما وصل اول م ركبت العربية قال لي صباح الخير ونهارك سعيد ومساء الخير
كان لابس نظارة
قلت ليه كلهم مع بعض كدة النور
ضحك وقال لي عشان بكرة حأكون غياب بسبب المباراة اليوم عندي كم حاجة مفروض انجز فيها،عشان كدة طلعت الصباح
شلت منه النظارة عيونه شكلها كان م بتقابل متورمة
حسيت بالذنب ف بقيت اعاين ليه وانا ساكتة
قلت ليه على فكرة كان ممكن تقول لي انا السهر م بنفع معي
قلت ليه خلاص خليت مشروع الأكل ارح نعمل لينا نادي تعلم الفروسية زي دة ونربي حصين وكلاب ونعمل اقفاص عصافير وحمام رأيك شنو؟فكرة حلوة صح؟نعمله على شكل مزرعة ونبني البيت بتاعنا جواه زي البيوت بتاعة الريف بتاع سويسرا داك نبقى مستثمرين وساكنين لا إيجار ولا سجم رماد رأيك شنو
ضحك قال لي والله فكرة برضو
سمعنا صوت لين وهي بتقول يا سياف..
طلعنا لقيناها راكبة الحصان ولابسة خوزة وحاجات كدة حوالين رُكبها والمدرب بتكلم معاها..
اول م شافتنا قالت ليه يا سياف تعال
قال ليها مالك المدرب معاك
قالت ليه لالا تعال خليك جمبي عشان م اقع
مشى عليها مسكت فيه وهو بتكلم معاها إنه تمسك وين وتعمل شنو و...الخ وهي لسة مُصرة تتلايق وتصرخ..
نزلها وهو ركب وبقى متحرك بالحصان ماشي وجاي قال لينا شايفين ساهل الموضوع
قالت ليه بالنسبة ليك إنت لأنك م مخلي شي م متعلمة اما نحن لأ ،سجل لي في النادي دة يا سياف ممكن؟
قال ليها طيب حاضر بس بداية الشهر كدة إن شاء الله
قالت ليه م حتسوقني بالخلا صح ؟
قال ليها حصل مرة قلت ليك حاجة وم عملتها قالت ليه لأ
قال ليها طيب
طول الطريق وانا ساكتة
وصلنا البيت المغرب كان دخل،صلينا المغرب انا وهو مع بعض..
بعدها عملت حليب وشلت صحن الكنافة ودخلت بيه غرفتنا...
هو كان مشغل فيلم
قلت ليه بتكلم عن شنو الفيلم؟
قال لي قصته م واضحة للأن ي داب بادي
قلت ليه زيك كدة قصدك؟
عاين لي بإستغراب شلت كباية الشاي بتاعتي وعملت روحي بشرب وهو رجع ركز في فيلمه
نزلت ووقفت في الشباك وانا ماسكة كباية الحليب بتاعتي..
قال لي مالك ؟
قلت ليه مالي؟
عاين لي لي ورجع كمل الفيلم بتاعه وهو ساكت
وقفت مسافة،طلعت من الغرفة مشيت صليت العشاء وجيت راجعة رقدتة وإتغطيت وطول الليل بتقلب وبتحرك..
فتحت عيوني لقيته ماف جمبي
حسيت إني عايزة اشرب موية طلعت من الغرفة لقيته نايم في غرفة المعيشة
إفتكرته في ركن الصلاة
دخلت المطبخ شربتة موية وطلعت مشيت عليه،ناديته يا سياف،سياف
رفع الغطى من وشه
قلت ليه مالك نايم هنا؟
قال لي ساي ماف شي
قلت ليه كيف ماف شي؟
قال لي شايفك م مرتاحة في الغرفة ف قلت ممكن كدة يكون احسن
قلت ليه إنت سألتني وانا قلت ليك م مرتاحة؟
سكتت
شلت كبايتي بتاعة الموية ودخلت الغرفة
بعد مسااافة
سمعته بقول شهد
سكتت م رديت عليه
رجع نادى علي يا شهد
رفعت الغطى مني وقلت ليه نعم
قال لي نتكلم شويه ؟
قلت ليه عارف الساعة كم؟
قال لي م مهم الساعة كم المهم افهم السبب المخليك م تقدري تنومي دة،المشكلة شنو؟إتصرفت تصرف ضايقك قدام الناس ،انا،لين،اهل البيت لو في شي بدر من زول قولي ما هو انا م حأعلم بعلم الغيب بس لما أعرف مالك حأعرف بقدر اعمل شنو
امحي مخاوفي طالمَا عندك القدرة في كدة...
مَا يُميز الحديث مَعك هو شعوري الدائم بأنني وجدت منطقة راحتي ومكان يشبهني تمامًا .. أتحدث مَعك، كأنك كُل ما يُطمني بهَذا الوجود فـ تهدأ نفسي من القلق وتزداد فكرة سلامي لك رُغمًا عن كل شيء آخر ...♥️
جهزت الفطور ولسة م جا،قلت خلاص اعمل عصير،وانا بخلط في العصير إتلفته وراي لقيته داخل المطبخ قلت ليه بخلعة بسم الله
قال لي مالك؟
قلت ليه إتخلعت م سمعتك وإنت داخل مع صوت الخلاط
قال لي لين ماف؟
قلت ليه نايمة ،المهم جهزت ليكم الفطور
لقيت كل الحاجات إن شاء الله؟
قال لي ايوا لقيتهم
قلت ليه الحمدلله ،اهم شي لقيت فستق حلبي إن شاء الله بشرني؟
قال لي دة الخلاني اتاخر كدة دخلت كم محل حتى لقيته
قلت ليه بتنهيدة ياااااه ده اهم زول في الحاجات دي
يلا إنت افطر على بال م اعملها
قال لي فطرتي إنتِ؟
قلت ليه م نفسي م عايزة إنت أفطر وانا حأكسب الزمن
بديت اطلع الحاجات من الكيس
لما إنتبهت لقيته بعاين لي
قلت ليه مالك؟
قال لي حأستحم أول حتى افطر طيب
طلع اخد وقت وانا شغالة حتى جا راجع
لما رجع قلت ليه فكرت اعمل كنافتين واحدة بالقشطة والتانيه بالجبنة فكرة صح؟
قال لي اعمليهم تلاته عشان واحدة أكلها بمزاج بعد م ارجع فرصة يوم م بتجي كل يوم
قلت ليه حتساعدني ولا ساي؟
ضحك قال لي وريني عايزة شنو مساعدة وانا ححاول اعملها ليك
قلت ليه طيب ،حقت البيت عايزها بالجبنة ولا بالقشطة؟
اوعى تقول لي اعمليهم واحدة كدة وواحدة كدة لأني م حأعمل اربعة كنافات صراحة
ضحك قال لي اعملي الظابطة فيهم ديك بس ،وعلميني وإنتِ بتعمليها عشان تاني م اتذل الذلة دي عشان كنافة 😂
عاينت ليه وانا بضحك وبديت اشتغل وهو واقف في راسي وبسألني من الخطوات وكل م احتاج لحاجة يناولني ليه ويرجع يقيف جمبي زي الطفل يسألني عن ادق التفاصيل
خلصت وبقيت واقفة جمب الفرن ومنتظرة اخر واحدة عايزة اطلعها إتلفت عليه لقيته ماسك سكين وشوكة وقسم واحدة غلط صرخته فيه لمن إتخلع
قلت ليه ليه عملت كدة؟
قال لي يا زولة مالك مش دي حقت البيت؟
قلت ليه انا قلت ليك اهبشها؟عاين قصيتها كيف
بقيت اتكلم معاه بنرفزة وهو ماسك القطعة القطعها ودخلها في خشمه وقال لي ببرود يعني ،نص نص كدة
مشيت عليه بغيظ وقلت ليه جيبها ما تاكلها دخلها بسرعة في خشمه مسكت يده وعضيته في كفه يده
ضحك قال لي يعني اطبل ليك بالغصب؟
عاينت ليه بغيظ وانا ساكتة
جات لين داخلة قالت لينا بسم الله جيتو متين إنتو وبتعملو في شنو وجايطين وبتصرخو كدة مالكم؟
قلت ليها صباح الخير جينا من بدري
قالت لينا صباح النور عاش من شافكم، حاسة نفسي بحلم بحلم كدة لما قنعت من فكرة رجعتكم للبيت بقيت متحسسة منكم عديل
قلت ليها اعفي لينا وإتعودي تصطبحي بصوتنا تاني يومي إن شاء الله
سياف عاين لي و قال لينا اجهزو عشان نطلع بعد كدة
لين قالت ليه الساعة 8ونص ي دوب
قال ليها على بال م تجهزو وتطلعو الساعة 9حتكون جات انا عارف الأمور بتاعتكم دي
عاينت لي مسااافة وقالت لي المتغير شنو في وشك حاسة في حاجة غريبة ،اهاااااااا لميتي الصويفات وسرحتيهم
قلت ليها حاولت ألمهم ههه
قالت لي ممتازة لازم تدي الناس دي إحساس إنك عروس جدجد
قلت لي سياف انا بس حأرجع اسقي الكنافة دي الشيريا وتاني م عندي شي
قال لينا انا حأسوق الكلاب واطلع برة لما تخلصو وتجهزو خلاص ادوني خبر عشان اجهز
خلصت شغل في المطبخ ودخلت الغرفة بديت اجهز،سرحت شعري ولبست حلق ورتبت حواجبي
ولبست وطلعت نبهت سياف إني جهزت عشان يجهز
دخل جهز نفسه ونحن شلنا قوالب الكنافة دخلناها العربية وبقينا منتظرنه اخد وقت حتى طلع
قلت ليه م بدري
ضحك وقال لي الوقت دة إنتو حتاخدو اضعافه لو قلت انتظركم
ونحن في الطريق لين كانت بتتمكيج ورا وبتظبط في روحها قالت لي شهد هاك ومدت لي روج
قلت ليها انا عاملة
قالت لي م ظاهر شديد هاك ظبطيه
شلتو منها وعلمت وبقيت اعاين في المراية
سياف قال لي بصوت خافض زي الكتير كدة البتاع دة
عاينت ليه وطنشته..
وصلنا صحبه هو الإستقبلنا وبعدها أمة واخته جو إستقبلونا ورحبو بينا ،والغريبة كانو بعرفو لين وبسألوها عن امها ووين هي الأن وعاملة شنو و...الخ
ف إستغربت اسألتهم شويه
وكانو عازمين اصحابهم برضو العزومة كانت زي الوليمة،صفرة طويلة متجمعين فيها كمية من الناس وفيها ما لذة وطاب
ام صحبة قالت لينا العرس م ادانا خبر والخطب م ادانا خبر والجاب ليه وليد م ادانا خبر رغم إنكم زمان نايمين وقايمين معانا قلت اجمعكم كلكم مع بعض كدة وأنتف ريشكم يا اولاد
ضحكو كلهم بصوت عالي
واحد من اصحابهم قال ليهم معروف العرس دة مقصود بيه منو
التاني قال ليه يا زول هو ورقو كان مكشوف من يوم جا العرس تتذكر؟قال م بتصافح وهو عمنا الشيخ غانج قايلنا م بنفهمها وهي طايرة😂💔
سياف قال ليهم خالتي قاعدة حأعمل روحي ما سمعكم
قال ليهو في التويتر بعدين إلا تطير اصبر بس
اخت صحبه قالت ليهم إحم إحم يا شباب عيب عليكم الكلام دة ما تشغلوها ل سياف دة زول خجال شديد لدرجة إنه خجل يورينا إنه عريس كتر خيرو عرفنا على شهودة قبل العرس
سياف قال ليها جيتي فزع بقيتي وجع يا خالتي ما تقولي حاجة
قالت ليه حاجة يا ولدي
ضحك
بعدين سكته
قال لي مشيتي وين؟
قلت ليه مشيت المطبخ حسيت روحي جعانة عملت لي ساندويتش جبنة وطبعاً من الصباح م اكلت
قال لي ودة اكل بمسك بطن؟
قلت ليه اعمل شنو؟
قال لي ادخلي المطبخ واعملي اي حاجة
قلت ليه زي شنو مثلاً؟
قال لي ادخلي وانا بوريك
قلت ليه م عايزة يخخ
قال لي طيب إنتِ حرة طبعاً لو جعانة بشكل جادي حتعملي حاجة تاكليها
قلت ليه ما كدة بس لو عملت حاجة ما حأكلها متأكدة لأنه على بال م اخلص طبخ نفسي حتكون طلعت وقفلت منها وحأحس بالشبع تلقائياً عشان كدة ما حابة اعمل رغم إني هسي نفسي في حاجة حاادقة شديييييد ،المهم حصل معاك شنو اليوم؟
قال لي طيب كنتِ تكلميني بدري كنت حأجي اعمل ليك اكل انا شاطر بالحيل في المطبخ على فكرة
ضحكت وقلت ليه هسي تعال،وين إنت بالمناسبة سامعة صوت صاخب كدة
قال لي في ملعب بتاع كُرة سلة كان عندي تمرين مع فريق خلصته وهسي طالع
قلت ليه جنك كُرة سلة ورياضة
قال لي إنتو الليله مالكم ماسكين لي فيها؟قبيل بتغدأ مع مع لين قالت لي نفس كلامك دة 😂😂💔
ضحكت قلت ليه لكن جد بي طولك دة إنت مكسب للفريق
قال لي بعد يومين لاعبين دعواتك طيب
قلت ليه حدعي ليك بضمير من هسي لغاية بعد بكرة بس دعاء مشروط سوقني في طرفك
ضحك قال لي حلوة في طرفك دي زكرتني امي
قلت ليه اي نعم حأكون المشجعة الوحيدة المحجبة في الملعب بس حأشعجك بضمير صدقني
كان بضحك وانا لسة بتكلم..
