15693
تجدون هنا كل ماهو جديد في عالم الشعر .. فصاحة .. نبط .. خواطر.. {{اتشرف بالجميع}} ○•°[ اهلاً وسَهلا بِكگم ]°•○ 👇ملتقى القنوات الهادفة 👇 @thamar11
لاتبدي الشكوى على كل رجال
ماكل رجلن للحمل يرتكي له
خلك على ماقيل للحمل شيال
من لا يشيل الحمل واعتزي له
وليا بغيت الراي من روس عقال
انشد عن اللي للمواقف دليله
خلف قطنان الرطبه
ياكم واحد، ماتنتبه له ليا مريت
وهو شخص،لو يحلف على الله لــ أبره
وياكم واحد،له منصب وله مقام وصيت
وهو عند ربي..مايساوي وزن ذره
صدك عن المخطي من عيال عمك
تراه طيبٍ منك ماهو رخامــه
خله وراك وكلمته لاتهمك
دربك شمال ورافقتك السلامه
الناس لو تعطي لهم ربع همك
مانت متريح لين يوم القيامه
تشري شقاك ويرتفع ضغط دمك
وتعيش مابين العتب والندامه
اهتمّ بعيالك.. وبابوك ..وامك
وباقي الخلايق لاتشيل اهتمامه
مايزعل من اقاربه غير الضعيف
ولا الوفي يرفى خمال اقاربه
من دونهم ياقف كما الضلع المنيف
ويفتل لمن يفتل عليهم شاربه
الذيب ما يرضى مع الناس قيده
والقرم ما يرضى المهونه بدنياه!
والطير لا ثارت بواريد صيده
يكفخ و يترك عش فرخه و مرباه
ماله ضمان العمر والموت غدار
كل يوم ياخذ له من الناس غالي
حسبي على الدنيا وحظي والاقدار
ما فيه منهم شيء واحد صفالي
:: سطام بن سلمان
صباح الرضاء والحمد والذكر والتسبيح
صباح النفوس السامية والجناب الزين
أوصّل تحياتي مع كل نسمة ريح
عسى الله يجمّلنا ونوفي مع الوافين
عبدالله أبو عيون
طال صبري والرجاء في كريم يستجيب
لا دعاه العبد في حاجةٍ ياهونها
ماحسبنا لليالي تجيب اللي تجيب
دام ربّ البيت متصرّفٍ في شونها
عبدالله أبو عيون
يا قابض الأرواح لا تقبض الروح
" الا وانا في مسجد الله ساجد "
راضي ومرضي ومتسامح ومسموح
والناس تدعي لي بوسط المساجد
يـاذيب يـااللي راقـيٍ راس مـلموم
فـي عـالي الـمرقاب صـوتك تجرّه
حاديك من وقتك تصاريف وعلوم
وقـتٍ عـسىٰ الـمولىٰ يكافيك شرّه
الـحـر مـايـاقع عـلـى مـاكـر الـبـوم
والـنـاس تـعـرف كـل طـير ومـقرّه
هـذاك فـي عـالي طـويلٍ ومـزموم
وهــذاه فــي هـضبه وتـلعه وحـرّه
عايض_بن_عبيد
يوم اتذكـر واذكـر الناس الاخيّـار
واذكـر منازلـهم ودمعـي يفيضـي
مجـالـسً كـانـت علـى بـن وبـهـار
فيها الكـرامه والشحـم مايغيضي
يقلط بها الطرقي ويقلط بها المار
مـن قبل لاتصبح دمـار ونقيضـي
واليوم ماتلـقـى بهـا شـبـة الـنـار
هـذا رحـل عنهـا وهـذا مـريضـي
شريف_العضياني
ياطيب بعض الناس ياناس طيباه
لياعضته بعض النوايب جحدها
مايشتكي للناس وضعه وماجاه
يصبر على عسر الليال ونكدها
مشكاه لله خالق الكون مولاه
علام ماب الكون محصي عددها
يرفع لرب الكون وضعه و شكواه
في سجدته لامن ركع ثم سجدها
مشعل_فهد_ابن_موطان
جيت وتركت الدار وعيالي صغار
اطرد ورى رزقي برجليّ وايديّ
عزيز نفس وعايشٍ مثل الأحرار
ومشقلب الرجلين هذي على ذيّ
نايف_اباالعون
يادار وين اللي يصلُّون اﻷسحار
اللي بركعات الضحى عامرينك
.
