4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
(كلب اليحب يثلم)
استقبال شهر محرم
بدموعي استقبل شهر..حزني ومصابي
انصب عزاء المنذبح .. وابقه بعذابي
كل حيلي اطلبه من الكمر
وادموعي من اخت الرضه
وابقه بعذابات وسهر
ومن فاطمه اطلب رضه
من ام البنين اتعلم
كلب اليحب يثلم
ياالله بلغنى محرم بلدمع
انصب عزاء بكل وكت ... ودموعي تجري
مشتاكه اديه الخدمتك ... وبحالي تدري
خليني الك دمعه اهل
ورايد اعيش انه بهضم
كون بمحرم ماامل
من البجي ومن الطم
كرب هلال محرم
كلب اليحب يثلم
ياالله بلغنى محرم بلدمع
وي روحي اسولف والحزن .. مالك كياني
ياسيد الحب والدمع ... حزنك سباني
وداني يم حرك الخيم
وخلاني اهيم بعالمك
ثاري اليحب راعي العلم
يصبح حقيقه بنادمك
وي روحي جاي اتكلم
كلب اليحب يثلم
يالله بلغنى محرم بلدمع
العاشك ضعن راح بسبي ..ماتطفه ناره
ينعه امامه بكل وكت .. ياخذله ثاره
الله يعينه المنتضر
دمعه فلا ينشف ابد
يوميه تنعاد الصور
هزله وحبل حيله نخمد
كل ساعه ضل يتئلم
كلب اليحب يثلم
ياالله بلغنه محرم بلدمع
محمد تقي الزاملي
(حبك لو عذاب الطف)
الحب خلق منهج حيات
دمعه ولطم شوك امنيات
والحب وجد كسرة غرام
وباب الندم باب النجات
حرت والتهضم بكلبي حبك لو عذاب الطف
حرت والجابني البابك مااعرف انه ياجف
حرت واتنوع لروحي بذكرك كلبي رأسن رف
عرفني واعيت الحزن حته اقره كربله
حته اعرف اليعشك جرح مايهده بال اله
ليله ونهاره بخلوته دمعاته هامله
................
الحب يسببلك وصول
ويشرح شكو جلمه تكول
مو بلحجي بدمع العيون
من توصل الباب القبول
هنا عيني حديث الها تشرح عن خبر مبهم
الدمعه التنبجي اعله حسين مايبقه وراها هم
هاي الدمعه تصنع ناس لغير الخدمه ماتهتم
لطام اصير ابمجلسك وبلوعه مبتلي
وابقه بعذابات وسهر ولونه تعتلي
هنيالي ابهذه الرزق شكرا يابو علي
...................
الحُب قوانينه الثبوت
واولهن يلازم سكوت
والحَب صدك ماعنده راي
وويه اليحب لازم يموت
هنا كلبي بده يسولف كال الحب عذابه هواي
بس وياك يامولاي تحله من اضل ب اضماي
وحلوه من اموت اعليك حته اصبح صدك وفاي
بيدي اخذ ياسيدي كافي بعد ندم
وخل دمعي ماينشف ابد لو سولفو خيم
مااريد اضل بغفلتي وملازم الوهم
..............
الحب يطول اشما يدوم
شكر النعم وكت الهموم
واليرضه بلنعمه التجي
من المصايب والغموم
انته ترافك حساسه بخلوته ولو كصد مشاي
الامره يسلمه الك مولاي مسير مو مخير راي
انته ترزقه غربه وشوك ويصبحلك صدك بجاي
بجاي اصير الغربتك ماينشف الدمع
ولو كالو الحره انسبت كون اكسر الضلع
وكل مايمر طاري الك كون ابقه منفجع
محمد تقي الزاملي
وصول السيدة زينب والضعن الحسيني (عليهم السلام) ، إلى كربلاء قبر الحسين (ع) في الاربعين :
تعبـانه اجيت من المجالس
ومشگوگ گلبي هدوم عابس
أختـك جايــه بـحـرگـه
وأنت حسين أبو الملگه
———————————————
أجيتـك بالعبي المتعوبة مـن الشام
مـن صرخة رقـية وهـوسة الـدمـام
أكـعد شـوف شيـبي شسوت الأيـام
من جرح الجرح تمشي لبلايه أخيام
ومــتوني لا تــنشد عـليـهه
مامش كتر ظل صاحي بيهه
وسـفة تـلوحـنه الفرگه
وأنت حسين أبو الملگه
——————————————
وصلنه الشام بس شلون طبينه
ديرة من الشماته التمت اعلينه
صاحوا هاي زينب هل اجت لينه
وحجر من كل كتر مارحموا البينه
بين الضعن راسك لمحته
أكـثر رمــح مـتعـور أنـتَ
شفتـك وشهگه شـهگه
وأنت حسين أبو الملگه
—————————————-
أصعب موقف وشفنه الفرح ملموس
لأگــونــه بهـدم بالعــيد مـا مـلبوس
ارد شلون وحدي وياي جبت الروس
ورديت المكان الشبع صـدرك دوس
حدر الگـبر ودريـبـك تلوب
حچي الگلوب يعور الگلوب
گــلبــك يـلــچم حگـه
وأنت حسين أبو الملگه
——————————————-
حگـك لـو گـلـتلي هــواي ذبلانـه
من ذبحك لهاي الساعة عطشانه
كلشي يهون بـس التوجع هـنانـه
عزيزة گلـبك الـما جايــه ويـانـه
خـدها إعـله خـدك ولچمنه
فـوگ الطـشت ويـاها متـنه
هـذا الـيصدگ بـعشگه
وأنت حسين أبو الملگه
———————————————
تـعرف ليش عطشانـين صار هواي
نذكر منحرك كـل مانـشوف الماي
موش احنه النشربه وطايح السگاي
يـالـوفاي مو تـدري الضـعن وفـاي
ملهوفه جيت لأربعينك
مـابـيه وتـدليني عيـنك
اليجـيك بگلبك تشبـگه
وأنت حسين أبو الملگه
احمد السعيدي
قصيدة الگعدة ، في الخدمة الحسينية ، توجيهية .
ـــــــــــــــــــــــــــــــــــــــــــــــــــــــــــــــــــــــ
سَيد عـامـي ملتمـة
شايب شاب وزغير
مِن تخدم أبو اليمة
كِلهه واحـد تصـير
حتى الفـاگد إديـن
جاي لخدمة حسين
كلهه واحد تصير
كلهه واحد تصير
ــــــــــــــــــــــــــــــــــــــــــــــــــــــــــــــ
دائمـاً قـول الحقيقة مُـر ولا ينـحِمِل طَعمَه
وهاي فُرصة وخل نسولف والمجالس خوش لَمّه
والمُهم مضمـونه نِعـرف والقصد لازم نِفـهمَه
والأمر هذا شگد مهم
محتاج إصرار وعزم
ويريـد تفسـير وفِهِـم
واللّي ما يِعرِف نِعَلمَه
الخدمة تبتدي بنفسك
لازم تصلِـح الــذات
مو بَس تنتقد غيرَك
لازم تصـلِح الـذات
أول هذا مفــروض
تأدي لكل الفروض
كلهه واحد تصير
كلهه واحد تصير
ــــــــــــــــــــــــــــــــــــــــــــــــــــــــــــــ
الخدامة تريد منك تبتدي ٱبيتك تِصِلحه
كل فرد بالعيلة عندك لازم بهيده تِنصحه
كل شخص بيهم كيان ومو على التافه تِجرحه
وَالِــد وأُم الـرّبـتـك
وتحترم عِشرة زوجتك
بجِنحك تغطّي ٱبنيّـتك
وتستر ٱبنك مو تفضحه
لازم تحترم جارك
حتـى سابـــع الجار
دومك فاتح لدارك
حتـى سـابع الجـار
العَيلة وجارك ٱثنين
العِشرة وياهُم سنين
كلهه واحد تصير
كلهه واحد تصير
ــــــــــــــــــــــــــــــــــــــــــــــــــــــــــــــــ
تدري يمتى الصورة تصبح غامضة وكلش عقيمة
مِن يصـير الهدف طبعاً تِمّـن وويّاه قِيـمة
والمُهم لازم أأ سّس موكب وإسمَه اليتيمة
مو مهم لو گلبك أسود
ما تكـن تقـديـر لَحّـد
المُـهم هالسفـرَة تِمتَــد
وهذا مِن عَيلة كريمة
هاي الصورة مقلوبة
هيـچ حســـين مارَاد
مو للخدمة منسوبة
هيـچ حسـين مارَاد
إخلِص نِيّـة لله
مو بَس وَا وَويلاه
كلهه واحد تصير
كلهه واحد تصير
ــــــــــــــــــــــــــــــــــــــــــــــــــــــــــــــ
تدري يمتى حسين يزعل منك ومِنّي سوية
حين نلفظ سين سين النوب رَاب وشِل القضية
حين نترك كِل أصالة وبالتعامل عنجهية
المُـهم موكـب أسسِت
وكِثرَن ٱصوَرّي ٱمن ٱطبَخِت
بعاشور رَاسي طبّرِت
بگلبي الأسود ما عَلَيّه
منِ الخدمة الحسينية
أجهل شنهو الأهداف
من الثورة البطولية
أجهل شنهو الأهداف
أطلب دنيا مو دِين
وناسي غاية حسين
كلهه واحد تصير
كلهه واحد تصير
ــــــــــــــــــــــــــــــــــــــــــــــــــــــــــــ
شوف جاسم بالطفوف شلون رَاوى الناس دَرسه
طَلّگ الدنيا بقـرارَه وبقناعة يعـوف عِرسه
ينگطِع بالحَومة نَعلَه وللخَطر جَسّـام يِنسـه
هنانه إخلاصه ٱيوَضّحه
عِرّيـس ينـظر مَذبحه
والجنـة طبعـاً مَربَــحه
من العِلِم باذانه هَمسة
جاسم ما طلب شهرة
مُخلـص چــان لله
شاب بمُقتبل عُمرَه
مُخلص چـان لله
ما دَوّر عناوين
تشهدله الميادين
كلهه واحد تصير
كلهه واحد تصير
ــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي .
قصيدة وجدانية في استقبال شهر الأحزان ، لسان حال الموالين المحبين ...
ـــــــــــــــــــــــــــــــــــــــــــــــ
لا تِلومونَه
بس اعذرونه
نِنتِظر جَيتَه برَغُم مابي نقاسِي
باچر امحَرّم
بالحِزِن نِلتَم
ونِذكُر العاشَت عُمُرهه بس مآسِي
نِذرِف على حسين الدمع
وِنواسي مكسورة ضِلِع
لا تِلومونَه .
ــــــــــــــــــــــــــــــــــــــــــــــــــــــــ
عَلاقة ... عجيبة البينّه وبين المُحرّم
نِحِسهه ... المجالس والدة ووالدنه مأتم
مَشاعِر ... عميقة وبيهه بس الباري يِعلَم
ثَوابِت ... ولا أي واحد لجَوهَرهه يِفهَم
بعَالَمِ الأرواح
تِغفَه بينه اجراح
ما تِداويهِن سِوى الطّلعة البَهِيّة
ونُبقى مَحزونِين
شمَا تُمُر اسنين
ونِذرف دموع الألم لِبنِ الزچيّة
ورَايَة عَزانَه تِرتِفِع
وِنواسي مكسورة ضِلِع
لا تِلومونَه .
ـــــــــــــــــــــــــــــــــــــــــــــــــــــــــــــــ
مُحرَّم ... نِصِد لِهلالَه بالحَسرَة السخيّة
نِكَلمه ... بلِسان الحِرگة والدّمعة الجِريّة
أليمة ... ومَواقِف مُحزِنة بالغاضِرية
نِتاني ... اللي ياخِذ ثار ابن حامِي الحَميّة
يبَرّد الجَمرات
ويِمسَحِ الدّمعات
مِن عَلى عيون اللّي ذابَت بِنتِظارَه
والعَطَش يِروِيه
والظلُم يِمحِيه
ويِزرَعِ البَسمة على اوجوهِ الحَيارَى
وبصَارِمَه الشّر يِقتِلِع
وِنواسي مكسورة ضِلِع
لا تِلومونَه .
ــــــــــــــــــــــــــــــــــــــــــــــــــــــــــ
ٱشتِياقِي ... يَتيم وأمّه ما غافي بحضِنهَه
حَنيني ... حَنين الناگة لو أخذَوا إبنهَه
بقدومَه ... أحِس بالعافية الأعرُف ثَمَنهه
برَحيله ... تِرِد روحي لهَمهَه وِلحِزنهَه
وتُبقَى مِنتَظرَه
وتِجذِب الحَسرَة
عالدقائِق والثوَانِي بخِدمَة حسين
وللسنَة الجايَة
محَضّرَة الرّاية
رَايَة راعِيهَه وِگع وبلايَه چفّين
وعَالمَشرَعة نِعلِگ شَمِع
وِنواسي مكسورَة ضِلِع
لا تِلومونَه .
ــــــــــــــــــــــــــــــــــــــــــــــــــــــــــ
نِداءَه ... أسِمعَه مِن طِلَب واحِد يِنُصره
بمحِنتَه ... يِسَلّم مِحتِسِب للباري أمره
أريدَن ... أنُصرَه وللأسف ما عندي قُدرة
شِكَرنِي ... بنَظُرتَه وظَلّت بوجدانِي حَسرة
روحي مِتألمة
ما بُقَت يَمّه
والسهَام الجايَة كِترَه تصِدهه عَنّه
وتِردع العِدوان
مِن بَني سفيان
وما تِخَلّي العادِيات ايرَضرِضَنّه
بعَالَم خَيالي المُمتَنِع
وِنواسي مكسورة ضِلِع
لا تلِومونَه .
ــــــــــــــــــــــــــــــــــــــــــــــــــــــــــ
مآسي ... بمَوازين الزّمَن يِندَر مِثلهَه
يَسائِل ... تَعال لكربلا انعَرّج نِصِلهَه
نِشاهِد ... مَرابِع عايِلَة اطّشّر شَمِلهَه
كواهِل ... جِبالِ الدنيا ما تِحمِل حِمِلهَه
ونوگف عللتّل
شوية نِتأمّل
ونِسمَع الصّرخة الحَزينة يا وِدَادي
صَرخة مِن زينَب
بالحِزِن تِلهَب
مِن گبل ما تِنذِبِح أعلِن حِدَادي
گبلِ النّحَر ما يِنگطِع
ونواسِي مَكسورة ضِلِع
لا تِلومونَه .
ــــــــــــــــــــــــــــــــــــــــــــــــــــــــــــــ
سُويّة ... نِروح ونِگعد بجَرف الشّريعَة
نِعايِن ... أصابِع رِسمَت اركانِ الفَجيعَة
قَدَرهَه ... تِطيح مبَتّرَة وبالدّم نِجيعَة
ورَايَة ... علَشاطِي العلگمي توگع صِريعَة
والوِفَه نشوفَه
مگطّعة چفوفه
ظامي ما ضاگ العَذِب يِشهَد فرَاتَه
معَفّرَة شفافَه
مغَيّرَة اوصافَه
وَسفَه ابن حامي الحميّة الطيبة ذاتَه
لِلغِيرَة عباس النّبِع
ونواسي مكسورة ضِلِع
لا تلومونه .
ـــــــــــــــــــــــــــــــــــــــــــــــــــــــــــــــ
بجِدَمنه ... نِسافِر وَي يَتامَى الغاضِريّة
بِعيدَة ... بلاد الهُضمت ٱسكِينَة ورُقَيّة
سِبايا ... وغَريبات البَنات الفاطِميّة
يِخافَن ... يِلوذَن بالعقِيلة الهَاشِميّة
وزينب الإيمان
تِدخِل بديوان
بعُنفُوان المُصطَفى وهَيبَة أبوهَه
تَربِيَة حَيدَر
لِلصّبُر مَصدَر
تِشهَد الخُطبة العَظيمَة ورَاس أخوهَه
لِلخُطبَة نِنصِت نِستِمِع
وِنواسِي مَكسورَة ضِلِع
لا تِلومونَه
لا تِلومونَه .
ـــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في حب الحسين عليه السلام ،،
ـــــــــــــــــــــــــــــــــــــــــــــــــــــــــــــ
مِن زغري أحب حسين
وَهوَى فاجد الچفين
گلبي يعشگ الإثنين
گلبي يعشگ الإثنين
ــــــــــــــــــــــــــــــــــــــــــــــــــــــــــــــ
حُســين بعَــالَم الـذّر آنــه أحبنه
سلامــي وَي نِفَس أُمّي أوَصلَنّـه
يجيني حُبه طيف ودوم أشوفنه
مِلَك روحي وكياني شلون أعوفنه
بِسمَه يلهــج لســاني
حسين وحبه رواني
خــادم هذا عنوانــي
لهل المصطفى الطيبين
ـــــــــــــــــــــــــــــــــــــــــــــــــــــــــــــــ
مـن زغـري چـنت أسـأل عن الخُوّة
وبليّــاهه عرفت الدنيا ما تسوة
ندى بگصه ونبض شريان مو گوة
وعَليهه ٱستَحوذ العباس أبو النخوة
ياهو المثله راعيهه
بس هُوّه انفرد بيهه
وهاي الچلمة أحچيهه
روحي وأصبحت روحين
ــــــــــــــــــــــــــــــــــــــــــــــــــــــــــــــ
أخذت ٱمحبتي لِحسين أنَه من أمـي
حروفه ٱسمَه بدت تتمازج بدمــي
أصيـرن خادِمه طول العمر حلمـي
وسام الخدمة انوله هذا كل همي
وكت الأربعين أمشي
وأكنس مَرقَدَه برمشي
هو اللّــي بذل كلشــي
حتى ٱيحافظ عللدين
ـــــــــــــــــــــــــــــــــــــــــــــــــــــــــــــ
تِبَيّن من أبو فاضل شنو الإيثـار
وتُوَضّح جوهر العزة والاستبصار
ترك لهل الفراسة والشجاعة آثار
وأصبح مدرسة للغيرة والإصـرار
صار العلگمي شاهد
راعي المرجلة واحد
بِعتَابه المجد ســـاجد
ويشهدله السهم بالعين
ـــــــــــــــــــــــــــــــــــــــــــــــــــــــــــــــ
وَعَيت ٱعللوكت شفت الدموع تحوم
بحزن والدنيه كلهه تنادي يا مظلــوم
علموده بس الٱسود ما تلوگ هـــدوم
ونلطم عالذي مِنّ العَذب محــروم
بصرخة واحدة صحنه
يحســين بضمــايرنه
ياليحبك يوحّدنه
لولا إحنَه متفرقين
ــــــــــــــــــــــــــــــــــــــــــــــــــــــــ
بقلم الأستاذ /ستار عذاب الحجامي
قصيدة في حب الحسين عليه السلام
ـــــــــــــــــــــــــــــــــــــــــــــــــــــــــــــــ
ما عوفك وياك ٱظل للتـــالي
ما عوفك يا غالي يبن الغالي
ما عوفك يا مبـدئي وآمالــي
؛؛؛؛؛؛؛؛؛؛؛؛؛؛؛؛؛؛؛؛؛؛؛
قصة مِنّ ٱولادتي
رافقتني برحلتي
الموجوعة
گالوا إنتَه مِـن حِبيت
تگابل الصورة وبچيت
إبلوعة
عِلّتي ما تنفهم
وأمي تبچي وبهضم
مصدوعة
الصورة ما تشبه أحد
بالرمـح رگبة أسـد
مرفوعة
معشوگي من زغري يا بو سكينه
معشوگي حــــبك نهــر يرويـنه
معشوگي يا مبدئــي وآمــــــــالي
ما عوفك ما عوفك .
