14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
كانت محاولة مني لتلطيف الجو ما بينا
صباح اليوم التاني كان جُمعة،صحيت بيه وهو داخل الحمام،عاينت للساعة عرفت إنه صاحي يصلي الفجر..
إنتظرته طلع من الغرفة ودخلت الحمام وطلعت وراه
مشيت للغرفة العملها ركن لقيته بصلي
دخلت وشلت الإسدال لبسته ووقفت وراه
بعد صلى مسك المصحف وبقى يقرأ ،شلت المصحف جمبه وفتحت يس ،هو خلص وطلع خلاني لسة بقرأ
لاحظت لسياف يوم الجمعة بصحى من الصباح بجهز نفسه لصلاة الجمعة ،ثابته عنده بمشي يصليها في الجامع وبكون حريص على إنه يطلع بدري...
اليوم دة انا صحيت قبله جهزت ملابسي وخليتها على جنب وطلعت جهزت الفطور..
لين كانت نايمة وقالت م عايزة ، انا وهو قعدنا نفطر
قلت ليه سياف اسألك سؤال؟
قال لي إتفضلي
قلت ليه إنت بتمشي تصلي في الجامع صح؟
قال لي ايوا
قلت ليه طيب في مصلى بتاع نسوان ؟
قال لي م متأكد بس اكيد في ليه السؤال؟
قلت ليه لا بس بسأل
لما جا يجهز للصلاة لقاني جهزت معاه
قال لي ما تقولي لي عايزاني اوصلك الدار؟
عاين للساعة بتاعته
هزيت ليه راسي بمعنى لأ
قال لي طيب عندك مشوار تاني يعني؟
قلت ليه ماشة معاك
قال لي ماشة معي؟
قلت ليه ماشة معاك اصلي الجمعة يلا عشان الزمن مش المفروض ما تتأخر؟
بقى يعاين لي بإستغراب
طلعت وإستنيته جمب باب العربيه ،
لما طلع فتح لي باب العربية ركبت و إتحرك بدون تعليق
في مصحف خاتيه في عربيه شلته وفتحت سورة الكهف وبديت اقرأ فيها
وصلنا الجامع والحمدلله فعلاً كان في مصلى للنسوان والخطبة كانت شغالة..
بعد ما خلصنا صلاة كنت مستنياه جمب العربية طلع وكان بودع في ناس طالعين معاه
ونحن راجعين قلت ليه المصلي كانت تلاوته حلوة شديد حبيته..
قال لي فعلاً
فتحت شنطتي ما لقيت تلفوني،فتشت الكرسي ما لقيته
سياف قال لي مالك؟
قلت ليه ما لاقيه تلفوني
قال لي نزلتي بيه للصلاة نرجع نشوفو؟
قلت ليه ما متذكرة ،كدة تلفونك اتصل فيه
اداني تلفونو إتصلت رن وصوتو كان في العربية واقع تحت الكرسي ،نزلت شلتو قلت ليه الحمدلله
ومديت لسياف تلفونو..
بعد مسااافة قلت ليه دقيقة كدة تلفونك إنت مسجلني عندك ب شيتوس؟
ضحك
قلت ليه جد؟
قال لي ومالو الإسم ؟
قلت ليه كيف ومالو؟المعنى شنو من إنه تسميني كدة؟
قال لي بتنطبق عليك صفاته
قلت ليه اللي هي؟
قال لي حار وحادق
عاينت ليه بغيظ،قال لي بس حلو وبيتحب...
فصلت على طول وإترسمت بسمه خفيفة على وشي حاولت ادسها بإني اعاين بالشباك..
لما وصلنا البيت لقينا عامل بريد بضرب في الجرس ،نزلنا مشينا عليه
قال لينا مرحباً
قلت ليه إتفضل
قال لينا إنتو اصحاب المنزل؟
قلت ليه ايوا نحن
قال لي في ظرف خاص بالسيدة شهد عبدالله، إنتِ هي؟
قلت ليه ايوا..
طلب مني إثبات ،فتحت شنطتي وقدمته ليه
سلمني الظرف وطلب توقيعي وبعدها مشى..
إستغربت أول مره تجيني حاجه عن طريق البريد
دخلنا البيت وانا كنت مركزة مع الظرف لسة
فتحته لقيته كتاب مكتوب عليه :"فن اللامبالاة"
إستغربت قلبته يمين وشمال فجأة وقعت حاجه منه وعملت صوت
سياف عاين لي ،
نزلت شلته الحاجه الوقعت لقيتها سلسلة وفيها مفتاح مكتوب عليه "365"
شكل السلسلة كان مألوف وم غريب علي ابداً
سياف قال لي في شنو؟
كنت سرحانة وبحاول اتذكر شفتها وين؟
فجأة إتذكرت ،السلسلة دي نفسها مستر جو كان لابس واحدة زيها وإتذكرت لما قال لي إنه السلسلة دي ادتها ليه بته ،دة كان اليوم العرفت فيه إنه عنده بت،منو الممكن يرسل لي حاجة زي دي وليه....
أشعر وكأنّ العالم كله مُتكئٌ على قلبي، وهذا أسوأ ما شعرتُ به."
امبارح على حظكم الكهرباء قطعت يا بنات 😁👍🏾
كانت سرحانة وانا كنت شايلة كعك في يدي مديت ليها ،قالت لي شكراً واخدته وكملنا قعاد من سكات انا وهي..
فجأة بقت بتبكي،قلت ليها إنتِ بخير؟بقدر اساعدك بشنو؟
كملت بكى بدون ما ترد علي..
فتحت شنطتي ومديت ليها المناديل ،
قالت لي ممكن تحضنيني؟
قلت ليها حاضر
قربت عليها وحضنتها وهي بتبكي كل القلتو ليها إنه حتكوني بخير..
ما عارفة جاتني من وين مقدرة الإنسان على تطيب جروح غيره في الوقت الهو نفسه جناحه مكسور..
بعد ما هدأت قالت لي شكراً على لطفك ووجودك معي في اكتر لحظات حسيت بوحدانيتي فيها ،انا ممتنة ليك جداً
قلت ليها العفو زي ما قلت ليك حتكوني بخير بالذات بعد اللحظة دي من البكاء..
قالت لي اتمنى وودعتني ومشت
ما عدت دقايق لقيت سياف بقول لي معاك زول ولا اقعد عادي؟
بقيت اعاين حوالي يمين وشمال
قال لي حتى لو ما حابة فكرة الرجعة للبيت وم حسألك ليه بس في خيارات بديلة غير إنه تكوني للساعة دي في الشارع..
حابة تعرفي شنو هي الخيارات دي؟
طلع لي مفتاح ومداه لي قال لي دة مفتاح غرفة في فندق
ما بعيد من هنا بالشارع التاني،فيه سيكيورتي عالي ،ممكن تاخدي الوقت العايزاه فيه لغاية ما تحسي إنك بخير،وإذا ما حابة تاخدي حاجه من طرفي البطاقة المشتركة بينا معاك،إختاري الفندق البعجبك والحتحسي إنك في امان فيه وانزلي فيه،ويا شهد انا ما عارف إنتِ بتفكري بشنو وم فاهم الحاصل شنو بالضبط بس لو إنتِ حاسة بعدم الأمان معي صدقيني ما مُجبرة أبداً تكوني معي في بيت واحد،وصدقيني انا لو عرفت السبب حأخت ليك العذر،خت المفتاح جمبي ومشى..
بعد مساااافة شلت المفتاح وإتحركت..
بعد ربع ساعة وصلت البيت ،كنت شايفة سياف لسة يا داب واصل،دقيت الجرس..
فتح لي هو لما شافني بقى واقف وبعاين لي
قلت ليه إتفضل م محتاج تأجر لي غرفة في فندق
جات لين طالعة وهي بتنادي سياف الباب..
لما شافتني وقفت وسكتت
اول ما دخلت قلت ليها انا اسفة يا لين على الحصل ،يمكن تصرفي خوفك او ضايقك او سبب ليك توتر بس أكيد بدون قصد
قالت لي فعلاً انا إتوترت بس حصل خير ،بس يا شهد مقابلة الطبيب النفسي مهمة على الأقل قبل م الوضع يزداد سؤ،يمكن في السودان نحن ما مهتمين بمواضيع الصحة النفسية دي كتير لكن إنتِ هنا في امريكا ،يعني عشان تقدري تعيشي صح في البلد دي لازم تكوني متزنة نفسياً..
سياف عاين ليها وهو ساكت
قلت ليها فعلاً ححاول اسعى في الموضوع دة
قالت لي إتفقنا ولا إحتجتي مساعدة كلميني
دخلت الغرفة بتاعتنا كانت زي ما خليناها،سياف جا داخل
قلت ليه انا اسفة،ما على الجوطة العملتها ليك في بيتك دي بس اسفة على إني مزوداها معاك شويتين وإنت اكيد ما مُجبر على الوضع دة..
قال لي انا ما متضايق ابداً على قدر ما شايف إنه الإنسان ممكن يتعايش مع اي وضع إلا إنه يعيش وهو خايف..
انا بس ما لاقي مُبرر لخوفك مني
قلت ليه خوفي ما ليهو علاقة بيك إنت تحديداً،وبالنسبة للتعايش انا مُطبعة مع الخوف ده ،ارجع واقول ليك انا اسفة مرة تانيه إذا كنت مسببه ليك متاعب والبيت حأرتبه بنفسي..
قال لي بالنسبة للبيت كويس إنه حصل كدة ولخير،يعني انا من بدري عندي شوية صيانة و تغيرات وافكار عايز اعملها في الغرف وكنت مكسل ، ودي فرصة كلمت صاحبي مهندس حيجيني بكرة وحنبدأ شغل على طول يعني كدة كدة البيت حيتقلب ما فرقت،إرتاحي..
قلت ليه ممكن اعرف حصل معاك شنو بخصوص مستر جو وليه حققو معاك؟
قال لي انا عايز اصلي وحأطلع ممكن بعدها تقفلي باب الغرفة عليك بالمفتاح ،محتاجة حاجة؟
بقيت اعاين ليه..
دخل الحمام وانا واقفة ،طلع فرش مصلايته
شلت غياراتي ودخلت إستحميت لما جيت طالعه لقيته مافي الغرفة..
نمت والصباح طلعت بدري مشيت الدار،كانت في صحافة إتجبرت ارجع وادخل من الباب الخلفي،
اول ما وصلت السكرتيرة قالت لي السيد تشارلي في إنتظارك في مكتبه..
قلت ليها اوك
دخلت عليه المكتب لقيته بقيس في ضغطته
قلت ليه إنت بخير؟
قال لي نوعاً ما
كان متضايق
قلت ليه الصحافة رجعت مرة تانيه
قال لي الضغوطات علينا من كل مكان كأنه اول مُسن يموت عندنا..
قلت ليه طيب الصحافة هي عايزة شنو؟
عايزة جواب على الأسئلة للشائعات الحاصله ونحن كل م صديناهم كل ما حيتحاملو علينا وحيضغطونا..
قال لي والمعنى؟
قلت ليه المعنى واضح ليه ما نطلع نرد على اسألتهم؟
قال لي مقترح جيد
وبدل ما نطلع نرد عليهم ممكن نعقد مؤتمر صحفي نجاوب فيه على كل الأسئلة المطروحة فيما يخص الموضوع دة،خلينا نعمل إجتماع عشان تبدي الترتيب ليه عايزك تتولي الترتيب ليه بنفسك..
قلت ليه حاضر..
بالنسبة لي مقترح المؤتمر الصحفي كان ممتاز..
ما رجعت إلا بالليل،لقيت سياف جمب الباب بلعب كرة سلة شكلة عملها جديد والجو بارد شديد ،لابس ترينج بتاع برد وطاقية في راسه
قلت ليها ناس؟
حوالي الساعة كم كدة؟
قالت لي م متأكدة ،هو قال لي ما تصحي شهد لو إتأخرت ومشى..
شالت كبايتها ومشت غرفتها وانا اللحظة دي راسي جاط شديد..
مشيت غرفتي شلت تلفوني إتصلت عليه تلفونو مقفول ،فتحت دولابه بقيت اقلب فيه وفي ملابسو بطريقة عشوائية ،وبقيت اقلب في المكتبة ،الأدراج،الكُتب
دخلت الغرفة التالتة الكان فيها وبقيت اقلب فيها،ما خليت مكان مكان ما قلبتة وانا ما عارفة نفسي بفتش على شنو ،المهم كنت بفتش على أثر يأكد لي شكوكي تجاهه،ما كان فاضل لي غير غرفة لين،دخلتها بطريقة همجية وبقيت افتح في الدواليب الفيها ملابس سياف ...
لين قالت لي بسم الله يا شهد في شنو خير؟
ما إشتغلت بيها بقيت بفتح في باقي الدواليب ادراج الغرفة،الشنط بتاعته..
قالت لي بنبرة خوف بتفتشي على شنو يا شهد عايزة شنو يمكن اقدر اساعدك..
اخر شي عاينت ليه اللابتوب
قلت ليها اللابتوب،اديني اللابتوب مش حق سياف؟
هزت لي راسها..
شلتو منها قالت لي إنتِ بخلعة مجنونة؟
قلت ليها افتحيه
بخوف وهي مقلعة عيونها فتحتو لي..
بقيت اقلب فيه ،دخلت الإيميل بتاعه ما كان فيه شي..
هي طلعت من الغرفة خلتني
شوية كدة بقت تصرخ..
جيت طالعة لقيت في دخان في المطبخ مالي البيت وإنذار الحريق إشتغل..
جريت المطبخ وسط الدخان داك وهي لسة بتصرخ وبتقول لي يا شهد،شهد ما تدخلي يا شهد اطلعي..
شلت الطفاية ورشيت البوتجاز بالفيه..
دقايق وكانت المطافي والشرطة في البيت ومعاهم جزء من الجيران..
انا شبه كنت منهارة ف ما عارفة كانو بقولو في شنو لين الكانت بتتكلم معاهم وبتبكي..
بعد طفو الباقي من الحريق وإتأكدو إنه كل شي تمام وإنه ماف شي يتخاف عليه ونحن بخير مشو خلونا ،
لين رجعت الغرفة وقفلتها عليها وانا بقيت قاعدة في مكاني في غرفة المعيشة بعدها دخلت غرفتي وبقيت قاعدة والغرفة حوالي كلها مقلبة فوقاني تحتاني حتى مكتبة الكُتب بتاعته ما سِلمت مني،كنت حاسة بخوف كدة نفس خوفي الحسيته يوم عرفت عمار شغال شنو،في اللحظة دي كان كل همي إني اطلع من البيت دة ،جهزت بسرعة وشلت حاجاتي وطلعت من البيت ،مشيت الدار،كان في قوة من الشرطة قدام الباب ،ولما دخلتعرفت من المشرفين إنه كان في فريق من الشرطة اخد عينات ونزل البدروم الإتلقى فيه مستر جو وتم تفريغ كاميرات المراقبة ودخلو غرفة مستر جو فتشوها...
حسيت إني م قادرة اقاوم رغبتي في دخول غرفة مستر جو،
ف طلبت من المشرفين المفتاح
قالو لي بيتم نقل اغراض مستر جو وتجهيز الغرفة ل نزيل جديد..
إتفاجأته بالسرعة دي معقولة؟
طلبت منهم إنه انا الأجمع باقي حاجاته بنفسي
اخدتة المفتاح
ومشيت عليها وانا مترددة فتحت الباب ودخلت وخليته فاتح بقيت اعاين واتذكر معظم اوقاتي معاه فيها..
عنده مكتبة صغيرة كدة بقيت اقلب بين الكتب الفيها عسى ولعل اللاقي شي..
فتحت الأدراج
الدولاب
تقريباً انا عديت اليوم كله وانا في الغرفة دي ما بين ببكي على زكرياتي معاه وم بين بفتش على شي ممكن يأكد لي صحة شكوكي في إنه وجوده هنا كان لسبب انا جاهلاه بس ما لقيت شي لغاية ما خلصت وجمعت كل حاجاته ختيتها على جنب...
رجعت المكتب بتاعي اول ما دخلت لقيت سياف في وشي
وقفت مكاني وهو نفس الشي..
قال لي إنتِ كويسة؟
كنت ساكتة وانا بعاين ليه
قال لي عرفت بالحريق الحصل في البيت ،قلقت عليك وجيت اتطمن..
كنت ماسكة باب المكتب بيدي..
قال لي من بالليل وطول الساعات دي كنت مطلوب للتحقيق بخصوص وفاة سيد جو،
فجأة جو محققين البيت وفتحت ليهم لين ،قالو لي مطلوب للتحقيق حتى لين ما خليتها تعرف طلعت ،اخدوني و تم إستجوابي واخدو اقوالي وبعدين اطلقو سراحي،وم كلمتك عشان ما تقلقي ،تلفوني كان مقفول لأنه ما كان معي،حابة تتأكدي؟
كانت على لساني جملة حصل شنو وعملو معاك شنو فجأة لقيت نفسي بقول ليه انا عندي شغل...
ما كنت قادرة اصدقه ابداً
قال لي تمام انا كمان عايز امشي الشغل وطلع بدون ما يعلق على رد فعلي معاه،حتى إنه ما جاب سيرة عن الحصل في البيت...
...................................
دة كلو ما كان حيحصل لو سمعت كلامي وجننتها وإرتحت وريحتنا من الموضوع دة،كان غالبك الموضوع دة؟ما غالبك لكن بتحب تعاندني يا عمار وبعد الفاس تقع في الراس نقعد نتلفت..
يا عثمان..
أسمعني إنت يا عمار نحن شغالين عمرنا دة كلو لغاية ما وصلنا لهنا بدون م نخلي اثر نمله ورانا ،
هي مره ساي هي شنو اصلاً ما مره وإنت عارف النسوان حدهم شنو في الحياة دي لا اكتر ولا اقل،مره زيها زي غيرها هسي دي لو أشرت ساي بتجيب غيرها والأحسن منها،من قلة النسوان في حياتك ؟
هسي شوف موضوع اخوها دة لو ما انا وقفت فيه وإتلافيتو عارف كان حيحصل فينا شنو ؟
قعدت جمبه وبقينا نعاين للبحر ونحن ساكتين
قلت ليه المكان حلو شديد واهم شي إنه هادئ
قال لي فكرت في اخر لحظة إنه نجي هنا..
قلت ليه لما تخاف ف بتجي هنا وبحصل شنو؟
قال لي بستشعر عظمة ربنا سبحانه وتعالى ،بشوف قدرته على ترتيب الكون ده في السماء والأرض هل حيغلبه ترتيب حياتي؟
قلت ليه وبعدين؟
قال لي بعدين بجيني يقين إنها مسألة وقت بس وكله حيترتب بطريقة احسن من الكنت راسمها ومخطط ليها
بقيت اعاين ليه
قلت ليه حتحس بكلامي غريب لو قلت ليك انا عكسك تماماً،انا بخاف اقعد مع نفسي واتأمل في الكون دة،لما افكر في حياتي بسأل نفسي..
سكتت ما كملت كلامي
قال لي انا سامعك
قلت ليه حصل جاك إحساس إنه عايز تسأل عن وجود ربنا سبحانه وتعالى دة حقيقة ولا لأ؟
او حصل حسيت إنك بتصلي بجسمك بس مافي اي شعور روحاني بتحسه في الصلاة دي او إحساس بالخشوع؟
بتجيك أفكار بإنه تلغي فكرة الدين من حياتك وتعيش زيك زي العايشين ديل؟
يعني مثلاً احيانا بفكر اقلع الحجاب وامشي بشعري كاشف،اللبس عادي بدون تكلف ،اعيش بدون تقيد واجرب البحصل شنو ؟
كان ساكت وبعاين لي..
قلت ليه انا عارفة إنه يمكن إنت حالياً مصدوم من الكلام الأنا بقوله دة وكيف انا بقول كدة بس اول مرة اشارك الكلام البقولو الصوت الجواي دة مع زول،صدقني انا ما وصلت لهنا بالساهل،انا اكتر زول كنت بتعامل مع ربنا باليقين والصبر و ما بحب اعيش دور الضحية ابداً ودايماً على لساني كلمتين" كله لخير،" بس أنا حاسة حياتي كلها إبتلاءات ولا مره إعترضتة عليها ،ولا مره قلت ليه يا رب..
ربنا سبحانه وتعالى إبتلاني في اختي قمت لقيت نفسي وحيدة..
إبتلاني في أمي الكانت اعظم حاجه في حياتي ،عارف يعني شنو اعيش عمري كله بشكل يومي وانا بتخيل كيفَ كان صوت أمي
وكيفَ كان شكلُ يدها، وكيفَ كانت تمسحُ على رأسي بعطفٍ ؟انا كنت حاسة بطعم الحياة دي عشان هي موجودة بعدها بقيت عايشة في وهم إنها موجودة
إبتلاني في خالتي المفروض إنها تاخد مكان امي في غيابها والعكس هي وجودها كان عبارة عن أذى
في بت خالي الربيتها كأنها بتي
سكتت مسااافة بعدها قلت ليه وفي الزول البحبو مره،ضحكت ضحكة إستياء كدة وكملت كلامي ب :ولما خلاص إتزوجت وقلت انا ربنا عوضني احسن عوض وبديت اطمئن للحياة وانا معاه إبتلاني فيه برضو ...
