42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🦭 Людзі зноў ратуюць жывёлінак ад... людзей
Паглядзіце, што здарылася на гэты раз ☝️
📍У Берасці памежнікі затрымалі дзяўчыну, якая везла ў кішэні пакецік з марыхуанаю
Мяркуючы па здымку, які публікуе Памежны камітэт, колькасць рэчыва ў пакеціку не дасягала нават 1 грама. У любым выпадку, дзяўчыну цяпер чакаюць сур'ёзныя наступствы – на яе завялі крымінальную справу.
🔍 Падрабязнасці – па спасылцы
☝️«Справа Мельнікавай»: польская пракуратура завяла крыміналку паводле артыкулу «Незаконнае пазбаўленне волі»
Пра гэта «Белсату» паведаміла прадстаўніца ведамства Катажына Цалеў-Яшэўска.
📍Чытайце, што нам яшчэ расказалі ў польскіх следчых органах
✝️ Папа Рымскі прызнаў «гераічныя цноты» стваральніка сабору Sagrada Família ў Барселоне
Гэта адкрывае для Антоні Гаўдзі, што памёр амаль 100 гадоў таму, шлях у бок прызнання паўнавартасным святым.
📍Падрабязней чытайце па спасылцы
💁🏻♂️ «Расейскі дом» у Гомлі чарговы раз арганізаваў мясцовым школьнікам адпачынак у Крыме
На кадрах відэасправаздачы – усмешлівыя дзеці і бацькі. Ды ні слова пра тое, што такая паездка можа не толькі мець юрыдычныя наступствы для яе ўдзельнікаў, але і быць небяспечнаю для жыцця – акупаваны паўвостраў перыядычна атакуюць украінскія беспілотнікі.
👀 Глядзіце падрабязнасці ў нас на старонцы
💬 «Сілавікі добра разумеюць, што людзям, якія адседзелі доўгі тэрмін, ёсць што расказаць. Яны гэтага баяцца, баяцца палітвязняў»
Былая давераная асоба Ціханоўскай Антаніна Канавалава правяла ў зняволенні больш за 4 гады. Яна апынулася на волі зусім нядаўна – у снежні 2024-га.
Пра тое, як выжыць у нечалавечых умовах, якія стварае для «палітычных» адміністрацыя калоніяў, пра новае жыццё ў эміграцыі ды пра настроі, якія пануюць цяпер у беларускім грамадстве Антаніна расказвае ў вялікім інтэрв'ю для «Белсату».
☝️Запрашаем прачытаць яго на нашым сайце
📺 Навіны за 5 хвілін
⬆️ У Магілёве абваліўся брылёк пад'езду ў жылым доме
🔻У Менску дзяўчына выпала з вакна і загінула. Афіцыйныя крыніцы маўчаць
🔻ДАІ пачынае ўзмоцнена кантраляваць матацыклістаў
🔻Супраць палітзняволенай Аляксандры Каско завялі новую справу. Раней яна ўжо атрымала 10 гадоў калоніі
🔻Зяленскі адказаў Ўіткафу на прапанову прызнаць акупаваныя тэрыторыі Украіны расейскімі
🔻Беларус пад уздзеяннем наркотыкаў разбіваў аўтамабілі ды бегаў голым па Варшаве
Глядзіце ў кароткім выданні навін на Белсаце 💻
🇵🇪 Экс-прэзідэнта Перу пакаралі вялікім тэрмінам зняволення
Суд прызнаў Аллянта Умалю вінаватым у эканамічных злачынствах.
📍Па спасылцы тлумачым падрабязней, пра што гаворка
😳ЗША адмянілі грант для «супрацьдзеяння дэзынфармацыі праз крэатыўны кантэнт у Беларусі»
Сума гранту складала $2,4 млн. Пра гэта паведаміў Дэпартамент эфектыўнасці дзяржкіравання ЗША.
Усяго ведамства адмяніла 139 грантаў на суму $215 млн. Сярод іх гранты на «пашырэнне ўстойлівасці і ўцягнутасці рэдакцый» у Малдове, на «разнастайнасць СМІ» і «праграму супрацьдзеяння дэзінфармацыі» ў Вялікай Брытаніі, на «пабудову экалагічнай устойлівасці» ў Арменіі і іншыя.
💊 Наркотыкі – зло
Надзвычайнае здарэнне днямі адбылося ў Варшаве: распрануты дагала мужчына бегаў па вуліцы і ўчыніў некалькі дарожных аварыяў.
Пасля затрымання неадэкватнага мінака паліцыя высветліла, што гэта быў беларус у стане наркатычнага ап'янення. Яго адправілі ў шпіталь.
Падрабязнасці чытайце тут.👈
🏠 Усе за МКАД: жыллёвае будаўніцтва сталіцы ідзе на ўскраіны
Менск выходзіць са сваіх межаў: новы жылы комплекс «Зялёны Бор» пабудуюць за аб'язной дарогай. У сацыяльных сетках вострасловы жартуюць, што там паселяць 150 тысяч запрошаных Лукашэнкам пакістанцаў.
