2879
БССР 1920-х, 1930-х. Кнігі, газеты, часопісы, фота, архітэктура. Дапамога праекту: patreon.com/belaruskipioner boosty.to/belaruskipioner Другі канал пра крымінал у БССР 1920-х: @crime1920s Сувязь: @pionerbel
#фотабсср
Лакаматыўная брыгада, якая атрымала першае месца ў конкурсе якасці працы, побач з паравозам маркі Эу708-17. Фота імаверна 1930-х гадоў. Паравоз з такім нумарам згодна з інтэрнэт-каталогам быў выпушчаны на мяжы 1930 і 1931 гадоў. На перыяд 30-х яшчэ можа ўказываць напісанне Б.С.С.Р. вакол зоркі на паравозе (на пасляваеннных фота цягнікоў я такога не прыгадваю) і слова "свАечасовы", напісанае у форме, што была да рэформы беларускага правапісу 1933 года.
Крыніца: сайт Беларускай чыгункі.
#фотабсср
Дрэваапрацоўчы камбінат у Бабруйску на фота пачатку 1930-х гадоў.
#рабочий
Перадавіца менскай газеты "Рабочий" ад 22 снежня 1930 года, прысвечаная 10-годдзю плана электрафікацыі СССР, гэты дзень у наш час святкуецца як "Дзень энергетка".
#кнігібсср
Вокладка зборніка песен "Піонэрскі сьпеўнік", Менск, 1926 год.
#звязда
Праблемы імпартазамяшчэння - заметка з газеты "Звезда" №137 1927 года.
#савецкаябеларусь
Сёння сяткуецца 100 гадоў беларускага кіно. Адлік вядзецца ад пастановы СНК БССР ад 17 снежня 1924 года аб стварэнні пры Наркамаце асветы установы "БелДзяржКіно". На пачатку яна займалася пракатам кінастужак на тэрыторыі Беларусі, вытворчасць уласных фільмаў на студыі "БелДзяржКіно" пачалося ў 1926 годзе, назву "Беларусьфільм" яна атрымала ужо пасля вайны ў 1946 годзе.
На ілюстрацыі навіна пра стварэнне "БелДзяржКіно" з газеты "Савецкая Беларусь" №293 1924 года.
#мастацтвабсср
Карціна Мікалая Дучыца "З вакна дома мастака" (бачна будоўля опернага тэатра), 1938 год.
#кнігібсср
Вокладка зборніка "Беларускія народныя песьні", Менск, 1928 год.
#беларускіпіонэр
Ледзь не прапусціў юбілей - сёлета ў снежні спаўняецца 100 гадоў з выхаду першага нумара часопіса "Беларускі піонэр" №1 1924 года (ад гэтай даты вядзе адлік гісторыі і сучасны дзіцячы часопіс "Бярозка").
Першы нумар выйшаў пад рэдакцыяй паэта Уладзіміра Дубоўкі. У нумары былі надрукаваня таксама два ягоных вершы, а таксама верш-песня Міхася Чарота, апавяданне Міхася Зарэцкага і творы іншых папулярных у 1920-я гады аўтараў.
Па легендзе, вокладка першага нумара выклікала пытанні ў кіраўніцтва БССР, бо ў завастрэнні сярпа бачылася стрэлка нападу на Вільню, што падалося занадта ваяўнічым пасылам (ну яшчэ там на карце БССР два Барысавы).
#архітэктурабсср
Міжваенны будынак былой "Другой аршанскай узорнай школы імя 1905 года" у Оршы (сучасны адрас: вул.Астоўскага,19) на фота розных часоў:
1. Школа пасля адкрыцця, 1929 год.
2. Школа на здымку 1940 года.
3. Сучасны стан будынка (у 1976 годзе быў пабудаваны новы школьны будынак у іншым раёне горада, стары даваенны быў перабсталяваны пад адміністрацыйны будынак).
#чырвонаязьмена
Фота з дэманстрацыі ў Менску 7 лістапада 1936 года з газеты "Чырвоная змена" (знайшоў В.Аніська).
#звязда
У наш час навіны, пра тое, што ў чалавека недзе патрапіла маланка, даволі рэдкія (летняя навіна пра смерць ад маланкі футбаліста ў Перу абляцела ўвесь свет), у Беларусі ж за мінулы год такіх навін увогуле не было, але сто гадоў таму сітуацыя, відаць, была іншай. Толькі за час адной вялікай залевы ў чэрвені 1927 года на тэрыторыі двух раёнаў БССР загінула ад маланкі ажно 5 чалавек (і калі згадваць нядаўні пост пра чарговае затапленне Нямігі ў Менску ў тым жа 1927-м, то там згадвалася смерць ад маланкі аднаго чалавека ў горадзе).
"Звезда" №136 1927.
Обложка книги «Сосны говорят»
Автор: Кузьма Черный
Художник: Борис Титов
Издательство: ГОСИЗДАТ
Год: 1930
Из собрания МИРА коллекция
Коллекции: Книжные обложки
#ленінскішляхслуцк
Відаць, п'янства было заўважнай праблемай у БССР 1930-х, калі слуцкая раёнка "Ленінскі шлях" толькі ў адным нумары №145 1935 года змясціла адразу дзве заметкі пра п'янкі, якімі займаюцца адказныя працаўнікі раёна замест работы.