راحوا وحنا اللي بقينا على الدار
و ﻻ بدنا مع دربهم هاجرينك
.
بدر_الحويفي رحمه الله
يا متعب نفســـه من همــوم دنياه
دنـــياك ما تســـتاهل اللي تسـويه
الماضي اللي راح من عمرك انساه
واللي بقى مجهــول لا تنشغل فيه
سلامتك يا طويق يا شامخ الراس
.. يــا عــز دار المملكــه يا ذرانــا
طهور ما صابك وما جاك لا بـاس
.. يا من ملكة بقلــب شعبك مكانا
الهاب_بدر
التذكير اليومي بالتقويم الهجري
(#يوم_الثلاثاء )
١- #درر_من_الشعر
٢- #سؤال_وجواب
٣ - #باقي_على_رمضان
🌸#تصاميم_البيت_السعيد🌸
👌للاشتراك @thamar1
🗓 قناة التقويم الهجري 🗓
👈للاشتراك👌 @aItaqWem
ياجفن لا تبكي على ماضيِ فات
الدمع مارجّع على الحي ميته
ياعين ماينفعك كثر الحسافات
ولا عاد ينفع قول ياليت ليته
أليا ذكرت أنه مع العسر يسرا
رفعت يدي للذي يذهب الباس
مادام رب الناس بالحال أدرا
وشلي أدور فزعتن من ورا الناس
مصير الزمان يدور وظروفنا تحتال
وتبين الحقايق لو يسولف بها الراوي
وانا ماملا عيني من الناس كود اقلال
دروس التجارب علمتني من اخاوي
عرفت ان ماكل الرجاجيل صدق ارجال
لو لهم لحى واشناب والطول متساوي
كبار المواقف لاحضرت تظهر الرجّال
"تبيّن ضعيف القوم وتبيّن القاوي"
سطام
يازين الخوي اللي يدلك لفعل الخير
يخاف الله ويمشي على الشرع والسنه
:
يحثك على الصلاة ويذكرك تذكير
كثر ما هو يحبك يبي تدخل الجنه
:: سطام بن سلمان
اسجد وقل يآرب مآخآب راجيك
وآبشر بتحقيق الرجآ والآمآني
بعض المداهيل تثربي و تبكيني
وأنا جزوعٍ من الفرقا ولا أداني
٠
لاتذخرين الدموع الزرق ياعيني
على منازل مواليفي و حباني/
بيت على العمدان مطوي ومنضود
مــن الهبــايـب منـدفــن بـالذواري
قفى زمــانــه كل شـيٍ لـه احــدود
لو شيـدوه اليــوم عنـــد الجــداري
ماحـلاه في روضٍ مكرّب ومشـدود
وفـي رفتـه للضيـف ظـل إوقــاري
حسين_بن_هندي
لا تمدحون الحي في فعل الأموت
مادام ما للحي فعل ٍ تعده
،
ان ما مضى له فالملازيم وقفات
ما يرفعه مفعول خاله وجده
،
أحيان بالوحدة وناسه عن الناس
لاصـار مافـيهم لـقـربك ونـاسـه
تأخذ بها مع خلوة النفس مجلاس
وتبـعـد بها عن كل راعي حسـاسه
بأرضٍ خلاء ماعند راسك ولا راس
نـارك وبــرّادٍ مـخــدّر و كـاســه
تسوى قصوراللي كنوزه بالألماس
وتسوى مجـالس ناقلين البلاسـه
عبدالله_الحراب
قوي العزايم ما يهمه كلام الناس
يسوق الطموح لغايته لين يدركها
خليل_بن_هدلان