#علامات_سوء_الخاتمة
https://chat.whatsapp.com/LbrE2kbsVZyLDxHsy8BuI1
✔️نكمل باقي أسباب سوء الخاتمة والعياذ بالله منها.....
2⃣ مخالفة الظاهر الباطن (النفاق):
والظاهر أنه يعمل لطاعة الله (الصلاة – الصيام – الحج) .....لكن جوه قلبه نفاق ورياء أو مرض كالكبر أو العجب فيظهر .... ذلك له في آخر عمره فيختم له به ......
زي الرجل الذي قاتل مع الرسول صلى الله عليه وسلم .... وكان شجاع جدا ....لكنه مكنش لله ...علشان كده غرس السيف في نفسه ......ومات منتحر ا
فقال عنه النبي صلى الله عليه وسلم إنه في النار.
🌻 لذلك جاء حديث الرسول صلى الله عليه وسلم
- إنَّ الرجلَ لَيعمَلُ عملَ أهلِ الجنةِ ، فيما يبدو للناسِ ، وهو مِن أهلِ النارِ . وإنَّ الرجلَ لَيَعمَلُ عملَ أهلِ النارِ ، فيما يبدو للناسِ ، وهو مِن أهلِ الجنةِ (مسلم )
وكلمة( فيما يبدو للناس) ....إشارة إلى أن باطن الأمر غير ذلك ويختلف عن ظاهره -
▪⚫▪#قصة
كان هناك عالم من كبار العلماء وانتكس وألحد في أواخر حياته:... اسمه (عبد الله القصيمي) ...كان مفكر ساحر الكلام ألف كتب في الدفاع عن التوحيد والرد على المشركين والملاحدة ...لقب نفسه بالقصيمي – ونبغ في العلم .......وكان ناجح جدا
.... وألف كتب من أشهرها (الصراع بين الإسلام والوثنية) وكان من أجمل الكتب للرد على أهل الشرك والبدع
...... لكن لاحول ولا قوة الا بالله. انتكس القصيمي واصبح من اشهر الملاحدة في عصره
👈 .. ارتد .....لدرجة أن القصيمي ألف كتاب سماه
(هذه هي الأغلال) ....صور فيه الدين مجموعة أغلال وقيود يجب كسرها .....
.....وقال أن الدين خرافه..... وصرح بالإلحاد... وكان يجادل في النبي محمد صلى الله عليه وسلم .....
وكان جسمه بيسخن بالليل..... ويطير النوم من عينه..... وعامة الناس تعجبوا من هذه الردة .....؟
......وتساءل البعض ماهي أسبابها .....؟
....عللها البعض.... بأنه أخذ الرشوة من هؤلاء الملاحدة ليكتب كلمة الكفر....؟
ولكن ليست هذه الحقيقة.... فكان القصيمي... بالغ الثراء غنى ولا يحتاج.
👈...... لكن ايه اللي حصل:؟
....ده كان عنده علم كثير وأثنى عليه العلماء في عصره . ..لدرجة أن إمام المسجد الحرام عمل شعر خاص يمدح فيه القصيمي في ذلك الوقت قبل انتكاسه ....
👈..لكن كان به داء الكبر والغرور لدرجة غريبة .....
(قال عن نفسه: لو أن ما عندي من العلم.... والفضل يوزع في الآفاق لكنت أغنى من الرسل) أي لا احتاج للأنبياء.
وقال كمان عن نفسه: (لو أنصفوا كتبي ولم يرغبوا إلا في ذكاء وحزم وعلم فليذكروني فما أنا إلا الشمس في عليائها)
....... ووصل إلى قمة الإلحاد وكتب كتاب (أثر الوحي على تشويه الحقائق) وكان يهاجم فيه سيدنا محمد صلى الله عليه وسلم وقام بسب النبي وقال عنه أنه يمكر ويخادع..... وأن احتلال الإله لعقولنا أقبح أنواع الاحتلال وكتب كتاب (السماء تستورد الآلهة).
ولاحول ولاقوة إلا بالله ونعوذ بالله من الخذلان عند الموت.ونسأل الله الثبات حتى الممات.
🔴 #علامات_سوء_الخاتمة 🛑 1⃣
انا عارفه اني هتكلم عن موضوع مرعب شويتين لكتير مننا ،
وانا في الموضوع ده هتكلم عن أسباب سوء الخاتمة علشان ناخد بالنا منه وعلاماتها كمان .....
لقيت أن كل الصالحين كان شاغلهم الأمر ده فمثلا
حكوا أن سفيان الثوري كان يبكي من الليل ...... إلى الصباح
ولما سألوه ما يبكيك هل هي الذنوب؟
قال لهم لا ......
بل الخوف من الموت على سوء الخاتمة.
ولما فسر ابن كثير الموضوع ده قال: .......
ان سوء الخاتمة لا يقع فيها..... من صلح ظاهره وباطنه مع الله .....وصدق أقواله مع أفعاله،
*ولكن يقع لمن فسد ظاهره مع باطنه*
فينزل به الموت قبل التوبة على هذا الوضع.
⚡ أو مثلا لمن يصر على الكبائر ....ويموت عليها ......قبل مايتوب فيأتيه الشيطان عند موته فلا يتوب.
⚡- أما ابن القيم: .....شرح (ازاي يحدث سوء الخاتمة ).؟
..... فقال إذا كان العبد في حالة حضور ذهن ......وكمال إدراك..... تمكن الشيطان منه... واستعمله للمعاصي..... وأغفل قلبه عن ذكر الله
ولسانه وجوارحه .....عن طاعة الله ......
👈فكيف الظن به ......إذا سقطت قواه .
ومعنى الكلام ده ايه أن (الشيطان بيسطر على الإنسان وهو بكامل قوته فيستحوذ على سمعه وبصره وقلبه) فكيف يكون الحال وهو قوته ضعيفة عند نزع الروح منه وجمع ..... والشيطان بيجمع كل همته لكي ينال منه فرصته .....
فيكون الشيطان هنا اقوى مايكون والإنسان المحتضر أضعف مايكون
علشان كده لازم كلنا ندعي ربنا أنه يثبتنا على القول اللي يرضي ربنا عنا للممات
فوقتها يثبت الله الذين أمنوا بالقول الثابت في الحياة الدنيا وفي الآخرة ويضل الله الظالمين .....
ف ازاي يوفق لحسن خاتمة ولسانه متعطل عن الذكر – الجوارح معطلة عن الطاعات.
https://chat.whatsapp.com/FNbpaxOKepr6YFzq4xQHPe
*نيجي لأ هم جزء ايه واخر جزء علاج مرض الحسد* ?
بس قبل ما اقولكم على علاج المرض اللي بيدخل جوه القلب وبيدمره
*اقولكم الأول ايه الوقاية من العين* ?
وطبعا زي مااخدنا قبل كده فيه فرق بين العين والحسد
*والوقاية من العين*
👈بأنك تتحصن بالأذكار (الفاتحة – آية الكرسي – المعوذات – وأذكار الصباح والمساء)
👈 وكمان تستر الحاجات الحلوة اللي عندك واللي خايف عليها من الناس اللي بيؤذوك بعينهم
يعني متظهرش الحاجة اللي خايف عليها
*وكمان تستر نفسك من عين الجن* شوفوا كده الرسول صلي الله علية وسلم قال ايه
" ستر ما بين *أعين الجن* وعورات الأنس أن يقول الرجل المسلم إذا أراد أن يطرح ثيابه بسم الله الذي لا اله الاهو"رواه ابن السني
تمام كده
*تعالو نشوف علاج مرض الحسد اللي في القلب*
اول حاجة لازم تكون راضي بقضاء الله وأحمد ربنا على اللي رزقك به ومتبصش للي احسن منك
*ودايما بص للي أقل منك في الدنيا وفي نفس الوقت بص للي أعلى منك في الدين*
روح زور المستشفيات ،زور الناس الفقراء علشان تشوف نعم ربنا عليك في كل حاجه حتى في النفس والمشي والعقل .....
تاني حاجة علشان تعالج مرض قلبك لازم تلوم نفسك لو حسدت حد أو بصيت لحد وحب الخير لغيرك زي مابتحبه لنفسك حتى مع عدوك
لان حتى لو فرحت بزوال النعم عن عدوك وأظهرت فرحك بده بلسانك وجوارحك ده يا سيدي بيسمى الشماتة المعلنة وكده يبقى إثم عليك
تالت حاجة صفي قلبك شوف الرسول صلى الله عليه وسلم قال ايه
قيل يا رسول الله أي الناس أفضل ؟
قال كل مخموم القلب صدوق اللسان .