دي حياتي كدة ،انا ما عارفة مسمياها حياة ليه اصلاً
حتقول لي إنتِ بعيدة عن ربنا يمكن عشان كدة،بس لأ
انا بصلي وبصوم وبتصدق،وبكفل ايتام ،وعمرت مرة،وحجيت وانا صغيرة،ومحجبة من وفاة امي وبحاول على قدر ما اقدر إني اكون بعيدة كل البعد عن الحرام،وعن الحاجات الما بترضي ربنا،انا من وانا عندي 17سنة وانا بجاهد نفسي عن كل شي ممكن يكون يبعدني عن ربنا سبحانه وتعالى بس ولا مره حسيت إنه ربنا راضاني..
انا لغاية ما وصلت هنا وانا متيقنة إنه ربنا حيعوضني رغم كل شي بس انا بشوف ناس ما بتعمل ربع الأنا بعمله دة ومبسوطين،ومرتاحين،وعايشين حياتهم بالطول والعرض بدون ما يحرمو نفسهم من حاجه و..
قال لي انا سمعتك لغاية هنا ممكن تسمعيني وما تكملي؟
عاينت ليه وانا دمعتي في طرف عيني..
قال لي عارفة يا شهد إبتلاءاتك دي كلها ما بتسوى شي مقابل إنه تُبتلي في إيمانك بربنا سبحانه وتعالى ؟
إنه الشيطان لقى طريقة قدر يدخل ليك بيها ويهز يقينك بالله ويفتنك في دينك؟
الصوت الإتكلمتي لي بلسانه وافكاره المكونها جواك دي ما هي إلا وسوسات للشيطان..
عشان كدة مهم جداً نستعيذ من الشيطان الرجيم في اي لحظة بالذات لحظات الضعف بتاعتنا ،ومهم جداً دايماً يكون على لسانا دعاء "وثبت قلبي على دينك"...
هسي إنتِ بكامل عافيتك وصحتك وبتقولي إنه ما عارفة ليه مسمياها حياة،في غيرك في المستشفى بغسل كلى بشكل يومي،بياخد كيماوي،في المعاق حركياً...الخ
وبتلقي الناس دي خالقة لنفسها حياة بخيط امل بحجم سبيبة الشعرة بس بيقين وحسن ظن تام بالله
اما عن مقارنتك لحياتك وحياة غيرك من الناس الما عندهم ديانة في حياتهم او ما مسلمين تحديداً وعايشين الحياة بالطول والعرض بكل ملذاتها بدون قيود وم حارمين نفسهم من شي ف دة هو الإبتلاء الحقيقي،ودة اعظم إبتلاء..
تجي ناخد وقفة في سورة الكهف؟
هزيت ليه راسي
قال لي ربنا سبحانه وتعالى قال في سورة الكهف "إنا جعلنا ما على الأرض زينة لنبلوهم أيهم احسن عملاً"
تفسير الأية دي في ما معناه إنه ربنا سبحانه وتعالى خلى الدنيا مغرية وملهية عشان يشوف منو العزيمته قوية عشان يقدم حق ربه على شهوة نفسه ،وجهاد النفس عن المعاصى وعن الحياة بكل مغرياتها دة يعتبر اعظم جهاد،والحقيقة إنه دي ما زينة دة إختبار و إبتلاء ودة تصريح صريح من ربنا سبحانه وتعالى..
اما قولك بإنه إنتِ بتصلي وبتصومي وبتتصدقي وبتكفلي ايتام و...الخ لاحظي ربنا سبحانه وتعالى قال" لنبلوهم ايهم احسن عملا"ما قال اكثر عملا ليه؟
لأنه إنتِ ممكن تطعمي طير بباقي عيش عندك في البيت وربنا يجزيك مقابله خير كتير ،لأنه العبرة بالأحسن ما بالأكثر...
بعد ما طلعو وقفت على حيلي و إتسندتة على درج المكتب وانا بحاول اخد نفس ،فجأة الباب دق سياف جا داخل قال لي شهد؟
رفعت راسي عاينت ليه
قال لي كويسة إنتِ؟حصل شنو؟
قلت ليه الحمدلله كويسة
قال لي حصل شنو ؟ليه وشك متغير كدة؟
قلت ليه،ماف شي حاساهم ضغطوني شديد في التحقيق ،وانا إتوترت شويه
قال لي عادي يضغطي ،وبرضو عادي تتوتري ،قرب علي وخت يدو في خدي وقال لي المحققين دة شغلهم ما اكتر،ماف شي يخوف..
لما شافني لسة متوترة قال لي تعالي ضماني عليه وقال لي حاولي تهدي ماف شي الموضوع عدى يمكن عشان اول مره تتعرضي للحاجة دي..
راسي كان بودي وبجيب وانا ما عارفة ليه عملت كدة؟
لية ما حكيت ليهم عن السيدة كاثرين وكل البعرفو؟
انا بعمل كدة ليه وعايزة شنو؟
دة خوف وجُبن مني ولا شي تاني انا ما قادرة احدد؟
قعدتي في الكرسي بتاعي وقعد قصادي في الدرج قال لي الموضوع عدى حاولي ما تفكري فيه وبالنسبة للصحفين لسة موجودين لكن اكيد نهاية حيمشو من هنا..
جا سيد تشارلي داخل علينا سياف وقف على حيله
قال لي كيف سار الأمر؟هل كل شيء على ما يرام؟
قلت ليه إتفضل سيد تشارلي..
اخد ريموت التلفزيون من مكانه و
قال لي كان إعتقادنا إنه التحقيق دة إجراء روتيني وحينتهي بمجرد التحقيق في الأمر ولكن...
سكت ما كمل كلامه
قلت ليه ما فهمت؟
شغل قناة اخبارية جايبين فيها وجود الصحفيين قدام الدار بكمية و مقدمة الأخبار في النشرة بتقول:
"ما زال الجدل مستمراً حول ملابسات قضية مقتل احد اشهر الصحفيين الإستقصائين في الولايات المتحدة في احد دور إيواء للمسنين في ولاية كاليفورنيا عن عمر يناهز ال70عاماً
وإبنته تُغرد:"لقد تم إغتيال ابي في ذلك المكان"
الأمر الذي سبب جدلاً واسعاً حول حقيقة وفاته
كما انه لم يُعرف السبب الحقيقي لِتواجده في ذلك المكان هل كان بغرض العزله عن البيئة المحيطة به ، ام تنكراً لحل لغز قضية ما في ذلك المكان...
عاينت لسياف بخلعه قلت ليه مستر جو صحفي إستقصائي؟
معليش على الأخطاء ما تركزو معاها ♥️♥️
قلت ليه لأ حأنزل طبعاًانا مالي بيهم ،حأدخل عادي اكيد هم ما عايزني انا..
فتحت الباب ونزلت اول ما قفلته وخطيت كم خطوة
في واحدة قالت لي سيدة شهد؟
وقفت اتلفت عليها
فجأة لقيتهم إتلمو حواليني كلهم..
اول سؤال وقع على مسامعي كان "هل يمكنك إخبارنا عن واقعة وفاة السيد جورج روكفلر ؟
يقال انكِ كنتِ من المقربين لديه هل كنتِ على علم بمن هو؟
؟هل تعتقدين ان السيد روكفلر قد تم إغتياله ؟
كل واحد فيهم كان بسأل سؤال وانا واقفة متسمرة في مكاني وبتلفت..
فجأة حسيت بزول مسكني وبسرعة طلعني من نصهم
الأمن بتاع باب الدار كان واقف
سمعت سياف بقول ليهم نحن م صحافة ،هي موظفة هنا خلونا نمر ...
واحد من الأمن قال ليه أعتذر سيدي ولكن عندنا اوامر صارمة من السيد تشارلي بتمنع دخول اي شخص مالم يقدم لينا بطاقة دخول رسمية..
قال لي شهد عندك بطاقة؟
كنت خايفة وماسكة فيه
قال لي شهد ؟؟
شال شنطتي وفتحها طلع ليهم البطاقة بتاعتي..
دخلونا اول م وصلنا حديقة المبنى قال لي إنتِ بخير؟
بقيت أتلفت..
قال لي ماف شي هم برة ما حيقدرو يدخلو هنا حاولي تهدي..
شهد،سامعاني؟
بقى يتكلم معي وهو ماسك وشي بيديه..
قال لي تعالي نبعد من هنا...
قلت ليه ما فهمت شي من الكانو بقولو فيه؟!
قعدني في مقعد من مقاعد الحديقة، قال لي الموضوع عدى ما تخافي
غطيت عيوني بيدي وانا بقول ليه :ما حينتهي الموضوع دة ما حينتهي..
قال لي ماف سبب يخليك تقولي كدة،إنتِ بس حاولي خليك هادئة كل شي حيعدي وينتهي
فجأة وقفت على حيلي وقلت ليه بتوتر انا حأطلع المكتب بتاعي..
قال لي طيب أطلع معاك؟
قلت ليه لا امشي ما تتعطل بسببي انا بخير
قال لي اكيد؟
قلت ليه ايوا اكيد.
قال لي طيب لما تخلصي ما تطلعي انا حأجي اخدك اول ما تخلصي اتصلي علي إن شاء الله لوقتها حيكونو مشو او إذا في باب تاني غير دة ممكن نطلع بيه بعدين
قلت ليه إن شاء الله..
قال لي إذا في اي شي إتصلي علي تمام؟
هو مشى وانا إتجهت على مكتبي قبل ما ادخل السكرتيرة قالت لي سيدة شهد مرحباً بعودتك للعمل
قلت ليها شكراً
قالت لي السيد والسيدة تشارلي في المكتب إذا حابة تدخلي عليهم
قلت ليها طيب حأدخل ليهم..
مشيت على مكتب السيد تشارلي دقيت الباب ودخلت
مرتو اول م شافتني قالت لي عزيزتي شهد وقامت على حيلها حضنتني وقالت لي سُررت برؤيتك
مستر تشارلي قال لي سعيدين برؤيتك اليوم
،كلنا ما قادرين نتخطى فقده ولكن مسؤوليتنا تجاه الأخرين بتفرض علينا التواجد والعمل حتى ما نفقد شخص اخر منهم كمان..
مرتو قالت لي السلام لروحه المتواجدة بيننا دوماً 🙏🤍
قلت ليهم امين
مستر تشارلي قال لي إنتِ بخير؟
قلت ليه نوعاً ما ولكن..
قاطعني وقال لي الصحافة،ما تاخدي في بالك ،هم على مدى كم يوم متواجدين هنا بس لا بد من إنه يلقو ليهم خبر وموضوع تاني يتسلقوه ،عملنا البيطلع بيدنا عشان نبعدهم من امام المبنى بدون فائدة ،بلغنا السلطات ولكن ماف جديد حاولي ما تقيفي ليهم او تقدمي ليهم اي تصريح وم تستجيبي لأسألتهم وضغوطاتهم..
قلت ليه اوك
قال لي هناك الكثير من العمل والمهام المتراكمة في إنتظارك،اتمنى لك يوم جيد..
دخلت مكتبي ووقفت في الشباك وانا براقب الصحافة وهم لسة واقفين..
ووقفت بفكر في كلام مستر تشارلي...
كنت عايزة امشي المبنى السكني،عندي رغبة قوية في دخول غرفة مستر جو بس كنت مترددة ما بين امشي ولا لأ،ما كانت عندي الطاقة او الشجاعة الكافية البتخليني امشي بهناك ابداً
فتحت جهاز الحاسوب بتاعي وبديت اراجع الملفات الموجودة على المكتب..
فجأة جاتني السكرتيرة داخلة ،قالت لي سيدة شهد مستر تشارلي طالب حضورك في غرفة الإجتماعات حالاً
قلت ليها الان؟
قالت لي إجتماع مستعجل الان
قلت ليها اوك
طلعت مشيت غرفة الإجتماعات لقيت كل افراد مجلس الإدارة مجتمعين..
السيدة تشارلي قال لي اتفضلي عزيزتي شهد
قعدت في الكرسي بتاعي..
سيد تشارلي قال لينا بعتذر على العجلة الطلبتكم بيها ولكن بعد اقل من نص ساعة من الان حيزورنا افراد من مكتب التحقيقات الفدرالية ،حيتم إستجوابنا حول واقعة وفاة مستر جو
طالب منكم ما تتوترو ،حيكون تحقيق روتيني وحنكون متعاونين مع المحققين بالإضافة لإنه حيتم فحص اجزاء من المبنى ومراجعة كاميرات المراقبة
الهدوء مهم وتعاونكم اهم قد يتم الضغط عليكم من خلال الاسئلة ولكن هو شي روتيني من المحققين ليس إلا...
واحد قال ليه هل التحقيق يشمل جميع من هم بالدار؟ ام العاملين فقط ؟
قال ليه قد يتم إستجواب الجميع لا فكرة لدي
إتوترت جداً من فكرة التحقيق دي بس حاولت اتماسك
اول ما إنتهى الإجتماع رجعت مكتبي..
عندي حبوب فتحت شنطتي واخدتها
فتحت تلفوني لقيت مكالمات من سياف،رجعت ليه قال لي إنتِ كويسة؟
قالت ليه عارف يا سياف المطمني شنو؟إنه دي طبيعتك و سجيتك كدة ،إنت شهم مع كل الناس عشان كدة كل البتتعامل معاهم بحسو إنهم مميزين عندك ،يعني انا بفضلك إتخطيت الموضوع داك الحمدلله بكل مساويه الكان مترتب علي اعيشها في حال عاندت وكملت...
ما فهمت دة يطمنك ليه؟
وعموماً الموضوع داك إنتهى ونحن إتفقنا على إنه ما نفتحه مره تانيه..
ايوا بس قصدي إنه الواحد بختلط عليه الأمر و ما بقدر يفرز بين إنه إنت بتعامله كدة لأنك بتحبه ومهتم لأمره ولا بتقدم ليه مساعدة عاديه ك خدمة بس م اكتر،يعني هسي مثلاً لو انا طلعتة وقعدت في التلج زي ما شهد عملت كدة انا متأكدة كنت حتجي تقعد معي وتواسيني زي ما عملت مع شهد..
مافي حاجه إسمها زي ما عملت مع شهد يا لين ،شهد دي الان في كفة براها مافي مقارنة بين تعاملي معاها وتعاملي مع غيرها اكيد والطبيعي إنه في فرق..
قالت ليه طيب
قال ليها عندك حاجه عايزاني اساعدك فيها تاني ولا كدة خلاص؟
قالت ليه لا
طيب انا طالع لشهد اطمن عليها
.....................................
صباح اليوم التاني صحيت على صوت مكالمة في تلفوني
رفعته لقيته مستر تشارلي..
بعد ما إطمئن علي قال لي شهد اليوم حيتم ترحيل جثمان مستر جو ،اقاربه طالبين إنه يتم دفنه عندهم هناك،لو حابه تجي تشاركي في المراسم...
قلت ليه لا ما بقدر اجي،انا اسفة..
قال لي متفهمك انا حبيت اكلمك،كلنا حزينين على فقده ف هو كان مقرب للكل وفقد عظيم للكل، كوني بخير...
إتنهدته ودموعي بقت في طرف عيني وانا بعاين للتلفون..
سياف كان نايم جمبي،عاينت ليه لقيته صحى
قال لي خير منو المتصل ؟
قلت ليه دة مستر تشارلي ،قال اقارب مستر جو حياخدوه يدفنوه في ولاية تانيه وبسألني اذا حاقدر اجي احضر المراسم ولا لأ..
قال لي حابه نمشي ؟
هزيت ليه راسي وقلت ليه ما بقدر !!
قام على حيله وقعد جمبي وهو بعاين لي
قلت ليه ما قادرة اصدق،
الموضوع بالنسبة لي كأنه كذب ،امبارح كان بتكلم معي،نفسي افهم الوداه المكان داك شنو ،والله راسي حيطق..
انا سألته،طلبت منه يحكي لي حصل معاه شنو لمن اغمى عليه قال لي وقعت في الحديقة بس ،بس حسيت إنه بكذب علي وطلعت فعلاً شكوكي في محلها هو دخل المكان دة ،دة السبب الخلاه يقع،بس م فاهمة دخل لشنو؟وليه كذب علي
في اللحظة دي سياف كان بعاين لي ،بعد مساافة قال لي : قدره يا شهد،ربنا سبحانه وتعالى لما يكون عايز ياخد الروح بسبب الأسباب رغم غرابتها واسألتنا الماف ليها اجوبة إلا إنه الواقع بقول إنه دة قدره كدة
وبعدين ما تنسي هو اصلاً قلبو ضعيف ،نزولو للمكان دة بقى ليه سبب بس..
قلت ليه لحظة هو بموت ما عايزة تطلع من بالي كأني شايفاه قدامي هسي ،وما اعتقد إنها حتطلع من بالي اللحظة دي،ولا شكلو المات بيهو دة حأقدر انساه،حاسه نفسي إتأخرت،يمكن لو مشيت ابدر من كدة كان قدرنا ننقذه يا سياف ،يمكن كنا...
خت يديه في وشي وبقى مقرب علي وقال لي شهد إنتِ ما مؤمنه بالله؟يومه تم وربنا سبب الأسباب إنتِ ما ليك دخل ابداً!وم كنتِ حتعملي شي حتى لو جيتي في وقت ابدر..
بعدين ما براك المستصعبة موته صدقيني يا شهد انا كمان صدري ضايق من وفاتو وبالطريقة دي بس برجع وبقول الموت علينا حق،ماف شي يتقال غير كدة فاهماني؟...
جات لين داخله علينا من غير ما تدق الباب،لما شافتنا كدة قالت اوووه ،انا اسفة دخلت بدون ما استأذن "قالت الجمله دي بالإنجليزي"..
بعد ما قالت كلامها دة قمت من جنب سياف براحه وصلحت ملابسي..
قالت ليه سياف طالع الدوام صح ؟جهزت ليك الفطور وكدة انزلو افطرو ،وانا جاهزة عشان نطلع ،شهد ما حتمشي معانا صح؟
قال ليها طيب حننزل
بعد ما طلعت قال لي شهد يلا انزلي غسلي وصلي عشان تاكلي
قلت ليه لا انا ما عايزة شي
قال لي من امبارح ما اكلتي يا شهد
قلت ليه ما نفسي ،بس حأغسل واصلي محتاجة حبوب مسكن بس
قال لي طيب حأجيبها ليك،انا رفعتها من هنا عشان ما تكتري فيها..
في الحمام كنت بعاين لنفسي في المرايا وبفكر:
انا راجيني شنو لسة اكتر من كدة او انا راجية شنو اكتر من كدة هنا؟
ما بس شاكة انا متأكدة ميتة مستر جو ما كانت طبيعية في شخص إتعمد يقتلو والدليل تعطيل كاميرات المراقبة
في حاجة غلط في الدار دة وفي ايادي مساعدة حتى لو السيدة كاثرين هي العملت كدة بس تزامن صيانة كاميرات المراقبة مع اليوم دة اكيد ما صدفة ،السر شنو في المكان دة لما ممكن يقتلو واحد من الدار عشانه ؟ولا يمكن هم عرفوني انا بفتش ورا السيدة كاثرين،ونزلت المكان دة مرة، ودي بإعتبارها رسالة لي ؟
عدت 3ايام من وفاة مستر جو،والأيام دي كلها انا كنت عايشة فيها على المسكنات
ما كنت بطلع من البيت خالص ولا حتى من غرفتي،وسياف كمان كان بخلي لين تطلع تمشي المعهد براها وترجع براها وبقى ملازمني انا في البيت رغم محاولاتي في إني اخليه يمشي شغله بس كان بتحجج بإنه حاسي نفسه ما كويس وم عايز يطلع في الجو دة
#ليله_في_ديسمبر41
بعد كلام الدكتور سياف طلعني برة واقرب مقعد قدني فيه وبقى يقول لي شهد..
انا ساكته وسرحانه وخاته يدي في وشي وبقول مستر جو مات؟
كيف يعني مات؟
سياف بقى يقول لي شهد بتكلم معاك انا،عايني ،قعد على رجولو في الأرض ومسك وشي بيديه قال لي دة قدره ويومه تم ما مؤمنه بالله إنتِ؟
وقفت على حيلي وبقيت خاتة يدي في راسي
فجأة لقيت سياف ضماني عليه وبقى يطبطب علي ويقول لي إتكلمي معي ي شهد!
شهد ؟!
إتسنتدتة في حيطة كدة وبعدها قعدتة في الأرض ،وانا بعاين حوالي و م قادرة اقول اي شي ،كنت شبه داخله في صدمة..
سياف قعد في الأرض وهو ماسكني كان بحاول يخليني اتكلم او ابكي وانا كنت قاعدة وساكته وبعاين ليه...
قال لي يلا تعالي نمشي البيت ،وقفني على حيلي وقال لي ماف شي يتعمل في المستشفى الإجراءات حيقومو بيها الإداراة،يلا ي شهد..
قلت ليه انا في الإدارة،انا مسؤولة عنه ،ما بمششي بخليه وراي ،ما حصل خليتو وراي انا...
