42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🙌 Літва не закрые офіс Святланы Ціханоўскай
З прапановаю пазбавіць акрэдытацыі ўстанову «Прадстаўніцтва беларускай дэмакратыі» на чале з Святланай Ціханоўскай запатрабаваў літоўскі дэпутат Вітаўт Сініца. Без акрэдытацыі Офіс абранай прэзідэнткі зазнаў бы істотныя абмежаванні ў працы ці яго наагул маглі бы закрыць. Аднак гэтую прапанову не падтрымала МЗС Літвы.
«Статус, што нададзены прадстаўніцтву, дазваляе яму функцыянаваць, дзейнічаць, выконваць свае функцыі, мабілізаваць дэмакратычныя сілы. Я не бачу падставаў абмяркоўваць цяпер гэтае пытанне», – заявіў міністр замежных справаў Літвы Кястуціс Будрыс.
🤷♂️ «Цуду» не адбылося: святара вярнулі ў калонію
Ксяндза Генрыха Акалатовіча нядаўна вярталі з бабруйскай калоніі ў СІЗА Менску. Вернікі спадзяваліся на вызваленне святара і звязвалі чаканні з прыездам у Беларусь новага Апостальскага нунцыя, дыпламатычнага прадстаўніка Ватыкану, паведамляе «Katolik life».
Аднак, цуду не здарылася: Ксяндза Генрыха вярнулі ў калонію. Верагодна, скаргу разглядаў і пакінуў без задавальнення старшыня Вярхоўнага суду, паколькі абскарджанне рашэння Менскага абласнога суду ў Вярхоўным судзе ўжо адбывалася. Але падрабязнасці вернікам не вядомыя.
Каталіцкі святар Генрых Акалатовіч асуджаны на 11 гадоў зняволення за «здраду дзяржаве». Святар мае 64 гады. 🙏
🤔 Сацыялагічнае апытанне паказвае, што большасць беларусаў і беларусак лічаць, што нашая краіна вядзе пачатак ад ВКЛ.
Што гэта значыць? Няўжо дзяржаўная прапаганда дала збой?
Разам з гасцямі праграмы «Карані праблемаў» Дзмітрыем Шчыгельскім і Віктарам Якубавам абмяркоўваем сцэнары развіцця падзеяў для Беларусі 🔮
Глядзіце цалкам на YouTube-канале «Белсат NEWS»
📸 Камісарка Еўрапейскага Звязу Марта Кос наведала рэдакцыю «Белсата»
Гэта быў першы візіт еўракамісара ў гісторыі нашага канала ♥️
Кажучы пра перспектывы еўрапейскай будучыні для Беларусі Марта Кос заявіла:
Я не ведаю, як людзі вытрымліваюць гэты ціск, асабліва тыя, хто там застаецца. Але Еўразвяз ніколі, ніколі вас не пакіне.
🇪🇺Камісарка ЕЗ паабяцала, што фінансаванне беларускай дэмакратычнай супольнасці павялічыцца
23 ліпеня Марта Кос, камісарка Еўрапейскага Звязу адведала студыю «Белсата»❗️
У вялікай размове яна падкрэсліла важнасць падтрымкі незалежных беларускіх медыяў і паабяцала значна павялічыць іх фінансаванне. Яна адзначыла, што расейская прапаганда — сур’ёзная пагроза для Еўропы, і толькі праз праўду і надзейныя крыніцы можна ёй супрацьстаяць.
🔗Больш пра тэмы размовы «Белсата» з еўрапейскай чыноўніцай — у артыкуле
📊Узровень беспрацоўя ў Беларусі знізіўся да рэкорднага мінімуму
Але нагодаў для радасці – не шмат.
Белстат паведаміў, што ўзровень беспрацоўя знізіўся да 2,6 %, а, напрыклад, напрыканцы мінулага года было 3 %. Такі паказнік сведчыць пра сур'ёзныя праблемы на рынку працы. Гэта сведчыць пра праблему дэфіцыту кадраў, што нарастае і ў перспектыве будзе паслабляць патэнцыял эканамічнага росту.
Каб утрымаць кадры, прадпрыемствы вымушаныя павышаць заробкі. Такім чынам, кампаніі фактычна праядаюць запасы, а не трацяць грошы на развіццё бізнесу.
🔗Падрабязнасці – па спасылцы
🟥 «Я адчувала сябе прыніжанай». Гісторыя жанчыны, якая атрымала дыкпік ад кіраўніка BYSOL
Беларуска Святлана (імя змененае) сцвярджае, што Андрэй Стрыжак даслаў ёй інтымны здымак без згоды і кантэксту. Паводле яе, гэта адбылося пасля флірту, на які яна выразна адказала адмоўна.
