4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
من طحتوا ومشيتوا طاحت الدمعة
جا گلبي منو يسمعة هوى وشمعة
يطفيني وأنه اتلمس ضوة حسين
شيردك عدل وتگوم وانضر جاي
عطشانه عليك اهواي موش الماي
الذبلني ادورك جا طحت وين
جا وينك
الصيوان دونك خلة
وبعينك
تشوف حرمة بالفلة
وسنينك
منك خذت كربلة
لميت حيلي واجيت خيول عشرة لگيت
رگضت صوب الوگع
ولوحدي اتحيريت ما الحگة
تعبني حيل المهر فحطانة بنص ضُهر
طايح بين العدة
والخيل هدت صدر وتسحگة
وا ويلاه وا ويلاه
___
مشدوهه وركضت اعليك بالهيمة
اريد اشگيلك الخيمة على الشيمة
محترگة وركض طلعن نساوين
حرت اوصلك ومدري ارد ردود
جمر صاير ترة العامود لطمت خدود
يا حيرة اخيتك خوية يحسين
الحيرة
رجلية تروح وترد
اجبيرة
يا جرح گلي اشد
اتديرة
لياهي هسه وتصد
جروح فوگ الالف ياهوه اشدة والف
عالهيمة دمك وگع
مكسور منك جتف بالعاشر
ماخذ حيلي الدرب ناشف دم الگلب
بعروگي الدم جمر
ودموع عيني تصب يالحاير
وا ويلاه وا ويلاه
_
بالحافر شفت ضلعك ترة مجلب
وادم ثوبك تسلّب حرت شحسب
جم واحد هجم لو حافر يغير
گلت ارجع الم اطفالي واحميهم
شفت واحد يطگ بيهم باساميهم
صحتلهم واخيتك بيمن تحير
اطفالك
ركضت عز الضهر
ابرالك
لو ابرة آنه الخدر
شيجرالك
هم يجري بيه كسر
مكسورة عگبك طحت واعليك خوية صحت
لو باقي حيل انتهض
مطروح خوية گلت بالهيمة
جا هسه ياهو الي ياخوية يابن علي
اختك ترة مدوهنة
شبيدي وينطر سبي يا ضيمة
وا ويلاه وا ويلاه
_
تتگلب اعوفك ع الرمل مطروح
تراهي اختك مشت وتنوح يالمذبوح
هاي النوگ ما تقبل ترد ليك
اذب روحي ولجن بحبال مجتوفة
الحرم هم بيه مصفوفة گلت شوفه
اخير اوداع عالهزل واخليك
عالهزلة
وروحي يمك بقت
مو سهلة
اختك عنك مشت
والطفلة
عالراس خوية بجت
يا نوگ وسفة الغرب يحدون بيه بدرب
وللشام نمشي وشمس
وراس اخوي انسلب يا رمحة
جروح نمشي بهزل والشام لا مو سهل
مخزية من النضر
ضعني لتضن عدل من جرحة
#محمد فرج الحريشاوي
انفجعوا اولاد الزجيه امن الجرى
لمن شافو راس ابوهم حيدره
*****
البيته طب وكل نفس اه والم
ويكطر اعلى اثيابه من الطبره دم
منزله وركن الهدى بجرحه انهدم
ودمعت ايتامه تهل اموجره
*****
ويلي من شافو خضابه امن الدمه
وزينب اتلكت علي حامي الحمه
ناحت وصاحت ييمه فاطمه
شوفي حالت والدي ودمه الجره
*****
حيل ابو الحملات باد امن النزف
و وجه بعد الطبره كلش مختلف
والكلف جرحه مينشد والكلف
السم من الطبره بجسم حيدر سره
*****
امن الالم ياطب يطيب طبرته
وسيف ابن ملجم وصل نص هامته
ايعن الله ام الخدر لو نظرته
ويعين حيدر لو بجت لمخدره
*****
علي ايصبر ولده لو ناحو سوه
ايكلهم الاعظم مصيبة نينوه
ياحسرتي لو وكع راعي اللوه
الطبره هينه اگبال هامه امطبره
*****
عن الطف يحجي ودمع عينه يهل
ويذكر اليبقه بلا دفن وغسل
والخيم تتوجر وميضل نفل
وزينب اعلى الهزله تمشي ميسره
اللهم عجل لوليك الفرج
منهاج محرم الحرام ١٤٤٦ هــ
#مولاتي_العليله
انه العليله مناطره . انه العليله مناطره
………………………………..
ضليت اناطر ع الدرب ، بلكي الله وتلمنه اضعون
عيونك يبو فاضل طفن ، گالولي ماعنده عيون
والحافر بصدر الولي ، ماخذ مچاني يگولون
طولك يبو الاكبر زغر ، تلمه الحصيره زغيرون
انه العليله مناطره . انه العليله مناطره
…………………………………..
ماضلت اخوان واهل ، لا من ابو يضل وياي
رحتو تطرون الفله ، خوذوني للخيل افياي
جلبت بطراف العبي ، عوفولي عبدالله ارباي
يناغيلي بالليل الطفل ، واحچيله شمسوي الماي
انه العليله مناطره . انه العليله مناطره
…………………………………….
ماحاسبه احساب المشو ، گالو نردلج بعدين
حمل ظعنهم ورحلو ، والممشه متروس اونين
صار الوكت رجل الظعن ، كل خطوه محسوبه سنين
ما ردلي عبدالله بمهد ، لا ردلي ويه الميتين
انه العليله مناطره . انه العليله مناطره
……………………………………
جم اه طشيت الظعن ، حد ما وصل كله اهات
كالولي مذبوح الولي ، سلم عليج ورد مات
مايرجع الطولك عَگب ، تنورهم بيك يبات
راسك نزف وتعلعلت ، متروس كلك چويات
انه العليله مناطره . انه العليله مناطره
…………………………………………
عباس سلمان القلعاوي
لحن (شمس حبك)
بصوت
ملا صادق هاشم
بغداد
لحن(يعيل الشوگ)
بصوت
ملا عباس الخيگاني
ناصريه _ فهود
((يارقيه منين اجيبه))
منين اجيبه وآنه تدريني غريبه
منين اجيبه
عمه عفته بكربله جثه سليبه منين اجيبه
عفته والدنيا حوافر
وتكسر بضلعه وتصيبه
لا جرح خاطر أضمده
وماهو راسه شلون أجعده
يامصيبتنه رقيه ويا مصيبه منين اجيبه
شلون ارجعه
وصدره ياعمه تكسر گمت اسمعه
گطعو المنحر يعمه وحتى أصبعه
ومن رحتله گلي روحي ياغريبه
عودك انه رت اجمعه ... شلون أرجعه
گلي عطشان وغلاتچ
اي وحگ لو عت بناتچ
الشمس حرگتني خويه
خويه فييلي بعباتچ
وحتى دربي گمت أضيعه ... شلون أرجعه
عمه حيره
بالخرابه
والجهال اليَمّ خرابتنه تگلچ
انتي مچويه وأسيره
يازمن لا مو أسيره هاي أميره
صح زغيره
بس يصيحلها أبوها ياچبيره
عمه نامي بهيده سكته
الدنيا توجع والجرح ينزف دمعته
واليحب تكبر صفنته
واليموت بديره غربه هذا ماتطفي جمرته
گلبچ زغير بهجيره
عمه نامي احنه غربه أبلايه ديره
عمه حيره
ارتاحي عمه
انتي نسمه ... وبالخرابه الدنيا شمه
بالخرابه ماكو رحمه
ماكو باب وآنه كل أخواني يمه
والخضار البل العمايم كله نعمه
فاضت النعمه بترايب
والمضايف هدموهن
وهل تشوفيهن خرايب
ماي وتبده شملنه شلون ألمه .. ارتاحي عمه
عمه موتي
يارقيه ياسلوتي .. عمه موتي
عمه خليني بمحنتي وبسكوتي
الدنيا مارحمت چفوفچ
والله موتي .... عمه موتي
بالطشت راسه نخوتي
ودمعه سولف كل عذابه
عمه اصرخي
عمه گليله يبابا
عمه گليله بخرابه
عمه گليله شماته ..
