42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
لو كل خمسة مؤمنين
#يتكفلون عائلة محتاجة
چان سوينا هواي شغل
وهذا العمل يثلج گلب صاحب الزمان
الكثير من العوائل تئن
بسبب الفقر والجوع والمرض والحر
وهذا الأنين هو ألم لقلب صاحب الزمان
#فزاعيات
بعد شيكفي روحـي ياهظم يانوح
كـون أبچي عليها الـحـد طلاع الـروح
الغريبه أخـت الغريب أبكربله مذبوح
العاري أعله الترايب بالشمس مطروح
(چا شنهي ظلتي.. وزينب أطب ديوان)
ألأميره وعفة الله شلون تصعد نوگ
هزيله ووسفه چفها بالحبل مشبوگ
أفــّـه كـتال اهلها بالنـياگ أيسوگ
وكل ديره يطب لازم يمر بالسوگ
(علوية الله ... شلون تدخل للسوگ)
وين أهل الحميه خل يجون أبساع
وخـل خيولهم تطوي الفله والگاع
بـالـغـربـه حـرمـهـم رادت الـفـزاع
حگ أهل الشيم مايوم راح وضاع
(ماهية عاده... وتنسبي ألكم نسوان)
أجت كل القبايل عالظعن من فات
خـذو نـسوانهم مـابقن مـسبيات
البقن نسوان هاشم فرجه للشمات
خــدر الله البقن بـالظعن علويات
(بس العلاوي.... مـا نغر ليهن حيد)
هظيمه ياأل هاشم عالهظم تبطون
غريبه أبينهم ياوسفه تبقه أم عون
گبل مو چنتو گبل الحيهم تفزعون
چا شنهي السده وفوگ الرمح تبقون
(صعدت الغيره.. وروسهم دخنت غيظ)
الظعن للشام طب وصحت أخ الشام
صحت الله ولحد صدگ مدري أحلام
بي مسبيه زينب هــاي والله أيـام
من عگب الخيم صعبه بخرابه تنام
(الله ولحد...... كـون أمـوت ولا هـاي)
✍️حسين حمدان الدلفي
#نعي
سابع الإمام الحسين عليه السلام
صارن سبع تيام يحسين
وآنه اعله ناگه و انتو ميتين
تدري الگلب مجسوم نصين
عگب الولي ما نايمه العين
مو زينه عگبك صارلي سبوع
من القهر محنيه الضلوع
دم و دمع أبچيلك دموع
علناگه و أختك يلولي تلوع
مسبيه صارن سبع تيام
محروگ كلبي حرگت خيام
شوفي عليك هواي محتام
تدري رحت يلحيد لشام ؟
انته و هلي ياريت تلفون
من الدمع متشوف لعيون
صارن سبع تيام لضعون
بيد الغرب و بليل يمشون
حسين علي الخفاجي
#اللهم_عجل_لوليك_الفرج
نعي
لسبايا كربلاء ع
شگد صيحت وين اليحامون
لضعن العلاوي خل يلحگــون
زمرة رجس لا ما يرحــــمون
وما لايگه هالحاله لم عــــون
منــــــكم تره گــوه خــــذونه
وصــرخــو علينه وشــــتمونه
صحنالهم خنــــشوف اخونــه
بچـــــــتل اليتامـــه هددونــه
مهضومه يمكم والدمع خـــر
وما خيـــــر البـــيهم وينغـــر
بجســـــادكم جينـه انتعــثــر
واعضامكم متطشــره بالبـــر
يتهــــــددون امـــسو علينــه
وارواحــنه كـــلها بـــــعبيــنه
حتى اليـــــصد العــين لينــه
يشـــــــوف هيبة امنه بينــه
والســـــوگ شل حال الغرايب
وجــــــــدامنه روس الحبايب
لاضل زغير ومــــــره وشايب
تلگونه بأحجـــــــار الاجــانب
گـطعنه دروب وادروب البعيــده
ومهتم الضعن مو مــشي بهــيده
ورانه الشــام خويه شكبره عيده
وعلي السجاد گص اجفوفه گيده
الدمـــع چالمطر بتكم -- وانكت الها
رقـــيه وانه اهــــــفي -- وانكت الها
مو ســـــــــوط الكتلها -- ون كتــلها
على نحره الحنين وغفت هيه
يلاهي ما بقى امن الطگ -- لنا حيل
وينـــادي الشامت نسمعه -- لنا حيل
يهاشم گـــومو ودبــــــرو -- لنا حــل
جزعنه وطاحت امن السوط اديه
عبد العليلـه
✍حيدر ابو كيان الفاطمي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
((#انت_گد_حچايتك ))
……………………………………………………………
أنت گد حچايتك يمته اللقاء
مو گلت جايينك عا كربلاء
يلا يا سفياني .. الخدم كلها اتاني
في كربلاء
……………………………………………………………
ولك تخسه انكون توصل للحُسين
گبل گص راسك نگص السانك
خاف تتعب والسفر يصبح طويل
احنا نتعنه و نجي لمچانك
احنا ولد المرتضى و امنه البتول
وانت ابن وحشي و هند عنوانك
نجي و عن بكرة ابيها الشام ترجف من نطب
واللحايه القذره هايه صفره خوفاً تنگلب
ابنص دمشق انهوس احنه وبيرغ اخضر ينّصب
وي رگبكم سيفنه ايحب العناق
ما اجيت وهل أجو اهل العراق
انت و الشيشاني .. الخدم كلها اتاني
في كربلاء
……………………………………………………………
گبل ذبحيتوا الحسينُ وچي وحيد
وهسه جيش اطوّعت خدامه
مثل طيحة وهب و القائد حبيب
اطيح كل هاي الزلم جدّامه
موش باب القبله لا خط الحدود
اليخطي خطوه حش نحش اجدامه
لو نموت احنه واهلنه ما تطب لرض الشرف
الموته تنهض من گبرها وجيش يطلع بالنجف
والنخل يبرز يعارچ لازم ابأيده السعف
بحر موسى وغرگ بي گوم الطغاة
ايدافعن عن كربله دجله و فرات
ما يطب جولاني .. الخدم كلها اتاني
في كربلاء
………………………………………………….………
اي تعال بيوم عاشر و المصاب
ابركظة اطوريج نسحگ راسك
لو تجي ابوكت المشي بالاربعين
ادوّر اعل الهوه اظل انفاسك
من تشوف اشگد مواكب بالطريج
امن الرعب و اظل تطگ اضراسك
نزور من بره الزياره وابن ابوه الي دخل
انجاز نعتبره و بطوله إلي للحائر وصل
وانت رايد تجي هنانه ابحلب احسلك تظل
انت كل عقلك تجي لصحن الامام
ولك من الحله يبدي الازدحام
زاير ابصف ثاني .. الخدم كلها اتاني
في كربلاء
……………………………………………….…………
انت يمكن صدگ شو چنك نسيت
ابداعش اسوينه لمن جانه
حچايه وحده امن النجف فتوة جهاد
الصحره من روس اخوتك مليانه
اتفاگنه اتهلهل ابعرس الانتصار
كل مدينه اتحررت فرحانه
شو تعال و خل نشو فك نجم في عز الظهر
امن الحدود وشبر احسب اهنانه نحفرلك گبر
النوب عد راسك نهوس يا لثار ام الخدر
يالثار بسوط صعدت عالجمال
و تحفر بچفينه خشنه الحبال
فاني جيشك فاني .. الخدم كلها اتاني
في كربلاء
……………………………………………………………
انتو سديتوا الصحن و اصبح ظلام
عود منتصرين صروتوا ابهايه
طيّحيتوا الرايه هل وصلة قماش
اسم زينب هو اعظم رايه
الله من اقماش عرشه الكله نور
امفصّل الزينب و امها اعبايه
انشدوا قصر ايزيد جدكم عنها و الحايط يرد
من حچت وياه لبوه و تيّه السانه القرد
مو اسيره ام عون اميره وجدكم امدنگ عبد
واحنا من زينب تعلمنه الصمود
وشفتوا شنهو افعالنه بأرض اليهود
تل ابيب اتعاني .. الخدم كلها اتاني
في كربلاء
……………………………………………………………
انگول صبراً و الفرج گلش قريب
المهدي راية عمه يفزع بيها
ركظة طوريج في صحن الحسين
هيج حضرة زينب انطب ليها
في دمشق اصير ( بين الحرمين )
