14727
قناه مختصة بالروايات الجديده حلقات فقط سودانيه وعالميه وعربيه لاقتراحاتكم وارائكم التواصل @wessam1412
قلت ليه ظريف نوعاً ما بس مجهد حبتين
مستر جو قال لي كيم كارديشان ما كانت بتقول مجهد وعلى كدة قيسي
سياف ضحك قال لي الأيام الاولى اصلاً صعبة ما تضغطي على روحك واعملي حسابك عشان ما يحصل تمزق او شد عضلي..
قلت ليه طيب،مستر جو يلا نمشي
قال ل سياف انت قلت عربيتك في الورشة خلي شهد توصلك معاها في طريقها
قال ليه لا انا باخد مترو عادي
قلت ليه لا اتفضل اوصل مستر جو واوصلك ما مشكله
بالفعل دة الحصل طول الطريق مستر جو كان ماسك في موضوع نزولي صالة الرياضة لغاية ما وصلته ،وبعدها ونحن ماشين وقفنا في مكان اخدنا شاي وبسكويت
لما ركب انا كنت سرحانه في واحدة شايله ليها كلب قال لي بتحبيهم؟
قلت ليه الكلاب؟ما شديد كدة
قال لي عندي واحد في البيت بس ما النوع البناتي دة
ضحكت قلت ليه هو في نوع بناتي ونوع اولادي؟قال لي المصطلحات دي بتطلقوها انتو طبعاً 😂💔
قال لي بيتي من هنا ،باااس وصلنا يا ستي شكراً
قلت ليه العفو
قال لي مفروض اقول ليك اتفضلي على البيت اشربي حاجه دافيه بما انه الشاي والقهوة بتاعتنا بردت بسسسسس خايف اتفهم غلط واتهرش ..
ضحكت قلت ليه لا شكراً بدون م اهرشك لاحظ
قال لي يلا في امان الله وخلي بالك وانتِ سايقة الجو ماطر
قلت ليه طيب
كان جدول مواعيدي في الصالة 3ايام في الإسبوع..
اليوم التاني ما مشيت واصلا الفترة دي مسكوني إشراف على الخدمات وإتطلبت مني مهام كتيرة مفروض اعملها خلال 3اسابيع ف كنت مضغوطة وما ملتزمة بالمشي للصالة ي دوب اخلص دوامي في الدار واللحق امشي المركز التجاري..
في يوم سياف رسل لي وقال لي إتجرستي من الرياضة شايفك..
رديت عليه تاني يوم ووضحت ليه اني مضغوطة شديد حتى مستر جو في زول غيري بوصلو الصالة
قال لي خير،لكن يوم ما تكوني جايه اديني خبر
قلت ليه طيب اتفقنا
بالفعل بعد كم يوم قررت امشي،وانا في الطريق قبل اصل رسلت ليه إني جايه الصاله اليوم ،
والجليد كان نازل عندنا بصورة مبالغة اليوم دة اشبه بالعاصفة الجليدية..
لما وصلت الصالة وانا برتب في نفسي جات واحدة سلمت علي وكانت بترجف من البرد مديت ليها الشاي بتاعي قلت ليها اتفضلي حيدفيك
قالت لي شكراً وقعدنا جنب بعض
قلت ليها المفروض نكون في بيوتنا الان
قالت لي مع كوب شاي دافي وشوكلاته وقليل من المكسرات والمعجنات
بقينا نعاين لبعض ونضحك قالت لي بس الجسم الرشيق والمثالي يستحق المعاناة دي
قلت ليها نوعا ما صح
قالت لي بس الأصح انه الانسان ما يحرم نفسه من شي وفتحت الشنطة من شي وفتحت شنطتها طلعت لي شوكلاته ادتني واحدة وهي واحدة..
قالت لي انا لورين
قلت ليها وانا شهد
قالت لي اتشرفت بمعرفتك ،جديدة هنا انتِ؟
قلت ليها جديدة ايوة
بدينا نتريض مع بعض...
بعد ما خلصنا ونحن طالعين لفت شعرها وشالت شنطتها ،
بقيت اعاين ليها قلت ليها حتطلعي كدة؟
قالت لي ايوة
قلت ليها ما حتلبسي؟
قالت لي انا ما محجبة بس مشتركة في قسم المحجبات عشان احس بالراحة اكتر
قلت ليها اوك انا اسفة افتكرتك محجبة
قالت لي لا،كانت لابسة سلسلة صليب طلعتها لي
قلت ليها فهمت اسفة مرة تانيه
قالت لي ما عليك اتشرفت بمعرفتك
اتصلت على سياف قال لي وصلتي؟
قلت ليه خلصت وطالعة حتى
قال لي طيب دقايق وجاي عليك..
وقفت في اتجاه الجزء المختلط من الصالة عيني وقعت عليه وهو بساعد واحدة في رفع الأثقال،على طول اتحركت من المكان وبرة الجو جليد
بعد دقايق جا طالع وشايل ليه كلب في يدو لونو ابيض شديد ورابط ليه سلسلة في رقبته..
سلم علي قلت ليه دة الكلب بتاعك؟
قال لي لا دة الكلب البناتي بتاعك انتِ..
قلت ليه ما جادي ،دة بتاعي؟
قال لي اتفضلي
كان لونه ابيض وشعرو كتير وحلو شديد
قال لي لقيته بالصدفة ف قلت اجيبو ليك م حتخافي معاه
قلت ليه دة حيحميني هسي ولا انا احميه؟
قال لي المهم نسوان مع بعض يا ستي 😂
قلت ليه طيب ونظامو كيف بياكل شنو وكدة
قال لي انا جايب ليك معاك اكله واحتياجاته ،بس حافظي عليه
قلت ليه طيب ماشي،شكراً شديد فرحتني بجد
قال لي ولو حصل ليه اي شي او لاحظتي فيه شي كدة ولا كدة اسأليني اديك رقم دكتور تتابعي معاه
قلت ليه ابوي كان دكتور بيطري كان بحب التخصص بتاع الbets Animals دة
إنبسطتة شديد بيها كان شكلها لطيف،وكنت محتاجة لوجود حيوان اليف معي في البيت
من جانب تاني ناس البيت كل شويه كانو بسألوني بديت اجهز للسفر ولا لسة ،عمتي سميرة كل م اتكلم معي تضغط علي وتقول لي ابوك دة عايز يشوفك تعالي بعد كدة كفاك عيشة براك
وامجد ما راضي خالص حكاية اني عايشة هناك براي من اساسه ورافض الفكره ومُصر اني ارجع..
إدارة الدار جابت لي منحة لماجستير العلاقات الدولية والدبلوماسية ودي كانت بالنسبة لي فرصة العمر..
ما كانت عندي مشكله في تقد?
🦋 صلوا علي الحبيب المصطفي صلي الله عليه وسلم
التعزيز قبل العقوبة...
قلت ليه كونك عايز تخلي حاجه عشاني دة براه سبب كافي يخليني ارفضك عارف ليه؟
لأنك م عايز تخلي الجانب دة عشان هو غلط،او عشان هو طريق حرام،او عشان معترف بذنبك ،السبب قابل للزوال وقابل لرجوعك للطريق دة...
مشكلتي معاك يا عمار انك قبلان تعيش في الحرام وتعيشني معاك وتعيش اولادك برضو فيه
مشكلتك إنك ما شايف نفسك غلط ولا حاسي بذرة ندم تجاه اي شي عملتو..
ما تتكلم لي عن موضوع اني ما قادرة اتجاوزك دة لأنك ما اديتني فرصة اشوف الجانب الكويس فيك اساساً،لما لما افكر فيك بتخيل قدر شنو في ناس أذيتهم،قدر شنو في ضحايا في الحياة دي بسببك،قدر شنو في ناس عانت وبتعاني بسببك ما بفكر فيك غير كدة
عموماً اتمنى تكون متذكر قلت شنو وانت بتستنجد بي واتمنى تكون قدر كلامك..
بقى يعاين لي
قلت ليه ما اعتقدر إنه عندك المقدرة دي..
قال لي هي جريمة واحدة او خطأ بدر من شخص واحد بس إتشاركنا في تغطيتو كلنا ،كلنا دي بقصد بيها اننا مجموعة ومن وقتها كل واحد فينا حياته إتغيرت 180درجة..
بقيت اعاين ليه
قال لي وانا مداوم في المستشفى إتصلت علي كوثر،إنت وين؟
قلت ليها انا في المستشفى
كانت خايفة ومتوترة وبتكورك إنه عندها مريضة في العيادة عمرها 16سنة وقعت من السلم وهم جايبنها المستشفى بس ما عايزة دكتور غيري يستلم الحالة
،قلت ليها مالها حاصل ليها شنو؟
قالت لي لما اصل المستشفى
وصلت المستشفى المفاجأة كانت إنه الحالة حالة إغتصاب،والطفلة ميتة اساساً وكان في كسر في الرقبة وفي السلسلة الفقرية..
القصة كلها إبتدت من هنا
كنا محاطين بقوة عسكرية
إتطلب مننا كلنا الوقفنا في الحالة إننا نقول كسر في الرقبة نتيجة سقوط وم نذكر اي تفصيل تاني ،تقريرنا في المستشفى وتقرير المشرحة وكله كان مزور،كل شي كان بخص موت الطفلة دي إتزور...
قلت ليه علاقتي شنو انا بالقصة دي بتحكيها لي ما فاهماك؟
سكت مسافة وقال لي: البت كانت إسمها شهد،مريضة بالتوحد،كوثر زوجة عثمان اخوي كانت متابعة حالتها في عيادتها...
بقيت اعاين ليه بصدمه كدة وانا مقلعة عيوني
قال لي من ضمن الأيام كوثر كانت عندها صيانه في جزءمن العيادة،والبت دي خالتها جابتها العيادة عشان المقابله وكدة حسب التفاصيل بتذكر انه امها كانت مسافرة برة البلد، خالتها إتقال ليها انه في اعمال صيانه في العيادة،وإنه إحتمال اليوم يكون off بكره حتكون الجلسة ، قالت عندها مشوار ضروري ما حتقدر تاخدها معاها فيه ،وإنه امها م حتصدقها لو قالت ليها الكلام دة وحتفتكرها بتتحجج وم مهتمة،عشان كدة جابتها العيادة اول وأصرت إنه تتعمل ليها الجلسة وهي حتمشي مشوارها وترجع تاخدها بعد تخلص..
كوثر وافقت بحكم انهم عندهم مواعيد والغلط بدأ من النقطة دي..
العيادة ما كان فيها غير كوثر وعثمان اخوي وعمال الصيانة،..
انا م متأكد لغاية اللحظة الجريمة دي إرتكبها منو بالضبط عمال الصيانه ولا غيرهم،ولا عندي تفاصيل دقيقة بس المتأكد منه إنه ملف القضية دي كلها ما كان فيهو شي سليم،حالة الإغتصاب ما تم ذكرها ولا بأي شكل كان،كل التقارير مزورة وملعوب فيها بشكل يدل على إنه الموضوع دة ابعد من مستوى النظر،وفي الأخير واحد من عمال الصيانة لبس القضية،بس كل الإتعمل دة ما اعتقد كان عشان واحد من عمال الصيانة...
قلت ليه البت المقصودة دي شهد اختي؟إنت قاصد شهد اختي برضو إنتو قتلتوها؟
نزل من سريره وجا عندي في الكنبة قال لي اقسم بالله يا شهد دة كان طرف الخيط لأحداث كتيره عرفتها بعدها...
بقيت اردد :كمان اختي انتو قتلتوها،كمان اختي إنتو قتلتوها...
لقيتو ماسك يدي وبقول لي شهد ،عايني لي
جريت يدي منه قال لي كان مغلوب على امرنا وكنا بننفذ الإتقال لينا بس،انا وقتها يا دوب كنت في بداية مشواري المهني،وعثمان اخوي من وقتها كانت يدو واصله...
عايز يقرب علي وقفت على حيلي قلت ليه ما تهبشني ولزيتو
خليتو لي شنو إنتو؟في شنو تاني ما اخدتوه مننا؟في شنو ما بقيتو سبب في إنه تاخدوه مننا ،سكتت مسافة وقلت ليه يعني خالتو كوثر في الأخير كمان هي..ما كملت كلامي ،قلت ليه حصل شنو تاني اسوأ من كدة؟
سكت
قال لي انا خليت السودان وكل حاجه وراي وجيت كملت هنا باقي دراستي..
قلت ليه قصدك تقول جيت هنا وإتحولت للأسوأ ووسعت نطاق غلطي..
قال لي الموضوع إنتهى على انه عامل الصيانه وهو شايل الطوب وطالع فوق في السلم وم كان شايفها وهي واقفة في الحافة ضربها بالغلط ف وقعت دة الاتسبب في كسر رقبتها ،يعني كان مندرج تحت قانون القتل الخطأ في كل الأحوال..
بقيت الم في حاجاتي
قال لي شهد
قلت ليه عمار انت كيف قدرت تعيش معي؟
عايز يمسكني
قلت ليه لو قربت علي او جيت وراي،او إتصلت علي مرة تانيه تأكد تماماً إني حأبلغ عنك..
وانا في الشارع طلعت تلفوني من الشنطة لقيت مكالمات كتيرة من ناس الدار ومن رفيدة ومن سياف..
ثواني ورسل لي اللوكيشن اخدته تاكسي...
كل دة وانا حاسه انه قلبي حيطلع من مكانه،بس انا مقررة إني أصل...
لما وصلت العنوان قبل ما انزل من التاكسي بقيت اعاين ليه من بعيد كأني م عايزة انزل ،اتذكرت الإتعمل فيني كله قبل كدة وحسيت إني حأعيشو تاني..
بتاع التاكسي كان منتظرني قال لي في مشكله ؟
ناداني ب سيدتي مرتين حتى انتبهت ليه ،قلت ليه اسفة طلعت ليه القروش ونزلت..
كنت ماشة على الباب ورجولي م شايلاني ما عارفة المنتظرني هنا شنو وتصرف شبه إنتحاري مني بس العارفاه إنه انا لو فضلت اخاف كدة عمري ما حأوصل ل شي..
وانا قدام باب الباب إتصلت عليه رد بعد اكتر من نص ساعة قلت ليه انا هنا،وصلت افتح الباب..
،قال لي مع المدخل تحت السجاد في مفتاح احتياط..
نزلت شلته وفتحت الباب،دخلت وانا مترددة بعد وصلت نص البيت
رجعت خطوتين ورا وانا خلاص اعصابي تلفت ،سمعت صوت جاي من فوق،.
بقيت ماشة خطوة خطوة ،طلعت الدرج وانا بنادي عمار..
عمار؟
إنت سامعني؟
وصلت الإتجاه الجاي منه الصوت ،لاحظت لباب غرفة فاتح، وقفت وانا مخلوعة،عمار كان واقع في الأرض وبزحف في الأرض وبلهث وجسمو معرق وبرجف..
قلت ليه عمار؟
دخلت عليه بتردد،كان برجف بصورة مبالغة وهو واقع في مكانه
قال لي شهد ،
جيتي يا شهد؟
حالتو كانت حالة يرثى لها،حتى اني ما عرفتو ،شعرو كتير ولحيتو غزيرة
قلت ليه عمار في شنو ؟انت كويس؟
قال لي غطيني يا شهد،غطيني حاسي نفسي في تلاجة
قلت ليه خلينا نمشي المستشفى طيب ،اطلب الاسعاف ولا اي حاجه عايزة اطلع تلفوني
قال لي لا،المستشفى لا،لو عايز امشي المستشفى ما كنت اتصلت عليك
وبقى بمشي يديه في راسو بطريقة مريبة كدة
وبرجع يمشها في جسمو وبقول لي ما تخليني براي بقتلوني الناس ديل،لو ما قتلتهم بقتلوني..
كنت مقلعة عيوني وبعاين ليه بخوف
قال لي غطيني ،في تلج في جسمي،دخلوني في تلاجة ،انا ما كويس،بقتلوني...الخ
سندتو وطلعت بيه السرير..
وغطيتو وهو لسة بقول لي غطيني ما قادر ،غطيني يا شهد وخليك جنبي،ما عندي غيرك انا ،مسكني من يدي قال لي امسكي لي يدي،قلت ليه عمار اسمع مني خلينا نمشي المستشفى...
قال لي لأ المستشفى لأ
انا مخلوعة ومتوترة من الحالة الهو فيها دي وم قادرة اعرف هو مالو بقيت اعاين حوالي ،في علب ادوية واشرطة حبوب واقعة...
قلت ليه عمار الحبوب دي شنو كلها؟إنت اخدتة كل الأدوية دي؟
ساعدني عشان اقدر اساعدك؟
وهو لسة بقول لي حيقتلوني ي شهد،غطيني وخليك جنبي،وبقى يهلوس بكلام كتير،بقيت افرك ليه في يديه وبقول ليه عاين لي هنا،حاول اهدأ ،جسمو كان تلج بس وفي جفاف مبالغ فيه حوالين خشمو ،اديته مويه ،وغطيته قلت ليهوحاول تهدأ حتبقى كويس ..
بقيت اشيل الأشرطة الواقعة في الارض واحاول اقراها
ما خطر على بالي الا دكتور دار الرعاية إتصلت عليه،
اول ما رد قلت ليه كيفك يا دكتور معاك شهد انا اسفة لاني بتصل كل المكالمات دي لكن عندي حاله ضرورية محتاجة مساعدتك
قال لي في زول من الدار حاصل ليه شي؟
قلت ليه لا بس انا عندي صديق وضعه حرج شويه وم عارفة كيف اقدر اساعده
قال لي بعاني من شنو اخدتيه الدكتور؟
قلت ليه هو رافض يمشي الدكتور
قال لي طيب هو بشكي من شنو؟كيف حأقدر اساعده كدة؟
قلت ليه هو ماخد كميه من الحبوب اصناف مختلفة ،أعتقد إنها عقاقير مهدأة شكلها مدياه مفعول عكسي هو حالياً بيرجف وبقول انه بردان مع وجود هلوسة وكلام غريب كدة بقول فيه ...
قال لي بتقدر تقري لي المكتوب في الحبوب دي او تصوريها لي ؟
صورت ليه الأشرطة ورسلتها
قال لي ما واضحة عندي شديد ،لقيت كرتونة واقعة قلت ليه دكتور دي كرتونة واقعة من ضمن الأدوية
قال لي فيها روشته او عليها كتابة؟
صورتها ورسلتها ليه..
قال لي يا إلهى..
قلت ليه في شنو ي دكتور؟
قال لي الحبوب دي خطرة جداً ،شنو ممكن يخلي زول طبيعي ياخدها هو شغال شنو وحصل عليها كيف؟وعمره كم اكيد صبي مراهق وطايش..
قلت ليه دي حبوب شنو يا دكتور وكيف ممكن اساعدة ؟
قال لي إسمها "الإكستاسي" داخل في تركيبها مادة إسمها ميثايب لنييريوكس وهي تعتبر اخطر عقاقير الهلوسة على الجهاز العصبي مع إستمرار اخدها بكميات كبيرة لفترة طويله،بس حسب كلامك إنه متناول كمية من الأدوية اغلبها قد تكون عقاقير هلوسة ...
