274
ارد اصيرن خادم حسين الذبيح ريت عمري ينكضي يم الضريح حتى أبجي والطم الراس واصيح واحـسينآ واسـليبآ واجـريـح
قصيدة كوم ياعباس
اداء والحان الرادود أسعد البدري
دولة الدنمارك
حسينية أهل البيت. ع
لقاء مع الشاعر علي عسيلي العاملي
في كربلاء المقدسة
قصيدة موجوده الزهراء اويانه
الرادود حسين المفرجي
بغداد الغزالية
قصيدة زينب تنادي حسينهه
اداء الرادود كرار الكاظمي
كلمات الشاعر حيدر الحيدري
حي جميلة الثانية حسينية السدرة
(علمني درب احسين)
وزن الدارمي
تْعلّمت انه اهواي.. من نهضة احسين
أفدي الدِمه للدين.. وچفوفي والعين
_____
سبط النبي المختار.. ابن الرساله
خط بالدماء هناك.. خط العداله
قاتل لأجل الدين.. وبكل بساله
ما ذل أبد للگوم.. ذيچ الشياطين
_____
علمني والله حسين.. درب الشهاده
والصبر والايثار.. ويه القياده
والقوه والإصرار.. وبكل إراده
ونضحي لجل الدين.. ويه المضحين
_____
علمني درب احسين.. معنى الكرامه
كل خطوه لازم كون.. بيهه استقامه
نمشي ونظل وياه.. درب السلامه
من المهد للموت.. وبكل السنين
___
قدّم لأجل الدين.. دمه ويه نحره
ماننسه ثار احسين.. ماننسه ذكره
حتى الطفل هليوم.. يجّريله عبره
مشايه كلنه انروح.. لو گِطعو أيدين
_____
آخذ عبر ودروس. من هالقضيه
من خطبة السجاد. والزينبيه
خالده أظل للدوم. كلش قويه
بيهه القيم وأخلاق. واعلى المضامين
_______
يمتى يجي الموعود. وتشع طلعته
خاطر اصير اليوم. جندي بدولته
مو عمر لو عمرين. هم انتظرته
ياخذ بثار حسين هم ينصر الدين
✍️ حيدرالحيدري
بين الغريب والغريبه
اداء والحان الرادود عمار الساعدي
كلمات الشاعر حيدر الحيدري
المجلس الحسيني السنوي
حي جميلة حسينية السدرة
قصيدة موجوده الزهراء اويانه
الرادود سيد الجيزاني
الرادود احمد علي الحلبي
حي جميلة حسينية السدرة
(عهد الخدمة)
حسين خليني اصيرن دوم وياك
لاتخليني أبد فد يوم انساك
ياحبيبي ياحُسين
نور عيني ياحُسين
___
انت يامولاي متفضل عليه
كون تقبل خدمتي وتاخذ بديّه
ماردت مال ومصالح دنيويه
ارد اخدمك واخدم الزهره الزچيه
ياحبيبي ياحُسين
نور عيني ياحُسين
____
هو گلبي اختارك وهذا قراره
والله جنّة محبتك وافضل تجاره
خدمتك فوز وأبد ماكو خساره
يبقى دربك واضح ونور ومناره
ياحبيبي ياحُسين
نور عيني ياحُسين
____
ياابوالسجاد الك زايد هيامي
من اطب لحضرتك تسمع سلامي
ابقه عطشان من ازورك يا امامي
شلون اشرب ماي يمك وانت ضامي
ياحبيبي ياحُسين
نور عيني ياحُسين
____
يانبض گلبي تظل أغلى الغوالي
راسي مرفوع بخدمتك دوم عالي
لأن احضر تعزيه بكل الليالي
أرد اصيرن عاشگ وخادم مثالي
ياحبيبي ياحُسين
نور عيني ياحُسين
____
مجلسك يحسين هو اللي حياني
