4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
راح اسولف عن الصادق .. وأصغي ليه
الخدمة منه والمصادق .. جعفريه
هـوا باب الخدمة كلها
واحنه ناخذها من اهلها .. جعفريه
------------------
جعفر ومن عِلم باقر
أبن شاهد ألم عاشر .. زين العباد
آية الله اعالبرايـة
أبو عبدالله الآية .. الدگت أوتاد
مرور بسيرته اعرفته زعيم الحوزة الأول
والبوكته اشگد طوائف ! علوم اشگد تُأوّل !
لچنه الصادق الأوحد يجاوب شنهو يُسأل
الثگيلة التصعب اعليهم فقط ابيته تنحل
خمسة والسّتين عمره .. شيخ الأطياف
ودرسه طلاب التحضره .. جانت آلآف
اعلــوم الاكوان بشملها
واحنه ناخذها من اهلها ،، جعفريه
-------------------
طالَـعت سيرته وذاته
وفرزنتها توصياته .. كلها معــنه
بس أهمها آخر حياته
(المُستخِـف) گال بصلاته .. ماهو مـنّــه
وأنه أسال ليش آخرهن وصيه من حچاها
الصلا فضّـلها عن كلشي وترى الباقي وراها
ارجعك ليوره وشوف النبي شگال ونهاها
إذا تُـقبل صلاةُ العَـبدِ يُـقبل ما سواها
من الصادق هاي أشارة .. عن صلاتك
واضحة بنصِّ العِـبارة .. سر نجاتك
سر نجاتك أخشعلها
واحنه ناخذها من اهلها .. جعفريه
-------------------
وبعد من سيرته وعِـلمه
هالرّواية شگد مهمه .. تحچي حبهم
شلون علمنه نحبهم
والغلاة اتبرّة منهم .. شنو گلهم؟
أنتو شر خلق الله كلهم جبتو للباري نضير
انه عبد الله يوادم فهمو هاي من الأخير
لا تغالون بمحبتي ولا تصغرون الـچـبـيـر
شما اجيب بمعجزاتي بحكم أمر الله تصير
والمُـغالي مشرك أصله .. هم نحسبه
كالمجوسي الكفر بالله .. هذا ذنبه
والعبادة لـ الله كلها
واحنه ناخذها من اهلها .. جعفريه
-------------------
بعد من سيرته الخدمـة
شلون اخدم أبو اليمــة .. واحيي أمرة
شلون أرضيها الزچية
مو فقط عَبـرة العزية .. هَــمَّ عِبــرة
وچان همّ خادم الصادق منطي لحسينه عهد
(وبـارٌّ لِـوالِديهِ) وعن شكــو غيبة أبتــعد
الخادم من ايصير خادم ينطي لأسياده وعد
يحچي بالمعروف كون اشما يگوم اشما گعد
ويگطع الشك باليقين .. وهاي هيه
يصير كل وقته حُسين .. غاضريه
وكربله يصْـعَب سهلها
واحنه ناخذها من أهلها.. جعفريه
------------------
وطالعت سيرت غربته
ويلي سمّ الفت چبدته .. خذه أحشائه
سلّب المنصور عمره
والأحفاد اهدمو گبره .. من اعدائه
لچن كل منصور باجر مايظل اسمه ويضيع
من يجي هادم شِركهم بيده يسحل هالقطيع
بعد ما بالكوفة ينصب قاعدة حصنه المنيع
ويطلع من الكوفة جيشه يروح يبنيها البقيع
هناكه احفاد السقيفة .. من يمرهم
يصلب الروس السخيفة.. بچذع كلهم
حـقـنـه گون انطالبلها
واحنه ناخذها من أهلها .. جعفريه
------------------
لكربلاء خلصها مأتم
چان كل عمره محرم .. موش عشرة
مأتمه يگضي بنحيبه
شكثر باچي للغريبة .. وگلبه جمرة
لچن دمعة وعي وفطرة بچاها اعل المخيم
ودمعته الزهرة مرجعها بذكرها اجروحه تلتم
بحرگ داره يهل دمعه اعل باب الزهرة من دم
أصل يوم العذاب أَذّكر ضلعها من تهشم
والحزن لحسيني كله .. أنطاني عنوان
كل جزع مكروه إله .. على العطشان
الدمعة بس لحسين أصلها
و احنه ناخذها من أهلها .. جعغريه
-----------------
حسين علي التقي
مقطع صوتي من حيدر بشار الدراجي
Читать полностью…
شهادة مولانا جعفر أبن محمد الصادق صلوات الله وسلامه عليه
كلمن يوالي علي وعنده دين
بدمعة عيونه ولطمها الأدين
للصادق الگضه عمره جروح
وهاي الجروح الينوحلها وين
يالجعفريه هظم
مر عالامام وظلم
ومصاب أبن فاطمه
رايد بواچي ولطم
عاش بغربته سلوا نحيب
وحتى بدفنته امامي غريب
ضايع دوا و بمماته جريح
المات بجروحه بعد ماتطيب
يروح وجرحه دامي
سلاماً يا أمامي
__
عاش أنكسار وكئيب وحزين
وكلما تطوّل تجرحه السنين
دمعه يهل لمصاب البتول
وإعله جروح و مصاب الحسين
سالفته چان الدمع
وصوت البچي ينسمع
آه اعله جرح الخيم
آه اعله جرح الضلع
ما يهنه نومه ولا يهده بال
ذبّلت رسومه وتِبده الجمال
العاشَر مخيم حياته لهيب
تخلص دمعته ونحيبه مُحال
الدمع منك وسامي
سلاماً يا أمامي
__
ما يرضه مره ينصفه الزمان
بسبعينه ويلي ولا شاف أمان
أبن الزچيه ويعيشوّ عذاب
شيخ الائمه ويلوحه الهوان
ماله رحم هالزمن
بذرية ام الحسن
حرگو دياره ولا
چفوف اليطفون اجن
عايش عذابه ويزيدو عذاب
الباب اعله باله ويحرگوله باب
مايلگه عنده لدموعه شريك
بس يگله وادم تعيّشه مصاب
منو لداره يحامي
سلاماً يا أمامي
__
أتعلم مواساتي من الإمام
بكل حال اعيشه إبّبلاء وسلام
محترگه داره ودموعه تسيل
سئلوه ، يگلهم ذكرت الخيام
ها الموقف اتأمله
وفهم الجرح اوصله
محترگه داره ، وبچه
لحَرگة خيم كربله
رَكضَة عياله تِوِجله غليل
رغم الجراله ابد مو قليل
بس صد على اهله اختنگ با الكلام
لعيله غريبة ومحامي عليل
دموعه لجده ضامي
سلاماً يا أمامي
اللهم عجل لوليك الفرج
سيد مرتضى الياسري
قَدْ جَاءَهُمْ غَضَبُ الإِلَهِ
سِرُّ الْفُرَاتِ فِي كَفِّهِ،
حَاطَ الْعَدُوَّ فِي ظِلَّهِ
زَجَّ الوُغَى في طرفِهِ
جف حسين مَن يگدر يلاويه
جيف اثگيل تشگ الگاع رجليه
ومثل الريح ما ينگض بالحروب
يموت الجاي من ينضر ترة اعليه
يا ابا الفضل مدد
_
قَمَرَ العشيرةِ غاضِبُ
فِي كَفهِ النَاسُ حَوَى
خَطّافُ ارواحَ العِدا
في حُمرَةِ السَيفِ ارْتَقى.