من رقيه الـ زينب انسويها
يلي فريتوا السبايه ابسوگ و مگاطف حجر
على كل حجاره احسبوا ينذبح مية نفر
على كل شتمه اعل فاطم جلده بيد المنتظر
على كل من شامت براس الشهيد
غداً من خوفه يظل يلعن يزيد
الابن و الجد جاني .. الخدم كلها اتاني
في كربلاء
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
هايهيه
خلصت الدنيه بعد من مات الحسين
هايهيه
ضلمه صارت والدرب رايدله عيين
هايهيه
بالسبي مادري خويه لو رحت وين
،،،،
هذا حال اليفكد اهله
ويا اهل بس الله يعلم
وين اروح والمن اشكي
وياهو بعدك بيه يفهم
زينب الجانت اميره
وهسه محد بيه يهتم
،،،،،،،
انه ام الدلال ام الحميه
صعبه ابلا اخو امشي سبيه
يحسين السبي مو هين وياي
اطفال وعلاوي الهاشميه
،،،،،،
اكعدلي خويه اكعدلي خويه
>>>>>>>>>>>>>
والله صعبه
عيني ماشافت اخو مصيوب گلبه
والله صعبه
راعي هاي الدنيه كلها يعيش غربه
والله صعبه
الماي يمه وضامي مايكدر يشربه
،،،،،،،،
ضامي طاح وحيله طايح
والشمر ماعنده رحمه
فوك صدره وحز رگبته
وماكو حافر ما يحشمه
هدت الخيل اعلى اخويه
وداست بضلعه وتهشمه
،،،،،،،،
تالي حسين فوگ الكاع مطروح
الف وتسعميه جرح مجروح
مايكدر يگوم بصدره الاسهام
فوگ الضيم هذا ابن امي مذبوح
،،،،،،
اگعدلي خويه اگعدلي خويه
>>>>>>>>>>>>>
يا حبيبي
مو ربينه من الزغر ليش اتركتني
يا حبيبي
زينب انه ام الصبر بس موتتني
يا حبيبي
والله ماترهم اعوفك لو عفتني
،،،،،،
علمتني ابدونك اذبل
وذبلت حتئ عيالك
عايشه ابفيك يخويه
والله متعلمه ابدلالك
مو وكتها وهسه اعوفك
والشمس تاخذ جمالك
،،،،،،،،،
متغير عليه مو هذا لونك
يحسين العمر مايسوه دونك
جابولي الهزيله وحان الوداع
يكتل هجرك وداعت عيونك
،،،،،،
اگعدلي خويه اگعدلي خويه
>>>>>>>>>>>>>
الشام موتي
يسروني ولا اخو اليفزع اليه
الشام موتي
مد حباله الحادي خويه وشد اديه
الشام موتي
حسره لو ابجي عليك يصيح بيه
،،،،،،
هذا حالي وهذا حالك
متنه و بنفس القضيه
انت متحمل سهامك
والحوافر والاذيه
والجره ويصعب يخويه
بألاسم اصبح سبيه
،،،،،،،
انه ام عون وامدلله اخواني
راحو مني واحد ورا الثاني
كون انموت وياكم يلحنان
باجر بالغرب ضعني يعاني
،،،،،،،،
اگعدلي خويه اگعدلي خويه
>>>>>>>>>>>>>>
#احمد محمود
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
مايدري بينه كفالنه مايدري بينه
احنه نسبينه بديرة غرب احنه نسبينه
الماخذينه جا عوفو اخوي الماخذينه
كلبي بفراكك هذا حده
سيف وعله روحي يتعده
ها يبن ابوي اشكيك وحده
عيوني البجي سواها رمده
رد يتلوه رد منكسر رد يتلوه
للعده نخوه عدي عتب للعده نخوه
ماخوذه كوه فوك الهزل ماخوذه كوه
نبچي وبعدها ترف العيون
ماينكسر گلب اليشتمون
بنص الدرب كامو يعيلون
والسوط يتراوالهه ام عون
گلبي اليريده خل ياخذه گلبي اليريده
بس مايفيده محمل حزن بس مايفيده
يمشي بوريده اسمي الگبل يمشي بوريده
المگطوعه ايده مايلفي الي المگطوعه ايده
ماماشياته مشينه بدرب ماماشياته
يحير بخواته كلمن صفه يحير بخواته
كلهم شماته والبظعن كلهم شماته
يبست لهاته حته الرمح يبست لهاته
شمسوي بينه حادي الهزل شمسوي بينه
يفتر علينه بالروس ضل يفتر علينه
ماعاتبينه عفنه العتب ماعاتبينه
حادي الضعينه چا مايرد حادي الضعينه
رايح ضعنه ومدري لاوين
والباقي بس راس من الحسين
لاگونه ناس وطالبو دين
كلهم شماته اعله المجبلين
ضل عالي ونه بين الجمع ضل عالي ونه
مايفزع النه راح الاخو ومايفزع النه
يهل المحنه تسمعونه يهل المحنه
انرد لهلنه يطگونه ونرد لهلنه
مورم يگلبي شلون مامات
الماعدهه اخوها عدمن تبات
نسوي الذره تالي بخرابات
وبعيونه تنشاف شوغات
عباس القلعاوي
#اللهم_عجل_لوليك_الفرج
السيده خوله تكلم عمتها زينب عليهم السلام
عمه منج اعتذر..... ارد اموتن باليسر
وصية العليله........ بالگلب ثجيله
.############
عمه وصتني بوصايه ماكدرت احفضلي وحده
وانت علمتيني اوفي وانه عذري بيش اسده
بيش اسكت هالعليله وهي تنطر مني رده
عمه وصتني عليكم واحنه نحزم ورده ورده
شلون لو ناشدت........ وانه كلشي اتركت
صوغتي تنطرت
وانه مو بخيله.. .... بالكلب ثجيله
.############
لو تجي كل مغربيه لوالدي افرش افراش لصلاته
لكن بعاشر محرم جسمه خيل الفاراشاته
الراسه ماكو شلون يسجد الماترك سجده بحياته
عمه وصتني اعله ابويه وانه ما اگدر نجاته
شحجي يابت فاطمه......توضه من سيل الدمه
مــــا ارد متألمه
من تدوسه خيله......بالكلب ثجيله
.###########
عالطفل وصتني اخيتي لو بچه انت بمچاني
من ضمه گلبه يردلي وانه للغالي اتاني
ماردت يبچي وصيتج ساكت بسهمه اجاني
ريت ذاك السهم بيه عمه وبنحري خذاني
شلون اردن والالم..........والطفل من انفطم
عمه مفطوم بسهم
ورگبته النحيله............بالكلب ثجيله
..############
وصيه منهن لو كمركم بيده يرفع يختي رايه
وصله منها اخذيلي فدوه ماكدرت اوفي بهايه
خيل جاي وخيل رايح طف فقط بيه بس المنايه
مگطع اعله الشاطي شفته من مشه ضعن السبايه
لاعلگ منه جبت..........شلون اردن للأخت
مگطع الكافل شفت
والفگد كفيله..................بالكلب ثجيله
.##########
ملبس وحنه اضمن من عرس جاسم يعمه
شلون اجيبن للعليله والعرس متبدي حلمه
عمه يوم الغاضريه حسين للكافل يكلمه
يكله جاسم بالمعاره موذر بيا حال المه
وحنته من النحر.......... شفته ماضللي صبر
بيش ارد واعتذر
بيا كلب اشيله................... بالكلب ثجيله
##########
الاكبر مواعدها يرجع وانه چنت بهاي اذكره
لچن ياعمه شذكره والحوافر فوگ صدره
شلون اكله اختك تتاني وسيفهم حزاله نحره
شلون اخبره بهالقضيه وهو صاير وذره وذره
كلب اختي مبتلي.........وانه بالهم منملي
شلون ارد بلا علي
خل تكلها ليله...................بالگلب ثجيله
########$$$#
وداعت الله عمه زينب شاب راسي وانه طفله
عمه هم الغاضريه لو جبل ما اظن يحمله
وعدي وي اختي العليله ما گدرت انه اكمله
راح اموت وهذا كبري للحزن واللوعه قبله
لختي بلغيها الجره.... راح اموت مگدره
وادري بيها محيره
كبري من يجيله...................بالگلب ثجيله
.................
