42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🙏 «Папа Францішак - той Папа, які расчараваў многіх»
Папу Рымскага Францішка называюць «не палітыкам», а пантыфікам, які перадусім надаваў увагу сацыяльным праблемам свету: людзям бедным, хворым і прыгнечаным.
Адначасна да Папы Францішка неаднаразова звярталіся рэпрэсаваныя беларускія вернікі і святары, аднак адказу не атрымалі.
Чаму? І які след у гісторыі пакідае памерлы пантыфік? Паслухайце што пра гэта кажа беларуская тэалагіня Наталля Васілевіч.
Усю размову слухайце ў сённяшняй праграме «Студыя». 👈
😱 Бык вагою паўтоны напаў на іспанцаў падчас святкавання
Выйшаўшы з калідора, бык не пабег наперад, а праламаў бліжэйшую агароджу і кінуўся на людзей. Ёсць пацярпелыя.
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸 Памёр Папа Рымскі Францішак. Хто можа ўзначаліць прастол пасля яго?
🔸 Вязні ў папраўчых калоніях не могуць атрымаць грашовых пераводаў
🔸 Еўразійскі банк развіцця канстатаваў рост эканомікі ў Беларусі, але недастатковы, каб спыніць інфляцыю
🔸 Ад заўтра падаражэе праезд у менскім прыгарадным транспарце
🔸 Менскае Дынама завяршыла выступ у розыгрышы плэй оф КХЛ
🔸 Парушэнне Велікоднага перамір’я ва Украіне. Трамп цісне на Зяленскага, каб падпісаць мірнае пагадненне
Далучайцеся да нашага эфіру ⤵️
😨 Засушлівае надвор'е на мяжы Беларусі і Украіны пагражае палескім балотам
Напрыклад, у Петрыкаўскім раёне давялося задзейнічаць ажно 14 адзінак тэхнікі і некалькі дзясяткаў ратаўнікоў, каб патушыць тарфяны пажар.
📍Болей інфармацыі шукайце па спасылцы
💬 «Прапаганда міфалагізуе ролю Лукашэнкі, бо трэба знайсці тлумачэнне для грамадства, чаму адзін чалавек так доўга ва ўладзе»
Эксперты iSANS прэзентавалі справаздачу пра паводзіны дзяржаўнай прапаганды РБ у сакавіку.
📍Падсумавалі вынікі, да якіх яны прыйшлі ў сваім аналізе
🪙 Металічныя грошы ў ВКЛ: які ўнёсак зрабілі шатландцы ды як італьянец з прозвішчам Burattini манапалізаваў манетныя двары?
Так званыя «буратынкі» былі адчаканеныя ў такой колькасці, што іх дагэтуль знаходзяць у зямлі на тэрыторыі былога Вялікага княства. А падрабіць гэтую манету з цягам часу стала настолькі проста, што адрозніць арыгінал ад падробак ніхто ўжо не мог.
❓Як дукаты ператварыліся ў злотыя?
❓Чаму ў сярэднявечным гаманцы амаль немагчыма было пабачыць партугал?
❓Як шатландскія гандляры ўвялі ў абарачэнні на нашых землях пені?
👀 Цімох Акудовіч ужо спяшаецца пазнаёміць вас з грашовым летапісам ВКЛ і Рэчы Паспалітай у новым выданні праграмы «Вусы Скарыны». Глядзіце проста цяпер!
💬 «Прадавец сказаў, што гэта яшчэ не самая высокая цана»
Беларусы працягваюць здзіўляцца коштам на бульбу ды іншую гародніну ў айчынных крамах − калі паглядзець ролікі звычайных людзей у TikTok, можна пабачыць там шмат цікавага.
☝️Гэтым і заняліся нашыя журналісты. Вось што атрымалася!
💱Курсы валютаў 21 красавіка
Як долар, так і еўра адкаціліся прыкладна на 1,5 капейкі. У той жа час з расейскім рублём адбыліся чыста сімвалічныя змены.
#курсывалютаў
📺 Навіны за 5 хвілін
⬆️ У Беларусі забаранілі легендарную гульнявую прыстаўку 90-х
🔻Лукашэнка пагражае віцебскім чыноўнікам (і не толькі ім)
🔻Маштабны лясны пажар перакінуўся з Украіны ў Беларусь
🔻Трамп разлічвае, што РФ і Украіна падпішуць мірную дамову ўжо на гэтым тыдні
🔻«Велікоднае перамір'е» Пуціна скончылася
🔻Хакейнае «Дынама» скончыла свой найлепшы сезон у КХЛ
Глядзіце ў кароткім выданні навін на Белсаце 💻
❗️Памёр Папа Рымскі Францішак
Гэта здарылася на наступны дзень пасля Вялікадня.
Інфармацыю для Reuters пацвярджаюць крыніцы ў Ватыкане.
Будзе дапоўнена
Старшыня Нацбанку растлумачыў, чаму беларусы працягваюць мысліць у доларах
На думку Галоўчанкі, гэта справа звычкі, але ў ягонай сям'і ад яе ўжо адмовіліся:
«Магчыма, гэта звязана з тым, што мы мяжуем з Еўрасаюзам. У той жа Расеі гэтая залежнасць значна меншая. Напэўна, гэта больш фактар, звязаны з нашай геаграфічнай блізкасцю да Еўропы.
Мы ў сям’і, напрыклад, ужо адышлі ад гэтага. Можа быць, на нейкія такія буйныя пакупкі, як нерухомасць ці яшчэ нешта, звычка захоўваецца, але, думаю, пройдзе яшчэ пэўны час, і мы ўсё больш будзем пазбаўляцца ад прывязкі да нейкай чужой валюты.», — заявіў чыноўнік.
На ягоную думку, беларусы не могуць паўплываць на курс долара, затое беларускім рублём «могуць кіраваць самі».
Трамп спадзяецца, што Расея і Украіна дамовяцца ўжо на гэтым тыдні
Пра сваю надзею ён realDonaldTrump/posts/114372126396548824">напісаў у сацсетцы Truth Social:
«Спадзяюся, што Расея і Украіна падпішуць пагадненне ўжо на гэтым тыдні. Пасля гэтага абедзве краіны пачнуць вялікі бізнес з ЗША, які квітнее, і разбагацеюць!» – заявіў Дональд Трамп.
Раней амерыканскі бок папярэджваў: ЗША могуць цалкам выйсці з перамоваў, калі не будзе дасягнуты прагрэс.
💥 #галоўнае за 20 красавіка
✔️«У гісторыі Хрыста – шмат сімволікі для беларусаў». Велікодная гутарка з айцом Георгіем Роем
✔️Беларусы прыгадваюць, як святкавалі Вялікдзень паўстагоддзя таму
✔️У Крамлі кажуць, што Пуцін не збіраецца падаўжаць «Велікоднае перамір'е»
✔️Прэм'ера на «Белсаце»: дакументальны фільм «Кола жыцця» пра абрады ды традыцыі беларусаў
✔️Літоўскія памежнікі пасля працяглай паўзы зноў фіксуюць метэазонды з кантрабанднымі беларускімі цыгарэтамі
✔️Амерыканскі тэлеканал у сваім эфіры «далучыў» Кіеў да Расеі. Украінскае МЗС хоча выбачэнняў
✔️«The Wall Street Journal» расказаў, як два амерыканскія міністры ўгаварылі Трампа адтэрмінаваць увядзенне шалёных гандлёвых мытаў
✔️У чэрвені Менск чакае наплыў расейцаў
✔️Распачаўся сезон шашлыкоў. А ці можна распаліць мангал проста ля пад'езду?
✔️«Дубайскі шакалад» паставіў свет на мяжу дэфіцыту фісташак
📍У Крамлі кажуць, што Пуцін не збіраецца падаўжаць «Велікоднае перамір'е»
Яно мусіць скончыцца апоўначы ў панядзелак. Украінскі бок, зрэшты, сцвярджае, што і на працягу часу дзеяння гэтага «перамір'я» абстрэлы на шмат якіх участках не спыняліся.
🔍 Болей інфармацыі шукайце на сайце
🍫 Папулярнасць «дубайскага шакаладу» ўзвінціла кошты на фісташкі ды выклікала праблемы з пастаўкамі гэтага прадукту
У Вялікай Брытаніі некаторыя крамы нават абмяжоўваюць колькасць плітак дубайскага шакаладу, якія можа купіць адзін чалавек.
☝️Чытайце падрабязней па спасылцы
😉 Лайфхак ад беларускіх студэнтаў
Няма часу вывучыць прадмет? Дапаможа святая вада! Цяпер паставіць «незалік» — грэх?
🤔 Што можа адказаць афіцыйны Кіеў на прапанову Злучаных Штатаў прызнаць Крым расейскім?
А таксама хто можа ўзяць на сябе ролю пасярэдніка ў перамовах, калі ЗША выйдуць з працэсу ўрэгулявання?
📍Паразмаўлялі пра гэта з украінскім палітолагам, пачытайце!
Італьянскія медыі назвалі імаверную прычыну смерці Папы Рымскага. І гэта не пнеўманія, на якую ён пакутаваў у апошні час
Паведамляецца, што пантыфік прачнуўся а 6-й гадзіне раніцы і адчуваў сябе добра, але а 7-й гадзіне яму стала кепска. Яшчэ праз паўгадзіны сэрца Францішака перастала біцца.
📍Чытайце болей у нас на старонцы
😔 У Харкаве маліліся за жыццё пад гукі выбухаў
Глядзіце гісторыі людзей, якія святкуюць Вялікдзень пад абстрэламі☝️
🔸Дазволілі купіць булку і патэлефанаваць дадому. Як прайшоў Вялікдзень у беларускіх калоніях
Звесткі, што даходзяць з калоніяў, вельмі абрывачныя, аднак праваабаронцам усё ж удалося высветліць некаторыя нюансы.
📍Чытайце болей у нас на сайце
🔹Праваабаронцы: вязням беларускіх калоніяў стала складаней атрымаць грашовыя пераводы (нават ад сваякоў)
Прыкладна з другой паловы сакавіка плацяжы «Беларусбанка» масава вяртаюцца з папраўчых установаў назад адпраўнікам.
📍Што яшчэ вядома пра сітуацыю? Чытайце па спасылцы
🔸Як правільна запоўніць падатковыя дэкларацыі ў Польшчы? Расказваем простай моваю
У Польшчы падатковая сістэма збудаваная так, што тут вы плаціце падаткі авансам. То бок з кожнай вашай зарплаты бяруцца сумы, якія потым пойдуць на пагашэнне падатку за год. А падатковыя стаўкі залежаць ад агульнага гадавога даходу, таму праз год можа апынуцца, што вы пераплацілі (і тады вам вернуць пераплаты!).
📍Чытайце наш разбор на старонцы
☝️«Велікодныя» чэргі на мяжы паціху знікаюць: аўтобусы праязджаюць амаль імгненна
А вось кіроўцам фураў шанцуе куды меней – у іхных чэргах прасвету пакуль не відаць.
📍Сабралі болей інфармацыі пра сітуацыю на мяжы па спасылцы
✝️ У Ватыкане будзе новы гаспадар. А мы прыгадаем, чым запомніўся стары, які спачыў сёння
Першы папа аргентынец, першы папа з Паўднёвай Амерыкі і агулам першы папа з Новага свету. А таксама першы пантыфік не з Еўропы пасля 741 года.