قال لي دقايق ي شهد برجع ليك
قلت ليه طيب
فصل عدة قريب نص ساعة حتى إتصل علي
قال لي نمتي؟
قلت ليه ايوا ودة المجيب الألي البتكلم معاك دة
قال لي طيب يا المجيب انا وصلت
قلت ليه وصلت البيت حتنوم وكدة يعني؟
قال لي وصلت الدار
قلت بإستغراب وصلت الدار؟
قال لي اي،مش كنتِ جعانه وقلت لي هسي تعال؟
قلت ليه انا كنت بهظر وإنت جادي جيت؟
قال لي طيب أرجع عادي يلا لي بكرة إن شاء الله
قلت ليه إستنى ،جاية عليك
بإستعجال طلعت لقيته واقف وشايل كيس في يده
قلت ليه وين عربيتك؟
قال لي لما يكون عندي تمرين م بتكون ضروريه
قلت ليه على فكرة جد انا كنت بهظر
قال لي على حس إني جعان ومع سيرة الأكل يمكن م ركزت إنك بتهظري
قلت ليه طيب طالما إنت جعان تعال ناكل
قال لي قصدك تعال نعمل الأكل
قلت ليه يعني دة ما اكل جاهز؟
قال لي لأ
قلت ليه المهم تعال طيب
دخلنا وأول م وصلنا المطبخ قلت ليه قول لي حنعمل شنو ؟
قال لي مكرونة وخليك إنتِ على جنب بس انا جايب كل حاجة ممكن نحتاجها وحأعمل كل شي عشان بعد م نخلص ما تقولي لي شبعانة م حأقدر اكل
ضحكت قلت ليه طيب
قال لي ساعديني بس محتاج حلة
قلت ليه وتاني وبقى يوريني هو محتاج شنو ،بعد م خلصت قال لي يلا بعد كدة م مطلوب منك غير تونسيني
ضحكت قلت ليه طيب وبدأ هو يعمل في الأكل وانا بتونس معاه لغاية م خلص وجهز الأكل في صحنين واحد ليه وواحد لي وختاه في تربيزة المطبخ واصلاً فيه كراسي..
قلت ليه شكلها يفتح النفس
قال لي نسيت قبل م تستلمي شوكتك هاك
طلع شريط حبوب من جيبة
قلت ليه دة شنو
قال لي المفروض اديك تاخديها قبل 15دقيقة من الأكل لأني عملتها حادقة زي م قلتِ نفسك فيها وحتتعبك اكيد بعدين تقولي لي إنت السبب
ضحكت وانا بعاين ليه ،قلت ليه الوحيد البذكرني إني عندي قولون
قال لي ما تتعودي تنسي
اخدتة منه الشريط وبلعتة الحبة قلت ليه م حأقدر انتظر دقيقتين حتى يلا ناكل
اول ما اكلت بقيت اعاين ليه..
قال لي وهو بضحك رأيك م مهم لأنك حتتنمري عارف
كملت أكل وانا ساكتة لغاية م خلصت الصحن بعدين قلت يعني نوعاً ما حلوة
قال لي الخشم لو دارك الصحن بديك خبر
ضحكت قلت ليه رأيك شنو نفتح مطعم شراكة
قال لي عقلية البزنس خلاص إشتغلت ؟
يلا غسلي الصحون وبقيه العدة عشان شوية كدة بتاعين الأمن بتاعنكم ديل حيهجمو علينا
قلت ليه اليوم مادلين م مناوبة وإلا كان لقيتها في نصنا قبيل..
غسلت عدة وهو واقف وبتونس معي لغاية م رجعنا كل حاجة في مكانها وعملنا شاي وطلعنا الحديقة
قال لي مقعدك المفضل
قلت ليه كل م اكون حاسة بأي شعور حلو ولا كعب بجي بقعد فيه،صديق النكبات ما عندي غيره..
عاين لي وهو ساكت
وانا بعاين ليه قلت ليه اقصد...ما كان عندي غيره*
وهو بعاين لي بسرعة غيرت الموضوع وقلت ليه قلت إتغديت مع لين اليوم صح حتمشي معانا بكره ؟
قال لي ايوا حتمشي قالت
طلعت التلفون وصورت ايادينا ونحن ماسكين كبابي الشاي
قال لي هوس البنات
قلت ليه توثيق اللحظات دة مهم ،المهم م كملت لي باقي الكلام حتشارك في مسابقة شنو يا ابو طويلة
ضحك وقال لي ابو طويلة دة انا؟
قلت ليه ايوا إنت حتكون يوم شنو المباراة؟
قال لي انا زاتي منتظر خبر
قلت ليه بالحيل حاساك بتحب حاجه إسمها رياضة
عارف يا ابو النسب الحاج دة شويه كدة عمتي قلقانه عليهو،وقالت اخوها حجل بالرجل بدونها ما بفوتها شبر ،يا تسافر معاه يا تسافر معاه ،ف بقينا معلقين وما عارفين مفروض نعمل شنو وهي عمتي جواز ما عندها وجرجرة الجوازات بقت ما بتنتهي...
ما مشكله يا شهاب،المشكلة وين يعني؟وهو دة الأصح كمان إنها ترافقو ،ما تشيل هم الجواز وما تتوقفو على حتة مرافقتها ل عمي دي،مش عندها رقم وطني؟
ايوا عندها
بس خلاص انا بكرة إن شاءالله برجع ليك واوريك تمشي اي مجمع في الخرطوم لمشكلة الجواز دي في يوم واحد بتتحل وبس ببقى عليكم القيام تاني ماف شي..
خير إن شاء الله نحن قلنا كدة بنتقل عليك كمان
معقولة يا شهاب ياخي عيب البتقول فيه دة،هسي عمي كيف هو صحته كويسة ؟
الحمدلله بخير ما عليه عوجة
وشهد كيفها ؟متواصلة معاكم ؟هي بخير؟
والله يا ابو النسب ما بدس منك انا دة ما متواصلة معي لأني بقول ليها الحقيقة وكلامي حار وبالحيل زعلان منها ومن العملتو دة، لكن متواصلة مع البقية ،هي بخير
إنت اخوها يا شهاب واخوها الكبير كمان،وبقولو اخوك دة مهما كان كعب ما بتجر فيه الشوك،البيني وبينها دة بتصلح إن شاء الله بإذن الله تعالى واي شي بدر منها وببدر منها للأن ف هو صُغر عقل منها وحماقة مني بس ما اكتر ف إنت شنو ما تقاطع اختك حاول تتواصل معاها وتعرف اخبارها وتستقطبها عشان في الأول والأخير إنت وليها ولا شنو؟وانا هسي من دون اخوانها بتواصل معاك إنت عشان شايفك في مقام ابوها الان وعارف لو في قسمة بيني وبين شهد في يوم حتكون بسببك إنت وكان القسمة إنتهت البينا عامر يا اخوي
والله يا عمار إنت راجل والرجاله منك وتنتهي وإلا بعد العملتو اختي دة كان غيرك ما كان إتلفت عاين لينا تاني وعاملنا معاملة الوليان..
العفو يا شهاب ياخي ،نسيت اقول ليك كمان في شغلة كدة عثمان اخوي إتكلم معي بخصوصها عنك وقال لي احسن زول ممكن نرشحه فيها شهاب،مفكرين نعمل شركة عقارية هنا في تركيا إن شاء الله لما تجي هنا نتكلم في الموضوع دة بشكل اوسع..
ابشر يا اخوي ابشر إن شاء الله معاكم تب
يلا بكرة إن شاء الله بينا التلفون
خير إن شاء الله مع السلامة
رونق وهي واقفة في راس شهاب :يا راجل عمتك سميرة شنو البنسوقها معانا كمان؟إنت يا راجل ما بتتوب؟
بتحب تصغيرني قدام اهلك ديل ليه؟
ما كفايه العملو فيني دة وسكتته عشان قلت لي اسكتي؟
انا عليت صوتي عشان منو م عشانك؟مرة واحدة بس ابقى راجل واعمل شي ضد اهلك ديل عشاني ،دايماً انا المضروبة،انا المتهانة ،انا المذلولة وإنت دايماً ساكت ،لمتين انا اعيش في النار دي لمتين؟
هانت خلاص يا نمارق هانت،هسي كان صبرتي كان عرفتي انا كنت بقول في شنو،عمار كان بتكلم معي بخصوص شغل هناك في تركيا وم اي شغل إدارة شركة عقارية،لو مشينا وظبط عندنا شنو هنا تاني؟نلم شنطنا ونشيل عيالنا ونسافر ونبرد اضانا دي وترتاحي وتريحيني انا زاتي من النقة دي
ايويوي جد يا شهاب؟يارب يظبط يارب نفارق الفقر دة والقفص دة ونمشي ونرتاح في دنيتنا دي من اهلك وفقرهم والضيق المعيشننا فيه،الحمدلله ،اوعى تكلم زول بالموضوع دة لغاية م الموضوع يتم ،وكان تم زاتو إلا يوم نحن بكرة قايمين حتى نتكلم فهمتني يا شهاب؟ولا زول من اهلك الما فيهم خير ديل نهائي..
خلاص امشي جهزي لينا العشاء دة كدة بالله خلينا نتعشى
................................................
UA 🇺🇲سانفرانسيسكو/و
إنتهى اليوم وكان اطول يوم مر علي ،كان مليان بالأحداث والمهام،كنت حاسة إنه مزحوم في عقلي اكتر من إنه مزحوم واقعياً..
لقيت سياف متصل علي ،رجعت ليه اول ما رد قلت ليه
يا سياف..
قال لي مساء الخير
مساء النور، انا جاهزة لو وصلت حستناك برة
لا يا شهد انا في البيت ،تعالي إنتِ بالعربية او ب تاكسي
صوته كان متغير..
صوتك مالو إنت بخير ؟
لا انا تمام تعبان شوية بس
ليه مالك؟
ماف شي ،شوية إرهاق
طيب انا جايه على البيت
قفلت منه وطلعت على طول،قلقت عليه من نبرة صوته،لأنه العادي عن سياف ما برقدو إلا الشديد القوي..
وصلت البيت لاقتني لين من الباب وقالت لي الإسترونق أندبندت وومن شرفت..
قلت ليها مساء الخير لين،سياف نايم؟
قالت لي شبه نايم
وانا داخله لقيته في الكنبه راقد ورجله ملفوفة بشاش وفي قدامه في حبوب..
قلت ليها مالو سياف؟
قالت لي لو مهتمة كان عرفتي..
نزلت الشنطة والتلفون من يدي ومشيت عليه ،ختيت يدي في جبهتو ،جسمو كان دافي،بقيت اتفقد باقي جسمو بعيوني..
قلت ليها عمل حادث؟
لأ ،الأثقال بس وقعت ليه في رجله
إتكسرت يعني؟
في اللحظة دي فتح عيونو،قال لي جيتي؟
قلت ليه حصل كدة متين؟ليه ما كلمتني؟
حسيت نفسي مخنوقة
لأنو ماف شي، رضخ عادي وانا المسكن دوخني شويه
بقيت اعاين ليه
قال لي كيف كان يومك؟
خليك مني ،جسمك دافي،إنت محموم ؟خلينا ندخل الغرفة
لين قالت لي من قبيل قلت ليه ادخلك الغرفة قال لأ
قال لي بصوت خافض يلا ندخل ، انا كنت مستنيك بس
قلت ليه الغرفة احسن وادفى،يلا نمشي..
لا عزيزتي لقد عملت هنا بناءً على رغبتك في العمل هنا،وتم تعينك بهذا المنصب بناءً على إستحقاقك له،كنتِ متطوعة جيدة ،أنا هنا للتحدث بشأن متطلبات الدار وقد حللت الأمر مع المدير المالي..
سُررت بلقاءك مرة اخرى عزيزتي،اتمنى ان نلتقي قريباً ...
وقفت على حيلها وطلعت وانا لسة في مكاني في كلام كتير كان في راسي ما كنت قادرة ارتبه،بعد ما إنتبهت لإنها طلعت بقيت بتذكر في كلامها..
كدة إتأكدته بإني متورطة،وإنه وجودي في المكان دة كان مخطط ليه،وزيارة مليسيا دي بعد كل الوقت دة م ساي،هي حاولت توصل لي معلومة إني شغالة مع الجهه الهي منتمية ليها ،وبرضو في نص كلامها رسالة اشبه بالتهديد بإنه ما اسعى للتفتيش وراهم..
طيب هي عايزة مني شنو؟الهدف شنو من إنه تدخلني هنا؟
حاولت احافظ على هدوئي وانا بتكلم مع نفسي وبقول اهدي ي شهد،اهدي ي شهد..
وقفت على حيلي ووقفت في الشباك وانا بحاول اتنفس..
حاسة إنه اي سؤال وإستفهام في راسي حألقى إجابته عند السيد تشارلي ومرته..
وانا جايطة كدة باب الغرفة دق إتلفته بخلعة..
مادلين جات داخلة وانا يا دوب بحاول اخد نفس
قالت لي إنه خارج المبنى..