مسكني وقال لي شهد الأعلى منك موجودين حيعملو الإجراءات واكيد عندهم مراسم و بروتوكل بمشو بيه ،ف قعادنا هنا ما ليه لازمة يلا تعالي
ساقني وطلعنا من المستشفى،طول الطريق وهو بحاول يتكلم معي
ايوا نعم شفته موته قدامي بس ما كنت م مصدقة وبحاول استوعب إنه حقيقة وكان في خوف متملكني بطريقة سيئة شديد وعقلي م عايز يوقف تفكير..
وصلنا البيت
لاقتنا لين من الباب قالت لينا في شنو؟شهد مالها؟
قال ليها بعدين..
سياف دخلني الغرفة وقعدني في السرير وقعد جنبي قال لي يا شهد ..
رفعت عيني عاينت ليه وانا ساكتة..
قال لي لما تبكي حترتاحي عارفة كدة إنتِ صح؟
قلت ليه امبارح كان بقول لي إنه كويس وما حيحصل ليه شي،امبارح كان بقول لي انا ما بموت عندي باقي عمر لسة عايز اعيشو
قال لي يا شهد لو كلنا بنقول كدة وبنقرر حنعيش لمتين يبقى ماف زول حيموت ،إنتِ ما مؤمنه بربنا ؟
يلا ي شهد نحن ك مسلمين اكتر ناس متقينين بالموت ومؤمنين بيه وبنتقبله صح ولا لأ؟
انا عارف الموضوع صعب عليك قدر شنو واصعب علي انا لأنه بقى من المقربين عندي مؤخراً ولكن دة قضاء ربنا وإختياراته حنعترض على قضاء ربنا ؟
حاولي ترتاحي يا شهد ،يلا تعالي
لين جات داخله شايله كبايه مويه قالت لي شهد هاك ،سياف شالها منها وشربني شويه مويه وقال لي يلا حاولي تتغطي وترتاحي
ما كنت عايزة افكر في شي ولا عايزة احس بأي شي،كل العايزاه إني اغمض عيني وانسى اي شي
وفي الحقيقة حصل العكس يا ريتني ما فكرت اغمض عيني لحظة،فجأة لقيت نفسي بصرخ وسامعة صوت بقول لي
يا شهد ،شهد افتحي عيونك،اصحي يا شهد...
كنت بقالع وبضرب في صاحب الصوت دة بطريقة هستيرية ولما وعيت لقيت نفسي في الأرض وهو ماسكني وبقول لي سامعاني ي شهد...
رفعت عيني عاينت ليه،قال لي ماف شي،إنت كويسة؟حاسة بشنو ؟خليك مفتحة عيونك سامعاني يا شهد
أنفاسي كانت متسارعة وما منتظمة وهو نفس الشي
قلت ليه وانا ببكي انا كمان حيقتلوني ،انا كمان حأموت زيو..
شهد إنتِ كويسة؟
هموالقتلوه وم حيخلوني انا كمان
كان بعاين لي وهو ساكت..
قلت ليه والله حيموتوني انا كمان ،هم قتلوه قاصدين ما مات ساي،كنت بتكلم وبرجف..
قال لي جسمك سخن شديد محمومة إنتي ي شهد
قلت ليه سياف عاين إنت مصدقني صح؟
قال لي ايوا مصدقك يا شهد
قلت ليه حيقتلوني انا كمان ما حيخلوني
قال لي انا معاك اهدي
مسكت فيه وحضنته...
كنت متعلقة بسياف زي الغريق المتعلق بقشة في نص البحر،ما بتذكر شي غير إني كنت في الحالة دي خوفي ...
لما وعيت وفتحت لقيت سياف واقف في شباك الغرفة..
عاينت حوالي وإتحركت بصوت..
إتلفت علي ،قال لي صباح الخير
عاينت جمبي كان في ادوية
قلت ليه حصل شنو؟انا وين
قال لي تعبتي شويه بس بالليل وعشان الجو سيء برة ما قدرنا ناخدك المستشفى ف خليت صحبي يجي البيت هنا،
إنتِ كويسة؟حاسة بحاجه أخدك الدكتور؟
قلت ليه لا بس ما متذكرة شي وراسي واجعني..
شال علبة طلع منها حبة و قال دة مسكن واداني كبايه مويه
اخدته الحبه
قال لي محتاجة حاجة؟جعانه؟
هزيت ليه راسي ونزلت من السرير مسكني قال لي حاسة بشنو؟
قلت ليه عايزة ادخل الحمام بس،وصلنا لغاية باب الحمام وقال لي لو حسيتي بإنك ما تمام ناديني تمام؟
وانا بستحم لاحظت اثار داكنه في يدي الإتنين بالتحديد مكان الأوردة بتاعتي،بقيت اعاين ليها مخلوعة..
طلعت من الحمام بسرعة لقيت سياف داخل وفي يده جك عصير..
رفعت ليه يدي قلت ليه دة شنو؟انتو عملتو فيني شنو ؟
بقى واقف وبعاين لي مخلوع من سؤالي؟
قلت ليه عملتو فيني شنو دي شنو الأثار دي كلها؟قال لي ي شهد قولي بسم الله..
قرب علي لزيتو بكل قوتي قلت ليه ما تقرب مني
جك العصير وقع إتكسر..
اتوفر من الجديد 💜
إدناء اسلامى 5قطع ط
الخامه كرب ❤🔥
المقاس فرى سايز يحدى 130
السعر 12.000 فقط ❤️
للطلب @wessam1412
بالنسبه ليه كائن لا يطاق وفي يوم واحد بس اصبحت على واقع إنه عايز يتزوجها..
إتلفت على سياف لقيتو نايم في حافة السرير ومديني ضهرو..
قلت ليه سياف
قال لي ايوا يا شهد
قلت ليه السرير واسع وبشيلنا مالك بتنوم في الحافة كدة إنت بتخاف مني؟😁😂
إتلفت علي وصلح رقدته وهو بعاين لي مسافة ،مد يدو عايز يختها في خدي زحيت منه ضحك وغمض عيونو..
الصباح فتحت تلفوني لقيت فيه كميه من المكالمات من مشرفة في الدار،
رجعت ليها وانا مقلقة ما من عوايدهم يتصلو علي كل المكالمات دي..
اول ما ردت قلت ليها صباح الخير سيدة ليون
قالت لي صباح النور شهد انا اسفة لأني إتصلت مكالمات كتيرة في وقت ما مناسب ولكن كنت حابه اسألك سيد جو كلمك بإنه طالع مكان او حيغيب ليله كاملة او كدة؟
قلت ليها ابداً ليه في شنو ؟
قالت لي مستر جو مختفي من امبارح بالليل وم لاقين ليه اثر
قلت ليها كيف يعني مختفي فتشتو الدار كويس الغرف يمكن يكون مع واحد من المسنين ،او السطوح فتشتوه؟
قالت لي مافي ،ما موجود
قلت ليها طيب انا جايه
سياف قال لي في شنو مالك؟
قلت ليه مستر جو مختفي من امبارح بالليل
قال لي كيف مختفي؟
قلت ليه ما عارفة بس انا لازم اجهز امشي
على بال ما اللبس لقيتو مستنيني في العربيه ،قال لي يلا اركبي
ركبت وإتحركنا حتى ما صحينا لين،وصلنا لقيتهم متجمعين في الحديقة ،قلت ليهم صباح الخير ماف خبر لسة؟فتشتو المبنى كويس؟هو ما من عوايدو يطلع براه او ما يكلم زول بإنه طالع
قالو لي ما موجود في اي مكان في المبنى
قلت ليهم طيب راجعتو كاميرات المراقبة اكيد لو طلع حتكون مصوراه
قالو لي امبارح كانت في صيانة لكاميرات المبنى ما كانت شغالة بالليل ولا اليوم حتى..
بقيت اعاين بإتجاه مدخل الأرضي كان عمال الصيانه ي دوب بادين يشتغلو فيه ،مشيت عليه قلت ليه ممكن تبعدو من هنا دقايق ؟
سياف جا لاحقني قال لي شهد
قلت ليه انا حأنزل تحت اشوفو
قال لي طيب السلم بودي لوين انا حأنزل إنتِ خليك
جا مستر تشارلي قال لي نازله وين انسة شهد؟
قلت ليه حأشوف مستر جو تحت
قال لي الحيجيبو هنا شنو مكان مليان بالفيران والحشرات وكل اسبوع بيترش بكمية من المبيدات الحشرية السامة
قلت ليه عارفة عشان كدة طلبت يتقفل المدخل دة ،بس انا لازم ادخل ما بقدر اشرح ليك
قال لي فكري بعقل شنو ممكن يخلي مستر جو يدخل هنا هل هو طفل؟كان بتكلم بنبرة حادة
المكان تحت..
قبل ما يكمل كلامو نزلت وسياف وراي كنت مولعة الفلاش بتاعي
قال لي ختي طرحتك حوالين انفك ي شهد..
على قدر ما إحساسي كان بقول لي في حاجه غلط،وإنه هو هنا على قدر ما كنت بقول ي رب احساسي يكون غلط،ي رب ما يكون هنا..
وصلنا تحت سياف شغل الفلاش بتاعه وبقيت اقول مستر جو ،مستر جو انت هنا سامعني؟
مستر جو،
سياف كان في إتجاه وانا في إتجاه المكان شدة ما كبير اشبه بالباركن بتاع العربات حتى تقسيماته شبه تقسيمات الباركن ،اكتر من ربع ساعه ونحن منورين فلاشاتنا وانا بنادي،وسياف بدأ يكح من ريحة المبيدات المالية المكان،
قلت ليه سياف اطلع من هنا عشان ما تتعب خليني انا بفتش عليه،او اطلع اخد نفس وارجع
فجاة سياف قال لي شهد،شهد تعالي
جيت عليه بسرعة ،مستر جو كان واقع..
بقيت اقول ليه مستر جو،
قلت لسياف مات
سياف بقى يقول لي اهدي وببهبش فيه ،قال لي قلبو فيه نبض شالو وتلفونو وقع منو ،شلت التلفون وبقيت اقول ليه من هنا الطريق،مستر جو انت سامعني..
وصلنا السلم بعد تعب وهو قدامي وانا وراه بقيت انادي ليهم من تحت وبقول ليهم شغلو لينا إضاءات بتلفوناتكم بسرعة لغاية ما وصلنا فوق مستر تشارلي بقى في حالة صدمة..
اول ما طلعناه برة انا اتصدمت اطرافو ووشو لونها ازرق عديل وجسمو كلو طفح جلدي ..
بقيت ببكي،سياف طلع بيه العربيه على طول وانا وراه،ما كان بتنفس،كنت بقول ليه سياف مات،
سياف بقول لي شهد اهدي بالله عليك ممكن تسكتي ،انا لما شلتو نبضو شغال،يعني حي فهمتي
ما كنت قادرة اهبش اي مكان في جسمو لانو قايم طفح جلدي حتى وشو وراسو
بقيت اهبش مكان قلبو وبقول ليه مستر جو الله يخليك قوم..
وصلنا المستشفى ،اول ما استلموه دخلوه الطوارئ ،سياف قال ليهم كان في مكان مقفول ومرشوش فيه مبيدات حشريه ،تقريبا هو من امبارح بالليل في المكان دة،وهو مريض قلب ..
ركبو ليه اوكسجين وقلعو منو القميص،وبقو يتكلمو
جسمو كان كلو بالشكل الكانت عليه اطرافه ووشو،
الدكتور بقى يعمل ليه انعاش بيديه تقريباً
ركبو ليه حاجات وجابو جهاز الصدمات..
الدكتور قال اشحنوه على 200
وختاه في صدر مستر جو
كان بعاين للجهاز بتاع الاشارات،
بقى يحاول مره واتنين وتلاته،محاولاتو كانت بتدل على إنه ماف إستجابه من القلب..
عدينا اسبوعين بالحالة دي ويمكن اسوأ وانا بقيت اتضايق من تصرفاتها وتعاليقها الما في محلها...
يوم قلت ليه سياف انا عربيتي حتدخل صيانه ممكن اليومين دي توصلني في طريقكم؟
قال لي ما طلبتي شي حاضر على طول
ركبت جنبو في العربيه هي طلعت من البيت بعدنا فتحت الباب القدام لقتني قاعدة وقفت مسافة وقالت لي دة مكاني البحبو بس ما مشكلة وقفلت الباب وركبت ورا قال ليها حاوصلك حتى ارجع اوصل شهد
قالت ليه لا وصل شهد انا ما مستعجله
قال ليها ممكن الدرس يفوتك اوصلك اول
قالت ليه لأ درسي حيبدأ متأخر ما مشكله اصلاً عايزاك توديني محل كدة قبل المعهد عايزة اشتري حاجات
قال ليها خير
ونحن في الطربق قالت ليه سياف هسي إنت عمرك كم؟
قال ليها 38
قالت ليه وشهد33 يعني الفرق بينكم 5سنة غريبة..
قال ليها الغريب شنو؟
قالت ليه اول مره اشوف راجل بتزوج واحدة قريبة من فئتو العمرية يعني معروف ناس التلتينات بعرسو بنات العشرينات والطاشرات و..
قال ليها القال كدة منو؟
قالت ليه ماف زول قال يعني ممكن تعتبره عُرف سائد
قال ليها لين انا شايف تركزي على دراستك افضل إتفقنا؟
لما وصلني قبل ما انزل مسك يدي وعدل لي طرحتي وقال لي الجو بارد شديو وإنتِ صوتك من امبارح منتهي حاولي إشربي حاجه دافية اول ما توصلي
إستغربت وانا بعاين ليه وشويه بحاول استوعب هو كدة بجد؟
فكرت لي لين لقيتها بتعاين لينا
قلت ليه طيب وإنت كمان
وانا داخله على الدار لاقاني واحد من العاملين مع المدخل قال لي صباح الخير
قلت ليه صباح النور
قال لي كيف حال مستر جو الان حالته مستقرة؟
قلت ليه مستر جو مالو؟
قال لي إتلقى مغمى عليه وتم نقله للمستشفى..
قلت ليه متين الكلام دة؟واي مستشفى؟
قال لي صباح اليوم في مستشفى ال...
وقفت اقرب تاكسي ومشيت المستشفى
لقيت مستر تشارلي ومرتو ومعاهم المشرفات
قلت ليهم حصل شنو لمستر جو؟
قالو لي هو بخير،إتلقى مغمى عليه في الدار ونقلناه للمستشفى
قلت ليهم مغمى عليه ؟كيف؟
مستر تشارلي قال لي هو بخير الان ما تخافي عليه
قلت ليهم هو وين حالياً؟
قالو لي في الغرفة
دخلت عليه بي لهفة كدة لقيتو بقفل في قميصه ومعاه الدكتور والممرضة وهو بقول ليهم بإمكاني ارجع المقر عادي صح؟
قلت ليه إنت كويس؟
قال لي زي الحصان تماماً وعكة خفيفة وانا بخير
وشو كانت ملامحه متغيره وعيونو منتفخة
قلت ليه دكتور هو كويس؟
قال لي ماف دكتور بقول ليك المريض بخير بحاولو يطلعو امراض من تحت الارض
الدكتور قال لي هو بخير الان ولكن لازم المتابعة خلال الإسبوع دة
قلت ليه تمام انا بنفسي حاجيبو المتابعة
قال لي انا بخير ما تقلقي يلا وصلوني البيت،لما طلع لقاهم متجمعين برة قال ليهم وليه كلكم موجودين هنا؟انا لسة عندي عمر طويل في إنتظاري يلا نرجع وبقى يتكلم مع نفسه وهو ماشي
قلت ليه مستر تشارلي هو وقع وين؟
قال لي في الحديقة
ونحن راجعين كنت بعاين ليه،ملامح وشه والإحمرار الحوالين عيونو حسيت إنه حصل معاه زي ما حصل معي بس كيف اقدر اسأله او افاتحه في الموضوع؟او معقول يكون هو مع السيدة كاثرين؟
لما وصلنا مشيت معاه لغرفته،قلت ليه مستر جو إنت كويس الان؟
قال لي ممكن تبطلي تسألي عن صحتي لأني بخير وما عندي شي وعايز ارتاح بس؟
قلت ليه اوك حاضر اذا احتجت شي إتصل علي انا موجودة.
قال لي تمام
وقفت في الباب وانا بفكر اسأله كان وين لما وقع ،سمعتو بقول لي اقفلي وراك الباب واطلبي منهم عدم زيارتي و إزعاجي اليوم
قلت ليه حاضر
قفلت الباب وانا بفكر وراسي بقى يودي ويجيب
نزلت سالت واحد من العاملين وين اتلقى مستر جو وهو واقع؟
قال لي وسط الحديقة هنا بالتقريب مكان ما بيجلس كل صباح
المكان كان شبه بعيد من المدخل بتاع الأرضي..
سياف المساء إتصل علي قال لي انا جاي عليك عشان نمشي ناخد لين اذا خلصتي..
قلت ليه اوك منتظراك
لما وصل وطلعنا قلت ليه بالمناسبة مستر جو اليوم اتلقى واقع في حديقة المبنى واخدناه المستشفى
قال لي لا ياخ ليه ما كلمتيني متين حصل كدة؟
قلت ليه صباح اليوم
قال لي نرجع نمشي علينا ولا كيف وهسي هو كيف؟
قال لي بخير بس رافض زيارة اي زول اليوم قال عايز يرتاح
قال لي طيب بتصل عليه لو وافق نرجع نتطمئن عليه مالو عندو شنو؟
سرحت مسافة قلت ليه ولا شي وقع بس قالو
قال لي عملو ليه الفحوصات كلها ؟
قلت ليه فاضل المتابعة خلال الاسبوع دة
قال لي طيب
كنت ساكته وسرحانه قال لي ما تقلقي حيكون بخير إن شاء الله
وصلنا سياف إتصل على لين قال ليها نحن قدام المعهد
قالت ليه انا طلعت
قال ليها وين؟
قالت ليه رجعت البيت
قال ليها متين انا قبيل كنت بتكلم معاك قلت ليك اخد شهد واجي عليك
قالت ليه خلاص رجعت انا ،حأكون منتظراكم جنب الباب
كانت واقفة على جنب اول ما جا داخل على الهول قالت ليه مشت وراه وغمضت ليه عيونو بيديها قالت ليه انا منو..
وقف مسااافة ونزل يديها منو وهو بعاين ليها
قالت ليه مفاجأة..
قال ليها يا زولة من متين هنا؟
قالت ليه من قبيل وإستوليت على سويترك حتى عاين محلياه كيف
سلم عليها قال ليها كيفك وكيف ابوك وامك واخوانك كويسين؟
قالت ليه بخير الحمدلله
قال ليها جيتي براك؟
قالت ليه اي وعارفة العنوان ما احتجت زول يوصلني واصلاً بابا لو قال حيجيبني حقيعد يجرجرني اليوم وبكره وعطله نهاية الاسبوع حيقول مرهق عشان كدة جيت بس
قال ليها المهم وصلتي بخير
قالت ليه ايوة الحمدلله
قلت ليهم انا حأجهز ليكم الأكل تاكلو مع بعض
قالت لي محتاجة مساعدة؟
قلت ليها لا خليك مرتاحة
جهزت الأكل في السفرة وبدينا ناكل وهي بتتونس مع سياف وانا ساكته فجأة قالت ليه وبعدين انا ما حبيت اكلمك بالتلفون قلت افاجأكم،سجلت ل كورس مهم شديد عندكم هنا في سانفرانسيسكو وقررت انزل على طول عشان ما يفوت علي شي لأنه فيه إمتحانات اول بأول وانا كنت مستنيه التسجيل فيه يفتح عندي سنة ..
سياف عاين لي
قالت ليه معليش حتتحملوني شهرين تلاته صح لو ما فيها ثقالة
سياف قال ليها يا بت إنتِ هبلة؟
قالت ليه فاجأتكم عارفة روحي
قال ليها حنختلف لو كترتي في كلامك المسيخ دة
عاينت لي..
قلت ليها بالعكس اخيراً حألقى زول اتونس معاه لانو سي السيد وقته كله في الشغل
ضحك وقال لي ما انتِ برضو وقتك كله في الشغل
قلت ليه حتى لما ارجع بتجي متأخر
قالت لينا في كل الأحوال قاعدة حأغزركم يا قول حبوبة 😁
بعد ما خلصنا اكل وشربنا شاي وإتونسنا قالت لينا انا نعست حأمشي انوم..
قلت ليها وانا والله
قالت ليه سياف معليش استوليت على غرفتك وشبه حاستولى على دولابك وعموما بديت بالسويتر ،ما حألبس ملابسي الجبتها معي حأقشر بهدومك بس ما بيناتنا صح انا وإنت واحد...
صحيت على حركته وهو بيرمي الخشب في النار..
عاينت لساعة تلفوني قلت ليه صباح الخير ،إنت ما نمت ولا شنو؟
قال لي نمت في الغرفة
قلت ليه ببرودتها دي؟
قال لي انا ما عندي مشاكل مع البرد بالعكس
قلت ليه واضح
قال لي المهم اليوم حتجي الدفاية الجديدة حتكون في غرفتك تمام
قلت ليه وإنت؟
قال لي حيجو يصلحو لي الواقفة دي لأنها برضو جديدة..
