4228
لنشر القصائد المنبريه في خدمة ابا عبد الله الحسين عليه السلام ودعما للشعراء والرواديد الخادم /غيث اللامي ******** للتواصل / @geath_95 ******** 07716408960
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
يا دمعة العين
محبوبي يحسين
__
يوديني لجرح عالم محبتك
وبيك انهظم
جبتني لحبك وبأحساسي شفتك
دمعه ولطم
لأن جابتني الك دمعه لغربتك
بيك انهظم . دمعه ولطم . حسين
گلت اجيك بلا رجوع
وفزت بعيني الدموع
يا الي دربك بس دموع وهم متاعه
بلا دمعتي شلون اجيك
وأوصل الگه الدم عليك
يافشلتي والعمر انضر ضياعه
والله اضيع بلا دمعتي
وابقى عايش وي حسرتي
عمري موت بلا خدمتي
بلا دمعه ميتين
محبوبي يحسين
__
أجي لمصيبتك امشي ويه الايام
وابقى اون
تشيل من الوطن ويخضر آلام
بيتك حزن
توصل كربله والمسكن خيام
وابقى اون . بيتك حزن . حسين
فارگت بنتك عليله
الرجعه تدري مستحيله
وبطريقك تسهر وتبچي عليها
وبدليلك شب جمرها
بعينك انرسمت صورها
من شفتها للضعن رفعت اديها
وباقي اطفالك تشمهم
حسره حسره تنضرلهم
تدري يا هم اليمرهم
يا هظمة البين
محبوبي يحسين
__
أنه أبچيلك هظم وأحساس بيه
فايض وجع
أگول النَزّل الرحمه عليه
دمعه طلع
غريب بكربله يبن الزچيه
فايض وجع . دمعه طلع . حسين
يالطلع صوتك نحيب
وانته بالحومه غريب
وهذا الاكبر طايح وتبچي لشبابه
شايل بچفك رضيع
وخطوتك صارت تضيع
للخيام تروح و يرجعك مصابه
بفيّ عباتك لو تضمه
شلون عينك تخفي هضمه
تنتضر عماته وأمه
تضج الصواوين
محبوبي يحسين
__
شلت اسمك أمان ودمعه وياي
وحسره يمر
حنانك مثله ما لا گاني مولاي
طول العمر
بس بعالمك لمن يمر ماي
حسره يمر . طول العمر . حسين
يا عشگ گلبي الجريح
ارد اعيش ابچي واصيح
الماي گبل السيف يجرح گلبه وسفه
طايح وفوگاه سهام
ومن وصل وكت الضلام
أخته لو ما عطره ماتگدر تعرفه
حبك جروح ومصيبه
عاشته زينب غريبه
محب واتعنه لحبيبه
إتنادي طحت وين
محبوبي يحسين
__
سيد مرتضى الياسري
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
جنت محسبه جيتكم أليه
وتكتبون علبابي مو سبيه
بگبري يخوتي يعيلون بيه
ولوني وطاحت الرايه العليه
الرايه الترف فوگ الصحن :: طاحت
ومن البچي عيوني انعمت :: راحت
درت النضر صوب النجف :: حيره
وروحي أنتخت يابو الحسن :: ضاگت
هيه هاي المالهه أخوان وعشيره
الغربه ماتعرف شنو حرمه وچبيره
أمس بحبال اليسر واليوم أسيره
@@@@@@@@@@@@@@@@@@
وي الرايه شلهم وگعوهه
چي الكم أثر بيهه خذوهه
أهل الشام اختكم تعبوهه
ميته وبالگبر هم حيروهه
خالي ضريحي أمن اللطم :: ويلي
مو حگي أنوحن ونلچم :: حيلي
بس حفنه ضلت ونجفت :: مني
أشبع بچي وشبع هظم :: ليلي
الباب الاخضر يندگ بكل مغربيه
ورگض وگلت اخوتي فزعو عليه
أوصل وماأگله بس چلمت سبيه
@@@@@@@@@@@@@@@@@@
أضل ليا عمر وليا مصايب
أضل ليا وكت ليلي بخرايب
بشام النايبه شفت العجايب
ليا موته التمر وتعدي أثاغب
ليا موته أضل يهلي أننتضر :: موتي
بشام الهظم ميته شكثر :: صوتي
راح بكثر ماسولفت :: بيكم
كلفه أنسبي وني بگبر :: موتي
بعد حبل السبي نيشانه ماراح
اليموت ويمه أهل غلاهه يرتاح
ونه الماكو ألي بس گض الصفاح
@@@@@@@@@@@@@@@@@@
عقيلتكم تعبهه أتعده الحدود
والغربه تره شما جالهه أتزود
ماضل شوف بيه وگلبي ممرود
وعن زواري تهظم بابي مسدود
چان بضريحي أتفر خدم :: تنحب
يصيحون يمه أهل الشيم :: زينب
وين وصرت مالي عرف :: وحدي
وحرموني من رفت العلم :: لو هب
من كلشي اليهدي أجروحي الهواي
أنحرمت وبس دمعتي الضاله وياي
لازايـر ألـي لارايــــه فـوگــــــاي
رسول رياض
#مولايَ_الحُسينّ_عِنَدماْ_فَقد
#الشريان_الابهر_وهوَ_علي_الاكبر
يلمتعب گلب ابوك
…………………………………………….
رد عدل والماي اجيبه عدنه بير بصف الاخيم
ركضت المحروك جدمه الطاست الماي يتولم
شباقي من جسمك يلكبر بكل كتر يتنازف الدم
وليه بس الوليه شنهي بالطف الماي يتحزم
ياچبير وماتلمك فاتحه
هدلن عيوني بكثر ماطايحه
يلمتعب گلبي بس ماجارحه
يلميبس گلبي دم
عيونك عميانه . كاسر مكفانه
يمخلي سكينه . بالطف عطشانه
يلمتعب گلب ابوك
…………………………………………….
انه اول مره اعاتب مامعاتب كبل الاكبر
هسه كلي شلون المك شنهي بيك الماتطشر
وذره وذره ابين الاخيم لملميتك وانه افتر
اللجمه البكلبي شكبرهه تكبر شما انتَ تكثر
عـين ويطيحلهه فـص يا روحـتك
حسين عايش بس عله الله وشوفتك
مـوتـّت گـلبي يـبـويـه بـموّتـك
ارداني بللها الدمع
دمعاتي بعيني . اشِرب ورويني
اگعد كَدامي . خاطر تحييني
يلمتعب گلب ابوك
…………………………………………….