#плакатыбсср
Плакат "Пяцігодка БССР".
Мастакі: Л.Зусман, В.Філіпоўскі, канец 1920-х гадоў.
Старонка з "Беларускага работніцка-сялянскага календара" (выдадзены ў Менску ў выдавецтве "Савецкая Беларусь"), за снежань 1924 года, дзе каталіцкія каляды 25-26 чысла пазначаны выходнымі.
Читать полностью…
#архітэктурабсср
Завяршальны этап будаўніцтва Беларускай Дзяржаўнай раённай электрастанцыі (БелДРЭС) і падстанцыі 110кВ пры ёй у Арэхаўску на фота 1930 года. Гэта была першая вялікая электрастанцыя рэспубліканскага значэння, ад якой сілкавалася адразу некалькі гарадоў (Віцебск і Орша). З яе ўвядзення ў работу 7 лістапада 1930 года пачынаецца гісторыя беларускай энэргасістэмы.
#звязда
Перадавіцы газеты "Звязда" ад 21 снежня 1929 і 1939 года, прысвечаныя адпаведна пяцідзесяцігоддзю і шасцідзесяцігоддзю Іосіфа Сталіна адпаведна.
Дарэчы, я ўжо неяк пісаў, што ў 1929 годзе беларуская прэса чамусці двойчы віншавала Сталіна з юбілеем, чаму так адбылося застаецца загадкай.
#звязда
Расклад урачыстых мерапрыемстваў да 10-годдзя ВЧК-АДПУ у Беларусі. Заметка з газеты "Зьвязда" №288 1927 года.
#афішыбсср
Афішы першых фільмаў студыі "БелДзяржКіно", якія выйшлі ў 1926-27 гадах: "Прастытутка", "Лясная быль", "Яго яснавяльможнасць" і "Кастусь Каліноўскі".
ПАШПАРТ БССР 1920-х. Выдадзены ў 1925 г.,
бланк 1922 г.
#дакументы
#пашпартБССР
#пашпарт
Даследчык гісторыі шашак у Беларусі Віталь Аніська працягвае свае росшукі - гэтым разам у яго выйшаў лонгрыд пра пра старшыняў шахматна-шашачнай секцыі БССР ў 1920-я, 1930-я гады:
https://telegra.ph/Da-100-goddzya-shahmatna-shashachnaj-sekcy%D1%96-Belarus%D1%96-galo%D1%9Eny-cehnzar-BSSR-rastratchyk-uradzhehnec-Londana-ardehnanosec-malady-ma-12-12
#беларускіпіонэр
Поўны скан першага нумара часопіса "Беларускі піонэр" №1 1924, якому сёлета спаўняецца 100 гадоў.
Крыніца: Нацыянальная бібліятэка Беларусі.
#архітэктурабсср
Яшчэ адзін цікавы міжваенны будынак у Оршы, на які я не звяртаў раней увагі - гэта чыгуначная паліклініка на вуліцы Молакава д.5.
Па выгляду гэта пабудова канца 1920-х, пачатку 1930-х.
На жаль, даваенных фотак знайсці не ўдалося, ёсць толькі здымак 1960-х (фота 2), 2000-х (фота 1 з архіва Я.Марозава) і сучасны здымак з Гугл-карт (фота 3).
СМАК БЕЛАРУСКАЙ МОВЫ 1920-х. "ТЫМЧАСОВАЕ ПАСЬВЕДЧАНЬНЕ АСАБОВАСЬЦІ". 1926 г. Бабруйск.
#дакументы
#БССР
#кнігібсср
Вокладка кнігі "Беларусь: нарысы гісторыі, эканомікі, культуры і рэвалюцыйнага руху" выдавецтва ЦВК БССР, Менск, 1924 год.
Фабрика-кухня в результате послевоенной реконструкции: общий вид, ресторан и столовая
Грубер И. Я.
БГАНТД, Ф. 188
БГАКФФД
Вокладка перакладу на рускую мову кнігі беларускага пісьменніка Кузьмы Чорнага "Хвоі гавораць" 1926 года напісання:
Читать полностью…
ТОРГСИН. БССР. Ордер на покупку товаров в магазине ТОРГСИНа (г. Минск, ул. Ленина 15) на 5$ отправленных из США (Кливленд, Огайо) Арону Давиду Хургелю (БССР, Минск). 1932 год. #ТОРГСИН #Документы #БССР
Читать полностью…
#звязда
5 снежня 1936 года на VIII Усесаюзным надзвычайным з'ездзе саветаў СССР была зацверджана новая рэдакцыя Канстытуцыі СССР (так званая "Сталінская канстытуцыя"), якая дзейнічала (са зменамі і дадаткамі) да 1977 года.
Перадавіца газеты "Звязда" №279 1936 года з навіной пра зацвярджэнне новай канстытуцыі.