هكذا نربّي أطفالنا

23 September 2026 11:17

تحدي ال ٧ ايام
افهم ابني قبل ما اعدل سلوكه
اليوم التاني
العصبية والصوت العالي🙀😾😾😾🗣️🗣️🗣️🗣️🗣️🗣️🗣️🗣️🗣️🗣️🗣️🗣️

تعالوا نفهم

ليه الطفل بيتعصب ؟ وليه شكل العصبية بيتغير مع العمر؟

علشان طفل ال ٣ سنين مش زي طفل ٧ وطفل ١٠ سنين مش زي طفل ١٢

وتعالوا نقسمها لمراحل

من ٣ لـ٥ سنين

المشاعر قويه بس قدرته على تنظيمها لسه بتتكون

الطفل في السن ده لسه بيتعلم يفهم مشاعره ويسميها ويعبّر عنها بالكلام
ولسه قدرته على تحمل الانتظار والرفض والإحباط محدودة جداً

عشان كده العصبية ممكن تظهر في صورة
صريخ وعياط هستيري ورفض للأوامر أو الكلام حتي أو نوبة غضب وضرب

وممكن تزيد مع
قلة النوم
الجوع
الإرهاق
الإنتقال المفاجئ من نشاط لنشاط
كثرة المنع
أو لما يكون عايز حاجة ومش عارف يعبّر عنها

ودا معناه انه لسه ما عندهوش الأدوات الكافية يتعامل مع اللي حاسه

طيب من ٦ لـ٨ سنين

الفهم واللغة اتحسنوا بس تنظيم الانفعال لسه بيتطور

الطفل هنا بيقدر يقول أنا زعلان
ويفهم أكتر اللي بيحصل حواليه بس وقت الغضب مش دايمًا بيقدر يستخدم المهارات دي

والعصبية ممكن تظهر خصوصًا مع
الخسارة
الفشل
النقد
المقارنة
صعوبة الواجب
الخلاف مع الإخوات أو الأصحاب
أو الإحساس إنه اتظلم

وكمان الضغوط اليومية بتزيد:
مدرسة
واجبات
التزامات وعلاقات

فممكن الطفل يكون مش عارف يقول
(أنا محبط ومضغوط.)

فتظهر في صورة ايه بقي 🗣️🗣️جدال صوت عالي أو رفض🤫🤫🤫

من ٩ لـ١٠ سنين

هنا الطفل بدأ يفكر في معنى الموقف مش الموقف نفسه بس

وبيزيد وعيه بنفسه وبنظرة الآخرين له وطريقة تفسيره لكلامنا بتبقى مهمه اوي عنده

إنتِ تقولي
ذاكر

هو بيفسرها
أنا شايفاك مهمل

او تقوليله:
إنت أخدت أكتر من أخوك.

هو يترجمها
ل انك أنتي بتحب اخوه أكتر

فالعصبية هنا ممكن ترتبط بالإحساس بالظلم
المقارنة
عدم التقدير
الفشل
أو صورة الطفل عن نفسه.

وكمان تأثير صحابه عليه بيزيد ومع مشاكل المدرسة أو العلاقات الاجتماعية كل دي مصادر ضغط مش بيحكي عنها

ف اللي فجّر العصبية النهارده
تراكمات جواه ومش عارف يعبر عنها .

من ١١ لـ١٢ سنة

هما بقي هو محتاج استقلال ومساحة أكبر
وللاسف عنده مشاعر وضغوط اكتر واكتر .

علشان في السن ده بيبدأ يتمسك برأيه أكتر
ويكون حساس لطريقة الكلام معاه
واحتياجه إن صوته يتسمع ويشارك في بعض القرارات بيزيد

فالعصبية ممكن تظهر مع
الإحساس بالتحكم فيه
عدم احترام رأيه
الإحراج
الخلاف مع صحابه
الضغط الدراسي
أو شعوره إن الأهل لسه بيتعاملوا معاه كأنه لسه طفل 👶مش كبير 👨‍🦱

ودا يخلينا نركز احتياج الطفل للاستقلال مش معناه إن كل سلوك أثناء الغضب مقبول

إحنا بس دلوقتي بنفهم سبب الانفعال مش بنبرر أي تجاوز

طيب إيه المشترك بين كل المراحل؟

فيه عوامل ممكن تزود العصبية في أي سن

١/طبيعة الطفل: في اطفال حساسيتهم الانفعالية أعلى من غيرهم

الإرهاق والجوع وقلة النوم بتخلي تنظيم الانفعال أصعب

٢/ضعف تحمل الإحباط خصوصًا لو الطفل لسه ما اتعلمش تدريجيًا يستحمل الرفض والانتظار والخسارة

٣/الضغط: سواء دراسي اجتماعي أو أسري.

٤/كتر الصراعات والمشاكل لما العلاقة تتحول باستمرار لأوامر ورفض وجدال

٥/عدم ثبات الحدود: لأن الطفل ممكن يتعلم إن التصعيد بيغيّر النتيجة فخدوا بالكم من دي اوي

٦/النموذج اللي قدام الطفل
لانه بيتعلم من طريقة الكبار في التعامل مع الغضب والاختلاف

٧/ التغيرات في حياته
مدرسة جديدة
مشاكل مع أصحابه
تغيرات أسرية أو أي حدث ضاغط

وأهم حاجة عايزاكي تفهميها النهارده

ان العصبية شعور (والصوت العالي سلوك)

ابنك من حقه يغضب

بس مش كل طريقة للتعبير عن الغضب مقبولة
ودوري اعلمه المشاعر وطرق التعبير الصح والتحكم

وفهمنا لسبب غضبه مش معناه إننا بنبرر السلوك

إحنا بس بنحاول نعرف ونركز ف

طفلي عنده كام سنة؟

إيه اللي يقدر عليه في المرحلة دي؟

إيه اللي بيشغّل غضبه؟

وإيه اللي بيحصل قبله؟

لأن نفس العصبية زي ما قولنا ممكن يكون وراها حاجات مختلفة جدًا

وان طفل ٣ سنين ممكن يكون مش عارف يعبّر.

طفل ٧ سنين ممكن يكون محبط ومش قادر ينظم انفعاله.

طفل ١٠ سنين ممكن يكون فسّر الموقف على إنه ظلم أو تقليل منه.

طفل ١٢ سنة ممكن يكون في صراع بين احتياجه للاستقلال وحدود البيت.

عشان كده ما ينفعش نتعامل مع «العصبية» كأنها سلوك واحد له حل واحد.…

هكذا نربّي أطفالنا

20 September 2026 11:04

وماذا بعد أن أُطعم وأُلبس وأنظف وأُربي؟!
قلتُ : النية !
أن تربيهم لله ...

ليس ليحملوكِ بعد كبرك ..!

فإن كانوا صالحين ..كان برهم بك وحملهم لك ..تحصيل حاصل..!
يعني سيحدث سيحدث

تربيهم أداء للأمانة ...ورحمة وضعها الله في قلبك إن تركتهم ضاعوا ..
تربيهم بكل ما آتاك الله ليكونوا لبنة صالحة في مجتمع تشيع فيه الفتن من كل صوب.

في أمّة تحتاج إلى المصلحين لا الصالحين فقط.
تربيهم كما يحب الله ويرضى لأن الجنة جميلة زاهية
ولا تكتمل سعادتنا إلا بوجود من نحب.

اصلحوا نيتكم

(وَالَّذِينَ آمَنُوا وَاتَّبَعَتْهُمْ ذُرِّيَّتُهُمْ بِإِيمَانٍ أَلْحَقْنَا بِهِمْ ذُرِّيَّتَهُمْ وَمَا أَلَتْنَاهُمْ مِنْ عَمَلِهِمْ مِنْ شَيْءٍ كُلُّ امْرِئٍ بِمَا كَسَبَ رَهِينٌ)

تربيهم لأن الأجور تصلكِ في الحياة وبعد الممات إن أحسنتِ ذلك

(إذا مات ابن آدم انقطع عمله إلا من ثلاث : صدقة جارية , وعلم ينتفع به, وولد صالح يدعو له)

(وَمَا أَمْوَالُكُمْ وَلَا أَوْلَادُكُمْ بِالَّتِي تُقَرِّبُكُمْ عِنْدَنَا زُلْفَى إِلَّا مَنْ آمَنَ وَعَمِلَ صَالِحًا فَأُولَئِكَ لَهُمْ جَزَاءُ الضِّعْفِ بِمَا عَمِلُوا وَهُمْ فِي الْغُرُفَاتِ آمِنُونَ)

هكذا نربّي أطفالنا

14 September 2026 16:02

•••هل تريد رفع عدد قناتك بسرعة و بشكل يومي !

إليك أفضل دعم محافظ إسلامي في تليجرام ؛ ما عليك سوى التواصل مع حسابنا الخاص بالدعم 👇 :

@Salafiisme

سارع في تسجيل قناتك في دعمنا  فالأماكن محدودة !.🌸.

هكذا نربّي أطفالنا

14 September 2026 11:56

قصة ما قبل النوم

هكذا نربّي أطفالنا

13 September 2026 11:52

هل يجب أن أعطي طفلي مصروف؟

هكذا نربّي أطفالنا

29 August 2026 13:27

اللهم إني عجزت عن إصلاح ولدي فأصلحه لي

هكذا نربّي أطفالنا

24 August 2026 13:18

"أكبر ألم في الحياة.... أن يفوت الأوان"!!!

و حتى تكون رحلتنا مع أولادنا أجمل:

١- لا تشتكي منهم...
٢- لا تتهكم عليهم أمام الناس.
٣- اتونس بهم. اجلسو في نفس المكان حتى لو كل واحد ينشغل بما يحب .
٤- لا تتكلم كثير...اسمعهم
٥- لا "لزيادة النصايح" ..
٦- كن لطيف مع أولادك.
٧- لمعه عينك عندما تكون فخور بهم أهم من كل الكلام.
٨- عندما تجدهم يلعبوا"قول لهم أنا سعيد إنكم مبسوطين"
٩- لا تطلب طلبات كثير متلاحقة..قول لهم المطلوب منهم ليفعلوه و اتركهم يختاروا وقت التنفيذ بالإتفاق.
١٠- لو اختلفت معهم لا يجب التحدث عن الأحداث القديمة و الجديدة و حكايات من الشرق و الغرب...رتب تفكيرك...وكن واضح و تكلم بشكل محدد عن الشيء اللي ضايقك منهم وما المتوقع منه أن يفعله.

قناة تأسيس الأطفال

هكذا نربّي أطفالنا

15 August 2026 22:38

ما هي الصلاة التي لا ركوع لها ؟ 🤔

هكذا نربّي أطفالنا

13 August 2026 15:42

أفضل قنوات🌹

غرائب وعجائب الدنيا

طب الأعشاب والطب البديل

ڤيولا للتقنية والتكنولوجيا

شام لكرتون الأطفال

صحتك النفسية وصحة اسرتك

مرووج للأناقةوالجمال

ملح وسكر

روضتي

هكذا نربّي أطفالنا

13 August 2026 15:22

برنامج نساء عظيمات ( الرميصاء بنت ملحان ) - الحلقة 5 - الشيخ/ رشيد العطران

هكذا نربّي أطفالنا

13 August 2026 15:22

برنامج نساء عظيمات ( الخنساء السلمية ) - الحلقة 3 - الشيخ/ رشيد العطران

هكذا نربّي أطفالنا

13 August 2026 15:22

برنامج نساء عظيمات ( أم معبد الخزاعية ) - الحلقة 1 - الشيخ/ رشيد العطران

هكذا نربّي أطفالنا

13 August 2026 15:22

انتهى برنامج نساء عظيمات
للشيخ الفاضل حفظه الله
رشيد العطران
...
سبحانك اللهم وبحمدك اشهد ان لا إله إلا أنت استغفرك واتوب إليك سبحان الله وبحمده سبحان الله العظيم

هكذا نربّي أطفالنا

13 August 2026 15:22

برنامج نساء عظيمات ( هند بنت عتبة ) - الحلقة 29 - الشيخ/ رشيد العطران

هكذا نربّي أطفالنا

13 August 2026 15:22

برنامج نساء عظيمات ( مُضغة، ومخة وزبدة، بنات الحارث ) - الحلقة 27 - الشيخ/ رشيد العطران

هكذا نربّي أطفالنا

22 September 2026 12:24

تحدي افهم طفلي قبل ما اعدل سلوكه

بناءً ان الاجماع الاكبر النهارده كان اننا نتكلم عن العند و رفض الكلام فيلا بينا
بس قبل ما أقولك تعملي إيه

محتاجة أفهمك الأول:
ابنك لما بيرفض كلامك… إيه اللي بيحصل جواه؟

بصوا كلمة «لأ» عند طفل 3 سنين مش هي نفس «لأ» عند طفل 8 سنين او 10

وأكبر غلطة ممكن نعملها إننا نحط كل الأطفال تحت عنوان واحد ونقول
دا عنيد ومش بيسمع الكلام او دي عنيدة اوي

تعالوا نفكها واحدة واحدة

من 3 لـ5 سنين
الطفل في المرحلة دي بيبدأ يكتشف إنه شخص له إرادة

يعني وهو اصغر كان بيتقبل شويه ان حد بيقوله:
تعالى، روح، خد، سيب…

وفجأة بدأ يكتشف كلمة قوية جدًا
(لأ)

فممكن تقولي له
يلا نلبس.

يقولك
«لأ. وهو اصلا رايح يلبس

او يلا ننام.

قولك لأ. وهو بيطلع ع السرير

تعالى نغسل إيدينا.

مش عايز.

بس اللي محتاجين نركز مش معنى إن الطفل قال «لأ» إنه قرر يعاندك

أحيانًا هو بيكتشف نفسه من خلال الرفض

وأحيانًا بيكون ببساطة مش عايز يوقف الحاجة اللي بيعملها

نيجي بقي من 5 لـ7 سنين

هنا الطفل بدأ يفهم أكتر

بس لسه عنده مشكلة مهمة
وهي
انه ينتقل من حاجة لحاجة

يعني ممكن يكون مندمج جدًا في اللعب وفجأة تقوليلوا

«يلا اقفل او يلا تعالي ؟ يقولك لأ…
يلا البس. لأ

مع ان هو سامعك
وفاهمك.

بس مش جاهز يسيب اللي في إيده فورًا

وكمان في السن ده الطفل بدأ يفهم القواعد وبدأ يجرب

طب لو قلت لماما لأ… هيحصل إيه؟

يعني أحيانًا الرفض بيكون اختبارًا للحدود

ومن 7 لـ9 سنين

هنا بيظهر حاجة مختلفة

الطفل بدأ يكون عنده رأي ومنطق خاص بيه

فممكن تقوليله
حط حاجتك مكانها.

يقولك
ليه؟

أو
بس أنا لسه محتاجها.

هنا مش كل اعتراض معناه سوء سلوك

الطفل بدأ يسأل ويفكر ويجادل

والمشكلة إننا أحيانًا بنعتبر مجرد إن الطفل ناقشنا = إنه مش بيسمع الكلام

مع إن التعبير عن الرأي مش هو نفسه رفض السلطة فحطي فبالك ان دا حاجه ودا حاجه تانيه خالص

من 9 لـ10 سنين

هنا الموضوع بيبدأ ياخد شكل تاني خالص

الطفل بقى عنده قدرة أكبر على الاختيار والتفكير والتخطيط

فممكن تقوليله
ذاكر

فيقولك
هبدأ بعد شوية.

هنا ممكن يكون مشكلته مش في المذاكرة نفسها
بس في إدارة وقته أو مقاومة شيء مش حابب يعمله

وممكن كمان يكون اتعلم من البيت إن الكلام مش لازم يتنفذ من أول مرة ودي غلطة بيقع فيها كتير

يعني لو أنا بقوله

قوم اعمل كذا

وبعدها أكرر 5 مرات

هو مع الوقت هيتعلم إن التنفيذ بيبدأ عند المرة الخامسة
ولما ماما تجيب اخرها

وعشان كده قبل ما نسأل

أعمل إيه عشان ابني يسمع الكلام؟

محتاجين نسأل نفسنا الأول

هو بيرفض ليه؟

هل لأنه لسه بيتعلم الاستقلال؟

هل لأنه مش قادر ينتقل من نشاط لنشاط؟

هل لأنه بيختبر الحدود؟

هل لأنه بدأ يكون عنده رأي؟

هل لأنه مش متعود إن الطلب بيتقال مرة واحدة ويتنفذ؟

هل هو أصلًا فاهم المطلوب منه؟

لأن نفس كلمة «لأ» ممكن يكون وراها أسباب مختلفة جدًا باختلاف العُمر

وعشان كده

مش هنتعامل مع كل طفل بيرفض الكلام بنفس الطريقة

هكذا نربّي أطفالنا

18 September 2026 12:37

💭 *وصايا ونَصائح للأُمّهات* ..


✍️ *أفِيضوا مِن الحُبِّ على أبنائِكم* ..
حتَى لا يبحثوا عَن سِواكم !
الجائع للحب سيأكل من فاسد العلاقات !

✍️ *وتَحرّوا العَدل* ؛
في الحُضن والكَلمات ، وما تَسكُبون مِن العَواطف في كُؤوس الأبناء !

✍️ *ثقوا* ..
أنّ كُل ما تفعلونه مِن التّضحيات بدون الحُبِّ ؛ لا يقوى على تَرك أثرٍ !

✍️ *امْنَحوا أبناءَكم الأمانَ* ..
حتى يَمنحوكم أسرارَهم ..
فكُلّنا نَفتقدُ عُكّازةً ؛ تَحمينا مِن العَرج !

✍️ *أعِينُوهم على أنفسهم*
؛ بالكَثير من الدُعاء والمُتابعة ، والصَبر على الإنصات لهم ..
حتَى تَستقيم خطواتهم !

✍️ *نحنُ نحتاج اليوم ..*
أنْ نحنو على بعضنا ..
أنْ نلمّ شملنا ..
أنْ نُشعل الدّفء الداَخلي بيننا ..
أنْ نلتمّ حولَ مدفأة ؛ نَتضاحكُ حولها !

✍️ نحنُ نحتاجُ ..
مَن يُصغي لعثراتنا ؛ دونَ مُحاكمات ..
مَن يَدمع لأجلنا ؛ دونَ أيّ شَماتة !

✍️ *يَكفينا جميعاً كُلَ الشَتات ؛* الذي صَنعه الإعلام ، وصَنعته التكنولوجيا ، وزادهُ الشَيطانُ بالمَعصيةِ فُرقَة وجَفافا !

هكذا نربّي أطفالنا

14 September 2026 11:56

🤔هل تعلمون فوائد قصه ما قبل النوم؟؟

تساعد الأطفال على الاسترخاء خاصة عندما تخلو من الوحوش والأحداث المرعبة، فلها مفعول سحري مهدئ،

هي الخطوة الأولى لغرس عادة القراءة في نفوس الأطفال

«الإنصات الجيد»، وهو ما يتدرب عليه الطفل أثناء تركيزه التام خلال الاستماع إلى القصة.