قلت ليه طيب يا دكتور انا في الحالة دي مفروض اعمل شنو ؟
قال لي لازم تاخديه اقرب مستشفى عشان يعملو معاه اللازم
قلت ليه هو رافض المستشفى،قال لي عشان تقدري تساعديه لازم يوصل المستشفى إنتِ ما عارفة كميه الجرعات الهو ماخدها،
عاينت جنبي لقيت كم كبابة قهوة،
قلت اعمل ليه قهوة تاني يمكن تخفف،فكرت مسافة نزلت المطبخ قلت اجرب اعمل ليه قهوة،فتحت التلاجة وقفلتها،وقفت مسافة اتذكرت فتحت التلاجة مره تانيه من ضمن الفواكه الفيها قريب فروت طلعته وعملته عصير ،غالباً دي الحاجه الوحيدة الممكن تبطل مفعول الأدوية او جزء منها رغم اني م متأكدة من المعلومة دي بس سمعت عنها كتير قبل كدة،وم عارفة هو في الحالة دي عنده كم ساعة...
الغفير او زول شغال عندكم
لا يا باشا ما تحلف عربيتك تتصلح يعني تتصلح وانا حلفت خلاص الموضوع منتهي وبكره القريبة دي ان شاء الله وبدون نقاش..
امجد رجع البيت ومن الباب بنادي..
شادي،شادي
عمتو سمير:شادي في بيتو فوق في شنو بتكورك كدة من الباب؟
ماف شي يا عمتي ،مرتو واولادو معاه فوق؟
لالا مرتو مع رونق بهناك في بيتها
شهاب:دة مالو بنادي كدة؟
تعال انت زاتك عايزك قبل شادي ،انت عارف انه شادي دة بسكر ؟
اي عارف
عارف وساكت؟
اها يعني اسوي ليه شنو مثلاً راجل قدر الحيطة حُر يعمل العايزو ،اتكلمت معاه مره ما نفع خليتو على كدة اتكلم معاه اقول ليه شنو؟ او مطلوب مني شنو في الحالة دي برضو عايزين تختوها في رقبتي؟انتو اي واحد فيكم يمشي يعمل البطال وانا اكون المُلام على افعالو ؟انا اتحمل مسؤوليه البيت دة ولا بيتي ولا احل مشاكلكم ولا شنو ولا شنو ؟
اختك بدل اللف اللافاه هناك دة لو جات خدمت ابوها دة في باقي عمرو دة مش افضل ليها طالما ما نفعت في عرس؟
ودة جا الوقت كلو سكران ،انا ذنبي شنو ؟
شهاب حقيقي ماف شي يتقال ليك ،الله يعينك على نفسك بس ي اخوي ما عندي شي اقولو ليك غير كدة..
عمتو سميرة:في شنو يا اولاد هسي مالكم ؟
امجد إتخطاهو وقال ل عمتو سميرة:يا عمتي مرت شادي واولادو ديل لو جو م تخليهم يصلونا فوق تمام طلع ل شادي وهو بنادي عليه..
شادي،يا شادي
امجد اخوي ياخ جيتني عديل في بيتي اليوم؟
شادي تعال اقعد عايزك في كلمتين بس
خليني انادي المره دي تضيفك شي
لا خليك تعال بما انك واعي خلينا نتكلم شويه اخو ل اخو ،اقعد
خير ان شاء الله؟
شوف يا شادي انا ما عايز اعتب عليك ،ولا عايز افتح دفاتر قديمة عشان نتناقش فيها إنت وشهاب الاتنين كبار البيت في النهاية
حياتك وقلنا عايز تعيشها بطريقتك وبكيفك مافي مشكله ختينا ليك اعذار قلنا متعلق بأمي الله يرحمها ،قلنا متأثر بموتها ،قلنا حضر وعاش الحصل وشاف الشافو الليله ديك وقلنا وقلنا وقلنا...
،سافرته ولفيت عرستة بمزاجك وبدون علمنا وفاجأتنا بالحاجه دي وقلنا مالو حيتعلم المسؤوليه شويه على الأقل ،لكن حسب الانا شايفو يا شادي إنت يعني شنو مسؤوليه ما عارف ..
انا ما عايز اتكلم معاك بنبرة الوصي عليك او بنبرة تقلل منك
لكن اول هام نحن مما قمنا ابونا دة سجارة م شفناه ختاها في خشمو قدامنا الليله انت يا شادي بتجيب العرقي في نص البيت وبتشربه وبتسكر قدام ابوي،ابونا دة يطلع من الباب دة لغايه ما يصل مكان ماشي الناس دي بتتكلم معاه بكل احتراام إنت يا شادي تجي تسكر وتشاكل في البيت وتشاكل في الشارع وتفرج علينا أمة لا إله الا الله؟نحن عايشين عمرنا دة كله في المكان دة بإحترامنا وراسنا مرفوع
تاني هام:ما عندنا مره بضربوها في البيت دة ولا عندنا مرة بهينوها في البيت دة ،اي نعم مرتك واي شي ما قلنا شي بس ما ترفع يدك على مرة ،ما نفعت معاك رجعها اهلها على طول انا دة بتكفل اقطع ليها تذكره مع اولادها من هنا ل أثيوبيا واوصلها لغايه بيتهم معززة مكرمة بس اوعى تهين لينا مره في البيت دة
تالت هام يا شادي سكران رجلك ما تعتب مصطبة الباب دة عشان م ازعلك مني ونبرتي تتغير معاك واعمل الصح معاك..
رابع هام ودة الأهم يا نحن ابونا وامنا ديل الشي الوحيد الورثونا ليه رفعة الراس وسط المجتمع ،عمرهم ما اكلونا حرام ولا مدو يدهم على حق زول،لما اليوم جار يدق علينا الباب ويقول اخوكم سرقني ويكون فاكرك غفير ويعرف انك ولد البيت شينة ولا ما شينة؟
لما الجيران يشهدو على سرقتك لعربية الراجل شينة ولا ما شينة؟لما يسوقني يخليني اشوف ليك فيديو وانت بتسرق شينة ولا لأ؟
اولادك يقولو ليهم ابوكم حرامي يا شادي؟
من متين نحن بنسرق من متين بنمد يدنا على حق زول؟
الجابرك شنو؟بتسرق عشان تسكر؟
اشتغل زي الرجال سمح ان شاء الله ارفع طوب واسكر بحقك على الأقل ياخي ،ما خجلان تسرق جيرانك؟
الراجل دة لو كان عايز يعمل اجراء قانوني كنت قفلتك يا شادي في السجن لمن تعفن ،وهسي بقولها ليك سكران ما تصل البيت دة عشان حأجلدك واسجنك بنفسي ،سرقتة برضو ما تصل البيت دة عشان برضو حأسجنك،ناقصك شي او ناقص اولادك شي تعال قول لي انا اخوك ،شينة في حقك وفي حقنا تسرق وي ريت لو سرقة جبر ،بتسرق عشان تسكر ،وكان سرقت عشان اولادك كيف قادر تدخل على اولادك حق حرام ؟
عموماً انا العندي قلتو ليك و م عندي كلام بكررو مرتين خلي بالك..
......................................................
انا مرتاحة لأنه امجد موجود في البيت الان وحاكون مطمئنة على البيت بوجوده لأنه امجد الوحيد المن بين اخواني بقدر اقول عليه مسؤول في نفس الوقت ما مطمئنة عليه..
#ليله_في_ديسمبر_35
خوفي بقى م من فكرة وين امجد،خوفي من وجود امجد حالياً وإحتمالية إنه عم عثمان وعمار يرجعو يأذوه بشكل او بأخر ،ودة شي اكيد،وواضح من نبرة امجد انه عارف حاجه بس م قادرة اتوقع هل هو عارف هم شنو بشكل قاطع ولا لأ،وقبل ما استعجل واحكي ليه في حال رجع ضغط علي مره تانيه لازم احاول اعرف هو عارف شنو بالضبط..
................................
السلام عليكم ورحمة الله وبركاته
وعليكم السلام عم عثمان كيفك ياخي اتفضل زارتنا البركة والله
الحمدلله تمام والله يا شهاب يا إبني،وحمدلله على سلامة الشاب دة كمان،الف الحمدلله الربنا جمع بيهو والله مع الجري والمأموريات م عرفت إلا اليوم،وكنت برة البلد كم يوم كمان ان شاء الله هو بخير وسلامة بس؟
والله يا عم عثمان بألف صحة وعافية الحمدلله
وينو هو هسي كدة خلينا نشوفو ونتطمئن عليه ،
في غرفتو غالباً،دقايق بس اشوفو وين
اتفضل ادخل ،ابوي زاتو بشاهد في الأخبار في الصالون ادخل يا عم عثمان
كدة خليني اطل عليه طيب طولت منه انا زاتي..
عمو امجد،يا عمو امجد
اي نعم يا مِنة
بابا قال ليك عم عثمان دة جا يسلم عليك في الصالون بهناك
نعم؟
بابا قال ليك عم عثمان دة جا يسلم عليك ومستنيك في الصالون بهناك
طيب تعالي
رفيدة:امجد شايل منة وماشي وين بنجهز للغداء نحن ما تطلع بعيد
ماشي الصالون ما طالع مكان
اوووووووووووو الباشا امجد،حمدلله على السلامة ياخي حمدلله على السلامة يا ابني
قام عليه وعايز يحضنه امجد مد ليه يده وقال ليه:وعليكم السلام
عم عثمان بي تعابير وش متغيره وتردد سلم عليه ،وقال ليه الف سلامة عليك يا ابني قلقتنا عليك ،قلبنا الدنيا دي فوق تحت م لقينا ليك اثر،الفترة المضت دي كلها كانت عندي سفرات كدة على حدود اثيوبيا فجأة سمعت إنو الحمدلله ربنا جمع بيك الحاصل شنو يا ولدي احكي لي لا حول ولا قوة الا بالله ياخي،شهاب قال لي اتلقيت في ليبيا وجماعة تهريب الوداك هناك شنو يا ولدي وعلاقتك شنو بالناس ديل...
ما عندي علاقة بيهم لا من بعيد ولا من قريب، وحاجتين مفروض انت تكون متأكد منهم تماماً وانا واثق إنك متأكد منهم بس خليني اذكرك بيهم برضو علاقتي بالجماعة ديل،والكلام القالو اخوك عن اختي
اخوك لما اديناه ليها إتخطينا مسألة العمر،وإتخطينا مسألة البُعد ،وناسبناكم نسب مبني على الجيرة والعُشرة،لكن في الاول والأخير في حاجه فاتت علينا ودة غلطنا نحن بنعترف بيهو،وهو اننا نسينا او إتناسينا مسألة الأخلاقيات دي،ما اخدها من الشارع ،ولا لقاها لافة في مطار من المطارات ،اخدها من بيت رجال معززة مكرمة كان يعمل زي ما عملنا وقت سلمناها ليه ويجي يسلمنا بتنا في يدنا وكان قال والله قنعت ساي بدون سبب،ما نفعت معي،مليت،ما دايرها كنت إحترمته بدل القيل القالو عنها دة،ونحن غُلب كدة نهائي ما بتغلبنا ورجعتها حبابها عارف ليه؟شهد دي قبل اخوك كانت عمود البيت دة هو القايم عليها ما نحن الرجال ديل والان هي عايشة هناك براها متحملة مسؤوليه نفسها ومتحملة مسؤوليه البيت دة برضه وطلعتي من الحتة الكنت فيها ديك كانت بسببها تتوقع كلام اخوك ممكن ينطبق عليها؟
إنت عارف وانا عارف إنه دي ما الحقيقة بس يلا يا عم عثمان ما مهم هو قال شنو المهم نحن عارفين بتنا شنو..
عم عثمان :زعلان ومتضايق شديد يا ولدي لدرجة ابيت تقالدني،مهما حصل نحن اسرة واحدة م بفرزونا حتى سكان الحي ديل،ونحن اكيد ما بنقبل في شهد ،زي ما هي اختك هي بتنا واكتر ،بس برضو المشاكل بتتواجه بواقعية يا ولدي بدون ما نتحامل على طرف،والبني أدم خطاء،النفس البشرية ما ثابته البني ادم حتى نفسه ما بضمنها اليوم ممكن يكون شيخ بكره ممكن تلقاه سفيه والعكس يا ولدي،وانت رجل قانون يعني عارف..
عم عثمان الله دة شافوه بالعين ولا بالعقل؟
بالعقل يا ولدي
مافي حاجه اسمها زي بتنا ،لو بنسمي الأشياء بمسمياتها م بحصل كدة ،نحن لما اديناكم ليها عشان بكل غباء إعتبرناها زي بتكم عشان كدة بقول ليك دة غلطنا ،اما بالنسبة لنقطة النفس البشرية ما ثابته ليه ما يكون اخوك الهو فجأة اتحول من دكتور ل سفيه ؟
انا ما بضمن نفسي فعلاً بس بقدر اضمن شهد اختي دي وانا مغمض،زي ما قلت ما نتحامل على طرف لكن لغاية اللحظة ما سمعنا غير رواية اخوك القالها ،ما حتسمع من شهد لأنها ما بتقول لأنه دة الصح وهي دايماً صح ،اخوك إستعجل في إنه يلمع نفسه ويغلطها قدام الناس...
شهاب جا داخل وقال ليهم شنو يا جماعة واقفين من قبيل؟امجد معقولة عيب عليك
عم عثمان جلس ياخي ابوي وين ما لقيتو ولا شنو؟
عم عثمان:جيت داخل ما لقيتو هنا شكله في غرفتو
جات رفيدة داخلة وشايله عصير،سلمت عليهم وفضلتهم..
قال لي ممكن تدخلي الظرف دة الشنطة؟
قلت ليه انا ما حقبل إنك ترفض
قال جد عايزاني اندم وازعل يا شهد؟
قلت ليه سياف
قال لي انا اتفقت معاك على شي؟
هل انتِ طلبتي مني اسافر؟
هل وكلتيني إنتِ؟
قلت ليه لأ
قال بس إذاً انا ما عملت الحاجه دي بمقابل ولا عايز منها عائد مادي،إنتِ حكيتي لي قصة وانا سلفاً كنت مقرر اسافر إجازة لمدة شهر وم كنت محدد الوجهه وين بعد ما حكيتي لي قررت اسافر وين وبالمرة اشوف الحاصل شنو مع اخوك دة بس دي كل الحكاية يا ستي وبعدين في حاجه تانيه انا قلت ليك إنتِ اختي صح؟ والواحد ما متعود يشوف اخواتو مهمومات لأنها ما بتليق بيهم زاتها، الهموم دي نشيلها نحن ما إنتو يا بت الحلال،المهم والأهم امجد حالياً وسط بيتكم ومع اهلك وإتطمنتي عليه الباقي ما مهم والف الحمدلله على سلامتة مرة تانيه،والظرف رجعيه الشنطة عشان ما اتضايق منك اكتر وسلمي لي على امجد لما يتصل عليك إتفقنا؟...♥️🌻
ما سألتو علي عايشة ولا حاصل لي قدر ربنا 😒
حاصل شنو معاك؟طارق حكى لي مواضيع كدة بس ما اداني تفاصيل،بالي ما مشغول إلا عليك إنتِ وابوي ،ابوي كيف كويس؟..
قلت ليه امجد حالياً المهم انت طلعت،لما ترجع البيت وتروق شويه وتبقى كويس بكلمك بأي شي تمام؟هسي بس الحمدلله على سلامتك،وابوي كويس الحمدلله ما عنده عوجة
فجأة لقيت زول بقول لي استاذة شهد بما إنك إتطمنتي على سيادتو دة خلينا نكمل باقي الإجراءات عشان ناخده معانا
كان صوت سياف قلت ليه إجراءات شنو يعني ما طلع؟
قال لي طلع لعدم كفايه الأدلة ضده يا شهد،لكن عندنا إجراءات بنعمل فيها،نخلص منها ونرجع ليك
قلت ليه طيب تمام
قفلت اتصلت لرفيدة ما بترد رسلت ليها وقلت ليها امجد طلع الحمدلله يا رفيدة
إتصلت على الصحفي،قال لي الان كنت حأرسل ليك ابشرك البشارة السمحة دي
قلت ليه ما مصدقة والله يا استاذ لو ما سمعت صوتو وإتكلم معي انا ما كنت حأكون مصدقة
قال لي يا بتي الله يبشرك بالجنة يا رب،بعد ربنا طبعاً الفضل برجع للمحامي دة،ولد ضكران شديد ماشاءالله عليه ،ما قعد نهائي ولا اداهم فرصة ضغطهم من كل الإتجاها ل تاريخ دخولو ليبيا للمره الاولى جابو ليهم وقارنو ليهم مع تاريخ إعتقالهم ليه ،يعني الناس ديل اصلاً لقاهم معتقلنو بعد وصولو بيومين بس واضح إنه الحاجه دي كانت كيدية بس طبعاً ما براه في سودانين كتار وناس من جنسيات تانيه الان ما مدرجين في إحصائيات السجناء بصورة رسميه،والان الموضوع دة حيفتح ليهم باب طبعاً جديد طبعاً حتجيهم مطالبات بإطلاق صراح المعتقلين بصورة غير قانونية ديل دة غير الإنتهاكات الحاصلة جوة المعتقلات دي ف اخوك بقى ليهم سبب..
قلت ليه الحمدلله
رفيدة اول ما صحت إتصلت علي والبيت كان قايم وقاعد من فرحة سماعهم بالخبر دة،اتكلمت مع عمتو سميرة وبابا ،بعدها رفيدة قالت لي امي هسي جاية في الطريق ،واعمامك برضو جاين قالو
قلت ليها وناس امجد قالو ليكم اتحركو؟
قالت لي طارق قال لشهاب انهم اتحركو ايوا
قلت ليها شهاب؟يعني شهاب ما معاهم هناك ؟
قالت لي لأ ،طارق بس،
قلت ليها وشادي؟
سكتت
قلت ليها برضو ما مشى؟
سكتت
فهمت من سكاتها إنه ولا واحد فيهم كان معاه
قلت ليها طيب انسي
المهم هسي هم جاين قالو صح؟
قالت لي اي جاين حسب كلام طارق ،بس كانت المشكله في اوراق امجد وكدة وحلوها في السفارة السودانيه
قلت ليها طيب الحمدلله،
اول ما يوصلو كلميني لانو طارق رقمه م داخل معي
قالت لي حاضر
رجعت اشتغلت في المركز التجاري دوام مسائي عشان اقدر اسدد لسياف من مرتبي الباخده في الدار،وقروش الدوام المسائي اصرف منها نفسي ،وبالفعل قدمت لطلب المرتب المقدم عند الإدارة المالية للدار ووافقو لي عليه بس كنت منتظرة وصول سياف عشان اديه المبلغ الطلع لي والباقي بخليهم على دفعات
بعد 4يوم صحيت من النوم لقيت رفيدة مرسلة لي ؤسايل قالت لي يا شهد امجد وصل ،ناس امجد حاليا معانا في البيت ومرسلة لي صور وفيديوهات ليهم من لحظة وصولو وإستقبالهم ليهو ،ومرسلة لي صور للبيت كله حتى حتى صور شادي ومرتو واولادو..
قالت لي ناقصنا وجودك إنتِ بس معانا
قدر ما الله اداني قدرة بكيت وقتها ،كنت طالعة الدوام رجعت وقفلت بابي علي وبقيت اقلب في الصور وابكي لغاية ما نمت وانا حاضنة تلفوني ،
المساء اتصلت علي رفيدة،فتحت الخط قلت ليها رفيدة..
