4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
#قصيدة _ رئيسيه
الحسين ع مع اصحابه بعد مقتلهِم
_ لو بس جانت ترمش عيني
_ تنزرعون بكل امجان
_ جا تهضمني احشم بيكم
_ وآنه اعرف صحباني أحنان
\\\\\\\\\\\\\\ 1
هاذه اليلُ اتخذو جَملٍ
كلتلكم بس ما عفتوني
صحباني وبس جنكم أهلي
و آنه ادري هوايه تحبوني
شعطلكم من صرت الوحدي
و شوفتكم رادتها عيوني
مو ردتو تموتون بعشكي = وآحياء انوبه تردون
حتى وانتم موته و صرعه = بكد غيرتكم ترتجفون
_ من سألتني اعليكم زينب
_ ما كلتلها لفاكم موت
_ و من كلتلي الوَحدك باقي
_ ضَل بس دمعي يطَلع صوت
////////////// 2
صح عطشان ويابس ريجي
ابملكاكم يبرد دلالي
وركه و شوفتكم تسكيني
و جان المي بالعاشر غالي
أول مره ابجي اكبال اهلي
حكي امفارك راحة بالي
مستنكيكم خيط بصحره = جي تختَلفون اعله الناس
صح مولاكم آنه ولاكن = حاسبكم مثل العباس
_ ما صح منكم من طيبتكم
_ يا هو لحلك الموت يروح
_ جا حَك لمن تطلع روحي
_ غير اعزاز انتم عالروح
/////////////// 3
زين ورادت تطلع روحي
و ما طر اول مغرب وكته
بكد ما اتعثر كمت اشعر
شي طايح مني و ما شلته
دورت البيه و شفت انتم
طاح كليبي و يمكم عفته ؟
واحد واحد بيدي اتشيع = اوي كل واحد روحي تموت
كل واحد شلته اعله امتوني = ربعي و صرتلهم تابوت
و كت الطف ساعه ومو اكثر
و شو جنكم حاربتو هواي
يالفركاكم عطَش ضعني
ادري الله مسويكم ماي ؟
////////////// 4
يا حلوين اطباع و ملكه
يالبيكم ما دَنِك هامي
الله اختاراكم من خلقه
حتى تحامون اعله خيامي
هسه اكبال اعداي ابطولي
الوحدي و انتم مو كدامي
من كوضتم حيلي تبريَد = جي فركاكم جنه سهام
طلعت روحي من كلولي = ضل حسين بلايه حزام
جنتو السبعين الف بعيني
وهوايه انتم مو سبيعين
و ادري المنكم ما يتعوض
جا مو حكه يموت حسين
////////////// 5
ضليت آنه وضِلي محيَر
ما ميت بس صرت جنازه
جنت اعرف من ابقى الوحدي
للخوه تصير اكبر عازه
و من اعثر محد يفزعلي
و فزعتكم جانت عكازه
بكد ما عطشان آنه احبكم = و عازتكم فوك المعقول
اعزاز اعليه و ما آنساكم = لو تسحك فوكايه خيول
الهَد بعركه ومامش ربعه
يطيح باول هدة سيف
و يصير معزب لجروحه
وسهام العدوان الضيف
----
اللهم عجل لوليك الفرج
علي الحسن
#قصيدة_رئيسيه
دار حديث بين مولاتي رقيه ع
و العقيله زينب ع
بما سوف يحدُث بفاطمه العليله
عندما تعلم أنها لم تذهب و ماذا سوف تفعل
فقالت لها مولاتي العقيله زينب ع :
فراك المامش واحد مثله _ صعب اوداعه
واختج بس نتعذر منها _ تموت بساعه
ما تتحمل هجره الناكه
شلون بنيته تشيل افراكه
١ /
لو رحنه وباجر نتوكلْ
اختج تذبلْ " وي روحتنه " يا عمه
اختج حنيتها هوايه
تموت بهايه " لو عفناها " يا عمه
اول طفله يحومر خدها
و تعيش بشوفة و الدها
و طير الصاف يسير عدها " وينوح
شرايد جاي ورايح الها
بس لا بحسين يكللها
بس لا راح يعوفج كلها " و يروح
وحسين احنين بس يبجي " تهيج جروحه
و اختج بردانه امن اتجلب " تطلع روحه
ماي بماي وياه تتلاكه
٢ /
ما كلتلها نروح ونرجع
بس المدمع " يفضح عيني " من احجي
جانت ضنها تروح ويانه
و ي ممشانه " شيقنعها " من تبجي
ما تدري بغاية سفرتنه
وشيصير اعلينه بروحتنه
تتشتت لازم لمتنه " وي ريح
صواب حسين شيحمل سهمه
جي اربع احرف من اسمه
تعيش اربع أيام بهمه " و تطيح
من تشبك والدها وتبجي _ اتكطع نياطه
رادت تتكفل عبد الله _ تشيل كماطه
وي عبد الله تحب اعناكه
٣ /
خافن يمنه تسولف تكعد
ولمن تعكد " نية الممشه " تتعذب
تحجي و ما أكسر و اهسها
ما احسسها " تبقى بغربه " تتعذب
حيرة طير و فاكد روحه
بس ترجع خاطر مجروحه
و خاف تعيش بأمل الروحه " وتلوب
بس تكابل عيني بدمعه
بيه تبين طاري الرجعه
هنا اتمنى اصيرن شمعه " وذوب
آنه اكثر وحده التتعذب _ من طاريكم
من هسه اتحمل اي واحد _ يحزن بيكم
حسين ونشفت هسه رياكه
٤ /
جتني وجابت جربه وحسَتْ
بس لا عرفتْ " باجر بالطف " شحة ماي
احجي وياج بخافت مسمع
عن لا تمسع " قصة باجر " شحة ماي
بس لا عرفت كلبي وضيمه
بس لا سمعت طاري الهيمه
ونظل اندور على خيمه " ونضيع
و ضعني يصير أصعب موضوعه
يروح حسين وبيده دموعه
و ما يرجع سالم بضلوعه " صَريع
احجي بكلبي عن لا تسمع _ طاري الركضه
و ما تدري بوالدها اليوكع _ خيل ترضه
تضل تحلم بالماي و راكه
٥ /
ما تنلام اختج يا عمه
صعبه وهضمه " حسين فراكه " يوجعني
انت اكثر وحده الما تكدر
تصبر أكثر " يوم ابالي " يوجعني
يوم حسين بايدج راسه
و تدورين بشم انفاسه
واحساسج يشبَج باحساسه " مصاب
هنا كلبي اعليج تشلعينه
تموتين اندفنج بايدينه
و خاف تموت وياج سكينه " عذاب
تموتين و المح بعيونج " المفاركته
آنه اعرف ضعني اول تالي " حسين يموته
و جانت امنيتج الملاكه
____
اللهم عجل لوليك الفرج
خادم مولاتي العليله علي الحسن
نزله لمولاي علي الاكبر ع
بالحرب ناده علي '' لا فتى الا علي
حيو الاكبر .. حيو الاكبر
_ ١
برز الاكبر ... بحيل حيدر
بهيبته و نزلاته
كلها خافت '' بعينه شافت
حيدر و صولاته
بعده ما بارز علي الميدانه
تراجع بقواته ابن مرجانه
الحرب بالطف جانت برفة علم
شسوه الاكبر حته طر عدوانه ؟
البرز بالطف ينولي '' لا فتى الا علي
حيو الاكبر
_ ٢
حيد ، نوماس " جنه عباس
لو خزر بعيونه
ابن الصميده " كلها بيده
وما يثَني امتونه
جان ضنهم الاكبر ايجن حيله
وهوه اذا كاسر ضهر الكحيله
صدك نسوان العرب جابن زلم
شلون زلمه و نفل جابت ليله ؟
حكه من يصبح ولي '' لا فتى الا علي
حيو الاكبر
٣
شيخ الطفوف " و العده ضيوف
كلها زارت سيفه
ابن غانم " صاح نادم
استعجل بتضيفه
جانت امه امن الحسد تقراله
علي و بس كلمة علي تحلاله
ولان ما يرهم علي بس ثوب ابوه
يعني بس حسين اله تفصاله
صوته بالطف يعتلي '' لا فتى الا علي
حيو الاكبر
__ ٤
زغير عمره '' وصلب ضهره
رفع بالطف راسه
زماط ما بين '' عمه وحسين
لون واحد جاسه
جان ضنها العده بعده ازغير شاب
و كلب عاليها اعله سافلها كلاب
بكثر ما يعرك جبينه امن السيوف
خله كل عدوانه تركض عالسراب
نار بي تغلي غلي '' لا فتى الا علي
حيو الاكبر
_ ٥
جن محمد '' بي تجسد
بحسنه و بتربيته
ياهو يكدر '' يدنه الاكبر
اله يهدم بيته
اليدنه منه الكبره يحفر بيده
حكه لو عمه يكله بهيده
بكثر ما لاحت كصصهم ناره
بطرف جفه يصير الاكبر صيده
رجع حيدر الاولي '' لا فتى الا علي
حيو الاكبر
----------------
اللهم عجل لوليك الفرج
علي الحسن
فكيت جفني بزغري..لاگيتك
تعنيت ب اول عمري..حبيتك
گاودت اديه و گتلي..تمشالي
محد يفيدك غيري..وشميتك
يابو الخدم..لفني بعباة الخدمه
يابو الخدم..بالريه اشمك نسمه
يابو الخدم..مشيني بس بدروبك
يابو الخدم..اليماشي غيرك جدمه
شيحصل من غيرك بس انت الصدگ
الما يمشي بدروبك ما يلگه العشگ
دليني بعيونك ارد اشبع ضوه
علّم گلبي و جيسه بس بسمك يدگ
.
