2148
ما أخطأ من دعاك قمرًا؛ مذ خُلقت وأنتَ تستمدّ سناك من شمس الحُسين، وتمثّل لنا إشراقًا مستمرّا. 🧡 °°قَصَائدَ حَسَيَنَيَهَ • ❥˓#ألُِحٍآن حٍسينيهـ يـ๛ـ؏ـدنـا تـواجـدڪـم مـ۶ـنـا
اشلون بيه لو تغمض اعيوني
وعن خدمتك بالگبر سألوني
ــــــــــــــــــــــــــــــــــــــ
اشلون لو دفتر اعمالي ينفتح
ومالگو بي خيمه محروگه ورمح
فاهيه اعمـــالي ولا بيهن ملح
شرد اگولن بالله لو لاموني
ــــــــــــــــــــــــــــــــــــــ
اشلون لو بجفوني ماشافو سهر
ولا مشيت بيوم عشــرين ابصفر
وللّطم ماشافو ابصدري أثر
اشلون لـو بسياطهم ضربوني
ــــــــــــــــــــــــــــــــــــــ
اشلون لو خنگتني ذرات التراب
والـملك يسألني وانه بلا جواب
وين يا مسكين گضيت الشبـاب
ويصبح امن الخوف اصفر لوني
ــــــــــــــــــــــــــــــــــــــ
الناس كل ليلة الجمعه تختبص
عالزياره وانته ماعنـدك حرص
اشلون لو گـالولي بأيمانك نقص
وبالسلاسل گامو ايجــروني
ــــــــــــــــــــــــــــــــــــــ
اشلون لو تچـويني نـار الحاطمه
وآنه گلبي ممتلي ابحب فاطمه
ادركني اصيح الغوث ياحامي الحمه
ابجاه غربة زينب اتلگوني
ــــــــــــــــــــــــــــــــــــــ
ياحسين ارزقـني مهّدلي الدرب
وشيل گلبي وحطلي من طفك گلب
وخلي دمع العين مايگطع يصب
وبسجل هاي الخدم سجلوني
ــــــــــــــــــــــــــــــــــــــ
ارد الحگ عالبقن من العمر
حتى ما أتندم ابيوم الحشر
والبضاعه وياي تدخل للگبر
وبالمجالس واللطم طهروني
ــــــــــــــــــــــــــــــــــــــ
احسين ودّيني العزائك خل انوح
ووين مااشتـم هوى المجلس اروح
حتى لو تجعلني بيرغ عالسطوح
وبثيابي السـود خيدفنوني
الشاعر محمد الجماسي
قصيده للحسين ع
يزينب ...غطي الحسين بعباتج
يزينب ....لا يشوفنه خواتج
شلون حالج يالحزينه
شفتي اخيج ذابحينه
يزينب غطي الحسين بعباتج
▪️▪️▪️▪️▪️▪️▪️▪️▪️
غطي راسه يالعقيله لا يشوفن منضره
اخته كلثوم وبناته وروح امه الطاهره
بجسمه ماكو كلشي سالم من وكع فوك الثره
وبالحوافر دايسينه
شفتي اخيج ذابحينه
يزينب غطي الحسين بعباتج
▪️▪️▪️▪️▪️▪️▪️▪️
شكال كلبج يالحنينه بيوم شفتي منحره
وشفتي بعيونج عذابه والضلوع مكسره
ونارج بكلبج سريه تبقى لجله اموجره
جسمه كله امجرحينه
شفتي اخيج ذابحينه
يزينب غطي الحسين بعباتج
▪️▪️▪️▪️▪️▪️▪️▪️
يعينها الله الهاشميه يلوم حكه المادره
مخضب بدمه وسليب وبيده ماكو خنصره
مو دمع من دم يحره على ابن امج من جره
وسفه صحتي ياولينه
شفتي اخيج ذابحينه
يزينب غطي الحسين بعباتج
▪️▪️▪️▪️▪️▪️▪️▪️▪️
اه جم اه الحملتي ولوعه يابت حيدره
والهظم كلبج يزينب جثته متوذره
وباجر تروحين عنه عالهزيله اميسره
والشمر يحدي الظعينه
شفتي اخيج ذابحينه
يزينب غطي الحسين بعباتج
▪️▪️▪️▪️▪️▪️▪️▪️▪️
والفوطم كلها باجر لو حدت متحيره
حسين لاكو اليحدي ضعنج لاكو سبع الكنطره
باجر اعله الرمح راسه وعينه الجن ناضره
بدمه شيبه امخضبينه
شفتي اخيج ذابحينه
يزينب غطي الحسين بعباتج
▪️▪️▪️▪️▪️▪️▪️▪️
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لااجيز حذف الاسم
( رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي)
تــــمت بعون الله تعالى
تــــمت بعون الله تعالى
بقــــ✍🏻لم خـادمة االزهراء عليها السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج))
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
باجر نشيد للحسن
كبه ومنارات وصحن
والمهدي ويانه
........
باجر نشيد للحسن حضره
ما منهه تشهد فاطمه الزهره
يوسع ملايين البشر صحنه
كد كربله لا مو عجب كبره
بيبان صحنه اموزعه
طول الجهات الاربعه
تنضرهه عدوانه
........
باجر شعار الرافضه الهمه
كل الواحد البيهم رفق اسمه
مطوع بتشييد اهم مرقد
بسم الحسن سلطان كل نعمه
شيب وشباب ابكل فخر
تبني ضريح اعظم بشر
اويه الحجه مولانه
........