انت ديني وكل حياتي وكل كياني
وِبْفَضِلْ جُودَكْ صِرِتْ اِنْسَانْ ثَانِي
بكل دقيقه يردد باسمك لساني
ياحبيبي ياحُسين
نور عيني ياحُسين
____
ناذر ايامي وحياتي وكل سنيني
اني بايع نفسي لجلك واشتريني
بالگبر يحسين أتمنى تجيني
رايد انه بشوفتك تكتحل عيني
ياحبيبي ياحُسين
نور عيني ياحُسين
____
ياشهيد الدين يارمز الشهامه
يَا أَسَاسِ الْمَجِدْ عُنْوَانِ الْكَرَامَة
ريت تشفع سيدي بيوم القيامه
دمعي شاهد واللطم هو العلامه
ياحبيبي ياحُسين
نور عيني ياحُسين
✍️ الشاعـر حيـدر الحيدري
(ميمر)
مولاتي من فضلچ كون هالخدمة تتقبليهه
****
أبد والله يم الحسن ماننساه
كلنه أنصاره وللموت احنه وياه
نذكر زينب وحسين هم ننعاه
عدنه تعزية بهليوم نتشرف اتحضريهه
**
هنياله اليخدمچ يمنه الزهره
هذا الخادم يفديچ بكل عمره
عاش بحزن والكلب يلهب جمره
تتوسل بيچ الخدام خاطر نضره تنضريهه
**
كلنه نِخاف هناك يوم المحشر
منتظرين المذبوح وأمه التحضر
يسگينه الكرار ابيده من الكوثر
تشفع فاطمه الزهراء والشيعه منتظريهه
*
تحضر فاطمه وهم توفي الدين
تنقذ كل واحد خادم لحسين
هم النار اطّفيهه ابدمع العين
تفرح خدامچ وتفوز لمن اتنقذيهه
****
القاري والرادود وي الشاعر
هيئة وموكب حضرت بالعاشر
ذكروا نحر ابنچ داسه الحافر
نادوا يحسين الخدام وامك انواسيهه
خادم السيدة الزهراء (ع)
حيدر الحيدري
قصيدة ماعوف الحسين
اداء الرادود امير الجبوري
محافظة بابل مدينة الحلة
طور (دهري ذبني)
(قصص كربلاء) (موشح)
عاش ابوالباقر قصص احزانه
كربله ابراسه وذبح إخوّانه
________
عايش ويذكر مصايب كربلاء
ينصب بكل دار مجلس للعزاء
للشهيد احسين ويضج بالبكاء
وروحه من ضيم السبي تِعْبَانَه
________
يبجي ليل نهار لحسين الغريب
يذكر المنحر وهم شيبه الخضيب
شلون عطشان وسليب وهم تريب
وزينب تنوح وتوّن حزنانه
________
يذكر الطف وخيم مشتعله نار
والجمر يحرگهم و تبچي الزغار
هم عطش هم جوع والنوب الحصار
والوجه اصفر تحول الوانه
________
شلون ينسى هناك لوعات الرباب
والرضيع امّذبح بسهم العذاب
چنه طير ايفرفح وراد الشراب
وامه تركض حضنته وفزعانه
________
هو شاف بعينه مذبوح الكفيل
بعده يسمع صوت اطفال وعويل
صعب ينسه المجزره لا مستحيل
عمته زينب تركض ولهفانه
________
من يشوف الماي تنزل هالدموع
يذكر ايام السبي وذيچ الضلوع
والهواشم عالثره مثل الشموع
والايتام امعذبّه وعطشانه
✍️ السيد حيدر الحيدري
زينب تنادي وتحاچي حسينهه
وتلطم اعالراس زاد ونينهه
شافته امگطع والله يعينهه
والنحر ينزف وكل اوصاله
_______
مخضب وينزف دمه احسين الشهيد
والشمر گاعد ويگطع بالوريد
عاري عالتربان هم ضامي اوحيد
وشافت بگلبه سهم چتاله
______
والله صعبه تشوف مذبوح الحبيب
