4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
(مقدمه درب السبي )
خويه عباس .. صد عينك الدرب السبي
خويه عباس .. ولتـركّــز بلـــون العِــبي
خويه عباس * خويه عباس
******************
انته مابيك أي سبب ، خاف تحسبهن عتب
خويــه معذوره من اسولفلك عليّـه
ويايه ام بلا حضن ، وطفله يم طفله توَِن
وسكنه مچتوفه بحبل من چف رقيه
يـــــاخويه إلمن اشتكي وبيمن أشــد بحيلي
منّـا شمر وي حرملــه ومنّــا حـــرَم تشكيلي
الچاتفنه يضحك عالحچي والمنچتف يبچيلي
خويه هالناس .. مـــابيهم اليحمل حچي
خويه هالناس .. لو ضحك عدهم لو بچي
خويه عباس * خويه عباس
******************
نمشي كل احنا بحبل ، اليوگف ايعثّر طفل
تخيّل بهالحاله يسروها العقيله
خويه صعدونه بهزل ، حتى مانمشي عَدِل
لأن يدرون احنا ابد ماعدنا ميله
إختك گبل يــابو الفضل مــايوم شافو ظِلها
ولمّن طحت يابو الفضل شافوها زينب كلها
هالحالـــه ماتِعقلها أبد لكن يخويه إقـبَـلها
خويه بالشام .. الماچان ظلّي يشاهِده
خويه بالشام .. باوَعلي وآنـــه امگيّده
خويه عباس * خويه عباس
******************
خويه والكلش صعب ، گبالك أمشي ويه الغرب
بيّـه خوفه ومستحه ولوعه وملامه
تشوفني وعندك عِلم ، گبالك امشي ويه الزلم
وأنضرب گــدام عينــك يامه يامه
ما أنهضم من الضرب والســـوط مــايوجعني
وما ابچي خويه من الألــم والصار مايهضمني
التهضمني كـــل ذنّــي جِرن وعيونك يشوفنّي
گلبي مجروح .. ولا بيه اصيحك عالجرح
گلبي مجروح .. ولا بيـــك تنزل من رمح
خويه عباس * خويه عباس
******************
العبي ولون الوجه ، تغيّر ومامشتبه
خــاف تسأل هاي انتي بـــالخــرابه
نار ودموع وهجر ، بچي وسياط ويسر
وعين حمره وركض بالصحره وترابه
حقي يخويه لو صرت من اهلي مـامعروفه
ماطالعه بيتي گبل طبّـــيت شــــام وكوفه
ماترحم الناس الخِسر وگفت اخو وچفوفه
خويه الاطفال .. لو منسحگ لو محترگ
خويه الاطفال .. السِـلَم بيهم مخــتنگ
خويه عباس * خويه عباس
******************
كرار الجوراني
ختام عزاء💔
الجانت عقيله ... صارت نحيله
خويه وعليله ... يبن أمي الحال
كلفه ويجانب ... بنت الأطايب
وطب خرايب ... ومشدوهت بال
بالي أنشده يحسين
صارت علي صوبين
وتالي الدلال أحبال
بدرب السبي مغربين
يبن امي يبن امي
——————————————————
بحزاني أسافر ... وحدي أكابر
مكسوره خاطر ... ومالومه الروح
أنه وبناتي ... وهضمت خواتي
وساعت مماتي ... وتحدينه أجروح
حفنه الدلال وضاع
أتمنيته عود أمتاع
واحد ردت عوان
بس الرمح طماع
يبن امي يبن امي
——————————————————
الكلش هضمني ... يمكم شتمني
بسوطه ضربني ... ذاك الذباح
بگلبي صحتكم ... من حشمتكم
لحگوهه أختكم ... بلكي الله أرتاح
بسكته بچيت هواي
يغثني وگله الماي
شرخصك لون عباس
يبرالي هسه وياي
يبن امي يبن امي
——————————————————
الشام وعذابه ... وذيج الخرابه
ونوم الترابه ... ولاطب ديوان
مگيوده أديه ... وصاحو عليه
كلهم سبيه ... وين الخوان
مگيوده أخت عباس
طبت تصيح الناس
شماته كلها أتصيح
شو ما ألچ حراس
يبن امي يبن امي
علي الحاتمي
رسول رياض
يامولاي خدِّمتك ترفع الراس
~
الخدامه.. شرفنه.. وهويه.. وعلگ شلنهاها فوگ الگلب
حرزنه.. النشيله.. يمولاي.. رجانا الحـــــــضرتك نقترب
ضوانه.وشمسنه.. وضحاها.. ويدربك سيدي اشرف درب
يحظنه.. وبختنه. وخدمتك.. تلين سيدي كل صعب
يالذكرك يعطر هاي الانفاس
~
الخدم هاي.. عشيره.. او وديها.. يبو اليمه البچي والدمع
علمها .. اليرفرف.. بديها.. وعلى حبك فقط تجتمع
يطلعون.. عراضه.. ويهوسون.. فقط بس انته الك نتبع
يطبون.. مضيفك..يگولون .. طعم زادك فلا ينشبع
ينعمه وحگها بالخد كون تنباس
~
الكرامه.. خدمتك.. شرف هاذ.. يناله الصافيه نيّـــته
الحياته.. وخدمته.. الامامه.. تدگ يوم الحشر چِفته
يخيمه.. وتلمنه.. اليطبها.. اكيداً هالنعم شملته
ودعاءه.. ورجاءه.. ويناجي.. يشمله الباري ابرحمته
اليخدمك يابو الاكبر كله نوماس
~
اجرها.. الخدامه.. وفضلها.. فقط عند الله من تنحسب
البحر لو.. مداداً.. والاقلام.. الحبر يخلص ولاتنكتب
الحياها.. الشعائر.. بالحساب.. غدا يحشر بلايه ذنب
يمولاي.. رجيتك.. دعائي.. تدوم الخدمه لاتنسلب
رزق هاي الخدامه ماله مقياس
~
النهايه.. السعيده.. طريقك.. يمن دربك حسن عاقبه
العشگ هاي.حروفك.يالحسين.ترفعه سيدي مرتبه
الحياته.. هيامك.. يشوفك.. العقيده الصافيه ومذهبه
واليطيح.. تدركه.. وتغيثه.. يصاحب ماترك صاحبه
يتفاخر يضل مابين هالناس
~
حيدر بشار الدراجي
عيني بفگدكم سهرانة تظل عيني بفگدكم
من ودعتكم چفني ما غمض من ودعتكم
مهظومه منكم يعزاز الگلب مهظومة منكم
لـمـة شـمـلـكـم أحـنلهـا شكثر لـمـة شملكم
ذبلت عيني من يوم المشيتو
وخذيتو گـلبـي ويّاكم خذيتو
ويلااه يهلنه ظعنهم مغترب ويلااه يهلنه
-------------------
يـعـزاز گـلـبـي ذبّـاح الـهـجـر يـعـزاز گـلـبـي
ماشوف دربي من كثر البچي ماشوف دربي
حسيته مسبي گلبي ويه الظعن حسيته مسبي
ماخذني تعبي جدمي أمورم وماخذني تعبي
يـومـيـه الجدم طر المدينه
هلبت ألگه أثر من الضعينه
--------------------
آنـه ام الـبـنـيـن ومضيعه أربـعـة آنـه ام البنين
مشغول بحسين كل فكري لچن مشعول بحسين
مدري مشو وين بدروب الفله مدري مشو وين
بـس لا مـطـاعين كلهم عالثرى بـس لا مطاعين
گلبي اعله الظعن ظل ايتلاشة
گـلـب أم واحس كلهم عطاشة
--------------------
تعبانه وأسال مامنهم خبر تعبانه وأسـال
والدمع وشّل ونيني ما خلص والدمع وشّل
والـحـيـل هدّل من كثر النشد والحيل هدّل
جدمي تعلعل ألحگ كل ظعن جدمي تعلعل
ياظعن اليمرني أنشد عليهم
اگلهم ماسمعتو شصار بيهم
--------------------
صاح ابن حثلم يهل يثرب بعد صاح ابن حثلم
والشوف غيّم أركضتله بلاوعي والشوف غيّم
صار ايتلعثم عـرفـنـي أم الـولـد صار ايتلعثم
گلي انذبح هم التتانينه بصبر گلي انذبح هم
الله يـعـظـم أجـرچ يـأم البنين
التانينهـم خـلـصـو مـطـاعـيـن
---------------------
حسبالي عدلين مذعوره اركضت حسبالي عدلين
ويه النساوين ثـاري بس عليل ويه النساويـن
عـبـاس چـاا وين طايح عالنهر وچفوفه الثنين
يـا أم الـبـنـيـن وعـزيـزج مـنـذبـح يا أم البنين
مذبوحه الزلم فوگ الوطيه
وزينب بالظعن ردت سبـيـه
---------------------
حسين علي التقي
حـمّـلـن نـوگ الـسـفـر گدامي
والمرض حسيته بآد اعظامي
ردته أكلهم وحـدي لتخلونـي
ووصل للساني رچيف اجدامي
عثرة،، صار بلساني الحچي
حسرة،، بزاوية همي انتچي
كسرة،، وداعهم خلّص بچي
من ردت اكلهم،، بيه لسفرهم،، بس حالي يهضم
مابيه أگوم
كسرو دليلي ،، ماظلي حيلي،، من ذاكه ليلي
مامرني نوم
بويه حسين بويه حسين
-----------------------------
ردت اقنّع وآلدي اعله الگومه
اسحگت گوه اعالجدم ملچومه
أمـشـي گـدامـه ويـديـر اعيونه
رحت اخلي هدومي ويه هدومه
غربة،، وانه كاتلني الهضم
بويه،، گلته كلشي لاتضم
صعبة،، انه منك انحرم
من هسه اشوفك،، حزنك يطوفك،، صعبة اعوفك
بويه وغلاك
حاجيني چلمه،، لاعيني تعمه،، گوه ألزمه
دمعي بگفاك
------------------------------
گلت ما ينساني وانـه ابـالـه
وين ايريد ايخلني باليحلاله
ولو أمنيتي اصعد ويه ارقية
شما كمل هودج أصير گباله
