4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
هاي الدينا صعبه ، باجر كلشي غربه
ها يل كلك احساس ،ها يل كلك احساس
يجف عباس ، يحامي الناس
صدگ باجر تطيح او انه مسبيه
صعب وشلون ، وكول اتهون
يريت عيوني باجر كلها معميه
العيال اطيح ، او رقيه تصيح
وين الكافل اليلزملي ايديه
ينور العين ، حبيبي احسين
ارجع لحضه وحده وعينك عليه
هاك جفوفي فدوه ، لجل الخوه تسوه
تاج اضل على الراس ، ها يل كلك احساس
هاي الدينا صعبه ، باجر كلشي غربه
ها يل كلك احساس ،ها يل كلك احساس
يغالي اتروح ، يزيد النوح
بلايه اجفوف تبقى وما تصد لينه
ترد لحضات ، وخذت دمعات
لحضه انذرلي عمرك بس تحاجينه
القلق چتال ، او ثكيل البال
الخيم محروگه ياهو الي يطفينه
يخي والناس ، بلايه احساس
عگبك ماكو رحمه ولا عطف بينه
ها عباس اجيتك ، او متكطع لكيتك
كلي وين الانفاس ، ها يل كلك احساس
هاي الدينا صعبه ، باجر كلشي غربه
ها يل كلك احساس ،ها يل كلك احساس
يخي معذور ، السهم مكسور
لكيت السهم داخل نحرك وعينك
الهجر مريود ، او بعد متعود
هاي الوادم اشتمعت على حسينك
شنو الي تريد ، يوجهه العيد
ابد ماقصرت ونطيت جفينك
الحرس وليل ، او بواچي تعيل
يبعد الحيل طفله تكول ها وينك
گلي وين ادورك ، بس لا ماكو نحرك
لجل الخوه مقياس ، ها يل كلك احساس
هاي الدينا صعبه ، باجر كلشي غربه
ها يل كلك احساس ،ها يل كلك احساس
بعد وشلون ، اكول اتهون ،
عگب وجهك يخي عشت انه حزنانه
الخيم والنار ، او كسر بسمار
كلها انعادت اعليه او متت انه
الدماء تسيل ، او تهد الحيل
اجيتك من وصلتك حيل فحطانه
تعب وطفال ، او فگدت امآل
فگدت الخوه كلها وروحي تعبانه
بس لاخويه الچمك ، حجيي لا يهمك
شلون تموت عباس ، ها يل كلك احساس
هاي الدينا صعبه ، باجر كلشي غربه
ها يل كلك احساس ،ها يل كلك احساس
الشاعر ؛ علي صبيح الحميداوي
▪️▪️▪️▪️▪️
يالعندك قضيّه او حِيرتك بيها
اقره الحمد لام عباس تگضيها
▪️▪️▪️▪️▪️
يالعندك أمر حاط ابدليلك خوف
دمعك منّه غادي عالوجه مذروف
اقره الفاتحه لام البنين او شوف
محلوله قضيتك راح تلگيها
▪️▪️▪️▪️▪️
اذا أمرك صعب همّك ابد لَيزيد
ام عباس إنخاها شوكت متريد
سخيّه حاجتك تنطيها الك بالإيد
ركعتين الها لمّن تنوي تهديها
▪️▪️▪️▪️▪️
نعم باب الله باب ام البنين ايكون
يعني اللي تريده ايصيرلك مضمون
تمِدلك لو ردت من عدها چف العون
گلبها اتعوفك ابحيره مينطيها
▪️▪️▪️▪️▪️
لون تقسم عليها ابداعة المذبوح
ثق واعتقد همّك كلّه راح ايروح
آلامك تزول او ما تضل مجروح
راح امن الهضم روحك تعافيها
▪️▪️▪️▪️▪️
تضل بالعالي مهما دارت الايّام
بِت احزام بالشدّه سند واحزام
زلم ربّت ولا الهم مثيل ازلام
نذرتهم خدم لحسين واليها
▪️▪️▪️▪️▪️
أهي يا مَرْت ابو بالدنيه ضاهتها
تضحّي اولادها فدوه لشريچتها
نعم بس هيّه هاي الحره سوّتها
او نالت مرتبه محّد يضاهيها
▪️▪️▪️▪️▪️
ابو الحسن الوائلي
▪️▪️▪️▪️▪️
احسين ابوي للعدل چانت طلعِته
احسين ابوي يعتلي الدين ابذبحته
▪️▪️▪️▪️▪️
فاطمه آنه العليله او والِدي احسين
الطِلع من أرض المدينه ينصر الدين
عله المذهب دارت ايصد الشياطين
او يلفظ انفاسه الأخير شافه بالعين
احسين ابوي شافه محتاج الوگفته
احسين ابوي يعتلي الدين ابذبحته
▪️▪️▪️▪️▪️
اتعنّه ابوي امن المدينه ابكل الايمان
لمن شاف الدين دارت حوله الاوثان
گال ابد متهمني اُميّه او آل سفيان
ابراسهم شيطان وآنه ابراسي قرآن
احسين ابوي ابعزم ناذرها مهجته
احسين ابوي يعتلي الدين ابذبحته
▪️▪️▪️▪️▪️
بالصحاري گطع دربه او حلّ الاحرام
گاصد احسين الحقيقه ضد الاوهام
الهدف يحييها الشَريعه او دين الاسلام
چن محمّد بيده جاي ايحطْم الاصنام
احسين ابوي تمّت ابكربله حِجته
احسين ابوي يعتلي الدين ابذبحته
▪️▪️▪️▪️▪️
يعرِف او فاهم هدفها الناس الاشرار
عله الحق ضنّوا نفسهم والعكس صار
ابغيره راح اتحدّه عزمه كل الاقدار
خيبر ايشوف آل اُميّه او هوّه كرّار
احسين ابوي ضد شكو ظالم وگفته
احسين ابوي يعتلي الدين ابذبحته
▪️▪️▪️▪️▪️
نيته ينصر دين ربّه ابزود واحساس
راده يترسّخ او يبقه معتلي الراس
چان ما مِهتم عليهْ اجتمعت الناس
ما يهاب الدنيه كلها العنده عباس
احسين ابوي حِچه او چانت كلها سكته
احسين ابوي يعتلي الدين ابذبحته
▪️▪️▪️▪️▪️
من مشه ابتأييد الهي الكربله راح
او نيته عن هالدين كل اُغبار ينزاح
راد كل مُسلم يشوفه ايعيش مرتاح
وكت ما شاف الجهل ساكن بالارواح
احسين ابوي بالذبح خطّط كلمته
احسين ابوي يعتلي الدين ابذبحته
▪️▪️▪️▪️▪️
ابو الحسن الوائلي
حرگوا اخيامه أطفاله يتامه
الحيل الليل
(أفدي بعمري لحسين)
.............................................
اركض صوب الخيام ادور عل الكفلهن
تلهب بالخيم نار حرگوها خيمهن
باچر اسره ونروح مايمهن زلمهن
بواچي نخلص الليل ماينشف دمعهن
(يحسين اخيامك حركوها)
مثل الزجيه دارو عليه
الحيل الليل
أفدي بعمري لحسين
......................................
لاچف يبقئ لاعين شلگه أنه بكفيلي
دمعه وحسره والاه هيج أنه اگضي ليلي
بفگدك خويه عباس نهدم ياخويه حيلي
ذبيح وسهم بالعين چن صوب دليلي
(اختك يالكافل محتاره)
گرب يموتي بلايه اخوتي
الحيل الليل
أفدي بعمري لحسين
..........................................
يهظم زينب الشام دخلتله الاميره
لو كفالي موجود ماراحت أنه اسيره
ركبت هزل النوگ يهل الخلگ حيره
غايب عني الحسين وجهي المن اديره
(للديوان ادخل مجتوفه )
راحت سبيه يهل الحميه
الحيل الليل
أفدي بعمري لحسين
................................................
تكتل حسره بالروح واعيالي سبيه
بس حرمه بين الناس بس اشگف بديه
ريت الكافل يشوف زلم هدت عليه
مثلي الفاگده حسين شتحمل بس اذيه
(يحسين الضيم يمر بينه)
ركضن سويه سكنه ورقيه
الحيل الليل
أفدي بعمري لحسين
.................................................
حرم ياخويه والناس ياهو يلم شملنه
سبايا رحنه للشام ماواحد رحمنه
صحره وهيمه وطيح رقيه من ركضنه
الحگ زينب تصيح يبن امي انسلبنه
(الحگ يالكافل لعيالك)
الحگ علينه خويه نسبينه
الحيل الليل
أفدي بعمري لحسين
.................................................
