42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🙌 Валанцёры – у памяць беларускай шляхты
У вёсцы Новая Рудзіца Дзяржынскага раёну вернікі аднавілі надмагіллі роду беларускіх шляхцюкоў Дыбоўскіх. Дагэтуль на паверхні засталіся толькі руіны капліцы-пахавальні роду Дыбоўскіх, — паведамляе "Спадчына".
Пахаванні знанай беларускай шляхты валанцёры аднаўляюць таксама ў іншых месцах у Беларусі. 🙏
💁🏻♂️ Канцэрт, арганізаваны ў Полацку Газманавым, атрымаў блаславенне мясцовага біскупа
«Наш прэзідэнт Аляксандр Рыгоравіч кажа, што ў нас дзве дзяржавы, але адна айчына. Хацелася, каб гэтая любоў да айчыны, выяўленая ў словах, вершах і песнях, сёння прагучала з гэтай сцэны».
👀 Глядзіце болей па спасылцы
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸 Лукашэнка выступіў на Кургане Славы з нагоды афіцыйнага Дня незалежнасці. З адмысловым зваротам да беларусаў звярнулася Святлана Ціханоўская
🔸 Сталі вядомыя імёны некаторых палітзняволеных, якіх вызвалілі сёлета ў траўні. Хто гэта?
🔸 На волю выйшаў былы піяршчык кампаніі А1 Мікалай Брэдзелеў. Ён поўнасцю адбыў тэрмін
🔸 Рэкорд: змяненні пратрымаліся літаральна 2 дні. Улады перагледзелі новыя правілы сканавання тавараў на касах, на якія масава скардзіліся і пакупнікі, і прадаўцы
🔸 Азербайджан можа развярнуць на сваёй тёрыторыі буйнейшую ваенную базу. Пра гэта заявіў былы кіраўнік адміністрацыі Гейдара Аліева
🔸 Рэпера Пі Дзідзі прызналі вінаватым у гандлі людзьмі
🔸 Пентагон заяўляе, што пасля прыпынення паставак узбраенняў прэзідэнт Трамп мае «надзейныя» варыянты падтрымання Украіны
🔸 Форвард зборнай Партугаліі і «Ліверпуля» Дыёгу Жота загінуў у аўтакатастрофе праз некалькі дзён пасля свайго вяселля
🔸 Невядомыя праз Telegram запрашаюць у каманду Ціханоўскага. У Офісе Святланы Ціханоўскай гэта назвалі правакацыяй
🔸 У Беларусі мяняюць правілы падаткаабкладання для тых, хто прадае ўраджай з уласнага гароду
🔸 У Беларусь прыйшла спёка, да +35°С. На сёння сіноптыкі абвяшчалі памаранчавы ўзровень небяспекі
Далучайцеся да нашага эфіру ⤵️
📞 Кіраўнікі Расеі і Злучаных Штатаў сёння зноў пагавораць па тэлефоне
Пра будучую размову сказаў Пуцін на выставе ў рамках форуму «Моцныя ідэі для новага часу».
👀 Глядзіце падрабязней на старонцы
🇱🇹 Аднаго расейца ўжо пазбавілі літоўскага дазволу на жыхарства за частыя паездкі ў РФ. Яшчэ 30 падобных справаў разглядаюцца
Цікава, што ў дачыненні да беларусаў Сейм Літвы падобнага правіла не ўводзіў, хаця першапачаткова нашых суайчыннікаў таксама хацелі пазбаўляць літоўскіх ВНЖ за частыя візіты ў родную краіну.
🔍 Чытайце болей на старонцы
😡 «У такіх умовах пачынаецца шлях да нараджэння дзіцяці»
Беларуска паказала, як выглядаюць радзільні ў нашай краіне.
Паглядзіце!
🚩🚩🚩 Як у СССР стваралі вобраз Сталіна – «архітэктара Перамогі»
🤔 У савецкіх падручніках Сталін падаецца як геніяльны стратэг, які ўзначаліў краіну ў найцяжэйшы момант яе гісторыі. Але ці так гэта насамрэч?
Дастаткова прыгадаць, што вынікам палітыкі Іосіфа Сталіна стала Другая сусветная вайна на тэрыторыях СССР і многамільённыя ахвяры на шляху да перамогі.
