📿
غمضت عيني علّها تسرق النوم
سهرانةٍ لين السهر ملّ منها
ودي يداعبها الكرى غير ياقوم
تقول كني طارد النوم عنها
📿
انت ياللي تلبس البرقع توقع
استري عينش ترى رحنا ضحايا
من يصيبه سهم عينش ماترقع
تطرحه لو كان من روسٍ دهايا
📿
البوح صار احساس ماهوب ملموس
كنهّ على صدري يحط الركايب
اليا لفا فالليل جريت منكوس
من حر قلباً لا يعته الهبايب
📿
أنعست من بعدك وخاويت الأحلام
وما زلت في رجوا المواصيل غارق
'
كل العيون السـاليه يمكن تـنـام !
إلا عيـــــون المبتلي و المفـارق
📿
بين غارات الزمان وعدته وإعتاده
والحزين اللي بكا والساجع اللي غنّا
ِ
زينة الدنيا القلوب اللي وفاها عاده
والعيون اللي لياأخطينا تغاضت عنّا
📿
آنا مآ برى حآلي سوى دوخت آلمدوآخ
على قمت آلمشرآف ولآ على ضوي
يقولون حآلك قلت حآلي على من شآخ
على آلقلب شيخت جآدل عودهآ مزوي
📿
صداقة نضيفين الضماير علاج الروح
هل الرفقه الي ترفع الراس وتجمل !!
ولا رفقة خباث النوايا هل المصلوح
تكمل مع عمر المصالح اذا كمل !!
📿
دقت مراسيل المودة تنـــــــــاديك
يامن على الخـــــاطر لك الأولويه
فيك الوفا والجود محد يســـــاويك
تاج الوفا فيك الصفـــــات الأبيه
📿
محبتي لك ياعيوني أكيـــــــــــــده
والحب لك كالبحر ماظن ينقـــــــاس
منك أحبك جات جرعه مفيـــــــــده
حبك تملكني من الساس لا الـرأس.
📿
أنّا يوم جرّبت الليالي وجيت ورحت
عذرت القلوب اللي من الوقت مشتكيّه
ٓ
ياكم مرةً شرفت با أطول طويل وبحت
وجرّيتها ونه .. و دقيتّها بكيّه
📿
ياعين لا شفتي أحلام العمر غضّي
إنهد حيييل الطموح ، الله لا يفتنّا
.
تعبت أزيّن علاقاتي مع حظي
لكنها تزين منّا .. و تخرب منّا !
📿
الغلطة اللي تحس القلب من غالي
مهما تناسيتها ماني بناسيها
ٰ
ياكبرها كل مامرت على بالي
وياصغرها كل ما اذكر قدر راعيها
📿
دكتور ما للشوق عندك بروفين
ودي آريح ضيم قلبي وعيني
للي عليه من البطآ تدمع العين
آبطى ولاشفت الرسايل تجيني..
📿
تدرين حبش في خفوقي كامل
ماخذ بوسط القلب نسبة ميّه
كلش على بعضش دمار ٍ شامل
لا والله ألاَّ ..... قنبله ذريّه
📿
مآ طآح في قلب الغلآ غير الأوجآع
ومآ شآلت گفوف الندم غير ضيقه َ
أثر الغلآ ،، لآ زآد عن حده ،، أنبآع
مثل الدفا ،، لآ زآد يصبح حريقة
📿
لاتشيّن طبعك ولا يختلف مسيارك
لاتبادر بـ الجفا الجارح وتندم بكره
،
لاتذوب شوقي الهايل بكثر أعذارك
القلوب اللي تعرف تحب تعرف تكره
📿
يوجعني اقرب قريب .. ولا يعبرني
ويرضيني الواقع اللي ما ملا عيني
النفس ما ودّها .. والقلب يجبرني
والشعر من ضيقة الدنيا يواسيني
📿
ما عاد يفرق وجودك لحظة افراقك ..
الملتهي يلتهي لا حصّل السلوه !
الناس ما تقبلك لا شانت أخلاقك ..
حتى لو انك وسيم وضحكتك حلوه .!!
📿
هقيت فيهم واختلف " ظني "
ماعاد باقي فالصدور اسرار
ٓ
جالس على مركاي وأغني :
أثر الرجال مْن الرجال اتغار
📿
اسمع ابو نوره وصوته يزيد الهم
الحانه اللي على الاضلاع تكوينا
مهما يقولون مهما صار مهما تم
انت البدايات واخر ساحل ومينا
📿
المعذره يا صمت لامن تكلمت
دام السكوت أحيان يصبح جريمة
بعض المواقف تجبرك لا تألمت
أنك تضيف لعزة النفس قيمة
📿
زمان : إن ضاقت الدنيا بنا نصبر
وتغيرّنا وعلينا البال .. " ماطوّل "
من أوّل كلّ أمانينا .. متى نكبر ؟
وكبرنا وليتنا نرجع .. " مثل أوّل "
📿
مايغيب إلاّ اللي واثق من غلاه
يدري إني : عن وجوده ما خلا
ما ألومه ، والخطا ماهو خطاه
الخطا ..بيّنت له ... كِثر الغلا
📿
سرا الليل و #المشتحن_ قد هيضه ماضيه
وجارت جروحه في ضميره ولا باتت
آلياً اظلم سواد الليل وهمه بدا ياتيه
يحاتي هواجيسه وهي فيه ما حاتت
📿
ادفنوني في زوايا الذاكرة وانسوني
مثل ماينسى نهار اليوم حزة بكره
ㅤ
ودي اغمض على دمع العيون عيوني
واقفل اذني عن جميع اللي تحب وتكره !
📿
ما هقيت إني على البعد لي قلب رهيف
لين مرتني طيوفه .. وصدري ضكته
،
اه يا ذكرى زماني ويا الحب العفيف
كية مـن ميسم البعـد فيني .. أركته
📿
تدري وش اللي يجرحك وانت شايب
ذكرى هنوفٍ صارت اليوم جَدّه
.
عشقٍ قديم وبين الاضلاع صايب
يزيد جرح الصدر ويبيح سدّه
📿
ماكل منهو ينام الليل من بدري
من الحزن مستريح وخاطره داله
كم واحدٍ ترقد عيونه وهو يدري
انه ليا من صحى عود على حاله
📿
ياوجودي وجد عود ياجعل آمحق حيـآه
مالقى صبين يضمه و بيت(ن) يدهله
'
ويآ وجودي و التوجاد مايلحق مداه
وجدٍ من ضيع صلاه و مغويه آجهله
📿
كم يزيد الصمت هيبة نفوس الصامتين
مثل مايكشف خوا ناقص العرف الكلام
ٰ
ودك تحدد لبعض الأوادم كلمتين
السلام إن جيت وان جاك مردود السلام