عمه گليله بدمعنه الليل يتعده ونباته
عمه ابچي
عمه أحچي .. هلبت أيرد من سباته
عمه گليله الهزيله
تركض بعمتي العقيله
والجرح سولف مسيله
عمه گليله العليل يطيح عدنه
واحنه بحبال الحياره شلون أشيله
شلونه انهضه
عمه مال شلون اكضه
عمه گليله رقيه
عمتي زينب عمتي زينب
طبت بسوگ الشماته
وكلها صاحت ياسبيه
الماله بالوادم حميه
إيگلها فوتي .. عمه موتي
عبد زينب
محمد الابراهيمي
((عدنه الحسن))
اكذوبةّ إيحــــــاء العـصر
بحصانه حــــاتم ينغرس
عدنه الحسن ذابح وطن
بالطف ذبح أجمل عرس
ذابـــح مخيـــم للعشـــگ
والحــــومه تارسـها تـرس
يـــــاكــــــــارم بحنةّ وَلَـدّ
لـ لله دَرك مـــــن نفــس
تارس الحومه بفيضك شموس
يابـــو المضيف الــدوم متروس
يبـــن الكرامه وطِــيب النّفوس
ذهب .. ادب .. وجروحك هذن
عِلــم .. شهم .. مـــولاي الحـسن
حسن مولاي ...
"""""""""""""""""""""""""""""""""""''''''''''
بالطف غــده يزود الكرم
والدمــــــعه والدم يلتقن
ضل يفرش السفره (ولد)
وحسين اخذ دور الحسن
قدم شكو بـگلبه عطـــش
والدمعته مـــــامش وطن
والخيمه بالـــيآس نچفت
وجـــابت رمــــاد بيا وهن
هذا الكرم مو (حده) للعين
لا منطي للمشعل صواريين
وأتصور انته بكـرم الحسين
عشگـ .. حرگـ .. والحب مايلي
كــرم .. شـيم .. يــــاهيبةّ علي
حسن مولاي ...
"""""""""""""""""""""""""""""""""""''''''''''
بـــالطف محابس تنطي
بــــالطف تراچي تنهدي
بالطف حـــــوافر تنطبع
بصدر الشموخ الاحمدي
بقمــــةّ محنته ومـــامنع
كل سائل بصفه إيحـدي
هوه الكـــــرم لازم جرح
تدفع اهــــل بيتك وَديّ
تــــارك بخد الدنيا نيشان
للزمن صـرت بزود عنوان
بس انته يم النهر عطشان
ذبـح .. رمح .. يــاعالي القـــيم
سهم .. الــم .. بس دمعك خيم
حسن مولاي ...
"""""""""""""""""""""""""""""""""""''''''''''
ياواهب بحبك ضعن
مشكاته نسمات العمر
بي زينب وبي فـاطمه
وعيونه بالنخوه خــدر
تعبد إلآهك بالـــــكرم
ياقائم بفرض اليــــسر
معنى الوجود بـثورتك
هوه الذبح يعني النصر
يافيض خــــــدك فوگ التراب
يافيض جرحك من صده الباب
ودمع الفــــواطم صـــار سجاب
وفه .. وصفه .. ياعرش السمه
روه .. وهوه .. من نحرك دمه
حسن مولاي ...
"""""""""""""""""""""""""""""""""""''''''''''
ياقافله وكلـــــها كــرم
من الچبير ومن طــفل
حيره وليــــاليهم ســبي
ويبدي الصبح آه الهـزل
حتى الحبل من يـرتخي
زينب تجي تضب الحبل
ماقصرت هــــــذا الكرم
أصل العشگ من تحتمل
للشام هذا الضعن للشـام
راح وسوالف حـزنه ايـتام
والموت بيهم كلش احتام
حـبل .. هــزل .. زينب قدمت
مشي .. وبچي .. بحبه تلوعت
حسن مولاي ...
عبد زينب
محمد الابراهيمي
لحن (ضيف الخرابه)
بصوت
سيد سلام الحسيني
كربلاء
لحن(يارقيه)
بصوت
ملا مؤمل حمدان
بغداد
لحن(ضحكةّ الخسران)
بصوت
ملا صادق هاشم
بغداد
منهاج محرم الحرام ١٤٤٦ هــ
#مولاتي_العليله
انه العليله مناطره . انه العليله مناطره
………………………………..
ضليت اناطر ع الدرب ، بلكي الله وتلمنه اضعون
عيونك يبو فاضل طفن ، گالولي ماعنده عيون
والحافر بصدر الولي ، ماخذ مچاني يگولون
طولك يبو الاكبر زغر ، تلمه الحصيره زغيرون
انه العليله مناطره . انه العليله مناطره
…………………………………..
ماضلت اخوان واهل ، لا من ابو يضل وياي
رحتو تطرون الفله ، خوذوني للخيل افياي
جلبت بطراف العبي ، عوفولي عبدالله ارباي
يناغيلي بالليل الطفل ، واحچيله شمسوي الماي
انه العليله مناطره . انه العليله مناطره
…………………………………….