والحوافر تسحك بصدره وخضيب
شلون گطعوا خنصره وخده التريب
وبالحوافر داسته الخياله
_______
تلطم الحره وتون وهم تصيح
ليش ضامي وماشرب مي الذبيح
وسفه ابو اليمه جريح وهم طريح
عاري عالتربان محّد شاله
_______
انت ريحانة مُحمّد يالحنين
شلون اعوفك ياحبيبي ياحُسين
والدمه ينزف اشوفه من الجبين
راح اروح ودمعتي الهمّاله
_______
راح اودعك وامشي باچر للسبي
اني والسجاد وعيال النبي
ننچتف بحبال ماعدنه ولي
ظلمه بفراگك وصعبه الحاله
✍️ السيد حيدر الحيدري
قصيدة زينب نادت يابوالغيره
الرادود الحسيني اسعد البدري
حسينية اهل البيت. ع
دولة الدنمارك
(الوداع الاخير)
حان الوداع الاخير
للخيم راح الأمير
راح يم اخته الحبيبه
گبل ساعات المصيبه
حان الوداع.... حان الوداع
__
راح ابوالسجاد والدمعه جريه
للمُخيم راح للحره الأبيه
گلها ياخويه بعد جتي المنيه
شدي حيلچ واستعدي للرزيه
هيه هايه كربلاء
هم عذاب وهم بلاء
بيهه كل لحظه عصيبه
گبل ساعات المصيبه
حان الوداع.... حان الوداع
___
شاف الأطفال اليتامه وي سكينه
سمع طفله من العطش تبچي وحزينه
وصرخت النسوان يحسين انولينه
بعدك جيوش العدّه تهجم علينه
أبقه يمنه ولاتروح
بعدك اتزيد الجروح
واليروح منين اجيبه
گبل ساعات المصيبه
حان الوداع.... حان الوداع
___
اصعب اوداع الجره في كل حياته
وي اهل بيته اجتمع وي كل بناته
طلب يلتزمون بيهن توصياته
لمن ايگطعون نحره اوعد وفاته
هذا ابو اليمه الغيور
ضحه للدين بنحور
والجثث ظلت تريبه
گبل ساعات المصيبه
حان الوداع.... حان الوداع
_
ودع احسين السبط اخته العقيله
گلها من بعد الكفيل انتي الكفيله
خلي بالچ عالخدر يختي النبيله
لا مُعين وناصر الكم لا وسيله
صعب كلش هالكلام
تحترگ باچر خيام
والحرم تبقه غریبه
گبل ساعات المصيبه
حان الوداع.... حان الوداع
___
گلها ياخويه وداعاً يالحبيبه
من اطيح امّدمه وبحاله رهيبه
والنحر مگطوع والجثه خضيبه
باچر تصيرين يازينب غريبه
هم غريب وهم سليب
راسي مگطوع وتريب
والجرح خدرچ طبيبه
گبل ساعات المصيبه
حان الوداع.... حان الوداع
___
بعده ماكمل وداعه وهم كلامه
وصلن سهام العده لداخل خيامه
كلهه خافت ترجف وماكو سلامه
راح للحومه وشهر ضدهم حسامه
عالثره ينزف جريح
حسين مولانا الذبيح
وجثته بدّمه خضيبه
گبل ساعات المصيبه
حان الوداع.... حان الوداع
___
✍️ السيد حيدر الحيدري
موشح في سيرة الشاعر عبود غفله الشمرتي
(أمير الشعراء)
شاعر اتْلَقَّب أَمِير الشُّعَرَاء
صِدِك خَادِم مُخْلِص وْيِكْتِب رِثَاء
______
هذا عبود الشمرتي النجفيّ
شاعر أهل البيت خادمهم وفيّ
وجمرة الطف بيه أبد ما تنطفي
روحه متعلقه بمصايب كربلاء
_____
چان شاعر لامع اوّواعي وأديب