باجر مواكب عالدرب ننصب
وكل زاير انكله هلا امن يطب
سهر الليالي للحسن فدوه
منجازي ابو محمد اشما نحسب
خيراته ما تنعد ابد
كد الارض واكثر بعد
كل كرم سلطانه
........
باجر مشينه للحسن ايه
من كربله حد كبره مشايه
مثل اربعين احسينه انزوره
مو قله نطلع نطلع اهوايه
تتعنه مشايه الة
ناس العراق ابأكملة
بطيافه والوانه
.........
عامر مضيف الحسن للزاره
ما يوم سد بابه اعله خطاره
خيراته شبعت عالم الفقره
هاي الحقائق ذكرت اخباره
ادلاله ما يوم انطفت
للجاي والرايح كفت
تشهدله بيبانه
.......
ارض البقيع ابطلعت القائم
تنكلب جنه اتزورهه الوادم
انهار عذبه جاريه بيهه
باجر نشوف وما يضل لايم
ابدولة المهدي العادله
اتصير البقيع امدلله
هذا الخبر جانه
.......
كلمات
✍موسى الخادم
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
.....
خادمة ام البنين عليها السلام
بنت اﻵشتر..المالكي
. نعي للاب 😭😭😭
ابوذيه
غيرك مايود الكلب .يآبه
فراكك كل مرار وظيم .يابه
اصيح بصوت يومن شلت.يابه
اخذني وياك يلي كطعت بيه... ....نعي😭😭
نولينه وسورنه العالي .تهدم
ونبجي عﻻ الي شال .من دم
ابونه الجان ببنياته .يهتم
مددلنه وجنه بجاله .نلتم
......................
غايب الجان النه .تجيه
ويمر بخياتي .وعليه
كفت العشره .وهاي هيه
حملت ياراعي .الحميه
.........................
حملت منه وسار .ضعنك
وسط الكلب وروح .حزنك
خليني اشبع شوف .منك
للموت ماكطعنه .ونك
...................... ...
ظليت مثل متيهه .الراي
يجرن جمر عالراح .عيناي
يابوي ياعزي .وسلواي
شيال عني هموم .دنياي
.........................
وسفه رحت ياشيلة .الراس
ياهيبتي مابين .هالناس
جانن عيونك علي .حراس
تمطر غضب لومره .انجاس
............... ..........
الله وياك يامن .دللتني
تفكدني دوم .وما عفتني
ابعدت عني ورخصتني
ابعازتك ليش تركتني
............. ..............
بصوت. مسلم المطيري
وجهت وجهي الغيرتك
كلمات الشاعر
عباس الفرطوسي
كون ياخذني الهوا
ياحبيبي ياحسين ❤️🙏
كون ياخذني الهوة يوديني
خاف اموت وما ازور حسيني
بجاه ابو السجاد ينزاح البلاء
وكلنا نرجع نلتم نقيم العزاء
وليلة الجمعة نرد نقرة الدعاء
وشوفة الحضرة تكحل عيني
خاف اموت وصدري ما شابع هوة
منك من الحضرة من ذاك الضوة
المايزورك هو والماكو سوة
ياقبلتي وياصلاتي وديني
كون عالمنبر اموت من اعتلي
وسطت الزوار مو وسطت هلي
وبالنعاوي اشيع المرقد علي
وبسواد هدومي مجفنيني
من يردوني عليك الكربلة
وادخل العباس راعي المرجلة
بسم زينب ابدي هي البسملة
ابدون ماكلة الكمر ينطيني
وكت خلة ازيارتك شدة تصير
وانت باب الله النكصدة من نحير
انت سلطان الارض لكن فقير
تعيش ماي من اعطش ترويني
وين ما نويت اقراك السلام
انت بسم الله وايات الغرام
ولذلك يمك يجوجي الحمام
وجنح حبك للسمة يعليني
هذا ليل وباجر يطر الصبح
والبس بعاشور من عندك جرح
ياحسين المجلس البسمك ملح
بدمي وروحي بدة يغذيني
من اسولف ويه روحي بس عليك
من ازورك قلبي ياخذني واجيك
لهلي من ارجع اتيه وارد ليك
وداعتك نار العشك تجويني
كاعك امربعة فلا صارت حماد
وكل اجاويد البشر يمك اكعاد
ملكط الزينات حبات الحصاد
حتى من ادارك توجيني
الشاعر سيد غزوان الغالبي
ليش ع النسوان وادم هاده..... وشارده مجلبه بعباية شارده.
نركض من الخيمه محد كال هاا
ماكو واحد بيه نفس نلبد وراه.
شارده مجلبه بعباية شارده.
..................
الخيل وصلت للخيم عباس اجيك.
بيك حيل تكوم لو ماهنه اديك.
درب واحد للخيم وانه ادري بيك.
الخيل مرت بلدرب سحكت عليك.
طحت يبن امي وصحت سترك يرب.... طيحت الحرمه فشل عند العرب
وأخ ياظحكة عدووي البارده.
حسين بتك خلي اكلك بيهه.
ذابله وهادل الثوب اعليهه.
الكاع تجويهه وجمر جاويهه.
وحافيه وتمشي بطرف رجليهه.
ولشمر يحسين يفرض ع بنات..... يلله ركضن بعد ماكو مدللات
هيج تاليهن بنات الساده
طفله بس تكلي اذا يمهم نمر.
