2148
ما أخطأ من دعاك قمرًا؛ مذ خُلقت وأنتَ تستمدّ سناك من شمس الحُسين، وتمثّل لنا إشراقًا مستمرّا. 🧡 °°قَصَائدَ حَسَيَنَيَهَ • ❥˓#ألُِحٍآن حٍسينيهـ يـ๛ـ؏ـدنـا تـواجـدڪـم مـ۶ـنـا
بنية حاجتي وحاجتكم وشفاء،المرضاء اقرو الفاتحه 🙏
صلو على محمد وال محمد
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بصوت. مسلم المطيري
يامن تونون. يامن تونون
كلمات دموع الحزن
ابوذيات للاربعين
لسان حال زينب ع
يدهري اللوعه احسبها – ولك عاد
سجيه من گمت تجرح --- ولك عاد
رجع ضعن اليسر للطف --- ولك عاد
شعجب مرتين اشوف الغاضريه
يعت بيه الدهر گوه --- وعتبه
والي وياه الف حسبه --- وعتبه
لا دار البقت عندي --- وعتبه
ولا حتى اهل بالغاضريه
الجره مكتوب من الله --- وعدنه
نطينه كلشي للباري --- وعدنه
الك يحسين ردينه --- وعدنه
من الشام بس عفنه رقيه
اشاگف عن ايتامي اشكثر --- رديت
ويشتموني ولا فد يوم --- رديت
الك بالاربعين شلون --- رديت
شوف امتوني ياخويه واديه
الشاعر السيد رياض الجابري
/channel/+NnAMpjib0tNmZTRi
نورو الكروب خدام الحسين ع🙏
ابوذيه
،،،،،،،،،،،،،،،
الناگه عثرت ابهمي // وناخت
اصرت ام الحرايركم // وناخت
درت راسي لأعد حيدر // وناخيت
يبويه الحگ ولتني اجوش اميه
،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،
گلت للحادي تاني // ماتونه
اشكثر شبان بلطف //ماتونه
ونيني اجموع عالم //ماتونه
تفطرل الصخر هل وناتي البيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اچم طفله الغدت تبچي // على امه
مرد روحي اجل خوله ،،، على امه
منرد بروس و تشاهد ،،، على امه
سويته چفن يوم المنيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادم اهل البيت ابو ماجد الشغانبي
2017/11/20
قريبا سيتم نشر قصائد المشاية للاشتراك بالقناة
/channel/al_hassanen
الأمام السجاد ( ع)
. ذكـريـاتـه جـروح بالـطـف والـسـبي
وشينسّي الـمـنـچـوي ابـنـار الـعـبـي
هذا حاله وهذا وضعه * عمره يخلص دمعه دمعه
*---------------*---------------*
ابـتـدت رحـلـة عـذابـه اويـه الـسـبـايـه
وچـانـت الـقـصـه طـويـلـه ابـلا نـهـايـه
عـمّـتـه بـعـينـه نظرهه و صـعبـه هـايـه
تـركـض و نـار الـعـده بـطـرف الـعبـايه
عاشر اجفونه المخيم والدمع
وصارت اسنينه تشابه للشمع
هيچي عايش چـنـه شمعه
*---------------*---------------*
بـگـلـبـه نـيـران المخيم صـعـبـه تطفــه
وبـمـحرم يجـري دمـعـه ويـبـدي طـفّـه
يـذكــر ايــام الـمـآسـي وذاكـه ضـرفــه
الـعـليـل وهـذا حـالـه شـلـون اوصـفـه
الخلـص بدمعاتـه ايـام الـعـمـر
الذكرياته احبال وسياط الشمر
الذكره صـعبـه و هم تـوجّـعـه
*---------------*---------------*
صـورة الطـف ابـخـيـالـه و تـجـري عينه
و الاشــد جـرح الـسـبـي الـهـيّـج حنينـه
اگـبـالـه ويـشـوف الشـمـر يحدي الضعينه
و فـوگ عـلـتـه ونـار حـزنـه امـچـتـفـيـنه
اتحمل الشمات واحزان وغرب
والعقيله اگباله وسفه وتنضرب
خصمه سبهه و ما يمنعه
*---------------*---------------*
حـالتـه بذيچ الصحـاري شحچي عـنـهـه
ايـشـاهـد الروس الغوالي اقـمـار چنـهــه
وعـمـتـه زيـنـب شـاركاهه بكل حـزنـهــه
امـچـتـفينـه ويمشي گـوه وي ضـعـنـهــه
صوره للخيمه نظرهه وللحرگ
و للمتون اليجرن ادموم وزرگ
الـيِـمـه اخـتـه وعـمتـه تـنعـه
*---------------*---------------*
الـجـامـعـه الحزت رگـبتـه اتقص مصابـه
ورحـلـة الـشـام أوگـفّـتـه بـنـص خـرابــه
خـارجـي ايـگـولـون عـنـه والـلـه جـابـــه
صـبـت عـيـونــه مـثــل صـب السـحـابـه
يسمع السب وجرّوحه اتلچّمن
وجارن اعليه المصايب والزمن
