42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
☕️ Арэшкі са згушчонкай, кава і мара пра Беларусь
Адкрыць кавярню ў Варшаве? Лёгка! Ну, амаль… Яўген Скрабутан рызыкнуў, а мы расказваем яго гісторыю ☝️
Сюжэт цалкам глядзіце ў праграме «Раніца з Белсатам»
😈 Памятаеце дэмана Богарта з фільмаў пра Гары Потэра? Яго можна было перамагчы, высмеяўшы загаворам «Рыдзікулус»
У беларускіх палітвязняў таксама былі свае загавары, каб змагацца з такімі во богартамі. Бо ў турме смех ратуе ад страшнай рэчаіснасці і дае сілы неяк трымацца і працягваць жыць.
З чаго смяюцца за кратамі? Як ставяцца да жартаў супрацоўнікі СІЗА і калоніяў? У чым спецыфіка турэмнага гумару? 👉 Распавядаюць былыя палітвязні.
😁 Не толькі Слава камісаранка ўмее добра жартаваць
На Дзень смеху «Белсат» сабраў шмат смешных беларусаў, якіх можна паглядзець ці пачытаць у сацсетках. Гумар на розны густ: ад злобна-палітычнага да рэтра-іранічнага.
🕵️♂️ Пакуль лепшыя паліцэйскія Літвы і ЗША спрабуюць разабрацца, як адбылася трагедыя з вайскоўцамі...Трамп ужо ўсё зразумеў і растлумачыў
Аказваецца, усё проста – амерыканскія вайскоўцы ў Літве маглі праваліцца пад лёд:
«Гэта быў вельмі цяжкі аўтамабіль, вельмі цяжкі, і, падобна, што бераг гэтага возера абваліўся. Была ноч, было вельмі халодна, шмат лёду. Мусіць, яны слізганулі, бо гэта вельмі вялікая і цяжкая тэхніка. Хутчэй за ўсё, так і здарылася, яны саслізнулі. Траіх больш няма з намі, а адзін знік»
📺 Навіны за 5 хвілін
✔️На беларускай мяжы затрымалі амерыканца
✔️Міколу Дзядка перавялі ў СІЗА
✔️У БДУ выступіў гандляр зброяй
✔️Завышаныя цэны на лекі
✔️Смяротнае ДТЗ
Глядзіце ў кароткім выданні навін на Белсаце 💻
«Чалавека напойваюць да бяспамяцтва». Азараў распавёў, як яго хацелі вывезці ў Беларусь
У нашым эфіры кіраўнік «BYPOL» падзяліўся гісторыяй пра тое, якой схемай карыстаюцца для вывазу людзей у Беларусь і як ледзь не скралі яго самога, паслухайце ☝🏻
Размову цалкам, глядзіце ў «Студыі Белсат» 🎬
🫤 Забаўляцца нельга дзякаваць... знакі прыпынку расстаўляйце самі
У Беларусі вырашылі забараніць радасць... ну прынамсі так выглядае са слоў чыноўніцы Вольгі Смірновай. На яе думку, на выпускных дзеці павінныя не радавацца і забаўляцца, а дзякаваць «кіраўніцтву ўстановы, кіраўніцтву гораду, кіраўніцтву краіны» за нашае шчаслівае дзяцінства ідэалагічную прамыўку мазгоў.
А міністр адукацыі Андрэй Іванец пайшоў яшчэ далей. Ён лічыць, што на школьных выпускных не павінна быць лімузінаў, бо «гэта псеўдатрадыцыя чужая нашай краіне».
Ну коцікі ну! Цікава паглядзець на чым ездзіць сам міністр на мерапрыемствы. Няўжо цягнікамі каб не падтрымліваць варожы аўтапром? 🤔
🤦♂️ Кнігі пра ГУЛАГ могуць «нанесці шкоду» інтарэсам Беларусі
Так пастанавіла Міністэрства інфармацыі. Ведамства спужалася раману Эн Эплбаўм (жонкі кіраўніка польскага МЗС) пра савецкі таталітарызм і проста забараніла кнігі.
Усяго пад забаронай цяпер 92 выданні, сярод іх – дзве кнігі спадарыні Эн.
Узначальваюць жа спіс кнігі па гісторыі Беларусі: «Нарысы гісторыі Беларусі (1795–2002)» Захара Шыбекі, «Тайны белорусской истории» Вадзіма Дзеружынскага і «На скрыжалях вякоў: гістарычныя творы» Кастуся Цвіркі.
Пуцін збіраецца прызваць яшчэ 160 тысяч расейцаў у войска
Паводле новага ўказу, вясновы прызыў стане найбольш маштабным за апошнія 14 гадоў. Ён працягнецца тры з паловай месяцы: з 1 красавіка па 15 ліпеня і закране мужчын ва ўзросце ад 18 да 30 гадоў.
Павесткі будуць адпраўляцца праз сэрвіс «Дзяржпаслуг» і будуць лічыцца аўтаматычна атрыманыя.
Таксама ў Расеі плануецца перагляд раскладу хвароб (цяпер у войска могуць трапіць людзі з астмай і гіпертаніяй).
💥 #галоўнае за 31 сакавіка
✔️ У Беларусі павялічваецца колькасць расейскіх кампаній
✔️ Караеў прызначаны «губернатарам Гарадзенскай вобласці»
✔️ Пракуратура Літвы пачала расследаванне па факце смерці амерыканскіх вайскоўцаў
✔️ ЗСУ ўзялі ў палон двух беларусаў, якія ваявалі на баку Расеі
✔️ Трамп паабяцаў Зяленскаму «вялікія праблемы»
✔️ Хронікі выжывання ў вёсцы на Віцебшчыне
✔️ У Францыі суд прызнаў лідарку ўльтраправых вінаватай у растраце сродкаў Еўрапарламенту
✔️ У Беларусі дазволілі адстрэльваць болей зуброў і мядзведзяў
✔️ Трэцяя гадавіна вызвалення Бучы
#рэпрэсіі:
▪️ КДБ арыштаваў яшчэ адзін дом Аляксея Дзікавіцкага
▪️ Тэлефон Анжалікі Мельнікавай зафіксаваны ў Беларусі
▪️ Губазікаўцы спрабавалі выкарыстаць нашае фота для правакацыі
У салонах «Tesla» па ўсім свеце прайшлі акцыі пратэсту супраць Маска
Пратэстоўцы паспрабавалі «удзяліць увагу» усім 277 крамам і сэрвісным цэнтрам «Tesla» у ЗША.
Людзі сабраліся ў знак пратэсту супраць ролі Маска ў якасці кіраўніка новага Дэпартаменту эфектыўнасці ўрада (DOGE). Ілан Маск атрымаў доступ да сакрэтных дадзеных і зачыніў цэлыя агенцтвы.
🪖 «Я да апошняга думаў, што вайны не будзе»
Карэнны мянчук без вайсковага досведу стаўся камандзірам беларускага падраздзялення «Тур».
Ваяр з пазыўным «Жэрар» распавёў, як трапіў на вайну, пра самыя страшныя моманты і пра першы здабыты трафей.
👉 Паслухайце гісторыю Жэрара ў праграме «Ваяры і валанцёры» на YouTube-канале БЕЛСАТ DOC
☝️ «У нас бальшыня людзей працуе не за заробак»
Прадстаўніца «Кіберпартызанаў» Юліяна Шаметавец запэўніла «Белсат», што нават калі з рахункаў фонду «Białoruś Liberty», заснаванага Анжалікаю Мельнікаваю, не ўдасца забраць некалькі дзясяткаў тысячаў долараў, якія вылучылі донары, то гэта «некрытычна адаб'ецца» на працы «Кіберпартызанаў».
«У нас бальшыня людзей працуе не за заробак, таму не праблема працягваць далей, мо проста не так хутка будзем дапамагаць з «прабівамі« журналістам і актывістам»Читать полностью…
😡 У Беларусі дазволілі адстрэльваць болей зуброў і мядзведзяў
Гэтыя жывёлінаў перанеслі ў чацвёртую, ніжэйшую катэгорыю аховы. Гэта азначае, што абодва віды больш не знаходзяцца пад пагрозай знікнення.
Міністэрства прыродных рэсурсаў і аховы навакольнага асяроддзя заявіла, што нагодай дзеля такога рашэння стаў рост колькасці гэтых жывёлінаў: паводле дадзеных за 2024 год, у Беларусі налічваецца каля 800 мядзведзяў і 2100 зуброў.
