4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
عن نافع بن هلال البجلي رأيت الحسين في ليلة عاشوراء يدور حول المخيم ويلتقط حسك السعدان من الأرض فقلت له سيدي لعلي أكفيك هذا فقال لي يانافع غداة غدٍ تهجم الخيل على المخيم ويضرموا فيها النار فتفر النساء والأطفال وأخشى عليهم من أن يصيبهم حسك السعدان وأريد أن أُولي هذا الأمر بنفسي.
اب حنون انت سيدي يا ابا عبدالله الحسين🥺💔
الم بالشوك وحدي من ألمهن
يضمن عني شنهي من ألمهن
يخايب لابو يمهن لا ام الهن
بضعن موش الي ايمرن عليه
عمار التميمي
يخويه اختك وحيده وكلهه طاحت
مذبوحه اعله كلبي
صفيـت ابلايـه خـوه وعزتـك افـياي
غـربـه كـلـه دربي
على اعـيـون الـخدر يـا خـويه الاثـكال
مــو بـس غـثـوو اخـتــك غـثـوو البال
تــعــال وشـوف كـبرت زينـب ام عـون
وعليهه ارماد فـوك امـن التـعب ضـال
ما ضـلالي كـل حـيل حيلي امن التعب طاح
يعز اعله اختك اتكول مـن عـدي الـخدر راح
يـبـوو الاكـــبر ولانـي الضــيم وفـوكـه ذباح
============================
ما مـرتـاحه غـيــر وكــون ارتـاح
اشيريح خدري حاير
شكض امن العمر هوه العمر وين
اعـله ضـهر التله صاير
حـسين الـخـيل غـيـر اعـله الـزلـم هـاي
ليــش وركــضــت ابـ كــل حـيـل بكفاي
جبـيـره وكــلـي ياهـوو ايـفـهـم الـخـيـل
حــرمـه ومــامــش الـهـه الـعــون لا راي
وحكك والتـعـب كام يـاكـل خـويـه بـالــروح
اروحـلك درب موت صـاحـوو بـيـه مـذبوح
غـربه وكـلهه ضـلت تـزيـد اجـروح بـجروح
============================
يم رجفت عليل اهلي صحت راح
اصيحك بلكي تحضر
الحك عالبقه وهوه اشبقه وضال
خواتي ابهيمه تفتر
يركـضـن مـن خـجلـهن والـركـض عيـن
وكلهه اتصيح طـيحــن طـاح الحـسـين
شـنوو الـعدهـن حته يحمن من الاضياع
انتــرست حـومــت اهل الـشر نسـاوين
طـاحـن گـوه نـهـظـن حيـل الله ابـعـبــيـهن
اشيعرفن غير الاركاض وتعـبـن عـالـيجـيهـن
حسن اوضيج الاخـيام فـحـطن مـن بچـيـهن
============================
شكض ابروحي لو كض باليطيحون
حرت يا خويه من هاي
اشيسد ذبح الخدر والذبحته الناس
بين الهيمه والـماي
كـلـهه اتـريــد زيـنـب زيـنـب الــمـن
تفـر مـن غـربه تـنـهــظ بـالـيـعـثـرن
وحـرت ياخـويه بـين الـطـايـح ومـات
الـبـيـه اهـواي مــن الـضـيـم تـعـبـن
امشي اعله اللي طاحت طـاحت وحده مناك
الگـه ابـهـاي الاجــروح ذيـج وهـمـهه مرتاك
وحكـك تـعبـت اخـتـك ويـن وگـلـي والـكاك
============================
وحك ياخدري ما راح اسمه زينب
يسموني الغريبه
حسين اختك كلـبهه بته مكطوح
من هاي المصيبه
الـكفـلني وشـيخ الاخيـام اعـله هـلگـاع
وتـالـيـته الـخـدر مـن عـزه شـوو شـاع
وحيده ابين الف زلـمه يـخـويه شـلـون
علـى اخـتـك مـا بـقه الـيـنـغر بالافـزاع
وابضيمي تنطر احـبال وتـنـطـرنـي الـهـزايـل
مايـل وكـتـي يا خـوي كلـش هــســه مـايـل
راح وامـشـي للـشـام ومـا يـبـرالـي كــافــل
============================
سجاد ابراهيم الكعبي
دفن الأجساد مولاتي زينب(صلوات الله عليها)
رايدتلي وحيد يدليني بيك
وين اخوي؟ وين اخوي؟
گلبي خويه مفرفح يدور عليك
وين اخوي؟ وين اخوي؟
كون طيب أنطي روحي وشتريك
وين اخوي؟ وين اخوي
رجعنه عليك ياشيخ العشيره
ومو تابوت جبنالك حصيره
ياجثه أنته منهن والله حيره
وين طايح .. وين طايح
خايفه من انگل جدم لادوس فوگك
وين طايح .. وين طايح
گمت ماميزك بعد انته من اخوتك
@@@@@@@@@@@@@@@@@@
رحت للتل وگلت وينك يخوي
وين أخوي؟ وين اخوي؟
ومن كثر ذاك التعب حشمت أبوي
وين أخوي؟ وين اخوي؟
ولن عليلك عمه صيح هذا أبوي
نسيت التعب گله وعتنيك
والتهضم وصلتك ضيعيتك
أوصال أوصال مطشر لگيتك
وعلي حيره .. وعلي حيره
ماعقلهه هيچ صاير يادليلي
وعلي حيره .. وعلي حيره
للشكاوي لو ألم أفرش شليلي
@@@@@@@@@@@@@@@@@@
ياخت التگدر تضل عدله علهاي
وين أخوي؟ وين اخوي؟
حيل متحير گلبهه يريد راي
وين أخوي؟ وين اخوي؟
موذر أبن امهه وتريد تشربه ماي
فدوه يروحلك يحسين بزري
وفدوه يروح عمرين علعمري
ماعيشن خلافن ونته تتدري
راح اموتن .. راح اموتن
عدله أضل وحسين تارسهه الصحاري؟
راح اموتن .. راح اموتن
ياعزيزي العفته فوگ الغبره عاري
@@@@@@@@@@@@@@@@@@
گلت لا مو هذا انته حسين وين؟
وين أخوي؟ وين اخوي؟
وكلشي بيه يگلي أخيج موش زين
وين أخوي؟ وين اخوي؟
أطشر مطشرتك الماعدهه دين
حفرو لحدك وگلولي ردي
الك گالو گلت لا هذا لحدي
أخيته ومارضه يخليني وحدي
يدري بيه .. يدري بيه
مايمر يوم علعيني وماأشوفه
يدري بيه .. يدري بيه
من الزغر متعوده يمه شلون أعوفه
رسول رياض
٨٥
قصيدة السبي
ه ه ه
زينب تصد لحسين وتجري دمعتهه
ميسره ويه العايله
والمدامع هامله
كربله جتني منين. وتجري دمعتهه
ه ه ه
زينب تصد لحسين من عالهزله
متيسره اختك خويه هيج تكله
والكيد بجفوفي منو. الي يحله
وكلسا تطيح من السبايه طفله
اختك بهذا الحال
گوم الخذتهه
مابگت عدهه خيم
وعدهه اطفال وحرم
وهذا مامر عالبال
وتجري دمعتهه
ه ه ه
ياوسفه زينب بت علي بهذا الحال
للكوفه تمشي ميسره بيديهه حبال
الجانت اميره عليهه تحكم انذال
وتصد لبو اليمه ودمعهه الهمال
ساعه تربي العباس
ذاكه هيبتهه
اتكله تقبل ياشهم
اختك ابين الزلم
اتطب دواوين اجناب
وتجري دمعتهه
ه ه ه
هاي الذي لخيالهه ماشافو
تمشي يسيره من الله ابد ماخافو
الجانو يحاموهه وسافه انعافو
بسيوف ورماح وسهام انضافو
الجانت بذاك الخير
الدنيه هضمتهه
عليهه ظلام امرت
اتكيدت وتيسرت
وتمشي ويه الاجناب
وتجري دمعتهه
ه ه ه
للكوفه بحبال اليسر جابوهه
من الخوارج بت علي حسبوهه
الجانت اميره الناس ماهابوهه
الديوانهم بت حيدره طبوهه
ذلت هذيجه الناس
بذيجه خطبتهه
لاجن بحسره تصد
وللجرح كوه تشد
ومن هذيج الشمات
تجري دمعتهه
ه ه ه
من الكوفه ويه الروس راحت للشام
بنات الرساله بولية من الظلام
عين عله اخيهه وعينهه عله الايتام
ويامحنةالسجاد زادتهه الام
بالخرابه الضلام
هناكه خلتهه
اندارت الارض النجف
والجرح منهه هتف.