بكل سـنـه امـحـرم يفـجـعـه
*---------------*---------------*
يـذكـر الـشـام وجـروحه بـكـل مـسـيـه
و مـا يـشـاهـد غـيـر مسلوبه و سـبـيـه
سـاگـنـه بـروحـه بـقـت لـوعـة رقـيــه
يـَمـه مـاتـت بالـخـرابـه و طـفـلـه هـيـه
لـلـمـمـات وعـايـش بنار الالم
ودمعته لحسين ولراعي العلم
الشاهد اهله گباله صرعَه
*---------------*---------------*
✍ خادم الحسين ع
الشاعر رعد الچريخي
#نعي #تراث
لمولاي القاسم صلوات الله عليه
ام الولـد يرجف بدنها
والنـوم ما مر بجفنها
حسبت لن تامر وتنها
وتفـــرح الحره بعـرس أبنهـا
ليالي الـدهر وليـه ولنهـا
بسهام فكده صـوبنها
بس هالشــباب وراح منها
تـون ويفسـر الصـخر ونهـا
اويـــلاه عكـب الولد لنها
وي الغرب غرب ضعنها
يبني الكـبر سـنـي ضـخرتك
ولمنـازعـي بـالموت ردتك
وانت التغسلني حسبتك
يجاسـم عسـه لا جـان شـفتك
مخظبه بدمك وجنتك
حسبتك عـدل وفـرح بزفتـك
حظرتـــك عسـاني لا حظرتـك
شـفـت يـا بـسـه مـن العطش شـفتك
واعرفـت العطـش ذوب چبدتك
يبني يجسـام على بختك
ليش اكطعـت بمك وبختك
المرحوم الحاج مُعين السباك
#اللهم_عجل_لوليك_الفرج
من يروحون
لاتكلي بيها رجعه مايرجعون
من يروحون
اهواي منا أحباب راحو تركوا عيون
فاركونه عذبونه
من يروحون من يروحون
*-------------*-----------*-------------*
من يروحون القلب حاير مصيره
من يروحون النفس تصبح اسيره
بديره همه واحنه نصبح غير ديره
الفاكد أحبابه مثل فاكد عشيره
تربي العيون
تلكه يم خطوة دربهم تربي العيون
من يروحون
اهواي منه أحباب راحو تركو عيون
*--------------*------------*-----------*
ياليالي الشوك من يحضر ذكرهم
الفاكد أحبابه يدور عن اثرهم
وين أهلنا نصيح لو مرنه عطرهم
رحلو وتركو أثر جويت جمرهم
تصبح جنون
فركت الغالين عندك تصبح جنون
من يروحون
اهواي منه أحباب راحو تركو عيون
*-----------*------------*-----------*
خاف ترحون وبعد مابيها رجعه
وصوت عبدالله حلم مابعد اسمعه
دمعه لفراك الاهل وبمهده دمعه
لا تزيدوني ألم وبروحي وجعه
مايردون
انه أدري لو جفوني مايردون
من يروحون
اهواي منه أحباب راحو تركو عيون
*------------*------------*-----------*
ذكريات اشكد تمر بيك بجفاهم
يطير فكرك منك ويركض وراهم
اهنا حجو واهنانه تذكر ملتقاهم
ليش فرقهم البين منين اجاهم
من يغيبون
تخيم اظنون اعله روحك من يغيبون
من يروحون
اهواي منه أحباب راحو تركو عيون
*-------------*-------------*--------------*
لاتكلي شلون فركه اتكون سهله
هيه مو لحظات عشره العمر كله
خلافهم تدري العمر يصبح مذله
ال يحس بالذله حتما يذكر اهله
لو يرحلون
تصبح الدنيا مذله من يرحلون
من يروحون
اهواي منا احباب راحو تركو عيون
*--------------*------------*-------------*
محمد النوري
المن يزينــــــــــــب ترحين
باچـــــــــر اذا مات حسين
ويامـن تخلصين الدرب
اليحدون بضعونچ غرب
كــــل احنـــه باچــر ميتين
،،،،،،،،،،،،،،،،،،،،،،،،،،،،،،،،،،،،،،،،،،
باچر يزينب تنتهي عشرتنه حــــدها الباچر
بالنار باچـــر يحترگ ديوان اخـــوچ العامر
حتئ الخيــم والبألخيم يتفرهــدن بالعاشر
وانه انذبح ومن انذبح يسحگ عليه الحافر
كل هذا اشوه من الهزل
وهون يختي من الحبل
يالبلحبــــــل تنشـديــــــــــن
كل احنه باچـــــــــــر ميتين
،،،،،،،،،،،،،،،،،،،،،،،،،،،،،،،،،،،،،،،،،،،،
شتردين اسولفلچ بعد عن السحگ عن الخيل
عن الخيام التحترگ لو عـــــن ركضچن باليل
المـن اسولفلچ ترئ بس ذنــي يردلهن حيـــل
يختي الله يطيچ الصبـر باچر تشوفين الويل
يم عـــــــون باچر بالسبي
يتغيــــــــــرن حتئ العبي
تالي الضهر مـــــــــن تمشين
