📿
راح الزمان اللي به الخير مرغوب .
والطيب اللي بالمواصل يبادر
وجانا زمان يجمع الناس ب (قروب)
اطيبهم اللي لاتضايق يغادر
📿
خل الدموع أتهل من شان فرقاه
يستاهل الدمع ،، العزيز المقدر
محبته ف القلب و العمر يفداه
هذا { غلاه } أن كان سنّد وحدر
📿
تحتاج بعض احيان لـ إخلاء طبي
لا طحت في بعض المواقف بـ علّه
لا طحت في ( خـبلٍ معافـيه ربي )
ولا ابـدويٍ فـاهم الكُـفت كله
📿
دايم غريقٍ يعــوم ببحـر الاوهـامي
يرجي السعاده وهي صعبٍ مراجيها
ماحدٍ من الناس له طول الفرح دامي
والنفس ما كل ما تعطـى بيرضـيها
📿
اناجي طيوفك لاضوت والعرب ممسين
ولاعاد لي قدره على النوم بـ أسبابك
ٰ
انا وين بلقى عين تمسي مع السالين
و قلبٍ إلى جاب الهواجيس ما جابك ؟
📿
طاولتني ضيقة الصدر يالله المستعان
لين صرت افرح بشوف الديار الخاليه
ً
دورولي خاطر شرح وضلوع متان
ونفس من الذكريات القديمه ساليه
📿
ياوجد حالي من الواقع وجهل المصير
ومن حزني اللي يبي له حاجةٍ تفرحه
وجود طفلٍ وحيد وظالمينه كثير
وهو معه عذر لكن ماعرف يشرحه
📿
حبيبي اللي عطاني حبه الصادق
يبغاني اغليه ما يبغاني امله
..
له مني منين ماشتاق ومتى مادق
لبيه والحب كله والغلى كله
📿
قيمة جروح القلب
من قيمة الشخص
لولا غلاة الشخص
ماضر ،،، جرحه
📿
اعمارنا مثل الحطب في طرف نار
شي احترق واللي بقىٰ جايه الدور
'
وارزاقنا مثل السحايب والامطار
اللي مهو مقسوم ماهو بممطور
📿
تعبت وآصاب أحاسيسي فتور و كلل
وَجد الاحاسيس لاحسّت بتقصيرها
وشلون أسولف وتكرار السوالف ملل
يا سالفة عمري اللي ما عرف غيرها !
📿
ياواحداً مــادون بابك خفـارات
ياسامع الي بالدجاء لك ينادي
يالله سألتك يا إلـه الســمـــوات
عفوك وسترك والهدا والرشادي
📿
أصد عن بعض الخطا والتفاهات
الي تضيع وقت .. من خاض فيها
ٰ
ودك ترتب قائمة . . . . . للعلاقات
وتحط "مجموعة ما يشرهـ عليها"
📿
حي راع الغياب اللي بعد ما حضر
قام يسأل .. وهو كله غرور وسحى
َ
قال : قلبك خضر ؟ قلت ايه قلبي خضر
في طوارف خضاره تشبع البل ضحى
📿
كل ما لاحت طواريك في عرض القصيد
قلت يا طعم المواصل وحالي سكّره
المحبه ثابته وانت في قلبي وحيد
والوفا من صافي الجم ماشن عكّره
كل يوم وشوق عيني على شوفك يزيد
مير كيف آجيك دام الحدود مسكّره
اصبر وبصبر ولله بخلقه ما يريد
لو معي حيله على الوصل كان آبكّره
.
📿
ان وردت القلب و أسقيت الظمايا
تلّتك ل أقصى المعاليق مخلوفه
ِ
وان بغيت اصدق مواثيق الخفايا
ما على الدنيا عقب شوفك حسوفه
📿
على نبرتك ذا الليل ما لي طريق وحلّ
تمنيت مالي في عمر نبرتك خبره
.
اذا عندك اللي ينهي أحلام عمري قلّ
وأنا أشوف لي في مقبلات العمر دبره
📿
مالعب ف العاشقين الا النوايا والتسرع
انتهى حب القلوب الي بعضها من بعضها
َ
علم الي يحسبون الحب جمعية تبرع
من تبرع بالغلا والحب لايرجي عوضها
📿
على الله وغلطات العمر مالها تبرير
مال العبد غير الله ليا قل توفيقـه
'
تضيع الهقاوي لا تعدت على التفكير
وتبقى مجرد حلم ياصعب تحقيقـه
📿
اللي سـواتـي ياعـرب متضايق
يهرج معي والسالفه من عنده
متعـكـرٍ جــوي ولانــي بـرايـق
صدري يغايضني ويقدح زنده
📿
حنا معى الوقت والايام رحاله
والناس فيها من الصاحين والمرضى
والي زعل دون سبه لا تواطاله
خله على اقفايته يزعل ولا يرضى
📿
على قسوتك جيتك و كني معانق غيم
شعوري فديتك كل حاجه ولا جرحه
:
شعورالصغار المستجدين في التعليم
لا جو للمدارس طايرينٍ من الفرحه ..!
📿
لو يطيح حظي ما تراخى عزوم الراس
وانا اللي نذر عمره على سكة اهدافه
تعاهدت مع نفسي ما اتابع كلام الناس
ولا اخاوي اللي لا مشى عاين خلافه
📿
غدا بك غرورك عقب مالله عطاني اياك
تحسب الغلا يبقى على طول متواجد
َ'
ضميري لا بد انه من الكبريا ينساك
سوى انه بكاك شوي ولا بكى واجد
📿
المراجل ماتبي مكسور خاطر
لا تقول أبشر و وجهك مايبشّر
ㅤ ㅤ ㅤ ㅤ
كن وجهك عقب عذرك وجه فاطر
فاطرٍ عيّت تموت و لا تعشّر !
📿
من تركني ساعة الحاجة وقفّى
لايجي لاصارت الدنيا عــوافي
وبيض الله وجه من كفّى ووفّى
الرفيق اللي مع الصدقان وافي
📿
لبيه ياعين الظبي شيخة الزين
اللي حلاها غير وعـيونها غير
مايختلف في زينها بالهوى أثنين
اللي صباحها خير وأقبالها خير
📿
ياوجودي وجد جراح الهبيده
حطه الله بين متشرّه وناقد
يتحمس لين يكتب له قصيده
والعرب تقول ليتك بس راقد
📿
انت ماتدري بـ حال اللي يشوفك
تستحــل شعورهـ وتنهــي وتامـر
كــل ماتقبــــل وتغرينــي وصوفك
ودي اغــامـر ولا ودي / اغــامـر
📿
مادام الجفى نارن على الكبد وقاده
ووصلك مطافي ياريش العين فسّعفني
،
عليك المشاعر تنقل الشوق منقاده
ولا غيرك من الناس فالكون يشعفني
