4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
ابوذيات لشهادة صادق ال محمد ع
الصار العليك يبن الطهر. وجرة
نارك بالگلب تلتهب. وجرة
ترس كل جفن دمع العين وجرة
لمن جفنك غمض هاي المسية
عدنه ويالزمن تبقه. طلابة
ضالم والحقد وجها. طلابة
الصادق من رحل رحلوا طلابة
عموا من ر حل نور الله ونبية
ساتر جفن عيني اعليك. هدما.
الدمع من رحت هدم بيوت هدما
اليشگ عليك موبطران. هدما
يصادقنة يرمز الجعفرية
گبرك بالگلب والعين. لبنه
وبحيث من الونين يكون لبنه
عطاشة الشوفتك وبشوگ لينه
شيردك يالخذك چف المنية
بچينة شگد عله فراگك. وبهلاك
سم اعداك من غير. ويهلاك
اليعوفك سيدي يندم ويهلاك
يسر الله اعله كل هاي البرية
اسألكم الدعاء
خادم ابي الاحرار
ضياء الكناني
الفرگة صعبة
اشلون بيه وفارگتهم
الدنيا غربة
عالهزيلة تروح اختهم
وينه دربة.
وين اخوتي ضيعتهم
يمتعب گلب زينب وين انت يشوف العين
وگف گلبي وفگدت الراي ونفس مگطوع ماهو الزين
دربي اعليك يا خوية ينقاس بعمر خمسين
من ركضت خيول العدة
اتدافع آنه اويه السحگ
ياهو الذي يوصل الك
يم صدرگ وتشبع شبگ
هم سامع بحرمة گبل
وي الخيول تركض صدگ.
على زينب وا ويلاه
آنه اختكم
يا هلي جنكم نسيتوا
من ردتكم
عالسفر كلكم نويتوا
ناطرتكم
اعليه حيل اتعطليتوا
حن گلبي وانت ادره الحنين يموت من يشتاگ
اريد اعتب حرت اعتب اعله الخيل لو ع الراگ
كاتلني العطش والحر بالريه النفس شو ضاگ
جا ضايگ بنحرك رمح
وانه الهوئ اشلون واشم
متوذر انت اعله الترب
فوگك تهوس هل الزلم
يالمنتجي اعله النبل
فحطانة هم عندك علم
علي زينب وا ويلاه
ويلي تعبي
ضاع بخيول السحگ
هذا گلبي
خوية واگف ما يدگ
اشلون ربي
مات وشفافة زرگ
انه ادري اليريد يموت يشرب ماي يتمدد
بس حسين لمن طاح تسحگة الخيل تتقصد
جبت النار يم صدرة لگيت النار منه ابرد
من السحگ صدرة جمر
شفته يلوع امن العطش
هذا الفرات حرموا عليه
ولسانة ناشف وانهش
اصفر لگيته اعله الرمل
وبس النحر گلبي انخمش
على زينب وا ويلاه
عل الهزيلة
وانه حرمة وطلعوني
بذمتي عيلة
وانه وحدي وجتفوني
يمة ليلة
والفجر منه خذوني
بنص السوگ صاحوا ذول خوارج والحرم للسوم
كلهه اتباوع اعلينه مو نضرات جنهه سموم
انخزينة امن النظر والله والفشلة لهذا اليوم
بنت النبي واشرف مرة
دخلت قصر ذاك اللعين
جابوا طشت مغطة بدمة
صديته لن راس الحسين
طاحت عليه ارقية بدمع
ماتت عليه وامدمعة عين
#محمد فرج الحريشاوي
شهادة مولانا سيد الشهداء عم الرسول صلوات الله عليه وعلى آله مولانا الحمزه صلوات الله وسلامه عليه
حمزه عنوان الرجوله
ولفظ اسمك لليندبونه حمه
يا شجاع الله ورسوله
ولا بواكي اتليق بيك الا بدمه
سر صعب محد يگوله
النفسه طه يصير ناعي لمأتمه
يا شرف محد ينوله
تراب گبرك صار سبحة لفاطمه
______
يالضويت بلون نجمه
چان بيمينك يمحلاه العلم
بيّنت بالدين ثَلمه
لان بيك الدين مولاي انلزم
ريش البصدرك تدمه
والعيون عليك هل مدمعها دم
بگلبك صواب شيلمه؟
وبگلب طه وعلي اندار الالم
______
رمحك اشتاگ لچفوفك
آه يا عم الرسول وأسَده
طحت والهادي يطوفك
وكبّر بسبعين مره لوحده
حمزه يمخوف اليشوفك
چبدك أتگطع وهند امعيده
رددت زينب حروفك
يوم حارت ماكو حامي تناشده
______
بالغدر حيف المنيه
وبحقدهم ولِو جسمك من طحت
رادتك تشوفك صفيه
وانته بسيوف الضغينه اتشيعت
والنبي گلهم أذيه
تشوف اخوها أگبالها بدمه الاخت
اشحالها البالغاضريه
على حسين شلون وگفت لو شفت
______
اللهم عجل لوليك الفرج
/channel/murttdaalyasre
ميمر ( جعفري ) مجنس إلى الامام جعفر الصادق عليه السلام
يالتنشــد أعليــه منيــن
شيعي وأمامــي جعفــر
*
تنشــد علّــّي گلبـــي سـؤالك مله
أهوى شخص تعرفني من يا مله
هاك استمـــع لكن أبصــوت المـلا
من منظري الدم جعفري
حب حيدره يظل مصدري
ما أبــدل أبحـب الإل
كنوز الأرض والجوهر
**
بجعفــر الصــادق تعلّه دوم الرايــه
يا مــذهب الما درس علمــه و رايه
من الزغــر شهگــت غرامــه الريــه
شهگت عشگ وگلبي يدگ
جعفري ابقى من صدگ
وما اعوفه ابدن للموت
لــو ينگطع هل المنحر
*
كــل الحقــد يالناصبــي مــن جــدك
واعـرف هزل طبعك تره مــن جـدك
جد واجتهد شنو الربـــح مــن جدك
خذ مايلي واسمع الي
ما تدخل الجنه وعلي
يــا جنه گلــي الوعدوك
وچم جيل بيها اتقشمر
****
وارث عشگهم مــن أبي مــن جـدي
جديت انه وكــل الربــح مــن جدي
لا مو هزل اخذ الحجي مـن جــدي
بلا حيدره خير الورى
لا جنه يــوم الاخره
الجنــه تــره بالكــرار
صدگ أبغيره تخسـر
*
اربعطـعــش الهــم بصمـت أبعشـره
وعشرة عشگهم ما أمل هل العشره
بــالك تگلـــي أمبشــريــن العشــره
يا عشره اجب اقره الكتب
تسعه تراهم بالچذب
أواحد فقط بس معروف
لــو رايــد اقـــره المصدر
*
مـــا اتبـــع أهـــل الشــرك لا غيّها
شما تلغي ثق مـــا استمـــع لاغيها
بـــس جعفــر وغيره تـــره لاغيها
يظل مذهبي لا ما أبي
غيره ولا لذ مشربي
الشارب عشگ حب الآل
گلبه يظل غصن اخضر
*
الشاعر
موسى البديري
تربت وناس غطاها التراب
طب عليهم ابن شيال الأبواب
فوك نهر العلكمي شمر الروس
ماتلثم بل عرك ذب الانكاب
ابن حيدر هاذ طاب
الزلم ضلت بس ركب
*"***********************
يوم سابع نزل سبع الكنطره
الله يستر صار يوم الاخره
تنخت ب عباس سكنه تريد ماي
مايرد للكاع كام ليشمره
ليوصلك ضل مايرد
لسيف بركبهم يحد
*"*********************
غضب العباس وتنخه بحسين
لزامطوك انوب رادو شاردين
هوه ياهو يشوف وجه يموت خوف