ونسألكم الدعاء والتوفيق
لخادم ال محمد(عليهم السلام)
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
هـذه عزيتي وربُـنـا شاهـد
قُربةً وطاعةً للمهدي القائد
================≈=============
يا أمـان گلوبـنه يـامـهـدي روحـي
بين ادينك جاي اقدمهن جروحي
نوحي يبقه الكربله للدوم نـوحي
مـن بعد هذا الجره يادنيا روحي
إنـّني لسيدي وقُربهِ قاصِد
قُربةً وطاعةً للمهدي القائد
================≈=============
تـايـه ومـاعندي أحـد أكمش ايدي
يـلـي أسمك سيدي يسري بوريدي
يـا إمـامي ويـاحبيبي ويـانـشـيدي
عيـدي لـمـن اذكـرك مـولاي عـيدي
كلُ أعمالي وذا قلبي لـهُ عـائـِد
قـُربـةً وطـاعـةً لـلـمهدي القائـد
================≈=============
نايحه وصار العصر غورب عصرنه
يمته يانـور البـصر شـوفـك يسرنه
دونـك بـنـار الـهـجر يسـعـر جمرنه
مـن لـظـى فرگاك ياصاحب أجرنه
إنّكَ في مُهجتِي لِذكرِكَ عـامِـد
قـُربـةً وطـاعـةً لـلـمهدي القائـد
================≈=============
ياسـراج ادروبـنه اعـليك الغريبه
بـداعـت العلويه والطفله السليبه
خلص الگاصد ألك من كل نحيبه
والله يابـعـد العمر دنـيـا عجـيـبه
كُـلُّ أوقاتِي أنـا لـِعِـشـقِـهِ حامِد
قـُربـةً وطـاعـةً لـلـمهدي القائـد
================≈=============
سيدي شفت الحزن ماكل سنينك
الكربـلائـك بالدمـع نسـمع ونيـنك
أظهر بـروح النبي بداعت حنينك
مابقه بينه صـبـر يامهدي ويـنـك
بيننا والـمـعـتَـدِي ياربَّـنـا باعِـد
قـُربـةً وطـاعـةً لـلـمهدي القائـد
================≈=============
خويدم آل محمد
الشاعر الميرزا محمد الساعدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
موشح
ياكمر زينب رد احميها
والي هل نسوان ماضل ليها
@@@
وين اخوي الحيد مايفزع الي
طشن النسوان جابو محملي
شتمو الزهراء وي حيدر علي
زينب أدخيلك لا تجفيها
ارجع العيله خوية بالخطر
شبعت خلافك يحزامي قهر
من لصبح لسه عيني عل نهر
ولخيم هساع خي يلفيها
ترعش العيله ذبحوه السلام
باتت بصحره والحامي الضلام
عل ترب وسفة لتعبانة تنام
والجمر يلجم ضل رجليها
المن نناشد وأهلي عل ثره
ذاك ابو لسجاد جثته موذره
وعل نهر واكع سبع الكنطره
وعينه ياحيف السهم طافيها
نركض ونعثر مشدوها العقول
جم طفل مسحوك برجول لخيول
لا شيم عدهم لا عدهم اصول
هل لخيم نيران شبت بيها
ترضه ياعباس شدوه بحبل
خدرك وضربوه عل وجة الطفل
حنت الأشجار ونت هل هزل
من شاف اختك هل عده ميسريها
@@@@@
مسلم ياسر المياحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
اويلاه يا فاطمه . اويلاه صابه الضمه
اويلاه سال الدمه.......اويلاه يا فاطمه
****.
للطف اجيت بعبرتي
ياجده اشرح لوعتي
يم الحسين بونتي
وهناك اسولف حالتي
حزني انه يعادل سمه
***.
ما اكدر اوصف للجره
منين ابتدي من خنصره
لــــــو من شفاه مفطره
لــــو ابتدي من منحره
لو سهم طاح بمبسمه
****.
عليه حاطت فلول الكفر
وحده ولا عنده ظهر
وتلاثه يامرها الشمر
نار ونبل وي الحجر
وعليه غدت متحزمه
**.
سهام وحجاره صابته
مشجج نبال بلامته
نبله اجت في جبدته
والحجر صوب جبهته
بسهام جثته مخذمه
****.
من مهره ويلي من وكع
ما شال جسمه من الوجع
بسهام صدره ينرفع
اعله مصابه يحلالي الجزع
بالف وتسعميه انرمه
*.
لخيامه باوع والكلب
لحسين هالموقف صعب
خدره بكه بس للغرب
كـــــام ووكع فوك الترب
ما ناسي هم مخيمه
**.
كلبه جمر يا ام الحسن
شربه طلب محد يحن
رووه بسهام انرمن
ضروسه بسهام تكسرن
شربة الماي محرمه
*.
اعليه داس يالزهره الشمر
هالموقف يبجي الحجر
يكلب حسين اعله الصدر
ويلي اثنعش طبره طبر
شفته وتمنيت العمه
*.
ونسألكم الدعاء والتوفيق
لخادم ال محمد(ع)
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
يمگطع اعله الگاع حيره
وجسمك المنه ابحصيره
صاير وذر وابلا نحر يابويه يحسين
»»»»»»»»»»»»«««««««»»»»»
لكيتك طايح وجسمك على الغبره
ولكيت الطبره يابويه بأثر طبره
حسين الوحده شوصاير اشكثره
ابكثرما خيلهم تسحك على صدره
والحيره الاكثر بيش المك
تارس الكاع بفيض دمك
ضهري انكسر لا ماجبر
يابويه يحسين
.........................................
طايح والحوافر عالصدر تسحگ
لذالك حتى درعك گالوا اتشگك
اشما الگه جرح وياه الگه اغمگ
سيف اهل الرده مايرعه اهل الحك
يابويه بين الطبر والخييل
وتدري العليل مفارگ الحيل
وحان القدر گلبي انعصر
يابويه يحسين
...........................................
مصابك مارحمني ولا رحم حيلي
الدفن بيده ابوه يعرف تفاصيلي
وحگك من رحت ماغمضت ليلي
اثر فرگاك بيه الغربه تبچيلي
مكسور ضهري بويه مكسور
والدنيا مره امنهد عاشور
من هل خبر عودي انطبر
يابويه يحسين
........................................
بويه حسين المك وانته ماتنلم
اول مره اشوفن زلمه يتثلم
مثل هالموته بيهه الدنيا ماتحلم
الذبح قران اشوفن چنه مامهتم
ذباحك ويا ثار اله وبيش
يذبح وحشم الك بالجيش
چف الاشر يذبح گمر
يابويه يحسين
..........................................