قالوا صدوق اللسان نعرفه فما مخموم القلب قال التقي النقي الذي لا اثم فيه ولا غل ولا حسد " رواه ابن ماجه
رابع حاجة اذكر الله على طول
الذكر الكتير يعالج قلبك لو كنت انت الحاسد ويطهره ويحفظك لو كنت انت المحسود
فحاول انك تتعوذ بالله من شر الحاسد
خامس حاجة توكل على الله ومتخافش
فمن توكل على الله فهو حسبه
سادس حاجة متفكرش بمن حسدك وفرغ قلبك من التفكير وفكر بس في ربنا وقوته وعظمته وخلي محبتك لله تشغلك عن كل الامور
سابعا لا تلجأ الكهنة ولا العرافين أو الدجالين عليك بالرقية الشرعية وسورة البقرة
https://chat.whatsapp.com/FNbpaxOKepr6YFzq4xQHPe
*ولسه مكملين معاكم .......و(الحسد)*
*والحسد ياأحبة موجود في ناس كتير إلا ما رحم الله*
ناس كتير بتكره أنه غيرها يكون احسن منها أو اشطر منها أو اجمل منها
وتلاقي اللي الحسد يخليه يسعى لزوال النعمة عن اللي بيحسده .....بالظلم والبغي والافتراء عليه ويقول ده عمل كذا ..... وده قال كذا ...،،كله ظلم
طيب عمل كده ليه لانه بيحسده على النعمة اللي هو فيها ......فيفتري عليه علشان تروح منه النعمة
🕳️مثلا تلاقي أهل زوج يحسدوا الزوجة على حب ابنهم لها فيحاولو أنهم يوقعوا بينهم ربنا قال في كتابه"إنما يريد الشيطان أن يوقع بينكم العداوة والبغضاء"
فيعملو مشاكل وعداوات مع الزوجة المسكينه علشان يوقعوا بينهم فيطلقها أو يكرهها
🕳️أو مثلا شخص يعمل وقيعة بين زميله في العمل والمدير ليه⁉️
علشان مش عايزه يتفوق عليه في منصب أعلى أو مش عايز المدير يحبه أو كاره أنه احسن منه فعايز يسبب له مشكلة كل ده علشان هو حاسده وبيتمنى له زوال النعمة
🕳️وفي واحد حاسد تاني يسعى لإزالة النعمة عن المحسود بس مش شرط تيجي له هو
هو كفايه عليه أنه يشوفه تعيس أو من غير النعمة ديه ...،،اللي بيحسده عليها
🕳️ومن الحسد أيضا من يسعى لنقل النعمة له هو
عايز يطلق فلان من فلانه علشان يتجوزها هو
أو في الوظيفه ...،او في الشياكة مثلا ،،،،
فإبليس لما حسد سيدنا آدم لما رآه تفوق على الملائكة والله سبحانه خلقه بيده وأسجد له ملائكته وعلمه أسماء كل شيء وأسكنه في جواره فسعى إلى إخراجه من الجنة حتى خرج منها.....
🕳️شوفو النوع الخطير ده وركزوا فيه
في شكل تاني للحسد بيرجع للعداوة والمشاكل بينه وبين شخص آخر فتشتد العداوة بينهم لدرجة أن نفسه تتمنى زوال النعمة منه
وهذا نوع خطير للاسف يقع فيه الشخص المتدين
وده انحدار أخلاقي على فكره
ولازم المتدين يراجع نفسه وتستغفر لربنا من شعورك ده
👈 لذلك نهانا الرسول صلى الله علية وسلم عن الشماتة
👈ولهذا حرم الله المشي بالنميمة لما فيها من عداوة وبغضاء ورُخص الكذب للإصلاح بين الناس
🕳️في نوع تاني عايزين نوضحه
ممكن حد يتمنى زوال النعمة عن الظالم مثلا فالنعمة اللي عنده يستعين بها على ظلم العباد فهنا هو بيتمنى زوالها علشان الناس ترتاح من ظلمه وشره
وهذا النوع لا يسمى حسداً مذموماً
وإن كان تعريف الحسد يشمله .
أما عن النظرة
فالمقصود بها الأذى اللي جاي من الجن
بيقول لنا الكلام ده ابن القيم
(فالجن أيضا يصيب بالعين كإصابة انس)
وكان النبي صلى الله عليه وسلم يتعوذ من عين الجن و الانس لحد مانزلت المعوذتين أخذ بهما وترك كل ماسوى ذلك
وكان الحسن بن مسعود بيقول أن نظرة الجن أنفذ من أسنة الرماح
وجه في الحديث الاهتمام بانك تستر نفسك من نظر الجن
فقال لنا الرسول صلي الله عليه وسلم (ستر ما بين أعين الجن وعورات بني ادم اذا دخل الخلاء أن يقول بسم الله ) (صححه الألباني)
فالبسملة هنا تعمل حجاب بينك وبين عين الجن لعوراتك
وعن أم سلمة رضي الله عنها أن النبي صلى الله علية وسلم رأى في بيتها جارية في وجهها (سعفه )فقال استرقوا لها فإن بها نظرة "رواه البخاري
📎ومعنى السعفة : الصفرة يعني وجهها اصفر او مصفر زي ما بنقول
🍃وفي مرة النبي صلى الله علية وسلم قال لأسماء بنت عميس مالي أرى أجسام بني أخي ضارعة أو نحيفة –، قالت العين تسرع اليهم .
قال ارقيهم "
يعني أولاد ابن عمه جعفر. رواه مسلم
لكن احنا هنا بنتكلم عن( العين) مش النظرة
يعني عين الانس أنها بتصيب الاطفال بالنحافة الشديدة فوصاها النبي بالرقية
وفي آخر درس اليوم بنركز على حديث النبي صلى الله عليه وسلم لما حذرنا من الحسد
:"اياكم والحسد فإن الحسد يأكل الحسنات كما تأكل النارُ الحطب " رواه ابو داوود
(إنْ تَمْسَسْكُمْ حَسَنَةٌ تَسُؤْهُمْ وَإِنْ تُصِبْكُمْ سَيِّئَةٌ يَفْرَحُوا بِهَا)
Читать полностью…
https://chat.whatsapp.com/LbrE2kbsVZyLDxHsy8BuI1
2️⃣
إمام مسجد قريب مننا صلى الظهر في جماعة وكان بعد العصر تحت التراب،
واتنين من اللي اعرفهم معرفة قويه كانوا أصحاب اعمال خير كبيره توفاهم الله في خلال شهرين ورا بعض
علشان كده قالوا
(من عدّ غداً من أجله فقد أساء صحبة الموت.)
و النبي عليه الصلاة والسلام بيذكرنا:
*(( يهرم ابن آدم وتشب منه اثنتان الحرص على المال والحرص على العمر*))[ مسلم عن أبي هريرة ].
*علشان كده طول الأمل من أكبر الأخطار النفسية:*
شخص من معارفي اتكلمت معاه وكان بيحكي ليا
عن خطة حياته لمدة 20 سنه قادمة وكان هو مسافر في دولة عربية وبيقولي أن كل إجازة مش هرجع مصر في الصيف مره هسافر باريس وسنه التانيه هسافر ايطاليا واللي بعدها بريطانيا واللي بعدها امريكا المهم اني اشوف كل البلاد ومتاحفها وحدائقها وقالي بعد المعاش هستقر في تركيا وهفتح محل تحف وانتيكات وبعدها هيكون ولادي معايا وبنيت لهم عمارة لنا كلنا وانتهى اللقاء بينا وفي نهاية اليوم وصلني خبر وفاته الله يرحمه
وافتكرت وقتها
و الليل مهما طال فلا بد من طلوع الفجـر
والعمر مهما طال فلا بد من نزول القبــر
علشان كده ياأحبة
*القاعدة أن الموت بينهي كل شيء:*
الي معاه ملايين مملينة لن يأخذ معاه إلا الكفن وقماش رخيص جداً،
والذي يعاني من مشكلة مهما كانت الموت هيحل المشكلة،
الموت ينهي كل شيء، ينهي قوة القوي، وضعف الضعيف، ينهي غنى الغني ، وفقر الفقير، ينهي صحة الصحيح، ومرض المريض، ينهي وسامة الوسيم، ودمامة الدميم، ينهي كل شيء،
علشان كده نبينا محمد صلى الله عليه وسلم قال عنه
*((أكثروا من ذكر هادم اللذات فإنه لم يذكره أحد في ضيق من العيش إلا وسعه عليه، ولا ذكره في سعة إلا ضيقها عليه))*
كان سيدنا عمر بن عبد العزيز يجمع كل ليلة الفقهاء، ويفتكروا الموت، والقيامة، والآخرة، ثم يبكون حتى كأن عندهم جنازة.
علشان كده العاقل من أعدّ لساعة الفراق و أكثر من ذكر الموت
(( في امرأة اشتكت إلى عائشة رضي الله عنها قساوة قلبها ـ
يعني لما يقرأ الإنسان قرآن لا يبكي،
يسمع موعظة مؤثرة لا يبكي،
فقالت لها: أكثري ذكر الموت يرق قلبك، فعملت ما قالته لها فرق قلبها ))
معنى فلان قلبه رقيق يعني دمعته جاهزة،
يقرأ القرآن الكريم يبكي،
وهو في الصلاة يبكي،
لما يشعر بخشوع، ولما يدعو الله عز وجل يشعر بميل إلى الله،
ده معناها أن القلب حي،
أما لو مايشعر بحاجه خالص لا في صلاته، ولا في دعائه، ولا في قراءته، ولا في ذكره، ولا بعد خطبة،
ولا بعد درس علم نقول: قلبه قاس.
رجل سأل عالماً ما دواء قسوة القلب ؟
فأمره بعيادة المرضى، وتشييع الجنائز
احنا عارفين لما بيشيع جنازة، يوضع النعش على القبر ويرفع الغطاء،و يحمل الميت،و يوضع في القبر، وتوضع البلاطة، ويهال عليه التراب،
وهنا الملف انتهى إما إلى جنة ونعيمها أو إلى نار و عذابها.
*من عاش تقياً عاش قوياً:*
ياشباب يابنات عيشوا المستقبل ،
من لم تكن له بداية محرقة لم تكن له نهاية مشرقة،
أنت شاب الآن اطلب العلم، أطع ربك، احضر دروس العلم، اقرأ القرآن، اعمل الأعمال الصالحة اتقي الله في نظرك وسمعك وقلبك
*افتكروا من عاش تقياً عاش قوياً.*
كان أحد الصالحين بيقول
حفظنا جوارحنا في الصغر فحفظها الله علينا في الكبر
من عاش تقياً عاش قوياً.