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بعشگي أحسَّن منفرد
لا وحـگ ربي الصــمد
مطلوبي
حبك بدمي جـــره
حسين دنيا وآخره
محبوبي
عشگي مخبوط بحزن
وردة شاتلهه الشـجن
بدروبي
خدمتك أجمل حِلِم
شايل اسمك طِلّسم
إبثـوبي
بعيوني تظل صورتك مرسومة
بعيوني قصة عشگ موســومة
بعيوني يا مــبدئـــي وآمــــالي
ما عوفك ما عوفك
؛؛؛؛؛؛؛؛؛؛؛؛؛؛؛؛؛؛؛؛؛؛
حُبك بگلبي ٱستقر
بعيني انته مو بَشر
بوصافك
ماكو مثلك بالعطاء
يا وريــث الأنبيــاء
أجدادك
ياهو قدّم كل ضناه
قربى للباري ورضـاه
وخوانك
والشجاعة والإباء
جسدتها بكربــلاء
أفعالك
لاموني مِن أصبحت مجنونك
لاموني شنهــو العمر من دونك
لاموني يا مبـــــــدئي وآمــالي
ما عوفك ما عوفك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عابس ٱتجنّن صدگ
وانه جَنّني العشــگ
يا روحي
تنفّــسِت إسـمَك هَــوَى
وكل حرف بسمك دوى
لجروحي
أذكُرك وَحني الضلع
ما يبـرّدنـي الدمِـــع
لا نوحي
حزني للشايل عَلَم
وقصة النار بخيَـم
ظل يوحي
ياذيني بالطف تتم ٱصيـــامك
ياذيني حرگ وسلب لخيامك
ياذيني يا مــبدئـــــي وآمـالي
ما عوفك ما عوفك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
خدمتك صارت شرف
واليخدمك مُعتــــرَف
بجنونه
اليخدمك كلشي امتلك
لَجــلَك يــدور الــفــلك
وي كونه
والخـــدم بالأربعـــين
كلهه تصرخ يا حسين
محزونه
تنعى عباس الشهم
والرضيــع البسَّـهَم
يرمونه
مفجوعة كل شيعتك وتنادي
مفجوعة يا ويلي يبن الهادي
مفجوعة يا مبـدئــي وآمـالي
ما عوفك ما عوفك
ــــــــــــــــــــــــــــــــــــــــــــــــــــــــــــــ
أستاذ / ستار عذاب الحچامي
طوّح الضيم وكدر بهلاله والعطش سَرفن رِدن يدناله
يدنه ضيمه وعازته لأنصاره
وعينه ماتطفي خيامه وناره
باچر اليولونه بس غداره
والله يعلم والعقيله ابحاله
حاله مايتوصف ابموصوفه
غيمه سوده اگباله اهل الكوفه
گلبه ينزف واعله زينب خوفه
خافن اتطب للخيّم عياله
عيلة الگالت رسايل بيهه
احسين اليحررنه بَس تاليهه
المو زلم تاخذ حَرم تسبيهه
وباچر ايطيح ويشوف اگباله
اگباله علوياته ترچَب حيره
وهوَ رب الشيمه وي الغيره
يربي زينب حايره وايسيره
ايگوم ويطيح وسهام اخياله
اخياله هاي ايامه بس عباسه
تارس اصفوفه ويأمن انفاسه
بچر اعله الشاطي يحنيّ انفاسه
ابدون اخيّه ايرد كسير الحاله
الحاله بس يرجع تصِد عدوانه
والمخيّم تنچفي عمدانه
تعثر اجدامه التطيح اخوانه
يسهل ابعين العدّو وچتاله
ليش چتاله اليحضر الناگه
وبيهه ترچب روح اله ومشتاگه
اشتحمل الشامت تنوح افراگه
الچاتل ايگود النياگ ابداله
ابداله ليش الذابحه ايماشيهه
والحِنين اعله الرمح يربيهه
چويّت اخت الشيخ شيّطفيهه
من تشوف اعداهه تچفي ادلاله
…سيد مصطفى الموسوي
ثكيل
مولاي مسلم بن عقيل ع
بكلبي الك جمر لا تجي انتظر رجع ضعونك
من تجي الغرب تكطع الدرب ينسلب لونك
وين ... رايح بضعنكم
وين ... طوول بسفركم
★★★★
شسولفلك يماي العين وحسره گلبي جبيرة
الغربة غربة عيونك من طبيت للديرة
امشي بلا هلة وتعبان ما بيهم وفه وغيرة
ولا واحد صفه وياي بس اسوالف الحيرة
وجهي الك درت وادري من صحت ينسمع صوتي
مني الك عهد باقي عالوعد وانتظر موتي
اااه .. رايح انا ضامي
اااه ..مني الك سلامي
★★★★
وحدي بعازة الملگة ولا واحد فرش جودة
لا ناصر ولا وفاي مسلمكم ذبل عودة
بالي وفكري يم ضعنك واحس بروحي ممرودة
رسايلهم جذب يحسين والبيبان مسدودة
يا نبع عشك مو أهل صدك تفرح بنوحك
مو أهل هلا باجر بفلا تكبر جروحك
اااه ... يا كبر عذابك
اااه ... ويا جرح مصابك
★★★★
باعوني برخص يحسين وافتر بالشمس ضامي
بلا موعد لفاني الشوك اشوفك اول احلامي
جانت امنية دنياي يمك تنكضي ايامي
شاء الله وعفت عيناك بس الفرگة كدامي
ادري منتضر مايرد خبر مني يحسيني
بيدي سلسله وشفتي ذابله وغمضت عيني
ااااه والهضملي گلبي
ااااه ضيعولي دربي
★★★★
لا بيدي واكلك عود ولا اكدر اجي اتعناك
اشوف بعيني ناس هواي ولا واحد قبل يهواك
ناس گلوب ما عدهم تفرح من تشوف ظماك
باجر من تصيح بصوت ولا واحد يصير وياك
بالعهد كصو ساجد اومشو خانو اضنوني
مابقالي امل دمعي من نزل ركت اعيوني
ااااه رد ولا تجيهم
ااااه موصدگ حچيهم
★★★★
خادم الحسين
الشاعر مهند شاكر
يا ام البنين يا ام الوفاء
______
حي الله بت العرب والبدوية
لمخلفه بس لسباع والدهرية
_______
صاغت زلم للحومه طبو خذو لحكوك
غير امهم البدوية للموته عدهم شوك
رجفو شوارب قادة شكوها كل لحلوك
ضلت زلم تتنطر الموتتها
شاخو عليهم تنسمع سكتتها
ضلت ركض تكضيها كل قادتها
كالت علي وياكم زلم حربية
حي الله بت العرب والبدوية
................................
وصت يولدي ليله حك عدكم توفون
كالت اختكم زينب بيها تره تبارون
طيحو نده على الخيمه ماريداً ترجعون
كلتله الاوله يمه شيل مصابة
خليهم يغارون كل اصحابة
سل سيفه ابشري وكلها مل كرابة
وبسيفه ذابح كل نفس برية
حي الله بت العرب والبدوية
........................................
جم حيدر مخلفه اهيه بوصافه نفس زود
رتلت دعاء الخوه فهموها زلم حيود
ثبتو مواقف شيمه هذا الفعل مريود
والثاني طفحت غيرته ونوماسة
شد راية الخوة وتعلى حساسة
نشمي وأنا ادري الخوف لا ما جاسة
راعي الفعل مو للسن راعية
حي الله بت العرب والبدوية
...................................
شدو خضر لعمامه طبوها لمسنعين
خلو اثر بلحومه من عدها تدمع عين
ولدي ويا رفعه راسي لو طاحو على حسين
ثالثهم وهاشم رفع بيرغها
كامت زلم تشرد يضل يتبعها
وروس التعجبه من العرچ يكطعها
هذا التعجبة الكثرة موش شوية
حي الله بت العرب والبدوية
...............................
دخنت بعد طباها زلمه بفعل وفاي
أمن مخيم بيده صاير علم وفياي
لريشاته واصل غيضه جاب الجثث والماي
عباس لابياض الوجه ربته
من كصتك ماي الخيم كلتله
دخن ثكل غيضه وعلي شافته
هذا التحزم بي ابن علوية
حي الله بت العرب والبدوية
..........................................