اللهم عجل لوليك الفرج
محمد سعد البديري ✍️ ✍️
دارت عليه دنيتي لا اخوه وياي
ماينحمل كلش صعب فگدك يوفاي
شحال العقيلة شحال العقيلة
****
شحجي وشكولن ياهلي عل الصار بيه
ابجي وتهل عيني دمع صبح ومسيه
عباس عوف الماي خويه وؤرد عليه
كل ونه اجرنهه بألم ماعندي كل راي
شحال العقيلة شحال العقيلة
****
لحسين ذكره بالنفس ماصح مثلهه
دنيانه بس ضيم والم شترجه منهه
احاه يبو فاضل صحت من گلبي اونهه
مشتاگه اوصل الكمر وحجيلك هواي
شحال العقيلة شحال العقيلة
*”"”""""*****
حاجيته سولف ياكمر احجيلي من رأي
حسيت ابو فاضل بعد ما يبقى وياي
گلالي يازينب تره مطلوب الج ماي
ام عون باچر تنولي وتتعب بلاياي
شحال العقيلة شحال العقيلة
*******""
كل ليله مرت بيه واايتامي غريبات
باجر حرم سبط النبي كلهن سبيات
باجر يصعدونه بهزل وسفه وحرامات
الوكت وي زينب صعب بعدك يحماي
شحال العقيلة شحال العقيلة
********
ماجنت افكرهم اخوتي مني يرحون
كافل خدر مو للذبح تعمن يل العيون
بعدك ياكافل خدري ماضلت الي متون
اخؤاني من راحو بعد ماعرف ادواي
*******
طبينه للشام وابد ماضلي كل حيل
عل هزل من طف كربله وي الهوه نميل
لاطبگت عيوني وغفت شيخلص الليل
ياضيم يامحنه لفت راوتني دنياي
،*********
محمد سعد البديري ✍️✍️
خلافك تعمه عيوني للشام يودوني
ياصوب الكافل وين. ترحل يانور العين
خلافك تعمه عيوني
//////////////////////////////////
ياعباس فراگگ يكتل يمرد بالروح
باجر كل نسوانك يمشن شيبطل النوح
صدع گلبي اخلافك وانحب ويضل مجروح
گطعوا جفينك عل الغبره وراسك مذبوح
گمت أعثر بجدامي. حرگوا حته أخيامي
ياخذهم مني البين ترحل يانور العين
خلافك تعمه عيوني
/////////////////////////////////////
السهم الصابك يل الكافل والچف مگطوع
شصاير بحوالك يالغالي گليبك مشلوع
شلكه بروحك من اوصلك كلك موجوع
مايرجع لخيامه الكافل شنهي الموضوع
ياهو اشكيله احوالي بعدك ياكفالي
گطعوا منك چفين ترحل يانور العين
خلافك تعمه عيوني
///////////////////////////////////////
گطعو من حسيني الخنصر وابلاية افياي
ماكفاهم سلب هدومه وحرموه الماي
الماي الماتشرب من عنده ما مر بچلاي
خويه اخلافك تعبت زينب ومتيهه الرأي
اتغير شنهي بروحه كثرن حته جروحه
بدونك ماتعودين ترحل يانور العين
خلافك تعمه عيوني
////////////////////////////////////////
باجر محد يرحم بينه أتحضرن للشام
حركوا كل اخيام اطفالي بيا خيمه تنام
لاطبكت عيني ولا تغفه يادهري اشضام
ياوكت بزينب ماترحم وياهه ايتام
الحگ خويه اعلينه. لاأبن ازياد امشينه
غايب عن اختك وين ترحل يانور العين
خلافك تعمه عيوني
//////////////////////////////////////////
فوگ حسين ابن امي الطاهر داسنه الخيل
انحب بفراگگ كل وكتي ماضل كل حيل
ونيت بفگدك يحسيني دمعاتي يسيل
صعدت بت حيدر عل الهزل ممشاهه يميل
بروحي تزيد الونه الخيل المارحمنه
غايب عن عيني حسين ترحل يانور العين
خلافك تعمه عيوني
////////////////////////////////////////////
اللهم عجل لوليك الفرج
محمد سعد البديري ✍️✍️
آ يا غربتي
لحسين ابويه شكـد صحــت
آ يا غربتي
جابولي حلمــي أبنص طشت
طشت المنيه من حضر
دمع اشتياقي صب نهــر
آ يا غربتي
°°°°°°°°°°°°°°°°°
ما ينحمل فگد الابـــــو
ولا يمي عم ولا اخــــو
صعبه ... صعبه
هستوه جفنــي ينطبگ
واركض لابوي وانشبگ
غربه .. غربه
ما اشكي لو شفته اشجره ابحالي
بس خايفــــه لا ينظــر احوالـــي
وجية حلم مَـــر شخصه لعيونــي
بعد الصــــبر غالـــي ولگهَ الغالـــي
فاتح چفوفه
وعينه عله أچفوفي تصد
فاتح چفوفه
وجم حافر ابصدره أعــد
كلمن حِسب جرح القدر
ودمع اشتياقي صب نهر
آ يا غربتي
°°°°°°°°°°°°°°°°°
ما شايف ابعيني دمع
أحجي واليه يستمـع
هانت .. هانت
لَمَن لزم چفي شغــت
شاف الاثر وانه صحت
هانت .. هانت
ضَمني أعلصدره وانفضح حزنــي
وبصوتــي صحته بابا لا تتركنـــي
وحدي واشوف النــاس مـــو النه
ابنيتك زغيره وينضـــرب متنــي
طاحن دموعه
من يا جرح احجي واضم
طاحن دموعه
وامسحهن ابجـــف الهضم
يبجي ويصد ابكل قهر
دمع اشتياقي صب نهر
°°°°°°°°°°°°°°°°°
ألزم حجابي بكل حذر
عن لا يعايـــــن بـيّ أثر
دمي .. دمي
وشاف الدِمهَ غَطه الأذن
يهضمنـــي من يبقه يون
يمي .. يمي
أحجيله كلشــي رايده ابصَــدري
عن التراجي وضَـــل أثر ظهـــري
بس مـــن شفت حاله يهد حيلـي
اشبگته وعرفت الادري بيّ يدري
تحجي دموعه
من بلل اجتافــي الدمـع
تحجي دموعه
ومن حسرته گوه أستمع
ويمسح جفوفه أعله الظهر
ودمع اشتياقـــي صـب نهر
°°°°°°°°°°°°°°°°°
مَتعوده اركض الـه
وتغَيرت مـن كربله
حيلي ... حيلي
خوفـــــــــي يكلي تكربي
وما بيه حيل أمن السبي
ويلي ..... ويلي
جمر الخيم حارگها لاحلامـــي
وگلبي الك هم ذابل وضامــي
ما بيه حيل اعله الركض بويه
كافي الركضته والجدم دامـي
أشر عَليه
وتناثرت دمع ودِمه
أشر عليه
رايد يضمني أمن الضمه
من شافنـــي گلبه انكسر
ودمع اشتياقي صب نهر
°°°°°°°°°°°°°°°°°
يمسح عله راسي أبقصد
وگتله جِـــزه وكته البُعـد
أخذني ... أخذني
گلي الطشت يمــج وصل
أمن الليله بس يمج أضل
وعدني .. وعدني
المقصد طشــــت يا بويه فَهمني
شنهـو البگه بـــرقيــه يلچمنـــي
ردتك تجــي بطولك بعد حيلـــي
موش الطشت كون انته تاخذني
فاتح عيونك
امبين تعِبت امــن الذبح
فاتح عيونك
گالولي غافي اعله الرمح
والملگه صـار اعله النحر
ودمع اشتياقي صـب نهر
●●●●●●●●●●●●●●●
عمار جاسم التميمي
لمولانا الحسن المجتبىٰ (عليه السلام)
من الزغر ومسرفن أردانه الحسن
والگماكم والدلال أتخدرن
والهلا تخلف هلا وتشبع مضيف
والمواگد شابه وماينطفن
مسرفن الخطاره .. ماله ند بصياره
ياكريم الساده .. المامجوع ناره
@@@@@@@@@@@@@@@@@@
زلمه باشط وأبشط من الباشطه
هاشم بزوده ومضيفه مزامطه
عفيه زلمه سفرته ماتنطوي
طايره عليهه الطيور وحاطه
ماتجوع الوادم .. والحسن عد هاشم
المثل بعزوبيته .. وبالمعارك صارم
@@@@@@@@@@@@@@@@@@
علي ومخلف علي بكل موزمه
مايچل بگرابه بالطگ صارمه
بالجمل حيدر نده يبني الحسن
وغار أبو القاسم وصارت ملحمه
الجمل والفوگاهه .. المجتبىٰ ذلاهه
حارات أچفوفه .. والزلم چواهه
@@@@@@@@@@@@@@@@@@
بالمناقب حير أصحاب العقل
بالكرم والمرچله چان الأصل
بالحسن من ننتخي يخضر مضيف
أبلايه بيبان ومواگد تشتعل
الهلا الننگل بيهه .. المجتبىٰ راعيهه
الهلا من ديوانه .. هوه المربيهه
رسول رياض
مشايه من البحر نمشيله
طلعت المشايه صيحوا ياهله
من البحر يحسين توصل كربله
غيمه سوده وتمشي عل كاع السنه
نمشي وانته حسين صرت البوصله
مشايه من البحر نوفيله
مشايه للنحر نمشيله
مشايه واحنه صحنه دخيله
مشايه من البحر نمشيله
@@@@@@@@@@@@@@@@
السنه بكل شوك نفديله العمر
موش باليل السنه نمشي الضهر
نمشي حفاي وعهد كون بشمس
نريد نوفيها صدك أم الخدر
نوصلله نريد نمشي بهمه
نوصلله زلمه يسبك زلمه
نوصلله صيحوا هاي النعمه
مشايه من البحر نمشيله
@@@@@@@@@@@@@@@@@
الشايب وي الشاب تلكاهم سوا
حيل من عباس بيهم ما خوا
سبحت الزهره الدرب صاير تره
وتمشي الزوار وتشعشع ضوا
بالغيره شيلوا يله الرايه
بالغيره طلعت المشايه
بالغيره حسين هوه الغايه
مشايه من البحر نمشيله
@@@@@@@@@@@@@@@
تحضرت كل المواكب والزلم
كلها للمشايه تخدم والنعم
يخدم الشيخ ومضيفه منفتح
والفقير يرحب ابزود وعزم
وفايه يله يا خدامنه
وفايه رحبوا بزوارنه
وفايه بيكم احنه اصرارنه
مشايه من البحر نمشيله
@@@@@@@@@@@@@@@@@
وداد البخاتري
هذا يومك ياگمر ويومك جحيم
قاتل بزود السراط المستقيم
كون يوصل للنجف طش الرؤوس
اذبح وكثر بذبحهم يالكريم
سرفن الذرعان وانزل بيها
روس طشها وروس دوس عليها
هله يملاوي ذراع ارجالهه
قبل لا تلويه مچويها
——-
هل بدة حربك يعباس الكفيل
يا ثگيل الما يقاتل بس ثگيل
شايل زماط اهلك بسوح القتال
الكون كله يصيح من عندك دخيل
نسل هاشم لوتغيض عيونه
وعلي طيور ال بلسمه يهابونه
صار يومك حيل طگهم يلعجيد
طگتك طگة الگمر مضمونه
——-
يبن قتال العرب يبن الاصول
موش فارس عالنهر شمر خيول
الكاع خلها تفيض بالدم هيه كاع
ابن داحي الباب يرعد من يصول
ارعد وسيفك يصير سماها
كربله خلهه تفيض دماها
الكون كله يخاف من خلفة علي
صيح ياحدر وهز لوها
——-
هلهلته امعون وتحشم يحيد
تگله يا خيالها وحر اليصيد
تصيح يلكافل ويذبح بالرجال
يذبح تحسبه شعر وتگله عيد
وهيه تحجي بالشعر كدامه
يالكوفو وبطگه طر الهامه
هاشمي وهاي الحرب راعيها
علي داحي الباب هاي زلامه
——-
محمد عيسى المنصوري
الابوذيه:
السبــي خله الگلب بالنار يوجار
وتــــولانه الشمر يـوعات يوجار
عرف ماكو اليغيث الحرم يوجار
يجير الحرم من اسياط اميه
~
إشكثر روحي على الوليان لابت
عگبهم مايلمني وطن لابيت
ابهظمنه ماسِلَم معلول لابِت
وحتى البل مهد شاف الأذيه
~
راح الچنت احشمه وانتچي اعليه
ويروحـي لا تگطعي ونـتـچ اعليه
ومـــن ونّة النـاگــة ونـتـچ اعــلـه
ريت اعله المشو واگطعو بيه
~
العلل طابت ومــــاطابت عللنه
وهِمنه وصوت المراكض عللنه
بالطف صحنه مــا تلحگ علي النه
تخلّص عيلتك من آل اميه
~
الوكت طحن الرحه بالحال طاحن
والنوگ بصحاري اليسر طاحن
علوياتك اعله الگاع طاحن
مثل خرزات سبحه اعله الوطيه
~
صحت يا لايـم ارحـمني بالآلام
واعيشن كون كل عمـري بالآلام
عله حسين البقه امطشر بالآلام
توذر من حوافر خيل اميه
~
الهظم عل بالسبي راحن بلايا أخ
وأبد مايوم مَرَّاهن بلايه اخ
اشكثر شافن ابدنياهن بلايه آخ
ومِحنَه اتمَحِّنِن بالغاضريه
~
بيت الحــــــزن لمصابه بنيناه
ويفت الصخر دلالــــي بأنيناه
على الراحو ابفد روحه بنيناه
ومذابيح ارقــــدو بالغاضريه
حيدر بشار الدراجي
( نزله السيده زينب )
خبر عاجل من بريد الكوفـــه
صوت زينب طالع عله چفوفه
والحرس ليفوتها * چف اخوها بصوتها
صوت زينب طالع عله چفوفه
****************
من ابن مرجانه طارئ والرسالة عاجِله
بلايا بسم الله كتبها لاتأخره البسمله
ويدري اصلا الله واگف ويّه الحسين وهَله
النقطه الاولى بالرساله ، توها بلشت كربله
خبر عاجل من ابن مرجـانه
وياهم الله احنه منهو ويانه
بيوت الله بيوتها * چف اخوها بصوتها
صوت زينب طالع عله چفوفه
****************
كتب بالنقطه الــــوراها يايزيد استعجلو
رتب صفوف المعسكر كلشي اعوج عدّلو
يايزيد بـــلا صياح بــــلا نياح بــــلا غلو
زينب شمـــا طاح واحد زادت علينه علو
هالنصيحه چلّبو بغاياتهـــا
فكّو اديها و چتّفو حچاياتها
وزينب بكل قوتها * چف اخوها بصوتها
صوت زينب طالع عله چفوفه
****************
كتب بالنقطه الوراها وسِّـع ابواب القصـر
حتى اذا زِعلت وزمطت جيشك يلحّگ يفر
حرگ وسياط ويتامه وسبي وحبال ويـــسر
رغم ذني وطبّت النا علي بصفين وبـــــدر
گبل لاتسمع النقطه الجايه
تره زينب من علي مـــربايه
تشبهه حتى بموتها * چف اخوها بصوتها
صوت زينب طالع عله چفوفه
****************
كتب بالنقطه الوراها يـــــايزيد ومطلبي
هاي مو أي مره زينب بنت ابوها الطالبي
هاشم تدوس الشوارب بالسيوف وبالعبي
مايخلفون الميطلع علــــى ابن عم النبي
زينب تعود الهم ومعروفه
خاف من تدخل تحس بخوفه
قصورنا التابوتها * چف اخوها بصوتها
صوت زينب طالع عله چفوفه
****************
كتب بالنقطه الوراها يزيد جاهز للخطر
لاتطمّن لا تأمن هاي إلك بــــالمختصر
لاقتـــال ولا نـــــزال ولا هروب ولا مَفر
غير گتلك بالبدايه بصوتهـــا چف الگمر
ماهي خطبه عدها يمك صوله
والقصر هذا تصول بطـــــوله
جيوشكم لبيوتها * چف اخوها بصوتها
صوت زينب طالع عله چفوفه
****************
وكتب بالنقطه الاخيره أختصرها آني إلك
صوتها بقصر الإماره لعَب بـــالكوفه فلَك
قابل أول مره هاي اخبار هــاشم توصَلك
لاهَلي الگدرو عليهم يــــــايزيد ولا هلَك
لاتأمن من ذِبحنا اخوانها
بالزلم تسطرنا وبنسوانها
نهاب حتى سكوتها * چف اخوها بصوتها
صوت زينب طالع عله چفوفه
****************
كرار الجوراني
( رقيه والحسين )
يابويه ومحتـــاره بــأمرلك
ماشوفك بس أشتم عطرك
من الطف القصر الشام *
بكل واحد عِفت إستفهام
بويه .. بويه
—————
صحراء وعطش للماي والرحمه
ودخّــــان وظلام يخوّف الاعمه
طفله وكــل هذنّي اعليّه ملتمّه
وعطرك بويــه كل شويه اشتمّه
دخان الطف خانگ ريتي ، طبيت الشــام وما راح
بهالدخان انميّز عطــرك ، لو مر من فوگانه وفاح
حسين ويايه تگول ظنوني
ومـــو ويّـايه تگول عيوني
مابيّه اتحمّل اوهام * بكل واحد عفت استفهام
بويه .. بويه
—————
گدما أي خبر محتاجه يوصلني
يابويه اسألت حتى اللي چاتفني
عمي أدعيلك بكل دعوه رايدني
مامر بيــك واحد بـي عطر مني
يضحك وآنه أيچي وشال ايده ، وهَـز رمحه وأشّـر ليفوگ
توقعته يگــــول إدعـي الربّـچ ، مدري يأشرلي عله النوگ
من أشّر مـاشلته الراسي
و رَد استفهام بإحساسي
شيقنّعها عيوني تنام * بكل واحد عفت استفهام
بويه .. بويه
—————
الميحصّل خَـبر من يسأل الغربه
معنـــاها العرِف ماعدها اليطلبه
بــس شيقَـنّع اللي محتــرگ گلبه
وبالذات اليحب حسين ويحبّـــه
گلبي يگلي نروح الزينب ، نسأل عالعطر اللي يفوح
عقلي يگلي نروح نصلّي ، وماهوّه حسين ومذبوح
عطرك ظل يفتر ابالي
ويّـاه طولك يتـراوالي
الشام اشضمتلي أيام * بكل واحد عفت استفهام
بويه .. بويه
—————
اسمَعِت من عمتي مرّه بگعده بخيامي
شِلَـعت الشوك حتى تحامي لـجـدامي
جروح الشوك سهله وتگظي يــالضامي
الصعبه أركض وتركض خيــــل گدامي
منّـا خوف ومنّـا نـــــار ، ومنّـا صحـره ومنّـا ليل
اركض منّا يركض جيش ، واركض منّا تركض خيل
حيره ومحّــد دوّر واحـــد
بيمن يبدي الكل شي فاگد
محتام يعاين محتام * بكل واحد عفت استفهام
بويه .. بويه
——————
ما أحچيـلك عله دموعي وأبچيهن
ما اشكيـلك عله عيـوني وأعميهن
ما ابچيــلك عله متـوني وشبيـهن
كل ذنّي من اشوفك بويه اغطيهن
ما احچيلك عن ترچيتي ، ولا احچيلك عـن البوگ
ولا اگلك طبيــت الشام ، ولا اگلك طبيت السوگ
فدواتك كل دم بجدامي
بس كون وتوگف گدامي
ليهمّك دم عله اجدام * بكل واحد عفت استفهام
بويه .. بويه
—————
عندي إحساس باقي بگلبي ميعــوفه
بين الخايفـــه وبين اللي ملهــــوفه
عندي احساس ظلّت النا بس شوفه
وراها شراح يحصَـل ماهي معـروفه
يمكن لــو شفتـك ارتاح ، ويمكن مــــا واحد يرتاح
ويمكن بيه يموت صياح ، ويعله من النسوان صياح
وهنا عطرك قَــل تركيزه
بي ماچانت هاي الميزه
الله اليعلم ليّه شضام * بكل واحد عفت استفهام
بويه .. بويه
—————
كرار الجوراني
جيتك مطرّز ندم بذنوبي
ادري تستقبلني يامحبوبي
ياحسين ولاتهدني وانه نادم
لو سأل منكر عليه گله خادم
ادري تستقبلني يامحبوبي
——————
مو خساره الموت من يوصل قراره
من تروح زيارتك هاي الخساره
خاف اموت وانه ماشابع زياره
تعمه عيني ولا افارگها المناره
شلون اذا بذنوبي اروح الموتي
وبعده ماشابع من اسمك صوتي
وانه متعود عليك وگلبي هايم
لو سأل منكر عليه گله خادم
————————
حسين بس انت الوحيد الاعترفلك
بعالي صوتي رايد اصرخلك وأگلك
آنه منهو بحالي لوما انت وأهلك
رغم عشر شهور اعوفك ما اندلّك
حسين خلف الله عليك هوايه
بكل محرّم توگف انت ويايه
حسين خلف الله عليك وعالمآتِم
لو سأل منكر عليه گله خادم
————————-
زاهيه الدنيا على عيوني وأكابر
وانت لسه تصيّح ومحتاج ناصر
بيا وجه من اعتنيلك والله حاير
تلمني وانت مطشّر بكل الحوافر
بيا وجه بذنوبي اگف گدامك
انت عايز حتى أچمل سهامك
العذر منك يمذبوح الهواشم
لو سأل منكر عليه گله خادم
——————-
حسين بويه شلون منكر لو وصلني
شنهو سويت بحياتك لو سألني
خادم حسين من اگله يعفي عني
ما اخاف واعرف ايشفعن هذني
گله هذا خادم ويعنيلي
بكل محرم يلطم يبچيلي
كون تگصد ليه وانه بكبري نايم
لو سأل منكر عليه گله خادم
————————
حسين والمو حلوه بيه بذنبي اجيلك
وحلوه بيك تريدني شما اعتنيلك
شنهو من رحمه على خدامك دخيلك
عبدك اتقبلني مولاي وذليلك
بتسع اصابع واگف متانيني
ياصلافة مستحاتي وعيني
بلايه خنصر ترفع بإيدك تسالِم
لو سأل منكر عليه گله خادم
————————
حسين اجاك القصّر بكلشي بحياته
حسين اجاك القصّر بأهله وخواته
حسين اجاك القصّر بصومه وصلاته
حسين اجاك بكل حياءه ومستحاته
شايل ذنوبي بإديّه وطالبك
خاف اموت بذنبي انه بشاربك
بذنبي دايم وبرحمتك انت دايم
لو سأل منكر عليه گله خادم
————————
كرار الجوراني
( نزله للأنصار ميمر كربلائي )
شيخ العرِف للمو عرِف فزع بكل واحد كلف
گلهم الزامط عباس .. واليوم يوم أنصاره
——
من الكمر بالحومه رجّع خاله
ابن المظاهر گله عوف ثگاله
بعگالي ياعمي ارد اطيح عگاله
اليوم الظهر ، يبدي الشمر ، يدوّر عگاله وللفجر
اليوم اتيهه ويه الخيل .. اليوم اضيع أخباره
——
گله يعمي الجيش آنه امشيله
بكثر الرگاب اليوم اعثّر خيله
كلها تموت دخيله موش دخيله
بيهم خطب ، ها يالعرب ، سيوف الي عدكم لو گصب
المن تلزمونه السيف .. وانه ادري مابي شاره
——
گظاها شرده الجيش رد ويجيبه
من تراب شردتهم تلوّن شيبه
صاح الكمر شو عمي طوّل غيبه
يم الگمر ، رد اعتذر ، گله الشمر منطي الخبر
يدوّر عله عگاله الطاح .. اليلگاه يحصل بشاره
——
ابن المظاهر وگف ، والحر صاحه
متعوبه چفك ؟ گله لا مرتاحه
ميتعّب بهالجيش بس صياحه
خويه الزلم ، عدهم عِلِم ، بيهم يجيني ومبتسم
هذا أظن يدري يموت .. ساعة طلع من داره
——
زامط حبيب بربعه صاحو تگوه
گلهم اليوم نموت صاحو فدوه
يسوه العمر لحسين صاحو يسوه
گد الحچي ، ما ينتچي ، الخلص ضحك يبدي البچي
بجيوش أميه بهاليوم ... نترك طبع حرحاره
——
گلهم الدنيا وصاحو حسين احله
گلهم عمرنا وصاحو حسين اغله
فدوه المن احنه نروح صاحو لاهله
فدوه ونذر ، كل العمر ، الحمد لله والشكر
خلانه أنصار حسين ... كلبي اشيبرّد ناره
——
بطيحتك بويه انتهينه انتهينه
او قصتي صارت حزينه حزينه
للخيمه ما اكدر ارد ،فرگاك نار بلا برد
يا حبيبي
يوليدي طايح عالثره ، وعيوني احس معميه
دليني خطوه امشيها الك ،مو بيدت رجليه
مكسور ضهري افرگتك ، مابيه اشيل ايديه
معقوله باقي بلا نحر ، او ما تلتفت ليه
انته من يوم العفتنه العفتنه ،لهسه تبجي عليك سكنه سكنه
عايفني وحدي بلا ولد ، ومنين اجيبلي سند
يا حبيبي ،
بطيحتك بويه انتهينه انتهينه
او قصتي صارت حزينه حزينه
للخيمه ما اكدر ارد ،فرگاك نار بلا برد
يا حبيبي
مو سهله لمن تبتعد ، فرگاك عندي شكبره
مو حيلي ذاك البيه قبل ، وعيوني صارت حمره
مثل السعف ضهري نكسر ، وتخيل انته الفكره
اعثر كمت ردت اوصلك ، بچدامي دست جمره
بويه بس رايدلي كلمه كلمه ،شيعوض الفاكدله زلمه زلمه
عايش شصرت كلي بنقص،النسمه اذا اشتمها اغص
ياحبيبي
بطيحتك بويه انتهينه انتهينه
او قصتي صارت حزينه حزينه
للخيمه ما اكدر ارد ،فرگاك نار بلا برد
يا حبيبي
عايلي لحضه او خل ارد، معقوله ما تسمعني
انه ادري گلبك بيه نبض ،يوليدي بس افهمني
شيصبر امك لو درت ، او بعدك منو يصبرني
انطيني چفك خل نرد ، او بيدك علي رجعني
طيحتك شيبتلي راسي راسي ، التمت اعليه المأسي المأسي
ليلي اعيشه بلا ضوه ، وخلافك اشثگل الهوى
ياحبيبي
بطيحتك بويه انتهينه انتهينه
او قصتي صارت حزينه حزينه
للخيمه ما اكدر ارد ،فرگاك نار بلا برد
يا حبيبي
هاك ايدي خل نرجع سوه، دليني امشي الدربك
عطشان اجيتك يلولد ، والعطش ماخذ گلبك
بالعشره احلفنك ترد ،خليني اشمه النحرك
من عمري انذرلك عمر ، يوليدي فدوه العمرك
لحضه سنيني شيردها شيردها،عيوني عميت من حزنها حزنها
ايامي خلصت بالقلق ،خليني اقراها الفلق
يا حبيبي
بطيحتك بويه انتهينه انتهينه
او قصتي صارت حزينه حزينه
للخيمه ما اكدر ارد ،فرگاك نار بلا برد
يا حبيبي
الشاعر ؛ علي صبيح الحميداوي
▪️▪️▪️▪️▪️
لمّن انعه احسين وانقل مصرعه
اشلون احاچي ام البنين الاربعه
من تناشد عن ولِدها ابدمعة العين
▪️▪️▪️▪️▪️
يبو الباقر آنه حاضر
ابطاعتي الأمرك
الگلُب ذايب يالمصايب
كربله اتقهرك
گتلي بالهمّ يبن حذلم
هالوصل دورك
اسبگني واِسعه احسين إنعه
تدخل انتظرك
حين تنعه هناك تحضرلك مره
ابهونك اخبرها تراها امحيّره
فاگده اربع ولد كِلهم ميامين
▪️▪️▪️▪️▪️
عله مهلك سولفلها
من تصد ليها
إحچي مُجمل لا تفصّل
من تحاچيها
فگْد الاربع ما يهمها
لا تهِم ليها
خبر واحد من صدمته
الراح يحنيها
إحذر اتفصل الجره وكت الذبح
امن الحزن لابد تون او تنجرح
يا بشِر ام الغياره اتموت بالحين
▪️▪️▪️▪️▪️
شلون ادخل للمدينه
وانعه ابو الاكبر
صعبه أسرد هالمصيبه
گلبي ما يگدر
شلون اگلهُم يهل يثرب
گطعوا المنحر
أبو اليمّه صار جسمه
وذر واتطشّر
شلون اگلهُم عله صدره المنسحگ