كفت والدمع ما ينفح الرايح
الصايح عالمشو يرجع اله الصايح
اشيرده البالأرض متوسد وطايح
خسر كلشي دليلي بس حزن رابح
خسران كلشي كلبي خسران
مطروح ابوي وموته الاخوان
امرافگ سهر. يشبع قهر
يابويه يحسين
خادم اهل البيت علي الزرگاني
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
اللهم ألعن اول ظالمٍ ظلم حق محمدٍ وٱل محمد
نظّف داخلك منهم
ومن كل گلبك ألعنهم
عادي الآذه آل الله
وعادي كلمن يحبهم
الرايد ينول الاخره وما يخسر الدين
خل يترك الدنيا ويكظ بخدمة حسين
واعده بنبضات الگلب وبدمعة العين
لآل الرسول وعترته من الموالين
إني ولي لمن والاهم
إني عدو لمن عاداهم
......... ..
بآل النبي حصن الگلب
وبالك عدو إلهم يطب
سلمٌ لمن سالمهم
وعالضدهم إعلنها حرب
شوفك وسمعك والگلب عنهم إديره
بهاي المجالس واللطم تقوى البصيره
لتجمال بدينك ولا تنطي بشعيره
لخاطر الظل اعله الترب ذيج الضهيره
سلم لمن لآل النبي سالَم
وياهم اظل لو أحارب العالم
.........
أثبت وليهزك زمن
وچلب بضلع أم الحسن
وأمن اذا حبك صدك
شما دارت اعليك الفتن
أصعب حرب حرب النفس وي ذاتك تخوض
شما غرّتك شما حاچتك گللها مرفوض
گللها انا بحب علي والزهره محفوظ
وناذرهن سنين العمر للصدره مرضوض
ربي بحق الولد التاسع
الثاني والثالث لعنه والرابع
.........
لو رايد توالي صدك
وتوصل لمرحلة العشگ
اتبره وإلعن كل وكت
عالكتلو حسينك سحگ
كل ما قريت زيارة تتبره يريدون
ويه فلان وزمرته لا ما يرهمون
بنفس الگلب وي الشمر لا ما يگعدون
بس ألهم اتحظر الگلب يلا يدخلون
إن كنت حقاً حُبّهم رايد
أتبره من كل باغضٍ حاقد
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
الامام الحسين ع في واقعة الطف
شور على الراس
''''''''''
لطخ لحيته بدم الاكبر
گلـبت يحمره بدم الاصغر
حط جفه على گلبه وجفه بس دم
هذا ابشط رمح والرمح اغبر
نسوان الخيم ماعرفن احسين
وحده تكول هوه وهذا منيـن
مًولاي مولاي ياسليـب الدماء
''''''''''''''''
المثـلك ياحسيــن ودوم مرتـاح
دوم الوجـع بيـك ويآكـل اصـفاح
ساعـه على الوطيـه وساعـه برمـاح
الله واكبــر يمتــى تـرتـاح
حسيــن الوجــع ياريت ينـزاح
مًولاي مولاي ياسليـب الدماء
'''''''''''''''''''
خيال الرمـح خيـال السيـوف
حسين وهاي عنده بحالته يشوف
وانه صغير سامع جسـمه ملفوف
ارماح اسيوفهم والخيل دارن
جسم حسين طافـن ثـم طافـن
مًولاي مولاي ياسليـب الدماء
'''''''''''''''''''
مگلـوب الوجه على الثرى مگلـوب
جسـم حسين بين الرمل مسلـوب
خـيل وهشــمـت والدهـر يانـوب
صالن وكـرن يحسين صالـن
خـيل وي الزلم ضلن يغارن
مًولاي مولاي ياسليـب الدماء
'''''''''''''''''''
عـلـي حـيدر الحـسينـي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
لحن يحسين بضمايرنه..
فـوگ الناگــه اودعـنــك .. راح امـشـي واعـوفـنـك
يبن امي شني من اوداع .. وانـته نايـم عله الگـاع
بعدوني غصب عـنـك .. راح امـشي واعوفـنك
…………………………
يالمـذبـوح ومـسلب ومـرمي بخـطـة المـيدان
راح امشي واعوفـنك موسـد خـويه عالـتربان
تدري النـوگ جابـوها هزله وصعدت النـسوان
واني اچفـوفي مربـوطه اودعك والدمع نهران
شلون امشي يبعد اختك وانته مسلب وعريان
يـبـن امـي ردت گـطـره اروي نحـرك العـطشان
منـيـن الماي اجـيـبـنه .. ونحـرك خويه اشربـنه
هـد حـيلي تـره ونـك .. راح امشي واعوفنك
…………………………
اعوفك يا عزيز الروح بيـا حاله صفـه جسمك
مطـروح بـهـذاك الحــر عـاري وسلـبـو هـدمـك
وجسمك عالـثره مگـطع والطـف غارگ ابدمك
اريـدن من گـبل لا روح انـي والـنـسـه انـلـمـك
يمنعـوني العـده اتعـناك ومايرضون اجـي يمك
يضربوني لمن يحسين اصيحن واندب باسمك
ماخـلـوني اضل وياك .. يطگـوني واگـوم انخاك
وماتسمعـني ابـد چـنك .. راح امشي واعوفـنك
…………………………
ما عندي گـلب يحسين اعوفـك خويه عالغـبره
وراسك عالرمـح ويـاي يمـشي وعالـترب نحره
راح امشـي وتـجـي يمـك امـك فـاطمه الزهـره
تحـضـر لـيـك ياخـويـه امـي بحـالــه مـنـكسره
ويم جسمك تضل اتنوح وتنحب فاطمه ابعـبره
وخـويـه سـهـم البگـلـبـك بـالك فـاطمه اتـجـره
اذا ذاك السهـم تـشـلع .. ياخوفي الگـلب يطـلع
وشيرده الطلـع مـنك .. راح امشي واعوفنك
…………………………
تجـيك الزهـره محنـيه وعالسطره تصب مدمـع
وجـروحك من تشاهـدها يـمـك فاطـمه تـوگـع
ماضل بـيك شـي سالـم جسمـك عالـثره مگطع
تنوح وتلطم عله الراس وتدور بحومة المصرع
مـطشر عالارض جسمـك بحـوافـر جـلدك مشلع
ويخويه وبـعـبـايـتـها بوذر جسمك تضل تجمـع
تشوف امطشره اوصالك .. وتلـطم فاطمه الحالك
ليـش الخـيـل داسـنـك .. راح امشي واعوفـنك
…………………………
ويخويه من عله الناگـه هذا اوداع اخير اوياك
امـشي وراسـك ويانـه وتحدينه يخويه اعداك
من عـگـب الگـمـر عباس حامـل رايـتـك والواك
مسبيه وشمر يحسين الاگـيه من عگب ملگـاك
ومن بـعـد اربعـين اتـمام بگـبرك يالـولي الگـاك
واشكـيـلك هـظـم حالي المـراني بيسرنه اهناك
زينـب من عگـب عباس .. تـتـفـرج عليـها النـاس
واخاف اشكي والچمنك .. راح امشي واعوفنك
الشاعر عقيل الحسناوي..