الغوث ياحامي الجار
وتجري دمعتهه
ه ه ه
ابو احمد الهنداوي
٩٠
ميمر السبي
ه ه ه ه ه
زينب جبل وخير العمل
لهل الوفه قدوه تضل
رغم السبي وذاك الصار زينب بگت منتصره
ه ه ه
منتصره رغم اللي جره واللي صار
بالطف وحيده ظلت ويه الاشرار
اخوتهه متذبحه وبالطف طشار
الظالم ضرم ذيج الخيم
وشردت اطفال ويه الحرم
وحسين اخيهه المذبوح والخيل سحكت صدره
ه ه ه
سبعين الف جيش ال اميه واكثر
لو يمشي فوك الصخر هم يتفسر
زينب وحيده وردته للعسكر
شنهالصبر. شنهالستر
بالدمعه خطت للنصر
بهيبة علي والزهراء ردت الهجمه الخطره
ه ه
زينب برغم اللي جره والالام
وشكثر شافت جور من الظلام
دم وحرك والحرم ماعدهه خيام
ذيج الاهل. الكل انكتل
وعالهزل فروهه الدول
اتحملت ضيم الماصار صلبه وفلا منكسره
ه ه ه
عدوانهه اجلاف ولئام وصلفه
لاجنهم انذلو بذيج العفه
قرآن ناطق جانت بكل وگفه
متهاونت. وماهادنت
بذيج الصلاة إطمانت
ركعتهه وسط الميدان درس وصلاح وثوره
ه ه ه
من نذكر الزينب وجب نعرفهه
وعالاقل احنه بالعمل ننصفهه
نفهم شرادت منه في موقفهه
انطتنه الدرب. اليضوي الكلب
البيه نطلب وماننطلب
درب الامام المعصوم
الماتلگه بي اي عثره
ه ه ه
خلينه يمهه الليله يم خيمتهه
وخل نحفظ العز والابه بشيمتهه
خير العلينه كله من نعمتهه
خل نفتخر. بم الخدر
هاي اللوت جيد الكفر
العجبت الكوفه والشام
ويزيد كسرت ظهره
ابو احمد الهنداوي
٨٨
موشح السبي
ه ه ه ه
وين زينب رايحه وياهه الحرم
وعلترب ظلت اخوتهه اهل الشيم
ه ه ه
بت علي الكرار ذيج ام الخدر
طلعت ويه اخوتهه مرفوعه الگدر
نجمه اجت والحارس وياهه البدر
وابد ماتسمع فقط جلمة نعم
ه ه ه
اربع اخوه ليوث ولد ام البنين
كلهه يمهه لوتصد من عدهه عين
حايطيهه عله اليسار وعاليمين
والكمر عباس رف يمهه العلم
ه ه ه
لاجن الايام ياوسفه تخون
بكربله كلشي انكضه بفيض العيون
مصيبة الحوراء بالطف ماتهون
وين تمشي احتار من عدهه الجدم
ه ه ه
تنضر حسين البكه من فاطمه
اكبالهه مذبوح وبفيض الدمه
الصدره خيل الاعوجيه تهشمه
وتنضر الراسه عن الجثه انفصم
ه ه ه
عالنهر عباسهه تعوفه صريع
الجان يمهه واكف السد المنيع
جفوفه مكطوعات وي راسه الكطيع
وبالعمد مطبور و بعينه السهم
ه ه ه
حرمه ومحيره ومسبيه االعيال
وهجمت عليهه الاعادي والرجال
حارت المن تنتخي وحار السوال
والعده حركت وجالت بالخيم
ه ه ه
النار شبت والعيال اتراكضت
وللضرب والسلب كلهه تعرضت
والمصايب والنوايب ماكضت
ولاجبير ولا زغير اللي سلم
ه ه ه
وعلي السجاد البكه بحاله يجود
ينضر العمته والهمهه يزود
اشعملت بحاله العلي ذيج الكيود
اتدير الگيود الاديهه لو رهم
ه ه ه
عكب كل ذيج المصايب والجره
عالهزل. زينب خذوهه ميسره
بظلم ماصاير ولا تتصوره
ويحكم عليهه الذي يمهه حكم
ه ه ه
من الطفوف الروس وياهه تسير
عله الشام بمجلس الطاغي تصير
بت علي الكرار ذلت للامير
وضمت الحسره ابكلبهه والالم
ه ه ه
واحنه لو نذكر الزينب نفتخر
هاي ام الشرف كله والخدر
ولو لفظنه اسم العقيله. نعتذر
ليش جا صارلهه بس الهم سهم
ابو احمد الهنداوي
#لسان_حال_مولاي_السجاد
#دفن_الاجساد_الشريفه
وبكربله بلا هدم مدفون واليهه
______
جثه بقت ع الرمل
وحسين ميت عطش وبلا دفن
ع الارض والشمس تاكل بيهه
مصلوب ضل ع الثره
مت عيني روحه انتهت وعيونه ذبلت ورد
وينه الفزع للجثث وبماي خل يحيهه
معصوم ضل بالشمس . مگطوع منه النفس
وبحاله محد يحس . والنخوه شروه اشريها
_______
عمي بقه بلا غسل
مضروبه هامه بعمد
العباس ذاك الكلف مگطوع جفينه
تعبني حيل الدفن
صاير وذر ع الارض
وعيونه دم انزفت چي نزف دم احسينه
بعيونه ماي الخيم . مت عيني طاح العلم
ترضوهه يهل الشيم . جربتنه مارد بيها
____
نازف لحد العظم
مت عيني الاكبر زغر
والهوى يلچم جسد متعمد يلجمه
ماصايره يلعرب
صدره ع ظهره انگلب
والجسد دامي الجسد وبالرمح يابس دمه
ياخوي يابرزتي . ملچوم يا هيبتي
حط جسمك بركبتي . عيونه الشماته اعميها
____
ياخوي يزغر ولد
عمرك رمح بالمهد
بعدك زغير الذبح ماشالتك حصيره
بعدك رضيع برمح
طولك گصر بالذبح
گبرك اقل من متر يمصيبتك چبيره
يزغير بزرة هلي . عگبك يضل ياهو الي
عگبك عبد چا شلي . الدنيه علموده افنيها
____
#عباس_القلعاوي
#نسآلكم_الدعاء
ثالث مره أحسب بالهزايل -- قـليله ماتكفي ودمعي سايل
أحسبـيهن قـليلات -- وهـواي اليتيمات
----------------------------------------------------------
1= من قبل ساعه أتحضرو - للكــوفه نطــــلع قــررو - طلعــت سبايه
غير أنتهت هيه الحرب - وعالرمح الحسين أنصلب - ماكـــو نهايه
شبيها الناس من نبجي يضحكون
أهلــنه أتـــــذبحوا منه شيريدون
بهذني النوك بينه ويــــن يردون
-----------------------------------
أحـنه شنمتـلك غـير البواجي -- أهل ماعدنه وأخذوها التراجي
شيصعـد الغريبات -- وهــواي اليتيمات
2= هالـنوك ماتـكـفي سوه -- نصعـد عليهن والهوه -- يوكعـنه منهن
شنصير عالناكه شكــثر -- شتشيل خمسه عالضهر-- ويســيل دمهن
أذا نــصعـــد أسـيره بصف أسيره
زيـــن شلــون بـــيج أنــته جبيره
أمن أتــطيحين محد عـنده غيره
-----
هــاي الــنوك حــيرني أمرها -- أختارو وين الأزغير ضهرها
نشبع منها طيحات ** وهــــواي اليتيمات
**************
3= سبعين أسيره أحنه تره -- ومن الشمس ماكو ذره -- كلنه عطاشه
والماي ضل فـوك النهر -- صرنه سمه وبـــلا كمر – كلـشي تلاشه
سفره بلا أهـــل مو سفـره موته
الجان أخرس علينه رفع صوته
السوك بلا أهل ب لله شيفـوته
------
ماتـنحمل لـــو كالو جبيره -- أخـــت عباس جبناها أسيره
علينه يباوع الفات -- وهواي اليتيمات
4= يا مـثـكل وجــوه الغــرب - تلاكـينه باجر بالدرب - وأحنه علاوي
أحنه أبطبعــــنه نستحي - من الطفل والملـتحي - والحادي ناوي
أيــفــرج بالسبي الــوادم علـينه
ويــسحب بينه بالسوك مـــن أدينه
وكــل ساعه يدخلــــــــنه بمدينه
*
أذا سألــــوه يــكللهم خــــوارج -- جبانهم أبنوك بلا هـــوادج
أبوهم بالحرب مات -- وهــــواي اليتيمات
*************
5= بالشام نسمع بس سمع - ندخلها ويصب الدمع - وروس الغوالي