لم افهم؟
اقصد المسؤول عن غرفة الغسيل ،لقد خرج عند الرابعة صباحاً من الدار
ختيت يدي في عيني وانا بتنهد
أأنت بخير سيدتي؟
أجل انا بخير،متعبة قليلاً فحسب
أخبريني إن كان الأمر يتطلب الذهاب للمستشفى يمكنني مرافقتك كما فعلت بالأمس،وسيقوم زوجك بالإتصال بي والسؤال عنك كما فعل البارحة
ماذا قلت ؟هل قام سياف بالإتصال بك يوم امس؟
أجل قد فعل ،كان يريد معرفة عما إذا كنت بالدار ام لا ف اخبرته بأنني ارافقك في إجتماع لك مع احد الأشخاص،كان يريد الإطمئنان عليك وطلب مني إخباره إذا حدث شيء ما ،وقد قام بالإتصال والسؤال عنك مراراً ولكن لا تخبريه بأنني اخبرتك حتى لا يظن انني ثرثارة..
قلت ليها حسناً مادلين لنتحدث لاحقاً ،الأن أريد منك مراجعة شركة النقل الخاصة بالشحنات تلك ،حاولي طلب التحدث مع العاملين للتحقق من الأمر..
لا عليك سأتولى الأمر مع الشركة
شكراً مادلين
بعد ما طلعت ،قعدت في الكرسي وختيت يدي في راسي..
جات داخلة السكرتيرة
سيدتي مقابلتك مع المتطوعين ستكون عند الثانية عشر ظهراً
سأكون بإنتظارهم،قبل ذلك اخبري المدير المالي انني اطلبه..
حسناً..
بعد دقائق معدودة المدير المالي جا داخل علي قال لي نهارك سعيد سيدة شهد اخبرتني السكرتيرة انك طلبتني
اجل تفضل سيد ويليام..
كنت اود التحدث معك بشأن المتبرعة التي قامت بزيارتنا قبل قليل..
اجل ،إنها المرة الأولى لزيارتها لنا،في السابق كانت تقوم بإيداع مبلغ التبرع في الحساب الخاص بنا فحسب، اما الان لقد اتت من نيويورك إلى سانفرانسيسكو فقط من اجل هذه الزيارة..
هل لدينا اي معلومات شخصية عنها..
لا سيدتي،في السابق كل ما نعلمه ان سيدة تدعى جوليا تقوم بالتبرع بمبالغ ضخمة بإرسالها إلينا بواسطة شخص ما،ثم تطور الأمر لإيداع المبلغ في حسابنا الشخصي الخاص بالدار،لم نكن نعلم انها احد افراد عائلة ادامز الشهيرة..
لقد اصبحت حديثاً احد افراد عائلة ادامز..
كنت اريد معرفة ما إذا كان لهذا الدار أي إستثمارات خارجية ذات عوائد مادية؟،لأنني لاحظت انه من الممكن ان يصنف احد اضخم دار إيواء في الولاية يضم اكبر عدد من المسنين ، على ماذا يتم الإعتماد المادي غير التبرعات ؟ هل تتكفل وزارة الرعاية الإجتماعية بكل هذه المنصرفات؟أم أن هناك مصادر اخرى للدخل ؟
أجل الأمر يعود إلى وزارة الرعاية الإجتماعية بعد التبرعات..
حسيت إجابته مبهمة،وهو نفسه ملامحة إتغيرت.
هل هناك شيء اخر سيدة شهد؟
لا سيد ويليام ،شكراً لك تفضل
بعد ما طلع مسكت قلم وورقة،وبديت اكتب..
.................................
سانفرانس&/واشنطن☎️
يا ابو لين
السيد العريس
كيفك يا حبيب وكيف الأسرة بخير إن شاء الله؟
والله يا سياف فاقدنك بس يا ،شنو ياخ المرة دي مسكتك مننا كدة لا مكالمات ولا غيرو بقينا نفتشك تفتيش خير يا باش؟
والله خير يا معلم جري بس
المسؤوليات زادت قلت لي هههههه دة بالحالة لسة ما بقيتو تلاتة..
لسة بدري على المسؤوليات والله لكن تقول شنو بس
المهم إنتو بخير ،اها حتجي علينا جاي متين ؟
والله يا ابو لين لسسة موضوع الرحول دة ما بقيت عليهو ،لأنو شهد مقيدة بشغلها في الدار في الوقت الحالي ..
إنت يا سياف اخوي من متين الراجل بتبع ليهو مرة؟النحن بنعرفو المرة دي تبع راجلها وشغله في اي مكان إن شاء الله في الواق الواق بتكون في طرفو ،ما فاهم شنو الشغل الهي شغالاهو لمن مخليك موقف حياتك وامور شغلك قصادو؟شغالة في وكاله ناسا هي اصلو؟إنت يا اخوي اخر عمرك داير تبقى لينا راجلاً هوان ساي ولا شنو؟
يا ابو لين إنت عارف إنو انا ما الراجل البتقال ليهو كلامك دة لكن الفكرة كلها في إنه انا وهي متفقين ومتفاهمين ،هي ما عندها اي مشكلة ومن ناحيتها مافي اي ضغوط علي بالعكس
قلت ليه زمان كنت لما اضايق ابوي في حاجة بعمل ليه كدة ،بصحى قبله وبجهز ليه لبس الشغل وبنضف ليه جزمته وحاجاتو كلها لما يصحى بلقاها واخدتها عادة يعني وكبرت بيها حتى اخواني لما يحصل غلط مني وأزعلهم بعمل معاهم كدة..
كان لسة بعاين لي وهو ساكت
قلت ليه وبس كدة
قال لي يلا اجهزي خلينا نطلع طيب
وين؟
نفطر برة
كدة قبلت إعتذاري يعني صح؟
ليه هو نحن كانت في بينا مشكلة ؟
تلقائياً لقيت نفسي إبتسمت ،ومشيت جهزت نفسي،لما طلعت لقيته قاعد مع لين وبقول ليها شوفيه بكم ووريني عشان اجييهم ليك بكرة مع بعض تمام؟
صباح الخير لين
صباح النور يا شهد
سياف قال لي خلاص جاهزة ؟
قلت ليه جاهزة ايوا
كانت ما جاهزة قلت ليها ما طالعة؟
لا انا اليوم Off
اهاااااا طيب يلاالسلامة
اخدني مكان حلو شديد،قلت ليه كل مره بتبهرني بالأماكن البتعرفها دي، ،اخدنا وقت ونحن بنفطر ،الغريب إنه ما رجع سألني حصل شنو معي لما قابلت تايسون..
قلت ليه ملاحظ لإنه إنت ما سألتني حصل شنو معي امبارح؟
قال لي لأنه إنتِ لو حابة تحكي حتحكي يا شهد ،حتى لو م حكيتي ما مهم بالنسبة لي على قدر ما مهم إنه تكوني بخير
حكيت ليه جزء من تفاصيل امبارح حصل شنو معي وكلام الراجل وإتنهدته مساااافة بعدها قلت ليه يا ريت لو دة حلم💔
قال لي واضح إنه الراجل تايسون دة خطواته مدروسة ما بتعامل ساي،كلامي دة إفتراض مني طبعاً ما قصدي اخليك تخافي منه بس لو انا مكانك ما بملكه المعلومات العندي وأأمن ليه على طول خصوصاً إنه سياسي،حاولي تكوني حذرة ،هو نفسه وراه حاجه وإلا م كان خلى ولدو يتزوج البت ديك وهو عارف هي منو،عموماً لو ختينا كل الشخصيات الحواليك حالياً دي والحتظهر لقدام في مخطط وفي يدنا نقاط مثلاً النقاط الحمراء بترمز للخطر والخضراء بترمز للأمان في تقديري كل المخطط مفروض يكون نقاط حمراء لغاية ما يثبتو العكس..
قلت ليه فعلاً النقطة الأنا وقفت فيها هي إنه خلى ولدو يتزوج ب ميليسا..
إنتِ بس حاولي ما تضغطي على روحك وإتعاملي مع اي موقف بإنه طرف خيط وطولي بالك..
حاضر
وصلني الدار قال لي حاولي تكوني كويسة،ولو في شي إتصلي علي
وانا نازلة فتحت الباب ورجعت قفلته وإتلفته عليه وبقيت اعاين ليه بتردد
قال لي مالك نسيتي حاجة؟
حضنته..نسيت اقول ليك شكراً
وانا نازلة من العربية كنت حاسة بنفسي فراشة،او بخفة الفراشة،الشعور الحاساه من امبارح لصباح اليوم إنه كل ساعة جمبه هي ساعة سعيدة،رغم كل سلوك سيء ببدر مني تجاهه بس بكل امانه بحسه بختارني كل يومٍ بأفعاله ولو في مشكله بينا بحس كأنه بحاول على قدر ما يقدر يخليها تنتهي في يومها وم تمشي معانا لليوم التاني،ك زولة لسة يا دوب طالعة من تجربة عارفة إنه بدري اقول الكلام دة بس سياف القدامي دة هو الشخص الهين ولين والمتزن وسهل المعشر البتقال عليه...
.....................................
السودان&السعوديه/... ☎️
يمكن نوعاً ما حتكون عارف انا متصل عليك لشنو يا طارق،انا سمعت بالحاصل بينك وبين سندس،وبالنسبة لي قرارك إتقال لي وشبه محسوم من ناحيتك بس كان الأفضل والأصح إنه م تعاملها معاملة عديمة الولي،لأنك م لقيتها في الشارع ولما اخدتها م اخدتها من الشارع صح ولا لأ؟
البت دي اختنا قبل ما تكون في يوم مرتك
يا امجد إنت سمعت بس ما سمعت مني..
يا طارق م عايز ارجع ليك لكم سنة ورا حصل شنو بسببك إنت لأنك عارف الحصل شنو وقبل ما يحصل انا قعدتة معاك اكتر من مرة وسمعتك اكتر من مرة وحاولت اتناقش معاك اكتر من مرة إنت ما سمعت مني وكنت بتتصرف بحماقة ومراهقة تتذكر وقتها قلت ليك شنو؟ديل بناتنا ما محل تجاري إنت داخله ،لغاية قبل العرس بيوم انا كنت بتكلم معاك بخصوص البت دي وقلت ليك يا طارق سندس دي ما عندها غيرنا انا وشهد وللأمانة شهد هي الكانت متحملة مسؤوليتها كلها،و العرس دة زيو زي البيوت الإنت بتاخدها ك مشاريع دي لو اساسها م متين وخرطتها فيها غلط واحد الموضوع دة حيكلفك كتير..
هسي انا م متصل عليك عشان ألومك او احاسبك ودي حاجات مصيرية ومستقبلية ما فيها لوم ،انا عايزك تقعد مع نفسك مرة وإتنين وتلاتة وتراجع قرارك دة
انا بقول ليك الكلام دة ما عشانك لأنه لو علي هسي ترجعها السودان،لكن عشانها هي لأنها متعشمة فيك وباقيه عليك رغم السؤ البتتعامل بيهو معاها دة ،لو لقيت نفسك لسة مُصر على قرارك إتصل علي انا في الحالتين حأكون منتظرك،لكن تأكد تماماً إنه دي حتكون اخر مرة اسمعك فيها وقرارك الحتاخده دة ما منه رجعه ..
...................................................
سانفرانسيسكو /Us🇺🇲
وانا داخلة على القسم الإداري لاقاني واحد من الأمن قال لي سيدتي لقد كانت مادلين تبحث عنك قبل قليل..
مادلين؟اين هي الان؟
لا أعلم اظن انها عادت إلى الجزء السكني
حسناً شكراً لك
طلعت تلفوني إتصلت عليها ما بترد ،وصلت المكتب وانا لسة بحاول أتصل عليها..
قالت :كان معلقاً بحمام تلك الغرفة التي قمنا بالدخول إليها ليلة البارحة..
أمتأكدة ؟
تماماً
تعالي معي
اخدتها وبإستعجال دخلنا الدار واخدنا المصعد ،وصلنا طابق الغرفة وانا مستعجلة ماشة وبقول يا رب م يكونو فتحوها للصيانة..
وصلنا الغرفة ناولتني المفتاح ،فتحته بسرعة وإتجهت على باب الحمام فتحته ومشيت ورا الباب ،لما شفتها لما حيلي برد
ياها نفسها،نفس الشكل والتفاصيل..
بس هي كيف وصلت هنا ؟
نزلتها وبقيت اعاين ليها يمين في شمال لاحظت لإنه في نهاية الخيوط المتدليه منها في زي جيوب صغيرة شكلها مستطيل ورفيعة لو م الزول ركز فيه م بقدر ينتبه ليه..
مادلين قالت لي سيدتي
بقيت اعاين حواليني
ومع نفسي بردد ممكن يكون مستر جو كان بخت فلاشاته القال إنه إتسرقت منه هنا في الجيوب دي عشان كدة قال ل تايسون بشكل مبهم إنه المانديلا دي حتحقق ليه السلام والإتزان في حياته..
كلامه كان في منه مغزى ما ساي ،بس الجابها غرفة السيدة إيفا شنو معقول السيدة إيفا هي السرقتها؟واكبر دليل على كدة إنها معلقاها في باب الحمام من جوة ويستحيل زول يدخل حمامها عشان يشوفها
طيب ليه؟؟.
طلعت من الحمام بقيت يفتش غرفة السيدة إيفا بشكل هستيري ومادلين بتتكلم معي..