.
.
شتمنه ما يطوني..واتاني
بس انت تقره عيوني..بمعاني
ما ارهم انه لغيرك..واصيرن
لغيرك سواد جفوني..شجاني
يا سيدي..متندم اعله الفايت
يا سيدي..ماصخ كلام البايت
يا سيدي..والملحه كلها بلونك
يا سيدي..الغيرك كلام الخافت
مامطروق احچيلك من گلبي الك
ينگص جدمي لغيرك لو لحظه سلك
هوه الشافك گلبه لغيرك ما نظر
انت الگايل والله دربي يدللك
.
.
.
سرحت عيوني بعينك..شفتني
ومديت چف يمينك..صحتني
محد يفيدك غيري..اسمعك
يم الحچي الي يسوه..خَذتني
سر الهوى..برموشك امن ايطبگن
سر الهوى..بيهن عيوني يسرحن
سر الهوى..ماخذني من العتمه
سر الهوى..ماچنت اعرف عدمن
ما اعرف دلالي چان المن يدگ
بس هسه اندليتك واعرفت العشگ
سويني ربيني علمني الهوى
اگدر اعشگ (ميه) بس وين الصدگ
.
.
.
سوالي صيت الموكب..وكياني
ماچنت واحد اعجب..وجفاني
بس انت فكت ايدك..خلاصي
ما چانوا يعرفوني..الفُلاني
صيت الخدم..لمن تصدنه الوادم
صيت الخدم..تفضل هلا بهل خادم
صيت الخدم..سواني زلمه المجلس
صيت الخدم..بعيوني اسمك راسم
بعيوني امن اشتاگن الگه الحرمين
ما مره ع الگبه اسأل هايه وين
راسم اسمك بيهن وبماي الذهب
حتى المن ماباوع يطلعلي حُسين
.
.
.
انت الخَلاص و غيرك..ضياعي
بهل دنيا بس مرضاتك..متاعي
وين الذي يبچيني..و انوحن
بس اسمك يبچيني..يناعي
يا قل هوَ..انت الوحيد بگلبي
يا قل هوَ..انت التسير دربي
يا قل هوَ..ما ارجه بس مرضاتك
يا قل هوَ..انت التقدر تعبي
بس انت و بس انت و كل غيرك عَدَم
حيلي بس لمصابك يابويه انهدم
ياهو المثلك عنده مفتاح السمه
ياهو يلم الوادم مثلك بالخيم
حسين الحمامي
قصيده گعده
.
.
.
لا اسلام عدنه اولانبي عاش
لو ما ياعـلي بايــت بالفراش
تضحيتك يبو حسين
عد الله اشكبرها
----------
يوم اظلم چان مــنه اتـــفوح رائحــة الــنذاله
اجتمــعو الكــفار رادو تنــوئـد روح الــــرساله
وبتـت بفراش الرسول بكل عزيمه وكل بساله
في حينها الــوي النبي .. بالغار يرجف چن صبي
الحسبوه علينا صاحبي .. چان خايف من خياله
امكان الهادي رادو يكشفونه
فلان بكثر متطگطگ اسنونه
الباذل روحه للدين
عد الله اشكبرها
_
لاقريش او لازلمها المصطفى چــانت تخيفه
وموش ياهـو الجان يگدر طه بفراشه يعيفه
المغزه حتى ايبن النه ياهو من بعده الخليفه
فوگاك من جان الخطر .. لازيد جان اولاعمر
چانو يعبدون الحجر .. ومنها صعدو للسقيفه
الدنيه شــلون دنــيه ابـلايه انصاف
اليجيها اخلاف يركب فوگ الچتاف
لكن وگفة الزين
عد الله اشكبرها
-------------
يلعب الاعـــلام دور اچبــير بروقة السياسه
المشكله ابنادم اليوم ابكرسي يتقيم قياسه
تلگه واحـــد هوه فارغ لكــن مكــبرته ناسه
للفخفخه لامانــهــم .. مـو رابع انته اول اسم
شنسوي للمايفتهم .. خل يطخ بالطوف راسه
لو ما يمنـــتك يا ابـــو الحسنــين
شعـــيط معيط ماصارو سلاطين
يالضارب بسيفين
عد الله اشكبرها
__
يلي وگفاتك اهوايه ياعلي والله اشكثرها
اي يمن تاريخك ابيض نفتخر كل مانمرها
روسنه چا گرعوها لــون عد غيرك عشرها
يالسيفك امطلگ الغـمد .. گــول وفعــل لمــن تهد
بيدك جبت راس ابن ود .. الچانت وياك اشعذرها
خلف الله اعله چفك يا ابو اترب
يالرجعت مـــاي اوجوه الاصحاب
تالي الماوفه الدين
عد الله اشكبرها
-----------
شلت دين الله اعله متنك واحملت شتى الاذيه
يامن افضالك چثـــيره لاهـي وحده ولاهي ميه
لـــوحچيــنه بيهــا گالــــو ماشـبـــعتو طــــائفيه
ابهذا الوتر وادم تدگ .. مـارادو اليحچي الصدگ
خلونه گلــنه نحترگ .. بحب علي حامي الحميه
الهوس ياعلي الغــيرك يريــدوه
واليحچي بمديحك شو يكرهوه
وحچايتنه بعدين
عد الله اشكبرها
--------
حيدر تركي الكربلائي
.
.
.
مجالسنه تكون مدارس للجنون
عشگنه احسين وحسين
لقومٍ يعقلون
***
حاء وســين ياء ونــون هالـقانون
بــي مضــمون للعــقال اسه اثنين
في جــيم الـجنون وزائــد الحرگه
ابلا شك يطلع الناتج محبـة حسين
اسم حسيــن ماينحـط اله تربيــع
چيه هـذا الاسم متــربع بكل عين
مو شغلة عواطف هاي بس الراي
نستشعــرها ياهالنـــاس شغلة دين
بكريات الدماء شعــائر كـربلاء
وعلـَنه هذا الاحساس
لقومٍ يعقلون
***
الــحب ألام والــخدام متـــعودين
واحــدهم اذا جـــن محــــد يلومه
اذا عابـس يصير استاذهم معلوم
عاديــه اليشگـگ منهـــم اهدومه
المتعلم الضمه عالمـنذبح عطشان
شيقنعه وتــريـده يعـــوف تعلومه
المخيم ماطفه بگلوب ربع حسين
حد هالساعه بينـه النار مضرومه
كشخنه بالسواد وتعطرنه برماد
رماد اخيام الحسين
لقومٍ يعقلون
***
المجالس هاي قــمة وترفع الانسان
للــعرفــان بالـــذات الحســــينـــيه
والدمعـات عالمـــسلوب منه الثوب
تصـــنع روح زهرائيـــه قدســــيه
والمخلص تشوفه بكل وكت مكسور
بي عاشور جــمره تعـــيش ليـــليه
جفونه التحترك من الدمع محظوظ
بعــيونه تعـــيش احـــلام مســــبيه
الاحاسيسه طفوف فقط زينب يشوف
اذية طاري لسياط
لقومٍ يعقلون
***
الـــف الحـــمدلله عــلى هــالتـــوفيق
نســــأل الله تـــبقى گلـــوبنه امجمره
اليحضر للمجالس مــوش ياهو الچان
بــس الدزت اعـــليه فاطمـــه الزهره
الصدره بيه كــسر من اللطــم محسود
ايحس ابجرح امامه المنطــحن صدره
الخله اعيونه حمره امن البچي اتركوه
ايوسـي المهــدي راد بدمعتــه الحمره
هنـــيئـــــاً للفـــجيـع عله مصاب الرضيع
مصابه وهذا المصاب
لقومٍ يعقلون
***
بفي عاشور عشنه اسنيــن محروگين
عالضل بالشـــمس مرمــي ثلاث ايام
البالـــقامه طــبر راسه تلـــومه الناس
ياعـــمي تــــرى المــحروگ ماينلام
حسين الخيل فوگ ضلوعه گام اتجول
ياقامـــه التطـــفي جــــمرة الخـــــدام
احرام السـمه حسين وللأسف هالناس
بالطــــف سلـــبو ياوســـفه هالاحرام
اذن خسف الصدور وجوب الهالنحور
وتره استنباط الاحزان
لقومٍ يعقلون
***
لون اهدومنه من لون سِمرة جون
ذو الريحه الي تشـــبه ريحة العنبر
البالخدمة يشـــد احــزام دانه الغيم
شينزله اليـرفعه احـسين ابـو الاكبر
يروينـه مـــحنه وهــوه مـــن الماي
ظامي وثغره من گـــد الضمه فـطر
شنـــسويله احنه نشـــعر مقصرين
للـــي بمـنحـــره ويـــانه ماقـــــصر
مضامين الوفــاء يجـسدها العزاء
ويضل تقسيم الاشياء
لقومٍ يعقلون
***
حيدر تركي الكربلائي
أنا أتشارك 'ميمر مره الحياة' معك
Читать полностью…
للامام الحجه عج
.
.
.