نفر وي سبعين مامتراهمين
برز ولناس اشردت
لخيل بلكاع نطوت
***********************
راية العباس تنعد بالزلم
خذت من عباس اطباع وشيم
سيفه بيده رايته تطش الرؤوس
وضلوعهم من گد ثگلها تنهشم
ابو فاضل من غضب
رايته تگطع رگب
**********************
محمد عيسى المنصوري
مقطع صوتي من حيدر بشار الدراجي
Читать полностью…
الخدمه شرفنه ٠٠ وبيهه انعرفنه
اليوم القيامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
الراية محرم .. مشتاگه العيون
سوده اشحلاها .. اتسر الينظرون
شدينا الحزام .. وتحزمينه
وي ربع الحسين .. نعمه التقينه
الخدمه الشريفه ٠٠ اقدس وظيفه
بيهه انتسامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
هاي السنه هواي .. يهل العزيه
شدو العزم زين .. يالجعفريه
نريد التنافس.. بين الخدم هاي
عالسفره ياهو .. ليوزع الماي
انجدد عهدنه ٠٠ لا ما بردنه
وهاي الخدامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
هالخدمه توفيق .. من ام الحسين
توفقه الزچيه .. اليخدم يطيبين
هاي الخدامه .. تعرف اهلها
موياهو الچان .. بتوفق الها
وبهل مجالس ٠٠ محله التنافس
درب السلامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
ابفضله علينه .. خلانه خدام
ونخدم سويه .. ساده ويعوام
بين الخلگ هاي .. هوه ارتضانه
وخله العزائات .. كل ملتقانه
بفضله ونعمته ٠٠ شفنه خِدمته
الدمع التهامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
ياربي للموت .. ثبت گلبنه
ونخدمه كل عام .. احنه وولدنه
وبهل عمل هاذ .. نرضي الزچيه
ونخدمه بخلاص .. وبصافي نيه
حسين اليخدمه ٠٠ وبدفتر امه
ايعلي مقامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
ونندب يموعود .. ياصاحب الثار
ياساعه تظهر .. وتكحل الانظار
يالمهدي ماحان .. امرك يغايب
وبثار الحسين .. ترجع تطالب
وبيوم الظهور ٠٠ كل موكب ايزور
اگبور الامامه ٠٠ هيبه وكرامه
وبيهه انعرفنه
ـــــــــــــــــــــــــــــــــــــــــــــــ
حيدر بشار الدراجي
يا هيبة امير المؤمنين مدد
___
يبن امي اشلون .. امشي ابلياك
المفروض ام عون .. مذبوحه وياك
شلت ايديه امن الهزلّ
بس حبل ايدي المايقبل .. ومحسوب اوداع
غارن ياويلي اعيونك
راح امشي واحمي اضعونك .. وجروح امتاع..
اعذرني يمكم ما متت
لا شيعيناكم
لا متنه وياكم
ورحنه بلياكم
فوك الترب كلبي عفت
الحادي حرك دمي
كتله الاخو مرمي
نزلني لابن امي
___
اطمن يحسين .. اعيالك وياي
انطيهم عين .. لو رادو ماي
اوياي اعيالك مامونه
جرحك يحسين اشلونه .. لتهم النه
خويه الكوفه اوصلناها
واختك ابنك وياها .. ما يهملنه
انته اهتم بجرحك بعد
لا تهتم اعليه
والبيك مابيه
الف وتسعميه
خويه العدو بينه زهد
ومحد اجه وكايل
هودجها ضل مايل
فشله امن ابو فاضل
____
مجروحة حيل .. ومجروح احساس
من كد الخيل .. ومن كد الناس
انته الخيل امتعبتك
والناس التجرح اختك .. ابلا شيمه وراي
زينب زينب كلشي يصيح
الطفل الضايع واللي يطيح .. والراد الماي
مرعوبه اطفال الضعن
ومستغربه الحاله
ومحد اجه اباله
تحدينه جتاله
لا وين ودانه الزمن
للشام ووداني
ومحتاجه خواني
والموت ماجاني
__
محنيه النوك .. وكلبي اشكد مات
كاتلني السوك .. وباب الساعات
متعوبه ومحد جاني
يحسين وكلبي امتاني .. تلفون اليوم
اشكد اكعد واتمنه اتمر
ويكتل ياليل الينطر .. ما يهده النوم
المفروض ميته بالخيم
ولا اوصل اهنانه
وماكو اخو ويانه
تعبانه تعبانه
لا انته لا راعي العلم
والوالي من دونه
للشام جابونه
بخرابه خلونه
___
علي رضا المحمداوي
تربت وناس غطاها التراب
طب عليهم ابن شيال الأبواب
فوك نهر العلكمي شمر الروس
ماتلثم بل عرك ذب الانكاب
ابن حيدر هاذ طاب
الزلم ضلت بس ركب
*"***********************
يوم سابع نزل سبع الكنطره
الله يستر صار يوم الاخره
تنخت ب عباس سكنه تريد ماي
مايرد للكاع كام ليشمره
ليوصلك ضل مايرد
لسيف بركبهم يحد
*"*********************
غضب العباس وتنخه بحسين
لزامطوك انوب رادو شاردين
هوه ياهو يشوف وجه يموت خوف
نفر وي سبعين مامتراهمين
برز ولناس اشردت
لخيل بلكاع نطوت
***********************
راية العباس تنعد بالزلم
خذت من عباس اطباع وشيم
سيفه بيده رايته تطش الرؤوس
وضلوعهم من گد ثگلها تنهشم
ابو فاضل من غضب
رايته تگطع رگب
**********************
محمد عيسى المنصوري
من طحتوا ومشيتوا طاحت الدمعة
جا گلبي منو يسمعة هوى وشمعة
يطفيني وأنه اتلمس ضوة حسين
شيردك عدل وتگوم وانضر جاي
عطشانه عليك اهواي موش الماي
الذبلني ادورك جا طحت وين
جا وينك
الصيوان دونك خلة
وبعينك
تشوف حرمة بالفلة
وسنينك
منك خذت كربلة
لميت حيلي واجيت خيول عشرة لگيت
رگضت صوب الوگع
ولوحدي اتحيريت ما الحگة
تعبني حيل المهر فحطانة بنص ضُهر
طايح بين العدة
والخيل هدت صدر وتسحگة
وا ويلاه وا ويلاه
___
مشدوهه وركضت اعليك بالهيمة
اريد اشگيلك الخيمة على الشيمة
محترگة وركض طلعن نساوين
حرت اوصلك ومدري ارد ردود
جمر صاير ترة العامود لطمت خدود
يا حيرة اخيتك خوية يحسين
الحيرة
رجلية تروح وترد
اجبيرة
يا جرح گلي اشد
اتديرة
لياهي هسه وتصد
جروح فوگ الالف ياهوه اشدة والف
عالهيمة دمك وگع
مكسور منك جتف بالعاشر
ماخذ حيلي الدرب ناشف دم الگلب
بعروگي الدم جمر
ودموع عيني تصب يالحاير
وا ويلاه وا ويلاه
_
بالحافر شفت ضلعك ترة مجلب
وادم ثوبك تسلّب حرت شحسب
جم واحد هجم لو حافر يغير
گلت ارجع الم اطفالي واحميهم
شفت واحد يطگ بيهم باساميهم