سيدتي
ما الذي تبحثين عنه، يمكنني المساعدة إذا اخبرتني..
سيدة شهد هل انتِ على ما يرام
خلصت وطلعت مستعجلة حتى م اخدتة العربية
وانا في الطريق كنت بتكلم مع نفسي(كنت بفتش عن المسؤول عن موت مستر جو كدة انا إتأكدتة إنه موته كان بفعل فاعل بس منو فيهم المسؤوله عن موته؟ممكن تكون كاثرين لأنها بتحاول تتحصل على المعلومات الجمعها عن الدار في الفلاشات دي
وممكن تكون السيدة إيفا لانه كشف سرقتها ويمكن كشف عن هويتها الحقيقية الأنا م عارفاها بس كاثرين ومستر جو هم الوحيدين العارفين هي منو وإلا م كانت كاثرين حاولت تقتلها،ما كانت عندي رغبة الرجعة للبيت ف اخدتة وقت في الطريق
وصلت البيت وكان الوقت متأخر ،لقيت سياف واقف برة البيت قدام العربيه وخالف رجل على رجل
مساء الخير
بصوت يائس قلت ليه مساء النور
كانت مرسومة على وشه علامات القلق والتوتر
إنتِ كويسة؟
هزيت ليه راسي بمعنى لا
حصل شنو؟
نحن متشاكلين؟
خليك من شكلتنا ووريني مالك؟
وقفت على بُعد مسافة قريبة منو وانا ساكتة، وقفة الحاسي بشعور الخيبة واليأس للمرة المليون..
خطى خطوتين وهو مقرب علي وكل القالو :تعالي واخدني في حضنه..
هاي إتش ،ساغيب لقليل من الوقت ،تولى امر توجيه الأخرين إلى حين عودتي حسناً؟وايضاً لا تدع ناظريك يغيبان عن ما اخبرتك به،اخبرني حال حدث شيء ما، ،لا لن اتأخر ،حسناً إلى اللقاء...
ونحن في الطريق قالت لي هل نحن في طريقنا إلى نوب هيل؟
نعم نحن في طريقنا إلى هناك
ااااه اعشق هذا الحي وشوارعه،ليتك اتيتي بطريق لومبارد ، هو خاص بالطبقة الغنية بالطبع ،إحدى صديقاتي تسكن هنا..
وهي بتتكلم إتذكرت سياف امبارح وهو ماسك يدي في العربيه وبحكي لي عن طريق لومبارد المتعرج ،للحظة سرحت مسافة بعدها إنتبهت لصوتها وهي بتقول لي انظري لهذا..
وصلنا العنوان ونزلنا كان في حارس في البوابة ،قلت ليه مرحباً
قال لي مرحباً بكن
انا هنا لمقابلة تايسون
عاين لي وعاين لي مادلين
قلت ليه إنها صديقتي
حسناً تفضلي
المدخل بتاع البيت كان عبارة عن مساحة خضراء واسعة..
مادلين قالت لي يا إلهي،إنه منزل جميل للغايه احببته
فجاة ظهر تايسون ادامز في وشنا وهو ماسك عصا او مضرب في يده كان بلعب غولف ولابس نظارة،لما إنتبه لينا وقف..
مشينا عليه وفي نفس الوقت هو كان متحرك جاي علينا مرحباً ايتها السيدات
مرحباً سيدي..
مديت ليه يدي وبتردد قلت ليه انا شهد
وهذه صديقتي في العمل مادلين
مد يده وسلم علي وقال لي لم يكن لقاءنا الأول جيداً لذا مرحبا بك سررت بقبول دعوتك
وانا ايضاً..
كنت مركزة في حركات جسمه وصفاته القالها لي صاحب مستر جو
اقصد انا ايضاً سررت بدعوتك لي
سلم على مادلين وقال لينا تفضلا بالجلوس
كان عنده جلسة في نص الحديقة دي..
شويه كدة جات شغالة قدمت لينا مويه
وقبل ما تتحرك قال لينا قهوة؟
مادلين قالت ليه لا ،انا لا اشرب الكافيين كثيراً
قال لي وأنتِ؟
هزيت ليه راسي بمعنى نعم
قال للشغالة 2قهوة،وعصير..
الشغالة وهي ماشة مادلين قالت ليها خالي سكر..
الشغالة قالت ليها حسناً
منزلك جميل للغاية سيدي،يبدو انك محب للزرع والطبيعة
اشكرك ،نعم احب الزرع كثيراً
كل خوفي من مواضيع مادلين الما بتخلص خصوصاً إنه صاحب مستر جو قال هو قليل الكلام
عاينت ليها وملامح وشي كلها رجاء إنه ما تتكلم كتير..
وانا بعد في الثواني جات الشغالة قدمت لينا القهوة وقدمت لي مادلين العصير..
كان في حالة بتاعة صمت كدة حاصلة،
مادلين وقفت وقالت لينا سأترككم قليلاً هل يمكنني التجول هناك سيدي؟
قال ليها لكِ هذا
مشت وفضلنا نحن ساكتين للحظات قليله بعدها قلت ليه لم يكن لقاءنا المرة السابقة موفقاً ولكنني وضحت لك الأمر،اردت مقابلتك لأن الأمر يستحق سماعه، دعني أعرفك بنفسي للمرة الثانيه انا شهد ،اعمل بأحد دور الإيواء ب سانفرانسيسكو
أردت مقابلتك لأن الأمر متعلق بحادثة إختفاء سيارة خاصة بك بداخلها إبنتك والسائق الخاص بها
فجأة ملامح وشه إتغيرت قال لي
إبنتي؟هيا اخبريني ما الذي تعرفينه؟
هناك امور كثيرة تتعلق بهذا الأمر ولكن بدا الأمر المتعلق بإبنتك بعد وفاة السيد جو،كان احد المسنين بالدار وبعد وفاته...الخ
اخدتة وقت وانا بتكلم معاه، في امور كلمته بيها وجزء منها خليته مبهم وجزء إتكتمت عليه
في الأخر قلت ليه الأمر لا يتعلق بمعرفة أين هي السيارة الان لأن معرفة موقع السيارة لا يقود إلى إبنتك إن وجدت بعد كل تلك السنين،إنه طرف خيط لعقدة كثيرة التشابك والتداخل مع بعضها البعض،ارجو ان لا تسيء فهمي
يمكنك إستخدام هاتفك الان والبحث عن وفاة السيد روكفلر،ستجد انه توفى بداخل ذلك المكان محاولاً حل ذلك اللغز لم تكن محاولة بائسة منه لقد كان الأمر مجدياً نوعاً ما والأن الأمر لا يتوقف على معرفة أين هي أبنتك فحسب ،هناك مئات المسنين بداخل ذلك المكان هم ليسو بمأمن لا أستطيع إخبار الشرطة لأنني لا ارغب بمعرفة من بالسطح ،هناك من في القاع وهم الأسوأ..
لقد توفى السيد جو محاولاً حل هذا اللغز ،والان هناك مسنه اخرى بغيبوبة،لقد حاولو قتلها بجرعة زائدة..
لم يترك لي السيد جو سوى فلاش به معلومات مبهمة من خلاله إستطعت التوصل للحادثة المتعلقة بإبنتك..
أخبرك بهذا لأن الأمر يتعلق بك على المستوى الشخصي سيدي ،والان بات يتعلق بعائلتك
اقصد بعائلتك إبنك وزوجته
لا اعرف ما الذي علي قوله ولكن زوجة إبنك من المرجح ان تكون..
لاحظت إني إتكلمت كتير،وحسيت إني ما قادرة اصيغ الكلام وهو كان بكامل هدؤه وثباته،ومستمع جيد..
لما وصلت للحتة بتاعة زوجة إبنك من المرجح أن تكون..
وقف على حيله وقال لي تعالي معي
قمت ومشيت وراه
دخلني بيته وطلب مني اقعد في غرفة المعيشة
وهو إختفى من جمبي لدقايق وانا بعاين حوالي
للحظه عيني وقعت على حائط فيه صور كتيرة
وقفت ومشيت على إتجاها
كلها كانت صور مختلفة لطفلة
بقيت واقفة وبعاين ليها
هذا الحائط كل ما املك من اثر إبنتي ،كانت فتاة جيدة للغاية،من إختطفها اراد قتلي ولكن بطريقته وقد فعل..
انا اسفة للغاية لأجلك
للأسف في امريكا الولد والمعلومة دي وصلت ليها من اقاربو ومؤكدة 100% لكن م فات شي اختك مش في امريكا؟ممكن نحاول نعرف وين هو في امريكا وتصل ليه هي
لالا ،الموضوع دة بيني وبينك بس ما عايز ادخل اي زول في تفاصيل القضية دي بالذات شهد اختي دي،انا إن شاء الله بحاول بطريقة ما أصل ليه ماف مشكلة..
...........
امريكا/سانفرانسيسكو
حتمشي بكرة ؟
بكرة شنو لو علي ملابسي البجهز فيها دي هسي ألبسها واقوم امشي ليه..
كنت بطلع في ملابسي في الدولاب ،إتلفته عليه لقيته بعاين لي كأنه عايز يقول شي
قلت ليه سامعاك انا يلا قول الكلام الفي لسانك
قال لي لا بس مستغرب شويتين
قلت ليه من شنو؟
قال لي حركة الورد مثلاً
وانا ماسكة الملابس في يدي بقيت اعاين ليه
قال لي يعني غريبة شوية صح؟
قلت ليه الغريب شنو م فاهماك؟
ليه زول ممكن يرسل دعوة ب ورد لونه أحمر؟
حسيته مغيوظ كدة وفي ريحة غيره فايحه منه بس بحاول يداري عليها وبلف وبدور
فعلاً ليه؟كلامي كانت معاه إبتسامه مرسومة على شفايفي
إتخطاني وفتح الدولاب شال ملابسه وقال لي عموماً اعملي حسابك شديد ودخل الحمام..
مشيت وراه قلت ليه انا نفسي افهم خايف من شنو إنت؟
قال لي المخوفني يا شهد عدم خوفك على نفسك دة..
وقف قدام المرايا وفتح الخزانة طلع حاجات الحلاقة وانا واقفة بعاين ليه،قال لي بحاول اوصل ليك إنه البلد دي ما بالسذاجة الإنتِ بتتصرفي بيها دي..
قلت ليه إنت خايف ألبسك مصيبة إنت في غنى عنها وتدخل في هاء ولاء؟
عاين لي وهو ساكت..
قلت ليه من ناحيتي م تخاف انا بعرف اتحمل نتيجة ومسؤولية مصايبي براي ولو حصل لي شي إنت اخر زول حأفكر فيه تمام كدة؟
قال لي البتشوفيه مناسب معاك أعمليه يا شهد
اصلاً حأعمل المناسب معي من غير ما تقول
طلعت غرفة المعيشة شغلت التلفزيون ونمت في مكاني ،صحيت على حركة فتحت عيني لقيتها لين بتقول لي نايمة في الكنبة الضيقة دي مالك؟
قلت ليها صباح الخير، كنت بحضر بس وشالتني نومة
سياف طلع بدري حتى م إنتظرني قال لي اطلعي بالمترو مع شهد لكن شكلك حتتأخري انا طالعة
الساعة كم هسي؟
الساعة ماشة ل 9ونص
بخلعة قلت ليها 9ونص؟
قالت لي ايوا مالك؟
عندي مشوار بس لازم اجهز ليه
طيب انا حأطلع لأنه الزمن وكدة
طيب تمام
كنت مستعجلة وانا بجهز لأني لازم اطلع الصرافة عشان احول لأهلي وبعدها امشي الدار حتى اطلع لمقابلة تايسون ادامز..
شلت التلفون بتاعي وإتصلت على رفيدة..
شهود كيفك
حبيبي بخير وإنتِ كيفك وكيف ناس البيت؟
الحمدلله كويسين م عندنا عوجة
صوتك مالو عندك إلتهاب ولا شنو؟
لا ابداً نعسانة بس عشان كدة
طيب يا رفيدة عايني انا طالعة احول ليك هسي حيتواصلو معاك عشان تستلمي
طيب حاضر
المرة دي زايدة المصاريف شوية شوفي الناقص شنو في البيت جيبيه لغاية م ربنا يسهل احول ليكم تاني
حاضر،ماف شي ناقص والله يا شهد امجد م مقصر لقى ليه ركشة كدة اظنها حقت صحبو شغال بيها اليومين دي مطلع منها مصاريف
طبعاً عربيتك شهاب مستلمها على حسابه وباع عربيته كلمتك انا صح؟
م مستغربة اصلاً من زمان هو كان عايز يبيعها حتى وانا سايقاها
والله يا شهد شهاب اخوك دة غايتو م عارفة اقول ليك عليه شنو بس
مالو عمل شنو كمان؟
لالا ماف شي عموماً كدة بس
ما تشتغلو بيه إنتو بس تمام،رفو حبيبي انا طالعة مستعجلة عشان مفروض استعجل في الصرافة واللحق الدوام ،برجع ليك بعدين تمام؟
في طريقي للصرافة جاتني مكالمة من صاحب مستر جو..
اول ما رديت عليه قال لي متأكد انك سعيدة بسماع صوتي..