عمرك صلى الله علــى عمرك وسلم
عمرك بين الـــــمذبح وبيـن المخيم
تنوح اعله الجمال
التــوزع عــالرمال
يامهدي
****
يالأول اجروحك عطـش سالوفه ذبحة ناسك
عايش حزن ماينتـــــهي متلازم اويه انفاسك
الشهگه العلى التل سيدي لسه تعـيش براسك
جــراحات .. ومعانـات .. المـثلك الله وحــــده يعين گلبه
والاحساس .. بلا راس .. راسه منفــصل بثنعش ضربه
ظهرك حقك يابـوصالح من حنيته
ظهرك فوگ الغـــبره متگطع لگيته
شفت وجه الكمال
التوزع عــالرمال
يامهدي
***
عاشورك ابـدن ماخلــص يالعـايش بهالحاله
والمثلك الله يساعده الطف كل دقيقه اگباله
ابجثـة ابوك اعله الثره ســحكت عشر خياله
شيطفيك ..ويــشب بيك .. مخيم بي صدى صوت اليتامه
مـثل حال .. هـــالعيال .. لـيــــل الــــي يمـــرك ماتـنامه
احزان ماتخلــص ولا الـــــها نهايه
احزان من خنصر ابواليمه البدايه
فلا تنسه ومحال
التوزع عالــرمال
يامهدي
****
يالخجلت عين النهر من گــــد مسيل ادمـوعك
موضوعك الطف وابد ماينــــتهي موضــــوعك
ادري الحوافر كل وكــت متقـصر اويه ضلوعك
اسمعت زيـن .. يالحسين .. اذا بعدك عـدل لحگ علينه
نهض طاح .. عـالرماح .. مابي قــوه يوگف ابو سكينه
شفته شگد صبرك يامـهدي چان حده
شفته مـــــثل المـــــاي عالغـبره تبده
عماك انته احتمال
التــوزع عالرمال
يامهدي
****
بــين المـخيم والنحر عمرك رماد اتـــوزع
تتطشر اعله المنذبح وتلــــم قواك وتفزع
متنك هدل من الضرب يم زينب التتروع
بلا حيل ..واجه الليل ..وزينب ماكو يمها التشتكيله
حسـافات .. حــرمات .. باچــر تركب الــناگه الهزيله
گلبك اعرف يابوصالح هسه شيب
گلبك طبعا محترگ عالحره زينب
تنـــوح ولايـزال
التوزع عالرمال
يامهدي
****
حــزن السبايه سـيدي ماخـذ حياتك عنوه
حلوه الحـــياة الا الك يالمــهدي لاموحلوه
تگوه نگلك والصــدگ من ياهي انته تگوه
على النوگ .وتطب سوگ عمته يابو صالح وشيضل بيه
هالألام .. من الشام .. ضعنكم چيه الناس اتـــباوع اعـليه
وَنـك مايخلـص تون صبح ومسيه
وَنـك يشـــبه ســـيدي ونـــة رقيه
ويضل بيك اتصال
التـــوزع عالــرمال
يامهدي
__
حيدر تركي الكربلائي
عطشانه اهـواي .. بـس مـو للـماي
الوجهك يحسين
عطـشانه اهـواي
_____
صار اچم يوم امفارگني .. وخدي امن المدمع يحرگني
اسئــل عــنك يامـاي الله .. يالوجــهك چــان امــغرگني
محروگه ابدلالي الخيمه .. وگلــي اســئل عنك ياغيمه
ياماي اعيوني الشـيلمك .. يالمــتبدي بحظــن الهــيمه
اشتاگت عيناي .. بـس مـو للـماي
الوجهك يحسين
عطـشانه اهـواي
_____
ميته امن الشوگ امخليني .. مـن عذبك يمته اترويني
حارگني افــراگـك حارگني .. ومحـد ياخويه ايطفيني
شمات اهـواي ايشـوفوني .. وعنك كل ساع ايسئلوني
يابس حسيته امن اغيابك .. يابو اليمه السان اعيوني
ثــق يارجـواي .. بـس مـو للـماي
الوجهك يحسين
عطـشانه اهـواي
_____
احتاجيتك بدروب الغربه .. چــتالك من مـتني ايظربه
دورت اعليـك ابأشيــائي .. المــاضلت منهن بــس تربه
سلبوهن كلهن من عندي .. وضلت بس دمـعاتي ابخدي
اشعر كل دمعه امن افراگك .. يمـكن يابو اليمه ابگدي
احچـيلك هاي .. بس مو للماي
الوجهك يحسين
عطشانه اهواي
_____
بحچايـاتــك جــاي اتــذكر .. وافرك بچفوفي واتحسر
من سمعت حسراتي الناگه .. شو گامت تمشي وتتعثر
شــوگك موتنــي وتــدريني .. راح اغـفه وبلكت تلفيني
اول مــاغمــضت اعــيوني .. لن سوط ابمتني ايوعيني
هـمــي وبلـواي .. بـس مـو للـماي
الوجهك يحسين
عطـشانه اهـواي
_____
اشتاگيتك ياروحي وعمري .. وشوگك مدري اشسوه بصدري
اعلــه افراگك لا مـامتعـوده .. وكلــش زيــن ابـزيــنب تـــدري
ابهجـرك مدري اشـصاير بيه .. اختــك بخـــلافــــك مــعـــميه
مــن يوم الشفــتك عالغـــبره .. اتطــشـر وانـــلـــم يــــومـــيه
ملهوفه اعظاي .. بـس مـو للـماي
الوجهك يحسين
عطـشانه اهـواي
_____
تعــبنــي افراگــك تعــبني .. شمــعه وهجــرانـك ذوبني
احلم ترجع واگـعد والـگه .. راس گــدامـــي ايعـــذبـني
راسك من ابچي ايضمونه .. ومن اسكت همه ايطلعونه
ماكفــاهم جــرح امــتوني .. رادو دلالـــي ايجـــرحــونه
نوحي ومبچاي .. بـس مـو للـماي
الوجهك يحسين
عطـشانه اهـواي
_____
تمت والحمد لله
حيدر تركي الكربلائي
يالدافن گمر .. يم النهر .. گبر الضوه وين
مشتاگه اله .. بگد كربله .. ياعـمه هالعين
مخنوگه العبره بصدري
وديــني الكـافل خدري
يالسجاد
----------
ارد اسـولفله الجرالي من مشـيت اميـسره
بس احس بيها چبيره خاف اكـسر خاطره
زحمه اگله الشمر سوطه عظم متني كسره
خاف الچم عين اخويه الدمع منها لو جره
غيرة كافلي .. غيره علي .. وادريبه حساس
خافن من اون .. يمه واحن .. يــتاذه عـباس
لاسـولفله اولا يـدري
وديني الكافل خدري
يالسجاد
------
چنت اتنفـس كفاله ومـن هوه الرايه اشم
الوادم يعرفون حيدر عده بت بس بالاسم
الكوفه چـان خـيالي بيها عمه للنسوه حلم
شلون اگـله الكله غــيره رحت مابين الزلم
قطعا بنجرح .. وجه الصبح .. يازيــن العـباد
لو گتله الخدر .. بيد الشمر .. من عگبه ينگاد
زحمه امن ايحس بگسري
ودينـــي الـكافل خـــدري
يالسجاد
__
يــم گبر عباس اسولف رايده وخــاف اختنگ
خاف انسه روحي يمه وللكفل احجي الصدگ
الحز وريدك زحـمه اگله متـــوني خلاهن زرگ
اظـــن مــن الغيره گلــبه وهــوه ميت يحترگ
وحجاب السمه .. بت فاطمه .. تحديدها الاجناب
يــتزلزل زعــل .. گلب الكــفل .. ويبـــَچي التــراب
بلكي ولن يطفي جمري
وديـني الـكافل خدري
يالسجاد
-------
الشام يوجعــني واخاف الـشام طاريه ينفتخ
وعمت عيني اجروحه كثره والحچي كله ملح
بـسوگهم من طــببوني چــانت الــدنيا الصبح
واحد بســوطه يطـگني واحد ابچعب الرمح
طاري زينبه .. مـــتســـلبه .. كلـــش يــأذيه
لامايحتمل .. طاري الحبل .. كــفـالي أدريه
خل بس المدمع يجري
رديني الـكافل خـدري
يالسجاد
---------
راح اروح ويمه اگعـد واكتفي بــس بالدمع
ولوسـئلني عــلى دمـعي ما اسولفله الوضع
اصواب راسه ادري يوجع بعد مابيه ينفجع
خـــاف اگــله گيـدوني وينكــسر مــنه ظلع
خــل يغفه ألم .. راعي العلـم .. لاجرحه يفزع
حچايات السبي .. اتموت نبي .. لو بيها يسمع
احچيهن تالي الدهري
وديني الكافل خدري
يالسجاد
------------
تمت
حيدر تركي الكربلائي
شهادة الامام الحسن ع
.
.
.
