42599
نشر ✍🏻القصائد داخل القناة مجاناً بأشراف ملا ابو امير الفاطمي مؤسسة فاطميون الحسينية للتواصل مع الادارة
#هوسات
زينب اعله التل تنادي خويه لحگنا انولينه
هله هله حسين وينه بالسيوف مگطعينه
عفت بالهيمه بناتك والمخيم حارگينه
هله هله حسين وينه بالسيوف مگطعينه
كون صدري حسين خويه وموش صدرك ساگينه
هله هله حسين وينه بالسيوف مگطعينه
تنشد اطفالك عليك تگول چا يمته يجينا
هله هله حسين وينه بالسيوف مگطعينه
بيك ماتدري يخويه بسهم گلبك صايبينه
هله هله حسين وينه بالسيوف مگطعينه
ومن گفاه احسين نحرك بسيف اعمه گاطعينه
هله هله حسين وينه بالسيوف مگطعينه
ــــــــــــــــــــــــــــــــــــــ
ــــــــــــــــــــــــــــــــــــــ
حدر الحوافر ياحيف ينداس شيخ السادة
والله لخسفك ياصدر على حسين واولاده
بحر الشمس ضل عريان والترب صار اوساده
والله لخسفك ياصدر على حسين واولاده
القتل عاده الهم صح بس السبي مو عاده
والله لخسفك ياصدر على حسين واولاده
يالطم يكفي ويانوح احسين الرمح بفاده
والله لخسفك ياصدر على حسين وولاده
ــــــــــــــــــــــــــــــــــــــ
ــــــــــــــــــــــــــــــــــــــ
اعله اوليدها السابح گضه بنزف الدمه
هل يوم هل يوم نعزي فاطمة
وذبحو هله وكل اخوته وداسو احدود امخيمه
هل يوم هل يوم نعزي فاطمة
ونسوانه فرن بالفله واطفاله موتها الضمه
هل يوم هل يوم نعزي فاطمة
لمصابه ما حل ابشر وتون عليه ارض وسمه
هل يوم هل يوم نعزي فاطمة
ــــــــــــــــــــــــــــــــــــــ
ــــــــــــــــــــــــــــــــــــــ
اصدور ولدك يانفل بالخيول سحگوها
الحك يبونه ياعلي والخيام حرگوها
ونسوانكم بين الزلم تركض صفت خلوها
الحك يبونه ياعلي والخيام حرگوها
وزينب الما طلعت گبل بسياطهم طلعوها
الحك يبونه ياعلي والخيام حرگوها
من كون تبطي وماتجي فوگ الهزل يسبوها
الحك يبونه ياعلي والخيام حرگوها
اعيونكم تغفه وسف والكم حرم ضربوها
الحك يبونه ياعلي والخيام حرگوها
ــــــــــــــــــــــــــــــــــــــ
امنين اجيب الماي يبني ياعلي
ونار العطش بچلاي .. يبني ياعلي
ويبس اصبي عيناي .. يبني ياعلي
لا حيل لا ضل راي .. يبني ياعلي
ـــــــــــــــــــــــــــــــــــــ
ــــــــــــــــــــــــــــــــــــــ
والحسين بگه اوحيد والعسچر امحطونيه
كطعو يمين العباس يافاطمة الحزينه
ودوت نار بالخيام من السهم سد عينه
كطعو يمين العباس يافاطمة الحزينه
وام عون تركض وتصيح چا وينه عم اسكينه
كطعو يمين العباس يافاطمة الحزينه
تنسبي الماعدها اخوان عباس لحك لينه
كطعو يمين العباس يافاطمة الحزينه
بالهيمه تبگه النسوان من عكب في چفينه
كطعو يمين العباس يافاطمة الحزينه
وتصيح ياكون الموت ياخذنه وي والينه
كطعو يمين العباس يافاطمة الحزينه
#تراث
زینب تنشد السجاد لاچن تـهل دمعتها
حصل دفان لبن امي تگله او تجر ونتها
ــــــــــــــــــــــــــــــــــــــ
انشدك يا علي السجاد عمه ابحال ابوك اشلون
عفته اعله الترب مطروح وظن للساع مو مدفون
يصير ابلا دفن یبگه ابوك ابكربله مرهون
يعمه حسرتي حسره
على ابوك المنگطع نحره
واخوته أمطرحه ابكتره
ياهو الراح يدفنهم تگله او تجر ونتها
ــــــــــــــــــــــــــــــــــــــ
شفت حسين من مريت يعمه او راس ما عنده
جثه على الوجه مگلوب واخوته أمطرحه ابحده
او شفت الطفل عبد الله ذبيح او طايح ابسده
رضيع او غارج ابدمه
گلبي انكسر يا عمه
ردت انزل وأضل يمه
لاچن ما حصل بيدي اعداي النوگ ساگتها
ــــــــــــــــــــــــــــــــــــــ
اعداي النوگ ساگتها او صاح الشمر لا تبچن
بطلي النوح يا زينب راح الچان ظل الچن
ذبحنه حسين وانصاره اوياهو الضل بعد عدچن
راح الخدر ويه حسين
واحنه اليوم متولين
لازم بالسبي تمشين
وايام الخدر هيهات يم الخدر ردتها
ــــــــــــــــــــــــــــــــــــــ
زمخ بيه الشمر لمن صحت يحسين آه يحسين
اكضمت غيضي وشفت حالي ذليله الخلاف نور العين
مشيت اميسره او گلبي يحوم على اخوتي الطيبين
يعمه أو كون وياهم
اضل هناك ونعاهم
مشينه او ما دفناهم
گلي يا اخت مثلي تعوف على الثره اخوتها
ــــــــــــــــــــــــــــــــــــــ
أعلى هونج گال يا عمه دفنت احسين ونصارها
و توني من الدفن رديت شوفي الحزن وآثاره
عليه والسفر بين يعمه أبوجهي اغباره
رحت الكربله وحدي
حزين وفكر ما عندي
يعمه او مردت چبدي
جثة والدي المذبوح ذواري الريح غطتها
ــــــــــــــــــــــــــــــــــــــ
زینب سمعته او صاحت انشدك والدمع عبره
دفنت احسين ابوك اشلون گلي او تجذب الحسره
وادري المـيّت خده ايصير فوگ اتراب البگبره
گلي اشلون وسدته
او راسـه عـلـى الرمح شفته
وانت من ادفنت جثته
يعمه اشلون خليته مهيّ الخيل رضتها
ــــــــــــــــــــــــــــــــــــــ
يگلها او دمعت عيونه تسيل او تسفح بخده
يعمه مثل ما تدرين راس حسين ما عنده
بداله على الترب خليت نحره واغلگت لحـده
او رضيعه الطفل وسدته
اعلى صدره اومددت جثته
اتراب اللحد من هلته
يعمه اتلوعت روحي وعيني اسچبت عبرتها
الشاعر المرحوم
السيد جاسم الطويرجاوي
بالطف دفنت عيوني الثنين
وسلّم عليچ هواي الحسين
يا عمه وبكلامه
وصاني باليتامه
عيوني الثنين
..
من امس ما نمت ليلي و جفن ما لاگه جفن
وهالتراب الفوگ وجهي بقه من تراب الدفن
شلته بيدي وشفت صدره الخيل طاحنته طحن
عمه من سهم البالچبده والدي لسه يون
لميته بيدي لم الدموع
ساعه الم چبده وساعه الضلوع
المتهشمه عضامه
وصاني باليتامه
عيوني الثنين
..
حسين ابوي وما عرفته مملي طعنات وطبر
من اشيلن كتر بيدي يطيح من ايدي كتر
بالرمل متروس نحره وچان رمل الطف جمر
بكل جرح الگالي نبله بكل عظم الگه كسر
عالرمل نايم والرمل حار
مدفون جسمه بنبل وحجار
الفوگ الرمل منامه
وصاني باليتامه
عيوني الثنين
..
من النحر وياي يحچي وخذت روحي حچايته
يا علي عبد الله خلي فوگ صدري نومته
منذبح عطشان مثلي ومثلي ذبلت شفته
يرتوي يابويه گلبي من اشمن ريحته
ملچوم يحچي من النحر چان
عبد الله ليش يموت عطشان
البچاه حرگ خيامه
وصاني باليتامه
عيوني الثنين
…
انه ابچيله وبچالي وگال غربه غربتك
بويه شو رديت وحدك وين زينب عمتك
ليش ايدك دمه تنزف ليش تنزف رگبتك
ليش محني وفوگ راسك ليش ما هي اعمامتك
گتله يبويه بغربه الضعون
واسياطهم ما خلت متون
بمتني بقت علامه
وصاني عاليتامه
عيوني الاثنين
…
گبل ما هيلن ترابه حچه ونزلت دمعتي
بويه سلملي اعله زينب ريحة امي وشمعتي
بوسلي بنيتي سُكينه وشم رقيه ابنيتي
هواي مشتاگ لبناتي فراگهن فت مهجتي
رد لخواتك كافي الوداع
الليل اجاهن ارجع بساع
چان الحچي ختامه
وصاني باليتامه
عيوني الثنين
…
خادم الحسين ( عليه السلام)
كرار حسين الكربلائي
( ابو كميل )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ياهو اليدفنه الماعنده دفانه
ضل اعله الثرى و أكبال عدوانه
حسين بكربله ضل عاري علتربان
و أعياله أنسبت و بهزل نسوانه
السبوا نسوانه ياهو يدفنه ياهو
عادات العرب بلسلف معروفه
ليموت أهله تحضره و تشوفه
يتچفن وراها و يندفن بثغيب
بس حسين أهله أنسبت للكوفه
عاري علغبره. و أهله بنوگ هزَل
ثلث تيام باقي أعله الترب ضامي
محد دافنه و بلحومه ضل دامي
ليش حسين يبقه بلا دفن علـ گاع
حامي أخيام أخته ما أله حامي
ياهو اليدفنه. البيده أخوان يدفن
رد بيها العليل و منكسر ضهره
زين العابدين ألدمعته حمره
ياهو يعيني اعله الدفن يا ناس
سبعين جثه ذني عل غبره
ياهو اليعينه. اليدفن بيده أهله
أنطوني حصيره حسين ما ينلم
شما أجمع أبوي يضيع من الدم
لميته و أريدن باريه تشيلة
بس راسه بعيد و هاذا أكبر هَم
و راسه ماهوة شلون نوسده هسة
اللهم عجل لوليك الفرج
علي حسين الخفاجي
دفنته وكلبي من الآه مشلوع
بجيت وبلللت كبره امن الادموع
ابوي ابوي.. لوعني ياناس
ابوي ابوي..جثه بلاراس
دفنته
ــــــــــــــــــــــــــــــــــــــ
كمت اوصل الجسمه وارد
مره اقترب مره ابتعد
مالي كلب عالدفنه
فوك الجسد صفيت ادي
خاطر اسوي النحره في
بلكت يفز اتمنه
مايرجع الشابع ذبح
وضحكاته بايگهه الرمح
واخيولهم أذنه
احظنه لو أضل متمدد اوياه
أصيحن ياعلي لو واحسيناه
ابوي ابوي..ياوردة الياس
ابوي ابوي..جثه بلاراس
دفنته
ــــــــــــــــــــــــــــــــــــــ
رحت اركض اعله المشرعه
وجيت وعباتي امنكعه
اعصرله مي بنحره
بالطف أدورلي خشب
تابوت اسوي للذهب
خاطر اشيله الكبره
واكف واصد الجثته
من الجدم حد ركبته
الجثه صارت حمره
بالهيمه لكيت اضلوعه طشار
ونحره امنين مااندار يندار
ابوي ابوي.. بالخيل ينداس
ابوي ابوي..جثه بلاراس
ــــــــــــــــــــــــــــــــــــــ
عشرين عمري وي خمس
وكبران يادنيه احس
كبرني فكد الغالي
الماعنده ابو يشبع قهر
عيسى يضل طول الدهر
ماعنده فَي للتالي
السجاد آنه المنسبي
امجتف رحت وي زينبي
والطير ون الحالي
عجيبه الدنيه ليش اتفرق الاحباب
اعز ناسي وهلي نامو بالاتراب
ابوي ابوي...بيا ابو ينقاس
ابوي ابوي..جثه بلاراس
ــــــــــــــــــــــــــــــــــــــ
مات الجنت اتنفسه
نحره بديت اتلمسه
واتخيل آنه اعيونه
اشبيهه الضماير ميته
عالترب كلبو جثته
ومن ركبته ايذبحونه
باكو اثيابه الطاهره
وبالسيف كطعو خنصره
ليش الله ميخافونه
هم شفتو بشر مذبوح عطشان
تره الماي ابلاش انوزعه مجان
ابوي ابوي.. ضلموه الارجاس
ابوي ابوي.جثه بلاراس
ــــــــــــــــــــــــــــــــــــــ
شلته بحصيره او مونعش
يابس لكيته أمن العطش
وحسيته جن يهمسلي
الصوت من نحره طلع
بس صوته بي لوعه اووجع
تدرون ابوي اشكلي
كلي يوارث عصمتي
عالقبله وسد جثتي
وابصدري نوم طفلي
عبدالله طفل من وحشته ايخاف
من الدنيه مات وكلشي ماشاف
ابوي ابوي..اغله أمن الأنفاس
ابوي ابوي..جثه بلاراس
دفنته
محمد الجماسي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
دفن الاجساد الطاهرة
حيره بوية شلون ادفنك
هـو انـته شباقي منك
راح المك بالحصيره
مصيبتي والله چبيره
……………………………
ريت يا بويه المنـيـه وياكـم اخذتني سويه
ولا اشوفن هالمنـاظر صعبـه يا بويه عليه
عالترب كلكم اضاحي مگـطعين اعله الوطيه
انته واخواني وعمامي والانصار اهل الحميه
بويه متـخالط لحمكم
گـلي شدفن راح منكم
حيرتي يابويه حيره
مصيبتي والله چبيره
……………………………
مو مرض بس الهلكني هدني بويه الي شفته
واني ازحف يم جثثكم شفت اخوي وما عرفته
علي الاكبر ذاك طوله وكل جماله الي وصفته
قطعة قطعة امگطعينه وصل صارة علي جثته
اليشبه الهادي بخصاله
منمـرد بالطف جماله
چـنه لا مو هوه غيره
مصيبتي والله چبيره
……………………………
ويا هضيمتنا عله جاسم يا فجيعتنا بمصابه
بعده شاب وحلو عمره تالي ذبحوه ابشبابه
ابن اخيك بويه صاير وصله وصله اعله الترابه
اه يا عريس هاشـم گـلبي طـراه بعـذابه
توه قاسمنا صبح شاب
شلون ادير اعليه التراب
هذا عريس العشيره
مصيبتي والله چبيره
……………………………
يا كسرنا ويا هضمنا عالنهر عدنـا مصيبه
لعمي ابو فاضل بكائي وگـلبي ميبـطل نحيبه
شفته بويه وريت ما شوف جـثته ذيچ السليبه
بويه مثلك نـاهبينه وعاري والجثه خضيبه
منمرد جسمه وبلا راس
يا هضيمتنا عله عباس
چان ينزف لخته غيره
مصيبتي والله چبيره
……………………………
بويه من جيت ارد ادفنك ما عرفت اشلون ادفنك
بالسيوف امگـطعينك انت موش احسيني چنك
گـمت ادور بالتـرايـب كـل عضو مفصول منك
گـوه لمـيـتـك يبويه الخـيل ليش ايطـشرنك
راح ادفنك وي سهامك
حيل مطحونه عظامك
وحرگتك شمس الظهيره
مصيبتي والله چبيره
……………………………
ردت اهيل اترابك اعليك ولنه صوت يصيح نحرك
يا علي وســد رضيعي وجبته خليته عله صدرك
بس يبويه بصدره حافر ماطلع من گـلبه اخبرك
طفلك ابلا راس مثلك عـظم الله براسه اجرك
منذبح مثلك خطيه
وداسته هم اعوجيه
دمعي دم الكم اديره
مصيبتي والله چبيره
الشاعر عقيل الحسناوي..
.
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#ليلة_دفن_الاجساد_الطاهرة
آه منج كربلا ... آه منج كربلا
****.
طاح قرآن وبكت تبجي السمه اعليه من دمه
ونزل جبريل بجروحــه يعزي بالهم فاطمـه
وصاح عزريل بحسرته ويلي يا حامي الحمه
والملايك بالدمــع حضرت تقيم الجزع
وصاح فطرس بالملا آه منج كربلا
****.
الــذكر فوك الثره والفاتحه فوك الرمـــــح
حسره من تقره بألم وبخاطرك ذاك الجرح
توسد بحرّ الشمس ياويلي قــــرآن الصبح
والذكر فوك الثره اوراقه مطّشره
وما كو واحد رتلّه آه منج كربلا
****.
لن خيول العشره كصدت صوبه شكت مصحفه
سحكت بذيج الظلامــه وزين كلش تعرفــه
من مكان النحر صارت بالحوافر تحرفـــــه
سالفه وما اظن صدك مصحف الله ينسحك
ويبقى عاري بالفلا آه منج كربلا
############
عمدوا اعليه بالسحك جي من صدك هو الذكر
تكطّــــع بذيج المسيه بخيلهم واصبح وذر
رادوا بهــاي الفجيعه دين طـــــــــه يندثر
حسين يدرونه الذكر كطّعوه بالطف وذر
الدين بحسين اعتله آه منج كربلا
****.
بلا دفن وبلا غسل ابن الفحل فــوك الثره
وجسمه متوذر يويلي اوصاله كلها مطشره
اوراقه تتمزق حــــواسر وبدمــــاه معفره
بلا دفن ظل بالعره محد بحالـــه دره
ياهو يمه وتسأله آه منج كربلا
****.
تغيّر بذيج الشمس روح القدس مــا ينعرف
كل حجر بيه هالدمه من السبط يوم النزف
طاح وتطشر امامي وكل جرح يسواله طف
آه يا ذيج المحن شلون ينلم بالدفن
بيا كلب من تعدله آه منج كربلا
****.
لخادم ال محمد(ع).........
. الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
لمه هنا يدفان عالرمضه ولينه
###########
تطشر فوك ال تراب كد ما داسته الخيل
واشتم حافر الخيل ريحة عنبر وهيل
يعني داست حسين... يعني شكد شبع بين
تطشر بالميادين..... نازل بسمه ترتيل
النازل بسمه قران.... بالحر شامرينه
##############
تصور زلمه مطروح وعليه كومه سيوف
من كد ضرب السيوف لجرحه ما يصح روف
وسيوف التطبره....... مــــا واحد يعبره
الا بسيفه وذره...... توذر بارض الطفوف
من طبرة العدوان...... تدري مـــــوذرينه
################
حيره شلون يحسين جسمك صاير اوصال
لو تنظر لل وصال طشّت فوك الرمـــــــال
شما تسحك الرمله....... منه تلكه وصلــــــه
يادفـــــــــــان بلله...... شلون تشاهد الحال
موزع على الميدان......عــــــــالرمضه رهينه
################
حصيرة يجمع الجان بيده يلم الاكوان
تناثر فوك الاكوان مثل اوراق قــــــرآن
يارب والله حيره....... هالنعمه الچبيره
تنلم بحصيره......... مطشر على التربان
للأكوان ربان........ بحسره مجمعينه
##################
يا دفــــــان وحسين منه رضو ظلوع
منظر منه دلال كل احبابه مشلوع
بصدره الف طعنه..... يعني شتلگه منه
والخنصر فجعنه...... من حسين مگطوع
چف الكله احسان..... بالطف گاطعينه
################
ونسألكم الدعاء لتعجيل الفرج
لخادم الامام الحسين عليه السلام
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
خويه اجيتك بس اجيتك مايله
ارد اسولفلك سوالف عايله
يل عفت بيدي ضعن وبهيمه
خلي اشوف شلون جرحك حامله
طالعه اعيوني وبالحومه ادورك
طالعه وگلبي يدليني بعطرك
مشه بييه الگلب
يل فوگ الترب
گلبي يعطشلك محَّنه وخوه
تعبانه اجيتك امشي بالكوه
من بعدك صرت لا اخو لا حماي
وانشدك يابو فاضل هجرك شسوه
جيتك... طفي نار الي بعباتي
جيتك...شوفتك من امنياتي
شگد نومك صعب
يالفوگ الترب
طلعت من الخيم اشكيلك احوالي
لچن طيحت چفوفك ماجت ابالي
اريدن اوصل لعندك وعرفك وين
ضلمه عيوني بس صورتك اكبالي
طايحه.... جدامي تعثر يالنخيتك
طايحه....خويه اكعد اني اجيتك
دمعاتي تصب
يالفوگ الترب
اشوف ارسوم وجهك خويه مشتاگه
يالوجهك كمر ويفيض بشواگه
كسرت بطيحتك ياخويه ضهر حسين
مو تدري بفرگتك خويه حراگه
خويهه... خيامي مشتاگه لأمانك
خويهه... گوم فييلي بحنانك
بالحومه غرب
يالفوگ الترب
الميرزا ناجي الصيمري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
هــديت حيـــلي يا جبيـــر الساده 😭
من شفتك اتسوي التراب وسادة 💔
يا بني أسد.... هلبت تجيبولي حصيره
يا بني أسد.... رايد الم شيخ العشيره
يا بني أسد.... حار الرمل وحسين عاري
يا بني أسد.... ما ينحمل حر الضهيره
و ماي جيبولي ابرد منحره
وارش گبره بلكي اجبر خاطره
جسمة صاير سالفه بحلگ الشمس
هذا ثالث يوم مرمي اعله الثره
مدري المه مدري اغطيه حسين فوك الترب عاري
ومثل ضيعة خنصر ايده ضاع يا وادم قراري
هنانه ياشلعان الگلوب الرمل ماخذ لون نحره
ما اكو وادم تنغر اعليه وحاره شمس الضهاري
((آه... ليت امي لم تلدني))
........................................................
يا بني أسد... بجفوفه باقي تسع اصابع
يا بني أسد.... من جفه خنصر جنه ضايع
يا بني أسد..... عينوني بالتربان ادوره
يا بني أسد..... بي محبس أخضر حيل لامع
گلبي ما يقنع اهل فوگة الترب
موش بس ايدي رجف حتى الگلب
استوحدتني أفكاري من شفته طريح
حسين ما يرهم يضل وسط الغرب
اطول من الرمح خلكه بكثر ما شايل محنه
جسمه مطروح اعله غبره وراسه فوگ يعاين النه
گلبي مثل شفافه مفطور من كثر حزن النعاوي
وگلبي وما ينطيني يا ناس اشلون ابوي بأيدي ادفنه
...........................................................
يا بني أسد... خلوني احط جفوفي حدره
يا بني أسد.... مرضوض من الخيل صدره
يا بني أسد.... وحشة الجنازه بدون الصياح
يا بني أسد...... غير اليموت اهله تحضره
من تحفرون الگبر وسعوا بعد
بحضن ابوه يندفن هذا أصغر ولد
خاف يستغرب لئن بعده طفل
صدر ابوه المنكسر يصبح مهد
سلبوا مني راحت البال وادم السلبوا عباته
وراسه لسه برمح مرفوع وحسرة الماي بلهاته
شده بال عيوني الحسين من شمر ماخذ مجانه
عكب عينه عيون الاجناب كامت تباري بناته
..........................................................
يا بني أسد..... هاي المصيبه التاخذ الروح
يا بني أسد..... من الگفه ابن الزهره مذبوح
يا بني أسد..... متروس صدره سهام وحجار
يا بني أسد..... حسين العزيز بهيمة مطروح
يوسدون راسه الميت بحيطة وحذر
اشلون يتوسد الي بطرگ النحر
نريد راس حسين ما ردنه فصل
خاطر ندفنه ونشيل بلا أثر
ارد اندهه وحاير اشلون خاف ينشدني اعله زينب
واني گوه مصبر الروح مره اسكت مره انحب
بيدي خله الحبل اثار وخاف حس بجرح ايدي
گادني التفكير للماي واعلة گلبه الجان يلهب
..........................................................
يا بني أسد......سوه الغراب بگلبي عِلة
يا بني أسد...... ليش الدفن بالترب خَله
يا بني أسد..... تمنيت ابوي بحضني ادفنه
يا بني أسد.....ولا بيدي فوگة الترب أهله
حسين فاتحته عله النوگ الهزل
وشلون تلطم مره مجتوفه بحبل
للسبات الليل والراحه انخلق
واحنه نگضي الليل مدمعنه يهل
اليرد من الدفنه متعوب الناس غير تكوي حيله
وأهله تتلكاه بالثغيب الشيخ فاتحته ثجيله
تراب ابوي بثوبي نيشان اشلون من تشوفه زينب
الليله يمكن زينب تموت هاي بالله اشلون ليله
...........................................................
مرتضى عامر الشمري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
رباطات ليوم دفن الأجساد الطاهره
عـبـاس اليـتامه عـگـبـك بحيره......
وين انطي الوجه بعدك يبو الغيره....
ريـض مـن تـنـزّل عـمـك شـويــه......
عـمـه يـاعـلـي لملـمـهـه چـفـيـنـه.....
والـفـاگـد أخـو مـيـنام كـل لـيـله.....
يالتسمع بـچـيـنه دگ على الهامه....
حسين بچـتـلـته عـطـشوا ايتامه...
يبطال الصـفا الهامـات طـبـروهه....
عگبه الروح لا تـهـجـع تخلوهـه.....
يسـباع الحـرب عـبـاس نـادانه......
صـعـبه الـيـفـگد بـأيـام خـوانـه....
ام عـون الحنينه اليوم عينوهه.....
بذبح اهل الفضل ياناس واسوهه....
يـادفـان اخـيـي بـسـاع دلـيـنـي....
مامـتعوده يـا هـالناس يجـفيني......
وين اهل اللطم چا هاي ساعتهه......
==============≈==================
خويدم آل محمد
الشاعر الميرزا محمد الساعدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
رايحه لياضيم زينب رايحه
٠٠٠٠ ٠٠ ٠٠٠٠
نامو عله الرمح سهرانه أختكم
بحچايه التغث مازعلتكم
مسبيه خذوني اجناب للشام
ماعفتوني وانه الماعفتكم
انتم عالرماح وانه عالنوگ
مشونه بطريچ الموش مسحوگ
أشوفنهه الرماح تميل بالروس
ينهضمون أخوتي بطبت السوگ
أختهم هاي ويخافون تنشاف
اخاف اجناب تاخذ مني الأوصاف
انه الصرت موش ام عون ام ضيم
عله ناگه وأديه مچتفه اچتاف
الفاتحه
عالناگه اسوي الفاتحه
٠٠٠٠ ٠٠ ٠٠٠٠
يبعد عيوني يخواني وحياتي
فَي من الشمس الكم عباتي
دللتوني هاي سنين وسنين
اميره ولابشر چان بغلاتي
حرت وأشلون اوفي وياكم الدين
أخواني عله الگلب كلهم عزيزين
لهسه إبالي حرگ اخيام والخيل
إركاض بلا رحم ركضن عله حسين
شنسه من السوالف كلهن إكبار
الخنصر والنحر لو ذاك الحجار
طاح من المهر عطشان الحسين
چبده يستعر مثل الخيم نار
لذابحه
ريته ذبحني لذابحه
٠٠٠٠ ٠٠ ٠٠٠٠
مصيبه وابد ماخطرت عله بال
زينب ياوكت يهضمها جمال
عيوني تحاچي بيكم ماتفزعون
اشيل چفوفي الكم فلو الحبال
أنشدْ بحبل وشلون ترضون
من كثر اليعت ماظلت امتون
عله الناگه اميل وصايح يصيح
شدي حزام صبرچ عمه يم عون
إذا طحتي يموت بغيضه عباس
اخاف تشوف هيبت خدرچ الناس
من هلشام وذيج الدواوين
يخت حسين شيب منج الراس
طايحه
الدمعه عله خدچ طايحه
٠٠٠٠ ٠٠ ٠٠٠٠
مثلي ولا مره خاين دهرها
تاخذ روس ورماح بسفرها
ناس الشام تتلگانه وشلون
علينه تخلص مشامر حجرها
ذبلنه الفشل من مستحانه
درب الشام والله تعبانه
من كثر السهر ماظلت عيون
اشك بروحي زينب موش انه
جنت بهيبتي ومحد عرفني
الصحاري والشمس ماشايفتني
هسه مرافگتني اشكال الوجوه
هاي الناس كلش تعبتني
شابحه
عيوني الكم شابحه
٠٠٠٠ ٠٠ ٠٠٠٠
أشلون أندار وكتي وخان بيه
من ام الخدر للخارجيه
مانادوني بسمي بطول الايام
لوهاي الغريبه لو سبيه
عطش بعيونهم ماشافته عيون
اذا صدو عليه ما يرمشون
هاي بياوكت وتشوفني الناس
اذا عباس حاظر يگلب الكون
الخدم تامر عليه وين صارت
دنيه وبالعكس وياي دارت
عگب ذاك الخدر وذيج الخوان
زينب بين اهل الشام حارت
نايحه
روحي عله روحي نايحه
٠٠٠ ٠٠ ٠٠٠٠
خادم اهل البيت ع
فلاح طالب الماجدي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
لدفن الاجساد الطاهرة
ادفن بيه آنه ومشتاگله اهواي
احچي وياه لچن مايحجي وياي
عزيز الروح بعباتي جمعته
دفنته وگلبي هم وياه دفنته
ــــــــــــــــــــــــــــــــــــــــــــــ
وصلت الكربله وانضر باهلنا انترست الحومه
وعمايم ضاله بلا روس وروس بخيل مهشومه
ورايه بصفها كلفه ازنود ياما رجفت وادم
وزلمه مطشر بكل صوب ماينعرفن ارسومه
ومچان البيه كعدنا رماد صاير
وغاد حسين لمن وكف حاير
وطيحت عمتي اعله التل بعدها
وليلى هناك من تنعى لوِلدها
ــــــــــــــــــــــــــــــــــــــ
ادور عن ذچر لحسين مامش كل دليل اعليه
لا من راس لا جثه لبوي وخاطر انه الگيه
واباوع من بعيد انضر زلمه بتسع اصابع غاد
گلت هو عزيزي حسين خل اركض اوصل ليه
وصلته وضيعت برسموه انه
موش حسين ذاك الفاركانه
عمت عيني لحسين تراب صاير
شعدها ويانه ياربي الحوافر
ــــــــــــــــــــــــــــــــــــــ
بطل حيلي بكثر نزفه ريج الصحره شابع دم
رمل لميت ادفننه لچن احسين ماينلم
يبو السجاد انه السجاد انه الينگالك بسمه
وعلي مالايكتلك دوم هاي النومه يمهندم
يشيخ الكون موش هنا مچانك
يتاج التوج ياگمرت زمانك
افه المثلك يضل عريان بالبر
وتجي وتروح بيك الخيل تعثر
ــــــــــــــــــــــــــــــــــــــــــــــ
كل ما ريد اهيل اتراب اگولن لا بلچي يرد
واهز عبد الله بلكي ينوح وعله اصياحه الولي يگعد
لامن بيه گومه وياي ولا چفي اليطواعني
آه ياحيرتي وبلواي حملي جبال والله يهد
خذت كل حيلي يابويه كتلتك
اجتني منين انه مصيبت دفنتك
يرب الروح اخذ روحي دخيلك
عَلّي تكلف انه دفنت خليلك
ــــــــــــــــــــــــــــــــــــــــــــ
تحزمت بصبر زينب وابوي الگبره نزلته
وفز بگلبي جم عاشور فوگه اترابه من هلته
اخ شلون دفن حسين لابيه لطمه لا صايح
وننطك لو بچينا اعليه وسكته تصير فاتحته
ادفن وانه بالي اهناك علنوگ
طبن لو بعد نسوانه السوگ
عفتهن بين وادم غيره ماعدهم
وذباح الحسين بسوط كايدهم