صحتلهم واخيتك بيمن تحير
اطفالك
ركضت عز الضهر
ابرالك
لو ابرة آنه الخدر
شيجرالك
هم يجري بيه كسر
مكسورة عگبك طحت واعليك خوية صحت
لو باقي حيل انتهض
مطروح خوية گلت بالهيمة
جا هسه ياهو الي ياخوية يابن علي
اختك ترة مدوهنة
شبيدي وينطر سبي يا ضيمة
وا ويلاه وا ويلاه
_
تتگلب اعوفك ع الرمل مطروح
تراهي اختك مشت وتنوح يالمذبوح
هاي النوگ ما تقبل ترد ليك
اذب روحي ولجن بحبال مجتوفة
الحرم هم بيه مصفوفة گلت شوفه
اخير اوداع عالهزل واخليك
عالهزلة
وروحي يمك بقت
مو سهلة
اختك عنك مشت
والطفلة
عالراس خوية بجت
يا نوگ وسفة الغرب يحدون بيه بدرب
وللشام نمشي وشمس
وراس اخوي انسلب يا رمحة
جروح نمشي بهزل والشام لا مو سهل
مخزية من النضر
ضعني لتضن عدل من جرحة
#محمد فرج الحريشاوي
رد لينه مهرك منجرح
وبعينه منضر للذبح
ما حاجة للعاشگ شرح
گمنه وركضنه وعا الخد لطمنه. بلكي نلحگ اعليك
لمن وصلنه. يا خوية شفنه. طبع الحوافر بيك
يا بو رقية بنحرك ذبحت احلام
وي دم وريدك طاحت يخوية ايتام
هاهية. العشرة انتهت هاهية
مگضية. ما ترهم بمگضية
لو بية. وياك انذبح لو بية
__
يابو علي وزينب اجت
بليل اعله نحرك وانحنت
مو عني تنگال النست
باجر اعوفك. خليني اشوفك. لا يطفه بيه الشوف
بداعة حروفك لمني بجفوفك. لا يحتويني الخوف
يابو المحنة الباجر تروح وياك
هضمة برجلهم ينداس اثر ممشاك
گالوها المنها خفت گالوها
طلعوها لبوة علي وجتفوها
وشَوفوها راس الگمر شوفها
____
هضمة وعلي عشرة عمر
من تنتهي بلمحة شمر
مو كلشي يتداوه بصبر
تذكر زغرنه. وذيج المحنه. سوالفنه كلها احساس
شتاني منها. الفتحت جفنها. وشافتّك ابلا راس
يچويني دمعي ودمع الهجر مو ماي
امشي واباوع انسى انت مو وياي
حسبالي تخلص سنيني يمك
بس تالي انصبغت عباتي بدمك
جتّالي مو انت لكن همك
__
حاچيني بس ارد افتهم
شيخسر بنادم حلم
صعبة العزيز ايضل رسم
مرني اعله غفلة. سويها لله. وفرح گلب مجروح
اختك واريدك. خل ايدي بيدك مر يا شريج الروح
ردت الشفاعة يحسيني هجرك نار
هضمة التحبه ايضل منه بس تذكار
يم گبرك لمة عبي التمينه
يلنحرك ما خله دمعة اعلينه
شيصبرك من نبچي يابو سكينة
___
وحشة العمر ما بي مثل
طيبة گليبك يا نفل
مو حگي ابچي أمن انسل
چنه سوية نزور الزجية. من نعتنيها نزور
وخلاني دهرك. ابجي اعله گبرك. واشعل شمع وبخور
وسفة الي مثلك يرحل بلا تشييع
الدلانه بالله نسوانه ليش تضييع
غاليتك. ردت تگود الدمعة
وابيتك. نصبت عزية وتنعه
متانيتك. بس تدري مامش رجعة
سيد انور الموسوي
((مشونه))
مشونه يخويه حسين
ظلمه بدرب مامسحوگ
حجر والنوگ تتعثر
براسك گمت احلف النوگ
نمنه وفززانه السوط
بس فززني اني الشوگ
مسبيه تگلي الناس
وكلام الماهو خويه يلوگ
موش براضه من يحدون
ركض ياخويه ويركضون
هزله وتركض بيا حال
كلهه تصيح عمه شلون
خويه حسين خويه حسين
**
الأخرس هم يسب بيه
خويه من الشتم مليت
طبيت بقصر يحسين
بس شلون من طبيت
شمات وسوالف بيع
وآنه بروحي من ونيت
ضلو كلهم يضحكون
ميته وياك وتمنيت
لا عربان لاخيرين
هذا الحال خويه حسين
يغثون الحرم عباس
من گالو گمركم وين
خويه حسين خويه حسين
**
شابت روسنه من الشوف
كلهه تباوع اعلينه
ندَنگ ننضرب بالسوط
نگوم أطيح رجيلنه
تعال وشوف بينه شصار
المايسوه يسب بينه
سكنه تصيح راح نموت
تعال وشاهد سكينه
عصرت روحي الخنگه
رقيه براسهه الطگه
تتباوعلي ومتگول
ضليت اسمع الشهگه
خويه حسين خويه حسين
**
ضعن ويصيح بويه حسين
متت يلي خذت حيلي
ادري شبيهم يضحكون
أهل الشام ياويلي
وگفونه ثلث أيام
ودمع الراس يحچيلي
وتاليهه الخدر بقصور
نهاري وياكل بليلي
كل لمه العلي تمرگ
يشتم هذا هذا يطگ
كبرني يخويه الشام
غابت شمسي ماتشرگ
خويه حسين خويه حسين
**
الطفل من يبچي شيسكته
كون ايريد ماهيته
رقيه تريدك وتصرخ
وحزني بروحي ضميته
وجابوا راسك بدمه
گبلهه كون شميته
حزن كل البشر بيه
ماتت وآنه ماميته
يبست ورگت الحنه
وعجنوها بدمع ونه
جبتلك ثوبها المتعوب
أيس وأگطع الضنه
خويه حسين خويه حسين
عبد زينب
محمد الابراهيمي
((تحچيلي))
عن ياهي تحچيلي
يــــا رمله تـــچيلي
الطف أخذ حيـــلي .. وحُسين
"""""""""""""""""""""""""""""""""""''''''''''''
احچيـــــلي عــن جرح الولد
وراح احچي عن گلبي انمرد
وعن متني مــــــاطايب بعد
بالسوط وبچعب الـــــــرمح
انطيني چفـــچ وانتچي
مابيه حتى اعله الحچي
براسي صفت ونه وبچي
وبراسي نيشان الجـــرح
منين ابدي من يامشكله
من الخيم من حــــــرمله
لو مـــــــن عذابي بكربله
لومن سحگ لومن الذبح
هوايه وشعددهن
ما أگدر احسـبهن
والنــــــــار أولـهن ... وحسين
"""""""""""""""""""""""""""""""""""''''''''''''
تذكرين يــــارمله الضــعن
من چان ابــو فاضل وطن
من يمشي يمه ابن الحسن
ومنــــاطر ابنــــــچ للعرس
وحَسبنه نعلگ شمـعته
ونحني چـــفه بحـــنته
وتفرح الدنيــــا بــزفته
كل الحچي راح منمس
بلوه ومصايب قصـــتچ
والعرس صار بدمعـــتچ
ويبست الحنه بحسرتچ
واحترگت الحنه بشمس
رمله انتي ملچومه
بس انــــه مهدومه
من رحت للحــومه .. وحُسين
"""""""""""""""""""""""""""""""""""''''''''''''
للحومه رحــت بـــيا دمع
شفت النحر شفت الصبع
وسمعت طگات الضــــلع
داسنه بس بعـــده عــدل
يوميلي وآنـــــه بدمعتي
وأعثر وأگــــوم بطيحتي
گــلالي زيــــنب عيــــلتي
ياخويه صعبه اعله الهزل
من الخوفه ياخيه متت
ردت آنه أجره مگــدرت
الخيل اجتني وميــــلت
صعبه وجرح ماينــحمل
يا يبســت لسانه
والكلمه عطشانه