قلت ليه طيب انا حأجهز عشان الدوام
لما جهزت وجيت طالعة قال لي انا كمان طالع بس ما حتشربي شاي ؟
قلت ليه بشربو في الطريق قال لي انا عملت وعملت ليك واحد معي لو حابة جاهز في المطبخ...
دخلت المطبخ لقيتو مجهز لي لبن ومعاه بسكويت وخاتي فطاير وشويه اكل..
كنت جعانه قعدته اكلت وصراحة خجلت لما جا داخل لقاني باكل
قال لي لما تخلصي نطلع على طول
قلت ليه انا خلصت
قال لي متأكدة؟
قلت ليه ايوه
طلعنا مع بعض قلت ليه معي عربيتي انا
قال لي طيب خلي بالك وإنتِ سايقة في الجو دة
ركبت عربيتي إتحركت حتى هو إتحرك وراي..
مشكلتي معاه كلها بتكمن في حاله التروما الجاتني من عمار حولتني لشخص شكاك وم قادرة اشوف اي فعل كويس على إنه صاحبه دة كويس ،وحاسة بإنه كل الناس دي بتتنافق وبتداري على افعالها الكعبة بإظهارهم للجانب الكويس فيهم،مشكلتي مع البشر يمكن بقت تتمحور حوالين الناس الكويسين معي هم منافقين ليس إلا...
لما وصلت الشغل كنت مقررة ارجع امشي المكان الكانت فيه السيدة كاثرين امبارح ،وانا واقفة وعايزة ادخل سمعت زول بقول لي شهد..
إتلفت وانا مخلوعة لقيتو مستر جو..
قال لي واقفة هنا مالك؟
سكتت مسافة وقلت ليه ولا شي بس كنت سامعة صوت كديسة حسيت انها محتاجة مساعدة بس ما شايفاها
قال لي غريبة ما سامع صوت
قلت ليه ايوا صوتها برضو إختفى
قال لي طيب ممكن توصليني لصالة الرياضة اليوم اذا عندك وقت يا نائبة رئيس مجلس الإدارة ؟
قلت ليه عشان الجمله الأخيرة دي حأوصلك بس عندي شويه تقارير مفروض ارفعها وشويه شغل اخلصه بس ممكن؟
قال لي تمام في إنتظارك..
خلصت شغل واخدته مستر جو ل صالة سياف ،لما قربنا نوصل مستر جو إتصل عليه قال ليه انا قربت إنت جاهز؟
بعد ما قفل قلت ليه اليوم شايفاك لابس لبس مختلف شورت ونظارة وحركات ماشي وين
قال لي طالعين انا وسياف
قلت ليه في البرد دة؟
قال لي متفقين نطلع نفطر مع بعض لأنه كان في واشنطن وما إتلاقينا..
قلت ليه اهاااااا
اول ما وصلنا قال لي حتنزلي تسلمي ولا حتعملي زي كل مره؟
نزلت بدون ما ارد عليه سياف بقى يعاين لي وانا بعاين ليه
مستر جو سلم عليه بالأحضان وقال ليه مسرور بشوفتك يا صديقي
سياف قال ليه وانا كمان،حصل تغير بسيط في الخطة كان المفروض نمشي نادي الخيل ولكن لسؤ الجو في الوقت الحالي صعب نمشي،ولكن حنمشي مكان تاني حيعجبك اكيد
مستر جو قال ليه انا موافق المهم ما اكون موجود في الدار ومحبوس بين 4حيطان ،شهد نحن حنمشي حابه تنضمي لينا ولا راجعة تمارسي مهامك بين 4 حيطان؟
سياف قال لي ما حنتأخر ساعتين بالكتير وحنرجع
قلت ليه اوك حأمشي معاكم
مستر جو عاين لي بإستغراب..
وصلنا مكان كدة،مكتوب عليه Shooting
مستر جو قال ليه نادي تعلم الرمايه؟
سياف قال ليه بالسلاح
مستر جو قال ليه ليه ما اتعرفت عليك من بدري؟انا نادم لانو ما كان عندي صديق زيك في شبابي
سياف قال ليه نحن اصدقاء الأن يا رجل
نزلنا ودخلنا..
خلوني واقفة ومشو مع بعض تقريباً سجلو واخدو بطاقات وقالو لي يلا سياف مدة لي البطاقة
قلت ليه انا حأدخل معاكم؟
قال لي ممتعة حتحبيها يلا
اخدتها ودخلت ،الصالة كانت كبيرة شديد وفيها ناس بس ما كتار،
ادونا سترة ونظارة وسماعة لكل واحد فينا،بعد ما لبسنا كل واحد فينا اخد مكانه،انا قلت لواحدة من الشغالين إني اول مره اجرب المفروض اعمل شنو؟
بقت توجهني..
مستر جو كان اغلب وقته بشجع في سياف او يقول ليه اصبت هدف..
انا كنت بحاول اخلي واحدة بس تظبط معي..
حاولت قريب ساعة حتى اصبت الهدف مرتين..
بعد ما خلصنا سياف قال لي محتاجة شويه تركيز بس وبتتعلمي سريع
قلت ليه بس ممتعة واحلى حاجه فيها إنها بتعلمك التركيز،رغم إني ما كان نفسي اشارك معاكم بس حقيقي إسمتعت جداً ف شكراً
قال لي العفو ،انا عازم مستر جو على اكل شعبي في مطعم هنا ،يلا نمشي ناكل مع بعض وبعدها ممكن تمشي الدوام
مستر جو قال ليه انا جاهز وجعان
قلت ليه لأ انا حامشي عشان الزمن بس ممكن توصلو الدار عشان ما حأقدر ارجع تاني
قال لي ما حتاكلي معانا؟
قلت ليه لا ،مفروض ارجع الشغل الزمن إتأخر واصلا انا ما جعانه..
دخلت المبنى السكني للدار،ورجعت مشيت بإلإتجاه البتختفي منه السيدة كاثرين،ونزلت في السلم ،لما حسيت بالضلام ولعت الفلاش بتاعي وبقيت نازله ،السلم كان طويل شديد والمكان ضلام لمن مبالغة وعباره عن متاهه من شدة ما كبير ،بقيت مولعة الفلاش بتاعي وبتلفت واضح عليه مهمل وماف زول قاعد يدخله بس السيدة كاثرين تكون بتجي هنا بتعمل شنو واوقات بتكون هنا بالليل كمان حسب تسجيلات الكاميرات..
...........................................
بما اننا هسي برانا احكي لي وونسني...
اونسك بشنوو يا خال ؟
العرسة دي والبرنامج دة كلو قصتو شنو؟وما تحكي لي الحكيتو قدام ن عشان انا عارف وإنت عارف إني ما حأصدقو
ماف اي شي يتحكي والله يا مكي ياهو بس جات كدة
كدة بيني وبينك؟
والله ماف شي يا مكي ،البت دي اتعرفت عليها قبل فترة وفي نوع من التواصل بينا بس ما دايم
سياف انا لغاية الأسبوع الفات فاتحتك في موضوع العرس من باب الونسة متذكر؟
وردي ليك كان القسمة كان جات ماف شي بأجلها
وجات بعد اسبوع مباشرة؟
والله جات كدة ياخ 😂😂💔
كلامك ما مقنع يا سياف ،وما منطقي،كلمت ناس البيت طيب؟رايهم كان شنو؟
لحظة صمت
ما تسكت،او سكوتك دة افهم منه إنك ما كلمتهم ودة تصرف ما مسؤول منك،ماف شي بجبرك تعرس بالسرعة دي ،التجهيزات والأمور الفارغة دي خليها بس ما لدرجة ما تشاور ناس البيت
يا مكي صدقني كل شي تمام وشهد بت كويسة
واضح عليها بت كويسة وبت ناس دي حاجه ما عليها خلاف ،بس برضو اعمل حسابك وانا كلامي دة عشان إنت ولدي قبل ما تكون اخوي و عارفك إنت شنو واول مرة اشوفك متهور ومندفع كدة وم عارف السبب شنو
طيب تمام بعمل حسابي ابشر ،خلينا في المهم،اها النادي دة كدة نحن متفقين والأمور كلها تمام ولا كيف وكيف؟
...............................................
يا امي انا حارجع السودان لو عمي عمار دة جا هنا..
يا ليلى ما عايزة معاك قلة ادب
ايوا انا قليلة ادب يا امي،قليلة ادب لأني ما عايزة اشوفو تمام ؟
قال جاي نطرده يعني؟اقول ليه ما تجي؟
ما شغلتي
إحترمي نفسك،عمك جاي هنا يقضي كم يوم ونازل السودان ما قاعد ،وابوك زاتو جاي،انا ما صدقته قدرت اجمعهم عشان اصالحهم ما بتقدري تتحملي الكم يوم دي ؟ما تقعدي معاه ما ضروري تقعدي معاه انشغلي ،اطلعي اعملي العايزاه بعدين هو زول كبير يحمد الله اليوم دة عمره اكتر من45سنه إنتِ بتحاسبيه ؟
ما قصة حساب يا امي،لكن ختي نفسك مكان امهات واهل البنات ديل يا امي،بترضي واحد يعرسني ويقضي معي سنه سنتين ويفكني ويجيب التانيه على طول؟
انا اسوي ليه شنو؟الكلام دة تقوليه ل عماتك بتقوليه لي انا لشنو؟
المشكله يا امي شهد قدرت تدبر امورها بحكم انها كبيرة ومتعلمة وبتقدر تتحمل مسؤوليه نفسها ،لكن الشافعة الجايبنها ليه دي لو عمل فيها العملو في شهد وفكاها في البلد الما بتعرف ليها شي دي ذنبها في رقبة منو يا امي؟في رقبتك؟
وانا مالي عماتك القايمين بالموضوع
يا امي ممكن تبطلي ضلال؟ممكن تبطلي تدفني راسك في الرملة؟
مش إنتِ دكتورة؟ليه ما بتقولي ليهم اخوكم دة سايكو؟لانو دي ما امور بني ادم سوي،ياخ هي شهد ما مسكها يا امي تاني يجيبو ليه واحدة قاصر كمان؟
ليلى ما تتكلمي معي بالإسلوب دة ولا بالنبرة دي فاهمة ولا لأ؟
امي افهمي كلامي البت العايزين يعرسوها ليه دي عمرها15سنة يا امي متخيله معي لو ساقها امريكا ورماها الرمية الرماها لشهد ؟وعمتي لما كان قالت خاطباها ليه في عرس شهد البت الوقت داك كان عمرها 11سنة،عمي عمار لو معرس ولده الكبير حيكون اكبر منها انا صراحة مصدومة فيه ك شخص عايش في امريكا ومصدومة فيه ك طبيب وعارف إنه الحاجه دي غلط
الغلط شنو؟العرس بالحلال بقى غلط؟
بعدين إنتِ شنو ماسكة لي في شهد ،افهمي عمك ما رمى شهد،شهد براها إختارت تطلق،وبراها قررت ما ترجع السودان ،يعني حسبتها حساب عقل واصلاً واضح موافقتها على عمك كان هدفها انه تمشي امريكا بس واول ما ضمنت روحها هناك عملت مشاكل وامور عشان يطلقها،يعني إستغلتو لمصلحتها بس دي كل الفكرة ،لو في زول متضرر عمك ما هي،عمك دة خرب علاقتو عديل مع ابوك بسببها وهسي انا بحاول اصالحهم ،وقرب يجن لو ما اصحابو السودانين هناك كلمو ابوك،ما عارفاك معادية عمك ليه اوعى تكوني متواصله مع امجد يا ليلى وهو البملى ليك راسك دة؟
امي امجد ما عندي رقمو اساساً مما ظهر ما اتكلمت معاه انا
إنتِ واخوك حسام الله يفككم من شرور الناس ديل،إنتِ بالذات..
امي هسي نحن مالنا؟
المهم ما عايزاك تتواصلي معاه نهائي يا ليلى وكان بالغلط لقيتك متواصله معاه انا ما عافيه ليك،لأني هملت ابوك وهملت بيتي واهلي وشغلي واي شي بخصني في السودان هناك وجيت معاك عشان قرايتك ومستقبلك ،ماف مستقبل بتبني مع الناس ديل ،شوف عينك عمك والحصل فيه ،وبعدين سمعتي كلام ابوك قال شنو بسبب العملو في ليبيا وقبضوه هناك هسي حينزلوه معاش،يعني حياخد حقوقو دة كان طلعت ليه حقوق وحيقعد عاطل ساي ،دايره بيه شنو؟ركزي في قرايتك ومستقبلك ساي...
..........................................
العاصمة/واشنطن
سياف شنو طوالي قررت ترجع بالسرعة دي إشتقت للمدام ولا جاتك التعليمات من فوق 😂💔
قال لي صباح الخير
قلت ليه صباح النور
قال لي بقيتي كويسة احسن اليوم؟
قلت ليه احسن
قال لي اعملي حساب لنفسك التنشنه والقلق والزعل والضيق بالإضافة للأكل الما تمام دي كلها حاجات بتخلي حالتك تسؤ.
قلت ليه تمام إن شاء الله
قال لي دي الأدويه ومواعيدها دة ضروري تاخديه قبل الاكل
بعد ما طلع إستحميت ولبست وطلعت كلهم بقو يقولو لي حمدلله على السلامة ليه نزلتي؟
قلت ليهم انا بخير الحمد لله
حبوبة فاطمة قالت لي امبارح اكلناك اكل ما نفع معاك،كان تقولي لينا عندي القولون يا بتي عشان نعمل ليك حساب
قلت ليها حبوبة هسي انا ما عندي عوجة والله
مرت مكي قالت لي هسي للغداء عملنا ليك حساب زعلتينا شديد والله وم كلمتينا إنك تعبانه والله
ناس سياف جو داخلين،بناتهم كلهم كانو برة حتى ماجدة واثار..
قالو لي شهودة صباح الخير والف لا بأس عليك
قلت ليهم امين
ونحن في الغداء اثار قالت لي رجلك باردة علينا السنة يا شهد بابا وعمو سياف والجماعه الطيبين ديل خليتيهم ملمومين معانا في راس السنة الجديدة دي ما حصلت،
ماجدة قالت لي والله حتى مرضك جا لخير عشان قاعدين القعدة دي لأنهم كانو حيمشو يتسلقو الجبال في الجليد دة ويعملو هوايتهم المخيفة ديك اللي هي القفز من الطائرات لكن عمو سياف قال لاااا مرتي عيانه إستحاله افوتها
لين قالت ليها هو قال ليك كدة 😒
ماجدة قالت ليها واضحة ما ضروري يقول لأنه كل سنة الهو البسوقهم
حبوبتهم قالت ليهم الحمدلله وربنا يجمعنا في الحرم إن شاء الله
كلهم بصوت واحد قالو ليها امين
بعد خلصنا غداء وشربنا الشاي رجعت غرفتي سياف جا داخل الغرفة قال لي في حبة مفروض تاخديها قبل الأكل بربع ساعة ما نسيتيها صح؟..
قلت ليه اخدتها ايوا،معليش أمبارح وقفتكم في البرد دة بسببي
قال لي المهم هسي كويسة
قلت ليه بكره يوم 2المؤتمر بتاعي
قال لي طيب حيكون الساعة كم
قلت ليه حتأكد لكن غالباً الساعة 10 ص
صباح يوم 2لقيت إنه المؤتمر طلع ببدأ 12ظهر
وانا بجهز في نفسي جا داخل ،كنت لابسة بدلة رسمية وهيلز ولسة ما لفيت حجابي..
قال لي خلاص جاهزة؟
قلت ليه حتوديني؟ما حتمشي مع ناس مكي تتسلقو وكدة؟
قال لي اوصلك تحضري المؤتمر لو في باقي وقت حنمشي
قلت ليه ما مفروض تتوقفو علي انا ممكن اخد تاكسي
بقى يعاين لي وهو ساكت..
قلت ليه طيب حألف حجابي
جهزت وطلعت اول ما ركبت قال لي اتفضلي
كانت كبايه حراريه..
قلت ليه دة شنو؟
قال لي دة شاي نعناع حبوبة فاطمة قالت حينفعك وم حتتعبي ،حتخلصي الساعة كم؟
قلت ليه المؤتمر غالباً مدته ساعه
قال لي تمام
وصلني الموقع،دخلت ولقيت مستر تشارلي ،كانت عنده كلمه مفروض يلغيها في المؤتمر ك ممثل لمقاطة سانفرانسيسكو..
بعد ما خلصنا مستر تشارلي قال لي انا طيارتي بعد ساعة من الان..
قلت ليه انا هنا مع اصدقائي صعبة ارجع اليوم
قال لي لكن بكره لازم تداومي لأني ما حكون مداوم بكره في المكتب
قلت ليه حاضر حأكون موجودة إن شاء الله
قال لي اكيد؟
قلت ليه ايوا
وانا بتكلم معاه سياف إتصل،قال لي خلصتي؟
قلت ليه اي
قال لي طيب مستنيك برة
قلت ليه كيف مستنيني ما مشيت؟
قال لي في الباركن بتاع العربات طالع حتلقيني في البوابة الرئيسية..
طلعت لقيته،قلت ليه إفتكرتك مشيت لحقت مشوارك
قال لي كلها ساعة زمن قلت انتظرك عشان يمكن تتعبي زي امبارح
قلت ليه انا لازم ارجع اليوم لأنو مستر تشارلي بكره ما حيكون موجود في المقر
قال لي طيب نحجز ليك في رحلات المساء اذاً
لما رجعنا البيت ووريتهم إني لازم ارجع عشان الشغل بقو يتحايلو علي عشان اقعد والمفروض إني عروس وتكون عندي اجازة
قلت ليهم لسة ما كلمتهم بموضوع زواجي حتى هم ما عارفين
قالو لي اهاا إذا كدة عذرك معاك
لين قالت لي شهودة جهزي لي غرفة في بيتكم من هسي لأني جايه اقرا عندكم هناك في معهد
قلت ليها حاضر
قالت لي انا جادة
اثار قالت ليها إنتِ الوافق ليك منو ؟
قالت ليها بقنع بابا بطريقتي إنتِ مالك؟
جهزت حاجاتي وودعتهم ،بغض النظر عن كل شي بس كانو يومين ملانين لُطف وحنيه ودفى البيت السوداني،
في المطار سياف قال لي كلمت شركة النضافة تجي تنضف مفروض يكونو خلصو ،نسخة المفتاح عندك صح إتأكدي منها؟
قلت ليه موجودة راجعتها
قال لي ماف شي يخوف لكن برضو اقفلي الباب عليك كويس..
كان قاعد معي لغاية ما جات مواعيد رحلتي ودعني،بعدها رسل لي رسالة ما تنسي تشربي النعناع وتاخدي الحبوب قبل الاكل بربعةساعة ولو حسيتي بأي الم امشي الدكتور بدري..
رغم عدم إظهاري دة بس كنت حاسة بالخجل منه وكل ما اشوفو جنبي ببقى قدر السمسمة خصوصاً تصرفاتو معي وهو بخدمني..
وصلت البيت ،اول حاجه عملتها اتصلت عليه بعد ما قال لي وصلتي وكدة قلت ليه البيت بارد الدفاية بتاعتك وين لأن البيت عباره عن تلج..
قلت ليه مساء الخير
قال لي مساء النور كيفك بخير؟
قلت ليه الحمدلله
كمل لعب وانا واقفة..
دخلت البيت لما حسيته ما حابب فكره وقفتي معاه،وإنتظرت الصباخ بفارغ الصبر وطلعت من غير ما اشوفه لأنه اصلاً بقى ما بنوم معي في الغرفة..
3ايام ورا بعض وانا ما عارفة شي غير اني بطلع الصباح وبرجع المساء بنوم،
عارفة إنهم شغالين صيانة بس م عارفة بعملو في شنو بالضبط
اليوم التالت دة جيت راجعة البيت المساء لقيت إنه غير دهان الغرفة والديكور بتاعها إتغير
كنت بعطس جا داخل قال لي ممكن تنومي مع لين اليوم لو متضايقة هنا
قلت ليه لأ حأنوم هنا اصلاً كلها ساعات بس وحأمشي الشغل،شلت مفرش فرشته في الأرض وهو واقف
قال لي طيب البريحك
تاني يوم جيت راجعة المساء لقيت سياف ومعاه واحد ولين في غرفة المعيشة بتونسو
قلت ليهم مساء الخير
سياف قال ليه هسي كنت بتسأل المدام شرفت
صحبو سوداني،قام سلم علي،قال لي المعروف إنه الزوجة هي البتهتم بتفاصيل البيت بالذات لما تكون في افكار تغير في ديكور البيت وتفاصيله،كل شوية بسأل سياف المدام رايها شنو في دة وفي دة،تعب من السؤال دة معي😂💔
ضحكت وقلت ليه معليش بس والله الفترة دي بالذات مضغوطة في الشغل دة السبب يمكن
لين قالت ليه دة عصر الإسترونق اندبندت وومت بيت شنو وتفاصيل شنو شغلها ومستقبلها اهم
صحبو قال ليها فيمنستات بلادي المجنسات😂💔
سياف قال لي شهد نسيت اعرفك دة معمر صحبي مهندس ديكور ،ساعدني في صيانة البيت وكدة وهو اكتر شي موتره إنه الشغل ما يعجبك ونقعد نعيد في الشغل تاني 😂
قلت ليه انا ما شفت كله بس حقيقي من هنا انا عاجبني الشغل جداً ودة حقيقي ما مجاملة..
