15693
تجدون هنا كل ماهو جديد في عالم الشعر .. فصاحة .. نبط .. خواطر.. {{اتشرف بالجميع}} ○•°[ اهلاً وسَهلا بِكگم ]°•○ 👇ملتقى القنوات الهادفة 👇 @thamar11
يالله يا رافع سماك ارتفاعي
- قصيدة قويه بدون موسيقى"
والله والله أيمان مكررة
ثلاثة عن يمينٍ بعد ثانيها
لو أن في صخرة صمَّا ململَمة
في البحر راسية مُلس نواحيها
رزقا لعبد براها الله لانفلقت
حتى تؤدي إليه كل ما فيها
أو كان فوق طباق السبع مسلكها
لسهّل الله في المرقى مَراقيها
حتى ينالَ الذي في اللوح خُطّ له
فإن أتته وإلا سوف يأتيها
خير الكلام اللي منزه عن العيب
فيه الشفا من عند رب الخلايق
المنهل الصافي قراح المشاريب
بلسم دواء للًي جريحً وضايق
من يهجره يشكي جروحً معاطيب
ودربه عسر مظلم وكله عوايق
رجا_العازمي
أمطري على قبر اللي وجعني غيابه
ياعسى ذيك الملامح تسكن الجنه
ياقبر جعل المزن لامَر يسقيك
ياللي حضنت أغلى البشر في عُيوني
اللي خَذاه الموت ماني بناسيه
الفقد مُوجع والقدَر راضين فيه
سمعت لي كلمة مدري وش اقصاها
حزت بنفسي وانا ماني بهارجها
،
لوكل كلمه لياجتنا طردناها
بعناالثمينه بسعرٍ مايخارجها
عبدالله بن زويبن رحمه الله
أحيان بالوحدة وناسه عن الناس
لاصـار مافـيهم لـقـربك ونـاسـه
تأخذ بها مع خلوة النفس مجلاس
وتبـعـد بها عن كل راعي حسـاسه
بأرضٍ خلاء ماعند راسك ولا راس
نـارك وبــرّادٍ مـخــدّر و كـاســه
تسوى قصوراللي كنوزه بالألماس
وتسوى مجـالس ناقلين البلاسـه
عبدالله
الذيب لامنه عوا عالي الحيد
يجاوبه من يسمعه من ذيابه
وانارفعت الصوت واقول واعيد
وحدك ولارفقة خوي النشابه
خطو المهبل تفتخر بالمناقيد
لاتتخذ منهم لراسك عصابه
رافق قوي العزم من غيرتحديد
ينفعك لو مايملك إلا ثيابه
ابوخالد
يالله برزقٍ ماحسبنا له حساب
يكفي حوايجنا ويرهي علينا
تفتح لنا من يمتك للغنى باب
ونكون لك دايم من الشاكرينا
والله ان الادمي طول عمره في صراع
والحضيض يعيش جهده لـ ربّه ساخره
*ياإلهي سجدتي لك خضوع وارتفاع*
*الخضوع لهيبتك كنزي اللي ذاخره*
*والضياع اللي يسمونه العالم ضياع*
*غفلة الانسان عن موعده فـ الآخره*/
ما للبيوت العامره طعم يا سعود
إذا خلت في يوم من حس شايـب
'
بيبانها طرما وجدرانها ســــــود
ويصفق درايشها قوي الهبايـــب
'
في كل ركن لحزنها اثبات وشهود
على فراق مهونين الصعايــــــب
'
كانوا هنا وكان السعد ماله حـدود
وكان الرضا يملا قلوب الحبايــب
'
سالم العبيدي
بسم رحمن رحيم نعبده و نستعينه
بالنوايا نيته تبطل حقايق كل نية
بالربوبية و بالشان العظيم موحدينه
الرقيب المطلع فالبينات و في الخفيّة
لا مفرٍ من قضاه و لا هروب من يقينه
و لا حماية للحصون إلا حمايته القويّه
سعد_بن_جدلان رحمه الله
احذر من الخبل لامنه تجرا
عند حده وقفه قبل يتمادى
.
لاتقول اصبـر عليه وباتـحرا
والخبل ماينفعه كثر المهادى
.
نشــقـه بــارود ردك لاتـذرا
خله يعاف التجري والمعادى
.
والرجل من شيمته لامن تعرا
والله انه للمجاـلس مايـنادا
.
تركي العريدي
حسابك الشخصي ترا مثل بيتك
لا تقلّط الا حامل المسك والطيب
-
اليا عنو لك غرهم طيب صيتك
اللي يعرفون العرب والمواجيب
-
ليتك ترفق ف الإضافات ليتك
لاتظيف غير اللي يذب المراقيب
-
ان كان تبغيني اظيفك فديتك
نظّف حسابك والخواطر بك تطيب
النايله
تحد اليال اصحابنا مثل حد الموس
وفي كل يوم وليل تظهر معادنها
تبين خويً فـ الشدايد يبى الناموس
و تظهر خويً خوته مايثمنها
تفكر ياراسي واعتبر والحياه ادروس
وخلك حذر و الناس لاعاد تامنها
السلمي
زدني عفاف وزهد يارب الارباب
ولا تكلني للحـــياه الرغيده
.
ألوذ بك وارجيك واخشاك وآهاب
يومٍ به الظالم يفتــش رصيده
.
رف بي وهب لي منك رحمه ياوهاب
لين آتجود في عراك الجويده
إن كان حظك ما فرش لك وغطاك
لا ترتجي من حظ غيرك يغطيك
ما دام رزقك كاتبه ربك يوم سواك
خلك صبور وقاسم الرزق يعطيك
منقول
ابا احذف من الجوال كم اسم مابه فود
يكلف على الجوال ياخذ مساحه منه
ليا صار مافالرجل نخوه وطيب وجود
ليا صرت طيّب طيب راسك يسدك عنه
عجاب_العقيلي
الله على السجه بروس المراقيب
روس الرجوم اللي غشتها السحابه
ماطبها الا جرة السيل والجيب
والا تسمع. الاصيدها والذيابه
الذيب لامنه عواء جاوبه ذيب
وقامت. تجر. اصواتها. كا الربابه
ماجد_النقريني
يافاقدين أحبابكم وش تسوون
لا مدت الذكرى الحزينة يديها
كيف نتجاوز حزننا ماتعرفون
بعض الطواري موجعة مانبيها
دايم على بال المواجع يمرون
مافيه ضحكة مالهم صوت فيها
ياليتهم عن ضيقة الفقد يدرون
ودروبهم وشلون دايم نجيها
من كثر ماصاروا على البال يطرون
حتى خطاياهم ولهنا عليها
'
يا ذيب حالك شين والحظ دهواك
وسط القليب الي طوالً متونه
يا ذيب لا تقنب ترا صاحبك جاك
دام القليب ل روق مالك مهونه
عيبً على الي يذبحك يوم يلقاك
طايح وتطلب من ضميره معونه
'
للرائع👇🏻
محمد الكسر
يالله ياللي ما خشى غير خوف منك خوف
لا شريك له بملكه ولا يعبد سواه
فيك تشخص البصاير ولك مد الكفوف
ياكريم يكرمون الأكارم من عطاه
عالم اللي ما أعلمه شايف اللي ما نشوف
خافي سره والأسرار ماهي بتخفاه
ولا جفانا القل واللي روابعهم ضعوف
جعل ربي ما يرينا لا غضبه ولا جفاه
جدلانيات ..
أنا اليا صليّت خمس الصلوات:
أشعر براحه وأنتعاش وسعاده:
يامدوّر اللذه وطعم المسرات
ترى السعاده في دروب العباده:
عبدالعزيز
دربٍ يوديك الخطأ وش تبي منه
ماهوب مفروضٍ عليك الخطأ فرض
غض البصر عمّا نهاك الولي عنه
للناس عرض ولك بعد مثلهم عرض
عبد العزيز الشهيل
لا ضاق فيك الدرب لا ترجع ورى
إصبر وغامر والعمر حظ ونصيب
.
أحدن لقى في مقبل أيامه ذرى
و أحدن رمى لكن عيا لا يصيب
فيحان_الصابري
انا أحب ذِكْر الذِّيب و الي يحب الذِّيب
على شانه أوفى من قِضبْ بالمقاضيبِي
.
ملك حيّز (ن) ما يملكه راعي التّرحيب
و لا يمـلكه من سار فالأرض بالطِّيبي
.
يحب الوفا و يعامل أهل الوفا بالطِّيب
لو إنّه خـلاوي فـي (طـويل المراقيبي)
.
الشاعر_عبدالله_غالب_الشلوي
اتغيشم في زماني وانا ماني غشيم
واسفه العوجا ماكني سمعت ازعاجها
.
ادري ان الموت الاحمر لياضاق الحليم
كم هروجً قاصرً دونـها هـراجها
.
والخطاء لاجاك من واحدٍ فكره سقيم
صدة النفس الكريمه تراه علاجها
.
واللجاجه بالمجالس تـراها للحريم
والرجال رجال في ثقـلها منهاجها
.
ابعدوني عن مزارق لحوم الغافلين
لا نويتو تجمعون الهروج الخايبه
-
بين قال وبين قيل و سوالف عابرين
والله ان نفسي عن مجالستكم طايبه
-
عازله نفسي عن الناس لو ابعد سنين
تاركه كثر المجامل وناسً عايبه
-
من زمن ذا الجيل لكن احب الأولين
ادري اِني يوم أعز القداما صايبه ✋🏻
ظروف اليالي مدرسه ماعليها اجدال
ولاغير رب العالمين 👈بيصرفها
محك الرجال الوقت واصل الرجال افعال
ظروف الزمن عن طبعها 👈ماتحرفها
ماصار المدح معيار في عالم الجوال
مسجات نسخ ولصق كل 👈يظرفها
لاصار عـقٰلـك بـالـزمــن مايقديّك
مـاتنفع عـيونك ولايفيد شـوفــك
.
ولاصرت ماتشرب مع الناس بيديك
محداً ترا يسقيك ويـبـل جوفك
ومـن لا لشوره في حياته يـبـديـّك
لاتـستشيره لــو تـزاحـم ظروفك
.
ولاتخيّب ضــن رجـلاً هــقـا فيك
معه تـجـمـّل واعـجـبـه في وقوفك
نـاصـر راكـي
عسى الله يحيي من نوانا بعلم زين
نرحب به وبيض النوايا ترحب به
هذا طبعنا واللي يبينا بعلمٍ شين
نحط الحطب من تحت رجليه ونشبه
ناصر ثويني