كسرتك كلش چبيره .. چني فاگدلي عشيره
ومن دفنتك يالحسن
چـن بقــت ابلا وطن
يخويه
-----
يخمتـنـه الچبيــره البيهـا ملتـمـين
خويه اخلاف عينك مثل المتيهين
يالمبعـد دهــر هـم فكرت بحـسين
زحمه ظهر اخيك ينــكسر مــرتين
الدنــيـته كلها شمــاته .. الماله اخو ماتت حياته
ومن كسر ظهري الزمن
چــن بقــيت ابـلا وطن
يخويه
-------
الگاع ابلا اخـو جواي احـس رخوه
يتچوه ومن رحت ماضل الي تچوه
مايبـــچي الـــذي مامــچوي بالخوه
وشيـــصبره الـذي دافـــن اخـو توه
جروح هجرك خويه بيه .. چنــهن الف وتسع ميه
ولمن اعيــونك غفن
چن بقيت ابلا وطن
يخويه
--------
اخيك مولحت من البچي اخدوده
چبدتي موچـبدتك خـويه ممروده
تراها حسين عگبك دنيتــه سوده
اعمه وداعتـــك والوادم اتگـــوده
حالي لاموذاكه حالي .. هدلت امتوني الليالي
اعليه من هنه انچفن
چن بقيـت ابلا وطن
يخويه
-------
يشيخ الـطايفه التبچيلك الـسبعه
كل لحظه اعله گبرك انچفي دمعه
يبو الفزعات اخوك بحاجة الفزعه
مكسـور الظــهر مايــحمـل الوگعه
الماله اخو ياخويه باچر .. تطحن اظلوعه الحوافر
بكربله حســيت اذن
چن بقيت ابلا وطن
يخويه
__
يسئلوني عــليك ومـن يسـئلوني
وحقك چـن الف ذبحه يذبحوني
صعبه ابلا اخو الوادم يشوفوني
بالطف باجر اهـــناك اشيراووني
حسين بالطف لو تمدد .. تنسلب نسوة محمد
اتصيح اختك بالضعن
چــن بقيت ابلا وطن
يخويه
-------
حيدر تركي الكربلائي
للامام الحسن
.
.
.
البالگـبر دافــن أخــيه .. هذا وحده اليدري بيه
انكسر ظهري عالحسن
ويمكن اعيوني عـمـن
من الدموع
_________
حرامات .. ضوه اعيوني بالگــبر حطيته
حرامات .. وســفه بيدي بالترب غطـيته
حرامات .. وياي اخويه ابكــربله اتمنيته
حرامات .. هسه ظــهري منكـسر حسيته
الشال بالتابوت صبحه .. لاتسألونه اعله جرحه
ابشيلته اضلوعي انحنن
ويـمكـن اعيــوني عـمـن
من الدموع
_________
بالتراب .. ذكـرياتــي اتطـشــرن وامــالي
بالتراب .. ايروح كلشي ويبقه هوه ابالي
بالتراب .. اليـوم ياهالنـاس دافــن غـالي
بالتراب .. النــوم ويــاه باللــحد يحـلالي
اليبچي لجل احزام ظهره .. هذا بس الله اليصبره
الهالسبب لجـله جرن
ويمكن اعيوني عـمـن
من الدموع
_________
يعباس .. انحنه ظهري وشوف انته ابعينك
يعباس .. والحــچي ياخـويه بيــني وبيــنك
يعباس .. مــن تطــيح اعلــه النهــر چفــينك
يعباس .. ابطيحــتك ينكسر ظهـر احسـينك
الماكشخ بخوانه مكسور .. هذا حالي بعشره عاشور
راح اعتــب عالـــزمن
ويمكن اعيوني عـمـن
من الدموع
_________
تره العين .. امــن البواچي للاخــو اعميها
تره العين .. شلـي بيـهــا والحـسن مابــيها
تره العين .. بــقـه بـس المــدمــع ايســليها
تره العين .. ذابــله چــيـه بالگــبــر راعـيها
اجنازته من نزلتها .. روحي بيديه ادفنتها
جسمي وي جسمه اندفن
ويمــكن اعيـــوني عـمـن
من الدموع
_________
تمنيت .. من اطيح اعله التراب امخضب
تمنيت .. زينـــب ام الـخــدر ماتـتـــســلب
تمنيت .. الحسـن يمها وفنه واحـد يگـرب
تمنيت .. ماكو واحـــد يوصل الحـد زينب
حتى زينب تبقه اميره .. وحتى ماتمشي اسيره
بالله شحچي اويه المحن
ويمكــن اعــيونــي عـمـن
من الدموع
_________
تمت والحمد لله في ٢٦/ ١٠ /٢٠١٧
حيدر تركي الكربلائي
شهادة السيده رقيه ع
.
.
.
اباب الخرابه والحچي اهواي .. اسئل عليك الراح والجاي
وصفتك الهم چن صبح
گالولي ذاك اعلـه الرمح
والحچي هواي
-------
من بده الشوگ . بالخــرابه . اتبدت اعيوني حچي
شوگ الزغار . يختلف حيل . ايتـرجمه بس البچي
اگعدت يم باب الخرابه بويه مـن صـار النهار
لن بنات الشام سئــلن شــنو اســمچ باختصار
بس گلـــت الهـــن رقـــيه شامـــرني بالحـجار
لاحت اذاني وحده منهن .. رحمه يبويه ماكو عدهن
احچايات اهـلهن چالملح
گالـولي ذاك اعــله الرمح
والحچي هواي
---------
الچنها ورده . بضل وجودك . وبالتـــرافه تنلمس
الــدللـــتــها . عگب عينك . ذَبلت خدها الشمس
خاف ماتعرف رقيـــه من تــرد امــن السفر
بشامهم بس اني وحـدي بخدي للسطره اثر
بويه عنواني الخــرابه فوگ مـن قصر القهر
ولو تيهت تعرفني بالحال .. بيــديه اثر شدات الحبال
بالناس اوصي وانجرح
گالولي ذاك اعله الرمح
والحچي هواي
-------
وادم الشام . اعيون صلفه . تضحك وانه احترگ
امن اسئلتهم . هـمه گـــالو . صدر ابيـچ منسحگ
شامي منهم گال ايسي حسين جثه اعله الثره
شـــمر الجـــابچ ســـبيـــه هوه گـــاطع منحره
بويه صـــح هذا كـــلامه لــو اظــــل متــنطره
سديت اذاني من حچي الناس ..من گد حچيهم شيب الراس
وكل لحـظه مــنهم انذبح
گالـولي ذاك اعـــله الرمح
والحچي هواي
--------
بويه بالشام . الماله والــي . الناس شو تستزغره
والشماته . اعلـــيه بــــويه . بالـدرب لــومو سره
وانه بين اركبي راسي حاطـه امـن المستحه
حچي اهل الشام شفره وگـلب بنــتك جرحه
اسمع الضحكات بذني وگلبي چن بيه فاتحه
ماشايفه كل عمري ظلام .. مثل الشــفتهم بويه بالشام
وهالطـاري كلـــسا ينفتح
گالولي ذاك اعـــله الرمح
والحجي اهواي
---------
يمته ترجع . ارد احاچــيك . البيـــه ماينظم بعد
تبطي لو لا . ياحــيـــــاتي . گـــلي يــايوم الوعد
انـچان تتـــاخر يبويه بطيـــف بردلــي الگلب
انته مو طبعك تهجـره كلمن الشخـصك يحب
الصعب مو لمن سبـوني بويه هجرانك صعب
مشتاگه اشبگك يالابو كون .. ومشتاگه ابوسك بين العيون
وكل ما اسولف بالجرح
گالولي ذاك اعـله الرمح
والحچي هواي
------
حيدر تركي الكربلائي
شهادة السيده رقيه
.
.
.
رقيه / يگلب وروح الحسين
رقيه / اخــافن عمــه تـغفين
رقيه / وياخــذ عـمرچ البين
يعــمه
****
زغيره وحساسچ ترف .. والوكت كلش صلف
البالطشت من ينكشف
تطلع جروح
جروحــچ بگـــد السمه .. جنــــچ امـي فاطمه
الوالدچ كلــچ ضمه
وهوه مذبوح
الحجي مالح وادري عمه الحچي يلچم منحره
لاتگلـــيله حــبلــــهم عـــظـــم اديــــه كــــسره
رقيه / اعله كيفچ من تنوحين
رقيه / اخافـــن عمــــه تغفين
رقيه / وياخـــذ عمرچ البــين
يعمه
****
ادري متروسه حچي .. والحچي يولد بچي
اعليه ياعمه انتچي
وسولفي البيچ
لاتگـــليله الشـــمر .. اذه خدي امن السطر
گلبه تدريه ينفطر
خاصه اعليچ
اشتمي ياعمه بلحيته براحتچ بس بحذر
وجبهته لاتلزميـها يــنلچـــم جرح الحجر
رقيه / المدمع من تــذرفين
رقيه / اخــافن عمـه تغفين
رقيه / وياخذ عــمرج البين
يعــمه
****
اشفتي عمه بالحلم .. وهيـچ گلبچ منثلم
صاحي صدره . منهشم ؟
نور العيون
بعده ظهره منكسر .. وشهگته گوه يجر
اليوجعــنه ابيـــا كـــتر
وحالته شلون
عالحصير حسين شفتي عمه لو فوگ الترب
على ظــهـره نام لـــو لا على وجهه مــنگلب
رقيه / ابـيا مـوضـع تقبلين
رقيه / اخـافن عــمه تغفين
رقيه / وياخذ عـمرج البين
يعمه
****
بعيـــنچ اسوالف سلف .. من نظرتيــله بشغـف
حيــلچ بكبـره رجف
وطحتي عالگاع
البالطشت چنه عرف .. بعطره معروف الكلف
مومشي رحتي زحف
لجـــل الـــوداع
حسين تدرينه رؤوف وگلبه يتفايض حنان
عمه لاتحچيــن يــمـه عالتراچــي وعالاذان
رقيه / مــاوصيـچ تــدرين
رقيه / اخافــن عمه تغفين
رقيه / وياخذ عـمرج البين
يعمه
****
چــان ياعمه زمان .. شــفته تنگط حنان
وهسه من الخيزران
مورمه ياحيف
الراسه تردين اللجوء .. قبليه بس بهدوء
لايفز وجه الوضوء
ويخرب الطيف
اليوجـعنه هــواي عمه لايــفز خل يستريح
سولفي وياه على كـيف النوم راحه للذبيح
رقيه / بعد عيوني الاثنين
رقيه / اخافـن عمـه تغفين
رقيه / وياخذ عمرج البين
يعمه
****
احچيله بس موعالحريق .. ولا على ذاك الطريق
البس عدو مابي صديق
وطبت الشام
لاتگــــليله الـــــزغـــار .. شامــروني بالاحجار
بگلبه خاف ايهــيج نار
شيحمل آلام
حسين الــف وتسعميه جرح بي فوگ الجرح
وهالحـچي عمه وصيه يمــه بــس لا ينــفتح
رقيه / ادريبـچ تحرصــين
رقيه / اخافن عمــه تغفين
رقيه / وياخذ عمرچ البين
يعمه
حيدر تركي الكربلائي
مقطع صوتي من مصطفى الغريباوي
Читать полностью…
مولاي الحسين ع ومولاي علي الاكبر ع
على الدنيا العَفى يابويه بجفاك
شِلتَك والله بَس شالوني وياك
استغاثة والدَك يَوليدي تسمَع
ثلث مرات رادت روحي تطلع
...... ١
بويه كلمن وكع شلته _ وانتَ ما اكدر اشيلك ؟
استجمعت حيلي التطَشر _ما محسبها اجيلك
راح اشيلك وآنه ميت _ وحيلي بويه يريد حيلك
ريح كلبي اواسي عيوني " ورايد من السانك صوت
لو ما ترجع ساند طولك " جا معناها حسين ايموت
سكتت صوتك اتزيد بالاجراح
اول مره هاي الزمها الاصفاح
علي الخاطر علي وياي ارجع
...... ٢
طولي يم طولك فردته _ و ادري ما نرجع سويه
ردت كون اليوجعنك _ يوجعن يا بويه بيه
ادري روحك يبني طلعت _ بس احس لازم اديه
يبني عيوني انترست حيره " واتبريد يوليدي الحيل
ولو عفتك عالغبره امدد " خاف اتدوسك بويه الخيل
ما وَجد بعد عمرك غَفل ضاع
نام بكلبي احسن عوفها الكاع
تطَشر عمري يمك بايدك اجمع
..... ٣
مدري ياهو المات منهَ _ اثنينْهَ جمعتنه شهكه
ردت اموتن من اشبكك _ بويه بس ما بيك شبكه
ما كسرت احجايه اليه _ ترضى ارد وراسي ادنكه
كلت لامك رايح آنه " و ابنج يرجع هسه وياي
حتى رقيه تناشد عنك " ضنها تروح اتجيب الماي
احس يوليدي كمت بطلعة الروح
اذا شافتَك امك روحها تروح
بهالمنظر اذا تلكاك تجزع
..... ٤
كمت اقدم خطوه وارجع _ حيرة المذبوح خِله
ومن اشيلك وارد لاهلك _ ضعني خاف يموت كله
متت من عطشان كتلي _ و سيفي ما اكدر احمله
جبدي امفطَر لاجن اصبرك " وآنه اكثر منك عطشان
خليت الساني اعله السانك"وشفت الساني شكد ذبلان
ردت مني هدية شربة الماي
و ما تدري بهديتك كسرة اكفاي
روح وضلتي من دونك شتنفع
...... ٥
و من مجانك للمخيم _ توكع شما بيه الزمك
شلتك وجن روحي شايل _ ويخط فوك الكاع جِدمك
بشيلتك ضهري كسرته _ جي سهام مثَكله جسمك
الزلمه الحيد يضم دموعه " ويم نسوانه ايكف العين
تحبني و ما ترضاها اعليه " يبجي وي النسوان حسين
يهتز كلشي بيه بهبة الريح
ترى حكها عليك عمامتي تطيح
وقاري امن البجي يابويه انزع
.
اللهم عجل لوليك الفرج
علي الحسن
شور
لمولاي سيد الشهداء صلوات ربي عليه
١ .
شكد انتضر دمعتي التنولد ' بجروحك
و روحي تحن للحزن تندثر ' وي روحك
وي جرح الكلب يبدي الدمع من استمع واعية الحزن
من اسمع طفل من ينذبح أُم تنجرح و المهده تحن
حاسب حسابي زين " ما أفشل وي حسين
وابجي المصابه هواي
الحبيته بجروحه " يكضي العطش روحه
يوم اليشح الماي
٢ .
الما منلجم بالخيم ما فهم ' بوجاعي
العاشك صدك يختنك لو سمع ' بالناعي
امبور بس بجي للضل وحيد بكربله وي وادم غرب
ما صارت ابد واحد عطش لجن شربَ رشكات الترب
سبعين ألف خيال " مكَابل على رجال
ما عنده بس خيام
الحجه عليهم ليش ؟ " وحده ويكابل جيش
مجازه التعب بسهام !
٣ .
وي صفنتي المُبهمه الخيمت ' وي بالي
و يه الهوى بنينوى بس ضعن ' تراوالي
اتحضر يا كلب ذوب بأمل للماله أهل وي ليل اهدعش
الضل فوك الترب طايح محد يفزعله احد ما شاله نعش
مو دمعي ابجي عيون " الكبله العدو مدفون
و حضنت وكعته تراب
غير الدفن بأصول " بلا راسه ما معقول
ضَل برمح سلاب
٤ .
هَل مِن مُعينَ يُطيلَ معي ' بدموعي
هل من كيانٍ حزينٍ يدركَ ' موضوعي
دنيه امن الجرح بيه تفز ويه كربله وبهمي اختنك
ويه أم البنين من تنتضر جية شخص بالطف ينسحك
آنه ادري بالي يموت " يشيله حضن تابوت
يدفنونه اهله بساع
حسين الشدهلي البال " ليش بحصيره انشال
أترف بشر عالكاع
٥ .
بيه محرم بجي منزرع ' وي عيني
ما انتضر اي حزن من حلم ' يصَحيني
شيصحي الجرح العاش بحزن جرحي جفِن ما جافه السهَر
تفرفح مُهجتي امن اسمع خيم ما بيها عم طايح عالنهر
و حسين اخوه ينعاه " رايد يموت وياه
و انمله كلبه جروح
تأذيني اكثر هاي " زينب تدَور ماي
و محتاره وين تروح !
.......
اللهم عجل لوليك الفرج
علي الحسن
كسرة ظهري من عفتوني وحدي
اجيكم والشماته تصيح ردي
بعمر خمسين تتقدر
بس اني يبو الاكبر
عل نوك بشتم كالولي صعدي
_
عفتوني بمواقف تهدم الحيل موتو العقيله
من شوكت زينب تسبك الخيل. بجدامي الثجيلة
لميت اليتامه لمت الزاد. ياهو الاشتكيله
اظم البعده ما مسحوك بل خيل. والمسحوك اشيله
صارن ذني كلهن وانتو نيام
بيكم غيرة حركة حته الاسهام
ضل ينزف دمه المنحر
بس اني يبو الاكبر
عل نوك بشتم كالولي صعدي
_
بثنية ركبتة من اصعد النوك. ويفييلي غيمة
هسه سحول انجر واوصل النوك. يصعدوني بشتيمه
تربات الخدر بالمستحه تموت. تتشتم جريمه
الذابحكم يهوس وانتو ميتين. هاي اكبر هضيمه
الجانت حته حسها يلبس حجاب
هسه تصارخ وتعثر بالتراب
على شوفتكم اتحسر
بس اني يبو الاكبر
عل ناكه بشتم كالولي صعدي
____
كتلك من كبل لو مات عباس. يعني انتهت زينب
والجتال اخيها الماي يحسين. كلي شلون تشرب
واختك لو يجيها الماي والله . بس كباله تنحب
هم عدكم علم بم الخدر راح . كل يوميه تنسب
كل شامت يجي يسالني يحسين
وين الجان البيج يكحل العين
بعيونه السهم سير
بس اني يبو الاكبر
عل ناكه بشتم كالولي صعدي
_
ذباحك يهوس شايل الراس ذابل عل رمح حيل
نزل راسك وذباه عل تراب. صيح خل تجي الخيل
من حافر الحافر راسك يصير. سحكتهم تهد حيل
كل هاي المواقف صارت اليوم . شلن حالي بليل
اني اول جبيرة اصعد على التل
عين اختك جدمها من الركض شل
البعمري صعب تسهر
بس اني يبو الاكبر
عل ناكه بشتم كالولي صعدي
___
التروح بنص زلم بس ترجع بروس. شيسكت بجيها
يا حرمه الركض والروس والخيل يلتم بس عليها
ليش الخيل خرب صوتك حسين. هسه اسمع حجيها
تصهل والعراضه تكسر ظلوع. وتسحكك شبيها
جوة الكاع اشوفك نازل شكد
داسن فوك صدرك والهوه انسد
كلشي بجسمك تكسر
بس اني يبو الاكبر
عل ناكه بشتم كالولي صعدي
ليلة الحادي عشر من محرم ١٤٤٤💔😭
الخادم / حسن العبودي
للسبي
.
.
.