قال لي اتمنى الباقي كله يعجبك ،سياف قال لي اتزوجنا بسرعة وم لحقنا نعمل شي او نجهز شي لا البيت ولا غيره حتى نحن م اتعزمنا عتبانين عليه بس برضو قلت ليه عشان خاطر العروس كله يهون،
ف الف مبروك بيت مال وعيال إن شاء الله يا رب
قلت ليه إتشرفنا يا معمر و اللهم امين شكراً ليك،وإعتبر نفسك معزوم غداء عندنا من هسي
قال لي متفقين إذاً برضو احسن من واحدة كدة طالبة لينا دليفري
لين قالت ليه هعمل روحي ما سمعت شي
إستأذنتهم ومشيت دخلت غرفتنا لقيت سياف جايب غرفة جديدة،كانت مركبة ومترتبة وحلوة شديد
ملابسي وحاجاتي كلهم كان مخليهم لي على جنب
دخلت الحمام لقيته برضو مغير ليه الديكور بتاعه وعامل فيه إضافات..
كان عامل لي طقم رفوف كامل خاص بالعناية بالبشرة ،ولقيته جايب لي مجموعة عناية بالبشرة خاتيها لي فيهم ،ومراية جمب الطقم،وطقم كامل بتاع حمام..
طلعت رتبت ملابسي وحاجاتي في الدولاب،قبل ما اخلص سياف جا داخل،قال لي خليت ملابسك على جنب عشان ترتبيهم براحتك بالطريقة العايزاها..
قلت ليه حلوة الغرفة الجديد والديكور كمان حلو،و حلوة الإضافات الفي الحمام دي،وكمان شكراً على المجموعة الجبتها لي..
قال لي تعالي عايزك تشوفي حاجه يمكن يهمك تشوفيها..
طلع ف مشيت وراه..
دخل غرفة الضيوف دخلت وراه..
وقفت مسااافة وانا بعاين فيها،الغرفة حولها لركن صلاة كامل ،
بقيت اتلفت الديكور،الرفوف والخزانات،السجادات وطقم الصلاة وكان فايح منها عطر حلو والإضاءة خافضة،
إلتزمت الصمت وانا بعاين فيها بدون ما اقول شي..
قال لي متى ما حسيتي إنك مقتنعة بحوجتك لربنا سبحانه وتعالى وعايزة تختلي بنفسك معاه ما عليك إلا تغتسلي وتجددي شهادتك بالله و تعالي هنا...
قلت ليه إنت حولت غرفتك لركن صلاة عشاني؟
قال لي لا اصلاً الفكرة كانت عندي من بدري بس كنت مكسل ولما جات الفرصة عملته
قلت ليه شكراً..
ما دار بينا كلام بعدها حسيته إختصرني وطلع وانا رجعت غرفتي
وانا واقفة في شباك الغرفة إنتبهت ليه بلعب برة كورة سلة براه..
دخلت المطبخ عملت كبايتين شاي وطلعت ليه..
قلت ليه عزمت نفسي معاك كباية شاي بنعناع ...
إتلفت علي
مشيت مديت ليه الكباية
قال لي شكراً
قلت ليه فاضي ممكن تسمعني؟
قال لي تعالي
ومشينا قعدنا قدام الباب
قال لي يلا سامعك
قلت ليه بعد يومين عندنا مؤتمر صحفي ،بخصوص الاسئلة عن مستر جو وموته وكدة..
قال لي خطوة ممتازة حتضربو بيها الصحافة الصفراء
قلت ليه اصلاً دة الفكرت فيه ،حاسة نفسي متوترة حبتين بس دي خطوة لا بد منها
قال لي ماف شي يوتر وإن شاءالله خير
قلت ليه طيب ما حتحكي لي حصل معاك شنو لما إستدعوك للتحقيق؟
قال لي ما حصل شنو جاوبت على قدر الاسئلة الإتقالت لي بس
سكتنا مسافة بعدها خت الكباية على جنب قام رمى الكورة
مشيت قلت ليه علمني معاك..
عاين لي
قلت ليه جد علمني
ضحك وقال لي اشيلك عشان تقدري ترمي الكورة في السلة..
ضربته وقلت ليه دة تنمر ما ظريف
كلمتك قلت ليك عقلها دة ما تخلي فيها عشان الموضوع دة ليه ابعاده وإنت زول ليك وضعك في البلد ديك وموضوع حساس دة في البلد ديك بالذات ما حيعدي بسهولة وإنت عارف كدة،
عشان كدة كانت فكرة فقدان عقلها بتخدمك وبتخدمنا ماشة تعمل ليك شنو وتثبت عليك شنو بي جنها ؟
قعدت تقول لي لا ومره تقول لي اديتها جرعات زايدة وتجي مرة تانيه تتحجج لي لغاية ما دخلتنا كلنا في الخندق دة،وهي عشان ضمنتك طلعت في راسك وإستقوت عليك وهسي ما عارفين هي بتعمل في شنو وعايزة شنو ،كان ما إستعجلت وطلقتها ساي كان على الأقل حتكون للأن في عصمتك وتحت تصرفك..
عليك الله يا عثمان خلاص البقى بقى نحن ما جاين هنا عشان نتناقش في الموضوع دة و..
عمو انا جاهزة يلا ننزل
عثمان:إنتِ مش انا قلت ليك ما تدخلي علي كدة بدون إستئذان مهما كنت قاعد مع منو ؟
ليلى بإستياء وزعل:في شنو هسي يا بابا عمو عمار دة من قبيل منتظرني انزل وانا كنت فاكراهو ما م جهز
عمار:طيب يلا يا ليلى أسبقيني للباب لاحقك
ليلى:طيب حاضر
عمار:انا نازل هنا شغل ومفروض مقابلاتي تبدأ من بكره وعندي عمليات كمان مفروض ادخلها ف عشان كدة من اليوم حأنتقل من هنا حأكون في شقة خاصة جمب المستشفى
بتتهرب يا عمار عشان ما تسمع انا بقول في شنو ومفروض نرسى على شنو ، انا عارف نهاية ركوب راسك دي شنو...
عمار قال ليه حنقعد ونتناقش بس على الأقل ما هسي،
خلى عثمان بتكلم وهو جايط ونزل من البيت...
لقى ليلى واقفة جمب العربية بإستياء شديد قال ليها يلا نمشي..
اول ما إتحركو قال ليها ما تركزي مع ابوك اليومين دي متوتر شويتين بس..
قالت ليه ي ريت لو اليومين دي بس..
معليش يا بتي إستحملي انا كمان مديني الفيها النصيب لاحظتي؟
قالت ليه خليك من بابا انا اصلاً متعودة على إسلوبه ده اصلاً عاملنا نحن الحيطة القصيرة يفرغ فينا مشاكلو الماري بيها كلها،المهم نرجع لموضوعنا؟
لحظة صمت
ما تطنشني يا عمو..
حأقول ليك شنو يا ليلى؟
البيني وبين شهد قسمة وإنتهت دة كل البقدر اقولو
بتحلل لنفسك موضوع العرسة التانيه بالكلام دة؟
انا ما عايز أتزوج يا ليلى منو القال ليك الكلام دة؟
حترجع شهد يعني وم حتشتغل بكلام عماتي ديل صح؟
لحظة صمت..
في امل ترجعو لبعض إنت وشهد؟
انا حاولت يا ليلى..
حاولت اي نوع من المحاولة؟
خت في بالك إنه ما بتتسمى محاولة لو ما بطل السبب الخلاكم تنفصلو..
انا م قادرة استوعب إنه إنفصالكم تم بالسهولة دي،اخر حاجة إتوقعتها منك يا عمو والله،معقولة كل فرحتك وحبك ليها داك كله من اول خلاف وقبل ما تتمو ال4سنة تنفصلو كأنكم مراهقين في بداية عمرهم ؟ودة شنو السبب الممكن يوصلكم لكدة بدون ما تاخدو فترة تعتبروها فترة نقاهه تبعدو فيها عن بعض وترجعو تحاولو تحلو فيها الموضوع مع بعض؟
عمو انا ما عهدتك كدة ابداً،وشهد انا بعرفها اكتر زولة بالها طويل وعقلانية وحكيمة،شنو السبب العظيم الممكن يوصلكم لنقطة الإنفصال؟أنا ممكن احترم قراركم دة لو متأكدة إنه كان بإرادتكم لكن انا حاسه إنه ابوي وامي عندهم يد في الموضوع وم حابة ارجع اخوض معاك في جدل ما حأطلع منه بي شي بس خليني اقول ليك حاجة يا عمو عمار أنا شايفاك بيرفكت من كل النواحي الممكن تتخيلها وكتير بنات شايفنك كدة..
بس نحن البنات تلقائياً نظرتنا دي بتتلغي اول م نكتشف إنه الراجل ما سيد قراراته مهما كان هو منو وبقدم لينا شنو ووزنه شنو في المجتمع،علاقة الراجل بزوجته انا بشوف إنه ما مفروض يدخل زول بينكم فيها إلا إذا كنت بتختار ليها في هدية ومحتار حتاخد ليها شنو،حتوديها وين؟حتعمل ليها شنو...الخ
عموماً خليني انا اتكلم معاها،أديني رقمها،إنت قلت إنه لغاية قريب طلبت مساعدتها وم قصرت معاك،كان ممكن تاخدها فرصة تحاول فيها معاها،لكن ما مشكلة هسي ما فات شي انا بتكلم معاها،بس من ناحيتك في مشكله؟إنت عايزها؟
عندي فكرة ممكن نعمل حاجه بدون ما انا احاول اتكلم معاها ،بس حتتعمل أول م إنت ترجع امريكا لو وافقت طبعاً..
لحظة صمت من عمار..
عمو لاحظ شهد خلت اهلها ووضع ابوها وكل حياتها هناك مرة عشانك وإنت عارف وضعها وهي شنو في البيت ،وبعد إنفصلت عنها برضو خلت حاولت ترجع السودان ودة إن دل يدل إنها من عشمها فيك ما رجعت،أكيد متعشمة حتى ولو حاولت ورفضتك فكر هي رافضاك ليه ؟سيب السبب الهي رافضاك عشانه وإختارها هي المره دي وسمعها الكلام دة صدقني نحن البنات هُبل ما بس بنحب بقلبنا بنحب البنسمعه،خليك معي انا ظبطتك مره وحأظبطك تاني..
............................................
بعد ما طلعت من الشغل ما كنت عارفة روحي حأمشي وين بس ما كنت حابة فكرة الرجعة للبيت،ما بين محرجة وخايفة في نفس الوقت ،لغاية ما الليل دخل انا كنت حايمة في الشارع،في الأخير وانا قاعدة في مقعد من مقاعد واحد من الحدايق العامة لقيت قاعدة جمبي بت واضح عليها إنه حالها ما افضل من حالي..
اما عن تساؤلاتك عن إنه ليه بتحصل معاك كل الإبتلاءات دي ؟
بس خليني اذكرك بقصة سيدنا موسى مع سيدنا الخضر عليه السلام..
أمَّا السَّفينة ..
و أمَّا الغُلام ..
و أمَّا الجِدار ..
كلها كانت اجوبة لأسئلة لو صبر سيدنا موسى كان اخدها بدون ما يسأل،وبقولو العلم على قدر الصبر لو صبر سيدنا موسى كان عرف امور اكتر من التلاته السأل عنها دي..
وكل البقدر اقولو ليك إنه كل الحصل معاك والمريتي بيه أمور ظاهرها المصائب و الإبتلاءات و باطنها رحمات وحتتجلّى حكمة الله و لو بعد حين،نحن المطلوب مننا نتأدب مع إبتلاءات ربنا سبحانه وتعالى بحسن ظننا بيه حتى لو إستثقلناها لأنه "لا يكلف الله نفساً إلا وسعها "مش نعترض عليها،ربنا لو ما عارفك قدر حمل الإبتلاءات دي ما حيبتليك بيها ...
ولو ما صبرتي ما حتعرفي الحكمة شنو من كل الإبتلاءات دي،سيدنا يوسف ربنا إبتلاه من صغره في أخوانه وحقدهم تجاهه ،إترمي في البير وم مات وربنا سبب الأسباب بإنه يجو ناس عشان تشرب من البير دي وبعدين حصل شنو؟
لقوه ف طلعوه واخدوه معاهم ،وإتباع بأرخص سعر، وإتسجن والإتسجن معاهم ما كانو احسن منه بس طلعو قبله من السجن وفضل هو بعدَهم واخد كم سنة
الأول طلع وبقى خادم
والتاني طلع عشان يُقتل
وسيدنا يوسف طلع بعد زمن منهم عشان يبقى عزيز مصر،لاحظي ربنا سبب ليه الأسباب دي كلها عشان بس يبقية عزيز مصر....
شوفي حكمة ربنا سبحانه وتعالى ،ممكن يأخر الأماني عشان يكتر عليك عطاياه..
كان بتكلم وانا لسة بسمع ليه،من فترة طويلة اول مرة اكون مستمعة جيدة كدة لزول وهو بتكلم معي ،فجأة لقيته ماسك علبة بيبسي في يده ومديني ليها..
إنتبهت وانا شبه كنت سرحانه ف قلت ليه شكراً
قال لي كنت عايز اجيب عصير عادي بس لاحظت ليك بتحبي البيبسي..
بعدها قال لي م محتاجين نسأل ليه بحصل معانا كدة بقدر حوجتنا للرجعة للقرءان وتدبر معانيه وقتها حنفهم إنه مافي شي صعب على ربنا بس ربنا بهيء الأسباب عشان يجينا بشكل بيليق بصبرنا،
عشان كدة وإنتِ بتدعي ربنا بشيء شايفه إنه بعيد أو مستحيل ، و بتقولي إنه م منطقي ،او شايفة الظروف كلها عكس البتتمنيه إفتكري بس إنه ربنا قال :
" قَالَ رَبُّكَ هُوَ عَلَيَّ هَيِّنٌ وَقَدْ خَلَقْتُكَ مِن قَبْلُ وَلَمْ تَكُ شَيْئًا "
...
قمت من جنبه ومشيت على البحر وبقيت واقفة وبعاين فيه..
إتلفته عليه لقيته قاعد مكانه وبعاين لي،كأنه مخليني لنفسي ومع نفسي بعد كل الكلام القالو لي دة..
شوية كدة جا وقف معي،قلت ليه المكان دة عايز حصان بس ،طول عمري كنت بتخيل اعمل الحركة بتاعة إنه اكون في البحر وماسكة في يدي حصان واتصور في الغروب وكدة، عملتها لي ماما الله يرحمها في مرة سافرنا زيارة لبنان بتذكر بس وقتها كنت صغيرة و..
فجأة جاتو مكالمة رد،بعد خلص قال لي لين دي إتصلت وقالت إنها تعبانه شوية عايزاني اجي اخدها عشان ما حتقدر تجي بالمترو..
قلت ليه طيب نمشي يعني؟
قال لي حابة نقعد شوية؟إذا...
قاطعته وقلت ليه لأ يلا خلينا نمشي عليها ناخدها
وصلنا لقيناها مستنيانا في شارع عام..
اول ما ركبت كانت عيونها متورمة إحساس بتبكي كدة
سياف قال لينا خير مالك نمشي الدكتور؟
قالت ليه لأ انا كويسة تعبانه شوية بس ما حابة فكرة الدكتور..
إتحرك ووقفنا في مستشفى وهو ساكت
قالت ليه سيااف
قال ليها بدون نقاش يلا ننزل
نزلنا وعملو ليها اللازم ورجعنا البيت،اول حاجه عملها لما وصلنا البيت مشى على الكلاب إتطمن عليهم ولعب معاهم شوية كدة وخت ليهم الأكل بتاعهم حتى دخل الغرفة..
كنت مع لين،قلت ليها محتاجة اعمل ليك حاجة عصير او غيره؟
قالت لي لأ بس عايزة انوم ممكن ؟
قلت ليها طيب لو إحتجتي حاجه كلميني
مشيت الغرفة لقيت سياف بصلي،بعد خلص ما خلص قال لي يلا تعالي نشتغل الشغل بتاعك المتراكم عليك ووريني بقدر اساعدك بشنو؟
قلت ليه لا ما بحتاج انا حأشتغله إنت إرتاح
قال لي متأكدة؟
قلت ليه أكيد
قال لي طيب لو إحتجتي شي انا في الغرفة التالتة كلميني
بعد ما طلع،إستحميت وختيت كل الملفات قدامي واللابتوب وبديت أشتغل..
رغم إنه المفروض يشغلني عن اي افكار تانيه الا إني كنت هناك لسة عند مقتل مستر جو وموته،والتحقيق والمبنى و...الخ
قفلت على نفسي وإشتغلت لغاية ما نمت
صحيت نص الليل ما لقيت سياف جمبي،
كملت نوم وسط الملفات..
الصباح نزلت المطبخ،وانا بجهز في الفطور نزلت لين،قالت لي صباح الخير
قلت ليها صباح النور كيف بقيتي احسن؟
قالت لي نوعاً ما احسن من امبارح،شالت كباية موية ،وهي طالعة قالت لي سياف جا امبارح متين انا نمت..
قلت ليها ما عارفة هو طلع بالليل؟
قالت لي اي جو بالليل ناس وطلع معاهم ما عارفة انا نمت بعدها على طول..
#ليله_في_ديسمبر42
عاينت لسياف بخلعه قلت ليه صحفي إستقصائي؟
*الصحافة الإستقصائية هي واحدة من انواع الصحافات بيقوم فيها الصحفين بالتحقيق في موضوع معين زي الجرائم الخطيرة،او الفساد السياسي او مخالفات الشركات...
سياف قال لي ما حصل جاب لي سيرة عن طبيعة شغله او حياته المهنيه ابداً..
السيد تشارلي قال لينا الأمر اصبح اكثر تعقيداً الأن بعد تغريدة إبنته بالأمس،تنتظرنا الكثير من المتاعب والضغط الإعلامي كل ما علينا فعله هو ضبط النفس والتعاون متى ما تحتم علينا ذلك،نقابة الصحفيين الإستقصائين إتبنت القضية دة الحيخلينا نواجه اوقات عصيبة لفترة...
سياف كان بعاين لي والسيد تشارلي كانت باينة في ملامحة علامات الضيق و الإستياء،
إستأذنا وطلع
اول ما طلع مسك يدي وقال لي هي عايني لي ،كل شي حيكون بخير وعادي بتحصل الحاجات دي ف ما تخافي قانونياً ماف شي مجرد تحقيقات عادية حتكون ما اكتر ولا اقل،انا هنا موجود في كل الأحوال ما تخافي من شي طيب
خليني اسوقك من هنا هسي..
كنت سرحانه وهو بتكلم معي
شهد،شهد
عاينت ليه..
قال لي يلا نطلع من هنا
قلت ليه لا ،انا عندي شغل لازم اخلصه
قال لي تمام ،إنت هسي ما كويسة حتخلصيه لكن بكرة
قلت ليه لأ لازم اخلصة اليوم،بقيت اقلب في الملفات واهبش في تربيزة المكتب كأني بفتش في شي بطريقة بتوحي بإني متوترة وم عارفة روحي بعمل في شنو...
قال لي طيب ممكن ناخد الشغل معانا البيت ولما تروقي تكمليه ،مش كل شغلك في الملفات القدامك دي؟
شال الملفات في يده
قال لي وكمان اللابتوب حناخده لو فيه شغل تشتغليه هناك
وشال لي شنطتي قال لي يلا تعالي
مسكني بيده الشمال
لما طلعنا من المكتب قلت للسكرتيرة في الباب الخلفي للمبنى مافيه وجود للصحفين صح؟
قالت لي ايوا المصعد بنزلك في مدخل الباركن ومن هناك ممكن تتوجهي للباب الخلفي
قلت ليها طيب
ركبنا الأصاصنير ونزلنا...
قال لي خليك هنا ما تطلعي لما اجيب العربية حأتصل عليك ،بعدها قال هو المخرج بتاعه من وين اساساً بقينا ماشين ،حاجه عبارة عن متاهه وكمية خيالية من العربات الفخمة شديد فيها،قريب النص ساعة ونحن بنحاول نفهم وين ممكن نلقى مخرج المكان دة
كانت في زي الأسهم التوجيهيه،سياف قال لي الأسهم دي شكلها بتوجه للمخرج ،بعد نص حتى لقينا مدخل اشبه بالنفق وفي إضاءة جايه من حتة بعيدة ،مشينا على إتجاه الإضاءة دي ،وسياف ماسكني فعلاً كان عبارة عن نفق مليان إضاءات ،نحن ماشين قريب ال15دقيقة حتى وصلنا نهايته كان المخرج ،
قال لي خليك واقفة على جنب عشان لو في صحافه ما يلمحوك..