لا اعتقد انك محق في ذلك ولكن يبدو ان لديك ما ستقوله ،اخبرني ما الأمر
ما يعجبني بك انك حادة الطباع
إنها صفة مكتسبه من صديقك
يحب الإلتزام بالمواعيد،قليل الكلام ،يحرك صوابعه عند الكذب وتحمر انفه وجفنا عينيه عندما يكون متوتراً،يدخل يديه داخل جيبه عندما يريد إظهار عدم أهمية الأمر بالنسبة له، عندما يغضب تحمر اذنه وعنقه...
لحظه! لم أفهم ما تقول..
صفات تايسون ادامز التي يجب عليك التركيز عليها عند مقابلته لتدارك الموقف
ومن اين علمت انني سأقوم بمقابله تايسون ادامز اليوم؟دعني احذر هل تقوم بتعقبي؟
تخونك الذاكرة دوماً ،لا تنسي انني من قمن قمت بتدبير مقابلتك معه المره السابقة..
تقصد قمت بإختطافه ما علاقة هذا الأمر بذاك؟
لا فرق بينهما في الحالتين تعتبر مقابلة ،ولا علاقة بينهما ايضاً فقط اقوم بتنبيهك،ربما تكون ذات فائدة لكِ
تايسون بارع للغاية في التلاعب والمراوغة لذا كوني حذره
حسناً ولكن هل ،اعني..
الشيء الوحيد الذي سأضمنه لك من هذه المقابلة هو خروجك سلامة من هناك ،،ستكونين بخير
اما فيما يخص ما انتِ ذاهبة لأجله لا اجوبه لدي هذا الأمر يتوقف عليك..
حسناً.
انا ماشي لكن نتلاقى بعدين حاجي اسوقك ونتكلم في الكنت بقول فيه تمام؟
طيب تمام
يلا في امان الله
عديت اليوم بين حيطان المكتب الأربعة..
لما دوامي إنتهى إتصلت على سياف وسألته حتجي علي ولا أطلع البيت لأني مرهقة
ما تطلعي جاي عليك انا
إستنيته لغايه م إتصل وقال لي وصلت يلا تعالي منتظرك
طلعت عليه اول م ركبت العربية قلت ليه اقصى طموحاتي اللحظة دي اصل البيت وانوم بس..
قال لي طالعين بدري،حتنومي بس م هسي..
قلت ليه بحيل مهدود يا سياف انا مرهقة جد كدة
تمام يا شهد بس رافقيني في مشوار صغير وحنرجع البيت
طيب
ربط لي حزام الأمان وإتناول كيس من الكرسي الورا وقال لي م متأكد إتغديتي ولا لأ بس عزمت نفسي معاك غداء
كان جايب بيتزا وبيبسي
قلت ليه والله جعانة كنت
يلا طيب خلينا ناكل ونحن في الطريق
ونحن ماشين بعد مسافة قال لي م منتبهه لي شي؟
كنت باكل قلت ليه زي شنو مثلاً؟
قال لي كدة المهم ما منتبه؟
بقيت اعاين ليه قلت ليه ما فيك شي متغير ونفس العربية بقيت اعاين حوالي ماف شي
شلت علبة البيبسي وانا بشرب وبعاين برة القزاز للحظة قلت ليه الشارع،قصدك الشارع صح؟
الشارع دة إسموو شارع شنو اللهم صلي وسلم وبارك على سيدنا محمد
عليه الصلاة والسلام،شارع لومبارد
قلت ليه لومبارد صح ،الله،بقولو إنه دة اهم معالم سانفرانس بعد جسر البوابة الذهبية ،سمعت بيه بس ما حصل جيت مارة بيه ممكا سكنت هنا ، يمكن لأنه مسافته طويلة شويه او يمكن لأني مقفولة ومن الشغل للبيت وم عندي اي نشاطات بقوم بيها ولا حتى عندي شغف اعرف المدينة دي فيها شنو اي نعم بسمع بمعالمها سمع بس م حاولت اشوفها ،نزلت القزاز بقيت اعاين في الشارع ومطلعة يدي،الطريق كان متعرج كدة وحواليه او على جوانبه في شجر شكله حلو شديد ،والبيوت الحواليه شكلها غريب ومميز
قلت ليه مرة شفته في الصور بس م إتوقعت إنه يكون في الواقع رهيب كدة بختهم الناس الساكنين في البيوت دي
قال لي عارفة إنه الشارع دة إتعمل بسبب هضبة كانت مايله بزاية27°و مسببة عائق للسكان السايقين والبمشو برجولهم صعوبة في الطلعة والنزلة ،عشان كدة قامت بلدية المقاطعة عملت الشارع المتعرج النازل لتحت دة على حافة الهضبة
قلت ليه وم كانو متخيلين إنه ممكن يكون واحد من بين اهم المعالم في الولاية واشهر الشوارع في العالم
قال لي بربط او بتقاطع مع شوارع ومعالم كتيرة مهمة في الولاية والأهم من كدة بنزلك في اهم معالم سانفران جسر البوابة الذهبية ..
اخدنا الوقت ونحن ماشين وانا بعلق كل شوية على حتة وهو بحكي لي عنها لغاية م وصلنا الجسر ،
قال لي وصلنا مع الغروب
نزلنا ووقفنا قدام العربية وبنعاين بإتجاه غروب الشمس قلت ليه هو دة مشوارك المهم ولا إنت تُهت؟
قال لي لا ما تُهت،بس حبيت اقضي معاك شوية وقت بدل ما نرجع البيت وتنومي وإنتِ زهجانة
قلت ليه أعتبره موعد بدون مناسبة؟
قال لي إنتِ مناسبة كافية
سرحت فيه بعد ما قال كدة وفي لحظة إنتبهت ، قلت ليه خت في بالك المرة الجاية الموضوع حيختلف وانا الحأجيبك هنا
نزل شال حصى من الأرض وقال لي وانا موافق من هسي..
قعدنا واخدنا الوقت ونحن بنتونس وللأمانة بقى يخوفني إحساس "الونس" معاه ،كنت مرة اسمعه وارد عليه ومرة اسرح وهو بتكلم
الزمن عدى وقررنا نرجع
ونحن في طريق الرجعة قلت ليه عارف يا سياف م قادرة اشرحها ليك كيف بس عموماً شارع لومبارد دة متعرج ومليان عوجات شبه حياتي
ضحك ،قال لي بس رغم التعرجات دي كلها الواحد وهو فيه بستمتع بالرحلة من كمية الحاجات البمر بيها وم بحس بإستياء من كترة التعرجات دي،ولما تصل نهايته وتلقى نفسك في جسر البوابة الذهبية بتحسي إنه مسافة ال400متر دي كانت عشان حاجة بتستحق فعلاً
هو شبه حياتي من حيث التعرجات الفيه بس هو حواليه في الأسباب البتخليك تستمع بالرحله المناظر والبيوت المبهجة شكل الطريق نفسه
معناها إعتمدي العدمية يا شهد ما إلا تكون عندك اسباب تخليك تستمتعي بالرحلة
يعني مثلاً هسي نحن اوقات بنمشي نتسلق الجبال حجار ومعاناة ومشقة وشمس بس نفسياً لما اصل لقمة الجبل بكون مرتاح وحاسي بالرضى رغم إنه ماف شي مستنيني على قمة الجبل بس الواحد بحس إنه إتغلب على نفسه وعلى مخاوفة
ضحكت وقلت ليه لا ما هو إنت إنتحاري لكن وبالك واسع وعندك قوة تحمل انا اخلاقي يا دوب على قدري
وإنتِ قدرك عالي دة الشي الأكيد ♥️
بقت في لحظة صمت ما بينا بس اول مرة احس إنه في لغة إسمها لغة العيون سائدة على كل اللغات
سادت لحظة الصمت ما بينا لغاية م وصلنا البيت
قال لي وصلنا
قلت ليه شكراً
على؟
على كل شيء ماف شي محدد
عارفة يا شهد ليه بحب رفقتك ؟لأنه بتخليني في حالة إنعزال ويقين بإنه الجاي من حياتي حيكون أحن من كل توقعاتي
قلت ليه بإستنكار انا ؟
قال لي قبل كم شهر كنت مزحوم بخطط كتيرة شديد وجايط بس خططي كلها كانت في حدود الشغل ،حالياً بقيت مؤمن تماماً إنه خططنا ما بتسوى شي قدام خطط ربنا سبحانه وتعالى
،والله صحي بقولو الما بقدر على الحمار بقدر على البردعة ،مخلي اختك لافة وجاي تتكلم عني انا وتقول م بسأل عن ابوك؟
انا كان سألت وكان م سألت م مجبورة عليه وم مسؤليتي يا استاذ
وبعدين تتكلم على شهاب وانت ياكا قاعد حارس البيت ماكل شارب نايم قايم شغلتك شنو؟
الركشة البقيت بتسوقها دي ولا تاني ؟
اخر الزمن والله واحد بتصرف عليه أخته الما معروف إتجاه ليها هي ولا لقروشها جاي يتكلم عن زول ماسك مسؤلية بيته واولاده ،شهاب ضراعو اخدر حق الترحيل دة الليله كان طلع إشتغل بكره بطلعو الكلام ليك إنت وللسكاري المرمي فوق داك ابقو رجال زي الناس اول
قبل 4سنة يدي دي ضوقتيها بس إنتِ ما بتتوبي تعالي هنا
تدخل سريع من رفيدة كانت شايلة قالب تلج مطلعاه من التلاجة ضربت بيه نمارق ..
يا وسخانة يا الريحتك طير طير إنتِ مرة مع النسوان لما عندك خشم تتكلمي ؟
امجد محترم وم برد ليك لكن انا برد ليك بالطريقة البتأدبك
في لحظات البيت إتملى صريخ ودم جاري في الأرض..
ضربتني يا شهاب ،حأموت يا شهاب ،راسي يا شهاب راسي..
شهاب مسك رفيدة وضربها وامجد والعمة سميرة في النص بمسكو فيه
والشفع من ناحية تانيه ببكو باعلى اصواتهم من منظر الدم الشايفنو جاري من امهم
وفي الغرفة حاج عبدالله سامع بس م قادر حتى يرفع راسو ويتقلب عشان يفهم الحاصل شنو
شهاب وهو بصرخ وماسك نمارق والله يا رفيدة ارجع اللقاك في البيت دة الا تحفري قبرك بيدك الليله،ابقي مرة اجي اللقاك قاعدة في البيت دة..
...........................................
كاليفورنيا /سان..
دخلنا البيت وبتنهيدة رميت شنطة يدي في الكرسي وطلعت تلفوني وبقيت اعاين ليه وقلت:يا قول عمتي شهراً م عندك فيه نفق م تعد ايامه ،م اعتقد حيتصل
سياف وهو بعاين لي قال لي تعالي قرب علي وضماني عليه ،اخدتة نفس طويل وإتنهدتة وانا مغمضة وحاسة في اللحظة دي إنزاح عني كل الهم وإتشال مني كل الحمل الكنت حاساه تقيل علي..
مستغربة في قدرتة على إمتصاص الطاقة السلبية في لحظة..
لما جيت انوم ختيت راسي في كتفه وإتوسدته عليه والمره دي م كنت حاسة حتى بالوخزة الكنت بحس بيها كل م اكون بالقُرب دة منه،
صباح اليوم التاني وانا ماشة على غرفتي في الدار لقيت مادلين جايه وراي مستعجلة وبتنده علي سيدة شهد
سيدة شهد
وقفت وإتلفته عليها
صباح الخير مادلين
صباح النور سيدة شهد اعتذر ولكن يجب ان نتحدث
إتفضلي ماذا هناك؟
في منتصف الليله الماضيه سمعنا اصوات غريبة وعالية عند سطح المبنى ،حاولنا معرفة ماذا يدور هناك ولكن وجدنا باب المخرج مغلقاً بإحكام رغم محاولتنا لكسره لم نسطتع فتحه،أردت إخبارك بهذا الأمر منذ ليله البارحة..
اصوات مثل ماذا لا افهم؟
كان صوت صاخب،يبدو ك صوت المروحية او شيء من هذا القبيل..
مروحيه؟
هل أواثقة مما تقولين مادلين؟
اجل سيدتي
تعالي معي
نزلت ومشيت مكتب الHR
صباح الخير سيدة شهد
صباح النور، من المسؤول عن مفاتيح الغرف الخاصة بالدار هنا؟
إنها بحوزة امين الغرف ومسؤول الصيانة بجوار غرفة المراقبة ،ماذا حدث أهناك مشكله ما؟
لا ولكن اريد نسخة لغرفة ما فحسب
طلعت منها وبإستعجال كشيت على طابق غرفة المراقبة
وبالفعل لقيت المكتب المقصود
دقيت الباب ودخلت
كان زول كبير في العمر
صباح الخير سيدي
مرحباً صباح النور سيدتي
أريد مفتاح باب مخرج السطوح
طلع لي المفتاح وقال لي هيا سأتي معك لمساعدتك في فتحه
قلت ليه لا ،لا بأس ساذهب ومعي مادلين إنها مسؤولة الأمن وتريد فحصه فحسب
حسناً سيدتي انا هنا في حال إحتجت لمساعدة
طلعنا واخدنا المصعد لغاية م وصلنا اخر طابق بعدها طلعنا الطابق الأخير برجولنا لغاية م وصلنا باب المخرج
مادلين شالت مني المفتاح وقالت لي دعيني اقوم بفتحه
والغريبة قبل م تدخل المفتاح الباب إتفتح..
قالت لي إنه مفتوح بالفعل..