بويه ماضل شي واگوله عميه عيني الماتردك
كون توكف حتى اشوفك واشتم بشمام خدك
انه حسبالي يلكبر ابقى اشوفن ولد ولدك
تالي ماخليت ذكره اعله الارمل ارسم واشبكك
راسمك واشهك تراب الجايسه
الخيل حته بصف مجانك دايسه
ورمت رجليهه كد مارافسه
فوگ صدرك يلجبير
تعبني فراگك . شيحرك ساگك
موتك مايرحم . غافلني وباگك
…………………………………………….
ياعيالي ويابزرتي علي الاكبر راح منكم
شلون فوك متونه حافر وهيه جلمه تعور اخيكم
شلته طاح من الحصيره وجبته نص من جسمه الكم
صاحو من بعيد كلهم سيوفنه الكتلت ابنكم
الخوف تارس گلب كل الطايفه
علي الاكبر بيها اظن السالفه
علي ماميت گبل ماشايفه
شلون مات وانه حي
لمولي وليدي . دم گلبي وحيدي
ياكبرت عيني . الرايح من ايدي
يلمتعب گلب ابوك
…………………………………………….
يـله كومـن يـا بنـاتي قللن مـن الصـوايـح
الليل لو جلجل علينه يزوّد بضيم الفواتح
واحنه واحد جر الاخر موته كلها وبس نوايح
انه بعد شويه اموتن وهذا الاكبر هسه طايح
گلوبنه اعليك شيطيب اعروگهه
وباچر بزينب يدوهن سوگهه
والرمح لو وكع يوكع فوكهه
وغاد تبقى محيره
كلچن يسبوچن . برمحي يطگوچن
ترچيه وشوغه . راح يسلبوچن
يلمتعب گلب ابوك
…………………………………………….
عباس القـــلعـاوي
سيد الشهداء
هـاي الگــوم هـــجـمـت وين مــنـواها
وحــيـد حــسين ظــل حـاير بـمـلگاها
========================
ظـل ابـحــده وحــاير يــدور الــعــين
لاصـاحــب بقه ولا أخـو يم حــســين
گــوم اتحزمت هاي الـعـرب صــوبين
تـطـلــب ثارهــا وبالـحـقــد مـسـراهـا
========================
مسراها بـحـقـد گــوم الـعـمـاها الشر
حــاير ابـو اليـمـه ومـامـش الـيـنـغر
هــذا الـكـاتـبـه الله وهـــذا الـمـگـدر
اجساد اخــوته اعـله الـترب خـلاهـا
========================
اجساد اخــوتـه تتراجف اعلـه الگاع
من تسمع ينادي حسين حيها أسباع
لا واحـــد يـجـاوب لافــزع فـــــزاع
لا واحــد عـلـيـه الـچـلـمــه رداهـــا
========================
ياچـلمـه يگول ويـفـرك بــراحــــه (راحة اليد)
صـاح اصحـابه مافزعهم اصـياحـه
يهل الـغــيره يل عـلـگـاع مرتاحـه
يبطال الـوغـــى ويلــيـوث ناداهـا
========================
ناداها بـحـسـرته وبالحــرم حاير
باوع علـخيم ضـل علـخـيم داير
دمه اعـلـه النسه والبلـخـدر فاير
ياهـو اطـفاله بالبر يـبـقـه وياهـا
========================
اطفاله غــدت بالـعـطـش تشكيله
چلمة مـــاي مـنـهـا ينهدم حــيلـه
عمكم هس يرجــع گــال للـعـيـله
وأخوته اعله الثره لاگت مناياها
========================
تلاگت هلصفوف وهجمت العدوان
صــاح الله وكـبـر واعـتنـه المـيدان
انه اربات هاشــم وانه ابن عــدنـان
رعبها اصــفوفها وطـشّـر ســراياها
========================
طشـرهـا السرايا وگـطـفـاها الــروس
واعله خشومها وسط المعاره يدوس
ماثنّه بظــربته مــن يـهـد جــايــوس
وابطال الـحـــرب نسوان ســواهـــا
========================
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇
هـنـيـاله الضـفر بالعِبره والعَبره
ولمحمد صدر فاز اليدگ صدره
============================
نهج الحق وضح والباطل امبين
والـواكـب دربهم دربـه مـو هيّن
صلف هذا الطريق امطلگ الليّن
جمره يامحب هذا العشگ جمره
============================
اليحچي عالصدر چلماته مردوده
يـاهو المثـلـه گـال الكلا مشهوده
من چان الظلم لون السمه سوده
صاح وبالحـبـيـبي بيّض السمره
============================
ياصاح استمع واترك افكار الشين
فكر الصدر جمعة ومنبره كل زين
عين اعله الفقير ولله منطي عين
لـهـذا الله بأهل بيـته رفـع قــدره
============================
عز الله الحچي بي شاهد ومشهود
طريقه للمجد مـا اعـتـقـد مسـدود
والـمثـله يــوادم بـالـعـدد مـعــدود
بستان الـمـواقف صـاحـب الفـقـره
============================
يـل عـنـدك حـوائـج هــذا ابــن مـوسه
هـم گاضـي الشـدد مـو شجره ملبوسه
ياطاغي الگرب شخصه وعلي ايدوسه
والـيـخــدم قـضـيـتـه يـاخـــذه أجــره
============================
ناطق صار يوم السادة السكـتـه
كلمن خل يسولف حظه وبخـته
الماواگف وياه باچر شنو حجته
خل ايحضر اجواب البني الزهره
============================
22/5/2023 الاثنين
#الشاعر_الميرزا_محمد_الساعدي
#شهادة_المولى_المقدس
گعديه
كـلـمن تــرك نــهـج الغـياره
وعاف الصدر عمره خساره
الصار يرخص بينه
بـاع مـنـهـج ديـنـه
العاف الصدر عمره خساره
================≈=========
نرجع العصر الرسول وننظر العظم الخيانه
بعده حي أحمد وراحوا قاسموهه بلا أمانه
وهالعصر عـافوا محمد صادق ونهجه وبيانه
گـالـوا عـمـيل بلا هـدف
والحققه اعتقدوا صدف
لا والله أقسـم مـارجـف
ثـابـت بـعـزمه وكـيـانـه
يلي مـشيت اويالخليفه
والزهره نيتك موشريفه
الخان عصر حسينه
بـاع مـنــهــج ديـنـه
العاف الصدر عمره خساره
================≈=========
أرجع الخطبة الجمعه وافتهم مغزه اختياره
الله يدري لوميدري لوچنت صاحب غزاره
أخره چانت قضيته وأعتقد واضح مساره
الــراد الــحـيـاة الأخـــره
خل روحه تصبح صابره
ويـلبـس رداء المـغــفـره
حـتـى يتـحـقـق شـعـاره
صيت الـذي ينـكر كـفاحه
ابجال الولي نال السماحه
ضال لا لتعينه
باع منهج دينه
العاف الصدر عمره خساره
================≈=========
أبد مانترك طريقك ندري بي قله التسلكه
إي وحگ اهلال عينك والبياض البي تملكه
ياصدر قائد عرفتك والظلم صوتك يربكه
مـا لحـگّـت لـكـن وضـح
بموسوعتك علمك سمح
لـلقاصي والدانـي شـرح
الفـكـر مـن ربـك تـدركه
يالحايز ابصيته انتصاره
أسـم الـصدر مو للتجاره
نار تلگف شيـنه
الباع منهج دينه
العاف الصدر عمره خساره
================≈=========
مثل عهد الحسن عادوا والغدر يسري ويه دمهم
اتقلصوا مولاي قله البقت چيف ابنك حزمهم
ومن مطامع دنيويه مقتدى المصلح حرمهم
كـل حـزب صـار بمعـتـقـد
بس جيش ابوصالح صمد
واقـعـنـا بـالـساحــه شـهد
حرب بس فكرك حطمهم
أخر كلام اوياه نعيده
فعله الردي خله يفيده
العاش زلمه اعلينه
باع منهج ديــــــنه
العاف الصدر عمره خساره
================≈=========
12/6/2021 السبت
#الشاعر_الميرزا_محمد_الساعدي
السبي
ويـنـهـا أزلام الـهـــواشـــــم ويـنـهـا
زينب بحـبل الـســبـي مـگـيـديـنـهـا
...........................................
