4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
السيده الزهراء تنعى ولدها الحسين ع
شطـيّـب ياجــــــرح مـنـهـن شفاته
تدوس الخـــيـل بضلـوعـــه شفاته
اوليدي مــن العطش يبست شفاته
شــرب دم نحــره مـن چاس المنيه
..............................................
شرب دم الـنـحـــر أبنــي ولا ماي
شعاتب كـــربلـه شينفــع ولامـاي
اثياب الحـــزن صارلـــي ولامـاي
اعله ابني السلبته احزاب ال ميه
....................................................
✍️عباس مالك العفريت
#محرم_الحرام١٤٤٦هـ
نسألكم الدعاء
السيده زينب ع تقول
يبست من لهيب العـطـش شفتاه
يلوج ابن امي من الطعن شفتاه
كل خـيّــال لــيـه الــــدور شفتاه
يجي ويكــسـر ضلـع ببن الزجيه
=========================
✍️عباس مالك العفريت
#محرم_الحرام١٤٤٦هـ
ابوذيات لاستشهاد الإمام جعفر الصادق عليه السلام
على عروش الهدايه الك منصب
بغيابك دمعنه سيل منصب
كل شيعي بگلب مجروح منصب
بفگدك يبو الكاظم هلمسيه
وجهك ياهلال العلم منهل
هدايه ومعرفه للناس منهل
الكاظم بالتراب اعليك منهل
هَلَّت دمعته وَنَارَه سريَّه
الشاعر حسن لعيبي الحريشاوي
.
يــخـويــــه الـلـيـل لـتـگـلـي.. ميربيك
الـحـرم وشـلـون ضـي عيني.. ميربيك
الـشـمـر يحسيـن صـــدگـنـي.. ميربيك
ابـكـثــر مــــا يـر حـبـل چـفـيـن اديــه
*---------------*---------------*
✍️خادم الحسين ع
الشاعر رعد الچريخي
#ابوذيات
للامام الصادق عليه السلام
موش ادموع يتجارن .. تره دم
او حتى بالحلم عينه .. ترى دم
گأنه الخيل ينظرها ...... اترادم
اعله صدر احسين يوم الغاضريه...
عليه ما مِل من الدمعات . وسأم
الصدره باللطم لحسين ... وسّم
مات امن القهر والجور ... وسّم
ويتامه الليله عگبه الجعفريه...
وبلسان حاله عليه السلام يقول:
أنا الما وجع دلالي .... ولا ذانِ
غير الركضن العمتي ... ولاذن
وحگ الشرع . والمذهب . والآذان
دمعهن أشد من السم عليه .......
ابو فاطمة الطائي
#اللهم_عجل_لوليك_الفرج
واويلي على المسموم
___
من ضيمه وتعب كلبه
ما وجد بعد دربه
كل ليله عزه ينصبه
عاللي امن الشرب محروم
____
احترك داره وكعد ينحب
وذب اعمامته وحدب
تذكر عمته زينب
من ركضت بنص الحوم
___
الضلم وياهم ليا حد
الصادق كلبه ما يبرد
من داره مشه مكيد
تذكر حيدر المضلوم
____
ما ينفك ابد ضيمه
تذكر ركضة الهيمه
من خيمه لعد خيمه
زينب والجمر ملموم
____
الروح بنار محتاره
ابيته وبالكلب ناره
الكدامه احترك داره
هم يلفي اعله عينه النوم؟
____
مات وسبل ايدينه
بس فجئة فتح عينه
وصرخ ويلي على سكينه
يعمه اتخيلج كل يوم
___
يعماتي انكسر ضهري
عجيبه وما خلص عمري
وأنه سامع نهب خدري
من هذا الحجي مالوم
____
بعد لا ما تجل ونتي
احترك كلبي بركض عمتي
وبس حسين سالفتي
الضل عاري بلايه هدوم
_
اتخيل ركض فاطم
تركض للولد نايم
وتنادي هنا يهل هاشم
اوليدي اعله الترب مدموم
____
الدهر ما ينصف ويانه
الكل ترتاح اله انه
جي عماتي عطشانه
ووليهن ماله طاكه يكوم
علي رضا المحمداوي
انت المعزى ياصاحب الزمان عج
يابـو صالـح گلـبـك اللّـه يـعــيـنـه
بيوم ذبـحـو بالطـفـوف احسيـنه
=======================
ايـعـيـنك اللّـه الكـربـلــه وألامها
اجتمعت الـعـربان كلها وشامـهـا
وصاح صايحهم احرگوا خيامها
وانـهـدم ركــن الـهــدايه وديـنه
=======================
والشلع گـلبـك صـريع ويـنـذبـح
يألمك مولاي راسه اعله الرمـح
أبطرة العاشر عسن لاطر صـبح
وعسن يومـــك ينمسح تقويمه
=======================
اسألك مـــولاي يامــوقف صـعب
يوم هجموا وابتدت ذيج الحرب
وكفت التل زينبك وسط الغرب
لو الكــافل سـهـم صــابوا عـينه
=======================
يابو صالـح وحده ابلايـه معين
يشبح بعينه يسار اعـله اليمين
ناده مسلم نـاده عباس الحنين
وطـاح اخـيـه أعلـنـهـر چـفينه
=======================
صعبه وخيام الفواطم تحتـرگ
وصعبه يامولاي جدك ينسحگ
ارد اسألك سيدي بيوم الطـبگ
شنهو حــالك جــدك مطـبـرينه
=======================
سيدي الاطـفال مــرعوبه غِــدت
ساعة اخيول اعله المخيم اجت
حـزنك وألامـك أهـنـانــه أبـتدت
