42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
🔥 Суд у ЗША стаў на бок радыё «Свабода»
Акруговы суд у Вашынгтоне 25 сакавіка задаволіў хадайніцтва «Radio Free Europe/Radio Liberty» супраць Агенцтва ЗША ў справе глабальных медыяў (USAGM). Наступным этапам будзе разгляд хадайніцтва РСЕ / РС супраць USAGM аб выдзяленні каля 77 мільёнаў долараў, прызначаныя Кангрэсам для дзейнасці кампаніі на рэшту 2025 фінансавага году да 30 верасня.
Паводле пастановы суда, USAGM дзеяла «самавольна і неабгрунтавана». Суддзя падкрэсліў, што ««тлумачэнне», дадзенае USAGM, наўрад ці можна назваць тлумачэннем». У паведамленне аб спыненні фінансавання сцвярджалася, што «грант больш не адпавядае прыярытэтам агенцыі»
«Кіраўніцтва USAGM не можа адным радком без тлумачэння прымусіць РСЕ / РС закрыцца – нават калі прэзідэнт сказаў ім гэта зрабіць»Читать полностью…
Трамп: Пуцін можа зацягваць час з мірнай дамовай
Прэзідэнт ЗША заявіў, што і сам часта выкарыстоўваў такую тактыку ў бізнесе:
«Я рабіў гэта шмат гадоў, разумееце? Я не хачу падпісваць кантракт адразу, я хачу заставацца ў гульні, але, магчыма, увогуле не хачу гэтага рабіць…» – сказаў Трамп.
Паводле яго, цяпер абодва бакі канфлікту губляюць у сярэднім 2 500 жаўнераў кожны тыдзень.
«Я бачу фатаграфіі з палёў бітваў; я б нават не хацеў іх бачыць. Усюды раскіданыя рукі, ногі, галовы… Узбраенне проста абсурднае. Цяпер усё трымаецца на беспілотніках… І я проста хачу, каб гэта спынілася», – зноў заявіў Трамп.
Ужо 18 чалавек сталі ахвярамі пажараў у Паўднёвай Карэі
Агонь знішчыў некалькі гістарычных будыйскіх храмаў, якім больш за тысячу гадоў. Полымя дабралося і да вёскі Хахве, якая ўваходзіць у Спіс сусветнай спадчыны ЮНЕСКА. Праводзіцца масавая эвакуацыя мясцовых жыхароў.
Пажары бушуюць ужо пяты дзень. Агонь успыхнуў у 180 кіламетрах ад Сеула і знішчыў больш за 15 тысяч гектараў лесу. Пацярпела інфраструктура, у тым ліку жылыя дамы і прадпрыемствы.
💥 #галоўнае за 25 сакавіка
✔️ Дзень Волі. Віншаванні ад Ціханоўскай, Сурвілы, Еўрадыпламатаў і Кіберпартызанаў. Прамова ў Сейме Літвы
✔️ «Гэтыя людзі робяць Беларусь бліжэйшаю да свабоды». Ціханоўская ўручыла ўзнагароды ў Дзень Волі
✔️ У Гарадзенскім раёне пачаліся вучэнні тэрытарыяльнай абароны
✔️ Ля літоўскага Сейму ўзнялі наш сцяг!
✔️ Глаўрэд the Atlantic выпадкова трапіў у закрыты чат Белага дома пра бамбаванні хусітаў
✔️ Пашпарты Новай Беларусі не будуць друкаваць у Літве
✔️ Расея і ЗША дамовіліся спыніць атакі на караблі ў Чорным моры
✔️ Беларускія лёгкаатлеты засталіся пад банам
✔️ Беларусы засталіся без электронных рэцэптаў і бальнічных праз санкцыі
✔️ Пратэсты ў Турэччыне не спыняюцца, але Эрдаган не збіраецца саступаць
🐻 Каб адпудзіць мядзведзя – трэба стаць мядзведзем
Падыход, канешне, крэатыўны, але паўтараць не рэкамендуецца 😁
Паглядзіце!
🇹🇷 Пратэсты ў Турэччыне не спыняюцца, але Эрдаган не збіраецца саступаць
У пратэстах бярэ ўдзел шмат моладзі, якая не бачыла Турэччыны без Эрдагана. Паводле пратэстоўцаў, на іх «палююць, як на прусакоў»: распыляюць пярцовы газ, «як інсектыцыд». Паводле афіцыйных звестак, якія перадае «Reuters», за першыя пяць дзён былі затрыманыя 1133 чалавекі.
Каротка распавядаем галоўнае пра пратэсты ў Турэччыне на нашай старонцы (праз VPN)
❤️🩹 Гэтая дзяўчынка – проста дыснэўская прынцэса!
Ёй удаецца супакоіць любую жывёліну сваёй калыханкай.