خادم الحسين
الشاعر علي الكنعان
الخذلان والغربه وعذاب الكلب
برسومه بانن لمن ابيتي طب
بعيونه مسلم شايل شكد عتب
مسلم
من صدلي وعيونه حجن
كلي غريب ابلا وطن
حاير
بالغربه وبعازة هله
ومامش باليكله هله
حيله أمن التعب كاضي املافت يمشي بالكوفه
رسايلهم جذب جانت ونوايه الناس معروفه
فرغت عينه من الناس وترس غدر العدو شوفه
الكلبه بس عليك ينوح كلبه
الماعنده ضهر بالغربه صعبه
____________________________
ابيتي كعد وحساسي ما وجده
هميت اسئله عالجره وشسده
لاجن شفت قابض على امهنده
شفته
من كلبه حسراته يجر
وكلبي لعذابه ماصبر
صعبه
بين السوالف والعتب
واضح على اعيونه التعب
يمشي مكاود الحيطان لموته الناس تداعه
مو بس الزلم يحسين حتى الماي هم باعه
هيج ايصير اذا ربعه اليعوفونه بفرد ساعه
ايلم بحيله بس الحيل كاضي
وعالمقسومله بالغربه راضي
____________________________
من شاف مسلم بأن خيط الصبح
كام اعلى حيله ويشد جرح بجرح
تتراكض الوادم عليه للذبح
كابر
لوحده كبل جيش العدو
وكلهم عليه اتجمعو
حيره
مابين حيرة وكسرته
وبعيونه تصلف غربته
آتجي ابين باب وباب يمشي والعده أطلبه
مكابر يكضي ويه الخوف والوادم كلت كلبه
جم دار ابامانه ايريد بس مايكدر ايطبه
بلا رأي ومشه للموت وحده
ومن كد العطش مفتوت جبده
__________________________
للموت ماهم وانتجه اعلى الألم
بصدرة ايتلكه اليكطف اعليه سهم
يمشي وعلى آثار الجدم يلكه دم
يحسين
مارحمو بحاله الغرب
ومنعوه من ماي الشرب
خوفه
يتلفت ومامش اثر
لا اخو يمه ولا كمر
من بعد الحصل وياه بيهم كاطع الضنه
الماي العطشك يحسين مسلم ما شرب منه
كل هاذ الجره ويصيح حسين حسين اسمعنه
لسانه يلهج بذكرك اسمعه
كل جره نفس يتجاره دمعه
__________________________
للموت سلم كلبه لاجن يحس
شامخ يموت المارضخ للرجس
صاح ابدمع بسمك بآخر نفس
دمعه
مايكدر ايضم عبرته
أمن لقصر بانت دمعته
ارجع
غدرونه كل هاي البشر
وبعيونهم ضاك النضر
من فوك القصر باراك وجر بحسرة انفاسه
شال ايده وعليك اندار سلم والهضم جاسه
مسلم مات من فركاك جي ماشافك بناسه
مسلم يا حسين اخر وداعه
طاح أمن القصر وتلكه كاعه
_________________________
علي احمد الكعبي
تاهت عليه افضالك الما تنعد
مشكور يحسين اعله لبس الاسود
.............
الف انعم الله اعليك يابو رقيه
من كثرت حزنك ولاگ اعليه
ما ارهم لكلشي وتعرف النيه
بس بعزائك والخيام المعبد
..............
طولت عمري وهذا فضلك منساه
ورديتني اخدم وبعزائك الله
تعبني اكثر حته احس الاحاه
وجمرة محبتك كون ابد ماتبرد
................
ممنون الك يحسين انه هوايه
خليت عيني اتشوفهم مشايه
عاگد ارد اخدم الك چم رايه
وعلكاع اريدن للمشتلك امتد
..................
سومرت من كد مانويت الفرگه
چملني حزنك خل اعيش الحرگه
ياشجرة الله ارد اعيشن ورگه
بغصانك وفيك عليه الورد
....................
من كثر مادكيت بابك للجود
كالت عليه الوادم اشگد مگرود
مادرو حاصل خدمتك كل موجود
يالبابك العباس مالحضه انسد
.....................
مكروهه عد الناس كل الذله
الا بخدمتك هاي معروفه احله
الصعبه من تنراد يمك سهله
اشعلني بيدك خل اصيرن موگد
......................
امنيتي يحسين بدمع شاريها
اكنس عزائك وانت التگضيها
وانعول خدامك اصفط بيها
طالبها منك ماردت من احد
……………………..
الأقل شرفاً
كرار اللامي
محرم الحرام
بالطف محد ضاگ فراگه
ولا جرب طبات السوگ
ولا صبح مگيود وينجر
ولا شم عطاب المحروگ
ولا شاف اگماط ابدم ناگع
ولا بيرغ مليان شگوگ
ولا محتار بصعدت ناگه
حرمه وماتعرف للنوگ
صلفه عين الطف خذت كل ذكره
والنياشين اعله متن الحره
مادروا الفرگه تاخذ كلشي
وتكسر بخاطر عزيز الزهره
سبيه …. وهضيمه…. تمشي وي چتال
الاذيه ….. الاجتها …. مامرت ابال
………………………………………..
مناوش صار السب وتكلف
ليل الوحشه شفنه اشكال
محد بيكم سامع صرخه
من الفشله اتهد اجبال
ياهوه الي يرضاها الاخته
مجتوفه وتنجر بحبال
وتاشر شمات وتضحك
ومحتاره اتلم الاطفال
اثنين وثمانين طفل وطفله
والجمر مامچوي بيهم خله
كلها من تمشي تبين اثارها
وشلون صعدتهم بظهر الهزله
مصيبه ….. السوالف ….. ماينحچي الشوگ
غريبه …. اصعدتها ….. ومكشفه النوگ
………………………………………..
كل عشر اطفال اعله الهزله
وبيهم يرظع ومره ارياگه
شتصير الحرمه المچتوفه
وحسين امذيها افراگه
اذن والحادي يعت بيهن
شلون يصلن فوگ الناگه
والتتيمم دم تارسها
وشنهي اتسويهه المشتاگه
الشوگ مايدري بجروح الفاگده
وياگلب يحمل ونين الوالده
الناگه تبچي من تون يمها الرباب
وعلرمح عبد الله شنهي الفايده
حبلهم …. خشن حيل …. مو مال اوادم
ويعتون …. ويعيرون ……. بروس الهواشم
…………………………
بت الحاكم جان الكوفه
هسه اطبلها مجتفيها
هاي الفشله ومعنى الذله
تنطگ احجار بتاليها
شتشگف واحبال برگبتها
ومهضومه وتدري الياذيها
طبت السوگ التهظم كلش
واثار احروگ بايديها
مرت اچم ليله ابد ما غامضه
وچم اثر خله الجمر بالراكضه
السوگ موش ولام علوية علي
وهاي الطلابه الابد ما فاضه
الهضيمه ….. الچبيره …. شافوها زينب
الاميره …… خدراها …….. راح وتسلب
………………………………….
ياهو السامعله بعلويه
امدنگه اطب الديوان
والتهظم التباوع كلها
واخ الشام شبيهه احزان
يهل الفزعة اعتازت زينب
فزعت زلمه من الخوان
ويشوف شحال المهيوبه
وشنهي الصاير بالنسوان
الشام من طبوله عيد وفرحه
ومحد اباله الحسين وجرحه
والخرابه اتراب تنكث علبنات
والعبي مو سود صارت ملحه
بخرابه ….. وشتايم …… ماترحم الشام
ودلالچ …… يزينب …… راح وي الايام
……………………………………..