ماحاسبه احساب المشو ، گالو نردلج بعدين
حمل ظعنهم ورحلو ، والممشه متروس اونين
صار الوكت رجل الظعن ، كل خطوه محسوبه سنين
ما ردلي عبدالله بمهد ، لا ردلي ويه الميتين
انه العليله مناطره . انه العليله مناطره
……………………………………
جم اه طشيت الظعن ، حد ما وصل كله اهات
كالولي مذبوح الولي ، سلم عليج ورد مات
مايرجع الطولك عَگب ، تنورهم بيك يبات
راسك نزف وتعلعلت ، متروس كلك چويات
انه العليله مناطره . انه العليله مناطره
…………………………………………
عباس سلمان القلعاوي
لحن(لادمعه)
بصوت
ملا عبدالله المياحي
بصره
لحن(هوه گلي)
بصوت
ملا كرار العبادي
بصره
تهظم وكفته الباقي وحده بنص عساكر
تصعب خطوته ال يم شماته ويلي حاير
حيرة دمعته من يهلهه اليا مصيبه
توجع حسرته بشده واكع ماله ناصر
اتلفت ويصد عالغاره
نصرتاً طلب انصاره
ما احد فزع انحنه ظهره
ما اله سند بالعاشر
الما اله اخو ميكابر
يدري بالعده تحز نحره
بحسره لزم ظهره على اخيامه دموعه تهل
ابغربه عليه صعبه ترك ظعنه ابد مو سهل
حيره تشح غيره دره بعده اذا ينقتل
خوفه منو يبقه الهم لو تركهم ماكو كافل
گلبه بقه يم ظعونه ودمعه يندب يابو فاضل
****
الخاطر عياله يخفي دمعه ابن الزجيه
اتعنى الرجاله وهمه صرعه اعله الوطيه
يا ويلي حاله من ترجه انصاره كومو
وياهو الجاله وعنه .. يبعد هالرزيه
بكسره وبالم حاچاهم
فزعو للخيم نادهم
ناده بس محد اجه ينصره
يخنك الهوه بنص ريته
من حجه ابشجن واعيته
گلبه سيدي انترس حسرة
اتغرب حزن شيب كَسِر گلبه صعب نجبره
وحده الجمع ضده اذا هجمو منو ينصره
رايه وبلا احمايه بقو اهله ابن حيدره
صعبه اذا رد تشوفه بهيجي حاله كل عياله
يخفي دمع بس يويلي شيخفي ظهره وانحناله
****
بغربه وغريبه الكل تنظره وما تنصره
رد والمصيبه اه يويلي خالي ظهره
بطل نحيبه وضل يكفكف دمعه بيده
وهايه العجيبه حتى اخته ما تنظره
للخيم وصل بالامه
اتلكته ابعطش ايتامه
وبحزن اجت اخته يمه
اتكله شوفتك كل همي
وياهو للظعن يبن امي
خوفي لو رحت العده اتهظمه
ندارن عليه خافن درن يرحل عطر هالورد
اتشمه والتظمه وگلب نسوانه اله تنمرد
اتحضر ابو الاكبر على وداعه بعد مايرد
ويلي اجنه بناته يبچي ضل من ودعنه
وحزنه كبر من سمعهن بدمعه نادن بويه ضعنه
****
صاح بونينه من يقدم لي جَوادي
واخته الحنينه بهم تسمعه من ينادي
ياويلي عينه تجري ضلت من سمعها
تنادي وحزينه خويه ما اقسى فؤادي
جابت المهر بالونه
وطلبت ابالم شي منه
ينزل ويفك ثوبه الها
نحره شمته من جاها
وصدره باسته ومبجاها
لحضه ماوگف انحنت كلها
بونته ترك اخته ومشه للحومه ضامي گلب
يذرف دمع يعرف تجي اخته وهوه عالترب
اتشوفه واذا اتعوفه تروح ابهظمه وي الغرب
يدري تجي تگله الحگ النه جابو چم هزيله
ابنزف الدم حيله رايح وصعبه يوكف للعقيله
اللهم عجل لوليك الفرج
كرار شوكة
ضاعت حياتي وآنه بشبابي
ما باچي اسمك گد الفواطم
نادم واجيتك اطلب سماحك
تايب حبيبي واقبلني خادم
خايف ذنوبي توگفلي حاجز
وانت بدليلي سيدي عالم
غير اسمك ما يعبر بلساني بعد
عاهدتك محبوبي وادري بالعهد
ابجيلك ايامي وسنين العمر
وما شابع من نوحي لضلوعك ابد
رخص بعيني الحياة
خاطر ابجي للممات
واصرخ حسين الغريب بلاية ناصر
طاح من مهرة الغريب
صاح بس محد يجيب
وعثرة صاير للخيول بصدرة حافر
يا ملاذ التائبين
_
ابجي غربتك عمري ونذرتة
جا ياهو يسوة دمعاتي ذني
حرگوا خيامك وانت تنازع
طشوا ضلوعك وانت التلمني
وغافر ذنوبي وتگلي ارجع
لوما رحمتك محد قبلني
قابلني بذنوبي وعثرات العمر
يا قابل حر اقبل مني هالعذر
احرگني خيماتك محترگة بحرم
واعيالك متغربة ومچوية بجمر
غربت ضعونك ردت
والعطش منك خذت
ردت اعيشن بالعطش وفطور جبدي
اصرخ وزاد الحمل
من صحت يابا الفضل
يا گمر ضهري انحنة ياخوية تدري
يا ملاذ التائبين
_
بگليبي شلتك يا دم وريدي
يهضمني اسمك يجرح ضميري
بروحي سمعتك ضامي يجدي
موتي يروحي وبالغربة حيري
شيخ العطاشى موذر يصدرة
بلسم يروحي لجروحة صيري
هدوهن عشرتهن لضلوعة العدة
وينادي شربوني لو گطرت ندة
انطوني لو لحضة يرتاح الضلع
وتتشمت عدوانه والحافر بدة
للخيم واصل عظم
وشبعت اعيالك لطم
والمهر راجع وحيد وماكو الحسين
لاطمات اعله الذبح
يبجن الراس برمح
يا ولي بلاية الولي ضلت نساوين
يا ملاذ التائبين
____
تجوي دليلي ركضت فواطم
وتصرخ يويلي حزوا وريدة
شحال الغريبة بهاي الصحاري
وحضنك يغالي بنيتك تريدة
ترخص دمعتي لكسرت عشيرة
عالهزلة راحت لديرة بعيدة
عل الهزل من راحن بدروب السبي
لا خيمة ولا حامي ضلت بس عبي
بس راسك وياهن بدروب الغرب
يا هظمة الشافنهه بنيات النبي
دخلن السوگ وطبل
الهظم فوگ الهزل
وصاحن حسين وبجن انظر خواتك
اشلون ترهم والخدر
يوگف بنص القصر
اشلون بيهن و الكسر ماخذ بناتك
#محمد فرج الحريشاوي
وين تريد ، اخذ الروح
انفاسي بليّاك جروح
_______
اجيت برفقة الوالي ابوكم حيدر لبيتك
وگبل لتفتحه باب البيت ادخلت من باب حنيتك
من عرّفني اساميكم جرح بأولها سميتك
فرحت ونزلن دموعي اعله اول كلمة حاجيتك
بمثابة امي من گتلي
انكسر گلبي وعرگ ظلي
شفت عينك نسيت اهلي
سنين وصال بأحسن حال
وجاي تگول ضعنك شال
_______
ازرعت عباسك بگلبي ووفاء خضّر يبو اليمه
گلتلك خادمك هذا وانت الي تخلي اسمه
وكبر خيمة اعله جف زينب ومبادئ كافل تعلمه
جنت اسهر واربيلك واگولن تنحسب خدمة
الف هنياله من خذته
واجيتك ادخل ابخته
واگلك تجرح العفته
گلبي اتوسل محروگ
بروحي يدوس مشي النوگ
_______
طبع بدوية يا يمه نسافر وين ما صح ماي
ونزل گلبي اعله كوثركم وشفت ماي العشگ رواي
شلون تعطش گليبي وهم متگلي روحي وياي
يبسمة عيني من تشح تموت چم نهر وفياي
عجيبة شلون ودعتك
نفس من ريتي ضيعتك
ورجعت مگاودة بنتك
عفت اثنين مهضومات
ونمشي ارجعنا مدنگات
_________
حسين وجانت حروفك بگلب ام البنين الدم
من اتخيل تجيني اوگف واون من الگه روحي احلم
مشتاقتلك بگد ما نحر طفل الرباب انّشَم
افكر با الضعن وابچي واگولن بعده لو خيّم
حسين بأسمك من احچي
گبل لا اكمله جنت ابچي
عفت گلبي برمح مرچي
متانيتك وآنه ادري
هجرك يختم عمري
______
عفت صبح المدينة اظلم يغالي بلا ضوه اجبينك
وذبل كل ورد الولاية بعد ما هجرته عينك
ظني بكربلاء مثلي تحب خدمة صواوينك
وتجازي احسانك بإحسان وتقدر لطفك وزينك
ما ادري الرحت ليها
تشح عنك سواجيها
وخيامك تحترگ بيها
يا يمه ارجع وينك
گالولي معذبينك
_____
ييمه ومن اجى الناعي ركضت وطاحن سنيني
اجيته بلايه شوف امشي الدمع غوش نظر عيني
صدگ رد الضعن وحده رجع ما جايب حسيني
صدگ زينب غريبة بر گبل لا اموت حاچيني
انذكر طاري النحر يمي
انغمه اعليه ونسيت اسمي
يدم نحرك حرگ دمي
بعدك وحشة الدنيا
تفارگنا وهاهية
سيد انور الموسوي
ياعشگنه ياحزنه
ياغريب
يتارسنه حزن وجروحك اغماگ
نشتاگ الحضرتك والله نشتاك
تمر بينه النوايب صحنه واتهون
مصايبنه ويبحرك ماخذه الراگ
يامذبوح فوگه داست الخيل
يامذبوح وتطشر عطر هيل
وماخلصت حياته
حسين اكبر جرح تحييه الايام
حسين نحرگ گلبه بحرگ الخيام
وعيونه لبناته٠
٠٠٠ ٠٠ ٠٠
يملتمه عليك سيوف ورماح
يلمالك أهل ماتسمع اصياح
يشبعونك قهر وتموت متعوب
چا غير اليموت انكول يرتاح
غريب حسين ياويلي الغربته
غريب وبالحجر صابو جبهته
ولا واحد يعينه
يصيح إخواني وين ووين الانصار
يصيح وچبده صار من العطش نار
وعله النهر عينه
.............