👉 Падрабязней
⚔️ «Гэтая тэма ў Беларусі заўсёды была забароненая, пад негалоснай забаронай»
Паглядзіце, як беларусы займаюцца гістарычнай рэканструкцыяй паўстання Каліноўскага ☝️
Сюжэт цалкам глядзіце ў праграме «Раніца з Белсатам»
😡 Нягледзячы на наступствы землятрусу, улады М’янмы працягваюць бамбаваць паўстанцаў
Пры гэтым станам на 31 сакавіка колькасць ахвяраў землятрусу ў краіне дасягнула 2056 асобаў. 3900 пацярпелі, а 300 мяркуюцца зніклымі.
Людзі спяць на вуліцы, бо баяцца вяртацца ў свае дамы.
Землятрус магнітудай 7,7 пашкодзіў энергасістэму, дарогі і масты. Было парушанае электразабеспячэнне, водазабеспячэнне і сувязь.
😊 Дзяўчынка з Гарадзішча знайшла на агародзе пацерку, якой 1100 гадоў
Яна паказала знаходку бацькам. А тыя занеслі элемент упрыгожвання з каляровага шкла ў мясцовы музей.
🤔 Казахскіх ДПСнікаў пакараюць за вымаганне хабару ад беларускіх турыстаў
Беларускія турысты выклалі відэа таго, як патрульныя спынілі іх у Казахстане і запатрабавалі 200 тыс. тэнге (каля 400 долараў) за адсутнасць казахстанскага тэхагляду і траплянне на камеру. Пры гэтым яны кажуць, што нічога не парушалі і доказаў ім не прадставілі.
Відэа выклікала страшны скандал у краіне. У дарожнай паліцыі паведамілі, што пачатая крымінальная справа, а ў дачыненні кіраўніцтва адпаведнага падраздзялення пачата службовае расследаванне.
💱 Курсы валютаў 1 красавіка
Долар нязначна саслабеў. Еўра і расейскі рубель вырас крыху падраслі.
#курсывалютаў
🪖 Польшча будуе новыя вайсковыя часткі на памежных з Беларуссю і Расеяй тэрыторыях
Гэта робіцца для ўзмацнення ўсходняга флангу NATO, у тым ліку сувальскага калідору.
Сувальскі калідор – гэта вузкі 70-кіламетровы пас тэрыторыі ўздоўж літоўска-польскай мяжы, які аддзяляе Беларусь ад Калінінградскай вобласці.
☝️Стратэгічная значнасць сувальскага калідору заключаецца ў тым, што захоп гэтай зоны дазволіць Расеі наладзіць сувязь са сваім калінінградскім анклавам і адначасова адсекчы Літву, Латвію і Эстонію ад іншых краінаў NATO.
😢 На жаль, Бондараву тэарэтычна сапраўды могуць эвакуяваць з Беларусі
Андрэй Стрыжак адзначыў у Facebook, што заяўка даносчыцы не была б адхіленая аўтаматычна (гукі плачу).
👉 Пры якіх умовах «BYSOL» бы эвакуяваў Бондараву, чытайце па спасылцы
🤦♀️ Улады Беларусі як п'яная фея-хросная – за што б ні ўзяліся, усё ператвараюць у гарбуз
Гэтым разам яны ўзяліся за рэканструкцыю найдаўжэйшага падвяснога моста Беларусі ў Мастах.
Абяцалі зрабіць круты шкляны мост, праз які можна было б любавацца Нёманам....а па выніку атрымалася... 👉 паглядзіце самі
Час не для жартаў? А можа, наадварот?
Вайна, рэпрэсіі… Здаецца, беларусам зусім не да смеху. Але вось парадокс: чым цяжэйшыя часы, тым мацнейшым становіцца гумар. Нават чорны, нават самы цынічны – ён не проста дапамагае трымацца, а робіцца сапраўднай зброяй.
Белсат спытаў у псіхолага, як гумар ратуе псіхіку, ці можна жартаваць пра смерць, і чаму беларусы – пасіўна-агрэсіўная нацыя? Чытайце ПА СПАСЫЛЦЫ (праз VPN)
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Новы законапраект чыноўнікаў раззлуе амаль сем тысяч беларусаў
А галоўнае — жорстка паўплывае на адукацыю дзяцей. Справа ў тым, што рэжым прыдумаў, як «кантраляваць» рэпетытараў, але насамрэч збіраецца забараніць ім амаль усё. Што чакае прыватных настаўнікаў — чытайце па спасылцы (праз VPN).