Хто ў сапраўднасці мае шанец пасяліцца ў «Зялёным бары» і на якія будаўнічыя пляцоўкі ў Менску могуць спадзявацца новыя менчукі, чытайце на нашым сайце 👈
😎 Кіраўнік Службы вонкавай выведкі Расеі Сяргей Нарышкін прыехаў у Беларусь упершыню пасля «гарачага» жніўня 2020 году
Сустрэча Нарышкіна з Лукашэнкам і Церцелем прайшла «за зачыненымі дзвярыма», што азначае – таемна.
З таго, што вядома – крамлёўскі пасланнік пагражаў краінам суседзям Беларусі, а таксама назваў умовы спынення агню ва Украіне: яны застаюцца нязменнымі што і да пачатку вайны.
Падрабязней глядзіце ў праграме Белсату «Студыя». 👈
☝️Часопіс Forbes дадаў у адзін са сваіх рэйтынгаў Сцяпана Пуцілу
Тым часам у Беларусі заснавальнік праекту NEXTA быў завочна асуджаны на 20 гадоў зняволення.
📍Вось пра які рэйтынг ідзе гаворка
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸 У Менску пабудуюць 4 млн квадратных метраў жытла
🔸 Гомельшчына апошняй павысіла кошты на праезд у грамадскім транспарце
🔸 Вынікі конкурсу «Аўтамабіль года» у Беларусі
🔸 Дзяржава ўлівае мільёны долараў у стратныя прадпрыемствы, навошта?
🔸 Нарышкін у Менску прыгразіў краінам НАТО
🔸 Нашэсце мігрантаў на латвійскай мяжы
🔸 Вольгу Бондараву выключылі з педуніверсітэту пасля 13 содняў арышту
🔸 Максім Рыжанкоў запрасіў эфіопскіх артыстаў выступаць на «Славянскім базары»
Далучайцеся да нашага эфіру ⤵️
🤯 Выглядае як сапраўдны кіберпанк. І ніякіх правадоў!
Паглядзіце, што разрабляе кампанія Open Bionics☝️
🤔 Аляксей Лявончык: Анжаліка Мельнікава дакладна вылецела ў Лондан, а пазней дакладна вылецела з Лондану
У эфіры «Еўрарадыё» кіраўнік ініцыятывы ByHelp раскрыў некаторыя дэталі маршрутаў перамяшчэння былой спікеркі Каардынацыйнай Рады.
💁🏻♂️ Зрэшты, загадак у гэтай справе па-ранейшаму больш, чым разгадак. Канцавая кропка маршруту Мельнікавай дасюль невядомая.
👀 Чытайце больш па спасылцы
😉 Беларускія дзеці з 80-х ды 90-х дакладна прыгадаюць гэты «Буквар»
Роўна 90 гадоў таму нарадзіўся пісьменнік Анатоль Клышка. Менавіта ягоны «Буквар», хутчэй за ўсё, стаў і вашым першым.
«Дабрадушны, заўсёды жыццярадасны, па-маладому цікаўны да ўсяго на свеце спадар Анатоль і на дзявятым дзясятку не сядзеў склаўшы рукі», – такім памятае пісьменніка беларускі літаратар Міхась Скобла.
Падрабязней пра легендарную кніжку ды яе аўтара глядзіце ў нашым відэа ☝️
🤔 Беларусы актыўней панеслі грошы ў банкі. У тым ліку замежную валюту
Такую тэндэнцыю складана назваць прадказальнай, тым больш што ў апошнія гады назіралася адваротнае: людзі з розных прычынаў выводзілі долары ды еўра са сваіх рахункаў. У немалой ступені гэтаму паспрыяла масавая эміграцыя – беларусы забіралі свае ашчаджэнні з айчынных банкаў і выязджалі з імі за мяжу.
📍Цяпер сітуацыя выпраўляецца. Мы папрасілі нашую сталую экспертку Настассю Лузгіну патлумачыць, што адбываецца
🐶 Гэта самае мілае спартовае выступленне, якое мы бачылі!
Акрабат выступае разам са сваім сабакам.
І вось якія незвычайныя рэчы ў іх атрымліваюцца!
💱Курсы валютаў 16 красавіка
З курсамі долару і расейскага рубля кардынальных зменаў не адбылося, а вось еўра істотна вырас: дадаў 3,5 капейкі.
#курсывалютаў
📍Палітзняволены журналіст Анджэй Пачобут сустракае за кратамі ўжо свой пяты дзень народзінаў
Ён знаходзіцца ў няволі з 25 сакавіка 2021 года. Разам з Пачобутам тады затрымалі іншых актывістаў Саюзу палякаў Беларусі.
🔍 Чытайце больш па спасылцы
💁🏻♂️ CNN атрымаў унутраны дакумент з адміністрацыі Трампа: 10 амбасадаў і 17 консульстваў ЗША «пойдуць пад нож»
Пасля закрыцця функцыі закрытых амбасадаў прапануюць перадаць установам у суседніх краінах. Пры гэтым бальшыня консульстваў, якія прапануецца закрыць, не маюць вялікага штату работнікаў.