📍Чытайце матэрыял на нашым сайце
🤔 Нацбанк растлумачыў банкам, як «правільна» раздаваць крэдыты беларусам
Пра што вядзецца ў гэтых рэкамендацыях? І што зменіцца ў плане крэдытавання для бізнесу ды фізічных асобаў?
🔍 Спыталі ў нашай традыцыйнай эксперткі Настассі Лузгіной, пачытайце!
Сталі вядомы ўмовы ЗША па спыненню вайны ва Украіне
Выданне The Wall Street Journal апублікавала дэталі прапановы, якую прадстаўнікі ЗША перадалі Украіне падчас перамоваў у Парыжы 17 красавіка:
◾️ Анэксаваны Крым патэнцыйна прызнаецца расейскім;
◾️ Украіна адмаўляецца ад планаў уступлення ў NATO;
◾️ Вакол Запарожскай АЭС ствараецца нейтральная зона, магчыма, пад кантролем ЗША.
Пры гэтым, гаворка не ідзе пра тое, каб прызнаць за Расеяй чатыры акупаваныя вобласці – Запарожскую, Херсонскую, Данецкую і Луганскую. Гэта супярэчыць «мірнаму плану» Пуціна.
Чакаецца, што Украіна дасць адказ на гэтыя прапановы падчас наступнай сустрэчы з прадстаўнікамі ЗША і Еўропы ў Лондане.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Як беларусы святкавалі Вялікдзень 50 гадоў таму?
Ніякіх глянцавых булак, залатых яек і інстаграмных кошыкаў: «Белсат» сабраў цёплыя і шчырыя велікодныя ўспаміны нашых бабуль і дзядуляў з розных куткоў Беларусі. Даведайцеся, як адзначалі Вялікдзень паўстагоддзя таму.
🔺 Расейцы масава рыхтуюцца да падарожжа ў Беларусь
Жыхары РФ плануюць адзначыць Дзень Расеі нават за мяжой – і Беларусь выглядае для іх ідэальным варыянтам. Колькі «усходніх турыстаў» можа прыехаць толькі ў Менск, даведайцеся на нашым сайце (праз VPN).
🔺 Свет можа застацца без яшчэ аднаго смачнага прадукту
Спачатку скумбрыя – цяпер чарга за іншым дэлікатэсам. У свеце прадказваюць дэфіцыт яшчэ адной смачнай, але дарагой яствы. Што гэта за прадукт і чаму ён раптам стаў такім запатрабаваным – чытайце праз VPN.
#штопачытаць
Пра такі чэмпіянат вы нават не здагадваліся 🙂
У ЗША праходзіць сапраўдны чэмпіянат па плаванні сярод парсючкоў 🐷
І гэта выглядае... ну паглядзіце самі!
😊 Гэта проста неверагоднае сяброўства!
Мілыя кадры, як выдры спрабуюць завесці сяброў сярод людзей, ужо сабралі мільёны праглядаў. Паглядзіце і вы!
«Студыя Белсат» – галоўныя падзеі дня!
У сённяшнім выданні:
🔸 Ці выратуюць 150 тысяч пакістанцаў беларускія прадпрыемствы ад недахопу кадраў? А можа Польшча не дарма турбуецца і прыезд замежнікаў у Беларусь – новы этап гібрыдных атакаў з боку нашай краіны? Ці атрымаецца разгрузіць склады спіхваючы тэхніку афрыканскім краінам?
🔸 Што не так з беларускім надвор'ем і чаго не зрабілі ўлады, каб адаптавацца пад новыя ўмовы, перадухіліць наступствы?
🔸 Пуцін сказаў пра святочнае замірэнне, але Расея працягвала атакаваць. Вось і не вераць у словы расейскага прэзідэнта ўкраінцы – сюжэт з Харкава, як людзі святкуюць і са страхам чакаюць абстрэлаў
Далучайцеся да нашага эфіру ⤵️