وزاد نـوحــك طايـح مـسـلـبيـنه
=======================
✍️عباس مالك العفريت
نسألكم الدعاء
مالج عرف بس رايه شافوج
رگضو عليهه ومنهه حرموج
من ترف جانت يعني عباس
خلاهه الج عن لايهضموج
من گبتج وسفه وفشل راية علي شمروها
ميته وغريبه أبطرگ التراب
وعليچ كلسا يندگ الباب
شمضيع، وياهوه ، شيريد؟
ها يالغريبه جاي طلاب
رايتهم أترف ع صحن من كون تعمه أعيونه
شمضيع الحادي ورجع ليچ
بيا هزله عدله يريد يحديچ
گليله ماتن كلهن النوگ
هزله علهزله ماتن عليچ
ياناگه ضل منهن بعد ويريدچ تصعديهه
هذا الوحيد وماله وليان
عگب الزلم تولاه نسوان
العطشان يبرد گلبه بالماي
وگلبج هضم بالشام شبعان
خل طارش يمر بهلي يگلهم شتم شبعانه
نحلفك يبو الثار الحگ أم عون
العمتك تره ماضلت عيون
حيهم يهاشم صاحت أهواي
حيهم هلي چا ماتفزعون
تتدرون متعبني اليسر مو مال أضل اوحيده
رسول رياض
ياهو اليكدر يوصل عرينه
من شافو فقار ابيمينه
مو مسلم صاحو جنه حيدر
الله الساتر بس لا يجينه
شمرته شمرت رجال ما اقارن بي احد
زمجر وطب للنزال والسبع بيهم شرد
وحده وطب جندل الزلم
يا حرمه ايبارز الشهم
والكوفه بس لبن عقيل
واليفهم منه ينهزم
*
خل الكوفه اتضج من حسامه
الماخذ غيرة اهله وعمامه
تحشم طوعه بابو حميده
وخلاهه جن يوم القيامه
درعه كلمة ياحسين ويابو فاضل لامته
وسيفه امير المومنين والزجيه هيبته
واليدنه يمه يختلف
كل وضعه ولونه ينخطف
والثابت اتشوفه من بعيد
يم مسلم ياخذه الرجف
*
ما هم وحده بين العساكر
وضل جيش الكوفه منه حاير
راجل بس ياهو اليمه يوصل
لو بس راكب مهره الله ساتر
لو ركب عالمهره جان بالكتب هاي انحجت
اكو كوفه اهنا زمان طبهه مسلم وانمحت
بجاهه ورجف الجمع
وما تسمع بس نده الدمع
ويتخير وين اكو ثكيل
على خشمه يسحك السبع
*
ما كو زلمه ثابت تشوفه
لو بس راد ايحرك جفوفه
سوه بيهم خوفه دخيله
اليوكع بيده لا ما يعوفه
الشرد منه والقريب امن الرعب ماتو سوه
اشينسمع بي مو عجيب من يرف بيده اللوه
واليشرد ايده عالنحر
ويتشكر باقي اله اثر
وذلاهم ما بقت قصور
وياويله البي اذا ضفر
*
بالطف يدري اتريده الهواشم
هز الكوفه العين الفواطم
وصاحو توبه بس اعفي عنه
وما همه سكتهه الصوارم
العنده شمره امن الكفيل ياهو يحمل خزرته
جبل واكف ما يميل امن الهواشم وكفته
حكه اهنا راده ابو الفضل
ابخزراته ايموت العدل
خانكهم والنفس بديّ
ويتبختر لو مشه النفل
اللهم عجل لوليك الفرج
كرار شوكة
علئ الغريب وا ويلاه
علئ السليب وا ويلاه
آنه امك يأبني تموت عطشان
وثلث ايام فوگ الغبرة عريان
هدمك ينسلب يوليدي يحسين
راسك ع الرمح محجوز اله امجان
ضاع الدلال اويه التعب
موحش ترة امجان الحضن
لوما الضلع وكسري وحرگ
جان الضلع ولا ينطحن
اتحسر آنه اعله السهر
فوگ النحر اوگع دمع
يم طولك اتمدد نهر
واتفگد ابصدرك ضلع
اشلون تمشي ودارك بعيدة تصير
اشلون حالك من تضل وحدك تحير
وفوگ طولك تعگب اختك بالمسير
علئ الغريب وا ويلاه
علئ السليب وا ويلاه
يبني اعليك كل الغربة تلتم
وطولك تطشرة وتنصبغ دم
وفوگ السهام اسهام ورماح
امن الخيل جسمك گوة ينلم
وفوگ الخيم روحي بقت
وعيني علئ صدرك ترف
عودك يبس لمن وگع
راعي العلم يم الجرف
يمة الضهر هسه انكسر
وخضر علئ رسومك جرح
كافل خواتك والحرم
يحامي گفاك ولا يصح
ليش يا يمة عفتني بنص غربتي
ليش يا بزري ودلالي ويا عبرتي
يا كسرت گليبي يمة ويا حسرتي
علئ الغريب وا ويلاه
علئ السليب وا ويلاه
انه امك تطيح امن المهر ماي
والخيل التگلبك تطحن اعضاي
انه النايحة يوليدي يحسين
ع الركبت هزيلة وجرهه حداي
امن اختك اتنادي حسين
واعله الوجه تگوم وتطيح
من توگع بگلبك سهم
يالمنذبح گلبك ذبيح
اختك يبو اليمة تروح
عگبك علئ ضهور الهزل
زينب يأبني تنادي الك
وتـتنطرك ميت عدل
تگطع انياطي امن اندهك گوم فدوة
يالتارك بگلبي بواجي وهاي بلوة
فكلي عينك يا حبيبي وگوم تگوة
علئ الغريب وا ويلاه
علئ السليب وا ويلاه
بلاية الراس يمة اشلون اعرفك
وانت بكل كتر ما هادي نزفك
لكن محبسك ينباگ يحسين
وامن الخنصر اميز هذا جفك
آنه احضنت صدرك وذر
مطّشر وشابع رفس
شيسكت گليبي اليون
ونايم تطگ بيك الشمس
صبري خلص يم النهر
وكلبي عله اختك يمة حن
بين الخيول و اتشاهدك