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
هاي حچايه ،، طف وحدهه
يا شدتهه ،، يا حيرتهه
خرجت زينب
-----------------------------------------
عمت عينچ يدنيا الما نصفتيهه
ذبحتي اخوانهه ومحتاره عفتيهه
زينب بت علي بالعاشر بيا حال
هل وحدهه ومغربين اهاليهه
من حرگ خيام ،، ودموع ايتام
كلشي بهالگاع ،، آه والآم
فوگ التله ،، يا بلوتهه
ياهو العدهه ،، يا حيرتهه
خرجت زينب
---------------------------------------
هدو علخيم وام عون محتاره
بعد موت الكفيل الدنيا دواره
ركضت بالبراري وعلتراب اخوان
طلعت للحسين البيهه الف شاره
اخت العباس ،، طلعت يا ناس
مذبوح حسين ،، مرفوع الراس
تالي وتالي ،، موتى اخوتهه
ياهو ايردهه ،، يا حيرتهه
خرجت زينب
--------------------------------------
طلعت والمصيبه السوط لاحگهه
تحامي ايتامهه وهالنار تحرگهه
تحاول ما يلوح السوط بنت حسين
تشگف عن رقيه وشامت يطگهه
هل وليه شلون ،، مخنوگه ام عون
كلهم علگاع ،، صعبه يگعدون
وين الكافل ،، دمعه بخدهه
لا متهدهه ،، يا حيرتهه
خرجت زينب
---------------------------------------
طلعت والنهار اتغطى بترابه
لا تنشاف زينب اخ يا يابه
گوم امن الترب عباس شيل لواك
هاي اعله الهواشم اكبر طلابه
مو ياهي الچان ،،، رادت خوان
كلهم ميتين ،،، فوگ التربان
سوط الشامت ،، حيل يعتهه
ظل يبعدهه ،، يا حيرتهه
خرجت زينب
-------------------------------------
غم ذاك الزمان الدارت ايامه
يصعدن علهزل وتراب علهامه
حسين اعله الترب ويزيد صاير شيخ
وزينب بت علي بالشام گدامه
يا دنيا الموت ،،، ماريدن صوت
دوريلي بساع ،،، بالطف تابوت
عيني احتارت ،، شيسكتهه
شيهودهه ،،، يا حيرتهه
خرجت زينب
كلمات الخادم / رعد الفريجي
18 / محرم الحرام / 1447
ثوابها الى روح والدتي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
رد ومنخطف لونة
وشكد باجية عيونة
يمكن علي راح
صاحت زينب شصاير
كلها والكلب فاير
ضل بين لارماح
اويلاه يل أكبر اويلاه يل اكبر
*
رد من الحرب وضعة
ذابل محني عل طوله
يبن امي صحت خيرك
مجفي ويخطن ارجولة
سولف يابعد زينب
وسوه هل حزن جوله
معقولة أخويه حسين
هوه هذا لي يتجوله
شعره تحول لابيض
كعد مابي بعد ينهض
مات ابني صاح
رد ومنكسر خاطر
كلها والكلب فاير
ضل بين لارماح
**
يمشي ويتلفت لخلفة
بلكي يلكة علي راجع
اول مره اشوف حسين
چن شي من روحة طالع
بس الهوه ويلي يحركة
چان لولي يمكن يجالع
ماعنده حيل ويرد لينه
نص الدرب فاض المدامع
ناده وخنكته العبره
وايد أتهمس بصدره
زينب علي طاح
ايد مخليها عل خاصر
كلها والكلب فاير
ضل بين لارماح
**
بويه يل أكبر علي أدخيلك
خلينه نرجع سوه يبني
أنهض تشد حيلك تحاول
ترضه علي لسا تموتني
احجي كلمه بابا اخيره
سمعت الجيش أنا وني
لا تخليهم يشمتون
كوم وامسح على حزني
بوية كلبي مردته
بيتي أنت لهجمته
رحت اشبع انياح
عني لا يبني تهاجر
كلها ولكلب فاير
ضل بين لارماح
اويلاه يل أكبر اويلاه يل اكبر
"****
رد لينه مغوركة عيونة
وكمت أنا اصفك بأيدي
يبو الأكبر وينة الاكبر
وليله صاحت يمه يوليدي
علي وين أنته خليته
يل تدري بشوفتة عيدي
مات الأكبر ليله هسة
ليله دمع ليله دزيدي
ابوه صافن عله الخيمة
ذبحو وليده هظيَمه
ولهم ولا ينزاح
ولابو عكبة حاير
كلها والكلب فاير
ضل بين لارماح
****
مسلم ياسر المياحي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
وينك يعباس الگمر حركوها الخيام
بالگلب تسعر واللهب بذيال الايتام
***
زينب تصد للمشرعه وتنادي عباس
غمضت عينك وعله اخوك التمت الناس
مكسور ضهره رد الي ومهبط الراس
ويگلي زينب ما بعد تجمعنا الايام
* *
للحومه رد ومن العطش ماضله كل حيل
وتلگته اسيوف التگطع جسمه النحيل
حللت دمه وبالحوافر سحگته الخيل
وتعنت النا وللخيم متحزمه حزام
* *
سلبو خيمنا وحرگو علينا الصواوين
وانه بدمعتي وللمعاره شابحه العين
لن الرمح وبراسه لوّح راس الحسين
واصفگت راح وگتله عزي وياك مادام
* *
ياخويه من طاح الگمر مكسور رديت
طيحت واسط خيمتي وعليه ونيت
لكن يخويه من طحت ماضلي كل بيت
ضلت مواگد خيمتك چوتلي الاجدام
* *
وانزلت من التل وادور اعليك كل صوب
ولمن لگيتك ع الوجه يحسين مگلوب
متنگع بفيض الدمه والثوب مسلوب
تمنيت گبلك يالولي شخلتني الاسهام
* *
رديت يم العلگمي والگلب لهفان
ولمن لگيتك ع الثره وبلايه ذرعان
وبعد الضياغم روحيت بدون خوان
كتلك بعد ما نلتجي وبفيك ننام
* *
لو بيدي ياعباس اضلن بين الجفوف
وانجان مكطوعات بيهن يامن الخوف
واتمنه كون بدالك تلگيت السيوف
و وياك اموت ولا اهم بروحة الشام
* *
خادم الحسين ع
علي العزامي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
نزله (( #الأميرة ))
……………………………………………………………
أسيرة .. رفض كلمة اسيره
أميره .. ابعرش راحت أميره
……………………………………………………………
جبل عالناگه صاعد . ابعرش بلقيس گاعد
واذا باوع على الگاع . يشوف الالف واحد
ابطريج السبي كله . شمر من عدها لابد
ابد ما مات عباس . تراها ام عون قائد
عشيره . غدت بيرغ عشيره
أميره . بعرش راحت أميره
……………………………………………………………
اسم طه اعل چفها . حبل شنهو و چتفها
النار و بردن اتصير . اذا وصلت طرفها
تطيح النجمه جائز . وشمخ زينب انفها
تميل الكاع بالناس . اذا مايل چتفها
كسيره .. ايخسه الگايل كسيره
أميره .. ابعرش راحت أميره
……………………………………………………………
لمن بالكوفه خطبت . رياح الخوف هبّت
اصفر اصبح اللون . شوارب زلم گلبت
قيامه اليوم چنهم . عليهم نار شبّت
حچيها اتكول فقار . لبن مرجانه رعبت
زغيره .. زلم صارت زغيره
أميره .. بعرش راحت اميره
……………………………………………………………
خذت دور الزعامه . حجاب و كالعِمامه
غدت وي زين العباد . درع يحمي الامامه
تضم الباقر الها . مثل جنح الحمامه
درب چن لبوه تمشيه . وشمر مثل النعامه
وزيره . لبو الباقر وزيره