تـدخل نحر لا زم نحر - وأحنه تعبنه من السهر - وتعـــــب الليالي
نطــب للقـــصر بتـــراب الخرابه
ويــزيد يشوفــــنه وينفـــض ثيابه
برقــيه يصيح لـتكــولـــــين بابه
------
حسينح عالرمح علـكـنه راسه -- وصدره بكربله حافرنه داسه
ماخلينه خـيمات -- وهواي اليتيمات
****** عبد الجليل المالكي
الدفن
تدفني وحدك جاي.چا زينب وين
اتوسد نحري اعله الگاع.وين الخدين
طمني الراس شلونه
فاتحهن بعده اعيونه
وين الخدين
++++++++++
مني اشباقي وجيت اتدفنه
بين السلبوهن والضاع
بس اسمي واثار اجروحي
وباقي اشويه امن الاضلاع
اتمنيتك لو جايب زيب
وياك اتلمني امن الگاع
واشتم عطر الخوه ابچفها
ويخلص دفني بساع بساع
مشتاگتلي ومشتاگ.تحضرني اليوم
يم جسمي ساعه زمان.تگعد وتگوم
المسبي ومضروبه امتونه
فاتحهن بعده اعيونه
وين الخدين
++++++++
كل مييت خوانه اتحضره
هيچ الوارد عند الناس
صح ناشف دم البعروگي
بس باقي بشرياني احساس
عطشان الچلمة ياخويه
واليحچيها امفرع الراس
روح العمك جيب اچفوفه
وهيل اترابي ابچف عباس
ما تعبك بالتشييع.اولا تعب اچتاف
وحدك تحملني بساع.اوصالي اخفاف
جسمي اشويه اتلمونه
فاتحهن بعده اعيونه
وين الخدين
++++++++
والحفره اشتلچم بجروحي
ملچومات جروحي اهواي
للقبله اشلون اتوجهني
انطبگت يسراي ويمناي
لا خد يتوسد عالغبره
شتمدد متهشمه اعضاي
عن صدري بس شيل اسهامه
من تدفن عبد الله وياي
من گتلك يالسجاد ادفني وروح
واسمعتك من ونيت ونت مجروح
گتلي المثلي ايضربونه
فاتحهن بعده اعيونه
وين الخدين
++++++++++
لا تسئلني شلون ايتامك
او وضع الراس برمحه شلون
ما فارگ عين ابنياته
ليهسه امفتّح لعيون
يتلافت كل ساع الزينب
لو جوها بسوط ايضربون
من ارجع شيقنّع سكنه
تسمع والدها المدفون
تنظر بعدك موجود.برمحك مرفوع
واشدافن منه اتگول.دافن لضلوع
المثلك ياهو ايدفنونه
فاتحهن بعده اعيونه
وين الخدين
++++++++
مشغوله ام عون اعله اغيابي
راح ارجع والمحنه اتزود
من تعرف من دفنك راجع
ومن تسئل عن راعي الجود
مو كل عباسچ واريته
من عنده ادفنت الموجود
احچيلچ عالصار بحاله
يم گبره امن الشام انعود
والدافن مثلي احباب. وابلا تغسيل
حيل ايريد المبچاه وشضل بالحيل
ابنك يتغير لونه
فاتحهن بعده اعيونه
وين الخدين
ثائر الربيعي
صارلهه زينب يخوتي هواي
لانايمه ولاشايفه أفياي
سلبو حلمنه من العيون
خاف الحلم بيه نشرب الماي
مسيت العافيه عليكم يخوتي
الذبحوكم أمس يردون موتي
وياموتت المره خويه يحسين
ميته وحادي ضعني يگلي موتي
مسيت العافيه عليكم يخوتي
ديره .. ديره .. فرو الدنيا بضعنه
ديره .. ديره .. نطيح محد يفزعلنه
ديره .. ديره .. خلافكم ميته المحنه
@@@@@@@@@@@@@@@@@@
وي الخرابه شنهي أم عون
ضلمه وبناتك خايفه شلون
شينيم المچتوفهه أديهه؟
ومو يم اخو ماتغفه العيون
امرافس خلصت روحي يروحي
ومايخلص يخويه عليك نوحي
وعلي گوه علعيني رايحه حسين
تتدري بزينب أله تگلهه روحي
امرافس خلصت روحي يروحي
شوغه .. شوغه .. وعلي مامرتاحه ليلي
شوغه .. شوغه .. أوگع ويرگض يجيلي
شوغه .. شوغه .. علي يگومني علحيلي
@@@@@@@@@@@@@@@@@@
امكابح گضوهه ويانه الغروب
ويدعولنه بشلعان الگلوب
والسوط خويه هواي طماع
چادود صار وهوه متعوب
أسولـف بـيـك ونـه عللهزيله
ودور ماكو واحد وشتكيله
تمنيت امن أخوتي يگرب حذاي
بسمي يصيحلي ويفرش شليله
أسولـف بـيـك ونـه عللهزيله
ركضي .. ركضي .. صيحو أيسي منخوتج
ركضي .. ركضي .. زينب يسمعون صوتج
ركضي .. ركضي .. من يصير اليوم موتج
@@@@@@@@@@@@@@@@@@
للكوفه طب ضعن المگاريد
وتلگته الوادم هواديد
الله ولحد خويه يحسين
صاحو يزينب جيتج عيد
وصلنه وكل عرف مامش لگينه
العرف يحسين ماضل بس عبينه
أركضن يله اركضن خلص الليل
وصار مناوب عليكم بچينه
وصلنه وكل عرف مامش لگينه
وحده .. وحده .. عمه لاتبچن سويه
وحده .. وحده .. خايفه يرگضون ليه
وحده .. وحده .. وتوگع الطگه برقيه
رسول رياض
"" گعديه""مولاتي زينب (عليها السلام) لمولاي ابا عبدالله (عليه السلام) طريق #السبي
اليدفن احبابة ويرد ينجرح گد انفاسه
وظهره يحدب من وكت والشيب يلفي الراسه
وتموت العيون
لمـــن يرجعون
ــــــــ ❁ ❁ ❁ ــــــــ
الدافن احبابه بترب ينسى الفرح والراحة
يعيش العمر ها ماأجوا يوجعني گلبي نياحة
وكلــما يـــطلع صوره بليل
أحلامة ويـه دمــعاته أسيل
لــيدفـن احبابة يدفن الحيل
من نّذكر ابوي السحگته الخيل
يبقى الدمع مثل النبع يجري على الخد
باب الجفن كلما أحن ألگاء مينسد
وشيب الضنون
وتموت العيون
ــــــــ ❁ ❁ ❁ ــــــــ
ليش ألنحبهم من وكت وي الجرح عافونه
واحدنه مشتاگ شكثر والشوگ عامي عيونه
وشمابجينه أشيب الجروح
موتي بوراهم موتي يالروح
الفارگ احباب يعاشر النوح
ليش الـــنريدة رئسن يروح
هسه الگلب من الغرب صافن على الباب
وضل ينكسر ضل ينعصر من رحتوا يحباب
جـــاماتضلون
وتموت العيون
ــــــــ ❁ ❁ ❁ ــــــــ
الدافن ابو طول العمر يذكر اتراب الهله
ولمن يرد ها ياگلب بل يوجعنه ايگله
تــراب الگبر مابي محنه
مامــره حـــن ورد أهلنه
حسيــن بـي واليوجعنه
بگد التراب بصدره ؤنه
من الهظم شاب العظم وجروحي و العين
بگلبي جرح ليل وصبح يبجي اعله الحسين
محتار واشلون
وتموت العيون
ــــــــ ❁ ❁ ❁ ــــــــ
حسين بيدي بالگبر ياعمة من خليته
والحسره ضلت بالصدر عل عافه اخته وبيته
وياعمة لـــن حاجاني نحره
گـلالــي انا المكـسور ظهره
ليفدگ عضيدة يموت عمره
وتـنكـسر روحـة من يذكرى
اعله الگمر ظهرة أنكسر ومشيب الراس
حيلة أنهدم مثل الخيم و تشاهد الناس
المامنهّ بالكون
وتموت العيون
ــــــــ ❁ ❁ ❁ ــــــــ
ياعمة من شفت الصدر ممرود من الحافر
كلشي انتهى وذابل صبح جيتج بكسر الخاطر
وماگلت زينــب مــن الانياح
تكــسر الـخاطر يـم الرماح
انته الامل جوه الترب راح
من تمشي هسه تكض الاصفاح
عگب الأخو مات الدفو ومحتارة واشلون
والكافلي وداعت علي بغيابك ام عون
بــــيه يعيلون
وتموت العيون
ــــــــ ❁ ❁ ❁ ــــــــ
الشاعر محمد البنداوي
للأمام السجاد عليه السلام
لسان حال الامام السجاد ع عند دفن الاجساد الطاهره
............