طر الگوم صار الجيش نصين
يشرد وين من جفة لعد وين
بكل امجان تلگة جفوف عباس
من الروس سوة تلال صوبين
يا ابا الفضل مدد
_
فَوْقَ المَطْهَمِ رَاكِبٌ
وَعَلَى الرُؤُوسِ سَاحِقٌ
قدْ عادَ صَوَلاتُ الَولِيِّ
وَعَلَى الرِقَابِ طَارِقٌ
راكب ريح مو خيلة تشوفه
مر والماي يبست كل جروفة
بجفة الحار من يعبر على الجيش
الناس تذوب من ضربت جفوفة
يا ابا الفضل مدد
_
مُتَبَسِّمٌ سَلَّ الفِقَارَ
العَبَّاسُ صَارَ حَيْدَرةً
قَدْ عَادَ صَفينٌ بهِمْ
تَركَ الصُفوفَ مُبَعْثَرةً
وگت الگيض مطرهم على الگاع
ماخذ حيل حيدر نفس الاطباع
رماح الريش والحاجب ترة اسهام
الرحة جفوف هل تطحن بالاضلاع
يا ابا الفضل مدد
____
الأَرْضُ مَاجَتِ فَاشْتَكَتْ
جَعْلَ الرُّوَاسِيُ بِهَا.
خَلَقَ الكَفيلُ فِي أَرْضِهِ
.عَادَ لَهَا اِسْتِقْرَارُهَا.
ابطن الگاع مد سيفة وعدلهه
دك اجبال والروس بسهلهه
اشوية الناس يم كبره وجمالة
وسيع العين برموشة يلمهه
عبد الله الرضيع
ست اشهور هنّــه وحـــاربـانـــي البين
يبني التنذبح وانت اعله صدر حسين
========================
ســت اشــهــور ياعـــمـر الــورد يبني
جـســه ويـاي الــزمـن هلبيك حاربني
ليـش ومــن ضـحـكـتك يـمه حارمني
شيـطـلبـنـي زمــــاني وياي ماله دين
========================
يايمه عــبــد صــوتـك أنـيــس الروح
هـيـــچ بساع يايـمـه تـــريـد اتـــروح
ابــــد ماحـسبـت بـيـهـا تـــرد مذبوح
ناوي اعـلـه السفر گـلّـي السفر ليوين
========================
ليوين الســفـر حسـبـت تـبـقـه ويـاي
دفـيـت المـهـد حـظــرت شربت ماي
بطاريك اعـلـه غـفـلـه ويـقـره النعـاي
بدموع الهجر غــرگــت چـفون العين
========================
بدموع الـهـجـر اقــرالك انــه ابـيــات
توه ابني بحضيني وهس ابني المات
و أون بحرگه تكتل ونّـت مـضـيـعـات
يانـجــمـة سماي البـيهـا تـضـوه سنين
========================
تضــوه اسنـيـن عـمـري گلت من تكبر
سنــد ليـه بـكــبرتي وبيــك اتبــخـتـر
آه بـيـــوم عـاشـــر ياســهـم الـكــشـر
ســهام الحـقـد تطـلـب ثارها بصـفـين
========================
تطـلـب ثارها ومـنـك تــوفــــي الثار
گوم بخيل هـجمـت گوم تدوي النار
يــبـنــي بكربله مامـثـلـه يـــومٍ صار
وحيد حسين ابوك ودايره الصوبين
========================
وحــيـد حــسين ضـل حاير بملگاها
حـــيره وكل هله اعـله الگاع خلاها
وهـــاي الخيل هجـمت وين منواها
مــره اعله اليسار يروح مــره يمين~عباس مالك العفريت
✍️
#محرم_الحرام١٤٤٦هـ
نسألكم الدعاء
اللحن👇
شهادة مولانا جعفر ابن محمد الصادق صلوات الله وسلامه عليه
القصيدة لخادم الحسين صلوات الله وسلامه عليه الشاعر حسن خالد
يا يوم النزورك سيدي و ننعاك
و بأرض المدينة ننصب المأتم
چم خادم أمنيته يوصلك مولاي
يخدم بالصحن و بدمعته محزم
يذكر مصابك والدمع
يهل ويه دگات الضلع
وابابك الون يرتفع .. يا سيد الكون
اليمته تبقه مأسره
أرض البقيع الطاهره
بعيون شيعة حيدره .. و الها ينضرون
يمته نشوف خدامك يرحبون
هلا بزوار ابو الكاظم ينادون
..
سنيت المشي للظامي يا مولاي
و تدعي لليزوره و ما يحصل افياي
كون و بأربعينك و التزور الاف
و من الكاظمية ننطلق حفاي
من الجوادين المشي
ويبين الشيعي الوفي
وكل حاقد هنا ينخفي .. بس جعفرية
تنصب مواكبها الخدم
و هنانه تثبت كل قدم
وترفعه زوارك علم .. بسم الزجية
للغرقد جموع الناس يمشون
هلا بزوار ابو الكاظم ينادون
..
وي محيي معالم دين ابو القاسم
*(أَيْنَ مُحْيِي مَعَالِمِ الدِّينِ وَأَهْلِهِ)
نشيدها البقيع ابحظرة القائم
و ضريح الباقر و جده الحسن يعله
و لسجاد يبقه هل الصرح دائم
من صادق اعلوم النبي
نتمنه هل يوم اليجي
بسم الزچية نرتجي .. طالت تره هواي
للكبة باقي و انتظر
و بگلبي ما طافي الجمر
خايف يخلص هل عمر .. دخيلك يمولاي
و الشيعة و يه مولاهم يحفون
(أَتَرَانا نَحُفُّ بِكَ وَأَنْتَ تَؤُمُّ الْمَلأَ)
هلا بزوار ابو الكاظم ينادون
..