Дзяўчына распавяла, што адчувала, як гэтая падзея, хоць і адбылася каля 1,5 гадоў таму, дагэтуль адбіваецца на ейным жыцці...
Скрыншоты перапіскі Святлана даслала ў рэдакцыю «Белсату». Мы звярнуліся да Андрэя Стрыжака з просьбай пракаментаваць абвінавачванні не толькі ў рассылцы інтымных фота, але і ў наўпроставым харасмэнце.
«Я прыму рашэнне пра каментар пасля публікацыі. Дзякуй!» – адказаў кіраўнік Андрэй.
🔗Інтэрв'ю цалкам чытайце на сайце
🚨У Менску катавалі мігранта, які хацеў трапіць у ЕЗ, і патрабавалі выкуп
У Менску два замежныя грамадзяніны падманулі іншага замежніка, які хацеў трапіць у ЕЗ. Яны паабяцалі дапамагчы, але замкнулі яго ў ванным пакоі, збівалі і патрабавалі грошы. Мужчыну катавалі: наносілі ўдары нагамі, трубой і нажом, тушылі аб яго цыгарэты.
Зламыснікі патрабавалі 2 мільёны індыйскіх рупіяў (больш за 81 тысячу беларускіх рублёў) — як у самога пацярпелага, так і ў яго маці праз тэлефон і відэазванкі. Абодва абвінавачаныя цяпер пад вартай, іх справа накіравана ў суд.
🔗Падрабязнасці — па спасылцы
🏚 Паглядзіце, якія руіны прапаноўвае дзяржава беларусам – гэта не жарт!
У цэнтральным раёне Гомля прапануюць кватэры з дзяржаўнага жыллёвага фонду ў арэнду. Кошт пачынаецца ад 200 рублёў, але за гэтыя грошы вы атрымаеце жытло, якое больш падобнае да дэкарацый для фільму жахаў 😱
Усе варыянты патрабуюць рамонту. Але ёсць хітрасць: калі наймальнік гатовы сам укласціся ў рамонт, гэтыя грошы можна будзе адняць з арэнднай платы.
🇺🇦🇷🇺 Дэлегацыі Украіны і Расеі зноў збяруцца ў Стамбуле ўжо сёння вечарам
Перамовы паміж украінскай і расейскай дэлегацыямі зноў пройдуць у Стамбуле. Украіну прадстаўляе кіраўнік Рады нацыянальнай бяспекі Рустэм Умераў, Расею – памочнік Пуціна Уладзімір Мядзінскі.
Гэта ўжо трэці раўнд перамоваў. На папярэдніх дамовіліся пра абмен палоннымі, параненымі і целамі загінулых. Цяпер бакі абмяркуюць вяртанне выкрадзеных украінскіх дзяцей і магчымую сустрэчу лідараў дзвюх краін.
🔗Падрабязнасці – па спасылцы
🕯 Озі Озбарн памёр. Але яго музыка жыве — і па-беларуску таксама
У новым выпуску «Міністэрства Сепультуры» Аляксандр Чарнуха распавёў, як творчасць Озі Озбарна і Black Sabbath паўплывала на беларускую сцэну.
Песні Black Sabbath гучалі ў праграме «Легенды.Live», дзе беларускія гурты выконвалі каверы на сусветныя хіты.
«Iron Man» у выкананні Gods Tower стаў першым беларускім каверам на легендарны гурт. А ў кавер-альбоме Старога Ольсы таксама ёсць свая версія гэтага спеву — у сярэднявечным стылі.
Свой унёсак ва ўшанаванне спадчыны Озі зрабілі Molchat Doma з трэкам «Небеса и Ад». Таксама Litvintroll у трэку «Czornaja panna» выразна адсылаюць да эстэтыкі і рыфаў Black Sabbath.
А самы вядомы беларускамоўны гурт у свеце NURNBERG нядаўна пераклаў і пераасэнсаваў песню «Black Sabbath» па-беларуску.
👑 Шукалі золата Напалеона на Бярэзіне, а знайшлі срэбра вікінгаў
У новым выданні «Няпростых рэчаў» расказваем, як навукоўцы, шукаючы «золата Напалеона», знайшлі скарб вікінгаў IX–X стагоддзяў, адкуль узяліся вікінгі на Бярэзіне, і як язычнікі дарылі мячы багам 🗿🎁
📹 Глядзіце цалкам на YouTube-канале «Белсат HISTORY»
🇺🇦Ва Украіне пачаліся першыя пратэсты з пачатку поўнамаштабнай вайны
У некалькіх гарадах Украіны адбыліся пратэсты супраць закона, які робіць НАБУ і САП залежнымі ад Генпракурора, прызначанага прэзідэнтам. Людзі скандавалі «Вета на закон» і патрабавалі захаваць незалежнасць антыкарупцыйных органаў.