☝️ У новым выданні «Міфаў вайны» разбіраем, як хавалі пралікі і кляпалі «геніяльнага вярхоўнага галоўнакамандуючага».
📺 Глядзіце цалкам на нашым YouTube-канале «Белсат HISTORY»
🥰Вось гэта прыгажосць: ноччу ў Беларусі можна было назіраць серабрыстыя аблокі
Гэтая рэдкая прыродная з'ява назіраецца ў летнія месяцы. Серабрыстыя, альбо мезасферныя аблокі – самыя высокія ў атмасферы нашай планеты, утвараюцца на вышыні 75–95 км над паверхняй зямлі.
Яны адрозніваюцца ад трапасферных аблокаў тым, што бачныя на фоне зары светлымі, а не цёмнымі.
📺 Навіны за 5 хвілін
⬆️ У Дзярждэпартаменце ЗША пераконваюць, што пра спыненне ўсіх паставак зброі Украіне гаворка не ідзе
🔻Больш як 50 расейскіх беспілотнікаў уначы атакавалі Украіну
🔻Улады пайшлі на саступкі ў справе падвойных кодаў на таварах
🔻Ініцыятыва «ByHelp» выходзіць з Гуманітарнага фонду
🔻Дом-музей Быкава на Вушаччыне патрапіў пад ахову дзяржавы
Глядзіце ў кароткім выданні навін на Белсаце 💻
☀️ У Беларусі сёння можа быць пабіты тэмпературны рэкорд
У 2016 годзе ў гэты дзень зафіксавалі +32,1 градусы (папярэдні рэкорд). Сёння слупок тэрмометраў можа дайсці да 35.
👀 Глядзіце падрабязней па спасылцы
👆Сканаванне двух кодаў тавараў на касе адменяць
Касіры і пакупнікі на касах самаабслугоўвання ў Беларусі ад 1 ліпеня мусілі сканаваць два коды на ўпакоўках малочнай прадукцыі, кавы і гарбаты, алею, сокаў і напояў, у тым ліку піва, рыбных кансерваў, мыйных сродкаў, абутку ды іншых тавараў. Гэта выклікала неразуменне прадаўцоў і пакупнікоў, запаволіла працу крамаў і складаў.
Чыноўнікі перагледзелі гэтую норму і падпісалі пастанову аб скасаванні. Яна дазволіць не сканаваць нацыянальны QR-код, а пры наяўнасці міжнароднага QR-коду дазволіць не сканаваць штрых-код «у бальшыні выпадкаў». Саму пастанову на раніцу 3 ліпеня не публікавалі – невядома, калі яна набудзе моц.
Дабрыдзень, сябры!
Мы вам ранішняе чытво прынеслі – пачытайце тры найбольш цікавыя матэрыя «Белсату», якія вы маглі прапусціць:
✅ «Алігафрэнічнае выхаванне»
Як улады гадуюць «патрыётаў» страхам і гвалтам.
✅ «Размаўляць з Расеяй на зразумелай ёй мове»
Чаму Баку не пабаяўся сварыцца з Масквой?
✅ Лукашэнка абураўся размовамі пра палітвязняў
Выглядае, што ён апраўдваецца перад «элітамі».
#штопачытаць
☝️ Асцярожна: спякота пачала збіраць ахвяры
Да +38° у Нямеччыне і да +46,6° у Партугаліі – такія тэмпературныя рэкорды гэтымі днямі трымаюцца ў большасці краінаў Еўропы.
У Францыі ахвярамі спёкі сталі два чалавекі, таксама два ў Італіі. Адзін працаўнік на будоўлі апынуўся ў коме пасля дзённай змены пад сонцам.
3 ліпеня ў Беларусі прагназуецца спёка да +35°С. Абвешчаны памаранчавы ўзровень небяспекі. ☝️
🤷♂️ Дабрачынны фонд «ByHelp» вінавацяць у парушэннях
Парушэнні выявіў Нарвежскі Хельсінкскі камітэт, які з’яўляецца аператарам беларускага фонду, – паведамляе Еўрарадыё.
У прыватнасці, нарвежцы заяўляюць пра адсутнасць празрыстасці ў аперацыях, ненадзейнасць у выкананні абавязкаў і пра іншыя хібы.
