قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

04 June 2025 19:22

هوسات  لشجاعة مسلم ع

تعاي اناشد  التاريخ  عن  يومه
وخليها عله زوده تسولف ابحومه
الكوفه  لبوطاهر   كتبت  علومه

(الكوفه  اتسولف / عنه وعن زوده)
..............
شتحجي عليه  يوم التمت  الجيمان
تصيح  الغوث  منه   ردت   العدوان
يبن  ازياد    هذا    داحي   البيبان 

(اليوم  الملعب  / واكف  حيدر بيه)
.........
هله  يبن النشامه  وخلفت الطيبين
وحده  صال بيها   وحير  الصوبين
كال اليوم  يومي وحك راس حسين

(يبن  العياله  /  اليوم تمركز بالحد)
..........
طوعه  اليوم  صاحت  ياهله وحياك
يامسلم    عساها   لابلت    يمناك
يالعمك  علي  حكه  الفخر   يعلاك

(اهلا  يالعمك  /  محد  زاد  عليه)
...........
يكص  بروسها    وعلت   الهلهوله
اليوم الحيد  بالملعب  لعب جوله
دخيل  تصيح  يافوج  اليكربوله

(الحيد   اتربه   /   عله الصد والنيبه) 
.............
يبو  طاهر    اليوم  الكابلك  محتار
ياشمرة   علي   ويالعمك   الطيار  
هله  بغيرة  الكافل  واشعلها   بنار

(دخيلك  صاحت  / يوم الطب ليها )
............
صاحت  ياهله   ببن   الافاعيه
الملعب صوله  وكسر  مواضيه
ونزل  ياسبع   هاليوم   عاليه

(اليوم  اكلبها  /  ونزل  عاليها   )

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الزينبيه الجزء التاسع


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

04 June 2025 19:21

قصيدو لمسلم بن عقيل(الك تاريخ)
القصيدة من ديوان📚 مسير الفواطم لأرض المظالم ج٦
❥━──➸➽❥❂❥━──➸➽❥❂
الك تاريخ تشهدله الميادين
ماخذ شمرة العباس وحسين
❥━──➸➽❥❂❥━──➸➽❥❂
الك تاريخ سجل يبن الحيود
من عمك يمسلم ماخذ الزود
يومك بالحرب ياحيد مشهود
بس يا حيف خوانك بعيدين
❥━──➸➽❥❂❥━──➸➽❥❂
شجاع وبيك تتباهه العقيلة
چنك حيدره حامي دخيلة
والجيش النزل هدمت حيلة
چن صارت معارك بدر وحنين
❥━──➸➽❥❂❥━──➸➽❥❂
چن حيدر علي من  نزل بيهم
بسيفة اليوم گاصد يلاويهم
حمل حملة علي بزوده عليهم
سيفة بيمتنه وما عنده معين
❥━──➸➽❥❂❥━──➸➽❥❂
وحده يحارب وفنه التدناه
فنه اليوصل الحده وتعناه
گال اليوم افنيهم وانه هناه
واخليهم عله الغبره مطاعين
❥━──➸➽❥❂❥━──➸➽❥❂
اخليها العده هاليوم طشار
ينشد العزم لو اصيح يكرار
وبالي بالحسين اليوم محتار
خافن تغدره گوم الملاعين
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

29 May 2025 14:16

حج الحسين ع



الناس لبت بالحجيج وعلت اصوات النداء
وانت لبيت الاله ابگطع نحرك والدماء
يااباعبدالله يااباعبدالله




الناس بالحج واتصيح واطافو البيت الكريم
وانت بضعونك مشيت ابغربه بعيال وحريم
وبمصيرك جنت تدري موقفك موقف عظيم
فوگ نحرك قدمت ازغر ذبيح ابكربلاء
يااباعبدالله يااباعبدالله

▪︎▪︎▪︎▪︎▪︎▪︎▪︎
انته عزبت ابرضيع انطيته قربان وفزت
وحتي الاكبر والمعرس فدوه للباري صحت
و ثمرت اخوانك وربعك انته بالطف قدمت
وهذا بالتاريخ ثابت ينحسب اكبر سخاء
يااباعبدالله يااباعبدالله

▪︎▪︎▪︎▪︎▪︎▪︎▪︎
اصحاب عندك اهل غيره التمو اباب الخيم
وصاحو اندافع اوياك اعله المبادئ والقيم
ننطی ل لله اشما يريد وماتقل عدنه الهمم
وياك كتبو تضحيات ورجو امن الله الرضاء
يااباعبدالله يااباعبدالله

▪︎▪︎▪︎▪︎▪︎▪︎▪︎
احمرت الدنيه اوصارت مذبحه ابذيچ الطفوف
شي انطت ل لله رگبها وشي عيون وشي چفوف
قدموهن بالشهاده ابكل موده للرؤف
ذالك الحج العظيم الشاهديته بلا رياء
يااباعبدالله يااباعبدالله
▪︎▪︎▪︎▪︎▪︎▪︎▪︎

ياحسين الطف مواقف ومتحان وتضحيات
اسمك الهليوم باقي ويخسه كلمن گال مات
عفت كلشي الوجه الله وحتي ضحيت ابنات
والمصابك كلشي يبچي حتي ارضا" وسماء
يااباعبدالله يااباعبدالله



الشاعرة ام محمود الصليحاوي
ذمة لا تحذف اسمي من القصيده❌

قناة الشاعرة والملاية ام محمود الصليحاوي
صاحبة ديوان مجالس الاحزان
منك ياحسين اطلب هديه اريدك بالگبر اتمر عليه
/channel/+h6T9u66CiMM0OTZk

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:51

لطمية للأهل والاحباب  (اجاني العيد)


اجاني العيد ... واهل العيد ماجوني
شبعانه هضم بالدار خلوني


خلوني بنزلهم ضيم شبعانه
ممرود الگلب والروح تعبانه
وعيني امن الدمع والسهر ذبلانه
(( بس تهمل ماتغفه عيوني ))


عيني شلون تغفه وللصبح تهمل
احمل ياهضيمه ويامرار احمل
اعزاز الضيعوني افراگهم يكتل
(( مانشدو عن حالي ولوني ))


مانشدو عليه وگالو شبيهه
روحي صوابهم گضيان گاضيهه
عنهم تنشد الدار وشحاچيهه
(( عافوها تون وعافوني))


تون الدار عافوها مثل وني
اگلهه ابعاد صارو من تناشدني
مامرو عليه وخيبو ضني
(( وانگطعت من اهلي اضنوني ))



كل ضني انگطع من صوب جيتهم
وفلت وانتهت وياي عشرتهم
موش ايام اضنهه سنين فرگتهم
(( عالراس الطم ماشافوني ))


الطم عالوجه مره الطم اعله الراس
تدرون اليفارگ ينفجع ياناس
انوب انوسع الميدان للعباس
(( للخوه ايگول انطي امتوني ))


بمتوني السبع گال اشتري الخوه
دون حسين بالعسكر فلك سوه
خل نلطم عدل للوگفته حلوه
(( وانعازي الصاحت عازوني ))


القصيدة من ديوان ميدان الشيعة الجزء الاول

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:50

خدمت حسين شرف و اعظم وسام
يا هنيّا له خادم الأمام

꧁꧁꧁ﷲ꧂꧂꧂

يا هنيّاله الخدم
سيّد الحق و القيَم
رافع الخدمه علم

شعاره

هاي اعظم مرتبه
اينولها الخادم هِبه
اختاره الله و كاتبه

ابقراره

حسين نور من الأزل
عشگه جنّ الناس بل
خلّه كل هاي الدول

حياره

محتارين ابهذا النور كل العالم صوبه اتزور

꧁هيهات نوره ايطفّونه ꧂

حاشه نوره يطَفّونه اللئام
يا هنيّا له خادم الأمام

꧁꧁꧁ﷲ꧂꧂꧂

خدمت آل المصطفى
اتريد شوگ و معرفه
كون صادق بالوفه

و تلازم

كون مو لجل الفلس
تنسى الحسين و امس
موعظه هاي و درس

يخادم

بالك تعوف الحسين
لو فلس لو ما تعين
تخذل حسين الحنين

تخاصم

لا تخدم نفسك بحسين و ابنفسك اخدم هالدين

꧁ لبيك گله بكل غيره ꧂

كون بخلاص تخدمه ابأحترام
يا هنيّا له خادم الأمام

꧁꧁꧁ﷲ꧂꧂꧂


آنه ديني و مصحفي
حسين و حاشا ينطفي
من ضميري يختفي

الشفيه

دوم اخدم و ارتجي
هالخدامه منهجي
استمر حد ما تجي

المنيه

هالچفوف اللاطمه
و الأيادي الخادمه
في صحيفة فاطمه

الزچيه

يا محلى الموت ابّيته من تلطم بحسينيته

꧁ يرويك عباس ابجوده ꧂

خادم اتموت يمحلى هالختام
يا هنيّا له خادم الأمام

꧁꧁꧁ﷲ꧂꧂꧂

فاطمه الزهره تره
بالمجالس حاضره
ويه بت خير الوره

العقيله

للعزا يتجابلن
بالصحيفه ايسجّلن
دمعه دمعه الْعَالوجن

مُسيله

فاطمه تلطم ضلع
للنعي من تستمع
و اهيه للينثر دمع

كفيله

زينب تلطم فوگ الهام تتكفّل كلمن لطّام

꧁ چن ضيف راح اتحيّي له꧂

خادم حسين تعلّيه بالمقام
يا هنيّا له خادم الأمام

꧁꧁꧁ﷲ꧂꧂꧂

كلها بكتاب البتول
الخدم آل الرسول
يكتب الخدمه قبول

الحسين

هذا يلطم ذاك ايعد
هذا بالرايات ايشد
ذاك ايصب ماي الورد

بالأيدين

هذا يغسل بالجدر
هذا اليوزع نذر
ذاك دمعه منحدر

من العين

كلها ضيوف ابن الزهره يشفع للكل تنتظره

꧁ زوّار كلهم و ضيوفه ꧂

كلها يعني على حسين السلام
يا هنيّا له خادم الأمام

꧁꧁꧁ﷲ꧂꧂꧂


خادم لخدمة الامام الحسين عليه السلام
ناصرالبوعبيد

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:49

#من_ديوان_مسير_الفواطم_ج٥
*فزاعيه مع هوسات للنزول(عباس نزلها)*
❥━──➸➽❥❂❥━──➸➽❥❂
بچفوفه الگمر عباس نزلها
تتنومس بزوده و هو كافلها
❥━──➸➽❥❂❥━──➸➽❥❂
بچفوفه الگمر عباس جاباها
بيمينه من عله الناگه تلگاها
وما خلاها تهمل دمع عيناها
*((المهيوبه وصلت للطف))*
❥━──➸➽❥❂❥━──➸➽❥❂
نزلت كربله تمشي بهيبتها
للطف والحرايب جايبه اخوتها
من شمت تربها جرت دمعتها
*((يذبحونه هنانه الوالي))*
❥━──➸➽❥❂❥━──➸➽❥❂
يذبحون الحسين وينگطع راسه
بهاي الارض يشتم اخر انفاسه
وتتگطع يويلي چفوف عباسه
*((ورقيه وسكنه ايتموها))*
❥━──➸➽❥❂❥━──➸➽❥❂
يذبحون الولي وعياله تتيتم
وحتى الخيم عالنسوان تتهدم
وأطفال وحرم يا ناس تتحطم
*((ما عدها الچان يحاميها))*
❥━──➸➽❥❂❥━──➸➽❥❂
واظلن حايره وبعازة الوالي
ويظل الدمع فوك الوجن هالي
اريدن خيمه بيها احمي عيالي
*((يحرگوها كلها العدوان))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:48