من الحماقة الشديدة أن يذكر الموت عند شخص تعرفه وتستبعده عن نفسك،
يقول مسكين مات
كأنه هو مات لوحده ،
افتكر أنت مش هتموت ؟
سيدنا عمر يقول: كل يوم يقال مات فلان وفلان
*ولابدّ من يوم يقال فيه مات عمر.*
علشان كده ادخل المقابر شاهد المرضى في المستشفيات غسل الميت
فكر هتموت فين في البيت ولا المسجد ولا الجامعة ولا فين ياترى اولادي هيتنافسوا ولا هيتعاونوا
فكر كل يوم في الموت
شوف النبي عليه الصلاة والسلام قال:
(( أكثروا من ذكر هادم اللذات ))[أخرجه الترمذي والنسائي ].
مش مطلوب منك تبكي كل شوية لكن المطلوب منك تعرف انك عايش في الحياة ديه فترة وهتسيبها فأحسن عملك. فيها
وقديما قالو من أكثر من ذكر الموت أكرم بثلاثة أشياء،( تعجيل التوبة، وقناعة القلب، ونشاط العبادة،)
ومن نسي الموت عوجل بثلاثة أشياء تسويف التوبة، وترك الرضا بالكفاف، والتكاسل بالعبادة.
https://chat.whatsapp.com/FNbpaxOKepr6YFzq4xQHPe
*انتبهوا ياسادة 4️⃣*
صلوا على نبينا محمد كده يا جماعة وشوفوا الجمال ده
المرأة لما تلد ينزل مع الجنين الخلاص بيسميه الأطباء بالمشيمة
*في المشيمة ديه آيات لا تستطيع إلا أن تخر لله ساجداً،*
ليه بقول الكلام ده?
السبب أن تجتمع فيها دورة دم الأم ودم الجنين ولا يختلطان معا، ازاي يعني؟
*بينهما غشاء سماه الأطباء (الغشاء العاقل)،*
الغشاء العاقل ده بيأخذ من دم الأم السكر يضعه في دم الجنين
يأخذ من دم الأم الأوكسجين يضعه في دم الجنين
قام بدور جهاز الهضم والتنفس،
ثم يأخذ من دم الأم الأنسولين يضعه في دم الجنين قام بدور البنكرياس
اصبح بدم الجنين أوكسجين، وهيدروجين، وأنسولين
يحترق السكر بالأوكسجين عن طريق الأنسولين فتولد طاقة بدرجة 37
بعد الاحتراق هناك فضلات ثاني أكسيد الكربون، غاز الفحم
الغشاء العاقل يأخذ ثاني أكسيد الكربون من دم الجنين يضعه في دم الأم
يأخذ الغشاء العاقل من دم الأم مناعتها، جميع اللقاحات التي اخذتها في صغرها حتى الولادة وحتى من الأمراض المناعية
*لكن سبحان الله*
*لو أن الأم تسممت بمادة غذائية معينة هذا السم لا ينتقل إلى دم الجنين،*
يد من؟
حكمة من؟
قدرة من؟
علم من؟
*شوفو الجمال ده كمان*
*لو كلفنا أطباء الأرض انهم يعرفوا كم يحتاج الجنين من مواد غذائية??*
زي مواد بروتينية، مواد سكرية، مواد دسمة، فيتامينات، معادن، أشباه معادن،
*مش هيعرفوا*
لكن الغشاء العاقل يعرف ما يحتاجه الجنين يعلم المواد، ويعلم النسب، وهذه النسب بتتغيير في كل ساعة، بحسب نمو الجنين.
فيعرف هذا الجنين ينقصه بوتاسيم مثلا فيبلغ أمه أنه يحتاج البوتاسيم؟
فالغشاء العاقل مهمته أن تشتهي الأم أكلة فيها بوتاسيوم فيوصله للجنين
وصدق الله تعالى حينما قال
*﴿ صُنْعَ اللَّهِ الَّذِي أَتْقَنَ كُلَّ شَيْءٍ ﴾*
( النمل: 88 )
*خلاصة كلامي*
المؤمن يشعر بحالة آمن في عقيدته يعني عارف انه مش هتظهر حقيقة تلغي وحي السماء أو تلغي كلام الله في أي زمن
المؤمن صاحب الفطرة السوية عارف ان الله فطرنا، جبلنا، برمجنا على منهجه، أمرك بالصدق فتلاقي نفسك تحب الصدق، أمرك بالأمانة تحب الأمانة، لذلك قال تعالى:﴿ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ أُولَئِكَ هُمُ الرَّاشِدُونَ (7) ﴾( سورة الحجرات )
*أكبر إنجاز أن نفسك ترتاح لمنهج الله، ترتاح لأوامر الله، تتألم لو فعلت شيئاً يخالف منهج الله*.
صاحب الفطرة السليمة عارف حقائق الإيمان، الأمر، النهي، افعل لا تفعل، الفرض، الحرام، الحلال، المباح،
*لذلك من هو أسعد الناس ؟*
اللي بيطيع ربه وبيتصالح مع نفسه
علشان كده (حقيقة الإيمان الشخص متوافق مع نفسه، أما الكفر متنافر مع نفسه ومع ربه )
*حياة المؤمن مستقرة لأن مولاه الله* عز وجل:﴿ ذَلِكَ بِأَنَّ اللَّهَ مَوْلَى الَّذِينَ آمَنُوا وَأَنَّ الْكَافِرِينَ لَا مَوْلَى لَهُمْ (11) ﴾
*يجوا الأشرار يقنعوك أنه مفيش إله للكون لكن لما يحصل لك مشكلة او تقع في خطر تلاقي نفسك محتاج إلى جهة تلتجئ إليها ،جهة تعتمد عليها* ،
*مفيش عندك*
طيب ركز كده:*﴿ ذَلِكَ بِأَنَّ اللَّهَ مَوْلَى الَّذِينَ آمَنُوا وَأَنَّ الْكَافِرِينَ لَا مَوْلَى لَهُمْ* (11) ﴾سورة محمد
زي واحد راكب سيارة حديثة جداً وماشي في طريق كله تكسير ورمل وطوب فلما تترك الطريق المكسر ده وتروح للطريق الممهد هترتاح جدا هتقول ايوه هو ده الطريق اللي مفروض تمشي عليه العربية
*يبقى المؤمن مستقر علشان بيطبق منهج الله*
واحد دخل إلى ملهى ليلي عجبته الراقصة تزوجها، بعد كده جاله 100 اتصال من الزباين ،مقدرش يتحمل طردها لكنه حنّ إليها، وطلب يرجع لها فطلبت منه مبلغ فلكي علشان ترجع له ولما خدت الفلوس سابته، ولقاها رافعة عليه قضية تطالبة بالمهر والقايمة اللي خدتهم قبل كده لقى نفسه معهوش فلوس فراح لها وإلى أمها أطلق عليهم الرصاص، وأطلق على نفسه الرصاص، لكنهم لم يموتا بل مات هو.
*دمر نفسه، لأنه مشى غلط، أما أنت مؤمن تطبق منهج رسول الله:* (( فَاظْفَرْ بِذَاتِ الدِّينِ تَرِبَتْ يَدَاكَ )) [ متفق عليه ]
تأخذ بنت الحلال من عيلة محترمة عارفه ربنا تخاف الله تحفظك إذا غبت عنها*﴿ *أَفَمَنْ كَانَ مُؤْمِنًا كَمَنْ كَانَ فَاسِقًا لَا يَسْتَوُونَ* (18) ﴾*السجدة
https://chat.whatsapp.com/LbrE2kbsVZyLDxHsy8BuI1
*انتبهوا يا سادة 2️⃣*
الناس اللي طالعة من تحت الأرض ديه وبتشكك في السنة النبوية
وتقولك احنا مؤمنين بالقرآن بس
طيب انتم فين من
قوله تعالى(*وَأَطِيعُوا اللَّهَ وَأَطِيعُوا الرَّسُولَ وَاحْذَرُوا فَإِنْ تَوَلَّيْتُمْ فَاعْلَمُوا أَنَّمَا عَلَى رَسُولِنَا الْبَلَاغُ الْمُبِينُ* ) المائدة /92.
هتقولو ان في معلومات في السنة مش موجوده في القرآن
طيب هو مش مكفيكم ان ربنا قال *(مَنْ يُطِعِ الرَّسُولَ فَقَدْ أَطَاعَ اللَّهَ")* النساء 80
والآية الثانية بتقول
(*"فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا")*
وده فيها تحذير واضح وصريح عن مخالفة أوامر النبي صلى الله عليه وسلم
*كل الآيات كلها تدل على حجية السنة وان مفهاش غش ولاتدليس*
*وكل حججهم واهيةو اضعف من البعوضة*
🔴 *وعلى ذكر البعوضة تعالو نستمتع شويه ونشوف ونستمتع بجمال القرآن الكريم*
ونشوف( صنع الله الذي اتقن كل شىء)النمل 88
🔴قال تعالى *( إِنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا﴾* (سورة البقرة الآية : 26)*
طبعا مفيش مخلوق هين عندنا زي البعوضة
والمعنى ده اشار إليه النبي عليه الصلاة والسلام لما قال :*(( لَوْ كَانَتْ الدُّنْيَا تَعْدِلُ عِنْدَ اللَّهِ جَنَاحَ بَعُوضَةٍ مَا سَقَى كَافِرًا مِنْهَا شَرْبَةَ مَاءٍ )*)[ الترمذي ]
*صلوا على النبي محمد وركزوا معايا واستمتعوا*
وضعوا البعوضه تحت المجهر الإلكتروني اللي بيكبر الاشياء 400 الف مرة كده، شافوا ان في راسها 100عين، وفي صدرها 3 قلوب قلب مركزي وقلب لكل جناح .
وفي كل قلب أذينان وبطينان ، واكتشفوا أن البعوضة تملك جهاز لا تملكه الطائرات
تملك جهاز استقبال حراري ،بتشوف الأشياء بالحرارة اللي تطلع منها، وجهازها الحراري حساس جدا
ووجدوا أن البعوضة عندها جهاز لتحليل الدم ومش أي دم يناسبها بدليل أخوين يناموا على سرير واحد تقرص واحد وتسيب الثاني ،
*ليه بقى حضرتك*?