قال لي امجد معاك يا شهد ما رفيدة
قلت ليه حبيبي ♥️
قال لي اذا حبيبك حتسمعي كلامي وبعد 3يوم حتكوني هنا
قلت ليه انت مش مفروض حالياً تكون نايم ومرتاح من تعب السفر؟
قال لي انوم ؟نوم شنو البجيني وانا في وادي واختي في وادي وم عارف الحاصل عليها شنو؟
قلت ليه امجد عاين ما تشيلي هم بجد انا كويسة والله العظيم كويسة
قال لي إنت عايني ماف حاجه اسمها كويسة انا عايز اشوفك قدامي واتطمن عليك بنفسي،بعدين انا كل السمعتو دة ما اقنعني سواء من شهاب او طارق او غيره،وانا مقتنع تماماً إنه لا إنتِ بحصل منك كدة ولا الكلام المتقال عنك دة صح ،ما عايز اسمع من زول عايز اسمع منك إنتِ وما تخافي البتقوليه لي حأصدقه وانا مغمض الا البقول فيه شهاب دة ما حأصدقك فيه حتى لو قلتيه بعظمة لسانك ي شهد حأعتبرك مجنونه زي ما انا معتبر شهاب مجنون من لحظة ما قال القالو دة..
بكيت وانا بسمع في كلامه وم حبيت ابين ليه اني ببكي..
قال لي ما عايز اسمعك وانتِ بتبكي عايز اسمع منك الحقيقية،لأني حسب ما فهمت انه انتِ للان ما قلتي شي ولا سمعو منك إكتفو بسماع الحيوان داك،انا كلمتك ياةشهد وسألتك مليون مره الراجل دة عايزاهو ؟فكرتي فيه كويس؟ما كنت بسألك من فراغ ابداً ونظرتي ليهو اصلاً ما خابت لكن اصبري فضيت ليهم بعد كدة ..
قلت ليه فضيت ليهم دي يعني شنو؟
قلت ليه طيب هو قال ليك شنو؟حكى ليك صح؟فهمك إنه هو ما عمل كدة صح؟
قال لي شهد واحدة واحدة وخطوة خطوة،حالياً الحمدلله قدرت اشوفو وإتطمنتي عليه،حاولي تكتفي ب دة هسي انا عشان عارفك حتكوني قلقانه شحنت التلفون وزي ما اتوقعت لقيتك صاحية ف حبيت ابشرك ،وإن شاءالله البشارات الباقيخ بتجي
قلت ليه الله يبشرك بالجنة يا سياف ياخي،بالجد ما عارف إنت عملت معي شنو،وما عارفة اشكرك كيف..
قال لي ما عملت شي انا لاحظي
قلت ليه يكفي جداً إنك قدرت تطمني عليه في الوقت الماف قدر يصل ليه
قال لي الزمن عندكم متأخر،حاولي تنومي
قلت ليه حاضر،حتقابله متين تاني؟سلم لي عليه،كلمه إني كويسة،وإني مستنيه اسمع صوته و يطمني عليه بنفسه،وانه ما يشيل همي بس خليه يخلي باله من نفسه ،قول ليه شهد قالت ليك ما عندها غيرك وإنها محتاجاك شديد طيب
قال لي حاضر،حاوصل ليه كلامك دة بإذن الله تعالى وانتي ما تشيلي هم صدقيني ما براه ،في ناس كتار هنا اتعرفت عليهم موجودين عشانه الان وإن شاءالله ما حنرجع بلاه صدقيني
قفلت منه وشويه حسيت براحه كإنه في حمل تقيل على قلبي شايلاه وخف،حسيت اني عايزة اتنفس فتحت الشباك اخدتة نفس لاحظت لزول واقف بتكلم بالتلفون قفلت الشباك ونزلته الستارة ووقفت اعاين بقزازة الشباك لقيته إتحرك،رجعت حاولت اتصل في رقم العميل لقيته مقفول،اتصلت في رقم جينيفر م بترد لأنو الوقت متأخر..
ما بقدر اتصل على الشرطة لأنه ماف اي تعدي واضح علي ويمكن يعتبروها تهيؤهات مني لكن اكيد كاميرات المراقبة مسجلة كل شي..
...................................
امجد،كيفك اليوم؟
الحمدلله يا استاذ تمام التمام
الحمدلله
في زولة بهمها امرك طلبت مني اطمنك عليها،بتقول ليك انها بخير وسلامة ،كل العايزاه منك إنه تخلي بالك عشان هي ما عندها غيرك،بتكون عرفتها اكيد،امبارح سألتني انا جاي من طرف منو وإتهجمت علي ظناً منك إنه انا جاي عشان اكون ضدك م عليك وكمان اليوم عرفت انك في البداية رفضته زيارتي ،صدقني انا هنا عشانك
عشانك دي زاتها عندها معنى قريب ومعنى بعيد اي واحد فيهم انت بتقصد؟عشانك المعناها عشان اغطس حجرك ؟
انا جاييك من طرف شهد اختك،تصدق او لا دي الحقيقة الرفضته تسمعها امبارح وانا ما جاي اكررها اليوم عشان اذكرك بيها انا جاي أأكد عليك إني محاميك الان ،اتمنى تتعاون معي عشان اقدر اطلعك من المكان دة،
لحظة صمت
شوف انا عارف المريت بيه،واتحكى لي عن حجم معاناتك ،بس كمان حتقعد هنا العمر كله؟
اكيد لأ طبعاً صح ؟
طيب إنت حتطلعني انا بس والموضوع بالنسبة ليك حينتهي على كدة،لكن عايز اقول لي نحن ما ديل بس الفي سجن دة،دة سجن قانوني بس الوصول ليه متدرج،في غيري كتار وانا كنت من ضمنهم محتجزين في مرافق غير قانونية وبدون محاكمات إنت فاهمني؟دة غير إنهم في المرافق ديك بواجهو اشد انواع التعذيب انا كنت من ضمنهم حتى شوف دة شكل بطني افتح ليك ضهري تشوف اكتر؟
ديل حنساعدهم في إنه يطلعو وحنتبنى قضيتهم،بس انت كمان ساعدني في تبني قضيتك الأول واسمح لي اطلعك من هنا خليك متعاون عشان تقدر تساعد الباقين،قعادك هنا ما حيفيدهم،السلطات رافضة التدخل بخصوص موضوعك خلي بالك..
عايزك تديني تفاصيل إنت كنت وين؟والرواية الصح شنو بالنسبة للتهمة الموجهه ليك دي؟
سكاتك ما حيفيد صدقني ،وانا والله ما جاي من امريكا لي هنا عشان إنت تسكت،عندك اختك بتعاني جداً هناك من خوفها عليك وقلة حيلتها ،لو ما عشان نفسك عشانها حاول تطلع من هنا..
انا كُنت مع جماعة مُهربة وإتقبض عليهم شكلو كان معمول ليهم كمين،لحظة ما قبضونا المُهربين الأساساً انا ما بعرفهم ولا شفت اشكالهم قبل كدة قالو دة المسؤول من العملية،الكلام دة قبل سنة وشوية ،كل دة انا كنت في سجن غير قانوني وبطريقة غير قانونية بدون محاكمة وبدون اي إجراءات قانونية،ما عارف الحصل شنو فجأة نقلوني من هناك ل هنا وإتسجلت قضيتي على إني مُهرب
ولبست التهمة
بس دة الحصل
وإنت عارف لبستها ليه ولا لأ؟
ما دة المجنني إني لأ ما عارف،وحتى ما عارف ليه هم عملو كدة وقالو انا المسؤول من التهريب...
طيب يا امجد انا عندي سؤال ما لاقي ليه إجابة ،إنت كنت معاهم بتعمل شنو بالجد ما تحاول تقنعني إنك كنت مُهاجر
سكت وهو بعاين لي
قلت ليه ما عايزك تكون إنفعالي في ردات فعلك حتى لو أُستفزيت لأنو هنا ما ينفع،عايزك تتغابى للأخر،وتبرد اعصابك وتجاوب على اي سؤال عشان اكون على علم بكل شي وم يستخدم ضدك
حنستخدم العلامات الفي جسمك دي ك دليل على سؤ المعامله داخل المرافق الحكومية غير القانونيهة بتاعتهم،ما في قضيتك بس حنستخدمها عشان نطلع بيها الباقين..
الحاجة التانيه عايزك في المحكمة تقول إنك كنت ضمن المهاجرين المهربين فقط وما ليك علاقة بالمسؤولين عن التهريب ،إنت زيك زي الباقين وما بتعرف اي تفاصيل عن القالوه عنك،وإنه الحاجه دي مدبر ليس إلا
#ليله_في_ديسمبر_34
سياف إنت جادي؟
دقايق
إتصل علي مكالمة ،
فتحت الخط قلت ليه إنت وين؟
قال لي ماشي على ليبيا بالخلا مش في السودان عندنا حتة بالإسم دة 😂💔
قلت ليه سياف دة بجد؟
قال لي يا بت الحلال صلاتك على النبي؟
قلت ليه الف على الحبيب
قال لي صاحبي القلت ليك عليه لقيت ابوه عيان وفي الأردن حالياً بتعالج هناك،وصراحة انا هناك ما حأقدر اقدم اي نوع من المساعدة عشان كدة لازم اصلو وادرس حيثيات القضية وافهم منه مباشرة وان شاء الله ما يحصل إلا كله خير
سكتت وانا بحاول اوقف دموعي
قال لي الو ؟
قلت ليه يعني ما عارفة اقول ليك شنو،اخر حاجة اتوقعت زول ممكن يعملها و...
قاطعني وقال لي دعواتك بس ،وبعدين نحن دمنا دة غالي ما بنخليهو ورانا كدة ابداً مهما حصل ،إتواصلت مع مسؤول في السفارة السودانية قبل ما اتحرك وإن شاءالله اول ما اصل حأمشي اقابله اولاً وافهم عدم تدخل السلطات بالخصوص دة شنو،وإنتي كدة كدة عندك علي إعتذار ما قدمتو بالشكل الصح ف الخطوة دي إعتبريها إعتذار مني ليك ،اول ما نصل واصل لي اخوك بتواصل معاك واخليك تطمني عليه إن شاء الله
قلت ليه إن شاء الله شكراً بالجد يا سياف ،حقيقي كلمة شكراً قليله
قال لي داخلين على مكان ما فيهو شبكة يلا في امان الله
من فترة ما حسيت بشويه راحة زي الحسيتها بعد المكالمة دي زي الزول الكان جاري مسافة طويله ووقف إتنهد..
.............................................
طارق انت مش وعدتني؟مش قلت لي مسافر السودان بس وجاي راجع البسفرك ليبيا شنو؟عشان تسوي شنو وعشان تقدم شنو وتساعد بشنو يعني ما فاهماك ؟
زول شغال تهريب عديل وهو ضابط يعني كدة كدة في كل الأحوال طالع منها،ما تتعب روحك ساي ،وانا حامل والدكتور كلمك انه حملي دة صعب يستمر ومفروض تبعدني من كل الاجواء دي لكن ضروري توترني وتنرفزني حتى ترتاح ،مش كفايه اني اتجاوزت حكاية انك سافرت بدون ما انا اعرف؟مش كفاية إتفاجأته بيك بي وإنت مسافر؟
حألقاك متين انا لو ما لقيتك في الفترة الزفت الأنا فيها؟
يعني عندك ديل ومشاكلهم الما بتنتهي دي اهم مني انا؟
انا تعبانه جداً يا طارق وإنت عارف كدة بس بتتعمد تضايقني م كنا كويسين قبل كم شهر اول م خلاص شهد ظهرت قمت لحركاتك...
سندس الله يهديك امشي اخدي ادويتك تمام وارتاحي نومي الزمن متأخر
ما تقول لي الكلام دة كأني شافعة انا اعصابي تالفة ما عايزة ادوية ولا زفت انا عايزاك انت
اذا عايزاني م اتكلم معاك كانك شافعة معناها بطلي امور الشفع البتسوي فيها دي،يا زولة اخوي في مِحنة اخليهو عشان اقعد احرسك؟
دة كلامك يا طارق؟
واخر كلام ،طالما ما ناقصك شي ما تتجنني فيني،انا م جاي هنا اللعب،ما ممكن تتصلي علي في راس كل ثانيه تسأليني راجع متين عايزة مني شنو؟لما الموضوع دة يخلص على خير انا برجع تمام؟
ناقصكم شي حاصله ليكم اي حاجه اكتبيها لي في الواتساب شي مهم شديد اتصلي غير كدة لا الفيني مكفيني وزيادة يلا سلام.
سندس وهي بتبكي:شايفة يا عمتي شايفة تصرفاتو معي؟شايفاه بتكلم كيف؟انا بجد تعبت منو تعبت خلاص ولا براعي لوضعي ولا حالتي عندو مشاكل الناس دي كلهم اهم،انا دايماً اخر همو،دايماً انا ما من اولوياتو رغم اي شي بعملو عشانو،اعمل شنو انا اتطلق منه وارتاح؟ما ممكن كل يوم باكيه بسببه اعيش عمري دة كلو وانا ببكي يعني ولا شنو؟😭💔
يا بتي قولي بسم الله ،هسي في شنو اللعني الشيطان الببكي شنو ؟طارق دة جديد عليك؟ما هو من زمان دة حالو بالذات مع اولاد خالتو ديل ،تتعودي بس وتصبري لغاية ما يرجع برواقة كدة تجهزي نفسك وتتكلمي معاه براحة وتطلبي العايزاه ،لكن بإسلوبك دة ما بتلقي منه غير الشكل والجوطة،الرجال ديل زي الأطفال بالسياسة بمشو
لكن يا عمتو انا اقعد اسايس فيه كدة لمتين؟لمتين بس؟
عندك خيار تاني غير كدة؟فكرتي بعد الطلاق تعملي شنو؟اقعدي اتعاوري وإتشاكلي معاه كدة لمن تلقيه عاين بره
هسي هو مقصر؟ما مقصر في العين لبره وتلفونو يشهد على كدة وياما قبضتو كل مره عذر جديد،انا عمري م لاقاني راجل متزوج بصاحب بنات زي ما بعمل ولدك دة ،بيتعمد يعمل كدة انا متأكدة إنه بتعمد يعمل كدة
من نقتك وكلامك الكتير دة لازم يعاندك ويعمل عكس العايزاه ويعاين بره ،البيوتدي كلها دة حالها ودي مشاكلها انتِ البتختاري كيف تتعاملي معاها وبطريقتك دي ما بتتمو سنتين مع بعض اسكعي كلامي دة كويس
لحظة صمت
قومي اخدي ادويتك وكان قدرتي تجهزي الغداء جهزيه خلاص لأني جعانه وعايزة ابلع حبة السكري دي
..............................
في محادثة ما..
إنت ناسي إنه الشغلة دي السبب في بدايتها كان إنت؟ناسي إنه إنت الفتحت بابها وإنت الأقنعتني بيها؟الان جاي تعمل لي فيها الشريف الرضي الخايف الله وترمي اللوم علي ؟كان للتورط في تجارة الأعضاء او التهريب كلها كانت افكارك ،وكان للقتل والتصفية دة كان طلبك إنت ،خطة شراء البيت دة وجوار الناس ديل كانت طلبك إنت ،خطة الدخلة للناس دي ومراقبتهم ومتابعة تحركاتهم كانت فكرتك إنت ،وفي
قلت ليه حاضر
رسلتو ليه
قال لي اوصلك الدار؟
قلت ليه لا انا حامشي البيت
قال لي متأكدة البيت؟
قلت ليه نوعاً ما اي
أجر لي تاكسي ودفع حقه وقال لي بينا تواصل يا ستي ،وانا في الطريق غيرت راي وقررت امشي الدار،من ضمن الأيام لقيت ناس الدار متجمعين
كنت لابسة شبشب بيت وحالتي سيئة جداً
مستر جو قال لي شهد صباح الخير تعالي إنضمي للقعدة معانا هسي كنا بنتكلم عنك
السيدة كاثرين من ضمن الأيام كانت قاعدة معاهم
قلت ليهم صباح النور، ليله امس كانت سيئة جداً بالنسبة لي لأني جوني حراميه وإتجبرت استنجد بالشرطة وقضيت ليلتي في الشارع..
بقو يسالوني عن الحصل معي حكيت ليهم وقلت ليهم انا سكنت هنا جديد وإخترت المنطقة واجرت البيت مفروش وبسار غالي عشان المكتب العقاري اكد لي انها منطقة امنه وإلا ما سكنت لأنو تكلفته غاليه جداً وفرشة مناسب جداً ما إحتجت اجيب معي شي غير شنطة ملابسي ،ما كانت عندي اي إضافات فيه
مستر جو قال لي انتِ ليه تسكني برة وبتكاليف باهظة وإنتِ عندك غرفة كامله هنا مهيأة بكل إحتياجاتك ،بطلي جحود واسكني معانا في الدار أمن جداً ليك
قلت ليه اليومين دي حأستقر هنا لغايه م اشوف الشرطة حتقول شنو وححاول اركب لي نظام حمايه في البيت
قالو لي سلامتك بتهمنا كلنا وبقو يقنعو فيني إني استقر في الدار
طلعت غرفتي وانا حاسة إني قدرت اوصل المعلومة للسيدة كاثرين بالطريقة القالها لي العميل
بعد مرور 4يوم ،مستر جو كان عنده فحوصات كنا بنمشي نعملها بشكل يومي ،وانا ما إتواصلت مع سياف تاني ولا هو إتواصل معي،والصحفي قال لي السلطات ما عايزة تتحرك يا شهد،رغم مطالبتنا بكدة وطرحنا للقضية في الصحف اليوميه عن إنه مصير مجهول منتظره في حال عدم تدخلهم
قلت ليه ما حيتدخلو 💔
بعد اخر مكالمه لي مع الصحفي لقيتني بتكلم مع نفسي وبقول:حأفضل اتهرب من مخاوفي كدة لمتين؟
اخدت تاكسي ومشيت المطار قطعت تذكرة لنيويورك بدون تردد،م عارفة الزمن مشى سريع كدة كيف لما وصلت واخدته تاكسي من المطار للمستشفى الشغال فيها عمار ،مشيت لموظفة الإستقبال بتاعة مكتبه قلت ليها مستر عمار موجود اليوم او مداوم ؟
قالت لي عندك حجز مسبق معاه اليوم؟
قلت ليها انا زوجته
قامت على حيلها ورحبت بي وقالت لي اتفضلي هو في عمليه حيطلع بعد
بعد ربع ساعه ،دخلتني مكتبه وجابت لي مويه وعصير
كنت قاعدة ما حاسة بتوتر ولا خوف ولا اي شي من الحاجات دي الكنت بحسها بمجرد م اتذكر إسمه ،بقيت لافه في مكتبه وبقلب فيه ،
كان في مكتبه لوح مكتوب عليه رئيس الأطباء،
إتفاجأت ب إنه خاتي صورتي لسة في مكتبة،فجأة الباب فتح جا داخل بإندفاع ووراه السكرتيرة..
لما شافني إتفاجأ وانا من الخلعة وقفت على حيلي
قال لي بإستغراب شهد؟
السكرتيرة قالت لي مستر..