المكان النزلنا فيه اول مرة اعرف إنه الدار فيه موقف عربات بالحجم دة،وكانت مبركنة فيه كمية من العربات،بقيت اتلفت فيه وانا بحاول افهم دي شنو الكمية دي من العربات ؟
والباركن دة واضح إنه ما عنده علاقة بالدار وموظفينه لأني ما عندي عنه فكره ،وكل الموظفين البعرفهم عرباتهم بتقيف في الباركن الخارجي للدار ودة أرضي شبه اللقينا فيه مستر جو واقع داك..
سياف إتصل علي قال لي شهد يلا تعالي انا واقف قريب اطلعي عادي ماف شي..
طلعت كان شارع عام لكن الشارع غربي للمبني الخاص بالدار،قبل ما اركب العربية كنت بتلفت بطريقة غريبة وبحاول افهم
سياف قال لي مالك؟
قلت ليه ماف شي بس المكان دة غريب شديد ما فهمت ليه شي
قال لي متاهه ياخ،المبنى بتاع الدار دة ضخم شديد لكن
قلت ليه اي هسي انا بفكر في الحتة دي طبعاً
قال لي اتوقع الباركن دة إستثمار،وما اعتقد تابع للدار بتاعكم
قلت ليه بس المبنى دة كله واحد
قال لي يمكن مقسم جزء عاملينه دار رعاية وجزء مستثمرين فيه..
قلت ليه فعلاً يمكن
ونحن في الطريق وقف العربية في محل تجاري ،قال لي دقايق وراجع ،دخل وانا سرحانه وبفكر في الحصل بخصوص التحقيق ،فجأة حسيت بحركة في العربية إتخلعت لقيته سياف..
قلت ليه حاسه نفسي مصدعة وختيت راسي في القزاز وغمضته عيوني..
ما بتذكر إني فتحتها تاني لغاية ما وقف العربية..
فتحت عيني وقلت ليه وصلنا؟
قال لي وصلنا بس ما البيت
بقيت اعاين حوالي
قال لي جسر البوابة الذهبية اهم معالم سانفرانسيسكو ،كاليفورنيا يعني الجسر دة،بيقولو ليه مدلل هوليود...
نزل وانا لسة كنت بعاين ،كنا تحت الجسر جمب البحر ،فتح العربية ورا اخد حاجات ونزل مشى مسافة فرش مفرش وخت كيس فيه حاجات كنت بعاين ليه لسة وهو برتب في المكان
شوية كدة جا قال لي يلا انزلي
نزلت وبقيت اعاين ليه واعاين للحاجات
قال لي دة مكاني المفضل،المفرش والمساند بتاعتي دي مخليها ثابته في العربية، لما ازهج واحب اقعد مع نفسي او لما اخاف بجي هنا..
قلت ليه لما تخاف؟
قعد وقال لي ماف زول ما بخاف ،ما شرط خوف من شي معين احياناً انا بخاف من الدنيا وتقلباتها..
قلت ليه ايوا كنت في إجتماع بس والتلفون في المكتب
قال لي الحمدلله بقيتي احسن ؟
قلت ليه احسن ايوا ،بس قالو حيجو محققين يستجوبونا بخصوص وفاة مستر جو
قال لي محققين؟ليه في شنو؟
قلت ليه ما فاهمة بس هسي في الإجتماع قالو كدة
قال لي طيب حاولي تهدي وم توتري نفسك
قلت ليه طيب تمام
قال لي هم وصلو؟
قلت ليه لسة بس على وصول غالباً
قال لي طيب زي ما قلت ليه خليك هادية إذا هو تحقيق عام ف قد يكون إجراء روتيني ما اكتر
قلت ليه فعلاً سيد تشارلي قال كدة،انا هادية إن شاء الله خير
وقفت وبقيت اعاين بالقزاز وانا باخد نفس
بعد مرور 15دقيقة
تلفون المكتب رن..
رديت السكرتيرة قالت لي سيدة شهد مستر تشارلي طلب مني انبهكم بإنه المحققين وصلو
قلت ليها اوك..
شويه كدة باب مكتبي دق وفتح
كانت السكرتيرة قالت ليهم إتفضلو
دخلو محققين إتنين مع بعض
قالو لي سيدة شهد؟
قلت ليهم اهلين
سلمو علي وقعدو وعرفوني على نفسهم وطلعو شاراتهم ختوها قدامهم..
بدأ إستحوابهم ب:
يقال إنه السيد جورج روكفلر كان من المُقربين لديك،والعلاقة بينكم وطيدة نوعاً ما
قلت ليهم لأنه مسؤوليتي في الشغل كانت إني اكون مرافقة ليه هو وكل المسنين في كل مكان ،دة سبب التقارب بينا..
خلال مرافقتك له واحاديثه لك هل قام بمشاركتك ببعض المعلومات السرية الخاصة به؟
قلت ليهم ابداً
بتعرفي شنو عن السيد روكفلر؟
قلت ليهم غير إنه واحد من المسنين المتواجدين في الدار ما بعرف عنه شي..
ما حكى ليك عن حياته،مجال عمله ، او غيره؟
ما حصل ابداً..
لاحظتي اي سلوك غريب للسيد روكفلر في اخر ايامه؟
سرحت مسافة ،بعدها قلت ليهم لا
إتقال لينا إنه إنتِ الإتوقعتي وجود سيد روكفلر في المكان الإتوجد فيه، واصريتي على النزول والبحث عنه هناك،ليه المكان دة تحديداً ؟وشنو سبب إحتمالية وجوده هناك؟
وفي بعض المعلومات عن إنه أنتِ أمرتي بقفل المدخل المؤدي للمكان دة قبل يوم من الحادثة
قلت ليهم لأنه المكان بيتم رشة بمبيدات ريحتها نفاذة وقد تكون سامة وتأثر على المسنين البقعدو في الحديقة الخاصة بالدار وفي بعض منهم عنده حساسية
مستر جو قبل يوم من وفاته كان واحد من المتضررين من المبيدات دي لأنه اتلقى وهو مغمى عليه اثناء جلوسه في الحديقة،والسبب هي المبيدات دي وحتى التقارير الطبية بتاعته بتؤكد على كلامي..
بالنسبة لدخولي المكان وانا على يقين إني اللقاه هناك هو إنه بعد طلوعو من المستشفى سألته عن الحصل معاه قبل ما يغمى عليه،حكى لي إنه سمع صوت قطة وهي بتبكي وصوتها كان طالع من المكان دة وحاول يمشي عليها ويساعدها لكنه وقع واغمى عليه
عشان كدة لما إختفي اول حاجه توقعتها إنه يكون مرة تانيه سمع صوت قطه و نزل هناك عشان يساعدها ..
يعني ما عندك ادنى شك عن إنه حادثة موته نتيجة لعملية إغتيال؟
السؤال كان صادم بالنسبة لي ف بقيت اعاين للمحقق السألني ليه بدون ما اجاوب
صيانة كاميرات المراقبة في يوم حادثة وفاته تحديداً امر غريب ومثير للشك هل كانت عندك خلفية عن صيانتها في اليوم دة ؟
قلت ليهم من إتعينت متطوعة هنا لغاية م اخدته منصب نائب المدير بشكل مؤقت وانا ما شايفة غير حرص تام على حماية كل المتواجدين داخل الدار ،وما لاحظت اي شي غريب او مثير للشك ..
واحد قال لي دي إجابة مبهمة؟!..
قلت ليه دي الحقيقة الأنا شايفاها طول فترة وجودي في الدار
في فترة وجيزة من عملك في الدار اخدتي منصب نائب المدير..
قلت ليه ايوا بشكل مؤقت لأسباب صحية متعلقة بالسيدة تشارلي ،إتفرض علي المنصب فرض الى أن يتم تعين نائب اخر من قبل الجهات المعنية
احد العاملين اخبرنا إنه انتِ راجعتي كاميرات المراقبة مؤخراً وبالتحديد المنطقة دي من الدار طلبتي مراجعة التسجيل الخاص بها،هل عندك تفسير منطقي لسبب مراجعة الكاميرات؟
قلت ليه ايوا لأني كنت عايزة افهم الحصل شنو للسيد جو حتى وقع واغمى عليه في الحديقة،مراجعتي للكاميرات كانت قبل ما اعرف منه هو حصل معاه شنو ،وبعد ما عرفت أمرت عمال الصيانة بقفل المدخل المؤدي للطابق الأرضي واللي هو كان سبب في حالته ، ودي إجراءات بتؤكد حرصنا التام على سلامة المسنين المتواجدين داخل الدار ليس الا، وكمان دي قرارا واجبي بقتضي إني اخدها وانفذها بشكل فوري..
قيل ان السيد روكفلر إتعرف بحدة تعامله مع الأخرين وإسلوبة القاسي في التعامل مع بعض الأشخاص ،وقيل ايضاً أنه غير محبب كثيراً للبعض الأخر بسبب اسلوبه وشخصيته،هل لاحظتي وجود خلافات شخصية واضحة مع اي شخص في الدار يمكن تؤدي إلى محاولة قتلة،سواء عاملين او ممن هم معه في الدار؟
قلت ليه لا ،سيد جو رغم كل شي الا إنه كانت علاقاته طيبة مع الكل دار سواء كانو نزلاء او عاملين..
شكراً سيدة شهد على وقتك وتعاونك معنا ،نتمنى لك يوماً جيداً...
قلت ليهم شكراً...
اليوم الرابع صحيت فرشت المصلاية صليت الصبح وبقيت قاعدة في المصلاية وكنت بقرأ قرءان وللحظة حسيت دموعي في طرف عيني ،سياف جا داخل علي
مسحت دموعي وقمت على حيلي
قال لي خليك قاعدة ما تقومي إذا مرتاحة هنا
قلت ليه لا خلاص خلصت انا،ما طلعت الشغل مع لين إنت؟
قال لي لين مشت بي تاكسي
قلت ليه وإنت ما ماشي اليوم كمان؟
قال لي لأ شويه حاسي بإلتهاب لسة ف قلت ما اطلع من البيت..
عدينا اليوم مع بعض في البيت..
دخل المطبخ وجهز الأكل وأصر علي الا انزل اكل معاه في المطبخ لأنو ما بياكل براه ،ونحن بناكل تلفوني إتصل
كانت المتصلة رفيدة
كنت مترددة ارد عليها ولا لأ ف رديت..
قالت لي يا بت بقيتي كيف ؟
قلت ليها بخير الحمدلله
قالت لي يعني احسن؟
ما عارفة بقولو شنو بس ربنا يتقبله إن شاء الله، بحاول اتطمن عليك من امس بس ما كنتِ بتردي
قلت ليها فعلاً بس انا بخير إنتو كيف كلكم كويسين طمنيني؟
وبقيت اتكلم معاها واخد وادي لغاية م خلصت
سياف قال لي رايك شنو نطلع نمشي نجيب الكلاب اليوم؟
قلت ليه هسي؟
قال لي ايوا ليه لا إذا ما عندك مانع؟
قلت ليه بس إنت قلت عندك إلتهاب صح؟
قال لي شبه بقيت احسن كترت شراب ليمون بموية دافية نفعني..
المهم طلعنا؟
هزيت ليه راسي بمعنى تمام
جهزت وطلعنا مشينا المأوى بتاع الكلاب المخليهم فيه،بقينا لافين في المكان ونشوف فيهم،في الأخير اخدنا لولو،قلت ليه إنت الكلب بتاعك وين؟
قال لي تعالي مسكني من يدي
بس ما تخافي تمام؟
وداني مكانه ،كان كبير لونو مايل ل اشقر
قلت ليه دة هو وإتفكيت ورجعت لورا منه؟
قال لي ما تخافي ما بسأل تعالي
فكوه ليه ومسكو وبقى يلعب ويتكلم معاه ،قال لي شايفة ي شهد ما بسأل
قلت ليه انت سيدو بعرفك انا مالي،خليني مع لولو بتاعتي دي ،
ركبت العربيه وخليتو..
لما جا راجع كان بضحك علي،اول ما ركب الكلب ورا كان بنبح
قلت ليه مالو دة؟
قال لي لو في عداوة بينكم ف حتكون بسبب إنه إنتِ والكلبة بتاعتك ماخدة مكانه حالياً في العربيه
قلت ليه اهااااا شكلو زعلان شديد يلا بالذات من لولو عاين بتعاين ليه كيف هي زاتها😁
قال لي نمشي ناخد ليهم اكل وبالمره نشتري لنفسنا حاجات للمطبخ تمام؟
قلت ليه طيب ممكن
اخدني محل مخصص لأكل الحيوانات الأليفه إشترينا اكل للكلاب وطلعنا إشترينا إحتياجات البيت حتى رجعنا...
اول ما لين فتحت الباب دخل الكلب بتاع سياف لين مسكت في سياف وهي بتصرخ
قال ليها ما بسألك عايني ولا جاب خبرك اساساً
بقيت اعاين للطريقة الماسكاها بيه وهي م عندها تحفظات كدة قدامه من ناحية اللبس بالذات،كانت لابسة لبسة رياضة..
زحاها من جمبه وقال ليها بالمناسبة امك إتصلت علي اليوم وطلبت مني اخليك تتكلمي معاها ضروري اليوم
قالت ليه ما عايزه اتكلم لا معاها ولا مع زول منهم
قال ليها لين..
حسيتها ما عايزاه يتكلم معاها قدامي شلت لولو وطلعت مشيت بيها غرفتي..
اول ما دخلت قفلت علي الباب بغيظ...
اليوم التاني صحيت بدري،سياف صحى ودخل الحمام
وانا كنت فاتحة الدولاب وبطلع في ملابسي،
إنتبهته ليه جا طالع فرش المصلاية،قلت ليه حابة امشي الدار اليوم
قال لي متأكدة إنتِ؟
قلت ليه كدة كدة لازم امشي في كل الأحوال
قال لي طيب حأوصلك
قلت ليه لا خليك إنت مش عيان قلت؟لين طلعت؟
قال لي لأ حأوصلك انا كويس حالياً ،لين طلعت اي، اجهزي يلا
بقيت اعاين ليه بمعنى إنه حأجهز كيف وهو في الغرفة
قال لي الحمام فاضي ما محتاجه بعد كدة، انا وأقام الصلاة
ونحن طالعين قلت ليه حنخلي الكلاب في البيت؟
قال لي ايوا عادي بجهز ليهم اكلهم وشرابهم بس
قلت ليه كلبك دة ما حياكل لولو صح؟
ضحك قال لي يلا ي شهد ،يلا نطلع
اول ما طلعنا العربية كانت متغطية بالتلج
قال لي حأنضفها إنتِ ادخلي البيت لما اخلص
قلت ليه لأ بنتظرك هنا
قال لي طيب اركبي العربية،ركبني العربية وشال نظارتو لبسها وبدأ ينضف فيها واخد مساافة وهو بمسح في القزاز
ونحن في الطريق فجأة وقف العربية على جنب مسافة..
قلت ليه مالك ؟
كان بعاين بمراية العربيه..
قلت ليه في شنو؟
قال لي ماف شي حندخل اقرب محطة بنزين افول العربيه تمام؟
قلت ليه طيب
بقيت اعاين ليه ،حسيتو ما على بعضه
دخلنا محطة بنزين فول العربيه قال لي ننزل الماركت لو عايزة حاجه؟
قلت ليه لأ ما عايزة
قال لي ولا حتى موية ؟
قلت ليه لأ
لما إتحركنا مشى بطريق غير طريقنا وكان مره يستعجل ومره يخفض السرعه قلت ليه :كأنك مغير الطريق؟
قال لي دة اخف ما فيه زحمة واسرع
لما وصلنا الدار كان في تجمع بتاع ناس كمية فيه..
قلت ليه هنا في شنو ،عاينت كانو صحفين شايلين كاميرات ومنتشرين شديد قدام الدار
قال لي اتوقعت كدة
قلت ليه شنو؟
قال لي ماف شي ، ما تنزلي
قلت ليه سألتك انا جاوبني إنت كمان معاهم، عايزين تحبسوني تاني صح؟
إنت معاهم ولين واهلها برضو معاك صح؟ جايبها مخصوص عشان تديني الأدوية في الأكل وفي الأعصير،إنت كمان عايز توهمني ،المرة دي عايزين تعملو فيني شنو ؟ عايزين تحبسوني كم سنة؟عايزين تجننوني صح؟عايزين تحبسوني وتدوني الأدوية لما أجن؟
قالو ليك جننها صح؟واصلاً هي غبية وبتصدق اي زول ،دي مهمتك ودة الطلبوه منك صح؟
كان لسة واقف وبعاين لي..
قلت ليه انا عايزة اطلع من هنا هسي،طلعني من هنا اديني المفتاح القافل بيه الباب
قال لي شهد بتقولي في شنو إنتِ؟باب شنو المقفول بالمفتاح؟ومن متين بنقفل باب بالمفتاح نحن ؟
امبارح كنا بنحاول نركب ليك درب وبسبب حالتك الكنتي فيها ما لقينا وريد بالساهل والإتلقى كان بتفجر دة سبب إنه يديك بالشكل دة
ماف باب مقفول عليك كل الأبواب دي فاتحة ي شهد
لزيتو وقلت ليه كذاب زح مني،عاينت للكرسي شلت عبايه لبستها وشلت الطرحة وطلعت من الغرفة وم وقفت الا بعد ما طلعت قدام باب البيت
الجليد كان ارتال قدام باب البيت..
وقفت وانا بتلفت في نص الشارع
بعد مسااافة حسيت بزول بغطيني بحاجه إتلفت لقيتو سياف بلبسني مِعطفه وهو ساكت..
لبسني ليه ووقف قصادي قفل لي الزراير قال لي كبير شويه بس حيدفيك، الجو بارد شديد..
بقيت اعاين ليه..
قال لي ما تدخلي البيت إذا ما حاسة نفسك حتكوني بأمان فيه،قولي لي وين حتكوني حاسة بالأمان وانا اوصلك ليه هسي لو حابة...
كنت واقفة وانا ساكتة وهو واقف معي بعد مساااافة قال لي:
تعالي نقعد هنا طالما ما حابة تكوني في البيت "اشر على عتبة الباب الملانة تلج"
عاينت ليه
قال لي تعالي، كان بتكلم جادي
اتحرك وانا إتحركت وراه قعدنا في الجليد ونحن ساكتين..
سرحت مسااافة عيوني إتملت دموع عاينت ليه وقلت ليه بتردد انا ما مجنونة..
مسك يدي وقال لي :والقال كدة منو؟إنتِ مرهقة بس حترتاحي وتصحصحي وتبقي كويسة ما تقلقي،خلينا نتفق على إنه م تفكري في الموضوع دة ولا تتكلمي فيه،ماف شي محتاج توضيح وما مُلزمة فهمتي؟مسح لي دموعي وعدل قعدته جمبي..
سكتت مساافة بعدها حسيت بيه بردان لأنه كان بضغط على صوابعه وهو ساكت
قلت ليه إنت ما بردان؟
قال لي حابة اخليك براك؟
قلت ليه ما كدة بس الجو بارد وإنت لبسك خفيف
قال لي لا م بردان متعود انا اطلع اللعب باسكت في الجو دة واجري،المهم مش إنتِ مرتاحة وحاسة نفسك احسن؟
كنا ساكتين لفترة...فجأة سمعنا صوت بقول:يعني لو هي عقلها عقل شفع بتجاريها في تصرفاتها؟
إتلفت عليها سياف..
قالت ليه المقعدكم هنا شنو في الجو دة؟
كانت لين ما غيرها
قال ليها حابين فكرة القعدة هنا
قالت ليه شهد بتدلع عشان عيانه وهي لابسه سويتر وإنت يا العشى باللبن في الجو دة قاعد كدة ما خايف تلحقها وتمرض ؟
عاين ليها وهو ساكت
قالت ليه لا بجد ما حاسي بجسمك متلج هسي؟
قومو ادخلو جوة حتمرضو زيادة، شهد انتِ متين بقيتي كويسة اصلاً؟
وقفت على حيلي قلت ليهو يلا يا سياف ندخل
عاين لي وهو متضايق
قالت ليه انا الوقفت هسي بردت ما بالكم إنتو؟
وقف وهو ساكت
مسكتو من يديه قالت ليه طالع من تلاجة بس
اول ما دخلنا البيت قالت ليهو سياف محتاجاك تساعدني في المطبخ شويتين نجهز الفطور وكدة
شهد إنتِ حتدخلي غرفتك وترتاحي لغاية ما الأكل يجهز،اليومين دي حأدلعكم
سياف قال ليها اغير ملابسي طيب
دخل معي الغرفة قال لي شهد متأكدة إنك مرتاحة هسي؟حاسة بي شي؟
قلت ليه لو ما حاسة نفسي كويسة م كنت دخلت ،ما تاخد في بالك انا بخير
قال لي اخدي راحتك وحاولي تنومي وم تفكري في شي كل ما إرتحتي كل ما بقيتي احسن...
......................................
لين في المطبخ لمحت سياف وهو في غرفة المعيشة برة شغل التلفزيون..