گطع يابويــه شـــو عـنّـي وصالك
النبي شكال وحجه بأمرك وصالك
بحصيره شلون ألـمـنــهـن وصالك
يلـمـطشر وصــل وبـكــل نـــويــه
....................................................
✍️عباس مالك العفريت
#محرم_الحرام١٤٤٦هـ
نسألكم الدعاء
نعي ليلة دفن الاجساد
عكب ماداست عله جسمك الخيل..
ودمك الطاهر يبو الاكبر يسيل..
مسلب ومرمي عله الغبره جتيل..
حسين ياهو الغسلاه اوشاله
ثلث تيام اعله رملة كربله..
مرمي ابو السجاد جا ياهو اله..
ياهو يحضر للغريب ايغسله..
وياهو اليلملم يجي اوصاله
ليش ماتحضر عمامه الدفنته..
وماكو جادر ينصب بمصيبته..
وسفه علغبره ابو سكينه جثته..
وراسه صوغه ماخده جتاله
السيده زينب تخاطب الامام الحسين عليه السلام
ابلادفن يوليد الزجيه..
نايم اعوفك علوطيه..
اعذرني راح امشي سبيه..
وانته تضل فوك الترايب
علهزل تصعد زينب اختك..
تنسبي وماتحضر دفنتك..
موبيدي ها يبن امي عفتك..
شيبت خويه امن المصايب
للكوفه يبن امي خذونه..
ومر المصايب ضوكونه..
بحبال خويه كيدونه..
ونبات خويه ابنص خرايب
طبن الكوفه امدللاتك..
اوذباحك ايشتم بناتك..
والصوط مايرحم خواتك..
وشفنه اشكثر خويه نوايب
ابو ذيات للامام السجاد عليه السلام
بيه ياهموم الدهر.. يدفن..
لبوي اليمه كل اعضاي.. يدفن..
وصيح البي امروه اوياي.. يدفن..
حسين العاري الضل اعله الوطيه
بحصيره شلون جسمه انشال.. والام..
بجه اعليك النبي يحسين.. والام..
واليه الدهر هم وحزن.. والم..
مصايب شيبتني وياهو اليه
دمع عيني عله امصابك////حفيره
وكل دم سال الك بالطف///حفيره
توه حسين حفروله //////حفيره
ثلث تيام نايم ع الوطية
__
راح الچان فيي وچنت/////وارى
بعد هيهات وكتي يعود/////وارى
اعتنه السجاد جسم حسين//وارى
بحصيره لملموه ابن الزچية
__
گلبي مثل موج البحر//////بالماي
اعله اخوتي وركس وسط الحزن//بالماي
يعمه ما سگيت حسين ////بالماي
علنحره لو امبديلك امية
____
نعي
رد العليل ايسيل دمعة
من شاف الحسين اعله وضعه
يگلها يعمه گوه ارفعه
وضليت ادور عن اصبعه
_
ممرود نحره من الخناجر
وبجسمه شمسوية الحوافر
يم والدي ضليت حاير
جسمه بكبر عبد الله صاير
____
خليت الأكبر يا فجيعة
يم والدي ويمه رضيعة
وعباسنه اچفوفه گطيعه
وظل عالنهر يم الشريعة
____
الشاعر حيدر الخفاجي
يا بني أسد.... هلبت تجيبولي حصيره
يا بني أسد.... رايد الم شيخ العشيره
يا بني أسد.... حار الرمل وحسين عاري
يا بني أسد.... ما ينحمل حر الضهيره
شلون اقنع گلبي اهل فوگة الترب
موش بس ايدي رجف حتى الگلب
استوحدتني أفكاري من شفته طريح
حسين ما يرهم يضل وسط الغرب
مدري المه مدري اغطيه حسين فوك الترب عاري
ومثل ضيعة خنصر ايده ضاع يا وادم قراري
هنانه ياشلعان الگلوب الرمل ماخذ لون نحره
ما اكو وادم تنغر اعليه وحاره شمس الضهاري
((آه... ليت امي لم تلدني))
........................................................
يا بني أسد... بجفوفه باقي تسع اصابع
يا بني أسد.... من جفه خنصر جنه ضايع
يا بني أسد..... عينوني بالتربان ادوره
يا بني أسد..... بي محبس أخضر حيل لامع
و ماي جيبولي ابرد منحره
وارش گبره بلكي اجبر خاطره
جسمة صاير سالفه بحلگ الشمس
هذا ثالث يوم مرمي اعله الثره
اطول من الرمح خلكه بكثر ما شايل محنه
جسمه مطروح اعله غبره وراسه فوگ يعاين النه
گلبي مثل شفافه مفطور من كثر حزن النعاوي
وگلبي وما ينطيني يا ناس اشلون ابوي بأيدي ادفنه
...........................................................
يا بني أسد... خلوني احط جفوفي حدره
يا بني أسد.... مرضوض من الخيل صدره
يا بني أسد.... وحشة الجنازه بدون الصياح
يا بني أسد...... غير اليموت اهله تحضره
من تحفرون الگبر وسعوا بعد
بحضن ابوه يندفن هذا أصغر ولد
خاف يستغرب لئن بعده طفل
صدر ابوه المنكسر يصبح مهد
سلبوا مني راحت البال وادم السلبوا عباته
وراسه لسه برمح مرفوع وحسرة الماي بلهاته
شده بال عيوني الحسين من شمر ماخذ مجانه
عكب عينه عيون الاجناب كامت تباري بناته
..........................................................
يا بني أسد..... هاي المصيبه التاخذ الروح
يا بني أسد..... من الگفه ابن الزهره مذبوح
يا بني أسد..... متروس صدره سهام وحجار
يا بني أسد..... حسين العزيز بهيمة مطروح
يوسدون راسه الميت بحيطة وحذر
اشلون يتوسد الي بطرگ النحر
نريد راس حسين ما ردنه فصل
خاطر ندفنه ونشيل بلا أثر
ارد اندهه وحاير اشلون خاف ينشدني اعله زينب
واني گوه مصبر الروح مره اسكت مره انحب
بيدي خله الحبل اثار وخاف حس بجرح ايدي
گادني التفكير للماي واعلة گلبه الجان يلهب
..........................................................
يا بني أسد......سوه الغراب بگلبي عِلة
يا بني أسد...... ليش الدفن بالترب خَله
يا بني أسد..... تمنيت ابوي بحضني ادفنه
يا بني أسد.....ولا بيدي فوگة الترب أهله
حسين فاتحته عله النوگ الهزل
وشلون تلطم مره مجتوفه بحبل
للسبات الليل والراحه انخلق
واحنه نگضي الليل مدمعنه يهل
اليرد من الدفنه متعوب الناس غير تكوي حيله
وأهله تتلكاه بالثغيب الشيخ فاتحته ثجيله
تراب ابوي بثوبي نيشان اشلون من تشوفه زينب
الليله يمكن زينب تموت هاي بالله اشلون ليله
...........................................................