والسهام الطاحت ابجسمه رشگ
آه يا جسمه التوزّع عله الصوبين
▪️▪️▪️▪️▪️
اسلمت أمري بهالرزيّه
للعلي القهّار
ادخلت ناعي للمدينه
والدمع مدرار
لا مُقاماً بعد الكم
يعمر بهالدار
احسين دامي او راسه باقي
عالرمح يندار
ابلا رجال او لا علم رد الضعن
بس علي واوياه عمّاته إجن
امن الطفل مذبوحه كلها لحد الحسين
▪️▪️▪️▪️▪️
حرمه اجتني ابظهر محني
گرّبت منّي
هذي امّه لابو فاضل
صاحت اسمعني
عوف ولدي بشِر عنهم
لا تخبّرني
عن إمامي او تاج راسي
الآن جاوبني
صحت يم الاربعه ابطف نينوه
البگه براسچ ولدچ انذبحوا سوه
فدوه گالت كل بنيني لابن ياسين
▪️▪️▪️▪️▪️
يبن حذلم اسمعِت صاحت
والدمع ساجم
ولدي واهلي وآنه فدوه
لكل بني فاطم
ما يهمني وضع ولدي
هذا مو لازم
ابو اسكينه المهم راجع
بالضعن سالم
لا تنطرينه انگطع منّه النحر
إجت زينب إخته محنيّة ظهر
شاركيها بهالمصيبه يم البْنين
▪️▪️▪️▪️▪️
ابو الحسن الوائلي
▪️▪️▪️▪️▪️
تضل كل عمري دمعتي تجري
وادگلك صدري يا حُسين
▪️▪️▪️▪️▪️
عهد مني يبو الاكبر اضل أحيي مصابك
انا الخادم وابن خادم النذر عمره الجنابك
انعگد چنّه علگ زاير اصد عمري اعله بابك
ابد ماله الذهب قيمه اذا قِسته ابترابك
انه وعيونك عدم من دونك
افتخر مجنونك يا حُسين
▪️▪️▪️▪️▪️
فلس آنه فلا أسوه قسَم لو ما خِدمتك
عليّ فضلك جِزه حدّه چبيره يا نعمتك
اعرفت الله يبو اليِمّه تراني من عرفتك
عسن روحي اطلعت منّي اذا يالغالي عفتك
أعوفك زحمه أعوف النعمه
يـ أجمل كلمه يا حُسين
▪️▪️▪️▪️▪️
فلا جازي ربع فضلك لون عمري ايتقدّم
السنه كلها انه ميّت وارد أحيا ابمحرّم
وحگ نحرك فلا أكدر أموت ابلايه مأتم
من المهدِ الى اللحدِ محبتك تبقه بالدم
محبتك ربحي اصيح ابجرحي
مسيتي او صبحي يا حُسين
▪️▪️▪️▪️▪️
اويه كل خفگة گلُب اسمك يمولاي ايتردّد
اويه كل دمعه التهل ذكرك بالارواح ايتجدّد
العيون اتحِب مدامعها التسيل اتشرّف الخد
يجي اويانه ابمآتمنه نحس جدّك محمّد
تصب ادموعه او يدگ اضلوعه
او يصيح ابلوعه يا حُسين
▪️▪️▪️▪️▪️
يبو الاكبر تجارتنه معاك اعظم تجاره
صفه انشوفه الربح بيها ولا بيها خساره
الذي ايحبّك ولا تبرد وسط گلبه الحراره
تره الترضه عليهْ انته يفوز ابكل جداره
ابثيابك لازم أهدّك واهم
اضلّن خادم يا حُسين
▪️▪️▪️▪️▪️
ابو الحسن الوائلي
امنل مدينه اتوجهوا من عميه العيون
بويه سفرتكم طويله وماترجعون
عيوني بس تجري دمه كلبي شاب من الضمه
طفله وعليله طفله وعليله
بويه سافرت ورحت عن دار اهلنه
حملوا كل الضعن أهل المحنه
وبسفرتك بويه ياهو يلم شملنه
راحو اعزاز الكلب شيردهم النه
ادعي يابويه تردلي بسلامه.
حته ليلي اليكضي ماكدر انامه
صعبه ابقه ماروح. دنيا راوتني الجروح
طفله وعليله. طفله وعليله
*****
ابد مالايگلي ابقه آنه بالدار
وحشه كلش مضلمه من كل الاكتار
بروحي لو تدرون بيها تشتعل نار
يافگدتكم ياهلي ماعرف اشصار
انتضركم ياهلي يم عتبت الباب
الحزن والضيم بيه وجرحي ماطاب
ياهو إليه بغيبتك. بويه فدوه مرؤؤتك
طفله وعليله. طفله وعليله
******
عمه زينب ردي لو لحضه إليه
جيبي وياج العمر اختي رقيه
ابچي وانحب ياهلي صبح ومسيه
الموت اهون عندي لافارگ صفيه
ياهلي ردو إليه لو بالأحلام
بيتي خالي ولا أهل يقبله الاسلام
لاخبر منكم رجع. انه كل ليله انفجع
طفله وعليله. طفله وعليله
**
الساتر الله بهل المنيه بويه يحسين
خلافكم ماعندي والي وتهمل العين
اكتب أحزان العليله عل الحياطين
يارحيل العايله االؤعني مرتين
حملوا لا اخوه عندي ولا خواتي
يمه عبدالله ارد اشمنه غلاتي
لا أهل عندي بقو. حملوا للطف مشو
طفله وعليله طفله وعليله
*******
شاهدت بالرؤيه ضعن اهلي يتعبون
عمي ياكافل خدر يانور العيون
وي صوركم احجي ماضنكم تردون
وأنه ليلي گوه يگضي عمه يم عون
ترفه روحي شيحمل همومي الثجيله
خلصت امالي وتعب گلب العليله
طير جنه رويحتي ياهو إليه ابمحنتي
طفله وعليله. طفله وعليله
*****
محمد سعد البديري ✍️✍️
عباس متحاچيني
انت الگمر ضي عيني
خويه .....خويه
____
واكع بهل الحاله
مارحمت* الچتاله
لو تجي. ارتجي ...خؤؤتك ماملهه
اخوي طايح ضامي
رجعته احلامي
والسبي ... والمشي .... قصتي شي حلهه
صحت ومايجيني
عباس متحاجيني
******
خويه خل اشكيلك
متعوب ياخي حيلك
انسلب....... انضرب ....جنت مامتوقعه
حسين عاين حالي
بعدك هظم يجرالي
انفجع. والدمع........ ما اضن لك رجعه
بحلم لو تجيني
عباس متحاجيني
******
ذبلن يخوي عيوني
ناطره تجوني
المحن ....... الضعن ......... تعبت روحي وحالي
عباس اشوفه تحير
بروحه شنهو اتغير
انتضر والصبر والدمع يجرالي
جمره بروحي تچويني
عباس متحاجيني
*******
ردت اكلك كلمه
حسين ياهو اليمه
ينترك...........ينسحك ........كلشي ماضل منه
حسين جسمه الطاهر
صدره مو للحافر
حايره.......صابره .....لرجعته اتمنه
وحدي لتخليني
عباس متحاجيني
*******
وكتي شو آذاني
فارگيت اخواني
انجرح........... انذبح......... صعبه ابقه لوحدي
ؤنتي مسموعه
لخوتي مفجوعه
حسرتي ......... لخؤتي ...... كل شي راح من أيدي
خؤتي وياحنيني
عباس متحاجيني
*********
محمد سعد البديري ✍️✍️
خوية وينك وينك
خوية فدوة لعينك
يا أبو الفضل
ــــــــــــــــــ
قلبي ينشد وينك خوية راعي الموزمة
يالكفلت ضعوني روحي بيك معلمة
للضعن كفالة اني هسة محزمة
يالوفيت اوعودك يا امير الغانمة
هذا نصر لدينك
خوية فدوة لعينك
يا أبو الفضل
ــــــــــــــــــ
من جروح الكوفة هالرجعت لكربلة
بقلبي جمرة خيمة قلبي بمصيبة ابتلة
تشرب من ادموعي خوية ردني مبللة
خوية كثر اسهامك قلبي شوغات امتله
خوية شمجازينك
خوية فدوة لعينك
يا أبو الفضل
ــــــــــــــــــ
يا عمود الخيمة يالوكعت اعله الثرة
هامتك شجوها عالشريعة مطشرة
دورت جفينك خوية ليش مبترة
من نظرت لحالك والله خوية محيرة
حيرتي لجفينك
خوية فدوة لعينك
يا أبو الفضل
ــــــــــــــــــ
خيمتي الحركوها وختنك حتى الهوه
جفي من طفاها جفي يا خوية انجوة
ياكمرنا العالي هسه احنه بلا ضوه
يا أبو فاضل دونك ما نعيش بلا لوة
انهض امتانينك
خوية فدوة لعينك
يا أبو الفضل
ــــــــــــــــــ
وي امانك روحي يالاخو يابو الفضل
جنت أميرة بجالك هسه مسبيه بهزل
ايدي جانت بيدك هسة مشدوده بحبل
هذا يوم اجروحي يختلف عن القبل
ما نسيت سنينك
خوية فدوة لعينك
يا أبو الفضل
ــــــــــــــــــ
راح اودعك اني قلبي يبقى اعله النهر
على الشام وداعي ديرة الهم والقهر
والشماته هواية ننخزي كثر النظر
اصبر اعله همومي واحمد الله اعله القدر
نمشي ومخلينك
خوية فدوة لعينك
يا أبو الفضل
ــــــــــــــــــ
الشاعر زين العابدين الشمري
صلى ياعباس گلبي عليك صلى
وداعت الله ياكفيلي وداعت الله
الموت هلفرگنه خويه شلونه بالله
حيلي ياگمر حيلي راح وتفرهد دلالي گبال عيني
وينك هل صحت وينك. هاي اول مره اصيح وماتجيني
