مُنهك

04 September 2022 15:17

لما جيت أقول لأ وكفاية لحد كان مستغلني وتاعبني فترة طويلة ، أول رد قالهولي أنا اتصدمت فيك أنا كُنت مفكرك طيب ، هي الطيبة من وجهة نظرك إني أسيبك تستغلني وتتعبني ؟ أنا لو جيت على نفسي مرة فعلشان ماتزعلش مني ، أو علشان المركب تمشي وبمشي حالي معاك ، لكن لو الطيبة إني أسيبك تستغلني طول العُمر وتتعبني فأنا مش طيب ولا عايز أبقا طيب .

مُنهك

28 August 2022 20:36

إيّاك تعدي حاجات انت مش حابب تعديها علشان بس حد بتحبه وهو مش واخد باله من دا ، علشان لو مش واخد باله إنك بتعدي علشانه يبقى هييجي وقت و تزهق و تبطل تعدي و وقتها هيشوفك إتغيرت و هيتقال عليك بقيت وحش !

مُنهك

18 August 2022 02:54

- كنت اهوّن على نفسي دائماً بأنه لابأس ان لم احصل على ماتمنيت يوماً ، لابأس ان خسرت للمره الألف فلا مانع لتكون هذه خسارتي الألف وواحد ، لكن هذه المره كنت أريد ماتمنيته كثيراً ، اكثر من اي وقت فات .

مُنهك

17 August 2022 02:53

مفيش أصعب من إنك تكون حزين لكن خافي حُزنك ومكمل ، شايل جواك وتعبان ونفسك ترتاح وبرضوا مكمل ، مُطالب منك تفضل صالب طولك ، وتبان قوي زي الجِبال ، لإن مفيش حلول قدامك واللي زيك ماينفعش ينهار .. وحقيقي مفيش أصعب من إن الناس كلها تشوفك كويس وحياتك كويسة وانت لا كويس ولا حياتك كويسة وأكتر واحد الدنيا مبهدلاه ..

مُنهك

12 August 2022 15:28

أستغربت نضجى وأنا بجاوب على سؤال "طب ليه محاولتيش معاه تانى" ..؟
لقيتنى برد "أنا عايزة واحد أنا وهو نكمل بعض مش نكمل على بعض ."
والحقيقة فعلاً أننا كل ما بنكبر أحتياجتنا المعنوية بتكون أكبر من المادية ومش بنهتم بالظواهر أطلاقاً ، أيماناً مننا أنى الـ material بتاعت الشخص هى المحتكمة فى قوة العلاقة ، وأنه مهما كان الأنسان مننا قوى محتاج للى يكون ركن حنين فى قسوة يومه وللى يحس وياه بالأمان وأنه مقبول فى كل حالاته ، وأنه يبقي أهم شخص فى حياة الطرف التانى زى ما هيخليه الشئ الأهم فى حياته .

مُنهك

09 August 2022 04:49

أتخطي أمرٌ ما منذ أشهُر.. أشهر أحاول أن أبدو ثابتة، وألا يظهر علي ملامحي آثار غضب أو خيبة، ابتسم هُنا وهُناك، أنسي أو أتناسي كأن شيئاً لمْ يكن،

ثم البارحة وقفت أنجز بعض الأشياء، مرّ أمامي ما قُلت أنني تجاوزته وما حسبت أنني قد اتخطاهُ بالتناسي إذ أنهُ أمامي مِن جديد، إذ أنني أبكي كما اليوم الأولُ تماماً،
نفس قبضه القلب، نفس الكلِمات الواقفة فِ الحلق.. نفس كُل شئْ.. بَكيت..
بَكيتُ بِحُرقة لأنني مازلت عالقة عند ذلك اليوم من أشهُر.

مُنهك

07 August 2022 02:15

ممكن أحبك في سنين وأكرهك في ثانية ، وزي
ما القلب مالهوش سلطان في الحب فملهوش سلطان برضوا في الكُره ، فمتراهنش على قوة تحملي ، ولا كرامتي ، وإياك تستخف بمشاعري أو تراهن على وجودي أنا قلبِتي وِحشة ..

مُنهك

04 August 2022 01:30

فجأة كدا هتحس بالضيقة والخنقة ونفسك هتتسد عن كُل حاجة حواليك ، عن الناس ومشاكلهم والروتين المُميت بتاع كل يوم .. وطاقتك هتخلص لا هيبقا فيك حيل تناهد مع حد ولا تضحك لا وتهزر ، مش عايز أكتر من إنك تكون في حالك وتبعد شوية عن الكل ..

مُنهك

31 August 2022 01:50

لكن محدش قالنا إن مرحلة العشرينات هتبقا صعبة كدا ، وإننا هنكون مضغوطين وتايهين مابين المسؤليات ، وإننا أصغر من الحمل دا ، ومابين نعيش حياتنا أو نبنيها ، محدش قالنا إن العشرينات دي أكتر مرحلة هيتسرق فيها عمرنا وهتضيع فيها أحلام كتير لينا ، وهيصعب علينا نفسنا ، وهنتبهدل بالمعنى الحرفي للكلمة .

مُنهك

19 August 2022 02:44

حد قالي مرة ماتندفعش وتدي كُل الحلو اللي فيك لحد لإن مفيش حد بيُشكر وفي الآخر هتُبقا عملت زي ماعملتش ، بتمُر الأيام والسنين وأنا متجاهل كلامه وبضَحي وبتنازل وبتمسِك وباجي على نفسي مرة واتنين وألف وفي النهاية أكتشفت إن من بين كل العلاقات والتجارب اللي دخلتها طلعت فعلاً عملت زي ماعملتش .

مُنهك

18 August 2022 02:39

محدش فينا بيحب يخسر حد كان عزيز عليه في يوم من الأيام ، لكن الأفعال هي السبب ولكل واحد فينا طاقة وقوة تحمُل ، فينا اللي بيعاتب ، وفينا اللي بيتجاوز وبيعدي الموضوع من غير عتاب وبيخلي حُزنه وحرقة دمه بينه وبين نفسه ، لكن تكرار الغلط مرة بعد مرة بيخلي الشخص دا يتقفل منك ، ويستخسر فيك العتاب ويشتري راحته ويقولك ألف سلامة ..

مُنهك

13 August 2022 01:13

وزي ما تقول شيرين " يهزمني هو مره وأبكي له وأقول ليه ليييه ، وفي عز بكاي أبتسم له وأبص له وأضحك علييييه "

مُنهك

10 August 2022 05:24

شُكرًا لكل سبب صغير أباح لنا البُكاء على أسبابنا الكبرى التي لم نبكها قبل.

مُنهك

08 August 2022 02:13

- كامل الحزن والأسى والأسف على نفسي التائهه وروحي وسائر جسدي .

مُنهك

05 August 2022 21:30

قرأت نص يقول"كلما كتم المرء أحزانه وراكمها ، كلما تحولت تدريجياً إلى ألم جسدي، تخيلوا مدى هشاشة المرء حين يظن أن الكتمان إنتصار بينما هو بالحقيقة أكبر هزيمة قد يرتكبها بحق نفسه"