توصينه بمجالس للبچي اعالحسين
و تهل دمعتك من ينذكر كل حين
يمته نقيم يمك مجلس و نبجيه
مشتاگه الخدم تدريها صار اسنين
ننصب عزائه بحظرتك
و ننعه الي فتت مهجتك
يا كسرتك يا حسرتك .. لضامي ووحيد
وزين العباد و عمته
وبنص غرب يا حيرته
وبگلبه صارت علته .. و مگيد الأيد
حسين حسين بالعبره يضجون
هلا بزوار ابو الكاظم ينادون
الشاعر حسن خالد
امنيتي ازور الكَبه .. من تنبني جديدة
روحي الك عطشانه .. ديارك علي بعيده
شيحقق امنيتي .. شيحقق امنيتي
*1*
ياسادس اجروح العشك .. مئتم عزائك يبدي
أول عزائات الجرح .. باسم الأمام المهدي
من البقيع الكربله .. بيه النوايح تحدي
ابابك الذله وعلي شمحلاها
كل واحد يريد العُلا اتمناها
هنياله بيك العالخلك يتباها
اتباها بيك ومسرور .. يم الخَلقْ والمخلوق
زغيرون انه وانته .. رافعني بيدك ليفوك
شيحقق امنيتي .. شيحقق امنيتي
2**
ياسيد الروح البقت .. مهمومه تبجي غيابك
يمته اصيرن خادمك .. واكعد عبد يم بابك
يمته اشمن ريحتك .. واتبرك امن ثيابك
حتى النفس مال الهوى حلالك
والروح بذره ومن ثمر شتالك
اسكيني فدوه اروح الخيالك
بس شوفتك ترويني .. من غيبتك ذبلانه
من عطفك انته اسكيني..شتله وبقت عطشانه
شيحقق امنيتي .. شيحقق امنيتي
**3*
يوميه كلبي المنجرح .. لارض البقيع ايهاجر
يتركني وحدي بلا وصف .. واتذكر انه العاشر
روحي وجسدها ينكمش .. من اسمع الحوافر
صوت الحوافر عالجسد اسمعه
ابن البتول حسين كسرو ضلعه
هذا انه كلبي بهالمصايب وضعه
يوميه اشوف بكلبي .. نار الحرك بالخيمه
يرجع يموت الوحده .. من علته ومن ضيمه شيحقق امنيتي .. شيحقق امنيتي
*4
تشملني بالرحمه شوكت .. طالت عليه الرحمه
يمته ازورن كَبتك .. ويمته التراب أشتمه
كون المناير تعتلي.. وتوازي ذيج النجمه
بس مره وحده سيدي اشملني
مثل العبيد الحضرتك اجعلني
منظر بقيعك عن قرب شوفني
بارض البقيع اختمها .. اخر منيه ابروحي
لو بس اشم اترابك .. منها وتطيب اجروحي
شيحقق امنيتي .. شيحقق امنيتي
*5****
هذا الجرح وسط الجسد .. ماله علاج وطيبه
بس انته اليطيب الجرح .. وينقذ عمر حبيبه
هنياله كلمن كابلك .. والشوفه من نصيبه
ياصادق العتره وعلي لكيتك
ما شايف انه عد بشر حنيتك
من كلبي والساني بفخر هويتك
رغم المعاصي البيه .. تغفرلي كل اذنوبي
اكفر وازل عن دربي .. وترجعه ابيض ثوبي
شيحقق امنيتي .. شيحقق امنيتي
خادم الحسين عليه السلام
كرار عبد الحسن المحمداوي
هوسات بطوليه لأبي الفضل
....................................................
ماظل فارس اعله الخـيل كلهم علثره يطيحون
روس مشمره اعله الگاع ظلت ناس بس امتون
وادم تسحگ الـوادم والخـيـل اردمـت بالخـيـل
والبعده عـــدل فرحان، يــم عــباس مايـبــطون
(الخيل ابلا فرسان تهرول كلهم طيحهم عباس)
....................................................
العباس يخاطب السيده زينب عليهم السلام
تردين النهر لو ماي اسحـبـه واجــر جـرفــيـنـه
بس گولي يزينب انه عد عيناچ شنهو الي تريدينه
غــضـب عــباس وطگ عــرگ الـهــواشــم بــي
واغــــتـاظ أبـــــو الـغــيره ونـفـض چـفـيـنـــه
( يـمـچ اسحلها الجـرفين ام عون الطف بأمرچ)
....................................................
صارت صنطــه بالميدان شنـهـو الصـار بالعاشــر
صفره اوجوه والانفاس وي سحگة حذو الحافر
دگ انذار رعب وخوف جـــيـش بأكـمـلـه حاير
(الجيش اصبح يترادم طب عباس اعله الميدان)
....................................................
✍️عباس مالك العفريت
#محرم_الحرام١٤٤٦هـ
نسألكم الدعاء
هوسات بطوليه لسيد الشهداء
غـــاص اجـيـوشـهـم بالطف يـمنه ايذبها علـيسره
ومشاها اعله طگ السيف كل واحد حسب عمره
ربــعــه الـيـبـرز ايـدفعـوه لــو مايـعـرف الـگــدره
(الـيبـرز مـيـت ينـعـد ماثـنّـه بطگاتـه احسين)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
داس اخشوم ابوالسجاد وطارت روسها القاده
صفاهم سره اعله الموت بـكـيـفـه يفرز الــراده
حسين وسيفه من يغتاض يازلمه اليمر صــاده
( القايــد گـل للقايــد درب الـشـرده مــنـيـن)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مايلحگ يـعد الـمـوت ملك الـمــوت مـتـحـيّر
ولا يلحگ يسجل اسماء خــــاف بدفتره يغيّر
صاحاله الملچ يحسين هونك يا ابـــو السجاد
مثل الحـنـطـه بيهم گام مـنـجل روسها يطير
(ملچ الموت ابيوم العاشر مايلحگ ايعد اسماء)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
✍️عباس مالك العفريت
#محرم_الحرام١٤٤٦هـ
نسألكم الدعاء
مقطع صوتي من حيدر بشار الدراجي
Читать полностью…
بـــــالدموع الصادقيه
نواسي هاليله الزچيه
~
الصادق اهل البيت كل شيعي حِزن
انواسي هاليله الزچــــيه ام الحـسن
فوگ چـتله اتــمادت اصحاب الفتن
هدّمو گبره وبـقــه ابــلايـا صحــــن
وضلت الدمعه جريه
نواسي هاليله الزچيه
~
يوم ابو الكاظم يذكرنا ابمصاب
ابزمرة الشيطان من حرگو الباب
ليش جبد الصادق امن اسمومه ذاب
الناصبيه باچر اشعدهم جواب
اشتحچي يم سيد البريه
انــــواسي هالليله الزجيه
~
فاطمه انواسيها ونـــقيم العزاء
ونذرف الدمعات اذا نسمع رثاء
دمعه للصادق اودمعه الكربلاء
ابمجلسه انوح الغريب الغرباء
وننتـحــــب عالغاضريه
انواسي هالليله الزجيه
~
الليله عين الطاهره اتصب الدمع
تحظر المجلس ومحّنــيـه الضلع
اباب الاحسـينـيــــه تكعد تستمع
تـــــسمع النــــاعي وگلبها ينفجع
لو نعه البـــتها السبيه
نواسي هاليله الزچيه
~
انـــــوح لبن الباقر او نبچيله
وكل محب هاليله ينهد حيله
الليله مدمعنه المصابه انسيله