وين قـتّـال العــرب وين الحـيـــود
وين حـمــزه ويـنـه صـيّـاد الاسود
انسبت نسوانكـــم سـبي الـيــهـود
وبالرمح چــــدام راس احــسيـنها
...........................................
بالرمــح راس الشـهـيـد ومـا سلم
بالحـجـر صـابـو جـبـيـنـه وانشتم
هـــاي ناس ارجـاس عـبّاد الصنم
بـدرهــــــم ودينار باعــت ديـنـهــا
...........................................
مافــزع حـــيـدر يـشــوف بكــربله
ضل وحـــيــد حسين ماتو كل هله
حــرگـــو اخيامه وسـبـوها العايله
ويـنــه خلّاس الـعــده بصـفـيـنــها
...........................................
منطرح فوگ الترب سبط الرسـول
بكل مغاره حسين داتسه الخيــول
بروحه والرده على اضلوعه تجول
اعظام صدره اعله الثره مكسرينها
...........................................
فــــرّن النـسـوان والــنـار اعــتـلـت
بصوت زينب صاحت وللتل مشت
هنا يبن امـــي تــره العـيــله نولت
واعــلـه ضـيـم السبي اللـه يعينها
...........................................
تعثـر ابـمـمشاها والوادي امخطر
شلـــون تل يشيلها اجبال الصـبـر
وصلته وگـــالت اجــيتك علعطـر
حسين خويه اوصالك مگطعينها
...........................................
شلــون حيـره بكرله زينب تحير
هاي ماصـارت قبل ماظن تصير
چتّلو أل النبي وحـتى الزغـــير
والاطفال الــــرضّـــع امچتلينها
.....................................................
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇
شيخ المراجل وهله كلهم قاده
ذب الثام دخيل شيخ الساده
ركب الخيل ع الزلم بالحومه
زلمة علي تعرفون زين عناده
عباس حيله من الله محد كدر يوصله
بفعاله هوا يكلهم وين الاشاوس بلله
@@@@@@@@@@@@@@
الكاع نزت مو زلم خلاها
دخيل سبع الكنطره طباها
ياهو اليكدره ودخنت ريشاته
من غيضه حته الشمس هم چواها
بعيونه سيف ويكتل مثل الصكر من ينزل
صاعد مهرته واكف زلمه وكفو ما يچفل
@@@@@@@@@@@@@@@@
الفارس الأشوس يحير بيومه
لمن دخل عباس نص الحومه
أرواح تنزع مو هدم بالبيده
يموت كلمن لو يصد ارسومه
يقلع ركب معروفه تكتل دخيل اجفوفه
ركضها كل القاده من كربله للكوفه
@@@@@@@@@@@@@@@
مثل البرق يخطف القاده بسيفه
شاهين طب عله الحرب وبكيفه
الموت بيده وهوا زلمه وهيبه
يشطر شطر بالحومه مأخذ حيفه
وين الثكال يذلها الجيمه بيده يحلها
خياله تشرد منه بلحلم هم يكتلها
@@@@@@@@@@@@@@@
شارب علي عباس كض الشارب
مو زلمه چن زلزل بيها يحارب
بالعركه طب وكال تدرونه اشكال
ما تعله عين ابيوم فوك الحاجب
ادخيله يامحلاته چنه علي بخزراته
العركه كاشخ بيها ويخبلن صولاته
@@@@@@@@@@@@@@@
وداد البخاتري
فاطمة المعصومه
بالفخر معلومه
قد قال عنها الكاظم - فداها ابوها
____
هاي بت موسى بن جعفر بت عظيم المنزله
ذوله سادات العوالم نور من عقد الوله
مايخيب الي نخاها وهي حل المعضله
والطلب من عدها قطره ترجع ايده مبلله
فاطمه الي يطوفها
تغركه خير اجفوفها
قد قال عنها الكاظم - فداها ابوها
____
بت ولي الله هيه واخت ثامن منقبه
وعمة الجود المعظم ياعظم هالمرتبه
كلمن لقم ايتعنه تكله مية مرحبه
الجايها بحاجه عسيرة يمشي ماخذ مطلبه
فاطمة الدك بابها
يشفى من اترابها
قد قال عنها الكاظم - فداها ابوها
____
من تطب تقرا الزيارة والابواب مشرعه
اشفعي بالجنة. جمله تخلي روحك طامعه
بالعلم والحكمة والطب هي اكبر جامعه
جرب اطلب منها حاجه الوحده عدها بأربعه
فاطمه المشهوده
باب ما مسدوده
قد قال عنها الكاظم - فداها ابوها
____
مره من سافر ابوها وحيره صابت شيعته
تحيروا عدهم مسائل مالهن بس حضرته
جابوت فاطم عليهن غير سره وبضعته
من رجع باب الحوائج كلبه كلش سرته
عالمه وبت عالم
يشهدلها الكاظم
قد قال عنها الكاظم - فداها ابوها
____
🖊 الشيخ حيدر الحميداوي
شيخ المراجل وهله كلهم القاده
ذب الثام دخيل شيخ الساده
ركب الخيل ع الزلم بالحومه
زلمة علي تعرفون زين عناده
عباس حيله من الله محد كدر يوصله
بفعاله هوا يكلهم وين الاشاوس بلله
@@@@@@@@@@@@@@
الكاع نزت مو زلم خلاها
دخيل سبع الكنطره طباها
ياهو اليكدره ودخنت ريشاته
من غيضه حته الشمس هم چواها