الأقل شرفاً
كرار اللامي
محرم الحرام
عظم الله لكِ الاجر يافاطمة الزهراء
هـــذا حـــسين ابـنـــچ مـرمــي علغـبره
يا اعـــظـم مـصــابـچ فـاطــمـه الزهـره
****
يا ام الــولــد هــذا الـولـــد مـنـحـــــور
دمــه اعله التراب حــسين ضــل يفور
آه امــــن الزمـــان شلــون مــــن يدور
ريـحــانــة رسول الله نسـحـگ صـدره
****
ريحـانــة رســــول الله يضـل عــريـان
حـــرگـوها الخـيام وفــزعت النسـوان
ماضل سـالـــم بـجسمـه يزهره امچان
سـهــم اعلــه الـسـهم والطبره علطبره
****
يا فاطــــم حـسـينــچ علـثـنـيـه يـنـام
ضــــل ابلا دفــن بالحــومه ثلث ايـام
كل كتر انلجم وانترس جسمه اسهام
من دمه السمه بيومه اصبحت حمره
****
خلــصـتـي الدهــر بالحــزن واللوعات
مـــو بحـظـينـچ ابـنـــچ علتراب يبات
سابـــح بالـدمــه ومــتـرّب الوجـنـات
وبـحـــر الـضـهــاري ايـنـام بالصـحره
****
ابن بـضـعـة نـبـيكـم انــه گــــل للگوم
وين يــــروح حــايــر والــدرب ملزوم
فت چبده العطش من العذب محروم
ضامي اشفافه مـثل الحـجــر متفطره
****
تره عمر الحچي مايجي مـثـل الــشوف
وانتي بشوف عينچ شفتي خيل تطوف
ملـعـب للـرمــاح ابـنــچ تگـطعه اسيوف
يــم احـــسين گـلــبـچ وشـعـظـم صبره
****
يم احـــسين ارد انــشد وشـنهو الصار
اخـبــار تـــواردت لــــينه تـگـول أخبار
انسـحـگـت بالخيول هناك حتى ازغار
چـــم واحــد لگـيـتـي وياكـــبر عّـمـره
****
✍️عباس مالك العفريت
نسألكم الدعاء
صوبني دهري
براسك ياعلي صوبني دهري
وازغير عمري
انهبت وشيبت وزغير عمري
منهوب كدري
وينك ياعلي منهوب كدري
___
باجر يبو حسين
لو طاح الكمر باجر يبو حسين
والشرده لا وين
من جلمة غريبه الشرده لا وين
المو زين والزين
شافو ركضتي المو زين والزين
___
منهوبه الخيام
وطاحت جلمتي منهوبه الخيام
فوك الترب نام
الدكالي الصدر فوك الترب نام
وودوها للشام
واخته بلا سبب ودوها للشام
___
شتصير يام عون
الياهم تلتفت شتصير يام عون
والغربه يحدون
امشي اعله الهزل والغربه يحدون
اسمع يكولون
هاي اخت الكمر اسمع يصيحون
___
ساعات ساعات
بويه بالشمس ساعات ساعات
لاكوني شمات
ماكو اي هله لاكوني شمات
ننساهه هيهات
يا ضيعة هلي ننساهه هيهات
___
برباك والشيب
محلفتك تره برباك والشيب
تحضرلي ويطيب
جرحي الما شفه تحضرلي ويطيب
ما لاكيه ثغيب
لمصابي ياعلي ما لاكيه ثغيب
___
محمد عيسى المنصوري
(حبك لو عذاب الطف)
الرادود سيد مؤمل العرداوي
حي الله مسلم دخيل علومه
ــــــــــــــــــ****ــــــــــــــــــ
طبهم الحيـــــــــد مسلم اليله
جنه لحســــــــــين نازل بحيله
خله الزلــــــــــــم تشمر رگبها
والــــــزلمه كــــام بيده يشيله
صوبين صوبين ** تحــــزم للعرگ
صوبين صوبين ** ذبح اهل الشرگ
ــــــــــــــــــ****ــــــــــــــــــ
كـــــــام السفـــير يذبح بكيفه
حـــــــــار واصيل مابـرد سيفه
حيـــــــــد وشهم بجفه حيـدر
كــــــام اليموت يشوفه بطيفه
خيال خيــــال ** ابد ما ينگحم
ريال ريــــــال ** واللــه والنعم
ــــــــــــــــــ****ــــــــــــــــــ
ذل الزلــــــــم مـــن دخل ليها
الكوفه بدت ماكــــــو حس بيها
هذا ابـــــــن ابوه والحرب يومه
والعركه جــــــــان بيده شاريها
بالكيف بالكيف ** دخيلك ياعلي
بالكيف بالكيف ** وابــد مايلوي
ــــــــــــــــــ****ــــــــــــــــــ
بيده الزلـــــــم سبحه سواها
ضــــــــاع النفس لمن لاگاها
طب والعجيد والزلـم صاحت
دخيل اللـــــه هاذ علي طباها
علگوم علگوم ** ترس بيها القصر
علگوم علگوم ** المـــــــــاينگدر
ــــــــــــــــــ****ــــــــــــــــــ
#اللهم_عجل_لوليك_الفرج
#الشاعر_سيد_حسن_الياسري
يطلوگ ودلال وتسعت اشهور
ويبني وياعزيزي وين ماروح
ركضت عليك بسم الله ودللول
حسبالي وعلي هينات الجروح
لمك بالنشد مافزعت الناس
نشدت اعليك لمن طلعت الروح
نشدت الذابحك وحوافر الخيل
بالطف محد ايدلي اعله مذبوح
ادوارت العميه وغريبه عليك بالطف دورت
تلمس اتلمس الموته بلكي اعرفك يالمتت
جلبت بالمايعرفك واليعرفك جلبت
عليك يمدلل عيوني حيرت الضايع حرت
ـــــــــــــــــــــــــــــــــــــــــــــــــــــــــــــــ
ايد اعله الضلوع وايد يحسين
تاشر من بعد بلكت شفتها
اباوع بالوجوه وغربه الوجوه
اوجوه الكم تره ولاصادفتها
ايا حيرت امك تنكضي شلون
امك جنها طالت سالفتها
بكثر ماروح منها وارجع النوب
حسين الموته بالطف تعبتها
كون بس اعيوني نعمه كلبي وعيوني تصب
ولادرب وصلني ليك دوريت ابكل درب
حالي مو بس صعب يمه حالي فوك من الصعب
ماكو ام مثلي انه يبني ناشده عله ابني الغرب
ـــــــــــــــــــــــــــــــــــــــــــــــــــــــــــــــ
ميت عدل هسه المهم يحسين
اريدن بس اشوفك حتى ورتاح
ركض مدري اعله شنهي وكلبي معصور
اوادم خلصتها صياح بصياح
اركضو اعله الخيم مابيها رجال
بس نسوان هسه حسينهن طاح
صحت حسين يبني وصاحلي الجيش
هذاك التوه كايم منه ذباح
هسه الك مدري الخواتك يبني اروحن مدري وين
وحيره منهن ياهو اعوفه وشلعن بكلبي الثنين
ماعرف هسه شسوي شلون تنحل يالحسين
مدري اهم بالراس ماكو مدري اهم بالضايعين
ـــــــــــــــــــــــــــــــــــــــــــــــــــــــــــــــ
درب خلصته من الوين للوين
بكلب مشلوع يمه وضال حاير
اتعنه اعله الوجع ياصوب ينكال
صوت الاااخ يبني وليه اسافر
ياخاطر تكسره امك يالحسين
ذبح والطف بعد ماخله خاطر
اسمع يمه بس يايمه يحسين
التاخذ بيها وتردها الحوافر
ركض ومناشغ وغربه وردت بس اتعنه ليك
شيل اديك حسين ليه حسين بس شتشيل اديك
بيك شلكه حسين يبني هسه حتى من ارد اجيك
والحوافر مو هدوم ضلوع ماخلت عليك
قصيدة بلسان حال العقيلة زينب ع في إستقبال هلال المحرم ....
ـــــــــــــــــــــــــــــــــــــــــــــــــــــــــــــــ
يا هــلال الفاجـــعة يا هـلال الفاجـــعة
طلعتك طلعة حِـزِن طلعتك طلعة حِـزِن
ـــــــــــــــــــــــــــــــــــــــــــــــــــــــــــــــــــــ
تصــلّي هالنــاس وتهلّل بالســمه لو بَـيّنت
وانه عيني من تلمحك آه أصيحن وحزَنِت
جَيّـتَك تِلــچم جروحي وللــــمواجع أذّنِت
حـربك الما بيـها رحمة على زينـب أعـلَنِت
طلعِتك يعني الدمع طلعتك يعني الدمع
يعنـــي بالآلام أوِن يعني بالآلام أوِن
ــــــــــــــــــــــــــــــــــــــــــــــــــــــــــــــــــــــ
إنتَ دفتر ذكرياتي واللــــيالي المــظلمة
أذكر اللي صار بية والمــدامع ســــاجمة
أذكر الطّف الرهــــيبة والمــناظر قاتــمة
والسما ما أنسى لَمّن بالحزن مُطرت دِمه
شلون أنسى كربله شلون أنسى كربله
البيها گلبي يِمتِحِن البيها گلبي يِمتِحِن
ــــــــــــــــــــــــــــــــــــــــــــــــــــــــــــــــــ
يا هلال ومن أشوفك چنها هسا ٱمصيبتي
شلون أنساها الطفوف البيها جارت دنيتي
شلون أنسى الغاضرية ويوم ذبحوا أخوتي
شلون أنسى آل أميـــة بنار حرگوا خيمتي
وإبن أبوي ٱعللثرى
وإبن أبوي ٱعللثرى
جِسمه دامي ٱمن الطعِن
جِسمه دامي ٱمن الطعِن
ــــــــــــــــــــــــــــــــــــــــــــــــــــــــــــــــــــ
يا هلال وبــعد فترة تكتـــمل نص الشـهر
ما أظنك تشبه إنتَ الطاح يَم جَرف النّهر
أعني أبو فاضل كفيلي أعني عباس الگُمر
ظامي ظل ٱعللشريعة والسهم لاح النـظر
والچــفوف ٱمبــتّرة والدمه يغطّي الحِسِن
والدمه يغطّي الحِسِن والدمه يغطّي الحِسِن
ــــــــــــــــــــــــــــــــــــــــــــــــــــــــــــــــــ
تعتـــقد راح آنه أگلك من أشــوفك يا هلَه
بشوفتك أذكر رضيع حسين وذكر حرمــلة
چان وردة بحضن أبوه وسهم حاقد ذَبّــلـه
منــذبح عبدالله نحــره ورَد إلِيّــه يِحــمِلَـه
إخذي مني هالطفل إخذي مني هالطفل
والدمع فوگ الوجِن والدمع فوگ الوجِن
ـــــــــــــــــــــــــــــــــــــــــــــــــــــــــــــــــ
أدري يـــهلال الكِـــدر ويـاك ما ينـفع عَــتَب
إنتَ يالبيك ٱبن أبوي حسين عالوجه ٱنگلَب
والشمر يگطع رُگبته وحتى من ثوبه ٱنسلَب
والعلــيل الما له حــيلة ٱوياي للشام ٱغتَرَب
أذكر أيام الســـبي أذكر أيام الســـبي
وأذكُر سياط المَتِن وأذكُر سياط المَتِن
ــــــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في قدوم محرّم الحرام ،،،،،،
ــــــــــــــــــــــــــــــــــــــــــــــــــــ
هَل مُحـرّم جَـاب ويـّاه الدموع
وٱنحِنَت بالشيعة يحسين الضلوع
بدَمعة وبوَنّة وهِضـيمة
تِحيِـي ذكـراك الأليمة
وا حسينا
وا حسينا
ــــــــــــــــــــــــــــــــــــــــــــــــــــ
شيعتك لو هَل مُحرّم
كل بلاويهه تهون
مِنهو يِتجَرّأ يِقارِن
شِنهو إحنا ومَن نكون ؟!