بس آنه ولهـــانه .. وحُسين
"""""""""""""""""""""""""""""""""""''''''''''''
شحچي وشسولف يا أمر
لحد هسه ماطاب الجــمر
ولا سوط طاب من الشمر
من فزعو بحرگ الخــــيم
والنار خيه أمــــــولعه
وبعيده عني المشرعه
وآنه غريبه مضــــيعه
يم النهر راعي العــلم
ياهو اليــــــگله عيلتك
احترگت بنص خيمتك
هلبت نشـاهد فــزعتك
والنار بذيال الحـــــرم
والناس چـــــتاله
ياخويه خـــــياله
بس شاهد الحاله .. وحُسين
"""""""""""""""""""""""""""""""""""''''''''''''
شما احچي مايهده الگلب
من نمنه خيه اعـله الترب
والغـــربه للخــــيمه تطب
ماعدنه لا والـــــي وحمه
ياليلة الحـــــادي عشر
الخوف بالعـيله انتشر
صارت قيامه والحشر
من ألتفت كلها دمـــــه
مرعوبه عيله من السده
وعلينه بسيـــــاط العده
بس العليــــل الــــوحده
وينادي يــــمه فــــاطمه
مايگدر ايحامي
متعلل وضــامي
والنار بخــيامي .. وحُسين
عبد زينب
محمد الابراهيمي
((زلم حسين))
عمايم بيض والساده
زلم حسيــن وأولاده ... طبو للحرب
"""""""""""""""""""""""""""''''''''''''"""""
عون وجعفر عيون الرجوله
اولاد ابو طـــالب ذوله ذوله
موت وبالعشگ ياناس سوله
جون يصبح كل شارب ننوله
زلــم وزيـاده وزياده
زلم حسيــن وأولاده ... طبو للحرب
"""""""""""""""""""""""""""''''''''''''"""""
شوذب والطـــرماح البساله
ذولي الفـتيه من الله حلاله
صعدو عالنجوم ومن خلاله
زهير يگول منعوفه مُحــاله
ونـعـم للـدين هداده
زلم حسيــن وأولاده ... طبو للحرب
"""""""""""""""""""""""""""''''''''''''"""""
الحر وعابس السبع المثاني
ضربو بالعشگ اجمل معاني
برير يصيح مولاي وكــياني
أحبك يالعفت لجلك زمـاني
كلـــهم عـالزمن قاده
زلم حسيــن وأولاده ... طبو للحرب
"""""""""""""""""""""""""""''''''''''''"""""
وهب من ألتقى بعشگه وحبيبه
عالتربه سجد شو (ذب) صليبه
حسين يگول يــالطــاهر حليبه
برز والجيش طــايح بالمصيبه
گطعهم گطعتّ أگلاده
زلم حسيــــن وأولاده ... طبو للحرب
"""""""""""""""""""""""""""''''''''''''"""""
چبير وملتهي يشد الحواجب
بس لَمن برز سَوه العـــجـايب
حبيب أبن مضاهر والكـتايب
كتايب صارت وجوه الترايب
المعسكر صار مشراده
زلــم حسيــن وأولاده ... طبو للحرب
"""""""""""""""""""""""""""''''''''''''"""""
جــاســم حنته بچــفه ويقاتل
وبصـفه ويـبـاريله ابــو فاضل
الاكبر صار يمهم هـذا حــاصل
هدوء الحومه ضل محد ينازل
هـــاي الـــزلم صياده
زلـم حسيــن وأولاده ... طبو للحرب
عبد زينب
محمد الابراهيمي
عابـــس بالغرام .. وجــدان الذهب
ومرسال السلام .. بچـــفوفه وهب
عريس الطفوف .. وبگـــلبه يشوف
عنـوان الــهــيام .. وأحساس الأدب
طباهم ... صگر الشيم
هداهم ... جيش انهدم
ساواهم ... بيده العلم ... حبيبي
مايرجع ... مازل جدِم
مايخضع ... واگف شهم
ضل يسمع ... تبچي الزلم ... حبيبي
مولاي
مولاي ... أباعبدلله
"""""""""""""""""""""""""""''''''''''''""""""""
وبشـيبه الورود .. نبـــــراس القيَم
اخلاص وخلود .. حــــارس للخيم
بالنضـره قريب .. بن ضاهر حبيب
وبروحه يجـود .. ويـــــصد السهم
بجـروحه ... يشد العشگ
وبــروحه ... عطر الحرگ
مسموحه ... بثوبه يشـگ ... حبيبي
ترتيــبه ... بحبه انسجن
وبشيبه ... ضــل مرتهن
بالهيـبه ... نور وشــجن ... حبيبي
مولاي
مولاي ... أباعبدلله
"""""""""""""""""""""""""""''''''''''''""""""""
يـــتلـــــوه بُــريرّ .. من حبه أنچوى
لا تضــلم زهـــير .. زهـــرائي الهوى
ناصر بالــوفــــاء .. نورس كـــربلاء
وعالضامي يحير .. تشــــهد نينوى
زهرائـــي ... چــــان الهوى
نورائـــي ... ويطش ضوى
عشگائي ... يحـب حيدري ... حبيبي
عـنوانه ... شيعي ومحب
ميدانـه ... بســـيفه يذب
وجدانه ... كلــــش عذب ... حبيبي
مولاي
مولاي ... أباعبدلله
"""""""""""""""""""""""""""''''''''''''""""""""
والــــــناصر هِــلال .. يضـــهر يختفي
يتــــــلگه النـــــبال .. بعـــيونه الـوفي
سل سيف الشجون .. ويطعن بالعيون
مــــــن گـــــله تعال .. يـركض محتفي
من گله ... ليـــلك جَملّ
ويسئله ... بحبه ارتجل
مامـــله ... دربـــك أَمَلّ ... حبيبي
وسنيني ... شتـسوه بعد
خلــيني ... لــو (هز) مهد
ياعيني ... وعشگي أنولد ... حبيبي
مولاي
مولاي ... أباعبدلله
عبد زينب
محمد الابراهيمي
المنضر شده بالي
تتراكض اطفالي
الدخان من داري
وما تنطفي ناري
واتذكرت عمتي .. واتذكرت عمتي
************************
النار حرگتهه دياري والاطفال اتراكضت
وراح بالي ليوم عاشر عمتي بعون اعثرت
خيامهه تلهب النار وهيه ع التل اصعدت
بصوت مبحوح بتعبهه وين اخويه صيحت
تركض من النار للدم
وبگفاهه تركض اطفال
الايه لو سورتهه ضاعت
الغريبه عليهه تنكال
زينب الم عمري
المنضر زرع كسري
مشدوه بافكاري
وما تنطفي ناري
واتذكرت عمتي .. واتذكرت عمتي
**
بعيني مو بيتي احترك لا چن خيامي
وغمضت عيني وشفت طيحة امامي
ع التراب الحار طاح وريجه ضامي
وخيل داست فوگ صدره بلا محامي
ابن الامه اسمهه
كوثر وتسقي الجنان
من الگفه ذبحوله نحره
وطاح وهوه عطشان
يا حيرة اجروحي
لا مايفض نوحي
من لحدي لصياري
وما تنطفي ناري
واتذكرت عمتي .. واتذكرت عمتي
****
ضلمة عيني بكثر ما شوف دخان
وراح فكري بعيني صار البيت صيوان
وعفت بيتي صرت ادور وانه لهفان
بلكي هنانه الگه حسين عطشان
گمت اتلفت وادور
بلكي الگه حسين جدي
وماي من عندي اشربه
وما اشوفن دمه يدي
يمصيبة العاشر
عافت حزن عامر
بيه الجرح ساري
وما تنطفي ناري
واتذكرت عمتي .. واتذكرت عمتي
****
شحة الفزعه عل بيتي المحترگ نار
انسدت البيبان كلهه وما فزع جار
اتذكرت جدي بغربته عاش محتار
من شاف الحرم طلعتهه ب انهار
حيرة حسين عل خدره
عشت بيهه اليوم ضايع
لكربله دخان بيتي
وصل بس ما لاگه فازع
بينه الظلم حاير
جم عاشر الصاير
هم ما فزع جاري
وما تنطفي ناري
واتذكرت عمتي .. واتذكرت عمتي
**********
من اول جرح عاشت بيه العيون
لهسه اذكر خيم واطفال يبچون
خيم راعيهه الله و ترزق الكون
بس افتر زمنهه ومالگت عون
الخيم چانت رزق الله
وتنطي كلشي في سبيله
وتالي حرگوهه بضماهه
وذبحو الخيمه الثجيله
اليعطش شرب يلگه
وعماتي بالملگه
عطشن بالصحاري
وما تنطفي ناري
واتذكرت عمتي .. واتذكرت عمتي
الحمدالله
احمد نبيل العبودي
شدو محاملهن وجن يم المحامل
يم رايت الكافل حجن عفنه المنازل
رحلت الحب والغرام .. تنتهي بحرك الخيام
اول محطات السفر ناكه وعليه يرف لوه فوك النياك اتشاورن وهمس الحجي يطلعه الهوه
كل وحده محمله وحجن ونضرتهن الزينب سوه ياعمة زينب كافلج خل ينشر علينة الضوة
عمة النهار بلا كمر جن بوكت ليل
من دونة يرعبنه السفر وتخوف الخيل
سفرة هاي امن الدلال تنتهي بحرك الخيام ياابو فاضل
طلعن فواطم واضعنن والحادي عباس الكمر كالن سفر مابي عطش شايل علئ امتونة نهر
سفرتهن الطف كربلاء لا دمعة بيهة ولا كدر ماي بجربتة ورايته فئي بيهة عن حر السفر
فئي رايت الكافل وأطن واجمل مدينة
تكطر ربيع اعلئ الضعن حلوة الضعينة
بلسفر ضحكة كلام تنتهي بحرك الخيام
عين الاهل ترعئ الحرم مو عين اجانب بلدرب خيمتهن شما مرمسة براحت نفسهن تنصب
يتكاودن بين الخيم لامن عطش لامن ضرف لاحافر لاحرملة ايصوب كلب
ماتحرك النار الخيم بضعونة عباس
لا صوب احسين السهم لافرهدت ناس
هايه رحله وبيه ماي تنتهي بحرك الخيام ياابو فاضل
طلعن دلال بهل سفر بيهن كمرهن منحدي حجايتهن اتخضر ورد وحجايت الكافل ندة
يا عمي كالن وابتسم ياعمي ليلي ولو سده جيب المخيمنة الكمر كاللهن وعمجن فدة
فدوه الكمر وشبي ضوة الجن يلعيون
فدو الضوة وكل الهوة يفداجن الكون
هايه كمرية ضلام تنتهي بحرك الخيام ياابو فاضل
من الديار الكربلاء انضل وي كمرنة اتحالفن ليل بدربهن لو هوه الخيمت علي يتلاهفن
سكنه العلي الاكبر تجي تكعد روقية وما غفن ليل وسوالفهن كمر يضوي الوكت لو سولفن
يم خيمت الاكبر علي يخلص سهرهن
سمعن رقية ادللي ومحد قهرهن
يم علي احله منام تنتهي بحرك الخيام ياابو
ابو محمد الزبيدي
لزمت الخيمة لاجن طلعت الروح
ترة المكسور من عيونة مفضوح
عليك اتبدة كل حيلي
نغز گلبي وصحت ويلي
سمعت الصوت هذا حسين مطروح
وجيب الذي يسكتهه العيون
من شافت الوادم يهوسون
متحيرة ما جني ام عون
والحيرة من انضر خواتي
ثكلة ونعت ذيج النعاوي
گلب الحجر من عدهه داوي
ما صارت بيوم العلاوي
بطرف العبي شدن عباتي
وجدمي اتعثر واعدل روحي
الحيرة البيه اتريد عيونك
مجوية اطلع من خيامك
خوية واهلك هل يردونك
المن امشي وياهو اليرحم
واشلون اطلع خوية بدونك
حسين يا خوية
__
ارد اوصل لجن ردتني الخيول
بطيتي اشلون زينب عني لتگول
انه البطّاني عنك خيل
ركضهن خوية رايد حيل
واجدامي ترة ما تركض شيول
بيدي أنه ارفع بالجدام
ماتن ترة من حرگوا خيام
گلبي وگف شافتني الزلام
بالگوة ياخوية وصلتك
ما اصدگ وعيني تشاهد
فوگ الصدر ذباح گاعد
عيني الك والبال شارد
وبس النحر ياخوية شفتك
الذابح راسك ذابح اختك
وقبل اليذبح گالوا حافر
يعني العطل جيتي لطولك
نفس الخيل و ضلعك كاسر
جا كون ادري مجلبة بوحدة
وطولي لطولك يصبح ساتر
حسين يا خوية
_
عگبك وين اروحن خوية يحسين
لا باقي اعله طولك لا صواوين
جا ياهو الياحميني
ونار خيامي تجويني
لتگلي اعله جثتي لا تضلين
عكبك منو يباريهه اختك
وعگبك منو ينومهه بنتك
ميتة ترة من هيجي شفتك
گلبي ترة امن الصار محروگ
يالطايح وضلعك فگدته
جسمك وذر لمن رفعته
رسمك مشة ماجنك انت
يمك متت جا ليش مسحوگ
ارفع صدرك ضلعك يوگع
حرت وياهن شرفع بالله
گلبك طايح يم متونك
وطولك خلّص ماضن كله
الينضر صدرك ماكو ضلوعك
الحافر منك ماخذ وصلة
حسين يا خوية
__
ما متعلمة اعوفك هذا عمري
وراح نروح عنك وانت تدري
فرگتك موت مو فرگة
گمت بس روحي محترگة
لدرب الشام راح يروح خدري
جابوا هزل واحنه مشينة
وفوگ الترب عفتك ولينه
وحبل السبي خوية بأدينة
صاحوا على الشام المسيرة
يلجمني من ينجاب طاريه
و الحادي الله لا يخليه
هونك يحادي اتوسلت بيه
زينب أنه لا مو اسيرة
وهذا الشام الذابح گلبي
الذابح روحي وآنه بهزلة
دگ طبول وعيد بسوگة
اختك ماتت لتضن عدلة
بنص الوادم امشي مدنگة
كلفة اعليه لا مو سهله
#محمد فرج الحريشاوي
وتبدء رحلتي رغم انها لم تفارقني لحظه واحده
مع عالم مولاي الغريب ابا عبدالله ص👇👇قريباً
حسين ماريد البچي أله ع ناعي
شنهي موسم عيني وتكف البواچي
الماي كون يصير مالح من دموعي
كون فعلي ينطبق وي المحاچي
😔✍️ياسر الزيادي
وشبة نار.. خيمنه وشبة نار
وين اشكي لحركنه.. وشبة نار
خويه شلون اطفي ومامش ماي ..اطفال هواي.. وشبة نار
ونركض وين.. يخوتي.. نركض وين
لاعباس اجاني.. ولا اجه حسين
يبرا لطول اخيتك چم شراي .. وتاه الراي.. وشبة نار
شيب خويه راسي
وماتت كلها ناسي.. ياوفاي
نار بهدمي شبة
اطلع كلها تشمت.. شلون بهاي
خن موت بحرگنه
ياخوي احسلنه ..وشبة نار
چا هم شفت محروگ عطشان
نيران تاكل بيه نيران
ماني زغيره وعمري خمسين
ماعندي زلمه وكلها نسوان
ويلا ويلا ويلا
…………..
ياعباس.. دخيلك ياعباس
يم الخيمه غربه.. ياعباس
راحت هيبة اختك لو طلعيت.. چا ماجيت ..ياعباس
حيره شلون.. اجيلك.. حيره شلون
بين الغربه اركض وانه ام عون
ماعانتني جدمي عالخطوات .. طولي المات.. ياعباس
نطلع من خيمنه
يتمضحك حبلنه ..عندي احساس
والمهيوبه فشله
من هزله على هزله..بين الناس
ردونه لأهلنه
راح يضيع اسمنه ..ياعباس
يسبونه واحنه العزيزات
ميتات خويه ريت ميتات
بالممشه نتعثر ويضحكون
بين الخلگ عثرن أميرات
ويلا ويلا ويلا
___
هدت خيل.. عليه.. هدت خيل
جدمي يميل.. اجيتك.. جدمي يميل
محنيه العقيله وكلبي يريد.. مدت ايد.. هدت خيل
عطشانات .. يخويه.. عطشانات
وين نبات .. يخويه.. وين نبات
نبات بهيمه ترضه صعبه شلون.. الوي ام عون.. عطاشانات
حيرة كلبي هيه
من اتفز رقيه.. وما تلكاك
تبجي ساعه الها
وساعه لفكد اهلها .. تريد وياك
ياخويه الجرالي
ماضل نفسه حالي.. من جفاك
مكسوره زينب ياهل الراي
ذباحكم بضعوني حداي
وين العزيز اعله الكلب ليش
يبقه ذبيح بعازة الماي
_
محمد عيسى المنصوري
مقطع صوتي من حيدر بشار الدراجي
Читать полностью…
من طحتوا ومشيتوا طاحت الدمعة
جا گلبي منو يسمعة هوى وشمعة
يطفيني وأنه اتلمس ضوة حسين
شيردك عدل وتگوم وانضر جاي
عطشانه عليك اهواي موش الماي
الذبلني ادورك جا طحت وين
جا وينك
الصيوان دونك خلة
وبعينك
تشوف حرمة بالفلة
وسنينك
منك خذت كربلة
لميت حيلي واجيت خيول عشرة لگيت
رگضت صوب الوگع
ولوحدي اتحيريت ما الحگة
تعبني حيل المهر فحطانة بنص ضُهر
طايح بين العدة
والخيل هدت صدر وتسحگة
وا ويلاه وا ويلاه
___
مشدوهه وركضت اعليك بالهيمة
اريد اشگيلك الخيمة على الشيمة
محترگة وركض طلعن نساوين
حرت اوصلك ومدري ارد ردود
جمر صاير ترة العامود لطمت خدود
يا حيرة اخيتك خوية يحسين
الحيرة
رجلية تروح وترد
اجبيرة
يا جرح گلي اشد
اتديرة
لياهي هسه وتصد
جروح فوگ الالف ياهوه اشدة والف
عالهيمة دمك وگع
مكسور منك جتف بالعاشر
ماخذ حيلي الدرب ناشف دم الگلب
بعروگي الدم جمر
ودموع عيني تصب يالحاير
وا ويلاه وا ويلاه
_
بالحافر شفت ضلعك ترة مجلب
وادم ثوبك تسلّب حرت شحسب
جم واحد هجم لو حافر يغير
گلت ارجع الم اطفالي واحميهم
شفت واحد يطگ بيهم باساميهم
صحتلهم واخيتك بيمن تحير
اطفالك
ركضت عز الضهر
ابرالك
لو ابرة آنه الخدر
شيجرالك
هم يجري بيه كسر
مكسورة عگبك طحت واعليك خوية صحت
لو باقي حيل انتهض
مطروح خوية گلت بالهيمة
جا هسه ياهو الي ياخوية يابن علي
اختك ترة مدوهنة
شبيدي وينطر سبي يا ضيمة
وا ويلاه وا ويلاه
_
تتگلب اعوفك ع الرمل مطروح
تراهي اختك مشت وتنوح يالمذبوح
هاي النوگ ما تقبل ترد ليك
اذب روحي ولجن بحبال مجتوفة
الحرم هم بيه مصفوفة گلت شوفه
اخير اوداع عالهزل واخليك
عالهزلة
وروحي يمك بقت
مو سهلة
اختك عنك مشت
والطفلة
عالراس خوية بجت
يا نوگ وسفة الغرب يحدون بيه بدرب
وللشام نمشي وشمس
وراس اخوي انسلب يا رمحة
جروح نمشي بهزل والشام لا مو سهل
مخزية من النضر
ضعني لتضن عدل من جرحة
#محمد فرج الحريشاوي
ياعشگنه ياحزنه
ياغريب
يتارسنه حزن وجروحك اغماگ
نشتاگ الحضرتك والله نشتاك
تمر بينه النوايب صحنه واتهون
مصايبنه ويبحرك ماخذه الراگ
يامذبوح فوگه داست الخيل
يامذبوح وتطشر عطر هيل
وماخلصت حياته
حسين اكبر جرح تحييه الايام
حسين نحرگ گلبه بحرگ الخيام
وعيونه لبناته٠
٠٠٠ ٠٠ ٠٠
يملتمه عليك سيوف ورماح
يلمالك أهل ماتسمع اصياح
يشبعونك قهر وتموت متعوب
چا غير اليموت انكول يرتاح
غريب حسين ياويلي الغربته
غريب وبالحجر صابو جبهته
ولا واحد يعينه
يصيح إخواني وين ووين الانصار
يصيح وچبده صار من العطش نار
وعله النهر عينه
.............
الناس بلا ذمم من تبعت ايزيد
كلها جايزه من نحرك أتريد
ولا فزاع ألك بس زينب اتصيح
يخويه حسين خويه راح العظيد
يا مذبوح باقي بعازت الماي
يا مذبوح معشوگ الخلگ هاي
يالمغطينه خيره
يسالوفت عشگنه بطول الايام
يسالوفت جرح ماهوّد ونام
من ذيج الحصيره
٠٠٠٠ ٠٠ ٠٠
خليني بكسر گلبي ولدموع
يلايم لاتلومه البين الضلوع
يفر مني اذا يسمع غريبات
وذا يسمع سبايه يعيش مفجوع
غريبه مدوهنه ليش الأميره
غريبه وتركض بحر الظهيره
مذبوحين اهلها
حيره الياكتر تنطي لوجه وين
حيره الجيش كله هد عله حسين
وبعيد الكفلها ٠٠٠
٠ ٠٠ ٠٠٠٠
خادم اهل البيت ع
فلاح طالب الماجدي
منهاج محرم الحرام ١٤٤٦ هــ
#مولاتي_العليله
انه العليله مناطره . انه العليله مناطره
………………………………..
ضليت اناطر ع الدرب ، بلكي الله وتلمنه اضعون
عيونك يبو فاضل طفن ، گالولي ماعنده عيون
والحافر بصدر الولي ، ماخذ مچاني يگولون
طولك يبو الاكبر زغر ، تلمه الحصيره زغيرون
انه العليله مناطره . انه العليله مناطره
…………………………………..
ماضلت اخوان واهل ، لا من ابو يضل وياي
رحتو تطرون الفله ، خوذوني للخيل افياي
جلبت بطراف العبي ، عوفولي عبدالله ارباي
يناغيلي بالليل الطفل ، واحچيله شمسوي الماي
انه العليله مناطره . انه العليله مناطره
…………………………………….
