قناة الشاعر فالح العامري

11 June 2022 05:42

زيارة المحبوب
تجليبه
~~~~
گصت الكعبتك والشوگ يحدینـــــــي
واخلــــــــي اتراب زوارك كحل عيني
🔳🔳🔳
گلبي من گبل جسمـــــــي وصل يمك
على طـــــــــول الدرب ايردد اباسمك
على اعتابك لگیتـــــــه ساجد ايشمك
يصيح احسين هذا زهرة اسنينـــــــي


انا اوياه دخلنـــــــــــه زحف للحضره
انه اجذب ونينــــــي اوهوه بالحسره
وبدينــــــــــه للعتب اونسچب العبره
ويگله يادليلي بالله تانينــــــــــــــــي


يگلي اشلون اتاني وبيــــه تسري النار
اريد ادخل واطوفن كعبــــــــة الأحرار
اريد اليوم يكتبــنـــــــــــــي مع الزوار
خلیني اطب ابشوگي خلينــــــــــــــي


دخل گبلي واحمل وياها چمه اهموم
يعتني الشـوگ الك يحسين يامظلوم
يمن فرگاك حرمنـــــــــــي لذيذ النوم
وياه البعد ناره تچوينـــــــــــــــــــــي


وصلنــــــــه اشلون حاله يم ابو اليمه
واحدنه يصيـــــــح وينتحب يمــــــه
من عنده طلبنــــــــــــه يقبل الخدمه
لين هاي الخدامه هيـــــــــــه تنجیني


هل خدمه الشريفـــــــــه هيه تنجينه
اوماهمنــــــه الحچت والشككت بينه
نظل نخدم ابو السجاد والينــــــــــــه
لين حبه اوخدمته من اصل دينــــــي
🔳🔳🔳🔳🔳🔳🔳🔳
تمت
*✍️الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
/channel/falehalameri

قناة الشاعر فالح العامري

18 March 2022 20:08

الرادود محمد رضا العامري

قناة الشاعر فالح العامري

23 February 2022 18:16

«انين المسجون»
«تجليبه»
~~~
ياعيني هلّي ادموم عالكاظم المظلوم
ابلوعة حزنّـــه يجري دمعنـــــه
عالكاظم المظلـــوم

▪︎▪︎▪︎
ياعينــي دمعتـــــچ هلّي عالمسجون
ابن جعفرگضــه عمره ابسجن هارون
چم عام المضه عنه هلـــــه اينشدون
بين الگيد والطامـــوره مـــــــايدرون

والينه گضّه اسنين سهرانه منّه العين
جيتــه نطرنــــــه يجري دمعنـــــــــه
عالكاظم المظلـــوم


چم عام الگضه ويجالب اجروحــــــه
ياثگل الحديد الضاهد الروحـــــــــــه
جزع حتى السجن من ونته اونوحــه
من ثغره اودليله الفرحــه مذبوحـــــه

آيــاسجن بغداد واعلينه الحزن عاد
واحنه ابصبرنه يجري دمعنـــــــــه
عالكاظم المظلـــوم


ابغياهيب السجن ويلي گضه نحبــــه
وابســم الرشيد الگطّعوگلبـــــــــــــــه
حگ اعليـه دم المدمع انسچبـــــــــــه
عليه مآتم حزنّه دايم انصبـــــــــــــــه

طول العمـــرننعاه الكاظم فلاننسـاه
لآخرعمرنــــــــــه يجري دمعنـــــــــه
عالكاظم المظلـــوم


تجرّع للمنيــه اوصابرابسجنــــــــــــه
بس احنه عله امصابه اشيصبرنـــــــه
عليه نبگـه عمرنــــه نجذب الونـــــــه
اومن گبلــه يريت الأجل ياخذنــــــــه

چنه انشوفه نتناه موهذا احنه ردناه
انشيعه ابهظمنــه يجري دمعنـــــــــه
عالكاظم المظلـــوم


عله الفرگه صبرنه اوننتظرجيتـــــــــه
كل گلب الموالي صارالـــــــــــــه بيته
بآلام اومصايب آنــــه ناجيتـــــــــــــه
قدوه صارالــــــي الكاظم ابتضحيتــه

النه شهدت ايّام بين السجن واعدام
بالحگ جهرنــــه يجري دمعنـــــه
عالكاظم المظلـــوم


چم شاب الگضــه وسط السجن عمره
ماشاف الأهل صـــــــــــارالسجن گبره
كل ساعـــــــــــــه التمـرللكاظم ايذكره
شيعـــــــــي اومن امامه ياخذ الصبره

ماهمه الجره اعليه للكاظم يواسيه
الهم ذكرنــــــــه يجري دمعنـــــــــه
عالكاظم المظلـــوم


ابن جعفرشباب العدنــــــه قدوتــــــها
مثلــه بالسجن ارواح قدمتـــــــــــــها
اوماحضرت اهلها ابيـــــــوم دفنتــها
اوضلّت بالگلب لليـوم لوعتـــــــــــها

كل يوم ابذكرهم وانعاين صورهم
خذهم دهرنــــــه يجري دمعنـــــــه
عالكاظم المظلـــوم

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
👇
00989133683181
غير مبري الذمة كل م̷ـــِْن يتلاعب في القصيدة وتغيير اسم الشاعر
/channel/falehalameri

قناة الشاعر فالح العامري

23 February 2022 18:14

‏الرادود الحسيني محمد رضا العامري

قناة الشاعر فالح العامري

23 February 2022 18:14

«مصاب السجن»
«هجري»
ــــــــــــــــــــــــــــــــــــــــــــــــــــــــــــــــ
الكاظم اليـــوم يشيعــه الكاظم اليــوم
راح مظلــــوم يشيعــه راح مــظـلـوم
ابسجن هارون اسنين مسجون
▪︎▪︎▪︎
اليله ابن جعفرنودعــــه لو نتانــــــــــــي جيتـــه
عالجسروياه وعدنــــــه بالحنان الشوفتــــــــــــه
انفكراحنه من نشوفــــه اشلون هيــــه حالتـ.ـــه
اسنين عنـــه امغيبینـــه اليوم گالو طلعتــــــــــه

عگـب السنين تنينـــــه عگب السنين
ابـدمعة العين تنينـــــه ابدمعته العين
احرگنه الجفون اسنين مسجون