يرتجل ابياته وبشعره يصيب
ينظم الأشعار لحسين الحبيب
وقدم اسنين العمر لجله فداء
______
يِبْقى مُلْهِم لِلشِّعِر وَالمَدْرسه
وَالَأَشْعار منَظَّمَه ومُهَنْدَسَه
فقط لهل البيت شعره مكرسه
كل قصيدة تحولت مجلس عزاء
____
سنين عبود وينادي المُنتظر
چان منتظره ويناشد ماظهر
بالقصايد يندب وعمره نّذر
ينتظر ملهوف يتمنى اللقاء
_____
والله عبود ابخدمته انطه الدروس
مايدور شهره لاجاه وفُلُوس
صار مُلهم بالوفه لكل النفوس
يخدم أهل البيت ميدور عطاء
_____
عاف كل الدنيا حتى المُغريات
تمسك بدرب الحسين بكل ثبات
وفاز بالخدمة وأخذ صك النجاة
لأن خادم مخلص وعنده وفاء
______
شكثر عنده آلآم وانواع الوجع
من يشوف أخطاء عدّ المجتمع
ينصح وهم ينّقد وصوته ارتفع
ويندب المهدي ويذكره بكل دعاء
_____
چم قصيدة اليوم ظلت خالده
والمواكب تقره شعره تردده
كلهن إرشاد ودروس وفائده
صارن انجوم وِيـشِـعَّـن بْالسَّمَاء
_______
يلا نتعلم درس كلش عظيم
كون نخدم والگلب صافي وسليم
نلتزم بالطاعه والنهج القويم
والحُسين يريد بس الأوفياء
الشاعر حيدر الحيدري
مشاركتي مع الرادود كرار الكاظمي
في بث مباشر قناة كربلاء الفضائية
خلال زيارة الأربعين.
قصيدة احضر مجلس ويانه
الرادود احمد علي الحلبي
موكب أصحاب الكساء
منطقة چكوك
مذبوح واليهه شيعة ونواسيهه
هاي السبيه بالغاضريه
شيعه ونواسيهه
****
يلا ياشيعـة نعظم هالمصيبـه
شلون زينب بت علي ردّت غريبه
شلون عافت جثة احسين السليبه
صعبه ماتنسه الطفوف اشكد رهيبه
حضروا مجالسكم نصبوا مواكبكم
هاي السبيه بالغاضريه
*'****
زاروا اهل البيت چم قريه ومدينه
والايتام تنادي يم زينب حزينـه
مانريد المـاي بس ردنه ولينـه
عذبونه وبالحبل ربطوا ادينه
بالشمس كعدونه وبسوط ضربونه
هاي السبيه بالغاضريه
****
خل نساهم بالدمـع ويه العقيلـه
عاشت الآلام ومحن رحلة طويله
علي السجاد بحزن دايم عويله
شلون ينسه الفاجعه لا مستحيله
هايه مصييتكم صبوّا مدامعّكم
هاي السبيه بالغاضريه
**
چم يتيم يصيح عمه وجم يتيمه
كلها تشكي لزينب الأم العظيمه
اشكد مشاهد بالسفر صعبه وآليمه
والعزاء تريد يم گبره تقيمه
وتصيح يعيوني ترضاهه يسبوني
هاي السبيه بالغاضريه
****
أربعينه اليوم خل نسچب العبـره
خل نواسي المُنتظر ونعظّم أجره
هم نعزي المُرتضى وفاطمه الزهره
بّجينـه ننشـد كربله لازم نذكـره
(جينه ننشد كربله امضيعينه)
زينب المفجوعه من كسروا اضلوعه
هاي السبيه بالغاضريه
*****
بعد درب احزان وهموم ورزايه
وصلت الحره وبدت تروي الحكايه
من اليسر ردينه عاين للسبايه
ماتكعد اشوف صار لاخيمة عدنه ولادار )
( من اليسر ردينه
يمهجـة كلبـي اكعـد ياضوايـه
حركوهه خيمتنا ماتت رقيتنا
هاي السبيه بالغاضريه