بإستغراب بقينا نعاين لبعض
ولكن كيف ذلك لقد حاولنا فتحه ليله البارحة ولكنه كان مغلقاً
لما وصلنا السطح بقت تتلفت قالت لي لدي فوبيا المرتفعات،اصاب بالدوار لذا لا يمكنني النظر من حولي
بقيت اعاين وانا ماشة ومساحة السطح كبيرة شديد..
قالت لي أنظري إنها اثار اقدام أليس كذلك؟
بقينا نعاين لبعض
قالت لي هيا لنتبعها
لما وصلنا للنص مادلين قالت لي أنظري لهذا..
كانت في مساحة على شكل دائرة كبيرة متشال عنها الغبار ومساحة السطح الباقية كلها غبار ..
إنها حقاً مروحيه ولكن لمن المروحية في هذا المبنى ولماذا ؟
بقيت اعاين لأثار الأقدام وقلت ليها والأهم من ذلك ما الذي جلبته المروحية إلى هنا
قعدت وانا بعاين للأثر
ومادلين واقفة في بتعاين لي
نزلنا ومادلين كانت بتتكلم معي م بتذكر إني سمعتها
لما وصلت المكتب بتاعي لقيت لقيت بوكيه بتاع ورد
للحظة شعر جسمي غز وإتذكرت عمار،لأنه كان متعود على إنه يقدم لي بوكيه ورد احمر حتى بدون مناسبة..
قلت ليه اعلم هذه ليست الطريقة الصحيحة للحديث بما اريد قوله لذا..
فتحت شنطتي وطلعت منها قلم ورقة كتبت فيها رقم تلفوني وقلت ليه إن كان يهمك معرفة الأمر الذي اردت التواصل معك لأجله وأعلم تماماً أنه سيهمك، هذا هو رقم هاتفي سأكون بإنتظارك ،أعتذر لما حدث مرة أخرى..
هل يمكنني الخروج الان؟
قالت لي لكِ ذلك
وانا طالعة جا واحد داخل شايل شنطة..
م كنت فاهمة هم شنو وهو علاقاته بيها شنو وخفت جداً من إنه اتورط في شي او الراجل يحصل ليه شيء،إتصلت على صاحب مستر جو..
اول م رد قال لي ها انتِ ذا ،هل كان الأمر موفقاً؟
قلت ليه لا لم يكن كذلك،لقد ساءت حالة الرجل قليلاً عند رؤيتي وظن انني إرهابيه..
ضحك وهو بقول لي ولِم انتِ متفاجأة؟مواطن امريكي تعرض للخطف ووجد إمراة محجبة امام ناظره ما الذي يفترض ان يفكر به
دعك من هذا الأمر ،لم استطع التحدث معه ،لقد خرجت من ذلك المكان وتركته مع تلك المرأة ،ولكنني قلقه لأمره،وقلقه بما سيفعله بعد خروجه من هناك ، كيف يمكنني مساعدته الان،اخشى حدوث شيء سيء له..
قال لي دعكِ انتِ منه،ليست هناك ضرورة للقلق عليه وعلى ما سيفعله بعد خروجه من هناك ،لن تكوني اكثر إكتراثاً وإهتماماً لأمره اكثر من اخته الشقيقة،
هل وجود احد داخل مكتبة اخته وبوجود اخته يسمى إختطافاً؟
قلت ليه ماذا؟
قال لي اجل إنها أخته غير الشقيقة ،ليس عليك القلق حيال هذا الأمر هيا إذهبي وتنفسي الصعداء قليلاً
سأعاود الإتصال بك لاحقاً لمعرفة ما حدث هناك..
قلت ليه لا اظن انني ارغب بسماع صوتك مرة اخرى
قال لي هيا لست متأكدة من ذلك عزيزتي
قفلت وعاينت للزمن لقيت الساعة ماشة ل 6
كنت بتصل على سياف م رد
بقيت ماشة وحاسة نفسي تايهه في شوارع الحي الما مفهوم دة
وقفت تاكسي..
................................................
السعودية/الرياض
طارق انا الحامل،انا التعبانة ومرهقة و كل يوم ما بحس غير بتعقيد في العلاقة دي ،وريني إنت بتصرفاتك دي عايز توصلني لوين وانا معاك فيه..
ننفصل
بتسألني السؤال دة وانا مفروض اقرر؟
لا دة م سؤال دة قرار انا اخدته،انا وإنتِ عارفين إنه نحن م حنمشي لقدام عن نفسي واثق ومتأكد تماماً من الحتة دي ،ما حأقدر امشي معاك لقدام ولو عشته معاك حأعيش متأقلم
لحظة صمت..
الإنفصال دة لصالحك لأنو انا ممكن م تفرق معي واخليك مرمية بين اربعة حيطان عادي بس م عايز افكر بأنانيه
ماف راجل بعيش مع واحدة بلقى نفسه م قادر يحترمها يا سندس،في مواقف كتيرة سابقة ليك انا م قادر اتجاوزها حتى شهد م عارفاها بس انا وإنتِ عارفنها كويس.
ماف راجل بعيش مع واحدة م بقدر حتى يقرب منها عشان يديها حقها الشرعي،حتقعدي عمرك كله تشحدي مني حقك الشرعي وتشحدي مني الإهتمام وابسط حقوقك التانيه؟
انا مادياً بقدر اقدم ليك حتى نجوم السما لو طلبتيها بنزلها ليك وم حأبخل عليك بي شي بس شعورياً انا م لاقي نفسي بقدر اقدم ليك شي حتى لو حاولت،حتى عرسنا مبني على ضغوطات امي وضغوطات خيلانك وضغوطاتك إنتِ زاتك رغم إني وضحت ليك إني بكل الزوايا م عايزك ف هسي بعد كم شهر بس شوفي وصلنا لوين
ممكن تشوفي كلامي دة قسوة مني بس انا بقولو ليك عشان م تسمعي كلام أمي وتتعشمي في إنه الامور بينا لقدام حتتحسن سواء بعد الولادة او غيره،عمرها الأمور بينا ما حتتحسن وتمشي لقدام بعد تتحلي بالسلامة إن شاء الله ننتهي من الموضوع دة
.....................................
امريكا /كاليفورنيا..
وانا في طريقي لملعب المباراة إتصل علي سياف..
اول م فتحت الخط قال لي بنبرة مليانة قلق شهد في شنو ؟إنتِ وين؟
في الطريق جايه حصل شنو المباراة إنتهت؟
اي طريق ما فاهمك ؟لقيت مكالماتك كنت في المباراة ،الحاصل شنو ؟إنتِ كويسة؟
لما اوصل بحكي ليك يا سياف
طيب عايني وريني وين إنتِ انا جاي عليك
سياف انا في الطريق حتجي علي وين؟
طيب م تجي الملعب تعالي البيت انا طالع جاي عليك
قلت ليه طيب حاضر
قبل م اصل سياف تاني رجع إتصل علي وقال لي ي شهد وين إنتِ ؟
قلت ليه دقايق واصل يا سياف
لما وصلت لقيته مستنيني برة في العربية
اول م شافني إتحرك جا علي..
قال لي في شنو يا شهد ؟
قلت ليه مساء الخير
حيكون مساء الخير فعلاً لما افهم في شنو حاصل معاك؟إنت كويسة؟
قلت ليه كويسه انا يا سياف
تعالي مد يده ومسكني من يدي ومشى بي على باب البيت..
قعد في عتبة الباب وقال لي تعالي..
قعدتة جمبه
قلت ليه حصل شنو معاك في المباراة؟
إتوفقنا الحمدلله
قلت ليه يعني كسبتو؟
ايوا
قلت ليه المشاركة بتولد المنافسة إذاً
ما حتحكي لي كنتي وين؟
قلت ليه اسألك سؤال قبل م احكي ليك
اها سامعك
قلت ليه عقوبة الخطف في امريكا بالميت كدة ممكن الواحد ياخد فيها كم؟
ضحك قال لي شهد خليك جادة شويه
المشكلة انا جادة،حأحكي ليك بس قول لي
قال لي م متأكد،بس احكي في شنو م توتريني ي شهد
انا طلبت مساعدة صاحب مستر الجو في تدبير مقابلة لي مع تايسون أدامز،او مثلاً يجيب لي رقمه او اي شي
قال لي قلت ليك إنه انا لما اساهر للساعة 12معناها حاجة من إتنين يا عيان يا الحاجة المساهر عشانها بتستحق..
قلت ليه امبارح لا كنت عيان ولا في حاجة تستحق تساهر عشانها كل دة كان ممكن تقول
قال لي ومنو القال إنه ما كان في حاجة تستحق اساهر عشانها؟
قلت ليه نحن ماشين وين طيب ؟
قال لي لما نوصل
طلع ماخدني لملعب كرة السلة عنده تدريبات
قلت ليه عايزة تتمرن بحالتك دي؟
قال لي لازم اتمرن ماف حل
قلت ليه بالعكس لازم ترتاح عشان بكره تقدر تركز
قال لي حاضر
ساعة بس ونرجع..
قعدتة في مدرجات المشجعين وهو وفريقه بدو التمرين
وانا طلعت تلفوني وبقيت اصور فيه
بحب تعامله مع الحياة بخفه وبساطة،وبشغف وبواقعية وعدم تكلف..
فجأة لقيت نفسي بقارن بينه وبين عمار
عمار كان بيصرف قروش كتيره عشان بس يبين لي قدر شنو هو بحبني ،عمره ما بطل محاولاته في إنه يبهرني ...الخ
اما سياف كلمه من هنا وكلمه من هناك وموقف من هنا ومن هناك،وشوية واقعية كلهم إتشكلو عندي في شكل وجود إستثنائي،
في راجل ببكيك وبرجع عشان يحاول يرضيك ويضحكك
وفي واحد ما بخليك تبكي اصلاً
عدت الساعة وزادت نص ساعة عاين لي وهو رافع يده
شويه كدة جا علي وهو بلبس في فنيلتو
قال لي مليتي؟
قلت ليه بالعكس م حسيت بالزمن لعاب إنت لكن شاطر يا رب بكره تفوزو وتاخدو الكاس والميداليات
قعد جمبي وشرب مويه وقال لي الهدف المشاركة لا المنافسة ،م اعتقد في شي في الحياة دي يستحق المنافسة ولا ربنا خالقنا عشان نتنافس اصلاً الواحد يقدم العنده بس واهم شي يكون مقتنع إنه قدم البقدر عليه ومرتاح ودة كافي جداً
قلت ليه يعني هسي لو بكره خسرتو م حتزعل او تضايق؟
قال لي هي سموها رياضة لشنو؟لو م عندك روح رياضية الفايدة شنو من كونك رياضي؟
بعدين لو في شي يستحق المنافسة فعلاً ونزعل لو إتعوج طريقنا فيه ف هو طبعاً اعمالنا ليوم القيامة ..
اول م رجعنا البيت خليته يدخل الغرفة ودخلت المطبخ شلت ليه تلج..
اول م شافني قال لي الجو بارد وم محتاج تلج حأنوم واصبح كويس و..
م إشتغلت بيه وختيت ليه التلج في عيونه الإتنين
قلت ليه يلا جادل
ضحك وقال لي إستسلمت
اليوم التاني كنت في الدار إتصلت عليه قلت ليه يا سياف انا عندي شوية شغل بقضي فيه وحأجي النادي بتاع المسابقة مش هو نفسه الأمبارح اخدتني ليه؟
قال لي ايوا نفسه
قلت ليه طيب م بتأخر إن شاء الله
قفلت منه بجاي تاني تلفوني إتصل
وانا مركبة سماعة فتحت الخط قبل م اشوف الرقم
قلت الو ؟
تم الأمر ،لقد دبرت لكِ مقابلة مع تايسون أدامز
رفعت التلفون عاينت للرقم لقيته صاحب مستر جو
قلت ليه أحقاً ما تقول؟
متى؟وأين؟
قال لي بعد نصف ساعة من الأن
قلت ليه بخلعة ماذا؟
نصف ساعة؟ولكن كيف ؟
قال لي سأرسل لكِ التفاصيل
إتصلت على سياف اكتر من مرة م رد
طلعت من الدار وم اخدته العربية
مشيت مسافة برجولي وانا مستعجله
جاتني رسالة مكتوب عليها الحي الصيني ،مكتبة سيتي لايتس..
وقفت تاكسي وأديته العنوان دة بسرعة..