🔺 У Беларусі будуць будаваць другую АЭС
Перамовы з расейцамі пра кошт і рэалізацыю ўжо рыхтуюцца на самым высокім узроўні. Дзе можа з’явіцца новая АЭС — чытайце па спасылцы (праз VPN).
🔺 Колькі зарабляе маці Мікалая Лукашэнкі?
Ірына Абельская ўжо 16 гадоў кіруе Рэспубліканскім клінічным медцэнтрам, які ў народзе называюць лечкамісіяй. Рэдакцыя «Бюро» даведалася яе рэальны заробак. Колькі? Чытайце на сайце (праз VPN).
#штопачытаць
🫨 Дзе ж можа назраваць чарговая рэвалюцыя!?
Калоцяцца чыноўнікі па начох, перажываюць. І ў выніку іх перажыванняў, нарадзіўся чарговы геніальны законапраект. На гэты раз забараняць будуць рэпетытараў. А дакладней - рэпетытарам. Амаль усё.
Забываем пра выкарыстанне zoom і свабоду выбара методыкі, забываем пра адукацыю непаўнагадовых і групаў людзей. Ну і там шмат яшчэ цікавага.
Пачытайце: https://belsat.eu/85912385/antyrepetytarski-ukaz
Да Міністэрства Праўды засталося 3...2...1...
🥚Брамнік нарвежскага футбольнага клубу атрымаў у якасці ўзнагароды 120 яек
Ян дэ Бур – брамнік футбольнага клуба «Бруне» з Нарвегіі.
У нацыянальным чэмпіянаце яго каманда абыграла супернікаў з лікам 1:0, а сам дэ Бур быў прызнаны лепшым гульцом.
🏆 У якасці прыза брамніку ўручылі чатыры ўпакоўкі яек.
😢 «Закідвалі ў яму і трымалі разам з памерлымі»
З дэакупацыі Бучы мінула тры гады, але мясцовыя жыхары дагэтуль узгадваюць злачынствы расейскіх салдатаў. У той жа час ЗША выйшла з міжнароднай групы па расследаваннях злачынстваў РФ супраць Украіны.
🪖 У трэцюю гадавіну вызвалення Бучы ад расейскіх войскаў нашы журналісты пагутарылі з тымі, чые блізкія перад смерцю зазналі зверскія катаванні.
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Працягваем сачыць за таямнічай гісторыяй Анжалікі Мельнікавай
🔸Якія змены чакаюць беларусаў у красавіку
🔸Новапрызначаны міністр энергетыкі: ідзе падрыхтоўка да тэхнічных перамоваў з Расеяй па будаўніцтве ў Беларусі другой АЭС
🔸Чарговы калапс на польска-беларускай мяжы
🔸Агляд падзеяў замежжа
Далучайцеся да нашага эфіру ⤵️
https://www.youtube.com/live/c9u-G8taBxw
📌 У Літве знайшлі целы трох з чатырох амерыканскіх вайскоўцаў. Пошукі чацвёртага працягваюцца
Пра гэта паведамляецца на сайце камандавання арміі ЗША ў Еўропе і Афрыцы.
Асобы загінулых салдат, месца, дзе былі знойдзеныя целы і прычына смерці пакуль не паведамляюцца.
🇫🇷 У Францыі суд прызнаў лідарку ўльтраправых вінаватай у растраце сродкаў Еўрапарламенту
Марын Лё Пэн асудзілі да чатырох гадоў зняволення, з іх два – умоўна, і штраф у100 тысячаў еўраў.
Лё Пэн абвінавачваюць у арганізацыі фіктыўнай схемы найму працаўнікоў. Людзі, якіх афіцыйна ўладкоўвалі як памочнікаў еўрадэпутатаў ад «Нацыянальнага аб’яднання», насамрэч выконвалі заданні асабіста для Лё Пэн ці партыі. Праз гэта з бюджэту ЕЗ маглі быць скрадзеныя мільёны еўраў.
Партыя Лё Пэн назвала працэс «паляваннем на ведзьмаў» і «змовай» з мэтай не дапусціць ультраправых да ўлады