أميره . ابعرش راحت أميره
……………………………………………………………
نزل من الله اسمها . وعلم كامل علمها
الله وگص عباتين . الها او وحده لمها
عاشت ورده بيضه . ابشغف حيدر يشمها
اذا ضيّعت الحسين . فقط تلگاه يمها
قريره .. بها عيونه قريره
اميره .. ابعرش عاشت اميره
……………………………………………………………
الملك تيّه لسانه . قزم ضاع ابمچانه
يزيد انغسل وجهين . سمع اكبر اهانه
تگله اعليك غصبن . يظل يرف لوانه
ابن هند ام الاكباد . و بنت الزهره انه
كبيره .. أنه الشيخه الكبيره
اميره .. ابعرش راحت اميره
……………………………………………………………
غدت جنه الخرابه . وابد مو عالترابه
الله امن السمه ابساط . فرش الها السحابه
تنور وماكو ظلمه . الكمر فك الها بابه
يخسه يزيد ويعيش . خدر الله وحجابه
قديره .. تهد قصره قديره
اميره .. ابعرش راحت اميره
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#أبوذية
الزمان ابكربله وِليَه وِلَه حسين
جَرِح والكل جَرِح لابد وِله حسين
الكبش گبل الذبح يروه والحسين
انذبح عطشان برض الغاظريه
سيد علي الموسوي
#اللهم_عجل_لوليك_الفرج
امن الشام اديرن وجهي الك
يامن بديه جاب الضعن
مو كتلي اعدل محملج
شو مايله النوك المشن
جان الوطن عين الكمر
بس الوطن ضل ع نهر
لا من حضيت بشوفتك
ولا من حضيت انه بوطن
ما جنت احسب بالعمر
وحدي ابقه من دون اخوتي
لعيني بعد شيرد دمع
خواني تشبه دمعتي
طاحو مثل طيحة مطر
بسرعه ولا جنهم هلي
ما بانت بكل العمر
هاللحضه بانت عازتي
من كالو اخوانج ابد
ما يرجعولج كابرت
بس من شفت راس برمح
بهساعه الف موته متت
عباس مو مالت حجي
مال اكعد اثغيب وبجي
كابلني يا بن والدي
شجيني حالي تعذبت
يا ملجأ جروح الكلب
عباس يابن والدي
مستغربه ودمعي يصب
شو هسه انه الوحدي
معقوله جا وين الوعد
وين الكلفني من طلعت
يالمادريت بحالتي
يعذبك يخويه مشهدي
……
محمد عيسى المنصوري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
(مهدويات عباسية)
ينقل في واقعة كربلاء أن شمر بن ذي الجوشن طلب لقاء قمر بني هاشم، غيرة الله، العباس بن علي عليهما السلام.
فقال له الإمام الحسين عليه السلام:
"أجبه وإن كان فاسقًا."
فخرج إليه أبو الفضل عليه السلام وقال له: ما تريد
فقال اللعين:
لك الأمان واترك معسكر الحسين
فأجابه قمر العشيرة بكلمة خلدها التاريخ:
كيف يكون لي أمان وابن فاطمة لا أمان له . (انتهى)
#الرسالة :
هذه من أعظم مواقف الولاء والإباء والتضحية التي يمكن أن يستفاد منها لنصرة حسين الزمان الإمام المهدي المنتظر عجل الله فرجه الشريف .
نقرأ في ألقابه:
الشريد، الطريد، الخائف ...
صاحب الزمان اليوم ليس له أمان
كما هو حال الحسين في ذلك الزمان
سؤال :
هل نحن ممن يدافع عن صاحب الزمان؟
هل نسعى لرفع الغيبة وتحقيق الفرج مهما كلف الثمن؟
أم أننا اكتفينا بطلب الأمان والراحة لأنفسنا، وتركناه غريبًا وحيدًا؟
هل شُغلنا بزينة الدنيا من المال ومناصب وشهادات وطعام وراحة ... الخ
هل فينا موقف كموقف أبي الفضل العباس؟
هل نحن مستعدين للتضحية للإمام على أي حساب كان ؟
على حساب أرواحنا ومالنا
على حساب أماننا وصحتنا
على حساب شهواتنا وأحلامنا
فلنسأل أنفسنا بصدق...
الزمان يعيد نفسه وحسين زماننا وحيد وغريب وشريد و طريد
نصرة الحسين اليوم هي نصرة صاحب الزمان والإنشغال به وبمعرفته والدفاع عنه والتثقيف له والسعي في ما يرضيه
والنداء اليوم :
هل من ناصر ينصر صاحب الزمان ؟
ليالي السبيّ الأليمة 1447 هـ
أمـيـراتُ عِـزٍ قَـريـراتُ عَين
يُناديِنَ سبـياً حبيبي حسين
طبيبَ القلوبِ طبيبَ القلوبِ حبيبي حسين
=====================
على طولَ المدىٰ والقلبُ لِلأفراحِ لمْ يهـفو
وَكـلنا الأمـرَ للباريْ بِلُـقـيـاهُ حَـلا الحـتـــفُ
بِوادي الطَفِ قَدْ هِمنا ونَرجوا الله أنْ يعفو
بـــآهـاتِ الطُـفوفِ كَربلا مِـن دَمعِنا تَـطـفو
نبذنا الركوعَ لقِيـنا السهام
ألا ألفَ أهـلاً بِحَرِّ الحُسام
جَرعنا الحَروبِ طبيبَ القلوبِ حبيبي حسين
=====================
عَشِقنا ٱلـمـوتَ مـادامَ الفُؤادُ ينـبِضُ حَيدر
خَسيسُ القَرعِ لا سَوطٌ نَهابُ بَلْ بِذا نَفخر
ولا عــزمـاً يساويـنا عِزمـنـا أن نهـيمَ الـبـر
لعينِ المُصطفىٰ نَبـكي ولا نَبكي لكي نَقـهر
حزيناتُ نبقىٰ بـهـذا الحنين
أنـيـنُ الثَكالىٰ بِطولِ السِنين
أيا نفسُ طُوبي طبيبَ القلوبِ حبيبي حسين
=====================
ألا يـا أيُـها الحادي نُـريـدُ رأسَ مـولانا
نُـبـلغْ سـيدَ الرَكـبِ نَشيجُ الحَربِ آذانا
عـزيزاتٌ أســيراتٌ لنا قـد صار عنوانا
لِحرزِ الكونِ معبودَ الملا نَأتي بِشكوانا
دمـــوعاً نســيـلُ لِراعي الكـفوف
أبا الفَضلِ حُـزناً أتَـتْـهُ السُـيوف
ولا من هروبِ طبيبَ القلوبِ حبيبي حسين
=====================
كما كانَت بَني أَسلَم بني سُفيانُ قَد جاروا
يَهودَاً ليـسَ إسلامَاً عَليـنا حِـقـدَهُـم داروا
يَـلومـونـا يَسـومُـونـا سَـقـاهُم رَبُــهـم نـَارُ
ومـنهـم مَـن غـدا قائـلْ قَبِلتم قَـتلةَ الـعارُ
بهِ لو رَضِيتم يقولُ الخبيث
خِتامُ السِنينِ بِهـذا الحَديث
بِـهذا الغروبِ طبيبَ القلوبِ حبيبي حسين
=====================
أَمـامَ العَينِ والظالـمْ رأَيـنـاهُ بِـكُـم ينـحر
يداهُ مِن دِمَـا الآلِ وحَـمرا مـن دَمِ الكوثر
رضِينا ما جَرى طَوعاً إلهُ الكونِ قـد قدَّر
مَـتى يُـؤخَـذْ لَـنـا ثَـأرٌ مـتى مَهديُّنا يَظهر
أليكَ حُسينٌ يَكونُ الخِطاب
عَزيزٌ عَليــنا يَلـيـكَ الـتُـراب
سنا شمسِ ذوبي طبيبَ القلوبِ حبيبي حُسين
=====================
19/4/2024 يوم السبت
20/شهر شوال 1446 هـ
خويدم آل محمد
الشاعر الميرزا محمد الساعدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
مرينا واحنا اعلي النوك وانظرصريعةاخواني
ريض يحادي بممشاك ما ودعت ولياني
مرنا على الاحباب خل نشبع عتاب
......................................
لمن سرت نوك الهزل بالضعن ماشين
ناديت يا الحادي بحزن وبدمعة العين
ريض يحادي بالضعن خنودع حسين
ونكله يا بن فاطمه عالسفر ناوين
جن هذا اخر توديع من اخت ويا اخوتها
تشهك بشهكات الموت متحزمه بمحنتها
منها الكلب ذاب خل نشبع عتاب
...............
من الناكه صديت الجسد وتهل العيون
يحسين اعوفك على الوطيه مسلب شلون
اعذرني عنك ماشيه انه وي
الضعون
سمعوني ايتامك اون كامو ويونون
كامت تنوح الايتام من شاهدو دمعاتي
ويسكتوهم بالسوط واشكفهم بلوعاتي
دلالي انعاب خل نشبع عتاب
........
ادري بمشيتي ويا الغرب يا حسين تاذيك
لو بيدي يابن فاطمة مرحل واخليك
والموت هم لو بي بدل بالروح افديك
لراسك اصد من انهضم بدموع احاجيك
يا راس الحسين شلون ترضى العده يهضموني
وعكب الخدر والعز ذاك فوق الهزل ركبوني
يا عظم المصاب خل نشبع عتاب
........
مر بينا يا حادي الضعن صوب الشريعه
وناديت دنهض يالكمر انا الوديعة
كالولي راسك منهشم جفوفك كطيعه
ويبرالي راسك على الرمح وشهل فجيعه
ما اريد اروحن عباس خلوني اضل وياكم
يصيحون اخوتج جاوين يشمتون اعدائكم
هالجرح ما طاب خل نشبع عتاب
...........................
صد عيني يا كافل عمت برماد الخيام
عناكه وتسيل الدمه من حرك الاجدام
من الصوط ما ضن ضل جلد يشلع لحم كام
محتاره اشاكف عالمتن لو عن الايتام
حر الشمس وي الضيم غير معاني رسومي
واتناسق وصار ولام لوني وي لون هدومي
شيحمله الصواب خل نشبع عتاب
......
عندج عفت يا كربله عطر الوفه يفوح رحت انه من يمج جسد بس يمج الروح
يا كاع برديله الرمل لا تاذي مذبوح
يا ريح عالي لا تهب تلجمله الجروح
يا كربله ارد اوصيج ودعت اخوتي بكاعج
هدومه مسلوبه حسين غطيه بذاري ترابج
بردي الهوى الهاب خل نشبع عتاب
..............
مذكور العلياوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
1...............
وين الحسين. .اركض ببين الجثث محتاره
موش سبعين. .جيش الحسين اصبحو زواره
بلميادين. .المهدي باجر ياخذلنه بثاره
....
المهدي باجر ياخذلنه ... بثارك وبيده يحلنه
منلسلاسل والبواجي ... بيك يلمهدي املنه
....
مستعجل رحت ...وعايفلك اخت .. بلغربه تمشي
رايح ماترد ... وطشرته بعد ... من ايدي كلشي
....
وعلي يحضر باجر بفقاره __
المهدي باجر ياخذلنه بثاره __
2...............
وين عباس. ناس شمتت ناس تضرب بينه
شوفو ياناس . عينه فوك الرمح وتصد لينه
كون ينباس . جفه موش اعلل رمل رامينه
....
منلرمح وتصد عليه ... عينك وامشي سبيه
متون ماضلت يخويه ... والشمر تعبهه اديه
....
مذبوح الصبح... ومشيول برمح ... راسك يغالي
وضربوه الضعن... من بعدك صفن... سود الليالي
....
المهدي يحضر شرط وي انصاره __
المهدي باجر ياخذلنه بثاره __
3..................
وكت الغروب .. ارد اروحن حته اشوف اخواني
وكت الغروب ..مدري اجيلك مدري اضل بمجاني
وكت الغروب .. سياطهم هلتعبت ضرعاني
....
تعبت ضرعاني السياط ... مربطين بدونك ارباط
من ادين اولا الانذال ... ماخلص حته البلكماط
....
عبد الله نذبح .. ومايحمل جرح ..بنحره سهم نام
والموقف شهد..وماضل شي بعد ..بس نار الخيام
...
سيوفهم وكت الحرب بتاره ..__
المهدي باجر ياخذلنه بثاره ..__
4.............
ياحرامات . الخيل داست فوك صدر حسيني
ياحرامات . العده الفرقت بين اخيي وبيني
ياحرامات . طايح انته وماتشوففك عيني
....
وداعنه صاير بواجي ..وسلب محبس وي تراجي
حسين مطروح وبلا راس.. شلون يسمع منحاجي
راحو مسرعين .. عباسي وحسين ..ورحنه سبايه
ورحتو منيدنيه .. وماضل علينه .. بس العبايه
....
دك نداء الثار دك انذاره __
المهدي باجر ياخذلنه بثاره __
.سجاد تحسين العطواني.
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ودعتك الله خوية يحسين
ــــــــــــــــــ
ودعتك ونار الهجر حراگة
موهين امشي بلا اخوا عالناگة
هذا القلب مل الحزن بفراگة
يم الزجية بالحشر نتلاگة
ودعتك الله واحنا ماشين
ــــــــــــــــــ
راح امشي خوية والدموع بعيني
بس خوية عنك قلبي ما ينطيني
يالمنذبح فوگ الرمل حاجيني
بلكت تبرد قلبي وتواسيني
ودعتك الله وي المطاعين
ــــــــــــــــــ
راح احسب بهذا السفر لأيامي
بلكت اموت وتگضي كل ألامي
عفتك جسد يبن أُمي نحرك دامي
راسك انُظرة اعله الرمح گدامي
ودعتك الله وانتَ نصفين
ــــــــــــــــــ
يا حيرة ما مرت مثل هالحيره
من دِيره يسبوني يخوية لديره
وبينه التعب ما ينشرِح تفسيره
هاي الرزية يا حُسين جبيرة
ودعتك الله يا ضوه العين
ــــــــــــــــــ
راح الدلال اعله الترب بالهيمه
كلشي حترگ ياخوية وي الخيمه
بس الله يعلم قلبي همه وظيمه
من روحتك يالغالي يابو الشيمه
ودعتك الله وراحت سنين
ــــــــــــــــــ
باجر يضربونه بحقد يالوالي
خوية من أكابِر والدمع جتالي
من الألم گيد الحبل شل حالي
باجر اشاگُف من تلوذ أطفالي
ودعتك الله بدمع إلِونين
ــــــــــــــــــ
هالليلة وحشة وزينبْك حزنانة
مثل الشمع حيلي انتهىٰ وذبلانة
تعبانة خوية وبلكي اموت هنانة
مهمومة مهضومة واظل حيرانة
ودعتك الله وميتة كل حيّن
ــــــــــــــــــ
شيْطيب الخاطر يبعد الخاطر
حزن القلب جنة انطحن بالحافِر
آهْ يا جرح آهْ يا مصيبة عاشر
باجِر يخوية عنك احنا نهاجر
ودعتك الله وما ألي معين
ــــــــــــــــــ
الشاعر زين العابدين الشمري
تمت بفضل ساداتي ال محمد
عليهم السلام
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
يا حيدر جدي انضرلي... بدفن الغوالي
انة اعليل و ادفن وحدي .... محد بقالي
مكسور الجناح... شيداوي الجراح
1 يجدي احجيلك الي بعيني شفته
ابوي و عل ترب ضل عاري عفتة
حسين و بلخيل طحنولة جثتة
يريت ولا شافت منضر وجنتة
تحفرهة الخيلِ و مفطرة شفتة