Закон ужо падпісаў Уладзімір Зяленскі, нягледзячы на пярэчанні грамадскасці і крытыку з боку дыпламатаў G7 і ЕЗ. Прэзідэнт запэўнівае, што сістэма будзе працаваць, але дэпутаты абвінавачваюць яго ў спробе ўсталяваць кантроль над следствам:
Кажа, што "антыкарупцыйная інфраструктура будзе працаваць. Толькі без расейскіх уплываў". Працаваць будзе, толькі не маючы ніякіх рэальных паўнамоцтваў. Ну, каб не выйшлі выпадкова зноў на атачэнне Зяленскага. Проста крывадушнік».
😬У Літве разгарэўся скандал праз тое, што прэм'ер-міністр і спікер Сейму разам ездзілі ў Беларусь 17 гадоў таму
Пра гэта распавёў грамадскі дзеяч, заснавальнік каналу «Laisvės TV» Андрус Тапінас. Ён мяркуе, што прэзідэнт Літвы Гітанас Наўседа павінен пацікавіцца мэтамі гэтай паездкі ў кіраўнікоў парламенту і ўрада.
Спікер Сейму Саўлюс Сквярняліс пацвердзіў, што ён і прэмʼер-міністр Гінтаўтас Палуцкас сапраўды ездзілі ў Беларусь у адной машыне як старыя сябры.
«Прычына самая банальная – матч Лігі чэмпіёнаў. Барысаўскі БАТЭ і мадрыдскі «Рэал». Мы ездзілі паглядзець на мадрыдскі "Рэал"»,
🙏 Памёр вядомы беларускі археолаг Эдвард Зайкоўскі
Эдвард Зайкоўскі – адзін з пачынальнікаў нацыянальнага беларускага адраджэння пачатку 1980-90х гадоў. Быў удзельнікам слыннай і ўплывовай суполкі беларускай творчай інтэлігенцыі «Майстроўня». Яшчэ пры паступленні ў інстытут у 1970-х усе іспыты здаваў па-беларуску.
Аўтар шматлікіх навуковых прац, даследаваў помнікі неаліту і бронзавага веку. Прыхільнік назвы «Літва» тэрыторыі старажытнай Беларусі.
Развітанне адбудзецца заўтра, 23 ліпеня ў Менску. 👈
🙌 Марта Кос беларусам: «Еўразвяз ніколі, ніколі вас не пакіне»
Еўракамісарка ў справах пашырэння Еўрапейскага Звязу, наведала рэдакцыю «Белсату» і адказала на пытанні журналістаў. Марта Кос выказала захапленне беларусамі, якія «напраўду змагаюцца за еўрапейскую будучыню».
«Калі я пыталася ў прадстаўнікоў народу з Беларусі ў снежні мінулага года: як вы можаце ўсё гэта трываць? І яны сказалі мне: мы сапраўды верым, што аднойчы станем чальцамі Еўразвязу. Таму тое, што мы можам зрабіць сёння, гэта зноў працаваць над каштоўнасцямі. Мы яшчэ раз гаворым пра абарону жыццяў, абарону дэмакратыі, абарону свабодных медыяў.
Я не ведаю, як людзі вытрымліваюць гэты ціск, асабліва тыя, хто там застаецца. Але Еўразвяз ніколі, ніколі вас не пакіне»
📸 Непрыстойныя фота — не жарты, а парушэнні закона
Беларускія актывісткі сцвярджаюць, што кіраўнік «BYSOL» Андрэй Стрыжак дасылаў ім дыкпікі. Ён публічна прасіў прабачэння, але дадаў, што не меў на мэце прымус ці выгады.
Калі жанчына атрымлівае інтымнае фота без згоды — гэта не толькі неэтычна. Гэта можа быць крымінальным злачынствам.
Журналісты вывучылі, як такое караецца ў Беларусі, Літве, Польшчы і Украіне.
🔗Пра гэта — чытайце ў артыкуле
А ў нас — батл вакол Стрыжака
Маем два дыяметральныя меркаванні наконт апошняга скандала ў нас на сайце:
🔶 Наста Захарэвіч лічыць, што Стрыжак злоўжыў уладай, дасылаючы непрыстойныя фотаздымкі жанчынам, і павінен сыходзіць з пасады, бо ягоныя дзеянні падрываюць давер да «BYSOL».
🔷 Зміцер Міцкевіч прызнае памылку, але лічыць, што асабістае жыццё не мусіць уплываць на прафесійную ацэнку, і крытыкуе «культуру адмены», бо няма дакладных доказаў, што гэта паўплывала на працу арганізацыі.
❓А што думаеце вы?
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Стала вядома, як будзе арганізавана перабыванне пакістанцаў у Беларусі
🔸 Лукашэнка шукае беларускую нафту. Якія перспектывы гэтых пошукаў?
🔸 Андрэй Стрыжак часова адхілены ад кіраўніцтва "BYSOL"
🔸 Бацька памерлай дзяўчыны з Ельску скардзіцца на цішыню ў справе следства
🔸Змежным інвестарам ускладнілі выплату дывідэнтаў з Беларусі
🔸 Перамовы Расеі і Украіны ў Турцыі. Чаго чакаць?
https://www.youtube.com/watch?v=G_iH2QttNtA
❗️Улады (не)адказалі на пытанне, хто прыбраў знак на Курапаты на МКАДзе
Напрыканцы чэрвеня даносчыца Вольга Бондарава апублікавала фота, на якім відаць дзіру ў зямлі на месцы, дзе стаяў указальнік на Курапаты са згадкай пра рэпрэсіі 1930-ых.
«Белсат» звярнуўся з запытам у райвыканкам, каб даведацца, хто і чаму прыбраў знак.
🔗Адказ ужо атрыманы — падрабязнасці тут
❗️BYSOL абвясціў расследаванне пасля абвінавачання Стрыжка ў харасмэнце
Фонд BYSOL паведаміў, што ініцыяваў унутранае расследаванне пасля публікацыі, у якой сузаснавальніка арганізацыі Андрэя Стрыжака абвінавачваюць у харасмэнце. З 22 ліпеня ён адхілены ад абавязкаў.
У арганізацыі адзначаюць, што «любыя формы дыскрымінацыі і харасмэнту» недапушчальныя. Для правядзення расследаванне плануюць сфармаваць асобную групу і звярнуцца да профільных экспертак і экспертаў. Прамежкавыя вынікі абяцаюць апублікаваць да 1 верасня.
Пры гэтым BYSOL працягвае працу ў звычайным рэжыме – дапамагае рэпрэсаваным, палітвязням, іх сем'ям і падтрымлівае грамадзянскія ініцыятывы.
📚 Расейскі сцэнар для беларускіх ВНУ
«Нашыя вядучыя ВНУ ператворацца ў філіялы расейскай адукацыі, а міністр адукацыі насамрэч будзе падпарадкоўвацца расейскаму міністру»🎓📉
Паступаць у ВНУ сёлета – як гуляць у латарэю: невядома, куды прывядзе адукацыя. Беларусь больш не ўдзельнічае ў Балонскім працэсе, таму еўрапейскія абмены і навучанне за мяжой становяцца недасяжнымі.
Замест гэтага ўлады прапануюць арыентавацца на Расею і краіны СНД. Калі Беларусь афіцыйна адмовіцца ад Балонскай мадэлі, універсітэты рызыкуюць стаць часткай расейскай адукацыйнай сістэмы. А навуковая ізаляцыя толькі пагоршыць якасць навучання.
🔗Якія перспектывы чакаюць сёлетніх першакурснікаў — чытайце на сайце
😔 Бацька шукае праўду пасля смерці дачкі
Бацька 14-гадовай дзяўчынкі з Ельска, якая памерла ў мясцовым шпіталі яшчэ ў траўні, дагэтуль не атрымаў адказаў ад Следчага камітэту і Міністэрства аховы здароўя. Відэазварот мужчыны, у якім ён дзеліцца болем заўважыў «Флагшток»:
Два месяцы ў мяне няма дачкі. Я шукаю яе кожны дзень, кожны вечар на вуліцы, на балконе я спрабую выглядаць сваю дачку. Мне не хапае яе, яна была мне вельмі дарога. Бачачы іншых дзяўчынак, я бачу сваю дачку. Час лечыць? Не. Таму я прашу, паведаміце мне, што адбываецца цяпер
😍 Працяг ШІ-роліка мастачкі Таццяны Карваш
Паглядзіце, куды Сімпсаны адправіліся на гэты раз!