👀 Глядзіце падрабязнасці на старонцы
👆Трымаць ашчаджэнні ў доларах у гатоўцы – не самы эфектыўны метад, калі вы жывяце ў Польшчы
А які ж метад дапаможа вам захаваць свае грошы і абараніць іх ад інфляцыі?
Разам з экспертам прапануем тры спосабы, як захоўваць свае ашчаджэнні. Чытайце ў нашым артыкуле і выбірайце той, які вам найбольш пасуе.
Дабрыдзень, сябры!
Гэта дастаўка ранішняй прэсы! Прынеслі вам найбольш цікавыя матэрыя, якія вы маглі прапусціць:
✔️Індэкс велікоднага пірага
Колькі каштуюць прадукты на Вялікдзень у Беларусі і Польшчы?
✔️Што калі Мельнікава не хоча, каб яе шукалі?
Як заканадаўства бароніць у такіх выпадках?
✔️На мовазнаўчай канферэнцыі ва Украіне забаранілі беларускую мову
«Белсат» разбіраўся, чаму так адбылося.
#штопачытаць
😳 Тры гады турмы ў Беларусі і дэпартацыя ў Польшчу
Былога палітвязня і грамадзяніна Польшчы прымусова вывезлі з Беларусі. Робэрт Тампала адбыў тры гады зняволення за «абразу Лукашэнкі» і быў дэпартаваны адразу па вызваленні.
Мужчына жыў і працаваў у Беларусі 20 гадоў, мае тут сям'ю. І яму забаронена вяртацца цягам бліжэйшых 8 гадоў.
Больш чытайце па спасылцы. 👈
💥 #галоўнае за 15 красавіка
✔️Бондараву адлічылі з педуніверсітэту, бо «прапусціла заняткі без паважнай прычыны»
✔️Украінская Акадэмія навук забараніла выкарыстоўваць беларускую мову на міжнароднай мовазнаўчай канферэнцыі. Патэлефанавалі спыталі чаму так
✔️Кіраўнік расейскай СВР сустрэўся ў Менску з Лукашэнкам. І прыгразіў Польшчы ды краінам Балтыі
✔️Падлічылі, каму давядзецца выдаткаваць болей грошай на велікодны стол: беларусу ці паляку
✔️Чаму польскія службы ніяк не могуць знайсці след Анжалікі Мельнікавай? Разбіраемся, хто цяпер займаецца гэтай справаю
✔️Лукашэнка сабраўся ратаваць эканоміку з дапамогаю пакістанцаў. Ці атрымаецца?
✔️Сцяпана Пуцілу (ён жа NEXTA) заўважыў часопіс Forbes
✔️На Маллёрцы затрымалі беларусаў, якія нелегальна прадавалі экзатычных катоў
✔️Беларуску захэйцілі ў TikTok пасля таго, як яна паказала свае пакупкі з польскай крамы
✔️Рэпутацыя МАЗаў згарэла разам з аўтобусамі: падзенне продажаў на расейскім рынку проста катастрафічнае
#рэпрэсіі:
▫️Польскага грамадзяніна, які правёў тры гады ў беларускай калоніі, пасля вызвалення дэпартавалі і забаранілі ўезд у Беларусь на 8 гадоў
▫️На палітзняволеную жыхарку Ваўкавыску Аляксандру Каско, якую раней асудзілі на 10 гадоў, завялі новую крымінальную справу
▫️БАЖ паведамляе пра новыя візіты сілавікоў да сваякоў незалежных журналістаў, што вымушана пакінулі Беларусь
❤️ Самая кранальная абарона дзяцей у прыродзе
Падчас землятрусу сланы ў заапарку Сан-Дыега ўтварылі «жывую сцяну», каб абараніць сваіх сланянятаў.
Паглядзіце, як гэта было ☝️
💬 «Беларусь – не Паўночная Карэя, каб везці ўсё з-за мяжы»
Дзяўчына з Беларусі наведала Польшчу па справах ды заадно пабывала на «закупах» у мясцовай краме. Вярнуўшыся на радзіму, яна запісала відэа, дзе паказала набытыя польскія тавары.
Пасля гэтага, як то кажуць, распачаўся «сущий кошмар».
👀 Глядзіце, якое развіццё атрымала гэтая, здавалася б, звычайная гісторыя
📈 Рост прыбыткаў беларусаў запаволіўся, аднак усё роўна працягваецца
Белстат падлічыў, як змяняўся дабрабыт нашых суайчыннікаў цягам студзеня і лютага гэтага года.
🔍 Сабралі гэтыя лічбы ў адным матэрыяле, пачытайце!
📍Памежны камітэт РБ расказаў, колькі жыхароў суседніх краінаў Еўразвязу прыехалі да нас па «бязвізе»
Спрошчаны парадак перасячэння мяжы даступны для іх ужо тры гады.
☝️З якой краіны прыязджалі найчасцей? Чытайце па спасылцы