كـون يـمنـــه مرقده ونمشيله
بــــــالمواكب والعزيه
نواسي هاليله الزچيه
~
جعفر الصادق نـــنوح الغربته
ابو الكاظم مانسينه امصيبته
الليله ماخذنه الحنين التربته
يــــــمته غايبنه يشيد حضرته
ونگصد انزوره سويه
نواسي هاليله الزچيه
~
حيدر بشار الدراجي
بسم الله الرحمن الرحيم
سلامٌ على آل ياسين
الإمام الحسين(ع) ، يخاطب ابن أخيه الإمام القاسم (ع)، بعد أستشهاده يگله :
رحـت والفاگدك ذبــلان
موتك والعطاشه اخوان
يــهظمني شـــبابك راح
حـــتى بـكربلة تـــوافي
نظر بعيوني مـــا خليت
هـــم مثل الشـمع طافي
وكت ظل بالي متخردل
ومـــاي النهر ظل صافي
جـــرح شابگ جرح لمـــن توادعـــنة
ويبس ريجك گـــبل لا تيبس الحــنة
تمشي وگلبي يوگف وارد اموت وياك
كـــل مـــا تبـــتعد وجـــدامي تدنـــه
لو تدري گد ما احبك انه
شلت الگلب وانت بمكانه
يـــا روح عمك يــا حنانه
نســـمة ونـــدك الدخان
موتك والعطاشه اخوان
***
تتمنى الشباب تـــعيش
وانــت الراكض الموتك
لـــو غرد البــلبل يـــوم
ياخذ لحنه مــن صوتك
قريت عيونك الحلوات
شـــفت اثـــار تــابوتك
بـــذرة آل هـــاشم خضرت تـوه
ســنبل والمناجل كلـــهه تتـــلوه
وبنص حرب وأنت بحلاتك ذيج
بـــهدوم العرس ومعطره وحلوه
بالحومة من بعيد شفتك
وتراب بس تلمع كشختك
بسيوفهم وأنت بـــرگبتك
فازع والگـــلب ولهـــان
موتك والعطاشه اخوان
**
موتك يالمبچي الياس
يالتنگط تــرافه وهيل
مـــن فرغت صــوانيك
اعــاين والدموع تسيل
ما بيه وطحت عالگاع
والمنظر يـــهد الحــيل
آنـــه الضگت المصايب والعمر وشــل
وكلـــشي تـــحمــلت ويـــاك شتــحمل
جف گلبي العطش واكثر بشر عطشان
بـــس لـــو راد ســـالم روحي تـــتبلل
مــو بيدي خاطر من اهله
دمعي النزل خضرله شتله
ذباحك اسود گلبه كـــحله
جرحـك بالـــورد نيشان
موتك والعطاشه اخوان
*
طحت لمن ركضت اعليك
حتــى اسرع مـــن الشارد
شمــيتك واحس الـــروح
ردت والنـــفس صـــاعــد
وبـــدمك حضنتك حيــل
مــا هـــدك جنـــت رايـــد
كلهه تشمتت شافوني مـــاهـــدك
وها يحسين صاحوا منفطر چبدك
مـــن مديت چــفي اتلمسك بهداي
وامسحت التراب الصــاير بـــخدك
غــمضت وعيـــونك ابـالي
جـــرحك غميج وماله تالي
والغيمة طاحت وأنت عالي
شيــجر النفس ثگـــلان
موتك والعطاشه اخوان
***
گـــوه وشايلك رديـت
شايل روحي واتــعـثر
حيلي يريد چـم عباس
اوگف وعله طولي اگدر
يلچــمني جــمالك حيل
اذكـــر عـــلي الاكـــبــر
شفت الدنيا تضحك والگلب جــمرة
واقرب شي نهر يمي وعشت صحرة
طحت يـم الخيم والصوت من بعيد
مـــو بس الضلع هـــم گـلبك نكسرة
مكسور گلبي هواي مكسور
هذا العمـــر بعدك يمـــنحور
اتمنى يگصـــر ليـل نـــاطور
تـــوجع ثلــمة الشبـــان
موتك والعطاشه اخوان
احمد السعيدي
لحن(يالصادق)
بصوت
سيد علي الجزائري
بصره
((للامام الصادق ع))
. أحـتركت الدار وذكـر عَـمّـاتـه
هـاي الـرزيـه السببت وفـاتـه
اصعب واشد يوم حتى مـن السـموم
السببت وفـاتـه السببت وفـاتـه
*---------------*---------------*
رغـم عـلمـه ورغـم اسـمـه يـهـل دمعه
سَبي الـخـدّر اذا يـذكَـر اختلف وضعه
الگلب جمره وخلص عمره مثل شمعه
گضه اسنينه على احسينه بحزن ينعه
الصادق دموعه للخدر سجابه
الـحـد المنيه وعايش ابعذابـه
*---------------*---------------*
الحِرگ عـافـه لمَـن شافه انچوه گلبه
ذكر عمته وبـچـه سكته الدمـع صبه
الجـره بأهله هتف سـهلـه وشكر ربه
يگول اصعب مره تظرَب عَلّي صعبه
بعيونه راسم رَكضة العقيله
ونار المُخيّم شبت ابدليله
*---------------*---------------*
الحزن والهـم بـقـه ملتم وسط روحه
ألـم يلـهب وسبي زينب رسـم نـوحه
البچي عاده وجرح زاده عله اجروحه
الظلام ايحل الجفن ينزل دمه موحه
ابجـفـنـه خـلت كـربـلـه علامه
لمصاب الحسين وحرك خيامه
*---------------*---------------*
ولا ينـسـه الـبـقـه ابشمسـه عـلـه الغبره
نسه الفرحه وكبر جرحه السحگ صدره
الحزن ماخف يناعي الطف يصيح اقره
يـون وحَـده أنـمـرد چـبـده بألـم كَـسـره
أخـر حياتـه وما بـرد حنينه
خلونه نبچي وبالدمع نعينه
*---------------*---------------*
اذا يــســمــع مــرَهْ تــوگــع كــثــر وَنـه
ايـعـرف هـايه وشـنـو الغايـه القره عنه
يشيعي اسمع الحچي واقنع رساله ألنه
اعـلـه عـمـاتـه اويـه دمـعاتـه لحد دفنه
اليومه الاخير أودمعته عليهن
ماينسه الحبال الـكلت اديهن
*---------------*---------------*
خادم الامام الصادق (ع)
✍الشاعر رعد الجريخي
گوة اعله روحي اوگف واعثر
شگدر المّن خوية مطشر
صدرك سمعته من اتكسر
حسين
تالي وياجن تصهلن
كافي بحسيني تسحگن
گلبه مشلوع
عطشان ويلوع
كسرتن اضلوع
تروحن بصدرة وتردن
يحسين عافنك أجنه و وين انروح
وكلنه اجروح ومتعوبين
الخيل ما رحمت خدرنة وعدنة ازغار
بهيمة ونار مجويين
يا خوية يا خوية
.............
هسه اعله زينب صاحوا غربة
وادور اخوهه وينه ودربة
شافت اخوهه وطايح گلبة
حسين
طايح گليبك يغاتي
كون اشدنة بعباتي
ليش السهام
بصدرك تنام
واندارت ازلام
لعيالنة خوية وبناتي
غريبة اصبح يخوية وانه ام عون
بيه اشلون وانت بعيد
سدو اعليه الدرب والحيرة حسين
واخت حسين ليك تريد
يا خوية ياخوية
...........
تاليهه اركض خوية بهيمة
ضاعت عشيرة احترگت خيمة
تذبح فرگتك شحمل ضيمة
حسين
ماكو صيوان وشماتة
تعاين حسين وخواته
هجوا اطفال
جابوا احبال
عنك انگال
حسين ميگوم لبناتة
كلنة يم طولك عثرنة وطحنه اعليك
والماذيك هذا الماي
ما عرفتك گوة خوية و ماكو رسوم
ولاكو اهدوم مضيعة الراي
يا خوية ياخوية
........