رايه ياهوه الرايه والله مخنوگه وگطع گلبي ونيني
ها عباس وشلون
تعوف حسين وام عون
بس حاچيني يابعد اهلي
ترا حتاجينه هواي
بقينه بلايه حماي
رد ماريده عوف الماي
وينك هل محتاجك حسينك. وينك
———-
حسين تدري من غيابك طوله حدب
وعثر چم مره ويصييح خويه زينب
يضحكون واخوج حسين ينحب
يمشي گوه من يمشي يعثر وماكو زلم ينخه بخواته
صعبه ياگمر صعبه حسين يبچي وتضحك عيون الشماته
خوفي ياكبر خوفي خاف يموت حسين ويركضن بناته
يطيح وساعه يگعد
عثرته بگلبي تمرد
هسه شلون بهاي الحيره
اروحن الك لحسين
خيمنه بس نساوين
شيب گلبي يابو الغيره
وينك هل محتاجك حسين وينك
———-
من وصلك چان ميت من وصلك
گتله خويه من سمعه شنهي گلك
راد يكلك لا تموت وكال احبك
خويه من گلت خويه راد يشبگك بس سهامك ضايقنه
عيني فدولك عيني حسين من حچايتك حس بالمحنه
راحت عشرتك راحت ليش ماگلتنه خويه من زغرنه
رد احچيها عباس
خلها تسمع الناس
انا اشريها الخوه بعمري
چا هسه العمر راح
خويه بوكت ذباح
تدري بعوزك كاسر ظهري
وينك هل محتاجك حسينك وينك
———-
حتار لو رد لخيمنه شلون رده
حسين ضل بطرگ روحه هاي شده
وحده ودموع على خده حسين وحده
خيمه رجع للخيمه من دخل طيح عمدها يا ضوانه
يبچي يلطم ويبچي يكول لو عباس عاش وميت انه
ويلي خويه ياويلي منهظم خويه وسمع ضحكة عدانه
گال ام ضعنه
راح الگمر منه
وهسه حسين مفارگ روحه
گتله شلون يحسين
گال بلايه چفين
فايض دمه بكثر جروحه
وينك هل محتاجك حسينك وينك
——-
محمد عيسى المنصوري
أبيش يلتمن بناتي
حرگو الخيمه عليهن ..
وبالضهر طلعن خواتي
غصب طلعن مو بديهن ..
تراگضن وحده علوحده
وزينب أختي تهدي بيهن ..
محد گالهن چا وين أبوچن
محد گالهن چا وين أخوچن
ولاگالو خطيه وين ترحن
مامش بس أرگضن لانچيچن
ماكو وي زينب شخص لم الزغار
ماكو واحد گال أبوچن وين صار
هاا شعدچن طالعات بهالنهار
-
راگضه الخيل علحيلي
وبعد ماخلتلي حيل ..
مو الصدري أنمد شليلي
ولالچن ردن يخيل ..
فارشه الزينب تجيني
وماتروح الدنيا ليل ..
هلا بريحت أخوتي الضاله وياي
هلا بم عون أخيتي أدني لحذاي
هلا بمي وابوي وكلشي لحسين
زينب أنتي؟ شو متغيره هواي
عثرت ومدمعها ماباچايته عين
أنه متعوده علصوتك يالحنين
شلون أضل بدنيا مابيها الحسين
-
ياهو أحشمه ويفزعلهن
كل زلمهن رايحين ..
عالنهر مذبوح عمهن
مالهن ضل كل معين ..
ياهو تكسر گلبه زينب
أتذبحو ربع الحسين ..
بس زلمه عليل وحيله خاوي
يشاگف ضال عن متن العلاوي
الذابح گلبي زينب ضاله تلوب
يابلوه التفض وتمر بلاوي
منين أجيبلهن بعد عباس مات
فوگ جمر أخيامي رگضن خايفات
وحيل هاظم گلبي ياحال البنات
-
حاولت بلك الله أگومن
حاولت بس زحمه هاي ..
هدومي باگتهه الأجانب
عاري ضال بلايه راي ..
اللحمد الله الطف سترني
صاير أترابه غطاي ..
كلشي نباگ مني وضال مسلوب
متعوب وعلي علم عون متعوب
الضعن ذبحو چبيره وراسه شالوه
چاا ضعن اليضل أبيش مطلوب؟
ماكو ضل بضعونه يحامي ورفيچ
وجرح گلبي عللحرم كلش غميچ
وهاي دنيا ومادوم وي الصديچ
رسول رياض
اخر اشاره وگلبي محروگ
للكوفه ماخوذه عله النوگ
يحسين فدوه ارفعلي يمناك
ودعني باجر يگتل الشوگ
،،،،،،،
گوم انهض ورد للمدينه واحديلي الضعون
نوگ الهزيله وانت تعرف باجر يشتمون
الحادي مايرحم عليلك لا يرحم ام عون
،،،،،،
للكوفه ودوني
مو هينه يسبوني
عدواني يحدوني
انه العقيله
كلفه الجره عليه
فوكاها علويه
مشوني مسبيه
وناگه هزيله
،،،،،،،،،
من طحتو يحسين .. وين الدرب وين
مانعرف امنين .. ودروبي ضلمه
حال اصعب الحال .. ودونه بحبال
فوكها چمال .. ماعنده رحمه
،،،،،،
للكوفه جابونه للكوفه جابونه
>>>>>>>>>>>>
لمن وصلنه الدار اهلنه
اشتاكينه ياخويه الشملنه
جانت قبل متروسه خوان
فوك الترب عفنه المحنه
،،،،،،،،
مشتاگه اگعد والله وياك خل نبقى عدلين
ناديت من فوك الهزيله يبن امي ماشين
من هسه راح اصبح غريبه اعذرني يحسين
،،،،،،
دار الغرب صارت
والوادم احتارت
وين الاهل راحت
عفناها كلنه
ياخويه بالكوفه
دار اهلي ماعوفه
وين الله ونشوفه
راعي المحنه
،،،،،،،،،
والدنه ابو تراب .. ويشوف المصاب
بس هضمه الباب .. تخنك ابونه
ضلمو اهلنه .. وحرگو خيمنه
وطايح علمنه .. وبعدك ولنه
،،،،،،،،،
للكوفه جابونه للكوفه جابونه
>>>>>>>>>>>>>
قصر الاماره يطلع الروح
والخله زينب تبجي وتنوح
خلو اخوي اگبالي برماح
مذبوح راسه وگلبي مذبوح
،،،،،،،،،
طك گلبي خويه بشوفت الراس مرفوع برماح
لا يرحم الله الشالك هناك ماهمته اجراح
جا يمتى نوصل گلي يحسين بس هوسه وصياح
،،،،،،،
ياخويه تعبانه
بنياتي عطشانه
ونريدك ويانه
تنزل ع الگاع
ونشربك اميه
وتشبگك ارقيه
تشكيلك شويه
من هاي الضباع
،،،،،،،،،،
يا خويه يحسين .. لا رحمه لا دين
ذوله الملاعين .. كلهم اذيه
ماعدهم احساس .. تتشمت الناس
ماتت على الراس .. بنتك رقيه
،،،،،،،،،،
للكوفه جابونه للكوفه جابونه
>>>>>>>>>>>>>
اشگيلك من الصار وياك
الماي هيج ابن امي خلاك
امفطره شفافك والخيول
تشرب الماي وتعطش شفاك
،،،،،،،،،
انت التروي كلشي عطشان بس هسه عطشان
الجان راحه بكل تعب ليش شو نام تعبان
وين الله وترد بينه الايام يخواني يحنان
،،،،،،،
ما اكدر بدونك
مشتاگه لعيونك
هيج ويخلونك
هم يرجع الحيل
انت اغله من روحي
وجروحك اجروحي
مايكضي الك نوحي
ودموعي بالليل
،،،،،،
للكوفه والشام .. واطفالي الايتام
عشناهن ايام .. صعبه وعجيبه
احنه العقيلات .. جنه اميرات
طبينه شمات .. طحنه ابمصيبه
،،،،،،،،
للكوفه جابونه للكوفه جابونه
اللهم عجل لوليك يا رب الفرج
#احمد محمود
هايهيه
خلصت الدنيه بعد من مات الحسين
هايهيه
ضلمه صارت والدرب رايدله عيين
هايهيه
بالسبي مادري خويه لو رحت وين
،،،،
هذا حال اليفكد اهله
ويا اهل بس الله يعلم
وين اروح والمن اشكي
وياهو بعدك بيه يفهم
زينب الجانت اميره
وهسه محد بيه يهتم
،،،،،،،
انه ام الدلال ام الحميه
صعبه ابلا اخو امشي سبيه
يحسين السبي مو هين وياي
اطفال وعلاوي الهاشميه
،،،،،،
اكعدلي خويه اكعدلي خويه
>>>>>>>>>>>>>
والله صعبه
عيني ماشافت اخو مصيوب گلبه
والله صعبه
راعي هاي الدنيه كلها يعيش غربه
والله صعبه
الماي يمه وضامي مايكدر يشربه
،،،،،،،،
ضامي طاح وحيله طايح
والشمر ماعنده رحمه
فوك صدره وحز رگبته
وماكو حافر ما يحشمه
هدت الخيل اعلى اخويه
وداست بضلعه وتهشمه
،،،،،،،،
تالي حسين فوگ الكاع مطروح
الف وتسعميه جرح مجروح
مايكدر يگوم بصدره الاسهام
فوگ الضيم هذا ابن امي مذبوح
،،،،،،
اگعدلي خويه اگعدلي خويه
>>>>>>>>>>>>>
يا حبيبي
مو ربينه من الزغر ليش اتركتني
يا حبيبي
زينب انه ام الصبر بس موتتني
يا حبيبي
والله ماترهم اعوفك لو عفتني
،،،،،،
علمتني ابدونك اذبل
وذبلت حتئ عيالك
عايشه ابفيك يخويه
والله متعلمه ابدلالك
مو وكتها وهسه اعوفك
والشمس تاخذ جمالك
،،،،،،،،،
متغير عليه مو هذا لونك