قالت ليه تعال يا استاذ قلنا ساعدني ما قلنا اقعد شاهد التلفزيون
بي ضيق رمى الريموت ومشى عليها المطبخ
قالت ليه بعمل ليك في صينية بطاطس ظابطه حتشكرني عليها
ساعدني بي تقطيع البطاطس عايزاه يكون بالشكل دة..
قال ليها تمام
شهد حالتها دي عشان موت الزول دة بس ولا في شي تاني؟
هي تعبانه بس الفترة دي
ما عارفة بس قبل موت الراجل دة ما حسيتها طبيعية ما عارفة ليه،يعني ما عارفة اشرحها ليك كيف بس ما تزعل مني حاساها سايكو كدة والشي الخلاني اتأكد حالتها الأمس دي ،واليوم الصباح برضو سمعتها بتصرخ فيك،لمصلحتها مفروض تقابل بيها سايكتريك او اي حاجه ممكن تساعدها،بس عايزة اسألك إنت عندك خلفية عن وضعها دة قبل تتزوج ولا إتدبست؟
قال ليها لين ححاول ما اخوض معاك نقاش واتجاوز البتقولي فيه دة لأني أدرى،واتمنى ما يتقال تاني ،شهد بخير زي ما قلت ليك تعبانه شوية ليس إلا...
طيب ما تضايق كدة ،عرفنا مرتك بخير
ممتاز اتمنى كلامك دة ولا حتى من باب التلميح ما يتقال لشهد..
اتوفرت من جديد نقاب الشافعي
السعر ٥٥٠٠
اسعار خاصه للجمله
للطلب @wessam1412
خت الجهاز وبقى يعمل بيدو
بقيت اقول لسياف دة معناه شنو ؟
عاين خط الجهاز دة معناه شنو يا سياف معناه مات صح؟
مات كيف يعني ؟
سياف قال لي شهد الدكاترة بحاولو زي ما شايفة تعالي نطلع برة
قلت ليه لالا عايزة اشوفو ،امبارح بتكلم معي قال لي انا عندي باقي عمر منتظرني،قال لي انا ما بموت هسي..
مستر تشارلي ومرتو ومعاهم المشرفين جو داخلين بسرعة ووقف جنبنا قالو لينا حصل شنو؟
بقيت واقفة وبعاين من غير اي رد فعل،كلنا مع بعض في نفس المكان ونفس تعابير الوش ونحن بنشوف الدكاترة وهم حاولو فجأة وقفو وشفت واحد فصل الجهاز والدكتور كان بتكلم مع واحد ماسك دفتر وبكتب..
سياف قال لي شهد تعالي
بقيت اعاين ليه وانا ساكته
تعالي يا شهد مسكني وقال لي يلا نطلع من هنا
كنت لسة بعاين بإتجاهه وبحاول استوعب والدكتور جاي علينا...
الدكتور اول ما وصل قال لينا عملنا جهدنا ولكن وصلتوه في اخر لحظات ليه للأسف الموت الدماغي كان متحقق سلفاً رغم دة حاولنا ، انا اسف ما قدرنا ننقذه،إتوفى..
............................................
قفل الخط وهو متضايق
انا عموما ما عندي اي تعقيب على تصرفاتها معاه بحس انه ما من حقي اتكلم وهو كمان ما بتكلم
وصلنا البيت لقيناها قاعدة قدام الباب وبتلعب في شعرها والجو جليد وبرد شديد سلمت علينا ودخلنا لا هو سألها ولا هي إتكلمت واضح إنها كانت متضايقة
اول ما دخلنا ما فتحت خشمها على غير عادتها وعلى طول دخلت غرفتها ونحن دخلنا غرفتنا
سياف دخل الحمام إستحم لما جا طالع قلت ليه ممكن اقول حاجه؟
قال لي اتفضلي
قلت ليه افضل تسألها مالها متضايقة ،ودة الصح
قال لي حأتكلم معاها بكره إن شاء الله
شغل التلفزيون واخد مفرش ومخدة وقعد قدامه
الصباح لما مشيت اصحيها لقيتها مافي في غرفتها ولا في اي جزء من البيت،سياف اتصل عليها ،المكالمة الأولى ما ردت ردت المكالمة التانيه،
قال ليها لين وين انتِ؟ قالت ليه انا طلعت المعهد بالمترو
سياف قال لي يلا اوصلك يا شهد
قلت ليه جد هي مالها؟مشكلتها شنو ما فاهمة
قال لي اوصلك وامشي افهم منها مالها
وصلني ودخل المعي الدار للسيد جو عشان يطمئن عليه ،مستر جو قال ليه كويس إنك جيت،اكيد شهد قالت ليك إنه وضعه سيء،كنت محتاج اوصف ليهم إنه صحتي تمام وجسمي رياضي زيك تماماً
مستر جو رغم انه كان رافض مقابله اي زول لكن نزل مع سياف وإتمشى في الحديقة اكتر من ساعة قاعدين مع بعض وانا بعاين ليهم من مكتبي
بعد خلص سياف ودعو ومستر جو وقف وهو بعاين بالإتجاه بتاع مدخل سلم الطابق الأرضي مسافة
إتأكدته إنه وقعتو دي ما كانت ساي،فعلاً شكوكي في محلها،فعلاً في شي،نزلت مشيت ليه في غرفتو قلت ليه مستر جو متذكر قبل ما يغمى عليك حصل شنو يعني كنت وين وكدة؟
قال لي قررتي تبقي محققة خلاص بعد منصب نائب المدير ؟
قلت ليه لأ بس..
قاطعني وقال لي انا مريض قلب اتعودته على اني اتعب فجأة وتحصل لي مضعافات واقع فجأة وغيرها من الأشياء وإنتِ كمان إتعودي وم تتفاجئي لما تسمعي إنه حصل لي شي
قلت ليه الف لا بأس عليك انا بس حبيت اعرف السبب عشان نتجنبه
قال لي ما تخافي انا حريص على صحتي اكتر من اي شي ،وعندي ده بحفظني طلع سلسل صليب من رقبته وقال لي اهدتني ليه بتي ماف داعي للقلق لسة عندي كتير اقدمه للحياة دي ما جاهز للموت حتى الان..
قلت ليه اول مره اعرف إنه عندك بت،ما جبت لي سيرتها
قال لي ما عندك مهام تقومي بيها اليوم؟
اول حاجه عملتها بعد طلعت منه مشيت قسم شؤون الأفراد ،طلبت مقابله المسؤول من صيانة المبنى ،وطلبت مقابله العاملين المسؤولين عن الرش والتعقيم
بالليل وانا في البيت كنت بتقلب وسياف كان جنبي في السرير ،حاولت انوم بس النوم كان طاير من عيني،
طلعت من الغرفة مشيت المطبخ وانا بشرب في الموية سياف جا داخل المطبخ
قال لي مالك إنتِ مقلقة اليوم على غير عادتك اول ما تختي راسك في المخدة بتنومي
قلت ليه ماف شي ساي عايزة اطلع مسكني قال لي تعالي اقعدي هنا على بال ما اخلص كبايتين الشاي ديل عايزك تكوني خلصتي كلام ،وإذا في شي بتحل إن شاء الله..
قلت ليه هو ماف شي مهم شديد بس بالي مشغول بشويه حاجات حاصله في الدار
قال لي مثلاً؟
قلت ليه مستر جو مثلاً وقع لأنه دخل مكان كدة في الدار بيترش مبيدات حشرية ومانعين فيه الدخول عشان ما يحصل ليك تسمم وانا دخلتو قبل كدة وحصل معي نفس الشي الحصل ليه دة ،بس بكذب وبقول انه وقع في الحديقة
قال لي وإنتِ دخلتيه ليه إذا هو ممنوع الدخول فيه وحصل ليك نفس الحصل ليه وعلى اسوأ كمان لأنك اتحجزتي 24ساعة تحت المراقبة
قلت ليه الما فاهماه هو ليه رافض يقول انه كان هناك؟
عموماً انا طلبت من المسؤول من الصيانة يقفل الحته دي بأي طريقة كانت بحيث إنه يمنع وصول الناس ليها..
قال لي طيب دة كلام ممتاز إنتِ عملتي الصح ومستر جو انتِ عارفاه دة طبعو،ويمكن هو فعلاً ما مشى هناك والحديقة كانت مرشوشة مبيد وهو إستنشقه وحصل ليه الحصل..
قلت ليه بجد؟
مدة لي كوباية قال لي جد وقعد في الكرسي قصادي..
سكت مسافة وقلت ليه امممممم لين حصل معاها شنو حكت ليك مالها؟
قال لي ضغوطات ابوها على امها على كدة شويه متنشنة بيها قالت وهي اول مرة تبعد منهم عشان كدة متضايقة دة حسب كلامها...
قلت ليه انا حاولت اتكلم معاها وقالت ماف شي مهم وقفلتني
قال لي إنتو البنات ما مفهومات ربنا يهديكم
قلت ليه نحن؟
ضحك قال لي المهم خلصي عشان الزمن إتأخر وبكره عندك دوام بدري صح؟
قلت ليه ينفع اقول حاجه او اسأل سؤال ؟
قال لي يلا قولي على طول
اااااااا،خلاص ماف شي..
رجعت الغرفة اول ما ختيت راسي في المخدة بقيت بفكر،لين بتذكرني بسندس،حاسة نفسي في نفس الصراع والدوامة ديك وعلى الأقل سندس ما كانت واضحة بوضوح لين، بس الفكرة او الفرق إني هنا وضعي غير وما عندي إستعداد اكون الشخصية الكانت هناك ديك،ما بقدر اضمن القدامي واقول لأ هو ما بعمل كده،ما عايزة اراهن ،انا بعد طارق والعملو والوصلت ليه بسببه ده كلو بقيت اتوقع اي شي من اي زول وممكن التغير يحصل في اي لحظه حتى لو سياف كان بظهر عكس كدة ،بتذكر طارق برضو في يوم كانت سندس دي
#ليله_في_ديسمبر40
طلعت دخلت الغرفة وخليتهم
لما جا داخل كنت بمسج في شعري كريم تسريح
قال لي ما كنت عارف بموضوع جيتها دة وإلا كنت كلمتك..
قلت ليه ما مشكله حصل خير
حسيتو محتار كدة وما عارف يعمل شنو والغرفة ما فيها كنبة..
عايزة افتح خشمي اتكلم معاه جاتو مكالمه،قال يا مكي..
وطلع من الغرفة..
اخد وقت وما رجع ونمت وانا بتقلب..
صحيت على صوت منبه بضرب ،فتحت عيوني لقيتو نايم جنبي بعد دقايق قفل المنبه عملت روحي نايمه نزل دخل الحمام ،جا طالع فرش المصلاية صلى الفجر شكله وشال المصحف قرأ قرءان مسافة اكتر من نص ساعة كان بقرأ قرءان ،بعد ما خلص جا راجع رقد في مكانه..
لاحظت ليه وهو نايم طرف السرير و بحاول يخلي مسافة بيني وبينو..
لما صحينا الصباح لقيت لين مجهزة لينا الفطور،قالت لينا صحيت بدري ولقيت نفسي فاضيه ف جهزت ليكم فطور خفيف
سياف قال ليها خير ما عملتي
قالت ليه لقيت القميص بتاعك دة وعجبني ف لبستو على طول بدون ما اتلفت،ما بحتاج استأذن صح؟والله ملابسك ريحتهم حلوة شديد حبيت عطرك دة انا
بالمناسبة وين الكلب بتاعك ما شايفاهو؟
اتجاهل كلامها عن القميص وقال ليها عند زول حاجيبو بكره إن شاء الله
قالت ليه ممكن تربط لينا قدام البيت مرمى بتاع كره سله عليك الله يا سياف عليك الله
قال ليها طيب حاضر
قالت ليه دوامي في المعهد ببدأ يوم الاتنين الجايه ي دوب الجدول نزل عندي في الإيميل امبارح ،ممكن اليوم امشي معاك الصالة الأيام دي؟
قال ليها طيب تمام انا زاتي عايزك..
قالت ليه طيب حأجهز
كل دة وانا ساكته بعاين ليهم..
شوية كدة جات نازلة قالت ليه جاهزة
قال لي شهد حتمشي بعربيتك صح؟
قلت ليه ايوا
قال لي طيب نحن حنمشي إذاً، محتاجة شي؟
قلت ليه لا شكراً
مشيت الدوام وعشان اليوم ضاغط ما إنتبهت للوقت اساساً،إتصل علي سياف قال لي شهد ها نجي عليك؟؟
قلت ليه تجي علي لشنو؟
قال لي عشان ناخدك
قلت ليه لا امشو البيت إنتو انا بجي بس اخلص شغل
قال لي طيب حأوصل لين البيت واجي عليك الوقت داك تكوني خلصتي..
إستغربت هو عارف إني معي عربيه ليه قال كدة؟
بعد ساعة رسل لي شهد لما تكوني راجعة البيت إتصلي علي نتلاقى نرجع مع بعض
بالفعل دة الحصل هو وصل قبلي،لقيتو منتظرني قدام باب البيت في العربيه ما نزل..
قلت ليه مالك؟
قال لي ماف شي تعالي،مسكني من يدي وفتح الباب وانا بعاين ليه،لقيناها قاعدة في الهول ومشغلة التلفزيون بتحضر..
قالت لينا مساء الخير هو انتو بتتأخرو كدة ولا طلعتو مشوار بدوني؟
سياف قال ليها لما شهد تكون عندها شغل إضافي بس بنتظرها
كانت لابسة بجامة وفاكة شعرها ولابسة قميص سياف من فوق..
قال لي انا طالع فوق استحمى واغير،قلت ليه وانا كمان لما وصلنا الغرفة قلت ليه حاصل شنو؟
قال لي ماف شي مهم ،لين مراهقة شويتين وطايشة
قلت ليه لأي درجة؟
قال لي تكون معانا هنا وم تكلم ابوها
قلت ليه شنو؟
قال لي ابوها حالف يرتكب فيها جريمة لأنها طلعت بدون رضاه والكلام دة قبل اسبوع من الان
قلت ليه اسبوع بس هي ما جاتنا قبل اسبوع
قال لي ما دي المشكله
قلت ليه والحل هسي ابوها حيعمل شنو ؟
قال لي ولا شي انا كلمتو إنها معانا لغايه ما الأمور تهدأ وتروق حنرجعها..
قلت ليه متأكد إنه الأمور حتهدأ وهي حتوافق ترجع؟
قال لي على الأقل الفترة دي،لين مراهقة يا شهد وعقلها صغير وتصرفاتها صبيانية وابوها متهور وأحمق ممكن عادي في البلد دي يتصرف معاها اي تصرف وهي تتخذ ضده إجراءات عشان كدة بحاول اسايسه واجاريها حسب عقلها،ابوها اليوم كان حيجي هنا لو ما منعته عشان الأمور ما تسؤ ..
قلت ليه كويس إنك منعته ،انا ححاول اتكلم معاها لو حكت لي طبعاً
قال لي يا ريت توجهيها لو فتحت معاك الموضوع
قلت ليه حاضر إن شاء الله..
قال لي وبالمناسبة طلع ظرف وقال لي انا نسيت اقول ليك إنه وثيقة الزواج وصلت من كم يوم ،اتفضلي
قلت ليه بالجد ،الحمدلله طيب😍
قال لي حنرتب الأوراق ونبدا نعمل معاملات القرين كارد على طول بس خلي الشهر الأول دة يعدي وكدة عشان اوراقنا كلها تكون سليمة و ما يتجرجرو معانا
قلت ليه طيب إن شاء الله
غيرت ملابسي ورقدتهه وجا صلى العشاء وشغل التلفزيون لغايه ما نمت
الصباح قال ليها يا لين شهد حتوصلك الصالة ولو عايزة تمشي معاها مكان شغلها ممكن..
قالت ليه المكان الاسمو الدار دة؟مستحيل هو انا ناقصة مسنين كفاية العندي في البيت..
قال ليها انا عندي مشوار قبل الصالة مفروض امشيهو
قالت ليه تمام بمشي معاك مشوارك خليني في العربية بنتظرك..
للمره التالته انا اليوم لابسه التشيرت بتاعك ،ملابسك حلوة شديد رغم إنها اوفر سايز فيني بس رهيبة
بقيت اعاين ليهم ،المشكله تصرفاتها متمادية ما تصرفات طيش ابداً...
بقيت بتلفت وم عارفه امشي على وين والمكان فيه ريحة نفاذة شديد شكلو بيترش مبيدات، إتخنقت وبقيت بكح..
اكيد السيدة كاثرين ما حتكون بتدخل هنا بشكل يومي بدون سبب،بس شنو السبب الممكن يدخلها في مكان زي دة وتكون فيه لمدة ساعة كمان ؟
حسيت بنفسي مخنوقة وم قادرة اتنفس ،طلعت بسرعة،مشيت المكتب بتاعي لسة ما قادرة اتنفس وقفت في الشباك بقيت حاسة اطرافي منملة ،اكتر من نص ساعة وانا على نفس الحال واسوأ..
نزلت تحت بسرعة لقيت السواق الخاص بالمسنين واقف،قلت ليه ممكن تاخدني اقرب مستشفى هنا؟
قال لي إنتِ كويسة؟عيونك مالها؟
قلت ليه محتاجة امشي المستشفى حالاً ما قادرة اتنفس..
ركبت وعلى بال ما اصل انا شبه كتمت نفس،اول ما وصلني ركبو لي اوكسجين قعدت في الجهاز فترة بعدها بقو يسألوني..
حكيت ليهم انا كنت وين وإستنشقت شنو وحصل معي شنو..
الدكتور قال لي الغاز الإستنشقتيهو في المكان دة سام غير إنه سام بيأثر في الأعصاب ودة سبب إحساسك بالتنميل في اطرافك،دة يعتبر إنعدام مسؤوليه و..
قلت ليه المكان مغلق ومعمول عليه كروس انه ممنوع الدخول بس انا دخلت لأني كنت سامعة صوت كديسة فيه يعني الغلط غلطي
قال لي في مبيدات تانيه اقل ضرر ممكن يستخدمها للمكان،حنحتاج نخليك معانا هنا تحت المراقبة لمدة 24ساعة تجنباً للأثار الجانبيه والمضاعفات الممكن تحصل ليك..
طلبت من السواق يرجع وقلت ليه انا حأرجع البيت،ما حبيت يعرف إنه انا ما حاطلع الا بعد 24ساعه
المساء جاء وانا لسة في المستشفى ما طلعت،حوالي الساعة 8كدة تلفوني ضرب كان سياف..
اول ما فتحت الخط قال لي يا شابة وين انتِ؟
قلت ليه انا في المستشفى،وحكيت ليه الحصل
قال لي جاي عليك..
لما وصل قال لي ما كلمتيني ليه من لم حصل دة؟
قلت ليه انا إفتكرت حأطلع على طول ما اتوقعت حاخد 24ساعه..
قال لي حتى ولو مش مفروض يكون عندي علم؟
قلت ليه حصل خير انت ممكن ترجع البيت هسي وانا بكره إن شاء الله لما يطلعوني حأجي البيت
عاين لي وهو ساكت
ما رجع قعد معي لغاية تاني يوم رجعنا البيت مع بعض لقيتو ركب لي الدفاية في الغرفة وجاب لي مفارش جديدة ومعاهم بلوفرات وشرابات وجاكيت جلد...
قلت ليه ما كان تتعب نفسك ليه دة كله انا معي
قال لي لازم مفارشك وحاجاتك تكون منفصلة حتى لو المفارش
قلت ليه لاحظت ليك منظم شديد وانا عكسك صح؟
قال لي نثبتها قاعدة طيب ونكون متفقين النظام مهم شديد..
بتجي شركة تنضف ٣مرات في الاسبوع وترتب لو في شي بسيط ممكن الموجود في البيت يعمله يعني مثلاً كبايه الشاي تتغسل وترجع مكانها ،المعالق والحاجات الصغيرة صغيرة تتخت في مكانها وكدة
قلت ليه بتلمح على اني ما بغسل كبابي الشاي وبرمي المعالق ساي؟
ضحك قال لي والريموت في مكانه برضو ي ريت
قلت ليه حاضر في حاجه تانيه؟
قال لي والكتب بتاعتي والمكتبة عموماً لأ غير كدة نحن متفقين
بقيت اعاين ليه اخد كتابه من الدرج بتاعي وقال لي لما تحصل ليك حاجه او اي ظرف طارئ اول حاجه تعمليها تتصلي علي وتكلميني ،دي اهم حاجه نتفق عليها ،قال كلامو دة وطلع
بعد مرور اسبوعين يوم جيت راجعة من الشغل دخلت متجر اشتريت احتياجات البيت وانا مقررة اطبخ،وصلت البيت دخلت المطبخ على طول وطبخت اصناف كتيرة ،بعدها كنت مرهقة لما جيت انوم جرس الباب ضرب..
قلت لنفسي سياف ما يفتح بمفتاحه ياخ،إتصلت عليه قلت ليه سياف انت مفتاحك ما معاك؟
قال لي معي ليه في شنو؟
قلت ليه طيب بتضرب الجرس ليه؟
قال لي انا ما لسة في الصالة ما طلعت اصلاً
قلت ليه طيب منو الحيكون في الباب ،نزلت وانا مستاءة فتحت الباب..