قال ليها اوك اطلعي واقفلي وراك الباب
جا قريب علي و قال لي كويسة إنتِ؟جيتي متين هنا؟عايز يحضني رجعت لي ورا،قلت ليه لقيت نفسي ما قادرة اتذكر رقمك ف جيت اشوفك وش ل وش،الحاجه الوحيدة الإتمسحت من ذاكرتي رقمك..
قال لي كتر خير السبب الخلاني اشوفك دة..
قلت ليه انا هنا عشان اقول ليك الان ما بيعنيني إنت شغال شنو ولا بتعمل في شنو ،ولا بتهمني جوانب حياتك الكويسة والكعبة ،كل العايزاه منك تبعد اخوك من اخوي امجد ومن اهلي ككل
قال لي في شنو يا شهد ؟
قلت ليه ما تتغابى يا عمار إنت عارف وانا عارفة إنه امجد التهمة الموجهه ليه دي كلها كذب وعشان هو عرف إنتو بتعملو في شنو لبستوها ليه زي ما عملت معي انا بالضبط واسوأ كمان
قال لي شهد تهمة شنو وامجد مالو ما فاهمك انا؟
طلعت تلفوني ووريتو الفيديو..
قلت ليه عايزين مننا شنو انتو بالضبط؟ما ممكن تكونو بالسؤ دة ؟
ما إكتفيتو بأذيتي واذيه اهلي لسة ؟هو يعني اليده واصله بمارس جبروتو وبوزع سِمه ومرضه على خلق الله كدة؟نفسي افهم ليه؟ليه دة كلو بالجد يعني ؟حأحترمك جداً لو جاوبت على سؤالي دة
قال لي شهد تاكدي تماماً إني شاهد الله ما عندي اي خلفية عن الموضوع دة ولا سمعت بيه
قلت ليه كذاب يا عمار إنت كذاب،ما تحلف بي الله عشان هو ما اخوك عشان تحلف بيه كدة
عايز تمسكني من يدي البتوجعني ف رميت اخوي صح كدة؟
قال لي بحاول اتجاوز كل البتقولي فيه دة واعذرك بس انا حقيقي ما عندي تفاصيل عن كل البتقولي فيه دة،ويدك دي يوم م ارجع امسكها ي شهد م بمسكها عشان توجعك ابداً لكن حأعمل كل البطلع بيدي عشان افهم في شنو بالضبط واحلو
قلت ليه ما مطلوب منكم غير تخلونا في حالنا يا عمار ،غالي شديد الطلب دة؟خلونا في حالنا إنت واخوك وبس..
قال لي يمكن ما تصدقي بس اخوي انا عندي سنة قاطع تواصلي معاه تماماً،ويمكن دة سبب عدم معرفتي انتِ بتتكلمي عن شنو بالضبط...
كانت جايه معاهم السيدة كاثرين
قلت ليه احلى سبرايز في حياتي
قال لي حتفضلي ممتنة لي طول حياتك لأنه ماف زول عملها غيري قبل كدة واقنع السيدة كاثرين بحاجه
كانو 7اشخاص بالمشرفة ،رحبت بيهم وفضلتهم
المشرفة قالت لي بيتك لطيف ودافي ومريح جداً ما متكلف
قلت ليها ايوا صغير على قدري كدة إتفضلو 😂♥️🌻
جبت ليهم الضيافة ،دخلت المطبخ اجهز سفرة الغداء جاتني السيدة كاثرين،عملت لي حركات بيدها نظام انها حابة تساعدني..
قلت ليها شكراً ل لطفك يكفي جداً تلبيتك لعزيمتي
قالت لي لا ،قلت ليها طيب اتفضلي بس الصحون ختيهم على السُفرة
اخدتهم وجهزت معي السُفرة وبدينا ناكل ،كنت بعاين ليها وبعاين للوحة لأنها واجهه ومنتظرة اشوف تعابير وشها شنو لكن لغايه م خلصنا اكل واليوم إنتهى وهم طلعو كانت عادية م شفت منها اي تعابير بتوحي بي شي ابداً استغربت قلت ي ربي ما شافتها ،مستحيل تكون ما شافتها لأنهم اتكلمو عن كل تفاصيل بيتي..
رسلت لعميل الFbi قلت ليه اليوم دعيت السيدة كاثرين ومجموعة من المسنين عندي وعملت زي ما قلت بالضبط ،هي لبت دعوتي وجات بس مافي شي يتقال عليه،ما شفت شي في تعابير وشها او كدة خالص..
الزمن كان متأخر وي دوب خلصت من نضافة بيتي وجيت اخد راحتي لقيت التلفون الخاص بالعميل بتصل،اول ما فتحت الخط قال لي اذا إنتِ في البيت لازم تطلعي حالياً
قلت ليه ما فهمتك؟
قال لي لازم تطلعي الان مافي وقت للشرح
قلت ليه امشي وين؟
قال لي اوك ما تطلعي،بس عايز منك تنفذي كلامي إذا حسيتي بأي حركة مريبه او جرس الباب بتاعك دق ما تفتحي الباب،لازم تخطري الشرطة على الفور
قلت ليه في شنو؟
قال لي بس نفذي البقولو ليك ،وكلميني بكل البحصل معاك،في كاميرات مراقبة مركبة حوالين بيتك؟
قلت ليه ايوا في
قال لي اوك،ما تخافي امني ابوابك كويس إذا حسيتي بأي حركة مُريبة ،كل العليك تتصلي بالشرطة تمام؟
قلت ليه تمام
ما قدرت انوم بقيت قاعدة في الهول وبعاين حوالين البيت ،وبالفعل جاتني غفوة شويه كدة صحيت بصوت بحركة في بابي،ما صوت دق،حركة ناس بتحاول تفتحه،من الخلعة والخوفة اتصلت على الشرطة على طول وبلغت عن انه في حركة مريبة حوالين بيتي وطلبت المساعدة ورسلت اللوكيشن ..
دخلت غرفتي وقفلتها علي وانا حاسه بنفسي حأهبط من الخوف بس دة ما وقت هبوط
دقايق والشرطة جات،لما إتأكدته انهم فعلاً جو طلعت راجعو كاميرات المراقبة فعلاً كان في 3لابسين اسود وملثمين كانو بحاولو يفتحو الباب وفجأة ققرو يتراجعو والعربيه الركبوها بدون لوحات اصلاً
كنت ببكي من الخوف ،بعد ما الشرطة اخدت اقوالي قالو لي هم في الأغلب حرامية،حنتابع الموضوع ونلغي القبض عليهم ،اقفلي ابوابك كويس واذا حسيتي بأي حركة مره تانيه اتصلي علينا ،انا عارفة انه هم ما حراميه ،بعد ما مشو لقيت نفسي ما قادرة اقعد في البيت خالص
لبست بسرعة وطلعت وانا بتلفت،اتصل علي العميل،قلت ليه انا في الطريق،ما حأقدر اقعد في البيت بعد كدة
قال لي حصل شنو؟
حكيت ليه بالتفصيل
قال لي إستجابت اخيراً ووقعت في الفخ
قلت ليه شنو ما فاهمة؟
قال لي السيدة كاثرين هي ما زي ما هي بتدعي،هي بتمثل بس ببراعة،هي ضمن العائلة..
قلت ليه ممكن تشرح لي واحدة واحدة،اي عائلة؟بتتكلم عن شنو انت؟
قال لي الرسمة الفي اللوحة هي علامة او رمز لعصابة مافيا ماكسيكية مقرها الرئيسي امريكا إسمها "لا إيميه"
العلامه دي هي رمز متداول بس فيما بينهم اي زول ما ضمن العائلة دي لو شافو في اي مكان م بعرفو زيك مثلاً،ولما شافتها في بيتك معناها واحد من اتنين يا إما انتِ من ضمنهم او إنتِ عميل فدرالي و بتشكلي خطر عليهم
قلت ليه شنوو؟معناها كدة انا في خطر خلاص؟
قال لي لا إنتِ ما في خطر لأنو حتوضحي ليها بطريقة ما إنك مستأجرة جديد والبيت دة اجرتيه مفروش زي ما هو بدون ما تضيفي ليه اي شي،واليومين دي خليك في الدار ما ترجعي البيت ،مهم جداً تقتنع بفكره إنك ما عندك خلفيه عن محتوى اللوحة دي
قلت ليه يعني الان السيدة كاثرين ما ضحية؟
قال لي هي الان المحرك الأساسي للمافيا دي من داخل الدار وبعيدة عن الأنظار بسبب وضعها البتدعيه وبعيدة عن الشكوك برضو،هي بتعمل بأمان تام داخل الدار،المعروف عن العصابة دي انه هي كدة يا بتعمل داخل السجون او داخل المرافق العامة سواء دور إيواء ،ملاجئ وغيره،في كل ولايه وعلى راس كل مقاطعة عندهم نشاط ومدير يترأس النشاط
فجأة إتذكرت اللغة الإيميل الجا لي عمار كان باللغة المكسيكية..
بقى يتكلم وانا سرحانه
فجأة قلت ليه هم شركاء..
قال لي منو؟
قلت ليه طليقي والسيدة كاثرين ،شركاء مع بعض،هي ما ضحيته هي شريكته في الخفاء..
قال لي خليني انبهك على إنه محتاجين نثبت دة بالدلائل
https://www.facebook.com/groups/569441969843644/?ref=share_group_link
Читать полностью…
https://www.facebook.com/groups/569441969843644/?ref=share_group_link
Читать полностью…
قلت ليه طيب إتفضل
قال لي ما حتنزلي تهنيه ؟
قلت ليه انا حأرجع ليك بعد تخلص ،بالتوفيق ليه
قال لي ما حأخد اكتر من نص ساعة بإمكانك تنزلي معي او تنتظريني
قلت ليه حأرجع ليك بعد نص ساعة لأني حأخد قهوة من كافيه قدام شويه م بعيد في اخر الشارع هو
قال لي تمام
مشيت اخدته القهوة،وقعدته في المقهى برة ومسكت تلفوني،فجأة إتصل علي الصحفي،اول م فتحت الخط قال لي يا بتي وين إنتِ؟
قلت ليه موجودة
قال لي قصدي وين مداومةفي الشغل ؟
قلت ليه لأ مافي الشغل في شنو؟
قال لي في البيت اذاً ،لازم تشوفي دة
قلت ليه شنو؟
قال لي افتحي المحادثة ،رسل لي فيديو
الفيديو كان مقطع لنشرة اخبار المذيعة بتقول فيه"
"أعلنت السلطات الليبية عن اعتقال متهمين بتهريب المهاجرين عبر الحدود الليبيه ،كما اعلنت انه على رأس المتهمين نظامي سوداني الجنسيه ، حيث يواجه المتهمين تهمة متعلقة بالإتجار بالبشر والتعذيب والابتزاز والقتل. كما كانت السلطات قد أوقفت 53 مهاجرا من جنسيات مختلفة قبل أشهر أثناء محاولتهم العبور إلى أوروبا، ورحلتهم إلى بلادهم الشهر الماضي.
في بيان صادر عن مكتب المدعي العام الليبي، تم الإعلان عن اعتقال مجموعة من المتهمين والمشتبه بهم بتهمة تهريب البشر واعتقال وتعذيب مهاجرين من أجل الحصول على فدية من عائلاتهم.
وأورد بيان المدعي العام أن المشتبه بهم سيواجهون أيضا تهماً تتعلق بالإتجار بالبشر.
وأعلنت النيابة العامة الليبية عن الإبقاء على المتهم السوداني الأصل المعروف باسم امجد عبدالله" رهن الاعتقال إلى حين التواصل مع السلطات السودانيه، كما أنها أصدرت أوامر بحث وتحر بحق آخرين لم يتم ذكر أسمائهم.
وأرفق مكتب المدعي العام البيان بصور تظهر أشخاصا نصف عراة وأيديهم مكبلة خلف ظهورهم، وثلاثة ملثمين يقومون بضربهم وتعذيبهم.
حسيت يدي ميته م قادرة امسك التلفون
إتصل علي
اول ما فتحت الخط قلت ليه دة شنو يا استاذ؟
امجد م بعمل كدة مستحيل ؟
قال لي عايزك تهدي ،ماف شي واضح
قلت ليه ي استاذ امجد اخوي انا بعرفه اكتر من نفسي وحافظاه اكتر من إسمي مستحيل يعمل كدة ،مستحيل فاهمني
قال لي فاهمك انا،حالياً إنتي سمي الله وصلي على النبي واهدي ،وكل مشكله وليها حل..
قلت ليه والحل شنو في حاله زي دي؟اكيد في شي غلط،ابوي لو عرف الخبر دة م حيتحمل ابداً ،انا متأكدة إنه امجد ما كدة اكيد إتعمدو يلصقو فيه الحاجه دي،لاحظ إنه مختفي عنده سنه وشويه،وين كانت السلطات الليبيه من دة كله إلا هسي بس؟هو زاتو كان وين لو بالجد كان في ليبيا م كان حيقلقنا عليه كدة ولا حيتعمد م يتواصل معانا 💔
قال لي كل شي وارد ،هسي خلينا نهدأ ونفكر برواق وندرس الموضوع دة ونشوف شنو الممكن يحصل في الحالة دي وإن شاءالله خير يا بتي
قفل مني وانا في مكاني داك بقيت ببكي بصوت عالي عديل ،شلت شنطتي وطلعت وبقيت ماشة في الطريق وببكي حاسه نفسي ماشة زي المجنونه ما فاهمة شي ،ولا عارفة انا وين او ماشة على وين كل المتذكراه كان إنه الشارع شارع عربات،ما كنت متذكره شي ابداً وتلفوني كان بضرب قعدته في الأرض وانا بعاين للتلفون وببكي،م قادرة اتذكر شي ،بقيت خاته يدي في راسي وحسيت إنه الطرحة خانقاني فكيتها وجدعتها بعيد مني وبقيت اجر في شعري واحك فيه بضفوري وابكي ،فجأة لقيت في ناس حوالي،في واحدة من الواقفين نزلت عندي في الأرض وبقت تتكلم معي وبتقول لي محتاجة مساعدة؟إسمك منو؟ارجوكي اهدي عشان اقدر اساعدك ،انا حأقدر اساعدك اهدي ارجوك وحضنتني عليها ،التلفون لسة كان بتصل اخدته من يدي وردت..
ما بتذكر وقتها حصل شنو تاني بس بتذكر في زول قعد جنبي ولف لي حاجه في راسي لما وعيت لقيت نفسي في المستشفى وفي يدي في درب ،بقيت اعاين للسقف وحوالي الغرفه كانت فاضيه،فجأة الباب فتح لما استوعبت وشفت مستر جو وسياف قمت مخلوعة وطلعت الدرب من يدي..
مستر جو قال ليه جاتها نوبة تاني يمكن حأنادي الدكتورة
قلت ليه انا الجابني هنا شنو بقيت اعاين لنفسي
سياف قال لي إنتِ بخير وكويسة اهدي
هبشت راسي لقيت الطرحة ملفوفه فيه،بقيت اقول ليه حصل شنو والجابني هنا شنو؟دموعي جات جاريه
قال لي بس ادي نفسك فرصة تهدي حتتذكري كل شي
جا مستر جو داخل ومعاه دكتورة
قالت لي انسة شهد لازم ترجعي السرير وتهدي ،لازم تخلصي الجرعة دي ،وحفاظك على هدؤك مهم جداً عشان م يرتفع الضغط عندك
قلت ليها انا بخير ،عايزة اطلع من هنا
مستر جو قال لي لازم تسمعي كلام الدكتورة هي ادرى إذا كنتي بخير ولا لأ،
رجعت ركبت لي الدرب وقالت لي هو على وشك إنه يخلص
قلت ليها راسي واجعني م متذكرة شي ،انا ليه م متذكرة شي ،كنت بسألها وببكي
قالت لي ادي نفسك فرصة للراحة والإسترخاء حتحسي بتحسن
#ليله_في_ديسمبر32
FBI?"مكتب التحقيقات الفدرالية"
سكتت مسافة وانا سرحانه في الأنا فيه دة ،كل م احاول اطلع من الدوامه دي بلقى نفسي غرقانه فيها اكتر وم عارفه نهايتها ممكن تكون شنو، لقيتها بتقول لي شهد إنتِ معي؟
قلت ليها ايوا معاك
قالت لي خليك نبيهه في ردود افعالك ،هو ممكن يطلع ليك في اي مكان وبأي شكل من الأشكال،انا عارفة إنك مريتي بفترات صعبة وعشتي حاجات اشبه ب إنها كارثيه وصعب عليك تتخطيها واثرها السلبي بظهر بشكل او بأخر لكن كل العايزاه منك هو حفاظك على ثباتك الإنفعالي وهدؤك تمام ؟والأهم تحفظك التام على معلوماتك العندك..
إتذكرت كلام الصحفي لما وصاني على إني م ينفع اثق في اي زول
قلت ليها حاضر
قفلت منها وانا حاسة بالضيق والكراهيه تجاه عمو عثمان وخالتو كوثر ،لولاهم انا م كنت هنا اليوم ولا كنت هعيش العايشاه دة ،هم ما بس قدرو يحرموني من امي ،هم حتى بعد ما حرموني منها م اكتفو بكدة،اول مره أحس بالكراهيه تجاه زول والإحساس دة ما عايزة اتعايش معاه ابداً
في يوم وانا طالعة على الدار الصباح جاتني مسج في التلفون الرسلتو لي جينيفر مكتوب لي فيها عنوان ،ومحدد لي الزمن الساعة 10ص
إتصلت على مشرفة في الدار ووضحت ليها إني حتأخر ،مشيت للعنوان المكتوب ،المكان كان معرض للرسم ،وفيه ناس كتار ،دخلت المعرض وانا بتلفت يمين وشمال،وبعاين للتلفون ومترددة اتصل في الرقم ولا م اتصل ،كنت واقفة قدام لوحة..
فجأة سمعت زول بقول لي :التردد دايماً بخلي خصمك يكون سابقك بخطوة عشان كدة م تترددي في اي خطوة حسيتيها صح..
إتلفته لقيت واحد واقف وراي ومدخل يديه في جيوبو،قال لي بمعنى اخر العرب عندكم بقولو أعقلها وتوكل..
كان لابس حلق وشعرو طويل ماسكو بي ربطة وعامل وعامل وشم في رقبته ،قال لي الفتاة المطيعة دة إسم اللوحة..
بقيت اعاين ليه..
قال لي تعابير وشك اذا في مصور حريف ونبيه حياخدها وحيعمل منها مميز في وسائل التواصل الإجتماعي..
كمل كلامه ب
" شهد،31سنه،حامله للبطاقة الخضرا ،دخلتي امريكا عن طريق لم شمل ك زوجة ...الخ كمل كلامه وقال معلومات كتيره عني اخرها قال لي قبل عدة اشهر كنتي في مركز.... لإعادة التأهيل والعلاج من الإدمان في نيويورك،
إشتغلتي في قسم العلاقات العامه في شركة...
منفصلة الان📌
إتحرك مشى وانا مشيت وراه طلع طابق كامل ووقف في بلكونه كدة ودخل يديه في جيبو وهو ساكت وبعاين
قلت ليه المعلومات دي مفروض تكون عن الطرف التاني ما انا الطرف المعني شكلك فاهم غلط..