يحسين العمر مايسوه دونك
جابولي الهزيله وحان الوداع
يكتل هجرك وداعت عيونك
،،،،،،
اگعدلي خويه اگعدلي خويه
>>>>>>>>>>>>>
الشام موتي
يسروني ولا اخو اليفزع اليه
الشام موتي
مد حباله الحادي خويه وشد اديه
الشام موتي
حسره لو ابجي عليك يصيح بيه
،،،،،،
هذا حالي وهذا حالك
متنه و بنفس القضيه
انت متحمل سهامك
والحوافر والاذيه
والجره ويصعب يخويه
بألاسم اصبح سبيه
،،،،،،،
انه ام عون وامدلله اخواني
راحو مني واحد ورا الثاني
كون انموت وياكم يلحنان
باجر بالغرب ضعني يعاني
،،،،،،،،
اگعدلي خويه اگعدلي خويه
>>>>>>>>>>>>>>
#احمد محمود
نزال شور
ابو فاضل شد حزمها ..رجف الكاع بزلمها
من الوصي موصايه
شمر درعه بصدر كاشخ...حيد يا شيخ المشايخ
كلف راعي حجايه
الفرس من يكرب قدرها ..من الثكل يكسر ضهرها
غضب شايل رايه
هوست بلطف بواتر هاشم
چنه بركان انهدم علوادم
من دخل ميدانه... الكاع دم عطشان
وركاب تحسب چفينه
وركاب تحسب چفينه
____
وصته زينب وصيه .. الماي جيب الماي اليه
ونعم كفالها
تنخته وفرع وجاهه ... غيمه وتمطر سماهه
من النهر جابالها
للمخيم جان حارس .. هوه مو كل ذكر فارس
بولفضل رجالها
شثكله من الدمه سيف البيده
معصب عيونه يجيب الصيده
الجيش وسط الحومه ... يخاف من ارسومه
عباس وحده مسويها
____
الحومه مخنوكه بهواها ... حجب عن الطف ضواهه
الضربه ياهو يشوفهه
درعم وشمر جثثها .. البس ابو فاضل يغثها
تشاردت بسيوفها
لكد مهره وشد عليها... الكوم مدري شصار بيها
موتت من خوفها
الــي مـن يـمــه يـمـر يـتـوازه
الرايـح بـطولـه يـرد جـنـازه
رسم بلطف صوره ... والركب منحوره
عباس حي الله جفوفه
____
زينب ومكثر عطشها ... شافته وبلل رمشها
نهر كلها وخادم
هيه مو كل خوه خوه .. عشره العباس حلوه
حاسدتها الوادم
هلهلت من شال غرفه .. شافها وكصلها چفه
عناد مارد سالم
العذب الخياله فوك خيولها
لجل زينب كل بعيده ينولها
شال فوك متونه .. ماي خوه بلونه
عباس وفه بذرعانه
علي مخيلف
( بين الحسين والعباس )
فوگ رماح ، تلاگو واحد يـم الثــاني
فوگ رماح ، صارلهم موعد ربّــــاني
سوالف مابين أحلى اخوان
تشبـه آيــــــات القــــرآن
فوگ رماح
———-
من بعد الذبح كِـلّه ، تلاگو قِبله يم قِبله ،
أول شوفه مو سهله ، بدت
الخِجَـل منهم على المنظر ، يدنگ راسه مايگدر ،
عينه بعين أخو مُجبَر ، اجت
محّد بكيفه يلتفت من راس اخوه ايجرحه
مايگدر يدير الوجه مرفوع راسه برمحه
واويلاه ، حسين يريد يدنّگ راسه
واويلاه ، من شاهد منظر عبّاسه
وزنوده الراحن قربان
تشبه آيات القـــرآن
فوگ رماح
——————
فَـضّ المِستحه حسينه ، وگام يسولف بعينه ،
خويه اخبار مو زينه ، الهلَك
الگبل لتطّيح بالحومه ، عندك بيها معلومه ،
التوجع خويه مضمومه ، إلـك
جيتك وظهري سنبله مابيها ميله وعَدله
ورديت ظهري سنبله كلها ثگل ومحَمله
خويه حسين ، هـــاي اول مره تناديلي
خويه حسين ، لومـــا گايلهـــا وباقيلي
بس طلعت من خوش انسان
تشبه آيات القـــرآن
فوگ رماح
————-
كل واحد ذِكر اخته ، وهنا رجعت السكته ،
منهو اليبدي سالفته ، صَعُب
حايِر عايَن الحايِر ، وزينب عالبچي تكابِر ،
وشما دارت تناظِر ، غرُب
عايَــن حسين عله الگمر وأشّـر بعينه عليها
معناها خويه من طحت عايِن منو اليحديها
راد يطيح ، من عايَن عباس اعضيده
راد يطيح ، چي مايگدر يصفگ بيده
الزينب ماظلّت وليان
تشبـه آيـــــات القرآن
فوگ رماح
———-
شاف الحِشمَه والعِـفّه ، والعين اللي ماتغفه ،
وعباس انترس وسفه ، وعفو
وسفه واختي تتلوّه ، وسفه وتمشي بالگوه ،
وسفه وفوگ مو جوّه ، الاخو
زينـــب ميسريها بحبــــل ومچتّـفه ومگيوده
هَد حسره من فوگ الرمح وصلَت اليـم زنوده
وسفه وحيف ، زينب مو عباس وياها
وسفه وحيف ، مو هاي الچنت اتمناها
بس زنودي عله التربان
تشبـه آيـــــات القرآن
فوگ رماح
———-
حسين عله الگمر عينه ، والعباس لسكينه ،
ينظر وابتده ونينه ، وخِجَل
لاهو الماي جابلها ، ولاهو اللي رجع الها ،
تبچي وزينب تگلها ، بطَل
عايَن على سكينه الگمر وتمنى يغمض عينه
چــي لا جِـربتــه الردّت ولا هـو رَد لسكينه
شگد خجلان ، عوّدهم مـن يوعد يوفي
شگد خجلان ، ويگلها المنعتني چفوفي
طاحت ياعمي الذرعان
تشبـه آيـــــات القرآن
فوگ رماح
—————
ياعبّــاس تقبلها ، الما طَلعت گبل ظِلها ،
طِلعت لليسر كلها ، بحَرس
بنيّاتي الشمر يمها ، ياخو حسين ياعمها
ودرب الشام من دمها ، انترس
يسولف حسين عله الحرم والگمر يمّه تدنّه
بس راس راح بــــلا جسم يعتذر رايــد منّه
ياعباس ، شنهو الظل وماسويته
ياعباس ، وعدك كفيته او وفّيته
وصارت بدموع الاحضان
تشبـه آيـــــات القرآن
فوگ رماح
—————
كرار الجوراني
(نزله السيده زينب ويزيد )
كِلها سكتت بالقصر .. الشمر والمو شمر
حان أذان الحره حان * والگمر شاهد عيان
—————
طبّت القصر الخليفه المو خليفه تشوفه
يزيد حاول يستفزها عالگمر وطفوفه
گالت اسكت لايسمعك انت عايز خوفه
خزرة عيونه تعادِل زوج من چفوفه
ربعك هنانه إستقِر .. زحمه يمهم تعتذر
يافلان ابن فلان * والگمر شاهد عيان
—————
من بعد هاي الإهانه أعلن استجوابه
ناده للقاده تعالو الفقط هي اتهابه
شمر طب هو وزمرته وكل وحوش الغابه
ليش زينب ماتخاف الكل يحضر اجوابه
ياشمر جاوِب الي .. گله زينب بت علي
أَحچي بس رايد أمان * والگمر شاهد عيان
—————
للشمر إنطه الأمان وسولَف بلا هوسه
گبل ليموت الخليفه ما انطاك دروسه
رحمه اذا تگظي بإهانه والهدِم ملبوسه
رحمه اذا تگظي بإهانه والرگب محروسه
يايزيد هنا وِجَب .. تحمِد الله بلا سبب
إحمد الله بس تهان * والگمر شاهد عيان
—————
ماسمحله كبريائه والنفِس ماقابله
مثّـل بدور الرجوله والربع متفائله
گام حاول يستفزها وصوت زينب گامله
گلها طيّحنه كفيلچ گالت آنه الكافله
انت ماعندك علِم .. مرَه بس أكفِل زلم
وانت اليكفلك جبان * والگمر شاهد عيان
—————
گلها شفتي شسوّه ربچ بيكم بمقياسه
هسه گولي شحال گلبج عالزلم وإحساسه
گالت السوّاه جميل وأحلى شي عباسه
والدليل براس إجاك وأعلى منك راسه
ابقى كيدَك كبّـره .. وإحنه نبقى انصغّره
هالامر واضح مُبان * والگمر شاهد عيان
—————
كيد كيدك واسعى سعيك عالحسين او وضّحه
نضحّي لأجل الدين فدوه وماندور مصلحه
الروس هاي الذبّـحتها باچر تصير أضرحه
يرتفع عرش الحسين وعرشك الله ايطيّحه
باچر السبعين إله .. شيعته تغط كربله
ومايكفيهم مكان * والگمر شاهد عيان
—————
كرار الجوراني
(رقيه والسيدة زينب)
—-
مابين التدري وماتدري ، تمشي وتسأل عن حسين
لكن رحمة ربك راسك ، متلوحه ابنيتك بالعين
ابنيتك طفله وراسك عالي
بس الغالي يحس بالغالي
تمشي وتسأل عن حسين
—————
يحسين الدرب طوّل ، و إلي تسأل ، وين حسين ووعوده
شلون ويمها ما أبچي ، شريد احچي ، وحرسها الشمر وجنوده
رقيه شلون اطمّـنها ، وأمّـنها ، وآنه چفوفي مگيوده !