بفكري،، گلت ماينساله احد
كسري،، خايفه ايكمل العدد
صبري ،، خلص والحيل انمرد
لكل هودج امشي،، دمعي اعله رمشي،، ماخله كلشي
وصعدو سوه
خوفي نساني،، گباله اتاني،، تعبي خذاني
وضاگ الهوه
------------------------------
وشـلّـتـهـا اعيوني وانه بحيرة
ماكو حل گبالي وامشي لغيره
گلت اروح لعمي واشكي همومي
أدخيله عندك گتله يابو الغيرة
عمي،، ترضه أظل مدوهنه
بهمي،، الليل مانمته بهنه
حلمي،، امشي وياكم انه
ويه الفواطم،، دلالي هايم،، ياگمر هاشم
سويلي حل
ياكون اسافر،، اوياكم واهاجر،، تعمه النواظر
لو وحدي أظل
-----------------------------
گمت اشوفن عمّتي اتحن ليه
أجت شبگتني وتصبّر اعليه
عمه اروح اوياكم؟ وگالتلي
شلون اشوفچ بالهزل مسبيه
كاسر،، خاطري حالچ صعب
باجر،، عمه نمشي يادرب
آسر ،، تره وبظعون الغرب
ياعمه باجر،، تعمه النواظر،، نمشي ونكابر
فوگ الهزل
اكبر هضيمه،، ماعدنه خيمة،، بظعني جريمه
يحدي النذل
-------------------------------
حسين علي التقي
مولاتي العليلة ع
راح أنتظرك ،، وأصبر ما باليد كل حيلة
يذبح هجرك ،، تدري بحالي وآنه عليلة
يـدواي وبـفراگك علتي
راح اشتاگ لچلمة بنتي
يارب صبرك،، تدري بحالي وآنه عليلة
-----------------------
آخر ليلة حد وجه الصبح أنطر
گعدت انه وخواتي بسفرته انفكّر
نسيت العلة گد ما گلبي مستبشر
گلت هسه ابوي بهودجي ايحضّر
من الفرحة ماحل نومي
يم ارقية امخليه هدومي
وانطر فجرك،، تصعدني من قبل العيلة
-------------------------
خـلّـص لـيـلـي وانـه لهاي ملهوفة
يجي باجر واخلي چفوفي بچفوفه
أشبگتني ودمعتك يابويه مذروفه
أحجي بگلبي كتلك كبرت الخوفه
من گتلي بهاي تعذريني
گتلك أكدر ياضيّ عيني
لا ما أتعبك،، والرايحله أكدر أمشيلة
---------------------------
حسيت برحيلك ماله أي رجعة
لأن آخر نظرتك جانت بدمعة
حلفتك اخذتي بداعت البضعة
ساكت بس أنينك سمعته السعبة
لونك يتغير كل ساعة
وصَبّرت بگلبك وأوجاعه
گلبي يعذرك،، الله وياك وكل تسهيله
--------------------------
گـتـلـك راح أتاني منك اخبارك
ودارك يعني گبري بغيبتك دارك
خليلي اعله بختك واحد امبارك
بعد حزني وهمومي ويامن اتشارك
يالماخذهم كلهم غفله
خليلي امبارك عبدالله
بي من عطرك،، بفراگك يابويه أشكيله
---------------------------
الهوى يخنگي بويه بالنفس جارح
أحـس بـهـذا دربك للـذبـح رايح
شفت الغربة بعيونك وألم سارح
تـصـدلهم عطاشة والظعن نارح
وتصد لظعنك بالهيمة
وزينب محتاره بلا خيمة
ينزف جرحك،، وحوافرهم بويه ثگيلة
----------------------------
حسين علي التقي
اللهم أجعل محياي
دمعةً للحسين
في عزاء الحسين
على حب الحسين
------------------------
اللهي أجعل حياتي خدمته وحبه
واجعلني وجيهاً مرتجي بدربه
اللهـي اجعلهُ اول زائـر الـقـبـري
واجعلهُ شفيعي بساعتي الصعبة
اللهم أقبل عذري
ياسميع الدعاء
وألهمني البكاء
على حب الحسين
------------------------
اللهي لا تزغ قلبي عن الخدمة
وخلي گلبي بس حسين ملتزمة
لا تشغلني بالدنيا عن اجروحه
ولا تسلبني دمعي لجرح ابو اليمه
اللهم اشْدُدْ أَزْرِي
بمصاب الذبيح
وأجعلني قريح
على حب الحسين
-----------------------
اللهي لا تُنَسّيني مصاب الطف
وعلى المثلي اللهي بكربله اتلطف
وأشغل كل جواريحي بهوى الحسين
و أزرقني دمع لمصابه ماينشف
اللهم أجعل ثغري
بذكره لهجا
وقلبي هائما
على حب الحسين
------------------------
اللهي أجعلني منن يسعدُ فاطم
لمرضاها مطيعاً خادماً لآطم
ليّن قلبي حينَ العِبرة والعَبرة
وأجعل كفي في كف الهدى لازم
اللهم قوّي على
سعيي للرضاة
وأرزقني حياة
على حب الحسين
------------------------
اللهي أزرقني نصرة آخر العترة
كحّل عيني منه سيدي بنظرة
ثبتلي قدم صدق بظل غيابه
أنتظار ام البنين أرزقني انتظره
اللهم أكحل عيناي
بأمام الزمان
وبهِ المستعان
على حب الحسين
-------------------------
حسين علي التقي
حزني عاشور،، عمري منذور
للحسين ومصابه،، دمعي فاتحله بابه،، وللجزع باب
كلها ساعات،، وتعله الآهات
للخيام الغريبة،، وللجسوم السليبه،، الفوگ التراب
كبل لا يوصل محرم ناصب بگلبي عزاء
ونيّتي بهاي الليالي دمع نصرة لكربلاء
بيوم عاشر أدمي راسي وبلطم مالي اكفتاء
هذا شهرك ماكو أعظم عندي من شهرك،، حسين
بهل الليالي ما أدور بس رضاة امك،، حسين
--------------------------
أنه كل عام،، بهاي الأيام
مصيبتك حيلي تهدم،، طيحتك گلبي تلچم،، ضامي عريان
من اسمع الصار،، وانته محتار
مابين خيمة خواتك،، مابين صرعه فراتك،، وانته عطشان
حيرتك بين المخيم والهوه جنب الفرات
وحيرتك بيدك رضيعك جبته لأمه ضامي مات
وحيرتك حرگ الخيام وركضن بهيمة البنات
حيرة ياهي المنهن اكثر شالعه گلبك،، حسين
بهل الليالي ما أدور بس رضاة أمك،، حسين
-----------------------------
اقل شي كون،، أعمي العيون
وناري تبقى بدليلي،، لغربتك فدوه حيلي،، بهذا المصاب
مصابك اچبير،، وهذا تقصير
ما عميت النواظر،، وانته عالشاطي باجر،، تشوف العذاب
آخ يا باجر كسرتك من عضيك يُستجار
وطيحته يعني بعيونك ينگلب ظلمه النهار
ولو هوه ساقي المخيم تبقى عطشانه الزغار
من تطيح الرآية يعني ينكسر ظهرك،، حسين
بهل الليالي ما أدور بس رضاة أمك،، حسين
-----------------------------
كربلة جروح،، ودمع مسفوح
لا مايخلص بچيها،، والسبعة ناحت عليها،، بدمع سچّاب
الزهرة بمصاب،، وفوگ التراب
عدها ابن ويلي عاري،،ظل بشموس الظهاري،، بدم الخضاب
دمعي ويه الزهرة باقي شما بقى بيها ونين
تبچّي كل اهل السمه بشهگتها لو صاحت حسين
وانه ويه الزهرة انوح شما مشت بيه السنين
بيك مفجوعة ولگتّك منگطع نحرك،، حسين
بهل الليالي ما ادور بس رضاة أمك،، حسين
----------------------------------
شلون نرتاح،، وعالرمح راح
راسك ويه السبيه،، وجسمك اعله الوطيه،، بحافر انداس
هااي متصير،، زينب تحير
بالظعن تحدي اجانب،، تالي تدخل خرايب،، جبيرة ياناس
قبل ما صارت يوادم بالعرب هايه محال
الهاشميه شلون تالي تمشي مچتوفه بحبال
اعليها محروگة خيمها وابو اليمه اعله الرمال
عگب ذيج العشرة بالله شلون ودعتك،، حسين
بهل الليالي ما ادور بس رضاة أمك،، حسين
----------------------------------
حسين علي التقي
حيرة مولاتي ام البنين ع
والله حيرة
من تروح اعزاز گلبك
وعازتك الهم جبيرة
والله حيرة
بهل الظعن كلمن تحبه
رايح وتعرف مصيرة
والله حيرة
من تظل بعازة أهلك
الدنيا بعيونك زغيرة
من گلبك ايگرّصك عليهم
بكل دمعة تتذكر حچيهم
بس تدري مامش رده ليهم
الفراگ اشلون. كابوس احلام
كل لحظة اتصير. بفرگاهم عام
--------------------------
بسد ضياعك
اتاني ياگلبي بهجرهم
ودمعك ابليلك متاعك
بسد ضياعك
حته بيتك هم يغربك
تحس گاعك ماهي گاعك
بسد ضياعك
تخيب كل آمالك گلبك
وگلبك اعله الغربة طاعك
بكل مغربيه ايضيع حيلك
و ايوشّـل الـدمـعـات ليلك
تـتـمنه يـم بـابـك خـليلك
من يلفي الليل. ماتدري لوين
يزرعك بالشوگ. وتزگيك العين
-------------------------
شلون بلوة
أبـالــك ايـام الـمـحـنـة
وتبقى بس للماضي تهوة
شلون بلوة
ابيت الاحلام التحبهم
تبني تطلع گاعه رخوة
شلون بلوة
من تعيش ايام سودة
ويمر طيف ايام حلوة
شيمحيها بالراس التفاصيل
الخلت نهاري يشابه الليل
الخلت احلامي نار وصهيل
من تغفه تشوف. وين اليآذيك
تگعد مجبور. الهم ايبچيك
-------------------------
أمنياتي
هودج بظعن الفواطم
وياهن اگضي كل حياتي
أمنياتي
اشگف اسياط ويه زينب
وبالسمش تحمرّ عباتي
أمنياتي
بالخرابة ويم رقية
أهناكه لاگتني وفاتي
أمنيتي جانت امشي اسيرة
ويه زينب ادخل ديرة ديرة
وبالشام لحظاتي الأخيرة
هناك اتمنيت. بطبت الظعون
بدروب الشام. ميته ويه ام عون
------------------
شلون دنيا
هاي بالله شلون دنيا
تنسبي الجانت أميرة
شلون دنيا
تروح حرة بعز خدرها
وترجع بهزلة أسيرة
شلون دنيا
الخلت ام عون لوحدها
بلايا خيمة ولا عشيرة
هالدنيا من تفتر هضيمه
تخلي العزيزة بلايا خيمه
ومشتها ويه الماله قيمه
دنيا ويه ام عون. ماخلت حيد
المهيوبة شلون. تدخل ليزيد
---------------------------
حسين علي التقي
مولاي مسلم أبن عقيل ع
يخاطب مولاي الحسين ع
لا تجي يحسين وأحرگها الرسايل
سيوفها ضدك تـره هـاي القـبـايـل
شوف غير الديرة هاي البيها نازل
راح تشوف
ذاك الحچي مكتوب الك،، حد سيوف
نـاويـن ايسلبون بهلك،، راح تشوف
آه يحسين
بـدينار بآعته الخلك،، أشرف دين
وادم ولا تستاهـلـك،، آه يحسين
بس طوعة وگفتلي تره
الظل بالزلم موقف مره
الكوفة تغدرك لا تـجـي
يـحـسـيـن دربك غيّـره
مولاي حسين،، مولاي حسين
----------------------------
بان كلشي والكتب ذبـت سترها
هنا الوادم ضامة الحقد بصدرها
والنوايه البل گلوب أبدت غدرها
كلشي يصير
والــ أقـبـل أدبـر بـيّـنـت،، راح تحير
وأشياعهم باعو بخت،، كلشي يصير
لـ أبن زياد
والبايعو حيدر قبل،، كلشي أنـعـاد
بيعت ضمايرهم سهل،، لـ أبن زياد
بـعده تره نـفـس الأمـر
الشبعو گلب حيدر غدر
أحفـاد الأقـوام الـقـبـل
هسه مشو خلف الشمر
-----------------------------
هنانه أشباه الرجال تحير بيهم
بايعوني والصبح نكرو حچيهم
غدر يمشي بدمهم الگلبك عليهم
جذبه الگال
يحسين عچل بالنصر،، موش رجال
عافوني ويه فرض الفجر،، چذبه الگال
موش أزلام
بس ميثم الباقي وهم،، گلبي أحتام
بس للغدر عدهم هِمم،، موش أزلام
ما ظلي واحد من ألف
وبمسلمك ضيعو عرف
الكوفه شيمهم بس غدر
الجاي لنصرهم ينچتـف
-----------------------------
شفت بعيون الغدر شوغات عاشر
أستوحدوني وعرفت مالك مناصر
ودمعتي نزلت أسف چي تبقى حاير
هذا الصار
بينلي صورة مذبحك،، ويه الأنصار
وبينلي تبقى لوحّـدك،، هذا الصار
ابين نار
ما بينك وبين الخيم،، من تندار
مسكور چي عندك حرم،،بين النار
من أسروني أستهضمت
ويلي اعله ظعنك صيّحت
الـجـرونـي بحبال الغدر
بـاجـر يچتفولك أخـت
------------------------------
هوى الكوفة من صفه خناگ صدري
بـغـربتـي ويه الهوى دزيت عذري
هنا دلالك ينسبي يـحسيـن تدري
بهاي الدار
ميقدرون الهاشمي،، والخطار
عادي بخرايب يرتمي،، بهاي الدار
آخ شلون
بالسوگ جروني وصحت،، خاف أم عون
باجر تجي هنانه ومتت،، آخ شلون
وأم عون مو مالت سبي
وخوفي يماشيها أجنبي
حظرو خرايبهم شـفـت
يتانون ظـعـن الطالـبـي
------------------------------
حسين علي التقي
نزلة لـ الأنصار ع
يمهم وفاء الصحبة بس يمهم
سبعيـن ومامـش زمن كررهم
عـرفـو بالوفه زيـن
بس أنصار الحسين
سبعين ومامـش زمن كررهم
----------------------
الله خصهم لأبو اليمه ولنـصـرتـه
طينهم چنه أنعجن من ماي گصته
هوه اليماشي ابوفاضل شنهي بخته
وصارو أبواب الشفاعه من رحمته
چم باب حطة ندخله من عدهم
سبعيـن ومامـش زمـن كـررهـم
بـاب التوبـة باقيـن
بس أنصار الحسين
------------------------
مطـلـق التسليم عـدهـم وبقناعة
ثابتين القدم من وكت الرضـاعـة
لو ألف مرة أنقتل! أعظم شجاعة
مثل دويّ النحل هاي شلون طاعة
طاعة رصينه صدگ طاعتهم
سبعيـن ومـامش زمن كررهم
عـدل لـزمـو الثقـليـن
بـس أنـصـار الحسين
-------------------------
ثابتين و ريـح دنـيـا مـا خـذتـهـم
لأجل ابو السجاد عافو حته أهلهم
الرايد ايحب كربـلـه يتعلمه منـهـم
الحر أجاهم شاف كل الصدگ عدهم
والحر عشگهم على غيرتهم
سبعيـن ومامش زمن كررهم
شاف أصدق عناوين
بس أنـصـار الحسين
--------------------------
شگد عظيمه منزلتهم حته أجاهم
خبر من الحسين وبـركبه لوآهـم
وعافو أهـل الدنيا والدنيا وراهـم
جاسهم حب الخيم وأنطو دمهاهم
خـيـمة وهب بالعشگ دلتهم
سبعيـن ومامش زمن كررهم
بيوم اضحو سلاطين
بس أنصار الحسين
--------------------------
بدربه ناس تغربلت بـس هما ظلـو
بزمن كل ذاك الغدر بالصحبة وفّو
غاية الـحـب تضحيتهم لمن ضحّو
الموت جنة بحب ابو السجاد عرفو
مـاتـو وحب الحسين خلدهم
سبعيـن ومامش زمن كررهم
بحبه ايـخـلّـد البين
بس أنصار الحسين
--------------------------
حسين علي التقي
مرتني كربلا ... بوكت الأجل
من آنه عازتي ... شوفت أهل
ياموتي شتنتظر
خلصني هالعمر .. قهر
يا كربلا شبقه ... من عيشتي
بذكرياتي جرح ... ما ينـسـي
جرحتني الذاكرة
هالليلة امناطرة .. الگمر
بديرة غرب ماحسبت ياروحي انام
چاا ما طلعتلي بكربلا بحرگ الخيام
مو يم شماته أهلي ردت يلفي الختام.. تالي
تالي موتي صعب
تالي ابين الغرب
تالي يطمني الترب
------------------------
مايحظرني الگمر ... ياحسرتي
يايريت المستقر... بين أخوتي
معقولة بالگبر
اتواره ومايمر .. أخو
معقولة جنازتي ... بلكي حلم
هسه من كربلا ... تگوم الزلم
هسه يجون أظن
و برايتهم چفن .. دفو
معقولة هيجي تندفن أم الدلال؟
ابنادم اذا حل يومه يتمنه الوصال
حنت لأهلها بكربلا رويحة حلال .. روحي
روحي بساعة الأجل
روحي تحن للأهل
روحي وين الكفل
------------------------
مانشفلي الجرح ... هذا الگبر
بتابوتي موسدة ... وهم أنتظر
العافوني بنص حزن
ما حظرو والدفن ... حصل
معقولة جنازتي ... بلايا بچي
لأخوانك ياگلب... ظم الحچي
كلشي انتهى بعد
لا أخو لا ولد... وصل
كلشي انكتب ياگلبي وبشام العذاب
تغمض عيوني ولا أخو يهيل التراب
و بالمغربية هنا بعد ينسدلي باب... غربة
غربة بلايا ضوه
غربة وگلبي أنچوه
غربة يشح الهوه
------------------------
ما اتمنه أظل ... بالشام ابد
كل أهلي بكربلا ... ومالي أحد
حته الهوى يمر
چنه سوط الشمر ... علي
عشت بهضم وأجه.. موتي بهم
لا ظل أبو ألي .. ولا يمي أم
بوصية مچتفة
گلبي كله وفه ... شبدي
وصّاني أخوي بطفلته الماتت قهر
الماتت على راسه بخرابة وبيها أثر
ويمها اندعيت انه اندفن كون القدر.. يمها
يمها وحشة وهظم
يمها أبقى الها أم
يمها بشام اللطم
--------------------------
حسين علي التقي
أستجداء الدموع من مولاي الرضا(ع)
طالب رأفتك ياعلي بن موسى الرضا
رايد محرم وفرض البچي بوكته وقضى
بداعت دموعك أقسم عليك أرزقني حب
بلغني شهـره العطشـان وبضيمه گضه
بابك يهيّج ..حزني لغربته
ودموعك تعلمني احب
هاي الرواية.. شلعتلي گلبي
يبن شبيب أبقى أنتحب
رخصله دمعي .. للظل ثلاثة
بلا چفن بالبر منسلب
طالب حزن .. مايبرد ولا يسچن .. للطلب ماي وما لگه
طاح الظهر..ابو الستر وبلا ستر.. شمس الظهاري تحرگّه
وجه النده ..خده بتراب اموسده.. وبتراب ريجه يشهگّه
----------------------
بداعة أخيتك فاطمة المعصومة أرتجي
الگالـو غريبـة ولغربتك شبعـت بـچـي
مجدي اعله ابابك وكل حاجة ماعندي فقط
تحييلي گلبي وتخلي بي جرح السبي
بداعة أخيتك.. ارزقني دمعة
دمعة صدق وي فاطمة
التنشر قميصه.. ناگع بدمه
وتشوفه كل اهل السمه
العاشر جِرحها.. تدور اليواسي
تحب الچفوفه لآطمة
كون أنفجع..وام الذبيح المنصرع..تلطم على الراس وتون
وبيا وضع.. فاطمة مكسورة ظلع..الما بطلت من الحزن
شيكفّي دمع..وشلون بدموعي اقتنع..وادريها مسطورة چفن
----------------------
الدمعة وصفتها لحسين مصداق الوفة
صحّيلي گلبي يا سيدي من الچـفـه
واذبح ضياعي لا ذنبي يذبح مدمعي
ادركني يضامن وارزقني دمعة ومعرفة
مولاي اريدك.. تلزمني بأيدك
لا أضيّع الدمعة و أزل
ياضامن الحب.. أضمنلي عيني
و آنه بضمانك منكفل
أدركني حبيبي.. خليني مُلكك
لا ينگطع حبل الوصل
الدمعة الصدگ.. تشرح مضامين العشگ.. وهالدمعة مقياس البشر
ودمع الچذب.. لا مايغير باليحب.. گلبه يضل مثل الحجر
وگلبي أنه .. طير ويدور موطنه.. و الوطن عاشور وصفر
---------------------
عاشور أجانـي غيرلي حالي سيـدي
أرد أبچي غيرة وجمرة أظل بموگدي
لآخر حياتي أبچي اعله زينب والظعن
التالـي متالي مـن دون كـافـل تنحـدي
زينب يجرحي .. اتسمت غريبة
ابچيها مايكفي الدمع
مهيوبة جانت.. مسيبة راحت
وغرّب ظعنها بيا وضع
بشام النوايب.. طبت خرايب
ذايب عمرها چن شمع
وين القبل .. ماتطلع اله وتنكفل.. طلعت ركض بين الغرب
وأصعب أمر.. زينب يماشيها الشمر.. شصعب بعد من هالصعب
تالي أنچوت.. اباب القصر لمن بچت.. بديوانهم لازم تطب
-----------------------
حسين علي التقي
گلبي بعتبتك ساجد
أجيتك والدمع رايد
بعد ذاك الجفه بلهفة
حزني بحرگة متواعد
حياتي كلهـا تعزيتـك
بعد دنية وهم جيتك
ضمان الدمعة بأيامك
بدمعة حـب ترجيتك
عـاشـورك عزائـي
خدمتي و أنتمائـي
رزق دمعي ورجائي .. حسين
ضمان الدمعة صعبة وعيونك
بلاها عيوني غـربـة وعيونك
أضيع بلايا دمعي وعيونك
لغربتك كون أصبّه وعيونك
حبيبي وااحسيناه.. حبيبي وااحسيناه
------------------
دمعتي عقدت النية
بمحرم روحي مچوية
ضميري ميت ويصحه
لــو گـربـت نـعـاويـة
شهرك أعظم اعجوبة
و أوسع رحمة للتوبة
بـابـك تفتحّه الدمعة
ويمحي لعبدك ذنوبة
باب الرحمة كلها
السفينة النصعدلها
احسبني من أهلها .. حسين
بشط ذنبي انتخيتك دخيلك
مثل الحر أجيتك دخيلك
أريدك مالي غيرك دخيلك
عبدك مدلي أيدك دخيلك
-------------------
بمحرم تنچوي جروحي
من أصيحن آيـمذبوحي
وأمينتي فقط وحدة
تـطـلـع بالـعـزه روحـي
على ضيمك يبو الاكبر
الدمع حته الحجر فسّر
شفت ديني بشفه حفرة
وثبت من جسمك تطشر
دين الله بثباتك
ثبت من تضحياتك
وأنه مدور رضاتك .. حسين
لگيتك سجدتي أنته وصلاتي
زكاتي وخمسي حجي وصلاتي
بدون شنهي صومي وصلاتي
حـبـك ديني شفته وصلاتي
-------------------
سمعت متوذر لأجلي
فدوه لكل هلك أهلي
يل مضحيلي بعزازك
شضحيلك حرت گلي
رضيعك ينذبح سكته
والأكبـر وذر شـلـتـه
لا يوم المثل يومك
الما هان انته هونته
يومك ماكو مثله
جرحك ما نشلّه
لأن زينب تچمله .. حسين
دوه وتنزف جروحك غريبة
لان جـرحـك تلچمة غريبة
خيام أحترگت الها غريبـة
بهزل تالـي تودعك غريبة
---------------------
حسين علي التقي
حسين.. يا أبا عبدالله
-----------------
يحسين أخذني لعالمك يمك وقف خليني
سيرّني كيفك سيدي وبرغبتك مشيني
يمبچي أمك فاطمة رخصلي دمعة عيني
التگعدلك اباب العزه وتصيح آه يحسيني
وعالراس تلطم بالجزع تگول الضلع مآذيني
الو ونت ايون العرش فدوه الها كل سنيني
-----------------
يحسين لأچمني جرح لا يبرد ولا يشفـه
نومك ثلاثة اعالترب ماگطع جرحك نزفه
واسمع ربيبات الخدر بالهيمة ركضن وسفه
و أسأل الملچومة بجمر ركضتلك بيا لهفة ؟
نيران گلـبـي اموجرة للـمـوت ابد ما تطفه
شبچيلك و أختك بچت فوگ الهزل منچتفه
--------------------
ياحيرتك ذاك الظهر وانته بوسط عدوانك
موته وعرايا اعالترب وتحـشـم بصحبانك
والماي شح من الخيم ذبلت عطش اغصانك
چبدك تفتت بالعطش يآبس يويلي لسانك
و اختك تقدملك مهر من بعد كل اخوانك
لن ساعة والخيل افزعت تحرگ خيم نسوانك
--------------------
يحسين ياجرح العمر يالماكو مثل اجروحك
نوحك عله أختك عالولد عالخيم المن نوحك
عباس من شفته هوى ولميته بين چفـوفـك
والأكبر الشلته وذر بالـبـاريـة مـذبـوحـك
وعبدالله بيدك ينذبح واعليه شاغت روحك
وبعدين طايح بالشمس ومرضرضات ظلوعك
---------------------
ذني جروحك والأشد لمن طحت بالهيـمـة
بوجه الشمس يابو علي ماحلصت في غيمة
گلبك طلع ويه السهم لأچن على أختك ضيمه
عالتلة من صاحت أخي أفزعلي يابو الشيمة
سكنة ورقية والحرم يحسين والله حريمة
المدللات بهل الظهر ما ضلتلهن خـيـمـة
----------------------
بعد العطش بعد الذبح وبلا دفن بالحومة
أختك تودعك عالهزل يابو علي ملچومة
رادت تظل يمك لچن راحت غصب مهظومة
شافتك بلايا چفن جسمك غريبة ارسومة
الماعافتك طول العمر بس السبي حل يومه
بطارف چفنها سلمت الأيد بحبل ملزومة
-----------------------
حسين علي التقي
من الرضا اطلب رضا ودمع العيون
وابجي عشگ شوگ وجمر يچوي الدليل
مجدي وعبد اوگف على بابك عمر
يم الامير اوگف أنه وگفت ذليل
ما يركد گليبي اليريدك كل صبح
مشتعلة ما تطفة ابد نار الغليل
محبوبي سلطاني يا روحي السلام
محبوبي يمهيج احزان الغرام
محبوبي شگدر اوصفك من إمام
يالضامن عمري وقف الكم نذر
يالضامن اضمن عبد يدعي بكسر
يالضامن غصة بقت من الهجر
ما تطفة خليهه جمرات الوجع
محتار واشكيلك مولاي بدمع
متندم وقصوري وياك وهظم
خل جرحي ما يتلم مولاي وعمر
بالغربة عيَشني وشوفني الكسر
بعيوني دمعاتي ما اگدر اظم
السلام على علي الرضا
____
صورة ضريحك بالجِفن جا يمتة ازور
اسكت لجن گلبي بقة يحجيلي بيك
جا مشهدك لچمة تضل نص الگلب
يالراحم احبابك اخذني ابين اديك
العندي أنه بهل الحياة انت وهلك
بصدري بقت جم لوعة ما سكتت عليك
بعيوني اللوان گبتك بالغروب
بعيوني جم جمرة شالتهه الگلوب
بعيوني يا دمعة ما نشفت تلوب
ارزقني اگعد أنه بصحنك واطوف
ارزقني من خيرك اترسهه الجفوف
ارزقني يا سيدي انت الرؤوف
علمني ودليني بدروب العشگ
ما يصلح حب غيرك بس انت الصدگ
يا واقع ونعيشة حبك مو وهَم
سابيني حب اسمك مولاي الرضا
سامحني متأسف آنه اعله المضى
جم مرة راميكم مولاي بسهم
السلام على علي الرضا
___
اقرة عشگ بس الصدگ هو العطش
ارسم منارة حضرتك تطلع سهم
اللهُ اكبر يا علي يوم الحُسين
شما التفت تطلع الي طيحة خيم
شما تنذكر قال الرضا يبن شبيب
المح مهر ملوي السرج ولطمت حرم
دمعاتك لخيامك وركضت ضعن
دمعاتك عماتك لجدك مشن
دمعاتك وصلن اله بس شلگن
ما شافن مثلة شخص ميت ترة
ما شافن لا طولة لاهو خنصرة
ما شافن ميت ضلوعة مطشرة
جا ليلك ضل يخلص تنعى اعله الذبح
وعماتك من راحن من طر الصبح
ما طابت عيشتكم بس ااه ودمع
ابچيلك لو ابجي عل النحر القطيع
لو شيبه المتخضب لو جسمة الصريع
لو حافر من يعبر ياخذله ضلع
السلام على علي الرضا
____
يبن شبيب ابكي الحسين انت گلت
امنيتي اعرف يا جرح بدمعي إِنِشفة
شمواسي من امك أنه بهذا الذبح
يمهيج احزان برمح راسه الغفة
ما تكفي صرخات الگلب ويلي حُسين
من مهرة وسهام بصدر لمن چِفة
ابچيلة يوم الحسين اقرح جِفن
ابچيلة و اسبل دمع وانت تون
ابچيلة خليهه ايامي بحزن
راويني لمن اجت خيل السحگ
راويني خيماتة من شب الحرگ
راويني من الظمة اشفافة زرگ
ما اكدر اتخطى الحافر من عگب
مو ثوبة اضلوعة من عنده سلب
شمسوي هالعاشر بأهلك يا علي
بس تبجي ما تسكت ودموعك جمر
بالهيمة جا يركض ضعنك بالضهر
من زينب بالصحرة وتصَّيح هلي
السلام على علي الرضا
#محمد فرج الحريشاوي
بعد الظهر مامش اخو زينب صفت
مـن التل اجت وبعون ابنها إتعثرت
يم راس ابنها كــعدت بحرگه ونعت
خمسين عـــام امك يـعون وحدبت
ما ظـلت ادموع
مهضومه وتلوع .. زينب
اعليها الزمن دار
وخلاهـــا تحتار .. زينب
زينب وحيده ضلت غريبه
بين العساكر محتاجه اخوها
كل دمعه تنزل تحرگ جفنها
عــٕگب الكفلها وليه ولوها
اه زينب .. اه زينب
------**
بذاك الحرگ والخوف وتحشم علي
بت آل طــــالب ترضى بويه تنولي
بأسمك علـي انا ادري بالهم ينجلي
بهاي المصايب وحـــدّي راح ابتلي
محتاره ام عون
بـيـن اليحرگون .. زينب
كلساعه تندار
وتلم بـالازغار .. زينب
تحشم ابـوها وينك يابويه
تعبانه بنتك ماضلّي زلمه
هدوا عليه خيامي احرگوها
ماعندي غيرك ياهو الاحشمه
اه زينب .. اه زينب
-----**
التفگد عشيره تضيع چن روجه ابحر
او زينب بقــــــت تتلفت تــــدّور ظَهر
مــــــــــا طلعوها ابليل طلعوها الظِهّر
صعدت علـــــى الناگه بگفاها المنكسر
تنخـــه المذابيح
مهمومه وتصيح ... زينب
تـركتوني انازع
بهــاي المواجع ... زينب
وينه الكفلها شو ماكو صوته
صعدوها ناگه زينب كسيره
مامش محامي عنها يدافع
ولا زلمه خيّر تحرك ضميره
اه زينب ... اه زينب
------**
نوم الخرايب مو حلو ونامت غصب
بيا وكت بت حــــيدر يأسروها غرب
بسوگ الشماته تفوت يا وادم صعب
سمعت حجي والله اشد من الضرب
مستحيه عالنوگ
من طبت السوگ ... زينب
گبـــال اليسبون
امغمضه العيون ... زينب
تحاجي ابن اخوها كالت خُزينا
من ذيج العيون تنضر عليها
مهضومه زينب بسوگ الشماته
تتمنه من اهلها واحد يجيها
اه زينب ... اه زينب
------**
يگلها الگــمر عطلني عنــــــج مذبحي
تــــدخل لقصـــر الشام زينب تستحي
حارس ضعنها بالدرب چـــــان الوحي
طاحن گلبها الضيم چن طحن الرحي
بيها الــــقهر نار
مابين الاشرار ... زينب
الماعدهم اسلام
اذوهـــا بالشـام ... زينب
بكل هالمصايب طبت قصرهم
شافت طشتهم وخسرت رقيه
يهظم حجيهم كله مسّبه
محد رحمها وگلها خطيه
اه زينب ... اه زينب
------**
عزيز المياحي
حيرة مولاتي ام البنين ع
والله حيرة
من تروح اعزاز گلبك
وعازتك الهم جبيرة
والله حيرة
بهل الظعن كلمن تحبه
رايح وتعرف مصيرة
والله حيرة
من تظل بعازة أهلك
الدنيا بعيونك زغيرة
من گلبك ايگرّصك عليهم
بكل دمعة تتذكر حچيهم
بس تدري مامش رده ليهم
الفراگ اشلون. كابوس احلام
كل لحظة اتصير. بفرگاهم عام
--------------------------
بسد ضياعك
اتاني ياگلبي بهجرهم
ودمعك ابليلك متاعك
بسد ضياعك
حته بيتك هم يغربك
تحس گاعك ماهي گاعك
بسد ضياعك
تخيب كل آمالك گلبك
وگلبك اعله الغربة طاعك
بكل مغربيه ايضيع حيلك
و ايوشّـل الـدمـعـات ليلك
تـتـمنه يـم بـابـك خـليلك
من يلفي الليل. ماتدري لوين
يزرعك بالشوگ. وتزگيك العين
-------------------------
شلون بلوة
أبـالــك ايـام الـمـحـنـة
وتبقى بس للماضي تهوة
شلون بلوة
ابيت الاحلام التحبهم
تبني تطلع گاعه رخوة
شلون بلوة
من تعيش ايام سودة
ويمر طيف ايام حلوة
شيمحيها بالراس التفاصيل
الخلت نهاري يشابه الليل
الخلت احلامي نار وصهيل
من تغفه تشوف. وين اليآذيك
تگعد مجبور. الهم ايبچيك
-------------------------
أمنياتي
هودج بظعن الفواطم
وياهن اگضي كل حياتي
أمنياتي
اشگف اسياط ويه زينب
وبالسمش تحمرّ عباتي
أمنياتي
بالخرابة ويم رقية
أهناكه لاگتني وفاتي
أمنيتي جانت امشي اسيرة
ويه زينب ادخل ديرة ديرة
وبالشام لحظاتي الأخيرة
هناك اتمنيت. بطبت الظعون
بدروب الشام. ميته ويه ام عون
------------------
شلون دنيا
هاي بالله شلون دنيا
تنسبي الجانت أميرة
شلون دنيا
تروح حرة بعز خدرها
وترجع بهزلة أسيرة
شلون دنيا
الخلت ام عون لوحدها
بلايا خيمة ولا عشيرة
هالدنيا من تفتر هضيمه
تخلي العزيزة بلايا خيمه
ومشتها ويه الماله قيمه
دنيا ويه ام عون. ماخلت حيد
المهيوبة شلون. تدخل ليزيد
---------------------------
حسين علي التقي
مولاتي أم البنين ع
آنه ام البنـيـن ودمـعـي يـهـلـي
رافگني الحزن من شالو أهـلـي
بليلي إيوچ حنيني
لحسيني وبـنـيـنـي
---------------------------
آنـه أم الـفـاگـدّه اظعـون الـمـحـنـه
من المدينه روحي شالت ويه ظَعنه
بصبر يايعقوب چم يوسف أتـانـي
ايرد قميص حسين حلمي وأشمنه
أتاني اثمنطعش كوكب مشالي
والبظعنه مشو كـلـهـم غـوالـي
يبارحـنـي ونـيـنـي
لحسيني وبـنـيـنـي
----------------------------
حيـلـي راح امن السهر ومن المتانه
ضوه يثرب راح ظعنه وشح ضوانه
تـغَـربت دور المدينه أخـلاف وجهـا
يـا وطـن يآمنه وحسـيـن الچـفـانـه
بـعد يا وطن والـشايـل وطـنّـه
أنه وبيتي عگب حسين ضِعنه
الأمـان أمفارگينـي
لحسيني وبـنـيـنـي
----------------------------
بليلي أصفن عالنجم وأذكر خطاهم
وصرت أگله ريت انه نجمه بسماهم
يانجم لـيـل الظعن أعكسلي صـورة
خل أشوف شحالهم شنهي الدهاهم
ينجم الليل دليني بـمـكـانه
ومشتـاگه أصد لعيونه آنه
شگد عطشانه عيني
لحسيني وبـنـيـنـي
-----------------------------
آنه كـل عمري نذر أبقـى بخدمته
ولـو أمـرني بالبقاء أخدمـلـه بنته
بالنيابة عني گلت لولـدي خـدمـوه
طيحو دونه ولا تظل بالغربة أخته
طيحو گباله كونه يرد سالم
ولايبقى الظعن بالهيمة هايم
المهم سالم يجيني
لحسيني وبـنـيـنـي
----------------------------
شگد يحبون الحسين وبيهم أدره
وخوفي ليقصرون وياه ولو ذرة
أنه مربيتهم نـذر بـس لخـيـامـه
بيهم أفخر حته يم فاطمة الزهرة
ميقصرون أدري عن نصرته
بس خوفي ترد مسبيه أخته
وسبيها يعمي عيني
لحسيني وبـنـيـنـي
-----------------------------
حسين علي التقي
حسين اول مره أندبه،، عني صعبه،، تروح
بده الطف بيه بنظرته،، و بدمعته ،، جروح
شگد كلتله بويه اخذني،، لا تخلني،، أنوح
تـدري يـابـويـه الـفـگـد يهضم تره
لـو عـفـتني ونـار گـلـبـي امـوجـره
صـعـبـة دونـك بويه أظـل امحيرة
بعيني شفت اضعون أهلي مهاجرة
شلون راح،، تمشي وتعوف العليلة
شلون راح،، أصبر جروحك ثگيلة
شلون راح،، الجنت اغفه بفي شليلة
لا تروح بويه تذبحني فرگتك
لا تروح وتترك بهالحيرة بنتك
----------------------------
انـه مـامـتعود بُعـدك،، گلبي عندك،، صار
الطفلة من تحب ابوها،، من اخوها،، تغار
يلي ماخذ كل اخوتي،، يلفي موتي،، اختار
أنه معلولة وتـريـد لـوحـدي أظل
لون ميتة ولا شفت هذا الـحـصـل
گبالي عيني انشالت احمول الأهل
وخـذه ثـلـثـيـن العمر دمعـي النـزل
گبالي شآل،، ظعن شايل عمري كله
گبالي شآل،، وخله فوگ العلة علة
گبالي شآل،، وبس نواعي الضيم خله
يل مشيت وعايف ابالي ضحكتك
لا تروح وتترك بهالحيرة بنتك
----------------------------
شصار بيه وانه طفلة،، وبيه علة،، شلون
صعبة من أفگدلي غالي،، بس مشالي،، ظعون
آخ يـفـارگ اليـحـبـني،، خـذه مـنـي،، عيون
مشو وعيوني طفه بيهاا ضوه
شگد تمنيت امشي وياهم سوه
خذو من عند النفس حتى الهوه
راحـو و عـافيتـي فارگها الـدوه
راح ابوي،، صار هندس بعده بيتي
راح ابوي،، وماخذ ابظعنه عافيتي
راح ابوي،، ومـالـفـت بعده منيتي
شكد هويت موتتي بساعة طلعتك
لا تروح وتترك بهالحيرة بنتك
-----------------------------
ضايعه روحي بهجرهم،، ردت منهم،، حيل
صـعـبـة بـفـراگ الغوالي،، يشل حالي،، الليل
حسين بحلامي اشوفه،، ترض ضلوعه،، الخيل
شـمـا انـام الليل ايگعدني الحلم
چن ببوي من العطش ماظل رسم
أتطـشـر الخيل بضلوعه وانه ألم
وعلى حـرگ خيامـه گلبـه منلچم
چنه طاح،، بهيمه ماكو احد ينصره
چنه طاح،، من الطعن وجروحه كثره
چنه طاح،، وداست الخياله صدره
بالاحلام شفت خيل اعله وجنتك
لا تروح وتترك بهالحيرة بنتك
-----------------------------
گمت احومن خاف طايح،، خدره رايح،، خاف
خاف عمتي انگال اسمها،، تالي ظلها،، انشاف
و بظعنها تمشي أسيرة،، ديرة ديرة،، طاف
خاف صارت عمتي مابين الغرب
احس عطشانه وتدور اعله الشرب
خـاف كـافلهـا انغدر نص الدرب
خاف صعدت تله مدمعها يصب
والخيام،، خاف شحت ماي بيها
والخيام،، خاف فرغت من وليها
والخيام،، خاف محترگة عليها
بويه خاف للسبي مآخوذه أختك
لا تروح وتترك بهالحيرة بنتك
---------------------------
حسين علي التقي
مولاتي رقية ع تخاطب الحسين ع
يل جبتني من المدينة گبالك أمشي
تگلي ريحة أمي بيج وأنتي كلشي
الليل اخلصه بعينك لحد طبگ رمشي
استوطنتي عيونك
الدرب گله تصد عليه
ليش بأرض الغاضريه
فلتت ايدك من أديه
الجيش من التم علينه
وانشده حال الضعينه
انه وانته تفارگينه
يابويه صار الخوف يمشي بدمي
تغيّر حالك.. عيونك تدمع
يمي انته بس حسيت يكبر همي
أخاف تهدني.. وبعد ماترجع
من باعدتها چفوفي وچفوفك
تمنيت لحظة بويه ماعوفك
-----------------------
طفح خوفي بويه حد ليلة العاشر
لأن شفت الغربة بعيونك اتكابر
كلت خاف تروح ماترجعلي باجر
شلون اظلّ بدونك
من حريمك جمعتها
الغربة بعيونك شفتها
الليلة يمك بس ردتها
والصبح من فارگيتك
من طلعت أحترگ بيتك
من بعدها ما لگيتك
شنهي ظلتي من عفتها الخيمة
بعدها چماله.. اجو حرگوها
فوگ ما عطشانه ادور بهيمة
أريد اشكيلك.. أدي شدوها
يحسين گلبي معلّگ بشوفك
تمنيت لحظة بويه ماعوفك
-----------------------
شلون حيرة مرت ابنتك يغالي
الخيمة حرگوها وشفتلي رمح عالي
شفت راسك ورگضتله وتدنالي
وخيل گطعت دربي
هذا راسك مامصدگة
الجنت ليلية أشبگة
وصلتني الموت شهگة
صافنه بهالحيرة أني
والنذل جرالي ذاني
خذه ترچيتي وعماني
كبرت الحيرة والخوف البيه
أرد للخيمة.. أكمل دربي؟
و واحد يصيّح علي مسبية
تهت بالهيمة .. وخذاني تعبي
أشرلي بيدك مدلي معروفك
تمنيت لحظة بويه ماعوفك
-----------------------
بعد هاي الحيرة شفت بتلة عمتي
رگضت الها وعاتبتني وين جنتي
لا تدورين العزيز ايتيمه صرتي
بعد ماتلگينه
داست الخياله صدره
ضاع بالبر وذره وذره
رآية ما ظلنه خضره
امشي ياعمه رقية
خلي أيديّنچ بـ أديه
خل ندور عل البقية
أيسي مايرجع بعد والينه
بعد لاخيمة.. ولاظل ناصر
خلي ندور عاتكه وسكينه
الفجر ياعمه.. ظعنه مسافر
احتارنه انه وعمتي بطفوفك
تمنيت لحظة بويه ماعوفك
----------------------
آه ياكربله ضيّعتي الـعـشـيـرة
حيريتيني ببـوي اشلون حيرة
ليش مترحمين بالطفلة الزغيرة
كربله ضيعتي اهلي
كربله شيبتي راسي
بعد هم عندچ مآسي
سالبتني أعز ناسي
طفلة وبثالث سنيني
طاح أبوي گبال عيني
تلطّخ بدمه جبيني
ويلي ياكربله رحمي بحالي
أفر الهيمة.. بجدم محروگه
هذا ابوي وموش يتراوالي
الگطعله الخصنر،، أشوفه يبوگه
سلبوك والحافر أجه يدوفك
تمنيت لحظة بويه ماعوفك
------------------------
حسين علي التقي
مولاتي الزهراء ص تخاطب المواسي
بأيامي الـحـزيـنـه
وينه اليدمي عينه
آنه ام الـمـصـيـبـة
واليبچيلي اعينه
---------------------
هلّت ليالي الفاجعه
و اوليدي باجر مصرعه
كلمن يجيني بمدمعه،، دموعه ذخر
واليبچي عيني تشاهدّه
اليقرالي ماني الوالدّه
اليسعدني باجر اسعدّه،، يوم الحشر
اليحضر المجلس ويهمس بگلبه الحزن
واليواسيني ينطيني دمعه اعله الأبن
بالـقـيامه أجـيـلـه بـگـلـب مـطـمـئـن
بهل المجلس عبرتي
لحسيني ومهجتي
اليحظرله مواسي
مشمول بـنـظـرتـي
------------------------
أجر الدمع ماينوصف
واليتعب بأجره ضعف
بسيماء وجـها ينعـرف،، كلمن نِحَب
لا تهتم لكمن حچه
وتذكر أبني شگد بچه
من طاح اخيه وانتچه،، ظهره انحدب
تذكر امصيبة ابني وحيد بـغـربـتـه
خلصو اصاحبه واخوانه ظل بحيرته
ينادي هل من مناصر وشحت نصرته
بمصيبة حبيبي
المن جرحه مشيبي
اليّنصرني بدموعه
أجره من نصيبي
--------------------------
شهر النوايب خيّمتي
بهاي المجالس نصّرتي
ما ينحرم من نظّرتي،، كلمن جزع
سلماً لمن سالمكم
وين العليها منفطم
لمصيبة احسيني بهظم،، گلبه انفجع
وينه اليدور ويـنطر لـشـهـر الألم
وينه اليناصر وشاعر بحرگ الخيم
دمعته بعينه لحسينه ولراعي العلم
بس همه عزائه
ومابطل بُكائه
دمعته ويه أمامه
وعايش كربلائه
---------------------------
خدام يالعدكم علم
احظر عزاء المنلچم
ابني البقه بلايه هدم،، فوگ الترب
احظر بضلعي المنكسر
ما أكدر الطم عالصدر
وتدرن خدي منسطر،، من الظرب
مثل المضيعيه ادور بواچي المنجرح
بكل عزه حاضره ودمعتي لا ماتشح
وينه اليهل دموعه على ابني المنذبح
يبقى دمعي حاظر
للـمـا ظـلّـه نـاصـر
وتنلچمني ضلوعي
من اسمع بالحوافر
--------------------------
حسين علي التقي
مولاي صاحب الزمان عجل الله فرجه
جايك هلال الغورگك دمع بشبابك
شايلك أحزان العمر شايل عذابك
وانته مصايب هالشهر لبت مصابك
شَهرة،، منبع جروحك،، يعتلي نوحك
ينذبح چم حيل بيك بشهر مذبوحك
شَهرة،، يرسم آلامك،، بحرگت خيامك
من تشوف بظهر عاشر ضيعت ايتامك
ياصبرك لو هل اهلاله،، ملچوم ايضيعك چم حيل
بين التلة وبين الخمية،، عماتك ومراكض خيل
آه آه شهر الدمع
آه آه بي تنفجع
-------------------------
ويه الهلال انته تهل حمرة دموعك
ايوديك ألم للمذبح وللتل رجوعك
سجدة صلاتك بس حزن لچمة بخشوعك
حسرة،، من الخيم للتل،، چم نحر يذبل
تمشي تتشم حرگ خيمة وسبي تتخيل
حسرة،، تشاهد عيونك،، غربة اضعونك
تنضرب عمتك وچنه السوط بمتونك
الله يساعد ذيج عيونك،، شافت جم مذبح بالطف
شافت كل مصايب اهلك،، حگها وماتقبل تنشف
-------------------------
جايبلك آلام وسهر جايب هضيمة
من تنصب خيمة لحد ماتبقى خيمة
بدرب السبي تتبع أثر اعظم جريمة
بعينك،، تركض ايتيمه،، تحترگ خيمة
تشوف كل ذيج المصايب والحزن غيمة
بعينك،، چفوف مگطوعة،، وروس مرفوعة
تشوف چم حافر فرس بصدور مطبوعة
ياهضمك من هاي ايامه،، من الأول حد العاشر
حسينك من دگ أول خيمة،، لحد مايبقى بلا ناصر
--------------------------
وتشوفه كل عام بألم نفس المصيبة
شلون الحبيب بكربله ايودع حبيبة
بشهر المشت بس لليسر زينب غريبة
زينب،، شلون مهضومة،، بعاشر ويومة
لمن شافت كل زلمها امطشرة بالحومة
زينب،، عمتك بحيرة،، مرة وجبيرة
بظعن مابي بس عليل ايطوف چم ديرة
وربات اخدور أهل العفه،، من عگب فياي العباس
صارت ترگض وسط الحومة،،المامرة شافتها الناس
----------------------------
شلون الألم نفس الشهر تفگد عشيرة
ثارك چبير ابهل العرب ماكو نضيرة
لـهـسـة تتاني رآيتك ذيـج الأميرة
لهسة،، من الخيم نارك،، وعطش فقارك
تنتظر وبلهب گلبك تحسب لثارك
لهسة،، عمتك اتاني ،، بشام وتعاني
غربة بس جفك يفكها مالها ثاني
يـا آخـر أمـآل اسكينة،، توصل وتجيبلهم ماي
يا آخر رآية لـ آل الله،، لظعن ام عون تودي فياي
------------------------------
حسين علي التقي
شجاعة لمولاي مسلم أبن عقيل ع
هـذا يـاهـو الـنـازل بـمـيـدانها
ابو فاضـل لـو أسـد كـوفـانـهـا
------------------------------
شافو ابنص العساكر زلمة حوك
يخوط بين ازلامها يرك بيها رووك
حشمتّه طوعة تگوه يبن ابوك
ساعة افنون الحرب هل حآنها
------------------------------
عفيه يبن المارضه اعله الذل ينام
يالله گوُم الغادرك شوفه انتقام
واگطع بسيفك بعد وتر الخصام
خل خصومك ماتظل بمچانها
-----------------------------
يل مشبهينك مثل ذاكه الكفيل
گوم خلي الگاع جواهم تميل
انته واحد بس أبد لا مو قليل
أسد من تزأر تفر خرفانها
-----------------------------
هذا ياهو النازل ابين الألوف
شو چفوفه اتشابه الذيج الچفوف
علي چنه امفنن بطگ السيوف
شو الكثرة گبالة كلش هانها
----------------------------
ابد ما هما العدد وشما يزيد
گام بيده يسوگهم مثل العبيد
ظل يوديهم ويردهم من يريد
ايريد شنهو ايريد بيده عنانها
----------------------------
مثل حيدر چنه لو هد عالجيوش
گلها من چدامه مرعوبه تروش
مثل البصفه البعيد ايحوشه حوش
گام يردم روسها بحيطانها
----------------------------
وين ما شردو غده بچفه يلوح
ظل يشّمر روسهم فوگ السطوح
تضم سرها المعركة وچفه يبوح
من ادماهم غرگو بطوفانها
----------------------------
هاشمي مايبرد وبالعركة حار
گلب اسود يومهم ذاكه النهار
گاد بيهم گوود ويگلوله صار
صار تأمرنه يبن عز شآنها
----------------------------
بالملآگه أعدا أوياه اتحيرت
أن أجت چدامه لو من خلفه أجت
عچّت اغبارة خبطها وما صفت
دخنت الكوفه بترب دخانها
-----------------------------
بس غدر بيه العطش مُتعب گعد
و بـالأمان المو زلم وعدو وعد
ماله حيله يمشي وياهم بعد
وبـمـكـرهـم طيّحو سلطانها
-----------------------------
حسين علي التقي
مولاتي حميدة ع
يابويه انه بنتك
حميده الفارگتك
فز گلبي بدمع بالطيف اجه صوتك ندهني
من درب المدينه
وانه روحي حزينه
اشوفن كل عمامي وما اشوفك هذا حزني
كبر شوگي والگلب يسأل.. وينها الكوفه شبعد عنها
والرسايل منك أنگطعت.. روحي بالله شلون أطمنها
بعدك بخير وترد سالم.. وعيني من شوفك اكحلنها
أتاني أتاني ودموعي كل مسيه
أتاني أتاني يـكـون أتـرد ألـيـه
حميدة حميدة يبو طاهر خطيه
--------------------------
من آخر رساله
بده گلبي سؤاله
بحالك يابو طاهر شنهو صاير وشجراك
قراها حسين وشفته
دار وصب دمعته
وكتله عمي طمّني وحضّني من بچالك
وبينت حضنت يتم عمي.. من مسح راسي كسر گلبي
كتله عمي الوالد شلونه.. گلي يابنتي الصبر طلبي
طاح ابوج والله اليعينه.. هذا درب الموت بي نمشي
بچالي بچالي وگلي انتي الوصيه
بچالي بچالي ودمعته أول رزيه
حميدة حميدة يبو طاهر خطيه
------------------------
مشه ظعنه ودريته
الضعن ماشي لمنيته
دريت اليدنه للكوفه تظل تكبر غربته
جذابه الرسايل
الأجت من القبايل
غدرو والدي وصار الغدر يوصلنه وكته
من وصلنه لكربله الوادم،.. حاطت اعلينه بعساكرهم
وحته من الماي حرمونه.. وبينت نيه رسايلهم
وعمي ظل بالعاشر لوحده،، بلا مناصر وگفته تهظم
بچيته بچيته بظهر الغاضريه
بچيته بچيته بلا صحبة وخويه
حميده حميده يبو طاهر خطيه
--------------------------
من طاحو عمامي
واحترگت خيامي
يبويه هنا تمنيتك تصد لحالي بالطف
العطش يبس لهاتي
وركضت انه خواتي
وعله حال اليتامه محد بهيمه تلطف
وضاعو اخواني ابراري الطف،، مادريت بياكتر صارو
مطهر وطاهر من الخيمة،، طلعو بخيل العده تلاگو
ركضت انه وسكنه ورقية،، ومادري عاشو لون ماتو
ركضنه ركضنه انه وسكنه ورقية
وأخوتي أخوتي ضاعو من أدية
حميده حميده يبو طاهر خطيه
------------------------
الصبح رحنه سبايه
وبقينه بلايا رآيه
على نوگ الهزل ياوفسه صعدوها الفواطم
بحبل شدو أدينه
وللكوفة مشينه
عشيرة كل مرة هناكه أجت بس الهواشم
من دخلنه الكوفه ياويلي،، مشت كل حرمه لعشيرتها
بس بنات الزهرة خلوهن،، آخ ياعمتي وهضيمتها
ونشدت يابويه عن گبرك،، لمن كعدونه بخرابتها
هضميه هضيمه محد يرد عليه
هضيمه هضيمه وخذونه لشام أميه
حميده حميده يبو طاهر خطيه
---------------------------
حسين علي التقي
كأني بمولاي الحسين ع وحيداً
يلتفت الى أصحابه
يصحابي گومو بغربتي عينوني
بهل حيرة وحدي فدوه لتخلوني
من عازتي واگف و احشم الموته
بهذا السكوت البيكم تهضموني
أرض الطف صفت وحشه،، وحدي ابين عدواني
وين احزامي البظهري،، احشم ماكو صحباني
اول تالي هيج اصفه،، اجـي ومـحـد تـلـگـانـي
عگب سبعيني ياوسفه،، اشوف بظهري نسواني
گومولي يصحباني
واحد ينده الثاني
صارت حيرتي چبيرة
العاشر كلش أذاني
حسين وجاي ايحشمكم ،، صفه منهوب صاحبكم
-----------------------------
وحدي بقيت أفتر و ادور ناصر
بين الشماته وحالي يكسر خاطر
گعدولي شوفو احسينكم ياحاله
الـهـج بأسـامـيـكـم و اردن حاير
من مصرعكم الدامي ،، ارد للخيمة و اتحير
العطش تصرخ كل عيالي،، وانه شفافي تتفطر
ماظل حيل بيه اسمع،، يبويه عـطّشانـه الـحـر
خذت عبدالله للشاطي ،، ورجعته بدمه المنحر
خذيته ذابل وضامي
راد ايموت بخيامي
عود اطلبله شربت ماي
تالي انذبح گدامي
بدم عبدالله أحلفكم ،، صفه منهوب صاحبكم
-----------------------------
شوفو مصايب كـربـلـه تعبتني
كل ساعة اوسدلي عزيز بحضني
طيحت اخوي البيها كاسر ظهري
نوبه امشي للقاسم وارجع لأبني
بعد ياحيل ظل بيه،، كل ساعة انفجع بالطف
كل واحد اودعنه،، ورى شويه وراه ألـهـف
اليروح ادري ولا يرجع،، وانه بحيرتي مچتف
كلمن ينذبح ضامي،، عليه امن الدمع انشف
كلساع امشي بجنازه
حسين امخلصه عزازه
حته ما أهظم زينب
انـحـب يمكم أتوازه
صرت ما أبجي بس يمكم،، صفه منهوب صاحبكم
-----------------------------
الواحد اذا يفگدله واحد صعبه
وانه افگدت سبعين بين الغربه
لهمي بعد ماكو الي يفتح گلبه
بس زينب ابنص الخيم متغربة
شريچة حزني وهمومي،، وهمها خاف تفگدني
أردها بظهر محني،، وزينب گوه تعدلني
كل ساعة بخبر مگتول،، اردلها وتساندني
اعله بني ماحزنت اكثر،، من دمعتها تذبحني
لزينب حسرتي چبيرة
دمعها الشام تفسيرة
اودعها و ارد ابچي
طحنة أثنينه بحيرة
نسولف والدمع يهضم،، صفه منهوب صاحبكم
-------------------------------
حسين علي التقي
لو ردت ويه فاطمة تبقى بسجلها
كـون هاي الخدمة كلشـي تقدملها
خـدمـة الزهـرة حياة
وأهم شي بيها الثبات
-------------------
لو ردت تسعد الزهرة أنطيها دمعة
لا تدور صيت لـو تـكـشـخ بسمعة
شما سحگ من ذاته خادمها ترفعه
گلها جايج يأم حسن من دون رجعة
لا تخلـي اوياهـا ذات
وأهم شي بيها الثبات
-------------------
كلشي خط الخدمة لَم كلمن ونيته
لچن مو كلها ويه الحسين بعزيته
أكو يخدم نفسه ما يخدم قضيته
كون أصفـي نيّتـي و أدخـل لبيته
مـو ثـقـة كـل الـرواة
وأهم شي بيها الثبات
-------------------
سولف بنية السليمة اعله المنـابـر
فاطمة تنعى الحسين بيوم عاشـر!
وانته حدد موقفـك ويـاهـا بـاجـر
تبقى ناصر لو تصير ويه الحـوافـر
أخـتـار صفـك للممات
وأهم شي بيها الثبات
--------------------
فاطمة تريد اليواسي وگلبة جمرة
كون صاحب نايبة مو عَشرة عِشرة
نـيّـة وأخلاص العزة مو شرط كثرة
لو اثنيـن بخيمـة تحظـرهم الزهـرة
وما يهم أسم الـدعـاة
وأهم شي بيها الثبات
---------------------
خـلـي تـتـرك بيك أثـر هاي المآتم
وكون أفعالك تترجم أسـم خـادم
تأسه بالخدمة بخدامة گمر هاشم
حته تنظرلك بنظرة رحمة فـاطـم
بنظرة تعبر مغـريـات
وأهم شي بيها الثبات
---------------------
أهم شي تبقى ويه الحسين بقرارك
وما تغيرك دنيا عنه وتطفـي نـارك
خلي نيتك بالعزة يـدوم انتظـارك
ويـه ثـار المنـتظـر لا تـنسى ثـارك
ثـارك أولـى الأمنيـات
وأهم شي بيها الثبات
--------------------
حسين علي التقي
جايك محرم يا گلب،، خليك موگد مشتعل
والحب ربيب أهل الحزن،، قدّس عزائك تنقبل
هذا محرم،، بالحب تيمم،، وأبچي بخشوع
أگطع مسافه،، بدربك حسافه،، تدور رجوع
حزنك مصيرك،،وشمعة ضميرك،، أشعلها بدموع
آه،، بالك يگلبي
آه،، تغيرلي دربي
آه،، كربله حبي
آه،، يابو رقية
-------------------
ياگلبي أصحه وافتهم،، بس بالعزه تلگه الصدگ
هالدنيا صحرة وقاحلة،، بخيمة (وَهب) دور عشگ
تريد السَكينه،، بهاي الظعينه،، الجايه الطفوف
حسين لصديقه ،،غير طريقه،، رغم الظروف
صفيله نيتك،، ايمر اعله بيتك،، وحالك يشوف
آه،، ياضامي جيتك
آه،، داخل حميتك
آه،، أقبلني بعزيتك
--------------------
طيح بعزائك منثكل،، وعيش المصيبة بنايّحه
بس دمعك اعله المذبح،، والباقي كلها رايّحه
عيش المصيبة،، ودمعة غريبة،، شافت عذاب
من الهاشمية،، صارت سبية،، و اعظم مصاب
تماشي الأجانب،، وتدخل خرايب،، فوگ التراب
آه،، شلون العقيلة
آه،، تصعد هزيلة
آه،، مصيبة ثگيلة
--------------------
هاي الليالي المظلمة،، البچيت عيون ام الحسن
تگعد ابيبان العزه،، وتصيح ويلي اعله الظعن
ياگلبي واسي،، أم المأسي،، التبچي الذبيح
رخص دموعك،، وابقى بخضوعك،، صوتك يصيح
زينب سبية،، بالغاضرية،، تـگـوم وتطيـح
آه،، زينب عجيبة
آه،، تسمت غربية
آه،، شهاي المصيبة
------------------
باجر بنات المرتضى،، لا خيمه عدهن لا ولي
يطلعن ركض ذاك الظهر،، ويصيحن الحك ياعلي
والله هضيمه،، رقية يتيمه،، مرعوبه خوف
طلعت تنادي،، بين الأعادي،، يابويه شوف
عطشانه بنتك،، شگد دورتك،، بوادي الطفوف
آه،، طفلة وزغيرة
آه،، بذيچ الظهيرة
آه،، عطشانة أسيرة
--------------------
حسين علي التقي
لسان حال. مولاتي العقيلة(ع)
تشتكي الى مولاي المهدي(عجل الله فرجه)
يامهدي ادركني..
أرد أشكيلك من ظيم ابگلبي يـكـابـر
يامهدي ادركني..
ومايخفه اعليك اشصار بيوم العاشر
راح اشرح مصابي
وانته اشهد عذابي .. يامهدي ادركني
-------------------
من عطشت ياعمة خيمنه.. راح الكافل ما ردلنه
و احنه بحسرة
رد حسين مدنگ راسه.. للخيمة وينعى بعباسه
محدب ظهرة
اشصار بطيحة العامود يـاعـمـة
من طيحة كفيلي الطف صفه ظلمة
انسكر ظهر الحسين وبيّنت ثلمة
زلمة انته وتعرف بكسرة الزلمـة
يامهدي ادركني..
بعد الكافل خيمة اتطيح بصف خيمة
يامهدي ادركني..
وشيعدل ظهر حسين وشيسد ظيمة
بطيحة فَيْ حجابي
وانته اشهد عـذابـي.. يامهدي ادركني
----------------------
عمة العاشر مايتوصف.. بمصيبة ذاك اليوم اعَرَف
غصة عمري
مـن ذبحو والينه بظهُره.. تعرف عمتك طلعـت بـرة
نهبو خدري
من طاح الحسين انهدت اعلينه
زلم وخيول من كل صوب طشينه
بالبـر نـركـض انحشـم بـ أهالينـه
ولا نـغّـار ظـل بالخيمة يحمينـه
يامهدي ادركني..
شلون بطيحة والينه من اعرفناها؟
يامهدي ادركني..
بالخيمه وطگات ظلوعه اسمعناها
ظلوعه ترد جوابي
وانته اشهد عذابي .. يامهدي ادركني
----------------------
بگلبي العاشر خزن جرحه.. ذاك اليوم شصار بصبحه
اعظم غربة
حسين بلچماته الله يعينه.. صحته وللتل شبحت عينه
وسهم بگلبة
صحتله خويه لوعندك نفس ردلي
وجاوبني بحنينه وشفته باوعلي
كله سهـام و رآد يـگـوم يفزعـلـي
وطـاح اعله الوجه وبأيده أشرلي
يامهدي ادركني..
بـأيده الاشرلي بلا خنصر عذبتني
يامهدي ادركني..
واعرف بي لچمتّه حجاية أدركني
وشَل حاله انتحابي
وانته اشهد عذابي .. يامهدي ادركني
----------------------
جـابـو نوگ الهزّل لينه.. وصبح الحادي شغير بينه
صرنه اسباية
جابو الحبال و چتفونه.. ولمصرع الحسين اخذونه
و راعي الراية
ودعنه جثثهم واحنه عالهزلات
على لوعة ذبحبهم زادت اللوعات
شلون وادع جارح على العلويات
وادع بلايا شيلة أيد مچتوفـات
يامهدي ادركني..
شلون اوادع اليجرح بالگاع اخواني
يامهدي ادركني..
وانه اعله الهزلة وشوگ الهم جرّاني
ويجرحهـم غيابـي
وانته اشهد عذابي .. يامهدي ادركني
-------------------------
حسين علي التقي
ختام عزاء
مو مالت بچي المصيبة مالت موت
شلون انته الحسين وما ألك تابوت
عطشان وعلى الماي انطبع هالصوت
جرح بأذن الزمن
يظل صوتك يَمن
ما غطك مُـزن ..ويرويلك عطش
ليش اعذب گلب
يحرمونه الشـرب
عجيبه اعله الترب .. دلاله انفرش
يا احلى وأحن انسان
عجيبة تنذبح عطشان
وراسك بالرمح نيشان .. حبيبي ياحسين
تروّيهم ويعطشونك
ما سحرتهم اعيونـك
طايح ليش ايخلونك.. حبيبي ياحسين
حبيبي ياحسين.. حبيبي ياحسين
-----------------
مـراتب بالعطش مريت يـامذبـوح
لحد وجه السمه شفته بلايا وضوح
مجروح الگلب والهيمة كلها جروح
صرت كلك جرح
يل صبرك صرح
وبأختك تـنذبح.. لو گالت اخي
سهـام تحمـلـت
وطرفك من درت
بالخيمة اشـفـت.. ياهي التنولي
مو چيفن جروح هواي
وذباحك ولا اظن ماي
متت چا زينب بلا راي.. حبيبي ياحسين
بجروحك ولا هميت
بچلمة (فرّن) أتذيت
وچا أهلك بلا فَيّ بيت.. حبيبي ياحسين
-----------------
عجبة انته الطعن منك خـذه حيلـك
چاا ليش الخلگ ما فـزعـت تشيـلـك
ويابو الرحمة مـا رحـمـو مـدالـيـلـك
ليش بـلا ذنـب
جسمك ينسلب
وخدرك ينهب.. وتالي يحترگ
بالحظ والبخت
الگلوب انعمت
بوجهك مالگت.. محراب العشگ
عجيبة الوادم تشوفك
طايح بالـحـر تعـوفـك
مـا جاستهم حـروفـك.. حبيبي ياحسين
الأعجب يابو عبدالله
ما شافو جمال الله
بوجهك والگمر صلى.. حبيبي ياحسين
-----------------
ليش أسمك غريب الدنيا ملك أهـلـك
يابن حامي الحمه ومحد حمه رَحلك
طـايـح بـالـفـلـه و أخـتـك تـأشـرلـك
بنص هيمة متت
وصاحتلـك أخـت
يخويه لو جـنـت.. عدل باوع الي
كـابـرت و ردت
تنهض بس طحت
لزيـنـب أشـرت.. أشارة للسـبـي
وشافتـك مـن تأشّـر
بچفك بس بلا خنصر
بس صبعك گلبها يطر.. حبيبي ياحسين
شلون وتالي شافتك
غارت خيـل وداستك
من التلة هوت أختك.. حبيبي ياحسين
-------------------
حسين علي التقي