كـــــــــــل احنه باچر ميتين
،،،،،،،،،،،،،،،،،،،،،،،،،،،،،،،،،،،،،،،،،،،،
ماخايف انه من الذبح خايف يخيتي عليچن
مـن تحترگ هاي الخيـم وتلهب النار اعبيچن
حيهم تصيحن عالزلم بس محــــــد يطفيچن
كل هذا يم عون وبعد هــــم تحترگ رجليچن
ونتــن نساويــــن اكبار
اوياچــــــن هواي زغار
باچــــــــــــــر يخيتي اتعبين
كل احنــــــه باچــــــر ميتين
،،،،،،،،،،،،،،،،،،،،،،،،،،،،،،،،،،،،،،،،،،،،،
لارايه تبقه ولاگمر محـــــــــد بعـــــد يبرالچ
منانــــه يختي وتنتهي العشــره وي كفالـــچ
عينـــچ يزينب عضعن عيال الحسين اعيالچ
كلهم اعزاز اعلـه الگلـــــــب حالهم ماحالـــچ
يم الخــــــــدر ماوصيچ
راح انتكل يختي اعليچ
بس انتــــــــــــي راح تضلين
كل احنه باچـــــــــــــر ميتين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يختي بخرابه ومـو خيم باچر ترئ يگعدونچ
لاسگف بيها ولا ستـــــر والوادم يشوفونـــچ
يخت الحسين تحملي كـــــــل همهم يبچونچ
والتبچي منچن تنشتــم واكثـرهن يستمونـچ
يالماخـــذه وياچ الگلب
يمضيعه اخوتچ بالحرب
يم الخــــــــــــــــدر لاتبچين
كل احنه باچـــــــــــر ميتين
،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،،، ثگيل،،،،،،
والى خدمة الامام الحسين ع
♦️♦️♦️♦️♦️♦️♦️♦️♦️♦️♦️♦️♦️
ابقى خادم ،،، خادم حسين وبنينه
ابقى خادم،،، خادم الزهراه الحزينه
هذا مكتوب العهد
ابقى خادم للأبد
ابقى خادم
🥇🥇🥇🥇🥇🥇🥇🥇🥇🥇🥇🥇🥇
ابقى خادم خدمتي هيـه الدليل
بيها مـرضاة النبـي وربـي الجليل
خدمة حسين الشفا اطيب العليل
ابقى خادم للنحر ،،،،،،، اي وحگ چف الگمر
ابقى خادم
🧿🧿🧿🧿🧿🧿🧿🧿🧿🧿🧿🧿
ابقـى خادم خدمتي بيها ولاء
خدمتي موسومه بالعز والعلاء
معتنـي خادم اصيــر بكربلاء
اترابها ايداويني ،،،، خدمتي اتعليني
ابقى خادم
🏴🏴🏴🏴🏴🏴🏴🏴🏴🏴🏴🏴
اخـدم الخـدام وكل خادم زغير
ابساط للخدام هم روحـي تصير
بخدمتك ميسور كل واحد عسير
انته ابن خير العمل ،،،،، خدمتك هيه الجلل
ابقى خادم
🔸️🔸️🔹️🔸️🔹️🔸️🔹️🔸️🔹️🔸️🔹️🔸️🔹️
هاي واجب خدمتي لبن الزچيه
اخدم الضلعين والراحـت سبيه
وخادم اصحاب الذي بطف رميه
مو فضل خادم اصير ،،،، انه هلعبد الحقير
ابقى خادم
💠💠💠💠💠💠💠💠💠💠💠💠💠
انه مـن عودي وبـوي اتعلمت
خادم الزهره بسمها اتحزمت
بتراب زوار الحسيـن اتكحلت
يشفيلي العيون……… ابقى انه ممنون
ابقى خادم
🎗🎗🎗🎗🎗🎗🎗🎗🎗🎗🎗🎗🎗
ابوكاظم الحمداني
١٤٤٦
مولاتي فاطمة العليلة
الله ويــاك رايــح ويــن يـحـــسين
عايـفــــني عليلة بـدمـعة الــعـــين
---------------------
تـــدري الــوحــدي لمن عفتني
اتــگـطـع وامـوتــن مـاشـفتني
وي سكــنة ورقــية مـاخـذتني
النـبـض شـيـبته لمـن ودعتني
وعـگـبـك حــايـر وافـــرك بلي دين
الله ويــاك رايــح ويــن يـحـــسين
---------------------
ياريـت الـمـرض مـاصـــار بـية
امـشـي وياك وتـكـضــني رقية
ياريـــتك تــوافــق هــل مسية
بهاي الروحه مـاضن بيك جية
وگــلبـي انــثلم عگـبك مــن الونين
الله ويــاك رايــح ويــن يـحـــسين
---------------------
اخذني وياك بيدي اسرجل الخيل
وحــط فـراش انه مـن يـجي اليل
هاك اسـمـع دليـلي ايـگـلك ادخيل
ترى فـراگ الـغوالـي يـهـدم الـحيل
مريضة الوحدي وكل اهلي ماشين
الله ويــاك رايــح ويــن يـحـــسين
---------------------
بدمع عيني ونحيبي هازني الشوگ
عـفـتونــي وحـنـيني ايشيب النوگ
عــــلـيكـم والگلب يحسين محروگ
وباب الــعــين لاضــنـــون مـطـبوگ
اللي يـشــبهك علي دليني بي وين
الله ويــاك رايــح ويــن يـحـــسين
---------------------
رايــح والســفر مــابــــي محنة
وانتـه ويـــاك مــاخذ كل اهلنة