من سمعنــــه الفرج باچر يــــــــــوم الاثنين الفجر
جينه عالموعد يوالــــــي انطرنـــه جيتك هالجسر
بين شوگ اوبين لهفـــــه اوبين ســــــاعات الصبر
وي املنه احنــــه نسولف اونار بينـــــــــــه تستعر

نـــار الأشواگ حملنـــه نـــار الأشواگ
ويــــه الافراگ حملنــه ويـــه الافراگ
ابهظم وشجون اسنين مسجون


الجيّتـه نجري المدامـع وانـفـتــــــح باب السجن
انريد للكاظم نشوفــــه الشوفتــــــــه انن اونحن
لاچن الشفنه عجيبــــه ابد ماچنـــــــــــــــــه نظن
نعشه ملفوف ابعباتــــه اجنــــــازه ويحفها الحزن

ناعـــي الأحزان سمعنه ناعي الأحزان
البالسجن چـان سمعنـه البالسجن چان
ابنعشــــه يلفون اسنين مسجون


من گلب مفجوع صحنـه ياهلـــــه ابنعش الحبيب
يابن جعفرياولينـــــــــــه ابشوفتك شــح النصيب
شيعتك احنـــه اونشيعك لاتگول انــــــــــه غريب
اجنــازتك عالروس نحمل بين آهـــــــات اونحيب

ابگلب مفجوع حظرنه ابگلب مفجوع
الفگدك اللــوع حظرنه الفگدك اللـوع
نعمــي العيون اسنين مسجون


ريت باقي ابقيد سجنـــه اولاحصل هذا الفــــرج
الفــــــــرح حـــزن التبدل امصــــاب ذوب للمهج
گطع وبالسم دليلـــــــــــه ســـــابع انـوار الحجج
صابر اوكاظم الغيضـــــه ابروحـــــه للباري عرج

اشكثـــــــر آلام جرعـها اشكثـــــــرآلام
ابسجنـــــه ايام جرعها ابسجنــــه ايام
راح محـــزون اسنين مسجون


نادو اعليــــــــه بالمذلـه هــــــــــاذه شبل الطيبين
والعده تعرف انسابــــــه عن حقيقــــه اوعن يقين
فاطمه امه الزچيـــــــــه جده سيد المــــــــرسلين
ذوله حجه عالبريـــــــــه خصهـــــــم الذكر المبين

بنــــي العبّاس رحمهم بنــــي العبّاس
اقــرب النـاس رحمهم اقـــرب الناس
إلــــه ايظلمون اسنين مسجون
▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
لا اجیز التلاعب بکلمات القصیده
ولا اجیز حذف اسم الشاعر منها
نسالکم الدعاء
قلناکم الزیاره
✍العبد الفقیر لله فالح العامري

قناة دموع الانتضار ..
لنشر القصائد الحسينية
🔹لطمیات رجالیه
🔹طمیات نسائیه
🔹نزلات
🔹نعي
🔹هوسات
🔹بأدارة شاعر اهل البيت فالح العامري
🔹للاستفسار من مدير القناة الاستاذ الشاعر فالح العامري اتصلو علی هذا الرقم 👇🏻
00989133683181

غير مبري الذمة كل م̷ـــِْن يتلاعب في القصيدة وتغيير اسم الشاعر
انشروا الرابط وشارکونا الأجر والثواب
/channel/falehalameri

قناة الشاعر فالح العامري

23 February 2022 18:12

«السجا ن والمسجون»
«ميمر»
ــــــــــــــــــــــــــــــــــــــــــــــــــــــــــــــــ
يا ســـجّان دلـــّيـنـه عالمسجون واليـنـه
▪︎▪︎▪︎
وين ابن جعـفــر ضيّعـت آثــــــــاره
اوعـن وطـن جـده غـيّبـت انــــواره
اوعن شيعتــه ليش اگطعـت اخباره
بغيابـــــــــــــه والله مرمرت انصاره

دم ادمـوع هلـّينـه عالمسجون والينـه


الهارون طعتــــه اوخالفت ربّ الكون
الكاظــــم ابسجنك عذّبت يامـلعـون
هاذا امــــامك ما گلت ظل مـــرهـون
نفسـك شريـره اتجنـّدت وي هــارون

شنهو الصار مدرينه عالمسجون وا لينـه


ليل اونهــــــار الـــونـّتـــه تـسـمعــها
اوثگل السلاسل رگبتــــــه بـضّعـــها
اوسجنك القاســــي أرويحته لوّعـها
والنّوب بالسّم چبدتــــــــه اتگطـّعـها

اوبالأحزان ظلـّينـه عالمسجون والينـه


خلصت روحـــــها بهالسجن شتطلبه
ابطاموره ظلمــــــه مرتهن وامـعذبـه
والفرگـة احبابـــــــه يحن بالـــغــربه
واحرگت د معاتـــــــه الجفن والگلبه

بي اشلون منسينــه عالمسجون والينـه


اجنازه طلع من قبضـتك عالي الشان
هـــاذه الغـريـب ابديرتك ماله اعـوان
گلــــــــي اشجنيت ابدنيتك ياسجـّان
بــاچـر تطـــــــــــوّل وگفتك عالميزان

اشينطي اجواب بارينـه عالمسجـون وا لينــــــه


باچــــــــرجـــــوابك حضّره والأعـذار
شتجاوب أمــــــه الطاهره والمختـار
احسـاب البشريم حيدره جنـــّه اونـار
تلگــــــــي اعمالك حاضره خزي اوعار

خصمك صار هاد ينه عالمسجون وا لينــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
لا اجیز حذف اسم الشاعر والا التلاعب بکلمات القصیده
نسالکم الدعاء