قال لي قبل ما اكون عميل في مكتب التحقيقيات الفدراليه انا رسام ،بهتم بالتفاصيل ،تفاصيل الضحية عندي اهم و قبل تفاصيل الطرف التاني،ما إذا كانت الضحية دي في يوم مدمنة؟كيف أجزم إنك صادقة..
قلت ليه بس دي ما القصة الحقيقية عن تفاصيل إدماني
قال لي التقرير الطبي بقول عكس كدة،المواد المخدة كانت موجودة في فحص الدم الخاص بالتقرير الطبي بتاعك
عايزة اتكلم قال لي:اما بالنسبة لطليقك ملفه من و إلى الان و
نضيف حسب كل التقارير والتحريات الإتعملت عنه ،ما عنده اي نشاط خارج نطاق شغله
ماف سفر خارج امريكا مؤخراً
ماف اي نشاط يشتبه به
معظم مشاركاته متعلقة بحضوره وترأسه لمؤتمرات في ولايات امريكا المختلفة..
تم تكريمه الإسبوع السابق من قبل المجلس الأمريكي للطب الباطني ك افضل جراح للعام ،قام بعمل عمليه فصل توأم منفصل بأعلى الرأس وإستغرقت العمليه 73ساعة متواصلة،وإتعملت معاه مقابله تلفزيونيه في برنامج معروف ،غير إنه مؤخراً قام بالتبرع باجراء عمليات عديدة دون مقابل..
طليقك الأن في قمة نجاحاته،حيكون المريب هو إدعاءك وإتهامك ليه بالطريقه دي ،قد يكون الأمر متعلق بتصفية حسابات او محاوله لتشويه صورته،او محاولة إغتيال لشخصيته او،او ،او...
دموعي جات جاريه اداني منديل وقال لي إذا صحت إتهاماتك ليه يؤسفني اقول ليك إنه هو سابقك ب 100خطوة،هو الأن تحت المراقبه الخاصة دة الشي الأكيد،حأرسل ليك ملف بيحتوي على كل البريد الوارد في إيميلات زوجك،مافي وجود لنشاط غريب حتى في حسابات البريد الخاصة بيه،ممكن تقولي إذا إنتِ حابه تكشفي اللاعيبه زي ما بتدعي القول محتاجة تبدي من الصفر او من تحت الصفر،او في خيار تاني خارج الصندوق وهو إنك محتاجة تعملي إجراء فحص لمرض يدعى البرانويا،قد يخيل ويهيء ليك إنه هو كدة
قلت ليه انا م مجنونه عشان يتهيء لي او اتوهم إنه كدة،انا واثقة من كل حرف قلته عنه حتى ولو مافي دليل
قال لي اذاً حتحتاجي تبدي من الصفر لأنه المقوله السائدة القانون لا يحمي المغفلين..
قلت ليه إنت في رايك دة ممكن؟
قال لي إنك تبدي تجمعي ادله من الصفر؟
من خلال ممارستي للمهنة ماف جريمه كامله،دايماً في ثغرة المجرم بخليها وراه مهما كان حريف في نضافة افعاله دايما في اثر نقطه سوداء في صفحته البيضاء وإن كانت اصغر من مستوى النظر ..
حجزت التذكرة كانت معي اخر قروش بتذكر،حتى إني لما وصلت م كان عندي حق التاكسي وم بتذكر اني معي في البيت قروش ..
،حاولت اتصل ب مستر جو تلفونو قافل والمشرفة م بترد،رجعت لسياف
ما رد علي في نفس اللحظة لكن رجع لي قال لي ي بت الحلال وين إنتِ كويسة؟
قلت ليه انا بخير
قال لي إختفيتي كدة وين؟كم يوم م موجودة في بيتك تلفونك ما بتردي ،الدار كله قايم قاعد مقلقين عليك
..
قلت ليه في المطار انا ،جاتني سفرة ضرورية فجأة بس ل نيويورك مشيت وجيت ،تلفوني كان فاتح
قال لي مافي مشكله في سفرك بس نبهي الحواليك على الحاجه دي م بتخسري شي عشان م يقلقو عليك
سكتت مسافة عاينت لشنطتي لقيتها فاضيه مافيها ولا دولار واحد حتى، قلت ليه طيب تمام وقفلت منه
رجعت بيتي بتكسي،والحمدلله لقيت قروش في البيت دفعته ليه
بقيت بفكر بصورة جادة إني ارجع السودان ،هنا انا ما قادرة اعمل شي ،كل مرة بكتشف حاجه بس ما حاسة اني قاعدة اصل ل شي،حتى ناس الFbiما حاساهم مساعدني في شي بالعكس حاسة بالتعقيد،يئست ،هناك في السودان على الأقل يمكن اقدر..
بقيت بفكر ما بين اسافر،ولو سافرت ما حأقدر ارجع هنا تاني خصوصاً اني لسة م اخدته الجواز،
اتصلت على رفيدة قالت لي ي بت مالك امبارح بنتصل م بتردي
قلت ليها في شي حاصل؟
قالت لي لا بس فقدناك وكنا عايزين نتكلم معاك فيديو وكدة
بتجنب حكاية مكالمة الفيديو دي عشان وشي وشويه التغير بتاع العمليه..
قلت ليها انا زاتي جايه بعد كدة خلاص زهجت
قالا لي راجعة السودان؟بجد،بقت تصرخ وتكورك وتقول يا عمتي شهد قالت راجعة السودان ،يا امجد ،امجد وينو شهد راجعة يا امجد،ابوي شهد راجعة قالت..
قلت ليها الكلام دة وانا ما جادة تماماً بقيت م عارفة اعمل شنو..
ادتني امجد بقى يسألني جايه متين ،
قلت ليه نحن في بدايه 12هسي،بس ارتب اموري واكلمكم حتكون متين ،يمكن مع بدايه السنة الجديدة
قال لي طيب محتاجة شي؟
قلت ليه لا،انا المفروض اسأل السؤال دة محتاجين شي؟حصل معاك شنو إنت بخصوص الشغل رجعت وكدة ولا عملو معاك شنو كان قلت لي طالبني للتحقيق..
قال لي حاحكي ليك لكن ما هسي
قلت ليه ماف شي يخوف صح؟
قال لي لا ماف ان شاء الله
عدت كم يوم وانا بفكر في موضوع السفر دة بصورة جادة،وانا قاعدة في مدخل الدار وسرحانه وبشرب في شاي ومتضايقة ومخنوقة شديد لقيت مستر جو بقول لي يبدو انك بتفكري في المستقبل بصورة جادة،بعد ما تتزوجي وتجيبي اولا هل باقي حياتك حتكون هنا؟
قلت ليه غلط انا م بهتم لأمر المستقبل كتير لاني ما ضامنه روحي حأعيش لبكره ولا لأ،بس اذا عشت لبكره ف انا بفكر في الرجعة لوسط اهلي اكيد
قال لي حترجعي بلدك؟
قلت ليه نوعاً ما بفكر ارجع بدايه السنة
قال لي بس لسة الجنسية ما استلمتيها
قلت ليه للأسف شكلي حأرجع بدونها لأنه لسة عليها شكلو
قال لي ما بتوقع انه في زول دخل امريكا وطلع منها من غير ما ياخد الجنسية دي تعتبر فرصة العمر
قلت ليه صح
قال لي إتزوجيني وكدة حتكون عندك المقدرة على الدخول لأمريكا مرة تانيه😂🌻♥️
ضحكت
قال لي طبعاً يعتبر تجاوز للقانون وعليه عقوبة في حال تم إكتشافنا بس في كل الأحوال ما حأصرف عليك ولا عندي ثروة اورثك ليها بعد ما اموت عشان تطلقي علي لفظ شوقر دادي،او اطلقيه براحتك بس اعتبريني شوقر دادي مفلس لكن هو وسيلة تدخلك امريكا ليس الا مصلحة مشتركة 😂
قلت ليه عرض مغري ومقنع جداً صراحة 😂
قال لي فكري فيه إذاً 😂
قلت ليه من غير ما افكر ما موافقة طبعاً ،نحن ي دوب نستحمل بعض في الساعات القليله البنقضيها هنا دي 😂💔
قال لي انا بهظر معاك ،انتِ زي بتي بالضبط لكن فكري في قرار الرجعة دة،باقي قليل وتبقي مواطنة امريكية ،ليه الاستعجال؟
بعد يومين اتصلت عليه من الصباح قلت ليه مستر جو جاهز اخدك للصالة؟
قال لي الجو بارد وشبه ممطر،ما من عادتك تتصلي براك عشان توصليني!!!
قلت ليه عشان عايزة اسجل اليوم في الصالة انا كمان
قال لي دة قرار ناتج عن احلام العصر على ما يبدو
قلت ليه انا في الطريق اجهز ،لازم تمشي معي زي ما انا كنت بمشي معاك
قال لي اوك حاضر يا سيدتي
وصلته كنت لابسة ملابس رياضة مع الحجاب
بقى يعاين لي بريأكشن وش غريب وهو ساكت..
وصلنا الصالة قلت ليه انا هعمل اجراءات التسجيل إنت ادخل
سجلت في قسم المحجبات..
بعد ما خلصت وانا بتكلم مع الموظفة سياف جا سلم علي وقال ما كان محتاج تعملي إجراءات تسجيل
قلت ليه ما حأقبل انزل لو م عملتها
قال لي طيب مرحب بيك،حتكوني في قسم المحجبات صح؟
قلت لي ايوا ..
إستأذني ورجع الصالة وانا دخلت القسم بتاعي
بعد ما خلصنا ونحن طالعين لقيت سياف طالع مع مستر جو،قال لي كيف كان يومك الأول ؟
رجعت الغرفة و لسة هو كان في نفس الحاله واسوأ كمان ،شكله ماخد جرعة كبيرة شديد ..
قلت ليه حاول تشررب دة يا عمار..
كان بتكلم بطريقة غريبة وبقول في كلام م مفهوم ،المشكله انا ما عارفة دة مفعوله اي واحد من الأدوية الهو ماخدها،
قال لي بردان
قلت ليه حأغطيك بس اشرب العصير دة
قال لي حتغطيني مش ما بتخليني في التلاجة زيهم
قلت ليه ايوا ما بخليك
قال لي ما بتقفليني في الحمام مش؟
وانا بتكلم معاه خليته يشرب الجزء الأكبر من عصير القريب فروت ،وشويه قهوة،،وفضل على الحالة دي قريب ساعة ونص،مره يحاول ينزل،ومره يقعد في نص السرير ويخت يديه في راسه ويتكلم كلام كتير ما مفهوم ،ومره يبكي،قلبي وجعني بشوفتو وهو بالحالة
دي اخر حاجه اتوقعت اشوفو في يوم كدة ،قلت لنفسي اذا حالتو دي استمرت كدة حأخده المستشفى،شويه كدة سمعت صوت جرس الباب دق..
بقيت اعاين لعمار وحالتو،واسمع جرس الباب بقيت متوترة افتح ولا لأ؟
وكان صوت الجرس كل شويه يضرب بدون توقف بعد ربع ساعة نزلت عاينت بالعين السحريه لقيته راجل كبير في العمر شديد،فتحت الباب قال لي مرحباً
خفت وحسيت إنه دة واحد تبع عمار وبقيت اتخيل حاجات في راسي ،بقيت واقفة بعاين ليه بدون اي تجاوب
قال لي انتِ بخير؟
قلت ليه وعليكم السلام
قال لي دكتور عمار في الغرفة ؟
قلت ليه هو فوق إنت دكتور؟
قال لي ايوا انا دكتوره
قلت ليه هو مالو ؟ممكن تفهمني لأنه تعبان جداً الان ما قادرة اشرح ليك وضعة بس هو..
قال لي انا حأساعده إن شاء الله ما تخافي،حيكون بخير
قلت ليه الحالة الهو فيها دي انت عارفها؟
قال لي هو طلب مساعدتي اليوم ولكن انا عارف انه ماري بحالة اكتئاب الفترة دي ،وعارف تماماً هو بياخد شنو،حأساعده ما تخافي عليه حيكون بخير
طلعنا الغرفة فوق،طلع حقنه كدة اداها ليه وبقى يتكلم معاه ويقول ليه حتكون بخير،وهو طالع اداني حبوب شريطين قال لي دة مسكن، لما يصحى ياخدها عند اللزوم في حال إنه قال مصدع او غيره تمام؟والتاني دة كل 8ساعات
قلت ليه حاضر
إنتِ شهد؟
بقيت اعاين ليه بخوفة كدة
قال لي ما تخافي هو لما اتصل قال لي طلبت مساعدة شهد بس ما متأكد اذا حتجيني..
قلت ليه ايوا انا شهد
قال لي اتشرفت بمعرفتك،خلي بالك منه،حاتصل اطمئن على وضعه
قلت ليه حاضر
شويه كدة هدأ بعد الحقنة دي وشبه نام بس جسمو كان زي التلج من برودتو لدرجة اني خفت عليه،تقريباً هو نايم يوم كامل،واليوم دة قلبته فيه الغرفة والبيت فوق تحت اي زاوية
واضح من شكل البيت إنه منتقل فيه جديد..
يومين ورا بعض هو بس كان نايم،بصحيه يشرب موية،وعصير ويرجع ينوم،انا اليومين ورا بعض ديل ما كنت بنوم ولا حتى غفوة خايفة وبتلفت طول الوقت في الغرفة ،الغرفة كانت فيها كنبة كنت بقعد فيها واوقات بنزل اقعد برة لنص الليل،هو كان شبه ماشي احسن ،اليوم الرابع، فتحت الستارة بتاعة الغرفة خليت الإضاءة تدخل عليه ،
وقفت بعاين ليه وهو بحاول يفتح عيونو وانا مربعة يدي
لما فتح قال لي إنتِ هنا جد ؟لما افتح عيوني واشوفك بفتكر اني بتخيل
قلت ليه شايف شنو انت؟كان بإمكاني استقل وضعك دة في حاجات كتيرة ممكن تضرك بس انا م زيك للأسف +
كيف دكتور عارف خطورة الأدوية دي ويتعاطاها؟اتمنى ما تكون دي كانت تمثيلية منك عشان تجيبني هنا،كان بإمكانك تستعين بالممرضة الساعدتك في انه تخليني مخدرة سنة كاملة ديك طبعا لو هي عايشة
نزل من السرير وقف مسافة شكلو كان بحاول يسند نفسه دخل الحمام،وانا طلبت ليه اكل جاهز
لما جا طالع فتح الدرج وشال شريط حبوب
قلت ليه تاني؟
قال لي دة مسكن
قلت ليه دة المفروض تاخده هاك،بعدين 4يوم م اكلت شي الافضل انك تحاول تاكل ،انا طلبت الاكل
بلع الحبة واخد كباية مويه شربها واتغطى
قلت ليه الأكل دة عشان تعيش وتبقى كويس ،ما عندي استعداد انتظرك اكتر من كدة،انا هنا عشان في البدايه افتكرتك في المستشفى وم كنت عارفة الوضع حيكون كدة،وعشان اخلاقياً زاته ما ينفع زول يستنجد بيك وم تلحقه،بس بما انك كويس الان يبقى حاول اسند روحك وبعدين انت بتاخد في الحاجات دي من متين ومن متين وانت في الحالة دي ؟...
قال لي ما بثق في زول غيرك ولا فكرت في زول غيرك ولا كنت حاسي إني عايز يكون معي زول غيرك عشان كدة إتصلت عليك..
قلت ليه لجؤك لأدوية الهلوسة والأدوية المخدرة م حل دايم ابداً وسيء جداً ينتهي بيك المطاف ك مدمن
قال لي عارفة اكبر مشاكلنا شنو يا شهد؟إنك ما عايزة تقتنعي ولا عايزة تفهمي إني بحاول اد وكل محاولاتي دي عشانك،انا بقيت ما بعمل شي غير اني احاول،حاولت اكمل م قدرت،انا حالياً من كتر المحاولات بقيت متأقلم ،إنتِ مقررة تبقي الجلاد في حياتي وانتِ عارفة ومتأكدة رغم كل شي انا مستحيل أأذيك،لأ انا قادر اتجاوزك ولا إنتِ قادرة تتجاوزيني ولا دة حيحصل في يوم بس إنتِ الحابة تعيشينا في صراع ودوامة،انا بديت بنفسي ،ما مهم الموضوع حياخد مني كم وحأمر بشنو بس بديت ادفن الجانب الإنتِ بسببه رافضاني دة عشانك ،يا ستي الملحد في الدين ربنا مديه
فكرت اجيب ل سياف هدية ك تعبير عن الإمتنان للعملو طالما رافض ياخد القروش،اول حاجه فكرت فيها ك هدية هي القهوة،ف لقيت فكرة بوكس القهوة مناسبة ليه،ف جمعت كم صنف للقهوة وعليه إضافات طلبتها اونلاين ...
انتظرتها وصلت جمعتهم مع بعض في بوكس ،واتصلت عليه،قلت ليه موجود في الصالة؟
قال لي عايزة حاجه ؟
قلت ليه عايزاك ايوا اذا ممكن ،اترددت في الكلام قلت ليه اقصد اذا موجود عايزة اشوفك
قال لي موجود بس إن شاء الله ما تكوني عايزة تفتحي موضوع القروش من تاني
قلت ليه لا م تخاف
جهزت نفسي وطلعت اتلفت يمين شمال م شفت زول متابعني او كدة
وصلت الصالة سالت موظفة الاستقبال كوتش سياف موجود؟
قالت لي لا هو دوامو خلص وطلع
المعاها قالت ليها لا هو جا راجع قبل 5 دقايق والان موجود على مكتبه
قلت ليها ممكن اشوفه؟
قالت لي ثواني لأنه دوامو خلص يمكن يرفض مقابله شخص،إتصلت عليه بعدها قالت لي اوك اتفضلي..
وصلت مكتبه بعدين إترددت ف رجعت ،طلعت وقفت بره واتصلت عليه،قلت ليه انا قدام الصالة ممكن تطلع علي؟
قال لي جداً،
جا طالع سلم علي وقال لي زيارة بدون مستر جو
قلت ليه للمرة الأولى،
المهم اتفضل..
قال لي وهو متفاجأ دي لي انا ؟
قلت ليه اقبلها عشان ما احس ب قلة الذوق وكدة
قال لي انتِ مُصرة تديني مقابل ؟
قلت ليه ما تعتبره مقابل انت
قال لي طيب ،شكراً ،م بتذكر متين اخر مرة جاتني فيها هدية ف حقيقي شكراً 😂😂😂♥️🌻
نسيت اقول ليك اتفضلي
قلت ليه لا شكراً ،بعدين الجو بارد عايزة امشي البيت
قال لي شتاء ديسمبر على وشك انه يدخل
قلت ليه شبه دخل خلاص والجو في بعض المناطق بقى جليد
قال لي اول مره تحضري شتاء في سان فرانسيسكو؟
قلت ليه شبه كدة
قال لي الشتاء بتاعها مختلف سانفرانسيسكو جميلة جداً في الشتاء
قلت ليه اتمنى يكون مختلف..
ما انسى امجد بسلم عليك واخد رقمك
الله يسلمه يا رب ،هو بخير إن شاء الله وامورو تمام؟
قلت ليه لغاية الان الحمدلله
قال لي تحبي اوصلك؟
قلت ليه لأ حأخد المترو
قال لي انا معي عربيه وكدة كدة طالع يعني لو حابه اوصلك ما عندي مشكله بعدين الزمن متأخر
قلت ليه انا طلعت بدون العربيه عشان حابه اتمشى وكدة🤡😂
قال لي اوك يا ستي المهم لما توصلي اديني خبر
وانا في الطريق جاتني مكالمة من رقم غريب ،في البدايه تجاهلته بس المكالمة كانت متكررة كتير ف فتحت الخط..