فوگك اجن حيل ادبچن
تكبر جروحي واكلك شوف سكنة
انولت وتنادي بوية الگوم اجتنة
فرينة كلنة امن الخيم بالبيدة تهنة
#محمد فرج الحريشاوي
فزاعيه بحق مولاي الصادق عليه السلام
اويلاه يابوالعلم
اويلاه يابوالعلم
$$$$$$$$$$$
كل العلوم مكدره
لجلك صفت متحيره
ابن الجليله الطاهره
والحيل لجلك منهدم
$$$$$$$$$$$
متون السمه متهدله
والنجف ويه كربله
والكاظميه معوله
وسامره حزنت ياشهم
$$$$$$$$$$$
بحر العلم شيعوضه
بهذا الخبر ضج الفضاء
حگهه تنادي الرافضه
وچبد الرساله منثلم
$$$$$$$$$$$
المنصور اصل الفاجعه
ظالم گلبنه روعه
ويلي الچبد متگطعه
ومفجوعه أصحاب العزم
$$$$$$$$$$$$
ونصبت مأتم شيعته
تهمل دمه وي عيلته
ضجت الفله بمصيبته
وظهر العقيده منجسم
$$$$$$$$$$$$
گبره يفت گلب الصخر
ندعي العجل يالمنتظر
تخلصنه من جور الدهر
مولاي منك والنعم
$$$$$$$$$$$$
بس جيتك يبن الحسن
بيهه تگص راس الفتن
نشاهد مناره والصحن
وكل شيعتك شدت حزم
$$$$$$$$$$$$
الخادم عبدالمعين الشمري
أهل الرجس من شبو النار
تذكر خيام حسين ونهار
مهظوم ابوالكاظم. مهظوم ابوالكاظم
@@@@@@@@@
يبچي الصادق ودمعاته جريه
شلون ينسه الي جرى بالغاضريه
عمته زينب عله العرجه من سبيه
والحسين مطشرته خيول اميه
وسكنه ورقيه عليهن شگال
من چتفوهن خشنه الحبال
مهظوم ابوالكاظم. مهظوم ابوالكاظم
@@@@@@@@
مثل نار الخيمه أبد ماتطفه ناري
والدمع فوگ الوجن ياشيعه جاري
اه يوم الطف سلب مني أفكاري
من شفت عيلة محمد بالصحاري
والشوچ أخذ كل حيل منهن
يكسر ظهور الليل ونهن
مهظوم ابوالكاظم. مهظوم ابوالكاظم
@@@@@@@@
الكسر ماينجبر حيره اشيجبره
وبالصدر من الهظم تخنگني عبره
راس جدي حسين يبچي من انظره
وچن شفت راس الگمر دامي بكتره
ويلي الضرب ماخله كل لون
أطفالهم لمن ينظرون
مهظوم ابوالكاظم. مهظوم ابوالكاظم
@@@@@@@@
ومستحيله جروحي تبرد مستحيله
مصيبه عظمه مصيبة الحره العقيله
الحزن ثوبي صبح ماصح بديله موقف المجلس صعب مابيه حيله
مابين گوم ارجاس زينب
واه الظهر من عدهه حدب
مهظوم ابوالكاظم. مهظوم ابوالكاظم
@@@@@@@@
يعصر بگلبي الحچي وخربط احوالي
مرامه العيون وشتم حيدر الوالي
موقف الطف ماخفه عايش أبالي
ابقى حاير محد يجاوب سؤالي
ام الخدر ياصبر عدهه
متحير بعيله وحدهه
مهظوم ابوالكاظم. مهظوم ابوالكاظم
@@@@@@@@
الخادم عبدالمعين الشمري
نعي
عندما حرقو دار الامام الصادق بكى لانه تذكر حرق الخيام اخذ يقول لسان حاله
من حركو الدار
بحقادهم
من حركو الدار
ذكرني بالصار
وسط الخيم
ذكرني بالصار
@@@@@@@@@@
فرن خواتي
من الذعر
فرن خواتي
نار بلهاتي
من الهظم
نار بلهاتي
@@@@@@@@@@
عمتي العقيله
متحيره
عمتي العقيله
ماصح بديله
بس الصبر
ماصح بديله
@@@@@@@@@@
والغالي مطروح
فوك الرمل
والغالي مطروح
شافته مذبوح
من الكفه
شافته مذبوح
@@@@@@@@@@
صاحت يعباس
الحره انسبت
صاحت يعباس
جثه بلا راس
من اصبحت
جثه بلاراس
@@@@@@@@@@
وسياط الانذال
يابالفضل
وسياط الانذال
منهه المتن مال
وظلن وشم
منهه المتن مال
@@@@@@@@@@
تالي سبيه
فوك الهزل
تالي سبيه
شفت المنيه
من انشتم
شفت المنيه
@@@@@@@@@@
وكفوني بالسوك
يهل الشيم
وكفوني بالسوك
كل صوتي مخنوك
بنظراتهم
كل صوتي مخنوك
@@@@@@@@@@
وياوسفه بحبال
انا انجتف
ياوسفه بحبال
وينك يكفال
تالي انشتم
وينك يكفال
@@@@@@@@@@
الخادم عبدالمعين الشمري
امام الجعفريه واجب انشيعه
ونلطم عالصدر بالاه والدمعه
@@@@@@@@@@
السمةتبجي بمصاب الصادق الليله
شلون نهيد ساعه وحكنه نبجيله
ونبي عيسى انهظم وياه انجيله
ومنهاج النبوه ايلوع والرفعه
@@@@@@@@@@
ومريم واسيا ايواسن الزهره
انكسر واهس الدين بحكه شيجبره
ودموع الملائك من تهل حمره
العلوم امهدله بمصابه ومفرعه
@@@@@@@@@@
الدوانيقي عملته اتشيب الاطفال
وذر جبدته والدمه منهه سال
صعبه حالته ومنهه تذوب جبال
ولجله ام الخدر ياشيعه منفجعه
@@@@@@@@@@
اهل بيته حياره وحكهم اينوحون
الدنيه مغبره ومحزون لجله الكون
ومفجوعه اليتامه ابابه يتباجون
واليهم رحل ياوسفه شيرجعه
@@@@@@@@@@
وكبره بالبقيع العين من تشوف
بلا حضره ولاشباج صعبه انطوف
اهل الغدر كلهه نكرت المعروف
بالعار وخزي انذال متكبعه
@@@@@@@@@@
والله ايساعدك يالمهدي من تنظر
جدك كبره كلب اهل السمه يفطر
مته تظهر نشاهد كبته تبهر
ونتعنه ونزوره بليلة الجمعه
@@@@@@@@@@
الخادم عبدالمعين الشمري
جروح الامام الصادق (ع)
عله بابي الحزن يبدي
انا المنذبح جدي
انه الصادق
،،،،،،،،،،،،،،،،،،
اجهش بـــالنحيب ،، من اذكر غريب
ذبحو ع الترب وحرگو خيمته
وتهيج الـــجروح ،، عله جدي وانوح
ماكــــو غربه ابد تشبه غربته
ماضل ليه حيل ،، عله جدي الكفيل
صـــابو جربته وطاحت رايته
اذا احجي بســـمج مامذبوحه ومذبوحه
والذبحوله خوانه جا شنهي يسوي بروحه
اذكـــرج يزينب وجـروحي تضل مفتوحه
تجيب بروحي وتودي
انا المذبح جدي
انه الصادق
،،،،،،،،،،،،،،،،
الساحگته خيل ،، ويصدله العليل
تهون مصيبتي گبال امصيبته
بالخيمه يصيح ،، جريح بصف جريح
وفوگاه الحرگ وتشيله عمته
يتمنه الاجـــــل ،، مجتف بالـــعلل
من شاف المصاب زادت علته
دمــوعه بــعيونه ماگطعن بس يتجارن
شماله ويمينه يصـــد للنسوان احتارن
يعمه نـدها الـما صارن بأهـــلج صارن
لمماتي الالم يحدي
انا المنذبح جدي
انه الصادق
،،،،،،،،،،،،،،،،،
بابـي للخيم ،، غـــــــده حصة الم
يا ال الرسول ما شفنه الفرح
مابينه اليموت ،، عله فراشه سكوت
لو طبره وضلع لو سم لو ذبح
مصايبنه حـــــرام ،، امام يتّبعه امام
عله طول السنه مفتوح الجرح
الأمنه وحـــزنه بجروح الناس تجدد
ومصايبنه كــثره مثل النار الما تبرد
هلكنه البغضنه وبس (الال) التتخلد
لجرحنه الدهر يدي
انا المنذبح جدي
انه الصادق
،،،،،،،،،،،،،،،،،
داري وبيها نار ،، وكبري بغربه صار
من ذاك الضلم لقبور مهدمه
ولمهدينا ثــــار ،، مــــا يبرد شرار
ينتظره الجميع لحد الخاتمه
مـــن يطلع يصيح ،، يـا ثار الذبيح
والدنيه تصير حمره من الدمه
جروحه وعذابه يفرغه بالقتلو فاطم
وينشف دمــعنه عـجل يارب للقائم
يــــرد الضلمنه ويحاسبهم بالصارم
يشيعه انصرو المهدي
انا المنذبح جدي
انه الصادق
،،،،،،،،،،،،،،،،،
خادم القصيده
عزيز المياحي
يخوية يخوية يابو فاضل
عباس خوية يا حبيبي
انه الحسين ودمعتي
فوگ راسك يا كسرتي
من شفت مطفية عينك
يا ماي يرويني عگبك
يا نهر وجروفة جفك
روحي تطلع ويه نزفك
گوم خوية الله يعينك
مو وكته يجيك الموت وتروح بساع جن غيمة
انه اندلك لجن فگدك تيهني بدرب هيمة
انه اتمنيت اموت وياك ولا اعيش الجفة وضيمة
وين عايفني خوية للبواجي
وين امشينة يا حلو المحاجي
وين عگبي اليطالب بالتراجي
يخوية يخوية يابو فاضل
خوية ما ترفعلي راسك
سكت اخيك وي بناتة
يا كافل حسين وخواتة
وامسح عيوني ودمعهه
بيك خوية راسي عالي
انت يحزامي وعضيدي
يا ماي مودعته ايدي
روحي ذبلت وي نبعهه
ضهري بخير وانت احذاي وهسه آنه انكسر ضهري
اوگع وارجع اركضلك اشكثر طايح ولا ادري
بس حط ايدك بأيدي اوصلنك لحد خدري
ليش تترك يميني يابو فاضل
ليش بيمن اللوذ وانت شايل
ليش تتركني خوية ماني قابل
يخوية يخوية يابو فاضل
يا عطش عگبك لفانة
بيا حال زينب عفتهه
اعليك خوية طمنتهه
و بالخيم تنتضرك اتعود
مو ابالي الغربة يمك
بخير عايش يم اهلنة
انت يالكافلنة كلنة
والموت ما يعرف اوعود
ابجي عيوني يم عينك واگلك گوم يا گلبي
مو كتلك يبن امي جيشي انت ونصر حربي
عدلة الگاع بس مالت بجدمي وما عدل دربي
اميل واعدل مشيتي يم خيمنة
اميل لمن شفت واگع علمنة
اميل عباس يالمغربنة گلنة
يخوية يخوية يابو فاضل
جيب الي يعوضني طولك
يا اخو الما صح مثيلة
مطروح يحمولي الثجيلة
يا عذب يالمنك شربنة
مالي قوة امشي لخيامي
حيلي مكسور و عدوي
ضحكاتة بأذاني تدوي
الحيرة من اوصل خيمنة
تلگتني سكينة تگول وينه الواعد سكينة
گتلهه الوعد مكتول طاحن منه جفينة
انه الهاضمني كتلهه بأسهام انطفت عينة
احير عگبك منو يروي بناتي
احير هذا العطش يبس لهاتي
احير والحيرة يردنك خواتي
يخوية يخوية يابو فاضل
#محمد فرج الحريشاوي
نعي للامام الصادق
****
طلع نعش الحزن للصادق بهل يوم
والزهره تنادي وليدي يالمسموم
١
من شاهدت نعش الصادق ابدمعه
كعدت بالحزن بالفاجعه تنعه
يالصادق ييمه صوتي متسمعه
عليك بصوت اصيحن والگلب مالوم
٢
نعش الصادق المحمول بالحسره
وتمشي وي النعش بالآه والعبره
بالمدمع تنادي فاطمه الزهره
يوليدي ييمه والدمع مسجوم
٣
نيران النعش بالگلب لهابه
والزهره تصب دموع سچابه
اليوم الصادق ايودعونه احبابه
مهموم ويودع للگبر مهموم
٤
اليحب يمشي ابدمعته وي النعش مأجور
نعش الصادق المسموم والمغدور
نور من العرش هذا النعش بي نور
معروف الأمر للوادم ومعلوم
٥
طلع نعش الحزن هالليله بالمدمع
وبزود الخدم هذا النعش يطلع
هذا النعش هذا بالگبر ينفع
نعش الصادق الگضه العمر مظلوم
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
نعي لسان حال الامام الكاظم عليه السلام
ينعى ابيه الامام جعفر الصادق عليه السلام
ينوح الكاظم ابوَنَّه خفيه
ويتذكر الايام الزهيه
يبويه يگول هدتني الرزيه
ونوايا البين بعدك گصت بيه
ضاگت دنيتي الوسعه عليه
اجت تنشد عليك الجعفريه
لگوها الدار من شخصك خليه
شگلهم يلرحت مابعد جيه
ولفت ياسلوتي أعليك المنيه
لحد الموت نيراني سريه
وحزن چتال كل صبح ومسيه
الشاعر حسن لعيبي الحريشاوي
#_نعي
اخاطب مولاي الصادق في ايام شهادته / بلسان حال خدامه
___
انت اهلك بالستر يبن النبي
مدللات وما يمر بيهن سبي
وزينب عله النوك ويا الاجنبي
حسين نايم ماحصل شياله
___
اه يا مولاي يا ذاك الظهر
على الكاع حسين ويلسعه الجمر
كبال البنيات ويذبحه الشمر
حسين ذبحه شاهدوه اعياله
___
صح بناتك سيدي بمدمع مست
لجن مالك طفله عد راسك غفت
حسين عد راسه رقيه تشاهدت
حسين ماتت طفلته بهالحاله
___
🖊️#_الشيخ_حيدر_الحميداوي
اشدد رحالكَ للبقيعِ الأطهرِ
وانثر دموعَكَ عندَ تربةِ جعفرِ
وأقم عليه بنُدبةٍ يشجى لها
مَن ذاق لوعةَ فاقدٍ متحيِّرِ
سلّم عليهِ فما رأى سِلماً ولا
يوماً لهُ طابَ الزمانُ بمنظرِ
واطلقْ لعينيكَ العنانَ وقُل لها
جودي بمُزْنِكِ ياعيونُ فأمطري
واجعلْ انينَك عند قبرهِ نُدبةً
تحكي صبابةَ والهٍ مُتحسِّرِ
وأقِمْ على تلكَ الرسومِ ولاتَعُد
الا بخدٍ لاطمٍ متعَفرِ
تنعى لمسمومٍ لآلِ محمدٍ
ومصابهُ ادمى فؤادَ الكوثرِ
لم انسَ موسى وهو يحملُ نعشَهُ
لبقيعهِ بفؤادهِ المتفطِّرِ
ناداه ياكنَفي وركنَ أرومتي
أفنيتُ فيكَ تدبُّري وتصبُّري
ياأرضَ طيبةَ مادهاكِ بفقدِهِ
أنَعِمْتِ بعدهُ بالصباحِ المُسفرِ
ام هل له يبكي الحطيمُ وخيفُهُ
وله انينٌ في الصفا والمشعرِ
قد غاب جعفرُ عن حِماكِ فأظلمتْ
تلكَ الديارُ من الضياءِ الازهرِ
جعفر الفاضلي
#اللهم_عجل_لوليك_الفرج
سائلك ومتاني رحمة
گود كلبي لنور عينك لا يعيش بوسط عتمه
واستجير بنار خيمه خاف گلبي يموت عزمه
ليش اهدم بيت حزني ولسه ما رد القميص
واني ادري الذيب حجة ما يصدگها الحكيم
اني وين بيا متاهه....
بيا غصن غرتني نفسي وهاجرت أرض النعيم
اني مو تاجر ولكن جْذبَت عيوني البضاعه
الباعها بالطف زهير
وهو مو كل التقَدم يعني ناجح
رجعة الحر لضعونك باب خير
احسبني طير ولفي ريشي بعش خدمتك
ليش احبك حب نفاهه واني بالشدات اريدك
وليش يم كل بير اصيح مدلي ايدك
خاف اصدگ بالجوامع الاذنت يم طشت راسك
وجذبت منبر بلال
واتخذ من الهلاهل رأي عيد
واني ما شفت الهلال
فرصة مرات الضياع...
حتى ادور عن أثر حبك واسافر
كافي اضل واكف واناظر
خاف تغريني الگناطر واعبر الصوب الندامه
وما اسمعك لو گلت هل من مناصر
خاف أسد عيني بغفلتي
والتهي بجمع الغنائم واقترف ذنب التأخر عن نصرتك
العثره دلتني برحمتك....
الجذر خلص عمره مدفون بتربته
لجن من يموت يحزن كل ورق بالشجره لاجله
وانته كاعك عكس هذا الطين كله
الميت بحبك يخضر
وخاف يغريني الربيع....
احرگ بروحي شكو أخضر ما نبت من طين حبك
انطيني جرئه بيها اعاند نفسي بس ما خون گلبك
يا خليلي....
يندثر گدره اليخونك
شلي البيبان ادگها وانته شباجك ترس خيره شليلي
والله احبك يا حسين...
شكثر لاموني اعله حبك.. بس احبك ياحسين
بلاية لذه الحب اذا ما بي ملامه
الما يعرفك ما يثمنك
الصبخه ما تعرف تقدر قيمة الماي العذب
ناس ما تعرف تشمك والتهوا بس بالسلب
هذا ثوب وذاك محبس
وكلشي لله.... جان فكرك كله لله
فصلك من ذاته ربك... خيط من الدنيا ما شفنه بعباتك
الخيل تسحگ فوگ گلبك وانته گلبك يم بناتك
يصلب عيوني الضياع بحجة متاني وهب
الدنيا جمعت كل حطبها واني ما كاسر صنمها
گلي شيبرده اللهب
اذبحني لجلك خل اعيش....
الگصب من ينذبح يحله ويرتفع جدا مقامه
لمن يسواا فياي
انته ماي وجوهنه انته
ليش تبقه بلايه ماي
ازرع بكلبي التفائل
يفسد الحب لو لگة الدلال خامل
اني اذا ما صد سهم ذنب اليجيني
بيا وجه باجر اقاتل
خاف اكسر باب حضي وللندم ما لگة كافل
حط كتابي بجيب عطفك يطلع ابيض
من الرميم احي ضميري الخدمه ينرادلها حظ
روحي ترجف... عقلي يهذي
كلشي لا كلبي يتمرض
خاف يلهيني العلاج وبعد ما اكدر احبك
وعر درب الدنيا يا ابن الزجيه
بيا وتد حبلي أشده هواي الاوتاد الرخيه
فدوه حط عينك عليه
خاف يعثر حضي يموت م تزيد الطين بله وتكسر المجذاف اديه
وما اكو رجعه..
يخلق التنور فكره يحرگ بگلبه امنياته
من أجل يطلع رغيف اسمر يسد جوع اليتامه
الخطوه دمعه...
اليحترگ كلبه علمودك وجه ابيض
جفة الميزان ترجف لو ثبت لجفه رأي
هنا يگف معنى العداله
الما رجف كلبه لمصابك سوء حظه
وصيحت من گلبي احبك وادري ما تسمع صراخي
لئن گلبك ما تغشه وجوه مثلي
فرق بين الطاعه گلبك وفرق بين العنده ميلة
مثل فرق الهودج وفرق الهزيله
يندم الفاس اعله ذنبه
من يشوف النار خلفتها الرماد
ما اريد اندم دخيلك
ما اريد ابقه انه أخضر من يمر وكت الحصاد
.....................................................
مرتضى عامر الشمري
علئ الغريب وا ويلاه
علئ السليب وا ويلاه
آنه امك يأبني تموت عطشان
وثلث ايام فوگ الغبرة عريان
هدمك ينسلب يوليدي يحسين
راسك ع الرمح محجوز اله امجان
ضاع الدلال اويه التعب
موحش ترة امجان الحضن
لوما الضلع وكسري وحرگ
جان الضلع ولا ينطحن
اتحسر آنه اعله السهر
فوگ النحر اوگع دمع
يم طولك اتمدد نهر
واتفگد ابصدرك ضلع
اشلون تمشي ودارك بعيدة تصير
اشلون حالك من تضل وحدك تحير
وفوگ طولك تعگب اختك بالمسير
علئ الغريب وا ويلاه
علئ السليب وا ويلاه
يبني اعليك كل الغربة تلتم
وطولك تطشرة وتنصبغ دم
وفوگ السهام اسهام ورماح
امن الخيل جسمك گوة ينلم
وفوگ الخيم روحي بقت
وعيني علئ صدرك ترف
عودك يبس لمن وگع
راعي العلم يم الجرف
يمة الضهر هسه انكسر
وخضر علئ رسومك جرح
كافل خواتك والحرم
يحامي گفاك ولا يصح
ليش يا يمة عفتني بنص غربتي
ليش يا بزري ودلالي ويا عبرتي
يا كسرت گليبي يمة ويا حسرتي
علئ الغريب وا ويلاه
علئ السليب وا ويلاه
انه امك تطيح امن المهر ماي
والخيل التگلبك تطحن اعضاي
انه النايحة يوليدي يحسين
ع الركبت هزيلة وجرهه حداي
امن اختك اتنادي حسين
واعله الوجه تگوم وتطيح
من توگع بگلبك سهم
يالمنذبح گلبك ذبيح
اختك يبو اليمة تروح
عگبك علئ ضهور الهزل
زينب يأبني تنادي الك
وتـتنطرك ميت عدل
تگطع انياطي امن اندهك گوم فدوة
يالتارك بگلبي بواجي وهاي بلوة
فكلي عينك يا حبيبي وگوم تگوة
علئ الغريب وا ويلاه
علئ السليب وا ويلاه
بلاية الراس يمة اشلون اعرفك
وانت بكل كتر ما هادي نزفك
لكن محبسك ينباگ يحسين
وامن الخنصر اميز هذا جفك
آنه احضنت صدرك وذر
مطّشر وشابع رفس
شيسكت گليبي اليون
ونايم تطگ بيك الشمس
صبري خلص يم النهر
وكلبي عله اختك يمة حن
بين الخيول و اتشاهدك
فوگك اجن حيل ادبچن
تكبر جروحي واكلك شوف سكنة
انولت وتنادي بوية الگوم اجتنة
فرينة كلنة امن الخيم بالبيدة تهنة
#محمد فرج الحريشاوي
الله برحمته رزقني . شوگ لامامي وحنان
صبح ومسيه اندعيله . ومن عنده اريد الامان
هو الكفيل بنجاتي . مولاي إمام الزمان
ادعي با الفرج . لآخر الحجج . والدعاء نجاتي
گلبي كلِّمه . يبنَ فاطمه . التزم ثباتي
صاحب زماني . وحبيبي
المهدي يجرحي . وطبيبي
شلي بحياتي . ابلاه عيونك
طالب رضاك وحميتك
متأخر آنه اجيتك
يل ما يسد عمري ديونك
_
ما عندي غيرك واگصده . متعلم آنه عليك
يل رحْمتك عودتني . اي شي اريده اجيك
وقبل التوسل عرفتك . تترس اديه إمن اديك
صاحب الفضل .باچر وقبل . انته يابو صالح
غافر الذنب . ترحم المُحب . من تشوفه طايح
مروتك حبيب الزچيه
بإسم الأميرة رقيه
تحيي ضميري بدمعه الكم
بردت دمعتي دخيلك
وما عندي حل غير اجيلك
لن مدّعي آنه عبدكم
__
علمني نيةِ إنتظارك . بيا نيه أنطرك تريد
قربني قُربي أماني . بكل خوفي آنه بعيد
عيشني با الدمعه الكم . عَيش البواچي رَغيد
عايش بوهم . ورايد ابچي دم . هايه يمته صارت
ارد اواسي الك . يلي دمعتك . من دمه تجارت
اكطع ضايع الوساوس
وارزقني غيرة عوابس
زلمه اريد اصير وعد كلمتي
ومن عينك ارزقني نظره
يا الترحم وهيه حمره
مجروحه يا عالم رحمتي
__
اجمل عيون الخليقه . ايذبل حُسنها الحمار
من البچي للمصيبه . دم تجري ليل ونهار
تبچي اعله أبو گلبه حاير . ايطلبونه ماي الزغار
اطفاله تسأله . عنده عايله . وحاير بعياله
ماكو بيده حَل . وحّده نزل . يحمي عن دلاله
بعيونه شاف العطاشه
ذبلو فَرَاشَه فَرَاشَه
والساقي اخوه يم الشريعه
بگماطه جايب صغيره
ومحد فزعله ضميره
ما بين اديه رفرف رضيعه
سيد انور الموسوي
لأبي الفضل: مراجل
بالعصا مــوسـى اذا شـگ الـبـحر
ابو فاضـل سـيـفـه هـز اكـوانـهــا
=======================
طير أبابيل وغظب لاح الطـفـوف
تاه ترتيب العـسـاكــر والـصـفـوف
مامش ارماح التصدله ولا سيوف
وتـيّــه الـمـشــراد كـــل فرسانها
=======================
صاح ويــن ابطالها فــي كــربله
كظ لجمها وفوگها المهره اعتله
راد ابـوفـاضــل شـجـاع ايقاتله
كله شــردت خـيـلها وشجـعانها
=======================
سطّـر انشودة مُـحــارب بالقتال
يشرح افنون الحرب عند النزال
مو بسيفه بعينه جندلها الرجـال
بـخـزرة أعيونه ارتعب عـدوانها
=======================
دور الفـرسـان والــروس الـكــبار
نار كـبـــره وياشـجـاع يلاكي نار
بكيفه طب يتخير وبيـده الخيار
وكــربله المـوت الـحـمر عـنوانها
=======================
گال اوصل للنهر گــال او وفعل
بيده شال الماي ماضاگه الفحل
ابو فاضل زوده من زود البطل
تـربية حـيـدر علـي وعـدنـانـهـا
=======================
✍️عباس مالك العفريت
#محرم_الحرام_١٤٤٥هـ
نسألكم الدعاء
اللحن👇
بحق مولاي الصادق عليه السلام
وحگ الله ورسوله ونوره والقران
اليتمسك ببو الكاظم فلا ندمان
علوم الله الحواها وللفخر عنوان
ومنهاج الفارس منهاجه
موبس دين كل علم الفلك عنده
اليقدمله سؤال ايقنعه ويرده
شحده اليوصل ابن المرتضى شحده
وعلوم الله الكل حاويهه
التعناله يناظر بالفلك والطب
يرد خسران نار الحسره بيه تشب
عله خصمه كريح العاتيه امنيهب
والراد ايناظر ياويله
محد يطفي نوره بكل وكت مشعل
وكرامه من وگفنه أبابه نتوسل
محبته بدمنه تسري وأبد ماننذل
من حبهم مرفوعه الهامه
الوعد لابد يحل بنور مهديهه
وبأرض البقيع الگبب يبنيهه
يناموس العدل يازود راعيهه
والخير ايبين بعيونه
الخادم عبدالمعين الشمري
يالصادق جرحك شيروفه
يالصادق جرحك شيروفه
&&&&&&&&&
ياباب الله وعلمه ونوره
حزنانه أملاكه ودستوره
وگلوب الشيعه مكسوره
ودمعات عله الخد.مذروفه
&&&&&&&&&&
يالصادق علمك رباني
ناموس ومبدأ انساني
ضد الطاغوت الشيطاني
وللعالم واضح معروفه
&&&&&&&&&&
جرحك ماينشل شكبره
والحبك مخنوگ بعبره
مكسور بفگدك شيجبره
من مصابك حدب شوفه
&&&&&&&&&&
املاك الله ورسله تنادي
وتواسي الفارس والهادي
امرك يالصادق مو عادي
والحبك مصروعه طيوفه
&&&&&&&&&&
مفهوم الفارس مفهومك
وغاياته وكل زود علومك
والعالم مهظوم بيومك
والباطل شاهرهه سيوفه
&&&&&&&&&&
غصه ولوعه وجرحك بينه
هو المنقذ بس مهدينه
لاخر لحظه ومنتظرينه
من انشوفه بحظن الكوفه
&&&&&&&&&&
الخادم عبدالمعين الشمري
جعفر الصادق الليله انشيعه
والرسول ويانه من هل مدمعه
وآصادقا. وآصادقا
$$$$$$$$$$$$$$
انشيعه ونهمل الدمعه بالحزن
ونلطم بحرگه الصدر لجله ونون
بالاسه حته الصخر لجله يحن
والسموات السبع متروعه
$$$$$$$$$$$$$$
تدمي ماترحم يويلي مصيبته
ظالم المنصور وذر چبدته
يأتم عياله بفعلته وشيعته
وحگها أملاك السمه متوجعه
$$$$$$$$$$$$$$$
نصرخ بصوت المصيبه بهل الأمر
وعله ابوالكاظم گلبنه أسعر جمر
انادي يامسموم نلطم عالصدر
والكلوب عليه حگهه امصدعه
$$$$$$$$$$$$$$
لابد انواسي الرسول وفاطمه
والأجر انعظمه الحامي الحمه
مانوفي لو دمعنه هل دمه
ياعظيم مصابه ابد مانجرعه
$$$$$$$$$$$$$$$
العلوم اخلافه تبچي امهدله
لابس اسود حگه محزون الله
والنجف واست بعبره كربله
وارض سامره ألمهه تسمعه
$$$$$$$$$$$$$
ايواسن بحسره البقيع بكل ألم
عله الصادق حيل الاسلام انهدم
يوم شافن چبده موبس انثلم
ابد مانوصفهه صعبه الفاجعه
$$$$$$$$$$$$$$$$$
الخادم عبدالمعين الشمري
نعي
لسان حال الامام الكاظم(عليه السلام) بفقد أبيه الامام الصادق(عليه السلام)
انفتك جرح الاودهم صعب يراف
ومن صغري المصايب صارن ارداف
ومثل كعبه الحزن كلبي عليه طاف
احس جرحك يبويه صعب ميهون
###############
من جور الوكت متكبعه الروح
وصفت مثل اليتامه بيه الجروح
حتى الصخر كام الحالتي اينوح
وكون الله صبح مهظوم محزون
############### مايهده دليلي حكي ونيت
احس موحش اخلافه امندخل البيت
كبل موته متت ولاشوف ياريت
بسم الغدر جبده صبح مرهون
###############
انكطع خيط الأمل منك يصنديد
وبعد ما اهوى بويه جيت العيد
شلون افرح وعيد بعد ماريد
عليك مشوبحه وبس تجري العيون
###############
الدوانيقي يبويه شعمل بيه
كون الله صبح مظلم عليه
ظعنه من اجت ليك المنيه
واملاك السمه وياي ينوحون
###############
وكتي اخذ كل حيلي وشلهن
عيوني ونزل جفوفي وشلهن
ثكيله مصايبه ادوخ وشلهن
اخلافك يالابو تصعب عليه
###############
العمر بعدك يبويه بساع داراك
وعني بعيد يابو الوفه داراك
بقت وحشه وتنوح عليك داراك
ولاظلت احلام وحيل بيه
###############
الخادم عبدالمعين الشمري
للامام المهدي عج
الثار ياصاحب الزمان
الثار ياصاحب الزمان
₩₩₩₩₩₩₩₩
لمته نسمع بالسمه هذا النداء
راح يضهر بالعجل راعي اللواء
راح يمليهه عدل ابن الفحول
والنجف تستعد ويه كربلاء
ترف بالحك رايته
والفقار ابيمنته
خله يتحضر الموته كل جبان
₩₩₩₩₩₩₩₩
هي لحظه تسوى كل ذيج السنين
الشوفتك ياسيدي ايشدنه الحنين
ارواحنه ننساها من نصفن عليك
نور الله بوجنتك يبن ألامين
شرف النه خدمتك
وهمت الله همتك
العدل والقسط حل بكل مكان
₩₩₩₩₩₩₩₩
تصيح يوم الثار حل ماتستريح
مانلومك سيدي كلبك جريح
حال جدك عايشه وحال العيال
ومن تنادي يالثارات الذبيح
اليوم اراويهه العجب
انا معروف النسب
وبوجودي الخوف ميت بس أمان
₩₩₩₩₩₩₩₩
من العراق بمهره يتعنه البقيع
والخطاب الي يكوله للجميع
يرفع جفوفه وينادي بعله صوت
وفرض واجب كل بشر أمره يطيع
الكبب يبنيهه
للسمه ايعليهه
ايكولهه بأيمان في ذاك الزمان
₩₩₩₩₩₩₩₩
الكل طواغيت الزمن بس العقاب
تاج ماكو ينسحك فوك التراب
بكل كرامه ايعيش مرتاح الفقير
هوه لجل حسينه ايوزع الثواب
موكب وبي رايه
يخدم المشايه
ايفيض كلبه للسبط حب وحنان
₩₩₩₩₩₩₩₩
الخادم عبدالمعين الشمري
من شبت نار بـداره..طفّها وصورة بفكـرة
بالركضن بين الغاره..وخيمّن صارن جمرة
ونزلت دمعته
لزينب عـمّـتـه
هاي امصيبته
------------------
ابو الكاظم داره من حرگوها
جروح عنده لعمّته لچمـوهـا
وعيلته بالدار مـن روعـوهـا
عينه دمعت للغصب طلعوها
شاف ابنياته يـركضـن ..وتصور ذيج الهيمة
عماته بخيل انصدمن..من طلعن من الخيمة
وهاجت حسرته
لـزينب عـمّـتـه
هـاي امصيبتـه
------------------
وبعباته يطفي ناره المضرمة
وذكـر بين النار جانت فاطمة
صاح ويلاه ياأمان أهل السما
شلون حرگو دراج بلا مرحمة
يا نار الدار شعندج.. بيمن جاي اتذكريني
بأمي الصاحت يافضة.. ضلعي تهشم سنديني
لفاطم حيرته
و زينب عمّتـه
هاي امصيبـه
------------------
داره خمدت نارها وهل عينـه
للـعـلـيـل الـمـا حـصلّـه امعينه
الخيل من هدت على صواوينه
صـاح فـرن عمه طـاح اولينـه
تذكر جده بيا حاله..المعلول وجيش يطلبه
صعدن عالتل عماته..وبخيامه تفرهد غربه
جرحو غيـرتـه
لـزينب عـمـتـه
هـاي امصيبتـه
--------------------
بماي طفه النار وبهاي انلچم
طفّه ناره وماي شربها الحرم
صفن عالماي ولچن حيل انهضم
صاح ويلاه عمي ياراعي العلم
ويلااه يجروح الساقي.. التمنه ايروي خيامه
ومارد من طيحو جوده.. بيا عين يلاگي ايتامه
وهانت بلـوتـه
لـزينب عـمّـتـه
هاي امصيبتـه
-------------------
هانت امصيبته و تذكـر رزيـة
تخيل بنياته چن سكنة ورقية
طفت ناره هنا لچن بالغاضرية
جمر صارت كل خيام الهاشمية
ابنيات احسين گباله.. تصورهن رگضن گوة
واعداء الله يسلبوهن.. وادم ما بيها امروة
وبانت كسرته
لزينـب عمّتـه
هاي امصيبته
--------------------
حسين علي التقي