بعيونه سيف ويكتل مثل الصكر من ينزل
صاعد مهرته واكف زلمه وكفو ما يچفل
@@@@@@@@@@@@@@@@
الفارس الأشوس يحير بيومه
لمن دخل عباس نص الحومه
أرواح تنزع مو هدم بالبيده
يموت كلمن لو يصد ارسومه
يقلع ركب معروفه تكتل دخيل اجفوفه
ركضها كل القاده من كربله للكوفه
@@@@@@@@@@@@@@@
مثل البرق يخطف القاده بسيفه
شاهين طب عله الحرب وبكيفه
الموت بيده وهوا زلمه وهيبه
يشطر شطر بالحومه مأخذ حيفه
وين الثكال يذلها الجيمه بيده يحلها
خياله تشرد منه بلحلم هم يكتلها
@@@@@@@@@@@@@@@
شارب علي عباس كض الشارب
مو زلمه چن زلزل بيها يحارب
بالعركه طب وكال تدرونه اشكال
ما تعله عين ابيوم فوك الحاجب
ادخيله يامحلاته چنه علي بخزراته
العركه كاشخ بيها ويخبلن صولاته
@@@@@@@@@@@@@@@
وداد البخاتري
يحسين لو صار الگبر داري
محتاجك إبگد رحمة الباري
غيرك ما إلي . يا ثالث ولي
محتاجك بگد رحمة الباري
ــــــــــــــــــــــــــــــ
لو ملك الأجل قابض إجـه وسل روحي بيده
وإبنادم تــــره غير العمل محــد يفيـــــده
وآنه إبلا عمل جيت إبطرگ دمعــه وقصيـده
وأدري بخدمتك هي الامل يبـــن الصميــده
لو ودعوني صحبتي وناسي
اقسم عليك بآخر انفاســـي
بولاية علي . ياثالث ولي
محتاجك لگد رحمة الباري
ــــــــــــــــــــــــــــــ
لو لفو علـــي خام الچفـــن وأنوو دفنتي
وراحو كل هلي وخلوني بـس آنه وحفرتي
محتاجك ضــوه يابو علــــي إتنور ظلمتي
ليل المگبـــره مــاينسكــن إرحم غربتي
إبليل المگابر ذاك وأشباحــه
وجهك أريده إيضوي مصباحه
وخوفي ينجلي .ياثالث ولي
محتاجك بگد رحمة الباري
ــــــــــــــــــــــــــــــ
لو خدي إنوضـع فوگ الرمل رايد وجـــودك
مو تدري العمر دمع ولطـم راح اعله مودك
خيمه وتنهـــدم جنة عـــدن لو ما عمــودك
والنار التجـــي يم خادمــك يطفيهه جـودك
چم مره إجيتك للگبــر زايــر
معقوله أبقه إبوحشتي وحاير
ترضه انولي . ياثالث ولي
محتاجك بگد رحمة الباري
ــــــــــــــــــــــــــــــ
آنه ادري الدمع يصبح شمـع يبن الزجيــه
وكل جرة نفـس مـن خدمتك محسوبه اليه
إبضغطات الگبر ياسـيـــدي هــتون عليه
إبجاه المرتضـه وحب فاطمه ودمع السبيـه
والدمعه هاي المستعز بيهه
عالنار إذا طــــاحت تطفيهه
وأشلون اصطلي . ياثالث ولي
محتاجك بگد رحمـــة الباري
ــــــــــــــــــــــــــــــ
لوجرني الذنب للهــاويــه والنار اجتنـي
اصرخ ياعلـــي ويافاطمــه كلما چوتنــي
وانصب مأتمـك حته إبسقر يالجنـنتـنـي
ماعوفك ابـــد لا ياجــرح يالعدبتنــي
كل خادم إيذلونه اسيــاده
بس اليخدمك عاليه امجاده
وراسه معتلي . ياثالث ولي
محتاجك بگد رحمة الباري
ــــــــــــــــــــــــــــــ
ادري إبمنبــرك صيوان إلي باچر اشوفــه
ظامي ومجلسك مثل النهـر وإشلون أعوفه
إسمي بعالمـك يا سيـــدي ذابت حروفــه
عبدك والعبــد من شيمتك تترس چفوفـه
خلي يمك للأبــد خـــادم
وجندي اصير بدولة القائم
سجل مايلي . ياثالث ولي
محتاجك بگد رحمة الباري
محمد الجماسي
#اللهم_عجل_لوليك_الفرج
هلي موگدكم الدافي يعادل جم شمس بالشام
هلي بتكم العلويه بكبرها وماكو راحه تنام
هلي لي هسه عدهم عيد وحجيهم يمي چنه سهام
ياهل الشام عوفوني
بهضمكم راحت عيوني
لاهلي غاد رجعوني
الغربه موتتني
يازينب ... يازينب
/////////
هلي تعبانه من عدهم حتى الرايه نزلوها
جا وين انا اروح هناك عليه الغربه عادوها
بگبري واشكي للعباس اختك خويه اذوها
محد يعرف انته شبيك
اذا مو منك اهوه وبيك
يخفف كل ثچيله اعليك
ويسكتلك ونينك
يازينب ... يازينب
/////////
تعبان الگلب تعبان وبلسم ماكو لجراحه
خلاف اهل المحنه الروح تعب حصتها ونياحه
سدوا بابي اهل الشام وبيد المهدي مفتاحه
هلي حيل انه مشتاگه
ونار الشوگ حراگه
سنين مناطره ملاگه
منهد ماغربوني
يازينب .. يازينب
/////////
هلي ياهل البخت والراي كافي ابقى محتاره
حوبتكم تهد الشام اذا لاحتهم الشاره
مزاري تعتنيله الناس وگطعوا درب الزياره
لــو ما اشــوفن الزوار
گلبي يصيــر موگد نار
يطب لگبري وين العار
هضيمه ماكو منها
يازينب ... يازينب
/////////
صوركم تارسات البال هلي ياهل الكرم والجود
اتذكر سوالفكم واتمنى الليالي اتعود
هيج والتقي بعباس انسه ايامي كلها السود