Кіраўнік «ByHelp» Аляксей Лявончык не прызнае вінавачанні, але ягоны фонд выйшаў з кааліцыі «Гуманітарны фонд», у які ўваходзіў разам з іншымі дабрачыннымі арганізацыямі. ☝️
☝️Украінец Руслан Карнійка, за якога выйшла замуж Маргарыта Ляўчук, быў паранены і перанёс аперацыю
Гэта стала вядома з публікацыяў у сацсетках самога Руслана і Маргарыты. Падрабязнасцей няма, аднак вядома, што Руслан служыць у войсках супрацьпаветранай абароны. Раненне ён атрымаў у чэрвені. Аперацыя, якую зрабілі ўкраінскаму вайскоўцу, прайшла паспяхова.
Беларуская спявачка Маргарыта Ляўчук пасля вяселля з Русланам Карнійка жыве ў Харкаве. У сужэнцаў ёсць малое дзіця.
🔥3 ліпеня – не толькі Дзень вызвалення Менску ад гітлераўцаў
У гэты дзень у 1660 годзе войскі Рэчы Паспалітай пад камандаваннем Паўла Сапегі вызвалілі Менск з-пад маскоўскай акупацыі.
Гістарычныя крыніцы сведчаць, што неўзабаве Менск стаў часткай першага ў Вялікім Княстве Літоўскім міждзяржаўнага маршруту Вільня–Менск–Магілёў і далей.
У 2-й палове XVII стагоддзя падарожнікі адзначалі ў Менску шматлікія цэрквы і камяніцы, развіты гандаль.
Са святам, сябры! 🎉
😳Польская запяканка памерам з човен і неверагодны дызайн крамы Lego у Кракаве
Беларус стварае пра Польшчу відэа, якія становяцца віруснымі. Пры гэтым Віталь не выкарыстоўвае ў сваіх працах ШІ, а выкарыстоўвае ручную 3D-анімацыю.
Паглядзіце, што ў яго атрымліваецца!
☝️«Горадня Азот» мае патрэбу больш як у 650 працаўніках. Некаторыя вакансіі адкрытыя яшчэ з вясны мінулага года
На гэта звярнуў увагу партал hrodna.life.
На прадпрыемстве патрабуюцца слесары, машыністы, кантралёры, апаратчыкі, інжынеры, эканамісты, начальнікі, а таксама спецыяліст у службу бяспекі.
🔍 Чытайце падрабязней
☝️ Беларус адшукаў сапраўдны скарб
Магчыма, мы яшчэ не бачылі такую Горадню.
Паглядзіце!
😮 Паглядзіце, каго заўважылі на крэйдавых азёрах у Любані
У гэтага відэа ўжо 600 тысяч праглядаў ☝️
💁🏻♂️ У менскую краму зайшоў неадэкватны мужчына без штаноў і з нажом
Ён расказваў прысутным пра тое, што «сарваў спецаперацыю».
Пра якую «спецаперацыю» гаворка, было незразумела. Аднак наступную «спецаперацыю», звязаную з ягоным затрыманнем, мужчына сарваць ужо не змог. Яго даставілі ва ўстанову аховы здароўя.
📍Падрабязней чытайце на сайце
☝️Праверкі будуць выбарачнымі. Польскія памежнікі патлумачылі, як будзе выглядаць кантроль на межах з Літвой ды Нямеччынай
Для тых, хто падарожнічае легальна, нязручнасці хочуць мінімізаваць. Гаворка ідзе не толькі пра турыстаў, але і, напрыклад, пра фермераў, што маюць палі па абодва бакі мяжы.
👀 Падрабязней чытайце вось тут
💬 «Ні пра якую сапраўдную незалежнасць ці свабоду гаворкі не ідзе – рэсурсы, палітычныя рашэнні і нават войскі рэгулююцца Крамлём»
Лукашэнка на сённяшняй цырымоніі, прысвечанай святкаванню прызначанага ім «дня незалежнасці», падкрэсліваў, што «Мір, свабода і незалежнасць – гэта нашая спадчына».
Святлана Ціханоўская ў сваім звароце паставіла пад сумнеў наяўнасць у цяперашняй Беларусі ўсяго вышэйпералічанага.
📍Болей глядзіце на сайце
▪️На захадзе Іспаніі загінуў партугальскі футбаліст Дыёгу Жота: усяго 10 дзён таму ён адгуляў вяселле
Гэтай ноччу Жота разам са сваім братам патрапіў у ДТЗ: машына перакулілася і загарэлася. Выбрацца з яе Дыёгу не здолеў.