⚡️Кароткі агляд навінаў
🔻 Менск прапануе запэўніць харчовую бяспеку Танзаніі
🔻 Чыноўнікі кантралююць умовы працы ў палях
🔻 Барацьба з карупцыяй для апраўдання паказнікаў?
🔻 Вулічная ежа – пад пільным наглядам
🔻 Кароўнік у двары шматпавярховіку
🔻 МНС ратуе грыбнікоў
🔻 Музычны свет развітваецца з легендаю
🔻 Бойкі і перакупліванне месцаў: што адбываецца на мяжы з Польшчаю
🔻 Амерыканец шукае свае беларускія карані
🔻 Залева вярнулася ў Беларусь
Глядзіце ў кароткім выданні навін на Белсаце 💻
Справу беларуса, якога абвінавачваюць у падрыве БАМа ў Расеі, накіравалі ў суд
Генпракуратура Расеі перадала ў суд справу супраць беларуса Сяргея Ерамеева, якога абвінавачваюць у тэракце на чыгунцы ў Бураціі.
Следства сцвярджае, што ён далучыўся да тэрарыстычнай супольнасці, атрымаў выбухоўку і пульты, а потым заклаў прылады на вагонах з палівам каля Паўночна-Муйскага тунэлю.
29 лістапада 2023 года адбыліся выбухі: згарэлі чатыры цыстэрны, яшчэ дзве былі пашкоджаныя. 7 снежня ФСБ затрымала Ерамеева ў Омску. Ён мае дваіх дзяцей і раней не судзіўся.
Пасля яго арышту затрыманні адбыліся і ў Наваполацку.
🔗 Падрабязнасці — па спасылцы
💧Падтопленыя вуліцы і заторы: Менск у вадзе
23 ліпеня раніцай Менск накрыла моцная залева. Некалькі вуліц апынуліся пад вадой, рух транспарту там ускладнены і кантралюецца інспектарамі. Тралейбусы і аўтобусы спыніліся на частцы вуліц: Гурскага, Льва Сапегі, Кнорына, Казінца і іншых.
Жыхары скардзяцца і жартуюць: «Менск зноў плыве», «даплылі да працы». ДАІ раіць кіроўцам зніжаць хуткасць, трымаць дыстанцыю і не манеўраваць рэзка. Пры немагчымасці рухацца — спыняцца і ўключаць аварыйныя агні.
Пешаходам таксама раяць быць уважлівымі. Сіноптыкі папярэджваюць пра навальніцы, моцныя ліўні і парывы ветру да 20 м/с.
🔗Падрабязнасці — па спасылцы
🚗 «Ёсць усе падставы меркаваць, што другасны рынак аўтамабіляў зноў стане дамінуючым у Беларусі»
Пасля прыняцця новай пастановы ўраду, беларусы чакаюць павышэння коштаў на аўты. Ці сапраўды яны падаражэюць і наколькі істотна?
Спрабуем разабрацца з будучыняй аўтарынку ў Беларусі ў нашым артыкуле. Пачытайце!
Добрай серады, дарагія чытачы!
Не ведаеце, што пачытаць па дарозе не працу? Мы вам прынеслі найбольш цікавыя матэрыялы «Белсату», якія вы маглі прапусціць:
🔹Флірт ці гвалт?
Навошта мужчыны дасылаюць жанчынам дыкпікі?
🔹«Вяртацца небяспечна»
Адвакатка – пра тэрмін даўніны «народнага» артыкулу.
🔹Эксперты ў кібербяспецы ацанілі аплікацыі, што збіраюць асабістыя звесткі
Якія з іх у антытопе?
#штопачытаць
💥 #галоўнае за 22 ліпеня
✔️Прамысловасць і гандаль падаюць, інфляцыя паскараецца
✔️«Вяртацца небяспечна»: адвакатка – пра тэрмін даўніны «народнага» артыкулу
✔️У Беларусі разбурылася гістарычная сядзіба
✔️У Беларусі спачатку падвысілі, а цяпер знізілі страхавы стаж.
✔️Беларуску пазбавілі віду на жыхарства ў Літве: пагроза нацбяспецы
✔️Аб’яднаны пераходны кабінет выказаўся наконт этыкі пасля скандалу са Стрыжаком
✔️Доналд Трамп пастанавіў вывесці ЗША з UNESCO
✔️Ад пачатку года долар патаннеў на 16 %
✔️За змены клімату ўзяўся Міжнародны суд ААН
#рэпрэсіі:
◽️Старонку ў Instagram «Берасцейская вясна» прызналі «экстрэмісцкай»
◽️Маладую бібліятэкарку з Горак асудзілі за пратэсты