ماحاسبه احساب المشو ، گالو نردلج بعدين
حمل ظعنهم ورحلو ، والممشه متروس اونين
صار الوكت رجل الظعن ، كل خطوه محسوبه سنين
ما ردلي عبدالله بمهد ، لا ردلي ويه الميتين
انه العليله مناطره . انه العليله مناطره
……………………………………
جم اه طشيت الظعن ، حد ما وصل كله اهات
كالولي مذبوح الولي ، سلم عليج ورد مات
مايرجع الطولك عَگب ، تنورهم بيك يبات
راسك نزف وتعلعلت ، متروس كلك چويات
انه العليله مناطره . انه العليله مناطره
…………………………………………
عباس سلمان القلعاوي
حيهـم العبـاس گام ورجـف السبعه
الخاف والماخاف طلّع گلبه من ظلعه
گام واعله الجيش فزّع
الراد والماراد يطلع ،، گلبه من ظلعه
حيهم العباس گام وتنكت إيده إمن الزعل
ايريد يوصل للشريعه إختنگ صدره إبن الفحل
وصل والما مات مات وماترك للجيش حل
ورفع چفه ونزلاها اوياها غيض ألله نزل
حيهم العباس گام وگعّد الدنيه
رگبه عالرگبه ثناها اتلطعش ثنيه
لبست الفرسان مقنع
الراد والماراد يطلع ،، گلبه من ظلعه
راح تبچي اهواي ناس وهوه بس المبتسم
اليوم يم حامي الحميه يوصل اصريخ الزلم
عالجماجم گام يسحگ وين ما حط الجدم
حلمو ايشردون منه وطب عليهم بالحلم
اتفهّي أكبر جيش صطرة راعي الامروّه
إگبال صگار الملاعب ماكو ند يسوه
ماظن ابسبعين يقنع
الراد والماراد يطلع ،، گلبه من ظلعه
حيهم إبن القلع خيبر قلع باب المشرعه
أربعة آلاف فارس زاحهم بس بصبعه
مو حچي هذا أبوفاضل ألله بس ايقنعه
گله لاتمحي الوجود وبرّد ايده ورجّعه
حيهم الماگال وسفه ولا رجف گلبه
ماخطب بس شال چفه عرفو الخطبه
ماكو حي للدار يرجع
الراد والماراد يطلع ،، گلبه من ظلعه
يلي تكتب عالشجاعه اگطع وشيل القلم
فحط ملك الموت هاي وبعده ماهد لاهجم
وانطبگ باب المراجل بيد عباس الشيم
فوگ ماداس الشوارب راس بالراس انردم
حيهم العباس جاي ابحيل نوماسه
نوّخ الميدان كلمن بيده حط راسه
روس سبعين ألف گطّع
الراد والماراد يطلع ،، گلبه من ظلعه
السمع اسمه اثنعش مره امن الرعب گام وگعد
وما تروح الخوفه منه إشايفين أنتم بعد
إحرورة الصطره جهنم والهوى البلطف جمد
أسد سيفه والعساكر طاحت ابحلگ الأسد
الكثره جدام الشجاعه اليوم تتبريد
أسد العباس سيف احيود يتصيد
بس جثث والحوم يتبع
الراد والماراد يطلع ،، گلبه من ظلعه
احمد الهلباوي
آه ...
طب للحرب
زاد الــرعب
غيره يصب .. بُنَيّ علي الاكبر
آه ...
ظل يعتلي
مـدلل هلي
گالـو عــلي .. بُنَيّ علي الاكبر
يالشجاع .. علي الاكبر
بــالطباع .. علي الاكبر
بـــالزود .. بالحلا
موجود .. كــربله
مـريود .. مـرجله .. قمر الله
عباس .. عَلمه
بالناس .. موزمه
نبراس .. صارمه .. قمر الله
بُنَيّ علي الاكبر ..
"""""""""""""""""""""""""""''''''''''''"""""
وين ..
طول بعرض
شلت الارض
تفرض فرض..بُنَيّ علي الاكبر
وين ..
جيش انذهل
أبني ارتجــل
جمره اشتعل..بُنَيّ علي الاكبر
روح ابوك .. علي الاكبر
مــايجوك .. علي الاكبر
مصبوب .. عاصفه
مكتوب .. عاطفه
محبوب .. بالوفه .. قمر الله
كـــرار .. بالوصف
مختار .. يــنعرف
محتار .. باللطف
بُنَيّ علي الاكبر ...
"""""""""""""""""""""""""""''''''''''''"""""
ويل ..
زلــم الــزلم
ابني الشـهم
يقضه وحلم.. بُنَيّ علي الاكبر
ويل ..
مــن يرتجز
مــوتــه تفز
وسيفه يحز ..بُنَيّ علي الاكبر
صولته .. علي الاكبر
رايتــه .. علـي الاكبر
عَـيال .. عالعده
قَـتال .. من بده
رجال .. وَحَــده .. قمر الله
صمصام .. ضاويه
محــتام .. هـاويه
هَــــدام .. أبـــنيه
.. بُنَيّ علي الاكبر
"""""""""""""""""""""""""""''''''''''''"""""
هيل ..
عطر النبي
يـــالطالبي
أبني الابي .. بُنَيّ علي الاكبر
هيل ..
طعم الشَهد
الاكبــر بـعد
أجمل ولــد .. بُنَيّ علي الاكبر
بالجمال .. علي الاكبر
بالجلال .. علي الاكبر
أهواه .. بالأسم
ألگـاه .. مبتسم
أرجاه .. ياشهم .. قمر الله
مــاطـاح .. زلمتي
من صاح .. رايتي
من راح .. دمعتي .. قمر الله
.. بُنَيّ علي الاكبر
عبد زينب
محمد الابراهيمي
لقاء ام البنين مع مولاتي زينب
بعد الرجوع الى المدينه
وكانت خادمة مولاتي تقف ع الباب
قالت لها مولاتي ام البنين عندما منعتها من الدخول ...
أنه المشروچه وي همهن والمــصاب
وفـــص العين مــو دمعــه الم صاب
خَبري ام الحزن زيــنب والمــــصاب
اجت عـــالباب كلــــهه ام الــــحميـه
سمعت زينب فقالت ...
هلـــــــــه يالمشـرجه بهمنه وحزنه
ييــمه الــدمعـــه والحسـره حــزنه
الـمصايب چـــتل چتلتــنه وحــزنه
ورفعــت روسنــه برمـــــح الــرزيه
قالت ام البنين ...
صفگت ايدي وراس الگلب مرد
وعگب حسيـــن حتى أولاد مرد
ضعنكم بت عــــلي لـلدار من رد
مثل ردت علـــي بدون الـــزجيه
اجابت زينب ...
مثل ردت علـــــي رديـت بي روح
اليريد يروح عكب حسيـن بيروح
أهيس ما أهيس بقــت بــــي روح
اجيت اجنـــازه بــس النـــفس بيه
قالت ام البنين ...
ضعنكم من جفه أبلواي هامـيت
سمعت بردته المــلگاچ هـــاميت
بغير حسين كل اعضاي هم مات
اجـــيت مـــچفنه ولانــفس ريـه
اجابتها بلوعةّ الطفوف ...
عگب حسيـــن يمه الشمر بي صاح
مامش أخــــو بس العـــدو بيصــح
اجيت مرضرضه ما عظم بي صاح
أعله راس حسين من ماتـــت رقيه
اجابت ام البنين وهيه مندهشه ...
شني ماتت رقيه شلون لوعــات
يعتني الكلب لاكن نار لــوعــــت
يزينب فوك ضيمي انوب لاعيت
شطـــت دلال ما ظـــل بـــعد بيه
اجابت زينب ...
بچت وشتهت والدهـــا والـــدلال
وفرت جن فورت الگمگم والدلال
اعـــايــن عصرت ايامــي والدلال
دفـــنــته بدفنت الطــفلــه بـــديه
قالت ام البنين ...