Футбалісту было 28 гадоў, днямі ён ажаніўся з Рутай Кардозу, у стасунках з якой ужо меў траіх дзяцей. Літаральна ўчора футбаліст выкладаў у сацсеткі здымкі са свайго вяселля.
Жота гуляў за клуб «Ліверпуль», у складзе якога сёлета стаў чэмпіёнам Англіі. Пазней, у чэрвені, ён перамог у Лізе нацыяў разам са зборнай Партугаліі.
💁🏻♂️ На фоне дэфіцыту бульбы ў айчынных крамах раптам апынуўся шалёны выбар крэветак
На «e-dostavka» мы знайшлі 20 відаў крэветак і мяса з іх, а на сайце сеткі «Green» увогуле 27 прапановаў. Большая частка паходзіць з Расеі, але ёсць таксама з Індыі, Кітая, В'етнаму і нават Эквадора.
📍Чытайце болей на старонцы
📍 «Мы заўсёды ацэньваем нашыя боепрыпасы і тое, куды мы іх адпраўляем. Мы не можам даваць зброю ўсім па ўсім свеце»
Ці сапраўды ЗША прыпынілі пастаўкі Украіне некаторых узбраенняў? Чуткі пра гэта ходзяць ужо некалькі дзён, а заявы чыноўнікаў вельмі неадназначныя. Сабралі ў нашым артыкуле ўсё, што вядома на цяперашні момант.
Пачытайце!
💥 #галоўнае за 2 ліпеня
✔️На волю выйшлі яшчэ 16 палітвязняў (8 мужчынаў і 8 жанчын). Іхныя імёны не раскрываюцца
✔️У Варшаве на Паўла Латушку напаў 33-гадовы беларускі «навуковец» з дзіўным бэкграўндам. Латушка не пацярпеў і заявіў, што гэта ніяк не паўплывае на ягоную дзейнасць
✔️Больш разгорнуты каментар палітыка пра атаку на яго чытайце ў нас на сайце
✔️Як лукашэнкаўскае ідэалагічнае выхаванне ў школах б'е па псіхіцы дзяцей? Разбіраемся ў матэрыяле
✔️Што адбываецца ў адносінах афіцыйных Баку і Масквы ды ўва што можа выліцца гэтая сварка?
✔️Украінскі вайсковец, за якога выйшла замуж спявачка Маргарыта Ляўчук, быў паранены на фронце
✔️Сілавікі выявілі ў Беларусі групу нелегальных выязных «выцвярэзнікаў». Арганізатарам пагражае да 7 гадоў
✔️Беларус, вінаваты ў смяротным ДТЗ на захадзе Польшчы, можа сесці ў турму на 20 гадоў
#рэпрэсіі:
▫️Кніжнае выданне франтавога дзённіка камандуючага нямецкай групай арміяў «Цэнтр» прызнанае ў Беларусі «экстрэмісцкім»
🙌 Памяць беларускай ваяркі ўшанавалі ва Украіне
У Музеі вайны ў цэнтры Кіева з'явіўся адмысловы стэнд памяці беларускі Марыі Зайцавай. Яна ваявала за Украіну ў складзе палка беларускіх добраахвотнікаў імя Кастуся Каліноўскага.
«Гэта выстава пра тых, для каго ўкраінцы сталі братамі і сябрамі, а Украіна – домам і полем найважнейшай бітвы. Пра тых, хто аддае сваё жыццё дзеля нашай агульнай Свабоды« – гаворыцца на сайце музею.
🧙♀️ Настасся Рыдлеўская выпусціла энергічна-містычны кліп на сваю песню «Isolde»
А зняла яго беларуская рэжысёрка Дар'я Madsangria. Паводле яе, у кліпе раскрываецца «моцная жаночая энергетыка» – гэта гісторыя пра дзяўчыну, унутры якой «спалох пераўтвараецца ў сілу і смеласць».
Як вам?
😡 Такога палявання ў Беларусі не было больш за 30 гадоў
З 1 ліпеня ў паляўнічых распачаўся новы сезон. Гэтым разам ахвяру выбралі разам Лукашэнка і Шуневіч – і іх зусім не засмуціла, што жывёла занесена ў Чырвоную кнігу.
Хто цяпер пад пагрозаю – глядзіце ў відэа ☝️