سوي روحج مامشيتي اعله الجمر.
عمه ظلت شغله مو مالت عذر.
خاف كدامه ويدرفعنه الشمر.
وخاف يغصبني بعد عمه اعله هاي ..... يم ابوي حسين ويشربني ماي.
وتوه كلب حسين حافر مارده.
تكلي اذا نوصلهم وشفنه الحسين.
لو نشد عمه اعله متنج كولي زين.
وانه من ينشدني باجر هم تجين.
راح اكله امشي وارد بلئربعين.
هايزينب شو سكتي وماكو صوت .... عمه خاف اوصل الشام وغاد اموت.
وانه كتله حسين باجر راده.
عمه خاف نفوت باجر علفرات.
مانسلم واحنه ادينه مجتفات.
وكون نرتاح اوﻻجن راكظات.
نلوذ من نوصلهم بسد البنات.
وخاف عمه يشوفنه ويشيل اديه ..... حتى لو بكلوبنه نسلم عليه.
والله دنيه البيهه زينب ﻻبده.
خويه ابشرك من دخل راسك علينه.
ﻻقرينه الفاتحه وﻻثوبينه.
عود مشتاكيلك بس ماسلمينه.
ماتت ابنيتك تره وبيهه التهينه.
اعله الطشت ماتت لكت محبوبهه .... وجفنتهه حسين خويه بثوبهه.
كبل ﻻتوصلنه جانت كاعده.
الشاعر حمزه الحسناوي
ماتت أمي ،، وصار كل عمري جحيم
ماتت امي ،، وهسه گلولي اليتيم
الله وياچ ييمه الله وياچ
يمه بالله امودعه
،،،،،،،،،،،،،،،،،،،،،،،،،،،،،،،،،،،،،،،،،،
العشت فوگ متونهه ،، ما تفتح عيونهه ؟
واني يمهه وانتظر اسمع حچيهه
التعبت بتربيتي ،،، أمي يا عافيتي
ساكته ودمعي النزل بلل أديهه
يمه شو ماكو الهلا
والچفوف مسبله
هسه المعاتب حلا
يمه يمه
عايفتني الدنيا موت
آه يا جرح السكوت
الجنه نظره وياهه صوت
يمه يمه
راح كلشي من گلت يمه وبجيت
راح كلشي هسه والله انه انتهيت
العمر صعبه نشيعه
يمه بالله مودعه
،،،،،،،،،،،،،،،،،،،،،،،،،،،،،،،،،
ساكته ويمج انوح ،، انتي روحي وين اروح
لو بعد ما ننجمع يمه سويه
العايشه بألله كريم ،، الجوه رجليهه النعيم
الذبلاهه الموت راحت هاي هيه
يا حظن بعدچ دفى
ويا گلب ميت صفى
يمه اخذتي العاطفه
يمه يمه
احچي خل اشتم هوى
الظلمه تحلم بالضوى
گلبي بعدچ ما روى
يمه يمه
بس ثواني اغفه بعيونچ وانام
بس ثواني گبل ليموت الحمام
گلبي يم گلبچ نعى
يمه بالله مودعه
،،،،،،،،،،،،،،،،،،،،،،،،،،،،،،
فاهيه الدنيا وراچ ،، كون ياخذني الخذاچ
ريت ياخذني الگبر ويعوفج انتي
الدافيه ام گلب الحنين ،، الدمعه تحلى وي الونين
من اشبگچ حيل واصرخ وين رحتي
ميته وايدج كلهه امان
شابگتني بكل حنان
وين وداچ الزمان
يمه يمه
يا طبيب بلا طبيب
يمه من بعدچ غريب
راح اعيش بلا حبيب
يمه يمه
رجعي لحظه يا وطن تحت التراب
رجعي لحظه فرگة عيونچ عذاب
صوتچ ولا نسمعه
يمه بالله امودعه
،،،،،،،،،،،،،،،،،،،،،،،،،،،،،،،،،،،،،،،،،
يمچ وانحب عليچ ،،،، ميته واتغطيني اديچ
رايحه ودارچ تظل وحشه اوخليه
بارد البيت وغطاه ،، والله فگدچ يتماه
آه يا جرحچ بعد شيسوي بيه
رجعي صاحولي الوحيد
يمه بس صوتچ اريد
العيد اجانه وماكو عيد
يمه يمه
العافيه التعبت حرام
جوه التراب وتنام
يمه احبچ والسلام
يمه يمه
اعذريني ،، هواي تعبتچ يشمعه
اعذريني ،، والله صاير كلي دمعه
هسه عشت الفاجعه
يمه بالله امودعه
،،،،،،،،،،،،،،،،،،،،،،،،،،
راح اعيش بلايه روح ،، وضحكة گليبي تروح
راح كلشي بعمري يتحول جنازه
تارك اعيوني وراي ،، صدري مخنوگ وهواي
والحظن محتاج للملگه وتوازه
نندفن شوگ وعتاب
وبيتنا الحدر التراب
والمگابر كلهه باب
يمه يمه
المي ورد چلمة تعال
سوي لوليدچ مجال
يمه يلكلچ حلال
يمه يمه
ونتلاگه ،،، مثل غيمه تلاگي غيمه
ونتلاگه ،،، وتنتهي جروحي القديمه
والچفوف أمشرعه
يمه بالله امودعه
كلمات خادم الحسين ع
الشاعر رعد الفريجي
ما مل وتملني وانت تعرف زين
شيبت وبعدني ماتركت احسين
--------------------
شيبت وبعدني برغم هالشيبه
خادم ماتمه وهمي بتراتيبه
الماله احسين باجرصابته الخيبه
للمديون باچر من يوفي الدين
-------------------
باچرمن يوفي الي طلع مطلوب
لوصار الچفن ملبوس ليه الثوب
باچر ينفضح لوثوب بيه معيوب
شيعبره الصراط ويمسك الايدين
--------------------
باچر من يعبره البيه الف خله
ولوجه الكريم ايسامح الزله
اله من الله كرامه حسين واهبله
باب الله الوسيعه امفتحه البابين
-------------------
اباب الله الوسيعه ماتظل حيران
يعدل لويخل بيه چفت الميزان
موگالوا كرامه الخدم ما تنهان
لحسين الخدم بيه واهله متكفلين
-------------------
لحسين الخدمله احسين متكفل
ربان السفينه اتشيل بيهه الكل
علي بابه نظل وغيرنه الينزل
عنه وما نحول وياه بالدارين
-------------------
عنه وما نحول وما نزل خطوه
يمن سواك ربك للارض عطوه
بيك انت النلوذ بساعة البلوه
والييك اليلوذ ايحصل مرادين
--------------------
إل بيكم يلوذ يحصل امراده
ياخيرة خلقه وعالبشر ساده
اذا زوار اجينه موش عالعاده
فرض وبيه نأدي الحجه بيه حجتين
-------------------
فرض البيه يتم الباري بفروضه
واكملت لكم عالناس معروضه
اربعين احسين عدنه الكوثر وحوضه
وعطش حبه الخذانه ليه هل ماشين
--------------------
ال محب..✒
#تراث
نادت زينب الحره .... لاچن تجذب الونه
شلون اهنى بشراب الماي.. وحسين إنحرم منه
ــــــــــــــــــــــــــــــــــــــ
شلون أشرب وضوگ الماي.... وحسين إنچتل عطشان
حسين المرد دلالي.. من شفته على التربان
يلوج ينازع بروحه... سلبوه وبگى عريان
شلون انسى الگظى ضامي ... بن أمي حسين المچنى
شلون انساه.... الماي شلون اشربنه
ــــــــــــــــــــــــــــــــــــــ
مصاب حسين مثله مصاب ... لا صاير ولا يجره
ياهو الگبل ابو اليمه... ظامي وانگطع نحره
وادي كربلا والماي ..... مهر الزاچيه الزهره
وحسين إنذبح عطشان..... والماي إنمنع عنه
شلون انساه .... الماي شلون اشربه
ــــــــــــــــــــــــــــــــــــــ
آنه أم الحزن زينب .... ونيران الحزن بحشاي
تسري وعگب عين حسين... ماريدن بعد دنياي
آنه الفارگت جثته ... ورحت ميسره ويا عداي
خليته وردت جسمه... بيدي الگبره أنزلنه
شلون انساه ... الماي شلون اشربنه
ــــــــــــــــــــــــــــــــــــــ
آنه اللي شفت نارين ..... لاچن نار أشد من نار
نار الحرگت خيمنه .... ونار حرگت باب الدار
آنه اللي شفت صدرين ... واحد صوبه البسمار
واحد كربلا تخبرك.... شلون الخيل رضنه
شلون انساه... الماي شلون اشربنه
ــــــــــــــــــــــــــــــــــــــ
چم مصاب دهري الصاب ... گلبي وانجسم نصين
آنه الحزن ذوبني .... وآنه الشاهدت طشتين
چبد الحسن واحد بيه ... واحد بيه راس حسين
وسهام الدهر گلبي... بفگد حسين صابنه
شلون انساه ... الماي شلون اشربنه
ــــــــــــــــــــــــــــــــــــــ
آنه اللي وگفت مرتين..... والمرتين أذني
وگفه بمجلس إبن زياد... متشمت نشد عني
وگفه الثانيه بمجلس.... يزيد الكسرت وني
وماظل من هلي واحد ... بذيچ الساعه احشمنه
شلون انساه ....الماي شلون اشربنه
ــــــــــــــــــــــــــــــــــــــ
آنه اللي فجعني البين ... بهلي وصرت مفجوعه
آنه الشاهدت چفين ........للعباس مگطوعه
آنه الشفت اخويه حسين ..... كلها مكسره ضلوعه
ــــــــــــــــــــــــــــــــــــــ
آنه المانسيت حسين..... آنه زينب الكبرى
آنه البالصبر مثله..... وصبري نبع من صبره
آنه الدهر دولبني.... وبحسين شعمل دهره
ما خلاني ويا حسين.... لمن طاح اودعنه
شلون انساه .... الماي شلون اشربنه
ــــــــــــــــــــــــــــــــــــــ
إنجان السهم فت گلبه... أنا مصيبتي بالسهمين
آنه الشاركت همه .... حسين الشارك بهمين
آنه الرضعت وياه ..... وغذاني حليب أمي
شبيدي لو مايطح بيد.... جرعة ماي أشربنه
شلون انساه... الماي شلون اشربنه
الشاعر الشيخ جبار البناء الكربلائي
#اللهم_عجل_لوليك_الفرج
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
لبیک یاحسین ع
وين باجر... ليا وطن رايح دلالي
وين باجر...يا خَلگ تنظر خيالي... وين باجر
..........