جروحي فدوا كونك سالم
التمت علينه خوية الوادم
بحالي تدري والله العالم
حسين
يا وطن جرحي وكسرته
گلبي واگف من حسرته
صعبة يحسين
دمعة العين
وناس صوبين
بخدي تنزل ما مسحته
السوط ماذيني يخوية وجسمي نحيل
وبيه تعيل هالوادم
مضيعة يحسين وأجيتك ردتك راي
گوم وياي بس سالم
يا خوية يا خوية
#محمد فرج الحريشاوي
الدمع عالخد.. لبو الكاظم
لبسنه اسود.. لبو الكاظـم
بحزن جينه.. وتعنينه
يمولانا يمولانا
~
للمجلس گصدنه ابدمعه سچــــابه
وندري الخير كل الخير يم بـابــه
على الصادق ننوح وننعه لمصابه
ونلطم وبگلبنه الجـــــــمرة لهابة
ابواچينه..حزن تقره
بنواعينه..رضه الزهره
ابحزن جينه.... وتعنينه
يمولانا..يمولانا
~
هاليله ابدلُال الخـــــدم جــــــمره
بالدمعه تواسي الطاهره الزهـــره
التحظر للمجالس شابچه العشره
عالمسومم تبچي وتسچب العبره
منابرنه..حسينيه
شعايرنه..بقيعيه
ابحزن جينه.... وتعنينه
يمولانا يمولانا
~
هاليله الموالي يلطم ويـــــــــــنعه
ويدعي الله تحظر فاطمه البضعه
ويــــــــــــانه تنوح وتذرف الدمعه
وشيعتها اعلى حبها اليله مجتمعة
نصبناهن..مواكبنه
رفعناهن..بيارغنه
ابحزن جينه.... وتعنينه
يمولانا..يمولانا
~
للصادق نحظر مجـــــــلس اقرايه
وعلى اسطوح المنازل نرفع الرايه
العزى صادق العتره نعتني اعنايه
رضا الزهره علينه هاي اهم غايـه
لان شافو..سطع نجمه
احترگ بيته..بلا رحمه
ابحزن جينه.... وتعنينه
يمولانا يمولانا
~
من هاي العـــــــزيه الليله نترجــــه
للمجلس يريته يحـــظر الــــــحجه
لبو صالح تراها اشتاگت المهجـــه
متى يلفي وتضل احبابه مبتهجــه
نضل نشكي..لبوصالح
چبد ذايب..كبـر طايح
ابحزن جينه.... وتعنينه
يمولانا يمولانا
~
حيدر بشار الدراجي
حايره.. والسبي غير لونج
حايره.. بين الخيم وظعونج
حايره.. على الهزل من تروحين
حايره.. بين الغرب لا تبجين
حايره..والبجي عامي اعيونج
حايره.. والسبي غير لونج
فوك الهزل بين الشام
يحدونج انتي الضلام
يازينب مولاتي الله يعينج
ــــــــ
رايحه.. يكسر الخاطر حالج
رايحه.. بالغربه ويه اعيالج
رايحه.. بين الشماته والناس
رايحه.. ستر الله اخت العباس
رايحه.. وماضال اخو اليبرالج
رايحه.. يكسر الخاطر حالج
ماضال اخو يادنياي
اليبرالي طاح الوفاي
يازينب مولاتي الله يعينج
ـــــــــ
راكضه.. فوك الجمر بجدامج
راكضه.. ومحتركه كل اخيامج
ركضه.. ومحتركه كل الخيمات
راكضه.. بين العداه والشمات
راكضه.. كضيت كل ايامج
ركضه.. فوك الجمر بجدامج
ركضه وعطش بين الخيل
وتعبانه مابيه حيل
يازينب مولاتي الله يعينج
ــــــــــــ
طالعه.. بين الزلم والحومه
طالعه.. ومن الركض مالومه
طالعه.. من السبي تعبانه
طالعه.. ومن العطش ذبلانه
طالعه.. وكت الظهر وسمومه
طالعه.. بين الزلم والحومه
بين الزلم بين الناس
طلعت تره اخت العباس
يازينب مولاتي الله يعينج
ـــــــــــــ
علي الحاتمي
گوة اعله روحي اوگف واعثر
شگدر المّن خوية مطشر
صدرك سمعته من اتكسر
حسين
تالي وياجن تصهلن
كافي بحسيني تسحگن
گلبه مشلوع
عطشان ويلوع
كسرتن اضلوع
تروحن بصدرة وتردن
يحسين عافنك أجنه و وين انروح
وكلنه اجروح ومتعوبين
الخيل ما رحمت خدرنة وعدنة ازغار
بهيمة ونار مجويين
يا خوية يا خوية
.............
هسه اعله زينب صاحوا غربة
وادور اخوهه وينه ودربة
شافت اخوهه وطايح گلبة
حسين
طايح گليبك يغاتي
كون اشدنة بعباتي
ليش السهام
بصدرك تنام
واندارت ازلام
لعيالنة خوية وبناتي
غريبة اصبح يخوية وانه ام عون
بيه اشلون وانت بعيد
سدو اعليه الدرب والحيرة حسين
واخت حسين ليك تريد
يا خوية ياخوية
...........
تاليهه اركض خوية بهيمة
ضاعت عشيرة احترگت خيمة
تذبح فرگتك شحمل ضيمة
حسين
ماكو صيوان وشماتة
تعاين حسين وخواته
هجوا اطفال
جابوا احبال
عنك انگال
حسين ميگوم لبناتة
كلنة يم طولك عثرنة وطحنه اعليك
والماذيك هذا الماي
ما عرفتك گوة خوية و ماكو رسوم
ولاكو اهدوم مضيعة الراي
يا خوية ياخوية
........
جروحي فدوا كونك سالم
التمت علينه خوية الوادم
بحالي تدري والله العالم
حسين
يا وطن جرحي وكسرته
گلبي واگف من حسرته
صعبة يحسين
دمعة العين
وناس صوبين
بخدي تنزل ما مسحته
السوط ماذيني يخوية وجسمي نحيل
وبيه تعيل هالوادم
مضيعة يحسين وأجيتك ردتك راي
گوم وياي بس سالم
يا خوية يا خوية
#محمد فرج الحريشاوي
عمه زينب جعفر آني
الصادق وحزنچ عماني
حتى باخر لحظه من عمري بچيتچ
...
بيتي وخيمتچ ياعمه محترگات
واتحملنه من هذا الزمن لوعات
بس الماتصير اشلون علويات
وي ذباح ابوهن مشن مسبيات
وآنه ياعمه بعباتي
امن الحرگ احمي بناتي
وانتي ياوسفه الشمر واصل ثنيتچ
حتى باخر لحضه من عمري بچيتچ
...
من باب امنه وصلتنه يعمه النار
الاصل من السقيفه الضلمو الكرار
امعزبه انتي واجتچ نارهم خطار
وسهم عبدالله اجاچ ابهيئة البسمار
وآنه من شبت عليه
گمت اطفيهه بديه
وبزوايه البيت يمي اتخيليتچ
حته باخر لحضه من عمري بچيتچ
....
عرفت اشصار بالطف من اجه الدخان
وضلت بالغرف تتصارخ النسوان
من شفت الصحابه وفزعة الجيران
ذكرتچ وحدچ حرمه ابوسط عدوان
گمت انوح وراسي محني
لا طحت لا صوط طگني
بس اخذني احساسي إوعالتل لگيتج
حتى باخر لحضه من عمري بچيتچ
...
اذا چبدي انمرد جدي انسحگ صدره
واذا داري احترگ من خيمتج جمره
الحرگ من الله ارجو ايطول بعمره
واضل طول الوكت محروگ عالزهره
مااذب سود الملابس
بيتي بانيه للمجالس
والف لطميه عله المنبر قريتچ
حتى باخر لحضه من عمري بچيتچ
....
اعلمودج بيتي سويته حسينيه
وابوهارون يسعدني بنعاويه
يقرالي واگله اقرالي لطميه
لاكن أقره باللهجه العراقيه
الباچي لحسين ومصابه
لو قدر جنح الذبابه
بالقيامه ايكون ياعمه ابحميتچ
حته باخر لحظه من عمري بچيتچ
....