*صلوا على نبينا محمد علشان اقولكم المعلومة العجيبة ديه*?
،علشان عندها جهاز تحليل دم و جهاز تاني تمييع للدم ،
فلما تلاقي انسان دمه لزج وسمج مش هيمشي في خرطومها
فتعمل ايه?
تميع الدم علشان يقدر يمشي في خرطومها
لا ده كمان معاها جهاز تخدير تخدرك وانت نايم علشان متعرفش تموتها وهي بتمص دمك واحنا بنكتشف امتى بعد ماتكون خلاص وصلت لسماء الغرفة
ده كمان في خرطومها 6 سكاكين
4 سكاكين منهم لإحداث جرح مربع ، 2 سكين على شكل أنبوبة لامتصاص الدم ،
على فكرة كلامي ده بحث كامل اتقدم بالصور كمان وتقدر تشوفوه على النت عادي
والعجيب لما تقرأ قوله تعالى:﴿ إِنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا ﴾ *فَأَمَّا الَّذِينَ آمَنُوا فَيَعْلَمُونَ أَنَّهُ الْحَقُّ مِنْ رَبِّهِمْ وَأَمَّا الَّذِينَ كَفَرُوا فَيَقُولُونَ مَاذَا أَرَادَ اللَّهُ بِهَذَا مَثَلًا*﴾[ سورة البقرة الآية : 26]
فالله يعلم رد الفعل على هذه الآية القرآنية العجيبة .....وإن في مشككين
علشان كده قال في الآية أن المؤمنين هيعلموا أن ايه البعوضه ديه حق لأنها من كلام خالق البشر
لكن الكافرين هيقولو ماذا اراد الله بهذا مثلا
وبنقول للمشككين في السنة احنا عندنا علم مش كلام
ده احنا عندنا *علم الجرح والتعديل* الذي دون تاريخ رواة السنة جرحا وتعديلا ،
وعندنا *وعلم مصطلح الحديث* اللي وضع أصول واضحة لتميز الحديث الصحيح من الحديث الضعيف، مثل اشتراط عدالة الرواة واتصال السند وسلامته من الشذوذ ومن الاضطراب.
خدوا بالكم هدفي من الكتابة ان يزداد ايمانا بالله وناخد بالنا من أولادنا ونناقشهم في الامور ديه
علشان زي ماقلت لكم كثر دعاوي الالحاد وخصوصا بين الأولاد والبنات
لاتنسوا الدعاء ان يعصم الله ابنائنا من الفتن ما ظهر منها ومابطن
https://chat.whatsapp.com/LbrE2kbsVZyLDxHsy8BuI1
*انتبهوا يا سادة* 1️⃣
صحينا من النوم على خبر ان في ناس اجتمعت على التشكيك في القرآن والسنة
الناس ديه مش هنذكر اسمها ولا هنذكر موقعهم على النت علشان منكونش في سبب ان حد من ضعاف الايمان يدخل عندهم ويقنعوه بأرائهم الباطلة
المهم بقى بعد مانصلي على نبينا محمد
*(الفكر المعوج لا بد ان يقابل بالفكر السليم )*
*طيب هنعمل ايه بقى معاهم الناس دول؟*
بسيطة بإذن الله هنستعين بالله اكتر وهنجتهد اكتر
*وهنبدا في سلسلة مهمة لتقوية الإيمان بالله*
وخصوصا لشبابنا وبناتنا اللي كثر فيه الإلحاد ولاحول ولاقوة إلا بالله
*وديه هدفي للأباء والأمهات انهم يناقشوا كلامي ده مع أولادهم كويس ويرسخوه في عقولهم بإذن الله*
مع العلم أن فيه ناس بتعبد ربنا بفطرتها السليمة وهي بتكون مرتاحة في حياتها ومتوازنه كمان برغم هم مدورش على ادلة على وجود الله مثلا زي ماقلنا
هي بتعبد الله بفطرتها السوية
*لكن لما الانسان يعبد الله بدون أدلة قوية*
هتكون عبادة هشة مش هيقدر يقف أمام الشهوات والشبهات على الدين اللي كثرت في مواقع الانترنت
*فاللي معندهوش ادلة قوية مناعته هتكون ضعيفة ومش هيقدر يقاوم الضغوط والشهوات*
*وانا عايزاكم تنتبهوا أيها الاباء والأمهات*
العصر بتاعنا ده صعب
فيه فتن رهيبة
*ولازم تساعدوا اولادكم وتقدموا لهم الأدلة القوية علشان يعبدوا ربنا على بصيرة وبالدليل الصحيح*
*في البداية لازم تركزوا في القاعدة ديه
*( حينما تعرف الآمر(الله) ، وتعرف الأمر(المطلوب تنفيذه)) تتفانى في طاعة الآمر ،*
*( أما حينما لا تعرف الآمر ، وتعرف الأمر)*
* هتتفنن في التفلت من هذا الأمر*
*فيحصل ايه تفتكروا؟؟⁉️*
يحصل إلحاد كتير وخصوصا بين الشباب
يحصل تشكيك في القرآن
يحصل تشكيك في السنة الصحيحة…
يحصل تشكيك في كتب السنة المعتمدة زي البخاري ….
*طيب هدفي ايه في بداية السلسلة ديه؟*
*عايزاك تعرف ربنا بالدليل*
علشان لما تعرفه هتحبه ولما تحبه هتطيعه بمنتهى السلاسة
وكمان علشان توصل ده لولادك *اللي هو ده هدفي الاساسي من الكتابة*
لان كثر الإلحاد بين شباب وبنات الجامعة واهلهم مش عارفين
*أول حاجة لازم تعرفها (أصل الدين معرفة الله)*
يعني مثلا تعالو ندردش مع بعض
🔴في الأرض تلاقوا ضياء وانعكاس اشعة الشمس لكن لما بنتجاوز الغلاف الجوي تنعدم ظاهرة الضوء ديه
في اول رحلة للقمر رائد الفضاء بعد أن تجاوز طبقة الهواء التي يبلغ سمكها ٦٥ ألف كيلو متر صاح بأعلى صوته:
لقد أصبحنا عمياناً، لماذا؟
لانه لما تجاوز طبقة الهواء، لم يعد هناك انتثار ضوء،
صار ظلام دامس،
🔴نفتح القرآن الكريم فنقرأ قوله تعالى:
﴿ وَلَوْ فَتَحْنَا عَلَيْهِمْ بَابًا مِنْ السَّمَاءِ فَظَلُّوا فِيهِ يَعْرُجُونَ، لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَسْحُورُونَ ﴾[ سورة الحجر:14-15 ]
*معنى ده ايه* ؟
*الحقيقة اللي اتكلمت عنها اكتشفت* امتى* ؟*
قبل ٢٠ سنة تقريبا
*طيب القرآن الكريم تكلم عنها امتى ؟*
قبل ١٤٠٠ سنة
*الله اكبر*
*فالخلاصة هنا ايه طيب ؟*
( الذي خلق الأكوان هو الذي أنزل هذا القرآن)
اللي للاسف بيتشكك فيه اصحاب الفكر المعوج
*نقول دليل كمان*
*طيب صلوا على نبينا محمد*
وكالة فضاء ناسا عرضت صورة محدش يشك فيها لثانية واحدة أنها وردة جورية، (لها أوراق حمراء ، ووريقات خضراء، وكأس أزرق في الوسط
و كتب تحت الصورة:
(صورة انفجار نجم اسمه عين القط، يبعد عنا ٣٠٠ سنة ضوئية)
، *🔴لو فتحنا القرآن الكريم:*
﴿ فَإِذَا انْشَقَّتِ السَّمَاءُ فَكَانَتْ وَرْدَةً كَالدِّهَانِ * فَبِأَيِّ آلَاءِ رَبِّكُمَا تُكَذِّبَانِ ﴾
[ سورة الرحمن: 37-38 ]
*ملخص الكلام ياأحبة*
*( أن الذي خلق الأكوان هو الذي أنزل هذا القرآن.)*
وبكره ان شاء الله نكمل السلسلة للدفاع عن دين الله
انا بعمل اللي اقدر عليه في سبيل الله
انتم كمان تعالو معايا في نفس الطريق
*وبلغوا اولادكم بالأدلة*
علشان يتمسكوا بدينهم وميفرطوش فيه
نسأل الله ان يثبتنا على دينه إلى أن نلقاه
https://chat.whatsapp.com/LbrE2kbsVZyLDxHsy8BuI1
*صلوا على الحبيب*
*عليه افضل الصلاة والسلام*
*ولسه بنكمل ايه هي علامات حسن الخاتمة??*
نسأل الله ذلك
*[3] الموت برشح الجبين (بعرق الجبين):*
وسمعوا حديث النبي صلى الله عليه وسلم
*المؤمنَ يموتُ بعَرَقِ الجبينِ* صححه الألباني في صحيح الترمذي
أي أنه عندما يحضره الموت يعرق جبينه
وقيل معناها: أنها من البشرى بحسن الخاتمة.
وقيل أنها من الحياء لما رأى من كرم الله.
وقيل أنها علامة خاصة و لم يعرف معناها.
لما احتضر شيخ ابن الجوزي قيل له أوصنا، قال:
تقوى الله – مراقبته في الخلوة
وقال عشت 63 سنة ولم أشعر بأني عشت شيء
وقال لأصحابه هل جبيني يعرق قالو نعم ?