يريت الـحادي مـــاودع وطـنة
منكم مــاردت اگــطـــــع الظنة
وهــسة ليــصح ليه مـــثلك منــين
الله ويــاك رايــح ويــن يـحـــسين
خادم عزيز الله محمد البنداوي
(عاش بجرح) الامام السجاد/ ع
نار نار ذكريات اباله
نار نار كربله ابدلاله
شاهد سبي وحرگ الخيم
عاش بجرح ينزف ألم
*---------------------*-----------------------*
شاهد سبي وحرگ العبي وذيچ النار
عاش بدمع عمره شمع بالطف صار
بين ألالم بين الخيم وحده أحتار
بحكم القدر عافه الدهر بين اشرار
شاف شاف عمّته مسبيه
شاف شاف بالدموع ارقيه
وحده بقه وعسكر هجم
*-------------------*-----------------------*
موقف صعب يدمي الگلب وصعب يوم
صد الذبح صد الرمح يجري ادموم
زينب اجت يمه اشتكت هظم الگوم
منظر أله طف كربله ضل مرسوم
عاش عاش بالحزن ودموعه
عاش عاش كربله موضوعه
ويه الاهل كلشي أنعدم
*--------------------*--------------------------*
روس أعتلت يمه وبقت فوگ ارماح
ظهره أنكسر شاف الگمر لمن طاح
حزنه أبتده وصد والده الكله اجراح
يذكر حرگ عمته ويدگ راح ابراح
حال حال يوسف أيشبهونه
حال حال الجرح بعيونه
يذكر رمح يذكر سهم
*----------------------*------------------------*
شاف الشمر عمته يجر بصعب حال
دمعه جرت بيهه حدت گوم انذال
جرح الغرب جرح الدرب جرح احبال
ينسهه أبد حزنه خلد وي البال
دام دام الجرح وحزانه
دام دام عايش بوجدانه
من كربله حيله انهدم
*---------------------*----------------------*
فوگ الهزل زينب تهل دمع العين
حيل أذته من نادته راح حسين
گلبه التهب هذا السبب عاش أونين
يذكر هظم ذاك الظلم ضل أسنين
راح راح الخدر گدامه
راح راح وشيرد أيامه
منظر دمه بعينه انرسم
*---------------------*----------------------*
أتمنه الاجل يوم الدخل قصر أيزيد
حيل أنجرح خصمه أبفرح عدهم عيد
حزنه أنجمع والطف رجع من أجديد
بحبل الحقد شامت يشد أيد أبأيد
حيف حيف الشماته اتشوفه
حيف حيف والحبل بچفوفه
بدمع الجفن عمره أنختم
*----------------------*------------------------*
✍بقلم خادم الحسين //ع
الشاعر رعد الجريخي
لبيك ياحسين ع نعي السيده زينب ع اتخاطب أبي الفضل
بعد الرجوع من السبي
كـون الــگـبـر عـبـاس بـي بـاب
ويــمـك يلـمـنـي لــمـت احـبـاي
هسه اعرفتهه بطـول الاغـيـاب
يـالبـعـد اخـوهـه عـيـب تـنهاب
عـگـبـك صـرت لـلنـاس فـرجـه
وعنـك مـشيـت بـنـاگـه عـرجـه
شلـي بـحـيـاتي وبـعـد شـرجـه
وادري الحچي المثلك يحرجـه
مـحـد رحـمـني وسـمـع شـكواي
ذاب الــدلـيــل بــنـومــتـك هـاي
صـارت شـمـاته الـتـمـشـي ويـاي
عـگبـك يـخـويـه ومـاي عـيـنـاي
حـرمـت عـلـيـه نـومـت الـلـيـل
اطـبـك جـفـن واتـذكـر الخـيـل
انــحـب ورتـّـل الـنـوح تـرتـيـل
وأنـدب عـلـي حـمـاي لـدحـيـل
*----------------------*-------------------*
✍خـادم الـحسيـن
الشاعر رعد الجريخي
لا تنسون هاي اخر ليلة اربعاء ب صفر خلوا اي مبلغ جوة مخدتكم وباجر انطوها صدقة واقروا هذا الدعاء
روي انه من قرأ هذا الدعاء في
آخر صفر لم يمت في تلك السنة وناجى عزرائيل ربه فقال :
يارب إن فلانا انقضى أجله وعمره ولم تامرني بقبض روحه فقال
جل جلاله قلت حقا ولكن أطلت عمره. بسبب قرائته هذا الدعاء إلى شهر صفر المقبل وحفظته من جميع الافات والبليات
وهذا هو الدعاء الشريف :
( بسم الله الرحمن الرحيم
ياذا العرش العظيم والعطاء الكريم عليك اعتمادي يالله يالله يالله الصمد الرحمن الرحيم يافرد ياوتر ياحي ياقيوم أمنع عني شر كل بلاء وبلية وفرقة وهامة وامنع عني كل ظالم وجبار ياقدوس يارحمن يارحيم )
اللهم صلي على محمد وآل محمد
حصن نفسك:
ردد معي..