الناس بلا ذمم من تبعت ايزيد
كلها جايزه من نحرك أتريد
ولا فزاع ألك بس زينب اتصيح
يخويه حسين خويه راح العظيد
يا مذبوح باقي بعازت الماي
يا مذبوح معشوگ الخلگ هاي
يالمغطينه خيره
يسالوفت عشگنه بطول الايام
يسالوفت جرح ماهوّد ونام
من ذيج الحصيره
٠٠٠٠ ٠٠ ٠٠
خليني بكسر گلبي ولدموع
يلايم لاتلومه البين الضلوع
يفر مني اذا يسمع غريبات
وذا يسمع سبايه يعيش مفجوع
غريبه مدوهنه ليش الأميره
غريبه وتركض بحر الظهيره
مذبوحين اهلها
حيره الياكتر تنطي لوجه وين
حيره الجيش كله هد عله حسين
وبعيد الكفلها ٠٠٠
٠ ٠٠ ٠٠٠٠
خادم اهل البيت ع
فلاح طالب الماجدي
ياعشگنه ياحزنه
مولاي الغريب مولاي الغريب
يتارسنه حزن وجروحك اغماگ
نشتاگ الحضرتك والله نشتاك
تمر بينه النوايب صحنه واتهون
مصايبنه ويبحرك ماخذه الراگ
يامذبوح فوگه داست الخيل
يامذبوح وتطشر عطر هيل
وماخلصت حياته
حسين اكبر جرح تحييه الايام
حسين نحرگ گلبه بحرگ الخيام
وعيونه لبناته٠
٠٠٠ ٠٠ ٠٠
يملتمه عليك سيوف ورماح
يلمالك أهل ماتسمع اصياح
يشبعونك قهر وتموت متعوب
چا غير اليموت انكول يرتاح
غريب حسين ياويلي الغربته
غريب وبالحجر صابو جبهته
ولا واحد يعينه
يصيح إخواني وين ووين الانصار
يصيح وچبده صار من العطش نار
وعله النهر عينه
.............
الناس بلا ذمم من تبعت ايزيد
كلها جايزه من نحرك أتريد
ولا فزاع ألك بس زينب اتصيح
يخويه حسين خويه راح العظيد
يا مذبوح باقي بعازت الماي
يا مذبوح معشوگ الخلگ هاي
يالمغطينه خيره
يسالوفت عشگنه بطول الايام
يسالوفت جرح ماهوّد ونام
من ذيج الحصيره
٠٠٠٠ ٠٠ ٠٠
خليني بكسر گلبي ولدموع
يلايم لاتلومه البين الضلوع
يفر مني اذا يسمع غريبات
وذا يسمع سبايه يعيش مفجوع
غريبه مدوهنه ليش الأميره
غريبه وتركض بحر الظهيره
مذبوحين اهلها
حيره الياكتر تنطي لوجه وين
حيره الجيش كله هد عله حسين
وبعيد الكفلها ٠٠٠
٠ ٠٠ ٠٠٠٠
خادم اهل البيت ع
فلاح طالب الماجدي
((شمس حبك))
شمس حُــبك تغَير لون الگـــلوب
صرت دون الخليقه اغلا محبوب
حبك بي عذاب وبـــــــي متاهات
اليحبك كون يسحگـ فوگـ الذنوب
اليـــرد من الزياره
حــرام وتطفه ناره
يغمض عيونه بليل
ويحـــلَم بالـــمناره
يحـــلم زينب بحال
وبديها أتنام الاحبال
يحـــلَم بالخـــيم نار
وتركض كل العــيال
عجيبه الروح اذا تنسه التودهم
آنـــــــه بعيـد بس الروح عدهم
روحي معلـگه بشـــباچ الحسين
يفلــــوها وترد أتلــــوذ ســـدهم
دخيلك يابو دمعاتي حسينا ...
"""""""""""""""""""""""""""""""""
شمس حُبك نسيم أتمر على الناس
ترفه وبيها أنامل مال عباس
شمس من الفياي أتمر على الروح
بيها من العذوبه قمةّ احساس
حُــــبك أكبر هواي
من العطش والماي
حبك شوگ العيون
يشاغل حتى عيناي
يشاغل حــتى وني
خدمـتك أغله مني
خدمتك بيه عنوان
لحد مايغفى جفني
ناس الما مشلولك عالي ونهم
حزن بگلـــوبهم تدري بحزنهم
يشبهون العليله لمـــــن اتگول
آنه جويعده وحمــــــل ضعنهم
دخيلك يابو دمعاتي حسينا ...
"""""""""""""""""""""""""""""""""
شمس حُبك حقيقه ضد الاوهام
شمس حبك (أبو ) وتتكفل ايتام
بس بالشــــــام غابت من العيون
وضعنك ضلمه ليش ويدخل الشام
ضلمه أبلايه نــورك
ضلمه أبلا حضورك
اهل الشــــام ميتين
وأيتامك تــــــزورك
تزور الراس بالشـوف
تّسلم أعليك بالخوف
تدري بيـــهم شــلـون
گلبهم صار ملــــهوف
شفتهم والضعن مـــن رافگيته
بچوك وانته كل عمرك بچيته
زينب عالهزيله تصــيح ياخـوي
آنه مشيت درب المــــــامشيته
دخيلك يابو دمعاتي حسينا ...
"""""""""""""""""""""""""""""""""
شمس حبك قيامه وتكشف اسرار
اليريد يصير هوه يصير تذكار
الوياك بضميره يصـــير وياك
المو وياك لا يحچيلي عالصار
زحمه يگول خيمه
وحچـــايــــه أليمه
لاتحچيلي بلــسان
مــــن تگول هيمه
احچي وصير وافي
المجلس لاتجــافي
هوه الحبه مفضوح
بحبه يشــيط حافي
ويّ الزهره صيح وأنته لهفان
أدور مجلس ابني وين ماچان
وين ألي يصيح حسين مذبوح
وأَعطش بالبواچي وصيح عطشان
دخيلك يابو دمعاتي حسينا ...
"""""""""""""""""""""""""""""""""
شمس حبك أمــانه لليخدمون
فياي ورحمه تنزل من يلطمون
اليحبونك نسو كـــــل الملذات
وأجولك سيدي بدمعه يـــونون
أجو لهل المحاچي
اجولك بالبـــواچي
على الطفله رقيــه
وياضيم التـــراچـي
اجو دمعه أعله دمعه
الخـادم صار شمـــعه
نحبـك والعـــمر راح
ودوم اعـليك ننــــعه
شلون أتريدني حزني أحبسه
لا ماينسي حتى آنــــه أنـــسه
وما أنسه وخيالي يعيش وياه
ويكلمني وأكلمه هيچ أحسه
دخيلك يابو دمعاتي حسينا ...