قريض  ونعي  للعليلة ع

يا دارَ والديَ الحسين أجيبي
لِمْ لا أموتُ وقد نأى محبوبي

رحلَ الذي كان الأنيسَ لوحدتي
وإذا شكوتُ السُّقمَ كان طبيبي

قد كان شمساً في سمائي أشرقت
لكنها غربت أمرَّ غروبي

يا دارُ طال مغيبُه ويكادُ من
ألم التصبُّر أن يحين مغيبي
...........
ابوذيه

انه  المامر   عله كلبي  كبل هم 
حنان  وطيب  بحبابي كبل هم
كون اشوفهم  واكعد   كبل هم
واكلهم  بالفراك شعمل  بيه
.......
بويه  افراكم بيه اسوه
مابيه وروحن ليك عنوه
فركاك بويه حسين بلوه
.......
مرو عله بتكم  ناشدوها
كعدو  وياها وسامروها
يالعدكم عليله اتذكروها
.........
شنهي حالها البدار ضلت
الشوفت   الغياب حنت
وشكثر تالي اليل  ونت
.........
تلم همومها من يجبل اليل
تكتل  الفركه  ومالها حيل
مامن ولي وعليمن  تميل
.........
شالو  هلي وبدار  ضليت
يحسين تكتل وحشة البيت
يضعن  النحبهم  ماتوانيت 
...........
ابعد الحادي وماسمعنه
ليش  الضعن  ماريضنه
ونريد نمشي وي اهلنه
.........
نعتب عله الروحه حنينه
ماكال  بويه   رافكينه
سمعني اصيح ودار عينه
..........
مادار عينه وللتفتلي
اسمعت نحبته وهلت دمعتي
كسرتي الكلب بالصايح يبتي
............
عندي يبويه معاتب وياك
حنيت  يحسين عله ملكاك
عليله  وجوتني نار  فركاك
..........

✍️ام زينب كربلاء غير مبرئ الذمه من يأخذ الكلام وينسبه له او يحذف الاسم القصيده من كتاب المآسي الزينبيه الجزء الثامن

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:47

📜قصيدة عزاء محرم الحرام
🎵على طور قصيدة "يا محله الوداع بهل مسية"

يا محله العزه اويه الهاشميه
لحسين وأخيه
فـــــكدتهم سووه بالغاضريه
لحسين وأخيه

قصص احجي بهضم للشافته زينب
من صـــــاحت ييمه

اخيي امن العطش يابس صفه كلبه
وجرحه الهوى يلجمه

مشت صوب النهر عدها كمر غايب
لگـــــت بس أثر دمه

وين الكال يختي
ما نشـــف دمعتي
تقبل بالحبل مجتوفه اديه
ــــــــــــــــــــــــــــــــــــــــ
تقبل بالحبل وبوليت اعدانه
كامت تشتكيله

للصاحت ابحرگه خويه يبن امي
مدمعنه نسيله

احنه بكل وكت نذكر المنحور
نبجي ويه العقيله

راحت ويه الضعون
اسمعوو يل تعزون

هنياله الذي ناصب عزيه
ــــــــــــــــــــــــــــــــــــــــ
هنياله الذي  ضل يجري ادموع
للفـــگدت وليها

شكالت من مشت وابن امها مذبوح
ابچن وي بجيها

تعــــــالي يم حســـــن يمــــه تعالي
للطف واعتنيها

ابنج فوك التراب
حضرتها بالمصاب

تدور خنصره الزهره الزچيه
ــــــــــــــــــــــــــــــــــــــــ
تدور خنصره وشاهدت عباس
فوك النهر مشمور

صاحت صوت يازينب كفيلج
راسه ابعمد مطبور

اريد الفزعه منكم هاا يخدام
كلما يهل عاشور

احيووو شهر الحسين
صــــــــيحو يم البنين

ابنج والضعن لا ماله جيه
ــــــــــــــــــــــــــــــــــــــــ
لبنج هالعزه ابرگبت العطشان
نحلفج سجلينه

مثل الشمس تحضر بالمجالس
تشوف اليجري عينه

نريد هناك يم عباس وحسين
ندعي تحضرينه

الحد ساعه المحشر
ومــــن حساب منكر

نقسم بالجره ودمعت رقيه
ــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:46

قصيده مربعه والقفله هوسه
للامام العباس عليه السلام

هله ابعباس مية هله ابطاريه
شجاعه اومرجله ربت البدويه


شجاعه اومرجله ربت المهيوبه
ياثوب الكرم عباس ياثوبه
فنه اليوصله واليگرب الصوبه

الحيد امجرب /بالميدان ايعرفونه
༺༻༺༻༺༻
امجرب بالحرب كلهم يعرفونه
يرهبها الزلم من خزرت اعيونه
ابدأ مايثني الضربه تدرونه

ابدأ ماتخطي /ضربات ايمينه
༺༻༺༻༺༻
ابد ماتخطي لا والله ضرباته
مثل حيدر علي محسوبه خطواته
تشهد كربله وتشهد له صولاته

الطف يشهدلك /عباس ومايه
༺༻༺༻༺༻
يشهدله الفرات وتشهد الرايه
خجلان النهر لن ماشرب مايه
طيبه الرضعته ام عباس وفايه
وذل الماي وماشرباه /الوافه الخوه
༺༻༺༻༺༻
هله بكافل اخيته ابزوده حاميها
وينه اللي وصل زينب اوياذيها
وده الرأس وياها يباريها

الجابت كافل زينب /حگ انحيهه

༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:45

*🍃نعي گرناوي عتاب الاحباب للعليله(ع)🍃*
*من ديوان📚 عبرات وأنين ج٢*
▪️〰▪️〰▪️〰▪️〰▪️〰▪️
اجاني الليل وانشد و يـن الأحـباب
اعاتبهم و اگـلـهـم  ليـش عـفـتوني
تركتوني  بهظيمه و تهمل العـيـن
وانه من البواچي منخـطف لوني
أعتـب عالـزمان الطـشـرانه بـيوم
لو اعتـب على احبـابي الـجـفوني
خلوني و حيـده  اصـفك بالايـديـن
نـهدم كـل  حيـلي  لمـن فــارگـوني
جنت بوجودهم مسرورة البال
وهـسـه تـهـدمـت مــن ضـيعـوني
عافونـي عليله ودمـعي سـچـاب
وانـه جسمي عليل و تـيـهـونـي
اصــد للبيت ادور بيـن الـوجــوه
بلـكـت  بـيـه الگـه  الفـارگــونــي
يروحي من المناحه  ما تـشــبعـيــن
مشو  اهلي وخـابـت كل ظـنــونـي
محد  يمرني و  يطرگ  الباب
و  اهلي  بالمناحات اتــركـونـي
هلي دموع  عالاحباب  يا عين
شالو هلي و انگطعت ضـنونـي
بـعد  هيـهـات  ليه  ما  يعودون  
و يردون  الاحباب و  يلاگوني 
صـار  البيت  مظلم  من  بعدهم 
لأن كـل الاحـــبــهـم فــارگــونـــي
▪️〰▪️〰▪️〰▪️〰▪️〰▪️

*بقلم ✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي وﻷمواتكم:🍃*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:44

نوحیه للعباس شجاعیه

هله بعباس والهوسات تحلاله
طب المعرکه وصرخاته کتاله

من حیدرعلی ماخذهاحملاته
یاسبع الکلایف محله هداته
تکتل خزرة عیونه وصداته
معروف الاسدمعروفه افعاله
چن حیدرمن طب الحومه

یاموت الزلم عینة العدایه
اشمحله ترفرف بیده الرایه
کلمن شافه منه ذهل رایه
گلب حسین بلمیدان یبراله
حسین معیدمن شاف عضیده

بدویه واصیله الجابت الحید
ابحملالته ابنهاواره الوید
شایل رایته بیده الصندید
البیرق ابوفاضل شیاله
یاسیف حسین العباسی

یذکرالوصیه وتاخذه الغیره
چن خادم وگف عباس المیره
یامحله البطل یامحله السیره
تاج الغیره بس عباس یحلاله
عباس العزحیدرثانی

نزل للمشرعه والجودبمتونه
چن حیدرعلی گاموینادونه
ناداهم یکفره ماتعرفونه
خادم للحسین اوگف ولعیاله
لحسین العزافدی ابروحی

تمت ابعون الله
خادمة الحسین الملایه ام داودالگرغولی
من مدینة معشور..الکورا


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:42

📜قصيدة للخدمة الحُسينية


"قال الإمام الصادق (عليه السلام): من أنشد في الحسين (عليه السلام) بيتا من شعر فبكى وأبكى عشرة فله ولهم الجنة" {كامل الزيارات}



كــــــــون تخـلص بالخدامه ايامي
الموتي وانعه عله حسين الضامي
ــــــــــــــــــــــــــــــــــــــــــــ
حسين هذا حسين يحضر بالممات
ابدونه ماتسووه  ولا لحظه الحيات
هـــوه بــس هــوه يـــحقق  لــمنيات
بليـــله الوحــشه يـــجي يمي يبات
يكـــول اهلاً بالبچــه اعـله اخيامي
ــــــــــــــــــــــــــــــــــــــــــــ
يكول اهلاً بالبچه اعله اسكينه
وعلى اخييي الكطّعوو چــفينه
الف هنياله اليسجله احــســـينه
يجي يمه من يغمّـــــض عــيــنه
إسمك ايـــگله بســـجل خدامي
ــــــــــــــــــــــــــــــــــــــــــــ
إسمي مسجله ومسح كل الذنوب
بطاري زينب والحرم گلبي يذوب
الصفّه نيته ابخدمته وبيضه الگلوب
الــــف هـنياله الــذي ابــفضله يتوب
امن الذنب ركـــضت عــــليـــك اجدامي
ــــــــــــــــــــــــــــــــــــــــــــ
اذنوب ماكو فرّحتـــني اخباره
تـنمسح من ابچي اعله ازغاره
الگبر ماشوفن عذابـــه و نـاره
بجــــــاهه وبجاه الرفع فقـاره
اقسم اقسـم بالحسين الدامي
ــــــــــــــــــــــــــــــــــــــــــــ
اقسم ابأُمه الزچــــيه ام الحــسن
يجي ايشوف شلون لفوني بچفن
بحــق ذيــچ ايــامي البحبه گضن
وزيــنب وضــعن السبايا من مشن
ابــحــبه تتــحـــقق جــمــيع احــلامي
ــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 May 2025 17:40