/channel/falehalameri

قناة الشاعر فالح العامري

23 February 2022 18:10

«آه يالسجين»
«تجليبه»
~~~~

سجن اوظلام شاف العذاب يا شيعته
گظـّه سنينه الله اليعينه
▪︎▪︎▪︎
ابـن جــعـفـر يـشـيـعــه ســاعته حـانت
بــنــي الـــعبـّاس مــنـــّه الرادتـه نالــت
ابـوسط طاموره ظلمه ارویحته فاضت
اوحـيــطـان السجن لـمصبيتـه نـاحــت

ادموع السماء تجري دموم والحالته
الكاظم ولينه الله اليعينه


فــوگ امصاب سجنــــه اولوعة الغربـه
رطـــــــل مـنّ الحديد الــيعصر ابـگلبـه
اوتهيل اعليــــــه حيطـان السجن تربـه
هـــالمظلوم مـــاندري شـــنو ذنبــــــــه

هذا السجين شبل الرسول ياأمّته
اشوصّه نبينه الله اليعينه


يشيعـــــه ريت شــفتوا بـالسجن حـالـه
ظهره منحنــــــــــــي من شدّت اغـلالـه
انـّـــــــــوب السّم اجـــــــاه اومرد دلالـه
من هاذي الحياة انگطعت آمالـــــــــــــه

سجن الرشيد غيّر ارسومه من شدّته
كثـّر ونينه الله اليعينه

طبـع البالسجن اهـلــــــــــــه يـزورونـــه
عن حالـه اومچانــــــــه البـي ينشدونــه
تخف آلامه بالملكــــــــــه اويـــسـلــّونــه
بس موسـى ابن جعفــــر ما يرحمونـــــه

مرّت اسنين ليش ابعدوه عن عيلته
ماتدري وينه الله اليعينه


بعد هذا الغيـــــاب اولـن خبرجـانــــــــه
بــاچــرعــالجسر ويـّــــــاه ملگــانــــــــه
الفرج گلنــه فتـح لشّيعـــــــه بـيبـــانـــه
اويطلــــــــع بلسلامـــه صــاحب لوانـــه

جيت الحبيب ابلهفه تنينه والشوفته
ياما دعينه الله اليعينه


طلعنـــــــــــه والجدم بهمومــه یـتـعثـّـر
وگفنــــــــــــه عـالجسر والجيتـه نتنطـّر
واحدنــــــــــــه دليلـه امن الصبر منـطـر
وابــــــــوســط الچبد نيـران تتـــــوجّــر

زا د المصاب شفنه القيود بجنازته

ومعذّبينه الله اليعينه
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري
غیر مبري الذمه کل من یتلاعب في القصیده او يغیر اسم الــــشـــاعـــر

/channel/falehalameri

قناة الشاعر فالح العامري

23 February 2022 18:09

《آهات السجن》
《مثلث الشيعتي》
~
للسجن خلي نگصده عالغريب الباقي وحده
▪︎▪︎▪︎
نگصد ابدمعه جريــــــــه وابمصيبه
بالچبد نيران تسعـــــــــر والعجيبــه
اجنازة الكاظم سمعنـــــه هالغريبــه
ليش ماعنده عشيــــــره حگ تجيبه

اتطالب ابحگه اوترده عالغريب الباقي وحده


بالسجن خلص حياتــــــه هوه صابر
حگ عليه الليله نعمــــــي للنــــواظر
گطعوبــــــالغدرچبده مالـــــــه ناصر
لاابن لاشيعه يمـــــــــــــه باگي حاير

الطاغي اتماده اوتعده عالغريب الباقي وحده


ياخبردامــــــــي اجانــــه اويافجيعه
بالسجن مسمومــــــه گالو للشريعـــه
جثه بالقيد اوسلاسلها منيعــــــــــــه
ويلي بالطاموره طايــــح آيشيعــــــه

اعليه ياهوالي ننشده عالغريب الباقي وحده

غلگوبيبان سجنـــــــــــه ابلايه رحمه
چم سنــــه اوعام التعده من يكلمــــه
اتسولف اوياه المدامــــع شنهو جرمه
لأن هذا احسين جده اوحمل دمــــــه

والصنم لامــا يعبده عالغريب الباقي وحده


للرضـا منهويخبـره بالمدينـــــــــــــه
هالمســــــه بغداد يگصد ابحنينـــــه
ينظرابعينـــــه الفجيعـه من يجينــه
انگلــــــــه العودك يوالي اشگد تنينه

للعمرماردنــه بعده عالغريب الباقي وحده

الليله انشيـــــع الكاظم احنه اجينـه
نعشه احماميل حملت مانسينــــــــه
الزمن عوگنه عنـــــــــه واشبدينــــه
كل املنــــــــــــه بدره اليطلع علينـه

طلع وامگطعين چبده عالغريب الباقي وحده

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
/channel/falehalameri

قناة الشاعر فالح العامري

23 February 2022 18:07

«الى الأمام الكاظم ع »
«تجليبه»
~~~~
الليلــــــه امن السجن ياشيعه اجتنه اخبار
ابن جعفر سمعنــــــــه غدرتــــــــه الأشرار
▪︎▪︎▪︎
من عمره سنين الگضــــــــه بالغربــــــــــــه
وهاليله غريب اللــــــــي گضـــــه نحبــــــه
سم هارون گطـــــــــع چبدتــــــه اوگلبـــــه
گضه نحبــــــه غريب اوماالــــــــــــه انصار


گضه عود الرضا يتصبر ابسجنــــــــــــــــــه
علــــــــــــه اعياله ينوح اويجب الونــــــــه
ايـــــــــــــام البعد والفرگـــــــــــــه اذنــــــه
ماعنده خبر بعيالــــــــــــــه شنهو الصــــــار


منهو ابهالمسيــــــــــــه يگصد اعيالــــــــــه
المــــاعدها علم باخبــــــاره وابحالـــــــــــه
صــــــــــــار اسنين بس ادموعـــــه همالـــه
مايعرف عليـــــــــــه اليمر ليل انــــــــــــهار


الطامــــوره مظلمـــــــــــــــــه اشد من اليل
والنوب الســـــــــلاسل ضاهدتلـــــــه الحيل
من الگيد دمــــــــــه من رگبتــــــــــه ايسيل
ابهالحالــــــه علـــــــــه الكاظم تحوم اخطار


ابن شاهك سگـــاه هاي المسيـــــــه اسموم
گضــــــه نحبـــــه اوختم هاذا العمر مظلوم
علــــــه جسر الرصافـــــــه رمو نعشه اليوم
هاذا ابن الزچيـــــــــــــــــه ماالـــــــــــه نغار


هذا ابن الرسالــــــــــه اوعالــــــــــم التأويل
هذا الخــــــادم البيتـــــــــــــه ابفخر جبريل
ياوسفــــــــــه تشيـــــــــع اجنازته احماميل
مايحظر الدفنه اليلــــــــــه حامـــــــي الجار


علـــــــــــــي بالحوت يامن حـــــاظر الذنون
عجيبـــه اشلون ماشيـــــــــع نعش مسجون
علي ويه علـــــــي ابنــــــه المســه ايدفنون
برض بغداد يدفن سابــــــــــــــــــــــع الأنوار

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
/channel/falehalameri

قناة الشاعر فالح العامري

23 February 2022 18:06

«المعذب في السجون»
«مثلث الشيعتي»
~~~~
ويلي عالكاظم گضــــــــــه هاليله نحبه
لااهل يمــــــــــه اوعشيره ابديره غربه
▪︎▪︎▪︎
بالسجن چبده تگطــــــــــــع هالمسيـــــه
ريت تحظـــــــر سجن بغداد الزچيــــــــه
تنظرابعين المصيبــــــــه هالرزيـــــــــــــه
اتشوف ابنها اينازع ابروحـــــــــــه الأبيه
عالغريب الزهره مدمعــــها تسچبـــــــــــه


ايلوج بالطاموره وينــــازع ابروحـــــــــه
والگلب من الغرب تنزف جروحـــــــــــــه
كاظم الغيض الذي روحــــــــــه سموحـه
هالمسه ابسم البغــــي اتهدمت صروحــه
علـــــــــــــه الشيعه لفت هاي اليله صعبه


رفعت اعـــــــــلام الحزن شيعت الزهــره
بالمناحــــــــــــــــه واللطم احييت الذكره
مأتم المظلوم باللوعـــــــــــــــــــه تحظره
علـــــــــه امصابه اومحنته تسجب العبره
وبدموع الجاريــــــــــــه الكاظم تندبــــــه


تندب اليلـــــــــه الگضه والسجن بيتــــــه
والسجن مظلم عليــــــــــه حانت منيتـــه
ويلــــــي ياهارون هالجرم اشجنيتـــــــــه
ابن جعفربــــالغرب عندك وليتــــــــــــــــه
بين سجن اوبين سم گطعت گلبـــــــــــــه


اليله خللـــــــــــــــي نعتنـــــــي للكاظميـه
انشيع اجنازة شبل حامــــــــي الحميــــــه
اعليـــــــــــه نادوهاذه امام الرافضيــــــــه
هاذه جده المصطفــــــــــى سيد البريـــــه
اوربنه غارس جنتـــــــــــــه للي يحبــــــه


حجة الله عالخلگ موســـــــــى ابن جعفر
ليش مرمـــــــــــــــــــي عالجسرالله واكبر
مالــه شيعــــــــه اولاعشيره الدفنـــه تنغر
وين ابومحمد يشيــــــــــــــع عوده يحظر
اوثاره من هارون هاليله يطلبــــــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت


الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
/channel/falehalameri

قناة الشاعر فالح العامري

23 February 2022 18:05

ياموسى ابن جعفر
نعي مجاريد
~~~•
سمعنه اليوم بجنازه غريبــــــــــــه
اظنه الكاظم الخلص نحيبـــــــــــه
▪︎▪︎▪︎
گضه بالغرب ابن الزهره مسمــــــوم
منهو بالسجن حاضرلــــــــه هاليوم
يغمض اعيونـــــه وايعينه المظلوم


منهــــو اسبل ايـــده اوغمض العين
ومنهو گعد يم راســـــــــــه الحنين
منهو من هلــــه اتعنالـــــه هالحين


وحيد الولــــــــــي اينازع ابروحه
من ضيم السجن ماتنعد اجروحـه
عله امصاب جده زاد نوحــــــــــه


گضـــه عمره ينوح الغربت احسين
ابدا مانســــــــــــــه گطعت الجفين
اومحسن مانسه وعبد الله طفلين


اويلي اعليك ياموســى ابن جعفر
ابغربـــــــــه اوبسجن چبدك تفطر
ماحظـــرو هلك الله واكبـــــــــــر


اجنازه من السجن طلعت غريبــه
صيحو ابصوت وين امـه الحبيبه
خلي تعتنــــــــي اتشوف المصيبه


خلــــــــــــي للجسر تگصد الزهره
نعش الكاظــــم امگید تنظـــــــره
يشبـــــــــه گید ابو الباقر ابيسره


ريت الزهره للكاظم تشيعـــــــــه
عله امصاب الولد تسچب الدمعه
عود الرضا بالوعه تودعـــــــــــــه


هالليلـــــــــه انرجن بالحزن بغداد
انهدم ركن الديانه اوصرح المجاد
يوم الطف علينـــــــه والحزن عاد
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

/channel/falehalameri

قناة الشاعر فالح العامري

23 April 2021 18:59

وداع النجف
موشح
~~~
بعد بس باجر اشــــــــم عطر النجف
راح اودع بيـــــــــها مصداق الشرف

♡♡♡♡♡♡♡♡♡♡
امس انـــــــه چنت اطوفن بالصحن
گمت احس دگات گلبــــــ.ـي اترادفن
اجفوني من كثر البواجـــي اتشرحن
والدمع من عينـــــــــي احسنه نشف

♡♡♡♡♡♡♡♡♡♡
هالأرض بيها ابـــــو احسين الحبيب
اسمه لو ينذكر لجروحــــــ.ـي طبيب
اشلون احمل فرگتـــــه والله عجيب
ابتعد عن هالأرض والله وســـــــــف

♡♡♡♡♡♡♡♡♡♡
راح اروحن انگل ابجــــــدم النــــدم
من اعز الناس دلالـــــــــــــــي انحرم
اوداع احسن ابچبدي صوبني ابسهم
گمت اسمع گلبـــــــــــي بحزانه هتف

♡♡♡♡♡♡♡♡♡♡♡♡
اشلــــــون عن ارض النجف انه اروح
راح اظل لمن ارد انعـــــــــــــه اونوح
راح اطلع والگلب كلـــــــــــــه جروح
حزني اعليــــــــــــــــه ابد لامنوصف

♡♡♡♡♡♡♡♡♡♡♡
آه ياأرض النجف عنـــــــــــچ شگول
على فراگج راحت احزانـــــي تطول
والدمع من عينـــــي يجري كالسيول
على افراگ الطيبــــــــه خيره السلف

♡♡♡♡♡♡♡♡♡♡♡
راح اروحن والتفت يمنــــــــه اويسار
واحس چبدي والگلب ملتهب نـــــــار
بعد وين اشتم عطر حامــــــــي الجار
بدر ٱمالــــــ...ـــي احسنـــــــــه خسف

♡♡♡♡♡♡♡♡♡♡♡
ودعت امالي يم حامـــــــــــي الدخيل
ودعتــــــــــــــــها واطلعت مثل العليل
انه امشي والجدمـــــــــــــه گوه اشيل
بالموادع لوني اشوفنــــــــــــه انخطف

♡♡♡♡♡♡♡♡♡♡
اخـــــــــــر زياره امس الــــــــــها زرت
اعليـــــه احس ابلهفه وابشوگ الطفت
مو ابحضنـــــــــي بالگلب الها احضنت
لين بيها والها احس گلبــــــــي انشغف

♡♡♡♡♡♡♡♡♡♡♡
راح اروحن وابٱمل الـــــــها اعـــــــــود
انه منعدها خذت عزمـــــــــــــي اوزود
هاي من عدها اكسبت معدنــــــه الجود
ذهب هاي اوغيرها كلـــــــــــــها صدف

♡♡♡♡♡♡♡♡♡♡♡♡
تمت
الشاعر فالح العامري

🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
/channel/falehalameri

قناة الشاعر فالح العامري

17 April 2021 19:16

‏مقطع صوتي من ابن العراق

قناة الشاعر فالح العامري

16 April 2021 18:49

‏مقطع صوتي من ابن العراق

قناة الشاعر فالح العامري

15 April 2021 22:23

‏مقطع صوتي من ابن العراق

قناة الشاعر فالح العامري

15 May 2022 11:52

نعي في صحن الامام الحسين ع المرحوم عبد الزهره الكعبي

نـوحی عـلـى الأولاد يـا زهـره الحزينه
فـي كـربـلا واحـد او واحـد في المدينه

مـات الـحـسـن و انـهدم سور الهاشميه
هـذي الـمـدارس أصـبـحت بعده خليه
وإنـتـي يـا زهـره بـالـصـفايح مختفيه
لـيـتـج يـا زهـره جـنتي يمه او تنظرينه

يـجـذب الـونـه او يـنـظر ابعينه يتاماه
واحـسـيـن عـنده ينتحب وايصيح ويلاه
لـيـتـج  تـشـوفـيـنه يودع جملة ابناه
واحـسـيـن  يـبجي و الدموع ابمقل عينه

لـيـتـج  تـشوفين الحسن في صدر الحسين
امـسـنـد  له  ابصدره و يجري مدمع العين
و  الـكـل مـنـهـم قابض الثاني بالإيدين
و  ايگول أمـر كـونـه الـبـاري عـلينه

وحـسـيـن يـنـادي عيشتي گشره بلياك
ايـذوب گلـبـي لا بـجـت حولي يتاماك
خـذنـي يـخـويـه بـالگبر باروح وياك
تـرى  عـضـيـدك فـرگوا بـينك وبينه

ويـلاه يـوم حـسـيـن ودع لـلـشفيه
ونـاده يـخـويـه شـمـتـت العدوان بيه
انـتـه بـرض طـيـبـه و انـا بالغاضريه
اولـيـتـج جـمـعـتي هالشمل آيا الحنينه

اتـفـرگوا  عـنـج و صـار الشمل تبديد
من جعده واحد گض هو واحد گضه من يزيد
واحـد دفـن عـنـدج او واحد عنج ابعيد
گبـر الـحـسـن عندج و گبر حسين وينه
🌿

#نسالكم_الدعاء

قناة الشاعر فالح العامري

09 March 2022 18:51

الدموع الجاريه
«الوزن شيعتي مذيل»
~~~~
عالراح مسموم يجري دمعنــــــه
والكاظم اليـــوم امصابه فجعنه
▪︎▪︎▪︎▪︎▪︎▪︎▪︎▪︎

الليلــه ياليل الحزن حتى حيطان السجن
صاحت يمظلوم
بالسجن نحبه گضـه آه ياعود الرضـــــــــه
کاظم للهموم
راح ابن جعفــــرغدر چبده بــالسم منفطر
من حگه محروم
خل نواسي فاطمـــه الليله ننصب مأتمـــه
والمدمع ادموم

نلطم عله الراس العظم المصيبه
گطعواله انفــاس لله حبيبــــــــه


خل تشوف الحالتــه أمه تحظردفنتـــــه
راحو يجیبوا
خل تشاهدغربتــــــه من تشوف اجنازته
اربعه يحملو
خل تشوفه عالجســر الــــه محد ينتصر
وین اليشیعوا
بيدهــــــــا گيده تحل والدمـــع منها يهل
تندب انصرو

چن اسمـــــع اتنوح اوتندب يشيعه
والگلب مجـــــروح الهاي الفجيعــه


تندب اوتجری الدمـع ذكرت الکسرالضلــع
من هالمصايب
حيدر ابدمـــــه سبح وابنـي بالطف انذبح
كل هـــالنوايب
هيه عالكاظم جــرت اوكل بنينــي اتغربت
المن اعاتب
جعده واحد سمتــــه احسين گطعورگبتــه
اعلينه حرايب

عالكاظم الصار من اعصروني
من حرگة الدار بيها ولونـــــــي


مني شنهو تطلبــــــــه هل العداوه ناصبــــه
تطلبني ابثار
گضت اولادي چتـــــل لأن هيـــــــــــه ماتذل
ماترضه بالعار
كسرضلعي ماكفـــــــه اوناربابي ماطفـــــــه
متوجره بالدار
يامصاب انه اجرعـــه بالبقيع الأربعــــــــــــه
بغداد اشد نار

بالسجن غدرو احفاد اميه
عالجسرخللو اجنازه رميـه


اسنين عن اهله ابغرب اوليدي والدمعه يصب
محد يشوفه
بعد ساعــــــه موتتــــه والسلاسل ضهدتــــــه
شفت ابچفوفه
اعليه اجذب ونتــــــــي لبني انعه ابدمعتــــي
صعبه ضروفه
دارمن سجــــــن السجن بالمصــــايب ممتحن
عالشيعه خوفه

والعهد وفــاه قدم حياتــــــه
مذهبنــه علاه ابتضحياتــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
/channel/falehalameri

قناة الشاعر فالح العامري

23 February 2022 18:15

«الكاظم المظلوم»
...................بحرالطويل»


الكاظـــــــــم گطعوچبده هاليلــــــه ابسجن هارون
اعمي اعيوني لمصابـــــه واويلـــــي عله المسجون

لمصــــــــاب الغريب اليوم دم ادموعــــــــــي اجريها
هاليلــــــــــه ابهجير النوح هاي اليلـــــــــــــه اگظيها
بمصــــــــــــابك يبن جعفر الزهره امك اواسيــــــــها
عالگضّـــــه العمر مسجون اسنين العمــــر افنيـــها

واصيحن يابنـــــــي طالب عميد
ابيــــوتكم مرهـــون

صـــــــــار اسنين عالكاظــم ماواحد نشد عنـّـــــــــــــه
ابسجن بيبانـــــــه مسدوده عليـــــه اولافرج منـّــــــه
علـــــه شوفة اوليده اينوح اوتگطع گلبـــــــــــه الونه
وابن السندي بغـــــــلالــــــه يويلـــــــي ساگه رضنــه

واشياعه واهل بيتـــــــــــه حالـــــــــه هاذه مايدرون

من سجن السجن جــــابوه غريب الـوطن والديـــــره
والأعظــــــــم سجن بغداد اعليه مظلمـــــه الطاموره
گضّـــــــه اسنين من عمره شبل المرتضـــــى ابحيره
عن ديرة هلـــــــه امبعديه والله محنتـــــــــــه اچبيره

ويلي يابنــــــــــي العباس من الكــــــاظــم اشتردون

يجذب ونتـــــــــه المظلوم ماچنكم تسمعونــــــــــــــه
من ثگل الحديد ايلـــــــوج يادين التطلبونــــــــــــــه
هاذه من بنــــــــــــي عمكم رحمكم ماترحمونــــــــــــــه
من بعد السجن والجــــــور چبده ابسم تگطعونـــــــــه

هاذا ابن الزچيــــه اشلون نعشـــــــه عالجسر ترمون

سگيتـــــــو سمكم الچتـــال ابغيــاهيب السجن عدكــم
حماميل التشيعـــــــه اشلون هـــــــاذا هوه سيدكـــــم
اتراب اجدامـــــــه ابن جعفر لـــــــــــوگولن يشــرفكــم
اويــــــــــــــاكم مايفيدالگول يالميتـــــــــــه ضمايركم
خذتو من السقيفـه ادروس وابنفس النهـــج تمشــون

سمعنـه امن السجن طلعوه گلنــــــــه خلصت آلامـــــــه
فرحنــــــــه ابجيت الوالــي فرشنـــــه ارواح جدامــــه
لاچن نعشــــــــه من شفناه اولســـــــه الگيد بجدامــــه
صحنه ابصوت هالمظلوم گضّـــــــــه ابسجن ايامـــه

تالي امن السجن يطلــــع حماميل اربعـــــه ايشيعون
****
تمّت

الشاعرفالح العامري


/channel/falehalameri

قناة الشاعر فالح العامري

23 February 2022 18:14

الرادود الحسيني محمد رضا العامري

قناة الشاعر فالح العامري

23 February 2022 18:13

«ياامامي ياغريب»
«هجري»
~~•
واماما واماما
▪︎▪︎▪︎
اليله واسو لزچيــــــــه مـــات ابنـــها بالغرب
فاطمه للسجن گصدت والدمـــــع منها يصب
عليهاچـم حزن التجدد هـــاي مصيوبت گلب
اعتنت بغداد ابهظمـها وبيـــــها نيران التشب

اتنادي يبنــي ياسجين يـــــــــاسليل الطيبين
طحت بيد الظــــالمين
واماما واماما


اويانــه ام احسين تندب آه يبنـــــــــي ياسجين
روحك ابطاموره فاضت بين آهــــــــــات اوانين
والسلاسل من شفتـــــها اذكــــرت زين العابدين
عالجسر من شفت نعشك اتذكرت يـــوم الأثنين

من ولونـــــي الحاقدين واسگطو مني الجنين
وانغصب حگنـه المكين
واماما واماما


چبدك تگطــــــــــع يبني من كسر الضلـــــــــــع
اعليك هـــــارون التسلط اعليّه من صال الفزع
مارعو حرمتنه يبنــــــــي وحنــــــه آيات الشرع
بين بالسيف التگطـــــــع اوبين بالسم منصــرع

آه من غـــــدرت البين اوجورها اعلينه السنين
نبگــــه يبني امغربين
واماما واماما


آه من هاي المصيبـــــــه شيبت حتى الرضيـــــع
من السجن احنه سمعنه ويلي هالخطب الفضيع
مــــــــات گالو ابن جعفر چبده بالسم الگطيــــــع
راح منعدنه حمانــــــــــه احنه من بعده نضيـــــع

افگدنه والدنه الحنين وين ننطي الوجه وين
عگبه نبگـــه امشردين
واماما واماما


بالسجن گضه حياتـــــــه صابر اوتالــــــي الصبر
نعشه من السجن يطلـــع ينشمر فــــــوگ الجسر
لا اهل عنده اوعشيـــــره تنتخــــــــي لبن الطهر
اتشيل عالهامات نعشــــه ابهيبـــــــه تحفرله گبر

ريت چنـــــه حاضرين چا حضرنه امشيعين
النعش شبل الطاهرين
واماما واماما


احنه ماچنه ابزمانـــــــــه اليلـــــه خل ذكره نعيد
بالگلب ننصب مآتـــــــــم عالشهيـــــد ابن الشهيد
كل سنه ابهذا عزانـــــــــه انــــــــردد ابهذا النشيد
يبگه للكاظم ولانـــــــــــه نلعن الطاغــــي الرشيد

رغـــــم انف المجرمين عالولايـــــــــه ثابتين
هذا صـــوت العاشگين
واماما واماما


يظل هذا الصـــــوت يهتف وامــاما وامــــــــــــام
شيعته مثلــــــــــــه نجاهد عله الذلـــــــــه ماننام
والصبر منه كسبنــــــــــــه انصــــــارع الجورالأآم
للمنيه مانعوفــــــــــــــــــه سابـــــــع انوار الكرام

شبل سيد المــــرسلين نبگــه بيه متمسكين
وابدمانـــــه امعاهدين
واماما واماما

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري

لا اجیز التلاعب بکلمات القصیده ولا حذف اسم الشاعر الاستاذ فالح العامري
نسالکم الدعاء
قلدناکم الزیاره
اخوکم الفقیر لله
✍الشاعر فالح العامري
قناة دموع الانتضار ..
لنشر القصائد الحسينية
🔹لطمیات رجالیه
🔹طمیات نسائیه
🔹نزلات
🔹نعي
🔹هوسات
🔹بأدارة شاعر اهل البيت فالح العامري
🔹للاستفسار من مدير القناة الاستاذ الشاعر فالح العامري اتصلو علی هذا الرقم
👇🏻
00989133683181

غير مبري الذمة كل م̷ـــِْن يتلاعب في القصيدة وتغيير اسم الشاعر
انشروا الرابط وشارکونا الأجر والثواب
/channel/falehalameri

قناة الشاعر فالح العامري

23 February 2022 18:11

«ايام السجن»
«تجليبه»
ــــــــــــــــــــــــــــــــــــــــــــــــــــــ
عالكاظم هلـّو الدمعـه
ياشيعه زيد والنـــوح
اليلـــــه انواره الطفــوها
وامّــه الــزهره ايـعرفوها

▪︎▪︎▪︎
ابغیاهیب السجن ویلـي گضه نحبـــه
اورطل من ّالحديد الضاهد الگلبــــــه
اومــاعنـده اهل وبـديرة الــغـربـــــــه
اوبگت عينه علـه ابنه بالدـمع تربـــــه

چم عـام اللـي گضاها
ابسجن البصره او بغداد
روح البسّم روعـــــوها
وامّه الزهره ايعرفوها


من سجن السجن موسـی گضـه عمره
اوسجن بغداد صب اعليـه محن كثره
ابطاموره مظلمـــــــــه اوحاير ابأمـره
ياصابر الموسـی يشبــــــــه الصــــبره

جـابـو من ديـرت جّده
اوبعدو عن اهله اسنين
بالسم چبده ايگطعــوها
وامّـــه الزهره اعرفـوها


ليلــــه وي نهـاره اتسـاون ابسجنـــــّه
واســنين الگـضاها سلوتـه الونــّــــــه
السـلاسل مـويـوسدهن يوسدنــّــــــه
اوبديـار الغرب محد سئل عنـــــــــــه

والينــــه الله ايعينـــه
غربـــــه اوظلم السجّان
احقاد اعليـه الصبّوها
وامه الزهره اعرفوها


ياسجن الرشيد اتعرفـــه هالمسجـــون
هــاذه ابن الصميده اللــي نجـه ذالنون
صــاراسنين عندك بالغرب مــرهـــــون
اعيالـه كل صبــاح الجيتـــــه ايتــانون

عن احبابــه الغيبتـــــــه
ياذنب اللــي جاني
اعليه احكـام اتفرضوها
وامـــه الزهره اعرفوها


موسی البالسجن و السندي سجّانـــــه
عليه مغلگ نهار والليل بيبانــــــــــــــه
ابّــيـن الآه والونــّــــــه خبر جانـــــــه
باچر يطلــــــــــــع اوعالجسر ملگانـــه

جانه اولاچن ياجيـّه
تحمل نعشـه احماميل
حـرمت جدّه الهتكوهـا
وامّه الزهره اعرفـــوها


طلعنه اعلــــــــه الجسر ابلهفــه نتنطر
والشوفت ولينـــــــه اشبحنـه هالمنظر
اوبآهــات اودمــع تانينــــــه ابن حيدر
اوساعـــــــه اولن جنازه ابهمـها تتعثـّر

من سجن الظــالـم طلعت
اعليها ابذلـــه اينادون
اجنــازة مينكروهـــــا
وامّه الزهره اعرفوها

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الــــشــاعــر فـالـح الــعــامـري
غـیـر مـبـري الـذمـه کـل مـن یـتـلاعـب فــي الـقـصـیـده او يـغــیـر اســـم الــــشـــاعـــر

/channel/falehalameri

قناة الشاعر فالح العامري

23 February 2022 18:10

«غريب بغداد»
«صدرشيعتي مذيل»
~~~
با ب الحوائج ابطا موره الظلمه امخلّینـه
با ب الحوائج لیش ابأغلا ل امگید ینــــه
یجذب ونینـه یاشیعتــــــه
الله الیعینــــه یاشیعتــــــه
▪︎▪︎▪︎
الکاظم ابگلبه حسرتــــــــه والآهـــــات
اوبالچبد تسعرجمرتـــــــــه واللــــوعات
بالصبرواجـــه محنتـــــــــه والحســرات
عالأهل یجري د معتـــــــــه طیب الـّذات

باب الحوائج عن دیرة جدّه امبعدینــه
با ب الحوائج وابهالغربه گضّه اسنینـه
یجذب ونینـه یاشیعتـــــــه
الله الیعینــــه یاشیعتـــــــه

بالسجن عانـــــــــــه المصایب امن الظلّام
والگـلــــــــــب من عنده ذایب بــــــالآلام
جرّعـــــــــــه السند ي نــوایب بالأیـــّــام
یدري بـــــــــــــي ابن الأطایب والأسـلام

باب الحوائج یاذنب العنده امعذبینــه
باب الحوائج یومیّه الموت امراوینـــه
یجذب ونینـه یاشیعتــــــــه
الله الیعینـــــه یاشیعتــــــــه


والهظم نحَّلـه الجسمـــــــــه ظل مالــــوم
والسجن غیّرله رسمـــــــــــه هـــالمظلـوم
والسلاسل تثني عزمــــــــــه من ایگــــوم
عالثره یتجاره دمـّــــــــــــــه اتطلبه الگوم

با ب الحوائج منعنده اشرادو مد رینـه
با ب الحوائج اولاذنب العنده امبینینـه
یجذب ونینــــه یاشیعتــــــه
الله الیعینــــــه یاشیعتـــــــه


ساقـــــــــــــــه من رضّواتألّم گلبه انصــاب
ذکرضلع امـّــــــــــــه التهشـّم خلف البــــاب
زوّد ت لهمومــــــــــه چم هم وچـم اصواب
ابظلمـــــــــــه هارون التعلــّم امن الأصحاب

باب الحوائج هارون ایسمّه اموصّینـه
باب الحوائج دلّا له ابسم امگطعینــه
یجذب ونینـه یاشیعتـــــــــه
الله الیعینــــه یاشیعتـــــــــه


ذوّبوابا لسّم دلیلــــــــــــــــه ارحامـــــــــه
التدّعي من فد قبیلـــــــــــه واقوامــــــــه
والله لوچـــانت اصیلــــــــه واعمامــــــــه
چــانت النعشه تشيلــــــــــه عالهامـــــــــه

باب الحوائج لیش احمامیل امشیعینه
باب الحوائج کلّ الأدیان امقد سینـــــه
یجذب ونینـه یاشیعـتـــــــه
الله الیعینــــه یاشیعـتـــــــه


بسمکم اعلیــــه من گضيتوا ذ نبه اشچـان
عالجسرنعشه رميتــــــــــــوا ابلايه اچفـان
الجدّه حرمه مارعِيـتــــــــوا بالعــــــــدوان
ماألـــــــــــــــــــه ناصرلگیتوا اولادفـّــــــان

باب الحوائج بالروح ادفنّاه والینـــــه
باب الحوائج نلهج بسمه اوماناسینــه
یجذب ونینـه یاشیعــتــــــه
الله الیعینــــه یاشیعـتـــــــه

شيعــه وانظل اعلــــــه نهجك مـــــاعفنــاك
بالنظرماشفنـــــــــــه شخصك واليـنــــــــاك
نعتقـد بيــــــــــك اونحبــّــك انموت اوياك
نفدي دمنــــــــــــه دون د مّك عدعيـنــــــاك

باب الحوائج بالدنیه انوارك تهدينــــــه
باب الحوائج اوبالمحشرحبّك ينجينـــه
يجذ ب ونينه ياشيعتــــــــه
الله اليعينـــه ياشيعتــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفاح العامري
غیر مبري الذمه کل من یتلاعب في القصیده او یغیر اسم الشاعر


/channel/falehalameri

قناة الشاعر فالح العامري

23 February 2022 18:08

لوعة الزهراء
نصاري
~~
ويــنـه الي يواسيها الزچیه
عله المسجون بديار اجنبيه

▪︎▪︎▪︎
گصدت للسجـن فاطـمـــــه الزهره
علــــه طـول الدرب تسچب العبره
تنادي ابني گضـــــه بالسجن عمره
اجيت انه اشوفه هالـــمســيـــــــه


اجيت اعليـه ادور بين الســــجون
سمعت ابني خـفوه ابسجن هارون
صار اسنين عــنه اهــله ينشـــدون
بنـــي الــعبــاس يــاديــن الــعلــيه


خلف السجن گعدت فاطمــه اتنوح
تتادي اوليدي ابطاموره مطــــروح
من حد السلاسل جسمـــه مجروح
سمعته بالغرب ايــــحشم الــيــــــه


اسمعه اينادي وين الزهره امـــــــي
تعالي اوشوفي ويه الگید دمـــــــي
گبل ساعة مـماتــــــي حضري يـمي
واشوفك يـمي مـن گبل المنیــــــه


تگله اللــیــلــــــــه آ یولدي اجيـتـك
اوگــعـدت ابـــــاب سجنك ودعيتك
وحــگ كــسر الضلـــــع لا مانسيتك
اجـــيــت اونــار البگلبـــــي ســريه


اجيت اوتــستــعـر نيران ضلعـــــي
واجــفــونــــي حرگها فيـض دمعي
انصبت مأتم مصابك انــــــه وانعي
بــمــصــابــك ذكـــرت الغاضـريــــه


يبنــي اشلون باچر من يـشيــعــوك
ملفـوف ابعباتك من يـــحـــمــلــوك
اجـــنـــازه عالجسر انظرها يــرموك
وانــادي ابـصوت وين اهل الحميــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
نسالکم الدعاء

غیر مبري الذمه کل من یتلاعب في القصیده او یغیر اسم الشاعر

/channel/falehalameri

قناة الشاعر فالح العامري

23 February 2022 18:07

«الكاظم المظلوم»
«بحرالطويل»
~~~~
الكاظــــــــم گطعوچبده هاليلـــــه ابسجن هارون
اعمي اعيوني لمصابــــه واويلــــي عله المسجون
▪︎▪︎▪︎
لمصــــــاب الغريب اليوم دم ادموعــــــــي اجريها
هاليلــــــــه ابهجير النوح هاي اليلـــــــــــه اگظيها
بمصـــــــــــابك يبن جعفر الزهره امك اواسيــــــها
عالگضّــــه العمر مسجون اسنين العمـــــر افنيـــها

واصيحن يابنـــــــي طالب عميد ابيوتكم مرهـون


صـــــــــار اسنين عالكاظم ماواحد نشد عنـّـــــــه
ابسجن بيبانــــــه مسدوده عليه اولافرج منـّــــــه
علـــــه شوفة اوليده اينوح اوتگطع گلبـــــه الونه
وابن السندي بغـــــــــلالـــه يويلـــي ساگه رضنــه

واشياعه واهل بيتــــــــــه حالـــــه هاذه مايدرون


من سجن السجن جــــابوه غريب الـوطن والديره
والأعظــــــــم سجن بغداد اعليه مظلمه الطاموره
گضّــــــــه اسنين من عمره شبل المرتضى ابحيره
عن ديرة هلــــــــه امبعديه والله محنتـــه اچبيره

ويلي يابنــــــ.ـــــي العباس من الكاظـم اشتردون


يجذب ونتـــــــــه المظلوم ماچنكم تسمعونـــــــه
من ثگل الحديد ايلـــــــوج يادين التطلبونـــــــــه
هاذه من بنــــــــــــي عمكم رحمكم ماترحمونـــــه
من بعد السجن والجــــــور چبده ابسم تگطعونـــه

هاذا ابن الزچيــــه اشلون نعشـــه عالجسر ترمون


سگيتـــو سمكم الچتـــال ابغياهيب السجن عدكم
حماميل التشيعــه اشلون هـاذا هوه سيدكـــــــــم
اتراب اجدامــه ابن جعفر لــــوگولن يشــرفكـــــم
اويـــــــــاكم مايفيدالگول يالميتـــــــــه ضمايركم

خذتو من السقيفه ادروس وابنفس النهـج تمشون


سمعنه امن السجن طلعوه گلنه خلصت آلامـــــــه
فرحنـــــــــه ابجيت الوالي فرشنه ارواح جدامــه
لاچن نعشـــــــه من شفناه اولسه الگيد بجدامــــه
صحنه ابصــوت هالمظلوم گضّـــه ابسجن ايامـــه

تالي امن السجن يطلـــــع حماميل اربعه ايشيعون

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
/channel/falehalameri

قناة الشاعر فالح العامري

23 February 2022 18:05

#كلمات_الشاعر

فالح العمري

#ادا_الرادرد_الحسيني
سجاد الطائي

قناة الشاعر فالح العامري

23 April 2021 21:07

/channel/falehalameri/3865

قناة الشاعر فالح العامري

19 April 2021 07:59

‏مقطع صوتي من ابن العراق

قناة الشاعر فالح العامري

16 April 2021 20:01

‏مقطع صوتي من ابن العراق

قناة الشاعر فالح العامري

16 April 2021 18:44

الرادود احمد الكربلائي

قناة الشاعر فالح العامري

15 April 2021 21:55

الرادود احمد الكربلائي