قال الحمد لله أنها علامة المؤمنين ثم بسط يده عند الموت
وقال: ها قد مددت يدي إليك فتقبلني بفضلك يا أرحم الراحمين
.
https://chat.whatsapp.com/LbrE2kbsVZyLDxHsy8BuI1
*يأخي اصبر .....ياأختي اصبري شويه*
هتقولوا لا معندناش صبر
*عارفين ايه اللي بيخلينا معندناش صبر ؟؟؟*
1⃣ *الاستعجال* ان احنا دايما مستعجلين
"خُلِقَ الإِنسَانُ مِنْ عَجَلٍ" الانبياء:37
ايوه ديه طبيعه بشرية
لكن لازم نتعلم الصبر
"فَاصْبِرْ كَمَا صَبَرَ أُوْلُوا الْعَزْمِ مِنَ الرُّسُلِ" الأحقاق :35.
ناس كثير محققتش نجاح في حياتها وجوازها وشغلها لانها مصبرتش
2⃣ *انك تكون عصبي او شخصية* *غضوبه* ده بيمنع من الصبر
فاكرين لما خرج سيدنا يونس مغاضباً قومه فابتلاه الله بالحوت،
فتعلم الصبر في بطن الحوت
"فَاصْبِرْ لِحُكْمِ رَبِّكَ وَلا تَكُن كَصَاحِبِ الْحُوتِ" القلم :48..
ولولا أنه كان من المسبّحين للبث في بطنه إلى يوم يبعثون ،
*علشان كده كثرة التسبيح تديك الصبر*
ده غير أن العبادة في وقت الرخاء تجيب لك الفرج وقت الشدة،
تعرف إلى الله في الرخاء يعرفك في الشدة،
*ايه كمان من اسباب عدم الصبر*
3⃣ *اليأس*
ولذلك حذر يعقوب أولاده منه
"يَا بَنِيَّ اذْهَبُواْ فَتَحَسَّسُواْ مِن يُوسُفَ وَأَخِيهِ وَلاَ تَيْأَسُواْ مِن رَّوْحِ اللَّهِ " يوسف:87 "
*ومن اهم اسباب تساعدكم على الصبر غير التسبيح الكتير*
⬅️ *ان احنا نسمع قصص الصالحين والانبياء* وعملو ايه وقت الازمات والشدة
⚡️ يعني إبراهيم عليه الصلاة والسلام لما ألقي في النار قال: "حسبي الله ونعم الوكيل"،
وحتى لما أُمِر بذبح ولده صبر وهمّ بذبح الولد ، وأخذ السكين وأضطجع الولد استسلاماً لأمر الله، فصبر.
👈 إبراهيم عليه السلام لما أُمِر بترك ولده وهو لسه مولود ، وقد كان عقيماً ، لحد ماكان سيدنا ابراهيم شيخ عجوز جدا ربنا رزقه بإسماعيل
وجاله الامر وقتها بترك ابنه وزوجته
في وادٍ غير ذي زرع في مكان صحراء
*حد فينا يقدر على الشعور ده يكون بقاله فترة منتظر الولد واول مايجي يسيبه في الصحراء*
*لكن سيدنا ابراهيم مشي ولم يلتفت*
*ولم يتحسر*
ولم يتردد ،
حتى قالت هاجر: لمن تتركنا؟ آلله أمرك بهذا؟
قال: نعم،
فرجع للشام ورزقه الله من سارة بإسحاق ومن ورائه يعقوب.
👈⬅️ وسيدنا موسى واجه التهديد والإيذاء من قومه وقوم فرعون ، فصبر
.والنبي صلى الله عليه وسلم قال لما تذكر أخيه موسى:
{ يرحم الله موسى قد أوذي بأكثر من هذا فصبر}.
👈⬅️وعيسى عليه السلام عانى من بني إسرائيل من التهم الباطلة،
تآمروا على قتله وصلبه وصبر حتى رفعه الله إليه.
ففروا الى الله🌹
https://chat.whatsapp.com/GSuvFCBL8Tt4BKxq5c9XTf
*عايزين نحفظ كل يوم حديث صحيح وقصير وسهل* *للنبي صلى الله عليه وسلم*
نستفيد منه ونطبقه كمان ونبلغه لغيرنا
*اقرئوا في صندوق الوصف فوق خالص.اللي جنب اسم الجروب ايه الهدف من حفظ احاديث النبي صلى الله عليه وسلم*
https://chat.whatsapp.com/L3Dfw0iess2BRkmG0S7awe
*انتم عارفين ايه اللي يخلي القلب يمرض؟؟*
*في حاجات كتير اوي بنعملها بتؤدي لفساد القلب*
أولها : (الغفلة) عن ذكر الله انك بتنسى الذكر
وثانيها: ( التمني) طول الوقت قلبك عايش في الامنيات والاحلام نفسك تعمل كذا نفسك تشتري كذا
هو ده اللي شاغلك
وثالثها : المعاصي وكثرة الذنوب :
خدوا بالكم من الحقيقة ديه ( للحسنة نورا في القلب ، وقوة في البدن ، وضياء في الوجه ، وسعة في الرزق ومحبة في قلوب الخلق ، السيئة لظلمة في القلب ، وسوادا في الوجه ، ووهنا في البدن ، ونقصا في الرزق ، وبغضا في قلوب الخلق ) .
وكثرة المعاصي بتعمل الران على القلب بتخليه يصدي
( كلا بل ران على قلوبهم ما كانوا يكسبون) الران هو الذنب على الذنب حتى يصبح القلب اعمى ويبقى القلب مظلم ميشفش نور ربنا ولا يعرف الهداية
ابن المبارك قال:
* رأيت الذنوب تميت القلوب * وقد يـورث الذل إدمانها
ورابع حاجة تمرض القلب : الحسد :
الحسود كاره نعمة ربنا على عباده
تلاقيه بيتمنى زوال النعمة بقلبه عنك
والشخص الذي قال عليه النبي صلى الله عليه وسلم أنه من أهل الجنة
كان صفتة الرئيسية ان في نفسه مفيهاش حقد ولاحسد ابدا على أي حد
وخامسها : (اللغو والكلام الحرام) والكذب والغيبة والنميمة
قال رسول الله : ( لا تكثروا الحديث بغير ذكر الله فإن كثرة الكلام بغير ذكر الله قسوة للقلب وإن أبعد الناس عن الله القلب القاسي ) رواه الترمذي
سادسهما ،الشهوات الخفية زي الرياء وحب الظهور وحب المدح وحب الانتقام .....
https://chat.whatsapp.com/LbrE2kbsVZyLDxHsy8BuI1
🔴 #علامات_سوء_الخاتمة 🔴2️⃣
فاكرين اخر جزء اخدناه عن سوء الخاتمة و ازاي كان الصالحين شاغلهم الأمر ده جدا
⚡وابن رجب قال كلام مخيف ركزوا فيه كده
( الموت خذل كثير من الناس ..... مثلاً يصاب بمرض فيجعله المرض إما يقنط من رحمة الله –
أو يكتب وصية ظالمة – أو يكفر – أو يعترض – أو يسخط)
فيموت على حاجة منهم تغضب ربنا عليه..... فهو ده معنى سوء الخاتمة ....
فيغلب على قلبه شك أو جحود أو عدم رضا وهو ده معنى سوء الخاتمة عنده
أما الشيخ حسن صديق فقال رأي تاني قريب من الأول
قال ممكن يغلب على قلب الإنسان وقت احتضاره أمر من امور الدنيا أو شهوة من شهواتها فيفتكرها وقت موته زي مثلا واحد مفتون بالغناء فيفتكر الاغاني وينسى التسبيح والقرآن عند موته
وطبعا ده خطر جدا
لماذا؟
▫️ لأن الإنسان بيموت على ما عاش عليه ....
تحب العلم اكتر حاجه تموت عليه....
تحب الغناء اكتر حاجة تموت عليه
تحب القرآن يختم لك به
تحب الصيام تموت وانت صايم
علشان كده فكر كده وشوف ايه اكتر حاجة شغلاك في الدنيا ....ونايم وقايم عليها
▫️ وكمان لازم تعرف حاجة خطيرة
أن العمر الطويل في المعاصي له أثر طبعا عند الموت.
▫️.طيب هي اسباب سوء الخاتمة ؟❗
1⃣ اول حاجة فساد الاعتقاد:
يعني اللي هتفسد عقيدته يموت على سوء خاتمة
زي مثلا التعلق بالبدع
والإقبال على الدنيا وإهمال الآخرة
الاعتقاد بالاسماء والصفات ما يخالف حقيقتها
الاعتماد على العقل والرأي دون النظر لكلام الله سبحانه
شرك المحبة وشرك الخوف ودول نبقى نشرحهم في مكان تاني
كل اللي ذكرته في خطر لان عقيدته فاسدة أو فيها دخن وشبهات
طيب يبقى لازم تصحح اعتقادك تؤمن بالله واسمائه وصفاته ولا تستغيث بغير الله ولانعتمد إلا على الله ولاتدعوا غير الله .
📌وهقولك على بعض أمثلة للعقيدة الفاسدة:
الدعاء لغير الله
والنذر لغير الله ....
والذبح لغير الله يخاف من العين والحسد فيدبح للأولياء واﻷسياد
.ونكمل باقي الأسباب المرة الجايه لأن الموضوع ده مهم
قال تعالى: ( وآجعلنا للمتقين إمامًا )
ليس شرطا أن تكون
إماما في المحراب .. !!
يمكن أن تكون
إماما في التسامح والمحبة والبسمة الطيبة......
إماما في البر..
إماما في الصبر..
إماما في صلة الرحم..
إماما في محبة الخير...وخدمة عباد الله....
إماما في تربية أبنائك وبناتك....
إماما في حسن الخلق مع جيرانك...ومع خلق الله .
إماما في آستثمار الوقت....