مرتضى عامر الشمري
(#ندم___خادم)
جبـتـلك كلـبي وابكـيفك بعد انته
امن اصياح الذنب يا نعمتي سكته
عليك الطلـعـت ولاگـت زلم غربه
اعله الله وعلـيك انه النـدم عـفته
ندمان ===
ابـگــد ذنـب الاجـيـتـك بـي نـدمـان
تعبان ===
مـن عـالـم جروحي اهـواي تـعــبـان
عطشان ===
اعله ذاك الجان يبجي اعليك عطشان
شحجـيلـك انه === بـكلـبي ندم
رجـعـني ذاكـه === اليبچي خيم
ضـامـي جيتك === وانـتـه نـهـر
اسقيني عطفك === يابـو الشـيم
========================
يبو كلب الچبـير الـحامل الـ عشره
غـير اعيـونـك ولا اريـد ابـد نـضره
امحلفك بالـخـيم والبلخيم مولاي
ابكلـب عبدك ابد لا تخفت الجمره
مكسور===
على الـطلـعن ركـض يا كلـبي مكسور
مهدور===
الـخـدر مـن طـيحـت العباس مهدور
مجبور
انـاجـيك اعـله دمـعـي ابـهاي مجبور
رزقي دمـوعـي === ولا مــا امـل
عطـفك اريـده === ايـفـك الحبل
التكتـلني هايه === ومنهه احترك
شلون الفواطم=== صـعـدن هزل
========================
اظم اجروحي واطلب جرحت المنحر
واعـوود روحـي انـوح الطيحت الاكبر
اخذتني الدنيه مدري الوين شوو عنك
لكيـتـك اكـبر امـن الـدنـيـه لا واكـبر
يا عين
التـريد اتعـوفـك وتنحـسب عالـ عين
يحسين
يكلـشـي ودون عـيـنك عـدم يحـسين
ميتين
بـس انـته العــدل والـبـاقـي مـيتــين
شيـبـلي روحي === وخـل احـترك
وارجـع اعيشك === جـرح الصدك
واحسبني خادم === تـــايـب اجـه
رايـدله نـضـره === ونضرت عشك
========================
دخيلك والدخيــل ولا يردله ادخيل
واوعدنك بـعد هــاذه الوعد ما ميل
بعد هاذه الحجي ما الـتهي ابروحي
لبجيلك بجي الثكله اعله طول الليل
مجروح===
اشـلون وعـنـــك اتغــيرت مجــروح
مذبوح===
يا كــلبي اعــله رحمـك هاذه مذبوح
مطروح
حملي وبس عـليـك اتنهـضه مطروح
سـيـرلـي كلـبي === الكلبك جرح
وخـلي وعـودي === الوعدك ذبح
حته من اشوفن === لـــو رت ازل
امنعهه دمـوعي === تبجي الرمح
=========================
جـربـت الـوكـت مـن ابـتعد كلبي
لكيتك زارع الخدمه اعله كل دربي
امشي وعود اريد اتوسوس ابروحي
شمـا فـكر تـرد افــكـارك ابـگـربي
ارضاي
انعـزلـت ورت اروح الغـيـرك ارضـاي
عن هاي
ذاك المــبتــعد يحــجون عــن هاي
مولاي
افــورن حــرگه لـو تبــعـدني مـولاي
خـذني اسـيرك === مالي وطن
وداخل رحمتك === ابجي ضعن
كـبـرلـي روحي === ابين الخدم
محـلاهه خادم === اسمي انعلن
=========================
سجاد ابراهيم الكعبي
يا بني أسد.... هلبت تجيبولي حصيره
يا بني أسد.... رايد الم شيخ العشيره
يا بني أسد.... حار الرمل وحسين عاري
يا بني أسد.... ما ينحمل حر الضهيره
و ماي جيبولي ابرد منحره
وارش گبره بلكي اجبر خاطره
جسمة صاير سالفه بحلگ الشمس
هذا ثالث يوم مرمي اعله الثره
مدري المه مدري اغطيه حسين فوك الترب عاري
ومثل ضيعة خنصر ايده ضاع يا وادم قراري
هنانه ياشلعان الگلوب الرمل ماخذ لون نحره
ما اكو وادم تنغر اعليه وحاره شمس الضهاري
((آه... ليت امي لم تلدني))
........................................................
يا بني أسد... بجفوفه باقي تسع اصابع
يا بني أسد.... من جفه خنصر جنه ضايع
يا بني أسد..... عينوني بالتربان ادوره
يا بني أسد..... بي محبس أخضر حيل لامع
گلبي ما يقنع اهل فوگة الترب
موش بس ايدي رجف حتى الگلب
استوحدتني أفكاري من شفته طريح
حسين ما يرهم يضل وسط الغرب
اطول من الرمح خلكه بكثر ما شايل محنه
جسمه مطروح اعله غبره وراسه فوگ يعاين النه
گلبي مثل شفافه مفطور من كثر حزن النعاوي
وگلبي وما ينطيني يا ناس اشلون ابوي بأيدي ادفنه
...........................................................
يا بني أسد... خلوني احط جفوفي حدره
يا بني أسد.... مرضوض من الخيل صدره
يا بني أسد.... وحشة الجنازه بدون الصياح
يا بني أسد...... غير اليموت اهله تحضره
من تحفرون الگبر وسعوا بعد
بحضن ابوه يندفن هذا أصغر ولد
خاف يستغرب لئن بعده طفل
صدر ابوه المنكسر يصبح مهد
سلبوا مني راحت البال وادم السلبوا عباته
وراسه لسه برمح مرفوع وحسرة الماي بلهاته
شده بال عيوني الحسين من شمر ماخذ مجانه
عكب عينه عيون الاجناب كامت تباري بناته
..........................................................
يا بني أسد..... هاي المصيبه التاخذ الروح
يا بني أسد..... من الگفه ابن الزهره مذبوح
يا بني أسد..... متروس صدره سهام وحجار
يا بني أسد..... حسين العزيز بهيمة مطروح
يوسدون راسه الميت بحيطة وحذر
اشلون يتوسد الي بطرگ النحر
نريد راس حسين ما ردنه فصل
خاطر ندفنه ونشيل بلا أثر
ارد اندهه وحاير اشلون خاف ينشدني اعله زينب
واني گوه مصبر الروح مره اسكت مره انحب
بيدي خله الحبل اثار وخاف حس بجرح ايدي
گادني التفكير للماي واعلة گلبه الجان يلهب
..........................................................
يا بني أسد......سوه الغراب بگلبي عِلة
يا بني أسد...... ليش الدفن بالترب خَله
يا بني أسد..... تمنيت ابوي بحضني ادفنه
يا بني أسد.....ولا بيدي فوگة الترب أهله
حسين فاتحته عله النوگ الهزل
وشلون تلطم مره مجتوفه بحبل
للسبات الليل والراحه انخلق
واحنه نگضي الليل مدمعنه يهل
اليرد من الدفنه متعوب الناس غير تكوي حيله
وأهله تتلكاه بالثغيب الشيخ فاتحته ثجيله
تراب ابوي بثوبي نيشان اشلون من تشوفه زينب
الليله يمكن زينب تموت هاي بالله اشلون ليله
...........................................................
مرتضى عامر الشمري
٨٦
زينب والسبي
ياوسفه يحسين
ه ه ه ه
ياوسفه يحسين. رحنه سبايه
وذيج الميامين. بالطف رمايه
وزينبكم المتخدره امست يسيره
ياخويه حيره. ياخويه حيره
ه ه ه
ياخويه شحجيلك هضم واشكد مصايب
من طحت برض النايبه شفنه العجايب
المن عكب عينك يبو الغيره اعاتب
وعباس اخوي وهيبتي عالشاطي غايب
من طحت عالكاع هجمو علينه
وذاك الخدر ضاع. خويه انولينه
مصيبتنه صعبه بكربله كلش جبيره
ياخويه حيره
ه ه ه
ياخويه ذاك العسكر الماعده رحمه
لاراعه طفل ولارعه ياخويه حرمه
حركو خيمنه ومابكه واحد احشمه
والعيله كلهه اطشرت وشنهي الالمه
كل ذيج العيال. بالبر يركضون
الخدر والاطفال. عالجمر يمشون
مابين اشرار وبشر فاكد ضميره
ياخويه حيره
ه ه ه
ياخويه لاخيمه بكت والليل اجاني
ياوسفه وبهذا الوضع حطني زماني
العباس وانته عله الثره المن اتاني
سهمك بجبدي وسهم ابو فاضل عماني
صدرك المكسور. كاسرلي صدري
وعكبك يمنحور. منكطع نحري
ولاوين وجهي من عكب وجهك اديره
ياخويه حيره. ياخويه حيره
ه ه ه
ياخويه ماكول الهزل صعبه عليه
ولاكول اختك باليسر راحت سبيه
بس صعبه راسك عالرمح بيد ال اميه وتنضرله بدموع الحزن سكنه ورقيه
صعبه علاطفال. راسك تشوفه
عالرمح ينشال. وشمر اليطوفه
ولوتنضرب طفله الدمع عينه يديره
ياخويه حيره
ه ه ه
ودونه للكوفه وشفت خويه العجيبه
مثل الخوارج بالسبي ياللمصيبه
طبينه ديوان الدعي وكالو غريبه
وحامي الحميه والدي ومنين اجيبه
يحسين العيون. سهام بدليلي
وكامو يسبون. بحيدر يويلي
وانه الجنت يم والدي بالكوفه اميره
ياخويه حيره
ه ه ه
للشام اخذونه وشفت جم لوعه بالشام
ايام مرت يبو اليمه وجننهن اعوام
بذيج الخرابه جابو وحطو الايتام
وبتك رقيه ابحسرتك ماتكدر. تنام
رادتك يمهه. وظلت تناجيك
وعالطشت طاحت وماتت تره عليك
راحت غريبه بحسرتك هاي الزغيره
ياخويه حيره
ابو احمد الهنداوي
٨٧
زينب والسبي
ه ه ه ه
بعيني دمعات
بكلبي حسرات
بالسبي ماكو رحم
منين ماانضر الم
بكلبي حسرات
ه ه ه
أطفال نسوان وطريق وحيره والخوف
ولاكو غيره للخذونه ولاكو معروف
عكب ماكتلو زلمنه بذيج. السيوف
وعكب ماحركو خيمنه بوادي الطفوف
ذبحو حسين. ودمعي بالعين
انذبح شيال العلم
منين ماانضر الم
بكلبي حسرات
ه ه ه
منين ماانضر اشوف الروس الاحباب
عالرماح وهمه ضلو فوك التراب
مصاب اليعوف الاخوته أصعب مصاب
صواب كل واحد البيهم ابد ماطاب
زغار وكبار. بيهم شصار
اشخله بحوالي السهَم
منين ماانضر الم
بكلبي حسرات
ه ه ه
اخذونه للكوفه ومشينه وتعرج النوك
وصعدت الناكه عليه ابد متلوك
مو بالدروب احنه نمشي اخذونه بالسوك
وذاكه ينضرنه بشماته وكلبي محروك
والنساوين. تجري للعين
السبي علينه مارهَم
منين ماتنضر الم
بكلبي حسرات
ه ه ه
انضر العباس اخويه وانضر حسين
عالرماح من الهزيله واسجب العين
من عكبكم تمشي بيه جروحي لاوين
وكلهه يابو اليمه منه تطلب بدين
وتنشد الناس. وينه عباس
وينه حماي الحرم
منين ماانضر الم
بكلبي حسرات
ه ه ه
بعيني انضر لبو الباقر بيده الكيود
السنسله بنحره عله صدره اشلون مشدود
وعله الهزيله زغار عدنه جنهم ورود
امتونهم من السياط اتحولن سود
هوايه الآلام بهاي الايام
سورنه العالي انهدم
منين ماانضر الم
بكلبي حسرات
ابو احمد الهنداوي
٨٩
زينب والسبي
ه ه ه ه
مابين الشام والكوفه. مسبيه تروح مجتوفه
زينب بين الظلام. ياوسفه عله الايام
مسبيه تروح مجتوفه
ه ه ه
هاي العقيله بت علي واخت حسين
مجتوفه عالهزل تدير العينين
الماشافو خيال الهه عاشت السنين
مسبيه أخْذوهه وتطب إدواوين
منّ اٌلطف للشام جابوهه. فرجه الهلناس خلوهه
ويمهه عيال وايتام ياوسفه عله الايام
مسبيه تروح مجتوفه
ه ه ه
ياوسفه بت اشرف الناس بهالكون
مابين ارذل خلگ مسبيه تكون
اخت البطل عباس تنضام شلون
وجتالة اخوتهه عليهه يامرون
تنضر عالروس وياهه. وراس الكفال بجاهه
عين المصيوبه وهام. ياوسفه عله الايام
مسبيه تروح مجتوفه
ه ه ه
زينب عله الناكه الهزيله. بهالحال
الماجان ينشاف الهه بالدنيه خيال
متحيره بين. الحرم والاطفال
وبس العليل وياهه مشدود حبال
بين العدوان محتاره
وتدري بهالناس غداره
ولهل الباطل خدام. ياوسفه عله الايام
مسبيه تروح. مجتوفه
ه ه ه
تنضر لعد روس الاهل عالاعواد
وعيون المعاتب دمعهن يزداد
عفتوني وحدي شلونن يابو السجاد
وناكتي بجف كتال اخوتي تنكاد
ياخويه الكوم ضربوني
والناس هواي شتموني
هاي التتتسمه اسلام. ياوسفه عله الايام
مسبيه تروح مجتوفه
ه ه ه
من ديره لاديره انسبت بت حيدر
بذيج البراري والعطش ويه الحر
بجفوف اديهه منن النضر تتستر
وتطب دواوين الخليفه تضطر
هيج الايام خلتهه. ودموع هواي هملتهه
المثل الحره تنضام. ياوسفه عله الايام
مسبيه تروح مجتوفه
ه ه ه
ياحادي ظعن الخدر ريض ممشاك
هم تدري انته ياعقيله. الوياك
زينب عكب عباس صارت بحماك
حيف عله هذا الزمن تحكم خلاك
ياوسفه عليهه اوسفه
بالكيد الحره مجتفه
وجم جرح المايلتام. ياوسفه عله الايام
مسبيه تروح مجتوفه
ابو احمد الهنداوي
اعگيلي
حيره احتار بدفن حسينه
وظلت تهمل من دم عينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ظل محتار شلون يلمه
ووذر صاير بالطف جسمه
ما مگطوع وينزف دمه
ويون ويسمع لونينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
محتار وتهمل دمعاته
ونار وتتلاهب حسراته
اعله حسين وحاله وناته
ويذكر ماي تريد سكينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ظل ايدور خنصر ايده
وكلسا جرحه اهموم يزيده
ويوميله حسين اعله وليده
اعلصار بحاله الله يعينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الله يعينه اشصار بحاله
مطشر جسمه من الخياله
ايدور ظل ويلم اوصاله
ويصيح الخنصر چاوينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بين الكافل بين اچفوفه
محتار بيا جرح ايروفه
ظل بونه ودمعه يطوفه
عدمن يا عمي مخلينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بحسره وجمره تعنه الاكبر
وبكل خطوه يگوم ويعثر
من شافه اعله الغبره موذر
ابخيل ابلا رحمه موذرينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يم القاسم راح بونه
بدم اصوابه يشوفه محنه
گام اجروحه اسولف عنه
من دم اخضابه محنينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الشاعر احسان الحميداوي
خرجت زينب (ع) وراحت تخطو وسط الجيش إلى حيث جسد الحسين (ع) ..! حتى الذي لم يعرفها رأى في مشيتها صفات علي (ع) فأخذته الرهبة وتراجع ..!!
أكملت زينب (ع) مشيها حتى وقفت على جسد أخيها فجلست ورفعت رأس الحسين بيدها ووضعته في حجرها وقالت:
--------------**
لو ماريحة امي البيك
چا ليهسه ادور اعليك
ماحاجه تکلي اشبيك
واضح جرحك شكبره
اجيتك دربي كله جروح
ما ضـل شي بعد بالروح
مـذبوحه اعتنت مذبوح
بالطف خلصت العشره
واحد يم واحد طايح
بس انته مبعد عنهم
يمكن هاي الخيل حسين
من الدوس اخذتك منهم
مو بس جسمك … حته اخيالك متوذر
كل جمالك … ع الگاع خويه امطشر
شـــلون المك … وانه حرمه وما اكدر
حسين اخي
---------------**
وينه الما تــــــرك اخته
مچاني الخيل ماخذته
ضــيم الـــدنيه شايلته
انكسر ظهري مثل ظهرك
كلســــــاع بــــكتر الكاك
ساعـه هنانه ساعه هناك
نايــــــــم والــــرمل اذاك
واختك حـــايره ابأمرك
تأشر بيدك توميلي
واعرفت شنهي ابالك
يازينب كتلي ردي
خاطر الم اعيالك
راح أروحن … بــس بالـي يبقه يمـك
تبقه عــاري … وحــر الهجير ايلجمك
من الحوافر ... بكل كتـــر طابع دمك
حسين اخي
--------------**
حسين بيا كـــــــــتر اندار
من كل صفحه تدوي النار
التل مــــا صــــار اليه غار
ردت بي اخفي اطفالك
مذعوره يبــــــــو السجاد
الطـــف ينكت علينه رماد
وصـلّك وانته طــايح غاد
يذري ضل عله اوصالك
لو تدري اششافت عيني
المـاي إيبــدي گدامك
چتالك ضل يحجي وياك
گوم الحگ طفي اخيامك
تدري گلبي … يروح ويرد بالحسره
والسمعته … تنفطر منــــه الصخره
ذاك يحرگ… وهـذا اليسب الزهره
حسين اخي
-------------**
جابو نــــــــوگ اه يالنــوگ
مــــابيهن هـــــــوادج فوگ
شلون اصعد بچف محروگ
طاح الــــــــي يصعدني
الــــروس تقدمــــن گدام
دربنه ما نعــــرفه شضام
اذا كل خطوه نمشي آلام
يريت الموت ياخذني
كل خطوه ابعدها عنك
خوف وحيره تحديني
اشتم غربه بكل مچان
وشما شم تگضي سنيني
يا غــــربتي … اخذونه صوب الكوفه
كلبي عندك ... هـــاي النه اخر شوفه
امشي عنك ... بـس ابقى الك ملهوفه
حسين اخي
--------------**
خادم القصيده
عزيز المياحي
الدفن
ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها انوب تحضن جيدها
++++++++
بالبالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول شرب ابني ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
وحده دافن ابني لو وي الحسين
الگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صلير زغير
ما اميز بين الاول والاخير
لا تساليني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
اير اهلنه هناك سكنت بيدها
ثائر الربيعي
أدري يالدافن حبيبك
ساجن بگلبك نحيبك
ياصبر عندك يِصح
راجع وچنك جرح
———
يالرحت تدفن حبيبك راح وياك الگلب
عين ضلت عاليتامه وعين تربي إعله الدرب
بنتظارك دمعه دمعه وآنه مابين الغُرب
أبطولك أمبينه المصيبه وحال المِفارِگ صعب
وآنه أنتظرك تجيني
ماغفت ياعمه عيني
هايبو گلب السَمح
راجع وچنك جرح
———-
إمودع باألله گلتلك وآنه أدعيلك تِرد
خفت لا موتك يجيلك من على أحبابك تِصد
ياجرح ميطيب وأنته اليا جرح رايح تِشد
وهسه اجيت وأرد أنشدك يامن إدفنت الورد
العايشه چنت إبحميته
عمه سولفلي إشلگيته
يالتِون ليل وصبح
راجع وچنك جرح
———-
إشسولفت ويه الحبايب عمه من يوم إوصلت
ووگفت وين إبحنينك ياعلي أو وين إوگعت
آنه دورت إعله كلهم من على التل إصعدت
وأنته چنك عن بقايا إجسوم أهلك دورت
من سَحِگ ذيچ الحوافر
بالغوالي شنهي صاير
عندك إشچم منذبح
راجع وچنك جرح
————
أقره بعيونك مناحه وهم أبد ما ينجلي
إبچي وإلتم بحسرتي وبهظم گلبي إختلي
بيك من جسام شوغه وچنه نَوحك معتلي
إشصار بيك ومن حضنته أعضيدك الأكبر علي
گِلي من رحت وشفتهم
إبيا ونين أنته أدفنتهم
رايح وحزنك صَرح
راجع وچنك جرح
————
جايني وكل خطوه تعثر بيك شمسوي الألم
وتشهگ أنفاسك وأخافن مار برماد الخيم
وليش يالسجاد حيلك يابعد عيني إنهدم
تحچي دمعاتك أحسها عالچفوف وعالعلم
آه ياطيحة كفيلي
هدمت حيلك وحيلي
ابدمعه دم ماتنمسح
راجع وچنك جرح
———
آه والآه أشكبرها وبدليلي إشگد قهر
عمه ابوك حسين شفته ابحاله شمسوي الدهر
آنه يوم اهدعش عفته جسمه متوذر وذر
وعفته من سحگ الحوافر كل ظلع مِنه انكسر
إموذر وبيمن جمعته
هوه ووليده دفنته
الهذا راسه إعله الرمح
راجع وچنك جرح
———-
سيد مرتضى الموسوي
ودعتك الله خوية يحسين
ــــــــــــــــــ
ودعتك ونار الهجر حراگة
موهين امشي بلا اخوا عالناگة
هذا القلب مل الحزن بفراگة
يم الزجية بالحشر نتلاگة
ودعتك الله واحنا ماشين
ــــــــــــــــــ
راح امشي خوية والدموع بعيني
بس خوية عنك قلبي ما ينطيني
يالمنذبح فوگ الرمل حاجيني
بلكت تبرد قلبي وتواسيني
ودعتك الله وي المطاعين
ــــــــــــــــــ
راح احسب بهذا السفر لأيامي
بلكت اموت وتگضي كل ألامي
عفتك جسد يبن أُمي نحرك دامي
راسك انُظرة اعله الرمح گدامي
ودعتك الله وانتَ نصفين
ــــــــــــــــــ
يا حيرة ما مرت مثل هالحيره
من دِيره يسبوني يخوية لديره
وبينه التعب ما ينشرِح تفسيره
هاي الرزية يا حُسين جبيرة
ودعتك الله يا ضوه العين
ــــــــــــــــــ
راح الدلال اعله الترب بالهيمه
كلشي حترگ ياخوية وي الخيمه
بس الله يعلم قلبي همه وظيمه
من روحتك يالغالي يابو الشيمه
ودعتك الله وراحت سنين
ــــــــــــــــــ
باجر يضربونه بحقد يالوالي
خوية من أكابِر والدمع جتالي
من الألم گيد الحبل شل حالي
باجر اشاگُف من تلوذ أطفالي
ودعتك الله بدمع إلِونين
ــــــــــــــــــ
هالليلة وحشة وزينبْك حزنانة
مثل الشمع حيلي انتهىٰ وذبلانة
تعبانة خوية وبلكي اموت هنانة
مهمومة مهضومة واظل حيرانة
ودعتك الله وميتة كل حيّن
ــــــــــــــــــ
شيْطيب الخاطر يبعد الخاطر
حزن القلب جنة انطحن بالحافِر
آهْ يا جرح آهْ يا مصيبة عاشر
باجِر يخوية عنك احنا نهاجر
ودعتك الله وما ألي معين
ــــــــــــــــــ
الشاعر زين العابدين الشمري
تمت بفضل ساداتي ال محمد
عليهم السلام
اليدفن احبابة ويرد ينجرح گد انفاسه
وظهره يحدب من وكت والشيب يلفي الراسه
وتموت العيون
لمـــن يرجعون
ــــــــ ❁ ❁ ❁ ــــــــ
الدافن احبابه بترب ينسى الفرح والراحة
يعيش العمر ها ماأجوا يوجعني گلبي نياحة
وكلــما يـــطلع صوره بليل
أحلامة ويـه دمــعاته أسيل
لــيدفـن احبابة يدفن الحيل
من نّذكر ابوي السحگته الخيل
يبقى الدمع مثل النبع يجري على الخد
باب الجفن كلما أحن ألگاء مينسد
وشيب الضنون
وتموت العيون
ــــــــ ❁ ❁ ❁ ــــــــ
ليش ألنحبهم من وكت وي الجرح عافونه
واحدنه مشتاگ شكثر والشوگ عامي عيونه
وشمابجينه أشيب الجروح
موتي بوراهم موتي يالروح
الفارگ احباب يعاشر النوح
ليش الـــنريدة رئسن يروح
هسه الگلب من الغرب صافن على الباب
وضل ينكسر ضل ينعصر من رحتوا يحباب
جـــاماتضلون
وتموت العيون
ــــــــ ❁ ❁ ❁ ــــــــ
الدافن ابو طول العمر يذكر اتراب الهله
ولمن يرد ها ياگلب بل يوجعنه ايگله
تــراب الگبر مابي محنه
مامــره حـــن ورد أهلنه
حسيــن بـي واليوجعنه
بگد التراب بصدره ؤنه
من الهظم شاب العظم وجروحي و العين
بگلبي جرح ليل وصبح يبجي اعله الحسين
محتار واشلون
وتموت العيون
ــــــــ ❁ ❁ ❁ ــــــــ
حسين بيدي بالگبر ياعمة من خليته
والحسره ضلت بالصدر عل عافه اخته وبيته
وياعمة لـــن حاجاني نحره
گـلالــي انا المكـسور ظهره
ليفدگ عضيدة يموت عمره
وتـنكـسر روحـة من يذكرى
اعله الگمر ظهرة أنكسر ومشيب الراس
حيلة أنهدم مثل الخيم و تشاهد الناس
المامنهّ بالكون
وتموت العيون
ــــــــ ❁ ❁ ❁ ــــــــ
ياعمة من شفت الصدر ممرود من الحافر
كلشي انتهى وذابل صبح جيتج بكسر الخاطر
وماگلت زينــب مــن الانياح
تكــسر الـخاطر يـم الرماح
انته الامل جوه الترب راح
من تمشي هسه تكض الاصفاح
عگب الأخو مات الدفو ومحتارة واشلون
والكافلي وداعت علي بغيابك ام عون
بــــيه يعيلون
وتموت العيون
ــــــــ ❁ ❁ ❁ ــــــــ
الشاعر محمد البنداوي
للأمام السجاد عليه السلام
دفن بيده التسنده ورجع دمعه اعله خده
وگف مايعرف شلون يرد الداره وحده
ــــــــــــــــــــ ــــــــــــــــــــ
گبل وجه الزجيه اليجلي همه
ولا بالغربه حس وهيه يمه
اسمها الراحته بي ظل يلجمه
وبعدها الدنيه كلها بعينه ظلمه
بغياب الهادي هيه سند حامي الحميه
واذا ترمي الشياطين سهم عنه تصده
ــــــــــــــــــــ ــــــــــــــــــــ
عله داره اهجمو رادوه يبايع
وره الباب اوگفت عنه تدافع
تحشم ماكو غيره وماكو سامع
احترگ بيت النبي وحگ بنته ضايع
ضلع منها تكسر وجفنها وخدها احمر
مشت ردو علي اتصيح بلياه مالي رده
ــــــــــــــــــــ ــــــــــــــــــــ
نست مجروحه واتداوي بجروحه
تضم دمعتها وتخاف اعله روحه
دفنها وعالگبر ظل عالي نوحه
كثر همه وبعد المن يبوحه
بجه وغسلها بيده ودفن وياها عيده
علي شلونك بالادموع يجاوب للينشده
ــــــــــــــــــــ ــــــــــــــــــــ
دفنها بليله ظلمه وعينه تجري
وگف محني ويگلها اكسرتي ظهري
يسلوة عمري بعدج وحشه عمري
وحيد شلون ارد وادفنته صبري
اذا يمشيله خطوه. يرد ويصيح فدوه
شگل ليتامي اذا عود اريد احجايه وحده
ــــــــــــــــــــ ــــــــــــــــــــ
وگف يم بابه گلبه وراسه شيب
الحنه اظهور الاصايل ظهره حدب
اجه ايدگ بابه طاح بظهره چلّب
خنگ صوته ونده يبنيتي زينب
يخاف اتشوفه محني وتگله لمّي اخذني
عماه دم فاطمه يفور عله البسمار بعده
ــــــــــــــــــــ ــــــــــــــــــــ
علي محسن الزيادي
#أبوذيات
مولاتي زينب
وضعنه يا وضع بجفاك .. مُربِيك
ونظـر عيني لعد النهر .. مُربيك
بلا رحمه اليسوگ الظعن .. مَر بيك
وانه فوگ الهزل مچتوفه اديه
اخوتي النوم بالحومه.. طبلهم
واهل الشام حضرولي.. طبلهم
شسولف ساعة الحادي.. طبلهم
أكبار أزغار تتفرج عليه
رعد الچريخي
#اللهم_عجل_لوليك_الفرج
#نعي دفن الاجساد الطاهرة
السيده زينب مع مولاي الحسين
روحي فداهما
يخويه حسين كلي شلون لموك
مابدوا اميه عليك وارووك
ثلث تيام وسط الشمس خلوك
جروحك يبسن ومامش اميه
مع العباس روحي فداه
صدك عباس تتركني علئ بختك
بين اجناب اروحن وانه اختك
اعرفك ماترد من ضيمي صحتك
بلكي اتكوم موضربوا رقيه
.
.
مولاتي ليلى مع مولاي الاكبر
روحي فداهما
يبعد امك يماخذ هاي العيون
بلاراسك يلاكبر ليش مدفون
تره امك راح تمشي بذيج الضعون
بين ارجاس واحبال اب أديه
.
.
مولاتي رملة مع مولاي القاسم
روحي فداهما
كبر ابني اعرفه وعندي الجواب
امبين كبر جاسم بي عطر شاب
اكله انهض ييمه بريتي عطاب
دم بجفاك موحنه بديه
.
.
مولاتي الرباب ومولاي الرضيع
روحي فداهما
دللول الكبر عبد الله ذبحوك
اهزن بلكبر حسبالي كاروك
مامفطوم ليش بسهم فطموك
حليبك در يبعد امك عليه
.
.
مولاتي سكينه ومولاي الحسين
روحي فداهما
يبويه شلون جوه الترب تنحط
وانه السوط سوه بظهري الف خط
يركظوني واصيح احسين وافحط
لحد ماماتت الصرخات بيه
مع مولاي العباس روحي فداه
يعمي شلون تدخل هاي بلراس
جوه الكاع تنطم وانت عباس
تره عكبك بقينه ابين الارجاس
وشتموا عمتي وصاحوا سبيه
بشار السامي
#اللهم_عجل_لوليك_الفرج
دافن هلي وتعبان راجع
الله اليعينك عمه سامع
لاگتني تبچي بحرگه زينب
وسكينه گامت يمي تنحب تعبان راجع
-----------------------------------------
بيه التعب مو مال چادود
خلصانه روحي وحيلي مهدود
يا عمه شفت حسين ممدود
صارت ضلوعه وجسمه فرهود
لميت الحسين وحظنته
ما ينشبگ گوه شبگته
بوكت الدفن لو تحضر أخته
وتساعد چفوفي بدفنته
نجمع اضلوعه من الوطيه
ونموت كل احنه سويه
عطشان بس شلون يشرب
وسكينه گامت يمي تنحب تعبان راجع
-------------------------------------
عمه الولي لا جسد معروف
شفته وگلت للعين لتشوف
عمه الحجر كسرله الچفوف
شمخليه من حسين السيوف
ضايع ولينه فوگ التراب
ذاب الحسين من السحگ ذاب
ونيت يمه بدمعه ونگاب
انعاب الگلب يم الولي انعاب
يا عمه مذبوح وألمه
محتار ابوي منين اشمه
صعبه ودفن والينه الاصعب
وسكينه گامت يمي تنحب تعبان راجع
-------------------------------------------
يا عمه أگلچ عل الچبيره
لميت الحسين بحصيره
حيره وعلي يا عمه حيره
لا يمي اهل لا من عشيره
دفن العزيز ايريد عوان
والگيد ما خلالي ذرعان
رايدلي يم الوالد امچان
يم الگبر مخنوگ تعبان
ماتن چفوفي وحيلي رايح
ما ادري واگف هسه طايح
يا ربي عِين اگليبي يا رب
وسكينه گامت يمي تنحب تعبان راجع
------------------------------------------
بسم الاله أدفن ضوانه
ميت وأحس عطفه وحنانه
عبد الله متوسد مكانه
صدر الحسين العذبانه
محفور صدر الغالي يا ناس
بالخيل ليش حسين ينداس
ما بيه مچان شلون ينباس
دفنيته بس چثه بلا راس
أبچي واهيل تراب أبونه
آه يا مصاب الفارگونه
نازل مطر يا دمعي من صب
وسكينه گامت يمي تنحب تعبان راجع
-------------------------------------
رديت بس بگلب مكسور
شفت العقيله ودمعتي تفور
يا عمه كلشي هناك منحور
دافن گمر وانجوم وطيور
دفنيت الحسين ورضيعه
والغيره والرحمه الوسيعه
دافن شريعه ابصف شريعه
دافن نبض گلب الوديعه
تدفن هلك وتون عليهم
وتتمنى ميت بين اديهم
يا بيت بعد الراح ينطب
وسكينه گامت يمي تنحب تعبان راجع
كلمات الخادم / رعد الفريجي
محرم الحرام 1446 للهجره
ثوابها الى روح والدتي