شهد..
،انا محتاج ليك شديد يا شهد،انا قاعد اموت ،اللحقيني ما عندي غيرك اللجأ ليه في اللحظة دي ،انا تعبان ي شهد لو ما لحقتيني بموت..
عمار؟؟
خفت وبقيت اقول ليه جبت رقمي من وين ؟عايز مني شنو ؟
كان بتكلم وبشيل نفس مسافة وبرجع يتكلم
قال لي شهد حأسمعك العايزة تسمعيه مني،عايزة تعرفي اي شي اوعدك اقولو ليك،اي شي عني وعن شغلي بس تعالي اللحقيني ي شهد..
قفلت الخط بقى يتصل كتير وانا بكنصل ،بقى يرسل لي رسايل ويقول لي شهد لو ما لحقتيني حأموت ما عندي غيرك اللجأ ليه وم عايز اللجأ لغيرك...
رجعت البيت ورميت التلفون بعيد مني وصمتو..
حاول اقعد م قدرت ،حاولت اشغل نفسي بالتلفزيون م قدرت،جيت رقدته اتغطيت وربطة عيوني عشان اقدر انوم ،غالبت النوم ،لقيتني برفع الغطى من عيوني وبشيل التلفون وبفتح موقع لحجز رحلات السفر
عملت إجراءات الحجز واخترت اقرب رحله وكان مفروض خلال ساعة بالكتير أكون في المطار...
لقيتني بجهز نفسي وطلعت،رغم اني كنت خايفة ومترددة وشايلة قلبي في يدي ،طلعت بسرعة اخدته تاكسي للمطار،عملت اجراءاتي وكان لسة في وقت،اتصلت عليه قلت ليه انت كويس ؟
كان فاتح الخط وم برد،بقيت اقول ليه عمار انت سامعني ،اذا سامعني رد علي،عمار الرحلة حتاخد وقت حاول تفهمني انت وين وحاصل عليك شنو عشان اقدر اساعدك،ما كان في رد منه خالص..
كنت مترددة ما بين اكمل ولا لأ،انا صح ولا لأ؟بس عدم ردة وطريقة كلامو خوفتني
كيف ممكن اصدقه؟جمله عايزة تعرفي اي شي اوعدك اقولو ليك كانت واحدة من دوافع اني امشي
للحظة حسيت بالسذاجة بكوني صدقته ،قمت على حيلي واقرب سلة وقفت جنبها عايزة ارمي فيها التذكرة وانا مترددة في صوت بقول لي انتِ صح ما تمشي لسلامتك،وصوت تاني بقول لي يمكن دي فرصة تقدري تساعدي فيها نفسك ما توقفي كملي..
فجأة جا نداء بإسم الرحلة المفروض انا اطلع فيها..
بعد مسافة مشيت على بوابة المغادرة وركبت الطيارة..
بعد ما ركبت لقيت نفسي بعاين للسحب وبقول لنفسي يمكن اندم اذا مشيت،بس يمكن اندم اكتر اذا ما مشيت...
وصلت نيويورك اتصلت عليه،ما كان برد ،افكاري كلها بتقول لي إنه مات معناها
بقيت بتصل عليه كتير،اكتر من ساعة حتى فتح الخط
قلت ليه انا جاية عليك إنت وين؟عمار سامعني
كان بتكلم بصوت بطيء وبتنهد كأنه بلهث،قال لي برسل ليك اللوكيشن ....
عم عثمان قال ليها شكراً جزيلاً يا مرت ولدي وضحك ولا ما مرت ولدي؟
امجد قال ليهو بقولو عز الحريم وليان كان اديناكم تاني الا تكون ما عندها ولي،وقال لي رفيدة يلا قدامي،رفيدة قالت ليهم عن إذنكم وطلعت
،قال ليها القالو جوة دة ما بسألك منه هسي،لكن تعالي فهميني حاصل شنو امبارح بالليل؟مرت شادي مالها بتبكي هي واولادها؟مالهم جايطين كدة كانو؟
قالت ليه ماف شي يتقال عليه
قال ليها قولي لي في شنو؟سامع الجوطة انا كنت بس افتكرتهم في بيتهم براهم لغايه م سمعتك انتِ وعمتي معاهم
بقت ساكتة
قال ليها انا بسأل عشان تجاوبي ما تتسمري لي
قالت ليه والله ي امجد شادي دة بسكر،وم سكر هين يعني سكر مبالغة وياهو بجي راجع ببرمج بالبيت كله،يكورك ويجوط وفي الأخير يطلع يضرب مرته فوق ويشاكلها ،كل يوم على نفس الحال دة نحن
بسكر؟
وفي البيت؟
وقدام ابوي؟وقدامكم
وبضرب؟
والله يا امجد مما جا ما اوريك كمية البهدلة البهدلنا ليها ،احياناً بوقفنا على رجل واحدة في الشارع يجوط ويكورك ويتشاكل مع دة ويفك دة والجيران وكله..
لا حول ولا قوة إلا بالله،شادي؟
وشغال شنو مما جا؟
ولا شي
كمان ما شغال شي وبسكر؟بجيب حق السكر من وين؟
بياخد من شهاب واحياناً من مصاريفنا ولو م اديناه يزعل ويشاكل يلم علينا الناس وغايتو بس دة الحال
وليه ما حكيتي لي الكلام دة ؟هسي وين هو؟
ما عارفاه وين
تمام خليه علي دة كمان...
.........................
لما كنت بتكلم مع سياف عشان اديه القروش لاحظت لوجود شخص وشو مالوف عندي كأني شفته قبل برضو ،ما نفس الشخص الحسيت انه متابعني ورسلت للعميل وحكيت ليه عنه داك ،كان واحد تاني،للمرة التانيه حسيت إني متراقبة،ودة عمار اكيد ،والمره الفاتت لما حس إني لاحظت او عرفت غير الزول...
من القروش الرفضها سياف مشيت حولت جزءمنها لناس البيت،والجزء التاني رجعته للإدارة الماليه،بالليل بعد خلصت دوام في المركز التجاري رجعت البيت إتصل علي العميل وقال لي ممكن تخلي الحماية الخاصة بيك تشتغل شغلها؟
قلت ليه نعم؟
قال لي إنتِ ما متراقبة من طرف طليقك ،دي الحماية بتاعتنا نحن
قلت ليه وليه تتخت لي حماية؟
قال لي لأنه في سيدة اسمها كاثرين حالياً مفروض تخافي على نفسك منها..
قلته ليه هي م بتعرف عني شي
قال لي دة المتوقعاه إنتِ ونحن ،الواقع غير كدة مهمتنا نحميك،الان عايزك تتذكري وتجاوبيني على السؤال دة،حصل طليقك زكر قدامك كلمة بيتزا جيت؟او شفتيها مكتوبة عنده في نوته او إيميل او سمعتيها منه في مكالمة هاتفية او اياً كان طيله فترة عيشتك معاه؟
قلت ليه بيتزا جيت لا ما بتذكر ؟،معناها شنو بيتزا جيت ما فهمت ؟
قال لي متأكدة؟حاولي تتذكري كويس
قلت ليه خالص ما حصل سمعت بيها عنده
قال لي اوك
قلت ليه في حاجه مهمة ظهرت؟
قال لي لا ماف شي مهم حالياً ،خليك حذره بس،وخلي الحماية بتاعتنا تشتغل شغلها ما تتوتري عشان تلفتي النظر
قفل مني.
...................................
السلام عليكم يا ابو الشباب
اهلين وعليكم السلام
انت ساكن هنا؟
ايوا دة بيتنا اتفضل يا حبيب
معليش يا اخوي انا جاركم هنا في العمارة الجديدة دي ،امبارح اختي رجعت المساء وقفت العربية قدام الباب،جات طالعة بعد كم ساعة لقت اللساتك الأربعة والمرايات مسروقة واحد من الجيران قال ليناة ولد الناس ديل سرقهم ،شافو وهو بفكك فيهم ،انا ما غالبني امشي وافتح بلاغ واعمل اجراءاتي لكن نحن سكان جداد وبتحكمنا الجيرة ف ما صح ولا بأي شكل كان..
واحد من الجيران قال ليك السرق لساتقك من البيت دة؟
الا لو غلطان يا اخوي والله ،نحن ساكنين في الحلة دي ما من اليوم ولا من امبارح وم عندنا حرامي في بيتنا ربنا يعوضك لكن القال ليك دة ارجع اتأكد منه يا اخوي
العمارة فيها كاميرات مراقبة ،راجعنا الكاميرات وفعلاً الزول الظهر في تسجيلات الكاميرات ساكن في البيت دة ممكن تمشي معي نشوفهم مع بعض عشان تتأكد وانا لو م متأكد ما جيتك ابداً
جداً ارح
اتفضل
بعد مرور دقايق..
التسجيل بدأ من هنا ،لاحظ دة هو ،خليني اقرب ليك الكاميرا عشان ملامحو تكون اوضح..
ايوا عاين هنا دي اوضح صورة ليه..
اها يا اخوي كدة إتأكدته إنه الزول دة من البيت؟
امجد بخجل وضيق اسمع يا اخوي انا زاتي في القانون وان كان عندك اي اجراء قانوني عايز تتخذه انا معاك للأخر دة حقك في الأول والأخير للأسف دة اخوي وانا ما عارف اقول ليك شنو والله بس عمرها ماحصلت في بيتنا ،وان بقيت عايز تعويض لخساراتك ابشر بكره القريبة دي عربيتك يتعمل ليها اللازم وانا اسف جداً على التصرف دة وإن شاءالله ما يتكرر مرة تانيه ،انا معاك في البتبقى عليه
يا اخوي كتير رايح وقليل رايح والجار قبل الدار بقولو عشان اخلاقك وشهامتك دي حرم لا عايز تعويض ولا ماشي القانون وانا والله وصلت بابكم زعلان لكن خجلني إسلوبك ،العفو والعافية وإن شاءالله ربنا يهدية والحال ينصلح ،واضح من شكل البيت انه دي ما اخلاق ناسو لكن الهفوات بتحصل وانا لما حكيت ليك قلت التصرف دة يا عاملو
الان روايه #عوضي_انت حصريا علي قناه رواياتي
/channel/+PcBTfMKDS4ab2Mv1
قال لي ماف شي
قلت ليه امجد عاين نحن ما صدقنا طلعت من الكنت فيه دة سالم،الله يرضى عليك يا امجد لو عندك خلاف مع زول ابعد منه الله يرضى عليك
قال لي تمام ،نرجع لموضوعنا ودة الأهم خليك من الباقي ما عليك بيهم
قلت ليه ححكي ليك كل شي والله ،بس اصبر علي ماشي؟والله العظيم تلاته ححكي ليك انا بحلف ليك بالله
قال لي طيب وين انتِ حالياً في اي مدينه ،ساكنه وين معاك منو ،عايشة كيف متصرفة من وين؟
بقيت احكي لي عن تفاصيل حياتي وشغلي في الدار وكدة
قال لي ما مستغرب من شغلك في المكان دة من يوم يومك بتحبي النوع دة من المجتمعات ،بس برضو عايزك تسمعي كلامي وتنزلي السودان ي شهد وافقي وانا اليوم قبل بكرة احجز ليك تذكرة
قلت ليه امجد انا حالياً مرتبطة بشغل ،ما ينفع اخليه حالياً،ف ادوني فرصة بس
قال لي انا عايز اتطمئن عليك،لكن تمام انا معاك للأخر ،وم تشيلي هم شي انا حالياً موجود،اي شي بحصل معاك بتكلميني بيه فهمتي؟ودة ما يكون معاك في نفس المكان كمان؟
قلت ليه لا داك في ولاية بعيدة مني
قال لي ما قاعد يتعرض ليك صح ولا بأي شكل من الأشكال
قلت ليه لأ
ولا متواصل معاك صح ؟
قلت ليه خالص
قال لي واذا حصل ما تدسي مني فهمتي ولا؟لأنو ما لقى راجل يقيف ليه ويبلعو لسانه عشان كدة اخد راحته واهو بعيب فيك لقى جلاليب بس
قلت ليه المهم انا بخير يا امجد
قال لي خلي بالك من نفسك وانا يومي حاتصل اتطمن عليك بس اشتري تلفون جديد ،شايف صورتي منورة البروفايل بس كان تنتظريني احلق 😂💔
قلت ليه حاضر وانت كمان خلي بالك من نفسك ،انت باي شكل حلو ،المهم وجودك وسماع صوتك دة بالدنيا♥️
قال لي بالمناسبة سياف ما اداني فرصة اقدر اشكرو بيها نهائي ،هو سافر مصر لأنو قال من هناك تذكرتو جاهزة حيسافر على طول،ف عايزك ترسلي لي رقمو عشان اتواصل معاه بشكل مباشر
قلت ليه لا ياخ ما جا السودان معاكم؟
قال لي ابداً رفض قال ما عندو طريقة يصل السودان،مستعجل عشان عنده إلتزامات وكدة
قلت ليه اهاااا
قال لي ما تنسي ترسلي لي رقمو تمام؟
قلت ليه حاضر حأرسلو ليك
دايماً في اخ واحد وسط اخوانك بغطي على البقيه كلهم،وبياخد المساحة الاكبر في حياتنا ،حنين،عطوف،وهميم ،وجسور في الأمور البتتعلق بيك ما بتردد ثانيه ،وداعم ،بخليك تشوف بقيه اخوانك اياً كانت افعالهم معاك بشكل مختلف،هو دايماً بكون سبب في انه تحمد ربنا على وجودهم،امجد هو الاخو دة،هو البخليني استشعر عظمة إنه يكون عندك اخوان ،وبخليني اقول بقناعة انه الأخوان فعلاً اجنحة...♥️
بعد كم يوم الصباح اتصل علي مستر جو قال لي انا عايز امشي صالة الرياضة حتجي توصليني ؟
قلت ليه سياف جا؟
قال لي ايوا إجازتو خلصت ورجع
قلت ليه طيب انا حامشي المالية وامر عليك اخدك اتفقنا؟
قال لي تمام
مشيت المالية إستلمت الحسابات الحاخدها ل سياف ،ومشيت سوقت مستر جو وإتحركنا كان مبسوط كدة وبغني
قلت ليه يعني مداومتك في صالة الرياضة مرتبطة بوجود سياف صح؟
قال لي عشان هو الوحيد البقدر اتفاهم معاه في الصاله على عكس بقيه المدربين المعضلين
قلت ليه اهاااا طيب انت ناوي تستمر لمتين 🙃
قال لي لغايه ما احس اني عايز اوقف الرياضة شي مهم للصحة إنتِ كمان لازم تنزلي معي مش تسأليني حتوقف متين ،انا عجوز وجسمي رياضي وصحي اكتر منك
قلت ليه انت صح ،وصلنا يلا ننزل
قال لي غريبة حتنزلي ،يعني اقنعتك تسجلي بالسرعة دي؟ لازم سياف يعيني موظف في قسم التسويق عنده ؟
قلت ليه ما انزل؟في مشكله؟
قال لي لأ انزلي
نزلت اول ما دخلنا الصالة الموظفة قالت ل مستر جو قبل ما يسألها مستر سياف في المكتب بتاعه،وعلى طول طلعنا المكتب بتاعه لقيناه في المكتب،استقبلنا وسلم على مستر جو بحرارة كدة كأنه عنده اكتر من شهر ما لاقاه
رجع سلم علي قال لي إن شاء الله إنتِ بخير؟
قلت ليه الحمدلله تمام ،مستر جو بقى يتونس معاه ويسأله عن تفاصيل كتيرة وانا ساكته وبهز في رجلي
في الاخير مستر جو قال لي شهد انتِ منتظرة حاجه؟
قلت ليه هااااا؟
قال لي على غير عادتك انك قاعدة اكتر من نص ساعة معانا وفي المكتب كمان وم قلتي عندك شي مهم عايزة تقضيه
قلت ليه صح انا مفروض امشي
سياف كان بعاين وهو ساكت
مستر جو قال لي مفروض ايوا
استأذنتهم وطلعت منهم بس انا ما ينفع لع بدون ما اسلمه القروش المعي،ركبت العربيه عايزة اتحرك اتصلت عليه والحمدلله رقمه دخل معي،رد قلت ليه ممكن تجي علي برة 5دقايق؟
قال لي جداً ،دقايق
جا طالع لقاني واقفة قدام العربية،قلت ليه امممممم إنت عارف إني مهما قلت وشكرتك ما حاكون وفيتك حقك إنت فاهمني؟
قال لي فاهمك وما مقبول منك الشكر ،شكلنا حنزعل من بعض تاني
قلت ليه الله ما يجيب زعل حقيقي شكراً جداً على كل شي ،وطلعت ظرف من الشنطة قلت ليه اتفضل،انا ما عارفة اتعابك ممكن تكون كم بس دة جزء ،والجزء التاني كل شهر حأدفع ليك لغايه ما تخلص،ممكن صح؟
قال لي الكلام دة انا قلته
سياف:ونحن حنثبته عشان تطلع بيه من هنا،بس عايزك تملكني معلومات شويه زي مواعيد دخولك ليبيا ،ومتين اتقبض عليك و...الخ
....................................................
بقيت افكر كيف ممكن ادفع اتعاب سياف اكيد حيكون عايز مبلغ وقدره،وانا مرتبي معظمه ماشي ايجار وضرايب ومصاريف لي ولناس البيت ،الحاجه الوحيدة الممكن تساعد اني اطلب مرتب كم شهر واشتغل شغل إضافي بالليل،امشي السوبر ماركت واحاول معاهم لو ادوني شغل بدوام مسائي كويس معي،لقيت رسايل كتيرة من طارق ،لقيته بقول لي شهد،انا في ليبيا،بحاول اللقى طريقة عشان اقابل بيها امجد بس ما لاقي للأسف ممنوعة منه الزيارة ،عرفت إنك رسلتي ليه محامي من طرفك عشانه ،يا ريت تساعديني برقمه عشان اتواصل معاه ويقدر يجيب لي إذن زيارة ضروري جداً يا شهد
فاجأني جداً موضوع إنه في ليبيا دة رديت عليه:اهلين طارق،
كيفك وكيف سندس وخالتو كويسين ؟
جد متين مشيت؟
بغض النظر عن كل شي بس الفترات دي بتغربل وبتكشف ليك اخلاقيات الناس الفي حياتك..
قلت ليه طيب دة رقمه إسمه سياف ،شكراً كتر الف خيرك
رد علي ب كلهم كويسين يا شهد..
السطر الأخير حأعتبر نفسي ما شُفته تمام؟
.......................................