محمد الجماسي
اللهم عجل لوليك الفرج
#مولاي_الامام_الصادق_ع
#ومعاناة_مولاي_الحسين_ع
تذكرت الصار هناك - لمن محد شالاك
لمن تنظر لخيامك - كلهه حتركت كدامك
لمن محد شالاك
___
النهار اضلم علينه وگمنه نتخيل سويه
اني وبنياتي كلنه تذكرينه الغاضريه
تذكرينه العطش تذكرينه الماي
تذكرينه الحجر جان فوكه هواي
حاديهم مو كواك - يرش ماي اگبال اضماك
وركض المجويه يعور - ماتخطي الشوغه تشور
لمن محد شالاك
_
الماي مايكدر يطفي الگلبه محروگ اعله بيته
جا شلون بگلب اخوها الراحت اعله النوگ اخيته
اعيون ما خله السهر ولا رمش ينطبگ
شلون انام بليلتي وصدري مامر بيه سحگ
الموت بطفهم راداك - تموت ومحد وياك
انه وياي شكد وادم - تمنيت اطلع ماسالم
لمن محد شالاك
___
يا ارماد الباب يشبه رماد الاخيام الي طاحت
تذكرت بنتك رقيه بيوم بويه حسين صاحت
ركض علويه وحبل بلايه ابو وماكو اذراع
ماكو اليحامي الخدر والهوى طوله اشراع
رمل الطف الجواك - تنازع محد غطاك
لا ناصر حته يعينك - والحافر داس ايمينك
لمن محد شالاك
____
فزعه ماكو بيوم عاشر والهوى يعثر العلاوي
زينب من الغربه تعبت وصوتهه نبح بالنعاوي
ناخت النوگ بتعب گبال شمات الناس
صعبه من تنطگ اخت وهيه اخوها العباس
اگبال الهودج دناك - وبرمحه شكد فراك
طاح الراس وماشاله - صاح نعذب بعياله
لمن محد شالاك
_
احبس انفاسي بمصابك واذكر الليله العظيمه
من رحت يم العلاوي وطيحتهن خيمه خيمه
اعـتذاراً للخـيم بنيابه اعله الـنار
جدي من يد شيعتك ثارهن يرجع حار
الله بموتك خلاك - حي ترزق بين اسماك
بكل مجلس نذكر خيرك مانتعاهد وي غيرك
لمن محد شالاك
____
#تمت
#عباس_القلعاوي
#نسألكم_الدعـاء
سيتم نشر قصائد محرم جديد للرجال والنساء وكذلك هناك ديوان جديد سيتم نشره للنساء
/channel/Jafar_Jafar_ssss
مراجل سيد الشهداء
اهـتــزت الگـــاع وخِـســف واديـهـا
اليــوم ابـو الاكـــبر يصـول اعلـيـها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
قـــول هـــو الله أحــد صــار القتال
ضيّـعـت عـين الشمس غيمت نِـبـال
غـصّـت الحـومـه بزلمـها وبالرجــال
نــــار بالـطـف ياغـضـب سـجـيـلـهـا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
زلمه هــذا ينـحـسـب مـنـه الـشـرد
واحد يشــوف الكـتيـبه مـن العـدد
ولاشــجاع هـناك بالحــومه صـمـد
صـــاح بالطـف چـا لـسنـكـم وينـها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غــاص بين اجـمـوها يـطـشـر يلــم
سيـفـه يخـتار الـثـگال مـن الــزلـم
والـعــدل باقــي يـفـز امـن الـحـلـم
اتـلال مـــن اجـسـادهــا مـسـويـهــا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مايسل سـيـفـه عـلـيهــم بس يصيح
سوه دگ اگـلـوبهم ســـرعـة الريـــح
بالمعاره المايلــوحـــه هـــم يطــيـح
بس نـظــرته اتــراجـــفـت رجـلـيـها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ناس بالناس احتمت خيم الخـوف
لازلـمـهـا ولا كــتـايب لا صـــفــوف
حسين بين اخيولها وبين السيوف
والرگــاب بـسـيـفـه مـا يـخـطـيـهـا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الراحت اعله احسين رجعت نادمه
صاحو ادخيلك يبن حامي الحــمه
الكاع صارت حمره من لون الدمـه
عشره عشره بسيفه يگـصـب بيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تعبت المهره وكــثر بيـهـا الـجــروح
يمنه يـســره حسين بالحومه يروح
ماعــرف تاريــخ لاسـجـلــت سـوح
واعـلـه سـافـلـهـا گـلــــب عـالـيـهــا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الهوه من حسين بالطـــف ماعـــبر
رگضه صارت وصلوا الجرف النهر
الطاح يزحف والشمر بالشط شُمر
ابلــون دم أرگــــابـهــم شـاطـيـهــا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇
شهادة جعفر الصادق عليه السلام
رحـــل مظلــوم 00 حبيب ومهجـــة البضعه
ابجبد مسمــوم 00 وجفن مافــارك الدمعـــه
رحل لامه الزجيه 00 امــــام الجعــفــريـــة
ابجفن مافارك الدمعه 00 رحل مظلوم
الدهر بالهم تحزم واسدل آهاتـــــه
على اولاد الزجيه وصب عذاباته
ايتراده ويه النجيب الطيبه جلماته
ويطخ للحارب اهل الغيره هاماته
كضاهه املاوح ابحزنه وجفه ابعتــرة نبينه
يدير بظهـــره للطيـــب ويمد للشر يمينـــــه
عليهم ايــــده خلاهه وابــــد ماشال ادينـــه
ورث من الابو لابنه الهضم عدهم سنينــــه
الدهـــر خــوّان 00 ركز لللصادق ابغدره
ابهضم واحزان 00 تعذّب مهجة الزهــره
وجرع سم المنيه 00 امــــام الجعفــريــة
لزوم من ارد اسولف محنة العتــــره
يكون ابدي ابمصيبة فاطمــه الزهـره
وضلعهه اللي ايتجدد كل وكت كسره
وجرح حامي الحمه المتحزّم ابصبره
وجبد نصه انمرد بالســــــم لكريم اهل النبوه
وعزيــز امه انذبح بالطف يويلي وماتـــروّه
طريح ابلا هدم واخته انسبت من يمّه كـــوّه
وگمر غاب ومشت زينب على الناگه اتچوّه
ومثل هليوم 00 عِله صياح لبني هاشـم
وكع مظلوم 00 يلوج ابسمه ابو الكاظم
ايتكلب عالوطيــــه 00 امام الجعفريه
ابمثل هالليله بدر امن الهواشم طـاح
وغده ابدار النبي حنه وهضم وصياح
وبنات الزهره صار الهن لطم ونياح
بدر للزهره غاب ابطلعـــــــة المصبــاح
امام اللاذت ابكتره العرب بارض المدينـــه
عداله وغيره وامروّه وعلم ينضح جبينــه
يهد من لوعته وحزنه جبل عالي ابونينــه
يحط اعله الكلب جفّه ويناجي امه الحزينه
اجتلـــه هناه 00 الزجيـــه وشمّتـــه ابخــــدّه
وتصيح آحاه 00 على ابني اللي انمرد جبده
احتضر ما بين اديه 00 امام الجعفريه
يوصي الليله بابنه الكاظم المجروح