Паглядзіце, як яна гэта робіць!
🎨 Маленькі горад – вялікае мастацтва
У польскім Кольне адкрылася выстава Марка Шагала
Паглядзіце, як гэта было!
🤔 «Выраб перанясём у іншую краіну»
Святлана Ціханоўская абвесціла пра «перанос нашага «чырвонага пашпарту» у тыя краіны, дзе праблема з дакументамі ніяк не вырашана».
👉 «Белсат» спытаў у галоўнага дарадцы Ціханоўскай Франка Вячоркі, што гэта значыць.
📌 «Не будуйце новай жалезнай заслоны»
На Дзень Волі Святлана Ціханоўская звярнулася да літоўскіх дэпутатаў на пленарным пасяджэнні Сейму. Яна падзякавала суседняй краіне за дапамогу рэпрэсаваным і падтрыманне беларускіх арганізацыяў у выгнанні і заклікала не ізаляваць беларусаў ад свабоднага свету:
«Прашу вас: ізалюючы рэжым, не будуйце новай жалезнай заслоны! Візы і захаванне пасажырскага руху – усё гэта ўмацоўвае сувязь беларусаў з Еўропаю. Мяжа з Літвою сёння – гэта мяжа са свабодным светам»
🔥❤️ Кіберпартызаны павіншавалі беларусаў з Днём Волі
Гэтым разам яны ўзламалі старонку ГЦ «Замак».
Паглядзіце, якая прыгажосць 👉 Вэб-архіў
🤯 «Кашмар бяспекі». Глаўрэд the Atlantic выпадкова трапіў у закрыты чат Белага дома пра бамбаванні хусітаў
Яго прысутнасць у чаце заўважылі толькі праз два дні!! Да таго часу перапіска ўжо ўтрымлівала шмат звестак аб рыхтуюцца бамбаваннях гусітаў.
🤔 Запрашэнне ў закрыты чат «Гусіты ПК цесная група» галоўны рэдактар the Atlantic Джэфры Голдберг выпадкова атрымаў ад дарадцы прэзідэнта ЗША па нацбяспецы Майкла Уолтца. У групе знаходзіліся высокапастаўленыя чыноўнікі, уключаючы дзяржсакратара Марка Рубіа і віцэ-прэзідэнта Джэя дзі Вэнса.
Па словах глаўрэда, у перапісцы абмяркоўваліся ўдары па гусітах. Вэнс, у прыватнасці, выступаў супраць неадкладных бамбаванняў і прапаноўваў іх адкласці.
👉 Паводле інфармацыі Politico, Белы дом разглядае магчымасць адстаўкі Уолтца праз інцыдэнт, які адбыўся. Аднак афіцыйна ўлады гэта абвяргаюць. Трамп заявіў, што наогул не ведаў пра інцыдэнт і назваў the Atlantic часопісам, «які вось-вось зачыніцца».
📺 Навіны за 5 хвілін
✔️Святлана Ціханоўская павіншавала беларусаў з Днём Волі
✔️Нелегітымная інаўгурацыя Лукашэнкі
✔️Беларусь – у лідарах паводле дэпрэсіяў у свеце
✔️У Беларусі скароцяць план прыёму ў ВНУ
✔️Пад Магілёвам жанчына выратавала зайчаня
Глядзіце ў кароткім выданні навін на Белсаце 💻
😢 За месяц намінальны сярэдні заробак беларусаў вырас усяго на 70 капеек
Белстат апублікаваў свежыя звесткі наконт заробкаў у лютым. Рост заробкаў, у параўнанні з мінулым месяцам, выглядае максімальна сімвалічным. А ў некаторых сферах і гарадах заробкі нават панізіліся.
👉 «Белсат» прааналізаваў лічбы.
👨❤️💋👨 🥂 «Цяпер мы муж і муж»
Блогер Vadimati распісаўся са сваім партнёрам Дзянісам. Гэта дапаможа ім уз'яднацца ў Польшчы пасля вымушанага адʼезду з Беларусі, распавёў блогер у «Студыі Белсат». Цырымонія прайшла онлайн у амерыканскім штаце Юта.
❤️ Вадзім і Дзяніс разам ужо больш за 10 гадоў. Пасля вызвалення ў 2024 годзе Вадзім зʼехаў у Польшчу, дзе папрасіў міжнародную абарону. А Дзяніс у 2025 годзе ў Літву.
І хоць Польшча афіцыйна не прызнае аднаполыя шлюбы, але ў некаторых выпадках, напрыклад пры падачы на міжнародную абарону, афіцыйнае пасведчанне аб шлюбе, якое зараз маюць хлопцы, можа быць улічанае як сямейная сувязь.
😢 Вадзім Ермашук правёў у няволі тры гады «за абразу» Лукашэнкі і «здзек з дзяржаўных сімвалаў». На «зоне» за ім замацавалі так званы «нізкі статус», так што да палітвязня нікому «не паложана» было нават дакранацца.