واكعد يم ابن روحي
وبيده يطيب اجروحي
وابطل دمعتي ونوحي
اذا اشوفن كفيلي
يازينب .. يازينب
/////////
خادم القصيده
عزيز المياحي
العليله
عتبي اعله المشو بالدار وحدي وهاجروا عنـي
لابيه أگـــــطـع البيده و لا منـهـم گــطـع ظـنّـي
____
عليله وعلتي بالروح موجسمي المرض ياذيه
ياكل روحه من يروح غالي و وحــده يخليـه
لايمي واگــلـه ارجـاك ولا يمسع عتابي اعليه
اشكي بحالي للجـــدران الـهـن سمـعـت ونّي
____
بيه انه امشي وياهم ولـــدرب السفر أگــدر
بويه اگبال عــينك شـوف وبممشاي ماأعثر
گــدام الركب ممشاي كــون اتگــول أتأخــر
خـــواتي وعـمـتـي وياي مـن اتعب يعينني
____
بطاريكم احاچي الدار وحشه اخلاف راعيها
جفني الماغمض للنوم وبوي حـــسين مابيها
اسال بالقــوافل دوم واتـنـشـــد طـــواريـهــا
طارش انطر ومكتوب ويطفّي جـمـر حـزني
____
كل ساعه واشوف الباب تركض مو مشي جدامي
واحســب باليالي احــساب اشهــور يمـرّن ايامي
ادور ابالي الحسبات اخــاف الـــراح ينـســانــــي
ابوي وعـتبــي انــه اعلــيه بويــه ايامــي هدّني
____
والعبدالله انه اشـتـاق ارتّب بالـمــهــد واشـتـم
صوته بأذني ما أنساه من اذكر ضــحكته اتولم
هزني الشوگ أخيي اعليه كل يوم بسهم أحلم
بيكـــم بالمنام احـلــم حـلــم الـسـهــم فــززنـي
____
هم بيكم رجه اترجعون انطركـــم دهـر وسنين
هم بيكم أمــل للضال وحــده ومابقاله امـعــين
طفله وهمي حمل اجبال شيبت الگلب يحسين
همّــي ايزيد كل ماطال هـجــرك يلرحت مـنـي
==========================
✍️عباس مالك العفريت
#محرم_الحرام١٤٤٦هـ
نسألكم الدعاء
اللحن👇
#مولايَ_الحُسينّ_عِنَدماْ_فَقد
#الشريان_الابهر_وهوَ_علي_الاكبر
يلمتعب گلب ابوك
…………………………………………….
رد عدل والماي اجيبه عدنه بير بصف الاخيم
ركضت المحروك جدمه الطاست الماي يتولم
شباقي من جسمك يلكبر بكل كتر يتنازف الدم
وليه بس الوليه شنهي بالطف الماي يتحزم
ياچبير وماتلمك فاتحه
هدلن عيوني بكثر ماطايحه
يلمتعب گلبي بس ماجارحه
يلميبس گلبي دم
عيونك عميانه . كاسر مكفانه
يمخلي سكينه . بالطف عطشانه
يلمتعب گلب ابوك
…………………………………………….
انه اول مره اعاتب مامعاتب كبل الاكبر
هسه كلي شلون المك شنهي بيك الماتطشر
وذره وذره ابين الاخيم لملميتك وانه افتر
اللجمه البكلبي شكبرهه تكبر شما انتَ تكثر
عـين ويطيحلهه فـص يا روحـتك
حسين عايش بس عله الله وشوفتك
مـوتـّت گـلبي يـبـويـه بـموّتـك
ارداني بللها الدمع
دمعاتي بعيني . اشِرب ورويني
اگعد كَدامي . خاطر تحييني
يلمتعب گلب ابوك
…………………………………………….
بويه ماضل شي واگوله عميه عيني الماتردك
كون توكف حتى اشوفك واشتم بشمام خدك
انه حسبالي يلكبر ابقى اشوفن ولد ولدك
تالي ماخليت ذكره اعله الارمل ارسم واشبكك
راسمك واشهك تراب الجايسه
الخيل حته بصف مجانك دايسه
ورمت رجليهه كد مارافسه
فوگ صدرك يلجبير
تعبني فراگك . شيحرك ساگك
موتك مايرحم . غافلني وباگك
…………………………………………….
ياعيالي ويابزرتي علي الاكبر راح منكم
شلون فوك متونه حافر وهيه جلمه تعور اخيكم
شلته طاح من الحصيره وجبته نص من جسمه الكم
صاحو من بعيد كلهم سيوفنه الكتلت ابنكم
الخوف تارس گلب كل الطايفه
علي الاكبر بيها اظن السالفه
علي ماميت گبل ماشايفه
شلون مات وانه حي
لمولي وليدي . دم گلبي وحيدي
ياكبرت عيني . الرايح من ايدي
يلمتعب گلب ابوك
…………………………………………….
يـله كومـن يـا بنـاتي قللن مـن الصـوايـح
الليل لو جلجل علينه يزوّد بضيم الفواتح
واحنه واحد جر الاخر موته كلها وبس نوايح
انه بعد شويه اموتن وهذا الاكبر هسه طايح
گلوبنه اعليك شيطيب اعروگهه
وباچر بزينب يدوهن سوگهه
والرمح لو وكع يوكع فوكهه
وغاد تبقى محيره
كلچن يسبوچن . برمحي يطگوچن
ترچيه وشوغه . راح يسلبوچن
يلمتعب گلب ابوك
…………………………………………….
عباس القـــلعـاوي
#أقترب_محرّم
...................................
گربت أيامك يحسين
گربت أيام الـدمـعـــه
گربت ايامك يحسين
الهزّت السبعه وسبعه
نحسب أشــهــور الأيامك
كل حزن مو مثل احزانك
ياذبيح
كل خــادم ولّـــم حسراته
الطف زينب حظّر دمعاته
ياذبيح
...................................
