84036
Кузатувлар, фикрлар. ИМҲО — шахсий фикри ожизимча, дегани. Админга ёзиш учун махсус бот: @davletovuz_bot Тижорий ҳамкорлик учун: @davletovuz_reklama_bot
Мутасаддилар бундан буён туман таълим бўлими раҳбарларини таълим билан боғлиқ бўлмаган бирорта йиғилишга жалб қилиб бўлмаслиги ҳақида қатъий огоҳлантирилди.
Читать полностью…
“Тонировка” бепул бўлмайди — Йўл ҳаракати хавфсизлиги хизмати
Йўл ҳаракати хавфсизлиги хизмати ахборот хизмати раҳбари Зоир Йўлдошевнинг маълум қилишича, ҳайдовчилар учун бир қатор яхши янгиликлар акс этган қарор лойиҳаси Вазирлар Маҳкамасига киритилган, аммо гап автомобилларнинг олд ойналарини қорайтириш бепул бўлиши ёки арзонлашиши ҳақида кетмаяпти.
Болаларга машина бошқаришни берганлик учун жавобгарликни кучайтириш бўйича қонун лойиҳаси тайёрланади — президент
Вилоятларда, айниқса, Наманганда ўқувчиларга автомобилни ижарага бериш авж олгани оқибатида, ҳар ойда 10-15 нафар ёшлар мажруҳ бўлиб қолаяпти. Ўлим билан тугаётган ҳолатлар ҳам кўп.
АҚШ ўзбекистонликларга ҳам ҳам узоқ муддатли виза беришига умид қилса бўладими? АҚШ элчиси Жонатан Ҳэникнинг айтишича, икки давлат ўртасида ҳамкорлик алоқалари чуқурлашиб борар экан, келажакда имкониятлар яратилганда узоқ муддатли визаларни таклиф қилишни режалаштирамиз.
Элчи билан ош тайёрлаш устида суҳбат
37 нафар раҳбар ва 80 нафар талаба хорижда бепул ўқитилади
Энергетика ҳафталиги доирасида нефт ва газ соҳасида рақобатбардош мутахассисларни тайёрлаш ва халқаро ҳамкорликни янада мустаҳкамлашга доир бир қатор амалий ташаббусларга ўрин берилди.
Жумладан, тадбир доирасида “Ўзбекнефтгаз” АЖ ва Малайзиянинг нуфузли "PETRONAS" технология университети (UTP) ўртасида кадрлар тайёрлаш юзасидан махсус ўқув дастурини амалга ошириш бўйича Келишув имзоланди.
Мазкур ҳужжат 2 та муҳим дастурни қамраб олади:
1. Жорий йилда “Ўзбекнефтгаз” АЖнинг 37 нафар раҳбар ходими Петронас технология университетида малака оширади;
2. 2025-2031 йилларда 80 нафар талаба Петронас технология университетида бакалавр ва магистратурада ўқитилади. Бунда, талабалар Тошкент давлат техника университети, Қарши давлат техника университети, Бухоро давлат техника университети ва Тошкент кимё-технология институти томонидан тавсия этилади.
Дастур доирасида “Ўзбекнефтгаз” АЖ маблағлари ҳисобидан 2025 йилдан бошлаб, ҳар йили нефт-газ муҳандислиги ва геологияси йўналиши бўйича 10 нафар бакалавр ҳамда бурғилаш муҳандислиги, нефт-газ муҳандислиги ва геологияси йўналиши бўйича 10 нафар магистр талаба Малайзиядаги ушбу университетда таълим олиш имкониятига эга бўладилар.
Бу ташаббус раҳбарлар ва талабалар билим ва кўникмаларини халқаро даражада янада мустаҳкамлаш, ҳамда соҳага тадбиқ этишга хизмат қилади.
"Ўзбекнефтгаз" АЖ Ахборот хизмати
ДХХ Call-маркази ишга тушди
Давлат хавфсизлик хизмати ваколатларига киритилган масалалар юзасидан жисмоний ва юридик шахсларнинг мурожаатларини тезкор равишда қабул қилиш мақсадида Call-марказ фаолият юрита бошлади.
Call-марказга 1520 қисқа рақами орқали қўнғироқ қилиш мумкин.
Хусусан, қуйидаги масалалар юзасидан мурожаатлар қабул қилинади:
- Ўзбекистон Республикасининг конституциявий тузуми, суверенитети ва ҳудудий яхлитлигига бўлган тажовузлар ҳақида;
- Давлат чегарасини қўриқланиши ва ҳимоя қилинишига бўладиган таҳдидлар;
- Қуролли Кучлар ва мудофаа-саноат мажмуасида давлат хавфсизлигига бўладиган таҳдидлар;
- терроризм, экстремизм, уюшган жиноий гуруҳларга оид;
- қурол-яроғ, гиёҳвандлик воситалари ва психотроп моддаларнинг ноқонуний айланмасига доир жиноятлар ҳақида;
- давлат манфаатларига таҳдид солувчи коррупция ва иқтисодий жиноятлар юзасидан;
- миллий, этник ва диний адоватни тарғиб этиш;
- давлат манфаатлари ва хавфсизлигига таҳдид солувчи ҳуқуқбузарликларнинг содир этилишига доир бошқа ахборотлар.
Шу билан бирга, Жиноят-процессуал кодексининг 345-моддасида белгилаб қўйилган ва тергови ДХХ ваколатига киритилган Жиноят кодексининг 150-163, 182, 223, 246-моддаларида назарда тутилган жиноятларга доир масалалар юзасидан мурожаатлар қабул қилинади.
Мурожаат қилган фуқароларнинг шахси сир сақланиши кафолатланади.
Манба
Кредит карталари бўйича маълумотлар тўлиқ очилиши керак бўлади
Марказий банк истеъмолчилар билан боғлиқ муносабатларни тартибга солиш бўйича навбатдаги қўшимча ва ўзгартиришларни киритмоқда.
Ўзгартиришлар хусусан, истеъмолчига кредит картаси олишда ахборот варақаси билан танишиб чиқиш ва уни юклаб олиш имкониятини тақдим этиш билан боғлиқ.
Иқтисодчи Отабек Бакировнинг изоҳ беришича, ривожланган давлатлардаги каби кредит карталари Ўзбекистон бозорида ҳам тобора оммалашмоқда. Лекин айрим банклар истеъмолчиларни ахборотларни тўлиқ бермасдан манипуляция қилиш йўлига ўтиб олишган. Табиийки, бунда истеъмолчи афзал танловда чалғийди, аниқроғи алданади ёки ўзи тўлиқ билмаган ҳолда, яширин комиссия ёки оширилган фоизларни тўлаб, кўпроқ харажатга тушади.
Тарихий расм
Бугун АҚШ президенти Дональд Трамп Саудия валиаҳди ҳамроҳлигида Сурия президенти Аҳмад аш-Шаръа билан учрашди. Туркия президенти Эрдўған телефон орқали муҳокамада қатнашган. Трамп Сурияга нисбатан асосий санкциялар бекор қилинишини қайд этган.
Трамп Сурия президентига тарихий имконият яратилганини таъкидлади. У Сурия етакчисини Исроил билан муносабатларни яхшилаш (Иброҳим келишуви), чет эллик террорчиларни мамлакатдан чиқариб юбориш, АҚШ билан биргаликда ИШИДнинг қайта тикланишига йўл қўймаслик ва бошқа вазифаларни ўз зиммасига олишга чақирган.
Аш-Шаръа АҚШ, Саудия ва Туркия раҳбарларига миннатдорлик билдириб, мамлакат дунё учун очилишини, Эрон таъсирини камайтиришини қайд этган ҳамда уларни Сурия нефть ва газ соҳасига инвестиция киритишга чорлаган.
Толибон ҳукумати Самарқанд шаҳрида барпо этилаётган Имом Бухорий мажмуаси қурилиши учун 16 та юк машинасида Ҳирот оқ мармари юборибди.
Читать полностью…
Тошкентда Ўзбекистон энергетика ҳафталиги 2025 бўлиб ўтмоқда
13-15 май кунлари Тошкентда Ўзбекистон энергетика соҳасининг энг йирик тадбири – UEW 2025 (Ўзбекистон энергетика ҳафталиги) бўлиб ўтади. Энергетика вазирлиги ва "Ўзбекнефтгаз" АЖ кўмагида ташкил этилаётган ушбу ҳафталик ёқилғи-энергетика секторидаги муҳим воқеаларни бирлаштириб, минтақавий ва халқаро ҳамкорликни мустаҳкамлаш, барқарор энергетика келажагини шакллантириш йўлидаги муҳим майдон вазифасини ўтайди.
