📿
قد لي وأنا أشوفك ولكن بالأحلام
عيني تشوفك غير ذا الناس سيّد
أركض ورا الأحلام واعيش الاوهام
أمشي مع العالم وكني .....وحيّد
📿
اقفيت من عزتي / واقبلت من شوقي
واجيك متذكرك لومنت ناسيني
ان طولت غيبتي ماطالت اطروقي
وان كانها طولت فلا تخليني
📿
يعلم الله ما نقــول إلا الصحيـح
نعشق أهل الطيب عشق العافيه
،
ولا يداوي الهــم والقلب الجريـح
غير شوف أهل القلوب الصافيـه
📿
غيابك اتعبني وشتّتني لذا :
إرجع ترى طاري غيابك هدّني
والله ماهي حالة وانا جوّي كذا
أي اغنية فيها غياب تشدّني !
📿
أماكن أول لقى ، وأماكن آخر لقى
أمرّها مرّت المحتاج .. لـ المقتدر
ٰ
فيها أرسم الأبتسامه فوق وجه الشقى
وأقول للحلم ، سامحني على ما بدر .
📿
غمضت عيني علّها تسرق النوم
سهرانةٍ لين السهر ملّ منها
ودي يداعبها الكرى غير ياقوم
تقول كني طارد النوم عنها
📿
انت ياللي تلبس البرقع توقع
استري عينش ترى رحنا ضحايا
من يصيبه سهم عينش ماترقع
تطرحه لو كان من روسٍ دهايا
📿
البوح صار احساس ماهوب ملموس
كنهّ على صدري يحط الركايب
اليا لفا فالليل جريت منكوس
من حر قلباً لا يعته الهبايب
📿
أنعست من بعدك وخاويت الأحلام
وما زلت في رجوا المواصيل غارق
'
كل العيون السـاليه يمكن تـنـام !
إلا عيـــــون المبتلي و المفـارق
📿
بين غارات الزمان وعدته وإعتاده
والحزين اللي بكا والساجع اللي غنّا
ِ
زينة الدنيا القلوب اللي وفاها عاده
والعيون اللي لياأخطينا تغاضت عنّا
📿
آنا مآ برى حآلي سوى دوخت آلمدوآخ
على قمت آلمشرآف ولآ على ضوي
يقولون حآلك قلت حآلي على من شآخ
على آلقلب شيخت جآدل عودهآ مزوي
📿
صداقة نضيفين الضماير علاج الروح
هل الرفقه الي ترفع الراس وتجمل !!
ولا رفقة خباث النوايا هل المصلوح
تكمل مع عمر المصالح اذا كمل !!
📿
دقت مراسيل المودة تنـــــــــاديك
يامن على الخـــــاطر لك الأولويه
فيك الوفا والجود محد يســـــاويك
تاج الوفا فيك الصفـــــات الأبيه
📿
محبتي لك ياعيوني أكيـــــــــــــده
والحب لك كالبحر ماظن ينقـــــــاس
منك أحبك جات جرعه مفيـــــــــده
حبك تملكني من الساس لا الـرأس.
📿
أنّا يوم جرّبت الليالي وجيت ورحت
عذرت القلوب اللي من الوقت مشتكيّه
ٓ
ياكم مرةً شرفت با أطول طويل وبحت
وجرّيتها ونه .. و دقيتّها بكيّه
📿
يـاكبر حـمل الــي تـحـده ظـروفـه
يضـحك وفـي قلـبه تـدَق المسامير
يونس سعير النار في وسط جوفه
ويقول انا طيب وهو ماهو بخير
📿
شفت البدو لاجفـت الارض وشلون
انا ترانـي : مثلهم فـي غيااابك
هـم من ضمااهم للسحايب يشدون
وانا اشد : من الولـه صـوب بااابك
📿
أعيش بخياله واتنادم مع ذكراه
ويدوّى بي الهوجاس في عالم ثانى
أنا كيف أبدله وطّمع في خاطرى أنساه
وأنا كل ما مريت مدهاله ابكانى
📿
بعد تفكيرن عميق اكتشفت ان الحياه
لاعطتك الصدق ماعاد خلت لك صديق
واكتشف أن أكثر الناس ما منهم غناه
عاد ذي سهله ما يحتاج تفكيرن عميق
📿
يوميبي الوقت حتى ضاعت الطاسه
ما عاد حصلت من ديني على دينه
انحاش من واحدًن قلبه كبر راسه
واطيح في واحدًن عقله كبر عينه
📿
لاتشيّن طبعك ولا يختلف مسيارك
لاتبادر بـ الجفا الجارح وتندم بكره
،
لاتذوب شوقي الهايل بكثر أعذارك
القلوب اللي تعرف تحب تعرف تكره
📿
يوجعني اقرب قريب .. ولا يعبرني
ويرضيني الواقع اللي ما ملا عيني
النفس ما ودّها .. والقلب يجبرني
والشعر من ضيقة الدنيا يواسيني
📿
ما عاد يفرق وجودك لحظة افراقك ..
الملتهي يلتهي لا حصّل السلوه !
الناس ما تقبلك لا شانت أخلاقك ..
حتى لو انك وسيم وضحكتك حلوه .!!
📿
هقيت فيهم واختلف " ظني "
ماعاد باقي فالصدور اسرار
ٓ
جالس على مركاي وأغني :
أثر الرجال مْن الرجال اتغار
📿
اسمع ابو نوره وصوته يزيد الهم
الحانه اللي على الاضلاع تكوينا
مهما يقولون مهما صار مهما تم
انت البدايات واخر ساحل ومينا
📿
المعذره يا صمت لامن تكلمت
دام السكوت أحيان يصبح جريمة
بعض المواقف تجبرك لا تألمت
أنك تضيف لعزة النفس قيمة
📿
زمان : إن ضاقت الدنيا بنا نصبر
وتغيرّنا وعلينا البال .. " ماطوّل "
من أوّل كلّ أمانينا .. متى نكبر ؟
وكبرنا وليتنا نرجع .. " مثل أوّل "
📿
مايغيب إلاّ اللي واثق من غلاه
يدري إني : عن وجوده ما خلا
ما ألومه ، والخطا ماهو خطاه
الخطا ..بيّنت له ... كِثر الغلا
📿
سرا الليل و #المشتحن_ قد هيضه ماضيه
وجارت جروحه في ضميره ولا باتت
آلياً اظلم سواد الليل وهمه بدا ياتيه
يحاتي هواجيسه وهي فيه ما حاتت
📿
ادفنوني في زوايا الذاكرة وانسوني
مثل ماينسى نهار اليوم حزة بكره
ㅤ
ودي اغمض على دمع العيون عيوني
واقفل اذني عن جميع اللي تحب وتكره !