خادم السيدة زينب (ع)
الشاعر سيد حيدر الحيدري
الحسن مظلوم يالجعفريه
بالبقيع اليوم ننصبله عزيه
_____
امشوا ياشيعه نزور أهل المدينه
ونرفع الرآيات ونعزي نبينه
احنه شيعه من العراق وكلنه اجينه
بيوم سبعه من صفر عالي بجينه
ننعى ويه ام الحسن هاي المسيه
بالبقيع اليوم ننصبله عزيه
****
والمواكب تجتمع وتشيل رآيه
تمشي ويانه بنفس درب السبايه
و نذكر الابطال من راحت ضحايه
والأرض حمره أصبحت من الدمايه
احنه ماننسه شهيد الغاضريه
بالبقيع اليوم ننصبله عزيه
****
والله هاي الشيعه تفديهه المناحر
صدك تربية المجالس والمنابر
يحضر المهدي ويصيح آهلآ يزاير
و القصائد تنسمع من المناير
كون نمشيهه الزيارة الحسنيه
بالبقيع اليوم ننصبله عزيه
*****'
كون ويه المهدي نصرخ احنه وياه
عالحسن مسموم يبجي وهو ينعاه
يذكر الچبده ومصابه يصيح الله
لأن كبره منهدم كلبه انترس آه
ابوصالح شايف أنواع الاذيه
بالبقيع اليوم ننصبله عزيه
*****
شيعة البحرين تحضر ويه إيران
والكويت ويانه تلطم ويه لبنان
والعراق هناك ينعه بطور الاحزان
كلهه خدام وتصيح بكلب لهفان
وصلت الشيعه تواسيهه الزجيه
بالبقيع اليوم ننصبله عزيه
*****'
حضرت الزهره وتسجل بالمعزين
تحسب الدمعات واليلطم على احسين
بالحشر تشفع اكيدآ للموالين
تنطي كل شاعر وناعي قصر بعدين
والشفاعه ينول من عدهه هديه
بالبقيع اليوم ننصبله عزيه
خادم الامام الحسن المجتبى (ع)
الشاعر حيدر الحيدري
قصيدة يانافذ البصيره
الرادود الحسيني حسين الفرطوسي
بغداد الشعب
يانافذ البصيره
الرادود سيد حيدر الموسوي
للشاعر سيد حيدر الحيدري
جامع وحسينية الرسول الاعظم كركوك - طوز خورماتو
زينب نادت يابو الغيرة
الرادود سيد حيدر الموسوي
للشاعر سيد حيدر الحيدري
جامع وحسينية الرسول الاعظم كركوك - طوز خورماتو
( خادم فاطمة )
خادم فاطمة الزهره خادم ماردت شُهره
~~~
خادم وأفتخر اني هو حسين سوّاني
لجله هاجت أحزاني شاعر اكتب واقره
*
خادم ماردت أجري وبچي و دمعتي تجري
ياريت انكطع نحري وعمري يروح لا عمره
**
ذكر حسين بانفاسي احبه بكلبي وحساسي
حبيبي و تاج البراسي اعشكه اسنين عالفطره
**
اموت من اذكر الضامي ينحر احسين الآمي
يريته نحريَ الدامي و سالم سيدي نحره
***
كــون الخيـم مطفيــه وتحـرك نارهم بيــه
ولا اسمع المسبيـه كلبي اشتعل بي جمره
**
من صغري وشلت رآيه وكل اسنيني مشايـه
وبجي من اسمع اقرايه وتهيجن روحي بالحسره
'*
خادم لو تسجليني افوز بدنيتي وديني
وصيرن خادم حسيني واحصّل منج النضره
*' ***
حضري المجلس ويانه شوفي الشيعه حزنانه
وصيحي ام الولد انه حسين وكطّعوا نحره
خادم فاطمة الزهره
السيد حيدر الحيدري
قصيدة زينب نادت يابوالغيره
الرادود ايوب المالكي