ابوية من الگفة گصو رگبتة
يا جدي ب جف حسيني.... لاماكو اصبعة
ومن الخيل السحگت صدرة... طحنولة ضلعة
و بصدرة الارماح... شيداوي الجراح
2 انه بعيني شفت مصرع حبيبي
دفنت اهلي يجدي والله بيدي
احس أمن ءأدفنة يكلي عضيدي
ابد من بعدة ما يگطع نحيبي
لجل ديني بعد يا دنيا زيدي
وية الاكبر ردت افدي وريدي
لجل الدين يضحي حسيني... حتى برضيعة
يفدي بعباس و جفينة... لجل الشريعة
اهات و صياح .... شيداوي الجراح
3 بوداع لكافل وزينب مصيبة
من تمشي بدرب تلزمهة ايدة
يكيدوهة الغرب اختة الحبيبة
تكلة الخيمة من بعدك سليبة
من بعدك صرت خوية غريبة
يخوية الماي الي منهو يجيبة
من طاح الكافل يا جدي... زينب تشاهد
كالت من بعدك يا خوية... لدياري ما ارد
سهمة بعينة طاح... شيداوي الجراح
4 ابوية جسمة لميتة بحصيرة
صفت من بعدة أيتام العشيرة
زينب تنسبي و هاي الاميرة
من بعد الاهل قصة عسيرة
وبساعة دفنتة اللحضة الاخيرة
علئ صدرة دفنت جدي صغيرة
يا جدي و ريتك تحضرلي... بدفنت امامي
عليل و ادفنهم كل اهلي... اخوتي و عمامي
ما ابطل نياح... شيداوي الجراح
5 الك يلمهدي اقرة الوصية
ثار الوالد اتجيبة الية
وثار المحسن و أمه الزجية
ترضة العمتك شافت اذية
اخذ حك الذي اخذوهة سبية
و جف الكافل الطايح رمية
كل الشيعة منتضرة.. للمهدي يحضر
ياخذ ثار الكصو راسة.. و جسمة توذر
اعليك المهدي صاح.. شيداوي الجراح
محمد مهدي الموسوي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
طر الليل يبن امي وطريت انا بالحومة
من الخيمة بگت روحي وأجيتك خوية مهظومة
من ذاك الظهر يحسين نايم انت هالنومة
وأنا من الظهر يحسين گمت والگومه فد گومه
ما بين الركض والنار ومن الخيل مهزومة
اختك خويه مو هيه...وكتي وكربله اعليه...على فرگاك مابيه
لحالك لو وكف گلبي يخويه لحد يلومه
.........
وصلتلك لكن شحاله الخلص بالركض يومه
من رجلي لحد هامي من كل صوب ملچومه
حگها الچان عدها حيود وغفله اعله الارض گومه
أول مره اطر الليل وليلي بينت انجومه
بس مو بيدي غير حسين ما ادري شني اعلومه
گلبي وعيني يردنك...ما ينطنّي اعوفنك...أجيتك حتى اشمنك
وماكو أبچان اشمك بي السهام اعليك ملمومه
..........
لا طولك مثل طولك وجهك ماهن رسومه
ليش الينذبح عطشان الناس تسلب هدومه
شفتك وانشده حالي عسنها جيه ميشومه
تحوم اعليك يبن أمي خيل وناس فد حومه
عدل ميت عليك سيوف وفوگ اعضاك مرسومه
ما مرت أبد عالبال....الحوافر من حديد ثكال...تنحط فوگك وتنشال
وشفتك ريت ما شفتك وعسنها عيوني معدومه
.........
وانا زغيره دلالي المصايب فوگه مختومه
دموعي معاشره عيوني وهاي اعليه مقسومه
بس مصيبتك يحسين تخلي الروح مهمومه
اضلوعك ليش فوك الكاع بحوافر خيل مهشومه
ومثل ضلوع صدرك غاد الخيم بالنار مهدومه
اجدامي الوصلتني هنا...شياخذني بعد منا...منو بيكم عدل انخا
بساعة وحده مدري شصار ومنكم لني محرومه
مرتضى يوسف
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
((#رجعوه_الماي ))
لسان حال الاطفال عندما احضر الجيش لهم الماء بعد انتهاء المعركه
……………………………………………………………
ما نفرح بيه جرحانه اهواي
نشرب هيهات رجعوه الماي
ضامي ايظل الاحساس . خلافك عمنه العباس
رجعوه الماي
……………………………………………………………
من لسعات ضرب السوط . شوفة مايكم اصعب
ابونه حسين من ذبحوه . نحره امن العطش يلهب
نريد انواسي ابونه ابهاي . عطاشه انظل و لا نشرب
الماي ابلا طعم لا لون معروفه
واحنه احمر دماء احسينه انشوفه
وحنظل طعه عگب الگمر و چفوفه
لو مالح حيل من الدمعات
عالظل عطشان ولحد ما مات
اتفرهد بهدومه الناس . خلافك عمنه العباس
رجعوه الماي
…………………………………………………………….
تشربونه و قبل ساعه . حسين الكم رفع ايده
موش الروحه راد الماي . راد ايشرّب اوليده
سگيتوه نبله مال كبار . نبتت گطعت اوريده
اباب الخيمه يرجع ننتظر كلنه
شارب ماي ضاوي و يبتسم النه
اجتنه الرگبه تتلولح و فجعتنه
تباً للماي الـ ما روّاه
اوياكم منعيش ذبحونه اوياه
توكف ريت الانفاس . اخلافك عمنه العباس
رجعوه الماي
……………………………………………………………
نغص بالماي اذا نشرب . بينه ايعيش اشد منظر
لبونه حسين اجه و طلباه . يشرب رايد الاكبر
حيرة تايه ابنص ليل . شيسوي احسينه أتحيّر
نشرب حاشه و لله وفشله من أمه
ليله الشافته امگطع وصل جسمه
لحد هسه تنوح وتلهج ابأسمه
عدنه اوي الماي هاگد لچمات
من نسمع بيه نجذب حسرات
انوح ونلطم عالراس . اخلافك عمنه العباس
رجعوه الماي
……………………………………………………………
لو شربينه منكم ماي . ينزل نار بمعانه
ابونه اعل الارض مطروح . ماي ايردد السانه
من كثر العطش يا ناس . حتى عيونه ذبلانه
انذبح واتچوّه سيف الشمر من نحره
لان من العطش صار الدمه جمره
الحافر ينلسع من اعتله صدره
هاون عُربان الحافر طحناه
مثل المرواح بالطف ذرّاه
بخيول اثجيله انداس . خلافك عمنه العباس
رجعوه الماي
……………………………………………………………
هاي الجيه مال الماي . نطرناها بدمع نازل
لچن مو چف عدو چتال . من چف عمنه ابو فاضل
يجينه و جربته ابيمناه . وبيساره العلم شايل
حالة عمنه ابد ما تنوصف صعبه
منظر ذبح آماله و كسر گلبه
من سالت و خلّص مايها الجربه
ضربتنه اسياط عمنه ابلياك
طاحت خيمات من طالح الواك
هيمه ومامش حراس . خلافك عمنه العباس
رجعوه الماي
……………………………………………………………
عطشانين جوعانين . بس امصيبه شِغلتنه
من السوط يمها نلوذ . ويصير ابمتن عمتنه
ركضت حافيه واطيح . ابطلاع الروح لمتنه
اشكثر بيها ألم لكن فلا تحچي
تدير الوجه وحدها و تظل تبچي
تجيس المتن و لعمنه الگمر تشچي
منريد الماي انريد الخيمات
عمتنه اشلون بالهيمه اتبات
ويشتموها الارجاس . خلافك عمنه العباس
رجعوه الماي
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4