هنيئا لمن جعله الله كذلك... وحبب عباده فيه.....🌹
https://chat.whatsapp.com/FNbpaxOKepr6YFzq4xQHPe
*خلاص ياحبايب عرفنا معنى الحسد والفرق بينه وبين الغبطة*
*طيب تعالو النهارده نتكلم عن معنى العين والنظرة وايه الفرق بينهم ؟*
العين هي إصابة الأشياء بعين الحاسد يعني فلان نظر لفلان في جسمه في شغله في سعادته في جوازته
وده اللي بنسميه بالحسد
لكن الصح هو عين
والرسول صلى الله عليه وسلم قال لو كان شيء سابق القدر لسبقته العين( رواه مسلم)
وكان النبي صلى الله عليه وسلم يأمر العائن اللي أصاب الناس بعينه أنه يتوضأ ثم يغتسل منه المعين اللي هو مصاب بالعين
خدوا بالكم .....وركزوا معايا
ممكن تصيب نفسك بعينك أو تصيب ولادك أو تصيب حد بتحبه بعينك فاكر المثل مايحسد المال ألا اصحابه
فمجرد انفعالك بالنعمة اللي عند غيرك واستكتارها على نفسك ده حتى لو كنت انت اللي تمتلك النعمة وانفعلت ممكن تصيب نفسك بالضرر لو مذكرتش الله وبركت على نفسك أو غيرك
يعني لما تشوف حاجه تعجبك عن نفسك وغيرك قول اللهم بارك على طول
*لكن الحسد دايما يكون للغير* لنعمة في ايد غيرك وكمان بيصاحبها حقد وكراهيه ...
لكن العين ممكن تصيب نفسك... وممكن ميكونش عندك حقد ....
*وابن القيم قال كلام جميل اوي عن انواع العين*
١/عين معجبة بتعجب بالنعمة جدا لدرجة أنك تفسدها لو مبركتش عليها
(ولولا إذ دخلت جنتك قلت ماشاءالله لاقوة إلا بالله إن ترن أنا اقل منك مالا وولادا)
٢/عين حاسدة وديه اللي بتخرج من العائن الحاسد واللي عنده صفات وحشه في قلبه عنده غيره حقد حسد غل ده ممكن يؤثر فيك طبعا بس ممكن كمان هو مش عارف أنه حاسد ومش قاصد يحسد هو بس علشان عنده امراض قلبيه فتلاقيه بيصيب بعينه
٣/عين قاتلة وديه أشد انواع العين تأثير والعياذ بالله ديه ممكن تموت وديه صاحبها قاصد انه يصيب بعينه الشخص اللي أمامه بسوء
وديه اللي قال عنها النبي صلى الله عليه وسلم
(علام يقتل أحدكم أخاه هلا إذا رأيت ما يعجبك بركت) (مسند احمد)
وهذا معناه ان العين ربما تقتل فعلا.
عن عائشة أم المؤمنين رضى الله عنها قالت
" كان إذا اشتكى رسول الله صلى الله علية وسلم رقاه جبريل قال باسم الله يبريك ومن كل داء يشفيك ومن شر حاسدٍ إذا حسد وشرِ كل ذي عين
رواه البخاري
https://chat.whatsapp.com/FNbpaxOKepr6YFzq4xQHPe
يا اهلا وسهلا بكم جميعا
وبنكمل في موضوع الحسد
*ولازم نوضح الفرق بينه وبين الغبطة و العين والنظرة والمنافسة علشان احيانا بنلغبط بينهم*
الغبطة هي الحسد المحمود يعني انك تتمنى ان تكون في نفس النعمة زي اللي ادامك من غير ما تتمنى زوال النعمة عنه زي الحسد
*بس خد بالك ده في الفضائل الدينية مش في أمور الدنيا*
في ناس بتقولي لما بشوف شقه غيري اجمل واوسع اقول في نفسي يارب اكون زيه ومش بتمنى له زوال النعمة الحاجه اللي عنده كده كويس
ارد عليك واقولك بلاش ✖️✖️✖️
ديه مش غبطة ولا حاجه
فلو ده في أمور الدنيا فهي مفيهاش خير لك فربنا لم يجمع لأحد كل النعم الدنيوية فممكن يعطيك المال وتحرم من الولد وممكن يعطيك الصحة والمال وتحرم السعادة وراحة البال .....وهكذا
علشان كده اللي اتحرم من بعض النعم مفروض عليه لا ينظر للي انعم الله به على غيره علشان قلبه ميتغيرش ويصيبه اليأس على حاله أو حقد على غيره .....
*يعني ايه*
يعني ركز في قوله تعالى
"وﻻ تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَىٰ بَعْضٍ ۚ " النساء 32
وافتكروا كلام رسول الله صلى الله عليه وسلم " انظروا إلي من هو أسفل منكم و لا تنظروا إلي من فوقكم فهو أجدر أن لا تزدروا نعمة الله عليكم "
رواه مسلم
فانت لما تبص للي أسفل منك يعني اقل منك في الدنيا وتشوف أحوالهم ده هخليك تشكر نعمة ربنا عليك اكتر
*يعني فهمنا ان الغبطة ايه كده؟*
*انك تتمنى انك تكون زي غيرك في أمور الدين بس مش الدنيا*
نفسك تكون زيه في حفظه للقرآن ، في كثرة صلاته ، كثرة تسبيحه وذكره لله، في أعماله للخير .......في أخلاقه الطيبه ......وفي نفس الوقت لما تشوفه كده تبرك ؟
يعني تقول اللهم بارك
أو ماشاءالله اللهم بارك وديه الافصل
هكلمكم في درس اليوم عن الحسد
وهو أشكاله كتيره
١/ اما ان تتمنى زوال نعمة ربنا عن غيرك سواء كان مال عنده أو سمعة كويسه أو علم عنده
٢/ أو بتكره النعمة اللي على غيرك وتتمنى أنها تيجي لك انت يسيب شغله وتاخده انت بداله أو يسيب شقته الحلوة وانت تاخدها أو.......
٣/أو حتى تكره النعمة اللي عندك غيرك حتى لو مجتش لك بس انت مضايق أنه كويس أو مضايق أنه محبوب أو مضايق أنه مشهور أو مضايق أن حظه احسن من حظك في جوازته أو أولاده ......
٤/وكمان الحسود يتمنى أن الجميع مرضى لو كان هو اللي مريض أو الكل يتمنى لهم الفقر لو هو فقير. فهو بيتمنى للناس الشقاء اللي هو عايشه وكاره أن في حد يكون احسن منه
٥/ومن اشكال الحسد كمان أنه يفرح لزوال النعمة على غيره يفرح لطلاق فلانه أو يفرح لخراب بيت فلان وفقره أو يفرح لفشل اولاد فلان ده غير كمان بيصاب بحزن شديد لحصول غيره على ترقية أو زواج او نجاح أو حصوله على اي منفعة
وربنا سبحانه قال
*مؤسسة المصري للتنمية واعمال الخير*
*رقم ٧٥٥٣ بتاريخ ٢١ ديسمبر ٢٠٢٣*
فودافون كاش *الزكاة* :
01010496870
فودافون كاش *اطعام* :
01009711424
فودافون كاش *صدقة ومساعدة الحالات الفقيرة*
01017168835
المؤسسين د علي سمير ☀️ د مروه حنفي
https://chat.whatsapp.com/LbrE2kbsVZyLDxHsy8BuI1
1️⃣
موضوع النهارده متعلق بالخوف،
ورأس الحكمة مخافة الله عز وجل
افتكروا الحديث القدسي (ولا أجمع على عبدي أمنين وخوفين، إن أمنني في الدنيا أخفته يوم القيامة، وإن خافني في الدنيا أمنته يوم القيامة.)
انتم عارفين حقيقة الموت كفكرة مقبولة، كل مخلوق يموت، و لا يبقى إلا ذو العزة و الجبروت
كفكرة سهلة جدا احنا متقبلين الموت لكن إن احنا نعيش فيه ده يخلع القلب
يعني مثلا لو انت عايش في جو درجة حرارته 50 درجة وتبقى لابس لبس خفيف وتسافر فجأة لأستراليا مثلا وتلاقي الدرجة 15 تحت الصفر مثلا وانت بلبسك الخفيف ده مش هتتحمل اصلا من فجأة البرودة
يعني من كلامي ده الفكرة حاجة والواقع حاجة تانيه خالص
،كلنا بنقول هنموت لكن لو حد قريب جدا جدا مننا مات الأمر هنا مختلف
عارفين ذكر الموت ده لجام للنفس البعيدة عن الله عز وجل
علشان كده لو نفسك عنيدة على طاعة الله
وتدفعك لشيء يغضب ربنا هنا الجمها بفكرة الموت
((أكثِرُوا ذكرَ هادِمِ اللذَّاتِ . يعني : الموتَ))
[أخرجه الترمذي والنسائي عن أبي هريرة ]
(( عش ما شئت فإنك ميت، ))
[ صحيح الجامع الالباني ]
(سئل النبي : فأيُّ المؤمنينَ أَكْيَسُ ؟ قالَ : أَكْثرُهُم للمَوتِ ذِكْرًا ، وأحسنُهُم لما بعدَهُ استِعدادًا ، أولئِكَ الأَكْياسُ)(صحيح ابن ماجة)
اكيس أكثرهم عقلا وفطنة
فلما نفسك تعاند الطاعة وتكون محب للدنيا
ولما تؤثر الدنيا على الله
ولما تؤثر سهرة لا ترضي الله على مجلس علم،
لما تؤثر دخل حرام او فيه شبهة على دخل قليل حلال
وقتها افتكرت الموت فهو احسن وسيلة تظبط بها نفسك
يعني ممكن تكون عادي بتدخل تصلي في المسجد برجلك ماشي عادي
لكن فكرت بس بشكل جاد وحقيقي انك في يوم هتدخل في المسجد بس في نعش المرة ديه محمول على الاعناق علشان يصلوا عليك الصلاة الاخيرة
حقيقة الموت لازم نستحضرها كتير ومننسهاش
وطبعا محدش يقول أنا شاب ولسه صغير
الموت ميعرفش عمر ولا يعرف صحة والمرض ولاغني ولافقير
كان في شيخ صالح بيزور قبره كل خميس وينزل فيه ويقرأ قرآن فيه ويتلو قوله تعالى:
﴿ رَبِّ ارْجِعُونِ (99) لَعَلِّي أَعْمَلُ صَالِحًا فِيمَا تَرَكْتُ ﴾
(سورة المؤمنون).