UEW 2025 доирасида "Ўзбекистон нефт ва гази – OGU 2025", "Power Uzbekistan 2025", "Яшил энергия тежамкор технологиялар – GETCA 2025" каби йирик кўргазмалар ва 5-Халқаро энергетика анжумани ўтказилади. Ушбу тадбирлар энергетика соҳасидаги инновациялар, янги технологиялар ва инвестиция имкониятларини намойиш этишга қаратилган.
Форумнинг асосий мавзуси "Барқарор энергетика учун минтақавий ҳамкорлик" бўлиб, унда "яшил энергетика" ва карбон изини камайтириш масалалари муҳокама қилинади. Тадбирда 30 дан ортиқ мамлакатдан 465 та компания, 90 дан ортиқ спикер ва 1420 нафар делегат иштирок этмоқда.
Депорт қилинган фуқароларга 2 йил мобайнида хорижга чиқиш паспорти берилмайди
Ҳукумат қарорига кўра, 1 сентябрдан бошлаб, хорижда қонунбузарлик содир этиб, Ўзбекистонга реадмиссия* асосида қайтарилган шахсларга икки йил давомида хорижга чиқиш учун биометрик паспорт расмийлаштирилмайди.
Шунингдек, Миграция агентлиги томонидан хорижий давлатнинг қонунчилик ҳужжатларини бузиши натижасида депортация қилинган, шунингдек, Ўзбекистон Республикасининг халқаро нуфузига ва обрў-эътиборига салбий таъсир кўрсатувчи хатти-ҳаракатларни содир этган фуқароларга доир маълумотлар Миграция жараёнларига доир маълумотларнинг ягона электрон базаси орқали юритилади.
* Агар бирор ўзбекистонлик фуқаро чет элда ноқонуний қолган, визаси тугаган, депортация қилинган шахс Ўзбекистон томонидан қабул қилинади — бу жараён реадмиссия деб аталади.
Ички ишлар вазирлиги расмий ахбороти
Ўзбекистон Республикаси ИИВ томонидан халқаро қидирувга эълон қилинган 1974 йилда туғилган, фуқаро Турсунов Алишер Ахмадович (Мубашшир Аҳмад тахаллуси билан танилган) жорий йилнинг 8 май куни Туркияда ҳуқуқ-тартибот идоралари томонидан қўлга олиниб, 10 май куни Ўзбекистонга депортация қилинди.
А.Турсуновнинг таъсислигидаги ахборот платформалари орқали ижтимоий тармоқларда тарқатилган маълумотларда, тегишли экспертиза хулосаларига кўра, Ўзбекистон Республикаси қонунчилигига зид ахборот мавжуд бўлганлиги сабабли, унга нисбатан Ўзбекистон Республикаси Жиноят Кодексининг 244 прим 1-моддаси (Жамоат хавфсизлиги ва жамоат тартибига таҳдид соладиган материалларни тайёрлаш, сақлаш, тарқатиш ёки намойиш этиш) ва 244 прим 3-моддаси (Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш) билан жиноят иши қўзғатилиб, қамоққа олиш эҳтиёт чораси қўлланилди.
Ҳозирги кунда жиноят иши доирасида тегишли тергов ҳаракатлари олиб борилмоқда.
Ташқи ишлар вазирлигига Россотрудничество фаолиятини таҳлил қилиш ҳақида сўров юбормоқчимиз — Алишер Қодиров
Читать полностью…
Тошкент шаҳар Шота Руставели кўчаси бўйлаб автобусларнинг тезкор ҳаракатланиши учун BRT йўлаги қурилади. Унга кўра, автобус йўлаги йўлнинг чеккасида эмас, балки ўртасидан ўтади. Худди илгариги трамвай излари каби. Бекатлар йўловчилар автобусга тушиб-чиқиши учун қулай ва хавфсиз қилиб барпо этилади.
Читать полностью…
InFinBank стажировкага олиш бошланганини эълон қилади
InFinBank янги чақирувларга тайёр иқтидорли талабалар ва битирувчиларни изламоқда.
Стажировка - бу:
- Тошкент шаҳридаги InFinBank офисида 3 ойлик амалиёт;
- ҳақ тўланадиган меҳнат;
- профессионаллар жамоасида ишлаш имконияти;
- қимматли кўникма ва билимларга эга бўлиш;
- ҳақиқий лойиҳалар ва вазифалар;
- стажировка тугагандан кейин InFinBankда ишга жойлашиш имконияти.