مُظلمة الدنيه بغيابك
وما يحل عني الظلام
واليفارگ نظره منك
گلبه جمره أمن الخيام
انه فارگتك يخويه
وحافر أبصدرك ينام
عطر صدرك خاف اشمه
وينلچم صدر السلام
حيره والله.... ما رعو جسمك سليب
حيره والله.... لينه ينظر چم غريب... وين باجر
..........
خطوه خطوه من وصلتك
كبرت أسنين العمر
ما لگيتك ما عرفتك
انمردن أضلوع الصدر
صرت غيمه فوگ نحرك
ومُطرت أعيوني أبصبر
والزَمت نحرك أشمه
أبصوت ناداني الشمر
فوگ صدره.... واشتمت امج يزينب
فوگ صدره.... وذبحت نحره وتعذب... وين باچر
.........
خويه اذا جرحك يلچمك
اشلون گادر عل الذبح
والرمح خِشبه وحديده
وانته راسك عل الرمح
والهوه يلچم جروحك
اشلون اذا كلك جرح
واشتهت روحي گبرها
الگبر ما بيه أي صبح
يا صبح... ومني ماخذلي عشيره
يا صبح... زينبك صارت اسيره... وين باجر
.......
كبالي رفعو راس اخوتي
والرمح دفعووه غصب
طگ لهاته وطاح دمعه
وعينه تنظر عل الدرب
ضل يناشگ من سِنانه
وعل الرمح دمه يصب
وحِسبت نَحره ابجروحه
اثنعش طبره أمن الضرب
ااه خويه... تعلعلت وانته الذبيح
ااه خويه..... من يذبحك لا تصيح ... وين باچر
......
اليمشي يم راس اليحبه
أسم الله گله لو عِثر
ولو طلب ماي ويشوفه
يجيب بچفوفه نهر
انه ادري راسك انته
عل الرمح صاير گمر
طبعك انته ما تردني
بدونك انه ابلا ظهر
ظهري ورم.... من سياط الما رحمني
ظهري ورم... السوط غافي فوگ متني
.........
عمار_التميمي
نعي للقبور المهدمه بلبقيع
=========
من ام البنين اسمعت ونه
وتصيح وين المهدي عنه
يعلي مراقد ايمتنه
...............😭
امهدمه ياذيج الكبور
ومنعونه من شوفتهم الجور
مكدر اشوفن عالي السور
..............😭
ريت المناير ترجع جديد
ويزهي ابئيمتنه البيد
غصبن على الطاغي العنيد
............😭
منفطر كلبي وصار نصين
لهل البقيع وصبت العين
وياي وني يلتونين
............😭
طه النبي غص بعبرته
علجرى والصار بعترته
ماتطفه لولاده جمرته
.............😭
ترابه شفتها وحيل ونيت
بحركت كلب ياساده ناديت
قبه ومنايرها تمنيت
...............😭
ياوسفه بس صخرات وتراب
ياشيعه يكتل هذا المصاب
يلمهدي اوجهلك عتاب
احضر يبن دحاي الابواب
=========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
✾❁◼️أنت المعزى سيدي يا صاحب الزمان ... عظم
ــــــــــــــــــــــــــــــــــــــــــــــــــــــــ
لسادتي أئمة البقيع عليهم السلام
معلنه قضيتي حيدري هويتي
للبقيع احامي أبقه حد منيتي
===================================
حيدري وهالمعتقد يجري اويه دمي
من الزغر حب الوصي غذتني أمي
افتخر چي رافضي ايظل رافضي اسمي
دين وهابي الأصل مايثني عزمي
مرتفع ندائي جعفري ولائي
للبقيع احامي ابقه حد منيتي
===================================
شيعتك يابالحسن نازل دمعها
شوف مولاي الجره وعاين وضعها
بسيف آل اسعود متشتت جمعها
نقسم اعليك بكسر أمنه وضلعها
بطلعته سلامي عجل الأمامي
للبقيع احامي أبقه حد منيتي
===================================
نطلع بموكب غداً واضح شعاره
من عراق التضحية اول شراره
لليماشي الباطل انعدل مساره
وينبني الغرقد بيادي هالغياره
استمع رثائي صوتي كربلائي
للبقيع احامي أبقه حد منيتي
===================================
جعفري من الذر أنه وهذا انتمائي
الجعفر الصادق وحگ حيدر فدائي
يابقيع الروح افديچ بدمائي
تشهد اعلي كربله وتشهد سمائي
لهلي والغوالي بالوغه خصالي
للبقيع احامي أبقه حد منيتي
===================================
لآل طه ارواحنه فدوة ودمانة
بصوت تعجيل الفرج يصدح دعانه
بغرقد أصحاب الفضل باچر عزانه
بحضرت القائم يرف بالحق لوانه
ألقبب نشوفه تنبني بچفوفه
للبقيع احامي أبقه حد منيتي
===================================
8/5/2022 الأحد
#الشاعر_الميرزا_محمد_الساعدي
لحن القصيده ((أضغط هنااااا))
#ابوذيات
رهمت اعليك انا ابلياك .... مرهم
يبو اليمه اعله جرحي الگاك.. مرهم
ابجاه الي عليها اهواي ..... مر هم
مُـرّ ابليلة الوحشه عليه ...
الك مديت أديه .... ما لغيرك
عدل يحسين ميت .. مالي غيرك
دخيلك لو عفتني ... من لي غيرك
منهو البل حشر ينغر عليه ...
الك مكتوب من الگلب .... ودّيت
مثل ودك ولا انسان ..... وديت
اموت ابمجلسك يحسين .... وديت
او گبر يم منبرك ينحفر ليه ...
ابو فاطمة الطائي
#اللهم_عجل_لوليك_الفرج
منشور ريحانة المصطفى
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
حاجه وتمـنيتــها بالعَـَلم شـدّيتــها
وانته تعرف شنهو سرها.. ياحسين
ــــــــــــــــــــــــــــــــــــــــــــــــــــــــــــــــــــــ
لو يذب اهمـــــــومه كلها اعليـه وكتي
بس ازورن كربله تفـــــــــرج محـــنتي
حاجتي البعـيــــوني تنــزل وي دمعتي
وانته تعرف شكو ابگلبي وشنهو علْتي
گبل لا احچيلك ...... آنه اصيح ادخيلك
ادموعي طلعت من خدرها ياحسين
وانته تعرف شنهو ســــرها ياحسين
ــــــــــــــــــــــــــــــــــــــــــــــــــــــــــــــــــــــ
آنه خادم منبــرك وابقــه اعله عهدي
ما أعـوفــك لـو أظـل بالــدنيا وحدي
إنتــه بالنـســـــــبه إليه كلـشي عندي
كل زيـاره أكـعــــــــــــد ابابك أجـدّي
إيدي ماذليـــتها ......... بـس الـك مديـتها
مدّت امجـــدّي اعتـبرها ياحسين
وانته تعرف شنهو سرها ياحسين
ــــــــــــــــــــــــــــــــــــــــــــــــــــــــــــــــــــــ
إعتـبرني آنه واحـــد من عبــــــــيـدك
حتـه من أعطـش يرويني عضــــيـدك
آنه محتاجك دوه اوتوگفلي اريدك
ما أظن تبخــــل عـليـه ابلمسـت ايدك
عندي حاجه وجيتك .....وانـــه اندل بيتك
حاجتي يمــــــــك أمرها ياحسين
وانته تعرف شنهو سرها ياحسين
ــــــــــــــــــــــــــــــــــــــــــــــــــــــــــــــــــــــ
ما أحـيرن وانته يحســـين بوجـودي
خادمك ومقصـــر اويـاك ابجهـــودي
الناس تنزل وانـــه بالخدمه صعودي
گمت أشم حرگ الخيم حته بسجودي
من أشـم اترابك ........ أشم عطـر اثيابك
باقي بالُتــربه عطـــــرها ياحسين
وانته تعرف شنهو سرها ياحسين
ــــــــــــــــــــــــــــــــــــــــــــــــــــــــــــــــــــــ
كلشي عدنه ايعيش من نبضك حركْته
وكل وجـود الدنيا بحســـــاسك ملكته
من أركّــــز بالنهــــــر تعرضــــــلي انته
والنِده من گد فشـــــلْته ايطيح سكته
ضامي بالطف عافك ... اتبرّه من اشــفافك
مالِزم روحـــــه وعصرها ياحسين
وانته تعرف شنهو سرها ياحسين
ــــــــــــــــــــــــــــــــــــــــــــــــــــــــــــــــــــــ
خلها خلها الناس ترميني ابحچيها
إلرضت والمارضت ميهمــني بيــها
خدْمتي حسين المهم راضي عليها
وانه چنت ازغير ربّتني اعله اديها
خدمتك نوماسي ........ بيهـا رافــع راسي
خدمتك عندي اشـكبرها ياحسين
وانته تعرف شنهو سرها ياحسين
ــــــــــــــــــــــــــــــــــــــــــــــــــــــــــــــــــــــ
خادم الامام الحسين
مرتجى الحســّــــاني
وجهت وجهي لغيرتك
وسلمت أمري لرحمتك
يلشايلينك بالرمح
خليني شايل رايتك
...........
بابك عندي باب الله اعله بابك رايد اتوكل
متيه دنيتي وربعي وغيرك كلشي ما اندل
اجيك مبهذل ومكسور وارجع منك معدل
لو ميت انه من اسنين امن اشمن حضرتك اعدل
يحييني مولاي الهضم
لو باقي بس جلد وعضم
مولاي كلبي لو يدك
دكاته الك تصبح لطم
..............
صح بعيني ما شفتك لجن ما فاركت بالي
المجان الماكو ذكرك بيه يضل طول العمر خالي
بحضرتك من أسد عيني اشوفك واكف اكبالي
واصد لطولك المهيوب واصد للبيرغ العالي
بحضرتك ياخذني الهوه
واصفن واعيش بنينوى
وانضر جفوفك سيدي
بجفوف شيال اللوه
............
أريدك تعذر ادموعي واريدك تعطف اعليه
انه المفروض اجيك زحوف عيب امشي اعله رجليه
اجيت وصدري ما مسحوك سالم كلشي ما بيه
اجيت وريجي شابع ماي وما جايبلك اميه
مدلل هلي وكاصد الك
وادري بسبي راحو هلك
ما يكفي جرحي مصيبتك
زيد جروحي اتوسلك
............
شيريد يحس بعد مولاي البلهفة غرامك حس
هوه الما يحب مثلك حرام عليه يتنفس
اليموت وحبك بكلبه واجب ذكره يتقدس
ويهنياله النذر عمره وحياته (للحسين) وبس
هنياله اليكضي العمر
بس بالبجي ودك الصدر
وهنياله كلمن يحترك
من تنذكر ام الخدر
.............
اجيتك كاشخ بنوحي اقلل بالكي من نوحك
وكايد دمعة اعيوني كون اجفيها وتلوحك
ويبرد كلبك الضامي واداوي بدمعتي جروحك
و أريدك تعذر اجروحي لأن ما وصلت لروحك
كاشخ اجيت بدمعتي
محزم وشايل رايتي
واكف اباب امروتك
منك اريدن حركتي
عباس الفرطوسي الكربلاء
بصوت. مسلم المطيري
كون ياخذني الهوى يوديني
خاف اموت وما ازور حسيني
كلمات الشاعر السيد
غزوان الغالبي
کربله یعني ركض فوگ التراب
کربله یعني مصاب ابصف مصاب
ــــــــــــــــــــــــــــــــــــــ
کربله یعني ألم يگطع الروح
کربله جروح وجروح وبس جروح
کربله یعني مره ثكله تنوح
وعايشه ابلوعه واسی وحرگه وعذاب
ــــــــــــــــــــــــــــــــــــــ
کربله یعني طفل خايف اهواي
لايذ ابأمه وهي مشدوه راي
کربله عبد الله ضامي يريد ماي
وتالي يتروه ابدمه نحره المصاب
ــــــــــــــــــــــــــــــــــــــ
کربله یعني عرس بين السيوف
والعروس ابعينها المنظر تشوف
جاسم العريس ما بين الصفوف
امحنه من ادماه وسف خير الشباب
ــــــــــــــــــــــــــــــــــــــ
کربله یعني شبيه المصطفی
امگطعه اوصاله وبدر وجها انطفه
ويمه ابوه ايصيح عالدنيه العفه
بعد عينك يا علي يبن الأطياب
ــــــــــــــــــــــــــــــــــــــ
کربله یعني أخوا ماله مثيل
يعني خوة گمر عدنان الچفيل
امگطعه اچفوفه ودمه راسه يسيل
والعيون مصوبه ودلاله ذاب
ــــــــــــــــــــــــــــــــــــــ
کربله یعني وفه ماله حدود
يعني غيره ويعني رايه ويعني جود
کربله چفین مگطوعه وزنود
واخو ايصيح عضيده ما يسمع جواب
ــــــــــــــــــــــــــــــــــــــ
کربله یعني حُسين الكبرياء
نایم اعله الگاع واتسيل الدماء
میة ألف آه لرزية كربلاء
حسین معشوگ الگلب فوگ التراب
ــــــــــــــــــــــــــــــــــــــ
کربله يعني ابو اليمه طريح
کربله یعني جريح ابصف جريح
کربله یعني مره تگوم وتطيح
ومن تطيح ايحل على الناس العذاب
ــــــــــــــــــــــــــــــــــــــ
کربله یعني اسيره اعله النياگ
اتعوف جسم اعضيدها ويبدي الفراگ
اشكثر رادت تندفن برض العراگ
بيه جسم احسينها وداحي الباب
ــــــــــــــــــــــــــــــــــــــ
کربله یعني بنات امدللات
وبعد والدهن بگن متحيرات
فاطمه تکل الرقيه حسين مات
صوبوه ابسهم بيه اثلث شعاب
ــــــــــــــــــــــــــــــــــــــ
کربله یعني حزن أم البنين
الما بچت لولادها وتبچي لحسين
وتدري بالعباس لا يسره ويمين
وفدوه لبن المصطفی زاچي الأنساب
الشاعر الشيخ زمان الحسناوي
اللهم_عجل_لوليك_الفرج
أبو ذيات في شهادة الإمام العسكري عليه السلام .
ـــــــــــــــــــــــــــــــــــــــــــــــــــــــــــــــ
تِحِضرَك فاطِمة الزهرة لَوَنهَه
تُوِن وِجــبَال تِتفَطّر لَوَنهَه
تِــشاهِد حَالَك ٱتغَيّر لَوَنهَه
يِگطّع چَبدِتَك سِمّ المِنيّة
ـــــــــــــــــــــــــــــــــــــــــــــــــــــــــــــــ
شتِريدِ الدنيا مِن عِندك وَشِلهَه
سِمهَه ٱحشَاك گطّعهَه وَشَلهَه
وخَلّص حَتّى مِن عَيني وَشِلهَه
وبُقَت بَس بالدّمه ٱعيوني جِرِيّة
ـــــــــــــــــــــــــــــــــــــــــــــــــــــــــــــــ
إلَك ما أبخَل بحَــسرَة وَجِرهَا
مُصابَك جَمرَةِ ضلوعي وَجَرهَا
عَليك الدمعة مَذروفة وَجِرهَا
ٱنكتَب باللّوح يَم رَبّ البَرِيّة
ـــــــــــــــــــــــــــــــــــــــــــــــــــــــــــــــ
**
هوسات في شهادة الإمام العسكري عليه السلام.
ـــــــــــــــــــــــــــــــــــــــــــــــــــــــــــــــ
وَسفة ٱبن النجابة والشرف ظلموه
ما رَاعَــوا گرابة جَدّه وحِـشموه
سَليل الدّين أهـــل الجور سَمّوه
مصدوع الدِين وأركانَه
ـــــــــــــــــــــــــــــــــــــــــــــــــــــــــــــــ
وعلى امصابه الملائك تِهمِل العَبرَة
وَبو صـــالِح دِلِيله يِلهَب بجَمرة
ضَـــــجّت بالألم والدمعة سَامَرّا
ولِبسَت ثوب اسود حَزنانة
ـــــــــــــــــــــــــــــــــــــــــــــــــــــــــــــــ
إبن حَيدر علي باب العِلِم مظلوم
ودَارَه مظلمة وبالوَنّة هذا اليوم
طايِح يا وسافة والچبِد مسموم
وظَل خالِي وموحِش دِيوانَه .
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
ابوذیه
تولني المصايب هاي وي هاي
وگفت وماطحت وانشاف وي هاي
اطفي بهاي لن الشمر وي هاي
حرت واشمتو يحسين بيه
بذبحك شفت دم يحسين بسماي
اخوي وعلي يومي يريد بسماي
يربي اقسم عليك اليوم بسماي
تجيب الماي يروي حسين اليه
فاضل الجهلاوي
خوية وغلاتج .. لا ما نسيناج
من يوم موتج .. ولهسه ننعاج
عذريني أني واخوتج
ما حاضرين ابدفنتج
هاليوم اجيناج .. هاليوم اجيناج
............................----------...........
؛١
خويه من جانه الخبر ما صدكَـينه
بيج مو بالشام ندري بالمدينه
اشرجعاج الديرت الي ذابحينه
جان اجيتي الكربله ومتي اعله ادينه
خويه زينب .... حسبيته ابموتج
خويه زينب ... على ريحتة خوتج
خويه زينب .... وحشه ظل تابوتج
وصلتني الاخبار .. وحشه الجنازه
ولجفوف الاخوان ... جانت بعازه
بالشام صارت موتتج
ما حاضرين ابدفنتج
..........................__.............
؛؛٢
عن سبب تأخير جيتي لو سألتي
حيل ما ظل عندي اجيلج بيه يختي
حاضره ابعاشر محرم انتي جنتي
وشفت شوفت عينج الخيل اعله جثتي
بالحوافر ... طشروهه اعضامي
بالحوافر ... لحمي ظل كَـدامي
بالحوافر ... سحكَـو اعله احلامي
من يوم موتي ... والهل مسيه
يوجعني كلشي ... يل كلشي بيه
دمي يصب من روحتج
ما حاضرين ابدفنتج
...........................__.............
؛؛؛٣
خوية حقج لو عتبتي انتي عليه
وعلى عباس الرخص عمره الأخيه
الأخوه عازتهم صدكَـ وكت المنيه
وانتي تانيتي نجي وما بينه جيه
مو بدينه .... خويه الج ما جينه
مو بدينه .... امن الجروح البينه
مو بدينه .... يل الأخت عذرينه
المكسور ظهره ... شتعينه يا كَـاع
مو هينه يختي ... نوصلج ابساع
وهل السبب كل اخوتج
ما حاضرين ابدفنتج
...........................____........
؛؛؛؛٤
.لربعينج جينه جابتنه المحنه
عفنه ظلمه اكَـبورنه وجيناج كلنه
الله لا ينطي الزمان الي بعدنه
الشام لاديرتنه لا ديرت اهلنه
طبت السوكَـ ... لسه خويه ابالي
طبت السوكَـ ... بيهه رمح العالي
طبت السوكَـ ... تحجي حال اعيالي
اتأخرت يحسين ... جنج تكَـولين
كَـبرج وصلناه ... دم سالت العين
تانيتي انتي وغربتج
ما حاضرين ابدفنتج
.........._
✍️🏻 كلمات موسى الخادم
لا تظن يشفه الجرح«»«»وانت راسك عالرمح
يبني يل أكبر«»«»«»يبني يل أكبر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ليلي مانمته ابغيابك وبالگلب حسره
والهجر عذب دليلي وجرعت مره
گلبي خليته ابونينه ماخمد جمره
ودعت كلشي ابوداعه فاگده بدره
،،امك ابهم وفگد«»«»ابلوعه الراسك تصد،،
،،يبني يل أكبر«»«»«»يبني يل أكبر،،1
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انهدم كل البنيته واختلف وضعي
واني من يوم الفگدتك انحب وانعي
والسهر ذبل جفوني ومانشف دمعي
حايره بفگدك ييمه وانحنه ضلعي
،،ضايعه ابگاع الصبر«»«»وصعبه ايام الهجر،،
،،يبني يل أكبر«»«»«»يبني يل أكبر،،2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ياحلم عمري التبده عالترب غافي
بس حزن عگبك حياتي من الهجر كافي
ردتك الأيام شيبي يبني اتوافي
يانبض گلبي وفرحتي وبسمت أشفافي
،،عمرك الغالي انطوه«»«»وخدي ابدمعي انچوه،،
،،يبني يل أكبر«»«»«»يبني يل أكبر،،3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
موتي اهون من وداعك وگلبي عذبته
صرت مسبيه ابغيابك وليلي مانمته
يبني حاچيني يغالي ليش هالسكته
نومتك جرحت دليلي وحيلي هدمته
،،بعيني اصدالمصرعك«»«» منهو ليه ايرجعك،،
،،يبني يل أكبر«»«»«»يبني يل أكبر،،4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ماتطيب اجروح فگده الفاگد الغالي
وامك الفكدت ضنها بعازت الوالي
انگطع منك نصيبي ودمعتي اتلالي
رتك الأيام شيبي وللگبر تالي
،،ريت قبلك الممات«»«»بعدشلي بالحياة،،
،،يبني يل أكبر«»«»«»يبني يل أكبر،،5
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي