2148
ما أخطأ من دعاك قمرًا؛ مذ خُلقت وأنتَ تستمدّ سناك من شمس الحُسين، وتمثّل لنا إشراقًا مستمرّا. 🧡 °°قَصَائدَ حَسَيَنَيَهَ • ❥˓#ألُِحٍآن حٍسينيهـ يـ๛ـ؏ـدنـا تـواجـدڪـم مـ۶ـنـا
رساله نودي لحسين .. نخدم راح شهرين
ملتزمين كل عام
رساله تختلف كـون .. مـنـوديـها ونـخـون
للموت احنه خدّام
******
رسايل مو مثل ذيچ ونجامل
نودّي ارواحنـه گـبـل الرسايل
المجالـس كـربـلـه وبيها نقاتل
ونـخـدم بـيـهـا مانطلب مقابل
...............
رسايل نبعث هواي .. نركض ليك حفّاي
تسعى ليك الاجدام
نعمي عليك العيون .. مـنـوديـها ونـخـون
للموت احنه خدّام
******
نبعثلك رسايل بيها تقره
من الزهره امك ردنه نظره
الخادم دازلك يحسين عمره
محرم كل عمرنه وكله عشره
................
عمرنه يهون كلّه .. وسهله نموت سهله
نبچي لنار الخيام
الخادم بيك مجنون .. مـنـوديـها ونـخـون
للموت احنه خدّام
******
منگلك تجي يحسين النه
انت ابقى ونجيك احنه واهلنه
شوف شلون نزحف ليك كلنه
نصيح بصوت واحد يا املنه
.................
كلنا نصيح وياك .. فدوه ارواحنه هاك
تثبت هاي الايام
هاي ارواحنه تهون .. مـنـوديـها ونـخـون
للموت احنه خدّام
******
الك يحسين من نودي مكتوب
حين تفتحه منه تطيح الگلوب
هاي ابسط هديه لاغلى محبوب
من كثر المحبه ارواحنه تذوب
.................
نجيك بلهفه ونزور .. نشد ارواحنه نذور
احنه عليك نحتام
نگول حسين ممنون .. مـنـوديـها ونـخـون
للموت احنه خدّام
******
المجالس چنها طف وبيها نحضر
احنه نصير عابس وانت منبر
يخيمتنه الچبيره يابو الاكبر
اذا نعطش تجي وتسگينه كوثر
..................
امك تحضر تشوف .. صدرنه تكسره الچفوف
عله المدفونه بالشام
عهد ننطيك ونصون .. مـنـوديـها ونـخـون
للموت احنه خدّام
******
سيد علي المدني
ميمر
انه اعشكت وتولعت
وبس بالحسين اتعلقت
بكاروكي وانه اهوه حسين ومن كل كلب حبيته
ــــــــــــــــــــــــــــــــــــــــــــــــــــــــــــ
انه اعشكت وعترف كــــــــدام الناس
انه هويت اليهوه طــــــــــوله العباس
ماغيره الحسين السكن بــــــالانفاس
بخيره عشت وزلمه صرت
ماردني مـــــره اشما ردتت
الف أنعم الله عله حسين صيتي كبر من صيته
ـــــــــــــــــــــــــــــــــــــــــــــــــــــــــــ
بالك تحــــــــــب غير الحسين وتهوه
هيه الحياة ابــــــــــدونه بالله اشتسوه
ياهــــــــــو يعرفني كلي لــــو ما هوه
صيتي عله منه وله
بعيوني شايل كربله
تارسني حنيه حسين ماكو مثله حنيته
ــــــــــــــــــــــــــــــــــــــــــــــــــــــــــــ
غير الحسين اشتنفعك هلـــــــــــــوادم
ماكو أجمل وحله مــــــــن اسم الخادم
اشمحلاها مــــــــن يمها تسجلك فاطم
بماي الذهب من ينكتب
بشرط بعــــزاهه تنتحب
وكلها انه احب ابنج حيل ومثل الهوه شميته
ــــــــــــــــــــــــــــــــــــــــــــــــــــــــــــ
اصل الثــــــــقافه والــــــــوعي والعبره
تلكاهــــــــــن بمـــــــجلس عزيز الزهره
حبه انزرع فــــــــي كل كلب عل فطره
حبه تره بدمي سره
وشديته كلبي بمنبره
ياكلبي انعه عله حسين وبالخدمه ضل وصيته
ــــــــــــــــــــــــــــــــــــــــــــــــــــــــــــ
لاتلتهي بهـــل دنيه هــــــــــاي الغبره
بالك يفــــــــــوتك مجلس ومتحضره
صدك تفوتك نضره مــــــــــن الزهرة
بهاذه العزاء ام الوفاء
تحضر وتنعه الكربلاء
ام العزيز ام حسين تحضر تره بتعزيته
ــــــــــــــــــــــــــــــــــــــــــــــــــــــــــــ
يلــــــ بلــــــمجالس سامع وما داري
مجــــــــــلس حسين مأيد من الباري
للخدمه كل عام انه اشد اوزاري
بي اه منت بكيفه صرت
وجـــــهت وجهي وسلمت
انه صرت ملك حسين ويقبلني خادم ريته
ــــــــــــــــــــــــــــــــــــــــــــــــــــــــــــ
#حسين #عبد #الزهرة #الدراجي
#ابوذيات
افزع ياصديج يگوم .. ياخيل
واضم ياطول واستر بعد .. ياخيل
خاب الله واكبر صحت .. ياخيل
اضلوعه اطشرت فوگ الوطيه
ــــــــــــــــــــــــــــــــــــــ
يطكني الشمر ياويلي .. ونابت
وشوك مچلب برجلي .. ونابت
اليخدمن بالقصر باتن .. ونابت
ابخرابه وبالطشت راس الشفيه
ــــــــــــــــــــــــــــــــــــــ
باخونه نلوذ ضلم الوكت .. لو جار
وهسه من ينشف الدمع .. لو جار
سبايه والشمر بالحبل .. لو جار
سبيه تلوذ يحسين بسبيه
محمد الجماسي
#اللهم_عجل_لوليك_الفرج
عاشور الزجيه بآه هل وبالگلب حسره
ماننسه الضلع والباب قسم يافاطمه الزهره
---------
طبع اليفكد الغالين تبكه دموعه سجابه
موبس الدمع عالخد ضل الكلب بعتابه
طيحنه ابجينه اعيون وَحگه الودع احبابه
وحق ياسين والكوثر
وحق حسين والمنحر
عله افراكج ولانكدر
قسم بالحره والكرار كل خادم بقه ابعبره
---------
وسفه اعه الترافه تموت والتشيع بالضلمه
وحسافه المو ابد اسلام نبي وكسروله الكلمه
الورد لمن يشم تراب يابت النبي زحمه
ضلم بضلم يافاضم
ذوله المو ابد وادم
ضالم يتبع بضالم
وصلت نارهم للباب وكسرو ضلعج بعصره
............
عنوان البراءه انتي وين الذنب والاسباب
ليش ابيتج النيران وبكل حقد حركو باب
وروحچ فرفحت آلام وگلبج يالزجيه ذاب
وصارت سوده ايامج
وابد ماهانت الامج
وتغير بالكسر حالج
الضلع مايشفه لو مكسور والمكسور شيجبره
............
وطاح المحسن المضلوم وخنكو اول انفاسه
لون بلدنيه هم عايش هم جان انكطع راسه
لوبالسم جبدته تذوب لوهم السهم جاسه
محسن ماتت اسنينه
بعده مافتح عينه
جاوين العدل وينه
وخدج احمر ودم سال يامولاتي بالسطره
............
وعد وياج يلزهره نضل لأخر المشوار
وماننسه مصابج دوم وحق حسين ابو الاحرار
نصبنالج عزيه بروح تلهب والدمع مدرار
والخدام مهضومه
واويلي يمضلومه
يومج من يطر يومه
بعرش الباري الج تذكار ودموع الحزن حمره
..............
كتب وتحضر الشاعر وتحضر ينعه كل رادود
وناس اتعنت الكرار تواسي كلبه ه الممرود
ورايات الحزن رفت يوم ويوم جاي انزود
ومانترك مجالسنه
وعالخدمه تعودنه
نفديلچ مناحرنه
هنياله اليضل يخدم وبالمحشر علي ايحضره
الحمد لله
ملا علي الذبحاوي
نزلة في شجاعة السيدة زينب عليها السلام
هاشمية وبت علي. ما يذلّوها
هاشمية وبت علي. ما يذلّوها
.....
هيه زينب تبقه هيه هاشميه وماتذل
حتى لو عالناگه ركبت چتّفوها بالحبل
بيها هيبه من ابوها وين ما تمشي وتحل
مثل حَدّ السيف ردها عالعدو من تنسئل
لو حچت تسكت زلم. ما يسكتوها
هاشمية وبت علي. ما يذلّوها
......
من علي ورثت شجاعه وبيها عـزّه ومفخَرَه
ما تطخّ الراس هيبه اخت سبع الگنطره
شافت وحملت مصايب مثل زينب يا مَرَه
صلبه وتحدّت عدوها والنعم بت حيدره
راسها بعلو النجم ما يدنگوها
هاشمية وبت علي. ما يذلّوها
......
صح سبيه وعالهزيله گطعت دروب السبي
لكن يشوفوها آية مو مَرَه بهيئة نبي
قهرت السلّب خدرها ومات منها الناصبي
تنعمي عيون التصدها كشخه سوّت للعبي
ما تلين وتنحني شما يأذّوها
هاشمية وبت علي. ما يذلّوها
...........
هيه بت مَنْ حتى تنذل بت علي حامي الحمه
الوگفت بوجه السقيفه هيه امها فاطمه
اجه الدور ألهه العقيله الهاشمية العالمه
وگفت بوجه آل امية الظلمت وسفكت دمه
كشفت وجوه الظلم ثورة شافوها
هاشمية وبت علي. ما يذلّوها
...........
بمجلس ابن زياد زينب شامخه بوگفة جَبَل
من سأل عنها وسئلهه ردّت عليه ونذهَل
شلون شفتي مقتل اهلج ظنّه تبچي من سئل
(ما رئيت الّا جميلا) صاحت بوجهه وجفَل
بچّت عيون العدو ما يبچّوها
هاشمية وبت علي. ما يذلّوها
...........
بمجلس يزيد العقيله دخّلوها بلا ولي
ذلّته وكسرت غروره والنعم من بت علي
كيد كيدك وسعه سعيك لابد الحق يعتلي
والله ما تمحي ذكِرنه للحشر آنه وهلي
صرخة بالشام اعتلت. خل يسمعوها
هاشمية وبت علي. ما يذلّوها
..........
كمّلت مشوار اخوها زينب وماعافته
الثوره بالطف ابتداها وهيه نشرت ثورته
حسين هزّ عروش امية والعقيله سنّدته
فجّرت بالشام ثوره والظلمهه كشفته
راية رفعت للنصر. ما يطيحوها
هاشمية وبت علي. ما يذلّوها
#سيد_زيد_الفحام
___
#قصائد_منبريه
#وفاة_ام_البنين_ع
اساسيه
كل حياتي أعثر بشم الهوه
وامنياتي أبجي لحسين الضوه
ويبقه أظلم ناظري
حته أجبر خاطري
كل حياتي كل حياتي
....................................................
كل ضوه ابعيني ابوجوده هذا لحسين انتمائه
مو أليه ولا أملكه للسبط معلن ولائه
آنه أُم فكَدت نظرهه حين ما سالت دمائه
قبل ما توصل وفاتي روحي فاضت وي ضيائه
واعتقادي ابجيته ينعاد النظر
راح انادي ياحسين ابلا صور
أبجي والمدمع جِري
حته أجبر خاطري
كل حياتي كل حياتي
....................................................
أني اغبط كل بنيني اندفنو ابصف كَبره بالطف
جن سور آيات ربنه وصارو ابكربله مصحف
ترف يا كربله اترابج من الترافه حته أترف
ريت يمهم كَبري يصبح وبالحشر وياهم اصطَف
يم حياتي حسين كل معنى الحياة
لو مماتي يمه يامحله الممات
حزنه باقي جوهري
حته أجبر خاطري
كل حياتي كل حياتي
....................................................
كَبل ما تدنه منيتي وينكَظي عمر البواجي
ماردت بس وِلدي ،يحظر حسين ابو حلوه المحاجي
الهذا ناشدته ابعزيزت كَلبه مسلوبه التراجي
يحظر انفاسي الاخيره أرد اشمن عطره زاجي
واعتناني وي بنيني الاربعه
من اجاني جاب سبع المشرعه
عطره بانفاسي طري
حته أجبر خاطري
كل حياتي كل حياتي
....................................................
عمري جن نسمة اعذيبي ابعاصفة حزن المصايب
ما كَدر صافي ابوجوده خلص وي لون الترايب
شيبت من وكت وادري الشيب يلفي الكَلبه شايب
ايصح زغير ابعمره لكن يكبر الفاكَدله غايب
واليروحون ياخذون اترف عُمُر
من يبعدون تبعد اخيام الصبر
الهم يكَلي هاجري
حته أجبر خاطري
كل حياتي كل حياتي
...................................................
احلى شي جان ابمماتي من بعد موتي لقائي
بالحسين وأهله وامه فاطمه أغلى اصدقائي
هاي جمعتنه الردتهه ابدنيه جا شنهو بقائي
خلصت ايامي وسفرتي الشوفته كل اعتنائي
من وداعي وروحي صعدت للسمه
وي شراعي والبدايه الخاتمه
حزنه وي دمي سِري
حته أجبر خاطري
كل حياتي كل حياتي
الشاعر
ياسر العارضي
اجيت من البقيع ابجي ... وعل وجنه يهل دمعي
لرض سامره متعنيه ... وأيدي لازمه بضلعي
ـــــ
مصاب العسكري اوليدي ... جدد حزني ومصابي
والهذا السبب جيتك .... وتراب الكَبر بثيابي
اشم اتراب من كَبره ... جنهه ريحت اترابي
ويم كبره اونن حيل ... وبحسره اضل انعي
ـــــــــــــ
صحت بصوت يوليدي ... ها يل سمموا جبدك
افتح كَبرك وصدلي .... خلّيني اشم خدك
البين الصوّبك ياريت ... البيتك يرجع ايردّك
ومن بعدك يماي العين ... صار النوح بس طبعي
ـــــــــــــ
انوح والطم الهامه .... واصيح بصوت يالمسوم
يالعسكري آن هامك .... آنه ام الضلع مهشوم
هاي الروح يم كَبرك ... ضلت حايره وتحوم
وجنّك تندب بنوجك ... يمّه الونّتي استمعي
ـــــــــــــــ
مظلوم وابن مظلوم .... والعدوان ماراعوك
لان جدك علي الكرار ... ياويلي بحقد سمّوك
انت ابن النبي المختار ... ها يالولد ويضدوك
ولان صحت بعلات الصوت .... شرع المصطفى شرعي
ـــــــــــــــــ
ام ومن اون يبني ... جكَي وما ابطل النوح
وما اترك ونين اعليك ... ولادمعي اليضل مسفوح
آنه انجرح دلالي .... وياهو المثلي ضل مجروح
يبني وياك هل ليله ... طفّوا دنيتي وشمعي
ــــــــــــ
الشاعر محمد حسن ضيغم
نعي +ابو ذيات:
نحل جسمي گمت ما شيل هـدماي
عـلـيـكـم بـالـبـقـيـع اگبور هـدماي
إذا بـــس هــدم انـتـم ذاك هـدمـاي
على المذبـوح بــــرض الغاضريه
*
خادمكم
رياض الرسل
طاحت ابيوت الله يالمهدي العَجل
حـكّــم الـبـتـار وي اهـل الـدَجــل
هـيـچ وادم مـا يـعـرفـون الخَجل
صولتك يـبـن النبي امـتـانـيـنـهـه
*--------------------*------------------*
يالثارات البقيع
#خبر_عاجل
لابد يجي يوم نبني المنارة
وبصحنچ الناس تقره الزيارة
ونبث خبر عاجل .. هاي أُم ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
لابد يجي يوم ويهل
صاحب الراية الخضرة
وهناك يبنيلچ گبر
يَم البنين وحضرة
ونوب يتلگاه علي
ويمسح دموعه الحمرة
ويگله جمّع شيعتي
ودليهم اعله الزهرة
دليهم وروح للمو صحابة
واثبت حچي الگال عنهم عصابة
صيح اعله كل عايل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
كلشي لمكانه الصح يرد
وارض البقيع الغاية
بيت الله يرجع هاشمي
ايبدل الستار براية
هالمرة محّد تنسبي
ونوگف عالمسناية
واليطلع بعدة وعدد
نطلعله بالمشاية
بيت الله ياناس بيت الهواشم
والبي علي صار يرجعله لازم
مو واحد يجامل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
محّد وصل ذاك الوفه
بشر ابن حذلم شاهد
من صاحچ ام الاربعة
گلتيله ام الواحد
ولدي ورگبتي وكل هلي
ودگات گلبي الفاگد
ياهو اليرد حسين الي
ياخذهم بدم بارد
مو زينة الاخبار المن تنشدين
لمينه السيوف بس ضاع الحسين
من السحگ نازل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
للغيم يم الاربعة
گبرچ هلچ يبنونه
كون اليصلي بكربلا
تشوف البقيع اعيونه
يم اليعزّب بالنفس
لو رادوا يحشمونه
ذب چفه گالوا بس تره
العباس ذب امتونه
يم اليعزبون بالدم والرگاب
لجل ام الحسين گبرچ بلا باب
تربيتچ الكافل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
طلّاب حگ عدكم بعد
لابد يرد بحگه
والسامع وتابع لَهم
والشاف والسد حلگه
عالتل يحطه ويندفع
ويجيب خيل تسحگه
ويذبحه ويرجعه عدل
ونوب كون يحرگه
من ياخذ الثار هم تبقى هضمة
المهدي ياناس مايسبي حرمة
ثار اهله ما كامل .. هاي ام ابو فاضل
نبني المنارة .. نبني المنارة ..
ـــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : حمزة الحسناوي
موشح…
يمته يرتفعن منارات البقــيع
وينصب شباچ فوگ إكبورهه
©©©©
تنتظــر شيعتـــنه رايـات الغيــور
وللبقــــيع انروح ونشـــيّد القبور
الصَّـــبر خلـص گام بركانه يفــور
انريد نگصد للبقــــــــيع انزورهه
©©©©
طـول اغيــابك ييوسف فاطمه
اظهـر وشد عل الأيادي اللّاطمه
انصارك ودونك يضحون ابدمه
ولجلك اتقـدِّم يمهدي انحورهه
©©©©
وهم تجـي مشــــــايه أبنا الشعوب
والمواكب تنصــــــب طول الدروب
مثل شمعه احنه ابمجالسكم نذوب
وكل بنـي سفــيان يخــلص دورهه
©©©©
والمجـالس تنصــب بِسم العليل
يقـــره بيهن باسم ومـــلا جليل
وتحظر الزهره ابمدامعها التسيل
واحــنه نتبـــرّك نضل من نورهه
©©©©
عدنه حاجات اشكثر وشگد عتاب
ابابهــم نحچــيها ونزيـــح العذاب
ياهو بينه الما جـــرع مر المصـاب
ضگـــنه مـن الدنيا همها وجورهه
©©©©
الخادم
كامل السعيدي
السلام عليك يا يافاطمة العليله بنت الحسين عليه_السلام
امودعين وراشد يهلي ابظعنكـــم
بس علي لا ينگطع طارش خبركم
اگـعـد علــــه الباب اتانـــــــــــي
وبلچـــــن ايردكـم زمانـــــــــــي
آنه العليله آنه العليله
*
من تولّــم ظعن اهلهـه و للسفر عزم رحيلـه
هدّت ابعبره ابصدرهـه عنــد الوداع العليله
يا هلـي موحش نهـاري من يساعدني اعله ليلـه
انتظـــرطارش خبركم خافـن السفره طويلــــه
علتي منّ افراگكم اهون عليّــــــه
ولا اشوف ابيوتكم وحشه وخليه
دهـــــري دولبنــي ودهانــــــــي
وبلچــــن ايردكــم زمانــــــــــي
آنه العليله آنه العليله
*
غفره بعيونـي المنازل يا هـلـي موحـش وطـنكـم
وتبچــي لبچاي المدينـه چي خلت يحبابي منكـم
وآنــه من باچر غريبه لـمـن ايـعاود ظعـنـكـــــــم
وحيرتي يهلي اشأجاوب سايل الينشدنـي عنكم
ياهلي وين ابگصد هلسفرتردون
بلسلامه الأمل چم يوم تعودون
وآنـــــه برجاكــــــم ترانـــــــي
بلچن ايردكــــــــم زمانــــــــي
آنه العليله آنه العليله
*
غَرب الحـادي ابمسيره بلفله ايناوب حنينــــه
گـامـت اتنــوح العليـه وبچت اعـيون الـمدينه
وگـلب ابواليـمه سمعــه ردعـليـهه من الظعينه
گـلهه يحـبيبــه ابونينچ بـويه گـلبي اتگطعينه
مسح دمعتهه وطلب منهه ابتسامه
اتبـــسمـــتله ونـــادته ارشد بسلامه
وانه ضل اعلـــــــه الأمانـــــــي
بلـــچن ايـــردكـــــم زمانـــــــي
آنه العليله آنه العليله
*
من توادع منهه ابوهــه مـن سكوت اليل سـمعـت
ام البنين ابـحـديهـــــــه من سواد الوادي رجعت
تـعـثر ابمـمشـاهــه ردت وبأثر دمعتهـــــــه وگعت
وصلت الدار الـعـليــلــه ومن دمعهه الشيله نگعت
اتگلهه ابوچ احسين وصاني ابخدمتچ
يـــلعليـــه ودمعـــتي فـــدوه الدمعتچ
وحــــن وياچ ابــحنانــــي
بلـچـن ايــردكــم زمانــي
آنه العليله آنه العليله
*
آنـه ضلـيـت الخدمتـچ يلعليلـــــه انـتـي أدره
امرابوچ اعليه واجـب لوفديت اوجودي لمره
ابخدمتچ خلاني وانتي امرچ اشما گلتي يجره
وآنه كل همچ يـهـمني للدروب اعيوني تـبـره
اربـــع اولادي وبـــعد لوعندي ابنين
والله لويروحون الف فدوه لحسين
لـــو يرد سالـــم كفانـــي
بلچن ايردكــم زمانــــي
آنه العليله آنه العليله
*
چنـي نادتـــهه الـعـلـيه اشلون ابره ويهده حالي
حي عمامي الچان زاهر اصبح امن احبابي خالي
يمه من هل سفرخوفي مـا يـرد عّـــزي ودلالي
خوفي عماتي وخواتي ابضــعـن ابلاعين والي
يمه حس گلبي من ابوي ابهل العلامه
مـــن مســح راسي مثل مسح اليتامه
مــن سمــع صـحـــتي واجـــالــــــي
بـــلــچـــن ايــــردكــــم زمـــانــــــي
آنه العليله آنه العليله
*
#الشاعر_الکبیر_عزیز_الفیصلي
تراث الاهواز
قصيده جرح الأمير
زينب ياضوه اعيوني .. رايدكم تودعوني
بس الليله وياكم .. من باچر تشيعوني
"""""""""""""""""""""""""""""
يازينب يماي العين .. بس هليله وياكم
هذا اليوم احس بالروح .. ملهوفه اعله ملگاكم
مايصعب عليه الموت .. يصعب علي فرگاكم
بويه امن الصبح لليل .. اصفن ولفض اسماكم
دهري ايغير ابلوني .. من باچر تشيعوني
""""""""""""""""""""""""""""
حسيت ابمنيتي اليوم … طير اوساكنه ابابي
مايتغـير المكـتوب ... ربي امثوقـع أكـتابي
اعلم رافكاني الموت … يتنعه اعله محرابي
ليلة واحد وعشرين ... بيـهه ايبين اغيابي
أرحل ماتشوفوني *** من باچر تشيعوني
"""""""""""""""""""""""""""""""
بويه أمودعين اليوم … بسم الرافع السبعه
تدرين ابقرار الموت… مايتقبل الرجعه
يا أم الخدر ماريد … منچ تنزل الدمعه
ساعات الفجر جبريل. .. ينزل للارض ينعه
يدريهم يطبروني ،،،، من باچر تشيعوني
"""""""""""""""""""""""""""""
يم الخد لاتبچين ،،، دمعچ حيل ياذيني
حسيت المنيه اتدور ... صارت بينچ وبيني
بس هاي المسيه اوياچ .. باچر ماتشوفيني
ناديلي الحسن وحسين .. خل اتشوفهم عيني
رايدكم يحضروني. ،،، من باچر تشيعوني
"""""""""""""""""""""""""""""
قـَرب موعد الأذان ،،، والدنيه أصبحت حمره
رايح واطريق ابعيد ،،، ويـاي الأجـل يبـره
اسمع جدكم المختار ،،، ومكم فاطمه الزهره
عَجل ياعلي ينادون ،،، وصلت ساعت الطبره
وياهم يريدوني ،،،، من باچر تشيعوني
"""""""""""""""""""""""""""""
✍️ فـاخر علي الشبيبي
لاول مرة زيادة مشتركين يوتيوب
بعد توقف لأكثر من سنة الان يتوفر لدينا زيادة (مشتركين+ مشاهدات ) لليوتيوب لفترة محدودة جدا
للاستفسار @ahmed_alziwar0
للتواصل واتساب 07732320742
ليش يرحون
ابومنتظر الحريشاوي
الحان واداء خادمكم
حنيني .. الكربله يبقه الحنين
سنيني .. كلها فدوه للحسين
**
انه عمري وكل حياتي كربلائي
ثابته بمعنى وجـودي وانتمائي
روحي معقـود بهـواها وبولائي
راسخه صورة نصرها بكبريائي
انيني .. منذكر الصدر الطعين
سنيني .. كلها فـدوه للحسين
**
كاتب بدفـتر حياتي الغاضـريه
هـيه عنوان الصحيفه والهـويه
من الـولادة سجـلتها حيــدريـه
دائرة احوالي اسمـها الجعفريه
ضميني .. النبي طـه الامين
سنيني .. كلها فدوه للحسين
**
امي ربتـني عله حـب الامــامه
النجـاة ابحبهـم بيـوم القيامــه
حصن بالدنيا عشكهم والسلامه
واضـح بكل المعاني بلا عــلامه
تجيني .. اسمع الصوت الحزين
سنيني .. كلها فـدوه للحسـين
*
بذرت الشوگ زرعتها ويه الاماني
واثمرت حب ال احمد في كياني
منهجي بحيدر امامـي ثابت اني
و بولائـي صـرخة يسمعها زمـاني
اميني .. حيدرة النصر المبين
سنيني .. كلها فدوه للحسين
*
ابو سلام الفتلاوي
ابوذيه
.........
لطمت الوجه بجفوفي جفنها
يريت اختك تشد بيدك جفنها
ولا اشوفن جف جفوفك جفنها
على التربان مكطوعه ورميه
.........
على التربان ضلن من يشلهن
جروح بسبب فكدك من يشلهن
بسياط متون اختك من يشلهن
اذا يضربني ينشلن عليه
........
اذا يضربني ومتوني تراهن
يخويه أيشي من اجلك تراهن
وخواتك باليسر راحن تراهن
من بعـدك سبوهن ال اميه
.........
من بعدك سبوهن ما تملهن
وتلم هموم زينب ما تملهن
ويريدن كون يمك ما تملهن
ينصبن عالكبر نوح وعزيه
.........
الشاعر
اياد الفرح التميمي
تنويه القصيده لسان حال امير المؤمنين
بقلم الشاعر
ميثاق المالكي
دمتم بتوفيق فاطمه.ص.
مــــا بيـن داري والگبر
كل خطـوه امشيها عُمُر
مات وتعـــذرلي الــصبر
(ويلي أعله ام الحسن )
حل الظـــــــلام وبظـلام اتأمل
موعـــــــد لقاء وانـدعي يتأجل
عمري لمنيته هـالمسيه اتـرجل
انه الوحيد الدَفِن روحه استعجل
دمعـــــاتي من نزلن دمه
تهاجمني بالظلمه السمـه
بمــــــوعد دفنها فاطمه
(راح انه اوكف الزمن)
ّـــــــــــــــــ ـ ـ ـ ـ
جفــي لقلع خيبــر عجيبه اتحير
ويرجف اشوفه من الحزن صاراصفر
ينظــرها روحــي بالجنازه اتصور
وعـــرفته عن حمل الزجيه اتعذر
حملي لجنازتها جــرح
كلما اصـــدّله ينفتح
وراماني بسهامه الصبح
(دمعاتي حسره جرن)
ـــــــــــــــــ ـ ـ ـ ـ
كــــل خطوه امشيها تگصر ايامي
وثگل الجبل اسحب صرت بجدامي
مــــدنگ مشيت وياي تمشي الآمي
ماريد اشـــــــوف الباب انه گدامي
بعيوني لــــودرت النظـر
راح انه اشـــوفن يـــا اثر
وباقي دمــــه ضلع انكسر
(ذكره اعله بابي بقن)
ـــــــــــــــــ ـ ـ ـ ـ
جفني تفـــايض بالدمع طوفانه
بهالخطوه گلبي تـزايدت احزانه
لگبر النبــي گلبي شكه بأشجانه
بهل حــــاله ردّت يالنبي الامانه
بهالحاله يمك راجعــه
احمـــر جفنها ملوعه
ظلوع الزجيه مصدعه
(ظلموها اهل الفتن)
ـــــــــــــــــ ـ ـ ـ ـ
مَشّيي ابجنازتها اخـذ كل عمري
وحدي بقيت وميت اصبح صبري
ولمـــن وگفت اعله لگبر ما ادري
گبر إلأحفـــره لفاطمه لو گبري
احفــر وعاتب بالترُب
يطيح وارجعنـه الگلُب
لگبـرالزجيه من يطُب
(وياها گلبي اندفن)
ـــــــــــــــــ ـ ـ ـ ـ
عن كل اثر گبــــر الزجيه اضيعـه
وعمــــري لدفنته وياه اصبح دمعه
راح ارجـــــع اعله الدار وبيا رجعه
وخـــالي انه اشوفنه مكان البضعه
شــراح انه اجاوب سائلي
وين إمنه بــويه ياعلي
وصرخة اطفالي لتعتلي
(زادت عليه المحن)
ـــــــــــــــــ ـ ـ ـ ـ
✍️… ميثــــاق المـــــالكي
مايرد طلابهه . جرب ودگ بابها
،،،،،،،،،،،،،،،،،،،،١
مايخيب العنده حاجة. وصاح يا ام البنين.
خل يحلفهه بعشگهه. للزچيه والحسين
الفرج مفتاحه بديهه. خله ربي العالمين.
الواسطة ابين الله هيه. وهم دليل الحايرين
والشرف بترابهه. . جرب ودگ بابها
،،،،،،،،،،،،،،،،،،،،٢
بالعلم والكتب نقره. سبعه ابواب السماء.
ربنه خصص باب الهه. ينقبل منه الدعاء.
بالدعاء دگ بابهه انظر. هيه مستشفى الشفاء
البي مرض خليه يأمن . راح يشفه العنده داء
والسماء احجابهه. . جرب ودگ بابها
،،،،،،،،،،،،،،،،،،،،٣
هاي ام الغيرة صارت. هاي ام سبع الطفوف
تفخر بعباس ابنهه. الزينب أطاهه الچفوف.
التضحية تعرف اسمهه. والوفه اعليها يطوف
احتارت الدنيه بوصفهه. وتبقى خجلانه الحروف.
الحلول اسبابها. . جرب ودگ بابها
،،،،،،،،،،،،،،،،٤
ادعي وعله الزهره ابچي. وگلهه احلفچ بالبتول
من يمر طاري الزچية. تفرح ابنت الرسول.
تحب فاطم هالوفية . وغير فاطم ماتگول.
والوفه آياته نزلت. نعرف اسباب النزول.
والفضل بكتابها. . جرب ودگ بابها
،،،،،،،،،،،،،،،٥
بالمصايب والمصاعب. هالدعاء اعظم سلاح.
والنخه ام عباس ينجه. بدنيته ينال الفلاح.
شمايطول الليل تفرج. بيدهه شمس الصباح.
لليطيح بشده تبقى. حزام اله واعظم جناح.
يالحسبت حسابها. . جرب ودگ بابها
،،,,,,,,,,,,,
حيدر موسى الرميثي
تعتذر كل القصايد واليكتبون. وگفه من وگفات زينب مايوفون
نهج أحرار صرتي،،، قلم للثوره إنتي
،،،يزينب،،،،،، يزينب،،،،
.................. 1..............
يالوگفتي بوجه فرعون الضلاله
إنطيتي درس اخلاق لجموع الحثاله
منبرج صار بأمر رب الجلاله
شاء أن بقصره وتگوليله. لا له
يا أميره وكلمتج هزت عرشهم. وگفتج يابت علي حيل أرعبتهم
الموت الهم هتفتي،،،، قلم للثوره صرتي
،،،يزينب،،،،يزينب،،،،
،،،،،،،،،،،،،،،،، 2. ،،،،،،،،،،،،،،
حسين رافظ للظلم واشكاله كلها
وإنتي كملتي المسيره وگلتي إلها
بكلمة اللا من صرخ عدوانه ذلها
ياعقيدة حيدره. الماكو مثلها
كلمة وبوجه الطغاة انتي حچيتي. علمچ حيدر على الفتوه وفتيتي
لا للظلم گلتي. قلم للثوره صرتي
يزينب،،،،،،، يزينب
،،،،،،،،،،،،،،، 3. ............
يلي طعم الراحه مامر بحياتچ
ويلي ستر الله إنجمع كله بعباتچ
الزهره أمچ ورثتلچ كل صفاتچ
هموم واحزان الزچيه الحد مماتچ
يوادعون احبابهم ندري اليموتون. الفاگد احبابه يضل يدير العيون
بديرة غرب متي،،،قلم للثوره صرتي
يزينب،،،،،، يزينب
،،،،،،،،،،،،،،،،،،،، 4. ،،،،،،،،،،،،،
شايله هموم ومصايب طول عمرچ
يابشر يحمل مصابچ منهو مثلچ
بل جبل موصوف يخت حسين صبرچ
وبيها حكمه يصير عنه بعيد گبرج
بكربلا لو صار يم عباس وحسين . مايحملونه ونينج من تونين
ألچ نزلت دمعتي. قلم للثوره صرتي
يزينب. يزينب.
،،،،،،،،،،،،،،،، ، 5. ،،،،،،،،،
دمع للناس صارت أم الاحزان
ذكرها بكل وكت وعيوني نيشان
المايذرف دمع ليگول إنسان
و يألف كتابه بدون عنوان
فاطمه وهاي العقيلة الهاشميه. الله بيهن يختبر كل البريه
الزهره تصيح بنتي. قلم للثوره صرتي
،،،،،،يزينب. يزينب،،،،،
،،،،،،،،،،،،،،،،،، 6. ،،،،،،،،،،
الموت ليش الموت يدنالچ يزينب
وانتي من لچماته شو گلبچ تعذب
متتي بالبسمار مره وهيه الاصعب
ومره بل طف والخدر لمن تسلب
متتي وي عباس من حزوا رگبته. وثانيه ويه حسين هم متتي ويه بته
هموم شگد حملتي. قلم للثوره انتي
،،، يزينب. يزينب،،،،
خادم الحسين
عبدالكاظم الجابري
بويه مو حلوه الخرابه
اشكد صحتلك ها يبابه
جاوبتني بس نحر. نامي اذاج السهر
شلون انام اعله الترابه
****
جان حضنك جنه بيها اني انام وأطمئن
هسه لو تدري بغيابك غَيَرْ ارسومي الحزن
والله ماتهنالي نومه بس انوح وبس اون
ماتنام الطفله بويه الخذو من عدها حضن
شرد اوصف بويه حالي
نزف من بُعدك خيالي
بالدرب ماكو اثر نامي اذاج السهر
شلون انام اعله الترابه
*
عودتني بحضنك اغفه بيه احسن بالامان
اني طفله وحيل احبك حضنك ايمثل الجنان
بويه مشتاكه اشمك إتفارگينه من زمان
من اهد حرگة خيمنه من ركضت من الدخان
من ركضت واني حافي
وانت عالتربان غافي
من الحرگ ماكو مفر. نامي اذاج السهر
شلون انام اعله الترابه
****
بويه حيطان الخرابه خافن اعليه تطيح
حيل من عدها اخافن ماأأمن واستريح
الليل والظلمه عليه والهوه بوجهي يصيح
يلجم ابراسك اعرفه يَلّچم طبع الذبيح
احضن براسك واشمه
خايفه اتلچمك النسمه
رغم مامسك خطر. نامي اذاج السهر
شلون انام اعله الترابه
****
اعتذرلك هايبابه الرمح عالي ياترف
موّتاني دم لحيتك ليش ميبطل النزف
شيبك الكثران بويه منه شو ماتنعرف
واختلف كلشي بغيابك وحته انت مختلف
دم لحيتك موتاني
الف موته بالثواني
والله شبعني قهر. نامي اذاج السهر
شلون انام اعله الترابه
****
اه من كتلك يبابه خلي طيفك بس يمر
ارد اموت اني اعله راسك بويه شلي بالعمر
ماتهمها الموته والله الساحگه بالطف جمر
العدها مثل حسين رايح شينفع وياها صبر
صرت اتمنه مماتي
شلي يابويه بحياتي
شيب إلي بگلبي كثر. نامي اذاج السهر
شلون انام اعله الترابه
****
تمت ولله الحمد/ المقصر مع الحسين
علي النائلي
يوليدي يا جاسم فوك الترب نايم
ردتك ترد سالم يوليدي ياجاسم
.........................
جسام ياريحة هلي يايمه تسمعني منهو اليرجعني وشلون تفجعني
ناديتك بصوت الألم فدوه التفت ليه الكلبي وبواجيه درحمني شويه
تسمعني أصيحن يل ولد يازهرة سنيني عدمن مخليني رد يابعد عيني
ياروحي لاتجفي ... وبعدك أدك جفي
وتتشمت الوادم يوليدي يا جاسم
...................
يوليدي كلبي اشتاك الك شيطفي نيرانه والروح لهفانه شيردك ويانه
مشتاكه شوك الأيست ماعدها امل رجعه بل غالي منفجعه ماتكدر تودعه
ياربي والله تحيرت كضيتها نياحه لو ميته مرتاحه الموت الي راحه
كل وكتي مهمومه.... وهذا الأشد يومه
بيك الكلب هايم يوليدي يا جاسم
........................
للحرب زفيتك تره مو للعرس أدري هذا انكتب قدري للموت ازف عمري
حفلة زفافك بالحرب سهام ونبل ورماح لوعه وبجي ونياح والزفه جاسم راح
زفة حزن مامش فرح مابيها هلهوله ماضل حجي نكوله كل فرحة مكتوله
من بيدي زفيتك ....... صار اللحد بيتك
ثوب العرس والم يوليدي ياجاسم
......................
جهزت روحك للعرس خل عمك يشوفك والحنه بجفوفك تستقبل ضيوفك
يفرح تراهو بزفتك ويزفك بأيده كل هذا اليريده بس صارت بعيده
هدوم الحرب ذني وعلي يايمه لابسهن ودروسه فاهمهن ماناسي شي منهن
عل وفه معلميني ..... عباسي وحسيني
ابني ونعم فاهم يوليدي ياجاسم
.....................
وادعت عمي وعمتي واطفاله وعياله وانه اعلا هل حاله دموعي هماله
وادعت الاكبر والكمر من كبل ترحاله للعايش بجاله ماغايب هلاله
مكسور كلبي اعلا الطفل من جيت وادعته وبحلكه قبلنه كل ضنه شربته
بيده يأشرلي .... عالماي ويكلي
الله على الظالم يوليدي ياجاسم
......................
يايمه هسه موادعج وبحضنج النعمه خليني أشتمه من فدوه يايمه
آخر وداع وياج الي هذا آخر موادع منج فلاشابع بس للحرب طالع
مودعتك بألله وعلي محروس يوليدي يانبضة وريدي ياجاسم شبيدي
بيض وجه أمك......... موت بحضن عمك
خله يرد سالم يوليدي ياجاسم
خادم الحسين
عبدالكاظم الجابري ...
اجيت من البقيع ابجي ... وعل وجنه يهل دمعي
لرض سامره متعنيه ... وأيدي لازمه بضلعي
ـــــ
مصاب العسكري اوليدي ... جدد حزني ومصابي
والهذا السبب جيتك .... وتراب الكَبر بثيابي
اشم اتراب من كَبره ... جنهه ريحت اترابي
ويم كبره اونن حيل ... وبحسره اضل انعي
ـــــــــــــ
صحت بصوت يوليدي ... ها يل سمموا جبدك
افتح كَبرك وصدلي .... خلّيني اشم خدك
البين الصوّبك ياريت ... البيتك يرجع ايردّك
ومن بعدك يماي العين ... صار النوح بس طبعي
ـــــــــــــ
انوح والطم الهامه .... واصيح بصوت يالمسوم
يالعسكري آن هامك .... آنه ام الضلع مهشوم
هاي الروح يم كَبرك ... ضلت حايره وتحوم
وجنّك تندب بنوجك ... يمّه الونّتي استمعي
ـــــــــــــــ
مظلوم وابن مظلوم .... والعدوان ماراعوك
لان جدك علي الكرار ... ياويلي بحقد سمّوك
انت ابن النبي المختار ... ها يالولد ويضدوك
ولان صحت بعلات الصوت .... شرع المصطفى شرعي
ـــــــــــــــــ
ام ومن اون يبني ... جكَي وما ابطل النوح
وما اترك ونين اعليك ... ولادمعي اليضل مسفوح
آنه انجرح دلالي .... وياهو المثلي ضل مجروح
يبني وياك هل ليله ... طفّوا دنيتي وشمعي
ــــــــــــ
الشاعر محمد حسن ضيغم
بمناسبة هدم قبور أئمة
البقيع عليهم السلام
شوف البقيع وانظر ابحسره
موحش أثرها اگبور للعتره
★★★★★
ابفتوه سوده للعقول الناصبيه
شرك گالوها گبور اهل الحميه
والزياره افعال اهل الجاهليه
وجب تتهدم دوارس علوطيه
غايات عدهم چانت وفكره
موحش أثرها اگبور للعتره
★★★★★
أگبور چانت اربعه بين المگابر
اضرحه نور وتزينها. المناير
بيها گبر الحسن والساجد الذاكر
والإمام الصادق وسيدي الباقر
مهجوره بين الوحشه والغبره
موحش أثرها اگبور للعتره
★★★★★
اهناه فجيعه صارت ومرت مصيبه
ابراي مامقبول من وادم عجيبه
بلهظم مكه الشريفه وأرض طيبه
صاحب الطلعه الرشيده شگد نحيبه
نار النوايب تلهب ابصدره
موحش أثرها اگبور للعتره
★★★★★
أثمانيه ابشوال ياعظم الفجيعه
هدوا أكبور المجد أهل الخديعة
ضاگت بعين المحبين. الوسيعه
وشعظم بلواك ياحامي الشريعه
ونك يهد الجبل. ويفطره
موحش أثرها اگبور للعتره
★★★★★
اگبور مهجوره صفت بأرض المدينه
صاحب الطلعه الرشيده اتگول وينه
بالفرج ندعي يهل وجهك. علينه
شيعتك مسها الهظم مثلك حزينه
وجهك يهل اعليها تنتظره
موحش أثرها اگبور للعتره
ألشاعر حسن لعيبي الحريشاوي
قصیده لل امام الحسین ع
🍁🍁🍁🍁
اخاف باجر اندفن سجلني يحسين
انه خادم لاتخلي دمعي بلعين
######################
خاف باجر بلكبر ابقى انه وحدي
وخاف موكب يمشي من يمي ويعدي
وانه متعلم اجيب ايدي اعله صدري
فدوه سجلني ترى بس انته عندي
#######################
مرني طيف اوكلي انته من عبيدي
بس عرف اخلاقك تكلي ياحبيبي
بلحلم لومرني طيفك ياطبيبي
اضل طول العمر فرحان ابنصيبي
########################
الناس تحجيلي او تكلي والله تعبان
اشمالك ابعاشور دومك حيل فحطان
همه مايدرون قلبي عمره ماخان
اليحبك من صدك يشتهي دفان
########################
ياحسين ارجوك سجل اسمي يمك
والله طول العمر حالف بس اخدمك
بيه حاله صارت امنتذكر اسمك
وحدي اصفن بليالي حته ارسمك
بقلم 👇👇👇👇👇
عاشق الحسين / رضا اللاميچ
قصيدة (أمنية خادم)
كون اموت واسمي خادم… وانه واگف بالمأتم
ريت اختم هالعمر… ايدي تلطم عالصدر
وانه واگف بالمأتم
*
امنية خادم تظل اخر ايامه
ايموت كون وهو واگف بالخدامه
ربي حسن العاقبة ابمأتم امامه
يدعي ربه وباللطم يصبح ختامه
ربي حققلي هالمراد… ريت لاخرتي اللطم زاد
حتى تشفع بالگبر… ايدي تلطم عالصدر
وانه واگف بالمأتم
***
كون اموت وانا اقراله الزياره
وگلبي اخرنبضه يخفگ بالبشاره
ياحسين تكون هيه اخر عباره
وريت دمعاتي على الوجنه اتجاره
وتنحسب كل دمعه مني ... مأتم ويشفعلي وني
گلبي ينبض بيه جمر ... ايدي تلطم عالصدر
وانا واگف بالمأتم
**
وامنيه عندي بعد تبقى شكبرها
ابساعة يذكرون زينب عن صبرها
ولو نعه الناعي وذكر سلبو خدرها
ريت تشهك روحي لو گالوا سطرها
كون اموت بصدري مطبوع... اثر لطمة وكسر الاضلوع
واترك ابخدي اثر ... ايدي تلطم عالصدر
وانا واكف بالمأتم
**
ما اريد بجفن ابيض يدفنوني
بثوبي الاسود حتى خادم يعرفوني
وبماكن اللطمه لالا يغسلوني
طاهره وانا غسلتها من عيوني
انا وضتني هالاعيون… بالمأتم من ينوحون
بلايه كافور وسدر… ايدي تلطم عالصدر
وانه واگف بالمأتم
****
ورايد اطلب من اله العالمين
بنعشي ويشيعوني بين الحرمين
زيارة اخيره وتنختم خلها السنين
ابصحن ابوفاضل اطوف وصحن الحسين
وصوب تل الزينبي كون… ابنعشي هم رايد يطوفون
ارد اسلم عالخدر ...وايدي تلطم عالصدر
وانا واگف بالمأتم
**
السلام على اللاطمين الصدرو على الحسين عليه السلام ..
تمت وكما وعدناكم ان شاء الله محرم الحرام 1438 هجري .. مولاي نظرة الى خدامك..
علاء الجابري
الدهر عن العقيله شلون بعداك
بيتامه الطف حرت ونوب بعداك
لون تنظر عليه اصار بعداك
بحبل مجتوفه ويكودون بيه
ليالي السعد وياكم متن عاد
جثيره هموم البكلبي متن عاد
الي يحسين طيبلي متن عاد
تلوذ بكتره لوطاحه رقيه
الي ماي الوصل عباس وجفيت
بغيابك من سرت ياخوي وجفيت
النذل جرني ولعد الشمر وجفيت
بنص محضر زلم ويعت اديه
ابضعنك من حديت حسين هاوين
هاناح الدليل عليك هاوين
لونكم على الرحيل حسين هاوين
بحمات الله يبن حامي الحميه
فاضل الجهلاوي
((البقيع))
رغم ما انتم نجوم السموات
بس أگبوركم وسفه وحرامات
البقيع بلايه نيشان
هضيمه اولاد عدنان
گبور بغير بنيان ،،،،، هضيمه هضيمه
****
الجوه اجدامهم تتمايل الگاع
نيشان الگبب من الرسم ضاع
السفينه شلون تمشي بدون الشراع
يشراع السفينه ال بالسمه انذاع
هذا الصار والگبه سبيه
المناره چنها ترچيةّ رقيه
جرح مايقبل ايهيد
دمع حسرات تنهيد
بقيع العالمي نريد ،،،، هضيمه هضيمه
****
على المايسوه گمنه ندير العيون
وعفنه گبوركم بيد اليهدمون
الضايع بيت ابوه مايعرف شلون
المهدي بيا وضع ياحال يا لون
لْـو بس مره نخجل بالذي يصير
چا الله رزقنه جناح ونطير
غمضو ولحد ايشوف
كلها تصيحلك عوف
ليش اتگابل سيوف ،،،، هضيمه هضيمه
***
وبراس السطر كل الحچي راح
اضن چم حرف ضلن من الارماح
لدوس الورد جدام فلاح
اگبال المهدي داسو والگبر طاح
فز جرح السمه من هدمو النور
وبچت چم فاطمه ياناس عاشور
الصور متفارگ العين
فوگ مصاب الحسين
خزن جرح السنين ،،،، هضيمه هضيمه
**
شكد شايف خناجر سيدي هواي
اگبال عيون جرحك ينچفي الماي
اليعجلولك وطن جا ليش ماجاي
درس مسلم بروحك ها يمولاي
ترى اهل الغدر نصبو تماثيل
وموجود ابرها مولاي والفيل
كلشي تريد موجود
الشمر ومفزع جنود
بگلبه يگول لتعود ،،،، هضيمه هضيمه
*
ابراهيم النبي كل التعب هان
هدمت الاصنام وجنت تُعباُنٌ
تعال بكل گلب موجوده الاوثان
غوينه ابليس عالماچان والچان
هسه اليعتذر شـتگله معذور
اذا بدموع عينه يغلي ويفور
اجيتك سيدي وجيت
مامعروف رديت
چبير وصاحب البيت ،،، هضيمه هضيمه
عبد زينب
محمد الابراهيمي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ليش يرحون
ابومنتظر الحريشاوي
الحان واداء خادمكم