إنت يا ابوي عايز تجنني؟
لو عايز تجنني قول لي
قلت ليك ما تدخل في الموضوع دة يا ولد
دة صحبي ،واكتر من اخوي قبل ما يناسبك
انت عايزني اخليهو واربع يدي؟
إنت يا ابوي بتتكلم كيف؟
لو وصلته ليبيا البحصل ما خير يا حسام
إن شاء الله عنه ما يحصل خير ،انا سنة وشويه ما غمض لي جفن بفتش عليه وانت عارف انا عانيت قدر شنو ،ووقت اللقاه واعرف هو وين تقول لي كلامك دة؟
إنت ما عايز تساعدو لا ك جار،ولا كا صاحب ابوه،ولا ك مسؤول حكومي ومهم جداً تدخلك ومساعدتك ليه بصورة رسمية وكمان عايزني اعمل زيك؟
يا ابوي انا وامجد دة نمنا وقمنا سوا،اكلنا وشربنا ولبسنا سوا برضو،دة اخوي ما بخليه..
خلي يبقى ليك ابو طيب لانو انا ما عافي ليك لو مشيت ،وما ابوك ولا بعرفك من الليله دي واوعى تجي البيت تاني ..
انت كدة كدة يا ابوي خسرتنا كلنا ،بيتك دة كان بتقعد ليك براك اقعد فيه
........................................
عدى اسبوعين وماف شي يتقال عليه من سياف،كل الكان بقوله إنه ماشين في الإجراءات،والجلسة الأولى ما اداني عنها تفاصيل ف عرفت إنها ما كانت مبشرة بالخير..
سألته طارق قال لي ي شهد ماف شي بس ياها جرجرة المحاكم دي ما اكتر..
قلت ليه سياف ما قاعد يديني تفاصيل وهسي انت كمان بتقول نفس الشي
قال لي ممكن تخلي تواصلك معي انا لو في اي شي بقولو ليك ما ضروري ترجعي ل سياف،انا هنا بسوي في شنو؟...
قلت ليه سياف هو البتعامل مباشرة مع امجد وهو العارف كل شي من الألف للياء..
قال لي وانا موجود هنا وعارف اغلبيه التفاصيل ومتابع معاه اول بأول لو في جديد بكلمك بيه فهمتي؟وبعدين ما عايزك تقلقي نحن معاه وم حنخليه
لما تم شهر ولسة ماف جديد يُذكر ولا حتى الصحفي كان بفيدني بشي ،رسلت لسياف وطلبت منه يختني في الصورة ويشرح لي الحاصل بالضبط عن وضع امجد
بعد كم ساعة رد علي بريكوردات قال لي فيها شهد على فكرة الدعاوي في المحاكم عادي تتم سنين ،شهر دة ولا شي،حاولي تفهمي الحاجه دي وتصبري،حسيتو إتضايق من كُتر ما برسل ليه وبسأله 🙃
عدت 3يوم،ليله اليوم الرابع طارق رسل لي انه بكره في جلسة ،بس عشان فروقات التوقيت انا ممكن اكون نايمة
قلت ليه طيب بشرني بأي شي بحصل معاكم يا طارق اول ما تطلعو من المحكمة
قال لي تمام
نمت وانا حارسة التلفون..
صحيت لقيت مكالمات من طارق كتيره شديد،رجعت ليه تلفونه قافل
اتوترت
إتصلت على سياف،ما برد،اتصلت عليه مكالمات كتيرة ،رجع لي بعد ساعة بمكالمة فيديو بس الشبكة عندهم كانت كعبة شكلها ،رجع اتصل علي مكالمة عادية،فتحت الخط قلت ليه سياف ها بشرني الحصل شنو معاكم في المحكمة؟
لقيت زول بقلد صوتي وبردد كلامي "سياف ها بشرني الحصل شنو معاكم في المحكمة"..
والحركة دي ما بعملها معي غير امجد..
قلت ليه امجد؟ امجد صح ؟
بقيت اصرخ زي المجنونه وجاريه في بيتي ما عارفة اقول لمتو لانو سلفاً بيتي فاضي 💔
قلت ليه طلعوك ؟
قال لي طيب اديني فرصة اتكلم،قديتي اضاني ياخي 😂😂💔
بقيت ابكي ،قلت ليه جد طلعت ؟طلعوك؟قالو شنو ؟طلعت براءة صح؟كنت عارفة والله عارفة إنك حتطلع
قال لي خليك مني إنتِ كويسة؟طمنيني عليك اهم شي عندي تكوني كويسة الباقي كلو م مهم ..
قلت ليه انا بقيت كويسة هسي بعد ما سمعت صوتك ،الحمدلله والله تاني ما عايزة شي من ربنا خلاص 😭💔
قال لي طمنيني عليك وبطلي بكى كفايه خلاص انا كويس والله مع حبة دقن زايد طبعاً بس الحمدلله ما تخافي علي 😂😂💔
الأخير طلب جيب جماعة ودخلهم البيت وإنتهي لينا من الموضوع دة بأي طريقة دة كان كلامك إنت،إنت كنت عارف إنها ما حتخلي حق بتها،وكانت عاجلاً ام اجلاً حتجيبك إنت وكل الدكاترة الكانو متورطين معاك وقتها ،ما تتكلم لي عن الإستغلال إنت الإستغليت إسمي ونفوذي ومكانتي في المجتمع ومنصبي الأنا فيهو عشان تغطي بيه على شغلك في بداياتك لغاية ما هسي إتمكنت جاي تلومني انا وتقول لي عرست لي البت عشان تمسكني من يدي البتوجعني ،إنت عرستها وبغباءك كشفتك وجاي تلومني انا،إنت لما عرستها ما عارف هي بت منو؟إنت عارف وانا عارف انه الحفره دي ما منها طلعة ويوم ما واحد فينا يفكر يطلع بتتهدم بينا وبنندفن فيها كلنا حتى الدكاترة اصحابك الهسي عاملين فيها قامات في المجتمع ،والهسي جاي تسألني منو دة انا الدخلتو كليه حربية،وانا الوقفت فيه لغاية م اخد الرُتب دي كلها ،وانا برضو عارف نفسي بعمل في شنو عشان اغطي على اغلاطك العملتها وعايز تورطنا وتجيب اجلنا بيها كلنا،من مصلحتك ما تسألني ليه عملت كدة لأنو مصلحتك بتكمن في إنه الولد دة ما يطلع من هناك ف شنو خت الكلام دة حلقة في اضانك ودامك كنت قاطع تواصلك معي الفترة دي كلها ارجع اقطعو تاني احسن لي وليك...
....................................................
بالي بقى مع ميليسا ،بحاول في رقمها كتير بلقاها مقفول وما فاهمة ليه،بتذكر هي قالت لي لما ما ارد اعرفي انه انا بخير 💔
معقولة يكون حاصل ليها شي؟
كنت مرسلة للصحفي ف لقيته راجع لي بمكالمه ،
قال لي يا بتي
قلت ليه كيفك يا استاذ كويس؟
قال لي الحمدلله،إتواصلت مع المحامي الرسلتي لي رقمه،ولد ممتاز والله ماشاءالله ومن مشى م قعد بدأ في إجراءاته ،وبكره خلاص حيقابل امجد بإذن الله تعالى ، انا قلت ليه لو احتجت شي ما تتردد تطلبه وإن شاءالله خير،وعندنا ناسنا هناك في ليبيا خليتو يتواصل معاهم م بقصرو منه حيقدمو ليه كل المساعدة اللازمة..
قلت ليه جد بكره حيقابله؟ما جاب لي سيرة بكدة
قال لي يمكن عايز يفاجأك وانا كدة بوظتها عليه شكلي لكن كلمني إنه بكره حيخلون يقابله إن شاء الله رغم إنهم حاولو يجرجروه وكدة لكن اخد الإذن خلاص
قلت ليه إن شاءالله إن شاء الله ي استاذ يسمعك منك ربنا
قال لي الله يرضى عليك ي بتي البتعمليه عشان اخوك دة ما شي هين ،ربنا يقويك ي رب
قلت ليه امين،امين ي رب
الخبر بتاع إنه سياف حيقابل امجد دة اثلج صدري،كإني إتردت فيني الروح بجد،وبقيت حارسة التلفون على امل انه سياف يرسل لي ويكلمني،بفتح الشات بتاعه كل شويه اشوفو اونلاين ولا لأ،تقريباً انا لغاية ما جا الليل والشمس شرقت تاني يوم ما رسل لي
رسلت ليه ما كان فاتح الشبكة..
اليوم عدى كانه سنين ،حتى الفي الدار لاحظو للحاجه دي فكانو بسألوني مالي اليوم من كُتر ما انا سرحانه ،لما المساء جا وم جا لقيت منه رساله ولا حتى دخل قلقت،رسلت للأستاذ إني قلقانه وطلبت منه يسأل ناسه الهناك الحصل معاهم شنو لأني م قادرة اصل لسياف،بس عشان فروقات الوقت برضو الأستاذ ما كان داخل..
عملت لي قهوة وبقيت قاعدة وبفكر إنه ممكن هو تكون حاصله ليه حاجه او عملو ليه حاجه بسببي،بقيت شايله همين،وماشة وجايه،طلعت إتمشيت ووقفت في كافيه اخدته قهوة وانا واقفة منتظرة ،لاحظت لزول جنبي عايز يطلب حسيت إنه شكله مألوف عندي ما غريب علي ،بقيت احاول اتذكر شفته وين ،طلعت وانا بحاول اتذكر لقيت إني صادفته كم مره،في اماكن مختلفة او بمعنى اصح دي ما صدفه ،ما حسيتها صدفة ،هو كل مره بشوفه في مكان انا فيه،حسيت إنه في شي غريب وإني شبه متراقبه وخايفه بقيت ماشة وبتلفت لغاية م وصلت بيتي قفلت الباب علي وامنته،وقفت في الشباك بقيت اعاين حوالين البيت م لقيت شي ،رسلت للعميل رساله قلت ليه انا حاسه إني متراقبة من طرف عمار..
فجأة جاتني مكالمة من رقم سياف فتحته الخط قلت ليه الحمدلله إتصلت..
قال لي معليش تلفوني فاصل شحن كان..
قلت ليه ما مشكله المهم انت كويس؟حصل معاك شنو؟ما خلوك تقابلو صح؟..
قال لي اهدي وصلي على النبي واخدي نفس
قلت ليه الف على الحبيب بس والله قاعدة على اعصابي عندي يومين وم فاهمة شي،قابلته؟؟لقيته كويس طمني عليه؟
قال لي كويس ي شهد ،قابلته،وبسلم عليك وبطمنك عليك وهو طول فترة قعادي معاه م وقف سؤال عليك قلقان عليك اضعاف قلقك وخوفك عليه كأنه ما هاماه نفسه هو وين ولا ممكن يحصل ليه شنو،إتطمني ي ستي هو بألف خير لو ما حرارة قلبو دي..
بكيت بدون ما احس لقيت دموعي جاريه..
قال لي صدقيني هو كويس وبألف خير ،بس ممنوع طبعاً الدخول بالتلفونات او اي شي،بعد محاولات ومعاكسات منهم وضغط عليهم حتى وافقو يخلوني اقعد معاه..
قلت ليه ما يهمني،البهمني تبعدو سمكم عننا ،إتحملنا بما في الكفايه منكم ،إكتفينا نحن
حسيت نفسي مكسورة وكأني بستنجد بيه عشان يتدخل ،حسيت بدموعي عايزة تجي جاريه،قمت على حيلي على طول وقلت ليه انا جيتك في مكانك وطلبت منك الطلب دة وم خايفة منك المرة دي لاحظت؟لأنو بقى ما بفرق معي شكل الأذى لو حيجي فيني انا،وبطلت اخاف برضو ...
طلعت منه،مشيت فندق حجزت لي غرفة نزلته فيها،تاني يوم إتذكرت هتن ،كانت صحبتي في مركز إعادة التأهيل ف قررت امشي اسأل عنها،بالفعل مشيت وسالت قالو لي طلعت من المركز بعدك مباشرة،طلبت رقم للتواصل معاها اخدته رقم اهلها ومشيت المطار ،قبل ما تجي مواعيد الرحلة جاتني مكالمه و الرقم سوداني بس غريب ما رديت عليه ،3مكالمات ورا بعض ما رديت عليها..
فجأة نزلت عندي في الواتساب رسايل من نفس الرقم،
فتحتها لقيتها صور لسة بتحمل كانت كاتب لي تحتها في الطريق إلى ليبيا بالخلا
الصور فجأة فتحت لقيت نفسي بقول سياف ؟
رسلت ليه إستفهامات ؟؟؟؟
قال لي لما اوصل وأتلاقى مع امجد ونقعد مع بعض بطمنك عليه وحأخليه يتكلم معاك هو شخصياً وإن شاءالله ححاول م ارجع إلا وهو مفكوك اسره بإذن الله تعالى،دعواتك بس ...🌻♥️
"لم يعلّمني أحد كيف أنجو، لقد كانت النجاة الشيء الوحيد الذي لم أرِد أن أشعر بالامتنان لأحدٍ عليه."
ي جماعه هي كلها 40بارت،ويمكن تكون اقل قربنا خلاص
قلت ليه معناه انه عمار على تواصل مع السيدة كاثرين ،معناها هي على علم بي انا وبتحركاتي
قال لي اهدي عشان ما حتعرفي تفكري هي م بتعرفك انتي شخصياً ك زوجة سابقة لطليقها بس اخدي حذرك في كل الأحوال
قفل مني ،حسيت نفسي خايفة وم فاهمة ولا عارفة اعمل شنو،ولقيت نفسي في الشارع براي حتى الدار ما قادرة امشي من خوفي،
قعدته مع نفسي لقيتني كأني في متاهه،حتى لو ضعت فيها وم عملت شي واستسلمت انا راضيه بس على الأقل احاول اطلع امجد،فجأة جا في بالي كلام سياف ، لقيت نفسي بتصل عليه، فكرت فيه للحظة،اول ما فتح الخط قلت ليه اتمنى ما اكون ازعجتك بإتصالي في الوقت دة ،
قال لي عيب عليك تتصلي في اي وقت حبابك
قلت ليه عرضك بتاع قبل يومين لسة قايم؟
قال لي ما فهمتك
قلت ليه انا محتاجة مساعدتك
قال لي وين انتِ؟
قلت ليه في الطريق
اي طريق ومالك انتِ بخير رسلي اللوكيشن
رسلتو ليه ،بعد ربع ساعة وصلني ،قال لي شهد؟؟
سلمت عليه وركبت العربيه،قلت ليه بدون اسئلة إذا ممكن
قال لي طيب بدون اسئلة وبقينا لافين نزل بقالة اشترى حاجات وجابها لي،قال لي في حال جوعتي او عطشتي
بركن العربيه وانا لسة ساكتة ومترددة اتكلم..
قلت ليه انا في اكتر سنوات حياتي تعقيد
قال لي كل مشكله وليها حل
قلت ليه الا الأنا فيها دي
قال لي احكي لي يمكن اقدر اساعدك
قلت ليه كل اللجأت ليهم عقدوها لي اكتر مما سهلوها علي،انت ما حتكون افضل منهم
سكت وهو بعاين لي
قلت ليه معليش كلامي شويه حاد
قال لي لا عادي
قلت ليه المهم انت محامي صح؟درست في السودان ولا هنا؟
قال لي الجامعة جزء في السودان وجزء هنا
قلت ليه الجابك هنا شنو؟
قال لي الطموح،حب تغير الواقع ممكن تقولي كدة
قلت ليه لوتري؟
قال لي ممكن تقولي كدة
قلت ليه عندك خبرة في مجال المحاماة؟
ضحك وقال لي لالا قاريها ورا الفصل
قلت ليه انا جادة يعني مارستها ك مهنة؟
قال لي شهد اطرحي لي المشكله،ما تساليني عن مجال دارسه
قلت ليه انا محتاجة محامي متمكن بس ما لي انا
بقى يعاين لي
طلعت ليه التلفون ووريتو الفيديو ،بعد خلص قلت ليه النظامي المقصود في الفيديو دة اخوي ، ضابط في الجيش
انا محتاجة محامي عشانه اياً كانت اتعابه وتكاليفه موافقة ما عندي مشكله
قال لي اهدي وفهميني براحة
حكيت ليه تفاصيل الحصل مع امجد..
قلت ليه انا متأكدة إنه امجد اخوي يستحيل يعمل كدة ،ما عندي مشكله في القروش الممكن يطلبها المحامي ك اتعاب ليه
قال لي اولاً القانون عليه بالدلائل ،ما عندهم كلمه مستحيل دي..
قلت ليه التهمة متلفقة فيه،بعدين هو حالياً بين يدين السلطات الليبيه ممكن تساعدني بأفضل واشطر محامي ممكن يتبنى القضية وممكن افهم منك كيف ممكن يترحل للسودان؟
قال لي لازم السلطات تطالب بكدة وقتها يمكن يترحل لأنه قضايا التهريب دي الدول دايماً بتتمسك فيها جداً
قلت ليه السلطات ما حتطالب بكدة لأنه في ناس على راسها هي الملبساه التهمة..
قال لي ممكن تشرحي لي الموضوع واحدة واحدة مره تانيه..
قلت ليه طيب
حكيت ليه قصة امجد من لحظة سؤالي ليه عن البنات لغاية ما اختفى و ظهورة الان..
قال لي بما إنهم الملبسنه التهمة صدقيني حيطالبو بيه لأنه نظامي حيترحل وحيتحاكم في بلده بس اهم شي الان هو لازم يرفض وينكر التهمة الموجهه ليه،وما يعترف مهما عمل
قلت ليه كيف؟
قال لي عندي صديقي ابوه اشطر محامي ممكن يلقاك في السودان ،متمكم جداً ممكن اتكلم ليك معاه واشوفو ممكن يقول شنو بخصوص الموضوع دة وإن شاءالله خير ما تخافي طالما مظلوم حننصره كلنا بإذن آلله
قلت ليه شكراً
انت ممكن تمشي بيتك بعد كدة اعفي لي طلعتك في الزمن دة
قال لي وانتِ؟خليني اوصلك او اشوف ليك تاكسي يوصلك اذا ما حابه فكره اني اوصلك
قلت ليه لأ م راجعة البيت الان
قال لي ليه؟
سكتت
قال لي لأنو الزمن متأخر جداً
قلت ليه للأمانه في حراميه حاولو يتسللو على بيتي اليوم واتصلت على الشرطة ودة السبب المخليني مقلقة من الرجعة للبيت الان
قال لي إن شاء الله ما اتعرضو ليك بس؟
قلت ليه لأ ي دوب كانو بحاولو يشوفو طريقه يفتحو بيها الباب ما لحقو يدخلو حتى رجعو
قال لي طالما ما عندك رغبة تمشي البيت خلينا هنا طيب وصباح الله بخيرو
قلت ليه هنا وين؟
قال لي في الشارع
قلت ليه م حترجع بيتك؟
قال لي في واحد بخلي اخته وراه ويمشي يخليها في الشوارع انصاص الليالي؟إعتبريني اخوك يا ستي
خلاني في العربيه ونزل قعد في مقعد كدة ومسك تلفونو ..
اخدته لي غفوة صحيت بصوت رسالة في التلفون من العميل محتواها انتِ كويسة؟
قلت ليه ايوا انا كويسة
سياف دق لي القزاز وفتح باب العربيه كان جايب شاي وبسكويت قال لي صباح الخير،ممكن ترسلي لي الفيديو بتاع امبارح دة ؟
#ليله_في_ديسمبر33
اسوأ إحساسي حاساه وسط كل العشته دة إحساسي بفقدان الثقة تجاه كل حاجه حوالي،بقيت دايماً في حاله شكك مع اي حاجه قدامي،اي شخص،اي تعامل..