واوصيته اتهدّم الحيل وتفت الـــروح
يريد ايظل ثلاث اعله الترب مطروح
مثل ماظل سليب اعله الثره المذبوح
وينادي الطالب ابثار الذبيح المهدي باسمه
تمنه ايدركه ابو الكاظم ويصد ابعينه رسمه
ويمدله ايمينه للبيعــه ويقبل ايده ويخدمــه
اليمين الياخذ ابثار الضلع تقبيلـــه نعمـــــه
چــذب يلتـــــام 00 جرح يوم الزجيه امهم
ونواحي الشـام 00 السبوا بدياره عمتهم
وجرح دمعة رقيه 00 امام الجعفرية
خلص عمره ابظلم والدنيـــه غدّاره
تاره ايصبّر ابروحه ويــــــون تــاره
الله ايعين امامي امـن احتــرك داره
ويعايـــــن للهـــيب ودمعــه يتجـــاره
يشوف ابناته تتراكــــض رگــــــد حيله وتــألّــم
وذكر صيوان ابو اليمه ابنواحي الطــف تهـــدّم
وركض عماته بالحومــــه بعد حرك المخيــــــم
وجدم عمته انجوه ابجمر الصواوين ويصب دم
وهجوم الكوم 00 على حسين وصواوينــه
يكع وايكـــوم 00 وتصد صوب الخيم عينه
نختّه الهاشمية 00 امام الجعفرية
ارتجز ناعي الطفوف احزانه جدّدهه
وبجه الصادق واهل بيته الاشد وادهه
طفله اربع سنين من العمر عدهـــه
شحصل يوم النعه الناعي وذكر جدهه
لمن سمعت وكع بالطف ذبيح ابـــــن الزجيه
وكف نبض الكلب عدهه وهوت فوك الوطيه
بديه شال الولي الطفله وذكر غربة رقيــــــه
الحضنت راس ابو اليمه وعليه ماتت رميه
يصيح تهـــــون 00 التموت ويبقه واليهه
واليذبحـــــــون 00 يمها انحور اهاليهــه
وتتم بالطف سبيه 00 امام الجعفرية
احمد الهلباوي
مقطع صوتي من حيدر بشار الدراجي
Читать полностью…
#مقدمه_للامام_جعفر_الصادق ع
عظم الله اجر الامام المنتظر
انعزي غايبــنه نجي هـاي المسـيه
ابليلة استشـــهاد امام الجعـــفريه
ابكلبه تســـــعر ماطفت نار الرزيه
ابمجلس الصـــادق نون ويا سويه
كل موالي اليله دلاله انفــطر
عظم الله اجر الامام المنتظر
°°°°°°°°°°°°°°°°°°°°°°°°°
العلم كله اليــوم عــــن طــلابه غايب
بكاس من سم ياحسـافه چبده ذايب
المهدي الله يعين گلبه اعله المصايب
هدمت گلـــــبه اســـف كثر النـــوايب
منصدع گلبه لجل هذا الخبر
عظم الله اجر الامام المنتظر
°°°°°°°°°°°°°°°°°°°°°°°°°
سادس اهل العتره عن احبابه رايح
وتـارك ابكل بيـت آهـات ونوايـــــح
ابكل بقاع الارض تتنصـب فـــواتح
وكل عزيه بيها واگف ابوصـــــــالح
راسه شيب مارحم گلبه الدهر
عظم الله اجر الامام المنتــظر
°°°°°°°°°°°°°°°°°°°°°°°°°
جعفر الصــادق لمن حرگوله داره
بگلبه مو بالدار ضلت تسري ناره
ذكر عماته البقن بالطف حيــــاره
من دوت خيمتهن وراحن اسـاره
هذا موقف ياخلگ يحني الظهر
عظم الله اجر الامــام المنتــظر
°°°°°°°°°°°°°°°°°°°°°°°°°
گلبه شيب والله ماينقاس صـــــبره
امصــايب اهله لوعــنه وحنن ظهره
باچر بارض البقــيع ايسـوي حضره
ونحضر ابمجلس الصـادق بيها نقره
عينه مامرها الوسن شبعت سهر
عظم الله اجر الامام المنتــــــظر
°°°°°°°°°°°°°°°°°°°°°
✍الخادم
كامل السعيدي
(قصيده لذكرى استشهاد الامام الصادق ع)
عايش بينه عايش بينه
ذكرى امصابك عايش بينه
يالصــــــادق لجـلك ونيـنه
ومأتم لمصــابك منصــوب.
مــن اتمر ذكرى استشهادك
مثل الشمعه اعليك انذوب.
يا ثامـن جـرح الما يشـــفه
كل شيعي ابيومك منكوب.
الما يلطم ويكسـر اضلوعه
امقصـــر وياك اومطــلوب.
التدمع عينه التدمع عينه
تغفــر ذنبه التـــــدمع عينه
©©©©
يامـدرسة الشيعه الكبرى
چـم باب العلمك مفتوح.
هنـــيال اليتعــنه الـدارك
يرجع مـن عنـدك مملوح.
طـــــلابك هاليله اتندبك
كل واحـد منهم مجروح.
ما ينســـونك يا قدوتهم
يالســـاكن بعمــاق الروح.
ماناسينه ماناسينه
نذكر فضلك ماناسينه
©©©©
نفس الكسرو ضلع الزهره
وصـابوها بذاك المســـمار.
دخــلو يا مــــولاي الدارك
بغضـــن شـــــبو بيها النار.
خافو تعلن ضـــدهم ثوره
ويرجــع بيـــــدك ذل فقار.
يالمعروف ابشـدت بأسك
ذليــت اعــروش الفـــجار.
الضدك وينه الضدك وينه
طامس ذكرى الضدك وينه
©©©©
والزهره بهل مجلس تحضر
تلطـــم وتهل دمــع العـــين.
يالمشــــــهد ترويع اطـفالك
مـر ابزينـب والحســـــــنين.
يالمسـموم ابيوم امصـــابك
حــزنن لجـلك دنيـــا ودين.
انس وجن مكسوره الخاطر
وكل انصـــــــارك متــــأذين.
ياوالينه ياوالينه
انوح الفگدك ياولينه
©©©©
نار الهـم ما تبــــرد ســـاعه
وحزنك يتجـــــدد كل يوم.
يالما شايف راحــه ابعمـرك
يالعشـت وميـت مظلــــوم.
ذكـرك ماگــــدرو يمحـــونه
باقي انته وخصمك مهزوم.
رايـه انته وضلت مرفوعـه
ابچف انصـــارك يالمسموم.
ماحبيـنه ماحبيـنه
غيرك وهلك ماحبنيه
©©©©
الخادم
كامل السعيدي
عطش كل گاع صبخة بنحرك تبده
هـد العطش كلـــه ونحرك لوحــده
احب يا كبريائك ذاك وأنت تمـوت
مـــا تــــلتفت لو چـــم نهر يتعـده
گالوا تموت من العطش ما تگدر
يالعطشوك ولسه بــــعدك اخضر
يا خنگتك والعطش مو يم بالك
بـــــس چان بالك كله يم الاكبر
من شفت الاكبر شيبت
والوجع شفته يــلوحك
گـــــدام عيــنك ينذبح
وي روحه طلعت روحك
لـــــمن رحتله تـــعذبت
للخيمة واصل نـــوحك
……………………………………….......
أحـــبك وأنـــت ذاك الما خلص وده
چه شلـــت النده مــــن الــگاع للورده
آنه من اشتاگ اجيك وشوگي يكتل حار
لـــــو چـــلبت بالشباج مـــــا هـــده
وين الگه مثلك بشر گد ما حبني
ادخــل ضريحك منكسر وتلمـني
يلچمني يومية الـــــذبح وآهاتــه
والچــم لو مر يــــوم ما يلچمني
مــن رحت يتمت الخيم
واشتلت كــــل نظــراتك
من صعدوك اعله الرمح
تــتــراكـــض بـــنيـاتـــك
عثرت رقيـة اعله الوجـه
وطشــــــرت بــوساتــك
……………………………………….....