عله العباس گليـلي والــوصاف
تگلها الجيش ميهمه ولــوصاف
بسيفه الحيد مطرهه ولـوصيف
وحط بيهم فلــــك بالغـــاضـريه
عبد زينب
محمد الابراهيمي
((سجةّ العاشر))
فرد لون ... گلب عابس گلب جون
فرد لون .. حبيب ورمش العيون
كلها تصيحلك باچر
سچه نصير للعاشر ... يبو اليمه
**
شموع وبالخيم كلهم قرآئين
من الشيبه لَحَد العمره عشرين
لَحد العمره نشغه يصيح يحسين
عشگ عدهم سوالف عين بالعين
فياي الدنيا بنصارك
فياي العافيه بدارك
يحبونك .. يعشگونك .. حبيب الروح نادوك
ذكراهم مكاتبيك
ضواهم شيبه من شيبك
بدفو عيونك..يرسمونك..تاج الراس سموك
يعيناي ... زهير بدمعته جاي
يعيناي ... يگلك شوفتك ماي
اجيت ومهجتي ناذر
سجه نصير للعاشر ... يبو اليمه
*****
حبيب ونيته بلونه وبياضه
وخادم صار يم راعي الفراضه
الحد خيمةّ حسين اصحابه ويا
ومن خيمتهم بهوسه وعراضه
بضواك يشوفن عيوني
بعد زيدني بجنوني
جنني .. وحيرني ... حبيب وفدوه يندار
اريد بحبك اتگطع
يالتسوه ألف مدمع
تعبني ... وأقتلني .. حبك بالفعل نار
يبو الروح ... قليله أعليك مذبوح
يبو الروح ... عبد ويقدم الروح
صرت بحبك مهاجر
سجه نصير للعاشر ... يبو اليمه
*****
وهب حد الجرح سماك العيون
أگبالك ساجد وبالعِشره مجنون
ذب منه الصليب وبيك مفتون
گَلك انته ديني وآنه ممنون
عفت ديني وصلاتي انته
أصليك بدمع سكته
أنه العابد .. أنه الساجد .. وضوئي أتراب الخيام
الگلب لحسين تجريده
الدمع من ينزل بهيده
ابچيلك .. واحچيلك .. وأضل سهران مانام
أنه وياك ... هيه الروح تنخاك
أنه وياك ... أمي تصير بحماك
اليحبك بالعشگ شاطر
سجه نصير للعاشر ... يبو اليمه
*****
زهير يفيض من حنيته الاحساس
يگلك ما اردن كون انداس
خدك مو حوافر .. كون ينباس
وراسي فدوتك لو عالرمح راس
عفت الدنيا والضجه
وياك تخبل الرفجه
أقدسنك .. أشمنك .. يماي عيوني الاثنين
بركابك ينوجد حالي
اموت اعليك يالغالي
أضمنك .. أحبنك .. يعشگ الروح يحسين
يبو الخير ... حرام نروح للغير
يبو الخير ... بعتبتك ساجد الطير
حاير فَزع بحاير
سجه نصير للعاشر ... يبو اليمه
*****
عجيب الحر مثل اسمه وصفاته
حر بالاخره وحر بحياته
أجه ندمان وجروحه بعباته
يموت بحب ابو اليمه امنياته
اجه ودموعه مذروفه
يموت بحبك أطيوفه
اموتلك.. وأعدلك.. احسبني من اليخدمون
نضره من ابو الغيره
صرت متنعم بخيره
أندلك .. من خلك .. اجيت بدمع العيون
يالحسين ... أنه اندليتك منين
يالحسين .. فداك الروح والعين
لسهام العده مناطر
سجه نصير للعاشر ... يبو اليمه
عبد زينب
محمد الابراهيمي
((فاگد اخوانه))
مــنــو بيكم عدل ويصيح هذا آنه
تـــرفس بيه چـلمةّ فـــاگد أخوانه
الضهر مكسور ياصحباني فزعولي
عليه الجيش أگعدو سـرفن اردانه
تسمع گـامو يضحكون
شنهي نومتك يــاجون
غريب بديره مو عربان
بـــالعزوبيه ميعـــرفون
عابس گـوم
شوذب گوم .. وحيد بعازةّ الناصر
غربه الناس
يا عـــــباس .. جيش وعالخيم داير
فزعو بداعةّ السفره الفارشها بديه
بيكم والملح غــزر واللگمه السويه
آنه حسين يصحابي ...
"""""""""""""""""""""""""""''''''''''''""""""""
مو بالريش بيه بصـدري مرسومه
هذني اسهامهم يـــاقادةّ الحـومه
تسمع صوتي وينك ياوهب وينك
يعريس الحرب ومــعطره هدومه
جاسم مـــادريت شـــصار
شـــــو كــضو مشــاعل نار
وحگ كل شيبه من رمشك
يــــبن ضــاهــر ترى محتار
والـــويلاه
تــــوگع آه .. يغافين الگلب يركض
كلها اعزاز
والجــــناز .. مدري بيا جنازه أيكض
نحيب وتسمع الوادم فاتحتي چبيره
مو واحد ولا عشره أنه فاگد عشـيره
آنه حسين يصحابي ...
"""""""""""""""""""""""""""''''''''''''""""""""
الحزن گبع صفنتي وبانت العثره
زهير النوم عوفه وأركب الشـگره
ياحـر الرياحــي وقـــابل بعـــذرك
صعبه الصاحب وصحبانه تتعذره
يناموس العطش والماي
ياعبـــاس گــــوم ويـاي
يــمخــلي ابـــوك يطيح
يــــالاكبر ياضوه عيناي
هـاي شلون
كــلها عيون .. شـــمـــات بــخـــناجرها
ها يســـباع
گومو بساع .. چبيره الحسره شيجرها
مــــثل الفاگد عيونه والسچه بعيده
غرگان أبحر حزني محد مدلي إيده
آنه حسين يصحابي ...
"""""""""""""""""""""""""""''''''''''''""""""""
وينك يالچنت من عطري بس أشم
تــعال الحگ لخـيك خويه يا مسلم
عوف الكوفه خويه اخيامك تريدك
يل بس انــته تــبني ودنيا التّــهدم
تعال الكوفه مـترع خوف
أخيك والضـهر مكــشوف
كون تشوف صرت شلون
جمره والســـوالف صوف
كونك جـاي
جيب المـاي .. ثلث تيام ماضگته
هم عطشان
هم تــــعبان .. هم تتباچه عايلته
حوافر خيل متـحضره ياصدري تدوسه
حجر والخنجر ونبله عليه الناس هوسه
آنه حسين يصحابي ...
عبد زينب
محمد الابراهيمي
سيــد حنيني يامحله حروفك عباس
ايــــه قدسية واجب اقراها ابأحساس
مغامر ابحبك مفضوح او واضح للناس
صلب الايمان واسمــــع للما يلي
نفس الاوصاف وارثها مـن علي
سدي المنيع واگــــــف الي مدد
ولــــــو ما عباس منو يوگف الي
يا باب الحسين
امير الكرم كان
ومـا زالَ للان
على مــــر الازمان ... ابن داحي الباب
احب كلشي بي صار
ابـــــــــو عيون الكبار
تشــــــــع مــــنه انوار ... اذا اسمه ينجاب
ابو فاضل عباس
""""""""""""""""""""""
مملوك چفوفك من اوصل يمك محتام
غذيني غـــيِرة يا كاشـــف كرب الخيام
ابابك اتــــسول سجل اسمي ويه الخدام
مـــو بس زينب كافل كـــل الخدم
ليهسه اشوف بيدك شايل علم
نبـــع الغيّرة وانت التسقي الخلگ
مكطوع چفـوف وايدك سوت زلم
باب الله الكبير
وگف ويه لـحسين
رمش شابگ العين
نطه چفوفه الثنين ... ويحس عنده تقصير
رفض يشرب الماي
لان هـــــــوه سقاي
ابا الفضــــل الهواي ... الزلم يمك اتحير
ابو فاضل عباس
""""""""""""""""""""""
يا اول ضامي ما خــــــلاني بعازة ماي
ترويني عيونك يالبعيونك الگة الـــــراي
الماجرب عشگك لا يحجي بالحب وياي
مالك روحــــي شكد تهواك وتحن
الماحبك ضاع يظل ماعنده وطن
ياروح حسين وعـين الزهره الذي
جابت زينـــب حته تصير الها ابن
ابن ام البنين
امل شـــع بالاكوان
وتـــّـــــر كله ايمان
وفي بعمرة ما خان ... وهب زينب الشوف
كفلها مــن اصباه
منو المثله ســواه
النحــر يمها خلاه ... امان بوكت خوف
ابو فاضل عباس
""""""""""""""""""""""
خادم القصيده
عزيز المياحي