2148
ما أخطأ من دعاك قمرًا؛ مذ خُلقت وأنتَ تستمدّ سناك من شمس الحُسين، وتمثّل لنا إشراقًا مستمرّا. 🧡 °°قَصَائدَ حَسَيَنَيَهَ • ❥˓#ألُِحٍآن حٍسينيهـ يـ๛ـ؏ـدنـا تـواجـدڪـم مـ۶ـنـا
انا ام البنين ودهري ذبني _استوديو
Читать полностью…
انه ام البنين الفاقدة اربع شباب _مجلس
Читать полностью…
شيلو نعش أم الگمر يالساده
وصيحو يبرالچ علي وأولاده
شيعو نعش الماتت أمن الإنتظار
وماغفت ليله ولا ساعه إبنهار
شب گلبها ابفگد أبو السجاد نار
ابحين ما بشر إبن حذلم ناده
شيعو نعش الورّمن رجلينها
ابكثر ماوگفت تتاني احسينها
البچي عالعطشان يبّس عينها
وبچت الصلفين والجلّاده
اتگول هذا البچي وشوغات النحيب
مو غريب الماكو عد راسه حبيب
الماله أم تبچي عليه هذا الغريب
وعلى اخيامه الگوم إجو هدّاده
چانت إبـ آخر نفس تصرخ حسين
وين صدرك والسحگ بالخيل وين
اشلون اجاك السهم واندلك امنين
ومن گفاك الرمل نال امراده
شيعو نعش الفاگده المهضومه
إتلث قرابين وگمر بالحومه
تبچي عاللي امسلبات اهدومه
ومن تراب الهيمه سوه اوساده
شيعو نعش إللي بنت أربع قبور
وقبر خامس يمّه دمعتها تفور
وعلى الفوگ الهزل خلوها تدور
الدهر ضد رادتها سوّه الراده
- احمد الهلباوي
منشور خادمه الطاهره زينب ع
لبيك ياحسين ع
نعي لوفاة السيدة أم البنين عليها السلام
*
گرب اجلهه وتلتفت وين
عباس لا يمهه ولا حسين
ما صح ولد يم راسهه ينوح
يا حمل محد شاله مطروح
دمع الغريب يطيح بارد
لا ابن لا صح حظن والد
حيره اليموت ومامش اعزاز
ياهو اليجي ويصير جناز
دارت وجهه لصوب الطفوف
منا لحد ما شيب الشوف
الله يعازة ذيچ الچفوف
من المدينه الكربله احلام
ام البنين شلون تنلام
رادت بحظن اولادهه تنام
بعيد اليشيل اللوحه ويصيح
بعيد الورى أمه يگوم ويطيح
جوه التراب الردت طوله
عباس ها يبن الحموله
بيه الكلام الصعبه أكوله
تمنيت تحضرني بمنيتي
علباب اباوع هلبت يهل
المن زغر سنه چان يكفل
بعد الولد خلصت اتعلعل
والهوى بدونه يأذي ريتي
يولادي من الموت ردو
وفوگ المتون النعش زتو
ها يلحنان هناك شلتو
يحسين يمه الموت اجاني
نتلاگه يم الزهره ارواح
دم النحر بالضلع ينلاح
والهامه ذيچ وذيچ الچفوف
يبچن على الاذنه الرماح
يلتم حزن زينب والاطفال
وعبد الله بعده برمح ينشال
ونسوي مجلس بأسم الحسين
يم العرش بس دمعه تنگال
كلمات خادم أم البنين / رعد الفريجي
فزاعيه للسيدة ام البنين عليها السلام
🫧🫧🍂🫧🫧🍂🫧🫧🍂
يبت اشيوخ... وعاشرتي السلاطين
عليج النوح.......... يحله يم البنين
🫧🫧🍂🫧🫧🍂🫧🫧🍂
يبت اشيوخ والعاشرتي سادات
ويا زوجة علي وكلچ كــرامات
من عندج طلبنه اليوم حاجات
ويالكلج وفه........ وامراد تنطين
يبت اشيوخ..... وعاشرتي السلاطين
🫧🫧🍂🫧🫧🍂🫧🫧
يالكلج وفـــه و امراد تنطينه
والبابج اجينه اليـوم دگيـــنه
يالكلج كرم مولاتي واحنيــنه
ياأم الفخر ........ وام الحنينين
🫧🫧🍂🫧🫧🍂🫧🫧
يا ام الفـخر والولد نشـــميه
بيهم كل صـــفاتج ها يبدويه
فريضه بالشدايد دوم منخيه
وطلايب ناس...ياشيخه تحلين
🫧🫧🍂🫧🫧🍂🫧🫧
ياشــــيخه وتـــجيچ الناس نخايه
شيوخ اكبار باسمج عگدوا الرايه
وحــلفوا بيج يــــدرونـچ الوفــايه
ومثل عباس.. بالعايل تسطرين
🫧🫧🍂🫧🫧🍂🫧🫧
مثــل عباس شــــاراتج يبدويه
علوية بخت والنـــســب عاميه
اعدال من الزلم يالحره بالميه
وكفاتج جبيره.. وماتقصرين
🫧🫧🍂🫧🫧🍂🫧🫧
🫧الشاعرة ام زينب الحسيني
#قصيده_لشهر_محرم
#قصيده_للخدام
ـــــــــــــــــ ❁ ❁ ❁ ــــــــــــــــــ
يحسين حبك بالگلب وتمـر الاعـوام
خلهم يضدون بحقد عدوان الاسلام
بدمانـه خطينـه العهد
خـدام نــبقــه لـلابــد
الفخر صار بخدمتك وتـرف الاعلام
ـــــــــــــــــ ❁ ❁ ❁ ــــــــــــــــــ
مـولاي وبگلبي انـصب موكب عزائك
خدامك احنه بكل فخر نـرفع لـوائك
عشگك يبواليمه الهوه ونشتم هوائك
ابدونك يضيگ النفس تخنگنه الايام
الفخر صار بخدمتك وتـرف الاعـلام
ـــــــــــــــــ ❁ ❁ ❁ ــــــــــــــــــ
كل يوم جرحك يلچم بگلوب الاحباب
بـدنيه مـاشفنه مثـل امصابك امصاب
مذبوح ويتامـك تظل تـوليها الاجناب
ياوالي بعدك هالحرم يـاوسفه تنضام
الفخر صـار بخدمتك وتـرف الاعـلام
ـــــــــــــــــ ❁ ❁ ❁ ــــــــــــــــــ
بَچَتنه دم امصيبتك عالغبـره مذبوح
حسرات ضلينه نجر وختنگت الروح
لـمن يگولون الجسد تـرسنه الجروح
نـلطم نظـل وننتحب ونـطبّــر الهـام
الفخر صار بخدمتك وتـرف الاعـلام
ـــــــــــــــــ ❁ ❁ ❁ ــــــــــــــــــ
يـبقه عـزائي ويـستمر يـوم القيامه
إنواسي بالزهره وعلي وكل اليتامه
شيعتهم احنه ومانهم هـاي الملامه
خلهـم يلوموني بعـد عبـاد الاصنام
الفخر صار بخدمتك وترف الاعلام
ـــــــــــــــــ ❁ ❁ ❁ ــــــــــــــــــ
اسلامي عالفطره اعتمد مـايكره الدين
عدنه عقيده ومعتقد ونحب الحسين
ونعشگ اهل بيت النبي والهـم موالين
بـاقين والگطـع النفــس نـسمـه خدام
الفخـر صـار بخدمتـك وتـرف الاعلام
ـــــــــــــــــ ❁ ❁ ❁ ــــــــــــــــــ
عندي عقيده ومعتقد وحسين امامي
ادري عليه لـو سلمت يـسمـع سلامي
عـالي اظـل بخدمتي ويـرفع مقامي
شفناها كلمن يخدمـك خـليته گـدام
الفخر صـار بخدمتك وتـرف الاعلام
ـــــــــــــــــ ❁ ❁ ❁ ــــــــــــــــــ
✍️كلمات
#الشاعر_عباس_فاضل_الشمري
نعي
حوار بين الأمام علي ع وفضه بعد تغسيل الزهراء ع
حـيـدر غـسـلاهـه ابـلـيـل
وشاف الضـلـع والـكـسـره
نـاشـد فـضــه بــدمـوعــه
وبــنــص الـگـلـب حـسـره
يـفـضـه احـچيلي گالـلـهه
أشتـخفي فـاطمة الـزهـره
يـداحــي الـبـاب گـالـتـلــه
وتـشــاهــد نــفــذ صـبــره
تـصـبّـر گــامـت بــحــيـدر
وأتـعـظـم عــلــيــه أجـــره
وتـكـلـه فــاطـمـة مــاتــت
وبـخـدهـه أثــــر ســطــره
يفـضـه شـلـون حـمـلـتـهـه
هــايــه الـفـاجـعـة الــمــره
هَضمة مـحـسـن وخـدهــه
مـاكـشـفـت إلــي الــزهــره
الـكـاسـر اظــهــور الـگــوم
هــالـيـوم انـكـسـر ظــهــره
تـعـلـمـنــه الـصـبـر گــالــت
وانـتـه الـيـجــزع اتـصـبـره
أشـــوفـك حـدّبـت ظـهـرك
واشــوفـن بـالـگـلـب عـَبـره
شـلـون ايـخـلـص ويــنـهـار
وادري بــصـبـرك اشــكـبـره
*---------------*---------------*
✍ خادم الزهراء ع
الشاعر رعد الجريخي
يا ابا عبدالله * يا ابا عبدالله
.....................................
ملـذات الحياة هـواي و اگدر ڪلها اسـويها
بس حسين لازمني لخدمته روحي اصفيها
ونـسـتـي بـمـجـلـس دنـيـا بـغـيـرك شـبـيـها
اذا مو بلمجالس وين حياتي بـيش اگضيها
يا ابا عبدالله * يا ابا عبدالله
🧭🧭🧭🧭🧭🧭
انـه العاشگ المجنون حـب حـسـين جـنـني
اذا انه ابتعد عـنـه هـوه الخدمـتـه يـجـرني
حسين شالني من الگاع فوگ الغيم صعدني
مثل رفة النسر رفيت ياهو الـگـدر يوصلني
يا ابا عبدالله * يا ابا عبدالله
🧭🧭🧭🧭🧭🧭
هـنـالي عليك هـواي يـحـسـيـن انـه هنيالي
رافع راسي بلخدمه بزودك راسي ضل عالي
غالي اشويه احسها وياك انه اكبر من الغالي
مـرات مـن اريـد الماي يطلع وجـهـك گبالي
يا ابا عبدالله * يا ابا عبدالله
🧭🧭🧭🧭🧭🧭
شـگـد ارتاح مـن ادخل عزائك راحه نفسيه
مادري ليش انه ارتـاح مـن ابچي بحسينيه
يمكن انه چي مجنون لو چي عندي روحيه
مؤسيقه ما احس بيها احب اسمعلي لطميه
يا ابا عبدالله * يا ابا عبدالله
🧭🧭🧭🧭🧭🧭
يماخذ عقلي من صباي حبك خذته من امي
فصيله دمي افحصها حسين اسمه صنف دمي
كـون انته عليه رضيت ڪل الدنيا مو يمي
لو ضاگت عليَ دنياي يـمـك ينـمسح هـمـي
يا ابا عبدالله * يا ابا عبدالله
🧭🧭🧭🧭🧭🧭
مـرات اصـفـن لـوحدي تعرف شنهو امنيتي
اتـخـيـل تـجـي يـمي و تسمع مـني لطميتي
بيتي من العشگ مولاي حسينيه صبح بيتي
و احطلك صوره لو يرضون مولاي عله جنسيتي
يا ابا عبدالله *** يا ابا عبدالله
.....................................
#الشاعر_احمد_علي_البغدادي
زينب في انتظار علي امير المؤمنين ع
صار الغروب .. وانتظر عالباب جيتك
صار الغروب .. بس تعال ارحم ابنيتك
عيني عالناس الترد .. بلكي طولك بيها اصد
صار الغروب..
…………………………………..
وينك انته ياحبيبي الدنيه مودنيه بسواك
داري وحشه وظلمه كلش بويه محتاجه الضواك
بويه من تمشي تعرفها تمشي عيني تضل وراك
ولو غبت عن عيني ارجع لبيتي واشتم ابهواك
كلشي بالدار .. بي يبويه باقي عطرك
كلشي بالدار .. دافي چن اتگول صدرك
وهسه كاتلها البرد .. بلكي طولك بيها اصد
صار الغروب..
…………………………………..
بويه محتاجه اني حضنك حيل محتاجه الحنان
خايفه والوحشه تكتل وين شبگات الامان
شصار بويه وفارگتني وخالي منك كل مكان
اني شمسويه الزماني وغيبك عني الزمان
فارگتني .. والهضم بعدك لفاني
فارگتني .. والهضم ما فارگني
شتسوه جنتي بلا ورد .. بلكي طولك بيها اصد
صار الغروب..
…………………………………..
ياعلي تدري بحياتي بلا وجودك مو حياة
بلا ابوها المثلي باچر متربه علـيها العباة
ومن جلوس المثلي باچر رايحه تأدي الصلاة
لمثلي اخوها يصير صدره هدف لسهام الرمات
بلايه ابوها .. تنسبي الحره العقيله
بلايه ابوها .. وتركب ظهور الهزيله
بغربه والحادي عبد .. بلكي طولك بيها اصد
صار الغروب..
…………………………………..
بويه الماعدها والي مثلك هناك تحير
يضل اخوها هناك وحده حاير بلايه نصير
منكسر ظهره على ربعه مذبحه بحر الهجير
واعله اخوته وولده عينه بالهضم والهم تدير
حاير اهناك .. فاگد اعضيده يتلوه
حاير اهناك .. واخته يسبيها عدوه
لخيمته يروح ويرد .. بلكي طولك بيها اصد
صار الغروب..
…………………………………..
راح انتظرك تجيني بليلة الهم والعذاب
اهدعش ليله عجيبه شلون بيها ايمر مصاب
بلايه خيمه ابقه وحدي واخوتي فوگ التراب
شلون يحرسني الضربني هايه منها گلبي شاب
ليله ظلمه .. البيها انتظرك تجيني
ليله ظلمه .. وحشه ماشافتها عيني
ليله بالايتام اعد .. بلكي طولك بيها اصد
الشاعر عقيل الحسناوي..
ماطاحت عباتي ، وقراني وصلاتي.
الوصفني ذليله . مافاهم حياتي.
،،،،،،،،،،،،،،،،،،،،1
ليش بعض الناس سموني ذليلة
واني بت هيهات من الذل اصيلة
اني اخت حسين يبقى اسمي العقيلة.
من بعدعباس صرت انه الكفيلة
من حرگواخيامي.صرت اكبرمحامي.
شافوني اميره.وشافو معجزاتي
،،،،،،،،،،،،،،،،2
اني جدام الشمرواعوانه كلهم.
صرت داحي الباب وابقى ارعب شملهم
شكثريانس بكلامي ادبتهم.
من على الناگة بصمودي قاتلتهم.
مايوگع حجابي.ماهزني مصابي
ماتمحيني ياموت.ضلت ذكرياتي
،،،،،،،،،،،،،،،،،،،،،،،،٣
رايةالعباس بيدي ومااخذوهه.
كلهم يخافون منهه ومادنوهه
واسمع يصيحون كلمة ورددوهه
هاي زينب بت علي تشبه ابوهه
رايت ابوفاضل.بچفوفي تقاتل.
وابن زياد يرجف.من حيدرصفاتي
٤،،،،،،،،،،،،،،،،،،،،،،،
كلهم يدنگون لومريت يمهم.
كلهم يذلون حد كسرت رگبهم
والله لومواني ميعرفون ربهم.
من البداية وياي خسرانه حربهم.
مامسبية عندي.واجب اني ادي.
انشرثورة حسين.فازت امنياتي
،،،،،،،،،،،،،،،،،،،،،،،،،٥
ليلةالحادي عشرصليت ليلي.
مثل ابراهيم بس الله خليلي
النارماشغلتني عن ربي ودليلي
ابدمااترك فرض يشهد عليلي
دولة ال امية.سقطت بين ادية
راس حسين عالي.يبقى حسين ذاتي.
،،،،،،،،،،،،،،،
حيدر موسى الرميثي
بصوت. مسلم المطيري
ابو ذيات بحق ام البنين( ع)
يلاهي وسيدي ادعوك .. يرباي
جفوني وضل نضرهه العين .. يرباي
صحت لاوين هل هجران .... يرباي
وتاني ومارجع واحد عليه
*--------------------*----------------------*
اعدن چنت وتفاخر .. بعدهم
وهسه الدهر من عندي .. بعدهم
بنيني الدنيه ماتسوه .. بعدهم
صرت ثكله وتصبر الناس بيه
*-------------------*------------------------*
✍بقلم خادم الحسين //ع//
الشاعر رعد الجريخي
سلامات .... علي يا ابا الحسن حيدر ... سلامات
منو المات ..... المن هل الجنازة انشد .... منو المات
وليش ابليل اظلم دافنيهة
سموات وارض تبجي عليهة
سلامات ... سلامات
........
انه المصطفى جيت انشد الصاير
المن هل الجنازة التكسر الخاطر
اشوفك ياعلي ياابا الحسن حاير
مكسور الظهر ما جنك الصابر
معانات ..... قريت اشكد وسط عينك .... معانات
معانات ..... دخيلك يا علي اشتحمل ..... معانات
علي يابا الحسن سامع بجيهة
......
أسألك ياعلي جاوبني يا عوني
اعرفك صادق ومتخيب اضنوني
هاي البلحد مو سلوة اعيوني
العليهة الجانو الوادم يحسدوني
ترابات .... تضم وجه الشمس وسفة ... ترابات
ترابات ..... تغير ارسومهة الترفة ...ترابات
أ يا حسرتي ذبلانة أديهة
......
ياحيدر علي ياموطن الفقرة
ياكعبة صبر محد وصل صبرة
مثل الوردة جانت فاطمة الزهرة
شو متغيرة حيل وبيهة اثر عصرة
علامات .... اثر سطرة اعلى خدهة انظر .. علامات
علامات ..... وسط اعيونهة الحلوة .... علامات
حمرة اعيون فاطم يا وليهة
......
سولفلي الحصل يا حافظ اسراري
لا تخفي الخبر بالمدمع الجاري
ياهو الي هجم بيهم على داري
نار بكلبي تسعر ما طفت ناري
بالاهات .... ليل انهار كظيتة ..... باللاهات
بالاهات .... خلصت العمر بالهم .... بالاهات
بسببهم فاركت انه ام ابيهة
.....
انة ادري الظلع من فاطمة امهشم
لتضمة ابجفن يا صاحبي اعلم
عصرهة الما يخاف الله ولا مهتم
بين الباب والحايط يسيل الدم
ظلامات .... ادري ام الحسن عاشت ..... ظلامات
ظلامات .... حتى ابدفنت ابنيتي ..... ظلامات
قليل الحضرو التشيع ليهة
......
اصحاب السقيفة اوصيتي نكروهة
جازوني ابظلوع الزهرة كسروهة
وداري ابكل حقد بالنار حركوهة
المهبط للوحي جانت يعرفوهة
حسافات .... نكرو عشرتي وتعبي ... حسافات
حسافات ..... ما رعو اهل بيتي .... حسافات
نكروهة الوصية التدري بيهة
.....
الحمدلله رب العالمين
اللهم صل على محمد وال محمد
موسى الخادم
خادم الحسين
الشاعر عبدالكريم سيد سعد
😭😭💔
بسم الله الرحمن الرحيم
اللهم صل على محمد وآل محمد
....................................
يارحمة الله الواسعه بالشده مذكوره
يم البنين اﻷربعه مآجوره مآجوره
...................................
موﻻتي ربيتي أربعه قربان للدين
تعبانه سهرانه الليالي لجل الحسين
وفيتي عهدج للزجيه أبقرة العين
عباس سبع الكنطره وجفوفه مبتوره
....................................
واسيتي بالطف فاطمه ياأم البنين
ضحيتي موﻻتي أربعه أسباع وميامين
السلوه الزجيه فاطمه خير النساوين
قدمتي ولدج تضحيه والجنه معموره
....................................
واحدهم أبطف كربله موﻻتي معدود
جيش ويقاتل بالحرب لوعدوا جنود
بتارهم ماينغمد بالشده وحيود
عالخيم مايگرب عدو مآمونه مستوره
...................................
الله يعينج عالجره ماتنفع اﻵه
صوبج ياحيف الدهر بسهام بلواه
تلوجين گلبج منمرد مكسور خلاه
مفجوعه ﻻجن صابره أتونين معذوره
..................................
شاركتي زينب بالحزن وبعظم المصاب
نوح وعويل وفاتحه والدمع سجاب
صرخات أحظر ياعلي ياداحي الباب
اﻷجساد ظلت عالثره والروس منحوره
....................................
موﻻتي دارج خاليه أيعينج الرحمن
عبد الله غاب ومايرد وياه عثمان
ﻻ جعفر يرد وحشتج ﻻ گمر عدنان
أﻷقمار ياويلي أنطفت والدار مهجوره
....................................
باب الحوائج والرجه يالكلج إيمان
الدين ناده أبكربله قدمتي قربان
أربعه واحدهم گمر وتلاثه شبان
ولعظم هاي التضحيه موﻻتي مشكوره
...................................
موﻻتي ياباب الرجه يارأفه وأحساس
يارحمه من رب السمه يارفعة الراس
أبحاجاتنه نگصد ألج من دون هالناس
ونقسم عليج أبفاطمه خليها ميسوره
..................................
لخادم آل البيت . عليهم الصلاة والسلام .
عبد الكريم سيد سعد . نسألكم الدعاء
ابوذيه
التحده اعليك يبن الحسن جرفا
اوحيل ابسيفك البتار جرفا
صبرك ماطفح لليوم جرفا
يمته اتطالب ابثار الزچیه
ياصاحب الزمان یا صاحب الزمان
ابدربك ياعلى مازل قدمنه
وعله الواشي ابمنايانه قدمنه
كثير ارواح ابدربك قدمنه
اوبعدنه انصيح ياثار الزجيه..
بعدنه انصيح يا فاطم بعدنه
لون من گبرچ الطاغي بعدنه
الچ نلبس ثیاب اسود بعدنه
لمن ابنچ یشع بلکون ضیه
ياصاحب الزمان
سيد موسي الموسوي
#تراث
آنه أم البنين و دهري ذبني
حگي لو صِحِت يا حسين يبني
فـگـد الأربـعـة يـهـون .... و حـسـيـن الـسباني
ــــــــــــــــــــــــــــــــــــــ
اتـعبت و سهرت الليالي و اعْلگت شمعة وجودي
حـتـى ربـيـت الـبـنـيـن الأربـعـة البيهم سعودي
مـعـاهـدة بـوصـفـة ربـاهـم اوفـي للزهرة عهودي
بـدمـهـم تـرانـي اتبرعت
للزهرة و للعهد اصدگت
و ظـنـيـت بـحـسين اسْلَمِت
و بحياة حسين زودي
فـگد الأربـعـة ماهدم بيتي
لو بحسين ملزومة ثنيتي
و شلون أصـبـر شلون .... و حـسـين السباني
ــــــــــــــــــــــــــــــــــــــ
صـدگ سَاهَّرْت الـلـيـالـي و امرَدِتْ روحي برباهم
وصـدگ صـاروا بـالـفـراسـة سـبـاع ماواحد لواهم
صـدگ خـيَّـم عـالـحـرايـب بـيد أبو الفاضل لواهم
و اذخـرت بـالـدنيا اذخرت
عيناج صاحوا لو صِحِت
ضـحـيـتـهـم و تـأمَـلِت
أشتري حسين بدماهم
فگد الأربعة نَشَّف دموعي
و على حسين متكسِّرة ضلوعي
و صدر حـسـين مـسحون .... و حسين السباني
ــــــــــــــــــــــــــــــــــــــ
اشلون صفوت مجد من المرتضى الباري اصطفاهم
ونزه من الدنس حجر وكفل من حيدر ولاهم
وطهر الباري حليبي وامزجت روحي ابغذاهم
وغرزت بيهم غانمه
وصارو اسباع الملحمه
ولحسين مهجت فاطمه
كلبي ولساني هداهم
وعن الاربعه لاتنشدوني
وبيهم ياخلك لاتفجعوني
فازو خل يفوزون .... و حسين السباني
ــــــــــــــــــــــــــــــــــــــ
يـا بِـشِـر مـن تِـصِد عيني لأبو السجاد و جماله
جـانـت تـشـاهـد مـحمـد يـزهـر بـنور الرسالة
آنـة وصِـيـت الـتِـوَزَّم بـالـعـلـم يـكـفل عياله
و الـكـفـل سبع الگنطره
و الضعن لأرض الطف سره
مـاادري بـحسـيـن شـجره
بـالتَعَهَّد بالكفالة
بـس يسلم حسين من المنايه
خله تروح شباني ضحايه
و عـنـهـم لا تـنـشـدون .... و حـسـيـن السباني
ــــــــــــــــــــــــــــــــــــــ
آه يـا غـربـة عـليل حـسـيـن مـن رد للمدينة
وبِـشِـر ابن حَـذْلَـم يـصيح بـنـايبات الطف علينه
سِـمَـع صوت أم الـبـنـيـن اتصيح وين حسين وينه
يـا بِـشِـر وضِّـح لـي الخُبَر
و أخبرني بحسين اشسدر
نـاداهـا شـبـلـج عـلى النهر
قطعوا يساره و يمينه
صـاحت فدوى لحسين و وجوده
لو عباس تتقطع زنوده
و الـجفـين لتكون .... و حـسـين السباني
ــــــــــــــــــــــــــــــــــــــ
يا بِشِر گلي اشـعلينا ديون و استافت الكوفة
يـا بِـشِر صد على متني و لِعِد حال الطفل شوفه
هـذا بن عـينة بـنيني الـعلنهر قطعوا جفوفه
لـوجـان أبـو الـيـمـة عَدِل
ما دهري يتَّم هالطفل
يـمـكـن عـزيـزي مـنـجتِل
كلبي جان عليه خوفه
و الـحال الطفل ممرود حالي
مِسْهِر و آنة السَهَّرت الليالي
و مـاتـغـمضلي عـيون .... و حـسـين السباني
ــــــــــــــــــــــــــــــــــــــ
يـا بِـشِـر مـتـنام عـيني وشابحة للطف تراها
تـفـتِّـش بمصرع حـسين و مصرع حسين الدهاها
وتصد نوب عـلى الـشريعة تريد سهم اللي عماها
هـذا الـطـفـل حـسْ بـهَله
بارض الطفوف مجَتِّله
و دم الـحـسـيـن بـكـربـله
فاض و اتطيب ثراها
طابت كربله بدم الشهادة
و آنة حسين خلَّف لي السعادة
أصبر و الصبر عون .... و حسين السباني
المرحوم الحاج
كاظم المنظور الكربلائي
#اللهم_عجل_لوليك_الفرج
🎤 لطمية
أنا ام البنين الفاقده اربع شباب
للرادود نزار القطري
🏴💔💔😭😭
أنا أم البنين الفاقدة اربع شباب
2 فدوى لتراب الحسين
2 فدوى لتراب الحسين
😭_💔__🏴
ساعة الغادر ضعنكم بالطفوف ودمعي يجري
ساهرة وقلبي يتاني ومااظن بالسفرة يدري
اربع من اولادي طلعو روحي وياالطلعه تسري
نزلو بوادي المنيه وخطفت الايام عمري
🚩 انطر دروب السفر
🚩 ماحصل عنهم خبر
💔 قلبي عالي ونته
💔 على حسين وغربته
🏴 أنــا أم الــبــنــيــن
😭_💔__🏴
صرت كل لحظه اناشد والدمع على الوجنه ساجم
روحي تتلاها بحزنها عالضعينه وعالفواطم
مادريت اشيجري بيهم من كفلهم قمر هاشم
بس أريد حسين ابني وضنوتي يرجع لي سالم
🚩 خلص صبري من المحن
🚩 ضعت بهموم الزمن
💔 أنهدم ركني وصيحته
💔 على حسين وغربته
🏴 أنــا أم الــبــنــيــن
😭_💔__🏴
سافر الحادي بضعنكم واخذ من عيني نظرها
فاطمه المعلوله تنشد عالسفر محد خبرها
وانا وياها بفقدكم روحي مستعره جمرها
عي عن عبدالله تسئل عن ابوها وعن قمرها
🚩 وانا انشد على الولي
🚩 حزني ماظن ينجلي
💔 بيه تسعر جمرته
💔 على حسين وغربته
🏴 أنــا أم الــبــنــيــن
😭_💔__🏴
يالي روح الزهراء روحك والعلي ياحسين عينه
يابدر احبابي واهلي قلبي لفراقك ونينه
داري وحشه من غيابك يمتى ترجع للمدينه
تنظر عيوني املها عودّ بضعنه وبنينه
🚩 أربع اليوث العرين
🚩 قلبي مصيوب وحزين
💔 قلبي شاجر لوعته
💔 على حسين وغربته
🏴 أنــا أم الــبــنــيــن
😭_💔__🏴
دنيتي خيبت ضنوني والحزن هدم كياني
دهري بغياب النشاما ولدي كم رميه رماني
لاجن المقدر احمله فقد ابو اليمه چواني
عيني لرض الطف ربيه والمصاب الي عماني
🚩 عشت بهموم ونحيب
🚩 على بو اليمه الغريب
💔 وانتحب لمصيبته
💔 على حسين وغربته
*🏴 أنــا أم الــبــنــيــن*
😭💔😭💔😭
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الاسم
📍طور القصيدة
بصوت. مسلم المطيري
كلمات الشاعر
رعد الفريجي
بصوت. مسلم المطيري
نعي
ام البنين
ربيتكم ورويحتي تلوع
واتنطر تمسحون الدموع
*---------------------*----------------------*
ربيتكم وأنتظر هاليوم
بوكفتكم لنصرة المظلوم
بجفوفكم زيلوها الهموم
لحسين اخوكم صيرو دروع
*-----------------------*--------------------*
أربع أولاد وياك وديت
همه هيبتي وعمدان للبيت
الك عباس راعي الجود ذخريت
يبني حسين الك أولادي شموع
*---------------------*--------------------*
انا الربيتهم أولادي شجعان
الينهضون لو شافو العدوان
يالبوجودهم تنزال الأحزان
واهم للوالهه يمسحون الدموع
*---------------------*--------------------*
لتقصرون عن زينب واخوها
وبيوم النوايب ساعدوها
عزيزه اشكثر عد أمها وأبوها
خوفي يضل قلبها دومه موجوع
*--------------------*-------------------*
ياغالين عد الله ذكركم
ها يالشايلين وصية أمكم
ترى بحسين يايمه فخركم
وتخلون رأسي دوم مرفوع
*----------------------*--------------------*
محمد دعبل النوري
من يظكنه الزمن باللوعه وقهر
باب حاجه نگصدج يم الگمر
$$$$$$$$$$
من نعيش بألم وبحسره وحزن
وبينه صوت الفاجعه يدوي ويرن
ارواحنه ماتهده مايطبگ جفن
گلوبنه متلوعه بچف الدهر
$$$$$$$$$$
نگصد البابچ يحره ام الوفه
جروحنه بس يمج تنول الشفه
الچ نقره الفاتحه بكل معرفه
والدموعه الي جرن ترسن نهر
$$$$$$$$$$
يارجانه الشده يمچ تنگظي
ويا أملنه من چفوفج نرتضي
هذا واقع كل يقينه الرافظي
الله جاه انطاچ يا ام الفخر
$$$$$$$$$$
الله جاه انطاچ لن تستاهلين
اخدمتي أهل البيت عن فطره ويقين
غايتچ مرضاة رب العالمين
خادمه ومفتخره يافارس مضر
$$$$$$$$$$$
طلب من عندك يراعي الغانمه
ياعلي لتگلي اسمي فاطمه
افتخر لاولاد حيدر خادمه
ناذره كل عمري مو يوم وشهر
$$$$$$$$$$$
والنعم منچ وفيتي بالعهد
كفو ولدج للسبط صارو سند
بهل الكرامه الله خصچ للابد
يالعفيفه بأسمج انزاح الخطر
$$$$$$$$$$$$
بجاهج الليله يبدويه نريد
أحبابك بيهه هظم لا ماتهيد
نريد مهدينه قريباً مو بعيد
ارواحنه تهيم بإمام المنتظر
$$$$$$$$$$$$
مثل غابه وكلهه ضدنه تحالفت
چي نحبكم عدهه كفره مارضت
نقسم عليچ الظلوعه ترضرضت
تحققين أحلامنه بلمحة بصر
$$$$$$$$$$$$
الخادم عبدالمعين الشمري
ــــــــــــــــــــــــــــــــــــــــــــــــــــــــ
عزبت.......بربع زلم
ورضعتهم بس عزم
والمراجل للگمر عنوانها
●●●●●●●●●●●●●●●●●●●●●●
ابوفاضل رفع راسي بالمجد عزه اعتله
والنهر ناده دخيله بيده يگلب كربله
انه ابني بزوده يكشخ زينب اخته مدلله
بعزمي ربيت البواسل بت حزام امعدله
عفيه زودي ابربعه
وقعوا عالمشرعه
والمفاخر تشهد ابميدانها
●●●●●●●●●●●●●●●●●●●●●●
الله بيض وجهي بيهم وانه منطيته عهد
اربعه لحسين فدوه انتو يم ظهره سند
وانه وياكم اخدمه حسين يا يمه المدد
والحنين حسين يدري بكلبي ماغيره بعد
انه وصيت الگمر
بيده يهديله نهر
والعراضه لو يطك بركانهه
●●●●●●●●●●●●●●●●●●●●●●
فخري بيهم راح اكتبه دونت اروع صور
والمسافه النهر يگصر بجوده ينحط النهر
خوة العباس خوه تحچي ذرعانه دهر
دورت بالدنيا كلها ماشفت مثله گمر
صارت الخوه سمه
تبوس چفه فاطمه
والفضائل كربله بيبانها
●●●●●●●●●●●●●●●●●●●●●●
ذوله ولدي بالمعاره حزام للكلفه رهن
وابوفاضل من خصاله هذا للخوه وطن
والفواطم بيده رايه هوه حماي الضعن
گدها معروف وگلتهه انت خيال الرسن
شمخ زوده معتلي
بهيبته يشبه علي
يا كتيبه تنهزم فرسانهه
●●●●●●●●●●●●●●●●●●●●●●
بالمحبه اشكد احثهم شفت زود ومرجله
بخزرة العباس حادث والنهر مايه ابتله
زعل والعباس غاضب چنه يقره الزلزله
والعجاج اتشوف خيبر ثاني خيبر كربله
امربع الحك رجعه
يا اصالة منبعه
والعساكر خورست بلسانها
***
تمت بعون الله تعالى الشاعر_يوسف_الفتلاوي
زينب في انتظار علي امير المؤمنين ع
صار الغروب .. وانتظر عالباب جيتك
صار الغروب .. بس تعال ارحم ابنيتك
عيني عالناس الترد .. بلكي طولك بيها اصد
صار الغروب..
…………………………………..
وينك انته ياحبيبي الدنيه مودنيه بسواك
داري وحشه وظلمه كلش بويه محتاجه الضواك
بويه من تمشي تعرفها تمشي عيني تضل وراك
ولو غبت عن عيني ارجع لبيتي واشتم ابهواك
كلشي بالدار .. بي يبويه باقي عطرك
كلشي بالدار .. دافي چن اتگول صدرك
وهسه كاتلها البرد .. بلكي طولك بيها اصد
صار الغروب..
…………………………………..
بويه محتاجه اني حضنك حيل محتاجه الحنان
خايفه والوحشه تكتل وين شبگات الامان
شصار بويه وفارگتني وخالي منك كل مكان
اني شمسويه الزماني وغيبك عني الزمان
فارگتني .. والهضم بعدك لفاني
فارگتني .. والهضم ما فارگني
شتسوه جنتي بلا ورد .. بلكي طولك بيها اصد
صار الغروب..
…………………………………..
ياعلي تدري بحياتي بلا وجودك مو حياة
بلا ابوها المثلي باچر متربه علـيها العباة
ومن جلوس المثلي باچر رايحه تأدي الصلاة
لمثلي اخوها يصير صدره هدف لسهام الرمات
بلايه ابوها .. تنسبي الحره العقيله
بلايه ابوها .. وتركب ظهور الهزيله
بغربه والحادي عبد .. بلكي طولك بيها اصد
صار الغروب..
…………………………………..
بويه الماعدها والي مثلك هناك تحير
يضل اخوها هناك وحده حاير بلايه نصير
منكسر ظهره على ربعه مذبحه بحر الهجير
واعله اخوته وولده عينه بالهضم والهم تدير
حاير اهناك .. فاگد اعضيده يتلوه
حاير اهناك .. واخته يسبيها عدوه
لخيمته يروح ويرد .. بلكي طولك بيها اصد
صار الغروب..
…………………………………..
راح انتظرك تجيني بليلة الهم والعذاب
اهدعش ليله عجيبه شلون بيها ايمر مصاب
بلايه خيمه ابقه وحدي واخوتي فوگ التراب
شلون يحرسني الضربني هايه منها گلبي شاب
ليله ظلمه .. البيها انتظرك تجيني
ليله ظلمه .. وحشه ماشافتها عيني
ليله بالايتام اعد .. بلكي طولك بيها اصد
الشاعر عقيل الحسناوي..
بصوت. مسلم المطيري
ماطاحت عباتي
كلمات الشاعر
حيدر موسى الرميثي
ابوذيات لفراق الاهل
هلي اعليكم اتراب الگبر هليت
ودمع يچوي المحاجر جمر هليت
عليمن ياهلال العيد هليت
يعالي وكل هلي تحت الوطيه
هلي أنعگدوا بدلالي محلهم
لفاني البين وتعَجَّل محلهم
هلي بأرض النجف تالي محلهم
وعافوني ابهظم. داري خليه
هلي راحوا وخلوني وراهم
عَلَيَّه الحزن متعود وراهم
شوكت يسمح.بعد دهري وراهم
اظن ماترد لمتنه الزهيه
أخذ ناسي الوكت عني مردها
فت اچلاي وعيوني مردها
يگلي للگبر كلها مردها
ومايخطي بشر سهم المنيه
الشاعر حسن لعيبي الحريشاوي
◼️أنت المعزى سيدي يا صاحب الزمان ... عظم الله اجوركم💔
ابو ذيات بحق ام البنين( ع)
يلاهي وسيدي ادعوك .. يرباي
جفوني وضل نضرهه العين .. يرباي
صحت لاوين هل هجران .... يرباي
وتاني ومارجع واحد عليه
*--------------------*----------------------*
اعدن چنت وتفاخر .. بعدهم
وهسه الدهر من عندي .. بعدهم
بنيني الدنيه ماتسوه .. بعدهم
صرت ثكله وتصبر الناس بيه
*-------------------*------------------------*
✍بقلم خادم الحسين //ع//
الشاعر رعد
//لابوذيه
لسان حال العقيلة زينب(س)
اعظامي امن النوايب غدت وهنا
اوعگب احسين عيب ابتشروهنا
اهنا عطشان اخيي انذبح وهنا
ركضنه اوبالركض عثرت رقية
🖌سيدنورالسيدعدنان
خدام الحسين ع
ان شاءالله مأجورين
💔
ردتك يعباس
ردتك يعباس. تمشيلي جناز
الموته تنعاب. مابيها الإعزاز
لوانته الاكبالي .. ماينشغل بالي
ردتك يعباس
****
مثل روج البحر دمعي. يسيل ويجرح اعيوني
يعباس الدهر ذبني. واعز ناسي يعوفوني
لون بيدي رحت بالطف. امك آني سموني
بيكم راسي مرفوعه. وبس هاي وكفيتوني
بعيوني الأيام. صارن ثواني
مالومه والكاك. كلك أماني
هالموته تحلالي .. ماينشغل بالي
ردتك يعباس
*
اجت زينب تهل العين. يبو فاضل شحاجيها
تكلي يمه لا ترحين. زينب وين أخليها
من يبجي اعله اخوي حسين. تكلي ودمعه تجريها
بعدج يالحنينه اشلون. اجروحي من يداويها
كتلها وادموع. من عيني تجري
يازينب اعليج. حيدر اصبري
تبجيلي تنعالي.. ماينشغل بالي
ردتك يعباس
***
تره الميت لون كربت ساعة موته يتمنه
تحظر كل هله وناسه. ويودعونه ويجر ونه
وانه اتمنيت لون كلكم. واحدكم اشوفنه
هذا ايغمض اعيوني. وذاك اليحمل ابمتنه
اتمنه لو جان. ساعة وفاتي
يحظرني الحسين. آخر حياتي
لو يحظر الغالي .. ماينشغل بالي
ردتك يعباس
****
بعد ما عاشت ابراسي ذيج الواقعه الكبره
وزعني الوفه عالطف. واشوف احلامي مطشره
واشوف ابكربله قرآن. عطشان انكطع نحره
واشوف ابكل كتر تنعه. أمه فاطمه الزهره
والطم على الراس. والكاها تفتر
وبحبال الاخيام. مذهوله تعثر
جفك تراوالي .. ماينشغل بالي
ردتك يعباس
**
على اعيوني شسولفلك. وحسين الكسر ظهري
يوليدي على المظلوم. خلص بالدمع عمري
لو أدري اجيت اوياه. ابذيج الساعه لو أدري
اشمحلاها دون حسين لوهم ينكطع نحري
جا رحنه وياه. ام اوولدها
والموته لحسين. لا ما بعدها
يالبعدك بخيالي .. ما ينشغل بالي
ردتك يعباس
****
خادم ام البنين
زيد الشمري
خادم الحسين
الشاعر عبدالكريم سيد سعد
😭😭💔