2148
ما أخطأ من دعاك قمرًا؛ مذ خُلقت وأنتَ تستمدّ سناك من شمس الحُسين، وتمثّل لنا إشراقًا مستمرّا. 🧡 °°قَصَائدَ حَسَيَنَيَهَ • ❥˓#ألُِحٍآن حٍسينيهـ يـ๛ـ؏ـدنـا تـواجـدڪـم مـ۶ـنـا
#أبوذية
نِـشَرْ حِـزنك عـلـى راسـي عـلامه
يـبـويه و دمْ تـهِـلْ عـينـي عـلامه
بـوجـهي ظـلّـت الـسـطْره عـلامه
أجيـك و شـوف شنهو لصـارْ بِـيّـه
#جابر_الكاظمي
#اللهم_عجل_لوليك_الفرج
قصائد استشهاد الزهراء(عليها السلام)
**
قصيدة(دعيتچ فاطمه)
(20)
دعيتچ فاطمــــه وادريچ يالزهره
طبعچ مو بخيله وردت بس نظره
***
ضــــاگت والنوايب بِدَن ياذنّي
واهمومــي وحگچ حيل تعبني
ليل وما غُفيت اجروحي جَلْبني
وخنگتني يبنت المصطفى العبره
****
راح اسكت واخلي الحچي للدمعات
والســــان الدمع ابلغ امن الچلمات
على بَختچ امتونـي صُفن مهدولات
مكسور وردت مَن خاطري ايجبره
****
خلص صبـــري وبعد ما بيَّه اتصبَّر
مشـــدوه الفكر يــــا فاطمه امحيَّر
عليچ ابحيرتچ من هجموا العسكر
لتخليني حاير حالتي امعسره
***
وين انطي الوجــــهْ ملگيتلي شَـــرّاي
ابيع اعليـــهْ وجهي ويبقه بيهْ المـاي
عليل اباب ضلعچ رحت اجدي ادواي
شافيني يَمَن اضلوعچ امكسره
****
ابعون الله وابعونچ تنگضي الصعبه
ابمدد يـــــا فاطمه ما تظل أي نكبه
عليچ اقسم ابـــذاك الطاح عالعَتبه
عونچ طحت وامست ناسي تتبرّه
****
تمشّي اعليچ جمر الباب جَمراتـي
تطفّيهــــه وبعد تخلص مُعـــاناتي
صحت يا فاطمه ومگضيَّه حاجاتي
اشلون الينخه كوثر بي تظل جمره
***
واخيرا راح احلفچ فاطمه بالبـــاب
الـصارتلچ سِتر من العِده واحجاب
ردت منچ حِرِز بي احتمي واحجاب
من هذا الزمان وغدرته وشَرّه
***
گلت مكســـور عذرا يام ضلع مكسور
ودمعاتي استحن من خدچ المسطور
مـــــا ادري أنـــــه معــذور ما معذور
اطلبت نظره أنه امن اعيونچ الحمره
*
كلمات خادم اهل البيت(عليهم السلام)
الشاعر مُهند قاسم الكاظمي
يادنيا العذبتي الزهره
جملتيها جروح وحسره لحن 1
حسن لعيبي الحريشاوي
مسلم المطيري
يادنيا العذبتي الزهره
جملتيها اجروح وحسره
كلمات الشاعر/ حسن لعيبي الحريشاوي
حيدر غسلج بالليل
ميثم العمري
شوط كربلائي استشهاد الزهراء عليها السلام
حيدر غسلج بالليل ويجر حسره بأثر حسره
ومن شاف الضلع مكسور شال أيده ولزم ظهره
*
ألليله حيدر بيا حال حزين ودمعته اتلالي
شال أم الحسن بيده وللمغيسل مشه الوالي
يعينه الله علي رايد بيده ايغسل الغالي
انحنه والصدره ضماها وكام ايسولف وياها
علي ما أضنه ينساها
والله ايموت الف موته علي لو فارك الزهره
*
شال الماي ابو الحمله وعليها يبجي كام اهواي
لن يسمع علي دخيلك غسل فاطمه بهداي
الغالي اشلون كلبها انطاه عالغالي يدير الماي
بعلي املاك السمه احتارت من ايده عله الضلع صارت
الدنيه بحيدر اندارت
شال أيده وكعد بالكاع حيدر خنكته العبره
*
كام ودمعته بعينه يكلها عليج أون معذور
حياتي وبيده اغسلها وشوفن خدج المسطور
وشيظل فاطمه بالشاف من عندج ضلع مكسور
انكسر من شدت العصره وعينج فاطمه حمره
ادري من وره السطره
وحكج لوما الوصيه جان الكل خذت عمره
جفنها علي بحزنه وبده يتوادع وياها
ولن زينب اجت لمها وبجه عرش الله لبجاها
وحسين اعتنه مهموم وكعد يم أمه حاجاها
الحسن يبجي ويريد أمه الصدرها رايد اتضمه
يكلها دنيتي ظلمه
امي وزهرتي بدنياي الفاكد أمه شيصبره
*
يبجون وعلي محتار الزهره اطفال عافتهم
يريد أمه الطفل بالليل وانه اشلون اسكتهم
حنت فاطمه وأنت الصدرها برقه ضمتهم
منظر ماتحمله العين زينب والحسن وحسين
بحضن أمهم غفو هالحين
المنظرهم بجت أملاك وكامت تسجب العبره
**
تمت
ميثم العمري
نزلة لمولاتي فاطمة الزهراء عليها السلام
بويه ما رحموني
ابچي دم خلوني
.....................