”اللهم اني اعوذ بك من ساعه السوء و يوم السوء و ليلة السوء و صديق السوء و جار السوء و اعوذ بك من ذو الوجهين و ذو اللسانين و اعوذ بك من ابليس و ذريته و شياطينه و اعوذ بك من الحديد و الحريق و الطريق و ساعة الغفله ربنا عليك توكلت و انت رب العرش العظيم اللهم اني حصنت نفسي و اهل بيتي جميعا بالحي القيوم الذي لا تاخذه سنة ولا نوم و دفعت عني و عنهم السوء بلا حول ولا قوة الا بالله العلي العظيم
اللهم إني أعوذ بك من بكاء يرهقني ،
وهمّ يفجعني ، اللهم اجبر خاطري ، واشرح لي صدري، استغفرك ربي من گل الذُنوب و الخطايا .. ربي لا تكسر لي قلباً ولا تصعب علي أمراً ۆلا تحرمني من تعلقت به الروح واحفظ لي عائلتَي وأحبتي ۆمن أراد الخير لي . . وقل :
(سبحان الله)
(والحمد لله)
(ولا إله إلا الله)
(والله أكبر)
(سبحان الله وبحمده)
(سبحان الله العظيم)
اللهم اني اعوذ بك من زوال نعمتك وتحول عافيتك وفجاة نقمتك وجميع سخطك.))
((يافارج الهم وياكاشف الغم فرج همي..يسر امري وارحم ضعفي..وقلة حيلتي وارزقني من حيث لااحتسب يارب العالمين))
قال رسول الله صلى الله عليه وآله وسلم :((من اخبر سبعة من الناس بهاذا الدعاء فرج الله همه))
📍 *يفيد في آخر أربعاء من شهر صفر قراءة سورة الإنشراح والتين والنصر والتوحيد كل واحدة ( ٧ ) مرات لقضاء الحوائج وللرزق الوفير...*
نسئلكم الدعاء،🙏🙏
مجموعة اه يادمعة رقيه 👆👆
/channel/+NnAMpjib0tNmZTRi
نورو الكروب خدام الحسين ع🙏
اذا تحب ترفع قصائدك على استوري الفيس والانستا توصل ويانة خاص
@ahmed_alziwar0
واتساب
07732320742
*قصيده مواسات الزهراء*
يامن تونون يا من تونون
ووليدي حزو منحره. يامن تونون
انضر بالعيون انضر بالعيون
وين اليعازيني بحزن انضر بالعيون
*. *.***.
وبكل مجالس والعزه وياكم انه
وبعيني اشوفنه اليجي ويحضر عزانه
انه الزجيه ام الذي ضل ابجانه
لاغسلوه ولا جفن هوه واخوانه
ابجثته ويسحكون بجثته ويسحكون
جابو خيول حسين اله بجثته ويسحكون
* .*.***.
كسرو ظلوعه ابلارحم واخته الحزينه
ظلت تصيح ام الخدر. تلحك علينه
وينك يبو الحمله علي. بويه انولينه
بين الغرب واهلي كضو محد يجينه
والما يرحمون والما يرحمون
ضربو سكينه لو بجت والمايرحمون
*.*.***.
واذكر بعد جف الكفل. وتهل دمعتي
وانعه واريد اليقره الي. وتلهب جمرتي
انصب عزيه عله النهر وانه بحسرتي
يستاهل عيوني الولد. والكفل بتي
ولطاها المتون ولطاها المتون
يستاهل ابجيله بحزن ولطاها المتون
*.*.***.
احضر وعازي واليجي. بعيني نضرته
وكل الهلا يامرحبا. اتعازيني كتله
ناصب عزيه عله الولد. ويهل دمعته
ماجور اكله وتنذخر. باجر عبرته
ويه اليعازون ويه اليعازون
واكعد واون عله الولد ويه اليعازون
*.*.***.
اكعد بصفه ودمعتي. لحسين واجرها
والطم واصيح بحسرتي اه يا كسرها
ظلوعك ييمه اتهشمن وبكلبي اثرها
ونحرك المذبوح بسهم امك هضمها
ومغيره الون ومغيره الون
مابيه يوجعني الظلع ومغير الون
*.*.***.
بقلم دموع الحزن
الناشره ريحانة المصطفى
نسئلكم الدعاء 🙏
.
اللهم 🤲🏻اقضِ حوائجنا وحوائج جميع المؤمنين والمؤمنات وكلمن وصاني بلدعاء بحق ضامن الجنان علي بن موسى الرضا....
✋اخواني واخواتي الحسينيون نرجو منكم برائة الذمه وماننساكم بلدعاء
خادمتكم واختكم
ريحانة المصطفى
واقـع طـلـع لا مـو حـلـم
عــالرمـح طولك منرسم
جـرحـيـن ما أحمـل سوا
جرح الجفة وجرح اليتم
من شفت راسك تيهت ها انته ها مو انته
الـصـورة الـ بعيني قبل ماتشبه الشايفتة
ما ودعتني من رحت وأبچي بقيت بسكتة
يابويه حيل استعجلت فراگك ابد مو وكتة
هذا الجرح ما ينحمل
هجرك ابد لا مو سهل
جرحـك ابد ما يـنـشفي
كلساع اذكرك وانلچم
*********
جرح الجفة ما ينحمل لـو تـدري بـيـة شـسـوة؟
ذبلت الوردة على الغصن والغصن طاح سـتوة
ومو بالجمر گمت انچوي بدموعي گمت اتچوة
نـاديـت مـوتـي اتـدنـة الي هـذا العمر ما يسوة
صدگني من كثر الحزن
نيران احسن بـالـجـفـن
يـالچـنا جسمين بگـلـب
بحـالي مـا عندك عـلـم؟ ما ينحمل
مو چنة جسمين بگلب والنفس بية نتشارك
مـعـقـولة عـنـي تـبـتـعد وابقى ادور اخبارك
معقولة ارجـع وحدي ولـوحدي ادخـل دارك
طـفـيـت نيران الخيم وبـگـلـبـي وجـت نارك
هــذا الـجــرى مـا اكــدرة
بـلا والي مـتعيش المراة
عـشنا سوا ونرحل سوا
عگبك اضل نعش بجسما الجرح ما
تانيني يمك راح اجـي هـالعيشة عـگـبك مُرة
الفارگ بشر مثلك بعد شيسوي گـلي بعمرة؟
عطشان وتروي النهر روي العيون بگـطرة
غمض عيوني وما افز كحل الشوف بنظـرة
تـانـيـنـي يـمـك راح اجـي
ومن عيني امسح هالبچي
عـالـراس ابــاوع و انلچم
واذكـر اجـيـتـك و ابـتـسـم
لخادم ال محمد
علي عسكر
ازغر علويه _ ماتت مجويه
كون الهه نثوب _ ماي وترجيه
قهر ميته لكوهه//عزيزت كلب ابوهه
◇◇◇◇◇◇◇◇◇◇◇◇◇◇◇
العايشه جروح السبي شتقره عليهه
وينهه اوين الجمر ترفات اديهه
سوك شمات الخدر زيد بجيهه
هاي ترجيه اسمعت من يشتريهه
التفتت شافتهه _ تشبه مالتهه
هايه ترجيتي _ تكل العمتهه
غصب مني خذوهه //عزيزت كلب ابوهه
◇◇◇◇◇◇◇◇◇◇◇◇◇◇◇
طفله من كثر البجي هادل جفنهه
تصل طكت السوط ليهسه بمتنهه
يا بنات الشام تمشي وطيحنهه
سم الله صاح حسين ركضن كومنهه
الراس يصد الهه _ سم الله يكللهه
حافي العلويه _ الجان مدللهه
الزغيره حيروهه //عزيزت كلب ابوهه
◇◇◇◇◇◇◇◇◇◇◇◇◇◇◇
من ابوهه انحرمت وطفله بعدهه
من الوساده ينلجم مسطور خدهه
الرمح ابوهه تركض وشامت يردهه
وهيه تمشي كامت اطيح الوحدهه
بهالحاله اتصور _ شما كامت تعثر
يمكن عطشانه _ تسولف ماتكدر
شكثر جا عذبوهه //عزيزت كلب ابوهه
◇◇◇◇◇◇◇◇◇◇◇◇◇◇◇
المغربيه كعدت بركن الخرابه
عمه طك كلبي تكلهه وينه بابه
هاي ديره النه مابيهه كرابه
سالت اعله الطشت هذا ياهو جابه
الراس مغشينه _ بطشت مخلينه
ركضت فرحانه _ الهه مودينه
تبجي وسكتوهه //عزيزت كلب ابوهه
◇◇◇◇◇◇◇◇◇◇◇◇◇◇◇
جويه جويه راوته بجمرات الخيام
تكله ما شفتك بعد حته بالاحلام
ارد احط راسي اعله راسك بويه ونام
انه بت خير انسبي ترضاهه للشام
ذوله يكرهوني _ من ابجي يظربوني
بشمس الظهريه _ بويه يكعدوني
تره بنتك سبوهه //عزيزت كلب ابوهه
◇◇◇◇◇◇◇◇◇◇◇◇◇◇◇
يارقيه زغيره و عد الله اشكبرهه
والحبل كلش خشن موش العمرهه
السوط ذاك البسبي كاسر ضهرهه
بصف ابوهه تمنته يصبح كبرهه
زينب دفنتهه _ تحير غربتهه
وامتون الطفله _ زركه شافتهه
الكبرهه شيعوهه //عزيزت كلب ابوهه
◇◇◇◇◇◇◇◇◇◇◇◇◇◇◇
تمت____ علاء الزيدي
قصيدة للسجاد ع
❥❥❥❥ـــــــــــــ❁❁ـــــــــــــ❥❥❥❥
عمه زينب... هسه محتاجج تجيني
عمه زينب... بيدج تغمضيلي عيني
تذكريتج بالمنيه
القصه عشناها سويه
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥
عمه زينب وينج انتي ماتجين
كون اشوفج هسه وتغمض العين
وداعتج ياعمه كاتلني الحنين
كون اشوفج يالحنينه
ذاك وكتي وياج وينه
عمه زينب **** عمه زينب
❥❥❥❥ـــــــــــــ❁❁ـــــــــــــ❥❥❥❥
ياعزيزة والدي كونج جريبه
نگعد انه وياج نبجي يالغريبه
نسولف وننحب عله ذيج المصيبه
نذكر الشام وعذابه
والسبي وذيج الخرابه
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥
عمه وعيونج المتعوبه وسهرها
روحي حد الموت مافلت قهرها
لسه اثار الحديد المن يسرها
لسه اثار اعله متني
وانتي ادره بكلشي عني
عمه زينب **** عمه زينب
❥❥❥❥ـــــــــــــ❁❁ـــــــــــــ❥❥❥❥
انه وانتي نفس الاجروح وآلمنه
اثنينه من كربله صاير هضمنه
من ضهر عاشر ابد مو هسه متنه
متنه من شفنه السليب
راسه مشيول وخضيب
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥
انتهت قصتي يعمه وماحضرتي
وهاي اخر مره ماسمعيتي ونتي
وكت المنازع عليج تهل دمعتي
ببالي مطبوعه الرزيه
وصورتج وانتي سبيه
عمه زينب**** عمه زينب
❥❥❥❥ـــــــــــــ❁❁ـــــــــــــ❥❥❥❥
بقلم خادمة اهل البيت ـ ع ـ
الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
//////////
ام الولد يرجف بدنها 🚩
المرحوم الحاج معين السباك
من يروحون
لاتكلي بيها رجعه مايرجعون
محمد النوري
عظم الله اجرچ يزهره بالمصاب
ابنچ السجاد بالسم چبده ذاب
:::::::::()()()()()()():::::::::
عظم الله اجرچ يبت خير الرسل
امصاب زين اعبادها ماتنحمل
زمره مارحمت چبير ولا طفل
غاد شتجاوب اذا صار الحساب
:::::::::()()()()()()():::::::::
بعده ماطايب جرح ذاك الضلع
ببنچ السجاد گلبچ ينفجع
بالبقيع اليوم هليتي الدمع
يبني صحتي والصدى لاح السحاب
:::::::::()()()()()()():::::::::
من وصلتي وشفتي وضعه وحالته
الموقف اتكرر عليچ وصورته
يامصابه وحزن. گلبه وغربته
بيوم شاف حسين ابوه وگلبه ذاب
:::::::::()()()()()()():::::::::
اتذكر احبال اليسر وي الحديد
شلون زينب من مشت مجلس يزيد
صاحت وصاح أبد مانصبح عبيد
هوه نفس الموقف ونفس الجواب
:::::::::()()()()()()():::::::::
هالو اتراب اللحد فوگ الحزين
شييعوها اجنازته بدمعه وأنين
بس تعالي انشوف يازهره الحسين
بالخيول انداست واطفال وشباب
:::::::::()()()()()()():::::::::
ندعوا ربنا اباسمچ واسم النبي
يمتى ابو صالح يذل الناصبي
ياخذ بثار المشت ذاك السبي
وثار سكنه وثار رمله والرباب
:::::::::()()()()()()():::::::::
الشاعر سيد حسين ال بو صلوات الحسيني
لحبيبة الحسين رقيه
شفتك بـمـنـامـي وزاد الك هيامـي
يالخذيت ايام عمري والدلال
الشام وحشه لا تخليني تعال
*---------------*---------------*
انتظر طيفك يِمر يالخذت مني العمر
عايشّه بحر الجمر انظر امتوني الحمر
بلوعتي وحنيني ارتقب تجيني
شنهي ذنبي اتعذبت اسئل سؤال
*---------------*---------------*
والله صعبه حالتي بيش اردن وحشتي
ابمنامي ويقضتي بيّه تسعر جمرتي
ردتك ابتسامه بالليلي والظلامه
بويه صارت عيشتي بعدك محال
*---------------*---------------*
طفله بسنينِ الامل راسك گبالي انحمل
وردي حلمي وما كمل والدمع سال وهمل
ريتك المسيه شاهدت رقيه
حالي حال الفاگده مامثله حال
*---------------*---------------*
شاهد الحالي اشجره يالعفتني محيّره
طفله ما احمل تره ليلي اضلن ساهره
دمعتي بجفنهه يا الم حزنهه
المرلي لا مر ابشر لا مرله بال
*---------------*---------------*
وانه اامل ننجمع كل ظلام يمر دمع
ونّتي الما تنسمع ذوّبتني چن شمع
هامله المحاجر ماردت تهاجر
وين اروحن لو غيابك عني طال
*---------------*---------------*
بويه مره الخاتمه شيبك احمر بالدمه
بَچت عيون السمه وسفه يا ابن فاطمه
چذّبت عيّوني وصدّكت ضنّوني
صعبه اگولن ينخضب شيب الجمال
*---------------*---------------*
✍ خادم الحسين ع
الشاعر رعد الچريخي
(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742
اللهم من كان أصبح وله ثقة أو رجاء غيرك
فأنت ثقتي ورجائي يا أجود من سئل ويا أرحم من استرحم صل على محمد وآل محمد وارحم ضعفي ومسكنتي وقلة حيلتي وامنن علي بالجنة طولا منك وفك رقبتي من النار وعافني في نفسي وفي جميع اموري برحمتك يا أرحمن الراحمين
ريحانة المصطفى
#مـولاي_الامام_السجاد_ع
حيرني وضعك. وشلون المك
مكسرينه ضلعك. مسلوب هدمك
جبت الحصيره وجيتك
مـــــن كــــل كتر لميتك
مگطعينه جسمك .... يابويه يحسين
((ہہ᯽★★★᯽★★★᯽ہہ))
حيرتني منين الـــزمـــك حيرتني
موتتني بوضعك انــــــت موتتني
جبت يابويه الحصيره وجيت حاير
وين صدرك وين ضهرك شبر صـاير
بــويه گلبك للضهر چـــا ليش عــابر
بنحرك انه اشگد شفت اثــار حــافر
يـــــابويه تعبان ... محتار حيره
ما شايف انسان ... تلمه الحصيره
بنحرك شعر للحيتك
مـــن كـل كتر لميتك
مگطعينه جسمك .... يابويه يحسين
((ہہ᯽★★★᯽★★★᯽ہہ))
گـــوه يابويه اجيتك انــــه گوه
هوه هذا حسين لا مو هذا هوه
ماعرفتك بويــــه بـــس عطرك جذبني
من النحر تشهگ واسمعك صحت يبني
بـــويــه عبدالله اريده انه اعله حضني
حضني مــاضل منه بس مــا بعده عني
ابنحرك اتراب ... وجرحك يفتحه
مسلبينك اثياب ... خايف امسحه
بدمعي النزف غطيتك
مــــن كـــل كتر لميتك
مگطعينه جسمك .... يابويه يحسين
((ہہ᯽★★★᯽★★★᯽ہہ))
تعبتني حســين بــــويـــه تعبتني
ما شفتني گوه اجيتك ما شفتني
منيــن الــزمك مني تـوگـع والله حيره
عليك حيل اهـــواي اديــه انـــه چبيره
بــويـه مـــن الـگــــاع اشيلك للحصيره
والگه مـنـك ويــن مـــــــا وجهي اديره
بدموعي احضنك .... وبنحرك اشتم
خـــايـــف الچمك .... ما امسح الدم
بـــدم النحر خليتك
مـــن كل كتر لميتك
مگطعينه جسمك .... يابويه يحسين
((ہہ᯽★★★᯽★★★᯽ہہ))
امشي واعثر انه اجيتك امشي واعثر
بويه من جسمك شلم ذاك التطشر
مدري اشيلك مدري اعوفك تارس الگاع
بويه نص صدرك يبويه بــــالرمل ضـاع
عليك من فزعت الـــوادم مـاكو فـــزاع
فـوگ ضهر النوگ صــار اويــاك الاوداع
اسحل بالاجدام ... وايدي ع ضهري
عيني ع الايـــتام ... ودموعي تجري
تگعد الــي تمنيتك
من كـل كتر لميتك
مگطعينه جسمك .... يابويه يحسين
((ہہ᯽★★★᯽★★★᯽ہہ))
من وصلتك حيره والله من وصلتك
مني طحت اهواي من بچفوفي شلتك
انطيني رأي وداعتك كـل حيلي اخذته
بـــويـــه حيِرني انه جسمك من وصلته
بالحصيره اشويـه صــايـر مــــن جمعته
مدري صدرك مـدري ضهرك مـــن لزمته
حيرني هل حال ... حـالـه غـريبه
بچفوفي تنشال ... جـــثـه سليبه
اخ اشكثر شميتك
من كل كتر لميتك
مگطعينه جسمك .... يابويه يحسين
((ہہ᯽★★★᯽★★★᯽ہہ))
الـخـادم
مـقتـدى سـالـم
(عاش بجرح) الامام السجاد/ ع
نار نار ذكريات اباله
نار نار كربله ابدلاله
شاهد سبي وحرگ الخيم
عاش بجرح ينزف ألم
*---------------------*-----------------------*
شاهد سبي وحرگ العبي وذيچ النار
عاش بدمع عمره شمع بالطف صار
بين ألالم بين الخيم وحده أحتار
بحكم القدر عافه الدهر بين اشرار
شاف شاف عمّته مسبيه
شاف شاف بالدموع ارقيه
وحده بقه وعسكر هجم
*-------------------*-----------------------*
موقف صعب يدمي الگلب وصعب يوم
صد الذبح صد الرمح يجري ادموم
زينب اجت يمه اشتكت هظم الگوم
منظر أله طف كربله ضل مرسوم
عاش عاش بالحزن ودموعه
عاش عاش كربله موضوعه
ويه الاهل كلشي أنعدم
*--------------------*--------------------------*
روس أعتلت يمه وبقت فوگ ارماح
ظهره أنكسر شاف الگمر لمن طاح
حزنه أبتده وصد والده الكله اجراح
يذكر حرگ عمته ويدگ راح ابراح
حال حال يوسف أيشبهونه
حال حال الجرح بعيونه
يذكر رمح يذكر سهم
*----------------------*------------------------*
شاف الشمر عمته يجر بصعب حال
دمعه جرت بيهه حدت گوم انذال
جرح الغرب جرح الدرب جرح احبال
ينسهه أبد حزنه خلد وي البال
دام دام الجرح وحزانه
دام دام عايش بوجدانه
من كربله حيله انهدم
*---------------------*----------------------*
فوگ الهزل زينب تهل دمع العين
حيل أذته من نادته راح حسين
گلبه التهب هذا السبب عاش أونين
يذكر هظم ذاك الظلم ضل أسنين
راح راح الخدر گدامه
راح راح وشيرد أيامه
منظر دمه بعينه انرسم
*---------------------*----------------------*
أتمنه الاجل يوم الدخل قصر أيزيد
حيل أنجرح خصمه أبفرح عدهم عيد
حزنه أنجمع والطف رجع من أجديد
بحبل الحقد شامت يشد أيد أبأيد
حيف حيف الشماته اتشوفه
حيف حيف والحبل بچفوفه
بدمع الجفن عمره أنختم
*----------------------*------------------------*
✍بقلم خادم الحسين //ع
الشاعر رعد الجريخي