✍️ عباس مالك العفريت
جوگيات للسيد السعيد الشهيد محمد محمد صادق الصدر (قدس)
حقد السقيفه وهذا معروف
بـــدر التمام اليوم مخسوف
كــــــــلا لمَن گالها
طعن ب وآن فحواها
راح الذي ما يعرف الخوف
ـــــــــــــــــــــــــــــــــــــــــــــــــــــــــــــــــــــــــــــــــــــــ
حگنه لون نبچيلك ادموم
مات العراق ابموتك اليوم
دمعة محب حراگه
والأبو يچوي افراگه
يا جرح فگدك عاش للدوم
ـــــــــــــــــــــــــ
محب أل الصدر الكرام
✍️ياسر الزيادي
باچيلك عطش والنار والهيمة
المغربة فواطم للستر شيمة
متغربة وجمر صارت ترة الخيمة
يم جرحك خلصته ليلي
ولضلعك هديتة حيلي
شيگعدة الطحنولة صدرة
الطم وابجي ااه ياويلي
اتخيل نحر راسك
واگضي اليل بالدمعة
وامك فاطمة الزهرة
تنادي ابني انكسر ضلعة
متعلعل گلبهه تگول
طول ابني انه مضيعة
حسين يا مولاي
لو سالم ولا تمشي بحبل سكنة
ولا نادت رقية اخلافك ب متنة
يبوية الخيل والهيمة التتعبنة
يم طولك مديته طولي
فدوا اگعد وادم اجولي
ما ترحم ضعفي يبوية
انه ابجي لراسك والولي
شحال الغربتهه الخيل
وتبقة بدون واليهه
طفلة وعمرهه زغير
شردت والجمر بيهه
مچوية بهذيج النار
الخيمة احترگت اعليهه
حسين يا مولاي
ساترني بعباتك يالمتت عريان
وتشربني عذب وانت شو عطشان
وسفة حسين تتوسد على التربان
مو گدرك نوم الضهاري
مطشر فوگ الصحاري
ما باقي بطولك يغالي
متوذر والصعبة عاري
ابو اليمة وتضل عريان
والاصعب سهام احشاك
ترست صدرك ومذبوح
وزينب رادت ملاگاك
توگف بس ترد اطيح
اسهامك طلعت بمگفاك
حسين يا مولاي
شسوة آنه بس حسين دللني
امن الدنيا خذاني ويمة گعدني
هاك الدمعة ترس العين يبچني
آنه ابجي لغربت امامي
لا ناصر لاضله حامي
واسمع آنه ياهو اليه
شذنبي تكتلوني ضامي
اريدن ماي قبل الموت
العطش هذا مرد جبدي
جابولة حوافر خيل
من صدرة السحگ يبدي
ركضت عالخيم فرسان
تدوس حسين وتعدي
حسين يا مولاي
#محمد فرج الحريشاوي
جنت محسبه جيتكم أليه
وتكتبون علبابي مو سبيه
بگبري يخوتي يعيلون بيه
ولوني وطاحت الرايه العليه
الرايه الترف فوگ الصحن :: طاحت
ومن البچي عيوني انعمت :: راحت
درت النضر صوب النجف :: حيره
وروحي أنتخت يابو الحسن :: ضاگت
هيه هاي المالهه أخوان وعشيره
الغربه ماتعرف شنو حرمه وچبيره
أمس بحبال اليسر واليوم أسيره
@@@@@@@@@@@@@@@@@@
وي الرايه شلهم وگعوهه
چي الكم أثر بيهه خذوهه
أهل الشام اختكم تعبوهه
ميته وبالگبر هم حيروهه
خالي ضريحي أمن اللطم :: ويلي
مو حگي أنوحن ونلچم :: حيلي
بس حفنه ضلت ونجفت :: مني
أشبع بچي وشبع هظم :: ليلي
الباب الاخضر يندگ بكل مغربيه
ورگض وگلت اخوتي فزعو عليه
أوصل وماأگله بس چلمت سبيه
@@@@@@@@@@@@@@@@@@
أضل ليا عمر وليا مصايب
أضل ليا وكت ليلي بخرايب
بشام النايبه شفت العجايب
ليا موته التمر وتعدي أثاغب
ليا موته أضل يهلي أننتضر :: موتي
بشام الهظم ميته شكثر :: صوتي
راح بكثر ماسولفت :: بيكم
كلفه أنسبي وني بگبر :: موتي
بعد حبل السبي نيشانه ماراح
اليموت ويمه أهل غلاهه يرتاح
ونه الماكو ألي بس گض الصفاح
@@@@@@@@@@@@@@@@@@
عقيلتكم تعبهه أتعده الحدود
والغربه تره شما جالهه أتزود
ماضل شوف بيه وگلبي ممرود
وعن زواري تهظم بابي مسدود
چان بضريحي أتفر خدم :: تنحب
يصيحون يمه أهل الشيم :: زينب
وين وصرت مالي عرف :: وحدي
وحرموني من رفت العلم :: لو هب
من كلشي اليهدي أجروحي الهواي
أنحرمت وبس دمعتي الضاله وياي
لازايـر ألـي لارايــــه فـوگــــــاي
رسول رياض
يا محمد يا صدر ..... يا محمد يا صدر
======================
يا شـهيد الجمـعه ويـنك.. يا محمد يا صدر
روحي مشتاگه الحنينك.. يا محمد يا صدر
وسف ذبحوهن سنـينك.. يا محمد يا صدر
نـون هـالـليـله الونـيـنك.. يا محمد يا صدر
يا سـيد الجـمـعه ... يا صاحب الفزعه
يا محمد يا صدر ..... يا محمد يا صدر
======================
روحنا تسولف حچيها.. يا محمد يا صدر
فـاگـده اللـيلـه ولـيـهـا.. يا محمد يا صدر
ويـن يالماخـذ بـديـهـا.. يا محمد يا صدر
فرحت الناس السفيها.. يا محمد يا صدر
وينك يبـو الغيره .... يا سـيـد الـديـره
يا محمد يا صدر ..... يا محمد يا صدر
======================
بموتـتك يكـبـر جرحـنه ..يا محمد يا صدر
بالرصاص البيك طحنه.. يا محمد يا صدر
اوياك عالباطل هتـفـنه.. يا محمد يا صدر
كـلا للـشيـطان صـحنه.. يا محمد يا صدر
يل صيحتك بينه .... چنك أبو اسكينه
يا محمد يا صدر ..... يا محمد يا صدر
======================
كلمتك عاشت أبيه.. يا محمد يا صدر
مثل يوم الغاضريه.. يا محمد يا صدر
لجلك الدمعه جريه.. يا محمد يا صدر
قامت الشيعه عزيه.. يا محمد يا صدر
يالفگدك انسمعه ...... وما نگدر انجرعه