فاطمه آنه العفتهه بالظلع موجوعه
ما دريت اصّار بية ثاكله ومفجوعه
ما شفت راحه بغيابك لوعه تتبع لوعه
لا تظن يرتاح بويه الينجرح بظلوعه
من رحت هضموني
ابچي دم خلوني
.....................
تحوّلو عــدوان بويه من غبت اصحابك
نكشفو ونقضوا عهدهم ما رضوا بكتابك
بويه يومين عله دفنك من غبت بترابك
هجموا بنار السقيفه بويه حركوا بابك
فاطمه واذّوني
ابچي دم خلوني
.....................
بويه اعرفه اللي عصرني والسطرني ابعيني
فاطمه گالوله گلهم "وأن" ما تعنيني
حرگ بابي ومن دفعني قاصد يأذّيني
عن علي ابقه ادافع والله ما يثنيني
ما سألت شلوني
ابچي دم خلوني
.....................
الله لا ينطي العصرني الله ياخذ روحه
صابني وطيّح جنيني ما كمت مجروحه
بياذنب ظلعي يكسره ودمعتي مسفوحه
والله من يوم السقيفه عترتي مذبوحه
همهم يقتلوني
ابچي دم خلوني
.....................
من ألم ظلعي يبويه صعبه اجر نفاسي
ما عشت چم ليله بعدك يا اعز كل ناسي
بويه من كثر المصايب والله شيّب راسي
كل دقيقه تمر علية ينجرح احساسي
بياذنب ظلموني
ابچي دم خلوني
..........................
كلها عافتني يبويه بس علي اليرعاني
من يجي يرتاح ظلعي والألم ينساني
بويه وصّيته بوصيّة لو متت بحزاني
لا يشيّعني الظلمني بالأخصّ الثاني
انهظم يردوني
ابچي دم خلوني
الشاعر سيد زيد الفحام
مقدمة ليلة ام البنين ع
.
.
.
الفاگدله محبوب .. لـو صـار الغـروب
گلـبه تـره يذوب
مـن گــد الفراگ
---------------------------------
المامچــوايين مـثلي ومــا امتــانين
بطـلي نـوحچ كافـي گــالو لاتــونين
امن الدرب موكافي وگفه يم البنين
ذوله حقــهم نــار گلــبي مامجربين
والعنده محجوب .. لــوصار الـغروب
گلبه تره ايذوب
مــن گــد الفراگ
----------------------------------
زارعه اعيوني اعـله درب الغاضريه
ونار فگد احسيـن چنهـا اتچوي بيه
اوف من يلفــيني وكــت المــغـربيه
انه احس حـته النفس يصعب عليه
البالحسره مصحوب .. لو صــار الغــروب
گلبه تره ايذوب
مـن گـــد الفراگ
---------------------------------
اليشــبه ام الاربـعـــه بدمــوع خــده
خـل يحضـرله چـفن هسه اعـله گده
المنــجـرح دلالــه دلالــه اشـــيــشده
وگلبي هجر حسـين كل ساعه يمرده
والمثلي محسوب .. لــو صار الـغـروب
گلبه تـره يذوب
مـن گــد الفراگ
----------------------------------
المثلي الله ايساعده الـفاگدلـه غالي
من يصبره وعـاميه اعـيونه اللــيالي
البيه سامع عالحچي ون اعله حالي
المابچه كل عمره طگ گلبه وبچالي
والحزنه مكتوب .. لــو صار الغـروب
گلبه تره يذوب
من گــد الفراگ
----------------------------------
اتراب طييه ابكثر ماحس ابحنيني
ظل يـون اوياي چــيه يسمع ونيني
الــناس ظــنها امتـانيه اربــع بنيني
وانه كــل همــي ابو اليــمه يجـيني
والعمره مسلوب .. لو صار الغروب
گلبه تره يذوب
من گــد الفراگ
----------------------------------
حسـين عني بعيــد وگريبــه المنيه
خاف تـبقه بــشوگه نيــراني سريه
نــاذرتــله والله مــن يــرجــع الــيه
روحي اطشنها اعله جدمه واهليه
الگاعد بالدروب .. لو صـار الغروب
گلبه تره يذوب
من گـد الفراگ
----------------------------------
خادم الحسين ع
حيدر تركي الكربلائي
وين رايح يا علي بجنازة أُمي
لا تخليها بگبر خليها يمي
مو بأي مكان
منبع الحنان
خليها يمي
...,...