InfinBank қуйидаги йўналишларга таклиф қилади:
📌 Data Science
📌 Machine Learning
📌 Business analytics/System analytics
📌 Project Management
📌 Android
📌 iOS
📌 Java Backend
📌 Frontend
📌 QA
Номзодларни танлаш қуйидагиларни ўз ичига олади:
* Техник суҳбат.
* Топ-менежмент билан суҳбат.
Чақириққа тайёрмисиз? Резюмени e-mail орқали v.davidov@infinbank.com юборинг.
InFinBank ҳақида:
InFinBank – бу жадал ривожланаётган “Invest Finance Bank” акциядорлик жамияти бўлиб, бозорда 2007 йилдан буён фаолият юритади. Биз кенг қамровли молиявий хизматларни тақдим этамиз. Айни пайтда банк ўз фаолиятини нафақат пойтахтда, балки Ўзбекистон Республикасининг барча вилоятларида ҳам амалга оширади.
Ўз фаолиятини бошлагандан буён Банк универсал банк сифатида фаолият юритиб, йирик корпоратив мижозларга, кичик ва ўрта бизнес вакилларига, шунингдек, жисмоний шахсларга кенг кўламли хизматлар кўрсатмоқда.
Реклама
“Гарвардчилар мактаби” очилади
Шавкат Мирзиёев “Президент иқтидорли фарзандлари” миллий дастурини бошлаш ва “Гарвардчилар мактаби”ни очиш бўйича катта фармон имзолаганини айтди.
Бу муассаса Ал-Беруний номидаги халқаро мактаб сифатида ташкил этилади. Бу йил 8-синф битирувчиларидан 60 нафари саралаб олиниб, халқаро мактабда “Топ-10” олийгоҳларига мақсадли тайёрланади.
Iskander buildingsdan ойигa 6,4 млн тулаб 2 хонали хонадон харид килинг
Эндиликда Mezbon лойиҳасидан хонадонларни 25% бошланғич тўлов билан 48 ойга фоизсиз бўлиб тўлашга харид қила оласиз.
Лойиҳа қулайликлари:
- 16 қаватдан иборат
- 2 та лифтга ега
- болалар майдончалари, спорт майдонлари, еcо зоналар барча қулайликларга ега.
- ҳар бир хонадонда 3 кв дан 18 кв метргача терассалар мавжуд.
📌 Терасса компания томонидан бонус сифатида тақдим қилинади.
📲 Бот орқали биз билан боғланинг
Сотув офиси манзили: Тошкент шаҳри, Юнусобод тумани 17-мавзе
Мурожаат учун:
☎️+998787770011
Telegram kanalimizga obuna bo`ling👉 @iskanderbuildings
Реклама
“Дамас ва Лабо ишлаб чиқаришни тўхтатиш кўриб чиқилмаяпти” — UzAuto Motors
Читать полностью…
Бош режага кўра, пойтахт ҳудуди 3 та – консервация, реконструкция ва реновация зоналарига ажратилган.
➖Бош режада 300 дан ортиқ реновация манзили белгиланган. 2025-2026 йилларга мўлжалланган биринчи босқичда 65 та лойиҳани амалга ошириш режалаштирилган. Эски ва замонавий мавзелар орасидаги тафовут босқичма-босқич қисқартириб борилади.
➖Тошкент шаҳри ва унинг атрофидаги яшил ҳудудларни 3 карра кўпайтириб, 25 минг гектарга етказиш мақсад қилинган.
➖2030 йилгача 100 километр каналлар реконструкция қилиниб, атрофида сайилгоҳлар ташкил этилади.
➖Аэрофото, геодезия ва ёғингарчилик таҳлили асосида бу тармоқларни янгилаш бўйича мастер-режа ишлаб чиқилган. Ўтган йили 45 та сув тошқини ҳудудлари бартараф этилган. Бу йил яна 34 та жойда шундай ишлар бажарилади.
Ucell абонентлари учун муҳим хабар. Ucell янги тарифлар тизимини жорий этди
«Bor» ТТга уланинг ва сизда ҳамиша қуйидагилар бўлади:
✅ 45 ГБдан 350 ГБгача интернет-трафик;
✅ Тарифга киритилган Yandex Plus ҳамда Ucell ТV обуналари;
✅ Дам олиш кунлари (шанба, якшанба) ҳамда тунда чексиз интернет!
✅ Ўзбекистон бўйлаб чексиз дақиқалар;
✅ 500 МБдан 2 ГБгача роуминг.
Батафсил | Реклама
Тожикистон президенти Эмомали Раҳмон имзолаган қонун билан ижтимоий тармоқларда постларга “лайк” ва бошқа белгиларни қўйганлик учун жиноий жавобгарлик бекор қилинди. ОАВнинг ёзишича, мамлакатда шу пайтга қадар Жиноят кодексининг ушбу нормаси билан 1500дан ортиқ киши жавобгарликка тортилган.
Читать полностью…
🏦 Асакабанк ЕТТБ томонидан яна бир бор эътироф этилди
Жорий йил 13 май куни Лондон шаҳрида бўлиб ўтган Европа тикланиш ва тараққиёт банки (ЕТТБ)нинг йиллик йиғилиши доирасида Асакабанк навбатдаги эътирофга сазовор бўлди. Тадбирда Асакабанк савдони молиялаштириш бўйича "Ўзбекистондаги энг фаол эмитент-банк" унвони билан тақдирланди.
Асакабанк ЕТТБнинг Савдо молиялаштириш дастурига 2019 йил сентябрь ойида қўшилганига қарамай, ушбу мукофотни кетма кет (2019 йилдан бери ҳар йили) тўртинчи бор қўлга киритмоқда.
Ушбу эътироф Асакабанкнинг халқаро савдони қўллаб-қувватлаш, савдо молиялаштиришдаги фаол иштироки ва барқарор ўсиш стратегиясини яна бир бор намоён этади.
Манба| Реклама
Тайинловлар
➖ Маданият вазири маслаҳатчиси Шавкат Ортиқов (расмда) Ўзбекистоннинг Халқаро туркий маданият ташкилоти (ТУРКСОЙ)даги вакили лавозимига тайинланди. У фаолиятини Анқарада давом эттиради.
➖вазирликнинг Таълим соҳасини мувофиқлаштириш бўлими бошлиғи Омонулла Салиҳов Камолиддин Беҳзод номидаги Миллий рассомлик ва дизайн институти ректори лавозимига тайинланди.
Манба
«Энг камбағал президент» Хосе Мухика вафот этди
Уругвайнинг собиқ президенти, Эл Пепе номи билан ҳам танилган Хосе Мухика 90 ёшга тўлишидан бир неча ҳафта олдин саратон касаллигидан вафот этди.
Хосе Мухика 2010—2015 йилларда Уругвайнинг 40-президенти бўлган. Юқоридаги видео ҳам ўша даврларга оид.
BBC
❗️2025 йил 1 июндан бошлаб Ўзбекистон фуқаролари Хитойга визасиз сафар қилиш имкониятига эга.
Ўзаро Битимга мувофиқ, Томонлар давлатлари фуқаролари икки давлат ҳудудларига кириш, ундан чиқиш ёки транзит қилиш учун ҳар бир алоҳида бўлиш муддати 30 кундан ошмайдиган муддатда ва ҳар қандай 180 кунлик давр ичида жами 90 кундан ортиқ бўлмаган муддатда виза талабларидан озод қилинади.
TBC Uzbekistan 2025 йилни юқори ўсиш билан қарши олди
Операцион даромад 113%га ўсди — 744 миллиард сўмгача. Кредит портфели 10,047 триллион сўмга етди (+121%), депозитлар эса — 5,7 триллион сўмга (+85%).
Экотизимда 19,7 миллион фойдаланувчи рўйхатдан ўтган, улардан 6,1 миллиони фаол фойдаланувчилар ҳисобланади.
Йил янгиликлари орасида:
— payme plus обунаси;
— Osmon Card — 48 мингдан ортиқ ариза;
— Salom Card — 228 мингдан ортиқ карта;
— TBC Business платформасида кичик ва ўрта бизнес учун онбординг ва кредитлар.
TBC Uzbekistan Марказий Осиёнинг энг йирик рақамли экотизими сифатида етакчилигини мустаҳкамламоқда.
Реклама
ХДП ўзини парламентдаги мухолифат фракцияси деб эълон қилди
Партия сўл қанот сифатида мамлакатда ижтимоий адолат, тенглик ва бирдамлик тамойилларига асосланган демократик ижтимоий давлат барпо этишни ўз олдига устувор вазифа этиб белгилаган.
Халқ демократик партияси электорати овозини парламент ва ҳукуматга етказиш, уларнинг манфаатларини самарали ҳимоя қилиш ҳамда мамлакатда кучли ижтимоий сиёсатни давом эттириш мақсадида ўзини парламентдаги мухолифат фракцияси деб эълон қилди.
Парламентдаги мухолифат фракцияси сифатида партия икки ўнг партия томонидан тузилган парламент кўпчилиги – “Тараққиёт блоки” ҳамда мазкур блок қўллаб-қувватлаётган ҳукумат дастури ва фаолиятининг қатор йўналишларига қўшила олмаслигини билдирди.
Шавкат Умурзоқов бошчилигидаги Тошкент шаҳар ҳокимлиги халқ, жамоатчилик билан бемаслаҳат ишлашнинг ҳадисини олди. Энг ёпиқ, бети қалин ҳокимликка айланди, деб бемалол айтиш мумкин.
Жамоатчилик вакиллари ҳақли саволларни ўртага ташламоқда. Лойиҳани кўрсатинглар, эртага яна бундан баттар бўлиб қолмасин, деб айюҳаннос солишяпти. Чунки бундай ўйлашга илк сабаб бор.
Томдан тараша тушгандек Тошкент йўллари инфратузилмасини модернизация қилиш тендерларсиз Хитой компаниясига бериб юборилганининг ўзи жуда қизиқ. Ўтган йил ноябрдаги биров билиб, биров билмаган тадбирда, қисқача айтганда, China Construction (CSCEC) компаниясига қарийб 1 млрд долларлик шартнома қўшқўллаб топширилди. Унинг қарийб 300 млн долларлик лойиҳаси доирасида бош кентимизнинг йўл инфратузилмаси яхшиланиши керак, яна 259 млн доллар эса тирбандликнинг олдини олиш учун замонавий кўприклар қурилиши лозим (жуда хавотирли).
Хитойликларга фарқи йўқ, бир йилда ҳаммасини тарақ-туруқ қуриб кетади, лекин тошкентликлар эртага ўша йўлларда юриши, кўприклардан фойдаланиши керак бўлади. Тез қиларкан, деб кераксиз, инсон учун ноқулай инфратузилмага эга бўлиб қолмайлик. Тўғри, шаҳар ҳокими халққа, сайловчига ҳисобдор бўлганида, бу даражада яккаҳокимлик позициясида иш тутмас эди. Афсуски, унинг электорати бошқалар.
Ҳалиям кеч эмас. Шаҳарнинг ҳаётига дахлдор лойиҳалар очиқланиши, жамоатчилик муҳокамасига қўйилиши, ўзимизнинг экспертлар ҳамжамияти билан бамаслаҳат иш тутилиши керак. Ҳокимлик очиқлик ва шаффофликка келганда, “Тошкент инвест компанияси” ортига бекиниб олмаслиги лозим.
Ўзбек савдогарлари Афғонистонда
Ўзбекистон тадбиркорлари қўшни Афғонистонда бизнес фаоллигини босқичма-босқич кенгайтирмоқда. Бир неча йўналишларда, хусусан, қишлоқ хўжалиги, озиқ-овқат, қурилиш ва логистика соҳаларида амалий таклифлар билан чиқиш, маҳаллий шароитга мос ечимлар таклиф этиш орқали улар бозорда ўз ўрнини топа бошлади.
Жиноят ишлари бўйича Хонобод шаҳар суди раиси 30 минг АҚШ доллари олаётганда қўлга олинди
Судьялар олий кенгашининг хулосаси билан Бош прокурорнинг Андижон вилояти жиноят ишлари бўйича Хонобод шаҳар суди раиси Ю. Э.ни жиноий жавобгарликка тортишга розилик берилди. У Жиноят кодексининг 168- ва 28,211-моддалари тегишли қисми билан гумонланиб қўлга олинган.
Судьялар олий кенгаши матбуот хизмати судьянинг судьялик ваколати тўхтатилганини маълум қилди.
Kun.uz манбасига кўра, суд раиси тезкор тадбирда 30 минг АҚШ доллари олаётганда ушланган.