يا محمد يا صدر ..... يا محمد يا صدر
======================
آنـه مـن زغــيـر سـامـع.. يا محمد يا صدر
مرجع انـتـه بـلا مـنـازع.. يا محمد يا صدر
ساكت الكل وانته طالع.. يا محمد يا صدر
يلي كاس الـغدر جـارع.. يا محمد يا صدر
يل عايش بروحي ..... يل چنه مذبوحي
يا محـمد يا صـدر ..... يا محمد يا صدر
======================
بـيـك هـنـيال الشـهـاده.. يا محمد يا صدر
ليـكم اتـلــوگ الـسيـاده.. يا محمد يا صدر
والنـعم مـن هـالـقـيـاده.. يا محمد يا صدر
الحبكم اتغمره السعاده.. يا محمد يا صدر
وانعزي هل جينه ..... يمـتـه تـرد لـيـنـه
يا محمد يا صدر ..... يا محمد يا صدر
======================
العافكم والـزهـره نـادم.. يا محمد يا صدر
هاي الك قمنا الـمـئـاتـم.. يا محمد يا صدر
يمته اشوفك لينه قادم.. يا محمد يا صدر
رايه عـندك مـع القائـم.. يا محمد يا صدر
وبدربك انشوفه ..... مـولانا بـالكـوفـه
يا محمد يا صدر ..... يا محمد يا صدر
======================
1/5/2025 يوم الخميس
3/شهر ذو القعده 1446 هـ
#الشاعر_الميرزا_محمد_الساعدي
العاف الصدر عمره خساره
#الشاعر_الميرزا_محمد_الساعدي
باچيلك عطش والنار والهيمة
المغربة فواطم للستر شيمة
متغربة وجمر صارت ترة الخيمة
يم جرحك خلصته ليلي
ولضلعك هديتة حيلي
شيگعدة الطحنولة صدرة
الطم وابجي ااه ياويلي
اتخيل نحر راسك
واگضي اليل بالدمعة
وامك فاطمة الزهرة
تنادي ابني انكسر ضلعة
متعلعل گلبهه تگول
طول ابني انه مضيعة
حسين يا مولاي
لو سالم ولا تمشي بحبل سكنة
ولا نادت رقية اخلافك ب متنة
يبوية الخيل والهيمة التتعبنة
يم طولك مديته طولي
فدوا اگعد وادم اجولي
ما ترحم ضعفي يبوية
انه ابجي لراسك والولي
شحال الغربتهه الخيل
وتبقة بدون واليهه
طفلة وعمرهه زغير
شردت والجمر بيهه
مچوية بهذيج النار
الخيمة احترگت اعليهه
حسين يا مولاي
ساترني بعباتك يالمتت عريان
وتشربني عذب وانت شو عطشان
وسفة حسين تتوسد على التربان
مو گدرك نوم الضهاري
مطشر فوگ الصحاري
ما باقي بطولك يغالي
متوذر والصعبة عاري
ابو اليمة وتضل عريان
والاصعب سهام احشاك
ترست صدرك ومذبوح
وزينب رادت ملاگاك
توگف بس ترد اطيح
اسهامك طلعت بمگفاك
حسين يا مولاي
شسوة آنه بس حسين دللني
امن الدنيا خذاني ويمة گعدني
هاك الدمعة ترس العين يبچني
آنه ابجي لغربت امامي
لا ناصر لاضله حامي
واسمع آنه ياهو اليه
شذنبي تكتلوني ضامي
اريدن ماي قبل الموت
العطش هذا مرد جبدي
جابولة حوافر خيل
من صدرة السحگ يبدي
ركضت عالخيم فرسان
تدوس حسين وتعدي
حسين يا مولاي
#محمد فرج الحريشاوي
هلي موگدكم الدافي يعادل جم شمس بالشام
هلي بتكم العلويه بكبرها وماكو راحه تنام
هلي لي هسه عدهم عيد وحجيهم يمي چنه سهام
ياهل الشام عوفوني
بهضمكم راحت عيوني
لاهلي غاد رجعوني
الغربه موتتني
يازينب ... يازينب
/////////
هلي تعبانه من عدهم حتى الرايه نزلوها
جا وين انا اروح هناك عليه الغربه عادوها
بگبري واشكي للعباس اختك خويه اذوها
محد يعرف انته شبيك
اذا مو منك اهوه وبيك
يخفف كل ثچيله اعليك
ويسكتلك ونينك
يازينب ... يازينب
/////////
تعبان الگلب تعبان وبلسم ماكو لجراحه
خلاف اهل المحنه الروح تعب حصتها ونياحه
سدوا بابي اهل الشام وبيد المهدي مفتاحه
هلي حيل انه مشتاگه
ونار الشوگ حراگه
سنين مناطره ملاگه
منهد ماغربوني
يازينب .. يازينب
/////////
هلي ياهل البخت والراي كافي ابقى محتاره
حوبتكم تهد الشام اذا لاحتهم الشاره
مزاري تعتنيله الناس وگطعوا درب الزياره
لــو ما اشــوفن الزوار
گلبي يصيــر موگد نار
يطب لگبري وين العار
هضيمه ماكو منها
يازينب ... يازينب
/////////
صوركم تارسات البال هلي ياهل الكرم والجود
اتذكر سوالفكم واتمنى الليالي اتعود
هيج والتقي بعباس انسه ايامي كلها السود
واكعد يم ابن روحي
وبيده يطيب اجروحي
وابطل دمعتي ونوحي
اذا اشوفن كفيلي
يازينب .. يازينب
/////////
خادم القصيده
عزيز المياحي
🍃✨❤️🌿💐🌴🌺🌾
*أزكى التهاني والتبريكات نهديها لكم بذكرى ولادة البضعة المحمدية الطاهرة،*
*والشمس العلوية الزاهرة،*
*بنت الأمام الكاظم،🌸*
*وأخت الأمام الرضا،❤*
*السيدة الزكية فاطمة المعصومة*
*(صلوات الله وسلامه عليها)*
*{کل عام وأنتم بألف خير}*
✨💖🌿💐🌱💫🌹🌻
بدلالي ابويه ايعيش
وعني تأخر ليش
يمته يرد للدار عماه عماه
اشتاك اله كل ليل
والوحشه بيه اتعيل
وتشبح اله الانضار عماه عماه
عودني طبعه التَرَف .. صعبه انترك .. لحسرة دلاله
امن اغمضهه عيني افز .. يطلع حلم .. رد العياله
عمي .. كلي .. يمته .. ابويه ايرد على ادياره
گلبي .. ما .. يحمله .. غيابه و ما تصح جاره
طفله .. من .. تركني .. بقيت اتلوع ابناره
****
يمته اشوفه وياي
وبيده احط يمناي
انه الحنانه اشتاك عماه عماه
يا محله عمري وياه
راح وتركني اب اه
ظكت المرار افراك عماه عماه
يجرحني بُعده عليّ .. واني انتظر .. بلكت يجيني
تعبني حيل الگلب .. ماله عذر .. زيد ونيني
ليلي .. صبحي .. دمعه .. ابد ما نشفت بخدي
صبري .. كله .. خلّص .. و ابو بهالمحنه ما عندي
ايتيمه..احسهه..روحي..زغيره اشلون اضل وحدي
****
شوگي حرمني النوم
يكظي السفر يا يوم
وللكوفه يمته انطب عماه عماه
يلجمني گلبي اشصار
واليا سبب محتار
وعينك دمعهه ايصب عماه عماه
حالك يعم اختلف .. شنهو الجره .. دمعك هظمني
جابو خبر والدي .. بس لا جرح .. صابه وتركني
عمي .. ابويه .. يرجع .. انشدك گلبي لتجرحه
كلمة .. تكفي .. منك .. طفلة وانتضر فرحه
ايتيمه .. قصدك .. انه .. ابراسي جفك اتمسحه
****
مسلم صدك هظموه
وبالكوفه ما نصروه
وحده وتعذب حيل عماه عماه
اتأسر يويلي اشلون
وماله سند لا عون
ضامي وجروحه اتسيل عماه عماه
مكيدينه ليش ابحبل .. وطب للقصر .. بين الشماته
بكلمة امان انغدر .. بيد الغرب .. ويتمو بناته
من .. سطح .. قصرهم .. حزو للأبو نحره
بكيده .. ضل .. يعمي .. ولن الحاقد ايشمره
اعليه .. صعبه .. اسمع .. ابمصابه وابقه مصبره
اللهم عجل لوليك الفرج
كرار شوكة
(أما آن)
ندري بگلبك . ،، . شاعل خيمه
وندري شحاله . ،، . الساكن هيمه
گبور ابصحره . ،، . عذبن روحك
يساعد گلبك . ،، . شمكبر ضـيمه
أما آنٰ الطلعتك وكـته الآوان
حلم عدنه وياك يا نبع الحنان
أيد بيد انــــــريد نبنيها الگبور
گبور أهلك لحّد هسه ابلا مچان
هلك لا گبه وضريح
يمته وتگول انا جاي
يوسف لكل زمن ونت لهزمان
مسنا الضرا يالشــوفتك ماي
لقبوّر البقيع.... فزعه يبن فاطمه
ـــــــــــــــــــــــــــــــ
ندري ابصدرك . ،، تاكـــــل نارك
تشوف اعيونك .،، . ضــلم اشرارك
حگك لـــو دم . ،، . تنزف عينك
طف الغــــرقد . ،، ينـطر ثارك
الثار بيدك يـبو صالح ما يضيع
ومو خدم عمال ولأمــرك نطيع
فزعت الملهوف نفزعلك نــريد
بهمه وحده وياك نبنيها البقيع
بينه چن حسرة يتيم
گبورهم بچتنه دم
يبچي ممنوع اليروح
نـشوف بعيونه الندم
لقبوّر البقيع.... فزعه يبن فاطمه
ـــــــــــــــــــــــــــــــ
ربعـك شيمه . ،، . شوف اوراقب
واحدهم چن . ،، . نــجم الثاقب
أمـــــرك نافذ . ،، . بحرف الواحد
أنته اتسامح . ،، . وانته تعاقب
من گلب ولسان خدامك تصيح
انته بس اشر اشاره وأستــريح
زلم عندك صلبه عالكلفه تفووت
برمشة اعيونك تجد گبه وضريح
حته موتانه ابوراك
تنفض اتراب الگبّر
موزرين اكفانهم فوگ السيوف
وشدو دروع الصبّر
لقبوّر البقيع.... فزعه يبن فاطمه
ـــــــــــــــــــــــــــــــ
نحقق حلمك . ،، . أعضم غايه
فوگ أگببهم . ،، . ترفرف رايه
هناك ابنفسك . ،، . تنصب مجلس
تقره ابصوتك . ،، . ذيچ الأيــــــه
جاء نصرُالله والفتـــــــــحُ استبان
أدخـــــــــلوها بسلاماً وأمـــــــــان
الحمد للّه وكون عمرك هم طـويل
تحقق العـــــدل الألهي ابكل مكان
يشوفك اوجرحه يطيب
العاش كـل عمره عذاب
جدك الضــــامي الغريب
بشمه منك صدره طاب
لقبوّر البقيع.... فزعه يبن فاطمه
ـــــــــــــــــــــــــــــــ
تمت برعايتهم ص
خادم لسادات البقيع والطالب بثأرهم
✍️ياسر الزيادي
خويه الگوم هجمت گـوم لاگيـها
===========================
يلنايم عـلــتـربان حـــاچـــــيـنـي
شلون اطاك كلبك هيچ تجـفيـني
هاي الخيل وصلت يم صواويني
حرمه بحدي وشلون اصــد ليها
خويه الگوم هجمت گـوم لاگيـها
......................................................
شلون تعوفـي نايــم ومـتـهـنـي
يلچمني الذبح يحسين يلچمني
مو هذا مچانك خـــويه مــدنّـي
وظلوعك الحافر ساحگ أعليها
خويه الگوم هجمت گـوم لاگيـها
......................................................
خويه اطفال عدي وتعرف الاطفال
والموقف صعب يحسين شل الحال
يتباها الشـمــر يــم الـمـخـيـم گــال
ذبحنه أحسينها وهل حرمه نسبيها
خويه الگوم هجمت گـوم لاگيـها
......................................................
حركو خيمتك ورتعبت النـسـوان
وكل وحده بكتر وتخوف النيران
وحده اعله الستر ودورلها أمچان
وحده الاجـنبـي ســالب تراچـيـها
خويه الگوم هجمت گـوم لاگيـها
......................................................
وينك خويه چا وين البطل عباس
ماترحم غريبه حسين هاي الناس
كونك بيك روح وبيك بس انفاس
انهض يلحنين أختك وحــامـيـهـا
خويه الگوم هجمت گـوم لاگيـها
......................................................
✍️عباس مالك العفريت
#محرم_الحرام_١٤٤٥هـ
نسألكم الدعاء
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------