تتتاااا سبرايز
لين؟..
لحظة صمت..
هاي مشتاقين 😘
قلت ليها اهلين وحضنتني
كانت شايلة شنطة في يدها
قالت لي كيفك،وكيف سياف ؟وينو
قلت ليها الحمدلله اتفضلي،سياف لسة ما جا
قالت لي وااااي بردانه برد مبالغة
قلت ليها طيب ادخلي اقرب غرفة ، اخت ليك اكل ولا اعمل شاي لبن دافي؟
قالت لي لا بس خلينا هنا هسي ،الله بيت سياف زي ما هو رهيب من زمان ما غيرتي فيهو شي
قلت ليها لا ما غيرت
قعدنا شويه كدة قالت لي ممكن ابدل ملابسي وكدة؟
قلت ليها اكيد طبعاً
قالت لي وينها غرفتكم ووين غرفة الضيوف،
قلت ليها دي غرفتنا والغرفة دي مُستغلها سياف،على طول دخلت غرفة سياف وجرت شنطتها..
نزلت خليتها ،شوية كدة جات نازلة ولابسة سويتر كبير..
قالت لي لقيته مُعلق ف لبسته بردانه ياخ
قلت ليها اجهز ليك اكل ولا تستني سياف يجي؟
قالت لي هو حيتأخر انا ما مكلماه إني جايه عاملاها ليه مفاجأة
قلت ليها ما حيتأخر على حسب
قالت لي طيب ما تكلميه اني جيت لما يوصل البيت
قلت ليها حاضر
عملت عصير وبقينا قاعدين نحضر في التلفزيون،لغايه ما سمعنا حركة سياف وهو داخل على البيت،وقفت وقالت لي هسسس عشان اخلعة..
والله يا مكي عارفك حتشغلها لي،لكن براك شايف الإعلان بتاع سؤ الأحوال الجويه دة يعني ما عندنا طريقة تسلق جبال ولا طريقة للقفز الحر والجو دة قالو حيستمر كدة لمدة اسبوع على الأقل وانا الأسبوع إجازتي بتكون خلصت اصلاً ف افضل ارجع قبل ما الأحوال تسؤ اكتر والرحلات الجوية تتوقف
وشهد هناك براها ما معاها زول يا عمو سياف نسيت تقولها😉
اللقاها منك يا اثار ولا من مكي،المهم لازم في امشي في كل الأحوال 😂💔
طيب يا باش رحلتك الساعة كم ؟
بعد ساعة كدة
بالسرعة دي؟
زي ما قلت ليك عشان الأحوال الجوية ما تسوء
شايف يا ابوي العرس بخليك زول مهروش وممل لأي درجة وعايز تكون بس في طرف مرتك حتى لو بالكذب😂😂💔
والله يا لين يا بتي حيرني ،سياف الكان بطلعنا رحله في اسوأ الظروف داك هسي بقى عايز يرجع عشان الأحوال الجوية ما تمام ،يا قولتك مهروش 😁
إنت وبتك اسكتو ،سياف واعي ومرتو اولويه عندو ما زيك تتحجج عشان تطلع برة البيت 😒
اها خلاص امك قامت يا لين،يلا يا سياف نلحق نصل المطار عشان قبل ما الجو دة يسؤ اكتر من كدة..
إتعالت اصوات ضحكاتهم،سياف جهز وودعهم وطلع مع مكي ووائل للمطار..
.......................................
الجو كان بارد شديد رغم إنه الدفاية شغالة بس حاسة نفسي في تلاجة،عملت لي كباية شاي لبن ولقيت كتاب فن اللامبالاة جنبي في الدرج وكان عليه محدد بتاع صفحات ،بقيت اقلب واقرأ فيه،محتوى الكتاب شداني لإني اقراه ف بقيت اقلب واقرأ بدون ترتيب فتحت الصفحة العليها المحدد ف كان محتوى جزء من الصفحة بقول:
تأتى السعادة من حل المشكلات. إن كنت تتجنب مشاكلك أو تحس كما لو أنه ليست لديك أية مشاكل، فإنك فى سبيلك إلى أن تجعل من نفسك إنسانا بائسا. وإذا رأيت أن لديك مشاكل لا تستطيع حلها فإنك ستجعل من نفسك إنسانا بائسا أيضا. الخلطة السحرية كامنة فى حل تلك المشاكل، لا فى عدم وجود مشاكل فى حياتك.
وقفت في النقطة دي وانا براجع في نفسي،بالرغم من إنه انا ما حليت شي للأن بس على الأقل بحاول..
سرحت وانا بقلب في صفحات الكتاب دة ومتنقله من صفحة لصفحة حتى إني نسيت نفسي والبرد الحاسة بيه..
فجاة سمعت صوت باب الغرفه بدق
رميت الكباية الماسكاها في يدي من الخوف اتدفقت فيني ووقعت في الأرض إتكسرت ،ختيت الكتاب على جنب،قلت بصوت مخلوع منو؟
الباب فتح سياف قال لي قولي بسم الله..
اخدته نفس مساااافة ومسكت بطني
قال لي إتصلت عليك كتير ما بتردي ،والمفتاح معي قلت يمكن نامت لكن لاحظت للنور منور في الغرفة
قلت ليه ما مشكله
قال لي إنتِ كويسة؟
اخدته نفس مسافة وقلت ليه كويسة ،رجعت على طول مالك خير؟
قال لي خير إن شاء الله
البيت بارد صح؟انا فجأة إتذكرت إنه الدفاية مره بتشتغل تمام ومره لأ،وإتصل على عمال الصيانه من امبارح قالو إجازة هم،إتوقعت تكون ما شغالة والبيت زي التلج،وانا اصلاً طالب واحدة جديدة بس حتوصل بعد يومين
قلت ليه فعلاً حاسة نفسي جوا تلاجه لكن إنت جيت عشان كدة؟كنت تتصل علي بحاول فيها...
قال لي في بتاعة الخشب دي وعندي خشب خليني اولع النار بس
قلت ليه طيب
طلع من الغرفة وانا نزلت غيرت المفرش وملابسي ولميت القزاز المكسر ..
جا دق علي باب الغرفة وفي يده خشب الحطب ،قال لي انزلي تحت لانو الدفايه في الهول ،دة بمشي لينا حالنا لي بكره إن شاء الله، ،
لما نزلت لقيتو ولع النار ورمى الحطب..
قال لي لأنو الجو بارد شديد حننوم هنا ادفى من الغرف"قصده الهول"...
إنتِ خليك في الكنبة وانا بنوم في الأرض هنا
جاب لي مفارش كتيرة وجاب لنفسو مفارش..
قال لي لغاية يوم بكره دة ما يجي بس..
لما شافني قاعدة في الكنبه
قال لي لو ما مرتاحة انا ممكن انوم في الغرفة وإنتِ خليك هنا عشان ادفى..
قلت ليه لا ابداً حأنوم..
قال لي انا حأصلي العشاء ،وحأشاهد شوية كدة في تلفزيون الغرفة ف إنتِ ممكن تاخدي راحتك هنا والدفاية شغالة..
ما بقدر انكر حتة إني عندي تراست إيشوز مبالغ فيها وكنت حاسة بإحساس كعب شديد اللحظة دي حتى وهو بتعامل معي كويس وبظهر حسن نيته انا بعاين ليه بعين الأكيد وراه شي،هو عايز مني شنو طيب؟اكيد ما بقيف معي الوقفة دي ساي ،
،بعد كل المريت بيه دة كيف حأعيش مع الشخص دة وحاتعامل معاه ما عارفه،ولا عارفة إذا في يوم قرر يأذيني ممكن اعمل شنو بس العارفاه إني حأعمل كل البطلع بيدي عشان اكون مسالمة ومرنه في التعامل واكون في حالي إلى حد ما،ولو إتضطرني الأمر اجي على نفسي و اقدم تنازلات مقابل بس الفترة دي انا موافقة،بس أنا محتاجة منه يثبت لي..
وقفت هنا وانا بقول لنفسي وليه يثبت ليك يا شهد؟
إنتِ ما محتاجة منه شي في الأخير إنتِ هنا برضاك وبكامل إرادتك ودة كان قرارك...
رقدته وإتغطيت وانا بعاين للنار وبفكر ،طول الليل كنت كدة لغاية ما غالبني النوم...
وصف لي مكانها ،من شكل بيته واضح إنه كان النوع المرتب داك..
اول غرفة دخلتها اخدتها وقررت انوم فيها،كنت تعبانه من السفر وفي نفس الوقت خايفة وبتقلب ومخلية كل الأنوار شغالة لغاية ما نمت..
صباح اليوم التاني صحيت من الصباح فتحت الشنط بتاعتي وانا برتب في ملابسي في الدولاب جاتني مكالمة كان سياف..
قال لي صباح الخير
قلت ليه صباح النور
قال لي اصبحتي كويسة ما خفتي او كدة؟
قلت ليه انا متعودة على السكنة براي وبتأقلم بسرعة على البيوت الجديدة
قال لي طيب التلاجة فيها كل شي ممكن تحتاجيه
قلت ليه طيب حاضر
عايزة اقول ليه حتجي متين إنت قفل الخط
جهزت وطلعت الشغل بالمترو عشان عربيتي ما معي..
كان لازم امشي الدار عشان اعيد عليهم السنة الجديدة ،دخلت عيدتة عليهم ،لقيت مستر جو قال لي إتصلت عليك قبل الساعة 12ما رديتي كان ماخد في خاطرو..
قلت ليه انا كنت في المستشفى ما لحقت احتفل اساساً وحكيت ليه الحصل معي،
قال لي المهم عندنا ليك مفاجأة
قلت ليه شنو؟
قال لي ثواني ربط لي عيوني وقال لي تعالي...
ساقني وبعدها وقفني مسافة وفجأة شال لي الشريط..
قال لي كنا حابين نحتفل معاك بس ما قدرنا نصل ليك ف حبين نوصل ليك محبتنا بطريقة مختلفة..
كانو جايبين لي هدايا كتيرة وخاتنها لي في غرفتي اللي في الدار
قلت ليه لأ دي كلها بتاعتي؟
قال لي ما حسستي واحد فينا إنه وحيد،ولا تعاملك معانا بينتهي بوظيفتك وخلاص،يكفي جداً إنك كل صباح بتكوني حريصة على إنه تقولي صباح الخير لكل واحد فينا على إنفراد بدون فرز وبتحسسينا بأهميتنا عندك...
انا بتكلم ليك بلسان الأغلبيه طبعاً
إتلفته عليه فتح لي يديه نظام يحضني..
قلت ليه انا مسلمة..
ضحك وقال لي إفتكرتك حتغفلي 😂💔
قلت ليه لا جد شكراً شديد،ممتنة جداً لمحبتكم وكرمكم معي دة،وحقيقي إنتو هنا بيتي واهلي وكل شي...
طلعت لفيت عليهم وشكرتهم على العملوه وعيدته عليهم ،ووعدتهم نعمل إحتفال مع بعض ونعمل يوم مفتوح وانا هعمل الكيك بإيدي..
وقفت في شباك غرفتي لاحظت السيدة كاثرين جايه من إتجاه كدة في الدار ما حصل شفتها جايه من على إتجاهه وكانت بتتلفت يمين وشمال..
وانا ماشة على القسم الإداري لقيت المسؤول عن نضافة الحديقة قلت ليه الإتجاه دة من الدار فيه شنو؟
قال لي ما عارف والله
قلت ليه اوك شكراً
مشيت مقر الإدارة قلت للسكرتيرة وين غرفة كاميرات المراقبة؟
قالت لي في الطابق التالت
طلعت الطابق التالت ،لقيت الغرفة بس مقفولة،فجاة جا زول شايل كباية في يده ولابس لبس العمال الرسمي
قلت ليه كيفك؟
قال لي بخير الحمدلله
قلت ليه مسؤول عن غرفة المراقبة إنت؟
قال لي ايوا
قلت ليه انا شهد نائب رئيس مجلس الإدارة الجديدة،اممممم عندي مراجعة لكاميرات المراقبة ممكن؟
قال لي اكيد اتفضلي
فتح الباب ودخلت الغرفة كانت كبيرهه وكلها محاطة بالشاشات تقريباً اي حته في الدار معمولة فيه كاميرا إستغربت قلت ليه ليه ليه الكمية دي من الكاميرات ؟
قال لي لأهميه الموجودين داخل الدار
قلت ليه اوك انا عايزة اراجع الجهه الغربية للحديقة..
وبقيت اوصف ليه وحددت ليه الزمن ..
راجع لي الكاميرا السيدة كاثرين كانت طالعة من الجهه دي..
قلت ليه وقف هنا،ممكن اعرف الجهه دي من الدار فيها شنو او بتودي لوين؟
قال لي دة الأرضي بتاع المبنى ،ما فيه شي مهمل بس
قلت ليه فيه كاميرات مراقبة؟
قال لي معطلة من فترة واصلاً مقفول هو
قلت ليه اوك بس عايزة اراجع تسجيل الجهه دي ممكن ؟
قال لي جدا دقيقة واحدة بس
راجعنا الكاميرات ،الغريبة السيدة كاثرين كانت بتتردد على المكان دة كتير شديد ،لاحظت انه 3مرات في الإسبوع بتكون في الإتجاه وبتختفي لأنه ماف كاميرات في الأرضي وبتطلع تقريباً بعد ساعة من الزمن،واكتر المرات بتكون يا الصباح بدري شديد قبل الناس ما تصحى،او بعد الساعة12بالليل..
قال لي يبدو إنها بتختلي بنفسها في المكان دهه..
وانا سرحانه كان شايل فطيرة قال لي إتفضلي
قلت ليه لا شكراً
طلعت وانا محتارة شنو الممكن تكون بتنزل تتعملو السيدة كاثرين في الأرضي وهو اصلاً حسب كلام الولد إنه مهمل ومقفول؟
قلت امشي اشوف في شنو هناك ،
مشيت كان في مدخل وبعد المدخل دة في سلم ،دخلت ونزلت خطوتين في السلم كانت الحتة ضلام شديد وفيها ريحة نفاذة وعلامة كروس بالأحمر معمولة في المكان..
رجعت وانا محتارة طيب إذا المكان دة مقفول ومحظور الدخول فيه هي اول ما توصل هنا بتختفي وين؟وي ريتها لو بتعدي دقيقة ولا إتنين ولا عشرة اقل حاجه بتختفي ساعة حتى بتطلع من نفس المكان دة..
بقيت واقفة وبعاين في المكان مسااااافة لغاية ما فجأة تلفوني ضرب...
طول اليوم وانا ما في بالي غير اللحظة البتختفي فيها في كاميرات المراقبة وظهورها بعد ساعة
#ليله_في_ديسمبر39
عتبان عليك في نقطة واحدة بس خلينا ما نتناقش فيها هسي،المهم الظرف دة كمان فيه تذكرة مفتوحة ما عليها تاريخ للرحلة ولا زمن محدد،حتكون معاك لغايه ما نستلم القرين كارد بتاعتك بعدها في يدك تحددي عايزة تمشي متين..
الدموع بقت في طرف عيني عدل لي طاقية البلوفر وقال لي حاولي تنومي وبالمناسبة بكره إذا حابه ممكن ناخدك معانا ،نحن حنمشي نعمل برامجنا البنعملها كل سنة دي وما بنسوق نسوان لكن تعالي من باب إنه تبدي السنة الجديدة بشعور مختلف وبحاجه مختلفة..
ونحن واقفين فجأة الدنيا ضلمت وبقينا سامعين الصراخ والسماء عبارة عن اللعاب ناريه بأشكال مختلفة وحاجه كدة عباره عن لوحة فنيه،الكهرباء قطعت بس الدقيقة الأولى من الساعة 12 ورجعت نحن الإتنين كنا واقفين وبنعاين من نفس الشباك انا كنت بعاين ليه وم عارفة اقول شنو،وهو بعاين برة ومدخل يديه في جيوبو..
قال لي بكره جا..
قلت ليه سياف في حاجات او اسباب ما ينفع احكيها ،لو حكيتها حتقول لي ذنبك مغفور صدقني..
قال لي شهد صلاتك على النبي؟
قلت ليه الف على الحبيب
قال لي انا لو عايز اعرف ما كنا وصلنا لهنا،ما مهمة التفاصيل كفاية جداً معرفتي بالنية الخلتك تتصرفي كدة ودة كافي جداً بعدين إنتِ كنتي واضحة معي بنسبة 70%إنتِ ما إستغفلتيني،انا معاك بكامل إرادتي و..
قبل ما يكمل كلامو باب غرفتنا دق وفتح على طول جات لين داخلة وقالت لينا هيي إنتو عارفنكم عرسان جداد وسنة جديدة عليكم وكدة بس نحن منتظرنكم فوق السطوح تحتفلو معانا يلا..
سياف قال ليها طيب جاين
قالت ليه يلا فايتكم العيد فوق
سياف قال لي حتجي ولا حتنومي؟
قلت ليه جايه بس اللبس
قال لي طيب
لين قالت ليه إنت تعال معي وهي لما تلبس تلحقنا ،شهد السطوح حتصليه اول ما تطلعي من الغرفة دي انزلي شمال و..
قبل ما تخلص كلامها قال ليها بنلحقك مع بعض،البيت كبير عشان ما تروح
قالت ليه تمام المهم فوق مستنينكم
بعد ما طلعت إنتظر شويه كدة وقال لي حأستناك في الباب،الجو برة بارد شديد اللبسي تقيل
قلت ليه حاضر طيب
لبست بسرعة وطلعت وراه ،لما وصلنا فوق مكي قال ليه شنو يا عريس ياخ عرسة بتاعه كم يوم تخليك حتى عاداتك تغيرها؟تبيعنا نحن الكل سنة بنعيد معاك عشان ما تحس بنفسك وحيد دي جزاتنا تروس مع مرتك ونحن نسوانا كنا بنبيعهم عشان خاطرك..
لين قالت ليه إتخيل بس يا ابوي باعكم بأرخص تمن حقيقي يعني
حبوبة فاطمة قالت ليه إنتو شن طعمكم بعد كدة؟😂😂♥️
وبقو يضحكو
سياف قال ليهم يا جماعة خلوني اعيش لهفة وحماس البدايات بكل تفاصيلو..
أدونا اللعاب بقينا نطقها وبعدها جابو التورته والشاي و...الخ
لما جينا ننوم قريب الساعة 3صباحاً..
كنت حاسة بألم في بطني،اصلاً كنت حاسة بالألم من لحظة ما سياف فتح معي الموضوع بس كنت متماسكة ، لما جيت انوم قدر ما حاولت اتجاهلو ما قدرت نهائي،ف كنت بتقلب ،وبقيت حايمة في الغرفة وماسكة بطني،
سياف جا داخل فجأة لقاني واقفة وماسكة بطني..
قال لي كويسة إنتِ؟
قلت ليه سياف بطني مألماني شديد ما قادرة اقعد
قال لي مالك؟نمشي المستشفى؟
قلت ليه ما معي ادويتي بتاعة المصران
قال لي طيب ثواني طلع تلفونو من جيبو،
يا مكي ما اكون ازعجتك او نمت؟، جيب لي مفتاح العربية بتاعتك شهد دي شوية تعبانه عايز اخدها المستشفى،لا ماف شي..
طيب
ما كنت قادرة اللبس من شدة ما بطني مألماني،
هو اللبسني العباية والطرحة ،مكي صحبو كان مستنينا هو الوحيد الصاحي..
سياف قال ليه انا بوصلها
مكي قال ليه اركب وخليك معاها بدون نقاش،وبقى يسألو من متين عندها الألم دة وكدة؟
سياف قال ليه هي اصلاً عندها قولون
مكي قال ليه لا ياخي معناها اليوم اكلت حاجه ما نفعت معاها..
كنت ساكتة ما بين بسمع في كلامهم وما بين بركز في الانا فيه..
وصلنا المستشفى دخلوني وسياف اول حاجه قالها للدكتور عندها قولون..
بعد الفحوصات ومراجعة الدكتور ادوني ادوية اخدتها وقتي وخلوني في الغرفة نص ساعة كدة الألم خف ونمت بعد 3ساعات رجعوني البيت الساعة وقتها كانت قريب ال6صباحا ،مما وصلنا نمت ما حسيت بأي شي بعدها صحيت عاينت للزمن لقيتها الساعه 3 مساء،وقفت في الشباك شايفة سياف كان بلعب كورة سلة مع وائل وفجأة ظهرت لين وهي بتصارع في سياف وهو بحاول يرمي الكورة في السلة والجليد نازل كأنو في عاصفة...
جاتني مكالمة من أمجد...
فتح الخط قال لي عارفين إنه ما بتحبي تحتفلي،بس ما غلط نسمع صوتك ونتمنى ليك عام سعيد،
قلت ليه كدة كدة كنت حأتصل واسمع صوتكم كيفك وكيف بابا ورفيدة وعمتو؟
إتونست معاه قريب ساعة ،كنت بمسك دموعي بالعافيه وانا بتكلم معاه،سياف جا داخل وانا بتكلم معاه اول ما قفل دموعي جارية مسحتهم