نموذج من كتاب منهج الخطيبات الجزء الأول خاص للعشرة الإولى من شهر محرم
موفقين لخدمة سيد الشهداء
صوت الخطيب الشيخ عقيل الحمداني
للحجز عبر رقم المكتبة

07832535076

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 May 2025 14:29

قضية لسان الحال في الشعر لابد ان لاتُسيء الى مقام المعصومين عليهم السلام
سماحة الشيخ الخطيب عقيل الحمداني

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 May 2025 13:52

#نعي

*(نصاري) :*

الجواد اعله السّطح بآخر انفاسه
بالحَر او العطش لحسين واسه
مثله ابعيد عن گومه او ناسه
او مثله امْن المصايب جرع چاسه
لاچن مات محّد قطع راسه !
ولا حافر عگب ما مات داسه

ميرزا عادل

#اللهم_عجل_لوليك_الفرج

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

04 June 2025 19:22

نعي وابوذيه  لمسلم عن لسان حال زينب ع

ابوج الشاعت  افعاله  وصيته
ونينه  جني اسمعنه  وصيته
يدير  العين   اوبته     وصيته
امانه بشارب الضلو  اهيه
............
يابويه عند الناس عادات
ابته  يوصي الابو لومات
وتضل بشارب البيهم امروات
..........
ونيت  ودموعي   جريه
وياشوفتك عنت عليه
عله الموت يابويه شبديه
..........
عله الموت  ياناس شبدينه
ويه   النحبهم   مامشينه
الميت   شلون  اتناطرينه
.........
غابو  احبابج   لا  تنطرين
مايحجون برده  وتتانين
من النوح  والونه  تملين
.........
عزيز الابو وروحي تريده
تذكر  شوفته والون تزيده
شكالت  عله مسلم  حميده
احنان اهلنه وضيعونه
.........

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الزينبيه الجزء التاسع

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

04 June 2025 19:19

فزاعية لمسلم بن عقيل عليه السلام ( اليوم اعضاك )


اليوم اهل الشيم ذبوا عمايمهم
وبنص الدرب نصبوا امخيمهم
مناگيب ويهوسون اعله ابن عمهم
كلهم مرجله وماينوخذ دمهم

( النزلة )

اليوم اعضاك ... يامسلم يهوسون
ثارك ناخذه امربع يگولون
( والثار امربع يردونه )


ولد عمك زلم واربات ميدان
ابو فاضل زعل وحسين غضبان
وين تشيل من عدهم العدوان
عالعدوان گالوا نگلب الگون
( والكون اليوم يگلبونه )


نهز الكون ونزلزل الكوفه
گالوا ثار مسلم مانعوفه
عباس البطل سرفن اچفوفه
وبالبيرغ تحزم ماگعد عون
( وامحزم ماحل احزامه )


امحزم بالعلم ماگدر يگعد
جعفر شاد حيله وعون يرعد
عباس البطل كلساع ويهد
امدخنه الروس عالدم مايسكتون
( واتدخن روس اهل الغيره )


اتدخن روسهم وعيونهم نار
كل نشمي اليصيح الثار والثار
هسه انروح ونگاوم الكفار
بالعطوه النشامه مايقبلون
( والعطوه اخوانك رفضوها )


ماينطون لبن ازياد عطوه
كلمن شال سيفه وفلك سوه
ذوله اهل الشيم واصحاب نخوه
ماواحد يكضهم من يصولون
( واسباع الهم صوله وجوله )


فنه اليوگف بوجه الحياده
اخوتك بالسمه وبالارض قاده
ومنذورين كلهم للشهاده
تعال وشوف بالطف شيسوون
( والطف يحچيلك والحومه )


تعال وشوفهم بالغاضريه
كل واحد يگول الحومه اليه
اسباع ومايهابون المنيه
وبرگاب الزلم ضلوا يحصدون
( حلفوا عالجيش يخلصونه )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:51

🍃✨


زفَّتْهُما الرَحَماتُ والبرَكاتُ
ودعاءُ احمدَ فوقهُم صلَواتُ

فهما مَوارِيثُ النبُوَّةِ مَسلكاً
بِفِناهُما تُستَفسَرُ الآياتُ

نورٌ تزوجَ نُورَهُ يا مرحباً
بزواجٍ ابتهجَتْ بهِ الجنّاتُ

لولا عليٌّ لم يكنْ نِدّا لها
أحدٌ ففاطِمةُ البتولُ زكاةُ


⚘نرفع أسمى التهاني و التبريكات لمقام صاحب العصر و الزمان عجّل الله فرجه الشريف بمناسبة ذكرى زواج النورين أمير المؤمنين علي بن أبي طالب عليه السلام بـ سيدة نساء العالمين فاطمة الزهراء عليها السلام


1| #ذو_الحجة
#زواج_النورين


🍃✨🌸

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:51

نوّخوا يصحابي نوگ القافله
هيه هيه اهنا محطة كربله

꧁꧁꧁ﷲ꧂꧂꧂

هيه هيه اهنا شمس عمري تغيب
اهنا تموت ارجالي و اصبح غريب
اهنا احط فوگ الرمل خدي التريب
عالرمح يگطر دمه شيبي الخضيب

و اندفن ويه الرضيع ابهالفله
هيه هيه اهنا محطة كربله

꧁꧁꧁ﷲ꧂꧂꧂

هيه هاي الگاع موضع مقتلي
امن العطش چن جمره چبدي يصطلي
و راح فوگ الشوس راسي يعتلي
بالسياط اختي العقيله تنولي

عالرمح راسي ابدمعها اتراسله
هيه هيه اهنا محطة كربله

꧁꧁꧁ﷲ꧂꧂꧂

هالارض ارض الّي بيها اصبح قتيل
تنگطع چفين عباس الكفيل
اليتامه عگبه تصرخ بالعويل
زينب العصابه من عدها تميل

من كثر ما راح ايطگها حرمله
هيه هيه اهنا محطة كربله

꧁꧁꧁ﷲ꧂꧂꧂

اهنا يحرگون ابخيمنه الزاهيه
عالجمر تمشي الفواطم حافيه
تنضرب عالخد رقيه الزاكيه
تطحن ابصدري خيول الطاغيه

عالرمل تجمد دمومي السايله
هيه هيه اهنا محطة كربله

꧁꧁꧁ﷲ꧂꧂꧂

هاي ارض البيها بالحفره انچفي
و الشمر يرفسني بس ما يكتفي
يذبح اوداجي و شمعتي تنطفي
نوري لاكن بالذبح ما يختفي

عالمنابر صوتي يصدح للمله
هيه هيه اهنا محطة كربله

꧁꧁꧁ﷲ꧂꧂꧂

خادم لخدمة الحسين عليه السلام
ناصر البوعبيد


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:50

📜نعي إلى مولاتنا الزهراء "عليها السلام"

ونين الليل اسمعه...مالت امي
الضلع مكسور منه...ملت امي
اضن للموت چنها...مالت امي
"عرفت اعيونها  بيها المنيه"

اتونين اسمعچ مــاغفيتي
مكسوره الضلع واتعذبيتي
اعله وداعنه چنــچ نويـتي

تـــصدين للباب اوگـــعتچ
ماكو دوه الطيب سطرتچ
ردي عليه ورحـــمي بنتچ

المغرب اجه وچلچل ظلامه
والليل أبچي ومــا نـــنامــه
خاف انعيش يالزهره يتامه

اشوف الدمع سال اعــله خدها
حضنها احسين بدموعه نشدها
لو راحـت اعــلينــه شــيــردها

وحشه يضل لو فرغ بيتچ
اتكعدين وتطيبين ريــتـچ
عيوني عمت گربت منيتچ

اشـــلون لو غمض جفنها
شيسكته من يبجي ابنها
الـــيوميه ينام أبحضنها

خــلصت بعد شالت للگـــبور
ننخه الزچيه ام ضلع مكسور
ايعجل الحجة ايحين الظهور
ـــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:48

لطميه  للمسير  عن لسان حال زينب ع

شدو احزام  المنايه وكاصدين الكربله
شايل  الرايه ابوفاضل والعقيله مدلله
............

حمل عياله ابواليمه وكاصد الأرض الطفوف
تمشي الحره بهيابه  وبيها ابوفاضل يحوف
تعاين البيرغ وليها  اتكول فدو  الهالجفوف
وتكل لخوتها النشامه خويه  بيكم   ياهله
...........
جيت  وياكم يخوتي  بالمعزه  وهيبتي
حسين جدام الضعينه وبيه فخري وعزتي
وراعي الغيره ابوفاضل هوه كايد  ناكتي
وشايل الرايه بهيابه و بيده يحدي القافله
........
بالدرب  تنظر عيوني والدمع مني يسيل
والمحامل بيد اخونه  لا تنوي  ولا  تميل
يوكف العباس حارس من تصير الدنيه ليل
ينضح الكافل امروه والرفج  وياه   حله
.......
عيني يتساكط دمعها لوشفت راعي اللوه
حسين والكافل اعزازي وهمه لعيوني ضوه
خاف يغدرني زماني وافكد  اخواني سوه
والكلب  لو ضيعاهم   بعد  بالدنيه  شله
........
ادري مكتوبه المصايب واحمل هموم وعذاب
اضل بارض الطف غريبه  ويعمي عيوني المصاب 
هسه بيه تحوف كلها وباجر اتضل عالتراب
حسين مذبوح الاعادي وانه احير  بعايله

✍️ام زينب كربلاء غير مبرئ الذمه من يأخذ الكلام وينسبه له او يحذف الاسم القصيده من كتاب المآسي الزينبيه الجزء الثامن



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:48

*قصيدة للنزول(والموت طب ويانه)*
#من_ديوان_مسير_الفواطم_ج1
❥━──➸➽❥❂❥━──➸➽❥❂
للطف وصلنه امن الصبح
     والموت طب اويانه
❥━──➸➽❥❂❥━──➸➽❥❂
شفنه المصايب والكدر
للطف وصلنه وللغدر
نزلني بچفوفه الگمر
وثبت عمد صيوانه
❥━──➸➽❥❂❥━──➸➽❥❂
عباس دك بيده العمد
من كربله گلبي انمرد
وحسين مايقبل يرد
عنوه اعتنه العدوانه
❥━──➸➽❥❂❥━──➸➽❥❂
للموت هاليوم اعتنه
من شفته صرت امدوهنه
حسين يابعد الضنه
خافن يضل بمچانه
❥━──➸➽❥❂❥━──➸➽❥❂
اشلون اشوفه ينذبح
وراسه يعلگونه برمح
ادمومه عالغبره تسح
ويطيح بين اخوانه
❥━──➸➽❥❂❥━──➸➽❥❂
ايطيح مابين اخوته
والگوم تحرك خيمته
احا يخوي اونته
من يوگع بميدانه
❥━──➸➽❥❂❥━──➸➽❥❂
شيصير بيه لو وگع
انهضم وهواي انفجع
ارجع اگله ومارجع
يدري يموت اهنانه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:47