بناء شخصية أطفالك وغرس القيم الأخلاقية النبيلة فيهم من خلال الأحداث، فقصة واحدة تعلمهم الصدق وعدم الكذب، وأخرى تعلمهم احترام الآخرين، وثالثة تبث فيهم قيمة الادخار.

تحسين لغته ومفرداته، فالكلمات والعبارات التي يسمعها تبقى معه طويلا، مما يعود عليه بالنفع في المدرسة.

تزيد من قوة الخيال لدى الطفل،

القصص التى تدور حول الشخصيات والبلاد والأماكن التاريخية بمثابة كنز من المعلومات العامة يتم تزويد الطفل بها، .

تزيد من التفاعل بينك وبين ابنك، عندما تقرئين لطفلك وأنت تلتصقين به جسديا ونفسيا فهذا يشعره بالحب، كما أن قراءة القصة بصفة يومية رغم مسؤولياتك المتعددة رسالة له بأنه على رأس أولويات حياتكم

هكذا نربّي أطفالنا

13 September 2026 11:52

سؤال
هل ابني يحتاج مصروف أصلًا طالما أنا أوفر له كل إحتياجاته؟ 🤔💰
سؤال يتكرر كثير جدًا
"ليه أعطي ابني مصروف وهو كل ما يطلب حاجة أجيبها ؟"
والحقيقة إن المصروف ماهو عشان الطفل يكون معاه فلوس ويشتري حاجات 😅
المصروف في الأساس وسيلة تربوية مهمة جدًا ❤️
لما نعطي الطفل مبلغ بسيط مناسب لسنه ونجعله مسؤول عنه إحنا بنبدأ نعلمه حاجات لا يتعلمها بالكلام فقط
نعلمه يختار 👌🏻
يصرف أو يوفر؟
يشتري الآن أو ينتظر؟
لو صرف فلوسه كلها النهاردة هيعمل إيه لما يحتاج حاجة بكرة؟
نعلمه إن ماهو كل شيء نريده لازم نشتريه فورًا
ونعلمه تأجيل الرغبة
ونعلمه الإدخار
ونعلمه إن الاختيارات ليها نتائج
والأهم إننا بنبدأ نبني عنده مفهوم مهم جدًا
إن الموارد ليست بلا حدود
وده مش معناه أبدًا إننا نحسس الطفل إن الفلوس قليلة أو إننا مش قادرين نجيب له احتياجاته
بالعكس ❤️
إحنا نعلمه مهارة هيحتاجها طول عمره
طيب متى نبدأ؟ 👀
ممكن نبدأ بشكل بسيط من حوالي 5 أو 6 سنين
في البداية يكون مبلغ صغير جدًا وأسبوعي
ومع الوقت ومع زيادة سن الطفل نزود مسؤوليته تدريجيًا
من 7 لـ 9 سنين نبدأ ندخله أكتر في فكرة الإدخار والإختيار
ومن 10 سنين نقدر نعطيه مساحة أكبر في إدارة جزء من فلوسه ونعلمه يخطط لها
ومع المراهقة ممكن يتحول المصروف لتدريب حقيقي على إدارة الميزانية
ولكن ننتبه من نقطة مهمة جدًا 👇🏻
المصروف المفروض لا يكون مقابل الطاعة
يعني ليس
"لو رتبت غرفتك تاخد مصروف"
"لو ذاكرت تاخد فلوس"
"لو سمعت الكلام تاخد فلوس"
لأن ترتيب الغرفة والمذاكرة والمشاركة في البيت مسؤوليات طبيعية ليست شغل يأخذ عليه الطفل راتب 😅
المصروف الأفضل يكون ثابت ومناسب للسن
ونستخدمه كوسيلة نعلم بيها الطفل إدارة المال
وفيه نقطة أهم ❤️
لو الطفل أخد مصروف الأسبوع وصرفه كله في يومين
مانسرع ننقذه نعطيه فلوس تاني
نقوله بهدوء
"فلوسك خلصت لأنك اخترت تصرفها بدري
ننتظر إلى موعد المصروف الجاي"
بدون غضب
بدون لوم
وبدون
"أنا قلتلك؟"
لأن هنا هو بيتعلم واحدة من أهم مهارات الحياة
إن اختياراتنا ليها نتائج
وفي النهاية ❤️
المصروف مش هدفه إن الطفل يبقى معاه فلوس
المصروف هدفه إن الطفل يتعلم يتعامل مع الفلوس
يمكن اليوم إنتِ اللي بتديله 50 أو 100
لكن بعد كام سنة هو سيكون مسؤول عن فلوسه وقراراته
فالأهم إننا نعلمه من الآن
كيف يختار
كيف يخطط
كيف يوفر
كيف ينتظر
لأننا لا نربي طفل يعرف يصرف فلوسه
إحنا نربي إنسان يعرف يدير حياته ❤️

هكذا نربّي أطفالنا

30 August 2026 11:56

ماذا تفعلي عزيزتي الأم عندما يُرفض طفلك من أصحابه..؟"
"ماما، هما لا يريدون اللعب معي!".. جملة تسمعها الأم في "kids area " أو المدرسة، ويصل الوجع لقلبها قبل قلب طفلها.. نقف مذهولين، غير فاهمين التصرف الصحيح هل نتدخل ونكلم الأهل، أو نسكت؟ السؤال الأهم هنا: كيف نحول الموقف لدرس في الذكاء العاطفي؟

مهم تراقبي رد فعل أولادك:

لو ابنك/بنتك انسحبوا بهدوء: هذا مؤشر لمرونة، ولكن محتاجين نتأكد إنهم لا يضغطوا على مشاعرهم.
لو دخلوا في نوبة غضب: هذا يعني إنهم محتاجين مساعدة في تنظيم مشاعرهم تجاه كلمة "لا".
لو بدأوا يقللوا من نفسهم ("أنا سيئ"): هنا يجب أن نتدخل فوراً كي نعدل صورة الذات.

دورك كأم في هذه اللحظة:

1. احتوي مشاعره: لا تقولي "معلش" .. قولي "أنا حاسة إنك زعلان لأنهم رفضوا يلعبوا معك، وهذا شعور طبيعي".
2. لا "تفرضي" وجوده: تجنبي التدخل لفرض طفلك على الآخرين (حتى لا يشعر إنه ضعيف أو محتاج وساطة)، الأفضل نسأله: "فكر في لعبة ثانية نلعبها؟".
3. فصل القيمة عن الموقف: دايماً ذكريهم: "رفضهم لك مش معناه إنك قليل، هما بس عندهم اختيار مختلف، وأنت قيمتك ثابتة مهما حصل".
الخلاصة:
هدفنا ليس إنه نجعل العالم دايماً يقول "نعم" لأولادنا، هدفنا إنه نعلمهم أن الرفض محطة عادية في الحياة، وإنهم قادرين يقفوا على رجليهم بعد كل "لا" يسمعوها.

هكذا نربّي أطفالنا

24 August 2026 13:18

✍🏾ابنك مش كسول.. هو بس بيدور على دوبامين!|دكتور محمد الوصيفي
🔹كل ما تيجي ساعة المذاكرة.. تلاقيه قام يشرب، جاع فجأة، أو جاب ألف عذر عشان يقوم من قدام الكتاب؟ 🏃‍♂️📚
🔹لو ابنك عنده ADHD، السلوك ده مش "دلع" خالص.. مخه ببساطة بيهرب من المذاكرة عشان ملانة ومتعبة بالنسبة له، وبيحاول يدور على أي حاجة تفرحه وتديه "دوبامين"!
🔹عشان تريحي دماغك وتبعدي عن الصداع اليومي، دي حاجات بسيطة وسهلة تقدري تجربيها من النهارده:
ذاكروا على فترات قصيرة: ابدئي بـ 10 دقايق بس، وبعدين 3 دقايق راحة يتحرك فيهم براحته.
اقطعي عليه الحجج: حطي جنبه كوباية الميه وسناك خفيف من الأول، عشان ما يبقاش فيه "جوع وعطش" في النص.
صغّري المهمة: بلاش "خلص الواجب كله"، وخليها "تعال نحل 3 مسائل بس". لما يخلصهم هيحس إنه انجز.
خلي فيه حركة: خليه يقرأ بصوت عالي، أو يكتب على سبورة صغيرة، لأن الحركة بتخليه يركز أحسن بكتير من القعدة الثابتة.
ساعة رملية أو مؤقت: خليه يشوف الوقت بعينه وهو بيخلص؛ ده بيخليه يتحمس ويخلص السرعة المطلوبة.
فرّغ طاقته الأول: قبل ما تبدأوا، خليه ينط شوية أو يعمل حركة سريعة؛ دي بتهدي جهازه العصبي.
كافئ فوراً: خلصت السطرين؟ يلا خد دقيقتين العب بيهم، المكافأة السريعة بتجيب نتيجة هايلة.
غيّروا المكان: مره على المكتب، مره على الأرض، التغيير بيجدد نشاطه ومخه بيشتغل أحسن.
🔚الكلمة الأخيره: ابنك محتاج تفهمي مخه بيشتغل إزاي، مش تعاقبيه.. بالحب والصبر هتلاقيه بيفرق معاكي جداً!

هكذا نربّي أطفالنا

19 August 2026 22:31

ما هي الصلاة التي لا ركوع لها ؟ 🤔

هكذا نربّي أطفالنا

15 August 2026 00:07

ما هي الصلاة التي لا ركوع لها ؟ 🤔

هكذا نربّي أطفالنا

13 August 2026 15:22

برنامج نساء عظيمات ( أم العلاء الأنصارية ) - الحلقة 6 - الشيخ/ رشيد العطران

هكذا نربّي أطفالنا

13 August 2026 15:22

برنامج نساء عظيمات ( الربيع بنت النضر ) - الحلقة 4 - الشيخ/ رشيد العطران

هكذا نربّي أطفالنا

13 August 2026 15:22

برنامج نساء عظيمات ( أسماء بنت عميس ) - الحلقة 2 - الشيخ/ رشيد العطران

هكذا نربّي أطفالنا

13 August 2026 15:22

تقول احدى الامهات
👇⏬⏬⏬⏬⏬⏬
كنت شديدة جدا مع بناتي،
فلما وجدت الشدة
تضر بعلاقتنا وتظهر أسوأ مافيهم،
قررت أن أسلك
طريق الحب والحضن والاحترام،
فوجدته أسرع طريق لقلب البنات،
وأصبحوا أكثر طاعة لي بعد أن كانوا معاندين،
يومياً أحضن بناتي،
وإن مر اليوم بلاحضن
أناديها في اليوم التالي وأقول لها :
لك اليوم حضنان، حضن الأمس وحضن اليوم،
وبالحب أصبح استقبالهن الأوامري
أفضل بكثير مماسبق، وعم الهدوء أركان البيت،
وقل الصراخ والعصبية والغضب

#هكذا_نربي_بناتنا

هكذا نربّي أطفالنا

13 August 2026 15:22

برنامج نساء عظيمات ( أهمية السير في حياة المسلم ) - الحلقة 30 - الشيخ/ رشيد العطران

هكذا نربّي أطفالنا

13 August 2026 15:22

برنامج نساء عظيمات ( معاذة العدوية ) - الحلقة 28 - الشيخ/ رشيد العطران

هكذا نربّي أطفالنا

13 August 2026 15:22

برنامج نساء عظيمات ( مارية القبطية ) - الحلقة 26 - الشيخ/ رشيد العطران