بويه هاي الربّت وتعبت عليه
هاي أُمي والهوه الأشتمه هيّه
عگب ذيچ إسنينّه الخلصن سويه
شلون أعيش بدنيه ما بيها الزچيه
* بويه راحة بالي مشيوله على المتون
* تروح روحي وراحتي لمن تروحون
وافقد الامان
منبع الحنان
خليها يمي
...,...
أدري يا بويه اليموت إكرامه دفنه
بس يبويه اللحد مو لأهل المحنه
الِحنان إنريدهم يا بويه يمنه
وماكو حنّيه مثل حنّية أُمنه
* كون النحبها تعيش إبين الاحباب
* مو نوسّدها اللحد وندير التراب
ريحة الجِنان
منبع الحنان
خليها يمي
...,...
أخذوني أنامن يا علي وياها بلحدها
رايده اشبگها وأحط خدي على خدها
وحتى أسليها من إتحن إلوِلِدها
خاف تستاحش إمن إتظل إلوحَدها
* أمي راح إتظل عليك عيونها تصد
* يا علي يا بويه من تدفنها وترد
وياها موتي حان
منبع الحنان
خليها يمي
...,...
يا علي من شلت الجنازة وخذتها
ودّعِت أُمي وفرحتي ودّعِتها
راح أحن إلگعدة الأُم ويه بتها
ونظرة الزهرة الحنينة وسالفتها
* وراح أشتاگ لملامحها وحچيها
* والوقار العدها والسبحة البديها
وعِشرة من زمان
منبع الحنان
خليها يمي
...,...
بويه لسه عيوني ما شبعانه منها
وشينشفهن بعد لو فارگنها
مشت مكسورة ضلع وأزرگ جفنها
أُمي ماتت من ألمها ومن حزنها
* أُمي بالتابوت وعلى الخد دمعها
* بهيده شيلوها لان كسروا ضلعها
يصرخ اللسان
منبع الحنان
خليها يمي
...,...
الشاعر سماح الجنابي
بسم الله الرحمن الرحيم
اللهم صل على محمد وآل محمد
....................................
آجرك الله يسيد المرسلين
عن مصاب الطاهره أم الحسنين
...................................
الله وكبر عالجره موﻻي والصار
خان الدهر وي عترتك وبغدرته جار
وأنسلب حق حامي الحمه حيدر الكرار
والسبب كله من السقيفه وهالشياطين
..................................
بعدك يموﻻي الجره صارت فجيعه
اﻷعراب غصبوا منبرك وبكل خديعه
سلبوا فدك جور وظلم من هالوديعه
ما رعوا حق وصيتك بآلك الطيبين
....................................
اﻷعراب ردت عالكفر والدين مآلوم
والخمسه أصحاب الكساء دنياهم هموم
والمرتضى بعدك يسيد الكون مظلوم
يشكي السقيفه والجره من هالملاعين
.....................................
بعدك يسيد الكون يالهادي هاﻷعراب
عالبضعه هجمت يانبينه ودفرت الباب
بسمار ينبت بالصدر والضلع منعاب
والبضعه تشكي والحسن يبچي والحسين
....... ...........................
موﻻي المصاب الجره حير هالعقول
أشما گلنه عنه سيدي نحتار شنگول
فرعون عصرك يارسول الله مسؤول
والسامري وياه چانوا همه بادين
..................................
موﻻي أعراب السقيفه هدت أركان
خلوا بضعتك يانبي تگضي باﻷحزان
زادت عليها هموم من هجمت العدوان
واﻷشد لحظة أسگطوا منها هالجنين
...................................
موﻻي أبو أبراهيم ياعظم الرزيه
اﻷعراب عدوا وأنكسر ضلع الزچيه
سبطك المحسن سيدي أول ضحيه
الله ياعظم الجره من يوم اﻷثنين
.............................. .....
موﻻي فرعون العصر سب الزچيه
وعده حدوده يانبي وداس الوصيه
عبد درب لهل الغدر هالناصبيه
ﻻ شرع عدهم يارسول الله ﻻ دين
....................................
موﻻي جارت هالسقيفه وخانت عهود
ما رعت حق العترتك وتعدت حدود
والوصي حماي الحمه بحبال مگيود
ما چنه سبع الموزمه وسيد الوصيين
.....................................
يبن اﻷمام العسكري گوم أشعل النار
تناديك صرخات الحزن موﻻي بالثار
أحفاد السقيفه أتكاثروا والدين محتار
ذكرهم بثار الزچيه إن چان ناسين
..................................
لخادم أهل البيت .عليهم الصلاة والسلام .
عبد الكريم سيد سعد .نسألكم الدعاء وقراءة سورة الفاتحه قبلها الصلاة على محمد وآل محمد
شاهد ابداع الشاعر كامل السعيدي
/channel/kamelAbdullah
كل شيعي يون معذور واويلي على الزهراء
ضلع أم الحسن مكسور واويلي على الزهراء
**
كل شيعي هتف مهموم واويلي على الزهراء
وبوجهه الحزن مرسوم واويلي على الزهراء
انشيع فاطمه بهاليوم واويلي على الزهراء
وعدنه كل وكت عاشور واويلي على الزهراء
**
نلطم عالصدر بحساس واويلي على الزهراء
نعشها انشيله فوك الراس واويلي على الزهراء
نبجي وخل تصيح الناس واويلي على الزهراء
وعليها الي يون ماجور واويلي على الزهراء
*
هاليوم الحسن محتار واويلي على الزهراء
بدمعه ايعاتب البسمار واويلي على الزهراء
حرمتني من امي تطلب ثار واويلي على الزهراء
سور امي وهدمت السور واويلي على الزهراء
***
حسين ايصيح بأعله الصوت واويلي على الزهراء
اشلون امي الزجيه اتموت واويلي على الزهراء
بعدها زغيره عالتابوت واويلي على الزهراء
أنحب ياخلك مجبور واويلي على الزهراء
*
زينب والدمع همال واويلي على الزهراء
اجت يم حيدر بيا حال واويلي على الزهراء
راعي البيت صاحت شال واويلي على الزهراء
وكلبي ياعلي مجمور واويلي على الزهراء
**
تكله بويه صرنه أيتام واويلي على الزهراء
وصعبه اليفكد أمه اينام واويلي على الزهراء
ليل وخلصيته آلام واويلي على الزهراء
وجرحها بالكلب محفور واويلي على الزهراء
****
وينج يم حسن وحسين واويلي على الزهراء
يمه بعازتج تدرين واويلي على الزهراء
شجاج ومن وكت تمشين واويلي على الزهراء
وبيتج يمه احس مهجور واويلي على الزهراء
**
خالي أو وحشه صار البيت واويلي على الزهراء
شكثر يم عتبتج ونيت واويلي على الزهراء
وبثيابج اشم ظليت واويلي على الزهراء
ما ادري بزماني ايدور واويلي على الزهراء
**
يمه ما اضن ارتاح واويلي على الزهراء
عكب ذاك الحنان الراح واويلي على الزهراء
فكدج زاد جرحي اجراح واويليعلى الزهراء
ودمعي اعله الوجن منثور واويلي على الزهراء
* * * * * * * *
تمت
ميثم العمري
قصايد
بل باب عصرو فاطمه وطيحو اخوي المحسن
وموبس ضلع منها نكسر لا والله يمكن كلهن
محتاره يمها افتر دافعت لكن مكدر
_
اسمع حجيهم ماهو وليهم
خلي نطب كلنه سوه
ابحجت أصحاب خل ندفع الباب
وخل نكطع اعليهه الهوه
بل باب شبو نيران
والزهره بين الحيطان
نار وجذوع عليها
لا والدي ولا خوان
ولا فزعتلنه الجيران
بس اني بتها وياها
اعله امي كلها تجمعت وگبالي جر جروهه
ولاجنها فاطم بت نبي ولا جنهم يعرفوهه
وحالتي ما تتفسر دافعت لكن مكدر
_
هاذه الرفسها ذاك الدفعها
وامي وحيده بلاحمه
گنفذ اجاهه يركض وراهه
طگهه ونزل منهه الدمه
شل البسمار ايديها
والمحسن طاح اعليهه
وسمع ضلعها اتكسر
تشكف ياجف ياجفين
جفوف امطرت بأم حسين
تمشي وبالمحسن تعثر
ضلوع امي كلها سفطت من ثكل ذيج الدفعه
جذوع وخشب وزنه كلف تحاول بديهه ترفعه
الباب بيهه اتكسر دافعت لكن مكدر
___
محسنها من راح فوك الجمر طاح
علطفل شيحمله الجمر
وماريد اعوفه... وبل كوه اشوفه
ويسحكه كل الي يمر
وبايدي لمن شلته
ومن نارهم خلصته
بسياطهم طگوني
دمعي همل بمصابي
نار التشب بثيابي
بنيرانهم حركوني
ونيرانهم متزوعه ومن شوفتي مصدومه
بيدي اخويه ابلاهدم اركضت ادور اهدومه
الصار بينه اكثر دافعت لكن مكدر
_
بت خير لانساب دمهه على الباب
امي شنو الجانيته
شنهو ذنبهه كلها تسبهه
ماضن بشر ماذيته
ذيج الحنينه تبجي
ماتكدر حتى تحجي
مختنگه من عبرتهه
الوصه ابوهه بيهه
محد يدافع ليهه
تبجي الصخر ونتهه
وناس المدينه معيده جي هجمو اعله الزهره
بيت الوحي كله جمر بكل خطوه تسحك جمره
الفاجعه الماتتكرر دافعت لكن مكدر
__
ماتكدر اتكوم اتبدل الهدوم
صاحت تعالي لييه
بدليلي مكدر لايجي حيدر
ماريده يعلم بيه
وديتهه الحجرتهه
تفت الكلب مشيتهه
شبكتني صاحت ضلعي
ماكوشي سالم بيهه
مجويه حتى اديهه
كالتلي يمه سمعي
ايام راح اتمر الج منهه تشيب ارموشج
ذبح اوسلب بوگ اونهب وتنشد ييمه جفوفج
وبالشام طولج يعثر دافعت لكن مكدر
__
ضرغام منعم الكربلائي
*بسم الله الرحمن الرحيم*
باجــر فاطـمه تنادي وعلينه
وينه اللي خدم ذريتي وينه
باجر يوم الحساب★نحضر ويه لحباب
وينه اللي خدم ذريتي وينه
★★★★★★★★★★★★★★★★★★★
وينه الصاح يحسين ومصابه
انا اهناك احضر فــي حـسابه
واليفديه كـل عمـره وشــبابه
والله يــزول كل ذنبـه وعذابه
ياللي حسين عندك اغلئ محبوب
كلــها اتــزول مـاتبــقـالك اذنــوب
لو واسوونه بمصاب★نحضر ويه لحباب
★★★★★★★★★★★★★★★★★★★
صار حسين كلشي بهايه دنياي
خل اعداي تدري وتسمع اعداي
منهو وياك باجــر جــاوب بهاي
انا اهنــاك حيدر يــوكف ويـاي
حب حسين الي نور ويشع نور
باجــر بالحشــر بس انا مسرور
جاوب داحي الباب★نحضر ويه لحباب
★★★★★★★★★★★★★★★★★★★
يــل صفيــتهن كلــهن نــواياك
ام حــسين باجــر تـوكف وياك
يلي حسين صاير يسري بدماك
حــيــدر بالحشــر هــوه يتلكاك
اهــناكه حيدره يوقع هويتي
اعبر عالصراط وعالي صيتي
بيكم ننسه لصواب★نحضر ويه لحباب
★★★★★★★★★★★★★★★★★★★
يل صــبيت لبنــي دمــعة العين
هاي ادموع عينك هم علي دين
انا اجمــعها لجــلك كلها بعـدين
ما تــنسـاك بـاجــر ام الحـسيـن
هــاي ادمــوعكم كلــهن يـخـدام
راح احسبها يعني مطفيه لخيام
نشفع رغم الاعتاب★نحضر ويه لحباب
★★★★★★★★★★★★★★★★★★★
يم حسن كــون الـطـف يرد كـون
بالمــليــون عابــس بينه مجنـون
ذاك الجيــش لــو تعـداده مليـون
يــم حسـيــن خطــوه مايـكربون
جم جون وحبيـب وجعفـر نصير
نــموت الفيــن مره وبينه تقـصير
ترخص فدوه لركاب★نحضر ويه لحباب
★★★★★★★★★★★★★★★★★★★
خادم العتره ع/ علي حسين الفرطوسي
نسألكم الدعاء
يابسمار البيت. بظلع امي شسويت
كاسر ظلع الزهره ماتت من العصره
بظلع امي شسويت
==========
انه يابسمار ابنها وجيت اسألنك سؤال
ليش اذيت الزجيه واكسرت ظلع الدلال
امي من كد الاذيه من الالم ظلت خيال
خالفت امر الله اشوفك خالفت امر الحلال
يابسمار الباب. محسن بيك انصاب
ظلع الزهره تكسره ماتت من العصره
بظلع امي شسويت
==========
موعظم ظلع الزجيه عظامها مثل الضوه
الدنيا لوخنكه تحسها للهوه توزع هوه
وانت طبعك حيل قاسي بيك.ظلع امي انجوه
بله شيطيب جرحها منين اجيبلها دوه
ماتسواش إعتاب. بيك مودع احباب
جرح بخدها شكبره ماتت من العصره
بظلع امي شسويت
===========
ماانام الا بحضنها هسه كلي شلون انام
الجانت يبات اعله جفها ويانه متعود الحمام
هسه ظلمه الليل كلش استوطن علينه الظلام
امي مو خيمه علينا امي جنه من الخيام
يابسمار شصار. من شعلوها النار
ظلع امي التنتظره ماتت من العصره
بظلع امي شسويت
=========
حاولت احضنها لكن استوطن عليها الوجع
خفت لاالجمها وسفه گلبي يم امي وكع
موش باب اللي تكّسر گلبي ياناس انشلع
والدي بمحسن أخَينّه وبمنا ياويلي انفجع
يادمع الحسرات. بيك اشكد اهات
ذنبك منهو يغفره ماتت من العصره
بظلع امي شسويت
==========
خاين العشره يخاين مثل ماخان النذل
واتفقت اوي العصابه والفعل اردئ فعل
جان كل همكم علينا ذبح امي والطفل
عاده بيكم هالخيانه والغدر عدكم سهل
باجر يم اللّهُ. اشكي الويل واه
گلبي شلون بصبره ماتت من العصره
بظلع امي شسويت
==========
تمت ولله الحمد/ المقصر مع الحسين
✍ علي النائلي
#استشهاد_فاطمة_الزهراء ع
#ابوذيات
لسان حال الزهراء ع
علئ زينب يضلعي انخاك… ضل عين
يضلعي ولا تطـيح ابسـاع… ضل عين
انـه ليـه انهــشـم يـانـاس… ضل عين
ضلع هذا وضلع بالغاضريه
الجرح معروف من ينشف… يبسمار
وانه ضـلعـي نـشــف لكـن… يبسمار
مـالك مـاشــفـت ضـلـعـي… يبسمار
صبتني ومادريت انا الزجيه
الك شكواي يـل باري… يمحسين
وردتـك كافـل لزيـنـب… يمحسين
انه كل همي ياضلعي… يمحسين
عشر اضلوع اله تنرض سويه
لسان حال السيده زينب ع
انه الورثـت حـزنهه… من عدمهه
يحيدر دمهه يـنزف… من عدمهه
التعيش الدنيا غربه… من عدا امه
تضل تنزف حزن حد المنيه
علي حسين الفرطوسي
شوط كربلائي استشهاد الزهراء عليها السلام
حيدر غسلج بالليل ويجر حسره بأثر حسره
ومن شاف الضلع مكسور شال أيده ولزم ظهره
*
ألليله حيدر بيا حال حزين ودمعته اتلالي
شال أم الحسن بيده وللمغيسل مشه الوالي
يعينه الله علي رايد بيده ايغسل الغالي
انحنه والصدره ضماها وكام ايسولف وياها
علي ما أضنه ينساها
والله ايموت الف موته علي لو فارك الزهره
*
شال الماي ابو الحمله وعليها يبجي كام اهواي
لن يسمع علي دخيلك غسل فاطمه بهداي
الغالي اشلون كلبها انطاه عالغالي يدير الماي
بعلي املاك السمه احتارت من ايده عله الضلع صارت
الدنيه بحيدر اندارت
شال أيده وكعد بالكاع حيدر خنكته العبره
*
كام ودمعته بعينه يكلها عليج أون معذور
حياتي وبيده اغسلها وشوفن خدج المسطور
وشيظل فاطمه بالشاف من عندج ضلع مكسور
انكسر من شدت العصره وعينج فاطمه حمره
ادري من وره السطره
وحكج لوما الوصيه جان الكل خذت عمره
جفنها علي بحزنه وبده يتوادع وياها
ولن زينب اجت لمها وبجه عرش الله لبجاها
وحسين اعتنه مهموم وكعد يم أمه حاجاها
الحسن يبجي ويريد أمه الصدرها رايد اتضمه
يكلها دنيتي ظلمه
امي وزهرتي بدنياي الفاكد أمه شيصبره
*
يبجون وعلي محتار الزهره اطفال عافتهم
يريد أمه الطفل بالليل وانه اشلون اسكتهم
حنت فاطمه وأنت الصدرها برقه ضمتهم
منظر ماتحمله العين زينب والحسن وحسين
بحضن أمهم غفو هالحين
المنظرهم بجت أملاك وكامت تسجب العبره
**
تمت
ميثم العمري
يادنيا العذبتي الزهره
كلمات الشاعر حسن لعيبي الحريشاوي
عن استشهاد الزهراء عكيلي
يادنيا العذبتي الزهره جملتيها جروح وحسره
*****
يادنيا الرادت لوعتها ابلاام ولااب خلتّها
تفرح من تنزل دمعتها ياوسفه سلبت راحتها
عليها اطباعج صارت مرّه جملتيها جروح وحسره
******
يادّره الباري شرّفها بس طه وحيدر يعرفها
طاحت بيد الماينصفها والسالب حكها وخالفها
يادنيا وجم مره ابمره جملتيها جروح وحسره
****
يادنيا الماعندج ذمه عاملتي الزهره ابلارحمه
وحشه الدار اعليها وظلمه مكسورة خاطر متالمه
ياكسر البيها شيجبره جملتيها جروح وحسره
*****
ياحيدر والهم يبراله صابر بدموعه الهماله
تذبل وركه بوركه اكباله ماتتوصف ضلت حاله
ينادي الدنيا الكسرت ظهره جملتيها جروح وحسره
******
يامنبع صافي ارسلها من الجنه الباري ونزلّها
ذبلت ياشجره من اولها كدّرها الظالم ذّبلها
ويادنيا الذبلتي الشجره جملتيها جروح وحسره
*****
حاربتيها ابجف الظالم الجانت رحمه الهذا العالم
شّذبل نور الوجه الباسم شكد شافت جور من الحاكم
ماتستاهل ظيم الحره جملتيها جروح وحسره
الشاعر حسن لعيبي الحريشي
حيدر غسلچ بليل ويجر حسره
كلمات الشاعر، ،،ميثم العمري
قصیدة عزائية للحسين عليه السلام
🖤🌿🖤🌿🖤🌿🖤🌿🖤🌿
فاطمة سجليها. الدمعة من نبچيها
شيعتچ حضريها. يم الحسين
🖤🌿🖤🌿🖤🌿🖤🌿🖤🌿
عندچ الدمعة امانة فاطمة ابيوم الحشر
احنه خدامچ یزهرا اشما قسه اویانه الدهر
مجلس الغالي نحضره ونلطم ابحرگت صدر
وصوتنه ایهز المسامع یالثارات النحر
نقسم ابعباسچ. مایخیب احساسچ
شیعتچ حضریها. یم الحسین
🖤🌿🖤🌿🖤🌿🖤🌿🖤🌿
مجلس الجمعة امانة فاطمة يمچ بعد
نضرتچ تکفی یزهره نضرتچ هیه السعد
خدمتچ هیه الوحیده یلی منملها ابد
مو،فقط بس ابمحرم یبقه رادودچ یرد
ابکل وکت شوفینه زهرا اتحزمینه
بس لا تفشلینه یم الحسين
🖤🌿🖤🌿🖤🌿🖤🌿🖤🌿
شيعتچ صفو ملاحم مو فقط بس باللطم
واحد ابسوح المجالس واحد الساتر لزم
واحد ایقیم المئاتم واحد ابداعش هدم
للحشد الزهرا دعوه انرید من عندچ دعم
بالعزیز حسینچ النه نظرة عينچ
ماتردچفینچ. یم الحسین
🖤🌿🖤🌿🖤🌿🖤🌿🖤🌿
لا تردیني يفاطم اقسم اعليچ ابعلي
ابخدمة احسينچ اریدن یا أعز ناسي وهلي
ابگبري يالزهراء حضري شدي بيچ محملي
يا أمل كل حاير. نظره منچ باچر
ادري آنه مسافر يم الحسين
🖤🌿🖤🌿🖤🌿🖤🌿🖤🌿
خدمتچ هیه الوحیده باقیه طول الزمن
خادمچ آنه واظلن أفتخر يأم الحسن
والله منعوف المجالس حبچ ابگد الوطن
دمعة المجلس تأشر خلها تنزل عالوجن
اي وحق الغايب گلبي بسمچ ذایب
مایهمنه الناصب. یم الحسین
🖤🌿🖤🌿🖤🌿🖤🌿🖤🌿
تمت بعون الله تعالی
بقلم جعفر الناصري
مع اقتراب السنة الاولى لذكرى رحيل والدتي خادمة الزهراء أم رعد الفريجي
-----------------------------------------
دارت سنه بس كلشي تعبان
ظهري انحنى والشوف خلصان
كبرني موتچ بلوه فرگاچ
حسبالي أگعد ضني حلمان
مصباح چان شلون مصباح
نبدل صباح الخير بصياح
ميلوگلچ هلگد تنامين
سهرانه ليلچ واحنه نرتاح
گعديلي بالعباس مصدوم
يا يوم الاسود چان مو يوم
هذا الخبر موتني والله
آخر نفس بانسان معدوم
ظليت انازع لوني مخطوف
اركض عليچ وچني مچتوف
من البيت للمستشفى احاچيچ
لا چلمه لا من شيلت چفوف
گالولي ماتت والجدم مات
گمت وطحت مو مره مرات
چا غير دمعه اتطيح وارتاح
صار البچي بلراس شيبات
شحچي وشگلچ شده العتاب
مرت سنه متانيچ علباب
ها يمه الله يساعدك جيت
گوليهه يمه وليدچ تراب
خليتي بيتچ حيل بارد
واحد ينوح گبال واحد
ظل المكان البيه تگعدين
يجمعنه فاگد ويه فاگد
تمت / رعد الفريجي
12/11/2024 الاثنين
مقدمه للزهراء ع
ظلعچ يم الحسن
نبچيله ابكل زمن
سلاماً سلاماً سلاماً عالظلع
©©©©©©©©©©©
الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً سلاماً عالظلع
©©©©©©©©©©©
ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً سلاماً عالظلع
©©©©©©©©©©©
صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً سلاماً عالظلع
©©©©©©©©©©©
شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً سلاماً عالظلع
©©©©©©©©©©©
بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً سلاماً عالظلع
©©©©©©©©©©
الخادم
كامل السعيدي
قصيدة أم المعصومين ع••}}
نزال •حزن
طاح يم الباب ونهد حيله
المهدي ينحب عالمصاب اليله
••••••••••••••••••••••••••••••••••••••••••••••
شاهد الصار وجره يم عتبته
طاح كلبه وتجري من دم دمعته
عالمصاب ينوح ضل بحسرته
يشكي لله وكلشي ضل يشكيله
••••••••••••••••••••••••••••••••••••••••••••••
بين حايط بابهه وذاك العصر
يمه مهدي الزهره صاحت مايمر
نكسرت اظلوع الزجيه من الغدر
طايح اعله الباب ياهو يشيله
••••••••••••••••••••••••••••••••••••••••••••••
گام ينعه البابهه ودمعه يصب
شلون فاطم طاحت بهاي الترب
من هوت عالگاع فوگاهه الغرب
بالسياط اعله المتن كل حيله
••••••••••••••••••••••••••••••••••••••••••••••
وحاير ايدير النضر المن بعد
شاف حرگ الباب وگباله گعد
لمهدي گلبه وچبدته نمردن مرد
وراحت الچانت تلم العيله
••••••••••••••••••••••••••••••••••••••••••••••
لمهدي جمرات الحزن بي وجرن
عالمصاب الصار گدام الحسن
حزنه ماله حدود وسنينه طفن
يواسي حيدر عالجره يتچيله
••••••••••••••••••••••••••••••••••••••••••••••
راحت الچانت تحل كل معظله
فاطمه الزهراء صوره وبسمله
والهواشم عالمصاب امهدله
ماتت الحره ودمعهه تسيله
••••••••••••••••••••••••••••••••••••••••••••••
بالهضم والنوح گاضيهه وصبر
ومايطفي الروح شلال اليمر
الكسر ظلع الزهره خلاله كسر
يحچي ويه امه وصعب تحچيله
••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء //1445ه
خادم الحسين
سيد علي البخاتي
طيب الله انفاسك 😭💔
شايل مشعلة ويهدد بنار
يطلع حيدرة لو احرك الدار
بختكم بالوصية المنعتة الكم
ولو طالع علي بساعة غدركم
يخلي الروس فوك الكاع طشار
شايل مشعلة ويهدد بنار
گلكم مااجي وواضح جوابة
خلو حيدر بهمة ومصابة
من فكد النبي لغدر الصحابة
تريدونة يبايع كوة يشرار
شايل مشعلة ويهدد بنار
تريدو يطلع يبايع صنمكم
بعد ماخنتو عهدالله بغدركم
جبتوهة بمكيدة وهية جتكم
رزيتكم تخلي العقل يحتار
شايل مشعلة ويهدد بنار
فرار الحروب الي نعرفة
المفشل المواقف بيدة وسفة
على وجه الزجية يطول جفة
يضربهة ويدك الضلع بسمار
شايل مشعلة ويهدد بنار
تطاير من سمع صوت الزجية
صعد باوداجة عرج الجاهلية
بحقدة وبغضة اسس غاضرية
دفعهة الباب حيل وصار ماصار
شايل مشعلة. ويهدد بنار
تلم بيدك حطب واذنابك وياك
طاغوت وجبت متوالم وياك
غدار ومنافق وابن صهاك
متربي بخيانة وحضن فجار
شايل مشعلة. ويهدد بنار
الله يحركك بنار الندامة
وبوادي سقر يوم القيامة
ماعدت دفعتك بالسلامة
ملعون شتفيد اتباعك اعذار
شايل مشعلة ويهدد بنار
الباب الي حركتة تدري ياباب
مروع ياكلب ياصدر منصاب
باب الله وسدل من عصمتة حجاب
عدوا الله مسيت وتنطلب ثار
شايل مشعلة ويهدد بنار
خادم الحسين
😭😭😭عاش صوتك خويه شهل الصوت الحزين
السيدة زينب ع تشكو الى أخيها محمد ابن الحنفيه
شسولفلك يخويه وروحي ملچومه
ويمحمد عضيدك سـلـبـوا اهـدومـه
*---------------*---------------*
عفت حسين خويه اثياب ماعنده
وثـلـث تـيـام مـحـد وسده بلحده
والمـثـلـث اخـذ ثـلثـيـن من چبده
ابو السجاد ضل بساحـة الـحـومـه
*---------------*---------------*
مـو خـيـال واحـد داسـته العشره
وشوف العين يمي ايروكن بصدره
أجيتك بالحزن يا جـيّـة الـگـشـره
عفته أجروح كله وتنزف ادمومـه
*---------------*---------------*
اخـبـرنـك تـراهـي اتشيّب الحـالـه
وبراس الرمـح راسـه الشمر شـالـه
جرح گلبي العزيز ودمعي يـتـلالـه
ذبحوا كل أخوته وصحبته وگومه
*---------------*---------------*
تـغـيـر حـيـل ذاك حـسـيـن ما چـنـه
بـدمـه الـسـال شـيـبـه الطاهر اتحنه
اصـبّـر روحـي مـره ومـره اجـر ونـه
بقت صورة وريده بعيني مـرسومـه
*---------------*---------------*
أوياه الموت انـي اشگد تـمـنـيـتـه
شفت الشمر فوگه وقابض ألحيته
يمه امطرحهه صحبه واهل بـيتـه
مـاصـايـر كـبـل مـثلـه ومثل يومه
*---------------*---------------*
عيونك بالحچي راح اهل جـاريـهـه
جثته الخيل ماخلت ضلـع بـيـهـه
عندي اشكد مصايب ياهي احچيهه
جفني مــن يسيل ادموعه مـا لـومـه
*---------------*---------------*
✍ خادم الحسين ع
الشاعر رعد الجريخي