#شــــــده كربلائية للعليلــــة ع




عليلــه ومالي حيل افراك يهلــي لاتخلونـــي
لو مـر العصر بــلدار انــوح وتبجي يعيونــي

****

عليله وحايره بعلتـي واحبابـي مشـو للمـوت

كلبي يعلم ومقبوض صحت ومانفعني الصوت

جنهم للابد ماشي جا ياهو الشال الي التابــوت

لوموتن وانه بلدار ردت اليغمضلي اجفوني

****

خافن لو اجـاني الموت والوحــدي يشاهدنـي
شالو كل هلـي منـــي وماعندي اليســـاعدنــي
مريضه حالتي حالة وافراك احبابي ضاهدنـي
وهاي ابنيتـكم تـــون خافنكم نسيتــــونــــــي

****


نسوني وطالت الفركـه مامنــهم خــبر ودوه
محتاره اتوسل المرو جا بيه ليش مانشدوه
كالولـي يومين ونـرد ولا واحد علـي دزوه
كاضيني الحزن يهلي جا يمتى وتلاكــوني

****

حزينــه وبطرك روحي ماذيني حيل طاريهـم
دزيت وي الحمام اخبار كتلها فدوه شــوفيهم
ضلت ابنيتـكم تـحن علــيج الله تخبـــريهــــم
شكولن لو لفاني الموت واحبابي تعــذرونــــي

****

ماضل شي واودع الـدار والحفــره يحفروهــا
ونــدري بلتموت اهنــا كل اهلهـــا يحضـروهــا
بس بت حسين الوحدها وجن الغربه يدفنوها
اتعالج وتصد للباب بلكت احبابي يحضــروني

****

تمت بعون الله




#بقلم الشاعرة زينب المالكي

غير مبري الذمه لكل من يحذف الاسم من القصيده ويتلاعب بها


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:46

💔اصدار حصري وجديد    فزاعي سريع للحسين ع بدايتها هوسه من ديوان الميدان الزينبي جزء 👈الثالث💔

من ننصب عزه لحسين ام الحسن تحضر بيه

عونه تريد للعطشان تدور ناعيه تنعيه

تكول ابني على التربان ظل جسمه  موذريه
ادور بالمجالس من يون عليه
(يازهراء كلنه نون وياج)

الفزاعيه

من ننصب عزه الحسين
تحضر فاطمه ويانه

➖➖➖💔➖➖➖
من ننصب عزه المظلوم
تبجي من كلب ما الوم
عونه تريد هذا اليوم
للنايم بميدانه

➖➖➖💔➖➖➖
تبجي وتهل دمع العين
تنوح اعله الشهيد حسين
عونه تريد يمحبين
لتوسد بتربانه

➖➖➖💔➖➖➖
تبجي وتهل مدمعهه
يوم الولد يوجعهه
يوم حسين صدعهه
تون اعليه و حزنانه

➖➖➖💔➖➖➖
تحضر توكف اعالباب
تنطر جيت الاحباب
كلب ام الحسن منصاب
تريد اليوم عوانه

➖➖➖💔➖➖➖
تون من كلب حزنان
عونه تريد للوليان
للضلو على التربان
حسين وجمع خوانه

➖➖➖💔➖➖➖
تون والكلب مفجوع
للي كسروله اضلوع
من عده النحر مكطوع
مارحموه عدوانه

(نعازيها//بحسين ويومه)

(ويانه//تحضر مالومه)

(لحسين ويومه//نشد احزام اوياها)

(تحضر مالومه//الزهره بنص الماتم)


تمت✍️ الشاعره والمله ام حسين العامري

من ديوان الميدان الزينبي الجزء الثالث

غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:45

لطمية للعليلة عليها السلام ( يهل المحنه )


يهل المحنه      يهل المحنه
هلبت كسرت اگلوبكم     يهل المحنه
ونه اعله ونه     ونه اعله ونه
كلساع اون اگبالكم      ونه اعله ونه


كلساع اون اگبالكم     ونه بهضيمه
چني غريبه وضايعه     وچني يتيمه
ماريد هودج لاضعن     لاريد خيمه
خلوني اروح الكربله     واسكن الهيمه
والوادي اسكنه     والوادي اسكنه
ماريد اضل بداركم    والوادي اسكنه


ماريد اضل بداركم       وحشه وخليه
خلوني اروحن جاريه     ومو فاطميه
عبد الله اهزه لو بچه     واخدم رقيه
بس كون اشوف اوجوهكم     يهل الحميه
وين امشي عنه     وين امشي عنه
يعميني سهم افراگكم      وين امشي عنه


وين امشي عن افراگكم     يركض واجاني
من هسه صوبني بسهم     حار وعماني
اخذوني اصيحن ياهلي     ومحد خذاني
حته اليگلي ادللي     راح ونساني
كلهن ولنه     كلهن ولنه
گلبي المصايب والمرض     كلهن ولنه


ضيم ومصايب بالگلب     ملتمه كلهه
شان المريضه ماتمل     من عدهه اهلهه
عافوني ماگالوا بچت      خل نرجع الهه
ضلت حزينه اديارهم     واظلم نزلهه
واگطع الضنه     واگطع الضنه
واشلون اهود واستقر      واگطع الضنه


اشلون اهود واستقر     والليل انامه
فوگ المرض وافراگهم     فوگ الملامه
چا يمته اشوفن والدي     يعود بسلامه
ماتدري كلهه اتگطعت      روس النشامه
بويه الحگ النه     بويه الحگ النه
وتصيح زينب ياعلي     بويه الحگ النه


القصيدة من ديوان خيمة الخدام جزء الثاني خاص بالعليلة ع

✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:43

📜 نعي بداية محرم الحرام

محــــــرم چم أثر گلبي...تَرك بي
الخيل السحكت ابن امها...تِرك بي
الشمر گلها الضعن غضباً....تركبي
"وتعوف اخوانها بالطف رمية"


عاشــــور اجاكم يالتخدمون
نصبو العزيه وعازو ام عون
مــطروح أخيها أمغير اللون 

وتكــــــول وين البچوو وياي
واســـــمع بواچيهم ومبچاي
صيحو بهظم  للماشرب ماي.

بان الهلال امـــــحمل تراب
وراســـــم خرابه  مالها باب
ماطاب جرح الحره ماطاب

طوول العمر لخوانچ انــعه
وهـــــنيالها التجري الدمعه
صوت الخدم زينب تسمعه

الصوت الخدم تبچي الحره
لخـــــــوانها جرت الحسره
تــــــذكر خرابه وبيها اسره

تذكر حسين النام بالحر
صيحو وياها يبو الأكبر
ما واحد اعله اعيالهم مر

ما واحد الجاب الهم اجفان
جثـــت احسين تريد دفان
بحـر الشمس غاطيها تربان
ـــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 May 2025 10:42

#الطميه_بديوان_رحلة_الأحزان_الجزء_١_.


لطميه لأم البنين عليها السلام( السفره بلدمع )


السفره بلدمع جينه أو فرشناهه
ومن أم البنين الحاجه ردناهه
❥━──➸➽❥💔❥━──➸➽❥💔
من أم البنين أنريد حاجتنه
وجينه بلدمع وأفرشنه سفرتنه
وننخه الما ترجع دوم نخوتنه
《 ننخاهه كل شده أتحلهه 》
❥━──➸➽❥💔❥━──➸➽❥💔
متفشل ولا ترجع الگصاده
وخلينخاهه وين الطالب أمراده
أيمشي أعليهه ذاك الداسو أفاده
《 أشمحلاهه وگفتهه أويانه 》
❥━──➸➽❥💔❥━──➸➽❥💔
وين العدهه حاجه وروحهه أنحيله
خلتگصد لعد سفرة الأكحيله
أو منهه أمرادهه تطلب أبهالليله
《 تنطيهه وأمراد العاجل 》
❥━──➸➽❥💔❥━──➸➽❥💔
السفره بلدمع مفروشه للحره
بيهه تحضر اللطامه والتقره
أبضيجه الناس كلهه ورايده النظره
《 ننخاهه لو ضاگت بينه 》
❥━──➸➽❥💔❥━──➸➽❥💔
والله أمجربه يا ناس طلبوهه
طيبه أو ما ترد محتاج جربوهه
وهاي أم البنين الكل يعرفوهه
《 أيسموهه وأم العباس 》
❥━──➸➽❥💔❥━──➸➽❥💔

*لخادمات الأمام الحسين 《ع》*
*الشاعرة الملة ✍ أم محمد الكناني*
*والشاعرة ✍ نشوان الكناني*
*غير مبرء الذمة كل من يتلاعب بلقصيدة*


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 May 2025 17:39

#جديد_محرم_2025

#متوفر_حاليآ

كتاب منهج الخطيبات
لمجالس قتيل العبرات

👈🏻 خاص بالمحاضرات

لمجالس العشرة الأولى من محرم

المحاضرات للشيخ عقيل الحمداني
رثـاء النعي للشاعرة ام علي الاماره

اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش

للطلب او الاستفسار
07832535076

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 May 2025 14:22

ومضة حسينية لشعراءنا الحسينين الكرام
:اسمع الان قصيدة حسينية يقول فيها الشاعر الله لايطي الدهر ..
ولم يعرف الشاعر المحترم ان الامام المعصوم قال : لاتسبوا الدهر فان الدهر هو الله .
من المهم الاطلاع من قبل الشعراء الحسينين والرواديد الكرام على قضايا العقايد الاسلامية من توحيد ونبوة وعدل وامامه ومعاد وهي اصول الدين لكي لايدخلوا في امور تخالف اصول الدين .
والحديث صريح بأن الدهر هو الله تعالى، وليس معنى ذلك ان الله هو الزمان أو اجزاءه معاذ الله، ولكن العرب كانوا يعتقدون أن الدهر هو سبب التقلبات وما يصيب الانسان من تغير في الأحوال في الحياة الدنيا، حيث يأتي على الصحيح حين من الدهر يصير فيه مريضا وعلى المعافى حين يصير فيه مبتلى وعلى الغني حين يكون فيه فقيرا وهكذا... ومن اجل ذلك فقد قاموا بذم الدهر وسبه لأجل ما يعتقدونه من نسبة هذه التغيرات والتحولات في الظروف والأحوال إليه، مع ان الذي يسبب كل ذلك هو الله تعالى وليس الوقت المسمى بالدهر، فالحديث يشير إلى أن ما حسبتموه سببا لما يصيبكم في الحياة من البلاء والتغيير من حال إلى حال وسميتموه دهرا ليس في الواقع سوى الله تعالى، فلا تسبوا الدهر بهذا المعنى الذي تعتقدونه لأنه الله تعالى، فتكونوا قد سببتتم الله وأنتم لا تشعرون.

سماحة الشيخ الخطيب المحقق عقيل الحمداني

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

26 May 2025 21:41

﷽


إذا ضاقت بكَ الدُّنيا فنادِ
قصدت اليوم باباً للمُرادِ
ولا تيأس وخُذ ماترجيهِ
فَبحرُ الجُودِ في كَف الجَوادِ

✋ السّلامُ على باب_المراد الإمام الجواد

عظم الله اجرك ياصاحب الزمان 🏴🏴