ويقول لنفسه قومي لقد أرجعناك.
https://chat.whatsapp.com/FNbpaxOKepr6YFzq4xQHPe
انتبهوا يا سادة 3️⃣
وعلشان الموضوع زاد عن حده عند الناس اللي ماتتسمى
واللي بيقولوا ان القرآن لا يصلح لزمنا ده
*طيب صلوا بينا على النبي محمد صلى الله عليه وسلم*
*وعلشان تشوفو معايا عظمة القرآن وأنه يتسع لكل التطورات*
هديكم مثال عجيب
*قال تعالى :﴿وَالسَّمَاءِ ذَاتِ الرَّجْعِ ( الطارق 11) ﴾*
في عصر قديم اتفهمت الآية ديه أن البحار تتبخر ويصعد بخار الماء ده إلى السماء ويرجع على شكل مطر *وده المعنى الآول(والسماء ذات الرجع)*
ولما تقدم العلم شويه اصبح كل البث التلفزيوني و الإذاعي أو الموجات الكهرطيسية لما تطلع إلى الفضاء والأثير الخارجي طبقة الأثير تردها وترجع تاني إلى الأرض *وده المعنى التاني: ﴿ وَالسَّمَاءِ ذَاتِ الرَّجْعِ ﴾*
وتقدم العلم اكتر ظهر أن الكون كله كواكب ونجوم متحركة ومش ثابتة، وعلشان في توازن حركي في الكون فكل نجم يدور حول نجم تاني بمسار مغلق ويرجع إلى مكان انطلاقه الأول ، *وده المعنى الثالث ،وكلهم يفسروا بالسماء ذات الرجع*
علشان كده صياغة القرآن لأنها من عند الواحد الديان فهي تستوعب كل الاحتمالات القادمة
وصدق الله تعالى لما قال (سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ ﴾[فصلت : 53 ]
واحنا بس الوقتي كل مانشوف اكتشاف علمي جديد نقول ايوه ده عندنا في القرآن لكن للاسف احنا مقصرين
لذلك مرة في عالم مصري حينما قرأ الآية الكريمة : *﴿ فَارْتَدَّ بَصِيرًا ))(96)* سورة يوسف ﴾
فجاء بقميص وحلله العرق اللي فيه و ظهر فيه 64 مادة
هذه المواد وضعها على عدسة مصابة بالبياض( يعني المياه الزرقاء )،
ففي مادة واحدة منها اسمها البولين أعادت الزرقه شفافة ،
وهم حاليا عايزين يصنعوا قطرة من هذا الاكتشاف المستنبط
من هذه الآية ،
لكن نحن قصرنا في كشف حقائق الكون من خلال آيات القرآن الكريم ،
*وفعلا كما يقول رب العالمين سنريهم آياتنا في الآفاق*
انت حاليا جالس في احدث طائرة ومقاعد فخمة واكل وشرب
ولما تفتح القرآن الكريم : *وتقرأ﴿ وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً وَيَخْلُقُ مَا لَا تَعْلَمُونَ (8) النحل*
تقول سبحان الله ويخلق ما لا تعلمون اصبح الوقتي الطائرات وبكره هنشوف حاجات احدث تنقلنا من مكان لمكان
وسبحان الله ويخلق ما لاتعلمون
فكل الدلائل على عظمة الله لا تعد ولا تحصى ولو تفكرنا فيها لسجدنا لله سبحانه
*سبحان الله لو سافرنا إلى فنلندا، و الحرارة 76 درجة تحت الصفر*
طبعا كل حاجة هناك بتتجمد علشان كده لابسين معاطف صوف وقفازات *لكن هل هيقدروا يغطوا عيونهم عشان الماء اللي فيها ميتجمدش*
لا
*سبحان الله ربنا أودع في ماء العين مادة مضادة للتجمد،*
وانتم عارفين ان الماء بيتجمد عند درجة 4 تحت الصفر مثلا
لكن برغم 76 تحت الصفر ماء العين لاتتجمد
صنع من؟
حكمة من؟
قدرة من؟
يبقى الخلاصة اللي نزل القرآن هو خالق الأكوان
https://chat.whatsapp.com/LbrE2kbsVZyLDxHsy8BuI1
*انتبهوا يا سادة* 1️⃣
صحينا من النوم على خبر ان في ناس اجتمعت على التشكيك في القرآن والسنة
الناس ديه مش هنذكر اسمها ولا هنذكر موقعهم على النت علشان منكونش في سبب ان حد من ضعاف الايمان يدخل عندهم ويقنعوه بأرائهم الباطلة
المهم بقى بعد مانصلي على نبينا محمد
*(الفكر المعوج لا بد ان يقابل بالفكر السليم )*
*طيب هنعمل ايه بقى معاهم الناس دول؟*
بسيطة بإذن الله هنستعين بالله اكتر وهنجتهد اكتر
*وهنبدا في سلسلة مهمة لتقوية الإيمان بالله*
وخصوصا لشبابنا وبناتنا اللي كثر فيه الإلحاد ولاحول ولاقوة إلا بالله
*وديه هدفي للأباء والأمهات انهم يناقشوا كلامي ده مع أولادهم كويس ويرسخوه في عقولهم بإذن الله*
مع العلم أن فيه ناس بتعبد ربنا بفطرتها السليمة وهي بتكون مرتاحة في حياتها ومتوازنه كمان برغم هم مدورش على ادلة على وجود الله مثلا زي ماقلنا
هي بتعبد الله بفطرتها السوية
*لكن لما الانسان يعبد الله بدون أدلة قوية*
هتكون عبادة هشة مش هيقدر يقف أمام الشهوات والشبهات على الدين اللي كثرت في مواقع الانترنت
*فاللي معندهوش ادلة قوية مناعته هتكون ضعيفة ومش هيقدر يقاوم الضغوط والشهوات*
*وانا عايزاكم تنتبهوا أيها الاباء والأمهات*
العصر بتاعنا ده صعب
فيه فتن رهيبة
*ولازم تساعدوا اولادكم وتقدموا لهم الأدلة القوية علشان يعبدوا ربنا على بصيرة وبالدليل الصحيح*
*في البداية لازم تركزوا في القاعدة ديه
*( حينما تعرف الآمر(الله) ، وتعرف الأمر(المطلوب تنفيذه)) تتفانى في طاعة الآمر ،*
*( أما حينما لا تعرف الآمر ، وتعرف الأمر)*
* هتتفنن في التفلت من هذا الأمر*
*فيحصل ايه تفتكروا؟؟⁉️*
يحصل إلحاد كتير وخصوصا بين الشباب
يحصل تشكيك في القرآن
يحصل تشكيك في السنة الصحيحة…
يحصل تشكيك في كتب السنة المعتمدة زي البخاري ….
*طيب هدفي ايه في بداية السلسلة ديه؟*
*عايزاك تعرف ربنا بالدليل*
علشان لما تعرفه هتحبه ولما تحبه هتطيعه بمنتهى السلاسة
وكمان علشان توصل ده لولادك *اللي هو ده هدفي الاساسي من الكتابة*
لان كثر الإلحاد بين شباب وبنات الجامعة واهلهم مش عارفين
*أول حاجة لازم تعرفها (أصل الدين معرفة الله)*
يعني مثلا تعالو ندردش مع بعض
🔴في الأرض تلاقوا ضياء وانعكاس اشعة الشمس لكن لما بنتجاوز الغلاف الجوي تنعدم ظاهرة الضوء ديه
في اول رحلة للقمر رائد الفضاء بعد أن تجاوز طبقة الهواء التي يبلغ سمكها ٦٥ ألف كيلو متر صاح بأعلى صوته:
لقد أصبحنا عمياناً، لماذا؟
لانه لما تجاوز طبقة الهواء، لم يعد هناك انتثار ضوء،
صار ظلام دامس،
🔴نفتح القرآن الكريم فنقرأ قوله تعالى:
﴿ وَلَوْ فَتَحْنَا عَلَيْهِمْ بَابًا مِنْ السَّمَاءِ فَظَلُّوا فِيهِ يَعْرُجُونَ، لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَسْحُورُونَ ﴾[ سورة الحجر:14-15 ]
*معنى ده ايه* ؟
*الحقيقة اللي اتكلمت عنها اكتشفت* امتى* ؟*
قبل ٢٠ سنة تقريبا
*طيب القرآن الكريم تكلم عنها امتى ؟*
قبل ١٤٠٠ سنة
*الله اكبر*
*فالخلاصة هنا ايه طيب ؟*
( الذي خلق الأكوان هو الذي أنزل هذا القرآن)
اللي للاسف بيتشكك فيه اصحاب الفكر المعوج
*نقول دليل كمان*
*طيب صلوا على نبينا محمد*
وكالة فضاء ناسا عرضت صورة محدش يشك فيها لثانية واحدة أنها وردة جورية، (لها أوراق حمراء ، ووريقات خضراء، وكأس أزرق في الوسط
و كتب تحت الصورة:
(صورة انفجار نجم اسمه عين القط، يبعد عنا ٣٠٠ سنة ضوئية)
، *🔴لو فتحنا القرآن الكريم:*
﴿ فَإِذَا انْشَقَّتِ السَّمَاءُ فَكَانَتْ وَرْدَةً كَالدِّهَانِ * فَبِأَيِّ آلَاءِ رَبِّكُمَا تُكَذِّبَانِ ﴾
[ سورة الرحمن: 37-38 ]
*ملخص الكلام ياأحبة*
*( أن الذي خلق الأكوان هو الذي أنزل هذا القرآن.)*
وبكره ان شاء الله نكمل السلسلة للدفاع عن دين الله
انا بعمل اللي اقدر عليه في سبيل الله
انتم كمان تعالو معايا في نفس الطريق
*وبلغوا اولادكم بالأدلة*
علشان يتمسكوا بدينهم وميفرطوش فيه
نسأل الله ان يثبتنا على دينه إلى أن نلقاه
https://chat.whatsapp.com/LbrE2kbsVZyLDxHsy8BuI1
*صلوا على الحبيب*
*عليه افضل الصلاة والسلام*
*ولسه بنكمل ايه هي علامات حسن الخاتمة*
*[4] الموت تحت الهدم:*
قال رسول الله صلى الله عليه وسلم
*(والذي يموت تحت الهدم شهيد)*
رواه مالك وهو صحيح
ونركز شويه في الكلام اللي هقوله حالا
*والشهداء ثلاثة أقسام:*
*اللي مات في الحرب*
له حكم الشهداء لا يغسل ولا يصلى عليه
ويكفن في ثوبه
وهوشهيد دنيا وآخرة.
النوع التاني من الشهداء زي اللي قالو لنا النبي محمد (المبطون – الغريق – الحريق ..) ده يغسل ويصلى عليه وهو شهيد آخرة فقط يعني ياخد درجة الشهادة في الاخرة
النوع التالت هو مات في الحرب لكن عمل اعمال مخالفة اسمها من غل (الخيانة – سرقة مال .. اخد حاجه مش من حقه)
له حكم الشهداء في الدنيا يعني لايغسل ولا يصلى عليه وليس له ثواب كامل في الآخرة.
قال رسول الله صلى الله عليه وسلم: (أمتي أمة مرحومة لا عذاب عليها في الآخرة) (السلسلة الصحيح للألباني) يعني ايه الكلام ده
يعني ان ربنا جعل الصبر في الدنيا. على (القتل والزلازل والفتن .....) وان من رحمته ملهمش عذاب في الاخرة كفاية عذاب الدنيا اللي شافوه
وجه الحافظ بن حجر قال وممكن كمان المعنى انهم لو اتعذبو في الاخرة فترة لكن اخرهم دخول الجنة مش هيكونوا مخلدين في النار
#قنوات_د_مروة_حنفي _على_التليجرام
👇👇
1️⃣ *قناة فنون التعامل مع الناس وفنون الدعوة إلى الله*
/channel/FaferoDaeiat
🌺🌺🌺🌺🌺🌺
2⃣ *قناة الصوتيات*
/channel/FaferoAudioLessons
🌺🌺🌺🌺🌺🌺
3⃣ *قناة ففروا إلى الله دروس المسجد*
/channel/faferoelaallah
🌺🌺🌺🌺🌺🌺
4️⃣ *قناة دروسي للداعيات والدعاة*
https://t.me/joinchat/AAAAAEbHpGXVeTnXrV8zLw
🌺🌺🌺🌺🌺
5⃣ *جروب الواتس اب* 1️⃣
https://chat.whatsapp.com/G5GCrE6vSLq7V2bCDujGeJ
*جروب الواتس اب,* 2️⃣
https://chat.whatsapp.com/L3Dfw0iess2BRkmG0S7awe
🌺🌺🌺🌺🌺🌺
جروب الواتس اب 3⃣
https://chat.whatsapp.com/LbrE2kbsVZyLDxHsy8BuI1
6⃣ *قناة حلقات للبنات والأولاد*
/channel/DroosLelBanatWalAwlad
قنواتي وقف لله خذوا منها ماشئتم ولاتهتموا بوضع رابط قنواتي
*فضلا انشروها وجزاكم الله خيرا*
https://chat.whatsapp.com/LbrE2kbsVZyLDxHsy8BuI1
*ليه بتصر انك تعصيه؟؟؟*
عارفين الآية اللي بتقول(قُلْ مَتَاعُ الدُّنْيَا قَلِيلٌ وَالْآخِرَةُ خَيْرٌ لِّمَنِ اتَّقَىٰ وَلَا تُظْلَمُونَ فَتِيلًا)النساء
والله ياجماعة متاع الدنيا ده زايل
هتاخد عربيتك دى للقبر؟
هتاخد بيتك القبر؟
هتاخد رصيدك فى البنك القبر ؟
اعمل للآخرة بقى
فوووق فوووقى
يالا متفوتوش ركعة سنة متضيعش التسبيح والقرآن
ابعد عن المعاصي
تخيل كده لونمت مثلا عن الفجر وملحفتش سنته انك ضيعت خير كبير زي مااقولك مثلا ضيعت قصر منك
يااااه هتندم قد إيه
تعرفوا ’’ بنت اوناسيس ‘‘ ده اغنى أغنياء العالم في فتره من الزمن ده معاه أموال لو أتوزعت على فقراء العالم هتكفيهم وتفيض دى تعادل ميزانيات دول
عارفين بنته أتجوزت أربع أزواج كل واحد كانت بتدور معاه على السعادة
منهم واحد شيوعي راحت شقته كانت بتمسحله البلاط وتغسله المواعين وتطبخله وتكنسله بتدور على السعادة يمكن تلاقيها
وفى الأخر ماتت منتحرة لما يئست إن في سعادة في الدنيا
تعرفوا ’’ مارلين مونرو‘‘
مين فينا مين فى مصر مين فى الدنيا يوصل للشهره الى هيه وصلتلها فى العالم وبعد كده فى الأخر بنت بعتتلها قالتها أنا نفسي أبقى زيك
وبعتتلها ’’ مارلين مونرو ‘‘ ورقه لغاية دلوقتى عاينينها فى المتحف البريطاني ترد عليها
قالتها أنا أتعس امرأة في العالم أوعى تدخلي الطريق ده
*علشان كده متغترش بالدنيا*
دنيا إيه بس منا قلتلك إنها سراب *"يَحْسَبُهُ الظَمْآنُ مَاءاً"* النور:39
بنحسبها ميه لغاية متتطلع روحنا وراها ونموت عطشانين بردو
قال تعالى "* أَفَرَأَيْت إِنْ مَتَّعْنَاهُمْ سِنِينَ* " الشعراء :205
افرأيت افرأيتى افرأيتم افرأينا إن متعناهم سنيين لو مسكت كل الموبيلات
ولو ركبت كل العربيات
ولو سكنت أحسن البيوت
ومشيت مع كل البنات
وطلعت كل الرحلات
وحصلت كل المراكز
وبقى عندوكوا شركات وارصده فى البنوك
وعشت حياتك كلها بالطول والعرض
وسمع كل الاغانى وبصيت على كل الي نفسك فيه
وقلت كل اللي نفسك فيه
ولبست اللي نفسك فيه
وركبت اللي نفسك فيه
*أَفَرَأَيْتَ إِنْ مَتَّعْنَاهُمْ سِنِينَ ثُمَّ* *جَاءَهُمْ مَا كَانُوا يُوعَدُونَ* "الشعراء :205
جالهم عذاب القبر
وجالهم عذاب القيامة
وجالهم العقوبة على معصية كانو بيعملوها
معصية في النار ياااااااه "مَا أَغْنَى عَنْهُمْ مَا كَانُوا يُمَتَّعُونَ "الشعراء:206
خلاص ها يستفيد إيه
قال صلى الله عليه وسلم ’’ ياتى بأنعم أهل الدنيا على يوم القيامة فيغمس غمسه فى النار فيقول له الله تعالى : هل رأيت نعيم قط ؟؟؟؟
فيقول لا والله مارايت نعيم قط .
وياتى بأتعس أهل الدنيا فيغمس غمسه فى الجنة فيقول له الله تعالى : هل رأيت شقاء قط
فيقول لا والله‘‘
غمسة بس عارف لما تجيب حتة بسكوت تنزلها فى كباية شاي وتطلعها في ثانيه كده هيه دى الغمسه
تخيل انعم أهل الدنيا اكتر واحد أتمتع بنساء وعربيات ولبس وراحة وكل نعيم الدنيا غمسه نسته كل ده
وعلى العكس أتعس أهل الدنيا يغمس غمسه بردو بس فى الجنة خلاص هينسى الأيام إلى كان بيلحس فيها التراب من الجوع و البرد اللي قطع جسمه
ومش لاقى حاجه تحميه من النوم على رصيف الشارع
بغمسه فى نعيم الجنة نسى كل الشقاء ده
ليه فى أيدك تاخد كل النعيم ده وتقول لا
وتصر على انك تعصيه
https://whatsapp.com/channel/0029VaQXv34BFLgSJaM0Lv2p
ده رابط قناتي على الواتس اب
لحفظ احاديث قصيرة وصحيحة
د، مروه حنفي
📌أحكام مختصرة في شهر شعبان🌙
👈🏻فــــوائد ودرر العلماء 👇🏻👇🏻
/channel/addlist/7hIGazLbrGphMmQ0
📌ماذا كان يصنع السلف في شعبان⁉️
👈🏻 تابــــع معنـا هنــــــــا👇🏻👇🏻
/channel/addlist/7hIGazLbrGphMmQ0
💥الـواجـب عـلـى الـمـسـلـم يـسـأل الـلـه أن يـبـلـغـه رمـضـان، وأن يـعـيـنـه عـلى صـيـامـه وقـيـامـه والـعـمـل فـيـه، لأنـه فـرصـة فـي حيـاة الـمـسـلـم