على قدر م بحاول اتجاهل الشعور دة وم ابينه في تعاملي مع الحوالي على قدر ما انا بقيت حاسه بعدم الأمان حتى وانا جوا بيتي ومع نفس،الأمر اشبه بالوسواس القهري،بحاول على قدر ما اقدر إني احافظ على إتزاني النفسي ولكن كل الظروف المحيطة بي اكبر من ثباتي،حاسة إني حتى صفة اللين إتنزعت مني وبقيت بتعامل بقساوة..
وانا في البيت إتصلت علي رفيدة اول ما فتحت الخط قالت لي شهد جايبة ليك اخبار حلوة شديد،الحمدلله امجد إتلقى ي شهد،إتلقى بألف صحة وعافيه،كانت كانها بتبكى..
قلت ليها عرفت الخبر..
قالت لي من وين عرفتي؟
قلت ليها المهم عرفت
قالت لي شهد عايني ربنا سبحانه وتعالى لطيف وحكمته بالغة ،يعني نحن م كنا متوقعين نلقاه والحمدلله إتلقى،حتى لو لقيناه ما كنا متوقعين نلقاه بالف صحه وعافيه كدة قدر اخف من قدر،واكيد الجاي كله خير،وان شاء الله يطلع منها،طارق نزل من السعودية مخصوص عشان الموضوع دة وهسي قال حيسافر ليبيا ومعاه حسام ،اصلاً نحن ما حنخليه
قلت ليها ممكن حسام واهله يكونو بعيدين من الموضوع دة؟
سكتت
قلت ليها يا ريت توصلي كلامي دة ل حسام او اديني رقمه انا حأقول ليه الكلام دة وم عايزاك تتواصلي معاه ي رفيدة،كل مكالماتك معي م بتخلى من إسمه،انا عندي اسبابي البتخليني اقول ليك الكلام دة وحيجي وقت اشرح ليك فيه كل شي بس ما هسي،حاولي ما تتواصلي معاه،وم تخليه هو ولا ابوه يعرفو اي حاجه في البيت فهمتيني ي رفيدة؟
قالت لي فهمتك ي شهد،حاضر،العايزاه ببقى
قلت ليها طارق جا متين؟
قالت لي اول م عرف بالخبر دة من امي نزل السودان 💔
وبالمناسبة شادي كمان جا هو ومرتو وحالياً معانا في البيت،فتح شقة خالتو سلوى فوق وشبه قال حيستقر خلاص بعد كدة..
قلت ليها الحمدلله على سلامته،حيسافرو مع طارق لأمجد هو وشهاب صح؟
سكتت مسافة وقالت لي اي ان شاء الله، المهم انتِ ما تشيلي هم كلو بعدي على خير إن شاء الله
قلت ليها بابا كيفو؟كويس ؟عرف بموضوع امجد؟
قالت لي لسة خالتو سميرة قالت م يكلموه عشان م يتعب
قلت ليها احسن،ما تخلوه يعرف لما الموضوع يتحل
قالت لي جايه متين انتِ ي شهد؟بجد البيت محتاجك شديد ماف غيرك حيرتبه والله انا متأكدة لو جيتي كل شي بتصلح كفايه جداً إنه تكوني موجودة 💔
قلت ليها جايه إن شاء الله..
ما قادرة اشرح ليها إنه انا ما قاعدة بمزاجي،وإني ما ينفع اطلع من البلد دي بدون ما اثبت اي شي على عمار واخوه عثمان،ولو عملت كدة ما حأقدر اتخطى في يوم إنهم كانو سبب في موت امي ولا حأقدر اتعايش مع حقيقة اني عرفت واتخطيت دي ،رغم عجزي في إثبات اي شي حتى الان بس طلعتي من هنا بمثابة فقدي للبوصلة تماماً..
اليوم التاني إتصل علي مستر جو من الصباح عشان يطمئن علي، قلت ليه انا بخير،قال لي الدار بدون وجودك ماسخ حاولي كوني بخير عشانا مفتقدنك
ضحكت وقلت ليه كلها كم يوم ،بس ممكن إنتو تجو تشوفوني في بيتي،خليني اخدها فرصة واعزمكم عندي،إنت،السيدة كاثرين، ،سيدة فرنانديز،واي زول تاني برضو لو عايز يجي ممكن تعزمو،كلمهم كلهم إني منتظراهم...
قال لي إنتِ عازمانا في بيتك دة بجد؟
قلت ليه انا ما بخيله على فكره بس حاسة محتاجة الجو الأسري دة وحابة فكره سماع صوت في بيتي غير صوتي ،انا عاطفية شوية اليومين دي ف دي فرصة إستغلوها عشان ما حتتكرر تاني 😂💔
قال لي اهم شي تكوني بتعرفي تطبخي غير كدة طلباتك اوامر 😂💔
قلت ليه عيوني حاطبخ ليكم احلى اكل بس ممكن سيدة كاثرين توافق؟لأنو..
قاطعني وقال لي اعزميها إنتِ شخصياً وخلي الباقي علي انا ولا يهمك ،قلت ليه طيب اديني السيدة كاثرين اذا جنبك اعزمها بنفسي طيب🙇♀️
بعد ربع ساعة إتصل علي واداني ليها،قلت ليها سيدة كاثرين،نهارك سعيد،انا...الخ
بعد ما اتكلمت معاها مستر جو قال لي ما ابدت اي رد فعل يوحي بموافقتها اعتقد دة عدم موافقة منها لكن ما يفرق نحن حنكون حضور..
رغم إني عاملاها مخصوص عشانها هي بس اذا ما ظبطت المره دي حأشوف حجه تانيه احاول اجيبها بيها زيارة عندي..
رغم إني يئست من العزومة بس كان لازم اعملها طالما اتكلمت ،طلعت مشيت جبت كل إحتياجاتي ورجعت البيت نضفته ورتبته وعلقت اللوحة وقلت ليها نشوف اخرتها معاك شنو كمان انتي..
ومما اصبحت طبخت وجهزت كل شي للمساء لأنهم كدة كدة جاين المساء ،إتصل علي مستر جو قال لي نحن في طريقنا ليك،رسلي اللوكيشن بتاع البيت..
قلت ليه تمام حاضر،رسلتو ليه
بعد ربع ساعة بالضبط وصلو،اول ما فتحت ليهم الباب مستر جو قال لي سبرايز..
/channel/+i44IRR74JnQ0ODBk
كسح وحرق حرفيا للأسعار اقل اسعار في الجمله
فقط علي الوسام مول والفرقه واضحه
/channel/+i44IRR74JnQ0ODBk
الوسام مول والرخاء لأي زول
بعد اللحظة دي ما بتذكر شي غير إنه لما صحيت لقيتهم منتظرني لسة،ولما طلعوني من المستشفى ودوني الدار..
بتذكر إني يومين حتى قدرت اقيف على طولي،في اليومين دي كلها كنت كل ما افتح عيني بلقى مستر جو ومعاه كم شخص من المسنين قاعدين معي في الغرفة وحارسني من ضمنهم السيدة كاثرين..
مرة دق باب الغرفة قلت ليه اتفضل جا داخل لقاني صاحية قال صباح النور،الان كان سياف بتكلم معي عشان يطمئن عليك قلت ليه إنك لسة ما صحيتي..
قلت ليه صباح النور
قال لي كيف حاسة نفسك احسن؟
قلت ليه ايوة احسن
قال لي اتمنى إنه تكوني بخير بجد،لأنو خوفتينا عليك كلنا ،كنا قلقانين عليك
قلت ليه ممتنه جداً لوقفتكم معي انا بخير الان م يحتاج تقلقو ، انا حأنزل امشي البيت
قال لي خليك هنا في غرفتك لما تتعافي تماماً
قلت ليه انا بخير واتعافيت لازم ارجع البيت،حأرتاح هناك..
قال لي طيب سياف في طريقه جاي ياخدني لصالة الرياضه،ممكن ناخدك معانا وفي طريقنا نوصلك البيت رايك شنو؟
قلت ليه انا محتاجة اتمشى واشم هوى شويه ما مشكله
قال لي ونحن كمان طالعين نجري في الحديقة يعني ممكن تتمشي معانا ونوصلك البيت بعدها
قلت ليه هسي قلت ماشين الصالة ؟
سكت مسافة وقال لي م عايز اقلق عليك مره تانيه
قلت ليه عارفه بس انا كويسة ،لو وصلتوني حتتأخرو على مواعيد الصالة كمان هو حيكون عنده مواعيد مع ناس ،بعدين انا ممكن اوصلك م يحتاج يجي ياخدك من هنا سياف
قال لي نحن أسرتك م بحتاج تشكرينا ،الوحيد المفروض تشكريه هو سياف لأنه إتخلف عن حضور مؤتمر نقابة المحامين الدوليين عشانك رغم إنه كان متحمس جداً لحضوره لكن لما إتصلنا عليك وردت علينا واحدة غيرك وشرحت لينا وضعك رفض يمشي حتى بعد م وصلناك المستشفى..
سكتت مسافة وقلت ليه دة خبر حزين جداً لازم اعتذر ليه
قال لي يكفي جداً إنك تشكريه،هو ولد صالح حقيقي ♥️
بعد ما طلع لقيت مكالمات من رفيدة ومكالمات من الصحفي ،ما رجعت ليهم لانو كان حيكون الزمن متأخر عندهم،بس رسلت لرفيدة وطمنتها علي
وانا طالعة مستر جو قال لي انا كلمت سياف وقلت ليه إنك حتوصليني في طريقك..
قلت ليه اوك إذا يلا نمشي
طلعنا ،اول م ركبنا العربيه لقيته جايب لي شوكلاته والغريبة إنه طول الطريق كان بقول لي كلام لطيف وبضحك معي على غير عادته..
قلت ليه ملاحظ إنك مدللني زيادة عن اللزوم اليوم ي ريتني كنت مرضته من زمان 😂
ضحك وقال لي ماف زول عاقل بتمنى المرض الف لا بأس عليك لكن انا جربته إحساس الوحدة في وقت ما هو شعور قاسي جداً ما اي زول بتحمله
قلت ليه صح بس انا ما وحيدة هنا عندي إنتو ،كنت كل م افتح عيني بلقاكم حواليني ودي كانت ليها اثر على نفسي جداً♥️
لما وصلنا قال لي حتواصلي صح؟خلي بالك من الطريق
بعد كنت عايزة اتحرك بركنت ونزلت ،
لما شافني وقف قال لي بي تنهيدة النساء دايماً وللأبد حيفضلو ما مفهومات..
دخلنا الصالة الرياضية قال لموظفة الإستقبال سياف في المكتب؟
قالت ليه لا بيتمرن..
دخلنا مكان التمرين كان برفع في اثقال،السيد جو قال ليه يوم تبدأ فيه برفع الأثقال شكله يوم سيء..
لما شافنا وقف وقام على حيله ،سيد جو قال ليه شوف معي منو اليوم..
سياف قال لي عاش من شافك كيفك إن شاء الله إتحسنتي؟
قلت ليه الحمدلله وانت كيفك؟
قال لي بخير وعافيه الحمدلله
قلت ليه دايماً ي رب،حبيت أشكرك على وقفتك معي شكرا بالجد جزاك الله خير ،وكمان عرفت إنه بسببي ضيعت عليك فرصة مهمة جداً اسفة بجد..
قال لي حأعتبر نفسي ما سمعت شي وإن شاءالله ي ستي ما عليك إلا العافية حاولي تريحي نفسك وم ترهقيقها ويكفي جداً إنه تطمنينا عليك
قلت ليه إن شاء الله شكراً مره تانيه وانا استأذن
قلت لي إتفضلي ،حابه أوصلك؟
قلت ليه لا انا تمام بقدر امشي معي العربيه
سيد جو قال لي خلي بالك من الطريق
طلعت برة لقيت سياف جاي وراي،قال لي شهد
وقفت..
قال لي ما تعتبريه تطفل ونحن هنا في بلاد الغربة اهل واهلنا بقولو الما ليهو خير في اهله ما ليهو خير في غيرهم،انا ما عارف تفاصيل الحاصل معاك شنو بالضبط بس تأكدي تماماً إذا إحتجتيني في اي حاجه انا موجود،ما تترددي في إنه تطلبي المساعدة ابداً،اياً كان الحاصل معاك او مع زول من اهلك هنا ولا هناك أنا موجود وعلى أتم إستعداد إني اقدم المساعدة اللازمة...🌻♥️
"أن أتخطى يا الله
كُل تلك الأشياء دُفعةً واحدة
أن تهبني
قوةً جديدة
لا تُعذبني، ولا تُتعبني، آمين."
🦋 صلوا علي الحبيب المصطفي صلي الله عليه وسلم
جاتو مكالمه اتحرك من جنبي وهو ماشي
قلت ليه طيب وإنت كيف حتساعدني؟
قال لي عندي لوحات محتاجه شرح للحضور لازم امشي
نزل وبقيت واقفه..
جا راجع قال لي ما حتنزلي؟
نزلت وراه ،أداني لوحة هديه وقال لي حنكون على تواصل مد لي يده وقال لي شرفني حضورك..
كل الأمال الإتأملتها كانت كوم،واليأس الإتزرع فيني بعد مقابلتي للزول دة كوم تاني خالص..
حسيت إني عايزة استسلم لأني في دوامة كل ما اقرب على طرف خيط منها بلقاه متعقد اكتر من القبله
صدق لما قال إنه عمار سابقني ب 100خطوة..
وانا في الطريق وبفكر تلفوني ضرب،كانت مكالمه من مستر جو
كنسلت المكالمه..
تاني رجع إتصل وم وقف خالص،رديت عليه قال لي وين إنتِ اليوم؟
قلت ليه بنفاذ صبر انا في الطريق
قال لي لازم تجي تاخديني محتاج مساعدتك لغرض ما
قلت ليه انا بعيدة شويه
قال لي انا محتاج اشتري هدية لشخص ما ،لازم تساعديني في الطلوع من الدار وإختيار هدية ليه واليوم ضروري..
قلت ليه طيب جايه
مشيت اخدته،قبل ما نتحرك قال لي شنو الهدية الممكن تتقدم لمحامي؟
قلت ليه اي شي الهدية ما بتفرق
قال لي بدلة ممكن تكون هدية مناسبة؟
قلت ليه نوعاً ما ممكن تكون مناسبة
ما كنت قادرة اركز معاه بس كنت مجبورة ارد عليه لأني لو ما رديت ما حيريحني..
وصلنا محل بيع ملابس رجاليه وإخترنا بدله
قال لي انا كبير في العمر ذوقي قديم شويه إختاريها إنتِ على ذوقك ،وبعدها طلب المقاس يكون xl
اخدنا البدلة،طلب من المحل إنه تتزين لأنها ماشة هدية وطلب منهم أضافة ساعة وعطر،المحل طلب ياخد مني تفاصيل العنوان،قلت ليه عنوان المستلم يا سيد جو ؟
قال لي خليه يوصلها عندك بستلمها منك فيما بعد
المحل اخد مني تفاصيل العنوان وقالو لي اول م تجهز حتتوصل ليك خلال ساعات،
وصلتو الدار قال لي ما سألتيني عن الهدية لمنو؟
قلت ليه لأنو إجابتك حتكون إنه الأمر ما بيعنيني،وانا فعلاً الأمر ما بيعنيني عشان كدة ما مهتمة 🤝
قال لي شكلك في مزاج سيء،لازم تتناولي قطعة شوكلاته او قليل من عصير الليمون
قلت ليه نحن وصلنا يا سيد جو
نهايه اليوم اول م رجعت جاتني مكالمه من رقم العميل ،قال لي مساء الخير
قلت ليه مساء النور
قال لي سألتيني انا حأساعدك ولا لأ،انا في الحقيقة في شي لازم تعمليه
قلت ليه كيف؟
قال لي اللوحة الأديتك ليها،المطلوب منك تعلقيها في بيتك لازم حتة تكون واجهه وظاهرة لأي زائر ،والأهم حيكون عليك تدعي السيدة كاثرين لتناول وجبة عشاء عندك،او إختلقي اي عذر واعملي مناسبة واعزمي المسنين الفي الدار لحضورها في بيتك زي عيد ميلادك مثلاً
قلت ليه من وين بتعرف السيدة كاثرين؟
قال لي سبب تواجدك الان في ولاية كاليفورنيا مدينه سانفرانسيسكو وبالتحديد عملك في الدار الأن سببه هو السيدة كاثرين،من الغباء تساليني انا بعرفها من وين..
قلت ليه طيب والفكره شنو من شوفتها للوحة؟ بالإضافة لإنه في صعوبة في إقناع السيدة كاثرين للطلوع من الدار وصعوبة في حضورها لمكان مزدحم سواء لحضور مناسبة او تلبيه عزومة او غيره
قال لي لما تعلقيها وتشوفها حتعرفي الفكرة شنو من اهمية اللوحة دي بالنسبة للسيدة كاثرين،ما بالضرورة تدعي الدار كله حاولي إخلقي سبب مقنع لزيارتها ليك في البيت
قلت ليه ححاول
قال لي اتمنى يحصل كدة في اسرع وقت
قلت ليه حاضر،ممكن اعرف إسمك عشان اسجله؟
قال لي عرفتي هويتي شكلاً ودة ما بيحصل لولا إلحاح السيدة جينيفر رغم معرفتها بالقوانين ، الإسم ما مهم..
وصلني دليفري الهدية الخاصة ب السيد جو،اتصلت عليه وقلت ليه انا إستلمت العمل؟
قال لي بكرة تعالي اخديني من الدار الساعة 8ما تتأخري
قلت ليه8?
قال لي ما تتأخري لأني عندي موعد مع صديق مهم للغاية ومناسبة مهمة لازم اصله في المواعيد دي
قلت ليه حاضر،مستر جو
رغم اني م بنوم وعارفه نفسي ما حأنوم خالص شغلت المنبه عشان في حال جاتني غفوة يصحيني،وفعلاً دة الحصل،صحيت الصباح وعملت القال عليه،وصلت الدار وإستنيته لغاية ما طلع كان متحمس كدة،
قلت ليه هديتك في المقعد الخلفي حنمشي وين؟
قال لي صالة الرياضة
عاينت ليه بإستفهام؟
قال لي مشينا؟
قلت ليه اوك حاضر،إتجهنا لصالة الرياضة وهو يرغي في الفاضي والمليان وانا اصلاً مصدعة لغايه ما وصلنا قال لي ما حتنزلي؟
قلت ليه لأ ،حتاخد كم إنت عشان ما نتأخر على مشوارك التاني
قال لي ما عندي مشوار تاني ،مشواري كله هنا
قلت ليه م حتقابل صديقك وتقدم ليه الهدية البسببها صاحية من 7صباحاً؟
قال لي صديقي موجود هنا ،لازم تقابلي طبيب يساعدك في حل قدرتك الإستيعابيه،صديقي هو سياف لا غير،كلمني ب إنه نال درجة الماجستير في المحاماة قبل فترة بسيطة وامبارح تمت دعوته لحضور مؤتمر لنقابة المحامين الدوليين ك عضو من اعضاءها رسمياً وكان مبسوط جداً لأنه اخد وقت طويل وهو ساعي في إنضمامه للنقابة..
🦋الروايه غدا ان شاء الله
تصبحون علي امنياتكم❤️❤️❤️