عبد زينب
محمد الابراهيمي
((يعيل الشوگ))
بجروحـــــي يعيل الشوگ
كون أسبگ ركاض النوگ
اريد اشكيلك اعله السوگ
ونار الخـيمه والمحـــروگ .. دلالي
اريد اشكيلك مــــن الشام
خلــــــونه بخـــــــرابه انام
وحگ عيناك موش أسلام
ولاعـــدهم رحــــم بيـــتام .. يالوالي
اريد اشكيلك اشصار بضعنه
يطشرنه الجمر سوط اليلمنه
بناتك يابعد روحي يالحسين
يبچن حيل ويصيحن أهـــلنه
واويـــــلاه اجينه
أگعد داوي أدينه
يبو روح الحنينه .. الحنينه
اجينه بس شجينه
الغربه تحدي بينه
ومايخلص بچـينه .. بچينه
حسينآ خويه خويه ...
"""""""""""""""""""""""""""""""""""''''''''''
يابُعد الدرب واشــــتاگ
اجيتك والنفس خــناگ
اسيرن والگلب حـــراگ
الضعن كله الك مشتاگ .. يبونه
أسم الشـام عاش وياي
خويه الشام صار هواي
گوم أگعد بعد عيـــناي
تهت يحسين وين ألواي .. وخونه
مصيــــبه وماتكـــــلمني مصيبه
أخيتــــك ياعــــــزيز الله غريبه
گلت من ارجع أخواني يگعدون
ويتلـــــگوني بـــــزينب حبــــيبه
ولا واحد گعــــدلي
اصيح ودمعي يهلي
بعد بالروح شلـــــي .. شلي
بعد ياروحي روحي
وخل تكثر جروحي
ولا تبطل يــــنوحي .. ينوحي
حسينآ خويه خويه ...
"""""""""""""""""""""""""""""""""""''''''''''
جريحه والهجر يســري
يجرني للگــــــبر عمري
وسوالف ضامه بصدري
يكونك تدري يالتـــدري .. بعذابي
بعذابي تدري وأشكيلك
دمع من عيني أوديــلك
چنت بحبالي أوميـــلك
الرمح يحسين يحچيلك .. مصابي
يبن خــــــير الزلم خير البرايه
خـــــدر الله ويسمـــونه سبايه
بناتك خويه مشتاگات يحسين
ولازم عمهن وبچــــــفوفه رايه
اذا مو عمنه حاضر
عمه نموت باچــــر
وخل تعمه النواضر .. النواضر
اذا لاگـــانه ابــــونه
ننســــه السلــــبونه
المهم شوفتّ عيونه .. عيونه
حسينآ خويه خويه ...
"""""""""""""""""""""""""""""""""""''''''''''
اجيتك من جـــرح جلاد
گوم أگعد يبـــــو السجاد
تعال وخل تجـــي الاولاد
الگلب ياخويه طولك راد .. تجيله
طولك خل يمر عالحال
حتى أنسه بديه أحبـــال
وماگول الشمر وشـــگال
دمع لا مايمر عــــــــالبال .. أسيله
اذا تگعدلي ما گلك سبونه
أگلك كرمونه وضـــــيفونه
من گنالهم حيدر أبـــــــونه
على ريش النعامه گعدونه
أذا شفتك يغـــالي
يصير بخير حــالي
وراسي يصير عالي .. عالي
اذا شفـــتك يروحي
يضيع بروحي نوحي
ويهودن جـــــروحي .. جروحي
حسينآ خويه خويه ...
"""""""""""""""""""""""""""""""""""''''''''''
شنهي الرآي هسه شلون
يبو أرقيه تراني أم عـون
خل أحچيلك المضمون
وغلاتك مـا بگليّ أمتون .. وأديه
سوط الاول إيطگ حيل
سوط الثاني چنه الخيل
ضلمه من خذونه بلــيل
وياحيل الركض ياحــيل .. وأذيه
أجيتك من بعد يسـري جريحه
من شفت النحر وآنـــه طريحه
ذبيحه من رحت وبصف ذبيحه
تعبنه واليطگنه مـــــــا نصيحه
غريبه وأهــلي ميتين
اجيتك خويه يحسين
ما أدري الــدرب وين .. الدرب وين
وياشيخ العشـيره
يمدفون بحصيره
اجيتك آنه أسيره .. آنه أسيره
حسينآ خويه خويه ...
عبد زينب
محمد الابراهيمي
لحن(عدنه الحسن)
بصوت
ملا صادق هاشم
بغداد
السيده رقيه تكلم والدها الحسين 😭
وتلاگينه ابحلم بـس انه و أنته نشوف
توك چـنـت يمي وغترتك خضـــــــره
تَــــــوك شربتني مـــــن جمــالك ماي
توك صحت بســـــمي واعــرف النبره
جابـــوك بطشت چاما خـــذتني وياك
عَمّـــتي تگـــلي سفره متت بالــــسفره
جبتلك طف بواچـــي والمــلاگه الحار
مـــثل ملگت الچَــويه بأيد والجـــــمره
جبتلك مطر گلبي المـــا يــعرف الغيم
عذابـــات ودرب والهــــــــزله والعــثره
ردت اغـــفه وخــــيالك گعـــد الميتين
وفـــزيت اعـــله رسمك والعمــر شمره
بعدهي بخدي مسحت چفك المملوح
عشگ المسحه خضر بالـــوجن صـطره
بعـــــدنه نسولف انه ويــاك عن حسين
وصاحولك اجــــتك خـــــيلهم عــــشره
يچنــــك نفــــس ريتي اختنگ يـــا بوي
اشمك بــــس مخـــــيم تطـــلع الحسره
انه بنص الشــــمع خيـــــط وكلتني النار
انـــــه بلــــياك عبـــــره وخلــــفت عبره
يمــالك كل حواسي من السهوله الموت
االموت بدون وجهـــك ينحـــسب نصره
الجمره أطيبْ بس يچوي يظــل فرگاك
اخــــذني ويـــــاك دمعه وداعــه الزهره
عبد زينب
محمد الابراهيمي
((ضيف الخرابه))
بعـــد مابيها هيه
على الفرگه رقيه
بچت نص الخــرايب
زغيره أعله المصايب
"""""""""""""""""""""""""""""""""""'''''''''''
طفل بالحسره ماترهم اشجاب الحسره لعيونه
طــفل بالصفنه شيسوي ليش ومنخطف لــــونه
فـــزت طفلــةّ الضـــامي رقيـتنه الزغيرونه
وفـــز بيها الدمع يچوي وصاحت والدي شلونه
چان يمي ويمسح بچـــــفه الدموع
چان يمي وضاويه بروحي الشموع
بحلم يمسح دمـعتي
ويـــــناديلــي يبـنتي
ومسح مـني الترايب
زغيره أعله المصايب
"""""""""""""""""""""""""""""""""""'''''''''''
جرح والضلمه والنشغه ومرار والوحشه والحيره
بخــــــرابه والحبل داير من إيسيره ليسيره
منـــضر والرسم حاير عجز برسوم تصويره
ورقيه بالعـــشگ تصــرخ ترف چن ذبحةّ الطـيره
راح افزز كـل عشگ بيه وسكوت
هسه أريدن والدي لو هسه اموت
العشگ مو سهله هوه
گلــــب بالحب تچـوه
أحـــبه ومـــــا أعاتب
زغيره أعله المصايب
"""""""""""""""""""""""""""""""""""'''''''''''
الحبل سهله ويفلّنه العشگ شيفله من عدهن
شما زاد الدمع ينضب اكـــثر صاير يشدهن
رقيه وللحزن دمعه وغير الدمعه مـــاعدهن
ولن والداها برسومه وبعيونه غده يصدهن
عينه مفتوحه ونضر كــل العيال
سالت الدمعات من شاف الحبال
بعشگ صاحــتله بابا
هلا بضيــف الخـرابه
رقيه وگلبـــــي ذايب
زغيره أعله المصايب
"""""""""""""""""""""""""""""""""""'''''''''''
گعدت والجرح واگـف وبدت وي منحره اتكابر
حچتله وگوه مـــــا ماتت بدت من غَرب العاشر
يبــــو عطر الــترس ريتي مشـونه بدرب عاثــــر
بس عشگك مشه ويانه ونسـينه السوط والحافر
بابا اخذني وماردت بالدنيا هيل
ياحلاةّ الحـــب اذا اتــمنى خيل
غفت وبــراس أبوها
يـــميــــته وگـــلبوها
رقيه مــــن العجايب
زغيره أعله المصايب
عبد زينب
محمد الابراهيمي
((يارقيه))
يــــاعــــلةّ الكـــون رقيه
موطاحت اعيـــون بيديه
خليني مجنون كل وكتي
مولاتي ممنـــــــون رقـيه
دمعتــچ .. ركــــعةّ صـلاتي
حضرتج .. كـــــــل امنياتي
بعــدهي .. ابروحي الـزياره
عشكتچ .. وكلشي ابحياتي
كونچ تــرضين اعليه
همي من سنين البيه
گــلبي الينخاچ دمعه
روحي التنــعاچ هـيه
يارقيه ...
"""""""""""""""""""""""""""""""""""''''''''''
ياهمس العـيون صفـناتچ
ياجرح الچفوف طيحاتچ
والمثـلچ شــــلون يتعذب
محروگه چاليش يعـباتچ
عبــاتـــچ .. بنـــار الهضــيمه
وغــلاتچ .. كل خلگي خيمه
دمعـــتي .. تشــــبه حسرتي
ونضرتچ .. متـــروسه هيمه
بهيمــه اتركضين ونتي
جرحچ لحسين صحتي
وضعنچ منهوب حـــاله
زغيره ولا ويــــن تهتي
يارقيه ...
"""""""""""""""""""""""""""""""""""''''''''''
مچتوفه بحبال متســـيره
تشــــبه الزهــراء والزهره
ياعمتي اتصـــيح لحگوني
ماتحمل السوط والسطره
عجيـبه .. والله عجـيبه
بالحبال .. هـاي الحبيبه
رقـــــيه .. زغيره وسبيه
اويــلاه .. غربه ومصيبه
حالچ بالــــشام صعبه
عشـــتي الايــام غـربه
تردين حســين يمـــچ
حسين ومطعون گلبه
يارقيه ...
"""""""""""""""""""""""""""""""""""''''''''''
وطـــشــر اوراح حنـــانچ
من جابو الراس لحضانچ
گلتيله يـــابويّ حاچــيني
وبنحره دمعات لحــزانچ
يبـــويه .. بس كلمه گليّ
عفــتني .. ودمعي يَهَليّ
انــــامن .. ويـن وبدونك
بوجنتك .. دمعاتي أخلي
راســك والآه تسعر
وكلبي بليــاك جَمر
ماعيشن لا بــدونك
ريتك يابويه تحضر
يارقيه ...
"""""""""""""""""""""""""""""""""""''''''''''
مخنوگه الانفاس عالمنحر
وبالدمعه يــــا نار تـتــوجر
سكتت مـــــن الضيم رقيه
السكته بـــــالــموت تتفسر
بدمعـها .. مـــن گـــلبوها
بصبرها .. مــــاتت لبوها
رقــــيـه .. راحت شهيده
بالدموع .. مــن غسلوها
كليبـچ نيشـان ملگه
نفسـچ عـنوان خنگه
اي وي حسين راحت
تسعر بـــالروح حرگه
يارقيه ...
عبد زينب
محمد الابراهيمي
((ضحكةّ الخسران))
مثل كل مره اعله بابك
اعترفلك جاي اجرحك
بذنبي يحسين الحـوافر
ياملك لتمدلي جنـحك
ضحكةّ الخسران دمـعه
انجبر بذنــوبي اضحـك
اعترفلك ..
وانته تدري آنه احبك ما ابدلك
اعترفلك ..
ياحبيبي روحي أملها ومـا أملك
عمرك سيدي بخاطرنه تجبر
يمـــا رديت واحد يشهد الحر
أول واحــد وعـالحب مسيطر
اليجيلك يعتذر بدمـوعه تغفر
حبيبي ياحسين ...
"""""""""""""""""""""""""""""""""""''''''''''
هذا گلبي وانــته بيدك
ارسم الگلـــبي مســـاره
الخدمه عيشها بضميري
وعَيش بروحــــي الزياره
ارســــــم بدمعـــاتي گبه
وبنضـــرتي چــــم مناره
حيره حُبك ..
يمته اصدن ياحبيبي اسهام گلبك
حيره حُبك ..
يمته تطلبني واموت ومــا اطلبك
يمته بروحي اضمك مو تضمني
واحبـــنك صــدگ گد ماتحبني
يالمذبوح حتى تعيش الاســــماء
يمته الخـــــاطرك روحي تملني
حبيبي ياحسين ...
"""""""""""""""""""""""""""""""""""''''''''''
شمــــا يتعبني زمــــاني
وينگـــطع بيه وصــــالي
اركض البابك واگــــلك
هاك اديه وشد حــــبالي
اسبي روحي وبيدك انته
ولا تفك بالدمعه حـــالي
بالعليله ..
بداعةّ الضلت تنادي بويه اخذني
بالعليله ..
ألزم ايدي بحبك انــته ولا تهدني
حبيبي ابلا ثمن هـاك اشتريني
هاك عيوني اخذهن وي حنيني
بس خليني اخــــدمك وبسنيني
عــــرفت الناس كـــلهم بايعيني
حبيبي ياحسين ...
"""""""""""""""""""""""""""""""""""''''''''''
دنــيا وبلا انته اخدمه
هــاي مو دنيـا مصيبه
عايـش ومـازورك انته
ولا ازور امـي الغــريبه
شلون ما ابچي حبيبي
واسمع ثيـــابك سليبه
يامهجتك ..
ضامي والطعنه اعله طعنه بالترايب
يامهجتك ..
طـــــــايح وخيمةّ عيالك بالمصايب
طايح وتــــنضر بنـــاتك بالشريده
اهنا صفيه وي رقـــيه وي حميده
والطفل نار المخـــيم تلـــسع ايده
طايح وتدري العقيله تظل وحيده
حبيبي ياحسين ...