📌 У беларускіх ВНУ сёлета закрыюць 45 спецыяльнасцяў
Гэтак Міністэрства адукацыі выконвае «першае жалезнае патрабаванне» Лукашэнкі – спыніць няпрофільную падрыхтоўку ў ВНУ.
Па словах міністра адукацыі Беларусі ☝️ Андрэя Іванца, спецыялістаў гэтых кірункаў працягнуць рыхтаваць, аднак толькі ў тых ВНУ, што маюць адпаведны «кваліфікаваны прафесарска-выкладчыцкі склад і неабходную матэрыяльна-тэхнічную базу»
Таксама сёлета ВНУ Беларусі перагледзелі 1500 навучальных праграмаў. Паводле Іванца, гэта «дало магчымасць выключыць састарэлыя дысцыпліны» і абнавіць праграму згодна з сучаснымі патрабаваннямі.
Акрамя таго, быў скарочаны тэрмін навучання ў беларускіх ВНУ для выпускнікоў каледжаў: да 2,5 – 3 гадоў замест ранейшых 3,5 – 4 гадоў.
Загінула ваенная прапагандыстка «Першага каналу» Ганна Пракоф’ева
Гэта адбылося каля вёскі Дзямідаўка ў Белгародскай вобласці, дзе апошнія дні ідуць баі, – паведамляюць ейныя калегі.
Пракоф’ева была пазнавальнай асобай сярод расейскіх Z-ваенкараў. Яна вяла тг-канал з 9 тысячамі падпісчыкаў і рабіла рэпартажы з «гарачых кропак».
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Беларусы Вільні адсвяткавалі Дзень Волі
З нагоды 107-й гадавіны абвяшчэння БНР беларусы Вільні выйшлі на марш і шэсце да амбасады Беларусі. Як гэта было – глядзіце ў фотарэпартажы «Белсату» (праз VPN).
🔺 Пашпарты Новай Беларусі не будуць друкаваць у Літве
«Белсат» спытаў у галоўнага дарадцы Ціханоўскай Франака Вячоркі, што гэта можа значыць і дзе цяпер могуць друкаваць гэты дакумент. Адказы чытайце па спасылцы (праз VPN).
🔺 Калі беларусы былі больш вольныя?
У Дзень Волі разам з Цімохам Акудовічам прайшліся па старонках нашай гісторыі — ад сучаснай Беларусі да часоў Вітаўта і Рагвалода. Калі беларусы адчувалі сапраўдную свабоду? І што гэта значыла ў розныя эпохі? Чытайце ў нашым матэрыяле (праз VPN).
#штопачытаць
#рэпрэсіі Асноўнае за 25 сакавіка
🔻 Пачаліся затрыманні па справе «Беларускага Гаюна»
🔻 У Беларусі прызналі «экстрэмісцкаю» кнігу пра Лукашэнку
🔻 У Беларусі прызналі «экстрэмісцкімі» сацсеткі Славы Камісаранкі
🔻 Сёння адбылася сёмая «інаўгурацыя» Лукашэнкі
🔻 Чатыры гады за кратамі. Храналогія няволі Анджэя Пачобута
❤️ Сёння нашыя сцягі лунаюць ва ўсім свеце
Беларусы адзначаюць Дзень Волі ў Польшчы, Літве, Чэхіі, Нямеччыне, Канадзе, ЗША ды іншых краінах. Як выглядаюць гэтыя святкаванні ды пра што мараць удзельнікі, глядзіце ў нашым сюжэце ☝🏻
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸Як адзначылі Дзень волі беларусы ў розных краінах
🔸Як абвяшчалі незалежнасць БНР і якое значэнне падзея мае для станаўлення беларускай дзяржаўнасці
🔸Інаўгурацыя Лукашэнкі. Ці атрымалася зацьміць Дзень волі?
🔸Упершыню дэмакратычную дэлегацыю з Беларусі запрасілі на сесію Кангрэса Рады Еўропы па мясцовым самакіраванні. Як гэты досвед прыдасца ў будучыні?
Далучайцеся да нашага эфіру ⤵️
https://www.youtube.com/live/JgxU4V17M0U
✝️ Папа рымскі прызначыў кіраўніка амбасады Ватыкану ў Беларусі
Апостальскую нунцыятуру ў Беларусі ўзначаліў сіцыліец Інняц'ё Чэфалья.
☝️ Чэфалья – нарадзінец Палерма, яму 49 гадоў. Дыпламатычную службу распачаў у 2006 годзе. Валодае італьянскай, албанскай, французскай, англійскай, іспанскай мовамі.
Працаваў у прадстаўніцтвах Ватыкану ў Эквадоры і Тайландзе, у Пастаяннай місіі пры Савеце Еўропы ў Страсбуры, у Секцыі ў справах стасункаў з дзяржавамі і міжнароднымі арганізацыямі Дзяржаўнага сакратарыята. Да апошняга часу нёс служэнне ў Венесуэле.
Апостальская нунцыятура – гэта амбасада Ватыкану. У Беларусі яна зʼявілася ў 1992 годзе пасля ўсталявання дыпламатычных стасункаў з Святым Прастолам.
⚡️ Расея і ЗША дамовіліся спыніць атакі на караблі ў Чорным моры
Пра гэта паведамляе Белы дом. Таксама ЗША пацвердзілі, што Украіна пагадзілася не атакаваць камерцыйныя караблі.
Вашынгтон таксама заявіў аб пачатку працы з Кіевам над механізмам забароны нападаў на энергетычныя аб'екты ў Расеі і Украіне.
🤔 Акрамя таго, ЗША паабяцалі дапамагчы Расеі вярнуць доступ да сусветнага рынку для экспарту сельгаспрадукцыі і ўгнаенняў. Гэтыя дамоўленасці сталі вынікам сустрэчы дэлегацый дзвюх краін у Эр-Рыядзе.
😱 Моцны вецер разбурыў дахі дамоў і школ у Магілёўскай вобласці
Паводле інфармацыі МНС, найбольш адчувальныя наступствы непагоды былі зафіксаваныя ў шасці населеных пунктах Горацкага і Мсціслаўскага раёнаў Магілёўскай вобласці. Там пашкоджаныя дахі трох жылых дамоў, дзвюх школ, шасці сельскагаспадарчых будынкаў і адной гаспадарчай пабудовы. Па папярэдніх звестках, пацярпелых няма.
А «Белэнерга» паведаміў, што на працягу сутак на тэрыторыі краіны перыядычна парушалася электразабеспячэнне 223 населеных пунктаў.
Акрамя таго, з-за непагоды былі абясточаныя 889 трансфарматарных падстанцыяў і 23 сельскагаспадарчыя аб’екты.
🤡 Паабяцаў «не кінуць і не збегчы»
Як прайшла сёмая «інаўгурацыя» Лукашэнкі
Глядзіце ў відэа ☝️
А таксама, чым гэтая інаўгурацыя адрознівалася ад папярэдніх, «Белсат» спытаў медыяэксперта
❗️ Пачаліся затрыманні па справе «Беларускага Гаюна»
Праваабаронцы паведамляюць, што сёння 25 сакавіка ў Беларусі былі затрыманыя некалькі чалавек.
Дакладная колькасць людзей, а таксама якія артыкулы інкрымінуюць – не ўдакладняецца
#рэпрэсіі
🤍❤️🤍Ля літоўскага Сейму ўзнялі наш сцяг!
Паглядзіце, як гэта адбывалася.
💱 Курсы валютаў 25 сакавіка
Долар нязначна падрос. Еўра вырас зусім крыху. Расейскі рубель страціў зусім крыху.
#курсвалютаў
✊ ❤️ «Як бы нас ні спрабавалі запалохаць або зламаць, мы ўпэўнена і з годнасцю кажам: Жыве Беларусь!»
25 сакавіка, у 107-ю гадавіну абвяшчэння Беларускай Народнай Рэспублікі, Святлана Ціханоўская звярнулася да беларусаў з віншаваннем з Днём Волі. У сваім звароце яна заявіла, што беларусы ніколі не перастануць імкнуцца да свабоды і незалежнасці.
☝️А таксама беларуская лідарка падкрэсліла: пасля кожнай спробы знішчыць волю беларускага народу, выкарыстоўваючы запалохванні, рэпрэсіі і арышт актывістаў, з’яўляюцца новыя абаронцы свабоды, якія ніколі не забудуць злачынстваў уладаў:
«Падумайце: ужо 30 гадоў рэжым робіць усё, каб знішчыць нашую волю. Нас спрабуюць запалохаць, арыштаваць, раз’яднаць – з разлікам, што мы здадзімся. Але чалавеку нельга забараніць імкнуцца да свабоды. Кожны палітвязень – гэта цэлая сям’я, якая ніколі не даруе рэжыму яго злачынстваў. Кожная спроба заглушыць нас прыводзіць да з'яўлення новых і новых абаронцаў свабоды і незалежнасці»Читать полностью…
🤔 Як БНР прымусіла Леніна стварыць БССР
Абвешчаная 25 сакавіка 1918 года БНР прымусіла Леніна стварыць БССР (ССРБ). Паўплывалі на гэта беларускія камуністы Жылуновіч і Чарвякоў.
Але ў чым БНР і БССР падобныя і чаму Дзень Волі – свята?
👉 Апавядаем у новым выпуску «Вусы Скарыны»