وصلنا الحي الصيني
كان مكان غريب من حيث الشكل والمباني والإكتظاظ بتاع الناس ،حتى تزين المباني والشوارع مختلف وشكله عندهم معالم ونشاطات مختلفة فيه
اول مره اشوفه
قلت للسواق هل من شيء مميز بهذا الحي ؟
قال لي هل وصلتِ حديثاً ل سان؟
قلت ليه نوعاً ما
قال ليه إنه من اعرق الأحياء واقدم الاحياء في سانفرانسيسكو ويقع وسطها، به مزيج متنوع من المساكن والمعابد يتميز بالشوارع والأزقة الصاخبة،والحانات والمعابد وما يميزه إنه يقع خلف بوابة دراغون الشهيرة ،اخشى أنكِ لم تسمعي بها بعد
قلت ليه لا ولكن هو مميز حقاً
قال لي من اهم المناطق التي يجب زيارتها عند وجودك هنا بعد جسر البوابة الذهبية
وصلني لشارع كدة وقال لي سيدتي ها نحن ذا قد وصلنا
حاسبته وقلت ليه شكراً
إتصلت على صاحب مستر جو
رد وقال لي هل إنتِ هناك؟
قلت ليه نعم قد وصلت
قال لي حسناً عند الإستقبال أخبريهم بإسمك فحسب
قلت ليه لم افهم ماذا افعل
قال لي أدخلي وأخبريهم بإسمك هو بإنتظارك الأن هيا
قلت ليه حسناً
دخلت لقيت مرة كبيرة في العمر لابسة نظارات وشعرها ابيض قصير خلاها منكوش زي حق الأولاد
قلت ليها مرحباً سيدتي
قالت لي مرحباً
قلت ليها انا إسمي شهد عبدالله
على طول وقفت على حيلها
ومشت على البوب وقلبت الورقة المعلقة في الباب بإعتبار إنه المكتبة مغلقة
قالت لي تعالي معي
لقد تأخرتي قليلاً ولكن لا حاجة للتبرير ليس لديكِ سيارة أليس كذلك؟
قلت ليها لأ
طلعت الطابق الأول
كانت مكتبة قراءة لكن فاضية لمن مخيفة
كانت ماشة وبتتكلم لغاية م فجأة وقفت قدام محل بتاع رفوف ضخم كدة وملان كتب
#ليله_في_ديسمبر49
شهد انا م متعود اكرر لزول السؤال مرتين والله،ف هسي انا كدة سألتك للمرة التانية والتالتة دي الجايه ،في شنو ممكن تقولي بدون تعقيد للموضوع؟
سكتت مسافة وهو بعاين لي ومنتظر ردي
اها شنو؟
قلت ليه لين..
مالها؟
بالنسبة ليك شنو او في شنو بينك وبينها قبل م نتزوج ؟
سكتت وهو بعاين لي
بررت سؤالي ب قبل كدة سألتني مهم بالنسبة ليك تعرفي وقتها قلت ليك لأ وإنت على كدة م جاوبتني ،ف هسي..
سكتت مسافة وهو بعاين لي
كملت كلامي ب حاسة إنه م مهم بس من حقي اعرف هي شنو في حياتك اصلاً
قعد جمبي في السرير وإتغطى وقال لي شهد لين بت صحبي وابوها دة اكتر من اخوي وكان عرست من بدري لين دي كانت اليوم حتكون بعمر بتي او ولدي الكبير ،علاقتي بيها في حدود إنها بت صحبي وبس لا أكتر ولا أقل..
بقيت اعاين ليه وانا ساكتة
قال لي بس كدة
إكتفيت بقول طيب
اعتقد كدة بطل السبب الحاميك النوم ؟
قلت ليه وبطل السبب المخليك تنوم برة صح؟
قال لي متفقين إذاً رقد وإتغطى وهو بعاين لي
بقيت اعاين ليه وبأصبع يدي الصغير مسكته صباع يده
إبتسم..
قلت ليه ارح نتمشى ياخ انا م جايني نوم جد والله
ضحك قال لي الساعة 2صباحاً يا شهد كفاية عليك مسهرانا للزمن دة
قلت ليه طيب تصبح على خير وإتلفته على الجهه التانيه منه
بعد كم دقيقة قال لي طيب يلا انزلي ارح نمشي
حسيت بحركته فتحت عيني لقيته فتح الدولاب وطلع الجاكيت بتاعه
قلت ليه جد؟
قال لي جد اكتر من وقفتي دي ؟كان بلبس لسة
نزلت بسرعة ولبست عبايتي حتى إني م لبست طرحة لبست السويتر ولبست الطاقيه بتاعته ونحن طالعين جا الكلب بتاعه طالع ورانا
مسكني من يدي وبقينا ماشين قلت ليه الجو بارد بس برودة حلوة إحساس إنه في حاجة باردة بتضربك في وشك زي التلج بس م تلج
فعلاً والسنة دي البلد بردها اخف قدراً من السنين القبلها
قلت ليه بعد الجليلد دة كله؟
قال لي كانت بتجي عواصف جليدية حتى الدفايات م بتعمل شي..
عارف انا لو علي التعامل مع الناس يكون حسب فصول السنة يعني الشتاء عشان هو لطيف الناس تتعامل بلطافة وتقول كلام دافي وحلو ومحفز وتتكلبب وتعترف لبعض بمشاعرها وكدة
وفي الصيف عشان الواحد بتكون اخلاقه في مناخره مفروض لا يؤاخذ على أي تصرف يبدر منه لأنه بكون تحت تأثير الحر وإنت عارف شمس السودان التي لا تغيب طبعاً،
اما الخريف بشوف إنه الناس لما المطر ينزل يتعاملو مع بعض تعامل فصل الشتاء ولما المطر يقيف ونطلع الشارع ونصطدم بالواقع والشمس تطلع والبوخ يطلع من الارض والطين والخمج بتاع شوارعنا داك يتعاملو مع بعض معاملة فصل الصيف وطبعاً ربيع دامو عندنا في السودان
ضحك وقال لي والله ي شهد إنتِ افكارك حلوة شديد انا كمان عكسك في الشتاء بشوف إنه الناس م تتعامل مع بعض ،الخريف فصل ظريف ،يمكن لأنه في الشتاء اغلب النشاطات البعملها بتقيف وبحس إني قاعد ساي وبكون زهجان ومدبرس
قلت ليه هسي جدجد بتعمل الحركة بتاعة ركوب الطيارة وتنزل بالمظلات دي؟
السقوط الحُر قصدك؟ايوا طبعاً
وبمقابل ولا ساي ؟
ضحك قال لي نحن البندفع مقابل
قصدك بتدفعو قروش مقابل موتكم لو المظلة م فتحت معاك؟
ما هو م بتكون براك إنت 😂
قلت ليه ولو المعاك م فتحت معاه برضو
في غيره برضو إلا لو اليوم تم بس ،عارفة يا شهد الحاجات دي بتخليك تتغلبي على مخاوفك دي حاجة الحاجة التانيه ممتتعة شديد وبتشتغل على جوانب كتيرة في حياتك
طيب سوقني معاك اجرب انا محتاجة شديد
ضحك
جادة والله
قال لي قبيل الحصان في الإسطبل كنتِ خايفة تهبشيه بأصبعك بس
وقفت قدامه وانا ماسكة فيه قلت ليه ما هو إنت لو م وديتني حأعرف وين ممكن اسجل وامشي براي وإنت عارف انا م بغلبني شي
قال لي وهو بضحك لأ انا عارفك كويس
الكلب كان يجري قدامنا مسااااااافة وينتظرنا لما نوصلو يمشي جمب سياف
الكلب دة متعلق بيك شديد يا سياف
وانا كمان معي من بدري 3سنة تقريباً واكتر
فضلنا ماشين ونحن بنتكلم في مواضيع تافهه وم مهمة رجعنا البيت الساعة 3ونص،قلت ليه اطرافي متلجة
قال لي عشان تاني تتجوعلي وتقولي في عز الشتاء عايزة اتمشى الساعة 2صباحاً
قربت عليه بدون م ينتبه وختيت يدي في رقبته
هو بكره الحركة دي وبتغاظ منها
قال لي تاني م تعمليها
كل م تقول لي م تعمليها حأعملها 😂
الإتجاه المعاكس م مستغرب طبعاً
قلت ليه على فكرة كل يوم تاني حاطلع اتمشى حتى لو حتخليني براي حأسوق الكلاب واطلع المشي دة بدي شعور مريح وحلو شديد مالك مشي في جو بارد
ما هو انا م حأخليك براك دة الشي الأكيد
بقيت اعاين ليه بعدين شلت تلفوني ووقفت في الشباك قلت ليه منظر مغري لإنه الواحد ياخد صورة
كانت قعدة ظريفة ملانة ضحك وونسة وتشغيلات
دخلت المطبخ عشان اساعدهم ام صحبة قالت لي يا بتي ولا شي م محتاجنة منك،قلت ليهم بالجد لو في شي يتعمل اناا
قالت لي تعالي اقعدي هنا تعالي
قعدت في الكرسي قالت لي البت دي قاعدة معاكم ولا جاتكم زيارة ،؟قلت ليها لين؟ايوا قاعدة معانا نازلة معهد هنا في سان ؟عاينت لبتها وقالت لي شوفي عليك الله البت الما بتخجل دي لا هي لا امها م بخجلو للأن متلصقين في الولد دة ومستغلينه
انا كنت بعاين ليها وانا ساكتة
قالت لي عايني إعتبريني امك واسمعي كلامي اعملي حسابك شديد لبيتك وراجلك وقروش راجلك اوعى تخلي راجلك يصرف قروشه في الفارغة ابوها قاعد مجبور عليها ،دي امريكا يا بتي هنا الفوضى وبعزقة القروش م بتنفع دولار واحد لو طلع بفرق معاك والدخل محدود عشان كدة الصرف لازم يكون محدود ،إنتو عندكم إيجار وضرايب ومصاريف اكيد يا دوب تقدرو تكفو مصاريفكم ،وهو كمان عنده مصاريف اهله في السودان ومسؤليات تانيه كتيرة ماف راجل بعمل حساب للقرش عشان كدة إنتِ اعملي حساب وخليك واعية
بتها قالت ليها اكيد جات قعدت معاهم بدراما جديدة من دراماتها الما بتخلص هم اصلاً متعودين افضل حاجة عملها سياف إنه عرس من سكات وفاجأهم وريح نفسه
امها قالت لي عموماً يا بتي نحن هنا إعتبرينا اهلك انا دي زي امك دايرة تتحنني او ترمي او حتى تدخني او لو عايزة ليك كوفير سوداني او اي حاجة سودانية هنا شيلي رقم أختك دي ورسلي ليها في الواتساب بس و اخدي ليك تاكسي وتعالي لينا هنا م بنقصر منك
لما طلعنا ل قعدة الشاي اخت صحبه قالت ليهم لكن يا شباب مرت ولدنا تستاهل يغنجو بيها عاملة كنافة م فاضية للكنافة السورية
واحد من اصحابة قال ليها اخر مرة اكلت كنافة زي دي كانت في السودان قبل م اقطع هنا بالسمبك
التالت ضرب سياف في كتفه وقال ليه يا صحبي سنة لقدام جسمك الرياضي دة تستودعه الله مع العزة دي
عدى اليوم بتشغيلات متواصله لغاية م جا وقت رجعتنا
ونحن طالعين أم صاحب سياف قدمت لي سلة مغلفة مليانة حاجات وقالت لي م لحقنا نحضر العرس ف دي هدية العرس بتاعتك ربنا يبارك في ايامكم ي رب ويكتب ليكم الخير في بعض
قلت ليها يا خالتو م كنتو تتعبو نفسكم كدة
قالت لي العفو يا بتي سياف دة ولدي وأكتر ودة قليل من غلاوة سياف ونحن طالعين كانت بتوصي في سياف على إنه يجيبني ليهم كل م يلقى وقت وم ينقطع منهم ،لغاية م ركبنا العربية وإتحركنا
اول م مشينا مسااافة لين قالت ليه المرة لصقة ومعاطة ياخ بتكرر في الكلام كدة
سياف قال ليها لين
قالت ليه سكتة عشان م تبدأ محاضراتك الما حتخلص
قال ليها كويس إنك حافظة طيب
قالت ليه عاين ممكن م نرجع البيت لأني زهجانة حد الزهج من البيت والقعدة في البيت
قال ليها طيب عايزة نمشي وين؟
قالت ليه اي مكان م عندي معرفة شديدة ب سان دي انا
قال ليها تمام..
اخد وقت وهو ماشي بعدها وقف
قلت ليه المكان دة م غريب علي
قال لي نادي الفروسية
عاينت ليه بحزن إتذكرت إنه المكان دة جابنا ليه سياف قبل كدة مع مستر جو
لين قالت ليه يا سلااااام عندي زمن بفكر اسجل في نادي فروسية
نزلت بإستعجال وانا لسة بعاين للمكان
سياف قال لي نسيت نقطة إنه جيناه قبل كدة ومعانا مستر جو اعفي لي،لو م حابة تدخلي نرجع عادي
قلت ليه لأ عادي،بس كدة إتذكرت اللحظة وحسيت كأني شايفاه قدامي اصلاً هو م بغيب عن بالي والله
قال لي ي شهد اعفي لي جد والله ما قصدي اكيد
قلت ليه يلا ننزل
نزلنا وهو بعاين لي لسة قال لي متأكدة إنتِ كويسة؟
قلت ليه انا لسة شغالة في الدار اللي يعتبر إنه أكتر ليه اثر فيه ف عادي م تركز
دخلنا النادي ،كان اشبه بالمزرعة الطبيعية ومساحته خضراء وواسعة وفي جزء من الحصين فاكنها ساي شكلها رهييب ،سياف إتكلم مع واحد من العاملين بعدها قال لينا تعالو،مشو بينا على إلإسطبلات الحصين
في حصان ابيض لين قالت ليه انا حأختار دة عايزة الأبيض دة
سياف قال لي شهد
قلت ليه اناااا ؟لا مستحيل
قال لي مالك؟
لين قالت لي ما جادة م تخافي حيكون معاك م بخلوك براك
قلت لسياف انا لابسة فستان ف م ينفع
لين قالت لي اهااااا،الحمدلله انا لابسة بنطلون
قلت للعامل ممكن اهبشه م حيعضيني ؟
قال لي لا إنه مسالم للغاية
طلع الحصان الإختارته لين من الإسطبل
وانا واقفة بعاين للحصين م بين عايزة اهبش واحد فيهم ولأ
اشرته ليه على واحد ملون قلت ليه عاين دة حلو كيف حبيتو شكلها حصانة م حصان
ضحك قال لي حلوة حصانة دي ومسكني من يدي وقال لي تعالي ومشى على الحصان وانا بقول ليه يا سياف لأ حيعضينا
قرب من الإسطبل ومرر يده في وش الحصان وقال لي شايفة عادي الموضوع يلا جيبي يدك
قلت ليه لأ
قال لي طيب خليك
قلت ليه طيب دقيقة قربت وانا ماسكة بيدي في قميصه والتانيه مررتها في وش الحصان قال لي جبن شديد..