بكل أرض تنصب عزاهه
بس دِمَه تسيل العيون
وترتفع فوگ المنازل
بالحزن راية شجون
آه يا مظلوم تلطم عالصدور
هذا ديدنهه على مَرّ العصور
بكل زمن تعقد مآتم
تذكر مصاب الأكارم
وا حسينا
وا حسينا
ـــــــــــــــــــــــــــــــــــــــــــــــــــــ
رَاح أخَبرَك ونته أعرف
شنهــو حـال الرافضية
ضاگت أنواع المصايب
مِن زمن حامي الحمية
دِفعَت بحُبك ضرائب
والقتل أبسط أذية
وبرغم كل هذا ظَلّت
عالعهد يبن الزچية
قدّمـَوا لزيـارتك چَـفّ الوَلاء
هذا عدهم يُعتَبر أرخص عطاء
كل مُحــب أصبـح مـراده
بحضرتك يحضى بشهادة
وا حسينا
وا حسينا
ــــــــــــــــــــــــــــــــــــــــــــــــــــــــــ
بكل زمان الطاغي يظهر
حاول بكِلّ الوسائل
تترك الأحرار دربـك
والكُتُب تِحمِل دلائل
حين أيّس مِن نفعهه
أصبح ايدوّر بدائل
منهج ابليس وجنوده
للبشر مدّ الحبائل
راد بالـدينـار يشـريهـه الذمـَم
ما حِصَد بِسياسِتَه بَس الوَهَم
ونصِدَم بَهل العقيدة
وبمواقـفهه العديـدة
وا حسينا
وا حسينا
ـــــــــــــــــــــــــــــــــــــــــــــــــــــــــ
فزعـت الدنيـا وربـعهـه
ولَنهه بس أحزاب تنظُر
كِلمن ايزيــح لرَغيـفَه
وصاحب الإيثار يِندُر
والرياء أفضل طريقة
حتى للغايات يِعبُر
ويِنتِهز كِل فُرصَة تُعرَض
وهَوّه أذكى الناس يِشعُر
والفقيـر متيّه لكـل الجهـات
والمرائي مچلّب بهاي الحياة
والله يعلم بالـنـوايا
كلهه مدّعية الهداية
وا حسينا
وا حسينا
ــــــــــــــــــــــــــــــــــــــــــــــــــــــــــ
منهه تجّار الضمائر
عنهه نكتبلك سطور
يسرق ٱحگوك وينافق
بالدّجل يمــلِك قصور
واللي يحملهه المباديء
صاحب ٱخلاق وغيور
صار مصدر للمشاكل
بَس يُقـابل بالنفـور
واليحبّك ظل يواجه مغريات
بعقله يِعمل ما يدوّر معجزات
ما ينافق ما يرائي
هذا منهج كربلائي
وا حسينا
وا حسينا
ــــــــــــــــــــــــــــــــــــــــــــــــــــــــ
لو مُحرّمكم هِلالَه
بَيّن تزيد المَواجع
كل مُحب يصبح شعوره
گلـبه مـن ٱضلوعه طالع
كلهه تستحضر خطابك
يوم عاشور الفـواجـع
والنشيد اللي قريته
لا أذلّ ولا أبــايع
بالمدارس لازم يكون النشيد
واحسيناً وا غريباً وا شهيد
ما نسينه الغــاضـرية
لا وحگ ضلع الزچية
وا حسينا
وا حسينا
ــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة حسينية إرشاديّة توجيهية .
ـــــــــــــــــــــــــــــــــــــــــــــــــــــــــــــــ
إخدِم وفُرصِتَك إستِغلهه بعَقِل
فـانِـية دِنـيِتَــك بثانِية تِرتِحِـل
إخلِص إخلِص نِيّتك
بالَك تِخسر خِدمتك
ـــــــــــــــــــــــــــــــــــــــــــــــــــــــــــــــ
هالنصيحة لكل إخوتي
ونفسي أنصح گبلكم
لازم النية خالصة
لا رياء بعملكم
لو تريدون الآخرة
خلوا الله هدفكم
هو يعلم بالخافية
وما تضمره نفسكم
لو ما الأمل ما صَح عَمل
واسـِـعة رَحمِتَه وهُوّه رَبّ البَشَر
وتِـنمِـنِع نِقــمِتَه عَن سَليم البَصَر
بيدك تِكتب سِيرتك
بالك تخسر خدمتك
ـــــــــــــــــــــــــــــــــــــــــــــــــــــــــــــــ
الرايد حسين وخِدمِته
يِرضي أمه وأبَيّه
لازم ٱخـلاقه عاليـة
وعنده غِيرة وحَمية
هَم شجاع وطيب نَفِس
ويصبر ٱعللرزية
ما يجامل أهل الفسق
ما يِحِبّ الأذية
ما يِنحِني مايِنثِني
بصَلاتَه يِعتِني وبيهه ما يستِخِف
بقَناعَة مِغتِني وفِكرَه ما يِنحِـرِف
بكل شي إترِك بَصمتك
بــــالك تخسر خدمتك
ـــــــــــــــــــــــــــــــــــــــــــــــــــــــــــــــ
لازم افعالك دائماً
تنطبق وي كلامك
وإبتعد عن اليبعدك
عن مباديء إمامك
لا تصاحب عالمصلحة
ولا تطــوّل خصــامك
دائـماً سَلّـم مِن تِمُـر
تُفرض إنتَه ٱحترامك
كون كالنهَر يجري بفخَر
أبو ٱسكينَة سَجّلَك بيدَه فــاتـح سِجِل
إذا بــاچِر يِســـألَك شحضّرِت مِن فِعِـل
بيضة خَلّي صفحتك
بـالك تِخسر خدمتك
ـــــــــــــــــــــــــــــــــــــــــــــــــــــــــــــــ
الخدامة مو بَس لَطم
لا وَلا بَس شعارات
الخدامة ترفض إذا
ترمي بالجو عيارات
عالسواتِر عِندَك أخو
يِنتظِر هالرصاصات
خاوي أولادك بالكُبُر
وِٱنتبه للعلامات
بالك تِزِل بالك تِضِل
الخِدامة مَرحمة مو قَطِع للدرُب
إمامَك تِفهَـــــمَه مو تِطـالِع كُتُب
ٱويَه الحق خلّــي وَقفتك
بـــــــالك تخســر خدمتك
ـــــــــــــــــــــــــــــــــــــــــــــــــــــــــــــــ
والخدامة أجمل مرتبة
توصــلِلهه بـولاءك
والخدامة لو أنفَقِت
مو رياءً عطاءَك
والخدامة جود وكرم
ما تِشِحّ بدماءَك
مو نفاق وحقد وفشل
بٱختيار أصدقاءَك
يا صاحبي شوف مَطلبي
أنِصحَك تِبتدي مِن جِديد بعَمَل
بِلِحسين تِقتِدي وما تِبـايِع هُبَــل
بيدي خّلــي يَمنِتـك
بالك تِخسر خدمتك
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي .
يالرايح وعفت الفواطم
بلاية الولي بنت الهواشم
المن اصد يا صوب احتار
وانت برمل يحسين نايم
بس حسين عندي وعني رايح
ومدري بيا كتر عباس طايح
بدخان الخيم معمية العيون
ودمعي امن الضهر يحسين سايح
ويلاه يزينب احاه يزينب
___
اختك ترة حارت على التل
ماضل صبر يحسين وشل
كونك عدل افزع يخوية
منين اعتني ياخوية شندل
وين انطي الوجه يا خوية واندار
ارد اوصل لچن ضل گلبي محتار
اجيلك لو ارد لو ابقة يحسين
اصد الخيل عنك والخيم نار
ويلاه يزينب احاه يزينب
__
ضلعك شفت بحوافر الخيل
شفته وبدة يتمايل الحيل
وآنه صرت مابين الجيوش
بيك التهي و هاي المداليل
عل الهيمة ركض يلحگهن الجيش
طفلة وبالصحاري اتيتمت ليش
وگلب اختك وگف متگلي شيصير
اسهامك بالضلع ما طاحن بريش
ويلاه يزينب احاه يزينب
__
ضهري انحنة يحسين عدلة
اعليه السحگ ياخوية خلة
بس اگعد واجمع بناتك
گلبي ترة وصلة اعله وصلة
لو بيك النفس بس اگعد وشوف
زينب يالولي مو مالت طفوف
اميرة اعله الخلگ تاليهه احتار
ملحوگة اركضت يحسين والخوف
ويلاه يزينب احاه يزينب
_
لمن طحت صدرك سمعته
فوگ السهم والخيل اجته
واعليك الخلگ تفتر بالسيوف
وطولك نحر لمن وصلته
ردت اعليك الحگ والوگت فات
جروح اهواي بيه وموش هينات
وجابوهه الهزل يحسين للشام
تالي نروح وانت بالفلا تبات
ويلا يزينب احاه يزينب
#محمد فرج الحريشاوي
ارد اشبع امن عيونك
هل جيتك آنه بدونك
يالمَهري چانت شوفتك .. خويه حسين
مو همّي بيه بيك اهِم
ادري غيوّر وتنلچِم
وادري ابرحيلي ذبحتّك .. خويه حسين
لاتنجرح خويه .. يبو الغيره ..
أَنه اختك راح اضِل
أَعثر بولياني.. وليهمك ..
ادورك ما امِلْ
لتشد على جروحك .. والي تحاول..
تگوم وتشتعِل
جاي اني ادورك يالنفل
وآني ادري روحك تنچتل
لو شاهدت زينب عله النوگ
آه
غيره وحميه وتنجرح
مايوجعك وادري الذبح
من تنظر ابچف اختك الطوگ
حبيبي حسين
___
يالما تخلي اخيالي
يماشيني چا يالغالي
هسه وعدوّك يحدي اهوْ .. خويه حسين
وينك يراعي الخوّه
جاي امشي الك بالگوه
انه اطلعت وابلا اخوْ … خويه حسين
الخيمه جسَد ليه .. الروح آنه ..
لو اطلَع مِتِتْ
من حرگو الخيمه .. صحت بأسمك ..
بيك اتشاهدت
يا مهجة الزهره .. يروح اختك ..
اركضتلك وانشغِت
ماعندي غيرك يا اخي
صحت الحگ اختك وانتخي
وركضة جدامي وسِحكة النار
اركض وادوّر بالدرب
وخيل وضيج البي رعب
ومن اعثر الخيماتي اندار
حبيبي حسين
__
امشي بعبرتي اتعثَر
ابكل خطوه ليك اتعذَر
چي ماگلت من اطلعِت .. خويه حسين
جدمي اشيصعدّه التله
الخاطر حبيبي اصعدله
بس كون اشوفك والهثِت .. خويه حسين
اصعدت آنه بالگوه .. والترابه ..
ودمع سد النظَر
بين الضجيج اسمع .. همِس خويه ..
جسد ليه انتظَر
سوده عليه انتَ .. النمت چفيّه ..
عمت عيني الدهَر
إِن كُنتَ حياً تلفي الي
انشافن نسّه غيرت علي
طايح لچن عجيت التراب
بيك الحميه اتشرعِبَت
الغيره وجمرهه الماهِفَت
والخويه جتني ابصوت لهاب
حبيبي حسين
_
ابچيلي وآنه ابچيلك
جتي اختك اتفيلك
يا فيّ دليلي وتنچوي … خويه حسين
بكل جرحي أنه اتعنيتك
وتنزف شفت حنيتك
وجرح العطش ماينلوي .. خويه حسين
اشكيلي والك روحي .. شنو اليوجع
گلتلي طلعتچ
ابجسمك سبعميه.. والف طعنه
وصحتلي خوتچ
هيه التگص ضهري .. اذا غربه
خذوچ بروحتچ
گتلي المخيّم ياهو بي
وجاك الجواب امن العبي
من انظرت چويات العباه
والله ادري آنه التوجعَك
اختك حليبك مرضعك
ها يلغيور التنزف اعضاه
حبيبي حسين
_
كل جرح بيك ابروحي
وغسلتك آنه بنوحي
يابس دليلك يا نبع .. خويه حسين
كل الوفه والنخوه
يا ابو عيون الحلوه
تارسهن الدم والدمع .. خويه حسين
گتلي امشي ياخويه .. الوراچ اصعب
گلت انتَ الصعُب
فرگاك شيحمله .. يبعد اختك
يعوفك ياگلُب
بس طاعتي الامرك ..لچن مرمي
شتركك عالترُب
اينطرچ يخيتي اشكم طفل
گتلي وجوهم بالهزّل
چتفوّهه حتّه اصغر اعوام
عوفيني گتلي وحدّي
منا غربتك تبتدي
واتحضري للكوفه وقصر شام
حبيبي حسين
الشاعر سيد مصطفى الموسوي
____
الامان
وتسهيل الصعبه بجفج
داخل مولاتي بعطفج
دخليج
الحنان
ينبع من البدويه
اليمهه الحاجه مقضيه
دخيلج
يارايه فرج للشده والصعبات
ام الكافل وگضايت الحاجات
ياشاره وبخت بيج الامان يلوذ
بامانج گلبي من الجاي ومن الفات
مولاتي انه ادخيلج ابجيلج بعيون وگلب
بداعت ضعن البلطف خل يرف دلالي ويحب
______
السبيل
للرحمه وللدمعه انتي
للمضطر مئمن صرتي
دخيلج
دخيل
من گلب يدگ بلا حب
ورحمتكم فوگاهه تصب
دخيلج
گلب ابلايه حب ينبض بلايه احساس
دخيلج طهري گلبي من شر الوسواس
بچِيني وصوغي من العيون دموع
ياباب الرجاء وابنج العباس
بلكافل وجفينه وحسينه مولاتي بحماج
تنجيني من اوهامي وايامي المابيهن رضاج
______
الزمان
لو وازاني اعله الفرگه
اصرخ مولاتي بحرگه
دخيلج
مكان
خليلي ابين الوادم
اصبح وياهم خادم
دخيلج
اعله مرتبه بدرب العشگ خادم
والناعي رتبته برتبت العالم
واليبچي بگلب فاهم مسير النوح
غير الخدمه والحب كلشي مادايم
يام البنين بلطفج وبعطفج ثبتيلي قدم
اخذي عيوني لصوبج لدوبج ابچي اعله الخيم
_____
السمار
لو مر بگلبي اشكيلج
وبلشده اصيح ادخيلج
دخيلج
قرار
ماعندي ومنج اريده
ولحبج گلبي أشيده
دخيلج
مديون انه الج حد اخر اسنيني
لان ماوفتج دمعاتي البعيني
وفائج للخيم واهل الخيام هواي
ارزقيني أوافي وياج لحسيني
رزقيني أوفي بحبي وبگلبي لحسين الغريب
بجيني لاجل احبابه ومصابه اعينج بلنحيب
______
خادم الحسين
الشاعر حيدر علي
#يا أم البنين
(السلام على من تورمت قدماها لكثرة السؤال على الحسين)
وين يمه بيا محطة
ظعنك المحروس هسه
حسين من كثرت سؤالي
جدم ما عندي احسه
مو مهم بيه شتغير
المهم عبد الله نفسه...؟
امشي فوگ اثار ظعنك..واندل اثارك حنينة
وحافظة اصوات القوافل..واعرف اجراس الظعينة
يا حسين بگد حنانك ..باچية اباب المدينة
شتسوي المشتاگة..واتدور ماكو حسين
شتسوي المتعلمة..شوف تشوفك بالعين
يالكاصد بظعونك..ظعنك مگصوده لوين
__
هذا ليلي السهراني
نمته لو مثلي سهرته
گلبي مربوط بظعونك
تمشي خطوة اتدگ نبضته
ام اخوتك ماهي طيبة
حسين يمه طيب انته..؟
بدارك واشعر غريبة..شلون بيك وانته نازح
يالگصدت اگلوب خشنة ..ابيتك اشچم گلب ذابح
حته الاهلاً من لسنهم..تنحسب هم حچي جارح
يا خيمتنه وفينه..ناصب گالولي اخيام
ومحترگات اخيامك..تطلعلي بالاحلام
واتعوذ من حلمي..واتعوذ من الشام
____
فوگ گلبي امخليه بنتك
يفرق الليلة جرحهه
بليلة ما بين گمرهه
گلبي خايف من صبحهه
خايفه الدنيا تخلي
براس سيدها رمحها
عصبّت راسي ونعيتك..وعيني ما غمض جفنهه
وطر صبح ما شفت مثله..بعيني سوده الشمس جنهه
وتربتك يم راس بتك..فاض دم يحسين منهه
بمجّان البي تكعد..شعلتلك روحي اشموع
غير اسمك يا يمه..بكعدتنه ما مسموع(حسين)
وين الله ترد سالم..اتشاهدنه ومتنه دموع
____
بنعي ما مر عالمدينة
حسين يمه اسمك نعيته
خبر موتك جان عندي
بدارنه بعينك قريته
وطول هالسفره الطويلة
خبر موتك جذبيته
كون بين ضلوعي اضمك..يمه عن لا يغدرونك
شلون ينطيها گلبها..يمه هاي امتك تخونك
ما مصدكه ابدون اخوتك..حاير اتدير بعيونك
اتدير اعيونك حاير..ومالك ناصر يا ماي
كالوا تحجي وصوتك..ما يطلع يا مولاي
ما راح انعه اولادي..انعه اعلحوالك هاي
__
اللهم عجّل لوليك الفرج
خادم الحسين
الشاعر مصطفى صادق اللامي
ضاقت فلما استحكمت حلقاتها
قلتُ …. حسين
واذا بها وقد انجلت نكباتها
صحتُ…. حسين
چم شده واگلك هاك وانته اتگلي مگضيه
عله ياهيه اسولف بيك يبو حجايات عربيه
يمنسيني بالحضره كل همومي والبيه
وتتلاگني من بعيد شگد شايل عزوبيه
يمن فدوات لعيونك
اضل كل عمري مديونك
شماسويت ماسدك
واحسدها اليعشگونك
…………………………..
ولرب نازلة يضيق لها الفتى
فندبْ …. حسين
عجبا تقول لمثله كيف اتى
قلبٌ ….. حسين
حاضرني گبل كلها وگبل لا اصيحله بعونه
ماشايف ابد مثله شگد حب اليكرهونه
لونه حسين مادري بس ماله شبه لونه
يعوضني ويگلي اتهون وباقي اكل بماعونه
كبرت بزوده وبصيته
وحيل افتخر تربيته
انه مو بشر كامل
بس حسين حبيته
…………………………
ولقد خلقنا من ترابٍ اصلهُ
منهُ …… حسين
في كلِ خلقٍ لا وجودٍ مثلهُ
كنهُ …… حسين
من فاضل اتراب حسين الله اختار خدامه
وخلقنه انسوي اله مجلس وبيهه نصير لطامه
فضله اعلينه جازي اهواي كون انطيح گدامه
قليله بحق ابو الاكبر نطبر الروس بالقامه
كون انموتله ونعدل
ونرد بشوگ مثل اول
احنه بكيفه شيسوي
دوم حسينه معدل
……………………………
واذا مرضت او اصبت بكربةٍ
يشفي ….. حسين
فهو المشافي والمعافي لعلةٍ
يكفي ….. حسين
حسين منين ما التاف اشوفله وجه طالع
نخله بكل وكت موجود ومشبع اشكم جايع
ضوه بنص هيمه للحبوه ويدلي شكو ظايع
مرجع والتقلده هواي حكمه اعله البشر شايع
اليقلده يعيش مستانس
هذا العشگ لبواهس
الجنون بحبه اله ميزه
مثل ماصار وي عابس
………………………………………
عند السؤال اجابت الروح بكاء
جرحي ….. حسين
والعين لاتقبل الا كربلاء
نوحي ….. حسين
سمه بعيون ليعشگوه وكلها اتفكر اتلوحه
حسين بلا طعم عمره الما خادملك بروحه
وماحس لذة الچمات الماناذرهن اجروحه
هو العمر بس حسين وكل احلام مطروحه
اليعيش حسين بعيونه
يصير بكل وكت جونه
هذا احساس اليحبون
شما تنطيه مديونه
………………………………
الأقل شرفاً
كرار اللامي
محرم الحرام
ملاحظة :
هناك اشطر بالقصيده للشافعي
الشيب مصبوغ بدمه
بين عله اعيونه الضمه
ماچنه الحسين
بعيني صارت مضلمه
وياريتني انصبت بعمه
ولا شافته العين
......................
اباب خيمتنه اوگفت .....
وانظر عليه وباوعت ....
يلوج من كثر الالم ....
وشبچت عشرة وثغبت
محد فزع نغار اله .....
والحومه متروسه بهله ....
كلما اصد الگه عرف ....
الله يعملت كربله
بعيني شفت هل المنظر
وشبيدي اسوي وشگدر
حرمه وشني الاكدرله
وبروحي ظلت عله
الدمعه شيمت بالجفن
وگليبي متروس بحزن
من طگات البين
...............:..:..........
افرك بديه من الهظم ....
من جرحه ايبان العظم
الله واكبر مايصح ....
لا من يرروفه وينلظم
الخيل من عده اگربت ......
داسته وبصدره اسحگت
گلبته وليغاد انشمر ....
والحرمة بالحرمة اشبگت
بالحافر ظل من عده
مجلب بقه وماهده
والخيل ذيچ اليمه
مصبوغه حمره بدمه
محتاره اريد اوصل اله
بوحدي بقيت معلعله
وخياله صوبين
...........................................
ظليت اباوع ع الجره .....
واعصر بروحي محيره
لن باوعت شفت الشمر ....
يسحل بخوي وجرجره
مابيه حيل ولا نفس .....
وصدره بالاسهام انترس
حط خنجره فوگ النحر .....
بعيوني شفته من رفس
حز نحره وفرفح شفته
ماكفاه ردله وعته
يگطر ظل دم الخنجر
واركضت ليه اتعثر
طحت وگمت يرويحتي
وبانت عله الخد دمعتي
واصفگ باليدين
...........................................
ابصدره چم سهم انفرد .....
وبظلعه جم رمح انبرد
لحد ماصبح ماينعرف ......
بكثر السحگ گلبه انمرد
طفوا شگو بي ظل ترف .....
واعيونه ماخذه النزف
وانه عله التل وصحت ....
لختك بعد ماظل عرف
من التل صحت يعيوني
الودام تره ضربوني
الحگ يراعي الشيمه
حرگوا الك چم خيمه
حرگوا شكو ذكره بقت
والخيمه وجت ونطفت
وداساها الشين
...........................................
من چل علي ليل القهر .....
واعيوني ذبله السهر
گمت وطلعت ودورت ....
بين الجثث والهم كبر
كل غالي من يمه اعبرت .....
وبجثت ابني اتعثرت
عفته ومشيت وصيحت ....
يحسين چا وينك صرت
دورتك ولن شفتك
واتگربيت اشبگتك
اذوك خويه اهوايه
وروحك عل المسنايه
راح امشي عنك يالنفل
وجنه اجت نوگ الهزل
وماندري الوين
...........................................
حان الواداع اعله الهزل ....
لو درت يخنگني الحبل
من ايدي شدوه وصعد ....
الرگبتي ورد للحجل
الاطفال مرعوبه وتون .....
وشحجيلك بحال المتن
الكلت من زادك صفت .....
بالماي اعلينه تمن
امتوني صارت زرگه
لو طگني تطلع شهگه
والناگه من تتعثر
تاذيني وحيل اتكدر
لبگدي مو مالت قهر
ولاحيل بيه اعله السفر
وعمري خمسين
...........................................
الأقل شرفاً
كرار اللامي
محرم الحرام
الامام الحسين ع في واقعة الطف
شور على الراس
''''''''''
لطخ لحيته بدم الاكبر
گلـبت يحمره بدم الاصغر
حط جفه على گلبه وجفه بس دم
هذا ابشط رمح والرمح اغبر
نسوان الخيم ماعرفن احسين
وحده تكول هوه وهذا منيـن
مًولاي مولاي ياسليـب الدماء
''''''''''''''''
المثـلك ياحسيــن ودوم مرتـاح
دوم الوجـع بيـك ويآكـل اصـفاح
ساعـه على الوطيـه وساعـه برمـاح
الله واكبــر يمتــى تـرتـاح
حسيــن الوجــع ياريت ينـزاح
مًولاي مولاي ياسليـب الدماء
'''''''''''''''''''
خيال الرمـح خيـال السيـوف
حسين وهاي عنده بحالته يشوف
وانه صغير سامع جسـمه ملفوف
ارماح اسيوفهم والخيل دارن
جسم حسين طافـن ثـم طافـن
مًولاي مولاي ياسليـب الدماء
'''''''''''''''''''
مگلـوب الوجه على الثرى مگلـوب
جسـم حسين بين الرمل مسلـوب
خـيل وهشــمـت والدهـر يانـوب
صالن وكـرن يحسين صالـن
خـيل وي الزلم ضلن يغارن
مًولاي مولاي ياسليـب الدماء
'''''''''''''''''''
عـلـي حـيدر الحـسينـي
السبي
ويـنـهـا أزلام الـهـــواشـــــم ويـنـهـا
زينب بحـبل الـســبـي مـگـيـديـنـهـا
...........................................
وين قـتّـال العــرب وين الحـيـــود
وين حـمــزه ويـنـه صـيّـاد الاسود
انسبت نسوانكـــم سـبي الـيــهـود
وبالرمح چــــدام راس احــسيـنها
...........................................
بالرمــح راس الشـهـيـد ومـا سلم
بالحـجـر صـابـو جـبـيـنـه وانشتم
هـــاي ناس ارجـاس عـبّاد الصنم
بـدرهــــــم ودينار باعــت ديـنـهــا
...........................................
مافــزع حـــيـدر يـشــوف بكــربله
ضل وحـــيــد حسين ماتو كل هله
حــرگـــو اخيامه وسـبـوها العايله
ويـنــه خلّاس الـعــده بصـفـيـنــها
...........................................
منطرح فوگ الترب سبط الرسـول
بكل مغاره حسين داتسه الخيــول
بروحه والرده على اضلوعه تجول
اعظام صدره اعله الثره مكسرينها
...........................................
فــــرّن النـسـوان والــنـار اعــتـلـت
بصوت زينب صاحت وللتل مشت
هنا يبن امـــي تــره العـيــله نولت
واعــلـه ضـيـم السبي اللـه يعينها
...........................................
تعثـر ابـمـمشاها والوادي امخطر
شلـــون تل يشيلها اجبال الصـبـر
وصلته وگـــالت اجــيتك علعطـر
حسين خويه اوصالك مگطعينها
...........................................
شلــون حيـره بكرله زينب تحير
هاي ماصـارت قبل ماظن تصير
چتّلو أل النبي وحـتى الزغـــير
والاطفال الــــرضّـــع امچتلينها
.....................................................
✍️عباس مالك العفريت
نسألكم الدعاء
الگوم العارجو ما راعو عظمته
ولقه حجته عليهم ووعظ أمته
وحگ من لمت لحم منه وعظمته
يعرفونه ويشتمون الزجيه
عمار التميمي