عبد زينب
محمد الابراهيمي
تهظم وكفته الباقي وحده بنص عساكر
تصعب خطوته ال يم شماته ويلي حاير
حيرة دمعته من يهلهه اليا مصيبه
توجع حسرته بشده واكع ماله ناصر
اتلفت ويصد عالغاره
نصرتاً طلب انصاره
ما احد فزع انحنه ظهره
ما اله سند بالعاشر
الما اله اخو ميكابر
يدري بالعده تحز نحره
بحسره لزم ظهره على اخيامه دموعه تهل
ابغربه عليه صعبه ترك ظعنه ابد مو سهل
حيره تشح غيره دره بعده اذا ينقتل
خوفه منو يبقه الهم لو تركهم ماكو كافل
گلبه بقه يم ظعونه ودمعه يندب يابو فاضل
****
الخاطر عياله يخفي دمعه ابن الزجيه
اتعنى الرجاله وهمه صرعه اعله الوطيه
يا ويلي حاله من ترجه انصاره كومو
وياهو الجاله وعنه .. يبعد هالرزيه
بكسره وبالم حاچاهم
فزعو للخيم نادهم
ناده بس محد اجه ينصره
يخنك الهوه بنص ريته
من حجه ابشجن واعيته
گلبه سيدي انترس حسرة
اتغرب حزن شيب كَسِر گلبه صعب نجبره
وحده الجمع ضده اذا هجمو منو ينصره
رايه وبلا احمايه بقو اهله ابن حيدره
صعبه اذا رد تشوفه بهيجي حاله كل عياله
يخفي دمع بس يويلي شيخفي ظهره وانحناله
****
بغربه وغريبه الكل تنظره وما تنصره
رد والمصيبه اه يويلي خالي ظهره
بطل نحيبه وضل يكفكف دمعه بيده
وهايه العجيبه حتى اخته ما تنظره
للخيم وصل بالامه
اتلكته ابعطش ايتامه
وبحزن اجت اخته يمه
اتكله شوفتك كل همي
وياهو للظعن يبن امي
خوفي لو رحت العده اتهظمه
ندارن عليه خافن درن يرحل عطر هالورد
اتشمه والتظمه وگلب نسوانه اله تنمرد
اتحضر ابو الاكبر على وداعه بعد مايرد
ويلي اجنه بناته يبچي ضل من ودعنه
وحزنه كبر من سمعهن بدمعه نادن بويه ضعنه
****
صاح بونينه من يقدم لي جَوادي
واخته الحنينه بهم تسمعه من ينادي
ياويلي عينه تجري ضلت من سمعها
تنادي وحزينه خويه ما اقسى فؤادي
جابت المهر بالونه
وطلبت ابالم شي منه
ينزل ويفك ثوبه الها
نحره شمته من جاها
وصدره باسته ومبجاها
لحضه ماوگف انحنت كلها
بونته ترك اخته ومشه للحومه ضامي گلب
يذرف دمع يعرف تجي اخته وهوه عالترب
اتشوفه واذا اتعوفه تروح ابهظمه وي الغرب
يدري تجي تگله الحگ النه جابو چم هزيله
ابنزف الدم حيله رايح وصعبه يوكف للعقيله
اللهم عجل لوليك الفرج
كرار شوكة
((لا دمعه))
لادمعــــه ألا بــمجــلســــك
بنفاسي صــــــرت اتنفسـك
وين امشي گمت اتحسسك .. حسين
"""""""""""""""""""""""""""""""""""'''""""
ياغــيث يالنازل عطر يارحمه يل مــــاتنحسب
آدم سجدلك بالعشگ يل بالعرش يـــــالتنكتب
يالعاري باقي اعله الثرى ادريها مو قصةّ سلـب
بس ثوبك انطيته ستر تسترنه من عظم الذنب
حسيته من جـاع الستر
وكلته من ضعنك خـدر
ورشيته من دمك عطـر .. حسين
گلبي بحبالك مــــن مسك
بجنـــــــونه يفهم عـــابسك
وين امشي گمت اتحسسك .. حسين
"""""""""""""""""""""""""""""""""""""""""
خــل نتفق انت عدل وقابل خدمتي ومنبري
ومــامبتعد عنك ابد وانت النفس بل ناضري
لمن تلاگيني بدرب يالتدري كلشي بخاطـري
هم استحي من نلتقي چه تدري انته بضامري
تدريني مو كلش صدگ
ولاني هَـذاك المحترگ
بس وغـــــلاتك اختنگ .. حسين
بـــــــالحب يگلـبي واترسك
بــــــالخدمه لابس محبسك
وين امشي گمت اتحسسك .. حسين
"""""""""""""""""""""""""""""""""""""""""
ياحــادي خلگي بالسهر وانزف حكايات النحر
مـــــن العليله وتبتــدي من العطش حد النهر
مخليني اسولف عالدمع شما ينفذ تمدلي سهر
وابحـر بروحك والضعن واتلوه واتنفس قهـــر
كلهــــــــن يصيحلك ابـي
كلهــــــــن بنـاتك بالسـبي
وبالممشه والحادي اجنبي .. حسين
شافن بصــــــدرك يلمسك
الحـــــــافر يويلي يرفـسـك
وين امشي گمت اتحسسك .. حسين
"""""""""""""""""""""""""""""""""""""""""
من توصل افكاري بسبي اتنفس جروح الحبل
وتوگع قصيده الزينبك صورتها مو محمل هزل
واغرگ مسافه الخيمتك والنار تچويّ المايمل
واركع على جروحك ندى واتبعثر بحبك حمل
لاصيحه الا الخاطرك
لادفتـــــر الادفــــترك
سجلني خادم منبـرك .. حسين
اباب المجـــــالس حارسك
آنـــه العَبــــــــــد واتلمسك
وين امشي گمت اتحسسك .. حسين
"""""""""""""""""""""""""""""""""""""""""
وزينب براسي اول جرح من يبتدي حال الدمع
واخنگ الصوت بحسرتي وحتى اذني ماضن تستمع
گلولي جرحك ماشفه گتلهم شلونه الضلع
عنواني جرحك بالعشگ يحسين مو گلبي انشلع
وعيوني مـــــن يتصفحن
هلبت اشوف ابن الحسن
يسولفلي وشلـــون انسبن .. حسين
من ركضن بشوك الّ حسك
مــــــن الحبــــل بيهن مسك
وين امشي گمت اتحسســك .. حسين
عبد زينب
محمد الابراهيمي
في ليلة الحادي عشر
عندما جائت السيده زينب إلى الحسين هيه التي تروي قصتها
هوه گلي ياهي انتي
وانه گتله ياهـــوّ انته
مــن لمسته
صاح زينب
وسمعت صوته وعرفته
"""""""""""""""""""""""""""""""""""'''''''''''
أَمَــيل بــــالحجر والليل دامس
أضمن روحي من يتعده حارس
هـيه شمـــالها مشيبه النــوارس
من ذبحـــوك شـافنك تــرافس
گـلي انتي گتله انه
گلي زينب گتله انه
گلــي احچي
گتله شحچي
رگضت الوادم ورانه
"""""""""""""""""""""""""""""""""""'''''''''''
عمت عيني يـورد الزهره ذابل
دگلي چم جرح يحســين شايل
اخبرك فرهــدو كــل المحامل
وأجيت أمسلبه وباچر هـــوازل
هـوه گلي خــويه زينـب
وآنه گتله حالك اصعب
نــومتــــهن
وانه اجيتك
ارد اگلك گلبي شيب
"""""""""""""""""""""""""""""""""""'''''''''''
نموت عليك يـالميت علينه
رهمت والحبــل شـدو بينه
اجانه الماي بس لا ماروينه
يحتى الماي هم مــزاعلينه
تراب نحـره وگلت امسحه
وما مسحته خاف اجـرحه
خويه گتـله
شلون ألمك
الصدر صاير طحن رحه
"""""""""""""""""""""""""""""""""""'''''''''''
احچي ويـــاك وتگــلي اليتـامه
يـــالمســـلوب راسـك والعمامه
العش محروگ مچويه الحمامه
والحــراس مـــابيـــهم شهـــامه
گتله خـويه گلي اسمعچ
گتله صاحو گلي بسمـچ
خويه عگبك
والله حيــره
وگلي زينب خويه خدرچ
"""""""""""""""""""""""""""""""""""'''''''''''
اشيلن ياكتر يــــالصــاير أوصال
هينه اوصالي بس گليلي العيال
اگـله ويــــاك راح الگلب والبال
وهو يگلي زينب خشنه الاحـبال
تدري بينه من ولونه
گلـي ادري من اجونه
گلـي خويه
كلشي ادري
خويه ادري فرهدونه
عبد زينب
محمدالابراهيمي
مات الأمل مـــــــات الورد
يايــوسفـــي يمــته تـــرد
وردَك بلا ماي….ليش انته ماجاي.… يابو صالح
★★★★★★★★★★
ماظــل امـل يالمنتظر … مات الورد مات الشَجر
بالگاع ماظل شي خَظر…. يغايب
ماحنت اعليــه السمــــه… تمطر ييوسف فاطمة
ظليت كاتلنـــي الضـمـه… .. يغايب
ماترحم اسيوف العطش….مات الورد وسط النعش
اسمك على گلبي انقش…. يغايب
يالتعصر ابگلبي عصــر …كل مايحل وكت العصر
صليت عد اهلي قصـر….. يغايب
ظليت اتاني ومـــــــا أمل 🙏…
وبچي مثل بچي الطفل
محد بچه اوياي …..ليش انته ماجاي … يابو صالح
★★★★★★★★★★
سَمعني چَم عاذل حچي… ويلچي على گلبي لچي
بس انـــه اسمعنك بچي… يغالي
محبوبك ايگلي اشعجَب…منك فلا يسمع عتَب
وبوجهي مرسوم التعَــب…. يغالي
ظليت أكابـــــــر عالجرح….والشامت ابحچيه يلــح
يمته تجي ويطلع صبح…. يغالي
من البچي اعيوني انعمَن…. چايمته اشوفك بالصحَن
وتــتلگـــة زوار الحَسَــن…. يغالي
اتنادي هلا وميت هــــــله….
زايــــرنــا واحنه انــــدلله
امروتك يمولاي ….ليش انته ماجاي … يابو صالح
★★★★★★★★★★
يالشوفتك صارت حلم.... بجروحي اطش وارجع ألم
وبروحي نيران الهظم … يمهدي
أسهر واتاني بكل مسه…والدنيا ضيم امعسعسه
چم نوح بدموعي الرسه…. يمهدي
ابيضت اعيوني من الدمع... وشاعلك اسنيني شمع
يعگوبك اني ابهــــل وضع… يمهدي
مَلــت محــــطات السفــر …. يمته تــجي يالمنتظــر
بعيوني راسمــلك صـــور…. يمهدي
بدموعــي كاتب مُستَهل ...
يالمهدي ادركني العَجل
حاطتني بلواي. ….ليش انته ماجاي. … يابو صالح
★★★★★★★★★★
كل يوم اتاني اعله الدرب… وتتصدق اعليه الغـــرب
حافي مشيت اعله الترب… تر اني
في جمكران ام ذي طوه … موگلبي بالنــــار ارنچـوه
يالمهدي خانــگني الهــوه… تراني
في أي بالد عندك سَكن…سايم عليك ام الحسن
ماعندي غيرك أي وطن… تراني
ماتدري محبوبك ســـأل… بدموعه كاتب مُستَهل
وناديت ياالمهدي العَجل…. تر اني
الفارگ محب مايستچن…
يلبس اثياب من الحزن
ويبچي بلا راي. ….ليش انت ماجاي. … يابو صالح
★★★★★★★★★★
صاحت عَـلَـــيْ هاي البشر. … مَهديَك انـــته ماحظر
وصب دمعي من دَم الحَمَر… هضيمه
رحت ودمع عيني أيهلي … ودنگت يــــم گبت عـلــي
المهدي اريد اترجعه ألي… هضيمه
يالرجعت حته الشمس … رجعلي غايـــب من أمـــس
جرحَتني وادم ماتحس…. هضيمه
يالبيضـت وجـــــــه النبــي… بيضلي وَجهــي ابمطلبي
أعليك المشَت درب السبي… هضيمه
ابعبدالله احلفك والسهم ...
ودمعـــة رُقـــيه والعَلــم
سهلي بس هاي…. ليش انته ماجاي…يابو صالح
★★★★★★★★★★
ابجــــاه الشموع اوحنته… ذاك البچــــوله ابزفــــته
ولطمـت ابعرســه عَــمته…. والحسين
ابجاه الذي جسمه انطبَر…وراحاله ابوه مَحني الظهر
چم گلب وي ليله انكسَر… والحسين
ابجاه العله الشاطي انرمه… وامفرعه اجت ليه السمه
وزينـــــب بچــت بمخيمه… والحسين
ابجاه الحنه ظهرة ابألـم… ونــــاده يشـــيال العَــلـــم
ظلت رُقـيه ابــلا خيَـــم ⛺ والحسين
اقسم عليك ابعَـمـتك …
راويني بس اعمامتك
مو ورم اچلاي.... ليش انته ماجاي... يابو صالح
ـــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء
آنه واحد عاف گلبه
وجلب بخيط العباه
ادعيلي يم حسين فدوا
كلشي ماريدن عداه
ضلمة وشموعي گضتهن
سنيني واطلب من ضواه
يا طرف العباية الابسهه ابو فاضل
بخيت انت واريدك تسئل الكافل
يقبلني عبد واخدم اخوه حسين
غير حسين أنه بگلبي ولا شايل
حنين انت يبو فاضل
واطلب منك الخدمة
ياقاضي الحوائج كون
عيوني بالبجي تعمة
يابو الغيرة غيرة نريد
يالاسمك هوى نشمة
السلام عليك يا ابا الفضل
____
خلي جمرة تفور بيه
جمرة طاحت بالخيام
جوي گلبي الراد يعثر
يضيع خايف بالضلام
احنه ما عدنه سواكم
وبس دمعنة والسلام
اشكبر تضحيتك لزينب يبو الغيرة
و وكفتك ذيج يم حسين الجبيرة
ثبت روحي للخدمة وبلاية الصوت
اخرس كون بالخدمة وهظم ديرة
يالتخدم بلاية الصوت
علمني الصمت خدمة
انشل الساني يا ريت
اذا ما اصرخ بأسمة
دخيل عيونك الحلوات
قربني لأبو اليمة
السلام عليك يا ابا الفضل
__
شنهي عمري بلا بواجي
والمهدي گاضيهه نواعي
يا ابا الفضل برحمتك
لو مشت اعلن ضياعي
ادخيل عينك يا حبيبي
خدام احنه وانت راعي
العبد ماعندة بس مولاه يا مولاي
مثل دمك نريد نطيح يا حماي
نوگع لو منادي يگول على البيداء
اشردن يا خوات حسين عسكر جاي
اصعب لحضة بالعاشر
معصوم بضعونه احتار
يالسجاد عمته تصيح
شبوهه الخيم والنار
هجن بالبراري يگول
والحافر لأبوي اندار
السلام عليك يا ابا الفضل
____
بدي من عيني الفرات
وعطش الريج لوگعتك
من اجه حسين ولگاك
خوية ثاري ما عرفتك
من شيب حسين ورجع
يا ابو فاضل يا كسرتك
دير بگلبي اي لجمة بهذاك الطف
من الجود من خيمة انت اعرف
المهم هو الدمع يوگع بلاية الصوت
بدون الناعي ابجيلك هذاك الجف
وادري حسين من صدرة
الحوافر شلعت اضلوعة
وبعين البقة محتار
حزنه اعيالة ودموعة
زينب تطلع وا يا حيف
بس ركضتهه الف لوعة
#محمد فرج الحريشاوي