📿
طاولتني ضيقة الصدر يالله المستعان
لين صرت افرح بشوف الديار الخاليه
ً
دورولي خاطر شرح وضلوع متان
ونفس من الذكريات القديمه ساليه
📿
ياوجد حالي من الواقع وجهل المصير
ومن حزني اللي يبي له حاجةٍ تفرحه
وجود طفلٍ وحيد وظالمينه كثير
وهو معه عذر لكن ماعرف يشرحه
📿
حبيبي اللي عطاني حبه الصادق
يبغاني اغليه ما يبغاني امله
..
له مني منين ماشتاق ومتى مادق
لبيه والحب كله والغلى كله
📿
قيمة جروح القلب
من قيمة الشخص
لولا غلاة الشخص
ماضر ،،، جرحه
📿
اعمارنا مثل الحطب في طرف نار
شي احترق واللي بقىٰ جايه الدور
'
وارزاقنا مثل السحايب والامطار
اللي مهو مقسوم ماهو بممطور
📿
تعبت وآصاب أحاسيسي فتور و كلل
وَجد الاحاسيس لاحسّت بتقصيرها
وشلون أسولف وتكرار السوالف ملل
يا سالفة عمري اللي ما عرف غيرها !
📿
ياواحداً مــادون بابك خفـارات
ياسامع الي بالدجاء لك ينادي
يالله سألتك يا إلـه الســمـــوات
عفوك وسترك والهدا والرشادي
📿
أصد عن بعض الخطا والتفاهات
الي تضيع وقت .. من خاض فيها
ٰ
ودك ترتب قائمة . . . . . للعلاقات
وتحط "مجموعة ما يشرهـ عليها"
📿
حي راع الغياب اللي بعد ما حضر
قام يسأل .. وهو كله غرور وسحى
َ
قال : قلبك خضر ؟ قلت ايه قلبي خضر
في طوارف خضاره تشبع البل ضحى
📿
كل ما لاحت طواريك في عرض القصيد
قلت يا طعم المواصل وحالي سكّره
المحبه ثابته وانت في قلبي وحيد
والوفا من صافي الجم ماشن عكّره
كل يوم وشوق عيني على شوفك يزيد
مير كيف آجيك دام الحدود مسكّره
اصبر وبصبر ولله بخلقه ما يريد
لو معي حيله على الوصل كان آبكّره
.
📿
قد لي وأنا أشوفك ولكن بالأحلام
عيني تشوفك غير ذا الناس سيّد
أركض ورا الأحلام واعيش الاوهام
أمشي مع العالم وكني .....وحيّد
📿
اقفيت من عزتي / واقبلت من شوقي
واجيك متذكرك لومنت ناسيني
ان طولت غيبتي ماطالت اطروقي
وان كانها طولت فلا تخليني
📿
يعلم الله ما نقــول إلا الصحيـح
نعشق أهل الطيب عشق العافيه
،
ولا يداوي الهــم والقلب الجريـح
غير شوف أهل القلوب الصافيـه
📿
غيابك اتعبني وشتّتني لذا :
إرجع ترى طاري غيابك هدّني
والله ماهي حالة وانا جوّي كذا
أي اغنية فيها غياب تشدّني !
📿
أماكن أول لقى ، وأماكن آخر لقى
أمرّها مرّت المحتاج .. لـ المقتدر
ٰ
فيها أرسم الأبتسامه فوق وجه الشقى
وأقول للحلم ، سامحني على ما بدر .
📿
حنا معى الوقت والايام رحاله
والناس فيها من الصاحين والمرضى
والي زعل دون سبه لا تواطاله
خله على اقفايته يزعل ولا يرضى
📿
على قسوتك جيتك و كني معانق غيم
شعوري فديتك كل حاجه ولا جرحه
:
شعورالصغار المستجدين في التعليم
لا جو للمدارس طايرينٍ من الفرحه ..!
📿
لو يطيح حظي ما تراخى عزوم الراس
وانا اللي نذر عمره على سكة اهدافه
تعاهدت مع نفسي ما اتابع كلام الناس
ولا اخاوي اللي لا مشى عاين خلافه
📿
غدا بك غرورك عقب مالله عطاني اياك
تحسب الغلا يبقى على طول متواجد
َ'
ضميري لا بد انه من الكبريا ينساك
سوى انه بكاك شوي ولا بكى واجد
📿
المراجل ماتبي مكسور خاطر
لا تقول أبشر و وجهك مايبشّر
ㅤ ㅤ ㅤ ㅤ
كن وجهك عقب عذرك وجه فاطر
فاطرٍ عيّت تموت و لا تعشّر !
📿
من تركني ساعة الحاجة وقفّى
لايجي لاصارت الدنيا عــوافي
وبيض الله وجه من كفّى ووفّى
الرفيق اللي مع الصدقان وافي
📿
لبيه ياعين الظبي شيخة الزين
اللي حلاها غير وعـيونها غير
مايختلف في زينها بالهوى أثنين
اللي صباحها خير وأقبالها خير
📿
ياوجودي وجد جراح الهبيده
حطه الله بين متشرّه وناقد
يتحمس لين يكتب له قصيده
والعرب تقول ليتك بس راقد
📿
انت ماتدري بـ حال اللي يشوفك
تستحــل شعورهـ وتنهــي وتامـر
كــل ماتقبــــل وتغرينــي وصوفك
ودي اغــامـر ولا ودي / اغــامـر
📿
مادام الجفى نارن على الكبد وقاده
ووصلك مطافي ياريش العين فسّعفني
،
عليك المشاعر تنقل الشوق منقاده
ولا غيرك من الناس فالكون يشعفني
📿
يـاكبر حـمل الــي تـحـده ظـروفـه
يضـحك وفـي قلـبه تـدَق المسامير
يونس سعير النار في وسط جوفه
ويقول انا طيب وهو ماهو بخير
📿
شفت البدو لاجفـت الارض وشلون
انا ترانـي : مثلهم فـي غيااابك
هـم من ضمااهم للسحايب يشدون
وانا اشد : من الولـه صـوب بااابك
📿
أعيش بخياله واتنادم مع ذكراه
ويدوّى بي الهوجاس في عالم ثانى
أنا كيف أبدله وطّمع في خاطرى أنساه
وأنا كل ما مريت مدهاله ابكانى
📿
بعد تفكيرن عميق اكتشفت ان الحياه
لاعطتك الصدق ماعاد خلت لك صديق
واكتشف أن أكثر الناس ما منهم غناه
عاد ذي سهله ما يحتاج تفكيرن عميق
📿
يوميبي الوقت حتى ضاعت الطاسه
ما عاد حصلت من ديني على دينه
انحاش من واحدًن قلبه كبر راسه
واطيح في واحدًن عقله كبر عينه
