7213
💠⚜عشاق الحسین(لطمیات)⚜💠 👇👇👇👇👇 @ashaghalhossein 💠⚜عشاق الحسین (الأبوذیة)⚜💠 👇👇👇👇👇 @ashaghalhossein3 💠⚜عشاق الحسین (للنعي)⚜💠 👇👇👇👇👇 @ashaghalhossein4 💠⚜عشاق الحسین قصاید نسائیة⚜💠 👇👇👇 @ghsahdhossinyat
فزاعيه لام البنين ع وللعباس ع بدايتها نعي
وكذلك عاشوريه
لم عباس اون وتجري العيون
وين اولادها الجانو يسطرون
عن عباس وإخوانه ينشدون
كظاي الكلافه ابنج يكولون
نزلت الفزاعيه
وابنج كاضي الكلفه يسمونه
حيد وحير الميدان بفنونه
.........
شجاع وصاحب امروه...وابنج كاضي الكلفه
يطرب لولفت نخوه
بيه اتسولف الخوه
وبالشدات والعازه يندبونه
.............
اريد احجي عله وكفاته
هذا ازماط اخياته
ترج الكون هداته
يهز جبال صعبه اومايهزونه
..........
هذا ازماط عياله
وبيه حارت الخياله
واخته اتباهت بجاله
صدك عباس بالكلفه يندهونه
..........
حسين اتشيم بزوده
حيد اوكف بحدوده
شهدت شمرت زنوده
الراس بطاري الكافل يشيلونه
.........
وعن عباس انشديها
أفعاله تشيمت بيها
وتحجي بزود خليها
ماهاب الزلم همه اليهابونه
✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب المآسي الفاطميه الجزء التاسع عشر
فزاعية ندبه لام البنين عليها السلام ( يبدويه )
اجيت اليوم ادك بابج
يبدويه
اجيت اليوم عنايه
البابج واعكد الرايه
مهضومه وشجايه
امشي أعليج ابو اليمه وغواليه
امشي اعليج ابو سكينه
كل همنه تفرجينه
والينخاج تنطينه
ازامط بيج يابت الكباريه
من ربج كراماتج
ما تنحسب وكفاتج
ينخنج حبيباتج
وانتي اليمج الحاجات مكضيه
الج صار الكرم عاده
والكل ياخذ مراده
بجاه الداسو افاده
بجاه ام الحزن زينب المسبيه
احلفج بالسبط واخته
امرادي اليوم رايدته
مو كل باب كاصدته
بس بابج كصدته بخالص النيه
بس بابج ادكنه
جربته واعرفنه
مرادي اليوم اريدنه
يم عباس اصيح وحيل مابيه
الشاعرة المله
ام غصون العمارجيه
ديوان ايات الشهاده
لطمية للشبان ( لاتگلبين الصور ) من ديوان معاني الحزن الجزء الخامس
چان البيت يتلاله وخمد نوره
وامك من مرار البين مقهوره
ماتنلام حگهه اتنوح معذوره
تگلب بالصور ضلت شچم صوره
( النزلة )
لاتگلبين الصور ضميهه
ماتخلي بعينچ وتعميهه
____🎤🖤🖤🎤
لاتگلبين الصور ضمي الصور
ماتخلي عيون عندچ لانظر
گلبچ المهضوم يشبع بس قهر
ايعينچ الله شلون لو شفتيهه
لاتگلبين الصور ضميهه
____🎤🖤🖤🎤
ايعينچ الله لو صفنتي بصورته
وشفتي طوله وشفتي وجهه وضحكته
والولد تدرين صعبه فرگته
افراگه يهدم روحچ ويگضيهه
لاتگلبين الصور ضميهه
____🎤🖤🖤🎤
افراگه يهدم روحچ المالومه
والولد تدرين يوجع يومه
شلچ بهاي الصور واهدومه
ونام بتراب النجف راعيهه
لاتگلبين الصور ضميهه
____🎤🖤🖤🎤
نام بتراب اللحود وماگعد
مايگول ارجع ولاخله وعد
لاتنشدين الصور وايسي بعد
وضنتچ يم الولد بطليهه
ولاتگلبين الصور
ضميهه
____🎤🖤🖤🎤
ايسي من عنده واگطعي ضنونچ
لايردلچ لايگول شلونچ
بالعزيز الوادم يعازونچ
لاتهنه ولافرح تاليهه
لاتگلبين الصور ضميهه
____🎤🖤🖤🎤
لاتهنه ولاخطبتيله مره
مات محروم وتغطه بالثره
گلب ابو السجاد گولي شصبره
وهامة ابنه شافهه امطشريهه
لاتگلبين الصور ضميهه
____🎤🖤🖤🎤
طشروا هامة علي ابين السيوف
وصاح ابو السجاد يسباع الطفوف
صبحت حيران والعسكر الوف
احچي وي زينب وافكر بيهه
لاتگلبين الصور ضميهه
____🎤🖤🖤🎤
شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر🏴أنت المعزى سيدي يا صاحب الزمان ... عظم الله اجوركم💔
✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين ع
مقطوعه شعريه نخوه.
الامام الكاظم عليه السلام
مره حيل الوكت هدني ورحت للكاظم رحت
وكتله يا موسى ابن جعفر. جايه دخيلك صحت
ضاجت الدنيه عليه وانه بيهه اتمحنت
وين اروح اخلاف بابك وتدري بيه اضايگت
رحت لدكتور كلي ومن كلامه انه ايست
وكلت لا اشلون ايأس وانته يمي اذكرت
اليوم اتعنه الضريحه وبل عبايه اتحزمت
وكتله ها يا ابن النشامه حيل يم بابه گلت
حرمه وبداعت الخير شده بيهه انه طحت
عايفه وليدي يعالج بل مرض روحه كضت
وادري يالكاظم تكلي علت اوليدج شفت
وچني اسمعنك ترحب يا هلا بهاي الاجت
ونعم الله عليك اكولن فدوه ابد ما قصرت
واظل ممنونه واذكرك منك انه اتشكرت
فضلك اشلون انسه فضلك مثل فضلك ما شفت
وگفتك كلش چبيره اشلون اوصفحهه حرت
دوم حط عينك عليه وبعد من چفك ردت
*لخادمة الزهراء. العلويه ام جعفر*
🌸🌸🌸🌸🌸🌸🌸🌸🌸🌸🌸🌸🌸🌸
الناشر // الملا عالي مقامي
غير مبري الذمه يحذف اسم الناشر
هوسات للعباس ع
.....................
اليوم الهوسة عالعباس اسويها
الخوة اتلوگله لو جبت طاريها
ابو الغيرة المحنة هوة راعيها
( اشمحلاها .. الخوة بأسمه )
عليه اتلوگ هوستنة ابعدالية
اخو زينب غيور و كله حنية
اليوم النوح يحلالة يشيعية
( يحلالة .. النوح الكافل )
ابو فاظل عليه الونة هالليلة
شيال الحمل و اربات الاكحيلة
والينخة ابوفاظل رأسه ايشيلة
( يگضيها .. و يبرد گلبي )
گضاي الكلايف و النعم هوة
واليندب بأسمه اعطيته حلوة
هذا الضحة بالجفين للخوة
( حنيته .. ما صحت منها )
حنين و زامطن بسمه اخياته
و لمن طاح لطمن ليه عزيزاته
غالي اعليهن وحگهن امضيعاته
( ضيعناه .. الرد العيله )
-------------------------------------------------------
*تمت بقلم خادمة اهل البيت ع ✍ آلــشــاعرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
قصيده مزدوجه بهوسات لشجاعة العباس ع
[شيخ اليزمطون]
#حـصـريـاً
من ديوان #عزاء_اولاد_الزهراء
الجزء الثالث (خاص فزاعيات)
❥❥❥❥ـــــــــــــ❁❁ـــــــــــــ❥❥❥❥
صيتك بالزلم ـــ شيخ اليزمطون
وانت التلطم العايل عالعيون
❥❥❥❥ـــــــــــــ❁❁ـــــــــــــ❥❥❥❥
صيتك بالزلم عباس معروف
شخصك للكلايف دوم موصوف
تفنيهم فني شما صفت اصفوف
[صگاره ـــ انته لكل عايل]
❥❥❥❥ـــــــــــــ❁❁ـــــــــــــ❥❥❥❥
ياشيخ الزلم ياسيد الماي
محد يوصل لحدك يوفاي
للخوه نهر عباس رواي
[ومعناها ـــ انت اصل الخوه]
❥❥❥❥ـــــــــــــ❁❁ـــــــــــــ❥❥❥❥
سبع مهيوب واربات الاجاويد
عرج عنده من ابوه حيدر الصنديد
يهد بركان يوم النيبه ميهيد
[بشريانه ـــ دم حيدر يجري]
❥❥❥❥ـــــــــــــ❁❁ـــــــــــــ❥❥❥❥
اله صيت اليهز عباس الاكوان
ابد ماصح مثيل لگمر عدنان
ومثل خوته بعد ماتصير الاخوان
[الخوه انفلت ـــ من يومه]
❥❥❥❥ـــــــــــــ❁❁ـــــــــــــ❥❥❥❥
نشمي ورايته ماطخت الگاع
هذا ابن القياده وابن الاسباع
ابوغيره وحميه وينتخي بساع
[بعنوانه ـــ مسجله الغيره ]
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
الشاعره المله نورس الحلفي
اسألكم قراءة سورة الفاتحه الى روح والدتي ولأمواتكم
#قصيدة_للعباس_ع
من ديوان #عزاء_اولاد_الزهراء الجزء الاول
❥❥❥❥ـــــــــــــ❁❁ـــــــــــــ❥❥❥❥
سبع والگوم من عندك يهابون
يالبزندك علگ عصابة ام عون
❥❥❥❥ـــــــــــــ❁❁ـــــــــــــ❥❥❥❥
سبع وربات حيدر راعي المروه
غيور وزين طبعه وخوته خوه
هلا بهدات راعي المرجله الحلوه
(حيالله الحيد وهداته)
❥❥❥❥ـــــــــــــ❁❁ـــــــــــــ❥❥❥❥
هد عباس واهتزت الحربيه
نجل المرتضى وربات بدويه
تخاف الگوم من اسمه وطواريه
(يهابوونه اسم العباس)
❥❥❥❥ـــــــــــــ❁❁ـــــــــــــ❥❥❥❥
دخل بيناتهم والكل يهابونه
معلم عالحرب والسيف وافنونه
الماميت بسيفه بخزرت عيونه
(بخزراته يفنيها الگوم)
❥❥❥❥ـــــــــــــ❁❁ـــــــــــــ❥❥❥❥
صاح تحاربوني وسيفه بيمينه
هد وعيون زينب عرضن بعينه
وصوت من اليتامه الماي جاوينه
(ضهضب والماي تعناله)
❥❥❥❥ـــــــــــــ❁❁ـــــــــــــ❥❥❥❥
طر جيش الكفر والعلگمي تعناه
لكن ياحسافه موته جان هنا
وعلي لو سالمه يمينه مع يسراه
(ماضلت زينب عطشانه)
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
الشاعره المله نورس الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
هوسات لطلب الحاجه من ابا الفضل"؏"
❥ــــــــ☆ــــــــ●ــــــــ☆ــــــــ❥
اذبن حملي عالعباس اريده اليوم يكفلني
اجيتك طالبه مـــولاي دخيلك لا تفشلني
شكايه الك ياحيـــــــد اجيتك واجر وني
{شكايــــه//جيتك يل هيبه}
❥ــــــــ☆ــــــــ●ــــــــ☆ــــــــ❥
شكايــــــه الك مــــــولاي متعنيه اندبنك
لا مترجع الحرمه غيـــــور وشهم اعرفنك
الحرمه ابشارب الخير وانه اليوم افزعنك
{انطينـــي //مولاي ادخيلك}
❥ــــــــ☆ــــــــ●ــــــــ☆ــــــــ❥
اگضـي حاجتـي مــولاي والكلفات والصعبه
ياكاشف كرب احسين اكشف عني كل كربه
عليك ام الخدر زينب ذيج المشت وي غربه
{تگضيــــــها //وبداعة زينب}
❥ــــــــ☆ــــــــ●ــــــــ☆ــــــــ❥