اشتقنع من احاچيها ، وتراچيها ، الهاي اللحظه مفگوده
ها يحسين وخاف اتطيح ، وفجأه ولن تنظر للراس
شراح يگوّمها وتتحمل ، وتشوفك انت وعباس
وحال ابنيتك يشبه حالي
بس الغالي يحس بالغالي
تمشي وتسأل عن حسين
—————
رقيه حسين تشكيلي ، وخلص ليلي ، بحيره واسئلة وحرگه
شريد أنطيها معلومه ، وعلى الحومه ، ركضت وياها مختنگه
شلون انهدّي دمعتها ، وعبايتها ، من النار محترگه
شرد احچي وأهدّيها ، وعلى ايديها ، آثار السحگ تلگه
تسأل هيه وهيه تجاوب ، والحدما تتعب وتنام
واني أدعي الله ايخلص الشام ، ومدري شراح ايخلص الشام
خوفي ولا تقره اللي ابالي
بس الغالي يحس بالغالي
تمشي وتسأل عن حسين
—————
تسأل وآنه أدنگلها ، وأصد الها ، واخلّي عيونها بعيني
حتى الراس لترفعه ، ومنو يرجعه ، من تنشاف يحسيني
اوصّي بالحرم كلهم ، وأگللهم ، التسألهم يحاچيني
خاف أحد يجاوبها ، بمطالبها ، عفتهن بينها وبيني
آني ادري ومحد يتحمل ، من تسألهم عالوليان
منهو البيكم مادللها ، شلون يسكتوها النسوان
منهو يجاوبها ويبرالي
بس الغالي يحس بالغالي
تمشي وتسأل عن حسين
—————
والخلاها تقلق حيل ، نص الليل ، تبچي والشمر يضحك
واخلّي ايديّه بيديها ، وأهدّيها ، لايجرحها ويجرحك
اخاف ولا يسويها ، ويجي عليها ، ويرفع راسها الرمحك
تخيّل هالقلق كله ، منو ايحِمله ، هنانه الموت اليريحك
عين اعليك وعين اعليها ، بين الخوف وبين الشوگ
خاف ولا ترفعلك راس ، وخاف ينزلونك من فوگ
كل هالخوف بنص دلالي
بس الغالي يحس بالغالي
تمشي وتسأل عن حسين
—————
اجتّي رقيه أولهن ، وإجن كلهن ، بمصايب كربله وشرها
كلها التمت اعليّه ، فرد جيّه ، من أكبرها لأصغرها
وحده تريد عبدالله ، منو يحصله ، وحده تريد أكبرها
وحده محضره هلهوله ، ونگص طوله ، وكِسر ويّاه خاطرها
هاي التبچي عله الكاروك ، وهاي التبچي عله العرسان
وهاي التبچي تريد الماي ، وهاي التبچي تريد اخوان
وهاي التبچي تريد الوالي
بس الغالي يحس بالغالي
تمشي وتسأل عن حسين
—————
ماتبقى عله حالتها ، وموتتها ، ماظن راح تخطيها
بقصره يزيد تاليها ، يصد ليها ، من يسمع بواچيـها
خاطر تهده دمعتها ، ويسكتها ، راسك خويه ينطيها
خاف وعايزه جروحي ، أجي بروحي ، اغطيك وأغطيها
هاي اللوعه وهاي الدمعه ، وهذا النوح وهذا الصوت
محد يگدر ويسكتهن ، بس شوفت راسك والموت
وتخيل شنهو اليجرالي
بس الغالي يحس بالغالي
تمشي وتسأل عن حسين
—————
كرار الجوراني
( مابين زينب والعباس ع في طريق الشام)
حتى يجرحو ويجرحوني
خلّو راسك فوگ عيوني
جابو يم زينب حراس .. گدام عيونك عباس
حتى يجرحو ويجرحوني
———
بمشيئة ربك وأمره ، طلعنا ويه الجنود أسره
بحبل كل احنا ياعباس ، نشبه سبحة الزهره
گيدونه بحبل واحد ، فاگد يسحب بفاگد
ويشتمون اخوك حسين ، ويشتمون بالوالد
التهضم اختك وتبچيها .. الناس التشتمها تأذيها
ومن نحچي يأذون الراس .. گدام عيونك عباس
حتى يجرحو ويجرحوني
——-
منهو موصّي هالمِلّـه ، الشيّال الرمح خَـلّــه
راسك اعلى واحد صار ، حتى من أدعي أباوعله
هاك شويه من حالي ، ليل ونورك يلالي
وين انطي الوجه عباس ، صحره ووجهك گبالي
الشايل رمحك مابي غيره .. راسك كلما اعوفه يديره
يجيبه گبالي بلا احساس .. گدام عيونك عباس
حتى يجرحو ويجرحوني
——-
حيره ابّالي وجدامي ، السِمه متروسه بزلامي
وعنك من أدير العين ، الگه حسين گدامي !
راسي الحيره بعروگه ، الدم جوّاه ومن فوگه
أرفع راسي أشوفن روس ، أنزله جدام محروگه
الله يساعد جدمي وراسي .. مابين حسين وعباسي
حسّاس مگابل حسّاس .. گدام عيونك عباس
حتى يجرحو ويجرحوني
———
راسك خويه لتدنگه ، بينه اشتلگه ماتلگه
بنيّاتك واخت عباس ، المامحترگه مختنگه
خويه وإسمع اللوعه ، البناتك منها مفجوعه
حتى التبچي وبلا صوت ، عليها الدمعه ممنوعه
ممنوع الكافل نشكيله .. لانحچيله ولا نبچيله
ياخويه اليسبونه ارجاس .. كدام عيونك عباس
حتى يجرحو ويجرحوني
————-
الشام اتّعب دروبه ، وآنه بأمري مغلوبه
وبنات حسين ياخو حسين ، المامسلوبه مضروبه
الماعـِثرت يعثروها ، والتِـعثــر يضربوها
والتتحمل اللي يصير ، خاطر تبچي شتموها
گوه ويردون يضربونه ، والماضربونه يشتمونه
ذوله الوسواس الخنّاس .. گدام عيونك عباس
حتى يجرحو ويجرحوني
————
الشام ومن دخلناها ، اليشتم بينه يتباها
بعدك خويه ياعباس ، خوارج صرنا ترضاها
اليوجع گلبي ويجِرحه ، هلاهل عِدهم وفرحه
وراس ابن النبي مگطوع ، والدم نازل برمحه
دم حسين براسه بطوله .. وذوله يلاگونه بهلهوله
آخ شسوّت هاي الناس .. گدام عيونك عباس
حتى يجرحو ويجرحوني
———
كرار الجوراني