يالبيك العشگ كـــل ما كـــبر يحـله
وانـــــت أول كنز والدنــــيا تنـــدله
اي شي ينكسر صح ماله قيمة يصير
بــــــس اعليك شفت الينكسر يغـله
جرحك هضمنه وبيك تغله الوادم
والمو چريم بدمعه الك مو حاتـم
هالكثر ما شايل محـــنه بگـــلبـك
مــــن تفگد الخدام خادم خـــادم
يحسين يا لـــــب العشگ
يـــــالعايــــش بــحنـيتك
گـــــلولي بالدنـيا شتحب
گـــلــتـلهم حسينـــــيتك
بالصورة اشوفك وانهظم
عطشان شــــو حســيتك
…………………………………….. .....
شلت آخر نحـر نايم بحضن امــه
مو من طبعك وموش أنت التضمه
لـو مـا دمك مسولف ضوة وياليـل
چا مثل الجذر عشت العمر ظلمه
كلمن تعب بالسبي وخلص حيلة
يــل عالرمح بـــس تركض تچيلة
تسمعني لو كثرت عليه همومي
وأنت القريب المن بعيد اشكيلة
فكيــت شبــاچ السهر
مريــــت بــارد نسمـه
وبصدري خليت الهوه
وصدرك الخيل تلجمه
معقولة ما رحموك ابد
واكثــر بشر بي رحمه
...…………………………………….
سبعينك صدك بالطف زلم ترهـب
ريجك من نشف فزعوا گبالك حب
الله يعينك تــــرد للخـــيم ذبــــلان
كــــل ما راح واحـــد ترجع محدب
لـــوحدك ظليت وأنــــــت القائد
يـــا كسرتك وبنصهم آخر واحـد
لا ظل معين ويـــاك لا ظل ناصر
لموا عليك الجيش حتى الشــارد
خضر المو يم الــزرع
والذابلات عيــــــونك
سبحان ربك مبـــتشر
مــــن رادوا يذبحونك
مديت نحرك مبتسم
بـــــس ما تغير لونك
احمد السعيدي
((يالصادق))
يالصادق النــــار ألكــم سجيه
ورثتو النار مــــن باب الزجيه
وبعيـــــونك جرح للفــــاطميه
وصارت دمعتك قصه وقضيه
ومن خيام الحسين
تدمع للجـــرح عين
يالمخنوگ مــــولاي
نارك صفـــت نارين
نارك من تـشب وعيونك تشوف
ادري تذكـريت اخـيام الطـفـوف
نعادت كربله يـم بابك وخــــوف
بس عباس ماكو وماكو الجفوف
يامولاي ابو الكاظم ...
""""""""""""""""""""""""""""""""""""""""""""""""'''""""
صرت بهيئةّ حســـين وغــربته
محنتك يالولي تــشبه محــنته
فوگ اخدودك اتحس بدمعــته
بروحك سيدي افديته ونصرته
منك لـــوعه للماي
وللشمــــات للجاي
للماعــــرفو الـدين
نارك صارت اهواي
يبو سبــعين عام وحيل مهدوم
عمرك خلصيــــته وماشفت نوم
ماكو هلال صار العمر بس صوم
على طف المدامع صرت مهدوم
يامولاي ابو الكاظم ...
""""""""""""""""""""""""""""""""""""""""""""""""'''""""
ترسم بالخيــــال وطفـك احلام
وتشوف الحقيقه وحيل محـتام
تذكر مــن برز بالحسـره جــسام
وعله حايط الذكره ترسم اخيام
لهلك حَنَـتّ الـــروح
يالبصــــفنه مجروح
بيك الــــنوم ميــنام
عايش وانته مذبوح
يا روحك وحــزنك تـــارس الروح
كل ساعه وتشـوف حسين مذبوح
وجن عباس ادري تشوفه مطـروح
نص اليل هــــاجت حيل الجــروح
يامولاي ابو الكاظم ...
""""""""""""""""""""""""""""""""""""""""""""""""'''""""
صاحت منك جـروحك والعيون
يامــــولاي كلشي البيك مدفون
بابـــــك وين صايـر لليـــنوحون
بقيعك هم تون ويّ اليــــــونون
انته بكلشي عنوان
بس مولاي حيـران
مو عطشان للمــاي
للـــــــزوار عطشان
يل برض البقيع الگبر چـا وين
مهدوم وعليك تهــــــدم الدين
الك عيني تصب وانوب الثنين
يل چنك علي يل چنك حسين
يامولاي ابو الكاظم ...
عبد زينب
محمد الابراهيمي
قصيدة الصادق وزينب ع••«»
شور دمعه
عمه زينب •••• عمه زينب
يعمه انه ذكرتچ حرگو الدار
ومن صاحن حرمنه شبت لنار
والله يساعد الضلت بلا غار
عجيبه شلون لميتي •••حيران بااهل بيتي
حيره وكربله هوايه •••وحيده هناك ظليتي
وبس صياح والنسوان حيرانه
شحال جدي من حترگ صيوانه
عمه زينب •••• عمه زينب
&&&&&&&&&&&&&&&&&&&&&&&&&
وموقف ثاني يعصرني ويإلمني
محد طگني ياعمه ويجر اذني
لاوحده السبوهه ولاشمر طگني
بس انتن غرايب ليش•محتار بحرگ ولجيش
ومحد عاين الحالچ ••• ولا واحد يكلهم ليش
حيره تحيرت بالدار مو هيمه
ولاحرمه نچوت ياعمه بالخيمه
عمه زينب •••• عمه زينب
&&&&&&&&&&&&&&&&&&&&&&&&&
ومن حرگو عليه الدار فزعولي
اكلهم عمتي وهينه يگلولي
العرب كلهه يعمه ماي جابولي
محد فزع الخايمچ ••• بس الشمر گدامچ
لوصحتي يطگچ حيل••هضيمه لدار بيامچ
اقارن بالخيم والدار ماتصفه
ومانوصل شبر للخدره مايغفه
عمه زينب •••• عمه زينب
&&&&&&&&&&&&&&&&&&&&&&&&&
شسولفلچ بعد والحيره ياحيره
ومحد طگهن وعاين على زغيره
بس يمچ هضيمه وماكو كل غيره
حاير والدمع يجري •••ذكرتچ والله ياعمري
متعوب ورگد حيلي••عليچ الحسره لبصدري
وگالو تنحب اعله الدار والبيهه
بقت زينب وحيده وعيني اعليهه
عمه زينب •••• عمه زينب
&&&&&&&&&&&&&&&&&&&&&&&&&
حرگو داري وعله الدار مامهتم
بس همي اعله خدرچ مابعد يسلم
والاكثر لچمني العدو ما يرحم
اصدن داري بالنوح••وتفز جروحي بجروح
ياعين الغفت بعدچ ••• وبيچ معلگه الروح
اشوفچ مو حلم من طگو متونچ
ياوسفه النذل يسطرهن العيونچ
عمه زينب •••• عمه زينب
&&&&&&&&&&&&&&&&&&&&&&&&&
ماعندي مره ركضت بنص هيمه
ولا عندي زغيره وگالو ايتيمه
بس ذيچه رقيه امتربه بضيمه
وسلبو منهه ترجيه ••• وما رحمو بعلويه
عليچن يركض بسوطه••متعوبه وعطش ريه
هضيمه حسين فوگ لگاع يطشر
وباچر السبي گالو يربي استر
عمه زينب •••• عمه زينب
&&&&&&&&&&&&&&&&&&&&&&&&&
خادم الحسين ع
مهند العايدي
تمت بفضل الله وال محمد ع
نسالكم الدعاء