عليك الـــي مشـــت للشام والانذال تحديها
احلفك ابخدر زينب الحاجه العندي تگضيها
ولخاطر خـــــدر ام عون وجاهيه جبت بيها
{وبـبـــشاره //عباس انتضرك}
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إله
هوسات حول ابا الفضل العباس
اشلون اتروح خويه ابعيني اشوفنك
وتدري امعلمه خال الولد يمك
اذا رايد.تروح اشلون اضيعنك
لا تمشي عليك الزهراء رد ليه
مااحمل هظم تدري تره بيه
ولا ني امعلمه عله دروب مسبيه
*(اشلون الفركه/ونتفارك بيهه)*
رد عباس خويه ابداعت الزهراء
احلفنك واكلك ترد بل عشره
ادري ابخوتك اي غاليه وحلوه
ما توجد.مثل خوتك يالوالي
ومافاركت اختك دوم تبرالي
جا كلي يخويه اشلون بحوالي
*الحال اخلافك/مكسور ابنوحه)*
صدك ما اعوفك دوم اذكرنك
وتدري اشتاك خويه كون اشوفنك
ياروحي وهظمهه من افكدنك
خويه الخاطري خليهه عشرتنه
وتدري من زغر عباس خوتنه
صعبه هواي هم فكرت فركتنه
*(اشلون افراكك/يا خويه انشيله)*
حنين وبيه محنه والي اخياته
هيبتهن ابو فاضل ابهداته
معروفه الشجاعه وزود صولاته
هذه ابخوته ما وصلو احدوده
عيونه من اجلهه اطاهن ازنوده
ثبت عنوان للعباس وبزوده
*(الشاطي اليشهد/عباس افعاله)*
شهد شاطي الفرات ابزود كافلهه
الزينب كل فكرته ماي يوصلهه
ترس جربته ابماي وراد يحملهه
كال ابماي كون اوصل لخياتي
اذا طاحن اجفوفي اشلون نضراتي
اشوف ام الخدر تنطر الجياتي
*(اتكلهن عمجن/جاب الماي ابهداته)*
*لخادمة الزهراء العلويه أم جعفر*
غير مبري الذمه من يحذف الاسم وياخذ الكلام وينسبه له
*القصيدة من ديوان📚 عبرات وأنين في رثاء قطيع الكفين الجزء٨*
*قصيده للعباس عليه السلام(اخذني بساع للغالي)*
*(لحن قصيدة بالعباس احلفنك يالحسين)*
❥━──➸➽❥❂❥━──➸➽❥❂
طايح وين كفالي يالحسين
اخذني ابساع للغالي يالحسين
❥━──➸➽❥❂❥━──➸➽❥❂
طايح وين كفالي ارد اشوفه
اريد امشي وادورله چفوفه
وجرح الوالي يا خويه ارد اروفه
واظلن يمه اريد وما اعوفه
اروحن ليه خليني يالحسين
بلكي ولن يحاچيني يالحسين
شفت الموت اشوالي يالحسين
اخذني بساع للغالي يالحسين
❥━──➸➽❥❂❥━──➸➽❥
كون الموت يالعطشان شفته
ولاعلمه وصل ليه وسمعته
نايم عالثره ومرميه جثته
عمت عيني اعله اخوي الما حضرته
اخونه چفوفه مگطوعه يالحسين
شحمل بعد يا لوعه يالحسين
يخويه نمرد دلالي يالحسين
اخذني بساع للغالي يالحسين
❥━──➸➽❥❂❥━──➸➽❥❂
يخويه نفجع گلبي وحيلي رگدان
عزيز الروح اخيي بليه ذرعان
وين امشي عگب عينك يريسان
تجيب الماي ردت ومتت عطشان
نايم طاح عالغبره يالحسين
وگلبي شنهو اليصبره يالحسين
خابت منه آمالي يالحسين
اخذني بساع للغالي يالحسين
❥━──➸➽❥❂❥━──➸➽❥❂
نايم طاح عالغبره وتوذر
وراسه بالعمد ويلي تطبر
گلبي شلون يالوالي يتصبر
ومصابه فجعني الله واكبر
مصابه حيلي ماذيني يالحسين
اخوي وشمعة سنيني يالحسين
مصابه هدمه الحالي يالحسين
اخذني بساع للغالي يالحسين
❥━──➸➽❥❂❥━──➸➽❥❂
نهدم حيلي عليه وگلبي ذايب
احا يا كربله بيهه العجايب
راوتني الهظم ويا المصايب
نايم كافلي والگمر غايب
غاب اليحرس العيله يالحسين
وحملي ياهو اليشيله يالحسين
بعده ياهو يبرالي يالحسين
اخذني وياك للغالي يالحسين
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه من يحذف الاسم او يأخذ الكلمات:*
فزاعيه بحق اباالفضل ع
صار ازماط بالميدان
عباس الحكم بيها
هد ومحله هداته
معروفات وكفاته
تتنومس بحملاته
زينب صال واليها
هد والهده تحلاله
ومحله السيف لوشاله
بطل فنه التدناله
كلب عباس عاليها
معروف السبع معروف
ينطي عيون وي جفوف
شسوه من دخل لطفوف
علي كالوا دخل بيها
فدوه لصدت عيونه
ماكدروا يلاكونه
حدوده بزود مامونه
صعبه شلون ينطيها
علئ الكلفه يحشمونه
لخوه يضحي بعيونه
شهم واليوم يردونه
بجف ايده يساويها
بيده الكوم يمحيها
غنم والذيب طب ليها
سبع وبزوده يفنيها
زينب سبع واليها
شاعرة الحسين ع ام كرار الساعدي
غير مبري الذمه من يحذف اسم الشاعر
قصيده فزاعيه للعباس ع (كوم بداعت الخوه )
ياعباس اجيت ابشوك
كوم بداعت الخوه
.................
كوم ارجوك حاجيني
ماترضه تبجيني
نشفلي دمع عيني
وينك راعي المروه
...............
وينك راعي الغيره
اختك ضاله بحيره
وضعي صعب تقديره
بلكت تسمع النخوه
...................
اسمع نخوة الحره
جيتك والدمع يجره
منهو للضعن يبره
نمشي اوي الغرب كوه
...............
نمشي وشمر يسبينه
ياعباس حاجينه
نايم ليش والينه
وانه الحيل بيي يكوه
................
يا حيل البرجليه
يالكلك محنيه
جيتك روحي محنيه
فراكك ابد ما نهوه
...............
جيتك للنهر وانعي
اكعد يابعد ضلعي
مايبطل بعد دمعي
بعده الروح تتلوه
...............
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
فزاعـيـه للامـام العـباس ع
❥❥ـــــــــــــ❁❂❁ـــــــــــــ❥❥
امـشـنه الخـيمه العباس
يـــا زيـنـب نـــون بـيـهه
❥❥ـــــــــــــ❁❂❁ـــــــــــــ❥❥
امـشنه الخيمـه الكافل
الـمـعــدل ابـٰو فاضـل
ونكلـه الـعـلم مــايــل
زينٰــب مــن يحـاميهه
❥❥ـــــــــــــ❁❂❁ـــــــــــــ❥❥
خلــي نــسـدر الــونـه
كلنــه نصـيح كافلـنـه
خـلافـه الشمر عذبـنه
واخــته خــل نعازيهه
❥❥ـــــــــــــ❁❂❁ـــــــــــــ❥❥
طــايح كافل الخيـمـه
وخلصان لكلب ضيمه
عكبه خلصت الشيمه
امتونج حـيــل دكيهه
❥❥ـــــــــــــ❁❂❁ـــــــــــــ❥❥
طاح مكطعه جفوفـه
عيـنه بسهم متلـوفـه
حيف الرايــه ملفوفه
ويــن الجــان راعيهه
❥❥ـــــــــــــ❁❂❁ـــــــــــــ❥❥
راعــي الــزود خلاهه
زينــب مـحـد وياهه
بــس الشـمر طكاهه
امشنه احنه نواسيهه
❥❥ـــــــــــــ❁❂❁ـــــــــــــ❥❥
تــــمت بقــــ✍🏻لم خادمه أهل البيت عليهم السلام
✍🏻الشـــاعره الكبيره العلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام
الله وأمام الزهراء عليها السلام ✍🏻🧿
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيده فزاعيه مع هوسه حول اولاد ام البنين ع 🌺
-------------------------------------------------------
ولد ام البنين احيود واسباع
لو هدو تخاف و ترجف الكاع
ولد ام البنين اسباع نشمية
كفو و نعمين ربيتي يبدوية
يلوگ الگول ليهم هاي الامسية
( محلاها .. و الونة اعليهم )
محلة الونة للعباس و اخوانة
بوكت الضيج من شافته الحزنانة
تهوس ليه ضلت و اعلة ذرعانة
( و افاها .. الخوة بعمره )
وافة الخوة ابنج و النعم منه
الخوة اتلوگ لسمه لو گلت عنه
راسي ابجالهم يالحرة اشيلنة
( مرفوعة .. بخواني الهامة )
شالو راسي ولدج كلهم احيودة
وذيج افعالهم بالضيج مشهودة
يا وكت بعد ماضن اله عودة
( فلوها .. الخوة اوياهم )
جزت ذيج المحنة من عمت عيني
نامو عالثرة و الهضم ماذيني
لو يدرون اخوتي النار تجويني
( يفنوها .. عدواني احبابي )
---------------------------------------------------
*بقلم خادمة اهل البيت ع ✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
فزاعيه حول ابا الفضل العباس
*ابو فاضل سبع والجابته اكحيله*
*يستاهل بيارغ لو تهوسيله*
ابو فاضل بيارغ لاجله شيليهه
وامه ام البنين اليوم اذكريهه
جابت اربعه اي ونعم بيهه
*وعباس البطل بل طف لعب جوله*
ابو فاضل سبع ابنج يبدويه
وزينب حشمت عباس ردليه
اتنام عله الشريعه ومابعد جيه
*كافل خدر اخيته وكافل العيله*
ابن ام البنين الكوم رعباها
وضاجت كربله من اعداه خلاها
شالت راسهه زينب ابولياها
*حكهه ام الخدر لو راسهه اتشيله*
شالت راسهه من دخلو الحومه
عباس الشجاع ونعم بعلومه
بس زينب عليهم حيل مالومه
*مارد الكفيل اتريد تشيكله*
تشكيله الجره يا والي اخياته
يا حيف البطل جنهن امضيعاته
ماتبرد ابد عباس وناته
*تبجي ام الخدر والمدمع اتسيله*
*لخادمة الزهراء العلويه ام جعفر*
غيرمبري الذمه من يحذف الاسم وياخذالكلام وينسبه له
لطميه فزاعية لام البنين
يم عباس// الج بيرغ يشيلون
عراضه يمج وبيها يهوسون
🏴 🏴 🏴 🏴 🏴
بركان النعش ولدج يحضرون
والعباس يحط نعشج علمتون
يشيعونه بمهابه وتدمع اعيون
امك عباس. //. توافيها
🏴 🏴 🏴 🏴 🏴
يافخر النسه وام الاحنان
يامن للعشيره صرتي عنوان
يامن للوفة اصبحتي نيشان
ياباب الحوائج لليندبون
🏴 🏴 🏴 🏴 🏴
يادمعج نزل والنوح لحسين
يادرس الوفه لكل النساوين
اطي اجفوف لساكي توصين
واريد ارواحكم لحسين تنطون
🏴 🏴 🏴 🏴 🏴
يالبوة علي يارفعة الراس
من در الاخوه رضع عباس
ياوسفه النعش ما بين هلناس
يكون اولادج الليله يحضرون
(( عباس امك// تكضي الحاجه ))
(( سهليها //ياباب الحاجة))
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
اللهم صل على محمد وال بيت محمد وعجل فرجهم الشريف ياالله 🤲
🌺 قصيدة فزاعية جنوبية لام البنين ع 🌺
————————————————-
دكن حيل لجل ام الكلافات
لاجلثومة لازينب امشيعات
لاجلثومة لازينب يشيعنهة
اليوم ام البطل فت الصخر ونهة
اليوم ام الحسن بلحرة عازنهة
بلطمة معدلة لطمة نجيبات
دكن حيل والميدان وسعنة
لجل ام البنين المتن دكنة
هاي ام الحيادة وام الامجنة
ليهة خل نون ونعلي صرخات
حبايبهة اجت وتريد تعزية
لم عباس لطمتنة اشتراكية
تستاهل عزة ولطمة بحدادية
ام عباس هاي ام الكلافات
بدوية وعليهة العين مجرية
اريد انحب واون ونة جماعية
مكابل لطمتج لطمة بحماسية
نعازي اليوم كل الهاشميات
لم عباس منصوبة تعازينة
لفكدها اليوم بلعبرات ونينة
فوك اعلة الصدر نيشان خلينة
عليهة يلوك يامحلة العزيات
يم عباس ارثيج بدمع نثار
دخيلج يلحنينة بساعة المحشر
واريدن فزعتج لو جاني المنكر
بيوم الضيج اريدن اني وكفات
—————————————————
بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له
قصيده ثقيله حزينه
نخوه وتوسل بـ الامام الكاظم
((عليه السلام))
بكاظم العزاء ،،،، نسألك الشفاء
ياألهي عنه ادفع هل وباء
/////
ياأالهــي اعليك نقســــم باالمــام وغربته
اخــذ بچفوف المــوالي ومنه اقبل دعوته
واحــــد وماعــدنه غيــرك نستعين ابقوته
احمي خــدام ابن جعفر ولي طاف ابگبته
يارافع السماء .. ياسامع الدعاء
نقسم اعليك ابسليل االنبياء
يااالهـي عنه ادفـع هل وباء
///////
يا مــلاذ الكــون كله يا سمــــيع ويا علــيم
نسألك تكشف كربنه بجاه مـوالنه العظــيم
بمجلسه الليله انتوسل سيدي وانته الكريم
تدفع الشـــــر والبليه مـن البلد هــذا الاليم
يادافع البلاء ،،،،،،،، اشتد بنا العناء
انحلفك بسابع امام الاتقياء
يا أالهــي عنه ادفع هل باء
//////
بك نلجا ياأالهـــي احـــنه خــدام الحســـــين
انقذنه من ميتت السوء واحمي كل المسلمين
انريد نحظـــر بالمجالس هسه وحــنه مأمنين
انريد يم موسى ابن جعفر نلطم ونشبع ونين
يافارج الكروب .... تندبك القلوب
نشتكيك سيدي صبح ومساء
يأ االهــي عـنه ادفع هل وباء
/////
الحيله قلت ياأالهي وكثــرة اعلينه الذنوب
وحـنه ما فكــرنه لحظه نتعض بيها ونتوب
عجل ابطلعت وليـك خلها تنــــزاح الكروب
يابوصــالح افزعـــــنه حشمت كل الشعوب
عجل متى القاء ،،،، رؤيتك الدواء
اويانه ارفع جفك الراعي العطاء
يا أالهــي عـــنه ادفـــع هل وباء
/////
المـوت عالبيبان گاعــد سيـــدي وقل الامان
وحنه ماعـدنه وسيله غير جف راعي الزمان
اذنوبـــنه العمت عليــنه والوبـاء ابكل مـكان
بالتضـــرع والدعاء انجــوز هــذا الامتــحان
بحبلك المتين ،،،،،،، يارب نستعين
يا قويا قد اتوك الضعفاء
ياأالهي عنه ادفع هل وباء
/////
مجلس الكاظـــم عيـــاده المعتــلي ابابه يطــيب
واليدگ صدره المصابه اينول كلشي امن الغريب
انحـــلفك ابـاب الحــــــوائچ يا سميعا يامجيب
هـل بـلاء عــنه ترفــــعه واليگــصدك ما يخـــــيب
ياسورنا الحصين ،،،،، ربا يا معين
نشتكيلك بالشدايد والرخاء
ياأالهـي عنه ادفع هل وباء
🛑🛑🛑🛑🛑🛑🛑🛑🛑🛑🛑🛑🛑
الناشر // الملا عالي مقامي
غير مبري الذمه يحذف اسم الناشر
هوسات للعباس
نزل عباس يتمرجل بميدانه
شايل بيرغه وجوده اعله ذرعانه
يوم الشافته اتراجفت عدوانه
(( عباس ادخيلك گالوله ))
ادخيل ادخيل صاحوا حاف يردم حاف
عنده اوصاف ماصحت مثلهه اوصاف
فنه الگابل العباس كلهه اتخاف
(( واليوگف مارايد روحه ))
محد گابله واتهزمت كلهه
هله بضخر العقيله وهله بكافلهه
لاتبچين ابشري اتنومسي ايگلهه
(( افديچ بروحي وذرعاني ))
افديچ بجبيني والزند والروح
عد عيناچ ماخلي الحمل مطروح
ابو فاضل شجاع ومن يطگ ايلوح
(( واچفوف الموت ايلاويهه ))
بس عباس من يغضب يلاوي الموت
مثل الزلزله ابين الجموع ايفوت
ماخلي ذكر لعداي صاح بصوت
(( والحومه اتگوم امن اتشوفه ))
الحومه اتگومله اگيام وتحييله
هاذه الماينام الليل عالعيله
شيلي بيرغه اوياي هوسيله
(( يستاهل عباس الهوسه ))
لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر
#قصيدة_للعباس_ع (شلونك يبعد اليوجعني)
من ديوان #عطش_الفرات. الجزء الثالث
❥❥❥❥ـــــــــــــ❁❁ـــــــــــــ❥❥❥❥
شلونك يبعد اليوجعني
ينزفن جروحك عذبني
ونيت والچمتك يغالي
يمك بعد بطلت وني
شلونك يخويه.. شلونك يخويه
❥❥❥❥ـــــــــــــ❁❁ـــــــــــــ❥❥❥❥
شلونك يكافل محملي وشيوجعك حاجيني
ماراح اون يم چثتك من گتلي لتاذيني
خاف الدمع يلچم جرح لو صب بعد من عيني
كابرت ودموعي عمني
شلونك يبعد اليوجعني
شلونك يخويه... شلونك يخويه
❥❥❥❥ـــــــــــــ❁❁ـــــــــــــ❥❥❥❥
غورگت عيني بمدمعي واتحملت لعيونك
خاطر اسئلك ياوفي بهالحال خويه شلونك
يابعد لوني ومهجتي النزف غير لونك
شگد حاره دمومك چوني
شلونك يبعد اليوجعني
شلونك يخويه ... شلونك يخويه
❥❥❥❥ـــــــــــــ❁❁ـــــــــــــ❥❥❥❥
روحي التحبك علثره طاحت بطيح زنودك
ياخويه يابو اعبايتي بهذا الوكت مريودك
يالشاغل اعگول العده وصلو زلم لحدودك
وسياط ذباحك ولني
شلونك يبعد اليوجعني
شلونك يخويه ...شلونك يخويه
❥❥❥❥ـــــــــــــ❁❁ـــــــــــــ❥❥❥❥
عباس مايرهم تره عالماي تطبك عينك
لخاطر اخيتك يلشهم طولهه يوم سنينك
لاتظل نايم موصحت ضربوهن نساوينك
يل كلت كلجن اغله مني
شلونك يبعد اليوجعني
شلونك يخويه .. شلونك يخويه
❥❥❥❥ـــــــــــــ❁❁ـــــــــــــ❥❥❥❥
نوم العوافي من نمت بالروح ماظل عافيه
ياخويه ركضوني الزلم من المخيم حافيه
وجوتني نيران الخيم يابو الفضل ماطافيه
شفت الهظم من رحت عني
شلونك يبعد اليوجعني
شلونك يخويه ..شلونك يخويه
❥❥❥❥ـــــــــــــ❁❁ـــــــــــــ❥❥❥❥
#بقلم_الشاعرات
#الشاعرة_نورس_الحلفي
#الشاعرة_رسل_الابراهيمي
غير مبري الذمه اليحذف الاسم وينسب الكلام له
#حـصـريـاً
#الشاعرة_نورس_الحلفي
#قصيده للعباس ع
ــ❁ــ❁ــ❁ــ
محد زامط العباس... من صالت الحربيه
رج ميدانها كافل العلويه
ــ❁ــ❁ــ❁ــ
محد زامطه بساعات الملاگه
اله خزرات مثل النار حراگه
من طب للشريعه يابسه رياگه
[رواها ــ بالدم گاع الطف]
ــ❁ــ❁ــ❁ــ
محد گابله ومحد وگف دونه
شحده اليصد لحضه بخزرة عيونه
شيخ المرجله والكل يعرفونه
[يرج صيته ــ بركان الماو]
ــ❁ــ❁ــ❁ــ
بيوم الماو چن زلزال طب ليها
ياشيخ الحرب عباس راعيها
گص اركابها وكسّر مواضيها
[والطف حياله ــ اهلا يالكافل]
ــ❁ــ❁ــ❁ــ
معروف البطل عباس بالشده
علگ خيته العقيله شدت بزنده
الوصل يم ابوالغيره الكافل شحده
[شحده اليگرب ــ عباس الهيبه]
ــ❁ــ❁ــ❁ــ
ياهيبة علي والزود يحلاله
من طب مغضب الميدان حياله
طشرها الاعادي راعي الاكفاله
[معروفه افعاله ــ الكله مروه]
ــ❁ــ❁ــ❁ــ
بقلم خادمة اهل البيت ـ ع ـ
الشاعره المله نورس الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
هوسات على وزن البحرالطويل الابوفاضل ع
طلبت الحاجه من بابك ادري لصعبه تكظيها
كعدت بهمي وشكيلك يبو الغيره يواليها
عندي هموم وهوايه سوالف يمك حجبها
(بشاره اليوم رايد/منك الجبره)
اجيت عليك بالدمعه اصيح حضريبوالغيره
مرار البين تعبني وكعت بشده وجبيره
احلفك بأامك الزهره الك متعني وبحيره
(احضر يابوفاضل/وفزع الليله)
اريد الليله تجبرني الخادم بسمك ينادي
تفزع ساعت الشده عليك حسين والهادي
تنشف كل دمع يجري بساع وبيدي امرادي
(امشي عليك زينب /وانت كافلها)
تكظي الكلفه وانت الهاسبع عباس اعرفنك
طلبت من يدك تحلها توكف من نندبنك
تحضر ليه وبساعه هموم هواي اسمعنك
(وماداعي اسولف/ وانت تدريها)
سمعت الوادم تسولف تنطي الطالب بساعه
خصوصالوطلب منك تيشل لناحل اوجاعه
عليك حسين ومصابه وارد نوب بضلاعه
(امشي الليله خيك/حاجتي كظيها)
خادم يطلب من يدك مرادوتنطي وتوزعه
يسأل منك الجبره اجاك بحزنه وبدمعه
شجاع وبسمك تنومس رايدمنك تسمعه
احلفك بالعقيله/ماتردسأيل)
خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الجمعه/2024/5/5
٢٤شوال سنة هجري ١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
هوسات نخوه للعباس
كالي الدكتور حالج بل خطر
كتله وين امشي والي يوجد دوه
جنهه وضعيتي خطيره وصعبه حيل
ومايصح دكتور للعله تره
كلت خل اتوجه الذاك الكفيل
اخو زينب كفو سبع الكنطره
صحت يا عباس تسمع صرختي
وكلبي نيرانه تشوفه اموجره
*(اهلا بل كالت/عباس ادخيله)*
هله عباس كال ويا هله بيهه
ضيفه اليوم عدي.خادمه الزهرا
وحك زينب اشافيج وتردين
وحك حسين ذاك المنذبح نحره
ماقصر كفو نعمين عباس
شافاني واجيت اليوم مبتشره
*(الكافل انته الكافل/واسمك بي هيبه)*
ما خاب الكصد عباس ابو الغيره
هله بكافل اخيته وهله ابطاريه
لو ضاك الوكت بيج وتحيرين
اخليهه بذانج هاي ترجيه
روحي وصيحي تكفلني يعباس
حلفيه بل عقيله المشت مسبيه
زينب غاليه اهواي عالعباس
واذا يسمع باسمهه كلهه مكضيه
*(ابزينب حلفي الكافل/شوفي يكضيهه)*
بزينب لو سمع منج تطلبين
تكليله اريد.مراد مولانه
ما قصر تره وابساع يشفيج
الحاجه لو اجته ابساع خلصانه
شافاني الكفيل وزوده مشهود
اضل للدوم اذكره وخادمه انه
*(ابزود الكافل/ممنونه احجيهه)*
العلويه ام جعفر غير مبري الذمه من يحذف الاسم وياخذ الكلام وينسبه له
اهدي ثواب الهوسات لحبيبتي المبدعه المله ام كاظم بصره بعد شفاها من المرض والحمدلله
*قصيدة للإمام العباس (ع)لحن قصيدة خادم انه لسيد فاقد*
(القصيدة من ديوان عبرات وأنين ج٨)
❥━──➸➽❥❂❥━──➸➽❥❂
*يا أبا الفضل ... يا ابا الفضل ... يا ابا الفضل ...على بابك اجيت*
جيت اندبك يابو فاضل والدمع عالخد جره
جيت مولاي اشتكيلك بصدري عبره مكسره
اشتكيلك حزن روحي ونار گلبي المسعره
نضره يا مولاي منك لگلبي أريدك تنضره
انحب انه انحب انه ... على بابك اجيت
❥━──➸➽❥❂❥━──➸➽❥❂
جيتك انحب يابو فاضل ودمعتي عالخد تسيل
جيت اشكي ألم روحي وانته التشافي العليل
بعلتي يا مولاي اخبرك وهمي اعليه ثگيل
همومي يا مولاي كثرت ذاب من عدها الدليل
نخيتك انه نخيتك انه ... على بابك اجيت
❥━──➸➽❥❂❥━──➸➽❥❂
نخيتك وجيت بطلبتي لا تردني يا شهم
انته يا ساقي العطاشه وانت يا راعي العلم
ما ترد حاشه الگصدلك والله منك والنعم
وگاصدتك يابو فاضل تزيل من عندي الالم
گاصد گاصد انه ... على بابك اجيت
❥━──➸➽❥❂❥━──➸➽❥❂
گاصده لباب الحوائج وحاجتي توجع الگلب
انه اعرفك ما تردني جايه وعندي طلب
وأنه أدري بيك تسمع يسهل عليك الصعب
ترفرف الروح بضريحك مبعد عليها الدرب
ندبتك انه ندبتك انه ... على بابك اجيت
❥━──➸➽❥❂❥━──➸➽❥❂
اندبتك ودگيت بابك وانت تعرف مطلبي
احلفك بخدر العقيله والسبي وحرگ العبي
خادمك للموت أبقى عالثبات الزينبي
ومنك الليله يكافل اريد تگضي الحاجه الي
أخدم انه أخدم انه ... على بابك اجيت
❥━──➸➽❥❂❥━──➸➽❥❂
*بقلم ✍🏻 شاعرة اهل البيت*
*العلوية مريم النور*
*نسألكم الدعاء الفاتحه إلى روح اختي وﻷمواتكم:🍃*
من ديوان عبرات وأنين ج٨ خاص بالعباس ع
*فزاعيه للعباس عليه السلام (للكافل بهالليله)*
❥━──➸➽❥❂❥━──➸➽❥❂
يحله النوح والميدان
للكافل بهالليله
❥━──➸➽❥❂❥━──➸➽❥❂
يحلالة اللطم والنوح
ظل اعلة النهر مطروح
مخضب بالدمه ومجروح
وحسين انهدم حيله
❥━──➸➽❥❂❥━──➸➽❥❂
تهدم حيله عالريسان
مرمي بساحة الميدان
يدير عيونه وحيران
طاح اليكفل العيله
❥━──➸➽❥❂❥━──➸➽❥❂
طاح وطاحت اچفوفه
وابسهم انطفه شوفه
ويمه الرايه ملفوفه
واختة المدمع اسيله
❥━──➸➽❥❂❥━──➸➽❥❂
حزنانه وتهل العين
وتنادي يخويه حسين
الكافل صوبو بالعين
ويريدك تتچيله
❥━──➸➽❥❂❥━──➸➽❥❂
يريدك تنظر لحاله
ضربته حيل چتاله
جيبه بساع لعياله
يردونة مداليله
❥━──➸➽❥❂❥━──➸➽❥❂
ماتدري ام طهر وسفه
الكافل حالتة كلفه
ماينفع دوة ويشفه
راح اليعدل الميله
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
ندبه بحق الامام العباس ع
اريدأ حاجتي منك يعباس
انه بزينب احلفنك يعباس
تحفض كل ولد لمه
اريد انخاك وبهمه
بجاهك كونك تسلمه
اعرفنك كريم تندبك الناس
اريدأ حاجتي بسرعه
عليك بداعة البضعه
اريدك صوتي تسمعه
ابن حيدر وعرفك تاج للراس
عليك حسين وبيومه
كلبي تجلي همومه
اعرفك سيد الحومه
يالكلك شجاعه وغيره وحساس
احلفك بالمشت كوه
اعرفك كلك امروه
انت سيد الخوه
بجفوفك تلاوي سيوف الارجاس
اعرفك صاحب الفزعه
عليك حسين وبضلعه
تكضي الحاجه الصعبه
يالدكيت انت بغيرتك ساس
اعرفك صاحب الغيره
الكلبي اريد تجبيره
بجاه الضلت بحيره
ياصاحب الجود وصاحب الطاس
انت صاحب الهده
كلمن غايب اترده
بجاه العابد وجده
كل شيعي تنصره ومايطخ راس
تدري خلصت الشيعه
شلون الكافر انطيعه
هذول النكروا البيعه
ترضه شلون حد الشيعه ينداس
للشاعره سحر ام كرار الساعدي كتاب مصائب واحزان زينب ع
غير مبري الذمه من يحذف أسم الشاعر
فزاعيه للعباس ع ( كالو دكت الغاره)
طب شبلك علي للكوم
كالو دكت الغاره
.................
طب شبلك لعب جوله
والكفار مذهوله
منين الطب يكلوله
يشبه علي ابفقاره
..............
يشبه علي بصولاته
حيدر جنه هداته
لو شمر بيمناته
كلها اتصير طشاره
................
فنهم لو يكحمونه
والعباس يدرونه
مصلصل تعجب افنونه
ويدري الكوم غداره
.................
طب ويدبج بكاعه
شال السيف بذراعه
الجيش يريد فزاعه
خله اجيوش محتاره
...............
خله جيوشهم تردم
ساحه تروج من الدم
كل الكابله يندم
هذا التعجب اخباره
...................
حي الكافل الليله
كلها تصيحله ادخيله
كال ارويها للعيله
وسكنه هناك نطاره
................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
قصـيده حــربيــه الابــو فاضل ع
❥❥ـــــــــــــ❁❂❁ـــــــــــــ❥❥
خـيط رايـتـه بشـيـله المـعـدولـه
بعدوانه ابو فاضـل لعـب جـولــه
❥❥ـــــــــــــ❁❂❁ـــــــــــــ❥❥
خيـط رايـته مـن شـيـله الــحـره
حالف علنهـر بيهم يحط كســره
عباس ونزل بالحـومــه شيـكدره
{ الـرايــه وجـفه // يـدك بيـهه}
❥❥ـــــــــــــ❁❂❁ـــــــــــــ❥❥
طش عدوانها وتمركز السـاحــه
شد كحيـلتـه ويـزامط اسلاحــه
ويـا عباس بيهم صـاح صياحــه
{ اتمـركز بطف // واهلك عياله}
❥❥ـــــــــــــ❁❂❁ـــــــــــــ❥❥
الملعب بس الك كالت البدويـه
دك المشـرعه وطشـر الـحربـيه
الـــك دمــام دك يوم العزوبيــه
{ ياهو الغاضك // وامك بدويـه}
❥❥ـــــــــــــ❁❂❁ـــــــــــــ❥❥
حط بجربـتــه روس اليضدونــه
اخـوكم بالحرايب شايعه فنونـه
يـاشيـخ الهواشهم تحدج عيـونه
{ عبــاس الشدها // وطب ليها}
❥❥ـــــــــــــ❁❂❁ـــــــــــــ❥❥
صيتك عـابر الــدوله يبو فاضـل
وزينب بالمراجل حيـت الـكافـل
خويه وداعتـك ماوصل كل عايل
{ اختك من هوست// يالعـباس}
❥❥ـــــــــــــ❁❂❁ـــــــــــــ❥❥
تــــمت بقــــ✍🏻لم خادمه أهل البيت عليهم السلام
✍🏻الشـــاعره الكبيره ألعلويه ام كنـــان الهاشمــي صاحبه دواوين أسيره الطفوف
لا أجيز من يحذف اسم الشاعره أو من ينسب القصيده له غير مبرئ الذمه أمام الله وأمام الزهراء عليها السلام ✍🏻🧿
فزاعية للعباس ع ;;;
شال الجود والرايه عله متونه
تعنه المشرعه وفنهم يلاكونه
شال اجود راعي الجود حيو
رفعي لهام زينب مايكدرو
يعرفونه سبع كلهم ياخافو
وبفنونه حيرها الحومه ;;;
تعنه العلكمي وكلها انضريني
كالت بسلامه يابعد عيني
وكللها يخيه بساع ودعيني
باست راسه عباس اخته ;;;;
شدت رايته بلراس عصابه
كالت للكمر لايطول غيابه
جوتني فركته جويت العطابه
طاح الكافل اليوم انعو ;;;
وديت العتب يمه لخال ابني
ليش وي الدعيه اليوم عايفني
كلوله تون ومابطل وني
وكطعيها والضعنه بساع ;;;
واعلام الحزن يم عون شيليها
ولتفكد بطل شنهو اليضل بيها
والله يعين زينب شال واليها
وماريده الماي تكول ;;;
📿تمت بقلم الشاعرة اسيل الزينبيه
فزاعيه للعباس عليه السلام
===========
وعلى العباس
دكي حيل المتون
يستاهل بوفاضل ماي العيون
===========
يستاهل توسيعله الميادين
وعدلي الگول لو ردتي تگولين
مريوده لخو زينب تهوسين
خسفي الگاع لجله من تردحين
ابو الكلفات هاذا معرب الزين
وهوسيله // يستاهل هوسه
👑👑👑👑
صيحي دخيل بختك من تلطمين
اللطمه تلوگ لبن مشيد الدين
دگي حيل بالچ لاتملين
بيرغ رفعي للعباس وحسين
ايهزونه / والبيرغ لجله
👑👑👑👑
بيرغ للحياده اليوم منصوب
بوفاضل مثل للخوه مضروب
الكون اصبح عليه اليوم مكلوب
ياوسفه الكفيل اليوم مصيوب
مصوبينه ... ياوسفه الحيد
👑👑👑👑
سووله عراضه ورفعو رايات
هاذا امعرب اربات الشريفات
ابو النخوات ياصاحب الشارات
هاذا المارضخ للطاغي هيهات
امه ام البنين ام الكرامات
يسمونه // ابن البدويه
===========
خادمة ال البيت الحجيه ام علي البصره نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع