4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
حان العزاء
يهل البكاء
هـذا النداء.. من فاطمة
نشر الثياب
يعني المصاب
نفتحله باب.. من فاطمة
جينه ونعود
نوفي العهود
ونطلب نزود.. من فاطمة
بجرح العذاب
جايه فاطمة لهاي المأتم
من المصاب
تشهق شهقة تسمعها العوالم
كلشي سراب
بس حزن ام حسن واضح يوادم
ثيابه تجيب وبالباب تنعى الأبن
بهذا العزاء اتچمل حزنهـا حـزن
تبچي بعذاب للظل بـلايـا دفـن
ويلاه حسين.. يبني حسين
------------------
جرح البتول
يحير العقول
وتتعنه چول.. چم منذبح
مقروحة عين
لشهر الونين
بيوم الحسين.. چم منذبح
بعاشر تحير
الـمـن تدير
فوگ الهجير .. چم منذبح
ماعنده عين
وبچه حته الحجر هاي العجيبة
لأجل الحسين
لطم حور الجنان لهل المصيبة
صار الونين
وللزهرة العرش اعلن نحيبة
نواسيها كون ودموم ليها نهل
جرح الحسين لا مايوصفه العقل
فاتحته ليش منصوبة فوگ الهزل
------------------
لأبني الحسين
عينوني زين
الماله معين .. في كربلاء
وينه الجزوع
يبچبي بخشوع
مهشمة الضلوع.. في كربلاء
باجر شيصير
وحده يحير
طرفه يدير.. في كربلاء
عندي ذبيح
فارگته بزغر ونوب أجيته
شفته طريح
نايم عالوجه دمه باللحيته
حگي واصيح
أويلاه يبني متغير لگيته
من عفته چان أبني حلو مبسمه
جيته ولگيت امفطّر شفآه الضمه
جروحه ألوف وضلوعه امهشمة
-----------------
جرحه چبير
ماله نصيـر
وسفه الأمير.. فوگ الترب
أبچي الجفون
وأعمي العيون
ماشفته كون.. فوگ الترب
ضامي يصيح
جسمه جريح
شذنبه يطيح.. فوگ النرب
ماله ذنب
نوحو للي ما واحد فزعله
كلمن يحب
خل يبچي اله وخادم اسجله
دمعه عذب
و بيوم العطش للجنه ادخله
أبـچـو عَـلّـي وانـه علـيـه الأجـر
أجره عَلّيِ كـلـمـن الـه مـنـكـسـر
الدمعة ضمان للضامي والمنحر
-------------------
الميت يـريـد
يدفنونه أكيد
وأبني الوحيد.. ظل عالثرى
جسمه انطعن
مـالـه چـفـن
عاري الـبـدن.. ظل عالثرى
وأخته تصيح
تگوم وتطيح
ليش الذبيح.. ظل عالثرى
فوگ الرمال
عاري والچفن ذاري الترايب
وعنده عيال
ماعدهم وطن صارو غرايب
فوگ الجِمال
أخته ودّعته بـگلب ذايـب
خويه الوادع صاحتله فوگ الهزل
لو بيدي أظل وماعوفك بهالشكل
ما شالت أيد والحادي جر الحبل
---------------------
حسين علي التقي
وصول ظعن مولاي الحسين(ع)
حـط بكربـلا ظعـن الـفـواطـم
وينصب بالمخيم گـمـر هـاشـم
شدو الحيل خل نتلگه الحسين
نشـد العـزه ويـه الـخـيـم لازم
خل نگله ياهـلا
نزل ظعنه بكربلا
باللطـم نستقبلـه،، ياحسين
ياهلا بحسين وعياله
باللطم والبچي نبراله
نعزّبه عزوبيه تحلاله
ياهلا بظعنك يبو الأكبر
--------------------
يالگاطع درب من يثرب وجاي
نصبالك مواكب لأهلك فـيـاي
وگفنه بالدرب علگنه رايـات
رسايلنه صدگ تدريها مـولاي
صح وگفنه بس الك
مو انـجعجـع بهـلـك
بالـعـزه نستقـبـلـك،، ياحسين
هلا بظعنك ياولي النعمة
شهرك اعلينه يصب رحمة
الك نتنافس على الخدمة
ياهلا بظعنك يبو الأكبر
--------------------
شهرك جاب كل الخير وياه
رزق دموعنه واللطمة والـ آه
اتجاه الدنيا بس لكربـلا صـار
وصار الكون ينبض وا حسيناه
عـنـدي اكـبـر النِعـم
گلبي لو بيك أنلجم
ومن تعدني يالخدم،، ياحسين
بتوبة الحر سيدي جيتك
كـون تقبلـنـي بحسينيـك
احظر ويه الخدم تعزيتك
ياهلا بظعنك يبو الأكبر
--------------------
لأيـامـك نـعـد ايام و شهور
من العام حرگتنه اعله عاشور
نظل يابو علي عالعهد باقين
الدم بگلوبنه لمصابك ايفور
انطينه للزهرة عهد
ما نعوفك للأبد
حبك ويانه انولد،، ياحسين
راضعيـنـه حـبـك بـفـطـرة
عِشرة نبقى وياك مو عَشرة
عـهـد و أنـطـيـنـاه للـزهـرة
ياهلا بظعنك يبو الأكبر
-------------------
عبيدك سيدي سمينـه خـدام
هل العام ونظل وياك كل عام
كـون اعليـك لحگنـه يـمـولاي
چان نطيح لأجلك چوه الجدام
ماحظرنه لنصرتك
رادنه الله شيعتك
نبقى نحيي مصيبك،، ياحسين
مو رزقنه نطيح گدامك
الله راد نصير خـدامـك
وبالسواد انوشح أيامك
ياهلا بظعنك يبو الأكبر
--------------------
حسين علي التقي
جيتك يسگّاي الخيم
طـالب تثبتلي قـدم
تكبر جروحي لكربلا
لو چفك بچفي لـزم
مولاي اريدن طلبتي
خليني أعشگ خدمتي
يا ابا الفضل زدني فضل
وبعمري اظل بحرگتـي
يابو الفضل زدني ،، بالغيرة حصنّي
طهرني يا ساقي ،، ولفطرتي ردنـي
گلبي بألف حيرة،، أكتبله تغـيـيـره
عبدك أجه لبابك،، وبس بابك يجيره
أبا الفضل
متوسلك حاير،، گرّب جرح عاشر،، هبني دمع ناصر
أبا الفضل
من غفلتي شارد ،، جاي بگلب بارد ،، ولخيمتك رايد
يا ساقي كربلاء.. حزمني للعزاء
---------------------------
قاريها أيمانك صـلـب
ياسيدي علمني أحب
أيماني باهت بالعشگ
ضوگني من جودك عذب
من چربتك نَدّي علي
سائل الك مديت أدي
والگطرة من عندك نهر
لا والله هم احسبها رَيّ
ياعين للزهـرة ،، منك ردت گـطـرة
ضايع انه وضامي،، وناديتك بصحرة
غيرة علي نَدي ،، يم بابك امجدي
تدريني مسكينك ،، غيرك ولا عندي
أبا الفضل
لآيذ على اعتابك ،،وشعندي بس بابك ،، بچيني لمصابك
أبا الفضل
خل سهمك بعيني،، حرگة بچي انطيني ،، للزهرة وديني
----------------------------
للعاشر أرزقني همم
قربني دمعة للخيم
دگيته باب امروتك
شد غيرتي يابو الشيم
خليني ابچي وانفجع
وحزني يظل بيه طبع
وما اغيره لحد موتتي
وبالعاشر اكسرلي ظلع
وبگلبي حط حسرة،، لمصيبة الحرة
وكتي البچي رايد،، ما أنسبق نصرة
مولاي كون احظه،، بالنظرة لو لحظه
وتفجعني بالعاشر،، وبـنـاره اتـلـظـه
أبا الفضل
ياسيدي ادخيلك ،، شد حرگتي بحيلك ،، بداعت مداليلك
أبا الفضل
گلبي الحزن عشه ،، بغيثك بعد رشه ،، وخلي الألم نقشه
-----------------------------
خليلي بدموعي صدق
والدمعة من بابك رزق
للخدمة بابك بوصلة
ودگيته بگليبي القلق
بمروتك كون أنكفل
جتفني بحبال الوصل
والحب مصاديقه الدمع
من حزني مارايد أمل
ماريد أظل حاير،، من عاشر لعاشر
خليني يامولاي ،، أبچي بدمع طاهر
رايد أون وانحب،، بالخدمة ما اتعب
شد حيلي يالكافل،، بداعت دمع زينب
أبا الفصل
ارزقني جرح عمره ،، بالغيبة مايبره ،، للدمعته حمرة
أبا الفضل
سويني اله زلمة،، وخل مهجتي يمه ،، وانتظره بالهِمة
-----------------------------
حسين علي التقي
نعي لمولاتي العليلة (ع)
منهد روحة ظعونك وآنه ليلية
أبـرد بالدعـاء وظنوني مچويـة
واليمسّه الهجر تذبـل معـانـيـة
يا سبّاح گلبي ويـاهـوى الـريـة
يـا بـويـة بعد ياعيشـة مـن دونـك
ذبـل لـونـي يغالـي و انشد شلونك
حگها عيوني تعمه امفارگة عيونك
وردة وعودي طگ من شالت ظعونك
اليفارگه شخص غالي يهد حيلة
وأنه بليلة وضواها فارگت عيلـة
شيسد شوغة أبو راح بمداليلــة
وعـايـف طفلته بـعلّتهـا تربيـلـه
عفتونـي بجـرح مايبـره عفتونـي
بچفاكم كلشي يجرح يل چفيتوني
وما گلتو عليلة وذبـلـت اچفـونـي
على هـذا الهجـر چنكـم تموتونـي
رشيت الدمع بوية اعله مگفاكم
عسه ايرد بيكم الدرب الي وداكم
يـل ماشيـن گـلـبـي والله ويـاكـم
جذب أطبگ چفن بالليل وانساكم
شنسه وظل عطركم يجرح انفاسي
وبيتي وحشة صاير ياهلي ناسي
وبيبانه عگبكم تجرح احـسـاسـي
لو هزها الهوى شيب اشتعل راسي
بگت يم حيرتي ام عباس تشكيلي
أذب كل حيلي يمها ودمعتي بليلي
شتحچيلي بچيت وشحچي تبچيلي
ولـو أگللهـا أبـوي اتـگـلـي ياويـلـي
شنهو اخباركـم واخباري هـاي آنـه
عسه بخير الظعن واعزازه واحنانه
وعساها مـخـدرة بخيامه نسوانه
ولا مسّه العطش يابوية عطشانه
( نزله يزيد وراية العباس )
شاف بالرايه أثــــر لچفوفه
وگال هاي الحاله ما مألوفه
إلمن يعود الأثر * لا قضاء ولا قدر
***************
يـــم يزيد الـــروس جابـو زمــــرته المتحلّــفه
وعرّفوهـم بالأسامي وصوتــــه يضحك و احتفه
ومن وصل راس ابو فاضل شافه والصوت إختفه
مــــا سألهم أشّـر إلهم هــــذا منهــو يعرِفــــه
ابـــو فاضل گالــــو يسمّونه
وتره مبيّن بي علي من عيونه
من ابوه كلشي إنحدر * لا قضاء ولا قدر
***************
اثنين بالرايه اجوّي چي ثگيله حمولهــــا
وچانت تميل بإديهم من ثگلها و طولهــا
وِگفت عيون آل اميه بالقصر وعقولهــــا
شلون چف واحد حملها اثنين ماگدرولها
گامتلهم زينب بكل حيـلها
بس المخلفه ابوي يشيلها
وانتو مابيكم گمر * لا قضاء ولا قدر
***************
شاف أثر لچفوفه بيهـــا وگــام إلهم گايــــل
الرايه من تنشال هيچي عفيه عفيه ابو فاضل
مو فقط كافل الإخته الكلشي بالطف كافــــل
هذا چفه السوّه هيچي شلون بالطف كامـــل
تخيّلو وهذا الأثر لشمـــاله
چا يمينه شسوّت بهالحاله
منين حصّلتو مَفر * لا قضاء ولا قدر
***************
يزيد يسأل عالكفيل وشنهو سوّت صولته
والشمر گله بسيطه وسهـل هـوّه واخوته
وشاف من جنوده واحد مـــاقِنع حچايِته
گله تنطيني الأمان وإنطه أمــــان الكلمته
صــــار بالرايه أثـــر لابهامه
چا شسوّه بيهم بصمصامه
والشمر گام اعتذر * لا قضاء ولا قدر
***************
يايزيد حچايه أگلك وانته من عدها افتهِـم
گبل من نشوفه نشرد على الخيل وننهــزم
من دخل للحومه صارت زلم تركب عالزلم
حتى والگلك بسيطه هذا بس هنــــا شهِم
چـــا الرايــــه الهالوكت ملزومه
لچن خلف الله عله نخل الحومه
من وراهن وانغدَر * لا قضاء ولا قدر
***************
الصراحه يــــايزيد بــــلا هــــروب ولا مفَر
كونك انطيت الأمان أحچيها إلك بالمختصر
الصراحه ورّطتنــــا يــــايزيد ويـــه الگمــر
وبالبدايه انته گلتهــــا لاقضــــاء ولا قـــدر
عايِن اجدام الشمر ونگـابه
هذا مفعول الركض وترابه
وصار معلوم الخبر * لا قضاء ولا قدر
***************
كرار الجوراني
شمالها الدنية زغيره
حيل ضاگت بيه يارب
حسين مل صاح اعله كلها
نوب صاح عليه زينب
شفته طايح بس يرافس
متعبينه الموت يطلب
ياطلابة... شنهو حلها
يريد ذباحه يخلصه هواي ناح
شلون تگضي... هاي بلله
الخيل ترتاح واهو ما يستراح
جروحه ماترهم تطيب
والرمح بگليبة چلب
جيت اطلعه وكلي عوفي
زينب ارماحي تتعب
———-
شنهي صاير ماكو رحمه
الناس ما رحمت اخوتي
ربي لو طاح المحامي
ياهو يسمعها نخوتي
البلوه مو دوست جمرهم
افراك خواني بلوتي
ربي وينك .. ضاع كلشي
الخيل داست فوك اخوتي بلا رحم
وهاي خيمه.. وذيج خيمه
والعطش مارحم زلمه ولا حرم
نركض وعينك علينه
تشوفنه ومتكوم النه
الدنيا خيل وانه حرمه
وبالغرب ضاعو اهلنه
_
راح اموت من البواجي
والقهر فت روحي حيل
الليل راحه هواي كالو
وبس بواجي عندي ليل
الخيل تسحك فوك اخوتي
وفوكي احس تسحك الخيل
بلا عشيره.. اطلع انه
ماجنت متوقعه ابد هاي وتصير
هاي خيل.. وذيج خيمه
وذاك اخوي بهيمه ويلمه الحصير
كلبي فت وانكطع تدري
والجبد من هضمه ذاب
ماشفت راحه بحياتي
وداعت دموع الرباب
____
هيه صعده اعله الهزيله
ومانزلنه اله بخرابه
الليل يبدي وضعني يصرخ
وحده خويه ووحده بابه
ليش محد شو فزعلي
وشد على مصابي نكابه
حيره حيره.. والعشيره
بكربله كلهم عرايه بحر ضهر
زينب انه.. وشحجي بلا
روحي طلعت من رجع خالي المهر
ادخل السوك بغربتي
ها يختنه شلون رحتي
رحنه خيمه بضهر خيمه
وعالهزل طاحت دمعتي
____
محمد عيسى المنصوري
ختام عزاء
يحسين العلم لو طاح ضيعنه
عباس الشهم ياخويه كافلنه
مو هينه علينه اليوم ودعنه
صار موادع ، بين حسين وعباس
>>>>>>>>
خويه حسين بله شلون ودعته
شو محني الضهر ياخويه من عفته
لا تگضيها ساكت گلي من شفته
حامي ضعونك طاح ابلايه جفين
>>>>>>>>>>
وينك يا گمر عدنان هاي انه
زينب يا خو زينب كوم ويّانه
بعدك لو طحت اكضيها عطشانه
يا ماي اكعد روي اشفاف الحسين
>>>>>>>>>>
كاسرلك ضهر هم كاسر الخيمه
بعد عباس كلنا نضيع بالهيمه
صعب لو طاح يا وليان يا شيمه
يحدي ضعوني وين الكافل عباس
>>>>>>>>
بعدك خويه هاي الخيل رعبنه
هدت علمخيم حركن اخيمنه
اخوك حسين هم الخيل داسنه
يا خويه اگعد رجع هاي الخيول
>>>>>>>>>>
راح امشي سبيه السبي چتالي
حرمه وعلهزيله انه وعيالي
جنت امدلله وعباس كفالي
بعدك عباس راح انطب ديواوين
>>>>>>>>
وصلنه الشام اخ الشام والهزل
طبينه القصر والناس بس تسأل
جا شو وحّدج وتراب من التل
اليهضم زينب يسئل وين العباس
>>>>>>>>>>
عباس ارد اخبرك شنو بيه الصار
رمح الشال راسك بيه شب النار
كل ما التفت اتلكه بس حجار
يگتل خويه درب الشام اعلى السؤك
>>>>>>>>>
#اللهم عجل لوليك يا رب الفرج
ياويلي يبن امي .. خياله هالجتنه
وفرينه بالهيمه .. ومحد يساعدنه
لا تسئل شلوني .. متمرمره بضيمي
لتكلي عالركضه .. بالهيمه وشعدنا
لمن رحتو ركضنه عالجمر
يابن روحي غريبه وانتضر
شلون اندلك يجويني الضهر
بس خلفالله يدليني العطر
ويلي ويلي ويلي على العطشان
____
هالغربه ماترحم .. ومتعين رجليه
بشده طكت لاجن ..محد فزع ليه
كدامك واوكع .. عالتله رايدتك
يبن امي يبن امي .. صاحولي مسبيه
ضايع جدمي واريدلي اخو
لا من كافل ولا ام لا ابو
هاي الهيمه انملت خويه عدو
ضلمه ومحد اليدليني منو
ويلي ويلي ويلي على العطشان
____
ياخويه ما ادري .. تاليها وي صبري
جا يمته موتي انه .. ما ينتهي عمري
كافي يذبحونك .. كافي انهب خدري
بعد عيوني وبعد كلبي اليدك
لا ما صدك يخويه نفترك
من هجرانك بكلب اختك حرك
اه يبن امي تعوف اختك صدك
ويلي ويلي ويلي على العطشان
___
جابو هزل يمك .. وعيونك تباوع
وتسمع يكلولي .. ماضل اخو يفازع
مهضومه واتلفت .. هلبت تحضروني
كلبي انكسر خويه .. وبغربته ينازع
ما ادري الوين الهزل تمشي درب
كالو للشام اطب ياخويه اطب
من كالولي اكضنه الكلب
بت الحيدر بسبي والله صعب
ويلي ويلي ويلي على العطشان
—-
محمد عيسى المنصوري
رفت الرايه على متون الگمر
والنهر من الخيم حس بالخطر
جيوشهم ركضت ركاض المسودين
كزبر الشط من رعد غيض ومطر
وعيونه تذبح ذبح
خزراته احد من رمح
——-
گلت خويه تدللي وتدللين
وعلي جروف الشط اخليها تلين
انه سقاي العطاشا وردتي الماي
للخيام الشط اجيبه وتشربين
تدلل اخت الگمر
للخيمه اجر النهر
——-
جيشهم ماكامل انطيهم مجال
شوفه اذا كامل تخير بالرجال
زحمه تنزل هم بس سبعين الف
وانته حافر خيلك مفلش الجبال
خيل الكلف هم كلف
ماتسوه سبعين الف
——-
للشريعه انوب دار عيونه
النهر والجيش خاطف لونه
هاشمي ومختاض شيخاصها هاي
شال نهر العلگمي على متونه
تارس الجربته الشهم
حط النهر والزلم
——-
محمد عيسى المنصوري
لخاطر شيباتي _ عوفو ابنياتي _ ردوهه الخيل
ليش متعبيهن _ يعثرن بعبيهن _ مابيهن حيل
////////////////////////////
موش عشر اخيول جيبو _ خل يسحكن بيه ميه
اظلوع اوزع للحوافر _ ولا تلوح اخيامي اذيه
يالخذيتو الخنصر اقبل _ من تكطعوهن اديه
وانته يالماخذ قميصي _ عوف ترجيت رقيه
يمك هذا اني _ اترك نسواني _ ارجع لتروح
واسحك بالحافر _ من هسه لباجر _ وياك اخذ الروح
///////////////////////////
لاني ميت لاني واكف _ شلون مدري ارجع الهن
زلمه ما شافن بناتي _ وترسن الهيمه بركضهن
الليله ادري ما ينامن _ ونايم الشوج بجدمهن
كل عفاف الدنيه بيهن _ بالخيم بين خجلهن
اوكف مااكدر _ نص صدري مطشر _ ازحف ظليت
هنه يشوفني _ بس شيوصلني _ حيل احتاريت
////////////////////////////
شمس ماشافن بناتي _ شلون تردوهن يطلعن
عوفو علوياتي كافي _ ما معودهن يركضن
التهوو بيه تعالو _ وللخيم ماشين المن
خمسه فوك الخيل اصعدو _ بصدري خلوهن يسحكن
ماعدكم غيره _ تشوفوني بحيره _ بااخر لحظات خيامي تحركوهن _ ليش توازوهن _ مو علويات
////////////////////////////
امن الضمه مبوح صوتي _ خانك انفاسي التراب
شايله عبدالله تركض _ ذيجه مو جنهه الرباب
طلع شامت من خيامي _ بيده مدري شنهو جاب
ياحسافه كبال عيني _ هذا طالع ذاكه طاب
كاروك وليدي _ السويته بأايدي _ شامت شالااه
عطره اشتميته _ بحظني تمنيته _ يوليدي احاه
////////////////////////////
اخذو كلشي بيه غالي _ اخذو حته انفاسي مني
وبشرط عوفو بناتي _ جاي يبجن تعبني
لاني اكدر اوصل الهن _ وهنه لا كدرن يجني
ارماح خشنه بالخواصر _ هواي كمت وطييحني
راضي تذبحوني _ بس توعدوني _ تنطوهن ماي
عطشن اعرفهن _ جاي اسمع ونهن _ الركضن حفاي
////////////////////////////
شيبي عدكم ماله خاطر _ وما لزمكم مستحاكم
اطفالي سحكتهه الحوافر _ رحمه ماعدكم شجاكم
عالرمل وشلتو دمي _ وللخيم ازحف وراكم
والله ماعدكم حميه _ وبس ابو فاضل دواكم
السوط محظرينه _ وين مودينه _ شراح تظربون
انهض مابيه _ ماتن رجليه _ عوفوهه ام عون
////////////////////////////
تمت ____ علاء الزيدي
خط الحرايب خطه
وكـل الليوث تغبطه
مسلم وما أدراكَ ما مسلم
----------------
تجيّشو يم بـيـت طوعة گالو تحاصر بعد
دروب ضيگه وهو وحده لاظهر عنده وسند
الهاشمي مادرو لو يغضب ولا يعرف عدد
اجه ليث ابنص قطيع وحته راعيهم لبد
مطرت غضب چفينه
وحومرت للطگ عينه
مسلم وما أدراكَ ما مسلم
----------------
طشهم ومن برز شافو چنّه جيش بصولته
تهيئلهم علي جـاي بـذو الـفـقـار و لآمـتـه
مثل ابو طالب وگفته وحيل حمزة بسطرته
وغيرته منه ابو فاضل ياهو يحمل هـدّتـه
ركضو ركض بالخوفة
صاحو منو البالكوفـة
مسلم وما أدراكِ ما مسلم
------------------
ردهم لقصر الأمارة سوّه بالعسـكـر فلـم
كلها لأبن ازياد شردت صاح خلوني افتهم
الحگ تحاصرنه گـالـو والقـصـر لا ينهـدم
هد علينه زلمة حوك اكبالة ما توگف زلم
الحگ تـره تورطنـه
ماگلت مسلم ضدنه
مسلم وما أدراكَ ما مسلم
------------------
ياأمير الحگنه وصّل روسنه فوگ السطوح
اخذ منه(هدنه)لحظة الجيش ماظلتله روح
صرنه منعد الضحايا من الجثث ماكو وضوح
هذا زلمة من الحسين تريدنه لكربلا نروح؟
مسلم وسوة سواية
بكربلا هـاشـم جاية!!
مسلم وما أدراكَ ما مسلم
-------------------
هذا مسلم هيج وحده شلون ندخل كربله
دروب ضيگه وما گدرنه شلون باجر بالفلة
و آل هاشم كلها جاية وكلهـا زلم امعـدلـة
أبو فاضل لايجينه النهر احنه نوصله اله
بـس مسلـم وتعبّــنـه
شلون الگمر لو گضنه
مسلم وما أدراكَ ما مسلم
--------------------
حسين علي التقي
.
. لـلـمـوت اويـاه انـصـاره كل احـنـه اسيوف بتاره
الگابلنه اليوم يندم
نكتب تـاريـخ بالدم
نكتب تاريخ نكتب تاريخ
*---------------*---------------*
احـنـه انـصـار دمـنـه الـحــار مـا يـبـرد
مـوقــف يــوم ثــــابــت دوم يـتـجـدد
شنهي الـمـوت هـذا الـصـوت يـتـخـلـد
بحب حـسـيـن لازم ديـــــــن يـتـسـدد
عـاهـدنه حسين منعوفه
كـل واحد سيف بچفوفه
*---------------*---------------*
بــســـم ٱلـلــه نـمـشـي ويــاه لــلآخـــر
الـطـف تحرير نـدري ايصـيـر من باچـر
احـرار انعيش منـهـم جـيـش بالـعـاشـر
بـهـالـسـاعـات بــيــن الـفــات والحاضر
متهمنه اعـداد بالحـومـه
انوصّـل للجيش معلومه
*---------------*---------------*
عـدنـه اوعـود نحچي ابـزود ونـواعــد
كلنـه انـطـيـح بس ايـصـيـح عـالحاقد
المـوت انـريـد هِـمــه انــزيـد ونـجاهـد
ســـد الـبـــوب لٱجله انـذوب هـالقـائـد
يفدي المحبوب محبوبه
تبقه الـكـلـمـات مكتوبـه
*---------------*---------------*
كلشي ايـروح نـفـدي الـروح مـانـهـتـم
انصير امـثـال مـنـهـه اجيال تــتـعـلــم
بـس يـنـجـاب اسم اصـحاب نــتــقـدم
نـــدري بــهـاي وٱعـلـه الجاي نـتـحــزم
اهـلاً بـالـمــوت ونـريـده
انردد هالصوت ونعـيـده
*---------------*---------------*
بـهـالـدســتـور ننطي انـحــور لـلـغـالـي
انصـد اسـهـام نحمي اخـيـام مـنـبـالي
انصير اسـيــاد حـــب نـــزداد بـالـتـالي
أحنَـه الــروس فوگه انـدوس كل عالي
تعرف هالكوم غـايـتـنـه
متصير اثنين كـلـمـتـنـه
*---------------*---------------*
✍خادم الانصار
الشاعر رعد الجريخي
#إحرگني_بهواك
. احـرگني ابهواك حسسني بجمر
ابـدونـك حُـسَـين مـاريده العمر
خليني احترگ وأشعر بالعشگ
من اهتف حسين من اهتف حسين
*---------------*---------------*
خـلـيـنـي احترگ حتى اشعر بحبك
احلفك بـالـرضـيـع اللي كـسـر گلبك
لـو ادري تـردنـي بـهـايـه مـاطـلـبـك
تـره البارد گلب مـا مـاشـي عالدربك
عَـيّـشنـي بحنين من اهتف حسين
*---------------*---------------*
مـولاي الـدمـع خـلـيـه يظل يـجـري
ابـدونـك عَـدم وشـبـي بعـد عـمـري
تـدري بـخـادمـك مـنـذور الك تـدري
يــا اول عــشــگ يـا اخـــر وعــذري
للخـدمـه استعين من اهتف حسين
*---------------*---------------*
حلات اليحترگ نـوح ولـطـم يجمع
وحـلات العين تبقى بمجلسك تدمع
حِسيناً واحسين ابشوگ من اسـمـع
يردد گـلـبـي ولـسـانـي يـرد يـطـمـع
يـتـعـالــه الانـيـن من اهتف حسين
*---------------*---------------*
مـحـبـوب الحزن لٱجلك ولا يـنـمـل
تره العاشگ صـدگ نـيـرانـه يتحمل
مـايـكـمـل بـدونـك ديني مـايـكـمـل
جميله الخدمه لـٰكـن بالدموع اجمل
مـريـود الــونـيـن من اهتف حسين
*---------------*---------------*
مـــرات ابــتــعــد وارجـع الك نـادم
يالـ گلبك وسع وتـحـب شكو خـادم
اذآ تــرضـه عَـلَـي مـاهـمـن الـــوادم
يـأول كـلـشـي انته الماضي والقادم
لـمـصـابـك حزين من اهتف حسين
*---------------*---------------*
✍️خادم الحسين ع
الشاعر رعد الچريخي
#اول_سفير
اوّل ســفــيــر لـكـربـلـه حـدد مـصـيـره ابمرجله
بدم النحر خط موقفه الحاسم
طب للقصر صـورة مجد راسم
*---------------*---------------*
هاي البطوله لــ كـل بطل موقف
مثل الجبل كـلـمـا فتن تـعـصـف
شمرت علي ومنه الزلـم تـرجـف
بْـقـوّه وإراده بـكـل فـخـر يهتف
اليوم اقـود الـمـلـحـمـه رافـع شـعـاره وصـارمـه
وصّل رساله لـ كل بَغي وظالم
*---------------*---------------*
اروع مـثـل مَـــر الــزمـن يـذكَـر
وحده ارتجل وارث صفة حيدر
بهمه وعَزم صـوته اعـتـلـه وكَبّر
لجل القيم رخص دمـه المـنـحـر
هز الطـغـات ابـوگـفـتـه خـيـل و زلـم مـاهـمّـتـه
صـاح بعزم مـسـلـم انـه القادم
*---------------*---------------*
اشگد حـاولـوا رادوا فقط يـركع
لـٰكـن قِـسـم بيده الـفـخـر يصنع
من الـخـصـم اَي كلمه ما يـسـمع
رغم الـعـدد والـجـيـش التـجـمّـع
مـحـد وگفـلـه ونـاصـره الـوارث شجاعة حيدره
غير السبط رافـض شَكو حاكم
*---------------*---------------*
محتار اوصفه ابيا وصف مسلم
رسّام احسّه بكل مـجـد يـرسـم
بـهـالـمـعـركـه لازم امر يـحـسـم
معنى الوفه لــ أهـلِ الوفه ايعلم
اهل الـمـواقـف خـالـده ابمـسـلـم المـوقـف بده
بيّن صفه وغـيـرت بني هاشم
*---------------*---------------*
يحچي القصر دوم ويظل شاهد
لـمـن دخـل لـيـه بـصـفـة قــائــد
إنهار العرش و الــ عالعرش گاعد
والد حـمـيـده الـذَل شـكـو حاقد
بإسمه الرجـولـه اموقّعه لــ كل الـمـفـاخـر جـامعه
الراد الـشـرف ثابت يظل لازم
*---------------*---------------*
اوّل سـفـيـر اعلـه الـمـلـه اتـفـرّد
بـديـرة غـرب بيه العـزم مـشـتـد
هــاي الـزلـم مـو كـل زلـم تـنـعـد
بس الصنع مـوقـف تـرى اتـخـلـد
ربنه اصـطـفـاه وشـرّفه اهل الـمـراجـل تـعـرّفـه
مـأتـم إلـه بطول الـزمـن دايـم
*---------------*---------------*
خادم مسلم ابن عقيل ع
✍الشاعر رعد الجريخي
((لسموم الدنيه اركض))
هاذه من واقع خيالي
مدري الواقع بچالك
الله خالقني عله مودك
بكيفك تعذب حلالك
حوافر خيل كالولي
واني اصرخ ياجمالك
مزجت النعي ويه الهم
جرحي اخضر ومالم
ليش اليحلم بطفك
يفز هدومه كلهن دم
انته حيدر مو ابوك
والحسن اعرف اخوك
ليش هيج الناس صارت
بلبواتر تعبوك
حسينا. حسيناااا. حسينااا
انته يلعشكك حقيقي
وياك ماشفنه الجذب
لسموم الدنيه اركض
وانته تارسني عذب
انه موهب ريح يمك
اني نادر بلذنب
يلعشتك حنان امي
ابوي وصاحبي وعمي
كل اهله شفتهم بيك
بعيد انته لاچن يمي
ياغريب وصيته عاش
الرمل صاير فراش
يطولك عني تارس
دوه يم جرحي وا شاش
حسينا. حسيناااا. حسينااا
يدمع السكته المفضوح
يشوفونك عله عيوني
شثكل هجرك صعب مولاي
جبل طايح عله متوني
كون متوني مو هنه
يشتموني ويضربوني
يلدمك بياض وجهو
بس هاذه لذي ارجو
بدل صدرك بصدري
حته بخيل ايسحكو
ليش كل هاذه الدلال
جفوفي مابيهن حبال
لازم انتصر يحسين
وي الذنب ابقه بنزال
حسينا. حسيناااا. حسينااا
يشاغل كل فكر راسي
نبي عيوني ولي كلبي
حلاتك واضح ومفهم
بس الخله ابحبي
ماشارب لذيذ الماي
يلمعدل عوج دربي
كلشي بيدك يا عجيب
عليك ارد ابقه بنحيب
وهاي اديه وكلبي يصرخ
ياحنين ويا مجيب
ياكريم وياجميل
واني ابو الزين القليل
ياملك الجاك عبدك
متوسل وا ذليل
حسينا. حسيناااا. حسينااا
نجاح عدنان
( الصَّلحُ خَيرٌ ) جاءَ فِي القُرآنِ والسُنن
ما عَــزَّ دينُ اللّٰــهِ إلّا بِيَــدِ الحَسَــن
لـهُ مِنّـا .. سَلامُ اللـه
مُمهدُ يومِ عاشورا
----------------
الحسن مهّد للحسيّن ولأبن هند حدود حط
عمـل بالسنة الشريفة بالصلـح من اشترط
مو بشورك گله تعمل من كتاب الله فقط
و راح تلگه آياته بينه واليخالفنه بسخـط
ظـنَّ ابنُ هنــدٍ ، أنّــهُ يَضحـــىٰ مُحـرَّرا
فكــانَ قَيــدُ الصُلـحِ حــبًلا ، أذهلَ الورى !
وأمـرٌ كانَ مقدورا
مُمهدُ يـومِ عاشورا
----------------------
الشرط الأول لمن تهلك گله يرجعلي الأمر
تبقى لحسين الخلافة لون ماباقي العمر
علي تنصب بالغدير وبايعت ناس شكـثر
وسلبتوها بالسقيفـة انتم يـظلام العصر
ما همُّكُـم واللّٰهِ دِيــنٌ ،فعلُكــم سَــوا
الحكمُ للّٰــهِ ، وليـسَ الحكـــمُ للـهوى
وليسَ الحُكمُ للشُّورىٰ
مُمهدُ يـومِ عاشورا
----------------------
غير الأحسان من ابونه اشفتو بس ياللعجب
أربعين اعله المنابــر سَبـَّـه عدكم مُستحب
من هوان الدنيا شفنه الفحم ايذم بالذهب
الخشب يترحمله چان وتسبونه اعله الخشب
جـاء في قولِ رسولِ اللهِ جدِّنا ،
إنَّ مـَن سبَّ عليــًا ، سبَّنــي أنا
هو القرآنُ مذكـورا
مُمهدُ يـومِ عاشورا
----------------------
وشرط ان يحفظ صحبته وشيعته وانصاره
ومشه داء الغدر صار الجار ايفتن بجاره
وتالي محد راعه حقه بس قليل اخياره
و زوجته انگلبت عليه وسمته بنص داره
ملأ الدنيــا سخــاءً ، سيدُ الكرم
فهوى بالسُّــم ويلــي يشهقُ الألــم
حـسينٌ ظل مكسورا
مُمهدُ يـومِ عاشورا
-------------------------
طاح بأحضان الحسين وصار يمسح وجنته
شافه يلفظ كل احشائه والسم ايفت جبدته
نغصت عشيتي گله وگلبي هاجت مهجـتـه
وگله خويه يومك اعظم ماكو مثل امصيبته
ما رأتْ عيـنُ كريــمِ الآلِ يا تُـرى
تسحقُ الخيـلُ سَليبًا ، حُزَّ مِن ورى
بكـاهُ العراشُ والحُورا
مُمهدُ يـومِ عاشورا
----------------------
الفصيح: للشاعر قاسم المالكي
الشعبي: حسين علي التقي
ياگلبي هـايـه نصرتـك .. هظمك بعد جيبة
حيرة شتواسي بدمعتك .. يم راعي المصيبة
واسي الغريب بغربتك .. و أمامك بغَيبة
صاحب زمانك منتحب .. انحب على انحيبة
دمعه ايهل دمه ياكلبي واسي
ولين لغربته ولتصير قاسي
حزنه بكربلا يهد الـرواسـي
صاحب زمانك ياگلب يجرح زمانه
أيامه حسين
مامرة من دمعة نشف ردائا
مخلصهن ايامه بجرح عزائا
الشاهد دمع عينه دمه ودعائا
لأنـدبـنـكَ صباحـاً ومسائـا
لك العزاء يبن الحسن
----------------
ياگلبي هاي منّيتك .. جرحك بعد حده
رحمة وصلت لعبرتك .. لا تبرد وتهده
ويه المغيّـب دمعتك .. بالدم يسح خده
وحسينه مطروح الترب.. باجر يظل وحده
الشاهد ذبّحته وكل الرزيـة
وثلث تيام جده عالوطـيـة
وعماته انسبن بالغاضريـة
وشلون تبرد مهجته المسبية عمته
سالفته حسين
لجدي الغريب انعى بگلب ثكاله
حته الحجر ظل ينحب اعلحاله
عطشان وبسيفه الشمر اجـالـه
وبذبّحته ايدير الطرف عيالة
----------------
صاحب زمانك ياگلب.. شاهد ألم عاشر
مدة غيابه ينتحب.. وشگد بقى امكابر
ينعى الغريب ومغترب.. بليل الدجى مهاجر
ثارات عنده ومنتظر .. باجر وره باجر
ثاراته بطن وجروحه جمرة
وليل بليل صارت ناره كَبره
ثار المحسن وسطرة الزهرة
وضلوعه محنية لأجل ظلع الزچية
ثاراته حسين
ماعنده حل غير الفرج يتاني
والعنده ثـار اتتعبّه الثوانـي
وانه نصرتي ليومه أظل اتاني
ابچي لغربته حسرة چي يعاني
--------------------
ياگلبي كونك تنكسر.. وأبچي بألم حسرة
ويه دمع امامك من تهل.. معناها الك نصرة
ليلية ميفوته العزة .. وينحب مع الزهرة
بعاشور گلبه منفجع.. وچم عاشر بعمرة
ينعى بمأتمه وتبچي الزجية
وفرض عنده تره دمع العزية
وشصير بروحه وي طاري رقية
بسوگ وخرايب والجرح شام الغريبة
وجروحه حسين
ياجدي ابچي دامـت الليـالـي
يجرحنّي بيك ودمعتي سؤالي
چم غالي شفته منذبح يغـالـي
وعالتله اختك صاحتك دلالي
----------------------
هايه جروحه المنتقم.. وجروحه الچبيرة
يبچي لربيبات الخدر.. مـن ظلن بحيرة
عمته المشت ذاك الدرب.. دخلوها يا ديرة؟
ديرة القبل تكره علي.. ودام بلا غيرة
الشام الخله راسه اشتعل شيبة
جرحه الأكلف وشاعل لـهـيـبـة
بخرايب گعدت أم عون الحبيبة
ومهظوم چي عمته بقت ماعدها رآية
وينادي حسين
ياجـدي گلبـي مايكف نحيبة
وثارك يجي يوم وبيديّ اجيبة
وللعالم اشرح مقتل المصيبة
واصيحن يالي ثاراتِ الغريبـة
----------------------
حسين علي التقي
باجـر راح ياخذنـي بـرحيلـة
وما يجرحني يدريني عليلـة
أعرف ايصعدني باجر
وأبد مايكسرلي خاطر.. عليلة
----------------
ليلي گلة صافنة احسب بالثواني
من كثر تفكيري نومي ما أجاني
گلت ابوي امخلي بالهودج مكاني
حاسب ويه ارقية نفس الناگة آني
وحالة من صار الصبح كلش دهاني
شفته صعد كل خواتي وما خذاني
بالليل الفرح غطه اعله نومي
ومن صار الصبح ماگلي گومي
واوگفت گدامه اناطر
وأبد مايكسرلي خاطر.. عليلة
----------------
اعرف بحنيته ابوي شگد يحبني
گلت ما معقولة ياخذهم ويخلني
شفت دمعه بعينه وانضك بيه حزني
چنه جاي ايشيل ظعنه وموش ظعني
گلت ايصير گبالة وهوا يفتهمني
وأشرتله وظل يدير بوجها عني
صعدّهن خواتي وحدة وحدة
باوعلي ونزل دمعة اعله خدة
چنّه دمع اوداع كاسر
وأبد مايكسرلي خاطر.. عليلة
-----------------
گلته بويه امتاعي هذا ماتشيلة
صارت بگلبي تره الحيرة ثگيلة
گلي يبنيتي تره السفرة طويلـة
وگتله سهلة افراگك ولا بيه حيلة
عادي اتحمل سبي وسوط وهزيلة
كلشي بس لتعوفني بداري عليلة
كلشي اتحمل وداعت عليلك
بس لتعوفني لوحدي دخيلك
احتمل كل ظيم عاشر
وأبد مايكسرلي خاطر
-----------------
طوّلت لو گصّرت بويه سفرتك
بالثنين أنجرح يالغالي اعله بختك
هم حنينة وهم عليلة تدري بنتك
وميتة لا تحسبني. بس امفارگتـك
طلّعت روحي من الباب بطلعتك
وگلبي گلي ماتـرد بـآخر شبگتك
وصارت علّتي من هاي فرگة
وتخيلت جسمك گرب سحگة
وبرمحهم راس حاير
وأبد مايكسرلي خاطر .. عليلة
------------------
حسين علي التقي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
ها يبعد العافيه شلونج يزينب
ها يبعد العافيه شلونج يزينب
علي وياچ والله اليگويچ خويه
ياأخت مثلچ لخوهه هيچ تتعب
ياخت لخاطر أخوها بعطش يلهب
صعدوچ عللهزيله .. ونتي زينب ذيچ اختنه
الحنينه والعقيله .. التتعب وماتعبتنه
ماخلنچ الهزل خويه شويه ترتاحين
گضيتيهه عله الخوان فوگ المحمل تونين
دموعچ غاليه عليه وخايف يختي لاتعمين
عطشانه علضهر النوگ عطشانه يبعد العين
بسچ ياچرح گلبي أرتاحي شويه لاتبچين
@@@@@@@@@@@@@@@@@@
هواي حيل أمتعبينچ يالحنينه
هواي حيل أمتعبينچ يالحنينه
مره چبيره وي الرگض ماراهمه
ولاتضل تشگف ضرب دون الضعينه
ونه أدري من مشيتچ موش زينه
أمبين أبممششاچ موت .. والكبر للتعب كله
وماسمعلچ يختي صوت .. مدري ميته مدري عدله
شصار وياچن أخلافي أدري الصار ماصاير
ياضيم السده عليچن بعد من خلص العاشر
زينب خويه گليلي بس لا لاحچن حافر
ياخاطر أخوچ حسين حالچ يكسر الخاطر
شلونه الحادي وياچن الرگضچن ماتنه الباچر؟
@@@@@@@@@@@@@@@@@@
ليش زينب خويه هيچ متونچ
ليش زينب خويه هيچ متونچ
وهذا أثرمن صاير علچفوف أديچ
ياسترنه حمره ليش عيونچ
شلونچ انتي وحته أگول شلونچ؟
رگضوچن حافيات .. وبالخرابه الليل نمتي
صايره دون البنات .. كافل وكلشي حملتي
النوگ الشالتچ يم عون تمشي بكيف راعيهه
كل ماسمعن تونين ورقيه تفز بواچيهه
تتعثر تضل وتميل بس يخزرهه حاديهه
أنه أدري هواي تعبانه دموعچ لاتضميهه
المثلچ يابعد كلشي خويه مانچازيهه
@@@@@@@@@@@@@@@@@@
الحيل تعبني وعلي ليل الخرابه
الحيل تعبني وعلي ليل الخرابه
مدلللات ومادرن شنهي الخرايب
الهاظمتني أسمع رقيه تصيح بابه
الطفله المدللهه نامت علترابه
نامن أبنيات أخوچ .. ونتي ضليتي بونينچ
يالعزازچ تعبوچ .. وماألچ واحد يعينچ
من كثر التعب والظيم نامن ونتي ضليتي
وصوتچ راح بس بحسين بكثر مابسمه ونيتي
ومن طر الفجر يم عون گعده يختي صليتي
وصاح الحادي لميهن وبيهن گمتي لميتي
گوه بروحچ تجرين لنفس الهزله رديتي
رسول رياض
كلشي انتهى.. والطف خلص منايه
بس بالحزن .. قد حانت البدايه
صح مات الحسين
لكن حيا الدين
———
كلشي ويه الموت تبـــدي بي نـهايـات
وتنـــتـهي قـصــــة الوادم والحكايات
حسين ماخلصت حياته ساعة المات
استشهد او انطانا زود ابكل الاوقات
كلشي اختلف.. من واقعة محِرم
شفنه انتصر.. عالسيف منحر ودم
صح مات الحسين
لكن حيا الدين
~
الفتح گلبه بكربله ورحب للسهام
مات لكن دمه احيا روح الاسلام
رغم ماحرگوله بالطف كل الإخيام
للحسين ارتفعت بكل گاع الاعلام
بدمه كتب.. اصدق وهم رساله
الدين انحفظ .. والينه من خلاله
صح مات الحسين
لكن حيا الدين
~
عدنه شاهد عالنصر باقي الى الآن
حسين حاضر والعدو في كلمة الكان
ولذلك دين جده ابكل الاوطان
مثل راسه اعله الرمح ضل عالي الآذان
دم منحره.. سال وكتبله آيه
من كربله .. حيه على الولايه
صح مات الحسين
لكن حيا الدين
~
هواي وادم ماتت ومحد ذكرها
مثل موت الورده من يذهب عطرها
شفنه بس ثوره بقه لليوم اثرها
شگد عظيمه وباقي ليهسه فكرها
ثورة شرف .. أبن النبي صنعها
وابكل وكت .. مايختلف وضعها
صح مات الحسين
لكن حيا الدين
~
يبقى يوم حسين خالد خلده الله
واحنه نهتف واحسيناً واحسيناه
اقرب النه امن الاهل مولانا شفناه
عايش اويانه وأبد مايوم ننساه
بوسط الگلب : ثابت يضل مكانه
طول العمر : عايش يضل اويانه
صح مات الحسين
لكن حيا الدين
~
حيدر بشار الدراجي
ثورة الله زينب الـوفـايـة
چنها حيدر بيده شايل راية
ــــــــــــــــــ
هذا تاريخ الوصف أعظم مرة
وارثه الزهرة الزجية الطاهرة
هية ستر الله وأميرة مخدرة
بيها الحسين و شجاعة حيدرة
للشجاعة البيها نزلت اية
چنها حيدر بيدة شايل راية
ــــــــــــــــــ
هية شيخةْ هاشم ونِعم النِعم
خافت بخطبتها أشباه الزلم
صِمدت گبال المواقف بالعزم
الله سددها وأبد ما تنهزم
ما يصدعون الجبل بحچاية
چنها حيدر بيدة شايل راية
ــــــــــــــــــ
رجت أركان القصر لمن حچت
وكل طواغيت الزمان تخورست
ما بچت عين العدو هية البچت
من صبرها الدنيا كلها تعلمت
للصبر أم الصبر عطاية
چنها حيدر بيدة شايل راية
ــــــــــــــــــ
چنها كعبة وبت إِمام وبت نبي
ذلت وقهرت عدوها الناصبي
ثورة الله انتصرت بهاي العبي
حطمت صرح الغدر والأجنبي
زينب انتصرت وسيلة لغاية
چنها حيدر بيدة شايل راية
ــــــــــــــــــ
هذا مشروع الله بعد الطف صدر
كملت هاي المسيرة من النهر
هيبة الله وچن علي فارس مُضر
من حچت ليها استمع حتى الحجر
والحجر ليها انفجر كل ماية
چنها حيدر بيدة شايل راية
ــــــــــــــــــ
هية الانتصرت رغم ذاك التعب
بالقصر حيدر علي لمن خُطب
يسكت الطين ولمن يحچي الذهب
مو عجب لـ أهل الكهف منها العجب
يامرة الشافت رزايا هواية
چنها حيدر بيدة شايل راية
ــــــــــــــــــ
هدِمت باطلهُم وذاك الصنم
وكل عبيد السلطة واتباع الخدم
نكِست رايتهُم ورفعت علم
ثَبتت بالدنيا رايات القيم
نصُبت بأرض الطفوف الثاية
چنها حيدر بيدة شايل راية
ــــــــــــــــــ
الشاعر زين العابدين الشمري
بعــــد حنيتك عگبك ما اصاحب
تطيب اجروحي وجرحك ماطايب
وذنوبي تعادل حافر
ما اخجل منك صاير
حسين
،،،،،،،،،،،
صعبه المنسحگ بالخيل وتحبه
مـــن المفترض بأعمالك اتطيبه
تستغفرلي وارجع عالذنب نفسه
اسف مــن اكلك تنحسب جذبه
يبعد عيــــوني اســف اذيتك
مشغول بدنيه وعايف حنيتك
بالحب ديوانك عامر
ما اخجل منك صاير
حسين
،،،،،،،،،،
عنده احساس گلبي من اليجرحونك
چا يمته اصير امــــــــن اليطيبونك
تزين لروحي دنياي واحــــــب ذنبي
تعبت يــوميه اكلك بعــد ما اخونك
كـــــــــون اتعاقبني تـحسسني ابذنبي
يوم امشي بدربك وعشره امشي بدربي
وابجيلك بس بالعاشر
مــا اخجل منك صاير
حسين
،،،،،،،،،،،
صايــــر صيت عندي واطلع وامشي
ولو مـا انتَ چــــــا ما امتلك كلشي
شكر واجب اصلي چي عرفت حسين
وشــو انا لصلاتي گــــوه افك رمشي
شما اعــــاهد نفسي تكثر زلاتي
عود مــن الماتم جـامع زيناتي
ويوميه ابموقف حاير
ما اخجل مـنك صاير
حسين
،،،،،،،،،،،
ساعدني اعله نفسي ارجوك ساعدني
كل مـــــــره ابهواها اجباري تاخذني
فطرتي اتريدك وما عندي غيرك باب
وانه الـــدكيت بابك حـــاشى تتركني
حسين بكــل غالي ثبتني بدربك
وشما اتبعـــــــد رجعني لقربك
انــتَ التنهي والتامر
ما اخجل منك صاير
حسين
،،،،،،،،،،،
خادم القصيده
عزيز المياحي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
مولاي مسلم ابن عقيل(ع)
مسلم غريب..صحت مابين المله
مسلم غريب.. يهـل گاصد كربلـه
ياحسين امن القصر
سلّمت واسجد شكر
هسه بين اهل الغدر.. مسلم غريب
-------------------
صحت بدموعي يهل مجبل علينة
سـدّر بظعـنـك ورد بـي للمـديـنـة
تـره بينـت نـيّـة الكـوفـة اللعيـنـة
المسه بدينة شو صبح كافر بدينة
كلش عجيب.. ياحسين أمر الخلق
كلش عجيب.. والغدر عدهم رزق
بايعو نـاس الـظـهـر
ونكرو البيعة العصر
هسه بين أهل الغدر.. مسلم غريب
---------------------
تـره يحسـيـن الكتب بينـت حقدها
اليمي موش انصار بس الوياك گدها
تريد نوعية الـزلـم موش بـعـددهـا
ثنعش ألـف كـتـاب سبعينك تـردها
هذا النصيب .. مالي كافل لا سنـد
هذا النصيب.. ومابقه بغربيلي أحد
العدّة طلعت مو كثر
بقى لسبعينك الأمر
هسه بين أهل الغدر.. مسلم غريب
---------------------
بثوب دين الناس متغطي عرفتهـا
بعـد سبعينـك ولا صحبـة شفتـهـا
(لم أرى خيراً من اصحابي) فهمتها
النصرة بدماهم كلت يعني ادركتهـا
جون وحبيب.. لو بجيشي ماطحت
جون وحبيب.. على ذولي اتحسرت
صحبتك اصحاب سر
ولا اجـالـي مـثـل حر
هسه بين اهل الغدر.. مسلم غريب
---------------------
هنانه اليسالم حرب واضح نقيضه
مو طبع چنّه الغدر عدهم فريضه
بذل والاستعباد هل الوادم مريضة
الفاض خيره اعليهم بدم صار فيضه
دمي خضيب.. من بعد ذيج الكتب
دمي خضيب.. بالحبل تالي انسحب
اكتابي يحجيلك عسر
تره طبع الكوفة مر
هسه بين أهل الغدر.. مسلم غريب
----------------------
لـون مـرسـالـي اجـالـك أخـبّـرنّـك
ياحسين الناس متلهفة اعله طعنك
هاي ناس اوحوش ماترحم بظعنك
وتدري سَن سيوفهم شيريد مـنـك
راسك يشيب.. على ولدك من تصد
راسك يشيب.. للـخـيـم لـمـن تـرد
من يمس عبدالله ضر
تخضّب ابدمه شـكـثـر
هسه بين أهل الغدر.. مسلم غريب
---------------------
حسين علي التقي
لوماكو بالدنيا لطم
مابيها لذه ولا طعم
من غير دمعه اعله حسين
معميه ياريت العين
واحسيناه
ــــــــــــــــــــــــــــــــ
هالعـمر مايسوه من غير المجالـــس
ابلا عـــــزيه هالــعمــر مابيه واهس
احنه كشختنه صفت سود الملابس
هالمآتم صارت النه فــــرض سادس
ماخذ گلبنه بكل وكت
ودموعنه بحرگه تکت
هالحب قديم بکل روح
ماننسه حب المذبـــوح
واحسيناه
ــــــــــــــــــــــــــــــــ
الدنيا ماتسوه اذا مــــــابيها عَبره
كل طعم مايبقى بيها وعيشه مره
حلوه لـــــو بيها نياحه وبيها نقره
عالحُسين الطحنت الخيّاله صدره
ما ريد عين ولا نظر
لو ما انوحن عالنحر
حسين الحبيب المعشوگ
بدوس الحوافر مسحوگ
واحسيناه
ــــــــــــــــــــــــــــــــ
الگـلب مايشفه ولا تشفـه جراحـــه
يطيب جرحه لو سمع ونه ومناحه
شفنه هالـــعـزيات للمـعلــول راحه
ابلا عــزاء كالـطير لوكسرو جِناحه
ياما نخينه المنذبح
مايبقه هم ولا جرح
والشده تفرج وتزول
هو الامـــام المأمول
واحسيناه
ــــــــــــــــــــــــــــــــ
حاله روحيه تــجينه ابهل عـزيـه
وراحه نفسيه وعـــلاقـه حيدريه
بيـهـا انفــــاس الــموالي فاطميه
الما مشى بهذا الدرب شابع أذيه
الهاي المجالس نعتـني
ولا نتعب ولا ننــثـــني
راحتــنه صارت بالنوح
وصرخة الصوت المبحوح
واحسيناه
ــــــــــــــــــــــــــــــــ
هالگلب عالفطـــــــره متعلگ بمامه
حب ابو السجـــاد ماخذ كل هيامه
شفنه حب احسين عاقبته السلامه
الما سلك هــــذا الدرب يشبع ندامه
خسران وايعض الصـــبع
المايجري لحسين الدمع
واليبچي واينوح اعلــيه
باچــــــر الزهره اتـجازيه
واحسيناه
ــــــــــــــــــــــــــــــــ
حيدر بشار الدراجي
#متى_اللقاء
بـالـغـربـه مـلـيـت الصبـر يــومـيـه ادورلـهـم عـــذر
وٱتنطر لــ ملگاهم وٱتنطر لــ ملگاهم
*---------------*---------------*
يـومـيـه اگول ابّـاچـر الـخـير
ورفـت دلـيـلـي اتشابـه الطير
حگـهـه التفارگ اربـعـه اتحير
لحد يـگـلـي ابـهـذا مـيـصـيـر
مــا انـصـف ويـاي الـزمـن خـلانـي بـالـهـم والـمـحـن
*---------------*---------------*
تـنـزل دمـعـتـي وتـتـرك آثــار
خلوني وحـدي وماكو اخـبـار
ياهـو اليگلهم بـٱمـهـم اشصار
شـيّـب گـلـبـهه ومـسـتـعـر نار
مـا احـمـل احـزان وجـرح سـهـرانــه اظلن لـلـصـبـح
*---------------*---------------*
احسب ليالي وگلبي مـشـلوع
وچفوف ادي طبعت بالضلوع
غير الوِلِد مـا عـنـدي موضوع
طَفّوا حياتي الچانوا اشـمـوع
عـذبـنـي يـا نــاس الـبُـعـد مــــا اگــدر عـيـونـي أسِـد
*---------------*---------------*
يا يـوم اشـوفـن تعبي يا يوم
بالغربه وحدي ابنص الهـمـوم
حصتي السهر ما اعرف النوم
حته الحلم بـعـيـونـي معدوم
عافوني ما ادري الـسـبـب مسموح اوصل إلهم عتب
*---------------*---------------*
بـس ذكريـاتِ الـتـجـرح البال
طـال الغياب وحـالي هالحال
ماكـو خـبـر لا جاني مـرسـال
والليل احسه لــ روحي چتال
شـلـون اصـبـرنّـه الـگـلـب اتـسـلـه بـدمـوعي التصب
*---------------*---------------*
يلفي الـغـرب والمدمع ايـزيـد
إلـمـن اريـده وعـمـري شيفيد
مـا بـيه اروح واگـطـع الـبِـيـد
واطوي الفيافي ودرب البعيد
احــلامـي بـيـهـم انـجـمـع مـتـعـذبـه بـٱشـواگ ودمع
*---------------*---------------*
✍خادم ام البنين ع
الشاعر رعد الجريخي
#وفقني
. حـبـيـبـي نــــاذر اسـنـيـنـي إلـك
حـبـيـبـي يا حـسـيـن أتـوسـلـك
وفـقـنـي لـلـخـدمـه
وفـقـنـي لـلـخـدمـه
*---------------*---------------*
اقـبـل خـدمـتـي واللطم فدوه
ادري المجالس هالتعب تـسـوه
ظامي وأجـيـتـك سيدي أتروّه
ماعـنـدي غيرك مصلح وقـدوه
اريـــــدن گـلبي لجلك يـحـتـرگ
اريـــــدن اشـعـر ابـنـار الـعـشـگ
*---------------*---------------*
أحرگني بالمجلس مـثـل شمعه
مـاريـدن احـضـر ونسه للدمعه
الخادم دعاك واعرف اتـسمـعـه
يـقـسـم عليك بـأمك الـبـضـعـه
عـــزائــك يـسـوه ايــــام الـعـمـر
عـــزائــك كــون اعيشنه بـجـمـر
*---------------*---------------*
والله الـيـحـبّـك يـرتـفـع قـدره
اتـوفـقـه انته وتـنـظـر ٱبـأمـره
الـشـايـل وسام الخادم بصدره
هـذا الـحـقـيـقـه يـفـخـر بعمره
اعـــاهــد ثـابـت ٱويــاك الـعـهـد
اعـــاهــد مجلسك مـثـل الـشهد
*---------------*---------------*
نـاذرهـه روحـي والـعـمـر كـلـه
بـهـاي المـجـالـس خادمك خَله
وفقني اوفّي الخدمه مو سهله
كـلـشـي املـه ونـوحـي مـا مله
وحــقــك كلشي لعيونـك سـهـل
وحــقــك الـمـهـم دمـعـي الـيهل
*---------------*---------------*
بهاي الـمـئـآتـم ريـحـة الـجـنـه
اتـمـنــه امـوتـن بـيـهـه اتـمـنـه
ارزقـنـي دوم الـحـسـره والونه
أنـتـه الـحـبـيـب الما امل مـنـه
احـبــهــه والـلـه حــالات الـدمـع
احــبــهـه روحــي تتحول شـمـع
*---------------*---------------*
لمن أجيك ومـجـلـسـك يـبـدي
كـون الـدمـوع اتـحـفـر بخـدي
خليني اصيـرن باللطم جـنـدي
يابو رقـيـه وغـيـرك اشـعـنـدي
يــغـالــي أعرف اتجازي الـخَـدم
يــغـالــي الخـادم بـدونـك عـدم
*---------------*---------------*
✍️خادم الحسين ع
الشاعر رعد الچريخي
(بندريه)
#شبل_من_أسد
. نومس الرايه ابيمينه وشالـهـه
وشَد عله المهره البطل خيّالهه
عــبــاس عــبــاس عــبــاس
يـابــو الـمـرجـلـه
*---------------*---------------*
شَـد الـكـحـيـلـه ورسـنـهـه وگاصد لـ سوح الحرب
اربـات حـيـدر لـلـمـعـارك چـنـه حـيـدر مـن يـطـب
مـا يـهـم لـلـحـومـه وحده ابـساع يـگـلـبـهـه گـلـب
الـثــبــات اگـبـال ســيــفــه لـلــزلـم كـلـش صـعـب
بالسـيـف بالسـيـف بالسـيـف
زلــــزل كــربــلــه
*---------------*---------------*
يْصول ويـجـول بشجاعه وعـالـزلـم فارض حـظـر
ساعـة الـشـجـعـان هـايـه ولـلـحـرب ساعـة صـفـر
يطلب الـروس الـچـبـيـره وكـلـهـه گـامـت تـعـتـذر
يـوم الاســود عـالاعـادي يـشـبـه لــ يــوم الـحـشـر
شــافــوه شــافــوه شــافــوه
لـلـشـگـره اعتـلـه
*---------------*---------------*
ابـصـولـتـه خلّـه العـسـاكـر واحـــد ابـــواحــد ردم
راكـب الشگـره الاصـيـلـه ويـفـتـر ابصوب الـخـيـم
مـبـخـت الـيـنــدل طـريـقـه ومـبـخـت الـمـنـه سلم
خورس الـقـاده ابـنـظـرتـه وصـاروا ابـعـيـنـه عـدم
من صال من صال من صال
مــحــد قــابــلــه
*---------------*---------------*
هـلـهـلـت يمّـه الـمـعـالـي والـمـجـد بـسـمـه انكتب
الحاسب احسابه يخلّص طـار راســه الـمـاحـسـب
زلزل الـحـومـه وگـلـبـهـه وشوّف الـكـوم الـعَـجـب
اتـشـرعـبـت بـيـه الحميه و يـا عـلـي حـيـدر نـدب
مــيــدان مــيــدان مــيــدان
لـلــكــافــل حِـلـه
*---------------*---------------*
تـخـطـف ارواح الـعـسـاكـر رايـتـه لـمـن تــــــــرف
شـــايـل الـبــتــار بـيـده وداخـوا الـسـبـعـيـن الـف
الـگـابـل الـعـبـاس يـشـرد مو ركض يـزحـف زحف
عاد حـمـلات الـصـمـيـده وهـالـفـعـل مـا يـخـتـلـف
سـجـيـل سـجـيـل سـجـيـل
سـيـفـه وزلــزلــه
*---------------*---------------*
طـشّــر الـسـبـعـيـن الــف مـــا يـهـم هـــذا الـعــدد
زيـنـب تـعـايـن لـخــوهـه وتـقـره ايـــات الـحـسـد
الـحـصّـل الـمـشـراد گـدهـه والـسـبـع بـيـهـم لِـبــد
وارث الـكــرار اجــاهــم و الـشــبــل مـــن الاســـد
يــــدرون يــــدرون يــــدرون
بـيـهـه الـمـسـألـه
*---------------*---------------*
✍خادم الحسين ع
الشاعر رعد الجريخي
#رسالة
من كثر كلامه كثر خطاؤه ومن كثر خطاؤه قل حيائهُ ومن قل حيائهُ مات قلبه ومن مات قلبه دخل النار...
كون موقف عندي يمك
ماريدن بس سوالف
وكون شاره اصير بيه
جني بلعباس حالف
كافي لاتقبله عتذاري
وياك ماعندي مواقف
ماهومه اربعه
مهدينه واحده
ولامعين الكال تبشر
بلهيمه ينعه
اي هاذه واقع موش بس صيت
اني العزيز وحدي ضليت
مشغولين عني بشهني ياناس
اهل البيت اهلي ومامش البيت
يبن الحسن. يبن الحسن
الذنوب بنفسي جارت
كون والكون شيحله
لازم اثبت قرارك
وكافي يانفسي تكله
خل نصفي النيه وادري
نفسي من ضلمه نتشله
بيكم افكر
منكم أليكم
كافي اخذلك
لذنوبي اكرر
وحك ربي الجليل اليعلم الغيب
البواچي الغيركم محسوبه علعيب
انه بعز الشباب ونفسي موخوش
چا يمته انصرك من يجي الشيب
يبن الحسن. يبن الحسن
فدوه رجعني الدمعتي
الچانت تهل بس عليكم
بعد ماعوفنهه والله
وبعد ماترك اديكم
كون شغلي بس ذكركم
الله خالقني أليكم
ماهده جفه
ولا بعد ازعله
ولون ذكرو اسم امامي
اوكفله وكفه
من شموس الصحاري محدب الطول
بنص افياي اعيشن وانته بچول
انه براسي سوالف دنيه وناس
وبراسك نواعي وهم دللول
يبن الحسن. يبن الحسن
المصيبه انته يمي
وليش ماكدر اشوفك
فقط بلمجلس اذكرك
يخلص المجلس اعوفك
اول العشره التزامي
وانته كل لحضه بطفوفك
اشوكت اقرر
ورسي علبري
ومأكولن آسف
بس انته تعذر
يكبل العافيه ويابعد العيون
انه سامع سبوهه وزركه المتون
وانته صوره وصوت مولاي
شايف من تفر مولاتي ام عون
نجاح عدنان