ابــاب الساعات .. وگــفن ساعــات
وعالمستورات
تــنظر شمـات
****
مـــاصــارت ولاتنــعقـــل .. ولامرت ابال انسان
اليحدي ابنات المصطفى .. شمر وخوله وسنان
جـابوهن الشام الحزن .. وبيديهن احبال امتان
نســـوان وعــيون الزلم .. كـلـش تأذي النسوان
للميخــجلـون .. وكحات عيون
وسفه يصدون
عالعـــلويــات
****
مرسال اجه الحادي الضــعن .. هز راسه گلهم جيد
يمـــكن رخـــه حبل اليــسر .. رد مـن جـديد ايگيد
من اجنوده جاب اطول رمح .. ونـبته براس السيد
وللـــشـام گــال الــهـم نطــب .. لــمن اهــلها تــعيد
وگــفن حفاي .. وبلايه افيــاي
الرجلين بهاي
شبعن چويات
****
حلــفو اسالـــيب الخبـــث .. بضعن النبي يسووهن
وصـــلو الـشامات الفجــر .. وماقبـــلو ايـدخــلوهن
السوگ الضحه من يزدحم .. بنص زحمته يمشوهن
غــايـتهم عــــيون الزلـــم .. ابلا كافــل يــشوفوهن
ويـــن العبــاس .. عن هاي الناس
صدن عالراس
چيه خجلانات
****
بالشام انفــاس الـحقد .. اعله ال النبي مشحونه
واحــدهم بــگد الغـضب .. تــجــدح شرار عيونه
اهزيل العليه اخت الگــمر .. حدره الرمح يرمونه
ستـر الله فوگاه منحــفظ .. ماگــدرو ايعـــثرونه
اخ امـــن الـــشام .. شگــد بــيها آلام
واخت الضرغام
اشتحمل شوغات
****
للشام طب واحـد هتف .. مــن عنده موته بصفين
الرايد يرد ثــاره يــجي .. ابــاب المديــنه امــتانين
اليطلب علي ثار اعتنـه .. وحجــار هــمه محمـلين
الضربه برقيه من اجت .. فز عالرمح راس حسين
واكــبار ازغــار .. يشمرون احجار
المايطلب ثـــار
يرمي حچايات
****
البالشام كلها اتجمعت .. وتتعاله صوت الضحكات
اسرنه صـاحو وبفرح .. الماشـــايفتـــهن نجـــمات
من انسبه احجاب السمه .. هلهــــلن الشــامـــيات
الايات مــن فوگ الهـزل .. تبچـــي بحراره الايات
بـــيد العدوان .. وبـــلا وليان
اعليهن ماهان
شبعن لچمات
****
حيدر تركي الكربلائي
القصيده الرئيسيه اليله الاولى
.
.
.
رادونـي اخـــتار ابيــن اثنين
گالولي الجنة وگـــلت حسين
الجنة وكل ماتحويها
يـم باب القبلة الكيها
كلـمه ومابـالـغ بـيـها
گلت حسين
***
روحي حسين واحساسي ..وبس حبه الترس راسي
الهوه المامـر على قبـــته .. ماتتــــقـــبلـى انــفاسي
گلبي چـــن علگ اخضر .. انـشــد اباب ابـــو الاكبر
مـــلوحـــة ايـــــد زواره .. حنــين بـداخلــي غـــزر
الگــال اتـــبالغ بهـــــايه .. مامســـتنــــشــــق الرايه
والرايد هــــوى الـــجـنه .. خــلـي يمـــشي مـــشايه
والراضع غيره مــن عاشور
يشعر بحســاسي من ايزور
الجنه الـ الله المسويها
يم باب القــبلة الگيها
كلـــمه ومــابالـغ بيها
گلت حسين
***
اباب الـقبلـــه والقبلـه .. اعلــيها من اترك القبلة
للفردوس چـــن ادخل .. صحن حسين اذا طبله
بجنة حسين اكو كوثر .. يـــروي الداخـــله جمر
مكان الكوثــر بصحنه .. بـــيـــن الراس والمنحر
والهالحــــاله اتـمـــنه .. اگـــضــي ايامي بالجنة
واذا وناتي احس خفت .. الـــسيد جاســـم اتعنه
ومن ينعى السيد روحي اتهيج
وتوصــل ونــاتـــي لطـــويريج
والدمعات الاجــريها
يم باب القبلة الكيها
كلمــه ومــابالغ بيها
گلت حسين
***
جـــروحي كربلائـــيه .. ودمعــــاتي حسـينـيه
المامتـــصل بالــخدمه .. خــــل لايـتصـــل بيه
يشـــهد الله مذبوحـي .. جمرة خيمـته بروحي
والالــف وتسعمـــيـــه .. اشـعر كلثـهن جروحي
كلشــي تعلــــق بكبره .. احبه وداعــة الـزهره
السدره چي عليه فيت .. احبن كلمــة السدره
ولدان الجــنه وحــور العين
يحلمون بشوفة گبر حسين
والاراء البــــــديـــها
يم باب القبلة الكيها
كلمه ومابــــالغ بيها
كلت حسين
***
الجنه الي يطـب الها .. مو صاحي الذي يملهه
وجنة حسين ابو اليمه .. بمكــــه مـــا ابدلــهه
حسين وكــل تفاصيله .. حلـــم مجهول تأويله
لذلك غير ابوالسجــاد .. عقلي يرفـــض يشيله
جنة المـــؤوى بالحاير .. والهــــذا السبب حاير
شنو معنــاتهه الاملاك .. كامــت تحــسد الزاير
معـــناها جنــــات الرحمـــن
تتجسد في صحن العطشان
ومن احتام الطاريـها
يم باب القبـلة الكيها
كلمــه ومابالغ بــيـها
گلت حسين
***
الظامي الاسمه ابو اليمه .. اعتـبره ولي النعمه
والــــهذا السبـــب انـــي .. اشعـــر راحتي يمه
العـــلوياته مــن انحـــب .. وشمـا بالبچي اتعب
فدوه اعيوني ودموعي .. الدمع ام الخدر زينب
ولو تطشـــــر اعـــيوني .. وكل ناسي يعـوفوني
يكفــــي حســـين ويايه .. الــــوادم مايهمـــوني
واليعمي بحـبه شنهو الناس
ياخذ بچـفوفه چــف عباس
الضاعت مني وناسيها
يم باب القبــلة الگــيها
كلمـــه ومـــابالغ بيها
گلت حسين
***
حيدر تركي الكربلائي
ميمر للخدمه
.
.
.
دنيانه مــره يحســين والخدمه الِتحلــيها
------
مـــره الحــياة وتــنبــلع بـــالـــگوه
وبس خدمتك يحسين بيها الحلوه
احنه بوكت مفــگوده بــيـه المروه
دنيانه من بينه اتميل يــم بابك انتچيها
--------
لو مالت اويانه وثـگل حـمل الشيل
اوشــل الحيل ومــابقه بيــنه حـيل
ماعدنه غيــره ضــوه لـو صار الليل
والتــاهت امن الخدام تربيــتك اتــدليها
-------
تربيتك اتدلي الخدم درب الـصح
باليــصلح اتــعلـــمنه والـمايصلح
المايعتـــنق ديــنك ابـــد ماينجح
يالخدمتك باب الله خســران الي ايجافيها
-------
يالخدمتـــك مابـــيــها شــي مامــرغوب
بالــخدمه هالخــدام واحـــــدها ايــذوب
الكل شغله اكو اسلوب وخدمتك بسلوب
وايام حزنك يحســين طــول الــنه انتـانيها
--------
ايام حزنــك نشتــريها اشــرايه
واحزانه اعلـه ايامــك امسمايه
يحچاية الله انته احله احچايه
ياقل هوه وبسم الله كل لحظه الك نتليها
-------
يحسين يومك جمره وتـچوي اضلوع
وموضوعــنه انتـه وحـلاته الموضوع
لو ما الـــك المــن لعــد نجـري ادموع
لمصابك الفت اگــلوب دمــعاتنه انبــديها
--------
انبدي المدامــع لـجلـك ونتفاخر
وليـلة ويــه امصـايـبك نتــسامر
نحزن حـقيقيه وابــد مانتــظاهر
وطول السنه عاشوراء ياسيدي امسويها
-------
حيدر تركي الكربلائي
قصائد الاربعين
.
.
.
حسراتك جبيرات عالراحن سبيات
ساعد الله قلبك يابوصالح
***
اتبده بوجهك المدمع / بگـد مــاي الـــنهر مرتين
الرايحلك شــرف الله / بي ريحة چفوف حسين
چانن حاسرات النوگ / الفــوكاهن اصول الدين
وحدتـهن اذا ونـــت / تجيها سياط مدري منين
عماتـك غريبــات بدنيه كلها شمات
ساعد الله قلبك يابوصالح
***
الــدروب بكــل وكت خرسه / مـن عدلين ولياهن
وحچن من شافن اعله النوگ / اخوه ماكو وياهن
العــــلويات بالـــغربــــه / الحچي اليوجع تلگاهن
خوات حسيــن والعــباس / مسبــيات جـــبناهن
كافلهن لمن مات اخـــذوهن اسيرات
ساعد الله قلبك يابوصالح
***
المحاملهن ضوه العفه / مـشن وبـلا محاملهن
الحادي صــاح متعــمد / شــو ما هـوه كافلهن
اتخذها فرصــه وتـجرء / بكل قـسوه يعاملهن
المكان البي يحس شمات / رغم عنهن ينزلهن
واستار السماوات شگد شافن معانات
ساعد الله قلبك يابوصالح
***
اجروحــك يا ابوصـالـح / الســبي أتصور اكبرهن
حريـــم الله الف وسـفه / الشــمر وسـنان اسرهن
الوحي اليستأذن اعليهن / زجر بالسوط يزجرهن
الماشـــافتــهن النـسوان / اعيون اجناب تنظرهن
يمشن چنهن ايات ويتـــبدن جراحات
ساعد الله قلبك يابوصالح
***
ســـتر عفــة بنــي هاشم / المحد شاف الها خيال
عــــذراً يــا ابـــوصــــالح / شافو طـــولها الانذال
الاديها مخاويه المصحف / حريمه امگيده بحبال
اليـسوه والـــي مايــسـوه / شاهـــدها بـــلا كفال
دمعاتك غزيرات علّي بالعرى اتبات
ساعد الله قلبك يابوصالح
***
گلبك شــايلاته الــنوگ / يعينــك الله يالمــهدي
الناس ادموعها من ماي / وعينــك من دمه تدي
بذنـــك صوتــهن يــدوي / مـــن البضـعن يحدي
وحــده تصـيح يامـــتني / وحده تصيح ياخدي
بــيك هوايه لجــمات من درب الجراحات
ساعد الله قلبك يابوصالح
*
حيدر تركي الكربلائي
للسيده رقيه
.
.
.
شـاءت الاقـــدار .. والـتقـــينه
عالجره والصار .. من حچينه
گتلي اليوجعچ ويــن
گتــلك انـته يحـسين
توجع رقيه
*
اربعه وعشرين يوم وشوگــك بـروحـــي يجر
الثانيه بهـــــجرك احســهـا بثگــــل ايام اليسر
اهوايه محتامه اعـله صـدرك رايده اغفه عمر
بويه مشتاگتــــلك بــگد ماضرب متني الشمر
الألمتـــني اهـواي .. ومنها اعاني
بويه طـاري الماي .. مـــــو اذاني
ومو من گيد اليـدين
گتلـك انتــه يحسين
توجع رقيه
*
گبل ماتغمــض اعيونــي چانــــت ايامــــي حبل
وسوط وصياح وشماته وضـرب واشواك وهـزل
ادعيت يمتـه الرحمــة الله ورحمـتك بويه انتقل
السبي بالنسبه الغيابك وحق ضلـع امـــك ســهل
دمــعة وتبــديت .. عالوطـيه
اعليه من ناديت .. يارقــــيه
ياهو المنه تبچـــين
گــتلك انته يحسين
توجع رقيه
*
اعليه تسأل انه زينه شلونـــك انته ياصبح
اليوجعـنك بالله طــــابن لو بـقه منك جرح
بويه المثـلث مكـــانه طـــــاب لو لا منفتح
ارد اشبگك بس اخافـن الچم امكان الرمح
صـــدرك المطــحون .. مــن الـزمه
شلون اشـمه اشلون .. خاف الچمه
جرحي الغافي بالعـين
گــتلك انـــته يحــسين
توجع رقيه
*
سولفيلي اتگلي بــويه خـاف انتــــــه تـــنفجع
مره منهن عله الناگــــه ذكرتـــك وهـــل الدمع
بالرمح واحد ضربني وكســـر من صدري ضلع
شگد تمنيــتك يبويه حـاضــر بـــذاك الوضــع
ابنيــتك يحــسين .. من ولوها
بالحــبل مرتــيــن .. گـيـــدوها
وگلبي النياشيــــن
گـتلك انته يحسين
توجع رقيه
*
من التقيتك ضمه روحي راح يالوجهك نهر
هنه صح چم يوم لكن يالابو جنــــــهن دهر
يارقيه گتلي بويه شو علــــــــه خـــــدج اثر
چنه خد امي الزجيه وره البــاب من انسطر
ابعطــفك المفگود .. حسستني
من رجعت اردود .. وقبلــتني
جرحي بگد السنين
گتـــلك انته يحسين
توجع رقيه
*
حيدر تركي الكربلائي
قصيدة گعده للسبي
.
.
.
الكل ثوره اعلام صــوته يعتلي
واعلام الحـسين زينب بت علي
نقلــت قضيه
امن الغاظريه
زينب بت علي
---------
صح مشت زينب اسيره مگيده بحبل السياسه
والخذوها ناس غشــمه وابـــد ماعدهم كياسه
تـــاج راس اعلوج اميـه طمست بالوحل راسه
ديــوانــه لمـــن طبــته .. برجلـيها داســت هيبته
الخابص الناس اتعنته .. اوضحت حجمه وقياس
اليصرف ملاييـن لعــلام القــصر
الحــق ابكلمتـــين ايرجعه للصفر
وحرجت اميه
بالــغـاظـــريه
زينب بت علي
----------
فـَـن ســياسة ال امـــيه الــي تبثــه شي مزور
علي ماينــدل القبلــه قيــس مــن هاي وتصور
الشام چان اعلام عدهم نـعم بس اعــلام اعور
والي تصـــعده الكامره .. ليشوف نفسه جوهره
ايبين الفحم من مظهره .. واليكنزه ايكون اغبر
المتشــــيخ اهناك مدري اشچم سنه
بت حامي الدخيل فضـــحت معدنه
بحكمه ورويه
بالـــغاظــريه
زينب بت علي
---------
البهرجة اهـــل الكراسي زينـب اخذوها اسيره
حرمه مكسوره احسـبوها لا اخوان ولا عشيره
وبالحقيـــقه زينـب اول مـــره تتـــعين سفيره
گلــبت موازين النصـر .. والــي سباها منــكسر
اليجــهل تـدابر الامــر .. حنــطته تاكل اشعيره
لو ما بـديــهــا حطو سلسله
چا ماوصـــلنه طـاري كربله
اعلام الســبيه
امن الغاظـريه
زينب بت علي
--------
امن ال اميه البعض وادم اي نعم وصلت العدوه
والــذي مايــسوه عانـــه بحفـــنه دولارات يسوه
ناس بالاعـــلام تــصــعد نـــاس بالاعـــلام تهـوه
والــــي يـــدور عالربح .. بجيــوب متروسه قــبح
عالشاشه لمن ينفضح .. ايجدي يبقه الستر جدوه
وذيول الارجــاس زينب من سبت
ماحسبت احساب ورطه اتورطت
ظـنهم ضحيه
امن الغاظريه
زينب بت علي
---------
مختصر سبي العقيله احسين خططله ابتدبر
وراد من هالفعل هـوه ينسحگ خــشم التكبر
حتى اني وانته وابنـي وابنك انعيش التحرر
وحتى يضل دين النبي
راحت اسيـــره للسـبي
وحاديها زلـمــه اجنبي
هذا كله الصـار بيــهــم بلكي بالــوادم يــغزر
--------
حيدر تركي الكربلائي
للامام الحسن ع
.
.
.
اتـذكـرت مصابه .. وانــه بــالخــرابه
مـانســيته
ابــو محــمد اخــوي
_____________
قصــتي كلــمن سمــعها يبچــي مــن عنـوانها
والخـرابه امـن اسمـعتني اتفــطرت حيـطانها
أبــد مــو سهـــله بــواچــي الــفاگده خــوانها
العدها مثل اخواني موته خل تحظر اجفانها
واليـسر تـركـته .. الحسن من ذكرته
ودم بچيته
ابــو محــمد اخــوي
_____________
المــات لا مــامات حــزنه والحزن مايعــتگ
الظيعت مثلي اخــوها حــگهـا بالهــم تـغرگ
رغـم ذنـي احبال اديـه ورغـم متـني الازرگ
الحـسن مـن ايـمـر مصابــه يـهالوادم اشـهگ
شهـگـة الشماته .. الشاهدت خواته
من نخيته
ابو محمد اخوي
______________
للحــسن ونــيـت واهــل الشام سمـعو بــيه
وگــفـو ابــاب الخــرابه ايــبـاوعــون اعـليه
بســچ امــن النــوح گــالو كــافي يالمـسبيه
اليبچي يوم اثنين خـوب البـچـي مويوميه
للحرس شكوني .. وبالعجـل اجـوني
ويمي ريته
ابو محمد اخوي
___________
امن البواچي على اخوتي تشتعل جمـراتي
ذاكـره جـرحي الچـبــير الـرافگ احچاياتي
للحـسن سويـت مـاتـم رغــم كــل مأساتي
وبــثـــوابه عاليــتـامــه وزعـــت دمــعـاتي
للحـسن ثـوابي .. دمعتي ومصابي
وماوفيته
ابو محمد اخوي
______________
مثل ما لحسـين ابچـي وحــزنه كـاسر ظهري
الحسن نفـس الشي احسه همه تارس صدري
وحـق چبده الي اتگـطع ابقـه اون كـل عمـري
ومـا ابطل النــوح ابــدن حــتى وانــه بگـبري
والخــرابــه تشـهد .. امن البچي حيلي انهد
الخد سگيته
ابو محمد اخوي
___________
غفت عيني لحظه وحده وبالحلم چن شفته
ماعــرفني حـقـه هـــوه لــكن انـــي اعــرفته
گـتله هـيچ ايصير بـيها كلمــن ايـعوف اخته
لاتــروح اويـــاي ابـقـــه وبـالــدمع حـــلـفته
گتله والاميره .. اصبحت اسيره
ومالگيته
ابو محمد اخوي
___________
تمت والحمد لله
حيدر تركي الكربلائي
شهادة الحسن ع
.
.
جبل يالماتطـخ الراس اول مـــره ياعـــباس
تبچي
شو محني الـظهر جاي
مبيــن فــاگــد اهــواي
يابو فاضل
---------
عــباس ترسانة حـرب .. عباس ماكــــو بكبرك
طاريك ايرجــف الزلم .. يامحـنه هاي اتكسرك
شخيرك تگوم وتنچفي .. وعطـر المقابر عطرك
الرايحلك امبـين ظــهر .. مــن هاي لازم ظهرك
حــيلك ماخذه الــتابوت اتنازع چـن تريد اتموت
حقك
ياهو ايلومك ابهاي
امبين فاگد اهواي
يابو فاضل
-----------------
الاخ الچبير امن الله شو .. تلگاه نبـع حنيه
وانتـــه چــبيرك دافـــنه .. وتتـعثر ابطاريه
يالمنــحرم من الضوه .. من تعمه ثق عاديه
ندري الصبر لجل الحسن .. يــرادله امكانيه
حاسر عالترب گاعد تلــطم لطــمة الفـاگد
هايم
يالمتبدي چن ماي
امبين فاگد اهواي
يابو فاضل
-----------------
بــين الــبقـــيع ومــــنزلـــك .. ينحسبن اچم خطوه
ابهاي المسافه اشگد طحت .. چيه بيك ماضل قوه
الماينكـــسر لجـــل الاخـــو .. ماينحـــسب عالخــوه
دمــعـك اذا مـــو للـــحسـن .. چا گـــول المن يسوه
اتواسي دمعة احسينك غـــرگـــانات خديــنك
مدمع
اليبچي وصاح رجواي
مــبين فاگـــــد اهواي
يابو فاضل
______
اتجـــالع اشعــندك ياگمـر .. وي كــل نفـــس تتالم
هوه انته لو خوك الحسن .. گــللنه ياهـــو اتـسمم
تلطم على اعيونك گمت .. وجفنك امن الدگ ورم
وتگول من عگب الحسن .. بــيمن بـعـــد اتشــــيم
حقــك تلطـــم وحافي كشختك بالترب غافي
وسفه
معلعل بيك الف داي
مــبين فاگــد اهواي
يابو فاضل
-----------
عباس ياطــود الــمجــد .. يالماكو ادين اتلوحك
معقوله راجع بس جسد .. چـا وين دافن روحك
بدلالك اشسوه الحسن .. وبانت عليك اجروحك
شتسوي بالطف لوشفت .. فوگ الـثره مذبوحك
يمكن تنــذبح مــرتين من اتشوف صدر احسين
امهشم
امأكد تفگد الراي
امبين فاگد اهواي
يابو فاضل
------------
حيدر تركي الكربلائي
عـمـه يزيـنب شــوفي .. اشسوه الحبل بچفوفي
الحادي ليعت حيل بيه
ازغــيره گليــله رقـــيه
عمه يزينب
-------------------
خاف اطيح .. والعــيون اهــواي ياعـــمه عـليه
خاف اطيح .. وبالحبال امگيدات اچفوف اديه
زغيره وبالسبي شفت المعانات
چــبير الحبل وايــديه زغيرات
الشــمر گلــيله ليــجر بالـسبيات
مـو كافـي تره شـبعني طيحات
الحادي وحق دمعاتي .. متـونــس ابطيـحاتي
انــه صــح عمــه سبيه
ازغــيره گليــله رقـــيه
عمه يزينب
-------------------
راح اموت .. عمه من گد السياط العلى امتوني
راح اموت .. وين اهلي امــتانيتــهم مايجوني
اتمــنيته ابــويه احـــســــين مـــوجود
ويشوف امتون بنته امن الظرب سود
الـحــادي مــن سمعــني يگـــلي ميعود
ضــحك وعلــيه راد ايضــحك الجنود
ابهـالعمر عمه شلي .. مذبــوح ابوچ ايگلي
الحادي راوانــي المنيه
ازغــيره گليــله رقـــيه
عمه يزينب
-------------------
چنه نار .. الحبل فوگ اچفوفي احسه گام يلهب
چنه نار .. اتلاحگيــني الخــاطر الله عــمــه زينب
شوكت نوصل تره اطويله المسافه
وطــريق الــشام اظــلم انــه اخافه
يــهالوادم مــنو الـــعــباس شـــافه
يجي ايخــلصني مــن هاي الكلافه
عمي اذا أجاني .. احچيله عن اذاني
ولو اجــه اشــري عليه
ازغــيره گليــله رقـــيه
عمه يزينب
-------------------
مثل ابوي .. من اطيح النوگ تسحگ على صدري
مثل ابوي .. عمــه كــلش زيــن انــه بروحي ادري
شوكت بحــسين احــلم ها يعمه
اريده ايشوف گلبي اشكبره همه
اريد اوياه اسولـــف واغــفه يمه
ابويه الرحمه وانه احتاج رحمه
مشتاگه اشم انفاسه .. مشتاگه ابوسه ابراسه
ويدري ماتحمل اذيه
ازغــيره گليــله رقـــيه
عمه يزينب
-------------------
ياحرام .. الحادي ماخلاله ديره مادخلها
ياحرام .. المثل حالي ها يعمه ياهو الها
هــذا الحــادي قــاسي وچـنه ذباح
گلــيلــــه نــريـــد اشــويــه نــرتـاح
مايــســمع بــواچــينــه والـصـــياح
ماضل حيل عدنه امن المشي طاح
عالروس خل انادي .. اذانه حيل الحادي
احچي ودموعي جريه
ازغــيره گليــله رقـــيه
عمه يزينب
-------------------
حيدر تركي الكربلائي
يا رقية اشلونچ بويه فكي اعيونچ
بس النحر بويه بقيت بس النحر بويه بقيت
•••••••••••••••••••••
•••••••••••
الملگه بويه يريد مني اچفوف ومتون وشبگ
وانه بس منحر بگالي والجسد ظل للسحگ
وجهي متغير يبويه امن الشمس وامن اليطگ
امن العطش من المصيبة اخيامي هايه والحرگ
من ركضتي اگبالي اوياچ گلبي وبالي
انه ترى اعليكم بچيت انه ترى اعليكم بچيت
•••••••••••••••••••••
•••••••••••
ما طفيت اخيامي بويه اخيامي شيطفيچن
عالهزل نسواني صعدن اعيوني انه اعليچن
اچفوف ما عندي يبويه حتى بيها احميچن
لو راسي الجسد يرجع بويه وارجع ليچن
إلا اذلهم بيدي بظهري الگه اعضيدي
يعباس انه انتخيت يعباس انه انتخيت
••••••••••••••••••••
••••••••••
وينك اگرب بويه گلي اشعطلك شمأخرك
بالحلم سالم لگيته هسه شو بس منحرك
كسرتك عانگت گلبي يا كسر شيجبرك
ايا يگلبي ايعينك الله وعالبلايا ايصبرك
يا ابنيتي ايگلي يا حبيبي وخلي
بس منحري اوياكم مشيت بس منحري اوياكم مشيت
•••••••••••••••••••
•••••••••••
آخر انفاسي هذني راح اموتن لو گضن
اعيوني من گد البواچي صرت احس بيهن عمن
وامنيات الروح راحت بويه واحلامي مشن
ازغيره بويه اچفوف اديه وبالحبال اتگيدن
صعدوني الناگه انه الك مشتاگه
فوگ الهزل بحسره نعيت فوگ الهزل بحسره نعيت
••••••••••••••••••••
•••••••••••
#تمت_بعناية_الحجة( عجل الله فرجه)
#بس_النحر
#علي_الركابي
يانوك افاركهم صعب.. حنيت لعزار الكلب..
مشتاكه الهم يانوك مشتاكه.. طول حسين بممشاه وفراكه
................
1_يانوك لاماينحمل يذبح سفرهم..
عطلن بممشاجن اريد اشتم عطرهم..
يلماخذه حسين وهلي ذوله الاحبهم..
كليلهم من سافرو ماحن كلبهم..
يانوك شو طال السفر.. وحبابي لاحس لاخبر..
شمس الحزن ضلت بعد مشراكه.. طول حسين ابممشاه وفراكه
................
2_طفله ويهد حيلي الهجر ويروح لوني..
علبعد يانوك الاهل ماعودوني..
سكنه ورقيه وعمتي من فاركوني..
جنهم خذو روحي ومشو من ودعوني..
ضليت طفله ابلا ابو.. لاعدهه عم اولا اخو..
يانوك جا يمته بعد نتلاكه.. طول حسين ابممشاه وفراكه..
.................
3_يانوك دليني الدرب والكربله منين..
وياي زمزم هل جبت ارد اروي الحسين..
وفدي الكمر عمي ردت يانوك جفين..
اولصوط حضرت المتن والصطرت العين..
وانه العزيزات النبي.. ويايه جبتلهن عبي..
باجر سبي ويصعدن اعله الناكه.. طول حسين ابممشاه وفراكه
....................
4_يانوك ضني ايكلي ابويه اويانه امشي..
فرحانه وانه للسفر حضرت كلشي..
تاليهه اضلن والدمع ضل ترس رمشي..
ميته اوعكبهم بس بقه ايشيلون نعشي..
جن كلبي واكف مايدك.. كل ساعه اطفه او احترك..
اودمعتي التنزل علوجن حراكه.. طول حسين ابممشاه وفراكه
..................
5_البيت خالي وفاركه عطر الحبايب..
وبس الحزن يوم المشو ضليت اصاحب..
عكب الاهل ضليت بس ابروحي اعاتب..
دنيه اوحس يوم المشو تمطر مصايب..
عافوني وانته اتعذبت.. طفله وعكبهم شيبت..
حزن المفارك كل فرح شو باكه.. طول حسين ابممشاه وفراكه
كلمات خادم اهل البيت
مصطفى الغريباوي