عاينت ليه بغيظ قال لي اقصد الجُبن البياكلوه
قال لي رياضة سفر مباريات وتحديات اياً كان نوعها وقراية كتب دي هوايات وإهتمامات لا يُعلى عليها
قلت ليه طيب نرجع لموضوعنا حتاخدني صح؟
قال لي حأفكر
غيرت ملامح وشي وقلت ليه حتفكر ؟هو إنت لاقيني وين عشان تكون م عايزني امشي معاك
ضحك قال لي خلاص حتبدي تردحي؟
وقف على حيله وقال لي يلا الزمن لازم امشي بعد كدة
طلعت معاه للشارع بعدها وقفنا مسافة وكل واحد فينا بعاين للتاني على اساس حيقول حاجة ،
في الأخير قال لي يلا لي بكرة
قلت ليه حتمشي البيت؟يعني إنت بتنوم في البيت وكدة؟
قال نوعاً ما ايوا عايزة حاجه اجيبها ليك معي بكره وانا جاي؟
قلت ليه اهااااا، لا ابداً طيب يلا مع السلامة
قال لي على فكرة مد يده وصل لي الجاكيت حق البرد اللابساه وقال لي:اصلاً لازم أخدك معي المباراة لأنه وجودك حيفرق أكيد،حلو الدبدوب الإنتِ لابساع ده
كنت لابسه خُف بتاع برد على شكل دبدوب
قلت ليه قول والله حتاخدني لسة كنت م استوعبت باقي كلامه كويس وهو مشى وانا يدوب إستوعبت باقي كلامه وبقيت واقفة بتبسم براي وانا بعاين ليه وهو ماشي
رجعت نمت وانا حاسة إنه سعادة الدنيا دي كلها ربنا اخدها وختاها في قلبي،ما عارفة افعاله دي حتاخدني لوين بس انا مبسوطة ومرتاحة ومطمئنة بيها جداً وحاسة إنه دة حقي بعد كل العشتو ومريت بيه رغم إنه في خوف وفي وخزة في قلبي كل م احاول اتخيل الجانب السيء منه ممكن يكون كيف بس شايفة محاولاته اكتر من تركيزي مع خوفي لأني حاسة إني لو مشيت ورا خوفي حأضيع طريق أمن مفروش ورد مستنيني حتى لو المشوار فيه طويل أنا راضية امشي فيه..
في غرفتي كنت ماسكة تلفوني وانا مترددة ما بين أتصل عليه ولا لأ
ف رسلت ليه رسالة:هااا وصلت؟
خليت التلفون جمبي وانا بعاين ليه ومستنيه تجيني رسالة منه
بعدين قلت لنفسي وانا مستنيه رسالة منه كأني مراهقة ليه؟
عملت التلفون صامت وختيته بعيد مني وبرضو لقيت نفسي بعاين ليه على أمل إنه ينور في اي لحظة..
فتحت عيوني وانا مخلوع وبتلفت حوالي وقلت لنفسي بسم الله، الحمدلله ،الحمدلله كان حلم..
الوقت كان لسة بدري السااعة 6 ونص صباحاً
صليت الصبح نزلت المطبخ لقيت العم مايك جايط وصوته عالي وبقول هيا هيا اسرعو لا وقت لدينا..
كانو كلهم متحركين والمطبخ في حالة فوضى
قلت ليهم صباح الخير
العم مايك قال لي صباح النور
مرتو قالت لي صباح الخير
قلت ليهم ما الأمر؟هل كل شيء على ما يرام؟
قالت لي كل شيء على ما يرام إنه مايك،هكذا هو في المطبخ ستعتادين عليه إن عملت معه في مطبخ واحد😂💔
قال ليها هيا كفي عن الثرثرة وقومي برمي البطاطا في المغلاة
قالت لي عزيزتي هل تحتاجين شيئاً ما ؟
قلت ليها لا لقد كنت..
سكتت مسافة بعدها قلت ليها لا شيء هيا تابعي عملك ،عملاً موفقاً
قالت لي حسناً
طلعت من المطبخ ورجعت غرفتي إتصلت على سياف
المكالمة الأولى ما رد،التانيه برضو م رد
وقفت قدام المراية وانا بعاين لشعري وهو في مرحله شبه إنه إنه بدأ يرجع وبقى ممكن يتسرح
عملت ليه حمام زيت وإستنيت دقايق وغسلته وجيت سرحته..
إتصل علي سياف اول م فتح الخط قلت ليه وارث نايم للزمن دة؟
قال لي كنت بجري نوم شنو يا زولة صباح الخير
قلت ليه صباح النور
قال لي كويسة إنتِ؟
قلت ليه كويسة الحمدلله إتصلت عشان اقول ليك إنه نحن حنمشي للناس ديل ويدنا فاضية؟
قال لي م عارف والله ممكن ندخل اي محل تجاري ونشتري اي حاجة ناخدها ليهم ولا رأيك شنو؟
قلت ليه م عارفة غايتو لكن كنت عايزة اقول ليك ممكن نعمل ليهم قالب كيك ناخده ليهم معانا
قال لي قالب كيك؟
قلت ليه مالك عندك شك في قدراتي في المطبخ يا أستاذ ولا شنو؟😂
ضحك قال لي لا بس قصدي حيطلع متين
قلت ليه م بتأخر انا حأطلع اجيب الحاجات الممكن نحتاجها واجي البي..
سكتت
قال لي مالك سكتي؟
قلت ليه لا ماف شي خلاص ممكن ناخد اي حاجة في طريقنا زي م قلت
قال لي انا هسي في الشارع وريني حتحتاجي شنو بالضبط وانا في طريقي اجيبهم معي واجي اسوقك البيت
قلت ليه البيت؟
قال لي او الدار م مشكله المهم مكان راحتك انا معاك فيه في كل الأحوال مفتاح البيت معاك وبالمناسبة انا م قلت ليك تعالي البيت لأنه انا شايف إنه القرار دة قرارك إذا حسيتي إنك حتكوني ومرتاحة ومطمئنة في البيت دة أكيد حترجعي في الأول والأخير البيت بيتك ما تنسي حتى الإيجار نحن شراكة فيه
قلت ليه طيب حأرسلهم ليك في رسالة ونتلاقى في البيت ما تجيني
قال لي طيب
لما وصلت م كانت عربية سياف برة موجودة،دخلت البيت م كان فيه حركة ،مشيت على غرفة لين ناديت عليها اكتر من مرة ما ردت فتحت الباب كانت نايمة..
دخلت المطبخ وبقيت اشوف المطبخ فيه شنو ممكن اعمله فطور لغايه م سياف يوصل ..
قلت ليه انا محتاجة مساعدتك ،انا محتاجة اقابل تايسون ادامز
قال لي اوه على مهلك هل تعتقدين أنن..
قاطعته وقلت ليه اعلم انك تستطيع مساعدتي بطريقة او بأخرى،ارغب في التحدث إليه سواء بمحادثته هاتفياً او بمقابلته شخصياً هل يمكنك مساعدتي؟
سكتت مساافه
قلت ليه لا استطيع الذهاب إلى نيويورك مرة اخرى دون ترتيب الأمر ،ساعدني ببعض الطرق التي تمكنني من مقابلته او اماكن تواجده التي يمكنني مقابلته فيها،لا اعلم كيف ولكن اعلم أنك تستطيع فعل ذلك
قال لي حسناً سأعاود الإتصال بك
بعد فصلت منه رجعت أتذكر الحالة الكان عليها طليق السيدة إيفا بعد طلع من الغرفة..
رجعت الدار وعلى طول طلعت مكتبي وفتحت جهاز اللابتوب بتاعي وبديت ابحث عن تايسون ادامز
لازم يكون في سبب مخلي مليسيا تتزوج ولده اكيد الموضوع ما صُدفة..
وانا ببحث وبقرا قدرت أصل لحسابه في تويتر والحمدلله موثق بالعلامة الزرقاء
بقيت افتش في حسابه وبراجع في مشاركاته
كل تغريداته بتوحي بإنه اهتماماته بالطبيعة،والخدمات المجتمعية خصوصاً الأطفال ،والرياضة،والسفر وتغريداته كلها كانت عن الحاجات دي واخر تغريده ليه كانت قبل يومين وهو مشارك صورة ليه مع بنات صغار لابسين زفافات وكاتب عليها: الفراشات تحيط بي
فهمت إنهم البنات الكانو في عرس ولده
يمكن حبه للأطفال سببه فقدانه لبته الصغيرة
.................................
السلام عليكم ورحمة الله وبركاته
وعليكم السلام ابو النسب
يا شهاب كيفك عساك طيب ياخي؟
الحمدلله بخير كيفك إنت؟
بخير الحمدلله كيف عم عبدالله واولادك بخير؟
الحمدلله ما علينا عوجة تب يا اخوي
الحمدلله ،يلا يا حبيب انا الحمدلله شبه جهزت الأمور هنا كلها والملف حق عمي حالياً عرضته على الدكاترة المختصين وقعدتة معاهم وإتناقشنا بخصوص حالته وإن شاءالله بشروني بشريات سمحة،وموضوع الزيارة برضو حليتو والحمدلله كل شي تمام بعد كدة حأرسل ليك التذاكر الإسبوع الجاي إن شاء الله وتقومو على طول تجو هنا
خلاص تمام إن شاء الله حنجهز امورنا و..
ما عندكم اي امور تجهزهوها غير تجهز شنطتك إنت وعمي وزوجتك وتطلعو على المطار على طول،انا مجهز ومتكفل بكل شي زي م كلمتك قبل كدة وم عايز نرجع نتناقش في الموضوع دة تاني وإتفقنا على كدة ولا شنو يا اخوي؟
خلاص خير إن شاء الله يا عمار يا اخوي والله ما عارف اقول شنو زاتي
ما تقول اي شي نحن ناس اهل هسي كنت بتقول لي اخوي وبتقول لي يا ابو النسب بعد كدة ما داير اسمع منك اي شي اهم شي هسي خلينا نشوف علاج عمي عبدالله دة ونستبشر خير إن شاء الله
الله يكرمك في الدارين يا اخوي
............................................................
على جانب اخر..
متشاكل مع شهد ولا شنو؟
لا ابداً ليه السؤال؟
عشان عازمني عداء وفي المكان الرهيييب دة بدونها غريبة
شهد مشغولة م حتقدر تطلع دة السبب
مشغولة لدرجة إنو م بترجع البيت اساساً وكم يوم برة البيت عادي،م عارفة بتعيشو كأي إتنين متزوجين متين،جد حاساها انانية وهمها كله شغلها حتى لو على حسابك او كدة ،دي اول ايام للعرس يعني..
لين إنتِ عمرك كم؟
18 او 17 لسة م دخلت ال18سنة كويس
طيب ي لين لما تبقي زولة عرس وبيت وقتها طبقي البتقوليه دة الموضوع م نمطي او جاي كتالوج زي المينيو القدامنا دة مثلاً عشان الناس كلها تمشي عليه وفقاً للمعطيات القدامنا،انا وشهد سلفاً متفقين وعارفين البينا وعلينا وامورنا تمام
طيب
يلا الغداء وصل خلينا ناكل عشان اوصلك البيت
حترجع الصالة الليله برضو وحتخليني مع الكلاب بس في البيت؟
عندي تمرين مع فريق كلة السلة اليومين دي عشان مشاركين في مسابقة لازم امشي
لو م شاركتة ما تبقى سياف طبعاً نفسي اعرف بتحبها كدة ليه وجع جسم سااي والله
هههه يلا اكلي وبطلي النقة على فكرة بكرة خليك جاهزة حأجي اسوقك معزومين فطور سوداني
فطور سوداني يعععع وين دة؟
اهل صحبي ،المهم خليك جاهزة حنمشي مع بعض انا وإنتِ وشهد إتفقنا؟
طيب
............................................
المساء كنت ماسكة تلفوني وسرحانة
دخلت المطبخ وكان فاضي،فتحت واحدة من التلاجات لقيت فيها جبنة ،عملت لي منها ساندويتش وطلعت ولسة بعاين لتلفوني فتحت الشات بتاع سياف م شايفاه اون لاين ،إتصلت عليه وفصلت بسرعة
دقايق ولقيته رجع لي بمكالمة..
اول م فتحت الخط قال لي مساء الخير
قلت ليه مساء النور
قال لي كيفك بخير؟كنت بعيد لما إتصلتي
قلت ليه بتهكم انا إتصلت عليك متين؟اهاااا يمكن لما تلفوني كان معلق
قال لي كيف كان يومك
قلت ليه تمام مما جيت...الخ
حكيت ليه كل تفاصيل يومي بعدها قلت ليه ايوا وم انسى مشيت..