بغداد حي اور
وزن الدارمي
(ماعوف الحسين)
حالف أبد للدوم ماعوف الِحسين
لو ذهب ويه اقصور وانطوني جنتين
__
خادم أضل لحسين. حد المنيه
ونحب و صب دموع. ونصب عزيه
بلكت يجي الموعود . ويه الزچيه
ينحب على المذبوح. ويّ المُعزّين
____
خدمة أبوالسجاد. عمري وحياتي
صاحب فضل للدوم. حتى بصلاتي
يقبلني خادم كون. هاي امنياتي
ضحه بحياته احسين ولخاطر الدين
____
أفدي الدمه والروح لحسين امامي
عاري على التربان منذبح ضامي
عاشگ اضل للموت زايد هيامي
كلما يُمر عاشور دم تنزف العين
___
ماعدي غير احسين هو الوسيله
واملك ذنوب هواي صعبه و ثجيله
أنصب عزه بكل يوم. وانعه العقيله
هذا العهد للدوم. وبكل السنين
_
خل نندب الموعود. حامي الشريعه
ونعظم اجره اليوم باكبر فجيعه
عالظل ثلث تيام جثته صريعه
مهدينه يبچي هواي فاگدله غالين
__
نور وهداية احسين واكبر سفينه
عفنه الذهب والمال خدام اجينه
يوم الحشر ياريت ياخذ بدينا
واسمه يظل مطبوع بين الشرايين
✍️ السيد حيدر الحيدري
الوداع الاخير
الرادود الحسيني حسن الغراوي
حي جميلة الثانية
حسينية السدرة
قصيدة موجوده الزهراء اويانه
الرادود احمد الحلبي
موكب عزاء الخبازين
الكاظمية المقدسة
١٤٤٨ هـ
(مصرع الحسين)
هم غريب وهم وحيد حسين مولانا الشهيد
ودع اخته والعيال اوراح وحده للقتال
واحُسيناه واشهيداه
*****
من هجم سبط النبي مثل ابوه حيدر علي
كلهه ترجع ليوره صاح من يبرز ألي
انه جيت لوحدي وانتظر زلمه اليجي
اي وحق طه النبي اليوم أسبيكم سبي
انتو مابيكم شجاع ياهمج والله ورعاع
قائد واهزم جيوش يلا خل نبدي النزال
****
هجموا اتباعه ال يزيد وضربوا احسين الوحيد
من شمال ومن يمين وناس تضرب من بعيد
كتل من عدهم جنود واجو هجموا من جديد
وانطعن تالي بسيوف وهالنزف اصبح شديد
انترس جسمه بجراح بالسيوف وبالرماح
حتى نيران وحجار ونامت بصدره النبال
*****
اجت فرقه بالسهام والسيوف وبالرماح
بالطعن صار ازدحام ينزف وتاليهه طاح
كلهه هجمت بالاخير ذبّحوه صار الصياح خولي يطعن وي سنان صارن الآف الجراح
منذبح ماعنده حيل والجسم اصفر نحيل وانغمى حسين الجريح وعالوجه هم دمه سال
******
والشمر يأمر يصيح چنه شيطان ومخيف
تالي هجموا أربعين من اجل نحره الشريف
عينه ضلت عالخيام جسمه مجروح وضعيف
ماكو ناصر لامعين ناده وبصوته الخفيف
شلون هالمنظر صعب حافر السهم الكلب
ينزف بقوه الجرح حمره صارت هالرمال
**
نحروا احسين الحبيب سبط مولانا الرسول
تالي سلبوه القميص والصدر جوه الخيول
كسّرت منه الضلوع گامت توصل وتجول
نهر صاير من دماء منظر ايحير العقول
لابُرير ولاحبيب حسين مذبوح وسليب
بالشمس خده التريب چثته مانوصف مُحال
خادم الإمام الحسين (ع)
السيد حيدر الحيدري