امير علي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
مايخص دفن الاجساد
بعدما ذهب الامام زين العابدين روحي فداه ل دفن الاجساد الطاهره تفقدته عمته الحوراء زينب صلوات الله عليها وصارت تبحث عنه ولم تجده. وبعدما عاد الامام زين العابدين نادته عمته زينب صلوات الله عليهما بلسان الحال…
طـــــــــالـــــع ويــــــن يـــالــــباجـي امــن اهلنه
يـــعـــمــه أخــــــــلاف عــــينــــك يــــاهو النــه
علـــيــــك انــــخــــاف هـــــــذا الــــــوكـــت منه
يعــــــمـه مــــــــادريـــتـــي آنـــه چـــنـت ويــن
اخــــافــــــن لـو گـــلتــــلــــچ مـــــا تـــگـدرين
واخــــــــافــــنـچ يعــــــمـتــــــنـــــه تمـــــوتين
چـــــنت ادفـــــن يعـــــمـه ابـــــاجـي الـحــســين
زينب نــشـــدتـــه وگــــــالـــتــ يـعــــــــــــمه
شـنــــــــهي اللــــــــي شـــــــفـت يـم ابو اليـمه
صـــدلــــهـــــا اوبـــچـــه او مـــارد عــلــيـهــــا
إخــــــتــنـگ مـــــا گـــــدر زيـنــب يـــحـاچــيـهـا
يعـــــــــمـــه أشـــــلون اوصـــفــلچ الــــحــالـه
وكـــــلام اللـــــي ســــــمـعت ابـــــوي گــــالـه
وهـــــــو مـــــذبـــــوح ينــشد عــــلى اعـيــالـه
گـــــــــاللـهـــــا يـــــعـمــــه ودمـعـتـه تـسـيل
دفـنــــــتـــه بــــلا چـــــــفـن وبـــغـيـر تغسـيل
ولهــــســـــه امــن الســـحگ دم مـنـحره ايـسـيل
وگــــــــال الطــــــفـــل بويه اويـــــاي خــلـيـه
اريــــــدن مـــــن عـــــزيزي اشـبـع شـبـگ بـيـه
ويـعــــــمــه مـــــن رحـــــت يـــم الـشـريــعـه
إنكـــسر گـــلبي اعـــله ابـو إچـفـوف الگـطـيـعـه
يعــــــــمـه ابـــــدفــنــتــه آنــه تـــحـيـرت بيـه
يعــــمــه اشــــلــون اشــيلـــه أوبـيــش اخـلـيـه
حــــــرت يـــــاراي عـــــمــي ويــــاه اســـويـه
وهـــو ابـنـــومـــتـه وزحـــت الـثـــره اعـلـــيـه
وشـســـولــفـلـــچ يــعـــمـه عــــن الاكــــــبـر
اشــــــد كـــــل حـــــال اخـــيـي صــايــر اوذر
وشـــــــلـــــت جــــســـــام ياعـــمــه بــديـه
ودفـــنـتـــه او يـــالــــبگوا كــلــهم ســـــويـه
خـــــذت حيــــــلـي يــــعـمـه الــــغـاضـــريه
خـــــــــذت مـــــنــي هــلــي بــيـوم ومـسيه
نسألكم الدعاء
السيد حسين الياسري
#اللهم_عجل_لوليك_الفرج
#نعي دفن الاجساد الطاهرة
السيده زينب مع مولاي الحسين
روحي فداهما
يخويه حسين كلي شلون لموك
مابدوا اميه عليك وارووك
ثلث تيام وسط الشمس خلوك
جروحك يبسن ومامش اميه
مع العباس روحي فداه
صدك عباس تتركني علئ بختك
بين اجناب اروحن وانه اختك
اعرفك ماترد من ضيمي صحتك
بلكي اتكوم موضربوا رقيه
.
.
مولاتي ليلى مع مولاي الاكبر
روحي فداهما
يبعد امك يماخذ هاي العيون
بلاراسك يلاكبر ليش مدفون
تره امك راح تمشي بذيج الضعون
بين ارجاس واحبال اب أديه
.
.
مولاتي رملة مع مولاي القاسم
روحي فداهما
كبر ابني اعرفه وعندي الجواب
امبين كبر جاسم بي عطر شاب
اكله انهض ييمه بريتي عطاب
دم بجفاك موحنه بديه
.
.
مولاتي الرباب ومولاي الرضيع
روحي فداهما
دللول الكبر عبد الله ذبحوك
اهزن بلكبر حسبالي كاروك
مامفطوم ليش بسهم فطموك
حليبك در يبعد امك عليه
.
.
مولاتي سكينه ومولاي الحسين
روحي فداهما
يبويه شلون جوه الترب تنحط
وانه السوط سوه بظهري الف خط
يركظوني واصيح احسين وافحط
لحد ماماتت الصرخات بيه
مع مولاي العباس روحي فداه
يعمي شلون تدخل هاي بلراس
جوه الكاع تنطم وانت عباس
تره عكبك بقينه ابين الارجاس
وشتموا عمتي وصاحوا سبيه
بشار السامي
#اللهم_عجل_لوليك_الفرج
سولفلي يالدافن هلك واخوانك
لميت ابوك شلون ياهـــو العانك
ــــــــــــــــــــ ــــــــــــــــــــ
مسبي مشيت شلون وانت ابلا روح
عفيه وگلب عايش يدگ بس اجروح
طحن الصدر شفته او وريد المذبوح
بصوت العطش گمت وطحت بمجانك
ــــــــــــــــــــ ــــــــــــــــــــ
عاري الجسد شمخلي بيك افراگه
گالو عليك الگيد حافر ســــــــــاگه
وگالولي شدوك اعله بطن النـــاگه
وشفت السياط الصعّدن نسوانك
ــــــــــــــــــــ ــــــــــــــــــــ
بالشمس عاري شلون ابوك تعوفه
اشحاجيتها وماطاحت المجتوفه
وامنيلك حيل اوصلت للكــــــوفه
بمجلس ابن مرجانه تالي ازمانك
ــــــــــــــــــــ ــــــــــــــــــــ
من ضرب راس حسين بيك شسوه
امن الگيد لو من سب علي تتــــلوه
ومن راد يضرب زينب اشـــگد دوّه
نيران بيك وهاي اشد نيرانك
ــــــــــــــــــــ ــــــــــــــــــــ
من رحت ياهو العفته يم عماتك
غربه وجثيــــــره بهالبلد شماتك
كربله ابعيـــده وياثگل خطواتك
واليوم ثالث عالرمل وليانك
ــــــــــــــــــــ ــــــــــــــــــــ
بيا حيل رايح يابو رحـــــــل المنهوب
ومو گلب حال حسينك ايگطع اگلوب
عالوجه شفته شلون ابيّـــــك مگلوب
واشگال من شمّيت نحره السانك
ــــــــــــــــــــ ــــــــــــــــــــ
اوصال جسمه تارســــه گاع الطف
وحدك اشلمهن ليك تركض تزحف
والبالحوافر سيدي ايلوحه الجف
وذيج الحصيره اشخلت امن الوانك
ــــــــــــــــــــ ــــــــــــــــــــ
شلون ادفنت ذخرك علي عد رجليه
وعبد الله شـــــافك والدك حاير بيه
يبني اعله صدري اوليدي گلّك خليه
مگطوع شريانه ويبس شريانك
ــــــــــــــــــــ ــــــــــــــــــــ
عمك امگطّع وحّـــــــــدك نزّلتــــه
سولفت ويّـــــــــاه عالسبي عاتبته
جم ونّه ون من گتله مسبيه اخته
بذاك الوكت ياهو الردت دفانك
ــــــــــــــــــــ ــــــــــــــــــــ
علي محسن الزيادي
#تراث
لدفن الأجساد الطاهرة
عمه يا علي السجاد صاحت زينب الكبرى
لبن امي حصل دفان يو لا ظل على
الغبره
ــــــــــــــــــــــــــــــــــــــ
عمه يا علي السجاد .. لخويه ما حصل دفان
يدفن جثة ابن أمي .. وعلى الزهره يسوّي احسان
ما شفنه يظل ميت .. ثلث تيام على التربان
ما واحــد تـدناله
وعن حر الشمس شاله
عفت الولي بهالحالة
اخته ولاج گلبي عليه .. وگلب الأخت شيصبره
ــــــــــــــــــــــــــــــــــــــ
يعمه عادة المچتول .. يدفنو ما يظل مرمي
وخوي على الثرى عفته .. مطروح وكثر همي
مهو ابن أمي وچنت بحما .. عمت عيني على ابن أمي
رحت ميسره وعفته
وبگت فوگ الثره جثته
ما يدري اشجره على اخته
فگد وليانها وعزها .. وشماته ومبعد المسره
ــــــــــــــــــــــــــــــــــــــ
يعمه الله يساعدني .. حگي لو كثر ونّي
يعمه حسين ابوك يريد .. حفظ العايله مني
وانت من الظهر للساع .. يا عمه غبت عني
غبت عني ودليلي انعاب
وصحت وين ابن اخويه غاب
يعمه الغيبتك أسباب
وهسا جيتني تعبان .. چنك جاي من سفره
ــــــــــــــــــــــــــــــــــــــ
يعمه من الظهر للساع ..گلي چنت غايب وين
سمعها وهاجت احزانه .. ودِمه سالت دموع العين
ناداها غبت عنچ .. رحت يم جسم ابوي حسين
رحت الوالدي شفته
ثلث تيام فــارگته
يعمه ودفنت جثته
ورضيع البالسهم مفطوم .. وسدته على صدره
ــــــــــــــــــــــــــــــــــــــ
واخبرچ بعد يا عمه .. دفنت انصار ابوي حسين
كلها وكل اهل بيته .. وعساچ انشاء الله تأمنين
وزينب سمعته وصاحت .. علي الأكبر دفنته وين
تدري بوالده يحبه
شباب وفرگته صعبه
يگلها ونمرد گلبه
علي الأكبر يعمه صار .. يم حسين أبو گبره
ــــــــــــــــــــــــــــــــــــــ
وزينب سمعته اوصاحت .. انشدك يا علي نشده
يعمه عادة الميت .. يصير على الترب خده
شلون ادفنت ابوك حسين .. يعمه وراس ما عنده
سمع عمته وهل دمعه
وثگل عمه ولزم ضلعه
ويگلها واختلف وضعه
يعمه بدال خد حسين .. صار على الترب نحره
ــــــــــــــــــــــــــــــــــــــ
إلتوت وتحسرت زينب .. وصاحت والدمع يجري
عمه يا علي السجاد .. ضاج من الهضم صدري
انشدك عن ابو فاضل .. اخوي اللي كفل خدري
شلعت السهم من عينه
دفنت وياه چفينه
يعمه الجود چاوينه
اجيت وما جبت وياك .. جوده ورايته الخضره
ــــــــــــــــــــــــــــــــــــــ
عن راية بدر هاشم .. وجوده لا تنشديني
يعمه بعلتي وصواب .. حامي الظعن خليني
شفت عينه وچفينه .. بعيني ولا عمت عيني
ومع ضعفي وعظم گيدي
ادفنت حامي الظعن بيدي
وصحت يا حسرتي زيدي
وزادت حسرتي لاچن .. يعمه اشتنفع الحسره
ــــــــــــــــــــــــــــــــــــــ
يعمه اشتنفع الحسرات .. والون والدمع شيفيد
انتي ميسره وآنه .. ابتليت ابجامعه وبگيد
يعمه وبعد ما ندري .. من عدنه العدو شيريد
گولي انذبح والينه
ليش الگوم تسبينه
اشكثر وصه النبي بينه
احفظوا عترتي بعدي .. وهذي حالة العتره
الشاعر المرحوم مُعين السباك
#اللهم_عجل_لوليك_الفرج
الدفن
تدفني وحدك جاي.چا زينب وين
اتوسد نحري اعله الگاع.وين الخدين
طمني الراس شلونه
فاتحهن بعده اعيونه
وين الخدين
++++++++++
مني اشباقي وجيت اتدفنه
بين السلبوهن والضاع
بس اسمي واثار اجروحي
وباقي اشويه امن الاضلاع
اتمنيتك لو جايب زيب
وياك اتلمني امن الگاع
واشتم عطر الخوه ابچفها
ويخلص دفني بساع بساع
مشتاگتلي ومشتاگ.تحضرني اليوم
يم جسمي ساعه زمان.تگعد وتگوم
المسبي ومضروبه امتونه
فاتحهن بعده اعيونه
وين الخدين
++++++++
كل مييت خوانه اتحضره
هيچ الوارد عند الناس
صح ناشف دم البعروگي
بس باقي بشرياني احساس
عطشان الچلمة ياخويه
واليحچيها امفرع الراس
روح العمك جيب اچفوفه
وهيل اترابي ابچف عباس
ما تعبك بالتشييع.اولا تعب اچتاف
وحدك تحملني بساع.اوصالي اخفاف
جسمي اشويه اتلمونه
فاتحهن بعده اعيونه
وين الخدين
++++++++
والحفره اشتلچم بجروحي
ملچومات جروحي اهواي
للقبله اشلون اتوجهني
انطبگت يسراي ويمناي
لا خد يتوسد عالغبره
شتمدد متهشمه اعضاي
عن صدري بس شيل اسهامه
من تدفن عبد الله وياي
من گتلك يالسجاد ادفني وروح
واسمعتك من ونيت ونت مجروح
گتلي المثلي ايضربونه
فاتحهن بعده اعيونه
وين الخدين
++++++++++
لا تسئلني شلون ايتامك
او وضع الراس برمحه شلون
ما فارگ عين ابنياته
ليهسه امفتّح لعيون
يتلافت كل ساع الزينب
لو جوها بسوط ايضربون
من ارجع شيقنّع سكنه
تسمع والدها المدفون
تنظر بعدك موجود.برمحك مرفوع
واشدافن منه اتگول.دافن لضلوع
المثلك ياهو ايدفنونه
فاتحهن بعده اعيونه
وين الخدين
++++++++
مشغوله ام عون اعله اغيابي
راح ارجع والمحنه اتزود
من تعرف من دفنك راجع
ومن تسئل عن راعي الجود
مو كل عباسچ واريته
من عنده ادفنت الموجود
احچيلچ عالصار بحاله
يم گبره امن الشام انعود
والدافن مثلي احباب. وابلا تغسيل
حيل ايريد المبچاه وشضل بالحيل
ابنك يتغير لونه
فاتحهن بعده اعيونه
وين الخدين
ثائر الربيعي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
وين ياهاشم فخر عدنانها
ما تجي تدفن غريب اوطانها
**.
وين ابو طالب يجي بهذا الامـــــــر
يشوف بحسينه شعمل سيف الشمر
مــــــا يجي لحسين يحفرله الكبر
لــــــــو يلم اوصاله اللي بميدانها
***.
ليوث هاشم بيها مضروب المثل
ليش ظل ثلاثه ابنها اعله الرمــل
حمزه ذاك الما خضع يوم الاسـل
ليش مـــا يحضر لعد جثمانهــــا
***.
صــح مثل عباس والجـف انكطع
جعفر هناك بحسرته يهـل دمـــع
ينادي بويه عليك دلالـــي انشلـع
ريت ع الشاطي ويشوف مجانها
#########$$$
زلام عبد المطلب مـــــــا قصرت
رواحهم لحسين كلهــــا تسابكت
لكن ويا حيف جثمــــــــانه بكت
وحيده ويلي والوحش سلوانها
***.
طه وين يشوف روحه بكربله
شلون متوذر بكه بذاك الفلـــه
على جثمـــانه كعد وتأمـــــــله
ماكدر يدفن عطر قرآنهــــــــا
***.
حسينكم من طاح عرش الله ارتجف
بالارض حلت براكــــــــين وخسف
كلهــــــا جن تنادي وين ال بالنجف
ما يجي يدفنه مثل سلمانهـــــــــــــا
*.
ونسألكم الدعاء والتوفيق
لخادم ال محمد(ع)..
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
اويلاه يا فاطمه . اويلاه صابه الضمه
اويلاه سال الدمه.......اويلاه يا فاطمه
****.
للطف اجيت بعبرتي
ياجده اشرح لوعتي
يم الحسين بونتي
وهناك اسولف حالتي
حزني انه يعادل سمه
***.
ما اكدر اوصف للجره
منين ابتدي من خنصره
لــــــو من شفاه مفطره
لــــو ابتدي من منحره
لو سهم طاح بمبسمه
****.
عليه حاطت فلول الكفر
وحده ولا عنده ظهر
وتلاثه يامرها الشمر
نار ونبل وي الحجر
وعليه غدت متحزمه
**.
سهام وحجاره صابته
مشجج نبال بلامته
نبله اجت في جبدته
والحجر صوب جبهته
بسهام جثته مخذمه
****.
من مهره ويلي من وكع
ما شال جسمه من الوجع
بسهام صدره ينرفع
اعله مصابه يحلالي الجزع
بالف وتسعميه انرمه
*.
لخيامه باوع والكلب
لحسين هالموقف صعب
خدره بكه بس للغرب
كـــــام ووكع فوك الترب
ما ناسي هم مخيمه
**.
كلبه جمر يا ام الحسن
شربه طلب محد يحن
رووه بسهام انرمن
ضروسه بسهام تكسرن
شربة الماي محرمه
*.
اعليه داس يالزهره الشمر
هالموقف يبجي الحجر
يكلب حسين اعله الصدر
ويلي اثنعش طبره طبر
شفته وتمنيت العمه
*.
ونسألكم الدعاء والتوفيق
لخادم ال محمد(ع)
الشاعر حيدر كاظم الساري
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
العلويات ينظرن للقوم يتقاسمون
رؤوس سادة خلق الله صلوات الله عليهم
وكأني بلسان الحال :
يتـجــــاسـمــون بــروس اهـلـنـه
اگـبــال عـيـونـه والـــهــــم كتلنه
وهــوســوا يـــــم راس الـكــفـلنه
خاطــــر بـعـد نـگــطـــــع الـظـنه
اول راس جـابــوا راس الحســين
وصاحوا هذا وكته وساعته الدين
وگاموا يطگونه اگــبـال كــل عين
وعلي زينب تحــشـم فزعتك وين
اومنها النـوب جابـوا راس ملـفــوف
والعكـــسـر يهوس وايــدگ ادفــوف
صاحوا وين زينب خل تجي اتشوف
اشسوت آل امـيه ابـسـبـع الاطفوف
وجابوا راس فـــوگ السمهري ازهر
والـعـســكــر غـــده كـلـه ايـتـفـكـر
صـاحــت يزيـنـب هــــــذا الأكـبر
ليلى وغــدت تـبـچـي اوتحــــسـر
وجابوا راس فوگــه اعمامته وطاسه
اوبهيده تــسـير اوتـمـشـــي حـراسـه
العمود ابن الحسن ماخله شي براسه
خالــــــط هـامـتـه اوطاســه ســـويه
بعـيـنـي شفـتـهـم شــــوف العيون
بــراس الرمــح راســـه يشـــــدون
عـبــد الله يــمــه شــيلته اشــلـون
فـــوگ الرمــح راســك ازغـيـــرون
نسالكم الدعاء
السيد حسين الياسري
#اللهم_عجل_لوليك_الفرج
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
مقدمة الكتاب: “عرفتُ الله بالحسين”
بسم الله الرحمن الرحيم
الحمد لله الذي عرّف أولياءه بنفسه، ثم دلّهم عليه بدم الحسين،
والصلاة والسلام على من بكى الحسين قبل أن يُولد، وعلى من قال: حسينٌ منّي وأنا من حسين.
في زمنٍ ازدحمَ بالضياع، وتكاثرت فيه الأسماء حتى ضاعت الأسماء، ظلّ اسم “الحسين” وحده يضيء الدرب… لا لأن الحسين اسمٌ فحسب، بل لأنه طريقٌ إلى الله.
لم أكتب هذا الكتاب من باب الوعظ أو من محراب العلم، بل كتبته من عمق الجرح، من قلبٍ جلس طويلاً على تراب كربلاء، يسائل الله عن ذاته… فإذا بالحسين يُجيبه.
“عرفتُ الله بالحسين” ليست عبارة شاعر، ولا نداء خيال، بل هي صرخة قلب تيقّن أن كل ما في عاشوراء من دمٍ، ودمعٍ، وسجودٍ، وصبرٍ، وخوفٍ، وتوكل، وعبودية… لم يكن إلا سُلمًا إلى الله.
هذا الكتاب ليس سردًا لحكايات كربلاء، ولا وصفًا لبطولات الطفّ، بل هو محاولة للقبض على لحظة التجلّي… حين يصير الحسين مرآة ترى فيها الله، وحين يصبح جرحه محرابًا، ودمهُ تسبيحًا، وطفُّه صلاة.
إنه كتابٌ لمن أضناه الطريق، فجلس على ركبتيه يسأل: كيف أعود؟
كتابٌ لمن افتقد الله، فجاء إلى كربلاء ليجده هناك.
كتابٌ لمن سمع نداء “هل من ناصر؟”، فوجد نفسه يهمس: “لبّيك يا حسين”، لكنه في الحقيقة كان يقول: “لبّيك يا الله”.
فإلى كلّ قلبٍ مشتاق،
وإلى كلّ دمعةٍ تبحث عن معنى،
وإلى كلّ عاشقٍ يتلمّس أثر الله في الأرض…
هذا الكتاب لك.
ويا ليتك تسمعه لا بعين القراءة، بل بقلبٍ يشبه أرض الطفّ: عطشانٌ إلى الله
تليجرام + واتساب + إنستقرام
الطف بيتك وانت فيه انشوف
جسمك كعبه وراسك حوله ايطوف
طحت بكسر اضلوع
ظل راسك مرفوع
الطف بيتك وانت فيه انشوف
يمن عافت حياة الذل جراحاته
ورفع راية معزة في شعاراته
يعيش الميت ان مات ابشرف ذاته
ويموت الحي اذا عاش ابمذلاته
تصرخ منا هالذله هيهات
إنت الثابت والحي الما مات
بهالمبدا المرفوع
ظل راسك مرفوع
الطف بيتك وانت فيه انشوف
يمن لجل الكرامه ضحى إبعمره
وسقاها من فدا نفسه بدما نحره
رسم مبدا وعليه اتحلى ابصبره
وفتح جبهة كرامه والحجر طره
شج الهامه وظل راسك ماطاح
صاحت دنيا ودلالك ماصاح
رغم الحر والجوع
ظل راسك مرفوع
الطف بيتك وانت فيه انشوف
يمن جاله الممات بكل جهه وراده
فتحت صدره الشريف وعرى أفّاده
إجا السهم المثلث والعزم زاده
وقع واقف وثغره بالمدى نادى
(الموت اولى من ركوب العار)
(والعار اولى من دخول النار)
بهالصوت المسموع
ظل راسك مرفوع
الطف بيتك وانت فيه انشوف
يمن چنه أسد في حومة الميدان
صريع ايجبّن بهالمصرع الفرسان
ختم عمره ابمعزه وانذبح عطشان
أبي واتوضت ابدم منحره التربان
قدّم راسه وظل عالي مانداس
والغير الله مايحني هالراس
بهالجسم المصروع
ظل راسك مرفوع
الطف بيتك وانت فيه انشوف
بقى جسمه طريح وعاري وامخضّب
عليه الأعوجية تصعد وتلعب
تفرّى لحمه وعظمه غدى امسلب
على ظنهم يموت وينمحي ويذهب
شالوا راسه عالرمح ورفوعه
حتى الخنصر من چفه قطعوه
بهالصبع المقطوع
ظل راسك مرفوع
الطف بيتك وانت فيه انشوف
إلى عالي السما راسه ارتفع إيمان
اهو العالي ويظل عالي مدى الأزمان
أبد ماينحني واستصغر العدوان
مشى فوق الرمح ويرتل القرآن
طاف الدنيا بكل عزه واجلال
هز العالم هالراس الما مال
وابكل معنى ايضوع
ظل راسك مرفوع
الطف بيتك وانت فيه انشوف
حسين البوحسن
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ظلم ماينحمل بالغاضريه
سبيه مچتفه تلوذ بسبيه
ــــــــــــــــــــــــــــــــــــــ
تكتل ونة المشتاگ
وجروح الغريب اوسع
اگل للروح راح حسين
مصيبه الروح ماتقتع
اظل اتنطّرك للموت
اتاني وادري ماترجع
كون يردلي بس عباس
فصلكم آخذه مربع
اعرفنك كفو يحسين ونعومك
تمنيته يخويه اليوم مو يومك
وسفه اعله التراب مخضبه رسومك
ويترهدن عليه السلبّ هدومك
واتمنه تصد عينك عليه
سبيه مچتفه تلوذ بسبيه
ــــــــــــــــــــــــــــــــــــــ
ناگه تون على مصابي
هاي الوادم شبيها
والله من اصيحن آه
يموت الي سمع بيها
وهاي الناس عميه گلوب
ماچن جاي احاچيها
هيه الدنيه بعد حسين
تغيرت كل معانيها
عشت عمر الدلال وآنه معروفه
وتاليها اسيرة بحبل مچتوفه
مريت اعله بيتي بديرة الكوفه
يهنيال اليمر بي يوم ويشوفه
للكوفه انسبيت وهاي هيه
سبيه مچتفه تلوذ بسبيه
ــــــــــــــــــــــــــــــــــــــ
بقصر الظالم وعيني
ولا كفت بواچيها
گاع بلايه حيدر بور
نشفت كل سواجيها
كبل چنت آنه اشوف الناس
الهامه ابابي تحنيها
مثلي وبت امام الكون
هسه حبال بيديها
الماعدهم ذمم بالدف تلگوني
عشت يمهم ولاچنهم يعرفوني
اميرتهم ومسبيّه يسموني
وحچي الماينسمع ياخويه سموني
بالكوفه انحنت چم هاشمية
سبيه مچتفه تلوذ بسبيه
ــــــــــــــــــــــــــــــــــــــ
رقيه تنام باحضاني
وسكنه اللايذه بكتري
ومن حال الرباب احاه
ياخويه انكسر ظهري
لو سمعت بواچي اطفال
تصد لوين ماتدري
مصايب هاي كلها تهون
بس مو عالترب خدري
حميده تحوم يمي ودمعه تجريها
هاي الديره مسلم يوم مر بيها
تدور وين طوعه وتنشد اعليها
ولو تذكار من مسلم يواسيها
هذا الحال ياحامي الحميه
سبيه مچتفه تلوذ بسبيه
ــــــــــــــــــــــــــــــــــــــ
خرابه بلا ستر لاباب
ولا نگدر نچن وأنام
خويه الگاع بس تراب
وين تروح ها الأيتام
عندي من الخيم نيشان
وگماط الرضيع حزاّم
هذا وگمت احسب حساب
باجر لو رحت للشام
راسك عالرمح عالي ويصد لينه
وي غربه يخويه حبال بيدينه
مو حمل المصايب خويه تدرينه
ايتامك رعبهم سوط حادينه
خويه شلون اذا راحت رقيه
سبيه مچتفه تلوذ بسبيه
علي طعمه البطاط
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
ع الوجه كمنه نحط جفوفنه
للستر خاف الغريب يشوفنه
ــــــــــــــــــــــــــــــــــــــ
نوگ هزلة ومامش عليها غطه
والضعون يسوگ بيها ابن الخطه
وين حامي ضعونه اعلينه بطه
شلون بيد الما رحمنه يعوفنه
ــــــــــــــــــــــــــــــــــــــ
نمشي ممشه نياگهم مانستريح
نخاف خاف گبالهم وحدة تطيح
وانتم ابين الموذر والذبيح
خلص طفكم واحنا هاي اطفوفنه
ــــــــــــــــــــــــــــــــــــــ
ناس تضحك ناس تشتمنه وتروح
وناس ترمي حجار من فوگ السطوح
واحنا مابين المجتف والينوح
والسياط انطبعت اعلى چتوفنه
ــــــــــــــــــــــــــــــــــــــ
بالنهار يصير مسراها الضعون
وعمده باوساط المدن بينه يجون
يساره واعلينه الخلگ يتفرجون
بلايه والي ونرتجف من خوفنه
ــــــــــــــــــــــــــــــــــــــ
بلا غطة وشي حافيه وشي اعلى نوگ
والهزل چتالكم بيهن يسوك
عمده كل ما يضعن يمر اعلى سوگ
بلايه غيره وبالسواگ يطوفنه
ــــــــــــــــــــــــــــــــــــــ
مالهم نخوه ويضربون الاسير
وبالطبول الناس تتلگه المسير
طحنه بيد الماكو عدهم مايصير
وانولينه ولا غيور يروفنه
ــــــــــــــــــــــــــــــــــــــ
بالشتم والضرب گضينه الطريج
وحالنه يبچي العدو گبل الصديج
درب غربه ومامش ويانه رفيج
وتاكل احبال السبي بجفوفنه
ــــــــــــــــــــــــــــــــــــــ
گبال باب الساعة وگفنه يزيد
مچتفين تشوفنه الوادم يريد
ويذبح بسجادكم طوگ الحديد
ويم هذاك الباب طال وگوفنه
ــــــــــــــــــــــــــــــــــــــ
وما انسى شما طولت بيه السنين
شلون للمجلس دخلنه مربطين
يزيد سبنه وضحك مروان اللعين
وسلت الكوفة علينه سيوفنه
ــــــــــــــــــــــــــــــــــــــ
يا آل هاشم ابد ما عالبال جان
يزيد بينه گبال مروان استهان
ويضرب شفاف السبط بالخيزران
وعاف ملتنه ونكر معروفنه
رائد الناشي
قناة الرجوع الى الله @h_ameer1
قصائد منبريه مكتوبه @h_ameer2
ملا ابو أمير الفاطمي @h_ameer3
روح وريحان @h_ameer4
#نعي
مرينه اعلى جسمك لحظة وداع
بس مرة سبايه ومستعجلين..
الله وياك كتلك خويه عباس
طلع موكب خواتك ماكلت وين
اشو ماناشدتني اعللهزل ليش
ولاگتلي يزينب وين تردين
ومالحكنه نوكف نلطم عليك
وسلمنه اعلى جسمك واحنه ماشين..
نخيتك ماكمت مستحيه رديت
واكل للروح ميت لاتعتبين..
على كلن طلعنه بدك الطبول
ومشه موكب الروس وقائده حسين
وطلع موكب عزانه ومشه استعراض
موكب بس منصاته الدواوين..
وجمهور اليعاين موش جمهور
شماته تكول حسبالك مجانين..
نلطم يالطم زنجيلنه السوط
واللطامه زينب والنساوين..
الفشل كل الفشل من طبت السوك
شكثر صعبه اعلى بنت الهاشميين..
شفت نسوانهم تضحك يعباس..
كلها تكول حامي ضعونجن وين..
صدگ عافج يزينب ستر الخدور
وينه الگالج بحماي تمشين
صرت مجبورة ادنگ من ينشدون
افزعه شلون زحمة لماله جفين
وخلصنه العزه وانتهه الزنجيل
بس بظهورنه ظلت نياشين..
ونصبنالك عزه بنص الخرابات..
بس شلون تعزيت مساجين..
ونعيتلكم نواعي تشيب الراس
لما ماتت رقيه بكثر الونين..
ولمن حسيت راسك صاح كافيج..
عميتيها يزينب هيه بس عين..
رائد الناشي
#اللهم_عجل_لوليك_الفرج